567148
ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
ပြည်သူအပေါ် အနစ်နာခံမှု နှင့် နိုင်ငံရေး ဦးဆောင်မှုပေးနေသော ဒေါ်အောင်ဆန်းစုကြည်ကို ပြည်သူ့ဂုဏ်ရည်ဆုရှင်အဖြစ် ရွေးချယ်
ရန်ကုန်၊ ဧပြီ ၂၄
ပြည်သူအပေါ် အနစ်နာခံမှု၊ မေတ္တာတရားနှင့် နိုင်ငံရေး ဦးဆောင်မှုပေးနေသော ဒေါ်အောင်ဆန်းစုကြည်ကို ပြည်သူ့ဂုဏ်ရည်ဆုရှင်အဖြစ် ရွေးချယ်လိုက်ကြောင်း ပြည်သူဂုဏ်ရည်အသင်းက သတင်းထုတ်ပြန်သည်။
၂၀၂၅ ခုနှစ် ၁၆ ကြိမ်မြောက် ပြည်သူ့ဂုဏ်ရည်အသင်း၏ ဂုဏ်ပြုသူအဖြစ် အကျဉ်းကျခံနေရသော ပြည်သူ့ခေါင်းဆောင် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ရွေးချယ်ခဲ့ခြင်းဖြစ်သည်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သူမ၏ ဘဝတစ်လျောက်လုံး မြန်မာနိုင်ငံ နှင့် ပြည်သူများအပေါ် ထားရှိသော အနစ်နာခံမှု၊ မေတ္တာတရားနှင့် နိုင်ငံရေး ဦးဆောင်မှုများအပေါ် ကျေးဇူးတင်စကားဆိုခြင်းနှင့် အကြမ်းဖက် စစ်အာဏာရှင်ကို ဒူးမထောက်ဘဲ ကြံ့ကြံ့ခံတွန်းလှန်နေ သည့် စိတ်ခွန်အားများကို ဦးညွှတ် ဂုဏ်ပြုခြင်းလည်း ဖြစ်ကြောင်း အသိပေးထားသည်။
မတရားဖမ်းဆီး ထိန်းသိမ်းခံနေရသော ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသား များ နှင့်အတူ တစ်မျိုးသားလုံး စစ်ကျွန်ဘဝ လွတ်မြောက်ရေးအတွက် ပြည်သူ့ဂုဏ်ရည် အသင်းကြီး က ဆက်လက် အားစိုက် ကြိုးပမ်းသွားမည်ဖြစ် ကြောင်း ပြည်သူ့ဂုဏ်ရည်အသင်းက သတင်းထုတ်ပြန်ထားသည်။
Khit Thit သတင်းဌာန၏ ဧပြီ ၂၄ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၂၄ ရက် ညနေပိုင်း တင်ဆက်ပေးမယ့် သတင်းတွေကတော့
- အကြမ်းဖက် စစ်ကောင်စီက မြန်မာနိုင်ငံအတွင်း သွင်းကုန်တွေ တင်သွင်းမှုကို လုံး၀ ထိန်းချုပ် လိုက်ပြီးတဲ့နောက် ဘိလပ်မြေ၊ သံ၊ ဆောက်လုပ်ရေးသုံးပစ္စည်းနဲ့ ကားတင်သွင်းခွင့် ပါမစ်တွေကို မင်းအောင်လှိုင်သားအောင်ပြည့်စုံ၊ သမီးခင်သီရိသက်မွန် နဲ့ မိတ်ဘက် စီးပွားရေးသမားတွေက အခွင့်ထူးခံရရှိပြီး ပါမစ်တွေကို ပြန်ရောင်းနေတဲ့ သီးသန့် အရောင်းအဝယ်စျေးကွက်ကြီး ဖြစ်ထွန်း နေတယ်လို့ UMFCCI ရဲ့ စီးပွားရေးအသိုင်းအ၀ိုင်းက ရန်ကုန်ခေတ်သစ်ကိုပြောပါတယ်။
- အကြမ်းဖက် စစ်ကောင်စီက သူတို့ကိုယ်တိုင် ဒုတိယအကြိမ် ၇ ရက် အပစ်ရပ်ကြေညာ ပြီးတဲ့ နောက်မှာပဲ ကချင်ပြည်နယ်က မိုးညှင်းနဲ့ဗန်းမော်ဘက်တွေမှာ လေကြောင်းတိုက်ခိုက်မှု တွေကြီးကျယ် လုပ်နေသလို ၊ ဖားကန့်ဘက်မှာလည်း အလုံးရင်းနဲ့ စစ်ကြောင်းထိုးလာပြန်တယ်လို့ KIA စစ်ရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- အကြမ်းဖက် မြန်မာ စစ်ကောင်စီအနေနဲ့ ပြည်သူတွေပေါ် အကြမ်းဖက်မှုတွေကို ချက်ချင်းရပ်တန့်ပြီး မတရားဖမ်းဆီးထားသူအားလုံး ပြန်လွှတ်ပေးဖို့ အမေရိကန်က ထပ်ပြောလိုက်ပြန်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://www.youtube.com/watch?v=8hPZUUk4vps
ရွှေကျင်မြို့နယ်တွင် စစ်ကောင်စီတပ်၏ ကွမ်းဆိပ်စစ်စခန်းကို KNLA ၊ PDF ပူးပေါင်းတပ်များက သိမ်းပိုက်ရရှိ
ရန်ကုန်၊ဧပြီ ၂၄
ပဲခူးတိုင်း၊ ရွှေကျင်မြို့နယ်တွင် စစ်ကောင်စီတပ်၏ ကွမ်းဆိပ်စစ်စခန်းကို KNLA ၊ PDF ပူးပေါင်းတပ်များက သိမ်းပိုက်ရရှိကြောင်း ပြည်သူ့ကာကွယ်ရေးတပ်မတော်၊ တောင်ပိုင်းတိုင်းစစ်ဒေသမှ တပ်မှူးတစ်ဦးက အတည်ပြုပြောဆိုသည်။
ဧပြီလ ၂၃ ရက်နေ့ နံနက်ပိုင်းတွင် အဆိုပါ စစ်တပ်၏ ကွမ်းဆိပ်စခန်းကို သိမ်းပိုက်ရရှိခြင်းဖြစ်ပြီး KNLA PDF ပူးပေါင်း မဟာမိတ်တပ်များ၏ ပူးပေါင်းစစ်ဆင်ရေးဖြင့် တိုက်ခိုက်ခဲ့ခြင်းဖြစ်ကြောင်း သိရှိရသည်။
"ပူးပေါင်းစစ်ဆင်ရေးပါ။ မနေ့က မနက်က သိမ်းရတာပါ။ လောလောဆယ်အထိ အဲဒီဒေသမှာ တိုက်ပွဲရှိနေပါတယ်" ဟု ပြည်သူ့ကာကွယ်ရေးတပ်မတော်၊ တပ်မှူး တစ်ဦးကရှင်းပြသည်။
လက်ရှိတွင် KNU တပ်မဟာ များအားလုံးတွင် စစ်ကောင်စီတပ်စခန်းများကို တော်လှန်ရေးတပ်များက စုစည်းညီညွတ်စွာဖြင့် ထိုးစစ်ဆင်လျက်ရှိပြီး KNU တပ်မဟာ ၇ အတွင်း ထိုင်း-မြန်မာနယ်စပ်အနီးမှ စစ်တပ်စခန်းများကို ဆက်တိုက် တိုက်ခိုက်သိမ်းပိုက်လျက်ရှိကြောင်း KNLA သတင်းရင်းမြစ်က အတည်ပြုပြောဆိုသည်။
ဓာတ်ပုံ - ယခုနှစ်၊ မတ်လအတွင်း စစ်ကောင်စီ ၏သပြေညွန့်စခန်းသိမ်းတိုက်ပွဲမှ သေဆုံးစစ်သားများ။
အုတ်ဖိုတွင် "PDF တွေ သေရဲရင် လာခဲ့"ဟု စိန်ခေါ်ခဲ့သည့် ငရှည့်ရိုးအုပ်စု အုပ်ချုပ်ရေးမှူး နိုင်ဦး ပစ်ခတ်ခံရပြီး သေဆုံး
ရန်ကုန်၊ ဧပြီ ၂၁
ပဲခူးတိုင်း၊ အုတ်ဖိုမြို့နယ်တွင် "PDF တွေ သေရဲရင် လာခဲ့"ဟု စိန်ခေါ်ခဲ့သည့် ငရှည့်ရိုးအုပ်စု အုပ်ချုပ်ရေးမှူး နိုင်ဦး ပစ်ခတ်ခံရ၍ ပွဲချင်းပြီး သေဆုံးခဲ့ကြောင်း သာယာဝတီခရိုင် PDF မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယမန်နေ့ ဧပြီလ ၂၀ ရက်နေ့ နံနက် ၆ နာရီ ၁၀ မိနစ်ခန့်အချိန် အုတ်ဖိုမြို့နယ်၊ ကျောင်းစုရွာတွင် နေထိုင်သော ငရှည့်ရိုးအုပ်စု အုပ်ချုပ်ရေးမှူး နိုင်ဦးသည် လူငယ်များကို ပေါ်တာဆွဲ ဖမ်းဆီးရန် ငရှည့်ရိုးရွာ အလှူသို့ ရောက်ရှိနေစဉ် သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက် ပြောက်ကျားတပ်ဖွဲ့မှ တော်လှန်ရေး ရဲဘော်များက ငရှည့်ရိုးရွာလယ် အလှူမဏ္ဍပ် အနီး ၎င်းကို ပစ်ခတ် တိုက်ခိုက်ခဲ့ကြောင်း သိရသည်။
ယင်း တိုက်ခိုက်မှုအတွင်း အုပ်ချုပ်ရေးမှူး နိုင်ဦးသည် ဦးခေါင်းတည့်တည့် သေနတ်ကျည်ဆန် ၁ ချက် ထိမှန် ပွဲချင်းပြီးသေဆုံးကာ ၎င်းထံမှ လက်ပစ်ဗုံး ၂ လုံး၊ မိုလ်ဘိုင်းဖုန်း ၁ လုံး၊ ငွေသား ၁၀၀၀၀၀ ကျပ် နှင့် မှတ်ပုံတင် ၁ ခု တို့ သိမ်း ဆည်းရရှိခဲ့ကြောင်း သိရှိရသည်။
စစ်ကောင်စီခန့် အုပ်ချုပ်ရေးမှူး နိုင်ဦးသည် အကြမ်းဖက် စစ်တပ်က ထုတ်ပေးထားသည့် သေနတ် နှင့် လက် ပစ်ဗုံးပြ၍ ပြည်သူများထံမှ စစ်မှုထမ်းကြေးဟု ဆိုကာ ငွေကြေးများ ခြိမ်းခြောက် ကောက်ခံခြင်း၊ လူငယ်များကို အတင်း အကျပ် ပေါ်တာဆွဲ ဖမ်းဆီးရုံသာမက အသက်၆၀ ကျော်အရွယ် အမျိုးသားများကိုပါ ပေါ်တာဆွဲဖမ်း ဆီး ခြိမ်းခြောက်ငွေညှစ်ခြင်း၊ တော်လှန်ရေးတပ်ဖွဲ့များနှင့် ပြည်သူများအား ဆဲဆိုစိန်ခေါ်ခြင်း၊ အုတ်ဖိုမြို့ အနောက် ခြမ်းရှိ ကျေးရွာများကို စကစများနှင့် အတူ ပေါ်တာဆွဲ ဖမ်းဆီးခြင်းများ လုပ်ဆောင်နေခြင်းကြောင့် တိုက်ခိုက်ခဲ့ခြင်းဖြစ်ကြောင်း သိရသည်။
