567148
ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
ဆိပ်ဖြူမြို့နယ်၊ ကပစ ၂၂ အတွင်း ဝင်ရောက်၍ တော်လှန်ရေး တပ်ဖွဲ့များ ထောင်ထားသည့်မိုင်းများ စစ်သားများနင်းမိပြီး ၃ ဦးသေဆုံး၊ စစ်တပ်က အနီးအနားရှိ ရွာကို ဒရုန်းဖြင့် ဗုံးကျဲ တိုက်ခိုက်
ရန်ကုန်၊ ဒီဇင်ဘာ ၂၁
မကွေးတိုင်း၊ ဆိပ်ဖြူမြို့နယ်၊ ကပစ ၂၂ အတွင်း ဝင်ရောက်၍ ထောင်ထားသည့်မိုင်းများ စစ်သားများနင်းမိပြီး ၃ ဦးသေဆုံးခဲ့ကြောင်း Young Revolution Front အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၁၉ ရက်နေ့ ညပိုင်းတွင် ဆိပ်ဖြူမြို့နယ်၊ ကပစ.၂၂ ဝင်းအတွင်းရှိ F စက်ရုံ အနီးတွင် တော်လှန်ရေး တပ်ဖွဲ့များက ပေ ၁၀၀ အကွာအဝေးထိ ထိချက်ပြင်းသော တိုက်မိုင်း အမျိုးစား ၃ လုံးကို ထောင်ထားခဲ့ကြောင်း သိရသည်။
ဒီဇင်ဘာလ ၂၀ ရက်နေ့တွင် နံနက်ပိုင်းတွင် မိုင်း ၃ လုံး စလုံးကို ပေါက်ကွဲပြီး အကြမ်းဖက် စစ်ကောင်စီ တပ်သား ၃ ဦး သေဆုံးကာ ၄ ဦး အပြင်းအထန် ဒဏ်ရာရရှိခဲ့ကြောင်း သိရသည်။
ထို့သို့ တိုက်ခိုက်ခံရပြီးနောက် အကြမ်းဖက် စစ်ကောင်စီ တပ်သားများက ညနေပိုင်းတွင် ကပစ ၂၂ အနီးနားရှိ ဖက်ကနားကျေးရွာတောတိုက်ကို ဒရုန်းဖြင့် ဗုံးသီး ၃ လုံး ကျဲချ တိုက်ခိုက်ခဲ့ပြီး ၂ လုံးပေါက်ကွဲပြီး ၁ လုံးက ပေါက်ကွဲမှုမရှိကြောင်း၊ ဒေသပြည်သူများ ထိခိုက်မှုမရှိကြောင်း သိရှိရသည်။
" ၁၉ ရက်နေ့ ညပိုင်းက ကျနော်တို့ ကပစ ၂၂ အတွင်းထဲထိ ဝင်ပြီး တိုက်မိုင်းနင်းမိုင်း ၃ လုံး ထောင်ထားခဲ့တာ ၂၀ ရက်နေ့ မနက်အစောပိုင်း ၆ နာရီ ၂၇ မိနစ်မှာ ပထမ ၁ လုံးကွဲတယ်။ နေမြင့်တော့ နောက်ထပ် ဒုတိယ ၁ လုံးကွဲတာ မွန်းလွဲပိုင်းမှာတော့ ၃ လုံးမြောက်အလုံး ထပ်ကွဲတယ်။ ညနေပိုင်း ရောက်တော့ စစ်ခွေးဘက်က အထိနာပြီး ကပစ ၂၂ တောင်ဘက်ရှိ ဖက်ကနားရွာဘက်ကို ဒရုန်းနဲ့ ဗုံးသီး ၃ လုံးလာချသွားသေးတယ်။ ပြည်သူတွေတော့ထိခိုက်မှုမရှိဘူး။ ၃ လုံးလာကျဲချတာ ၂ လုံးပဲ ကွဲတယ်။ အဲ ဖက်ကနားရွာမှာ ဘယ်အဖွဲ့စည်းမှ မပါရှိဘူး။ စစ်ခွေးတွေ ရမ်းသမ်းပြီး ကျဲသွားတာ" ဟု Young Revolution Front အဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို Y.R.F ပကဖ တပ်ဖွဲ့မှ တော်လှန်ရေး ရဲဘော်များနှင့် အတူ ဆိပ်ဖြူနယ် တကိုယ်တော် ကိုကျားဇိုး အဖွဲ့က ပူးပေါင်းလုပ်ဆောင်ခဲ့ကြောင်း သိရသည်။
အနောက်ပိုင်းတိုင်းစစ်ဌာနချုပ်ကို AA က သိမ်းပိုက်ပြီးနောက် ဖမ်းဆီးရရှိသော ဒုတိုင်းမှူး ဗိုလ်မှူးချုပ်သောင်းထွန်း၊ ဗိုလ်မှူးချုပ် ကျော်ကျော်သန်း တို့၏ ဓာတ်ပုံများ AA က ထုတ်ပြန်
ရန်ကုန်၊ ဒီဇင်ဘာ ၂၁
ရခိုင်ပြည်၊ အမ်းမြို့ရှိ အနောက်ပိုင်းတိုင်းစစ်ဌာနချုပ်ကို AA က သိမ်းပိုက်ပြီးနောက် ဖမ်းဆီးရရှိသော ဒုတိုင်းမှူး ဗိုလ်မှူးချုပ်သောင်းထွန်း၊ ဗိုလ်မှူးချုပ် ကျော်ကျော်သန်း တို့၏ ဓာတ်ပုံများကို AA က ယနေ့ ထုတ်ပြန်လိုက်သည်။
အာရက္ခဒေသ အမ်းမြိုနယ်၊ အနောက်ပိုင်းတိုင်းစစ်ဌာနချုပ်၏ နောက်ဆုံးတစ်ခုတည်းသာ ကျန်ရှိတော့သည့် နပခ ဌာနချုပ် တိုင်းစစ်ရုံးအတွင်းမှ လက်ကျန်နေရာအားလုံး ဒီဇင်ဘာလ ၂၀ ရက်နေ့၊ မွန်းလွဲ ၁ နာရီ ၄၀ မိနစ်အချိန် AA က အပြီးသတ်သိမ်းပိုက်နိုင်ခဲ့ကြောင်း၊ ထိုကြောင့် အမ်းမြိုနယ်တစ်ခုလုံးကို ယနေ့တွင် အလုံးစုံ သိမ်းပိုက်ထိန်းချုပ်နိုင်ခဲ့ပြီ ဖြစ်သောကြောင့် အမ်းမြို့သည် အာရက္ခပြည်သူ့တော်လှန်ရေးအစိုးရမှ အပြည့်အဝ အလုံးစုံထိန်းချုပ်ထားနိုင်သော (၁၄) မြိုမြောက် မြိုဖြစ်လာခဲ့ပြီဖြစ်ကြောင်း သိရှိရသည်။
ယခင်သိမ်းပိုက်ထားသော ၁၃ မြို့မှာ ပလက်ဝမြို့ ၊ ပေါက်တောမြို့ ၊ မင်းပြားမြို့ ၊ မြောက်ဦးမြို့ ၊ ကျောက်တော်မြို့ ၊ မြေပုံမြို့ ၊ ပုဏ္ဏားကျွန်းမြို့ ၊ ရမ်းဗြဲမြို့ ၊ ရသေ့တောင်မြို့ ၊ ဘူးသီးတောင်မြို့ ၊ သံတွဲမြို့ ၊ တောင်ကုတ်မြို့ နှင့် မောင်တောမြို့တို့ ဖြစ်ကြောင်း သိရှိရသည်။
စလင်းတွင် တစ်ပတ်ကျော်ကြာ စစ်ကြောင်းထိုးနေသည့် စစ်တပ်ကို PDF တပ်ဖွဲ့က လိုက်လံ တိုက်ခိုက်မှု စစ်တပ်ဘက်မှ ထိခိုက်သေဆုံးသူများပြား၊ စစ်တပ်က စန်းကလေး မြောက်ရွာကို ရွာလုံးကျွတ် မီးရှို့ဖျက်ဆီးမှု နေအိမ် ၁၀၀ ကျော်ပြာကျ
ရန်ကုန်၊ ဒီဇင်ဘာ ၂၀
မကွေးတိုင်း၊ စလင်းမြို့နယ်တွင် တစ်ပတ်ကျော်ကြာ စစ်ကြောင်းထိုးနေသည့် အကြမ်းဖက် စစ်တပ်ကို လိုက်လံ တိုက်ခိုက်ရာ စစ်တပ်ဘက်မှ ၅၀ ဦးထက်မနည်း သေဆုံးပြီး အထိနာနေသော စစ်တပ်က စန်းကလေး မြောက်ရွာကို ရွာလုံးကျွတ် မီးရှို့ဖျက်ဆီးခြင်းကြောင့် နေအိမ် ၁၀၀ ကျော်ပြာကျခဲ့ကြောင်း စလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၁၁ ရက်နေ့မှ စတင်ပြီး စလင်းမြို့နယ်၊ တညောင်တိုက်နယ်ရှိ ကျေးရွာများကို ကပစ ၂၁ ၊ ချောက် ၊ ဆိပ်ဖြူ နှင့် ပခုက္ကူတပ်မ ၁၀၁ မှ အကြမ်းဖက် စစ်ကောင်စီ တပ်သား အင်အား ၂ဝဝ ဝန်းကျင်ခန့်က ကပစ ၂၁ နှင့် ကပစ ၂၅ ကို သွယ်တန်းထားသော မီးလိုင်းများ ပြတ်တောက်မည် စိုးရိမ်သောကြောင့် စစ်ကြောင်းထိုးနေခြင်းဖြစ်ကြောင်း သိရသည်။
အဆိုပါ အကြမ်းဖက် စစ်တပ် စစ်ကြောင်းသည် ကျေးရွာ ၅ ရွာကျော်ကို ဝင်ရောက်စီးနင်းပြီး ပြည်သူပိုင် ပစ္စည်းအားလုံးကို ခိုးယူခြင်း၊ စစ်ရှောင်ပြည်သူများကို လက်နက်ကြီးများဖြင့် ပစ်ခတ်ခြင်း၊ ကျေးရွာများကို မီးရှို့ဖျက်ဆီးခြင်းကြောင့် တော်လှန်ရေး တပ်ဖွဲ့များက စစ်တပ်စစ်ကြောင်း သွားလာရာ လမ်းတစ်လျှောက်ကို လိုက်လံ တိုက်ခိုက်ခဲ့ကြောင်း သိရှိရသည်။
ဒီဇင်ဘာလ ၁၆ ရက်နေ့တွင် စန်းကလေး မြောက်ရွာအနီးဖြစ်ပွားခဲ့သော တိုက်ပွဲတွင် အကြမ်းဖက် စစ်တပ်ဘက်မှ အထိနာပြီး ကျေးရွာအတွင်း နေအိမ်များကို ၂ ကြိမ် မီးရှို့ဖျက်ဆီးခဲ့ခြင်းကြောင့် ရွာလုံးကျွတ် ပြာကျကာ နေအိမ် ၁၀၀ ကျော် မီးလောင် ပျက်စီးခဲ့ကြောင်း သိရသည်။
အဆိုပါ တစ်ပတ်ကျော်ကြာ ဖြစ်ပွားသော တိုက်ပွဲများအတွင်း အကြမ်းဖက် စစ်တပ်ဘက်မှ ၅၀ ဦးထက်မနည်းသေဆုံးခဲ့ကြောင်း၊ လက်ရှိချိန်တွင် အကြမ်းဖက် စစ်တပ် စစ်ကြောင်းက ကပစ ၊ တညောင်က EPC ရုံး နှင့် ဆိပ်ဖြူဘက်ကို စစ်ကြောင်းများခွဲ၍ ပြန်လည် ဆုတ်ခွာသွားကြောင်း သိရှိရသည်။
