567148
ရန်ကုန်ခေတ်သစ်သတင်းဌာနသည် ၂၀၁၈ ခုနှစ်၊ ဇန်နဝါရီလ ၁ ရက်နေ့တွင် စတင်ထူထောင်ခဲ့သော သတင်းဌာနဖြစ်ပါသည်။ https://yktnews.com/
မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၆၆ ဦးသေဆုံး
ရန်ကုန်၊ ဧပြီ ၂
မြန်မာနိုင်ငံတစ်ဝန်း ဧပြီလ ၂ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၆၆ ဦးသေဆုံးကြောင်း ပြည်သူ့ကာ ကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက် များ အရ သိရှိရသည်။
ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။
စဉ့်ကူးမြို့ပေါ် စာသင်ကျောင်းကို စစ်တပ်က ယနေ့ မွန်းလွဲပိုင်း လေယာဉ်ဖြင့် ဗုံးကျဲတိုက်ခိုက်၊ ပုလဲမြို့နယ်ရှိ ကျေးရွာများကိုလည်း ရဟတ်ယာဉ်ဖြင့် ပစ်ခတ် တိုက်ခိုက်
ရန်ကုန်၊ ဧပြီ ၂
မန္တလေးတိုင်း၊ စဉ့်ကူးမြို့ပေါ် စာသင်ကျောင်းကို အကြမ်းဖက် စစ်တပ်က ယနေ့ မွန်းလွဲပိုင်း လေယာဉ်ဖြင့် ဗုံးကျဲတိုက်ခိုက်ခဲ့ကြောင်း ခရိုင် ပကဖ မှ တာဝန်ရှိသူ တစ်ဦးက ရန်ကုန်ခတ်သစ် သတင်းဌာနထံသို့ ပြောဆိုသည်။
ယနေ့ ဧပြီလ ၂ ရက်နေ့ မွန်းလွဲ ၂ နာရီ ကျော်ခန့်တွင် အကြမ်းဖက် စစ်တပ်က စဉ့်ကူးမြို့ပေါ် စာသင်ကျောင်းကို လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း သိရသည်။
အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း ပြည်သူများ ထိခိုက်မှုမရှိသော်လည်း အဆောက်အဦးများ ထိခိုက်ပျက်စီးမှုရှိကြောင်း သိရှိရသည်။
"ဒီနေ့ ၂ နာရီကျော်လောက်မှာ မိတ္ထီလာက တက်လာတဲ့ ဖိုက်တာ ၁ စီး နဲ့ စဉ့်ကူးမြို့ပေါ် စာသင်ကျောင်းကို လေကြောင်း တိုက်ခိုက်မှု ပြုလုပ်သွားတာပါ။ ပြည်သူတွေ ထိခိုက်မှုမရှိဘူးလို့တော့ ကနဦးသိရပါတယ်" ဟု ခရိုင် ပကဖ မှ တာဝန်ရှိသူ တစ်ဦးက ပြောဆိုသည်။
ထို့ပြင် စစ်ကိုင်းတိုင်း၊ ပုလဲမြို့နယ်ရှိ ကျေးရွာများကိုလည်း အကြမ်းဖက် စစ်တပ်က ရဟတ်ယာဉ်ဖြင့် ပစ်ခတ် တိုက်ခိုက်ခဲ့ကြောင်းပုလဲမြို့နယ် ပြည်သူ့အုပ်ချုပ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၂၉ ရက်နေ့တွင် ပုလဲမြို့နယ် အနောက်ဘက်ခြမ်း ကျေးရွာများကို အကြမ်းဖက် စစ်တပ်၏ MI-17 ရဟတ်ယာဉ်က ပွိုင့် ၅ ဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း၊ အကြမ်းဖက် စစ်တပ်၏ လေကြောင်းတိုက်ခိုက်မှု အတွင်း ပြည်သူများ ထိခိုက်မှုမရှိသော်လည်း လက်ရှိချိန်ထိ ဒေသပြည်သူများသည် လေကြောင်း တိုက်ခိုက်မှုများ ထပ်မံ ပြုလုပ်မည်ကို စိုးရိမ်နေကြကြောင်း သိရသည်။
"MI-17 နဲ့ ကို စက်သေနတ် တက်ပြီး ပစ်ခတ် ခဲ့တာဟုတ်ပါတယ်။ ပြည်သူလူထုတွေ ငလျင်ဒဏ် ခံစားနေရတဲ့ အခြေအနေ နောက်ပြီး တိုင်းပြည် သဘာဝဘေးအန္တရာယ်တွေ ဖြစ်နေတဲ့ အချိန်တောင်မှ ပုလဲမြို့နယ်ကို ပစ်ခတ်တိုက်ခိုက်သွားတာဟုတ်ပါတယ်" ဟုပုလဲမြို့နယ် ပြည်သူ့အုပ်ချုပ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။
ဓာတ်ပုံ - စဉ့်ကူးမြို့နယ် လက်ပန်လှရွာကို စစ်တပ်က မတ်လ ၃၁ ရက်နေ့ ညနေပိုင်းတွင် ဗုံးကျဲ တိုက်ခိုက်ခြင်းကြောင့် ပျက်စီးသွားသော ပြည်သူပိုင် နေအိမ်များ
ကရင်နီပြည်တပ်ပေါင်းစုံ စစ်ဦးစီးအဖွဲ့၏ ဦးဆောင်မှုဖြင့် ဘောလခဲ၊ ဖားဆောင်းတို့ရှိ ကာကင်းစခန်း များကို တိုက်ခိုက်သိမ်းပိုက်မှု စစ်သား ၆၀ ကျော်သေဆုံးပြီး လက်နက်မျိုးစုံ ၄၀ ကျော် သိမ်း ဆည်းရရှိ
ရန်ကုန်၊ ဧပြီ ၂
ကရင်နီပြည်တပ်ပေါင်းစုံ စစ်ဦးစီးအဖွဲ့၏ ဦးဆောင်မှုဖြင့် ဘောလခဲ၊ ဖားဆောင်းတို့ရှိ စစ်ကောင်စီ အခြေစိုက် ကာကင်းစခန်းများကို တိုက်ခိုက်သိမ်းပိုက်ခဲ့ရာ စစ်သား ၆၀ ကျော်သေဆုံးပြီး လက်နက်မျိုးစုံ ၄၀ ကျော် သိမ်းဆည်းရရှိခဲ့ကြောင်း ကရင်နီပြည်တပ်ပေါင်းစုံ စစ်ဦးစီးအဖွဲ့ - JCS ကထုတ်ပြန်သည်။
မတ်လ ၄ ရက်နေ့မှစ၍ ကရင်နီပြည် စစ်ဦးစီးအဖွဲ့ JCS ၏ ကွပ်ကဲမှုဖြင့် ဘောလခဲနှင့် ဖားဆောင်းတို့ ရှိ စစ်ကောင်စီတပ်များကို ထိုးစစ်ဆင်တိုက်ခိုက်ခဲ့ရာ စစ်ဆင်ရေးစတင်ချိန်တစ်လအတွင်း အကြမ်း ဖက် စစ်ကောင်စီတပ်၏ ဗျူဟာတပ်အခြေစိုက် ကင်းများဖြစ်သည့် ဘောာလခဲမြို့နယ် ကာကင်းများ ဖြစ်သော အမှိုက်ကျင်း၊ ကျောက်ခွဲစက်၊ ရေကျော်၊ ရေနီပေါက်၊ ဝမ်ပလန်း စသည့် ကာကင်းစခန်း များကို တိုက်ခိုက်သိမ်းပိုက်လိုက်နိုင်ခဲ့ကြေင်း သိရသည်။
အလားတူ ဖားဆောင်း မီးသတ်တိုက်နှင့် ရေဆိပ်များကို တိုက်ခိုက်ကန့်သတ်နိုင်ခဲ့ပြီး ယင်း ကာကင်း စခန်းသိမ်းပွဲများအတွင်း စစ်ကောင်စီတပ်ဖွဲ့ဝင် ၆ဝ ဦးကျော်သေဆုံး၍ အချို့ကို အရှင်ဖမ်းဆီးရမိကာ လက်နက်မျိုးစုံ ၄၀ နှင့် ကျည်မျိုးစုံတို့ကိုလည်း သိမ်းဆည်းရရှိခဲ့ကြောင်း သိရသည်။
၂၀၂၅ ဇန်နဝါရီလ မှ စတင်၍ အကြမ်းဖက်စစ်ကောင်စီတပ်များသည် လွိုင်ကော်မြို့နှင့် မိုးဗြဲမြို့ဆက် ထားသည့် လမ်းမကြီးကို ပြန်လည်ထိန်းချုပ်နိုင်ရန် ကြိုးပမ်းသဖြင့် စစ်ကောင်စီတပ်များ၏ ထိုးစစ်ကို ကရင်နီပြည်ရှိ တပ်ပေါင်းစုံမှ ခုခံကာကွယ်ခဲ့ရကြောင်း၊ ထိုထိုးစစ်များကြောင့် ကရင်နီတော်လှန်ရေး ပူးပေါင်းတပ်ဖွဲ့မှ တပ်သားအချို့မှာ သူရဲကောင်းပီသစွာ အသက်ပေးကာကွယ်ခဲ့ရကြောင်း သိရ သည်။
ထို့ကြောင့် အကြမ်းဖက်စစ်ကောင်စီ၏ မိုးဗြဲဒေသသို့ ထိုးစစ်များကို ကန့်သတ်နိုင်ရန်အတွက် ကရင်နီ ပြည်ရှိ တော်လှန်ရေးတပ်ဖွဲ့များ၊ ပြည်သူ့ကာကွယ်ရေးတပ်ဖွဲ့ပေါင်းစုံပါဝင်သော စစ်ဆင်ရေးများကို ကရင်နီပြည်တပ်ပေါင်းစုံ စစ်ဦးစီးအဖွဲ့ (Joint Chiefs of Staff - JCS) အား ဖွဲ့စည်းကာ၂၀၂၅ ခုနှစ် မှ စ၍ ခံစစ်နှင့် ထိုးစစ်များကို စတင်ကွပ်ကဲခဲ့ကြောင်း အသိပေးထားသည်။
ကရင်နီတစ်ပြည်လုံး အကြမ်းဖက်စစ်ကောင်စီ လက်အောက်မှ လွတ်မြောက်နိုင်ရေး ရည်မှန်း ချက် ဖြင့် ကရင်နီပြည်တပ်ပေါင်းစုံ စစ်ဦးစီးအဖွဲ့ (Joint Chiefs of Staff - JCS) အား ဖွဲ့စည်းခဲ့ခြင်းဖြစ်ပြီး ကရင်နီပြည်တပ်ပေါင်းစုံ စစ်ဦးစီးအဖွဲ့ (Joint Chiefs of Staff - JCS) နှင့် စစ်ဆင်ရေး တပ်သားတို့ သည် အာဏာရှင်စနစ်ချုပ်ငြိမ်းပြီး ဖက်ဒရယ်ဒီမိုကရေစီစနစ် ပေါ်ပေါက်ရေးနှင့် ကရင်နီပြည်တွင် ဖက်ဒရယ်တပ် တစ်ရပ်စတင်တည်ဆောက်နိုင်ရန် ဆက်လက်ကြိုးပမ်းသွားမည်ဖြစ်ကြောင်း ကတိ ပြုထားသည်။
သို့ရာတွင် မတ်လ ၂၈ ရက်နေ့တွင် ငလျင်ကြီးများစွာ လှုပ်ခတ်မှုကြောင့် စစ်ကိုင်း၊ မန္တလေး၊ နေပြည် တော် နှင့် ရှမ်းပြည်နယ်တောင်ပိုင်းတို့တွင် ပြည်သူများ၏ အသက်အိုးအိမ်စည်းစိမ်များ ထိခိုက်ပျက် စီး နေကြောင်းတွေ့ရှိရသဖြင့် ငလျင်ဘေးကြောင့် အသက်သေဆုံးရှုံးရသူများနှင့် ထိခိုက်ဒဏ်ရာရသူ များ အတွက် ကရင်နီပြည်တပ်ပေါင်းစုံ စစ်ဦးစီးအဖွဲ့ (Joint Chiefs of Staff - JCS)မှ မိသားစုများ နှင့် ထပ်တူ ဝမ်းနည်းရပါကြောင်း ပြောကြားသည်။
ကရင်နီပြည်နယ်တစ်ဝှမ်းလုံးတွင် စစ်ကောင်စီဖက်မှ တိုက်ခိုက်မှုအမျိုးမျိုးအား ရပ်တန့်ထားခြင်း မရှိ ဘဲ ဆက်လက်လုပ်ဆောင်နေသည့် အခြေအနေများကြောင့် မိမိတို့တပ်များဘက်မှ သဘာဝဘေး အန္တရာယ် ကယ်ဆယ်ရေးလုပ်ငန်းများအပေါ် ချိန်ညှိ၍ မိမိတို့ကာကွယ်ထိန်းချုပ်ထားသည့် ဒေသနှင့် ပြည်သူများအပေါ် စကစမှ အကြမ်းဖက်တိုက်ခိုက်မှုများ ပြုလုပ်လာသည့်အခြေနေများပေါ်မူတည်၍ စစ်ဆင်ရေးများကို လုပ်ဆောင်သွားမည်ဖြစ်ကြောင်း ကရင်နီပြည်တပ်ပေါင်းစုံ စစ်ဦးစီးအဖွဲ့ - JCS က ထုတ်ပြန်ထားသည်။
ဆားလင်းကြီးမြို့နယ်ရှိ ရက်ရှည်စစ်ရှောင်စခန်း၂ နေရာကို ထမင်းနှင့် ဟင်း လှူဒါန်း
ရန်ကုန်၊ ဧပြီ ၂
ဆားလင်းကြီးမြို့နယ်ရှိ ရက်ရှည်စစ်ရှောင်စခန်း၂ နေရာကို အညာပစ်တိုင်းထောင်လေးများအဖွဲ့က အလှူရှင်ကိုယ်စား ထမင်းနှင့် ဟင်းနပ်လှူဒါန်းခဲ့ကြောင်း သိရှိရသည်။
ထိုင်းနိုင်ငံရောက် မြန်မာဒုက္ခသည်များနှင့် ရွှေ့ပြောင်းအလုပ်သမားများအရေး ပူးပေါင်း ဆောင်ရွက်နိုင်ရန် တောင်ကိုရီးယား လွှတ်တော်အမတ်များနှင့် CRPH တို့ ဆွေးနွေး
ရန်ကုန်၊ မတ် ၈