"အုပ်ကြီး နိုင်ဦးက PDF တွေ သေရဲရင် အုတ်ဖို အနောက်ခြမ်းကိုလာခဲ့ကြ ငါစောင့်နေမယ်လို့ စိန်ခေါ်တယ်။ ခုည အလှူလာမယ့် လူငယ်တွေကို အုပ်ကြီးနိုင်ဦးနဲ့ စစ်ခွေးတွေ ပေါ်တာဆွဲမယ့် အတွင်း သတင်းရလို့ ငရှည့်ရိုးကိုသွားပါတ ယ်။ ရွာလယ်က အလှူမဏ္ဍပ်မှာ ထိုင်နေတဲ့သူ့ကို အပြင်ခေါ်ထုတ်ပြီး ခေါင်းကိုသေနတ်နဲ့ ၁ ချက် ပစ်ခတ်ရှင်းလိုက်တာပါ။ ဒီကောင်က သူအုပ်ချုပ်တဲ့ ငရှည့်ရိုးအုပ်စုက ရွာတွေအပြင် အုတ်ဖိုမြို့ အနောက်ခြမ်းက ထူးကုန်းအုပ်စု၊ မတောင့်တအုပ်စုနဲ့ နနွင်းကုန်းအုပ်စုထဲက ရွာတွေကိုပါ စစ်ခွေးတွေနဲ့ အတူ ရွာစဥ်လှည့် ပေါ်တာဆွဲနေတာ" ဟု သာယာဝတီခရိုင် PDF မှ တာဝန်ရှိသူ တစ်ဦးက ပြော ဆိုသည်။
သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက် ပြောက်ကျားတပ်ဖွဲ့ အနေဖြင့် ပြည်သူများနှင့် တော် လှန်ရေးတပ်ဖွဲ့များကို ဒုက္ခပေးနေကြသည့် စစ် ကောင်စီနှင့် ဒေါက်တိုင်များကို အရှိန်မြှင့် တိုက်ခိုက်သွားမည်ဖြစ်၍ ၎င်းတို့အနီး သွားလာနေထိုင်ခြင်းများ လုံးဝ (လုံးဝ) မပြုလုပ်ကြရန် အသိပေး နှိုးဆော်ထားသည်။
ထိုင်း-မြန်မာနယ်စပ် KNU တပ်မဟာ၇ နယ်မြေအတွင်းရှိ စစ်ကောင်စီ၏ မော်ဖားသူးစစ်စခန်းသိမ်းတိုက်ပွဲကြောင့် ထိုင်းဘက်ထွက်ပြေးသွားသော စစ်ဘေးရှောင်ဒုက္ခသည် အိမ်ပြန်ကြပြီ
ရန်ကုန်၊ ဧပြီ ၂၁
ကရင်ပြည်နယ်၊ မြ၀တီမြို့နယ်၊ ထိုင်း-မြန်မာနယ်စပ် KNU တပ်မဟာ၇ နယ်မြေအတွင်းရှိ စစ်ကောင်စီ၏ မော်ဖားသူးစစ်စခန်းသိမ်းတိုက်ပွဲကြောင့် ထိုင်းဘက်ထွက်ပြေးသွားသော စစ်ဘေးရှောင်ဒုက္ခသည်များ အိမ်ပြန်ကြပြီဖြစ် ကြောင်း ထိုင်းအခြေစိုက် မဲဆောက် သတင်းမီဒီယာက သတင်းဖော်ပြသည်။
ဧပြီလ ၁၈ ရက်နေ့မှစတင်ခဲ့သော မော်ဖားသူးစစ်စခန်းသိမ်းတိုက်ပွဲကြောင့် ထိုင်းနိုင်ငံဘက်သို့ ထွက်ပြေးသွားသော စစ်ဘေးရှောင် ပြည်သူများမှာ ထိုင်းနိုင်ငံဘက်မှ မြန်မာနိုင်ငံဘက်သို့ ယနေ့တွင် အိမ်ပြန်ကြပြီဖြစ်ကြောင်း သိရှိရသည်။
KNU တပ်မဟာ၇ နယ်မြေအတွင်းရှိ စစ်ကောင်စီ၏ မော်ဖားသူးစစ်စခန်းကို KNLA ဦးဆောင်သော တော် လှန်ရေးတပ်များက တိုက်ခိုက်ခဲ့ရာ ဧပြီလ ၁၉ ရက်နေ့ ညပိုင်းတွင် တိုက်ခိုက်သိမ်းပိုက်ရရှိသွားပြီဖြစ်ကြောင်း ၊ဧပြီ လ ၁၈ ရက်နေ့မှစတင်၍ ယင်းစခန်းကို စတင်တိုက်ခိုက်ခဲ့ခြင်းဖြစ်ပြီး ဧပြီလ ၁၉ ရက်နေ့ ညပိုင်းတွင် အပြီးသတ်တိုက်ခိုက်သိမ်းပိုက်ရရှိခြင်းဖြစ်ကြောင်း၊ ယင်းစခန်းသည် ထိုင်း-မြန်မာနယ်စပ်နှင့် ကပ်လျက်ရှု ပြီး နယ်စပ်ဖြတ်သန်းသွားလာမှုများကို စောင့်ကြည့်နေသည့် စစ်တပ်စခန်းတစ်ခုလည်းဖြစ်ကြောင်း သိရှိရသည်။
မော်ဖားသူးစခန်းသိမ်းတိုက်ပွဲတွင် စစ်ကောင်စီတပ်၏ လက်နက်ခဲယမ်းအများအပြားကို KNLA ဦးဆောင်သော တော်လှန်ရေးတပ်များက သိမ်းပိုက်ရရှိထားကြောင်း သိရှိရသည်။
ဧပြီလ ၁၈ ရက်နေ့ ထိုင်းမြန်မာနယ်စပ် မြဝတီမြို့နယ်အပိုင် မော်ဖားသူးကျေးရွာတွင် တပ်စွဲထားသည့် စစ်ကောင် စီ တပ်စခန်းကုန်းကို KNLA မဟာမိတ်ပူး ပေါင်းတပ်ဖွဲ့ များက တိုက်ခိုက်မှုကြောင့် ထိုင်းနိုင်ငံဘက် အခြမ်းသို့ စစ်ဘေးရှောင် ပြည်သူ ၂၁၅ ဦးထွက်ပြေးသွားခဲ့ကြောင်း သိရှိရသည်။
KNU တပ်မဟာ ၇ နယ်မြေအတွင်း တိုက်ပွဲများကြောင့် ထိုင်းစစ်တပ်က လုံခြုံရေး တိုးမြှင့်ချထားကြောင်း ထိုင်းသတင်းဌာနများ၏ သတင်းဖော်ပြချက်အရ သိရှိရသည်။
ငလျင်ဘေးသင့် မြန်မာပြည်သူများအတွက် နိုင်ငံတကာက ပေးပို့သော အရေးပေါ် ရိက္ခာ၊ ဆေးဝါး အပါအဝင် ကယ်ဆယ်ကူညီရေး ပစ္စည်းများကို စစ်ကောင်စီက ဖြန့်ဝေခြင်းမရှိဘဲ နေပြည်တော်တွင် စုပုံထား
ရန်ကုန်၊ ဧပြီ ၂၁
စစ်ကိုင်းငလျင်ကြီးကြောင့် အတိဒုက္ခရောက်နေရသည့် မြန်မာပြည်သူများအ တွက် နိုင်ငံတကာက ပေးပို့သော အရေး ပေါ် ကယ်ဆယ်ရေး ရိက္ခာ၊ ဆေးဝါး အပါအဝင် အကူအညီ ပစ္စည်းများကို အကြမ်းဖက်စစ်ကောင်စီက ဖြန့်ဝေ ခြင်းမရှိဘဲ နေပြည်တော်တွင် စုပုံထားရှိကြောင်း ငလျင်ဘေးကူညီရေး စစ်ကောင်စီနှင့်တွဲဖက်လုပ်ကိုင်နေရသော ပြည်တွင်း အကူအညီပေးရေးသမားတချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။
မတ်လ ၂၈ ရက်နေ့ လှုပ်ခတ်ခဲ့သော စစ်ကိုင်းငလျင်ကြီးကြောင့် နေအိမ်များ ပျက်စီးခဲ့ပြီး လူထိခိုက်သေဆုံးမှုများ ကြုံတွေ့ခဲ့ရသော မြန်မာပြည်သူများအတွက် နိုင်ငံတကာက အရေးပေါ် ကယ်ဆယ်ရေး၊ စားနပ်ရိက္ခာနှင့် ဆေးဝါး အကူအညီများ ဆက်တိုက် ပေးပို့လျက်ရှိကြောင်း၊ သို့ရာတွင် စစ်ကောင်စီက အဆိုပါ ကူညီရေးနှင့်ကယ်ဆယ်ရေး ပစ္စည်းများကို ပြည်သူများထံသို့ ဖြန့်ဝေခြင်းမပြုဘဲ အများစုကို နေပြည်တော်တွင် စုပုံထားရှိကြောင်း သိရှိရသည်။
"နိုင်ငံတကာ ပေးပို့နေတဲ့ တန်နဲ့ချီတဲ့ ကယ်ဆယ်ရေးပစ္စည်းတွေကို ငလျင်ဘေးသင့် ပြည်သူတွေကို မဖြန့်ဝေဘဲ နေပြည်တော်မှာ စုပုံထားပါတယ်။ နေပြည် တော်က ဝန်ကြီးဌာန ရုံးရှေ့ကွင်းပြင်တွေနဲ့ တချို့ကို အားကစားကွင်းမှာလည်းထားပါတယ်။ ရုံးဆိုတာက နေပြည်တော်ကောင်စီနဲ့ လူကယ်ပြန်ဌာနရုံးတွေမှာပါ။ လေဆိပ်မှာကတော့ ရက်ပိုင်းလောက်ပဲ ထားပြီး ရုံးတွေဘက်နဲ့ အားကစားကွင်းတွေဘက်ကို ပစ္စည်းတွေရွှေ့ပါတယ်" ဟု စစ်ကောင်စီနှင့်တွဲဖက် လုပ်ကိုင်နေရသော ပုဂ္ဂလိကစေတနာဝန်ထမ်း ကယ်ဆယ်ရေးသမားက ရှင်းပြသည်။
စစ်ကောင်စီက ငလျင်ဘေးကူညီရေးအတွက် လုပ်ကိုင်လိုသူများအားလုံး ခွင့် ပြုချက်ဖြင့် လုပ်ကိုင်ရန် အမိန့်ထုတ်ထားပြီး ခွင့်ပြုချက်မရှိလျှင် မည်သည့် ကူ ညီကယ်ဆယ်ရေးကိုမှ လုပ်ခွင့်မရှိကြောင်း တားမြစ်ကန့်သတ်ထားသဖြင့် ကူ ညီရေးအဖွဲ့အားလုံးမှာ စစ်ကောင်စီထံတွင် အကြောင်းကြား ခွင့်ပြုချက် ရယူ လုပ်ကိုင်နေရသည်။
နိုင်ငံတကာက ပေးပို့သည့် အရေးပေါ် ကူညီ ကယ်ဆယ်ရေးပစ္စည်းများမှာ အချိန် မီ ဖြန့်ဝေခြင်းမပြုလျှင် လေ လွင့် ပျက်စီးနိုင်သော ရေတိုအသုံးပြုရသည့် ပစ္စည်းများ ပါဝင်ကြောင်း၊ ဥပမာအားဖြင့် ဆေးဝါးနှင့် ရိက္ခာများ သည် ရေတို ချက်ချင်း အသုံးပြုရမည့် ပစ္စည်းများပါဝင်ပြီး ကယ်ဆယ်ရေးပစ္စည်းများကို တာလပတ်ဖြင့် အုပ်ကာ စုပုံထားခြင်းမှာ မဖြစ်သင့်ကြောင်း ၎င်းက ရှင်းပြသည်။