"ဒီနေ့ မနက်ပိုင်းတော့ စစ်ခွေးတွေ ပြန်ဆုတ်သွားတယ်။ ကပစ ထဲ ပြန်ဝင်တာရှိတယ်။ တညောင်က EPC ရုံးမှာ ကျန်ခဲ့တာရှိတယ်။ ဆိပ်ဖြူဘက်ကို ပြန်တာတွေရှိတယ်။ ခွဲသွားတာပေါ့။ ခွေးအသေစာရင်းက ကျွန်တော် ထင်တယ် ၅ဝ ၀န်းကျင်လောက်ရှိမယ်။ ခန့်မှန်းခြေပေါ့။ ဘာဖြစ်လို့လည်းဆို ကျွန်တော်တို့ မိုင်းဆွဲတာ ရှိမယ်။ ကျွန်တော်တို့ အဖွဲ့တွေပေါင်းပြီးတော့ ဒရုန်းချတာတွေရော လက်နက်ကြီးနဲ့ ထိတာတွေရောရှိတယ်" ဟု စလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ အကြမ်းဖက် စစ်တပ် စစ်ကြောင်းသည် ကျေးရွာ ၅ ရွာကျော်မှ ပြည်သူပိုင် ပစ္စည်းများနှင့် စားနပ်ရိက္ခာများကိုလည်း ကားပေါ်တင်၍ ကပစ ၂၁ နှင့် ဆိပ်ဖြူမြို့နယ်ဘက်ကိုလည်း ခိုးယူသွားကြောင်း သိရသည်။
"စစ်ခွေးတွေ နေအိမ်ထဲက ပစ္စည်းတွေကိုလည်း ဝင်ယူတာတွေရှိတယ်။ ကားတွေရှိမယ် ပဲ၊ နှမ်း၊ သီးနှံတွေရှိမယ်။ အိမ်ထဲက တန်ဖိုးကြီး ပစ္စည်းပေါ့။ အီလက်ထရောနစ်ပစ္စည်းက အစ သူတို့ ကားတွေနဲ့ သယ်သွားတာတွေရှိတယ်။ ရွာတော်တော်များများက ပစ္စည်းတွေကို ခွေးတွေက ခိုးသွားတာ အားလုံးပေါင်း ၅ ရွာလောက်တော့ရှိမယ်။ ကျွန်တော်တို့ တစ်ချို့ရွာတွေဆိုရင် သူတို့ ၂ ခေါက် ၃ ခေါက်တိုက်တာတွေရှိတယ်။ သွားတာကတော့ ဆိပ်ဖြူဘက်ကိုသွားတာ ပြီးရင် ကျွန်တော်တို့ လိုက်ရ သလောက်ပေါ့။ ကပစ ၂၁ ကိုတော့ ၃ စီးလာပို့တယ်လို့ပြောတယ်။ အဓိက တန်ဖိုးကြီးတဲ့ဟာတွေ ရေခဲသေတ္တာတို့ ထမင်းပေါင်း ကအစ ဟင်းချက်တဲ့ ဒယ်နီအိုးပါ မကျန် အကုန်လုံးကို ခိုးယူ လုယက်သွားတာ" ဟု စလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ဆက်လက် ပြောဆိုသည်။
ရှမ်းပြည်တောင်ပိုင်း ဒေသခံတော်လှန်ရေးတပ်ပေါင်းစု SSLRU ၏ ဖွဲ့စည်းတည်ထောင်ခြင်း ၂ နှစ်ပြည့် အခမ်းအနား ကျင်းပ
ရန်ကုန်၊ဒီဇင်ဘာ ၂၀
ရှမ်းပြည်တောင်ပိုင်း ဒေသတစ်ခုတွင် ရှမ်းပြည်တောင်ပိုင်း ဒေသခံတော်လှန်ရေးတပ်ပေါင်းစု SSLRU ၏ ဖွဲ့စည်းတည်ထောင်ခြင်း ၂ နှစ်ပြည့် အခမ်းအနားကို ဒီဇင်ဘာလ ၂၀ ရက်နေ့တွင် ကျင်းပခဲ့ကြောင်း သိရှိရသည်။
အဆိုပါ ဖွဲ့စည်းတည်ထောင်ခြင်းနှစ်ပတ်လည်အခမ်းအနားတွင် SSLRU ၏ တာဝန်ရှိပုဂ္ဂိုလ်များနှင့် မဟာမိတ်တပ်ဖွဲ့အသီးသီး မှ တာဝန်ရှိသူများ တက်ရောက်ချီးမြှင့်ခဲ့ကာ ရဲဘော်များ၏ စစ်ရေးပြခြင်း၊ SSLRU ၏ တာဝန်ရှိပုဂ္ဂိုလ်များ နှင့် KNDF ဗျူဟာ၂ ဗျူဟာမှူးတို့က အဖွင့်အမှာစကားပြောကြားခြင်း၊ မဟာမိတ်တပ်ဖွဲ့အသီးသီးမှ ပေးပို့လာသော သဝဏ်လွှာများ ဖတ်ကြားခြင်း အစီအစဉ်များအပြင် ကြွရောက်လာသည့် ဧည့်သည်တော်များအား အစားအသောက်များ တည်ခင်းဧည့်ခံခဲ့ကြောင်း သိရှိရသည်။
ယင်းမာပင်မြို့နယ်တွင် သပိတ်စစ်ကြောင်း ၂ ခု ပူးပေါင်း၍ စစ်အာဏာရှင် ဆန့်ကျင်ရေး ဆန္ဒပြ
ရန်ကုန်၊ဒီဇင်ဘာ ၂၀
ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းသည် ယင်းမာပင် ဆားလင်းကြီး ရွာပေါင်းစုံ သပိတ်စစ်ကြောင်းနှင့်အတူ "တောင်ယာသပိတ်" ကို ဆင်နွှဲရင်း စစ်အာဏာရှင် တော်လှန်ရေးဆန္ဒပြပွဲကို ဒီဇင်ဘာလ ၂၀ ရက်နေ့တွင် ပြုလုပ်ခဲ့ကြကြောင်း သိရှိရသည်။
ယင်းမာပင်မြို့နယ်တွင် စစ်အာဏာရှင် ဆန့်ကျင်ရေး ချီတက် ဆန္ဒပြ
ရန်ကုန်၊ဒီဇင်ဘာ ၂၀
ယင်းမာပင်မြို့နယ်တွင် အောင်လံလွှင့်မည်ရွှေရေကြည်လူထုသပိတ်စစ်ကြောင်းက ဒီဇင်ဘာလ ၂၀ရက်နေ့တွင် စစ်အာဏာရှင် အလိုမရှိကြောင်း ဆန္ဒထုတ်ဖော်ခဲ့ကြကြောင်းသိရှိရသည်။
အဆိုပါ ဆန္ဒပြ ပြည်သူများက တောင်ယာလုပ်ငန်းခွင်များ လုပ်ကိုင်ရင်း "စစ်အာဏာရှင် အလိုမရှိကြောင်း"၊ "စစ်အကြမ်းဖက်အုပ်စုကိုထောက်ခံပေးနေသော တရုတ်အစိုးရကိုအလိုမရှိကြောင်း”၊ "ဖက်ဒရယ်ဒီမိုကရေစီပြည်ထောင်စုတည်ထောင်ရေး"၊ "သွေစွန်းငွေဖြတ်တောက်ရေး စစ်ကောင်စီကို ငွေမပေး" စသည့် ကြွေးကြော်သံများနှင့်အတူ ဆန္ဒထုတ်ဖော်ခဲ့ကြကြောင်းသိရှိရသည်။
ပခုက္ကူနှင့် မြိုင် ကို စစ်ကြောင်းထိုးနေသည့် စစ်တပ်က ကျေးရွာ ၄ ရွာကို စီးနင်းပြီး ပြည်သူ ၂ ဦးကို သတ်ဖြတ်ကာ နေအိမ် ၁၀၀ ကျော်ကို မီးရှို့ဖျက်ဆီး၊ သရက်ကန်ရွာရှိ ပျူစောထီးများကိုလည်း PDF တပ်ဖွဲ့က ဆက်တိုက် ဝင်ရောက် တိုက်ခိုက်
ရန်ကုန်၊ ဒီဇင်ဘာ ၁၉
မကွေးတိုင်း၊ ပခုက္ကူမြို့နယ်နှင့် မြိုင်မြို့နယ်ကို စစ်ကြောင်းထိုးနေသည့် အကြမ်းဖက် စစ်တပ်က ကျေးရွာ ၄ ရွာကို စီးနင်းပြီး ပြည်သူ ၂ ဦးကို သတ်ဖြတ်ကာ နေအိမ် ၁၀၀ ကျော်ကို မီးရှို့ဖျက်ဆီးခဲ့ကြောင်း အညာမြေတပ်ပေါင်းစုမှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၁၁ ရက်နေ့ နံနက် ၆ နာရီခန့်တွင် ပခုက္ကူမြို့နယ်၊ ရေလာလေးကျေးရွာရှိ ပျူစောထီး စခန်းကို တောာ်လှန်ရေး တပ်ဖွဲ့များ တိုက်ခိုက် သိမ်းပိုက်ပြီးနောက် အကြမ်းဖက် စစ်တပ်က ပခုက္ကူနှင့် မြိုင်မြို့နယ် အစပ်ရှိ ကျေးရွာများကို ဆက်တိုက် စစ်ကြောင်းထိုး စီးနင်းနေခြင်းဖြစ်ကြောင်း သိရသည်။
အကြမ်းဖက် စစ်တပ် စစ်ကြောင်းထိုး မီးရှို့ဖျက်ဆီးခြင်းကြောင့် ဝါးကျွန်းတွင်းကျေးရွာ၊ ရေလာကြီးကျေးရွာ၊ ပြည့်အိုင်ကျေးရွာနှင့် ရွာသာအေးကျေးရွာများမှ ပြည်သူပိုင် နေအိမ် ၁၀၀ ကျော် မီးလောင် ပျက်စီးပြီး အဖိုးတန် ပစ္စည်းများလည်း ဆုံးရှုံးခဲ့ကြောင်း၊ ထို့ပြင် အကြမ်းဖက် စစ်တပ်က အရပ်သား ပြည်သူ ၂ ဦးကိုလည်း ဖမ်းဆီးသတ်ဖြတ်ခဲ့ပြီး ထောင်နှင့်ချီသော ပြည်သူများ ဘေးလွတ်ရာထွက်ပြေးနေရကြောင်း သိရှိရသည်။
ထို့ပြင် မြိုင်မြို့နယ် အနောက်တောင်ပိုင်း သရက်ကန်ရွာရှိ ပျူစောထီးများကိုလည်း ဆက်တိုက် ဝင်ရောက် တိုက်ခိုက်ခဲ့ကြောင်း အညာမြေတပ်ပေါင်းစုမှ တာဝန်ရှိသူ တစ်ဦးက ဆက်လက် ပြောဆိုသည်။
နိုဝင်ဘာလ ၂၂ ရက်နေ့တွင် သရက်ကန်ရွာမှ ပျူစောထီးများသည် ရွာပြင်ကို မြေပဲ ဖော်ရန် ထွက်လာစဉ် စောင့်ကြိုတိုက်ခိုက်ခဲ့ကြောင်း၊ ထိတွေ့ တိုက်ပွဲသည် မိနစ် ၂၀ ခန့်ကြာမြင့်ခဲ့ပြီး တော်လှန်ရေး တပ်ဖွဲ့ဝင်များ ထိခိုက်မှုမရှိကြောင်း၊ ပျူစောထီးများသည် မြေပဲ ဆက်လက် ဖော်နိုင်ခြင်းမရှိတော့ဘဲ ဘန်ကာများ အတွင်းသို့ ဝင်ပြေးသွားကြောင်း သိရသည်။
ဒီဇင်ဘာလ ၁၇ ရက်နေ့တွင် TYK ပြောက်ကျားတပ်ဖွဲ့နှင့် အညာမြေတပ်ပေါင်းစု မှ မဟာမိတ်ရဲဘော်များ သရက်ကန်ပျူစောထီးရွာကို အနီးကပ် စောင့်ကြည့်နေစဉ် သရက်ကန်ပျူစောထီးရွာမှ အကြမ်းဖက် စစ်ကောင်စီ တပ်သားများနှင့် ထိတွေ့ တိုက်ပွဲဖြစ်ပွားခဲ့ကြောင်း၊ ယင်းထိတွေ့ တိုက်ပွဲသည် ၁ နာရီကျော်ကြာမြင့်ခဲ့ပြီး TYK ပြောက်ကျားတပ်ဖွဲ့ မှ တော်လှန်ရေး ရဲဘော် ၁ ဦး ထိခိုက် ဒဏ်ရာရရှိခဲ့ကြောင်း သိရှိရသည်။