ထိုင်းနိုင်ငံရောက် မြန်မာဒုက္ခသည်များနှင့် မြန်မာရွှေ့ပြောင်း အလုပ်သမားများ အရေး ပူးပေါင်းဆောင်ရွက်သွားနိုင်ရန် CRPH ၊ NUG တာဝန်ရှိသူများ ကတောင်ကိုရီးယားလွှတ်တော်အမတ် ဂန်အီးလီနှင့် အွန်လိုင်းမှ တွေ့ဆုံဆွေး နွေးခဲ့ကြောင်း သိရသည်။
မတ်လ ၅ ရက်နေ့က ပြည်ထောင်စုလွှတ်တော်ကိုယ်စားပြုကော်မတီ၊ အမျိုးသားညီညွတ်ရေးအစိုးရ တာဝန်ရှိသူများသည် တောင်ကိုရီးယားလွှတ်တော်အမတ် ဂန်အီးလီတို့နှင့် အွန်လိုင်းမှတစ်ဆင့်တွေ့ ဆုံပြီး ထိုင်းနိုင်ငံသို့ အကြောင်းအမျိုးမျိုးကြောင့် ရောက်ရှိနေသော မြန်မာဒုက္ခသည်များနှင့် မြန်မာ ရွှေ့ပြောင်းအလုပ်သမားများအရေး ဆက်လက်ပူးပေါင်းဆောင် ရွက်သွားနိုင်ရန် အတွက်ဆွေးနွေးခဲ့ ခြင်းဖြစ်ကြောင်း သိရသည်။
တွေ့ဆုံဆွေးနွေးပွဲ၌ ဇန်နဝါရီလ ၃၀ ရက်နေ့က ပူးပေါင်းကျင်းပခဲ့သည့် “မဲဆောက်ရှိ မြန်မာဒုက္ခ သည်များအတွက် အခွင့်အရေးနှင့် စီးပွားရေးအခွင့်အလမ်းများ မြှင့်တင်ပေးရေး ကိုရီးယား-ထိုင်း-မြန်မာ ကမ္ဘာလုံးဆိုင်ရာ ဖိုရမ်” အပေါ် အားသာချက်၊ အားနည်းချက်များအား ဆွေးနွေးသုံးသပ်ခဲ့ကာ ယင်းအစီအစဉ်အရ ဆက်လက်လုပ်ဆောင်သင့်သည်များကို တက်ရောက်လာကြသူများက အကြံပြု ဆွေးနွေးခဲ့ကြောင်း သိရသည်။
ထို့ပြင် ပြည်ထောင်စုလွှတ်တော်ကိုယ်စားပြုကော်မတီ၊ အလုပ်သမားရေးရာကော်မတီ ဥက္ကဋ္ဌ ဦး ဥက္ကာမင်း၊ အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာန ဒုတိယဝန်ကြီး ဦးကျော်နီနှင့် တာဝန်ရှိသူများက ထိုင်းနိုင်ငံအတွင်း ရောက်ရှိနေသည့် မြန်မာဒုက္ခသည်များ၊ မြန်မာရွှေ့ပြောင်း အလုပ်သမားများ၏ အခက်အခဲများနှင့် လိုအပ်ချက်များ၊ ထိုင်းနိုင်ငံအတွင်း အထောက်အထားရရှိနိုင် ရေး၊ ရပ်တည်နေထိုင်ရေးအခက်အခဲများ၊ ထိုင်းနိုင်ငံက ဖမ်းဆီးထိန်းသိမ်းခံရသူများအား စစ်ကောင် စီထံ အပ်နှံနေခြင်းနှင့် ယင်းတို့အား အကြမ်းဖက်စစ်အုပ်စုက အဓမ္မ စစ်မှုထမ်းစေခိုင်းခံနေရခြင်း တို့ကို ဆွေးနွေးခဲ့ကြောင်း သိရသည်။
အလားတူ ထိုင်းနိုင်ငံရောက် မြန်မာမျိုးဆက်သစ်လူငယ်များ ပညာဆက်လက်သင်ကြားနိုင်ရေး အ တွက် ကြုံတွေ့နေရသည့် အခက်အခဲများကို ဆွေးနွေးဖလှယ်ခဲ့ကြပြီး အကူအညီလိုအပ်နေသည့် မြန်မာပြည်သူများအတွက် တောင်ကိုရီးယား၊ ထိုင်းနိုင်ငံအပါအဝင် နိုင်ငံတကာ အသိုက်အဝန်းက လည်း ကူညီပံ့ပိုးပေးမှု အားကောင်းလာစေရေး ပူးပေါင်းဆောင်ရွက်ပေးရန် တိုက်တွန်းခဲ့ကြောင်း သိရသည်။
တွေ့ဆုံပွဲသို့ ပြည်ထောင်စုလွှတ်တော်ကိုယ်စားပြုကော်မတီမှ အဖွဲ့ဝင်များ၊ အလုပ်သမားရေးရာ ကော်မတီမှ ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များ၊ အမျိုးသားညီညွတ်ရေးအစိုးရ၊ အလုပ်သမား ဝန်ကြီးဌာနမှ ဒုတိယဝန်ကြီးနှင့် တာဝန်ရှိသူများ၊ အမျိုးသားညီညွတ်ရေးအစိုးရ၊ တောင်ကိုရီးယား နိုင်ငံဆိုင်ရာ ကိုယ်စားလှယ်နှင့် ရုံးအဖွဲ့များ၊ နယ်စပ်အခြေပြု ရွှေ့ပြောင်းနေထိုင်သူများအရေး ကူ ညီဆောင်ရွက်ပေးနေသော အဖွဲ့အစည်းများမှ တာဝန်ရှိသူများ၊ တောင်ကိုရီးယား၏ လူမှုအဖွဲ့ အ စည်းများမှ တာဝန်ရှိသူများ တက်ရောက်ခဲ့ကြောင်း ပြည်ထောင်စုလွှတ်တော်ကိုယ်စားပြု ကော်မတီ က ထုတ်ပြန်ထားသည်။
ရန်ကုန်-မော်လမြိုင် အဝေးပြေးလမ်းရှိ စစ်တပ်၏ ညောင်ခါးရှည် X Ray ဂိတ်ကို ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက်
ရန်ကုန်၊ မတ် ၈
ပဲခူးတိုင်း၊ ရန်ကုန်-မော်လမြိုင် အဝေးပြေးလမ်းရှိ အကြမ်းဖက် စစ်တပ်၏ ညောင်ခါးရှည် X Ray ဂိတ်ကို ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက်ခဲ့ကြောင်း ဝေါမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၈ ရက်နေ့ နံနက် ၃ နာရီခန့်တွင် ရန်ကုန်-မော်လမြိုင် အဝေးပြေးလမ်း၊ ဝေါမြို့နယ်ရှိ အကြမ်းဖက် စစ်တပ်၏ ညောင်ခါးရှည် X Ray ဂိတ်ကို တော်လှန်ရေး တပ်ဖွဲ့များက ၁၀၇ မမ ရှော့တိုက်ဒုံး ၃ လုံးဖြင့် ပစ်ခတ် တိုက်ခိုက်ခဲ့ကြောင်း သိရသည်။
ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အရေအတွက်နှင့် ပျက်စီးမှု အခြေအနေကို အတည်ပြုနိုင်ခြင်းမရှိသေးကြောင်း၊ တော်လှန်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
"လက်ရှိ ညောင်ခါးရှည် စစ်ဆေးရေးဂိတ်က ပဲခူးတိုင်းနဲ့ မွန်ပြည်နယ် အစပ်မှာရှိတယ်ပေါ့။ တော်လှန်ရေး အင်အားစုတွေအတွက်ကတော့ ဒီဂိတ်က အနှောက်အယှက် တစ်ခုဖြစ်တယ်။ အထဲကို လက်နက်ခဲယမ်းတွေ သွင်းတဲ့ အခါကျရင် ဒီဂိတ်က စစ်ဆေးပြီးတော့ ဒီဂိတ်မှာ တော်တော်များများ ဖမ်းမိကုန်တာများတယ်။ အဲတော့ ဒီဂိတ်ကိုတော့ ကျနော်တို့က နောက်ပိုင်း တစိုက်မက်မက် ဖြိုခွင်းဖို့တော့ ဆောင်ရွက်သွားမှာပါ" ဟု ဝေါမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို ဝေါမြို့နယ် ပြည်သူ့ကာကွယ်ရေး တပ်ဖွဲ့ (ပကဖ) နှင့် ကဝမြို့နယ် ပြည်သူ့ကာကွယ်ရေးတပ်ဖွဲ့ (ပကဖ) တို့က ပူးပေါင်းလုပ်ဆောင်ခဲ့ကြောင်း သိရသည်။
ဓာတ်ပုံ - အကြမ်းဖက် စစ်ကောင်စီ တပ်သားများကို ၁၀၇ မမ ရှော့တိုက်ဒုံးဖြင့် ပစ်ခတ် တိုက်ခိုက်ရန် ပြင်ဆင်နေသည့် တော်လှန်ရေး ရဲဘော် ၁ ဦး (ပုံအဟောင်းဖြစ်သည်)
ကျောက်ဖြူကို စစ်ကောင်စီက လေယာဉ်ဖြင့် ထပ်မံဗုံးကျဲမှု နေအိမ်များ မီးလောင်ပြာကျ
ရန်ကုန် မတ် ၈
ရခိုင်ပြည်၊ ကျောက်ဖြူမြို့နယ်ကို စစ်ကောင်စီက မတ်လ ၇ ရက် နေ့လယ်ပိုင်းက ဗုံးကျဲတိုက်ခိုက်ခဲ့ရာ ကြတ္တိန်ရွာမှ နေအိမ် ၃၅ ဆောင်ထက်မနည်း မီးလောင်ပြာကျသွားကြောင်း သိရသည်။
မတ်လ ၇ ရက်နေ့ မွန်းလွဲ ၂ နာရီခန့်တွင် စစ်ကောင်စီက ဂျက်ဖိုက်တာတစ်စီးနှင့် သစ်ပုတ်တောင်တိုက်နယ်က ကြတ္တိန်ကျေးရွာကို လေကြောင်းဗုံးကျဲတိုက်ခိုက်ခဲ့ခြင်းဖြစ်သည်။
ဒေသခံတစ်ဦးက "ဟိုတနေ့ကလည်း ဦးကင်းရွာကို လေကြောင်းကနေ ဗုံးကြဲခဲ့တယ်။ မနေ့ကလည်း ထပ်ပြီး ကြတ္တိန်ရွာကို ဗုံးကြဲတိုက်ခိုက်တယ်။ တော်ပါသေးတယ်။ အရပ်သားတွေ စောစောစီးစီး နေရာရွှေ့ပြောင်းထားလို့။ ဒါပေမယ့် ဖုန်းဆက်လိုင်း အဆက်အသွယ်မရသေးတော့ လူထိခိုက်မှုရှိလားမရှိဘူးလားတော့ မသိရသေးဘူး" ဟု ပြောသည်။
မတ်လ ၆ ရက်နေ့ မွန်းတည့်နှင့် ညနေပိုင်းတွင် ဦးကင်းကျေးရွာကို စစ်ကောင်စီသည် လေကြောင်းကနေ ဂျက်ဖိုက်တာဖြင့် နှစ်ကြိမ်တိုင် လာရောက်ဗုံးကြဲတိုက်ခိုက်ခဲ့ပြီး နေအိမ် ၁၇၀ ကျော် မီးလောင်ပြာကျသွားသည်။
"လူတွေတော့ အထိအခိုက်မရှိဘူး။ ပြီးခဲ့တဲ့ ၁၀ ရက်ကျော်လောက်ကစပြီး တိုက်ပွဲတွေကြောင့် တိမ်းရှောင်သွားကြတာ။ နေ့လယ်နဲ့ ညနေပိုင်းမှာ စစ်ကောင်စီက ဗုံးကြဲတိုက်ခိုက်ခဲ့ပါတယ်။ တစ်ရွာလုံး မီးလောင်ပျက်စီးသွားပါတယ်။ တိုက်ပွဲတွေ မရှိဘူးလို့ သိရပါတယ်" ဟု ဒေသခံတစ်ဦးက ပြောသည်။
စစ်ကောင်စီ၏ လေကြောင်းဗုံးကြဲတိုက်ခိုက်မှုကြောင့် ကျောက်ဖြူမြို့နယ်က ဦးကင်းနှင့် ကြတ္တိန်ကျေးရွာက နေအိမ် စုစုပေါင်း ၂၀၀ ကျော် မီးလောင်ပြာကျသွားခဲ့ရခြင်းဖြစ်သည်။
ယင်းအပြင် မတ်လ ၆ ရက်နေ့က စစ်တွေမြို့နယ် ဝါကျေးရွာကိုလည်း စစ်ကောင်စီက ဒရုန်းဖြင့် ဗုံးကြဲတိုက်ခိုက်ခဲ့၍ နေအိမ် ၃၅ ဆောင်မီးလောင် ပျက်စီးသွားခဲ့ရသည်။
စစ်တွေနှင့် ကျောက်ဖြူမြို့နယ်အတွင်း စစ်ကောင်စီတပ်နှင့် AA တို့မှာ တိုက်ပွဲဖြစ်ပွားလျက်ရှိနေပြီး စစ်ကောင်စီက အရပ်သားနေအိမ်များကို ဦးတည်ပစ်မှတ်ထား လေကြောင်းဗုံးကြဲတိုက်ခိုက်နေခြင်းဖြစ်သည်။
ဓာတ်ပုံ - ၂၀၂၅ မတ်လ ၇ ရက် နေ့လယ်ပိုင်းတွင် စစ်ကောင်စီက လေကြောင်းဗုံးကြဲတိုက်ခိုက်မှုကြောင့် ကျောက် ဖြူမြို့နယ် ကြတ္တိန်ကျေးရွာက နေအိမ်များ မီးလောင်ပျာပြားသည့်မြင်ကွင်းများဖြစ်သည်။ (Photo - APM)
(Western News သည် ရန်ကုန်ခေတ်သစ်၏ မဟာမိတ်ဖြစ်သည်။)
ထိုင်းနိုင်ငံတွင် ဖမ်းဆီးခံရပြီး စစ်ကောင်စီထံသို့ ပြန်လွှဲစဉ် စစ်မှုထမ်းအဖြစ် စုဆောင်းခံရသူ လူငယ် ၁၆ ဦး ထွက်ပြေးကာ ၂ ဦး မြိတ်ပကဖထံ ရောက်ရှိ ၊ ၄ ဦးကို စစ်ကောင်စီက ပြန်လည် ဖမ်းမိ
ရန်ကုန်၊ မတ် ၈
ထိုင်းနိုင်ငံ၊ ရနောင်းမြို့တွင် ဖမ်းဆီးအချုပ်ကျပြီး မြန်မာနိုင်ငံသို့ ပြန်ပို့ခံခဲ့ရစဉ် စစ်သားအဖြစ်အဓမ္မစေခိုင်းခံရ သူများ အနက် လူငယ် ၁၆ ဦးထွက်ပြေးလာပြီး မြိတ်ပကဖထံသို့ လူငယ် ၂ ဦးရောက်ရှိ လာခဲ့ကြောင်း မြိတ်ပကဖမှ ပြန်ကြားရေးတာဝန်ခံ လရောင်က ရန်ကုန်ခေတ်သစ်သတင်းဌာနထံသို့ ပြောကြားသည်။