"ပစ္စည်းတွေလေလွင့်ပျက်စီးကုန်မှာစိုးရိမ်ပါတယ်။ ပစ္စည်းတွေကိုဒုက္ခရောက်နေတဲ့သူတွေဆီအမြန်ဆုံးပို့စေချင်ပါတယ်။ ဒီနေ့စာရင်းအရ သူတို့ဆီမှာကယ်ဆယ်ရေးပစ္စည်းတန် ၃၀၀၀ ကျော်ရှိနေတာ သူတို့ကိုယ်တိုင်လည်း မစီမံနိုင်ပါဘူး။ အဲဒီစ္စည်းတွေမှာ တချို့ကိုလည်း ဝေတာက နေပြည်တော်အတွင်းမှာပဲ ဝေတာ။ ငလျင်ဘေးသင့် မန္တလေးနဲ့ စစ်ကိုင်းကို မရောက်ပါဘူး။ ပျဉ်းမနားထဲမှာတောင် ကယ်ဆယ်ရေးစခန်းစနစ်တကျစီမံဆောင်ရွက်တာမျိုးမရှိပါဘူး။ မန္တလေးမြို့ပေါ်လည်း မရောက်ပါဘူး။ အခုငလျင်ဖြစ်တာ ၃ပတ် ကျော်ပြီ။ နိုင်ငံတကာကပေးတဲ့ပစ္စည်းတွေမှာ အစားအသောက်၊ ဆေးဝါးတွေပါပါတယ်။ သက်တမ်းကုန်ဆုံးရက်ရှိတဲ့ပစ္စည်းတွေပါသလို စနစ်တကျထိန်းသိမ်းထားရမယ့်ပစ္စည်းတွေပါပါတယ်။ ဒါတွေက လက်ရှိစကစရဲ့ လက်အောက်အဖွဲ့အစည်းတွေ စီမံခန့်ခွဲမှုနဲ့ အလေအလွင့်ဖြစ်၊ အကူအညီတွေကို တခြားနေရာတွေမှာ အလွဲသုံးတာတွေအများကြီးဖြစ်လာနေတယ်" ဟု ၎င်းက ဆိုသည်။
မြန်မာနိုင်ငံတွင် ၂၀၀၈ ခုနှစ် နာဂစ်ဆိုင်ကလုန်းမုန်တိုင်းဖြစ်ပွားချိန်ကလည်း နိုင်ငံတကာက ပေးပို့သော ကယ် ဆယ် ရေးပစ္စည်းများကို အချိန် ဖြန့်ဝေခြင်းမပြုဘဲ လူကယ်ပြန်ဦးစီးဌာန၏ ဂိုဒေါင်ထဲတွင် စုပုံထားခဲ့သည့် ဥပမာများရှိကြောင်း ၎င်းက ဆိုသည်။
"နာဂစ်တုန်းထဲက မသုံးဘဲထားတဲ့ ကယ်ဆယ်ရေးပစ္စည်းတွေ လူကယ်ပြန်သိုလှောင်ရုံထဲမှာပဲ စုပုံထားခဲ့သလိုမျိုး အခုငလျင်ဘေးအတွက်ပေးတဲ့ပစ္စည်းတွေကိုလည်း မထောက်ပံ့ဘဲထားနေတယ်။ ပြီးတော့ စစ်တပ်ခွင့်ပြုချက်ရမှ ထောက်ပံ့မှုလုပ်ရတာမို့ ဘေးသင့်သူအားလုံးတပြေးညီရဖို့မသေချာပါဘူး။ နိုင်ငံတကာကလည်း ကယ်ဆယ်ရေးပစ္စည်း တွေ ပျက်စီးသွားလား။ ဒုက္ခရောက်နေသူတွေတကယ်ရလား ဘယ်အဖွဲ့ကမှလိုက်မစစ်ဆေးနေကြပါဘူး လူသားချင်းစာနာမှုနဲ့ ရင်းနှီးချစ်ကြည်မှုကိုပြဖို့နှောင်ကြိုးမဲ့ပေးတဲ့အကူအညီတွေပါ။ ဒါပေမယ့် လူသားချင်းစာနာမှုအကူအညီပေးတဲ့အခါမှာ အလှူရှင်တွေဖြစ်တဲ့ သူတို့နိုင်ငံသူ/သားတွေရဲ့အခွန်ငွေတွေ၊ ငလျင် ဒုက္ခသည်တွေအတွက် တာဝန်ယူမှု၊ တာဝန်ခံမှုရှိရမှာဖြစ်ပါ။ အခုက စကစလက်ထဲ အားလုံး ပုံအပ်ထားတာက မျက်နှာလွှဲ ခဲပစ်ဆိုသလိုဖြစ်နေပါတယ်" ဟု ၎င်းက ဆက်လက်ရှင်းပြသည်။
ငလျင်ဘေးသင့် ပြည်သူများကို ကူညီကယ်ဆယ်ရေးများကို စောင့်ကြည့်မည့် နိုင်ငံတကာပါဝင်သော စောင့်ကြည့်ရေးအဖွဲ့အစည်းကြီးတစ်ခုလိုအပ်နေကြောင်း၊ ငလျင်ဘေးသင့် ပြည်သူများအတွက် ကူညီရေးမှာ တစ်ခဏတာ မဟုတ်ဘဲ ရေရှည်ဆောင်ရွက်ရမည်ဖြစ်ကြောင်း၊ ထို့ကြောင့် စောင့်ကြည့်ရေး ယန္တရား မဖြစ်မနေ လိုအပ် ကြောင်း ၎င်းက ဆိုသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၃ ဦးသေဆုံး
ရန်ကုန်၊ ဧပြီ ၂၀
မြန်မာနိုင်ငံတစ်ဝန်း ဧပြီလ ၂၀ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၃ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။
ယင်းမာပင်မြို့နယ်တွင် စစ်အာဏာရှင် ဆန့်ကျင်ရေး ချီတက် ဆန္ဒပြ
ရန်ကုန်၊ ဧပြီ ၂၀
ယင်းမာပင်မြို့နယ်တွင် အောင်လံလွှင့်မည်ရွှေရေကြည်လူထုသပိတ်စစ်ကြောင်းက ဧပြီလ ၂၀ရက်နေ့တွင် အာဏာသိမ်းမှုကို ချီတက် ဆန္ဒထုတ်ဖော်ခဲ့ကြကြောင်းသိရှိရသည်။
မိုင်းပွန်မြို့နယ် အခြေစိုက် ခမရ ၅၁၇ တပ်ရင်းမှ စစ်မှုထမ်း တပ်သားသစ် ၂ ဦး PDF တပ်ဖွဲ့ထံ အလင်းဝင်
ရန်ကုန်၊ ဧပြီ ၂၀
ရှမ်းပြည်နယ်တောင်ပိုင်း၊ မိုင်းပွန်မြို့နယ် အခြေစိုက် ခမရ ၅၁၇ တပ်ရင်းမှ စစ်မှုထမ်းတပ်သားသစ် ၂ ဦး အလင်းဝင်ရောက်ခဲ့ကြောင်း Loikaw Local PDF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဧပြီလ ၁၉ ရက်နေ့တွင် မိုင်းပွန်မြို့နယ် အခြေစိုက် ခမရ ၅၁၇ တပ်ရင်းမှ စစ်မှုထမ်းတပ်သားသစ် မောင်သန်းစိုးဦး အပါအဝင် ၂ ဦးသည် လက်နက်ယူဆောင်လာခြင်းမရှိဘဲ လွိုင်ကော်မြို့နယ် ဒေသ ပြည်သူကာကွယ်ရေးတပ်ဖွဲ့ထံ အလင်းဝင်ရောက် ခဲ့ကြောင်းသိရှိရသည်။
ထို အလင်းဝင်ရောက်လာသော စစ်မှုထမ်းတပ်သားသစ် ၂ ဦးသည် စစ်မှုထမ်း သင်တန်း အပတ်စဉ် ၅ နှင့် ၆ မှ သင်တန်းဆင်းများ ဖြစ်ပြီး ပြည်သူ့ စစ်မှုထမ်း ဥပဒေ ထုတ်ပြန်ပြီးနောက် ရှောင်တစ်ခင် ဖမ်းဆီး ခံရကာ အတင်းအဓမ္မ လူသစ်စုဆောင်းခံခဲ့ရခြင်း ဖြစ်ကြောင်း သိရသည်။
လွိုင်ကော်မြို့နယ် ဒေသ ပြည်သူကာကွယ်ရေးတပ်ဖွဲ့ အနေဖြင့် အလင်းဝင်ရောက် ခိုလှုံလာသော တပ်သားများကို လုံခြုံသောနေရာတွင် ထားရှိကာ နွေးထွေးစွာ ကြိုဆိုခဲ့ကြောင်း၊ ယင်း စစ်မှုထမ်း တပ်သားသစ်များ၏ ဆန္ဒအလျောက် လွတ်လပ်စွာ ရွေးချယ်ခွင့်များ ကို အလေးပေး ဆောင်ရွတ်သွားကြောင်း သိရှိရသည်။
ပြည်သူ့ကာကွယ်ရေးတပ်ဖွဲ့ထံ ဝင်ရောက်ခိုလှုံ ပူးပေါင်းလာကြမည့် ပြည်သူ့စစ်မူထမ်းများ ၊ အရာရှိစစ်သည် ရဲဘော်များ၊ အောက်ခြေ ရဲဘော်များ ၊ Non CDM ဝန်ထမ်းများကို လှိုက်လှိုက်လဲလဲ နွေးထွေးစွာ ကြိုဆိုလျက်ရှိပြီး လုံခြုံစိတ်ချမှုနှင့် ၎င်းတို့၏ စိတ်ဆန္ဒအလေးထား၍ ကာကွယ်စောက်ရှောက်သွားမည်ဖြစ်ကြောင်း Loikaw Local PDF က အသိပေးနှိုးဆော်ထားသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၉ ဦးသေဆုံး
ရန်ကုန်၊ ဧပြီ ၁၁
မြန်မာနိုင်ငံတစ်ဝန်း ဧပြီလ ၁၁ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၉ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။
ဖလမ်းမြို့သိမ်းတိုက်ပွဲတွင် အမျိုးသားလွတ်မြောက်ရေးတပ်တော် - NLA တပ်တော်မှ ရဲဘော် ၃ ဦး ကျဆုံးပြီး ၉ ဦးဒဏ်ရာရ
ရန်ကုန်၊ ဧပြီ ၁၁
ချင်းပြည်နယ်၊ ဖလမ်းမြို့သိမ်းတိုက်ပွဲတွင် အမျိုးသားလွတ်မြောက်ရေးတပ်တော် - NLA တပ်ဖွဲ့မှ ရဲဘော် ၃ ဦးကျဆုံးပြီး ၉ ဦး ဒဏ်ရာရရှိခဲ့ကြောင်း အမျိုးသားလွတ်မြောက်ရေးတပ်တော် - NLA တပ်ဖွဲ့မှ သတင်းနှင့်ပြန်ကြားရေး တာဝန်ခံ ကိုဖြိုးက ရန်ကုန်ခေတ်သစ်သတင်းဌာနထံသို့ ပြော ကြားသည်။
နိုဝင်ဘာလ ၉ ရက် ၂၀၂၄ ခုနှစ်မှ စတင်၍ ဆင်နွှဲခဲ့သော ချင်းညီနောင် Operation - CB အဖြစ် ဖလမ်းမြို့ သိမ်းစစ်ဆင်ရေးကြီးကို ချင်းညီနောင်နှင့်အတူ မဟာမိတ်အင်အားစုများ ပူးပေါင်းစစ်ဆင် ရေးဖော် ဆောင်ခဲ့ရာတွင် အကြမ်းဖက် စစ်ကောင်စီ၏ နောက်ဆုံးလက်ကျန်စခန်းကုန်းကြီးဖြစ်သော ခလရ ၂၆၈ စခန်းကုန်းနှင့်တကွ ဖလမ်းမြို့နယ် တစ်ခုလုံး စစ်ကောင်စီကင်းစင်နယ်မြေ အဖြစ် ဧပြီ လ ၉ ရက် ၂၀၂၅ နေ့တွင် ကြေညာနိုင်ခဲ့ကြောင်း သိရသည်။