ဒီဇင်ဘာလ ၁၈ ရက်နေ့ နံနက် ၈ နာရီခန့်တွင် သရက်ကန်ပျူစောထီးရွာမှ ပျူစောထီး ၃ ဦးသည် လက်နက်များ ကိုင်ဆောင်ပြီး ရွာပြင်ကို ထွက်လာစဉ် အသင့်စောင့်ဆိုင်းနေသော တော်လှန်ရေး ရဲဘော်များက ဝိုင်းဝန်း ပိတ်ဆို့ တိုက်ခိုက်ခဲ့ရာ ပျူစောထီး ၁ ဦးး ပြင်းထန်ဒဏ်ရာရပြီး ရွာထဲကို ထွက်ပြေးသွားကြောင်း သိရသည်။
အဆိုပါ တိုက်ခိုက်မှုများကို အညာမြေတပ်ပေါင်းစုတပ်ဖွဲ့၊ TYK ပြောက်ကျားတပ်ဖွဲ့၊ မြိုင်ပကဖ တပ်ရင်း (၁)၊ မုန်တိုင်းပြည့်သူ ကာကွယ်ရေးတပ်ဖွဲ့၊ မြိုင်တပ်ခွဲ(၄)စင်္ကြာ၊ မြိုင်တပ်ခွဲ(၂)ဂဠုန်၊ နွေဦးညီနောင်တပ်ဖွဲ့၊ ဒေါင်းမာန်တပ်ဖွဲ့၊ ဒေါင်းညီနောင်တပ်ဖွဲ့၊မြိုင်ရာဇာတပ်ဖွဲ့၊ UnionBrother တပ်ဖွဲ့နှင့် God Of Myaing တပ်ဖွဲ့တို့က ပူးပေါင်း လုပ်ဆောင်ခဲ့ကြောင်း သိရှိရသည်။
ယင်းမာပင်မြို့နယ်တွင် စစ်အာဏာရှင် ဆန့်ကျင်ရေး ချီတက် ဆန္ဒပြ
ရန်ကုန်၊ဒီဇင်ဘာ ၁၉
ယင်းမာပင်မြို့နယ်တွင် အောင်လံလွှင့်မည်ရွှေရေကြည်လူထုသပိတ်စစ် ကြောင်းက ဒီဇင်ဘာလ ၁၉ ရက်နေ့တွင် စစ်အာဏာရှင် အလိုမရှိကြောင်း ဆန္ဒထုတ်ဖော်ခဲ့ကြကြောင်းသိရှိရသည်။
အဆိုပါ ဆန္ဒပြ ပြည်သူများက "စစ်အာဏာရှင် အလိုမရှိကြောင်း"၊ "စစ်အ ကြမ်း ဖက်အုပ်စုကိုထောက်ခံပေးနေသော တရုတ်အစိုးရကိုအလိုမရှိကြောင်း”၊ "ဖက်ဒရယ်ဒီမိုကရေစီပြည်ထောင်စုတည်ထောင်ရေး"၊ "သွေစွန်းငွေဖြတ်တောက်ရေး စစ်ကောင်စီကို ငွေမပေး" စသည့် ကြွေးကြော်သံတွေ့နဲ့အတူ ဆန္ဒထုတ်ဖော်ခဲ့ကြကြောင်းသိရှိရသည်။
ယင်းမာပင်မြို့နယ်တွင် စစ်အာဏာရှင် ဆန့်ကျင်ရေး ချီတက် ဆန္ဒပြ
ရန်ကုန်၊ဒီဇင်ဘာ ၁၉
ယင်းမာပင်မြို့နယ်တွင် ယင်းမာပင်မြောက်ခြမ်း နောက်ပြန်မလှည့်ကြေး ဒီတော်လှန်ရေး သပိတ်စစ်ကြောင်းက ဒီဇင်ဘာလ ၁၉ ရက်နေ့တွင် စစ်အာဏာရှင်စနစ်အမြစ်ပြတ်ချေမှုန်းရေးလူထုသပိတ်ပြုလုပ်ခဲ့ကြကြောင်း သိရှိရသည်။
မွန်ပြည်သူလူထုအနေဖြင့်လည်း မွန်တော်လှန်ရေးအဖွဲ့အစည်းများ ပူးပေါင်းကာ ဘုံရန်သူ စစ် ကောင်စီကို တိုက်ခိုက်နေပြီဖြစ်သဖြင့် တတ်နိုင်သည့်ဘက်မှ ဝိုင်းဝန်းကူညီပေးစေလိုကြောင်း တောင်းဆိုထားသည်။
“မွန်ပြည်သူလူတွေအမြဲတမ်းပြောပြောနေတဲ့ မွန်တွေဘာဖြစ်လို့ မညီကြသလဲ၊ တပ်အချင်းချင်း ဘာဖြစ်လို့အတူမတိုက်ကြတာလဲ၊ရည်မှန်းချက်ကတူနေတာတောင်ဘာဖြစ်လို့ အလုပ်အတူတူ လုပ်လို့မရသလဲဆိုတဲ့ တိုက်တွန်းချက်တွေ၊ မချင့်မရဲဖြစ်မှုတွေကို ကျနော်တို့အမြဲတမ်းဦးထိပ်ထား ပါတယ်။ အဲဒီလိုဦးထိပ်ထားပြီးတော့လည်းအကောင်အထည်ဖော်နေပါတယ်။ အကောင်အထည် ဖော်နေတဲ့အခါမှာ အခြေအနေအကြောင်းကြောင်းကြောင့် မလုပ်နိုင်တဲ့အခါရှိတယ်၊ ဒါပေမယ့် ကျနော် တို့လုပ်လို့ရသလောက် အခြေအနေပေးသလောက်ကို ကျနော်တို့ ကြိုးစားနေတယ်၊ အောင် မြင်အောင်လည်းလုပ်ပါတယ်၊ ဒါ့ထက်ပိုပြီးတော့လည်း အောင်မြင်အောင် လုပ်ဖို့လည်း စဉ်းစား ထားပါတယ်၊ ဒါ့ကြောင့်မို့ ကျနော်တို့ကိုလည်း တတ်နိုင်တဲ့ဘက်က ကူညီဖို့ မွန်ပြည်သူလူထုကို ပန်ကြားချင်ပါတယ်။” မွန်ပြည်ဖက်ဒရယ်ကောင်စီ ၊ အုပ်ချုပ်ရေးကော်မတီ၊ ကာကွယ်ရေး ဌာနမှူး နိုင်ဒင်းပလဟံသာက ပြောကြားသည်။
ယင်းမာပင်မြို့နယ်ရှိ ကျေးရွာတစ်ရွာတွင် တော်လှန်ရေး ရုပ်ရှင်ပြ
ရန်ကုန်၊ဒီဇင်ဘာ ၁၉
စစ်ကိုင်းတိုင်း၊ ယင်းမာပင်မြို့နယ်တွင် ယင်းမာပင်မြို့နယ်အတွင်းရှိ ကျေးရွာတစ်ရွာကို ယင်းမာပင်၊ဆားလင်းကြီးရွာပေါင်းစုံသိပိတ်ကော်မတီ ၊လူငယ့်အားမာန်သပိတ်ကော်မတီနှင့်ရင်းမာပင်ခရိုင်တပ်ရင်း ၁ တို့ပူးပေါင်းကာ တော်လှန်ရုပ်ရှင် ပြသခဲ့ကြကြောင်းသိရှိရသည်။
အဆိုပါရုပ်ရှင်ပြပွဲကို ဒီဇင်ဘာလအတွင်း ၈ ရွာမြောက်ပြသခဲ့ခြင်းဖြစ်ပြီး သရုပ်ဆောင် ပိုင်ဖြိုးသု၊ သဇင်ညွန့်အောင်၊ထက်မြတ်တို့ကလည်း ပြည်သူများကို အားပေးစကားပြောခဲ့ကြောင်းသိရှိရသည်။
စစ်ဆေးဆရာဝန်များကို လိုအပ်လျှင် ခြေလျင်စစ်သည်များနှင့်အတူ စစ်တိုက်ရမည်ဟု အကြမ်းဖက် မင်းအောင်လှိုင် ပြော
ရန်ကုန်၊ ဒီဇင်ဘာ ၁၉
အကြမ်းဖက် စစ်ခေါင်းဆောင် မင်းအောင်လှိုင်က စစ်ဆေးဆရာဝန်များကို လိုအပ်လျှင် ခြေလျင်စစ်သည်များနှင့်အတူ စစ်တိုက်ရမည်ဖြစ်ကြောင်း ပြောဆိုလိုက်သည်။
ယမန်နေ့ မင်္ဂလာဒုံ စစ်ဆေးတက္ကသိုလ်တွင် ပြုလုပ်သော အမှတ် ၅၂ စစ်ဆေး ဗိုလ်လောင်းသင်တန်းတွင် ၎င်းက အထက်ပါအတိုင်းပြောဆိုလိုက်ခြင်းဖြစ်သည်။
တပ်မတော်ဆရာဝန်များဖြစ်သည်နှင့်အညီ လိုအပ်လာပါက ခြေလျင်စစ်သည်များနှင့်အတူ နိုင်ငံတော်ကာကွယ်ရေးနှင့် လုံခြုံရေးအတွက် စစ်ဆင်ရေးတာဝန်များကိုပါ ထမ်းဆောင်ကြရမည်ဖြစ်သောကြောင့် အမိန့်နာခံမှု ကောင်းပြီး စစ်ပညာများကို အသုံးချတတ်သည့် စစ်ခေါင်းဆောင်များဖြစ်အောင် ကြိုးစားကြရန်လိုကြောင်း အကြမ်းဖက် မင်းအောင်လှိုင်က ပြောဆိုသွားသည်။
အကြမ်းဖက်စစ်ခေါင်းဆောင် လက်ရုံးတပ်ဖြစ်သည့် စစ်ဆေးဆရာဝန်များနှင့် ဆေးတပ်သားများကို ရှေ့တန်းစစ်မြေပြင်များတွင် စစ်တိုက်ခိုက်နေသဖြင့် စစ်ဆရာဝန်နှင့် ဆေးတပ်သားများ ထွက်ပြေးမှုများ များပြားနေကြောင်း၊ ထို့ပြင် စစ်ဆေးဆရာဝန်နှင့်ဆေးတပ်သားများ ရှေ့တန်းတွင် သေဆုံးမှုများလည်း များပြားခဲ့ကြောင်း ရန်ကုန်ခေတ်သစ်သတင်းဌာနက သတင်းဖော်ပြခဲ့ပြီးဖြစ်သည်။
စစ်ကောင်စီက ရှေ့တန်း စစ်မြေပြင်များသို့ စစ်ဆေးဆရာဝန်များ စေလွှတ်လာခြင်း၊ စစ်ဆေးတပ်များမှ အရာရှိနှင့်သူနာပြုများ ထွက်ပြေးမှုများ များပြားလာခြင်း အပါအဝင် လူအင်အား မလုံလောက်ခြင်းတို့ကြောင့် ယခုနှစ်ဩဂုတ်လနှင့်စက်တင်ဘာလအတွင်း စစ်ဆေးတက္ကသိုလ်တွင် ဘွဲ့လွန်သင်တန်းတက်နေသော အပတ်စဉ် ၅ ခုမှ စစ်ဆေးရာရှိများကို နေပြည်တော်၊ ပြင်ဦးလွင်၊ မိတ္တီလာ၊ အောင်ပန်း စသည့် စစ်ဆေးရုံများသို့ အတင်းအကျပ် စေလွှတ် နေရာချထားခဲ့ကြောင်း စစ်ဆေး အသိုင်းအ၀ိုင်းထံမှ သိရှိရသည်။
စစ်ဆေးတက္ကသိုလ် အပတ်စဉ် ၂၈ ၊ ၂၉ ၊ ၃၀ ၊ ၃၁ ၊ နှင့် ၃၂ မှ ဘွဲ့လွန်သင်တန်းတက်နေသော စစ်ဆေးဆရာဝန်များအားလုံးကို နေပြည်တော်၊ ပြင်ဦးလွင်၊ မိတ္ထီလာ၊ အောင်ပန်း စသည့် စစ်ဆေးရုံများသို့ စစ်ကောင်စီက အတင်းအကျပ် စေလွှတ်ခဲ့ပြီး သွားရောက်ခိုင်းရာတွင် အရပ်၀တ်ဖြင့် လုံခြုံရေးမပေးဘဲ သွားရောက်ခဲ့ကြောင်း စစ်ဆေးအသိုင်းအ၀ိုင်းက ပြောဆိုသည်။