မတ်လ ၆ ရက်နေ့ ထိုင်းနိုင်ငံ၊ ရနောင်းမြို့အချုပ်တွင် အချုပ်ကျခံပြီးနောက် မြန်မာနိုင်ငံသို့ ပြန် လည် ပို့ဆောင်ခံခဲ့ရကာ စစ်မှုထမ်းစစ်သားအဖြစ် အတင်းအဓမ္မစုဆောင်းခံရသူ သက်နိုင်ထွေး (ခ) စုစု နှင့် နိုင်ဝင်းထွန်းတို့သည် မြိတ်မြို့နယ်ပြည်သူ့ကာကွယ်ရေးအဖွဲ့ထံသို့ ရောက်ရှိခိုလှုံခဲ့ကြောင်း သိရသည်။
“အားလုံးထွက်ပြေးလာတက ၁၆ ဦးလို့ပြောတယ်။ လမ်းမှာက ပြန်ဖမ်းခံထိသွားတာ ၄ ဦးရှိတယ်၊ လက်ရှိ ၂ ဦးတော့ ကျနော်တို့ဆီကို ရောက်လာပြီ။ ကျန်တဲ့ ၁၀ ဦးကလည်း လုံခြုံတဲ့နေရာရောက်ပြီ လို့ သိရတယ်။ ကျနော်တို့ဆီကို ချိတ်ဆက်လာတာက တိုင်းကနေချိတ်ဆက်လာတာ၊ အဓိကတော့ သူတို့က ထားဝယ်သားတွေဖြစ်နေလို့၊ သူတို့ကို စစ်မှုထမ်းဖမ်းခေါ်လာပြီးနောက် မြိတ်ကိုရောက် လာ တယ်။ မြိတ်ကိုရောက်လာတဲ့အတွက် တိုင်းကနေ ဖုန်းဆက်ပြီးတော့ အကူအညီတောင်းတဲ့အတွက် သူတို့ထွက်လာလို့ရမယ့် လမ်းကြောင်းကနေ ပြန်ပြီးတော့ ခေါ်ထုတ်ပေးတာပါ။” ဟု မြိတ်ပကဖမှ ပြန်ကြားရေးတာဝန်ခံ လရောင်က ရန်ကုန်ခေတ်သစ်သတင်းဌာနထံသို့ ပြောကြားသည်။
ဖေဖော်ဝါရီလ ၃ ရက်နေ့ ည ၁ နာရီ ၃၀ မိနစ်ဝန်းကျင်က သက်နိုင်ထွေး (ခ) စုစု နှင့် နိုင်ဝင်း ထွန်း တို့အပါအဝင် ၁၆ ဦး သည် မြိတ်မြို့နယ်၊ ရွှေဒူးပညာရေးကျောင်း၌ ဖွင့်လှစ်ထားသော စစ်မှု ထမ်းအပတ်စဉ် ၉ သင်တန်းကျောင်းမှ ထွက်ပြေးလာခြင်းဖြစ်ပြီး ဖေဖော်ဝါရီလ ၄ ရက်နေ့တွင် ၄ ဦး ပြန်လည် ဖမ်းဆီးခံလိုက်ရကြောင်း၊ ကျန် ၁၂ ဦးမှာ လွတ်မြောက်နေရာသို့ ရောက်ရှိနေပြီဖြစ်သော် လည်း သက်နိုင်ထွေး (ခ) စုစု နှင့် နိုင်ဝင်းထွန်းတို့သာ မြိတ်မြို့နယ် ပကဖထံသို့ မတ်လ ၆ ရက်နေ့ တွင် ရောက်ရှိလာခြင်းဖြစ်ကြောင်း သိရသည်။
၎င်းတို့သည် ထိုင်းနိုင်ငံ၊ ရနောင်းမြို့အချုပ်တွင်အချုပ်ကျခံရပြီးနောက် ကော့သောင်းမြို့သို့ ပို့ဆောင် ခံရကြောင်း၊ ကော့သောင်းမြို့မှ တဆင့် ခလရ ၄၃၁ တပ်ရင်းအတွင်းသို့ ပို့ဆောင်ခံရပြီး စစ်မှုထမ်းစစ်သား အဖြစ် အဓမ္မစုဆောင်းခံခဲ့ရကြောင်း၊ ခလရ ၄၃၁ တပ်ရင်းတွင် ၇ ရက်ခန့်နေခဲ့ရပြီး မြိတ်မြို့နယ်၊ ရွှေ ဒူးပညာရေးကျောင်းသို့ စက် လှေဖြင့် ထပ်မံပို့ဆောင်ကာ ရွှေဒူးပညာရေးကျောင်း၌၂ ရက်အကြာနေ ထိုင်ခဲ့ပြီးနောက် ထွက်ပြေးလာခြင်းဖြစ်ကြောင်း သိရသည်။
“စစ်ကောင်စီရဲ့ နိဂုံးနီးလာပြီဖြစ်တဲ့အတွက်ကြောင့် စစ်မှုထမ်းပါတဲ့ ရဲဘော်တွေအနေနဲ့ ပြည်သူ့ကာ ကွယ်ရေးတပ်ဖွဲ့တွေဆီကိုခိုလှုံပေးဖို့ တိုက်တွန်းချင်ပါတယ်။ ပြည်သူလူထုနဲ့အတူ ပူးပေါင်းပြီးတော့ ပြည်သူ့ဘက်ကို ရပ်တည်ပေးဖို့ပဲ အဓိကတောင်းဆိုချင်တယ်။ ပြီးတော့ မြို့ကြီး၊ ရွာကြီးတွေမှာ ကျန် နေသေးတဲ့ ပြည်သူတွေအနေနဲ့ စစ်ကောင်စီရဲ့ ဓားစာခံမဖြစ်ဖို့ သတိထားပြီးတော့ နေပေးဖို့ တိုက် တွန်း ချင်ပါတယ်” မြိတ်ပကဖမှ ပြန်ကြားရေးတာဝန်ခံ လရောင်က တိုက်တွန်းပြောကြားသည်။
Sanctions စီးပွားရေးပိတ်ဆို့ခံရလျှင် ဆော့ဝဲ(Software)များ အင်အားစုစည်းမှု ပိုမိုရရှိစေဟု ဘယ်လာရုစ်နိုင်ငံ သတင်းစာရှင်းလင်းပွဲတွင် မင်းအောင်လှိုင်၏ ပြောဆိုမှု အင်္ဂလိပ်လို နားမလည်ဘဲ အင်္ဂလိပ်စကားလုံးများ အသုံးပြုခဲ့ပုံရဟု သုံးသပ်
ရန်ကုန်၊ မတ် ၈
အကြမ်းဖက်စစ်ခေါင်းဆောင် မင်းအောင်လှိုင် ဘယ်လာရုစ်နိုင်ငံတွင် ပြုလုပ်သော သတင်းစာရှင်းလင်းပွဲအတွင်း Sanction စီးပွားရေးပိတ်ဆို့ခံရလျှင် အတိုက်အခိုက်ခံရသော ဆော့ဝဲ(Software)များက အင်အားစုစည်းမှု ပိုမိုရရှိစေကြောင်း ပြောဆိုခဲ့မှုသည် စီးပွားရေးပိတ်ဆို့မှုကို ကွန်ပျူတာဆော့ဝဲနှင့် အမှတ်မှားနေပုံရကြောင်း လွတ်လပ်သောမြန်မာသတင်းမီဒီယာကောင်စီ (IPCM) မှ အတွင်းရေးမှူး ဦးတိုးဇော်လတ်က သုံးသပ်ပြောဆိုသည်။
မတ်လ ၇ ရက်နေ့ ဘယ်လာရုစ်နိုင်ငံတွင် ပြုလုပ်သော သတင်းစာရှင်းလင်းပွဲတွင် မင်းအောင်လှိုင်က စီးပွားရေးပိတ်ဆို့ခံရလျှင် ကွန်ပျူတာဆော့ဝဲများ အင်အားစုစည်းမှုကို ပိုမိုရရှိစေပြီး ပြိုင်ဆိုင်မှု ပြင်းထန်လာစေကြောင်း ပြောဆိုသွားခြင်းဖြစ်သည်။
"Sanctions လုပ်တယ်ဆိုလို့ရှိရင် Sanctions လို့ခေါ်တဲ့ အဖွဲ့အစည်းတွေ ဆန့်ကျင်ဘက်အဖွဲ့အစည်းတွေက အတိုက် အခိုက်ခံရတဲ့ Software တွေက အင်အားစုစည်းမှုကို ပိုမို ရရှိစေပြီးတော့မှ ပြိုင်ဆိုင်မှုတွေကို ပြင်းထန်လာစေမယ်ဆိုတာကိုလည်း သတိပြုစေလိုပါတယ်"ဟု မင်းအောင်လှိုင်က ပြောဆိုသွားခဲ့ခြင်းဖြစ်သည်။
မင်းအောင်လှိုင်သည် Sanctions စီးပွားရေးပိတ်ဆို့မှုနှင့် ကွန်ပျူတာဆော့ဝဲ Software အကြား မည်သို့မှ မပတ်သက်သော စကားလုံးနှစ်ခုကို ချိတ်ဆက် ပြောဆိုသွားခြင်းမှာ အဆိုပါ အင်္ဂလိပ်စကားလုံး ၂ ခု၏ အဓိပ္ပာယ်ကို သေချာစွာ နားမလည်ဘဲ ထင်ရာမြင်ရာ ပြောဆိုသွားခြင်းဖြစ်ကြောင်း လွတ်လပ်သောမြန်မာသတင်းမီဒီယာကောင်စီ (IPCM) မှ အတွင်းရေးမှူး ဦးတိုးဇော်လတ်က သုံးသပ်သည်။
"Sanctions စီးပွားရေးပိတ်ဆို့မှုနဲ့ Software ကွန်ပျူတာဆော့ဝဲက ဘယ်လိုမှ မဆက်စပ်ဘူး။ သူပြောခဲ့တာကိုလည်း ဘာအဓိပ္ပာယ်မှ ဖော်လို့မရဘူး။ သူကြည့်ရတာ Sanctions ဆိုတာ ကွန်ပျူတာ Software လို့ ထင်နေပုံရတယ်" ဟု ဦးတိုးဇော်လတ်က ဆိုသည်။
ပြည်တွင်းမှ သတင်းစာဆရာတစ်ဦးကလည်း မင်းအောင်လှိုင်၏ ပြောဆိုမှုကို ယနေ့ စစ်ကောင်စီထုတ် မြန်မာနှင့် အင်္ဂလိပ် သတင်းစာ များတွင်လည်း ဖော်ပြထားကြောင်း၊ မင်းအောင်လှိုင်အနေဖြင့် အင်္ဂလိပ်လို သေချာစွာ နားမလည်ဘဲ အင်္ဂလိပ်စကားလုံးများကို ညှပ်သုံးခဲ့ရာမှ အမှားအယွင်း ဖြစ်ခဲ့ပုံရကြောင်း သုံးသပ်ပြောဆိုသည်။
"အရင် ဦးသိန်းစိန်တုန်းကလည်း ၂၀၀၈ ဖွဲ့စည်းပုံ အခြေခံဥပဒေကို National Convention ဆိုပြီး မှားသုံးခဲ့ဖူးတယ်။ အခုလည်း ဦးမင်းအောင်လှိုင်က Sanctions နဲ့ Software ဘယ်လိုတွေနားလည်ပြီး တွဲသုံးသွားတာလဲမသိဘူး။ သူ အဓိပ္ပာယ်မှားယွင်းစွာ နားလည်ပြီး သုံးသွားပုံရတယ်။ အဲဒီနှစ်ခု ညှပ်သုံးသွားတာ သူပြောထားတာ ဘာအဓိပ္ပာယ်မှ မရှိဘူး" ဟု ဝါရင့်သတင်းစာဆရာက သုံးသပ်ပြောဆိုသည်။
အကြမ်းဖက်စစ်ခေါင်းဆောင် မင်းအောင်လှိုင်က ရုရှား ခေါင်းဆောင် ပူတင်၊ ဘယ်လာရုစ်သမ္မတတို့နှင့်တွေ့ဆုံရာတွင် အင်္ဂလိပ်စကား ပြောဆိုနိုင်ခြင်းမရှိဘဲ မြန်မာစကားဖြင့်သာ ပြောဆိုကာ ဘာသာပြန်ကို အဓိက အသုံးပြုသည်ကို တွေ့မြင်ရသည်။
ထို့ပြင် မတ်လ ၄ ရက်နေ့ မင်းအောင်လှိုင်က ပူတင်နှင့်တွေ့ဆုံစဉ် သမိုင်းအထောက်အထားနှင့် မှတ်တမ်းမှတ်ရာ အထောက် အထား မရှိဘဲ ပူတင်ကို ဘုရားဗျာဒိတ်တော်ပါ ကြွက်မင်းဟု ရေးသားညွှန်းဆိုထားသော စာအုပ်ကိုလည်း ပေးအပ်ခဲ့သည်။
မန္တလေး-မတ္တရာလမ်းပိုင်း ကြာနီကန်ရွာလမ်းမကြီးဘေးရှိ နေအိမ် ၈၀ ကျော်ကို စစ်တပ်က မြေကော်စက်၊ဘူဒိုဇာများဖြင့် အင်အားသုံး ဖျက်ဆီး
ရန်ကုန်၊ မတ် ၈
မန္တလေးတိုင်း၊ ပုသိမ်ကြီးမြို့နယ်၊ မန္တလေး-မတ္တရာလမ်းပိုင်း ကြာနီကန်ရွာ လမ်းမကြီးဘေးရှိ နေအိမ် ၈၀ ကျော်ကို အကြမ်းဖက် စစ်တပ်က လမ်းပိုင်မြေဟု ဆိုကာ မြေကော်စက်၊ ဘူဒိုဇာများဖြင့် ဖျက်ဆီးခဲ့ကြောင်း MDY Revolution မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၄ ရက်နေ့မှ မတ်လ ၆ ရက်နေ့အထိ နေ့စဉ် အကြမ်းဖက် စစ်ကောင်စီ တပ်သားများက အင်အား ၅၀ ကျော်ဖြင့် မန္တလေး-မတ္တရာလမ်းပိုင်း ကြာနီကန်ရွာ လမ်းမကြီး အရှေ့ဘက်ခြမ်းနှင့် အနောက်ဘက်ခြမ်းရှိ နေအိမ်များကို ဖျက်ဆီးခဲ့ခြင်းဖြစ်ကြောင်း သိရှိရသည်။
ထိုသို့ လာရောက် ဖျက်ဆီးရာတွင် အကြမ်းဖက် စစ်ကောင်စီ တပ်သားများက ကြိုတင် အကြောင်းကြားခြင်းမရှိဘဲ လမ်းပိုင်မြေဟုဆိုကာ အတင်း အဓမ္မ ဖျက်ဆီးခဲ့ခြင်းဖြစ်ကြောင်း၊ ထို့ပြင် ပြည်သူများကိုလည်း ပစ္စည်းများ ယူဆောင်ခွင့်မပေးဘဲ ဖျက်ဆီးခဲ့ခြင်းကြောင့် ဆုံးရှုံးမှု များပြားကြောင်း သိရသည်။