ယင်းမြို့သိမ်းစစ်ဆင်ရေးတွင် ချင်းညီနောင် CB နှင့်အတူ စစ်ကိုင်းတိုင်း၊ တမူးခရိုင်၊ အနောက် မြောက်၊ ကဘော်ဒေသ အခြေစိုက်တပ်ရင်းဖြစ်ပြီး အမျိုးသားလွတ်မြောက်ရေးတပ်တော် (NLA)မှ လည်း အတူတကွပူးပေါင်းပါဝင်တိုက်ခိုက်ခဲ့ရာ ရဲဘော် ၃ ဦး အသက်ပေးလှူခဲ့ရပြီး ၉ ဦးဒဏ်ရာ ရရှိခဲ့ ကြောင်း သိရသည်။
“ကျနော်တို့တပ်ဖွဲ့က ရဲဘော် ၃ ယောက်ကျတယ်၊ ဒဏ်ရာရတဲ့သူက ၉ ယောက်ပေါ့၊ စစ်အာဏာရှင် ကျဆုံးသည်အထိ တိုင်းရင်းသားညီအစ်ကိုမောင်နှမတွေနဲ့ ဆက်လက်တိုက်ပွဲဝင်သွားမှာပါ။ ဖလမ်း စစ်ဆင်ရေးဦးဆောင်တဲ့ CB နဲ့လည်း ကျနော်တို့က မဟာမိတ်ပေါ့၊ စစ်ကောင်စီဘက်က လေကြောင်း တိုက်ခိုက်မှုတွေအသားကုန်သုံးတော့ ထောက်ပို့ပေးရတာ အခက်အခဲရှိတယ်။ ပြီးတော့ ဒဏ်ရာရ လူ နာတွေထုတ်ခဲ့ရတာ အခက်အခဲရှိတာပေါ့၊ ဘယ်လိုပဲ အခက်အခဲရှိပါစေ ကြံ့ကြံ့ခံတွန်းလှန်ခဲ့လို့သာ စစ်ကောင်စီကို တိုက်ထုတ်နိုင်ခဲ့တာပါ၊” ဟု အမျိုးသားလွတ်မြောက်ရေးတပ်တော် - NLA တပ်ဖွဲ့မှ သတင်းနှင့်ပြန်ကြားရေး တာဝန်ခံ ကိုဖြိုးက ရန်ကုန်ခေတ်သစ်သတင်းဌာနထံသို့ ပြောကြားသည်။
ချင်းညီနောင် စစ်ဆင်ရေး (Operation - CB) နှင့်အတူ ပူးပေါင်းပါဝင်ခဲ့သည့် မဟာမိတ် တော်လှန် ရေး အင်အားစုများ၊ အရက္ခတပ်တော် (AA) ၏ စစ်ဖက်ရေးရာ အကြံဉာဏ်များ၊ စစ်လက်နက်ခဲယမ်း များနှင့် ဖလမ်းမိဘ ပြည်သူများ၏ တက်ညီလက်ညီ ပူးပေါင်းပါဝင်မှုများ၊ စစ်ဆင်ရေးကြီးတွင်အောင် ပွဲရသည်အထိ ရဲဝံ့စွန့်စားတိုက်ပွဲ ဝင်ခဲ့ကြသော တပ်မှူး၊ တပ်သားများ၏ ရဲစွမ်းသတ္တိ၊ ဇွဲလုံ လရှိမှုတို့ ကို အလေးအနက် ဂုဏ်ပြု အပ်ပါကြောင်း အသိပေးထားသည်။
စစ်ဆင်ရေးကြီးအတွင်း အသက်ပေးဆပ်စွန့်လွှတ်သွားကြသည့် အာဇာနည် သူရဲကောင်းများ၊ ကိုယ် လက် အင်္ဂါ ပေးဆပ်စွန့်လွှတ်ခဲ့ကြသည့် အာဇာနည် ရဲဘော်အပေါင်းတို့ကို အမျိုးသားလွတ်မြောက် ရေး တပ်တော်မှ အစဉ်အောက်မေ့ အလေးနီပြုလျက် သမိုင်းမော်ကွန်းတင် ကဗျည်းမှတ်တမ်း ရေး ထိုး ထားမည်ဖြစ်ကြောင်း၊ ချင်းညီနောင် Operation - CB ၏ အောင်ပွဲရ ဖလမ်းမြို့သိမ်း စစ်ဆင်ရေး ကြီးအား များစွာ ဂုဏ်ယူဝမ်းမြောက်ရပါကြောင်း (NLA) ၏ ဂုဏ်ပြုသဝဏ်လွှာတွင်ဖော်ပြထား သည်။
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ
ရန်ကုန်၊ ဧပြီ ၁၁
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ် စစ်ကြောင်းသည် ဧပြီလ ၁၁ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြ ထုတ်ဖော်ခဲ့ကြကြောင်းသိရှိရသည်။
PTTEP အနေဖြင့် မြန်မာစစ်အုပ်စုထံ ဘဏ္ဍာငွေ ပေးအပ်နေခြင်းအား ရပ်တန့်ရမည်ဟု ထုတ်ပြန်သတိပေး
ရန်ကုန်၊ ဧပြီ ၁၁
ထိုင်းနိုင်ငံ၏ ရေနံကုမ္ပဏီကြီး PTT Exploration and Production Public Company Limited (PTTEP) သည် စစ်အုပ်စုထိန်းချုပ်ခံ နိုင်ငံပိုင်စီးပွားရေးလုပ်ငန်းဖြစ်သော မြန်မာ့ရေနံနှင့် သဘာဝဓါတ်ငွေ့လုပ်ငန်း (MOGE) နှင့် မကြာသေးမီက နားလည်မှုစာချွန်လွှာ လက်မှတ်ရေးထိုးခဲ့ကြောင်း သိရသည်။
အဆိုပါ နားလည်မှုစာချွန်လွှာအတွင်း စစ်အုပ်စုအတွက် ဘဏ္ဍာငွေ ရှာဖွေပေးနေသော သဘာဝဓတ်ငွေ့လုပ်ကွက်တစ်ခုဖြစ်သည့် ရတနာကမ်းလွန် သဘာဝဓါတ်ငွေ့လုပ်ကွက်၏ ထုတ်လုပ်မှု တိုးချဲ့ဆောင်ရွက်ရန် ဆိုသည့်အချက် ပါဝင်ကြောင်း သိရသည်။
PTTEP အနေဖြင့် ထိုသို့စစ်အုပ်စုနှင့် စီးပွားရေးဆက်လက်လုပ်ကိုင်ကာ ဘဏ္ဍာငွေများ ရှာဖွေပေးအပ်နေခြင်းများအား ရပ်တန့်ရမည်ဖြစ်ကြောင်း လူ့အခွင့်အရေးလှုပ်ရှားသည့် အဖွဲ့တစ်ခုဖြစ်သော Justice For Myanmar က ယမန်နေ့က ထုတ်ပြန်သတိပေးထားသည်။
PTTEP သည် မြန်မာနိုင်ငံတွင်းရှိ ရတနာ၊ ဇောတိက နှင့် M3 သဘာဝဓါတ်ငွေ့စီမံကိန်းများတွင် အကြီးဆုံးရင်းနှီးမြှုပ်နှံသူနှင့် ကြီးကြပ်လုပ်ကိုင်သူဖြစ်ပြီး၊ တွင်းသစ်တူးဖော်ခြင်းများကို ဆက်လက်လုပ်ဆောင်ကာ စစ်အုပ်စုကို အကျိုးအမြတ်များ ရှာဖွေပေးနေသည့် ကုမ္ပဏီလည်းဖြစ်သည်။
စစ်အုပ်စုသည် မြန်မာနိုင်ငံတွင်း ဖျက်အားပြင်းငလျင် လှုပ်ခတ်ပြီးနောက်ပိုင်း ပြည်သူများအတိဒုက္ခရောက်နေချိန်တွင်ပင် လေကြောင်းတိုက်ခိုက်မှုများ ဆက်လက်လုပ်ဆောင်နေပြီး၊ ထိုင်းအစိုးရသည် စစ်တပ်ကို ဝင်ငွေရှာဖွေပေးနေသည့် PTTEP ၏ မိခင်ကုမ္ပဏီ PTT တွင် ရှယ်ယာများ ပိုင်ဆိုင်ထားခြင်းကြောင့် စစ်အုပ်စု ကျူးလွန်လျက်ရှိသည့် စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သည့် ရာဇဝတ်မှုများတွင် ကြံရာပါပတ်သက်နေပြီဖြစ်သည်ဟု JFM ကထုတ်ပြန်သည်။
PTTEP အနေဖြင့် စစ်တပ်ကို ဘဏ္ဍာငွေရှာဖွေပေးအပ်နေခြင်းအား ရပ်တန့်ပြီး ဘဏ္ဍာငွေအားလုံးကို အကာအကွယ်ရရှိထားသော ဘဏ်အကောင့်တစ်တွင် ထိန်းသိမ်းထားရန် JFM ကတိုက်တွန်းထားပြီး၊ ထိုသို့ မလုပ်ဆောင်နိုင်ပါက PTTEP အနေဖြင့် တာဝန်ယူမှုရှိစွာဖြင့် စီးပွားရေးလုပ်ငန်းများမှ ရုတ်သိမ်းထွက်ခွာရမည် ဟုလည်းသတိပေးထုတ််ပြန်ထားသည်။
ကောလင်းမြို့နယ်၊ လျှော်ဖြူကုန်းရွာကို စစ်တပ်က လေယာဉ်ဖြင့် ဗုံးကျဲ တိုက်ခိုက်မှု စစ်ဘေးရှောင် အမျိုးသမီး ၂ ဦး သေဆုံး
ရန်ကုန်၊ ဧပြီ ၁၁
စစ်ကိုင်းတိုင်း၊ ကောလင်းမြို့နယ်၊ လျှော်ဖြူကုန်းရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် စစ်ဘေးရှောင် အမျိုးသမီး ၂ ဦး သေဆုံးခဲ့ကြောင်း Kawlin info မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဧပြီလ ၁၁ ရက်နေ့ မွန်းလွဲ ၃ နာရီ ၃၀ မိနစ်ခန့်တွင် ကောလင်းမြို့နယ်၊ လျှော်ဖြူကုန်းရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။
အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း အသက် ၅၆ နှစ်အရွယ် စစ်ဘေးရှောင် ပြည်သူ ဒေါ်ဝင်းကြည်ပွဲချင်းပြီး သေဆုံးပြီး အသက် ၄၀ နှစ် အရွယ် အမျိုးသမီး ၁ ဦးလည်း ဆေးရုံသို့ ပို့ဆောင်စဉ် သေဆုံးခဲ့ကြောင်း သိရှိရသည်။
"ကောလင်းမြို့ပေါ် ရပ်ကွက်ကနေ စစ်ရှောင်လာတဲ့ အသက် ၅၆ နှစ်အရွယ် ဒေါ်ဝင်းကြည်ကတော့ ပွဲချင်းပြီး သေဆုံးတယ်။ နောက်ပြီး အသက် ၄၀ အရွယ် အမျိုးသမီး ၁ ဦးလည်း ဆေးရုံကို ပို့ဆောင်နေတုန်း လမ်းခရီးမှာ သေဆုံးတယ်" ဟု Kawlin info မှ တာဝန်ရှိသူ တစ်ဦးက ပြောဆိုသည်။