စစ်တပ်ဆေးတပ်မှ အရာရှိဆရာဝန်များ၊ စစ်သားများကို ရှေ့တန်းသို့ ဆက်တိုက် စေလွှတ်နေသဖြင့် စစ်ဆေးတပ်အတွင်း စစ်ကောင်စီနှင့် စစ်ခေါင်းဆောင်များ အပေါ် မကျေနပ်မှုများ ကြီးထွားနေကြောင်း၊ စစ်အာဏာသိမ်းချိန်မှစတင်၍ လက်ရှိအချိန်အထိ စစ်ဆေးတပ်များမှ စစ်ဆေးဆရာဝန်နှင့် သူနာပြုများမှာ ထွက်ပြေးမှုများ ဆက်လက် များပြားနေဆဲဖြစ်ကြောင်း သိရှိရသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၈ ဦးသေဆုံး
ရန်ကုန်၊ ဒီဇင်ဘာ ၁၄
မြန်မာနိုင်ငံတစ်ဝန်း ဒီဇင်ဘာလ ၁၄ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၁၈ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။
မုံရွာမြို့အဝင် မအူဂိတ်၌ တပ်စွဲထားသော စစ်တပ်က ကျေးရွာများကို ယနေ့ ညပိုင်းတွင် လက်နက်ကြီးများဖြင့် ပစ်ခတ်နေ၍ ပြည်သူများ ညတွင်းချင်း ထွက်ပြေးနေရ
ရန်ကုန်၊ ဒီဇင်ဘာ ၁၄
စစ်ကိုင်းတိုင်း၊ မုံရွာမြို့အဝင် မအူဂိတ်၌ တပ်စွဲထားသော အကြမ်းဖက် စစ်တပ်က ကျေးရွာများကို ယနေ့ ညပိုင်းတွင် လက်နက်ကြီးများဖြင့် ပစ်ခတ်နေ၍ ပြည်သူများ ညတွင်းချင်း ထွက်ပြေးနေရကြောင်း ချင်းတွင်းမြစ်ကမ်ဘေးကျေးရွာများ သပိတ်ကော်မတီမှ တာဝန်ရှိသူက ရန်ကုန်ခေတ်သစ်သတင်းဌာနသို့ ပြောဆိုသည်။
ယနေ့ ဒီဇင်ဘာလ ၁၄ ရက်နေ့ ည ၇ နာရီကျော်ခန့်မှ စတင်ပြီး အကြမ်းဖက် စစ်တပ်က ကျေးရွာများကို လက်နက်ကြီးများဖြင့် ဆက်တိုက် ပစ်ခတ်နေခြင်းကြောင့် ပြည်သူများ ညတွင်းချင်း ထွက်ပြေးနေရကြောင်း သိရသည်။
အကြမ်းဖက် စစ်တပ်သည် ကျေးရွာများကို တိုက်ပွဲဖြစ်ပွားချင်းမရှိဘဲ ရမ်းသမ်း ပစ်ခတ်နေခြင်းကြောင့် ထောင်နှင့်ချီသော ပြည်သူများသည် ဘေးလွတ်ရာ ထွက်ပြေးနေရခြင်းဖြစ်ကြောင်း သိရှိရသည်။
"တိုက်ပွဲမဖြစ်ပါဘူး။ ဒီတိုင်းကို ရမ်းသမ်း ပစ်နေတာ ပြည်သူတွေကတော့ ညတွင်းချင်း ထွက်ပြေး တိမ်းရှောင်နေရတယ်"ဟု ချင်းတွင်းမြစ်ကမ်ဘေး ကျေးရွာများ သပိတ်ကော်မတီမှ တာဝန်ရှိသူက ပြောဆိုသည်။
အဆိုပါ မုံရွာမြို့အဝင် မအူဂိတ်ရှိ အကြမ်းဖက် စစ်ကောင်စီ တပ်သားများသည် အထိုင်ချ တပ်စွဲကာ ရမ်းကားနေသည်မှာ နှစ်ချီရှိနေပြီ ဖြစ်ပြီး မကြာခဏဆိုသလို လက်နက်ကြီးများဖြင့် ကျေးရွာများကို ပစ်ခတ်လေ့ရှိကြောင်း သိရှိရသည်။
ဒီပဲယင်းမြို့နယ်အတွင်း စစ်ရှောင်မိသားစုဝင် ၇၂ စုကို ရေခဲမြစ်ငယ်နွေ ရဲဘော်များက ဟင်းသီး ဟင်းရွက်များ လှူဒါန်း
ရန်ကုန်၊ ဒီဇင်ဘာ ၁၄
ဒီပဲယင်းမြို့နယ်အတွင်း ၄လခန့်အကြာနှင့် ၂နှစ်ကျော်အကြာ တိမ်းရှောင်နေကြရသည့် ဒီပဲယင်းမြို့ပေါ်မှ စစ်ရှောင်မိသားစုဝင် ၇၂ စုကို Revo 21 မိသားစု၏ ထောက်ပို့ကူညီမှုဖြင့် တတိယအကြိမ်မြောက် ရွှေဘိုခရိုင် ပင်မပြန်ကြားရေးဌာန၏ တပ်ခွဲ ရေခဲမြစ်ငယ်နွေ ရဲဘော်များက ဟင်းသီးဟင်းရွက်အစုံ လှူဒါန်းပေးခဲ့ကြောင်း သိရှိရသည်။
အနောက်ပိုင်းတိုင်း စစ်ဌာနချုပ်ကို သိမ်းပိုက်ရရှိပြီး ဗိုလ်မှူးချုပ်အဆင့် စစ်ခေါင်းဆောင် ၃ ဦးကို ဖမ်းဆီးရရှိမှု တော်လှန် ပြည်သူတစ်ရပ်လုံး၏ အောင်မြင်မှုဟု AA က ကြေညာ
ရန်ကုန်၊ ဒီဇင်ဘာ ၂၁
ရခိုင်ပြည်၊ အမ်းမြို့ အခြေစိုက် အနောက်ပိုင်းတိုင်းစစ်ဌာနချုပ်ကို သိမ်းပိုက်ရရှိပြီး ဒုတိုင်းမှူး ဗိုလ်မှူးချုပ်သောင်းထွန်း၊ တိုင်းဦးစီးချုပ် ဗိုလ်မှူးချုပ်ကျော်ကျော်သန်းနှင့် စကခ ၁၅ တပ်မမှူး ဗိုလ်မှူးချုပ် သူရိန်ထွန်းကဲ့သို့သော စစ်ခေါင်းဆောင်များကို ဖမ်းဆီးရရှိမှု တော်လှန် ပြည်သူတစ်ရပ်လုံး၏ အောင်မြင်မှုဖြစ်ကြောင်း AA က ယနေ့ နံနက်ပိုင်းတွင် ထုတ်ပြန် ကြေညာသည်။
ဒီဇင်ဘာလ ၂၀ ရက်နေ့ မွန်းလွဲ ၁ နာရီ ၄၀ မိနစ်အချိန် အာရက္ခဒေသ အမ်းမြိုနယ်၊ အနောက်ပိုင်းတိုင်းစစ်ဌာနချုပ်၏ နောက်ဆုံးတစ်ခုတည်းသာ ကျန်ရှိတော့သည့် နပခ ဌာနချုပ် တိုင်းစစ်ရုံးအတွင်းမှ လက်ကျန်နေရာအားလုံးကို အပြီးသတ်သိမ်းပိုက်နိုင်ခဲ့ကြောင်း၊ ထိုကြောင့် အမ်းမြိုနယ်တစ်ခုလုံးကို ယနေ့တွင် အလုံးစုံ သိမ်းပိုက်ထိန်းချုပ်နိုင်ခဲ့ပြီ ဖြစ်သောကြောင့် အမ်းမြို့သည် အာရက္ခပြည်သူ့တော်လှန်ရေးအစိုးရမှ အပြည့်အဝ အလုံးစုံထိန်းချုပ်ထားနိုင်သော ၁၄ မြို့ မြောက် မြို့ ဖြစ်လာခဲ့ပြီဖြစ်ကြောင်း ၊ ယခုအခါ အမ်းမြို့၊ ပလက်ဝမြို့ ၊ ပေါက်တောမြို့ ၊ မင်းပြားမြို့ ၊ မြောက်ဦးမြို့ ၊ ကျောက်တော်မြို့ ၊ မြေပုံမြို့ ၊ ပုဏ္ဏားကျွန်းမြို့ ၊ ရမ်းဗြဲမြို့ ၊ ရသေ့တောင်မြို့ ၊ ဘူးသီးတောင်မြို့ ၊ သံတွဲမြို့ ၊ တောင်ကုတ်မြို့ နှင့် မောင်တောမြို့တို့ကို စုစုပေါင်း ၁၄ မြို့ကို သိမ်းပိုက်ရရှိထားပြီဖြစ်ကြောင်း သိရှိရသည်။
ထို့ပြင် ဂွမြို့၏ သုံးပုံ နှစ်ပုံကိုလည်း AA က သိမ်းပိုက်ရရှိထားပြီး ဂွမြို့ ကို အပြီးသတ်သိမ်းပိုက်ပြီးပါက အာရက္ခဒေသအတွင်း AA က ဆက်လက်သိမ်းပိုက်ရန် စစ်တွေ၊ ကျောက်ဖြူ နှင့် မာန်အောင် ၃ မြို့သာ ကျန်ရှိတော့မည်ဖြစ်ကြောင်း သိရှိရသည်။
ယခုကဲ့သို့ အောင်မြင်မှုအသီးအပွင့်များမှာ ရက္ခိုင်အမျိုးသားအဖွဲချုပ်/အာရက္ခတပ်တော် တစ်ခုတည်း၏ ကြိုးပမ်းမှုတစ်ခုတည်းသာမဟုတ်ဘဲ အာရက္ခပြည်သူတစ်ရပ်လုံး၏ ဝန်းရံပံ့ပိုးမှု၊ မဟာမိတ်အဖွဲအစည်း များ၏ ပူးပေါင်းပါဝင်မှုများနှင့် အမည်ဖော်ပြ၍မရသေးသော မိတ်ဆွေတချို့တို၏ ဝန်းရံပံ့ပိုးမှုများကြောင့် ဖြစ်သည်ကို အမြဲနှလုံးသွင်းမှတ်ယူထားပြီး သက်ဆိုင်သော အဖွဲအစည်းတိုင်းနှင့် လူပုဂ္ဂိုလ်တိုင်းကို အလေးအနက် အထူးကျေးဇူးတင်အပ်ကြောင်း AA က ကြေညာသည်။
စစ်မြေပြင်အောင်မြင်မှုများ၏ အခြားတစ်ဖက်တွင် ရဲဘော်ရဲဘက်များ၏ အသက်၊ ကိုယ်လက်ခန္ဓာ၊ ဘဝတို ပေးဆပ်စွန့်လွှတ် အနစ်နာခံမှု၊ အာရက္ခဒေသအတွင်းနေထိုင်ကြသော ဒေသခံပြည်သူလူထုတစ်ရပ်လုံး၏ ဆင်းရဲဒုက္ခအမျိုးမျိုးကို နှစ်ရှည်လများ အတူတူရင်ဆိုင် ခါးစည်းခံရပ်တည်မှုများကလည်း များစွာ အထောက်အကူပြုခဲ့သောကြောင့် အောင်မြင်မှုအသီးအပွင့်နှင့် ဆက်စပ်ပတ်သက်နေသော သူများအားလုံးကို ရက္ခိုင်အမျိုးသားအဖွဲချုပ်/အာရက္ခတပ်တော်မှ အထူးအလေးနက်ထား မှတ်တမ်းတင် ဂုဏ်ပြုအပ်ကြောင်း AA က ဆိုသည်။
ယနေ့အောင်မြင်မှုများမှာ ရက္ခိုင်ပြည်သူတစ်ရပ်လုံး၏ အောင်မြင်မှုသာမဟုတ်ဘဲ အကြမ်းဖက်စစ်ကောင်စီကို တော်လှန်နေကြသော တော်လှန်ရေးအဖွဲအစည်းများ၊ တော်လှန်သော ပြည်သူတစ်ရပ်လုံး၏ အောင်မြင်မှုအဖြစ် မျှဝေဂုဏ်ပြုအပ်ကြောင်း AA က ကြေညာချက်ထုတ်ပြန်ထားသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၇၃ ဦးသေဆုံး
ရန်ကုန်၊ ဒီဇင်ဘာ ၂၀
မြန်မာနိုင်ငံတစ်ဝန်း ဒီဇင်ဘာလ ၂၀ ရက်နေ့ ရရှိထားသော အချက်အလက်များအရ စစ်ကောင်စီ တပ် ဖွဲ့ဝင် ၇၃ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။