"မန္တလေးနဲ့ မတ္တရာ အဝေးပြေး လမ်းမကြီးဘေးက လမ်းအရှေ့ဘက် အနောက်ဘက်ပါ အိမ်တွေကို ဖျက်ဆီးသွားတာ အနည်းဆုံး အိမ်ခြေ ၈၀ ကျော်လောက်ရှိတယ်။ ပြည်သူ အများစုက ဖျက်မယ်ဆိုတာတောင် မသိဘူး။ စစ်တပ်က ကြိုတင်အကြောင်းမကြားဘဲ ဖျက်ဆီးသွားတာ" ဟု MDY Revolution မှ တာဝန်ရှိသူ တစ်ဦးက ပြောဆိုသည်။
အကြမ်းဖက် စစ်တပ်က ပြည်သူပိုင် နေအိမ်များကို ဖျက်ဆီးနေချိန် မှတ်တမ်း ဓာတ်ပုံ ရိုက်ကူးသည့် ပြည်သူတချို့ကို ဖမ်းဆီးမှုရှိပြီး ဓာတ်ပုံရိုက်မှုများ မပြုလုပ်ရန်လည်း လက်နက်ကိုင် ပျူစောထီးများက ခြိမ်းခြောက်မှုများ လုပ်ဆောင်ခဲ့ကြောင်း သိရှိရသည်။
Khit Thit သတင်းဌာန၏ မတ် ၈ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၈ ရက် မနက်ပိုင်း တင်ဆက်ပေးမယ့် သတင်းတွေကတော့
-အကြမ်းဖက်စစ်ခေါင်းဆောင် မင်းအောင်လှိုင်က ရွေးကောက်ပွဲကို စစ်အာဏာသိမ်းကာလ ၅ နှစ်ပြည့်ချိန် ယခုနှစ်ကုန်ပိုင်း သို့မဟုတ် ၂၀၂၆ခုနှစ် ဇန်နဝါရီလမှသာ ကျင်းပနိုင်မယ်လို့ ထုတ်ဖော်ပြောဆိုလာပါတယ်။
မုံရွာ-မန္တလေးလမ်းပိုင်းတိုက်ပွဲမှာ စစ်ကောင်စီတပ်ဖွဲ့ဝင် ၁၇ ဦးကို သေအောင် တိုက်ခိုက်နိုင်ခဲ့တဲ့ အောင်ပွဲရ တော်လှန်ရေးတပ်ဖွဲ့ဝင်တွေကို ပြည်သူတွေက ဂုဏ်ပြုကြိုဆိုခဲ့ကြတယ်လို့ ချိုမိုင်မိုင် ယင်းမာပင်မြိုနယ် မဟာမိတ်တပ်ပေါင်းစုမှ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
ပြည်ပရောက် မြန်မာလူငယ်တွေအနေနဲ့ စစ်မှုထမ်းဖို့ ပြန်မလာနိုင်သေးရင် မြန်မာနိုင်ငံက မိဘဆွေမျိုး တွေထဲက မိသားစုဝင် လူငယ်တစ်ဦးဦးက စစ်မှုထမ်းနိုင်ဖို့ ပြင်ဆင်ထားရန် လိုအပ်တယ်လို့ ရန်ကုန်တိုင်း၊ လသာမြို့နယ် စစ်မှုထမ်းဆင့်ခေါ်ရေးအဖွဲ့က ပြောဆိုလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/1pAp6bDfoD8?si=dTr-CBo2QeKwudtp
အင်းစိန်ထောင်မှ လွတ်ရက်စေ့ ရိုဟင်ဂျာ ကလေးသူငယ်များ၊ အမျိုးသား နှင့် အမျိုးသမီး ၉၃၆ ဦးကို စစ်တပ်က စစ်တွေသို့ ပို့ဆောင်မည်၊ ရိုဟင်ဂျာအမျိုးသားများကို စစ်မှုထမ်း စစ်သားများအဖြစ် အသုံးပြုနိုင်ခြေရှိနေ
ရန်ကုန်၊ ဖေဖော်ဝါရီ ၁၆
အင်းစိန်ထောင်အတွင်းရှိ လွတ်ရက်စေ့ရိုဟင်ဂျာ ကလေးသူငယ်များ၊ အမျိုးသား/အမျိုးသမီး ၉၃၆ ဦးတို့ကို အကြမဖက် စစ်တပ်နှင့်ရဲတပ်ဖွဲဝင်များက Express (ခရီးသည်တင်ယာဉ်)များဖြင့်ခေါ်ထုတ်၍ ရခိုင်ပြည်နယ် စစ်တွေသို့ ပို့ဆောင်ရန် လုပ်ဆောင်နေကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) မှ ဦးဆောင်ကော်မတီဝင် ကိုသိုက်ထွန်းဦးက ရန်ကုန်ခေတ်သစ်သတင်းဌာနသို့ ပြောကြားသည်။
ယနေ့ ဖေဖော်ဝါရီလ ၁၆ ရက်နေ့ နံနက် ၆ နာရီဝန်းကျင်မှစ၍ လွတ်ရက်စေ့ ရိုဟင်ဂျာ ကလေးသူငယ်များ၊ အမျိုးသား/အမျိုး သမီး ၉၃၆ ဦးတို့ကို ခေါ်ထုတ်နေခြင်း ဖြစ်ပြီး ဖေဖော်ဝါရီလ ၁၅ ရက်နေ့တွင်လည်း လဝက ဝန်ထမ်း ၅၀ ဦးကျော်က ရုံးပိတ်ရက်ဖြစ်သော်လည်း အကျဉ်းထောင်တွင်း လာရောက်၍ အထောက်အထားကတ်များ ပြုလုပ်ပေးခဲ့ကြောင်း သိရှိရသည်။
"အခုလိုခေါ်ထုတ်သွားတာဟာ ရိုဟင်ဂျာတွေအတွက် စိုးရိမ်ရတဲ့အခြေအနေဖြစ်ပါတယ်။ အထူးသဖြင့်တော့ လူသားတံတိုင်းအနေနဲ့ အသုံးပြုခံရနိုင်တဲ့ အခြေအနေရှိသလို လက်နက်ကိုင်ပြီး ရှေ့တန်းစစ်မျက်နှာကို ပို့ခံရနိုင်တဲ့ အခြေအနေရှိပါတယ်။ ဒီအခြေအနေဟာ လူမျိုးရေး ပဋိပက္ခတွေကို တွန်းပို့နေတဲ့ အခြေအနေဖြစ်သလို စစ်မှုထမ်းအဖြစ် အသုံးပြုနိုင်တဲ့အခြေအနေဖြစ်ပါတယ်။ ဒါကို အထူးဂရုစိုက်ဖို့ လိုအပ်တယ်လို့ ပြောချင်ပါတယ်"ဟု ကိုသိုက်ထွန်းဦးက ရန်ကုန်ခေတ်သစ်သတင်းဌာနသို့ ပြောကြားသည်။
အင်းစိန်ထောင်မှ ခေါ်ထုတ်ခံရသည့် ရိုဟင်ဂျာလူမျိုးများကို ပင်လယ်ရေကြောင်း အသုံးပြု၍ စစ်တွေသို့ ပို့ဆောင်မည်ဖြစ်ကြောင်း၊ စစ်တွေ အကျဉ်းထောင်တွင် လုံခြုံရေး မပေးနိုင်၍ ရိုဟင်ဂျာများကို ထောင်ပြောင်းခဲ့သည့် အကြမ်းဖက်စစ်တပ်က ရိုဟင်ဂျာအမျိုးသားများကို စစ်မှုထမ်း တပ်သားများအဖြစ် အသုံးပြုနိုင်ကြောင်း ကိုသိုက်ထွန်းဦးက ပြောဆိုသည်။
"စစ်တွေကို ပို့ဖို့ လုပ်နေပြီ။ စစ်တွေမှာ လက်ရှိ အာရက္ခတပ်တော်ကလည်း စစ်ကောင်စီနဲ့ ထိတွေ့တိုက်ပွဲတွေ ဖြစ်နေတဲ့ အခြေအနေမျိုးမှာ အခုလို ပို့တာက စစ်မှုထမ်းခိုင်းဖို့ ရိုဟင်ဂျာတွေကို စစ်သားအဖြစ်အသုံးပြုဖို့ စစ်ကောင်စီရဲ့ ရည်ရွယ်ချက် ဖြစ်မယ်ဗျ"ဟု ကိုသိုက်ထွန်းဦးက ရန်ကုန်ခေတ်သစ်သတင်းဌာနသို့ ပြောကြားသည်။
အင်းစိန်အကျဉ်းထောင်အတွင်းမှ ခေါ်ထုတ်သွားခြင်းခံထားရသည့် ရိုဟင်ဂျာ ၉၃၆ ဦးသည် အင်းစိန်အကျဉ်းထောင်တစ်ခုအတွင်းမှ ရိုဟင်ဂျာများသာ မဟုတ်ဘဲ စစ်ကောင်စီလက်အောက်ရှိ အကျဉ်းထောင်အသီးသီးမှ ဖမ်းဆီးချုပ်နှောင်ထားသည့် ရိုဟင်ဂျာများကို ပြီးခဲ့သည့် ရက်များအတွင်း ၎င်းတို့အား ချုပ်နှောင်ထားသည့်အကျဥ်းထောင်များမှတဆင့် အင်းစိန်ထောင်သို့ ပို့ဆောင်ခြင်းခံထား ရသူများလည်းပါဝင်နေခြင်း ဖြစ်ကြောင်း PPNM ထံမှ သိရှိရသည်။
ထို့ပြင် စစ်တပ်က လွတ်ရက်စေ့သော်လည်း အချိန် ကြာမြင့်စွာ မလွှတ်ပေးခဲ့သော ရိုဟင်ဂျာများရှိနေပြီး တချို့ရိုဟင်ဂျာများမှာ တစ်နှစ်ခွဲကျော်သည်အထိ အကျဉ်းထောင်တွင်း ထပ်မံချုပ်နှောင်ခံခဲ့ရကြောင်း သိရှိရသည်။
မြိုင်တွင် ရိက္ခာပို့ စစ်တပ် စစ်ကြောင်းမှ စစ်မှုထမ်း တပ်သား ၁ ဦး ခဲယမ်းနှင့် လက်ပစ်ဗုံးများ ယူဆောင်လာပြီး အလင်းဝင်
ရန်ကုန်၊ ဖေဖော်ဝါရီ ၁၆
မကွေးတိုင်း၊ မြိုင်မြို့ပေါ် ရောက်ရှိနေသည့် ရိက္ခာပို့ စစ်ကြောင်းမှ စစ်မှုထမ်း တပ်သား ၁ ဦး လက်ပစ်ဗုံးနှင့်ခဲယမ်းများ ယူဆောင်လာပြီး အလင်းဝင်ရောက်ခဲ့ကြောင်း ကျားသစ်နက်တပ်မတော် Black Leopard Army မှ ကိုဥက္ကာက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဖေဖော်ဝါရီလ ၁၅ ရက်နေ့ မြိုင်မြို့သို့ ရိက္ခာကားတန်းနှင့် အတူ လိုက်ပါလာသော တပ်မ ၁၀၁ လက်အောက်ခံ ၂၅၁ တပ်ရင်းတွင် တာဝန်ထမ်းဆောင်နေသော စစ်မှုထမ်း တပ်သားသစ် ညီညီဖြိုးသည် မြိုင်မြို့ ထွေအုပ်ရုံးတွင် ကင်းတာဝန်ယူနေစဉ် ထွက်ပြေးလာပြီး ကျားသစ်နက်တပ်မတော် မြိုင်တပ်ခွဲ မှ တပ်ခွဲမှူး ဗိုလ်ထိ ထံသို့ အလင်းဝင်ရောက်လာခဲ့ခြင်းဖြစ်ကြောင်း သိရှိရသည်။
အလင်းဝင်ရောက်လာသော တပ်သားသစ် ညီညီဖြိုးသည် 5.56 ကျည် ၁၃၃ တောင့် ၊ လက်ပစ်ဗုံး ၁ လုံး ၊ MA 1 ကျည်ဘောက် ၃ ခု ၊ လက်ကိုင်ဖုန်း ၃ လုံး နှင့် အတူ အလင်းဝင်ရောက်ခဲ့ကြောင်း သိရသည်။
"ဂုဏ်ပြုဆုငွေ ချီးမြှင့်ဖို့ အစီစဉ်ရှိပါတယ်။ သေနတ်တော့မပါဘူး။ ကျည်ဘောက် သုံးဘောက်၊ လက်ပစ်တစ်လုံး ကျည် ၁၃၀တောင့် နင်းမိုင်းတစ်လုံး ပါတယ်။ အစတည်းက ဘယ်လိုထွက်ရမလဲ စဉ်းစားနေချိန်မှာ ကျွန်တော်တို့နဲ့ ချိတ်မိတဲ့သဘောပါ။ ဘုတလင်မြို့နယ်ကပါ။ ဟုမ္မလင်းကို ရွှေမျောသွားလုပ်နေတုန်း အဖမ်းခံရတယ်။ အဖမ်းခံရပြီးနောက် ကလေးမြို့လေ့ကျင့်ရေးကျောင်းကိုပို့တယ်။ ကျနော်တို့ကတော့ သူ့ကို လုံခြုံမယ့် နေရာတစ်ခုကို ပို့ဆောင်ထားပြီး စစ်ရုံးချုပ် MOD ရဲ့ညွှန်ကြား ချက်အတိုင်း ဆက်လက်ဆောင်ရွက်မှာ ဖြစ်ပါတယ်။ ကျနော်တို့ကတော့ လူလို့မြင်တယ် လူကို လူလို့မြင်တတ်တဲ့ အဖွဲ့စည်းတွေအောက်မှာ အလုံခြုံဆုံးမို့ ဝင်လာသူတိုင်းအေးမြပါတယ်လို့" ဟု ကျားသစ်နက်တပ်မတော် Black Leopard Army မှ ကိုဥက္ကာက ပြောဆိုသည်။
ကိုညီညီဖြိုးသည် မိသားစုနှင့် အတူ ဘုတလင်မြို့နယ်တွင် အခြေချ နေထိုင်ခဲ့ပြီး ဟုမ္မလင်းတွင် ရွှေမျှော လုပ်ကိုင်နေစဉ် ၂၀၂၄ ခုနှစ် အောက်တိုဘာလ ၁၈ ရက်နေ့ အကြမ်းဖက် စစ်တပ်၏ ဖမ်းဆီးခြင်း ခံခဲ့ရကာ ကလေးမြို့ တပ်မတော် လေ့ကျင့်ရေးကျောင်းတွင် စစ်သင်တန်း တက်ရောက်ခဲ့ရကြောင်း၊ စစ်သင်တန်း ဆင်းပြီးနောက် တံတားဦးလေဆိပ်သို့ စစ်ရဟတ်ယာဉ် ဖြင့် ပို့ဆောင်ခြင်းခံရခြင်းဖြစ်ကြောင်း၊ တံတားဦးမှတဆင့် စစ်ယာဉ်တန်းဖြင့် ပခုက္ကူ သို့ ပို့ဆောင်ခံရပြီး ထိုမှတဆင့် မြိုင်မြို့သို့ ရိက္ခာကားတန်းဖြင့် လိုက်ပါလာခဲ့ခြင်းဖြစ်ကြောင်း သိရသည်။