Khit Thit သတင်းဌာန၏ ဧပြီ ၁၁ ရက် ညနေ့ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၁၁ ရက် ညနေပိုင်း တင်ဆက်ပေးမယ့် သတင်းတွေကတော့
- စစ်ကိုင်းတိုင်းက အင်းတော်မြို့သိမ်းတိုက်ပွဲအတွင်း တော်လှန်ရေးပူးပေါင်းတပ်တွေက အရှင်ဖမ်း ဆီးရမိထားတဲ့ အကြမ်းဖက် စစ်ကောင်စီတပ်က တပ်မ ၇၇ တပ်မမှူး ဗိုလ်မှူးချုပ် အောင်သက်ဦး ဆိုသူဟာ စစ်အာဏာသိမ်းတဲ့ ၂၀၂၁ ခုနှစ်မှာပဲ အမှတ် ၁ စစ်ဗျူဟာမှူး အဖြစ် ရန်ကုန်က ပြည်သူ တွေကို ပစ်ခတ်သတ်ဖြတ်မှုမှာ အဓိက ဦးဆောင်သူဖြစ်တယ်လို့ သူ့ရဲ့အကြောင်းကို သေချာသိတဲ့ သတင်းရင်းမြစ်က ရန်ကုန်ခေတ်သစ်ကို ပြောလာပါတယ်။
- မကွေးတိုင်းမှာ အကြမ်းဖက် စစ်ကောင်စီဘက်က စစ်အရာရှိကြီးတစ်ဦးရဲ့ သားဖြစ်သူကို စစ်မှု ထမ်းခိုင်းဖို့ ပေါ်တာဆွဲ ဖမ်းဆီးမိတဲ့ နတ်ရေကန် နဲ့ ရွာသစ်ကလေး ကျေးရွာ အုပ်ချုပ်ရေးမှူး ၂ ဦး ထွက်ပြေးနေရတယ်လို့ ဒေသခံပြည်သူတွေက ရန်ကုန်ခေတ်သစ်ကို ပြောပါတယ်။
- မန္တလေးတိုင်းမှာ ဒီကနေ့ ဧပြီလ ၁၁ ရက်နေ့မနက်ပိုင်းမှာပဲ သာစည်မြို့အနီးကို ဗဟိုပြုပြီး ပြင်းအား ၅ ဒသမ ၅ အဆင့်ရှိတဲ့ ငလျင် ထပ်မံလှုပ်ခတ်သွားပြန်တဲ့အတွက် မိတ္တီလာ၊ ဝမ်းတွင်းနဲ့ မြစ်သား အပါ အဝင် နေရာအများစုက ပြည်သူတွေ စိုးရိမ်ထိတ်လန့်နေတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
https://www.youtube.com/watch?v=ZsT63YQaWOk
မြန်မာနိုင်ငံတွင် ပြင်းထန်သော ငလျင်ကြီးလှုပ်ခတ်ခဲ့သော်လည်း ရုရှားက နူကလီးယားဓာတ်အားပေးစက်ရုံတည်ဆောက်ပေးရေး အစီအစဉ်ကို နောက်မဆုတ်
ရန်ကုန်၊ ဧပြီ ၂၄
မြန်မာနိုင်ငံတွင် ပြင်းထန်သော ငလျင်ကြီးလှုပ်ခတ်ခဲ့သော်လည်း ရုရှားက နူကလီးယားဓာတ်အားပေးစက်ရုံတည်ဆောက်ပေးရေး အစီအစဉ်ကို နောက်မဆုတ်ဘဲ ဆက်လက်ဆောင်ရွက်မည်ဖြစ်ကြောင်း ရိုက်တာသတင်းက ဆိုသည်။
မတ်လ ၂၈ ရက်နေ့ လှုပ်ခတ်ခဲ့သော ပြင်းအားမြင့် ၇ ဒသမ ၇ အဆင့်ရှိ ငလျင်ကြီးကြောင့် လူဦးရေ ၄၀၀၀ နီးပါး သေဆုံးပြီး အပျက်အစီးများခဲ့သော်လည်း နျူကလီးယားဓာတ်အားပေးစက်ရုံတည်ဆောက်ရန် အစီအစဉ်ကို ဆက်လက်လုပ်ဆောင်သွားမည်ဖြစ်ကြောင်း၊ နှစ်နိုင်ငံ ထိပ်ပိုင်းအချင်းချင်း အသေးစား နျူကလီးယား စက်ရုံ တည်ဆောက်ရေး သဘောတူညီချက်ကို လက်မှတ်ရေးထိုးခဲ့ကြောင်း သိရှိရသည်။
အဆိုပါသဘောတူညီချက်တွင် ရုရှားနိုင်ငံပိုင်နျူကလီးယားကော်ပိုရေးရှင်း Rosatom က ၅၅ မဂ္ဂါဝပ် ဓာတ်ပေါင်းဖိုနှစ်ခုပါဝင်သော ဓာတ်အား ၁၁၀ မဂ္ဂါဝပ်ထုတ်နိုင်သည့် နူကလီးယားဓာတ်အားပေးစက်ရုံ Small Modular Reactor (SMR) တည်ဆောက်ရန် ပူးပေါင်းဆောင်ရွက်မည်ဖြစ်ကြောင်း၊ ငလျင်ကြောင့် နူကလီးစား စက်ရုံ တည်ဆောက်ရေး အစီအစဉ် မထိခိုက်ကြောင်း သိရှိရသည်။
ရုရှား Rosatom က မြန်မာနိုင်ငံတွင် တည်ဆောက်မည့် နူကလီးယားဓာတ်အားပေးစက်ရုံ၏ တည်နေရာကို ထုတ်ဖော်ပြောဆိုခြင်းမရှိသော်လည်း ပြင်ဆင်မှုများစွာလုပ်ဆောင်နေကြောင်း သိရှိရသည်။
လက်ရှိတွင် မြန်မာနိုင်ငံက ရုရှားကျောထောက်နောက်ခံပြုထားသော နူကလီးယားစွမ်းအင်စီမံကိန်းအတွက် ဘဏ္ဍာ ငွေရှာဖွေရန် လုပ်ဆောင်လျက်ရှိကြောင်း သိရှိရသည်။
ဧရာဝတီမြစ်အတွင်း လှေနှင့်သင်္ဘောများကို ဆက်ကြေးကောက်ခံနေသည့် စစ်သားနှင့် ပျူစောထီးများကို ပစ် ခတ်ဖမ်းဆီးရာမှ ၂ ဦး သေဆုံး
ရန်ကုန်၊ ဧပြီ ၂၄
မကွေးတိုင်း၊ စလင်းမြို့နယ်၊ ဧရာဝတီမြစ်အတွင်း လှေနှင့်သင်္ဘောများကို ဆက်ကြေးကောက်နေသည့် စစ်သားနှင့် ပျူစောထီး များကို လိုက်လံပစ်ခတ်ဖမ်းဆီးရာ ၂ ဦးသေဆုံးသွားကြောင်း ဒေါင်းစစ်အောင် LPDF တပ်ဖွဲ့တာဝန်ခံ ကိုထူးလေးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဧပြီလ ၂၃ ရက်နေ့ စလင်းမြို့နယ်၊ ရေနံချောင်းမြို့နယ်၊ ပွင့်ဖြူမြို့နယ် ၃ မြို့နယ်အစပ်နေရာ၌ ဧရာဝတီမြစ်အတွင်း ဖြတ်သန်းသွားလာနေသည့် သင်္ဘောများကို ဆက်ကြေးကောက်နေသော စစ် သားနှင့် ပျူစောထီးများကို ဒေါင်းစစ်အောင် LPDF တပ်ဖွဲ့ဝင်များက သွားရောက်ဖမ်းဆီးရာ ထွက်ပြေး သွာ်၍ ပစ်ခတ်ခဲ့ကြောင်း၊ ထိုသို့ ပစ်ခတ်မှုကြောင့် စစ်သားနှင့်ပျူစောထီး ၂ ဦး သေဆုံးသွားခဲ့ကြောင်း သိရသည်။
“ကျနော်တို့စသွားတုန်းကမြို့နယ်မှူးတွေရှိတာပေါ့၊ မြို့နယ်ကအကြီးတွေအထိဆင်းတယ်ကြားလို့ သွားခဲ့တာ၊ ဒါပေမယ့်အောက်က လက်ပါးစေ၊ ခိုင်းစေတဲ့ပဲရှိတာပေါ့၊ နောက်နောင် စခ၊ ရခ ဂိတ်တွေ မှာ ဂိတ်ကြေးတောင်း ၊ ပြည်သူတွေကို အဆမတန်ညှင်းပန်းနှိပ်စက်ပြီးနေတဲ့သူတွေ၊ စကစလက်ပါး စေလုပ်နေတဲ့ အုပ်ချုပ်ရေးမှူးတွေ၊ စစ်မှုထမ်းအတွက် ကောက်ခံတာတွေလုပ်နေတဲ့ အုပ်ချုပ်ရေးမှူး တွေရော၊ ကျနော်တို့စလင်းဘက်မှာတော်တော်များများလုပ်နေပါတယ်။ အဲလိုလူမျိုးတွေကို ကျနော် တို့စတင်ပြီးတော့ အရေးယူမှုတွေလုပ်ဆောင်နေပါပြီလို့ ပြောချင်ပါတယ်။” ဟု ဒေါင်းစစ်အောင် LPDF တာဝန်ခံကိုထူးလေးက ရန်ကုန်ခေတ်သစ်သတင်းဌာနထံသို့ ပြောကြားသည်။
သေဆုံးသွားသော စစ်ကောင်စီတပ်သား၊ ပျူစောထီးများသည် ရေနံချောင်းမြို့နယ် စအဖ အောင် တင်လင်း၏ ခိုင်းစေမှုဖြင့် ဧရာဝတီ မြစ်အတွင်းသွားလာနေသည့် သင်္ဘောများ ၊ မော်တော်များကို ငွေကြေး ကောက်ခံနေခြင်းဖြစ်ပြီး ထိုသို့ ကောက်ခံနေသည်မှာ ၁ နှစ်နီးပါးကြာမြင့်နေပြီဖြစ်ကြောင်း သိရ သ့ည်။
သင်္ဘောတစီးကို ကျပ်ငွေ ၁၅၀,၀၀၀ နှင့် ၂၀၀,၀၀၀ ကြား ကောက်ခံလေ့ရှိပြီး နေ့စဉ် ကောက်ခံရရှိ ငွေ ၂၅ သိန်း ဝန်းကျင်ကောက်ခံရရှိလေ့ရှိပြီး အများစုကို ၎င်းတို့ ၏ ခေါင်းဆောင် ရဲဘော် အောင် တင်လင်းကို အပ်နှံရကြောင်း ဒေါင်းစစ်အောင်အဖွဲ့ တာဝန်ခံ ထူးလေးက ပြောဆိုသည်။
မုံရွာမြို့၊ စက်တွင်း အထိုင်စခန်းမှ အပြင်ထွက်လာသော စစ်တပ် ဗိုလ်ကြီးနှင့် တပ်သား တို့ကို ပစ်ခတ်တိုက်ခိုက်မှု ၂ ဦးစလုံးသေဆုံးပြီး လက်နက် ၁ လက် သိမ်းဆည်းရရှိ
ရန်ကုန်၊ ဧပြီ ၂၄