မြိုင်မြို့နယ်၊ ကန်နီပျူစောထီးရွာမှ ထွက်လာသော စစ်ကောင်စီ တပ်သားများကို တိုက်ခိုက်မှု ၁ ဦး သေဆုံးပြီး ဒဏ်ရာရရှိသူ များပြား
ရန်ကုန်၊ ဒီဇင်ဘာ ၂၀
မကွေးတိုင်း၊ မြိုင်မြို့နယ်၊ ကန်နီပျူစောထီးရွာမှ ထွက်လာသော အကြမ်းဖက် စစ်ကောင်စီ တပ်သားများကို တိုက်ခိုက်ရာ စစ်တပ်ဘက်မှ ၁ ဦးပြီး ဒဏ်ရာရရှိသူများပြားကြောင်း MPL မြောက်ပိုင်းဇုန် (မြိုင်-ပကဖ) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဒီဇင်ဘာလ ၂၀ ရက်နေ့ မွန်းလွဲပိုင်းတွင် ကန်နီပျူစောထီးရွာမှ မြောက်ဘက်ကို မြေပဲဖော်ရန် ထွက်လာသည့် အကြမ်းဖက် စစ်သားနှင့် ပျူစောထီးများကို တော်လှန်ရေး တပ်ဖွဲ့များက လက်နက်ငယ်များ၊ RC Plane များ ၊ ဒရုန်းများဖြင့် တိုက်ခိုက်ခဲ့ကြောင်း သိရသည်။
ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၁ ဦးသေဆုံးပြီး ထိခိုက်ဒဏ်ရာရရှိသူ များပြားကြောင်း၊ တော်လှန်ရေး တပ်ဖွဲ့များ တိုက်ခိုက်နေစဉ်အတွင်း စစ်ကောင်စီ တပ်သားများ ကျေးရွာအတွင်း တပ်ပျက်၍ ထွက်ပြေးသွားကြောင်း သိရှိရသည်။
အဆိုပါ တိုက်ခိုက်မှုကို MPL မြောက်ပိုင်းဇုန် (မြိုင်-ပကဖ)၊ ကိုဂတုံးအဖွဲ့ (မြိုင်-ပကဖ)၊ မြိုင်မြို့နယ်ပကဖ တပ်ရင်း၁ တပ်ခွဲ၁၊ ဗမာ့ဒေါင်း (မြိုင်-ပကဖ)၊ Eagle Bridage Drone force၊ မန်ကျည်းရိပ် ကိုငရဲ အဖွဲ့တို့က ပူးပေါင်း လုပ်ဆောင်ခဲ့ကြောင်း သိရသည်။
မိုးကုတ်မြို့နယ်အတွင်းရှိ စစ်တပ်သတင်းပေးများနှင့် မူးယစ်ဆေးဝါးရောင်းဝယ် သုံးစွဲသူ ၃၀၀ ဦးကို TNLA က ဖမ်းဆီးအရေးယူ
ရန်ကုန်၊ ဒီဇင်ဘာ ၂၀
မန္တလေးတိုင်း၊ မိုးကုတ်မြို့နယ်အတွင်းရှိ စစ်တပ်သတင်းပေးများနှင့် မူးယစ်ဆေးဝါးရောင်းဝယ်၊ သုံးစွဲသူ ၃၀၀ ဦးကို ဖမ်းဆီးအရေးယူထားကြောင်း TNLA သတင်းနှင့်ပြန်ကြားရေးဌာနက ဒီဇင် ဘာလ ၁၉ ရက်နေ့က ထုတ်ပြန်ထားသည်။
ဇူလိုင်မှ ဒီဇင်ဘာလ ၁၉ ရက်နေ့အထိ တအာင်းပြည် တပ်မဟာ ၂ နယ်မြေ၊ မိုးကုတ်မြို့နယ်တွင် PSLF/TNLA မိုးကုတ်တရားဥပဒေစိုးမိုးရေးတပ်ဖွဲ့ မူးယစ်ဆေးဝါးတိုက်ဖျက်ရေးလုပ်ငန်းများကို လုပ် ဆောင်ခဲ့ရာ မူးယစ်ဆေးဝါးသုံးစွဲသူနှင့် ရောင်းဝယ်သူ ၃၀၀ ဦးကို ဖမ်းဆီးထိန်းသိမ်းထားနိုင်ခဲ့ ကြောင်း သိရသည်။
ထိုသို့ ဖမ်းဆီးထိန်းသိမ်းထားသူများထဲတွင် ယခင် စစ်ကောင်စီထိန်းချုပ်စဥ်ကာလက ညီနောင် မဟာမိတ်များ၏ သတင်းအချက်အလက်များရယူပေးပို့ရန် မူးယစ်ဆေးဝါးများပေး၍ ရောင်းဝယ် သုံးစွဲခွင့်ပြုထားသူ အများအပြားပါဝင်ကြောင်း TNLA သတင်းနှင့်ပြန်ကြားရေးဌာနက ပြောဆိုသည်။
အဆိုပါ ဖမ်းဆီးထားသည့် မူးယစ်ဆေးဝါးသုံးစွဲသူများအား အကျင့်စာရိတ္တပြုပြင်ရေး ကျောင်းသို့ပို့ ဆောင်ကာ ၆ လတိတိ အကျင့်စာရိတ္တပြုပြင်ပေးသွားမည်ဖြစ်ပြီး မူးယစ်ဆေးဝါးရောင်းဝယ်သူများ ကိုလည်း မူးယစ်ဆေးဝါးတိုက်ဖျက်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း သိရ သည်။
တအာင်းတပ်မတော် PSLF/TNLA မှ ၁၀၂၇ စစ်ဆင်ရေး အပိုင်း ၂ ဆင်နွှဲကာ မိုးကုတ်မြို့နယ်ကို တိုက်ခိုက်သိမ်းပိုက် ပြီးနောက် မိုးကုတ်မြို့နယ်အတွင်း ရပ်ရွာအေးချမ်းသာယာ ရေး၊ တရားဥပဒေ စိုးမိုးရေး၊ ပြည်သူ့အကျိုးပြု လုပ်ငန်းများဆောင်ရွက်ရေး၊ မူးယစ်ဆေးဝါးတားဆီးတိုက်ဖျက်ရေး၊ ပြည်သူ့ လုံခြုံရေးဟူသည့် လုပ်ငန်းစဥ် ၅ ရပ်ဖြင့် ဆောင်ရွက်နေကြောင်း အသိပေးထားသည်။
ချောင်းဦးမြို့နယ်ရှိ မုံရွာ-မန္တလေး လမ်းပိုင်းတွင် ကင်းပုန်းဝပ်နေသော စစ်ကောင်စီ တပ်သားများက ပြည်သူ ၁ ဦး ပစ်သတ်ပြီး လူငယ် ၄ ဦးကို ပေါ်တာဆွဲ ဖမ်းဆီး
ရန်ကုန်၊ ဒီဇင်ဘာ ၂၀
စစ်ကိုင်းတိုင်း၊ ချောင်းဦးမြို့နယ်ရှိ မုံရွာ-မန္တလေး လမ်းပိုင်းတွင် ကင်းပုန်းဝပ်နေသော စစ်ကောင်စီ တပ်သားများက ပြည်သူ ၁ ဦး ပစ်သတ်ပြီး လူငယ် ၄ ဦးကို ပေါ်တာဆွဲ ဖမ်းဆီးခဲ့ကြောင်း BLDF တပ်ခွဲ အညာမိုင်းအဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဒီဇင်ဘာလ ၂၀ ရက်နေ့ နံနက် ၉ နာရီ ၃၀ မိနစ်ခန့်တွင် ချောင်းဦးမြို့နယ်ရှိ မုံရွာ-မန္တလေး လမ်းပိုင်းတွင် ကင်းပုန်းဝပ်နေသော အကြမ်းဖက် စစ်ကောင်စီ တပ်သားများက စက်ဘီးစီးလာသည့် ချောင်းဦးမြို့ပေါ် ညောင်ပင်ရပ်ကွက်တွင် နေထိုင်သော အသက် ၄၀ ကျော် အရွယ် ကိုမင်းမင်း ဆိုသူကို အကြောင်းမဲ့ ပစ်သတ်ခဲ့ကြောင်း သိရသည်။
အကြမ်းဖက် စစ်ကောင်စီ တပ်သားများ ပစ်သတ်ခဲ့သည့် ကိုမင်းမင်း၏ ရုပ်အလောင်းကို မိသားစုဝင်များက ယနေ့ နံနက် ၁၁ နာရီခန့်တွင် လာရောက် ကောက်ယူသွားကြောင်း သိရှိရသည်။
"ဒီနေ့ နံနက် ၉ နာရီခွဲခန့်က ချောင်းဦးမြို့ပေါ် ညောင်ပင်ရပ်ကွက်က အသက်အရွယ် ၄၀ ကျော် အရွယ် ကိုမင်းမင်း ဆိုသူကို အကြမ်းဖက် စစ်တပ်က ပစ်သတ်ခဲ့တာပါ။ စစ်ခွေးတွေက အကြောင်းမဲ့ ပစ်သတ်သွားတာ"ဟု BLDF တပ်ခွဲ အညာမိုင်းအဖွဲ့မှ တာဝန်ရှိသူတစ်ဦးက ပြောဆိုသည်။
အလားတူ ဒီဇင်ဘာလ ၁၉ ရက်နေ့ကလည်း မုံရွာ-မန္တလေး လမ်းပိုင်းတွင် ကင်းပုန်းဝပ်နေသော အကြမ်းဖက် စစ်ကောင်စီတပ်သားများက ချောင်းဦးမြို့ မြောက်အထွက် ဘောလုံးကွင်းအနီးတွင် လူငယ် ၄ ဦး ပေါ်တာဆွဲ ဖမ်းဆီးခဲ့ကြောင်း သိရသည်။
"မနေ့ကလည်း လူငယ် ၄ ဦး ပေါ်တာဆွဲ ဖမ်းဆီးခံရတယ်။ ဟန်နီရေခဲဆက် နားမှာပါ။ မလွတ်သေးပါဘူး။ ကင်းပုန်းချထားတဲ့ ခွေးကဖမ်းတာပါ။ ဖမ်းဆီးခံရသူ အားလုံးက လူငယ်တွေပဲ" ဟု BLDF တပ်ခွဲ အညာမိုင်းအဖွဲ့မှ တာဝန်ရှိသူတစ်ဦးက ဆက်လက် ပြောဆိုသည်။
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၂ ဦးသေဆုံး
ရန်ကုန်၊ ဒီဇင်ဘာ ၁၉
မြန်မာနိုင်ငံတစ်ဝန်း ဒီဇင်ဘာလ ၁၉ ရက်နေ့ ရရှိထားသော အချက်အလက်များအရ စစ်ကောင်စီ တပ် ဖွဲ့ဝင် ၁၂ ဦးသေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိ သည်ကို သိစေအပ်ပါသည်။
ပခုက္ကူမြို့ အခြေစိုက် ခလရ ၂၅၂ တပ်ရင်းကို ဝင်ရောက် တိုက်ခိုက်မှု စစ်သား ၂ ဦးသေဆုံးပြီး PDF ရဲဘော် ၁ ဦး ကျဆုံး
ရန်ကုန်၊ ဒီဇင်ဘာ ၁၉
မကွေးတိုင်း၊ ပခုက္ကူမြို့ အခြေစိုက် အကြမ်းဖက် စစ်တပ်၏ ခလရ ၂၅၂ တပ်ရင်းကို လက်နက်ကြီး၊ လက်နက်ငယ်များဖြင့် ဝင်ရောက် ပစ်ခတ် တိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း Burma Revolution Rangers တပ်ဖွဲ့ တာဝန်ခံ ဗိုလ်ကာတွန်းက ရန်ကုန် ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၁၈ ရက်နေ့ မွန်းလွဲ ၂ နာရီ မိနစ် ၃၀ ခန့်တွင် ပခုက္ကူမြို့ အခြေစိုက် ခလရ ၂၅၂ တပ်ရင်းဂိတ်နှင့် တပ်ရင်းအတွင်းကို တော်လှန်ရေး တပ်ဖွဲ့များက လက်နက်ကြီး၊ လက်နက်ငယ်များဖြင့် ဝင်ရောက် ပစ်ခတ်တိုက်ခိုက်ခဲ့ရာ တပ်ကြပ် ၁ ဦး နှင့် တပ်သား ၁ ဦးသေဆုံးပြီး ၂ ဦး ဒဏ်ရာရရှိခဲ့ကြောင်း သိရသည်။