ဆန်ဖရန်စစ္စကိုမြို့မြို့တော်ခန်းမရှေ့တွင် ဗိုလ်ချုပ်အောင်ဆန်း၏ နှစ် ၁၁၀ ပြည့် မွေးနေ့အထိမ်းအမှတ်နှင့် မြေပြင်လူထုသပိတ်တိုက်ပွဲ ပြုလုပ်
ရန်ကုန်၊ ဖေဖော်ဝါရီ ၁၆
အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့မြို့တော်ခန်းမရှေ့တွင် Free Burma Action Committee - Northern California က ဦးဆောင်၍ “ဗိုလ်ချုပ်မျှော်မှန်း ဖက်ဒရယ်လမ်းသို့”ခေါင်းစဉ်နှင့် အတူ ဗိုလ်ချုပ်အောင်ဆန်း၏ နှစ် ၁၁၀ ပြည့် မွေးနေ့အထိမ်းအမှတ် အပါအဝင် မြေပြင်လူထုသပိတ်တိုက်ပွဲကို ဖေဖော်ဝါရီလ ၁၅ ရက်နေ့တွင် လုပ်ဆောင်ခဲ့ကြောင်း သိရှိရသည်။
အဆိုပါ မြေပြင်လူထုသပိတ်တိုက်ပွဲလုပ်ဆောင်ခဲ့သည်မှာ (၁၅၀) ကြိမ်မြောက်ရှိပြီဖြစ်ပြီး နွေဦးတော်လှန်ရေး အင်အားစုများ၊ထောက်ပို့ပြည်သူများနှင့် ကျောင်းသားအင်အားစုများ စုစည်းညီညွတ်စွာဖြင့် အတူတကွ ပူးပေါင်းဆန္ဒထုတ်ဖော်ခဲ့ကြောင်း သိရှိရသည်။
ကျောက်ကြီးမြို့နယ်အတွင်းရှိ စစ်ကောင်စီဂိတ်စခန်း ၃ ခုကို တိုက်ခိုက် သိမ်း ပိုက်မှု စစ်သား ၆ ဦးသေဆုံးပြီး ၆၀ မမ စိန်ပြောင်း ၁ လက်အပါအဝင် လက် နက် ၅ လက်သိမ်း ဆည်းရရှိ
ရန်ကုန်၊ ဖေဖော်ဝါရီ ၁၆
ပဲခူးတိုင်း၊ ကျောက်ကြီးမြို့နယ်တွင် ဝင်ရောက်တပ်စွဲထားသော စစ်တပ်ဂိတ်စခန်း ၃ ခုကို တိုက်ခိုက်သိမ်းပိုက်ခဲ့ရာ စစ်သား ၆ ဦး သေဆုံးပြီး ၆၀ မမစိန်ပြောင်း ၁ လက်အပါအဝင် လက်နက် ၅ လက်သိမ်းဆည်းရရှိခဲ့ကြောင်း KNU ဗဟိုက သတင်းထုတ်ပြန်သည်။
ယမန်နေ့ ဖေဖော်ဝါရီလ ၁၅ ရက်နေ့ ည ၁၂ နာရီအချိန် လယ်ဒိုမြို့နယ်အတွင်း ဝင်ရောက်တပ်စွဲ ထားသည့် ခမရ ၅၆၀ တပ်၏ နရွဲပင် ဂိတ်စခန်း၊ တောဝိရွာ နှင့် ထိန်တပင်ကြား ရှိ ဂိတ်စခန်း နှင့် ကျွန်းကုန်းကျေးရွာဘေး တောရ ကျောင်းတွင် တပ်စွဲထားသော ဂိတ်စခန်းတို့ကို ဝင်ရောက် တိုက်ခိုက်ချေမှုန်းခဲ့ ခြင်းဖြစ်ကြောင်း သိရ သည်။
ယင်းဂိတ်စခန်းများ သိမ်းပိုက်မှုအတွင်း စစ်ကောင်စီတပ်သား ၆ ဦးသေဆုံးကာ အများအပြားဒဏ်ရာ ရရှိပြီး စစ်ကောာင်စီတပ်သားများ အသုံးပြုသော ၆၀ မမ ကွန်မန်ဒိုစိန်ပြောင်း ၁ လက် အပါအဝင် လက်နက် ၅ လက်နှင့် ခဲယမ်းများ သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်သိမ်းပိုက်မှုကို ကရင်အမျိုးသားလွတ်မြောက်ရေးတပ်မတော် (K.N.L.A) တပ်ရင်း ၉ ဦးဆောင်သော တော်လှန်ရေး ပူးပေါင်းတပ်များက တိုက်ခိုက်ချေမှုန်းခဲ့ခြင်းဖြစ်ကြောင်း သိရ သည်။
ဓာတ်ပုံ − အာဏာသိမ်းအကြမ်းဖက်စစ်ကောင်စီ ဂိတ်စခန်းများမှ သိမ်ပိုက်ရရှိသော လက်နက်ခဲယမ်း များ။
ရေးမြို့နယ်တွင် ပြည်သူများထံမှ ငွေကြေးတောင်းရမ်း အနိုင်ကျင့်နေသည့် ပြည်သူ့စစ် ခေါင်းဆောင် အေးမောင် လက်ဖက်ရည်ဆိုင်၌ ပစ်ခတ်ခံရပြီး သေဆုံး
ရန်ကုန် ၊ ဧပြီ ၂
မွန်ပြည်နယ်၊ ရေးမြို့နယ်တွင် ပြည်သူများထံမှ ငွေကြေးတောင်းရမ်း အနိုင်ကျင့်နေသည့် ပြည်သူ့စစ် ခေါင်းဆောင် အေးမောင် လက်ဖက်ရည်ဆိုင်၌ ပစ်ခတ်ခံရပြီး သေဆုံးခဲ့ကြောင်း ရေးဘီလူး တပ်ရင်းမှူးက ရန်ကုန်ခေတ်သစ်သတင်းဌာနသို့ ပြောကြားသည်။
ဧပြီလ ၁ ရက်နေ့ နံနက် ၈ နာရီခန့်တွင် ကျောင်းရွာ ကျေးရွာထဲရှိ လက်ဖက်ရည်ဆိုင်တစ်ခုတွင် အေးမောင်ကို ပစ်ခတ် တိုက်ခိုက်ခဲ့ရာ ပွဲချင်းပြီး သေဆုံးခဲ့ကြောင်း၊ အေးမောင်သည် စစ်အာဏာ သိမ်းပြီးချိန်မှ စတင်ကာ ပြည်သူများကို မတရားအနိုင်ကျင့်ခြင်း၊ ငွေကြေးတောင်းခံခြင်းများ လုပ်ဆောင်ခဲ့ပြီး အကြိမ်ကြိမ် ခြိမ်းခြောက်လေ့ရှိသော ပြည်သူ့စစ်ခေါင်းဆောင် ဖြစ်ကြောင်း သိရှိရသည်။
“ပြည်သူကို ခြိမ်းခြောက်တယ်။ မတရားအနိုင်ကျင့် ဖိနှိပ်မှုတွေ အများကြီးပြုလုပ်တယ်။ ဒီအေးမောင်ကို ကျွန်တော်တို့ လိုက်နေတာ ကြာပြီ ၂၀၂၃ တုန်းကလည်း သွားပစ်သေးတယ်။ မကျခဲ့ဘူး ကျည်ကာလည်း ပါတယ်။ နောက် လက်မှာပဲ ထိသွားတယ်ဆိုတော့ မကျဘူး။ ဒီနေ့ ရေးဘီးလူးတပ်ရင်း တပ်ခွဲ ၂ ကနေပြီးတော့ သူ လက်ဖက်ရည်သောက်နေတဲ့ လက်ဖက်ရည်ဆိုင်မှာ ဝင်ရောက်ရှင်းလင်းနိုင်ခဲ့တယ်” ဟု ရေးဘီလူးတပ်ရင်းမှူးက ပြောဆိုသည်။
ထို့ပြင် ပြည်သူ့စစ်ခေါင်းဆောင် အေးမောင်သည် ရေးဘီလူးအဖွဲ့ က လွတ်မြောက်နယ်မြေကဲ့သို့ ဖော်ဆောင်ထားသည့် ကျေးရွာများမှ အုပ်ချုပ်ရေးမှူးများကိုခေါ်ကာ ရေးဘီလူးနှင့် ပူးပေါင်းမည်ဆိုပါက ရွာကို မီးရှို့ခြင်း၊ လက်နက်ကြီးများနှင့် ပစ်ခတ်ခြင်းတို့ လုပ်ဆောင်မည်ဟု အကြိမ်ကြိမ် ခြိမ်းခြောက်ခြင်းများ လုပ်ဆောင်လေ့ရှိသူဖြစ်ကြောင်း ရေးဘီလူးအဖွဲ့က ဆက်လက်ပြောဆိုသည်။
ချမ်းအေးသာစံမြို့နယ် Golden Country ဟိုတယ် ပြိုကျမှုတွင် ၅ ရက်ကျော်ကြာ ပိတ်မိနေသူ တစ်ဦးကို အသက်ရှင်လျက် ကယ်ထုတ်နိုင်ခဲ့
ရန်ကုန်၊ ဧပြီ ၂
မန္တလေးမြို့၊ ချမ်းအေးသာစံမြို့နယ် Golden Country ဟိုတယ် ပြိုကျမှုတွင် ၅ ရက်ကျော်ကြာ ပိတ်မိနေသူ တစ်ဦးကို အသက်ရှင်လျက် ကယ်ထုတ်နိုင်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဧပြီလ ၂ ရက်နေ့ ညနေပိုင်းတွင် ချမ်းအေးသာစံမြို့နယ်၊ ၆၅ လမ်း၊ ၃၁လမ်းနဲ့ ၃၂ အကြားရှိ Golden Country ဟိုတယ် ပြိုကျနေမှုမှ ၅ ရက်ကျော်ကြာပိတ်မိနေသူ အသက် ၅၂ နှစ်အရွယ် အမျိုးသား ၁ ဦးကို တရုတ်ကယ်ဆယ်ရေးအဖွဲ့က ကယ်ထုတ်နိုင်ခဲ့ခြင်းဖြစ်ကြောင်း သိရသည်။
"Golden Country ဟိုတယ် ပြိုကျနေမှုမှာ ပိတ်မိနေတဲ့ အမျိုးသား ၁ ဦးကို တရုတ် ကယ်ဆယ်ရေး အဖွဲ့က ကယ်ထုတ်နိုင်ခဲ့တယ်လို့ သိရတယ်။ ပိတ်မိသူတွေ ရှိမရှိဆိုတာတော့ ထပ်ရှာနေကျတယ်" ဟု ဒေသပြည်သူ တစ်ဦးက ပြောဆိုသည်။
လက်ရှိချိန်တွင် တရုတ်ကူညီကယ်ဆယ်ရေးအဖွဲ့သည် အသက်ရှင်လျက် ကယ်ထုတ်နိုင်သူ ၉ ဦးမြောက်ရှိပြီဖြစ်ကြောင်း သိရှိရသည်။
ယင်းမာပင်မြို့နယ်တွင် စစ်အဏာရှင် ဆန့်ကျင်ရေး ချီတက်ဆန္ဒပြ
ရန်ကုန်၊ဧပြီ ၂
ယင်းမာပင်မြို့နယ်တွင် အောင်လံလွှင့်မည်ရွှေရေကြည်လူထုသပိတ်စစ်ကြောင်းက ဧပြီလ ၂ရက်နေ့တွင် အာဏာသိမ်းမှုကို ချီတက် ဆန္ဒထုတ်ဖော်ခဲ့ကြကြောင်းသိရှိရသည်။
Khit Thit သတင်းဌာန၏ မတ် ၈ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၈ ရက် ညနေပိုင်း တင်ဆက်ပေးမယ့် သတင်းတွေကတော့
အကြမ်းဖက် မင်းအောင်လှိုင်က ဘယ်လာရုစ် နိုင်ငံမှာလုပ်တဲ့ သတင်းစာရှင်းလင်းပွဲမှာ စီးပွားရေး ပိတ်ဆို့ခံရရင် တိုက်ခိုက်ခံရတဲ့ ကွန်ပျူတာဆော့ဝဲတွေ အင်အားစုစည်းမှု ပိုမိုရရှိစေတဲ့အတွက် ပြိုင်ဆိုင်မှု ပြင်းထန်လာမယ်ဆိုပြီး Sanctions နဲ့ Softwaer ဆိုတဲ့ အဂ်လိပ်စကားကို သေချာနားမလည်ဘဲ အဓိပါယ် ဆက်စပ်မှု မရှိတာတွေကို ထင်ရာမြင်ရာတွေ ပြောသွားတယ်လို့ (IPCM) အတွင်းရေးမှူး ဦးတိုးဇော်လတ်က သုံးသပ်ပြောဆိုထားပါတယ်။
ရန်ကုန်မြို့မှာ Hip Hop ၂၅ နှစ်ပြည့်ပွဲ အပါအဝင် Hip Hop ဂီတဖျော်ဖြေပွဲတွေကို အကြမ်းဖက် စစ်ကောင်စီရဲ့ တွဲဘက် အတွင်းရေးမှူး စရဖ အရာရှိချုပ် ဗိုလ်ချုပ်ကြီး ရဲဝင်းဦးရဲ့ သား ထက်ရဲနောင် ဆိုသူ ဦးဆောင်ကျင်းပနေတာဖြစ်တဲ့အတွက် တော်လှန်ရေးအင်အားစုတွေဘက်က သတိပေးမှုတွေ ရှိလာတယ်လို့ သိရပါတယ်။
-ထိုင်းနိုင်ငံမှာ ဖမ်းဆီးခံရပြီး အကြမ်းဖက် စစ်ကောင်စီလက်ထဲ ပြန်လွဲခံရတဲ့အချိန် စစ်မှုထမ်း တပ်သားသစ် အဖြစ် စုဆောင်းခံရတဲ့ လူငယ် ၁၆ ဦးဟာ ထွက်ပြေးလာကြပြီး ၊ အဲဒီထဲက ၄ ဦးကိုတော့ စစ်ကောင်စီက ပြန်ဖမ်းမိသွားသလို ကျန်တဲ့ လူငယ် ၁၂ ဦးက လွတ်မြောက်လာပြီးနောက် ၂ ဦးဟာ မြိတ်ပကဖ ဆီခိုလှုံရောက်ရှိလာတဲ့ သတင်းအပါဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/RJAcyrH_6kI?si=RrNPgwg6xg1IE8b7
ငါန်းဇွန်မြို့နယ်၊ ထွန်းသာရွာရှိ စစ်တပ် အထိုင်စခန်းကို ဒရုန်းဖြင့် ဗုံးကျဲ တိုက်ခိုက်မှု စစ်ကောင်စီ တပ်သားများ ထိခိုက်သေဆုံးမှုရှိ
ရန်ကုန်၊ မတ် ၈
မန္တလေးတိုင်း၊ ငါန်းဇွန်မြို့နယ်၊ ထွန်းသာရွာရှိ အကြမ်းဖက် စစ်တပ် အထိုင်စခန်းကို ဒရုန်းဖြင့် ဗုံးကျဲ တိုက်ခိုက်ရာ စစ်ကောင်စီ တပ်သားများ ထိခိုက်သေဆုံးမှုရှိကြောင်း 925 ပြောက်ကျားအဖွဲ့ (ငါန်းဇွန်) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၆ ရက်နေ့တွင် နံနက် ၁၁ နာရီခန့်တွင် ငါန်းဇွန်မြို့နယ်၊ ထွန်းသာကျေးရွာတွင် အင်အား ၅၀ ခန့်ဖြင့် အထိုင်ချ တပ်စွဲထားသော အကြမ်းဖက် စစ်ကောင်စီ တပ်သားများကို တော်လှန်ရေး တပ်ဖွဲ့များက ဒရုန်းဖြင့် ဗုံးသီး ၃ လုံးကျဲချ တိုက်ခိုက်ခဲ့ကြောင်း သိရသည်။
ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှုရှိသော်လည်း အရေအတွက်ကို အတည်မပြုနိုင်သေးကြောင်း တော်လှန်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
"စစ်ခွေးနဲ့ ပျူခွေး အင်းအား ၅၀ လောက် အထိုင်ချထားတဲ့ စခန်းကို တိုက်ခိုက်တာ Fixed Wings Drone ၂ စီး နဲ့ ဗုံးသီး ၃ လုံး ကျဲချတိုက်ခိုက်ခဲ့တယ်။ စစ်ခွေးနဲ့ ပျူခွေး အထိအခိုက် သေဆုံးမှုများပြားတယ်လို့ သိရတယ်။ အကောင်ရေအတိကျတော့ မသိရှိရသေးပါဘူး" ဟု 925 ပြောက်ကျားအဖွဲ့ (ငါန်းဇွန်) မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို 925 ပြောက်ကျားအဖွဲ့ (ငါန်းဇွန်) ၊ ငါန်းဇွန်မြို့နယ် ပကဖ ၊ ဧရာမပြွေးပြောက်ကျားအဖွဲ့ ၊ Fight For FreeDom ဒရုန်းအဖွဲ့ နှင့် ဇေယျာရွှေမြေအဖွဲ့တို့က ပူးပေါင်း လုပ်ဆောင်ခဲ့ကြောင်း သိရသည်။
ငါန်းဇွန်မြို့နယ်အတွင်း အကြမ်းဖက် စစ်တပ်က ပြည်သူများကို ပစ်မှတ်ထား၍ လေကြောင်းတိုက်ခိုက်မှုများ ပြုလုပ်နေခြင်းကြောင့် ပြည်သူများ အနေဖြင့် လေကြောင်း အသိ သတိရှိစွာ နေထိုင်ကြပါရန် 925 ပြောက်ကျားအဖွဲ့ (ငါန်းဇွန်)က အသိပေး နှိုးဆော်ထားသည်။
ဆားလင်းကြီးရှိ ရဲစခန်းနှင့် ထွေ/အုပ်ရုံး၊ မုံရွာ-မန္တလေးလမ်းပေါ်ရှိ စစ်ကြောင်းတို့ကို တော်လှန်ရေးတပ်များက တိုက်ခိုက်
ရန်ကုန်၊ မတ် ၈
စစ်ကိုင်းတိုင်း၊ ဆားလင်းကြီးမြို့ပေါ်ရှိ အကြမ်းဖက် စစ်တပ် အထိုင်ချ တပ်စွဲထားသော ရဲစခန်းနှင့် ထွေအုပ်ရုံးတို့ကို လက် နက်ကြီးများဖြင့် ပစ်ခတ် တိုက်ခိုက်ခဲ့ကြောင်း ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့ (Salingyi) ခေါင်းဆောင် ကိုဗိုက်က ရန်ကုန် ခေတ်သစ်သတင်းဌာနထံသို့ ပြောဆိုသည်။
မတ်လ ၇ ရက်နေ့ နံနက် ၁၀ နာရီခန့်အချိန် ဆားလင်းကြီးမြို့ပေါ်ရှိ အကြမ်းဖက် စစ်ကောင်စီ တပ်သားများ အင် အား ၈၀ ခန့် တပ်စွဲထားသော ရဲစခန်းနှင့် ထွေအုပ်ရုံး တို့ကို တော်လှန်ရေး တပ်ဖွဲ့များက ၆၀ မမ နှင့် ၈၀ မမ လက်နက်ကြီးများဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။
ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှု အရေအတွက်ကို အတည်ပြုနိုင်ခြင်းမရှိသေးဘဲ အကြမ်း ဖက် စစ်တပ်ဘက်မှ လက်နက်ငယ်များနှင့် ပြန်လည်ပစ်ခတ်ခဲ့သော်လည်း တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
"စစ်ခွေး သေစာရင်းကတော့ စုံစမ်းနေတုန်းပါ။ မနေ့က စခန်းထဲကတော့ ကျပြီး ပေါက်ကွဲတယ်လို့တော့ ပြောတယ်။ အသေး စိတ်ကိုတော့ မသိရသေးဘူး။ မနေ့က ကျွန်တော်တို့ သုံးဖွဲ့ပေါင်း လက်နက်ကြီး ၆၀ မမနဲ့ ၈၀ မမ ၂၅ လုံးထုခဲ့တာပါ။ လွန်ခဲ့တဲ့ ၁၀ရက်လောက်တုန်းကလည်း အဲဒီထဲက ခွေးတစ်ကောင် အရက်သောက်များပြီးတော့ သေတယ်လို့ သိရတယ်။ ပြည်သူတွေ အနေနဲ့ ကျွန်တော်တို့ ဆက်လက်ပြီး ကြိုးစားနေပါတယ်။ ဒီထက်မကလည်း ကြိုစားနိုင်အောင် ဗားရှင်းတွေ မြှင့်ပြီး အလုပ်လုပ်နေပါတယ်" ဟု ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့ (Salingyi) ခေါင်းဆောင် ကိုဗိုက်က ပြောဆိုသည်။
အဆိုပါတိုက်ခိုက်မှုကို ချင်းတွင်းဒိုင်းနမိုက် (SaIingyi) အဖွဲ့နှင့်အတူ ယင်းမာပင်ခရရိုင်တပ်ရင်းတပ်ခွဲ3၊ တောင်ပံနီအထူး ပြောက်ကျားတပ်ဖွဲ့ (SaIingyi)၊ SOLO AUNG GYI(SaIingyi) တပ်ဖွဲ့တို့က ပူးပေါင်း လုပ်ဆောင်ခဲ့ကြောင်းသိရှိရသည်။
အလားတူ စစ်ကိုင်းတိုင်း၊ မုံရွာမြို့နယ်၊ မုံရွာ-မန္တလေးလမ်းမပေါ်တွင် ကင်းပုန်းယူပြီး ပြန်လာသော ခြေလျင်စစ် သားများကို မိုင်းဆွဲတိုက်ခိုက်ခဲ့ရာ စစ်သားများ ထိခိုက်သေဆုံးမှုရှိကြောင်း Special Forces 11 – LPDF တပ်ဖွဲ့က သတင်းထုတ်ပြန်သည်။
ယမန်နေ့ မတ်လ ၇ ရက် ညနေ ၆ နာရီ ၄၉ မိနစ်က ချောင်းဦးမြို့နယ်၊ မြပုလဲဂိတ်စခန်းသို့ မုံရွာမြို့ အနောက် မြောက်တိုင်းစစ်ဌာနချုပ် -နမခ တပ်မှ ဂျန်ပါကား ၃ စီးဖြင့် လက်နက်ကြီး၊ လက်နက်ငယ် ခဲယမ်းများ လာရောက်ပို့ဆောင်ခဲ့ကြောင်း သိရသည်။
ထိုသို့ ပို့ဆောင်ရာတွင် မြပုလဲဆီဂိတ်စခန်းမှ အကြမ်းဖက်စစ်သား ၂၃ ဦးသည် မုံရွာတိုးဂိတ်အနီးတွင် လမ်းကင်းယူပေးခဲ့ရာ ယင်းအကြမ်းဖက်စစ်သားများ ပြန်လာစဉ် ပဒေသာမိုင်း ၅ ပွိုင့် ၁ ပွိုင့်ဖြင့် မိုင်း စစ်သားများ ထိခိုက်သေဆုံးမှုရှိပြီး အရေအတွက် အတိအကျသိရှိနိုင်ရန် စုံစမ်းနေဆဲဖြစ်ကြောင်း သိရသည်။
အဆိုပါ တိုက်ခိုက်မှုကို ချောင်းဦးမြို့နယ် ပကဖ တိုက်ခိုက်ရေးတပ် CHU PDFတပ်ခွဲ ၁ ၊ Special Forces 11-LPDF နှင့် Monywa Dynamite (STF) အဖွဲ့တို့ ပူးပေါင်းကာ လုပ်ဆောင်ခဲ့ခြင်းဖြစ် ကြောင်း သိရသည်။
ရန်ကုန်မှ Hip Hop ၂၅ နှစ်ပြည့်ပွဲ အပါအဝင် Hip Hop ဂီတဖျော်ဖြေပွဲများကို စစ်ကောင်စီ တွဲဘက်အတွင်းရေးမှူး စရဖ အရာရှိချုပ် ဗိုလ်ချုပ်ကြီး ရဲဝင်းဦး၏ သား ထက်ရဲနောင် ဦးဆောင်ကျင်းပနေမှု တော်လှန်ရေးအင်အားစုများ သတိပေး
ရန်ကုန်၊ မတ် ၈
ရန်ကုန်မြို့၊ ရွှေသံလွင်ကုမ္ပဏီပိုင် ရွှေထွဋ်တင်ဝင်း အတွင်း ပြုလုပ်ခဲ့သည့် Hip Hop ၂၅ နှစ်ပြည့်ပွဲ အပါအဝင် Hip Hop ဂီတဖျော်ဖြေပွဲများစွာကို စစ်ကောင်စီ တွဲဘက်အတွင်း ရေးမှူး ၊ စရဖ အရာရှိချုပ် ဗိုလ်ချုပ်ကြီး ရဲဝင်းဦး၏ သား ထက်ရဲနောင် ဦးဆောင်ကျင်းပပြုလုပ်နေကြောင်း သိရှိရသည်။
မတ်လ ၁ ရက်နေ့မှ မတ်လ ၂ ရက်နေ့ အထိ ပြုလုပ်ကျင်းပခဲ့သည့် မြန်မာ Hip Hip 25 နှစ်ပြည့် ပွဲဖြစ်သည့် Noid Music Festival စီစဉ်သူများတွင် အကြမ်းဖက်စစ်တပ်၏ စစ်ဘက်ရေးရာလုံခြုံရေးတပ်ဖွဲ့(စရဖ) အရာရှိချုပ် ဗိုလ်ချုပ်ကြီး ရဲဝင်းဦး (ဗိုလ်သင်တန်းကျောင်း အမှတ်စဉ် ၇၇) ၏ သား ထက်ရဲနောင် ပါဝင်ကြောင်း ၊ အဆိုပါပွဲကို ထက်ရဲနောင်မှတဆင့် စစ်ကောင်စီ ၏ သွယ်ဝိုက်ပံ့ပိုးမှု၊ အကာကွယ်ပေးမှုတို့ဖြင့် ကျင်းပပြုလုပ်ခဲ့ကြောင်း သိရှိရသည်။
ပွဲတွင် ဦးဆောင်ပါဝင်သူ ထက်ရဲအောင်၏ ဖခင် စရဖအရာရှိချုပ် ဗိုလ်ချုပ်ကြီးရဲဝင်းဦးသည် ပြည်သူလူထုနှင့် တော်လှန် ရေးသမားများကို နေ့စဉ်ဖမ်းဆီးခြင်း၊ စစ်ကြောရေးစခန်းများတွင် နှိပ်စက်သတ်ဖြတ်ခြင်း၊ တော် လှန်ရေး ကွန်ရက်များသို့ ထိုးဖောက်ဝင်ရောက်ခြင်း အစရှိသည့် အလုပ်များကို ဦးစီးလုပ်ကိုင် ဆောင်ရွက်နေသူ ဖြစ်သည်။
ဗိုလ်ချုပ်ကြီး ရဲဝင်းဦးသည် စစ်အာဏာသိမ်းသည့် အချိန်မှစတင်၍ အာဏာသိမ်းမှုတွင် ထဲထဲဝင်ဝင် ပါဝင်ပတ်သက်နေသော စစ်တပ်၏ ထိပ်တန်းစစ်ဗိုလ်ချုပ်များတွင် ပါဝင်ပြီး တော်လှန်ရေးတက်ကြွလှုပ်ရှားသူများ၊ နိုင်ငံရေးသမားများနှင့် ပြည်သူကို မတရားသတ်ဖြတ်ရာတွင် အဓိက ကြိုးကိုင် တာဝန်ရှိသူဖြစ်သည်။
ရဲဝင်းဦး၏ သား ထက်ရဲနောင်သည် လက်ရှိ မြန်မာပြည်မှ Rapper များစွာကို ထောက်ပံ့ ပံ့ပိုးထားပြီး စစ်ကောင်စီအလိုကျ ပွဲများ ဖြစ်မြောက်အောင် ဦးဆောင်စီစဉ်ကျင်းပလျက်ရှိပြီး မြန်မာပြည်၏ Hip Hop ကို ပြန်လည်အသက်ဝင်လာအောင် ကြိုးပမ်းနေသူဖြစ်သည်။
ထက်ရဲနောင်သည် IAMHIPHOP၊ After past record label နှင့် မြန်မာ Music producer ပြိုင်ပွဲဖြစ်သည့် Beatz Bangaz ကိုလည်း နောက်ကွယ်မှ ပံ့ပိုးပေးနေသူ ဖြစ်သည်။
စစ်ကောင်စီက မြန်မာပြည်သူလူထုကို ဆက်လက် ဖိနှိပ် အကြမ်းဖက် အုပ်ချုပ်နိုင်ရန်နှင့် ဝါဒမှိုင်းတိုက်ရန် အနုပညာရှင်များကို ခေတ်အဆက်ဆက် အသုံးချလာခဲ့သည်မှာ ငြင်းမရသည့် အမှန်တရားဖြစ်သည်။
တော်လှန်ရေးအင်အားစုများက စရဖ အရာရှိချုပ် ရဲဝင်းဦး၏သား ပါဝင်ပတ်သက်နေသော Hip Hop ပွဲများနှင့် ဂီတဖျော်ဖြေပွဲများ အပေါ် ကန့်ကွက်ရှုတ်ချပြီး ၎င်း နှင့်ပတ်သက်ဆက်စပ်မှုများ လုပ်ဆောင်ခြင်းမှ ရပ်တန့်ရန် သတိပေးထားသည်။