စစ်ကိုင်းတိုင်း၊ မုံရွာမြို့နယ်၊ စက်တွင်း စစ်တပ် အထိုင်စခန်းမှ အပြင်ထွက်လာသော စစ်တပ် ဗိုလ်ကြီးနှင့် တပ် သားတို့ကို ပစ်ခတ်တိုက်ခိုက်ခဲ့ရာ ၂ ဦးစလုံးသေဆုံးပြီး လက်နက် ၁ လက် သိမ်းဆည်းရရှိကြောင်း ပြည်သူ့လူမိုက်(Local PDF)မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဧပြီလ ၂၂ ရက်နေ့ ညနေ ၆ နာရီ ၄၅ မိနစ်အချိန် မုံရွာမြို့နယ် စက်တွင်းအထိုင်စခန်းမှ ဆိုင်ကယ်တစ်စီး ဖြင့်ထွက်လာသော စစ်တပ်ဗိုလ်ကြီး နှင့် တပ်သားတို့ကို တော်လှန်ရေးတပ်က ဝင်ရောက်ပစ်ခတ်တိုက်ခိုက်ခဲ့ကြောင်း၊ ပစ်ခတ်မှုကြောင့် စစ်တပ်ဗိုလ်ကြီးနှင့် တပ်သားတို့မှာ ပွဲချင်းပြီး သေဆုံးခဲ့ကြောင်း၊ ၎င်းတို့ထံမှ MA 11 သေနတ် ၁ လက်ကို သိမ်းဆည်းရရှိခဲ့ကြောင်း သိရှိရသည်။
တော်လှန်ရေးတပ်များ၏ တိုက်ခိုက်မှုကြောင့် သေဆုံးသွားသော ဗိုလ်ကြီးနှင့်တပ်သားမှာ မုံရွာမြို့နယ်အတွင်း ကျေးရွာများကို လိုက်လံ ဖျက်ဆီးမီးရှို့နေသော စစ်ကြောင်းမှ ဖြစ်ကြောင်း သိရှိရသည်။
Khit Thit သတင်းဌာန၏ ဧပြီ ၂၁ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၂၁ ရက် မနက်ပိုင်း တင်ဆက်ပေးမယ့် သတင်းတွေကတော့
- အကြမ်းဖက်စစ်ကောင်စီက နိုင်ငံတစ်ဝန်းမှာ လေကြောင်းတိုက်ခိုက်မှုတွေ ထပ်မံအရှိန်မြှင့်တင်ရန် ညွှန်ကြားထားပြီး အခုလာမယ့်မိုးတွင်းကာလမတိုင်မီ လေကြောင်းတိုက်ခိုက်မှုတွေ ပိုမိုများပြားလာမယ်လို့ နေပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
- အကြမ်းဖက်မင်းအောင်လှိုင်က အပစ်ရပ်ထားတယ်ဆိုပြီး နိုငံတကာထွက်ပြောနေပေမယ့် တဖက်မှာ လည်း လေကြောင်းကနေ အရပ်သားပြည်သူတွေကို ဗုံးကျဲနေ့စဉ်သတ်ဖြတ်နေရာ ဧပြီ ၁၉ ရက်နေ့က မန္တလေး တိုင်း၊ သပိတ်ကျင်းမြို့နယ်၊ ရေထွက်ရွာကို လေကြောင်းကနေ ဗုံးကျဲတိုက်ခိုက်ရာ သေဆုံးတဲ့ ပြည်သူ ၂၄ ဦးအထိ ရှိလာနေတယ်လို့ ပြင်ဦးလွင်ခရိုင် ပကဖ မှ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
- တနင်္သာရီတိုင်း၊ ထားဝယ်ခရိုင်၊ ထိုင်း -မြန်မာနယ်စပ်က အကြမ်းဖက်စစ်ကောင်စီရဲ့ ထီးထဗျူဟာစခန်းကို တိုက်ခိုက်သိမ်းပိုက်ခဲ့ရာ ဗျူဟာမှူးအပါအဝင် စစ်သားအများအပြားသေဆုံးပြီး လက်နက်ခဲယမ်းတွေလည်း အများအပြားသိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://www.youtube.com/watch?v=KbZCMjv1nH4
"နေပြည်တော်ထဲက ဝန်ထမ်းတွေတောင် ကယ်ဆယ်ရေးတဲမရှိလို့ လမ်းဘေးမှာ စောင်ကာ၊ တာပေါ်လင်ကာပြီးနေကြရတာပါ။ သူတို့နေရာချပေးတဲ့ကစားကွင်းနေရာတွေနဲ့ရုံးတချို့အနားတွေမှာလည်း ပစ္စည်းတွေအကုန်ထားခဲ့ပြီး မသွားနေနိုင်ကြဘူး။ ကိုယ်လည်း မပေး။ သူများလည်း မရစေချင်တဲ့ စစ်တပ်က ယုံကြည်စိတ်ချရပါ့မလား။ နိုင်ငံတကာအနေနဲ့ ဘယ်လို ဆက်လုပ်သင့်သလဲ။ သူတို့ဝန်ထမ်းတွေအတွက်တောင် စနစ်တကျမစီမံနိုင်တာ တိုင်း ၄ ခု ပြည်နယ် ၁ ခုက ဒုက္ခသည်တွေကို ဘယ်လိုစီမံနိုင်မှာလဲ။ ကိုယ်လည်း မပေး။ သူများလည်း မရစေချင်တဲ့ စစ်တပ်က ယုံကြည်စိတ်ချရပါ့မလား။ နိုင်ငံတကာအနေနဲ့ ဘယ်လို ဆက်လုပ်သင့်သလဲ။ အလှူရှင်နိုင်ငံတွေက သူတို့လှူထားတဲ့ပစ္စည်းတွေကို အမှန်တကယ်ဖြန့်ဖြူးပေးလား၊ ဘယ်သူတွေကို ဘယ်နေရာမှာပေးလိုက်လဲဆိုတာကိုစောင့်ကြည့်အကဲဖြတ်တဲ့စနစ်ထားဖို့လိုပါတယ်။ စကစထိန်းချုပ်ဒေသတွေမှာ တကယ်ဒုက္ခရောက်ပြီး သူတို့ဆီက ဘာအကူအညီမှမရတဲ့သူတွေအနေနဲ့ သတင်းပို့တိုင်ကြားနိုင်တဲ့ ယန္တရားတွေ။ အစီအစဉ်တွေလုပ်ဖို့လိုပါတယ်" ဟု ၎င်းက ရှင်းပြသည်။
လက်ရှိအချိန်အထိ စစ်ကောင်စီ၏ ထုတ်ပြန်ချက်အရ ငလျင်ဘေး ကူညီကယ်ဆယ်ရေးအတွက် နိုင်ငံတကာ လူ သားချင်းစာနာမှုအကူအညီ တန်ချိန် ၃၇၀၀ ကျော်ရောက်ရှိလာကြောင်း၊ တရုတ်နိုင်ငံက ကား ၂၃ စီး၊ အိန္ဒိယနိုင်ငံက သင်္ဘောငါးစီးနဲ့ ဘင်္ဂလားဒေ့ရှ်နိုင်ငံက သင်္ဘောတစ်စီးတို့ ရောက်ရှိခဲ့ကြောင်း၊ ထောက်ပံ့ပစ္စည်း ၂၅၁၄ ဒသမ ၆ တန်နဲ့ ကယ်ဆယ်ရေးပစ္စည်း ၁၁၉၇ ဒသမ ၁၂ တန် စုစုပေါင်း ၃၇၁၁ ဒသမ ၇၂ တန်ရောက်ရှိကြောင်း သိရှိရသည်။
စစ်ကိုင်း ငလျင်ဒဏ်ကြောင့် အိမ်ပြိုသူရော၊ အိမ်ပျက်စီးသူများအားလုံး မီတာခပေးရမည်ဟု စစ်ကောင်စီက အမိန့်ထုတ်
ရန်ကုန်၊ ဧပြီ ၂၀
အကြမ်းဖက် စစ်ကောင်စီက စစ်ကိုင်း ငလျင်ဒဏ် ခံစားခဲ့ရသည့် ဒေသများမှ ပြည်သူများ မီတာခ ပေးဆောင်ရန် အတင်း အဓမ္မ ကောက်ခံနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
စစ်ကိုင်းငလျင်ကြောင့် နေအိမ် ပျက်စီးမှုမရှိလျှင် သုံးစွဲသည့် လျှပ်စစ်မီတာ ယူနစ်ဖတ်ရှုနိုင်သော ပြည်သူများအနေဖြင့် မတ်လအတွက် မီတာဘေလ်ရရှိပါက ဘေလ်ပေါ်တွင် ပါရှိသည့်နောက်ဆုံး ပေးဆောင်ရမည့် ရက်စွဲ အတိုင်း ပေးဆောင်ရမည်ဖြစ်ကြောင်း သိရသည်။
နေအိမ် ပျက်စီးမှုရှိသော ပြည်သူများအနေဖြင့် မေလ ၁ ရက်နေ့မှ စ၍ ယခင်သုံးစွဲထားသည့် မီတာယူနစ်များအတိုင်း ဧပြီလနှင့် မတ်လ အတွက် ၂ လတာ ကျသင့်ငွေကို တွက်ချက်၍ မီတာခပေးဆောင်ရမည့် နောက်ဆုံးရက်များတွင် ပေးဆောင်ရမည်ဖြစ်ကြောင်း သိရှိရသည်။
ထို့ပြင် အကြမ်းဖက် စစ်တပ်၏ လျှပ်စစ်ရုံးများက နေအိမ်ရှိ မီတာဖတ်မရအောင် ပျက်စီးသွားပါက သက်ဆိုင်ရာ လျှပ်စစ်မန် နေဂျာများကို ဆက်သွယ်ရမည်ဟု သိရှိရသည်။
"ပြည်သူတွေ ဒီလောက် ဒုက္ခရောက်နေတာကို မီတာဆောင်ဖို့ဆိုပြီး လိုက်ပြောနေတယ်။ စစ်ခွေးခန့် အုပ်ချုပ်ရေးမှူးလည်း ရပ်ကွက်တွေမှာ လိုက်ပြောနေတာရှိတယ်။ ပြည်သူတွေ အပေါ် တော်တော် မေတ္တာထားတဲ့ ကောင်တွေပဲ" ဟု ဒေသပြည်သူ တစ်ဦးက ပြောဆိုသည်။
ကျိုက်ထီးရိုး တောင်ခြေတွင် ဖမ်းဆီးရမိသော ပျူစောထီး ခေါင်းဆောင် လှိုင်မင်း အပါအဝင် အဖွဲ့ဝင် ၅ ဦးကို ဆက်လက် ဖမ်းဆီးထားပြီး အရေးယူမည်၊ ကျန်ရှိသော မိသားစုဝင် အားလုံးကို PDF တပ်ဖွဲ့က ပြန်လွှတ်ပေး
ရန်ကုန်၊ ဧပြီ ၂၀
မွန်ပြည်နယ်၊ ကျိုက်ထိုမြို့နယ်၊ ကျိုက်ထီးရိုးတောင်ခြေရှိ ကင်မွန်းချောင်းကျေးရွာ ကဒက်ချောင်း ရေတံခွန်တွင် ဖမ်းဆီး ရမိသော ပျူစောထီး ခေါင်းဆောင် လှိုင်မင်း အပါအဝင် အဖွဲ့ဝင် ၅ ဦးကို ဆက်လက် ဖမ်းဆီးထားပြီး အရေးယူသွားမည်ဖြစ်ကြောင်း အမှတ် ၂၇ ဗျူဟာ တာဝန်ခံ ရဲဘော်အေးမင်းထွန်းက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဧပြီလ ၁၅ ရက်နေ့တွင် ကျိုက်ထိုမြို့နယ်၊ ကဒက်ချောင်းရှိ စားသောက်ဆိုင်တစ်ခု၌ သောက်စား မူးယစ်နေသည့် ညောင်လေးပင်မြို့နယ် ပျူစောထီးခေါင်းဆောင် ဦးလှိုင်မင်း၊ ဒုတိယ ပျူစောထီး ခေါင်းဆောင် မဲကြီး အပါအဝင် မိသားစုဝင် ၄၈ ယောက်ကို ကျိုက်ထိုမြို့နယ် ပြည်သူ့ကာကွယ်ရေး အဖွဲ့က အရှင် ဖမ်းဆီးနိုင်ခဲ့ခြင်းဖြစ်ကြောင်း သိရသည်။