“တပ်ရင်းဂိတ်ပေါက်မှာ ၂ ဦးပဲ ကင်းစောင့်နေတာရှိတယ်။ တပ်ကြပ် ၁ ကောင် ကတော့ မျက်မြင်ရှေ့မှာ တင် လဲကျသေတာတွေ့တယ်။ တိုက်ပွဲ ကြာချိန်က ၅ မိနစ်လောက်ပဲ ကြာခဲ့တာ တပ်စိပ်တစ်စိပ်က ၂၅၂ တပ်ထဲကို ၆၀ မမနဲ့ ပစ်ခတ်တာက ၁ ကောင်သေတယ်။ ဂိတ်ပေါက်ဝမှာ အပြန်အလှန်ပစ်ခတ်ရင်း ကျနော်တို့ဘက်ကလည်း ရဲဘော်တစ်ဦးကျပြီးတော့ တစ်ဦး ဒဏ်ရာရတယ်။ မြို့တွင်းမစ်ရှင်ဖြစ်တာရော ပြီးတော့ အထိုင်တပ်ရင်း ဖြစ်တာရောဆိုတော့အချိန်သိပ်မရခဲ့ဘူး။ တိုက်တဲ့တပ်ရင်းက စစ် ကူတော့ထွက်မလာဘူး။ ဒါပေမယ့် တခြားတပ်ရင်းတွေတပ်ကူတွေရော ပြီးတော့မြို့အနီးအနားမှာရှိ တဲ့ ပျူရွာတွေက တပ်ကူတွေရော ထွက်လာတာ” ဟု Burma Revolution Rangers တပ်ဖွဲ့တာ ဝန်ခံ ဗိုလ်ကာတွန်းက ရန်ကုန်ခေတ်သစ်သတင်းဌာနထံသို့ ပြော ကြားသည်။
အဆိုပါ တိုက်ခိုက်မှုကို ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ တပ်ခွဲ ၁ တပ်စိပ် ၁ Burma Revolution Rangers တပ်ဖွဲ့ ရဲဘော်များက တိုက်ခိုက်ခဲ့ခြင်းဖြစ်ကြောင်း သိရှိရသည်။
မောင်တောနှင့် ပုဏ္ဏားကျွန်းကို စစ်တပ်က လက်နက်ကြီးများဖြင့် ပစ်ခတ်မှု ပြည်သူ ၁ ဦးသေဆုံးပြီး ၆ ဦး ဒဏ်ရာရ၊ ကန့်ဘလူရှိ မန်ကျည်းကုန်းရွာကိုလည်း စစ်တပ်က မီးရှို့ဖျက်ဆီး
ရန်ကုန်၊ ဒီဇင်ဘာ ၁၉
ရခိုင်ပြည်နယ်၊ မောင်တောမြို့နယ်နှင့် ပုဏ္ဏားကျွန်းမြို့နယ်ရှိ ကျေးရွာများကို အကြမ်းဖက် စစ်တပ်က လက်နက်ကြီးများဖြင့် ပစ်ခတ်ခြင်းကြောင့် ပြည်သူ ၁ ဦး သေဆုံးပြီး ၆ ဦး ဒဏ်ရာရရှိခဲ့ကြောင်း ဒေသပြည်သူများထံမှ သိရသည်။
ဒီဇင်ဘာလ ၁၇ ရက်နေ့ ညပိုင်းတွင် စစ်တွေမြို့ရှိ အကြမ်းဖက် စစ်တပ်က ပုဏ္ဏားကျွန်းမြို့နယ်ဘက်ကို လက်နက်ကြီးများဖြင့် ပစ်ခတ်တိုက်ခိုက်ခဲ့သောကြောင့် ပဒေသာကျေးရွာကို ကျရောက် ပေါက်ကွဲခဲ့ပြီး ပြည်သူ ၁ ဦး သေဆုံးကာ ၄ ဦး ဒဏ်ရာ ရရှိခဲ့ကြောင်း သိရသည်။
အကြမ်းဖက် စစ်တပ် ပစ်ခတ်သော လက်နက်ကြီးထိမှန်ပြီး စစ်တွေမြို့နယ် ကြံတောကျေးရွာမှ ပုဏ္ဏားကျွန်းမြို့နယ် ပဒေသာကျေးရွာကို စစ်ဘေး တိမ်းရှောင်လာသည့် အသက် ၅၈ နှစ်အရွယ် ဦးမောင်ယာဉ်သာ ပွဲချင်းပြီးသေဆုံးခဲ့ကြောင်း၊ ထို့ပြင် ပဒေသာကျေးရွာမှ ဒေါ်မသိန်းနု၊ ဒေါ်သိန်းနုမာ၊ မဘုမချေနှင့် ယင်းရွာကို အလည်ရောက်ရှိနေသည့် ကျောက်တော် ဒေသမှ အမျိုးသမီး ၁ ဦးတို့ ထိခိုက်ဒဏ်ရာရရှိခဲ့ကြောင်း သိရှိရသည်။
အလားတူ ဒီဇင်ဘာလ ၁၈ ရက်နေ့တွင်လည်း မောင်တောမြို့နယ်ရှိ အကြမ်းဖက် စစ်တပ်၏ ရေတပ်က လက်နက်ကြီးများဖြင့် ပစ်ခတ်ခြင်းကြောင့် လူငယ် ၂ ဦး ထိခိုက်ဒဏ်ရာရရှိခဲ့ကြောင်း၊ အကြမ်းဖက် စစ်တပ် ပစ်ခတ်ခဲ့သော လက်နက်ကြီးသည် မောင်တောမြို့နယ် ဥဒေါင်းကျေးရွာကို ကျရောက်ပေါက်ကွဲခဲ့ပြီး အသက် ၁၄ နှစ်အရွယ် ၉ တန်းကျောင်းသား ၂ ဦးဖြစ်သည့် အောင်မင်းဟိန်းနှင့် ဇော်လင်းဟိန်းတို့ ထိခိုက် ဒဏ်ရာရရှိခဲ့ခြင်းဖြစ်ကြောင်း သိရသည်။
ဒီဇင်ဘာလ ၁၀ ရက်နေ့တွင် မောင်တောဒေသတစ်ခုလုံးကို အာရက္ခတပ်တော်က အပြီးသိမ်းပိုက်လိုက်ပြီးနောက် အကြမ်းဖက် စစ်တပ်၏ ရေတပ်က မောင်တောဒေသကို လက်နက်ကြီးများဖြင့် ဆက်တိုက် ပစ်ခတ် တိုက်ခိုက်နေခြင်းဖြစ်ကြောင်း သိရှိရသည်။
ယနေ့ ဒီဇင်ဘာလ ၁၉ ရက်နေ့ နံနက်ပိုင်းကလည်း ဘင်္ဂလားပင်လယ်အော်အတွင်း သွားလာနေသော အကြမ်းဖက် စစ်တပ်၏ စစ်သင်္ဘောများက မောင်တောဒေသအတွင်းကို လက်နက်ကြီးများဖြင့် ရမ်းသမ်းပစ်ခတ်မှုများ လုပ်ဆောင်ခဲ့ကြောင်း သိရသည်။
ထို့ပြင် စစ်ကိုင်းတိုင်း၊ ကန့်ဘလူမြို့နယ် မန်ကျည်းကုန်းရွာကိုလည်း အကြမ်းဖက် စစ်တပ်က မီးရှို့ဖျက်ဆီခဲ့ကြောင်း ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ကပြောဆိုသည်။
ယနေ့ ဒီဇင်ဘာလ ၁၉ ရက်နေ့ မွန်းလွဲ ၁ နာရီ ၄၅ မိနစ်ခန့်တွင် ကန့်ဘလူမြို့နယ်၊ မန်ကျည်းကုန်းရွာရှိ ပြည်သူပိုင် နေအိမ်များကို အကြမ်းဖက် စစ်တပ်က မီးရှို့ဖျက်ဆီးခဲ့ခြင်းဖြစ်ပြီး ကျေးရွာအတွင်း ပျက်စီးဆုံးရှုံးမှု အခြေအနေကို အတည်ပြုနိုင်ခြင်းမရှိသေးကြောင်း သိရသည်။
ဆားလင်းကြီးမြို့နယ်တွင် ရက်ရှည်စစ်ရှောင်စခန်း ၁ နေရာကို ထမင်းတစ်နပ်လှူဒါန်း
ရန်ကုန်၊ဒီဇင်ဘာ ၁၉
ဆားလင်းကြီးမြို့နယ်တွင် ရက်ရှည်စစ်ရှောင်စခန်း ၁ နေရာမှ စစ်ရှောင်ပြည်သူများကို အညာပစ်တိုင်းထောင်လေးများအဖွဲ့က အလှူရှင်ကိုယ်စား ထမင်းတစ်နပ်သွားရောက်လှူဒါန်းခဲ့ကြကြောင်းသိရှိရသည်။
မွန် ပြည်သူလူထု၏ တောင်းဆိုမှုနှင့် စစ်ရေးလိုအပ်ချက်အရ မွန်ပြည်နယ်တော်လှန်ရေးတပ်ဖွဲ့ တစ်ခု တည်းဖြစ်လာစေရန် ရည်ရွယ်၍ မွန်တော်လှန်ရေးတပ်ဖွဲ့ ၄ ဖွဲ့ ပထမဆုံး ပူးပေါင်း
ရန်ကုန်၊ ဒီဇင်ဘာ ၁၉
မွန်ပြည်သူလူထု၏ တောင်းဆိုချက်နှင့် စစ်ရေးလိုအပ်ချက်အရ မွန်ပြည်နယ်တွင် မွန်တော်လှန်ရေး တပ်ဖွဲ့တစ်ခုတည်းဖြစ်လာစေရန် ရည်ရွယ်၍ မွန်တော်လှန်ရေး တပ်ဖွဲ့ ၄ ဖွဲ့ပူးပေါင်းလိုက်ကြောင်း မွန်ပြည်ဖက်ဒရယ်ကောင်စီ ၊ အုပ်ချုပ်ရေးကော်မတီ၊ ကာကွယ်ရေးဌာနမှူး နိုင်ဒင်းပလဟံသာက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဒီဇင်ဘာလ ၁၈ ရက်နေ့က တော်လှန်ရေးနယ်မြေတနေရာ၌ မွန်ပြည်လွတ်မြောက်ရေး တပ်တော် (MLA) ၊ မွန်အမျိုးသားလွတ်မြောက်ရေးတပ်မတော် (MNLA-AD) ၊ မွန်ပြည်ကာကွယ် ရေးတပ် (MSDF)နှင့် မွန်ပြည်တော်လှန်ရေးတပ် (MSRF) တို့တွေ့ဆုံကာ စစ်ရေးဆိုင်ရာ ပူးပေါင်း ဆောင်ရွက်ရေး အစည်းအဝေးကျင်းပခဲ့ကြောင်း သိရသည်။