စရဖ အရာရှိချုပ် ရဲဝင်းဦးတွင် သမီးသိမ့်သဉ္ဇာရဲ နှင့် သားဖြစ်သူ ထက်ရဲနောင် ဆိုသည့် သားသမီး ၂ ဦးရှိပြီး သမီးဖြစ်သူ သိမ့်သဉ္ဇာရဲမှာ ကာကွယ် ရေးဝန်ကြီး ဗိုလ်ချုပ်ကြီးမောင်မောင်အေး၏သားဖြစ်သူနှင့် လက်ထပ်ထားသဖြင့် ရဲဝင်းဦးနှင့် မောင်မောင်အေးတို့မှာ ခမည်းခမက်လည်း တော်စပ်ကြသည်။
Khit Thit သတင်းဌာန၏ မတ် ၈ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
အကြမ်းဖက် စစ်ကောင်စီတပ်က ဗိုလ်ချုပ်တွေအပါအဝင်၊ ဝန်ကြီး၊ ဒုဝန်ကြီး ၁၃ ဦး နဲ့ ဌာနဆိုင်ရာ အဖွဲ့ ၃ ခုကို ကနေဒါ နိုင်ငံက ထပ်မံ ဒဏ်ခတ်ပိတ်ဆို့ အရေးယူလိုက်တယ်လို့ ကနေဒါနိုင်ငံခြားရေး ဝန်ကြီးက ဒီကနေ့ မတ်လ ၈ ရက်နေ့မှာပါ တရားဝင်ကြေညာလိုက်ပါတယ်။
မြန်မာနိုင်ငံမှာ ဗုဒ္ဓဘာသာကို သူတို့ကသာ ကာကွယ်စောင့်ရှောက်နေရပါတယ်ဆိုပြီး တတွင်တွင် ပြောနေတဲ့ အကြမ်းဖက် စစ်ကောင်စီတပ်က ကရင်ပြည်နယ် ဖာပွန်မြို့နယ်မှာရှိတဲ့ ကျောက်ကွင်း ကျေးရွာ ဘုန်းကြီးကျောင်းကို တိုက်ပွဲဖြစ်ပွားခြင်းမရှိဘဲ လေယာဉ်နဲ့လာပြီး ဗုံးကျဲချမှုကြောင့် ကျောင်းထိုင်ဆရာတော် ဘဒ္ဒန္တ ဝိသုဒ္ဓ ဗုံးထိမှန်ပြီး ပျံလွန်တော်မူသွားရတယ်လို့ ဒေသခံပြည်သူတွေက ရန်ကုန်ခေတ်သစ်ကို ပြောပါတယ်။
မန္တလေးတိုင်းက ညောင်ဦးမြို့နယ်မှာ အကြမ်းဖက် စစ်ကောင်စီလက်အောက်ခံ အုပ်ချုပ်ရေးမှူး ထွန်းဝေနဲ့ ပျူစောထီး စိုးလွင်ဆိုသူတို့ ၂ ဦး ပစ်ခတ်ခံရပြီး ၂ ဦးစလုံး ပွဲချင်းပြီးသေသွားကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
https://youtu.be/ED7A3rjdb1M?si=crqR6HUcF7Fdho3W
ကျောက်ကြီးနှင့် မူးမြို့နယ်တို့တွင် စစ်တပ်က လေကြောင်းဖြင့် ဗုံးကျဲပစ်ခတ်မှု ပြည်သူ ၃ ဦး သေဆုံးပြီး ၂ ဦးဒဏ်ရာရ
ရန်ကုန်၊ မတ် ၈
ပဲခူးတိုင်းကျောက်ကြီးမြို့နယ်နှင့် မူးမြို့နယ်တို့တွင် အကြမ်းဖက် စစ်ကောင်စီတပ်၏ လေကြောင်းတိုက်ခိုက်မှုကြောင့် အပြစ်မဲ့အရပ်သားပြည်သူ ၃ ဦး သေဆုံးခဲ့ပြီး ၂ ဦး ထိခိုက်ဒဏ်ရာရရှိကာ နေအိမ် ၈ လုံး ထိမှန် ပျက်စီးခဲ့ကြောင်း KNU ဗဟိုက သတင်းထုတ်ပြန်သည်။
မတ်လ ၆ ရက်နေ့ နံနက် ၂ နာရီခန့်အချိန် မူးမြို့နယ်၊ ကျောက်ကြီးပေါက် ကျေးရွာအတွင်းသို့ တောင်ငူ လေ တပ်မှ တက်လာသော ဂျက်ဖိုက်တာ ၁ စီးဖြင့် ဗုံးကျဲတိုက်ခိုက်ခဲ့ရာ အသက် ၆၃ နှစ် ဒေါ်ထွေး သေ ဆုံးခဲ့ပြီး အသက် ၁၅ နှစ်အရွယ် မဝင်းဝင်းအေးနှင့် အသက် ၂၄ နှစ်အရွယ် မဖြိုးရတနာအောင်တို့ ၂ ဦး ထိခိုက်ဒဏ်ရာရရှိခဲ့ကာ နေအိမ် ၁ လုံးလည်း ထိခိုက်ပျက်စီးခဲ့ကြောင်း သိရသည်။
ထို့အတူ နံနက် ၂ နာရီ ၅ မိနစ်တွင် မူးမြို့နယ်၊ မကျည်းတောကျေးရွာအတွင်းသို့ အကြမ်းဖက် စစ် ကောင်စီတပ်က ထပ်မံ၍ ဗုံးကျဲ တိုက်ခိုက်ခဲ့ရာ အသက် ၅၃ နှစ်အရွယ် မခိုင်ဦး ၊ အသက် ၅၅ နှစ် အရွယ် ဦးအောင်မြင့်အေးတို့ ထိခိုက်သေဆုံးခဲ့ပြီး နေအိမ် ၆ လုံးထိမှန်ပျက်စီးခဲ့ကာ နေအိမ် ၁ လုံးမှာ မီး လောင်ပြာကျခဲ့ကြောင်း၊ အလားတူ နံနက် ၂ နာရီ ၁၅ မိနစ်တွင်လည်း အကြမ်းဖက်စစ်ကောင်စီတပ်က ရော့ကတ်ဖြင့် ထပ်မံ ပစ်ခတ်တိုက်ခိုက်ခဲ့ကြောင်း သိရသည်။
မတ်လ ၅ ရက်နေ့ ညနေ ၆ နာရီ ၄၆ မိနစ်အချိန် ကျောက်ကြီးမြို့နယ်၊ အင်းနက်အကျေးရွာအ တွင်းသို့ အကြမ်း ဖက် စစ်ကောင်စီ၏ လေတပ်က ဗုံးကျဲတိုက်ခိုက်ခဲ့ရာ ထိခိုက်ပျက်စီးမှု မရှိခဲ့ကြောင်း၊ မတ်လ ၆ ရက်နေ့ ည ၈ နာရီ ၅၃ မိနစ်အချိန် ကျောက်ကြီးမြို့နယ်၊ တရေးစီလော်(နရွဲပင်) ကျေးရွာတွင်းသို့ ထပ်မံ ဗုံး ကျဲတိုက်ခိုက်ခဲ့ရာ နေအိမ် ၁ လုံးထိမှန်ပျက်စီးခဲ့ကြောင်း KNU ဗဟိုက ထုတ်ပြန်ထားသည်။
ဓာတ်ပုံ − အာဏာသိမ်း အကြမ်းဖက်စစ်ကောင်စီတပ်၏ လေကြောင်းတိုက်ခိုက်မှုကြောင့် ထိခိုက် ပျက်စီး သေဆုံးရမှုများ။
ရေစကြိုနှင့် မြောင် အစပ်သို့ စစ်ကြောင်းထိုးနေသည့် စစ်တပ်က ပြည်သူများကို သတ်ဖြတ်ပြီး ကျေးရွာများကို ဆက်တိုက် မီးရှို့နေမှုကြောင့် ပြည်သူ ၁ သောင်းကျော် ထွက်ပြေးနေရ
ရန်ကုန်၊ မတ် ၈
မကွေးတိုင်း၊ ရေစကြိုမြို့နယ်နှင့် စစ်ကိုင်းတိုင်း မြောင်မြို့နယ် အစပ်သို့ စစ်ကြောင်းထိုးနေသည့် စစ်တပ်က ပြည်သူများကို သတ်ဖြတ်ပြီး ကျေးရွာများကို ဆက်တိုက် မီးရှို့နေသဖြင့် ကျေးရွာ ၁၄ ခုကျော်မှ ပြည်သူ ၁ သောင်းကျော် ထွက်ပြေးနေရကြောင်း မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ့ ခေါင်းဆောင် ကိုနွေဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
မတ်လ ၂ ရက်နေ့တွင် ရေစကြိုမြို့မှ ထွက်လာသသည့် အင်အား ၈၀ ခန့်ပါ အကြမ်းဖက် စစ်ကောင်စီ တပ်သားများသည် လက်နက်ကြီးများ ဆက်တိုက် ပစ်ခတ်ပြီး မြေစွန်းရွာကို ဝင်ရောက်စီးနင်းခဲ့ကြောင်း၊ ယင်းနေ့တွင် အကြမ်းဖက် စစ်ကောင်စီ တပ်သားများက ဒရုန်းဖြင့် ဗုံးကျဲ တိုက်ခိုက်ခြင်းကြောင့် ဆင်ခြေယာရွာမှ နေအိမ် ၂ လုံး မီးလောင်ကာ ဆိုင်ကယ် ၇စီးခန့် မီးလောင် ပြာကျခဲ့ကြောင်း သိရသည်။
မတ်လ ၃ ရက်နေ့တွင် မြေစွန်းရွာကို အကြမ်းဖက် စစ်တပ်က ဒုတိယ အကြိမ် မီးရှို့ဖျက်ဆီးခဲ့ကြောင်း၊ မတ်လ ၄ ရက်နေ့တွင် အကြမ်းဖက် စစ်တပ်က အင်အား ၆၀ ခန့် ထပ်မံ ဖြည့်တင်းခဲ့ပြီး မြေစွန်းရွာကို တတိယ အကြိမ် ထပ်မံ မီးရှို့ဖျက်ဆီးခဲ့ကြောင်း သိရှိရသည်။
မတ်လ ၅ ရက်နေ့တွင် အကြမ်းဖက် စစ်ကောင်စီ တပ်သားများက ဇရပ်နီရွာကို ဝင်ရောက် စီးနင်းပြီး ပြည်သူပိုင် နေအိမ်များကို မီးရှို့ဖျက်ဆီးခဲ့ကြောင်း၊ မတ်လ ၇ ရက်နေ့တွင် အကြမ်းဖက် စစ်တပ် စစ်ကြောင်းက သာခေါင်လေးရွာကို ထပ်မံ မီးရှို့ဖျက်ဆီးခဲ့ကြောင်း သိရသည်။
လက်ရှိအချိန် ရေစကြိုမြို့နယ် အတွင်းရှိ မြေစွန်းရွာ၊ ဆင်ခြေယာရွာ၊ မာလကာခြံရွာ၊ ရွှေလှန်ရွာ၊ ရွာသစ်ရွာ၊ သာခေါင်ကြီးရွာ၊ ဇရပ်နီရွာ၊ သာခေါင်လေးရွာ၊ ဖြုံဘူးရွာနှင့် မြောင်မြို့နယ် အတွင်းရှိ မြစ်ဆုံရွာ၊ ငါးရံ့အိုရွာ၊ မင်းလှရွာ၊ ပန်းညိုရွာနှင့် ညောင်ကားယားရွာတို့မှ ပြည်သူ ၁ သောင်းကျော်သည် ဘေးလွတ်ရာ တိမ်းရှောင်နေရဆဲ ဖြစ် ကြောင်း သိရှိရသည်။
" စစ်ခွေးစစ်ကြောင်းက မြောင်ထဲကိုဝင်ချင်နေတဲ့သဘောပါ။ လက်ရှိချိန်ထိ ရေစကြိုနဲ့ မြောင်အစပ်မှာရှိနေသေးတယ်။ ခွေးစစ်ကြောင်းရှိသေးတော့ ပြည်သူတွေ ဆက်လက် တိမ်းရှောင်နေရတုန်းပါပဲ" ဟု မြောင်မြို့နယ် ပြည်သူ့ကာကွယ်ရေးနှင့် လုံခြုံ ရေးအဖွဲ့ ခေါင်းဆောင် ကိုနွေဦးက ပြောဆိုသည်။
အဆိုပါ အကြမ်းဖက် စစ်တပ် စစ်ကြောင်းသည် ရေစကြိုမြို့နယ် မြေစွန်းရွာကို ဝင်ရောက် စီးနင်းစဉ် အသက် ၇၀ ကျော်အရွယ် ဦးဟန်တင် ၊ အသက် ၆၀ အရွယ် ဦးဌေးမြင့်၊ အသက် ၈၈ နှစ်အရွယ် ဦးသံမဏိ ၊ အသက် ၆၀ အရွယ် ဒေါ်သန်းပြည့် နှင့် အသက် ၈၆ နှစ်အရွယ် ဒေါ်လှငွေ တို့ကို ဖမ်းဆီးသတ်ဖြတ်ခြင်းနှင့် မီးရှို့သတ်ဖြတ်ခဲ့ကြောင်း Yesagyo Township Info Committee အဖွဲ့မှ တာဝန်ရှိသူက ပြောဆိုသည်။
စစ်ကောင်စီအဖွဲ့ဝင်များ၊ ဝန်ကြီး၊ ဒုဝန်ကြီး ၁၃ ဦးနှင့် ဌာနဆိုင်ရာ အဖွဲ့ ၃ ခုကို ကနေဒါက ဒဏ်ခတ်ပိတ်ဆို့ အရေး ယူ
ရန်ကုန်၊ မတ် ၈
အကြမ်းဖက် စစ်ကောင်စီ အဖွဲ့ဝင်များ၊ ဝန်ကြီး၊ ဒုဝန်ကြီး ၁၃ ဦးနှင့် ဌာနဆိုင်ရာ အဖွဲ့ ၃ ခုကို ကနေဒါနိုင်ငံအစိုးရက ဒဏ်ခတ်ပိတ်ဆို့ အရေး ယူကြောင်း ကနေဒါ နိုင်ငံခြားရေးဝန်ကြီး Melanie Joy က ယနေ့ ကြေညာသည်။
ငြိမ်းချမ်းရေး၊ လုံခြုံရေးနှင့် တည်ငြိမ်ရေးတို့ကို ထိခိုက်စေပြီး လူ့အခွင့်အရေး ချိုးဖောက်မှုများ ကျူးလွန်ခြင်းအတွက် မြန်မာစစ်ကောင်စီအဖွဲ့ဝင် ၁၃ ဦးနှင့် အဖွဲ့အစည်း ၃ ခုကို ဒဏ်ခတ်ပိတ်ဆို့မှုများ ချမှတ်ခြင်းဖြစ် ကြောင်း၊ ဒဏ်ခတ်ပိတ်ဆို့ခံရသူများတွင် စစ်ကောင်စီအဖွဲ့ဝင် ဒေါက်တာဘရွှေ၊ ဗိုလ်ချုပ်ကြီး မိုးအောင်၊ ဝန်ကြီး ကံဇော်၊ ဝန်ကြီး ကိုကိုလှိုင်၊ ဆက်သွယ်ရေး ဒုဝန်ကြီး ဗိုလ်မှူးချုပ် လူမွန်၊ ပို့/ဆက်ဒုဝန်ကြီး အောင်ကျော်ထွန်း၊ ပို့/ဆက် ဒုဝန်ကြီး အောင်မြိုင်၊ ကာကွယ် ရေးဒုဝန်ကြီး ဗိုလ်ချုပ်ကိုလေး၊ စီမံ/ဘဏ္ဍာ ဒုဝန်ကြီး သန်းသန်းလင်း၊ ဒုဝန်ကြီး မင်းထွဋ်၊ စစ်ကောင်စီရုံးဝန်ကြီး ခွန်သန့်ဇော်ထူး၊ ထင်ကျော်သူ၊ အောင်ကျော်ဟိုး တို့ပါဝင်ကြောင်း သိရှိရသည်။