ထိုသို့ ဖမ်းဆီးခဲ့သူများအနက် ပျူစောထီး ခေါင်းဆောင် လှိုင်မင်း၊ ပျူစောထီး ဒုတိယ ခေါင်းဆောင် မဲကြီး၊ ပျူစောထီး အဖွဲ့ဝင် မင်းမော်ဦး (လှိုင်မင်း၏သား) ၊ ကျော်ကျော်ဦး၊ သိန်းဌေး နှင့် လှိုင်မင်း၏ မိန်းမဖြစ်သူ ယမင်းတို့ကို ဆက်လက် ဖမ်းဆီးထားကာ ကျန်မိသားစုဝင်များကို ဧပြီလ ၁၈ ရက်နေ့မှာ ပြန်လွှတ်ပေးခဲ့ကြောင်း သိရှိရသည်။
“စစ်ကောင်စီထောက်ခံတဲ့ လော်ဘီသတင်းတွေက ဝါဒဖြန့်သလိုမျိုး ဘုရားဖူးပြည်သူတွေကို အကြောင်း မဲ့ ဖမ်းဆီးတာမျိုး မလုပ်ပါဘူး။ အဲဒီလိုအလုပ်တွေက သူတို့ပဲလုပ်ကြတာပါ။ ကျနော်တို့က မတိကျ မသေချာပဲ ဘာမှမလုပ်ဘူး။ သူတို့သောက်စားမူးယစ်ပြီး ရေကူးနေကြတဲ့အချိန်မှာ ဖမ်းတာပါ။ ဘုရား ဖူး တဲ့အချိန် ဖမ်းတာ မဟုတ်ပါဘူး။ အဓိကဖမ်းတာကတော့ ခေါင်းဆောင် လှိုင်မင်းပါ။ သူနဲ့အတူ ပျူအဖွဲ့ဝင် ၄ ယောက်ပါတယ်။ ဒါပေမယ့် မိသားစုတွေ ရောပါလာတော့ သူတို့ မိသားစုတွေရဲ့ လုံခြုံရေးကိုလည်း စိုးရိမ်ပြီး အားလုံးကို လတ်တလော ခေါ်သွားတာပါ။ မိသားစုဝင်တွေကိုတော့ ကောင်းကောင်းမွန်မွန် ကျွေးမွေးစောင့်ရှောက်ထားပြီး အခုတော့ သူတို့မိသားစုကို ပြန်လွှတ်ပေးလိုက်ပါပြီ” ဟု ရဲဘော် အေးမင်းထွန်းက ပြောဆိုသည်။
အဆိုပါ ဖမ်းဆီးထိန်းသိမ်းထားသော ပျူစောထီးများသည် အကြမ်းဖက် စစ်တပ်၏ ခမရ ၂၀ တပ်ရင်းနှင့် ပူးပေါင်းကာ ကျေးရွာများကို မီးရှို့ ဖျက်ဆီးခြင်း၊ ပြည်သူပိုင်ပစ္စည်းများကို ခိုးယူခြင်း၊ ပြည်သူများကို ရက်ရက် စက်စက် သတ်ဖြတ်ကာ အလောင်း ဖျောက်ခြင်း၊ ပြည်သူပိုင်ပစ္စည်းများကို ရောင်းစားကာ ခမရ ၂၀ တပ် သို့ ပေးပို့ခြင်း၊ ညောင်လေးပင်မြို့နယ် စီမံကောင်စီ ဗိုလ်မှူးနေလင်းနှင့်ပေါင်းကာ လူငယ်များကို ဖမ်း ဆီးပြီး ခမရ ၄၄၀ တပ်ရင်း (ဒိုက်ဦး) သို့ ပို့ဆောင်ခြင်း၊ လူငယ်များနှင့်အတူပါလာသည့် ဆိုင်ကယ် များကို ရောင်းစားကာ ဗိုလ်မှူးနေလင်းနှင့်ခွဲဝေယူခြင်းတို့ လုပ်ဆောင်နေသူများဖြစ်ကြောင်း သိရသည်။
“ဖမ်းတဲ့အချိန်မှာ ပါလာတဲ့ မိသားစုဝင်တွေကို ပြန်လွှတ်လို့ရပေမယ့် ဘယ်သူက ပျူစောထီး၊ ဘယ် သူက ပြည်သူဆိုတာ မသိရသေးလို့ခေါ်ဆောင်သွားတာဖြစ်တယ်၊ လုံခြုံတဲ့နေရာရောက်တဲ့အချိန်မှာ စစ်ဆေးပေါ်ပေါက်ချက်အရ ခေါင်းဆောင်က လှိုင်မင်း၊ သူ့ဇနီးမယမင်း၊ အပါအဝင် ၅ ဦး၊ အဲဒါတွေကို တော့လက်ရှိထိန်းသိမ်းစစ်ဆေးနေဆဲဖြစ်တယ်။ သူတို့နဲ့ဆိုင်တဲ့မိသားစုဝင်တွေဟာ ပျူစောထီးဝင် တွေမဟုတ်ပါဘူး။ ကျနော်တို့အနေနဲ့ကတော့ ပြည်သူလို့ သတ်မှတ်လိုက်တယ်။ အပြစ်ရှိသူကိုတော့ အပြစ်ရှိတဲ့အတိုင်းဖော်ထုတ်အရေးယူသွားမှာဖြစ်တာပေါ့။ ဒါကိုပြည်သူလူထုကိုချပြခြင်းဖြစ်ပါ တယ်။” ဟု ရဲဘော်အေးမင်းထွန်းက ဆက်လက်ပြောဆိုသည်။
ထိုသို့ ဆက်လက် ဖမ်းဆီးစစ်ဆေးနေသော ပျူစောထီးအဖွဲ့ဝင်များ ကျူးလွန်ခဲ့သည့် ပြစ်မှုများကို ဖော်ထုတ်ကာ ကျူးလွန်ထားသည့် ပြစ်မှုများ အပေါ်မူတည်၍ ထိရောက်သည့် ပြစ်ဒဏ်ရရှိအောင် ဆောင်ရွက်သွားမည်ဖြစ်ကြောင်း အသိပေးထားသည်။
“သူတို့ကျူးလွန်ထားတာတွေအများကြီးပါ။ အသေးစိတ်ကို ပြည်သူတွေကို ချပြပေးသွားမှာပါ။ အဲဒီ ပျူစောထီးနဲ့ မိသားစုဝင်တွေ ဖမ်းဆီးခံလိုက်ရတဲ့ ကဒက်ချောင်းရေတံခွန်ဟာ စစ်ကောင်စီတပ်တွေ လုံခြုံရေးအပြည့်ယူထားတဲ့ ကျိုက်ထီးရိုးတောင်ခြေက ကင်းမွန်းစခန်းနဲ့ မိုင်ဝက်ကျော်ကျော် လောက်သာ ဝေးပြီး ဆိုင်ကယ်နဲ့ သွားရင် ၅ မိနစ်ဝန်းကျင်သာ သွားလာရတဲ့ နေရာ ဖြစ်ပါတယ်။” ဟု အမှတ် ၂၇ ဗျူဟာမှူး ရဲဘော်အေးမင်းထွန်းက ပြောဆိုသည်။
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ
ရန်ကုန်၊ ဧပြီ ၂၀
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ် စစ်ကြောင်းသည် ဧပြီလ ၂၀ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြ ထုတ်ဖော်ခဲ့ကြကြောင်းသိရှိရသည်။
ဆားလင်းကြီးမြို့နယ်ရှိ ရက်ရှည်စစ်ရှောင်စခန်း၃ နေရာကို ထမင်းနှင့် ဟင်း လှူဒါန်း
ရန်ကုန်၊ ဧပြီ ၂၀
ဆားလင်းကြီးမြို့နယ်ရှိ ရက်ရှည်စစ်ရှောင်စခန်း ၃ နေရာကို အညာပစ်တိုင်းထောင်လေးများအဖွဲ့က အလှူရှင်ကိုယ်စား ထမင်းနှင့် ဟင်းနပ်လှူဒါန်းခဲ့ကြောင်း သိရှိရသည်။
နန့်မွန်းမြို့ အနီး စစ်ကြောင်းထိုးလာသည့် စစ်တပ်နှင့် ရှမ်းနီ SNA ပူးပေါင်း အဖွဲ့ကို တိုက်ခိုက်မှု စစ်တပ်ဘက်မှ ၅ ဦးသေဆုံးပြီး လက်နက်ခဲယမ်းများ သိမ်းဆည်းရရှိ
ရန်ကုန်၊ ဧပြီ ၁၁
ကချင်ပြည်နယ်၊ နန့်မွန်းမြို့ အနီး စစ်ကြောင်းထိုးလာသည့် အကြမ်းဖက် စစ်တပ်နှင့် ရှမ်းနီ SNA ပူးပေါင်း အဖွဲ့ကို တိုက်ခိုက်ရာ စစ်တပ်ဘက်မှ ၅ ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့ကြောင်း KIA စစ်ရေးသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဧပြီလ ၁၁ ရက်နေ့ နံနက် ၄ နာရီခန့်တွင် မိုးညှင်းမြို့နယ်၊ အင်းတော်ကြီးဒေသ၊ နန့်မွန်းမြို့အနီးကို စစ်ကြောင်းထိုးလာသော အကြမ်းဖက် စစ်တပ်နှင့် ရှမ်းနီ SNA ပူးပေါင်း အဖွဲ့ကို ကြားဖြတ် တိုက်ခိုက်ခဲ့ခြင်းဖြစ်ကြောင်း သိရသည်။
ယင်း ထိတွေ့ တိုက်ပွဲသည် နံနက် ၈ နာရီထိ ဖြစ်ပွားခဲ့ပြီး အကြမ်းဖက် စစ်ကောင်စီ တပ်သား ၅ ဦးသေဆုံးပြီး လက်နက်ခဲယမ်းများလည်း သိမ်းဆည်းရရှိခဲ့ကြောင်း သိရှိရသည်။
"အဲစစ်ကြောင်းမှာက စစ်ခွေးတပ်တွေလည်း ပါပါတယ်။ အင်းတော်ကြီးဒေသ၊ နန့်မွန်းမြို့အနီးက ဆနွင်းကုန်း၊ အင်းသာမှာ စစ်ကြောင်းထိုးလာလို့ တိုက်ပွဲဖြစ်တာ စစ်ခွေးတွေဘက်က ၅ ကောင်သေပြီး လက်နက် ခဲယမ်းတွေလည်း သိမ်းဆည်းရရှိပါတယ်" ဟု KIA စစ်ရေးသတင်းရင်းမြစ်က ပြောဆိုသည်။
ကျောက်တံခါးမြို့နယ်၊ ပဲနွယ်ကုန်း- နတ်သံကွင်း လမ်းပိုင်းရှိ စစ်စခန်းမှ စစ်မှုထမ်း တပ်သားသစ် ၁ ဦးသည် သေနတ် ၁ လက်ယူဆောင်လာပြီး အလင်းဝင်
ရန်ကုန်၊ ဧပြီ ၁၁
ပဲခူးတိုင်း၊ ကျောက်တံခါးမြို့နယ်၊ ပဲနွယ်ကုန်း- နတ်သံကွင်း လမ်းပိုင်းရှိ အကြမ်းဖက် စစ်တပ်စခန်းမှ စစ်မှုထမ်း တပ်သားသစ် ၁ ဦးသည် သေနတ် ၁ လက်ယူဆောင်လာပြီး အလင်းဝင်ရောက်ခဲ့ကြောင်း ပဲခူးခရိုင် ၊ အမှတ် - ၂ တပ်ရင်း ၊ P2-3702 မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဧပြီလ ၉ ရက်နေ့တွင် ကျောက်တံခါးမြို့နယ် ပဲနွယ်ကုန်း- နတ်သံကွင်း လမ်းပိုင်းရှိ အကြမ်းဖက် စစ်တပ်စခန်းမှ စစ်မှုထမ်းတပ်သားသစ် ၁ ဦးသည် သေနတ် ၁ လက်နှင့် ခဲယမ်းများ ယူဆောင်လာပြီး ပြည်သူ့ကာကွယ်ရေးတပ်မတော် ၊ ပဲခူးခရိုင် ၊ အမှတ် ( ၂ ) တပ်ရင်း ၊ P2-3702 ထံသို့ အလင်းဝင်ရောက်ခဲ့ခြင်းဖြစ်ကြောင်း သိရသည်။