“ပူးပေါင်းလိုက်ရတဲ့ အကြောင်းအရင်းတွေက အမျိုးမျိုးရှိတာပေါ့၊ တစ်အချက်က စစ်ရေးလိုအပ်ချက် ပါ။ မွန်တော်လှန်ရေးလက်နက်ကိုင်အဖွဲ့တွေက နည်းနည်းအုပ်စုတွေများနေတဲ့အခါကျတော့ အင် အား နည်းတဲ့ရန်သူကို သူများတွေလို အမြတ်မထုတ်နိုင်ကြဘူး။သူများအောင်မြင်သလို မအောင်မြင် ကြဘူး။ သူများတိုက်နိုင်သလို မတိုက်နိုင်ကြဘူး။ ကျနော်တို့အတူတကွလုပ်ကြမယ်ဆိုရင် ကျနော်တို့ ပိုပြီးတော့ အောင်မြင်လာမယ်။ အဲဒါကပထမအကြောင်းအရင်းပါ။ ဒုတိယအကြောင်းအရင်းကတော့ ကျနော်တို့ မွန်ပြည်သူတွေရဲ့တိုက်တွန်းချက်ပေါ့၊ မွန်ပြည်သူတွေက အမြဲတမ်းပြောနေတာ၊ ခင်များ တို့ အကွဲကွဲအပြားပြားဖြစ်နေရင် ရန်သူကို ဘယ်လိုတိုက်မလဲ၊ အတူတူဘယ်လိုလုပ်ကြမလဲ။ အဲလို ပြည်သူတွေကနေ အမြဲတမ်းပြောကြတယ်၊ ပြောခံထိတယ်။ အဲဒါလည်းပါတာပေါ့၊ နောက်တစ်ချက် ကလည်း အတူတူလုပ်မှဖြစ်မယ်ဆိုတဲ့ အယူအဆက ရှိနေပြီးသားပါ။ ဒါပေမယ့်အခြေအနေ အ ကြောင်းကြောင်းကြောင့် မပေါင်းဖြစ်ကြသေးတာပေါ့၊ အခုကတော့ မပေါင်းရင်လည်းမရတော့ဘူး။ မပေါင်းရင်လည်း စစ်ပိုင်းဆိုင်ရာအောင်မြင်မှုတွေက တဖြည်းဖြည်းနဲ့လျော့သွားနိုင်တဲ့အခြေအနေ ရှိတယ်။ ပြည်သူ့ထောက်ခံမှုကလည်း တဖြည်းဖြည်းနဲ့လျော့သွားနိုင်တဲ့ အခြေအနေရှိတယ်။ အဲဒါ ကြောင့်မို့ပူးပေါင်းရတာပေါ့၊ နောက်တစ်ခုကလည်း တပ်တွေအချင်းချင်းကလည်း ပူးပေါင်းဆောင် ရွက်ဖို့အဆင့်သင့်ဖြစ်လာတဲ့အခြေအနေရှိလာလို့ ပူးပေါင်းလိုက်တာပါ” ဟု မွန်ပြည်ဖက်ဒရယ် ကောင်စီ ၊ အုပ်ချုပ်ရေးကော်မတီ၊ ကာကွယ်ရေးဌာနမှူး နိုင်ဒင်းပလဟံသာက ရန်ကုန်ခေတ်သစ် သတင်းဌာနထံသို့ ပြောကြားသည်။
အဆိုပါ တွေ့ဆုံမှုသည် ပထမအဆင့်အနေဖြင့် စစ်ရေးလှုပ်ရှားမှု ပူးပေါင်းဆောင်ရွက်သွားဖြစ်ပြီး ယင်းအစည်းအဝေးမှတဆင့် မွန်တော်လှန်ရေးတပ်များ အားလုံးပါဝင်သည့် တစ်ခုတည်းသော မွန် တပ်တော် ပေါ်ထွန်းလာရေးကို အကောင်အထည်ဖော်ရန် သဘောတူညီခဲ့ကြောင်း သိရသည်။
မွန်ပြည်တော်လှန်ရေးအဖွဲ့အစည်းတစ်ခုဖြစ်လာစေရန် လုပ်ဆောင်နေသည်မှာ ယခုမှ မဟုတ်ပဲ အစဉ်အမြဲကြိုးစားနေပြီး ဆက်လက်တွေ့ဆုံဆွေးနွေးကာ ပူးပေါင်းနိုင်ရန် ကြိုးစားသွားမည်ဖြစ် ကြောင်း၊ ယခုပေါင်းစည်းလိုက်သည့် အဖွဲ့အစည်း ၄ ဖွဲ့သည် ပထမဆုံးပူးပေါင်းဆောင်ရွက်လိုက် ခြင်းဖြစ်ပြီး အခြားမွန်တော်လှန်ရေးလက်နက်ကိုင်အဖွဲ့အစည်းများအနေဖြင့်လည်း ပူးပေါင်းလာ မည်ဟု မျှော်လင့်ပါကြောင်း မွန်ပြည်ဖက်ဒရယ်ကောင်စီ ၊ အုပ်ချုပ်ရေးကော်မတီ၊ ကာကွယ်ရေး ဌာနမှူး နိုင်ဒင်းပလဟံသာက ပြောဆိုသည်။
“တခြားမွန်တော်လှန်ရေးတပ်ဖွဲ့တွေနဲ့ ပူးပေါင်းဖို့ကတော့ အခုမှမဟုတ်ပါဘူး။ ကြိုုးစားနေပြီးသားပါ။ ပုံမှန်လေးအမြဲတမ်းတွေ့ကြပါတယ်၊ ဒါပေမယ့် အကြောင်းကြောင့် ပူးပေါင်းဆောင်ရွက်ခြင်းမရှိသေး တဲ့အဖွဲ့အစည်းတွေကိုလည်း ဆက်လက်ပြီးတော့ ဆွေးနွေးသွားမယ်၊ လက်တွဲခေါ်သွားမယ်၊ ကျနော် တို့ ယူဆထားတာက မွန်အမျိုးသားအတွက်ကို ရည်ရွယ်ပြီးတော့ ဖွဲ့စည်းထားတဲ့ လက်နက်ကိုင် အဖွဲ့အစည်း တိုင်းမှာ သူ့မှာအခွင့်အရေးရှိတယ်၊ ရပ်တည်ခွင့်လည်းရှိတယ်။ ဒါကို ကျနော်တို့လက် ခံတယ်၊ ဒါကြောင့်မို့လို့ အတူတူလုပ်ကြဖို့ လမ်းဖွင့်ပြီးသားဖြစ်ပါတယ်။ နောက်တစ်ခုအရေးကြီးတာ က လုပ်နိုင်တဲ့အဖွဲ့အစည်းတွေနဲ့ ပထမဆုံးတည်ဆောက်လိုက်တာပေါ့၊ အဲဒါပြီးရင်တော့ တခြား အဖွဲ့အစည်းတွေကလည်းကျနော်တို့နဲ့ ပူးပေါင်းဆောင်ရွက်လိမ့်မယ်လို့ မျှော်လင့်ပါတယ်။ ကိုယ့် အမြင်၊ ကိုယ့်အယူအဆနဲ့ အလုပ်လုပ် ချင်တဲ့ဆန္ဒကလူတိုင်းမှာရှိကြပါတယ်။ ဒါပေမယ့် ကွဲပြားနေ တဲ့ တော်လှန်ရေးမှာက အောင်မြင်သွာ တဲ့တော်လှန်ရေးက မရှိသေးပါဘူး။ အဲဒီလူမျိုးတစ်မျိုး သို့မဟုတ် လူတန်းစားတရပ်မှာက အောင်မြင် သွားတဲ့တော်လှန်ရေးမှာက တပ်ဦး သို့မဟုတ် ညွန့် ပေါင်းပုံစံနဲ့သွားကြပါတယ်။ သူ့ရဲ့တစ်ယောက်တည်းနဲ့တစ်ဖွဲ့တည်းနဲ့ စုကျဲပြီးတော့ နိုင်သွားတဲ့ သာဓကတွေမရှိသေးပါဘူး၊ ဒါ့ကြောင့်မို့လို့ ကျနော်တို့ဆွေးနွေးပါ၊ ကျနော်တို့ကို ဆက်သွယ်ပါ။ ကျနော်တို့ဘက်ကလည်း ဆွေးနွေးဖို့အဆင့်သင့်ဖြစ်ပါတယ်။ အမြဲတမ်းလမ်းဖွင့်ထားပါတယ်လို့ တိုက်တွန်းချင်ပါတယ်။” ဟု၎င်းက ပြောကြားသည်။
ညောင်လေးပင်မြို့နယ်တွင် စစ်တပ် ကင်းစခန်း၊ ဂိတ်စခန်းနှင့် ကင်းပုန်းတို့ကို တော်လှန်ရေး တပ်ဖွဲ့များ တိုက်ခိုက်မှု စစ်ကောင်စီ တပ်သား ၉ ဦးသေဆုံးပြီး ၂ ဦးအရှင်မိကာ သေနတ် ၅ လက် သိမ်းဆည်းရရှိ
ရန်ကုန်၊ ဒီဇင်ဘာ ၁၉
ပဲခူးတိုင်း၊ ညောင်လေးပင်မြို့နယ်တွင် အကြမ်းဖက် စစ်တပ် ကင်းစခန်း၊ ဂိတ်စခန်းနှင့် ကင်းပုန်းတို့ကို တော်လှန်ရေး တပ်ဖွဲ့များ တိုက်ခိုက်ရာ စစ်ကောင်စီ တပ်သား ၉ ဦးသေဆုံးပြီး ၂ ဦးအရှင်မိကာ သေနတ် ၅ လက် သိမ်းဆည်းရရှိခဲ့ကြောင်း Fire Dragon PDF မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒီဇင်ဘာလ ၉ ရက်နေ့တွင် ညောင်လေးပင်-မဒေါက် လမ်းပိုင်း၌ မီးနဂါးတော်လှန်ရေးအဖွဲ့မှ ရဲဘော်များက စစ်ဆေးရေး လုပ်ဆောင်နေစဉ် ဗိုလ်ကြီး ၁ ဦးနှင့် အကြမ်းဖက် စစ်တပ် သတင်းပေး ၁ ဦးကို အရှင်ဖမ်းဆီးနိုင်ခဲ့ကြောင်း သိရသည်။
ဒီဇင်ဘာလ ၁၃ ရက်နေ့တွင် ညောင်လေးပင်မြို့အနီးရှိ အကြမ်ဖက် စစ်တပ်၏ ကင်းစခန်းကို ဝင်ရောက် တိုက်ခိုက်ရာ စစ်ကောင်စီ တပ်သား ၂ ဦး သေဆုံးပြီး သေနတ် ၁ လက် သိမ်းဆည်းရရှိခဲ့ကြောင်း သိရှိရသည်။
ဒီဇင်ဘာလ ၁၅ ရက်နေ့ နံနက်ပိုင်းတွင် ရွှေကျင်-ညောင်လေးပင် လမ်းပိုင်းရှိ အကြမ်းဖက် စစ်တပ်၏ ဂိတ်စခန်း ၁ ခုကို ထပ်မံစီးနင်း တိုက်ခိုက်ခဲ့ပြီး လက်နက် ခဲယမ်း အချို့ရရှိကာ အကြမ်းဖက် စစ်ကောင်စီ တပ်သား ၅ ဦး သေဆုံးပြီး စစ်ကောင်စီ တပ်သားတချို့ ထွက်ပြေး လွတ်မြောက်ခဲ့ကြောင်း၊ တော်လှန်ရေးရဲဘော်များ အထိခိုက်မရှိ ဆုတ်ခွာနိုင်ခဲ့ကြောင်း သိရသည်။
ဒီဇင်ဘာလ ၁၈ ရက်နေ့တွင် မီးနဂါးရဲဘော်များ နှင့် KNLA တပ်ရင်း ၉ တို့ ပူပေါင်းပြီး ပုဇွန်မြောင်းရွာ စျေးပိုင်း အနောက်ပိုင်းရှိ ညောင်ပင်ကုန်း မှ စစ်သား ၁ ဦးကို ပစ်ခတ် တိုက်ခိုက်ရ ပွဲချင်းပြီး သေဆုံးခဲ့ကြောင်း သိရှိရသည်။
ဒီဇင်ဘာလ ၁၉ ရက်နေ့ နံနက် ၉ နာရီခန့်တွင် ရေဖြူကန်ရွာ အရှေ့ဘက်ကွင်း၌ ကင်းပုန်းဝပ်နေသော စစ်သား၁ ဦးကို ပစ်ခတ် တိုက်ခိုက်ခဲ့ရာ ထပ်မံ သေဆုံးခဲ့ကြောင်း သိရသည်။
မီးနဂါး ရဲဘော်များသည် နေ့ညမပျက် စစ်ကောင်စီ ပြုတ်ကျရေး အမြဲကြိုးစားဆောင်ရွက်နေနိုင်မှုသည် တော်လှန် ပြည်သူများ၏ အားပေးထောက်ခံမှု ထောက်ပို့ ကူညီပေးနိုင်မှုတို့ကြောင့် သာဖြစ်ပြီး စစ်အာဏာရှင်ကျရှုံးသည်ထိ ဆက်လက်၍ ကြိုးစားသွားမည်ဖြစ်ကြောင်း Fire Dragon PDF မှ တာဝန်ရှိသူ တစ်ဦးက ပြောဆိုသည်။
Khit Thit သတင်းဌာန၏ ဒီဇင်ဘာ ၁၉ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဒီဇင်ဘာ ၁၉ ရက် ညနေပိုင်း တင်ဆက်ပေးမယ့် သတင်းတွေကတော့