ထိုအလင်းဝင်ရာက်လာသော စစ်မှုထမ်း တပ်သားသစ် ၁ ဦးသည် MA-1 သေနတ် ၁ လက် ၊ ကျည်ဘောက် ၃ ခု ၊ 5.56 ကျည် ၁၀၅ တောင့် တို့ကို ယူဆောင်လာပြီး အလင်းဝင်လာခြင်းကြောင့် ဘေးကင်းသည့်နေရာသို့ ပို့ဆောင်ကာ ကျပ်ငွေ ဆယ်သိန်း ချီးမြှင့် ပေးအပ်ခဲ့ကြောင်း သိရှိရသည်။
"စစ်မှုထမ်း တပ်သားသစ်က သင်တန်း အပတ်စဉ် ၇ ကပါ။ ကနဦး ဂုဏ်ပြုဆုငွေကတော့ ဆယ်သိန်းပါ ချီးမြှင့်ထားပါတယ်။ သင်တန်းကျောင်းက ရန်ကုန်တိုင်း တိုက်ကြီးမြို့နယ် ဂျိုးဖြူသင်တန်းကျောင်းမှာ သင်တန်းဆင်းတာပါ။ ပေါ်တာအဆွဲခံရတာပါ။အရက်ဆိုင်မှာ အရက်သွားသောက်ရင်းနဲ့ နောက်ကျသွားလို့ အဲဒီအချိန်မှာ ပေါ်တာအဆွဲခံရတာပါ။ နေရာကတော့ တိုက်ကြီးမြို့နယ်မှာ နေပါတယ်။ သူက သူစခန်းကနေ ကင်းစောင့် တာဝန်ကျနေတဲ့အချိန်မှာ သေနတ်ယူပြီးတော့ ထွက်ပြေးလာတာပါ။ ဒီဘက်မှာ PDFတွေ စိုးမိုးထားတယ်။ PDFတွေရှိတယ်ဆိုတာသိလို့ သူက အဲဒီလိုမျိုးပဲ ထွက်ပြေးလာတာပါ။ ကြိုတင် ချိတ်ဆက်တာတော့မရှိပါဘူး။ အတင်းအဓမ္မ စုဆောင်းခံရတဲ့သူတွေ ကျွန်တော် အခုလိုဆိုရင် ပဲနွယ်ကုန်း- နတ်သံကွင်း ကျောက်ကြီး၊ လမ်းကြောင်းပေါ်က စခန်းတွေသည် ကျွန်တော်တို့ ၃၇၀၂ စိုးမိုးနယ်မြေနဲ့ အရမ်းနီးတဲ့ နေရာပေါ့ အဲဒီဘက်က စုဆောင်းခံရတဲ့သူတွေ ပြေးချင်တယ်ဆိုရင် ကျွန်တော်တို့တပ်ရင်းနဲ့ ကြိုတင်ချိတ်ဆက်လို့လည်းရမယ် နောက်ဆုံးသူတို့ရဲ့မိသားစု ဆွေးမျိုးသားချင်းတွေ Page ကနေတစ်ဆင့် ဆက်သွယ်ပြီး ချိတ်ဆက်လို့လည်းရပါတယ်။ အဲဒါလေးလည်း ပြောချင်ပါတယ်။ သူတို့ ပြေးဖို့စဉ်စားတယ်ဆိုရင်ပြောချင်တာက လက်နက်နဲ့တကွ ထွက်ပြေးတာအကောင်းဆုံးနည်းလမ်းပါ ကြိုးစားပြီးတော့လက်နက်ပါပါအောင် ကြိုးစားပြီး ယူဆောင်ခဲ့ကြဖို့လည်းတိုက်တွန်းချင်ပါတယ်လို့" ဟု ပဲခူးခရိုင် ၊ အမှတ် - ၂ တပ်ရင်း ၊ P2-3702 မှ တာဝန်ရှိသူတစ်ဦးက ပြောဆိုသည်။
ရေတာရှည်၊ ပိတောက်ကုန်းကျေးရွာကို စစ်တပ်က လေယာဉ်ဖြင့် ဗုံးကျဲ တိုက်ခိုက်မှု အမျိုးသား ၁ ဦး သေဆုံးပြီး ၁ ဦး ဒဏ်ရာရ
ရန်ကုန်၊ ဧပြီ ၁၁
ပဲခူးတိုင်း၊ ရေတာရှည်မြို့နယ်၊ ပိတောက်ကုန်းကျေးရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် အမျိုးသား ၁ သေဆုံးပြီး ၁ ဦး ဒဏ်ရာရရှိခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဧပြီလ ၁၁ ရက်နေ့ နံနက် ၁၁ နာရီ ၅၀ မိနစ်ခန့် တွင် ရေတာရှည်မြို့နယ်၊ စစ်တောင်းမြစ် အရှေ့ဘက်ကမ်းရှိ ပိတောက်ကုန်းကျေးရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ K-8 Jet Fighter လေယာဥ်ဖြင့် ဗုံးကျဲ တိုက်ခိုက်ခဲ့ကြောင်း သိရသည်။
အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း ပိတောက်ကုန်းကျေးရွာမှ အသက် ၂၉ နှစ်အရွယ် ကိုဝေဠု သေဆုံးခဲ့ပြီး အသက် ၆၀ နှစ် အရွယ် အမျိုးသမီး ၁ ဦး ထိခိုက်ဒဏ်ရာရရှိခဲ့ကြောင်း သိရှိရသည်။
" မအလက အပစ်အခတ် ရပ်စဲထားတယ်လို့ ကြေညာ ထားသော်လည်း ရေတာရှည်မြို့နယ် ပိတောက်ကုန်းရွာ နဲ့ ရေငံလမ်းဘေးကို ဒီနေ့ နံနက် ၁၁ နာရီ ၅၀ မိနစ်က လေယာဥ်နဲ့ ဗုံးကျဲသွားတာ အမျိုးသား တစ်ဦး သေဆုံးတယ်။ အမျိုးသမီး တစ်ဦး ဒဏ်ရာရတယ်" ဟု ဒေသပြည်သူ တစ်ဦးက ပြောဆိုသည်။
နောက်ပြန်မလှည့်ကြေး ဒီတော်လှန်ရေး လူထုသပိတ် စစ်ကြောင်းက စစ်အာဏာရှင် ချေမှုန်းရေး ချီတက် ဆန္ဒပြ
ရန်ကုန်၊ ဧပြီ ၁၁
ယင်းမာပင်မြို့နယ်တွင် နောက်ပြန်မလှည့်ကြေး ဒီတော်လှန်ရေး လူထုသပိတ် စစ်ကြောင်း ဦးဆောင်ကာ ယနေ့ ဧပြီလ ၁၁ ရက်နေ့တွင် စစ်အာဏာရှင် ချေမှုန်းရေး ချီတက် ဆန္ဒပြခဲ့ကြောင်း သိရသည်။
ရွာငံ-အောင်ပန်း လမ်းပိုင်းတွင် ဗိုလ်ကြီးမျိုးဇော်သန်း လိုက်ပါလာသော အိမ်စီးကားကို ပစ်ခတ် တိုက်ခိုက်မှု ပွဲချင်းပြီး သေဆုံး၊ ပစ္စတို သေနတ်နှင့် လက်ပစ်ဗုံးတို့ သိမ်းဆည်းရရှိ
ရန်ကုန်၊ ဧပြီ ၁၁
ရှမ်းပြည်နယ်၊ ရွာငံ-အောင်ပန်း လမ်းပိုင်းတွင် ဗိုလ်ကြီးမျိုးဇော်သန်း လိုက်ပါလာသော အိမ်စီးကားကို ပစ်ခတ် တိုက်ခိုက်ရာ ပွဲချင်းပြီး သေဆုံးပြီး ပစ္စတို သေနတ်နှင့် လက်ပစ်ဗုံးတို့ သိမ်းဆည်းရရှိခဲ့ကြောင်း DANU STATE NATIONAL DEFENCE ARMY (DSNDA) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဧပြီလ ၁၁ ရက်နေ့တွင် ရွာငံမြို့နယ်၊ ရွာငံ-အောင်ပန်း မိုင်းလမ်းမဘေး လမ်းခွဲတစ်နေရာတွင် DSNDA မှ တော်လှန်ရေး ရဲဘော်များက စစ်ဆေးရေး လုပ်ဆောင်နေစဉ် အိမ်စီးကား ၁ စီးသည် အစစ်ဆေးခံခြင်းမရှိဘဲ ဆုတ်ခွာထွက်ပြေးခြင်းကြောင့် ပစ်ခတ် တိုက်ခိုက်ခဲ့ကြောင်း သိရသည်။
ယင်းပစ်ခတ် တိုက်ခိုက်မှု အတွင်း ကားပေါ်တွင် ပါလာသည့် ဗိုလ်ကြီးမျိုးဇော်သန်း ပွဲချင်းပြီး သေဆုံးပြီး ၎င်းကိုင်ဆောင်သော ပစ္စတိုသေနတ် ၁ လက် ၊ လက်ပစ်ဗုံး ၁ လုံး ၊ ဖုန်းနှင့် ငွေသားများကို သိမ်းဆည်း ရရှိခဲ့ကြောင်း သိရှိရသည်။
သေဆုံးသွားသော ဗိုလ်ကြီး မျိုးဇော်သန်းသည် ရွာငံမြို့ မြောက်ဘက်ရှိ မြို့အထွက်ဂိတ်တွင် အာဏာ အရှိဆုံး အရာရှိ တစ်ဦးဖြစ်ကြောင်း သိရသည်။
"ကျနော်တို့ အနေနဲ့ တိုက်ခိုက်မှုတွေ ဆက်လက် လုပ်ဆောင်သွားမယ်။ ပြည်သူတွေ အားရ ကျေနပ်တဲ့အထိ ကြိုးစားသွားပါ့မယ်လို့ပြောချင်ပါတယ်" ဟု DANU STATE NATIONAL DEFENCE ARMY (DSNDA) မှ တာဝန်ရှိသူ တစ်ဦးက ပြောဆိုသည်။
ထို့ပြင် စစ်မဲ့ဇုန်ဖြစ်သည့် ကယန်း ပြည်သူများ နေထိုင်ရာ ကျေးရွာများအတွင်း ဗုံးကျဲတိုက်ခိုက်ခြင်း၊ ကယန်းအမျိုးသားစာပေယာဉ်ကျေးမှု ဝိသေသလက္ခဏာ အမျိုးသားရေးဆိုင်ရာများကို ဖော်ထုတ်သည့် လှုပ်ရှားမှုများကို အထက်ပါ ဖြစ်စဉ်မျိုး ထပ်မံကျူးလွန်ပါက ဖြစ်ပေါ်လာမည့် ကိစ္စများကို ကယန်းပြည်သစ်ပါတီက တာဝန်ခံမည်မဟုတ်ကြောင်း ကယန်းပြည်သစ်ပါတီက သတိပေးထားသည်။
ဓာတ်ပုံ - ဧပြီလ ၉ ရက်နေ့ ဝန်းသိုမြို့နယ်၊ နမ်းခမ်းရွာကို စစ်တပ်က လေယာဉ်ဖြင့် ၂ ကြိမ် ဗုံးကျဲ တိုက်ခိုက်မှု ကလေးငယ်များ အပါအဝင် ပြည်သူ ၂၀ ကျော် သေဆုံးခဲ့စဉ်။