- ရခိုင်ပြည်နယ် ၊ အမ်းမြို့က နောက်ဆုံး ကျန်နေတဲ့ အကြမ်းဖက် စစ်ကောင်စီရဲ့ အနောက်ပိုင်းတိုင်း စစ်ဌာနချုပ်ကို အာရက္ခတပ်တော် AA က အပြီးသတ် သိမ်းပိုက်ဖို့အတွက် စစ်ရုံးအတွင်းမှာရှိနေတဲ့ စစ်ကောင်စီတပ်သားရာဂဏန်းလောက်က ဆက်လက်ခုခံနေပြီး ၊ ရခိုင်ရိုးမဘက်ကနေ ပစ်ကူပေးနေတဲ့ လက်နက်ကြီးတွေဟာ သူတို့စစ်သားတွေကို ပြန်ထိပြီး တော်တော်ကို သေနေကြတဲ့အပြင် ဂွမြို့က တိုက်ပွဲမှာလည်း စစ်ကောင်စီဘက်က အတုံးအရုံးသေနေကြပြန်တယ်လို့ အာရက္ခတပ်တော် AA က တရားဝင်ထုတ်ပြန်ထားပါတယ်။
- ရှမ်းပြည်နယ်တောင်ပိုင်း ရပ်စောက်မြို့နယ်က ကျောက်ဂူဒေသမှာ အကြမ်းဖက် စစ်ကောင်စီတပ်နဲ့ တော်လှန်ရေးတပ်တွေအကြား တိုက်ပွဲတွေဆက်တိုက်ပြင်းထန်နေပြီး ၊ အထိနာနေတဲ့ စစ်ကောင်စီက လေကြောင်းပစ်ကူတွေနဲပါ အသည်းအသန် ဗုံးကျဲတိုက်ခိုက်နေတယ်လို့ ဓနုပြည်သူ့လွတ်မြောက်ရေး တပ်တော် (DPLA) တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။
- အကြမ်းဖက် စစ်ကောင်စီတပ်က လုံခြုံရေးတင်းကျပ်ထားတဲ့ မန္တလေးမြို့မှာ မနေ့ကပဲ မဟာ အောင်မြေမြို့နယ်မှာရှိတဲ့ ရွှေစင်အကယ်ဒမီရွှေဆိုင်ကို ဓားပြတိုက်မှုဖြစ်ပွားခဲ့ပြန်ပြီး ရွှေ ၄ ပိဿာ ကျော်ပါသွားသလို ၊ တရားခံတွေကိုလည်း မမိသေးတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
https://www.youtube.com/watch?v=5uVJ0AUNnbc
မုံရွာတွင် ကဗျာဆရာ ဦးစိန်ဝင်းကို မီးရှို့သတ်ဖြတ်ခဲ့သော စစ်တပ် သတင်းပေး အောင်ကိုလတ်ကို မုံရွာမြို့နယ် ပလဖ က အရှင်ဖမ်းမိ
ရန်ကုန်၊ ဒီဇင်ဘာ ၁၄
စစ်ကိုင်းတိုင်း၊ မုံရွာမြို့တွင် ကဗျာဆရာ ဦးစိန်ဝင်းကို မီးရှို့သတ်ဖြတ်ခဲ့သော အကြမ်းဖက် စစ်တပ် သတင်းပေး အောင်ကိုလတ်ကို အရှင်ဖမ်းမိခဲ့ကြောင်း မုံရွာမြို့နယ် ပြည်သူ့လုံခြုံရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာထံသို့ ပြောဆိုသည်။
ယနေ့ ဒီဇင်ဘာလ ၁၄ ရက်နေ့ နံနက်ပိုင်းတွင် မုံရွာမြို့နယ်အတွင်း အကြမ်းဖက် စစ်တပ်အတွက် သတင်းထောက်လှမ်းရေး ပြုလုပ်နေစဉ် အောင်ကိုလတ်ကို မုံရွာမြို့နယ် ပြည်သူ့လုံခြုံရေးအဖွဲ့မှ ရဲဘော်များက အရှင်ဖမ်းဆီးနိုင်ခဲ့ခြင်းဖြစ်ကြောင်း သိရသည်။
ဖမ်းဆီးရမိသော စစ်တပ် သတင်းပေး အောင်ကိုလတ်ကို မုံရွာမြို့နယ် ပလဖ အဖွဲ့က စစ်ဆေးမှုများ ဆက်လက် လုပ်ဆောင်၍ အရေးယူမှု အပိုင်းများကို ဆက်လက် လုပ်ဆောင်သွားမည်ဖြစ်ကြောင်း သိရှိရသည်။
" စစ်ခွေးတွေနဲ့ ပတ်သက်မှုကတော့ အဲကောင်ကရှိတယ်။ အဲကောင်က ကိုစိန်ဝင်းကို သတ်ပြီးတော့ ဒလန် လုပ်နေတာ အဲကောင် ဒီနေ့ ထောက်လှမ်းရေး လာလုပ်ရင်းနဲ့ မိလာတာ သူ့ကို စစ်ဆေးမှုတွေ ဆက်လက် လုပ်ဆောင်သွားမယ်။ အရေးယူမှုပိုင်းတွေလည်း ထုတ်ပြန်သွားမယ်" ဟု မုံရွာမြို့နယ် ပြည်သူ့လုံခြုံရေးအဖွဲ့မှ တာဝန်ရှိသူ တစ်ဦးက ပြောဆိုသည်။
၂၀၂၁ ခုနှစ် မေလ ၁၄ ရက်နေ့တွင် မုံရွာမြို့ စက်မှုဇုန် ခေါက်ဆွဲစက်တစ်ခု၌ ကဗျာဆရာ ဦးစိန်ဝင်းကို အကြမ်းဖက် စစ်တပ် သတင်းပေး အောင်ကိုလတ် ဆိုသူက မီးရှို့သတ်ဖြတ်ခဲ့ခြင်းဖြစ်ကြောင်း၊ တရားခံ အောင်ကိုလတ်၏ ဝန်ခံထွက်ဆိုချက်များကိုလည်း မုံရွာမြို့နယ် ပလဖ က ဆက်လက်ထုတ်ပြန်သွားမည်ဖြစ်ကြောင်း သိရသည်။
ဆားလင်းကြီးမြို့နယ်တွင် ရက်ရှည်စစ်ရှောင်စခန်း ၃ နေရာကို ထမင်းတစ်နပ်လှူဒါန်း
ရန်ကုန်၊ဒီဇင်ဘာ ၁၄
ဆားလင်းကြီးမြို့နယ်တွင် ရက်ရှည်စစ်ရှောင်စခန်း ၃ နေရာမှ စစ်ရှောင်ပြည်သူများကို အညာပစ်တိုင်းထောင်လေးများအဖွဲ့က အလှူရှင်ကိုယ်စား ထမင်းတစ်နပ်သွားရောက်လှူဒါန်းခဲ့ကြကြောင်းသိရှိရသည်။
လောင်းလုံးတွင် စစ်ကြောင်းထိုးလာသည့် စစ်တပ်က အင်းဇောက်ကျေးရွာမှ အမျိုးသမီး ၁ ဦးကို ပစ်သတ်ပြီး ပြည်သူ ၁၀ ဦးကျော်ကို ဖမ်းဆီးသွား
ရန်ကုန်၊ဒီဇင်ဘာ ၁၄
တနင်္သာရီတိုင်း၊ လောင်းလုံးမြို့နယ်တွင် စစ်ကြောင်းထိုးလာသည့် အကြမ်းဖက် စစ်တပ်က အင်းဇောက်ကျေးရွာမှ အမျိုးသမီး ၁ ဦးကို ပစ်သတ်ပြီး ပြည်သူ ၁၀ ဦးကျော်ကို ဖမ်းဆီးသွားကြောင်း လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ ပြန်ကြားရေးတာဝန်ခံ ရဲဘော်ရှဲဒိုးက ရန်ကုန်ခေတ်သစ် သတင်း ဌာနထံသို့ ပြောဆိုသည်။
ဒီဇင်ဘာလ ၁၃ရက်နေ့ နံနက် ၅နာရီခန့်တွင် ထားဝယ်မြို့ဘက်မှ လောင်းလုံးမြို့ဘက်ခြမ်းကို အင်အာဖြည့်တင်းရန် စစ်ကြောင်းထိုးလာသည့် အကြမ်းဖက် စစ်ကောင်စီတပ်သားများက အင်းဇောက်ရွာမှ ဆိုင်ကယ် စီးလာသည့် အမျိုးသမီး၁ ဦးကို ပစ်သတ်ခဲ့ကြောင်းသိရသည်။
အကြမ်းဖက် စစ်တပ်က သေနတ်ဖြင့် ပစ်သတ်ခဲ့သော အမျိုးသမီးသည် အင်းဇောက်ရွာတွင် နေထိုင်သော အသက် ၅၀ အရွယ် ဒေါ်နွဲ့သန်းဆိုသူဖြစ်ပြီး နေအိမ်မှ ဆိုင်ကယ်ဖြင့် ထွက်လာစဉ် စစ်ကောင်စီ တပ်သားများ ပစ်သတ်ခဲ့ခြင်းဖြစ်ကြောင်း သိရှိရသည်။
ထို့ပြင် အကြမ်းဖက် စစ်တပ် စစ်ကြောင်းသည် ၎င်းတို့စစ်ကြောင်းထိုးရာ လမ်းတလျှောက်ရှိ အရပ်သား ပြည်သူ ၁၀ ဦးကျော်ကိုလည်း ဖမ်းဆီးသွားပြီး တချို့ကို ပြန်လွှတ်ပေးသော်လည်း အများစုကို ဖမ်းဆီးခေါ်ဆောင်သွားကြောင်း သိရသည်။
"စစ်ခွေးတွေက အင်းဇောက်ရွာကို ရောက်တဲ့အခါမှာ လက်နက်ကြီးတွေနဲ့ ပစ်တယ်။ လက်နက်ငယ်တွေနဲ့ ပစ်ခတ်ပြီးတော့ ဒီရွာထဲဝင်လာတာပေါ့။ အဲဒီ အချိန်မှာ ဒီအမျိုးသမီးတစ်ဦးက ဆိုင်ကယ်နဲ့ သူတို့ ပစ်ခတ်တဲ့ အသံတွေ နီးလာတဲ့အခါကျတော့ အိမ်ကနေပြီးတော့ တစ်ခြားနေရာကို ပြောင်းရွေ့တာ အဲလိုထွက်လာတဲ့အချိန် စစ်ခွေးတွေက သေနတ်နဲ့ ပစ်ထည့်လိုက်တာ နေရာမှာတင် ပွဲချင်းပြီးသေဆုံးတယ်။ စစ်ခွေး ဖမ်းတာတော့ အများကြီးပဲ လမ်းမှာ သူတို့ စဆင်းလာတဲ့နေ့ကတည်းက ဖမ်းနေတာ ပြန်လွှတ်ပေးတဲ့ သူတွေရှိတယ်။ ပြည်သူ ၁၀ ဦးကျော်ထက်မနည်းဖမ်းဆီးခံရတယ်။ ပြည်သူတော်တော်များများကတော့ စစ်ခွေးစစ်ကြောင်း ရောက်လာတည်းက ရှောင်နေရကြတာ စစ်ခွေးစစ်ကြောင်းလာပြီဆိုတာနဲ့ပြည်သူတွေ အနေနဲ့ ကြိုတင်ရှောင်ရှားကြဖို့ ပြည်သူတွေကို မေတ္တာရပ်ခံချင်တယ်" ဟု လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ ပြန်ကြားရေးတာဝန်ခံ ရဲဘော်ရှဲဒိုးက ရန်ကုန်ခေတ်သစ် သတင်း ဌာနထံသို့ ပြောဆိုသည်။
အဆိုပါ အကြမ်းဖက် စစ်တပ် စစ်ကြောင်းသည် အင်အား ၁၂၀ ခန့်ပါဝင်ပြီး ယနေ့ ဒီဇင်ဘာလ ၁၄ ရက်နေ့တွင် အင်အား ၆၀ ခန့်သည် ထားဝယ်ဘက်ကို ပြန်လည် ဆုတ်ခွာသွားပြီး ကျန်ရှိနေသော အင်အား ၆၀ ခန့်သည့် လောင်းလုံးမြို့ပေါ်ရှိ အကြမ်းဖက် စစ်ကောင်စီ တပ်သားများနှင့် သွားရောက်ပူးပေါင်းကြောင်း သိရသည်။