ထို့ပြင် စစ်ကောင်စီ၏ ကာကွယ်ရေးဝန်ကြီးဌာန၊ မြန်မာ့တပ်မတော်နှင့် အမှတ် ၃၃ ခြေလျင်တပ်ရင်းတို့ကိုလည်း ကနေဒါက အရေးယူဒဏ်ခတ်ပိတ်ဆို့ကြောင်း ဆက်လက် ကြေညာသည်။
ယနေ့ ထုတ်ပြန်လိုက်သော ပိတ်ဆို့အရေးယူမှုများမှာ ၎င်းတို့ ကျူးလွန်ခဲ့သည့် ဆိုးရွားသော လူ့အခွင့်အရေး ချိုးဖောက်မှုများ၊ ပိုမိုဆိုးရွာလာသော အကြမ်းဖက်မှု၊ ဖိနှိပ်မှု၊ မတည်မငြိမ်မှုများကို တုံ့ပြန်ဆောင်ရွက်ခြင်းဖြစ်ကြောင်း၊ လက်ရှိအခြေအနေများက လူသားချင်းစာနာထောက်ထားမှုဆိုင်ရာ အကျပ်အတည်းကို ပိုမိုဆိုးရွားစေခဲ့ပြီး မတည်ငြိမ်မှုများနှင့် အရပ်သားများအပေါ် အကြမ်းဖက်မှုများ တိုးလာခဲ့ကြောင်း ကနေဒါက ဆိုသည်။
၂၀၂၄ ခုနှစ် ဒီဇင်ဘာလ ၂ ရက်နေ့ ကုလသမဂ္ဂ၏ အစီအရင်ခံစာအရ စစ်တပ်၏ သတ်ဖြတ်မှုကြောင့် အရပ်သား ပြည်သူ ၆၀၀၀ ကျော် သေဆုံးခဲ့ရကြောင်း၊ ၂၀၂၄ ခုနှစ် ပထမ ၄ လအတွင်း စစ်တပ်၏ လေကြောင်းတိုက်ခိုက်မှုများကြောင့် ကလေးငယ် ၆၁ ဦးအပါအဝင် အရပ်သား ၃၅၉ ဦး သေဆုံးခဲ့ပြီး အရပ်သား ၇၅၆ ဦး ဒဏ်ရာရရှိခဲ့ကြောင်း သိရှိရသည်။
ကနေဒါကအနေဖြင့် နိုင်ငံများအားလုံးကို မြန်မာစစ်ကောင်စီအပေါ် အရေးယူမှုများ ဆောင်ရွက်ရန် တိုက်တွန်းကြောင်း၊ မြန်မာစစ်တပ်ကို စစ်ဆင်ရေးနှင့် ဘဏ္ဍာရေးဆိုင်ရာ ပံ့ပိုးကူညီမှုအားလုံး ရပ်ဆိုင်းရန်၊ လက်နက်၊စစ်ဘက်ဆိုင်ရာ ပစ္စည်း၊ ကိရိယာများနှင့် စစ်ဘက်ဆိုင်ရာ နည်းပညာအကူအညီများ လွှဲပြောင်းပေးခြင်းတို့ကို ရပ်ဆိုင်းရန်လည်း နိုင်ငံတကာသို့ တောင်းဆိုသည်။
မြန်မာနိုင်ငံတွင် အားလုံးပါဝင်ပြီး ရေရှည်တည်တံ့ခိုင်မြဲသော ငြိမ်းချမ်းရေးရရှိရန် ကနေဒါနိုင်ငံသည် နိုင်ငံတကာမိတ်ဖက်များနှင့် ဆက်လက်ပူးပေါင်းဆောင်ရွက်သွားမည်ဖြစ်ကြောင်း၊ မြန်မာနိုင်ငံတွင် ဒီမိုကရေစီ အုပ်ချုပ်မှု ပြန်လည်ထူထောင်ရေးနှင့် လူ့အခွင့်အရေး ချိုးဖောက်မှုများကို တာဝန်ခံမှု ဆက်လက် ကြိုးပမ်းသွားမည်ဖြစ်ကြောင်း ကနေဒါက ကြေညာသည်။
“တိုင်းပြည်ရဲ့ ငြိမ်းချမ်းရေး၊ လုံခြုံရေးနဲ့ တည်ငြိမ်ရေးကို ပျက်ပြားစေပြီး လူ့အခွင့်အရေး ချိုးဖောက်မှုတွေ စစ်ကောင်စီကကျူးလွန်နေမှုတွေအပေါ် ကနေဒါကတော့ ငြိမ်သက်နေမှာ မဟုတ်ပါဘူး။ ကနေဒါနိုင်ငံအနေနဲ့ ငြိမ်းချမ်းပြီး အားလုံးပါဝင်နိုင်တဲ့ ဒီမိုကရေစီ အနာဂတ်ကို ဖော်ဆောင်ပေးမယ့် မြန်မာ ပြည်သူတွေရဲ့ မျှော်မှန်းချက်တွေကို ဆက်လက် ထောက်ခံသွားမှာ ဖြစ်ပါတယ်။”ဟု ကနေဒါ နိုင်ငံခြားရေးဝန်ကြီး Mélanie Jolyက ဆိုသည်။
ကနေဒါက လက်ရှိအချိန်အထိ မြန်မာစစ်ကောင်စီနှင့် ဆက်စပ်နေသော လူပုဂ္ဂိုလ် ၁၄၉ ဦးနှင့် အဖွဲ့အစည်း ၉၂ ခုကို အရေးယူထားပြီဖြစ်ကြောင်း သိရှိရသည်။
ကျောက်ကြီး၊ ကျောက်တံခါး နှင့် ဖြူးမြို့နယ်တို့ရှိ စစ်တပ် ကာကင်း တပ်စခန်း ၇ ခုကို တစ်ပြိုင်နက်တည်း တိုက်ခိုက်မှု ရဲမှူး ၁ ဦး အပါအဝင် စစ်ကောင်စီတပ်ဘက်မှ ၁၀ ဦးသေဆုံး
ရန်ကုန်၊ ဖေဖော်ဝါရီ ၁၆
ပဲခူးတိုင်း၊ ကျောက်ကြီး၊ ကျောက်တံခါးနှင့်ဖြူးမြို့နယ်အတွင်းရှိ စစ်ကောင်စီ၏ ကာကင်း တပ်စခန်း ၇ ခုကို တစ်ပြိုင်နက်တည်း ဝင်ရောက်တိုက်ခိုက်ခဲ့ရာ ရဲမှူး ၁ ဦးအပါအဝင် စစ်ကောင်စီတပ်ဘက်မှ ၁၀ ဦးသေဆုံးခဲ့ကြောင်း ပြည်သူ့ကာကွယ်ရေးတပ်မတော်၊ တောင်ပိုင်းတိုင်းစစ်ဒေသ ၊ စစ်ဆင်ရေးနယ်မြေ ၂ မှ စစ်ဆင်ရေးမှူး ရဲဘော် တင်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ ဖေဖော်ဝါရီလ ၁၅ ရက်နေ့ ညပိုင်း ပဲခူးတိုင်း၊ ကျောက်ကြီးမြို့နယ်၊ ကျောက်တံခါးမြို့နယ်နှင့် ဖြူးမြို့နယ်အတွင်းရှိ စစ်တပ်ကာကင်းစခန်း ၇ ခုကို တစ်ပြိုင်နက်တည်း ဝင်ရောက်တိုက်ခိုက်ခဲ့ခြင်းဖြစ်ကြောင်း၊ ပြည်သူ့ကာကွယ်ရေးတပ်မတော် စစ်ဆင်ရေး နယ်မြေ ၂ အတွင်းရှိ ဗျူဟာ ၂၄ ၊ ၂၅ ၊ ၂၆ တပ်ရင်းများက တိုက်ခိုက်ခဲ့ကြောင်း၊ ကျောက်ကြီးမြို့နယ် နတ်သံကွင်း တောရကျောင်း စစ်တပ်ကာကင်း စခန်းကို မဟာမိတ် KNLA တပ်များနှင့်အတူ ပူးပေါင်းတိုက်ခိုက်ခဲ့ခြင်းဖြစ်ပြီး ကျန် စခန်း ၅ ခုကို PDF တပ်ဖွဲ့များက တိုက်ခိုက်ချေမှုန်းခဲ့ကြောင်း သိရှိရသည်။
"ကျနော်တို့ စစ်ဆင်ရေးနယ်မြေ ၂ မှာ ပြည်သူ့ကာကွယ်ရေးတပ်မတော် PDF နဲ့ မဟာမိတ်တော်လှန်ရေးတပ်တွေ အတူပူးပေါင်းပြီး တိုက်ပွဲဝင်နေပါတယ်" ဟု ရဲဘော် တင်ဦးက ရှင်းပြသည်။
ယမန်နေ့ ည ၁၂ နာရီအချိန် ပဲခူးတိုင်း၊ ကျောက်တံခါးမြို့နယ်၊ တောကျွဲအင်းမြို့ အဝင် သံလမ်းဂုံးပေါ်ရှိ စစ်ကောင်စီ၏ ကာကင်းဂိတ်စခန်းနှင့် ကျောက် တံခါးမြို့နယ်၊ ပဲနွယ်ကုန်းမြို့အဝင် အကြမ်းဖက်စစ်တပ်၏ ခမရ ၃၀၇ ထိပ် သံလမ်းဂုံးပေါ်ရှိ စစ်တပ် ကာကင်းဂိတ်စခန်းများကို တော်လှန်ရေးတပ်များက ဝင်ရောက်ပစ်ခတ်ပြီး မီးရှို့ဖျက်ဆီးရှင်းလင်းကြောင်း၊ အဆိုပါတိုက်ပွဲတွင် စစ်တပ်ဘက်မှ ၂ ဦးသေဆုံးပြီး ၄ ဦးဒဏ်ရာရရှိကြောင်း သိရှိရသည်။
အလားတူ ပဲခူးတိုင်း၊ ဖြူးမြို့နယ် ဆင်တဲကုန်းကျေးရွာတွင် တပ်စွဲထားသည့် စစ်တပ် ကာကင်းစခန်းကို PDF ၇၈၀၃ တပ်ရင်းက ပစ်ခတ်တိုက်ခိုက်ခဲ့ကြောင်း၊ ဖြူးမြို့နယ် ရန်ကုန် မန္တလေး လမ်းဟောင်းဘေးရှိ ဆာဂွန်းဂိတ်ကိုလည်း ဖြူး ပ.က.ဖ နှင့် ၆၀၀၂ ဧရာဝတီ တပ်ရင်းများက ဝင်ရောက်တိုက်ခိုက်ခဲ့ကြောင်း ၊ အဆိုပါ တိုက်ခိုက်မှုအတွင်း ရဲမှူး ၁ ဦး အပါအဝင် ၂ ဦး သေဆုံးခဲ့ပြီး တော်လှန်ရေးရဲဘော် ၁ ဦး ကျဆုံးခဲ့ရကြောင်း သိရှိရသည်။
ထို့အတူ ပဲခူးတိုင်း ၊ ပဲနွယ်ကုန်း-ကွင်းချောင်းဝ လမ်းပေါ်ရှိ နရွဲပင်ရွာ စစ်တပ်ကင်းစခန်းကိုလည်း ဗျူဟာ၂၅ ပူးပေါင်းအဖွဲ့က စီးနင်းတိုက်ခိုက်သိမ်းပိုက်ခဲ့ကြောင်း၊ တိုက်ပွဲအတွင်း စစ်တပ်ဘက်မှ ၅ ဦးသေဆုံးပြီး G3 ၂ လက်၊ MA1 ၁ လက်၊ ခမောက်
၃ လုံး၊ ကျည် ၁၀၀ သိမ်းဆည်းရရှိခဲ့ကြောင်း၊ တော်လှန်ရေးတပ်များက အထိအခိုက်မရှိဘဲ ပြန်လည်ဆုတ်ခွာနိုင်ခဲ့ကြောင်း သိရှိရသည်။
ပဲခူးတိုင်း၊ ကျောက်ကြီးမြို့နယ်၊ နတ်သံကွင်းမြို့ အနီးတောရကျောင်း စစ်တပ်စခန်းကို PDF တပ်ရင်း ၃၇၀၂ ၊ KNLA တပ်ရင်း ၉ ပူးပေါင်းအဖွဲ့ က ဝင်ရောက်တိုက်ခိုက်ခဲ့ကြောင်း၊ စစ်တပ်ဘက်မှ ၁ ဦးသေဆုံးပြီး လက်နက်ခဲယမ်းများ သိမ်းဆည်းရရှိကြောင်း သိရှိရသည်။
ပြည်သူ့ကာကွယ်ရေးတပ်မတော် ဗျူဟာ ၂၆ က ပဲခူးတိုင်း၊ ညောင်လေးပင်မြို့နယ် တော်ဝိ နှင့် ထိန်တပင်ရွာကြား ရန်ကုန်- မန္တလေး ရထားလမ်း ကာကင်းဂိတ်စခန်းကို PDF တပ်ရင်း ၉၉၁၃ တော်ဝင်ဒေါင်းတပ်ရင်းနှင့်အတူ စီးနင်းတိုက်ခိုက်သိမ်းပိုက်မီးရှို့ဖျက်ဆီးခဲ့ကြောင်း သိရှိရသည်
စစ်တပ်စခန်း ၇ ခုကို တစ်ပြိုင်နက်တည်း တိုက်ခိုက်ခဲ့သည့် စစ်ဆင်ရေးတွင် ပြည်သူ့ကာကွယ်ရေးတပ်မတော်၊ စစ်ဆင်ရေးနယ်မြေ ၂ ကွပ်ကဲမှုအောက်ရှိ ဗျူဟာ၂၄ အာဠာဝက စစ်ကြောင်း -PDF တပ်ရင်း ၇၈၀၃ ၊ တပ်ရင်း ၃၅၀၃ ၊ဟင်္သာတခရိုင် အမှတ်၂ တပ်ရင်း- ၆၀၀၂ ၊ ဖြူး ပကဖ ၊ ဗျူဟာ ၂၅ တပ်ရင်း ၃၇၀၂ ၊ PDF အထူးကွန်မန်ဒိုတပ်ရင်း ၉၉၁၄ ၊ ဒရုန်းအထူးတပ်ဖွဲ့ ၁၈၀၅ ၊Spring Warrior Column ၇၀၀၁ ၊ KNLA တပ်ရင်း ၉ ၊ ဗျူဟာ ၂၆ တော်ဝင်ဒေါင်းတပ်ရင်း ၉၉၁၃ တို့ ပါဝင်ကြောင်း သိရှိရသည်။
မကွေးမြို့တွင် စစ်တပ်က စစ်မှုထမ်းကြေး မပေးသည့် ကျေးရွာများမှ လူငယ်များကို ရှာဖွေ ဖမ်းဆီး၊ ဒဂုံဆိပ်ကမ်းတွင် အုပ်ချူပ်ရေးမှူး လှရီက စစ်မှုထမ်းကြေး ပေးရန် ငြင်းဆန်သော ပြည်သူများကို ရပ်ကွက်တွင် မနေရန် မောင်းထုတ်
ရန်ကုန်၊ ဖေဖော်ဝါရီ ၁၆
မကွေးတိုင်း၊ မကွေးမြို့အဝင် စစ်ဆေးရေးဂိတ်ရှိ အကြမ်းဖက် စစ်ကောင်စီ တပ်သားများက စစ်မှုထမ်းကြေး မပေးသည့် ကျေးရွာများမှ ပြည်သူများကို ရှာဖွေ ဖမ်းဆီးနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဖေဖော်ဝါရီလ ၁၄ ရက်နေ့တွင် မကွေး-နတ်မောက် လမ်းပိုင်းရှိ မကွေးမြို့ အဝင် စစ်ဆေးရေးဂိတ်မှ အကြမ်းဖက် စစ်ကောင်စီ တပ်သားများက ကျေးရွာများမှ မြို့ပေါ်သို့ လာရောက်သည့် ပြည်သူများကို အမည်နှင့် နေရပ် လိပ်စာများ မေးမြန်းပြီး စစ်ဆေးမှုများ လုပ်ဆောင်ခဲ့ကြောင်း သိရသည်။
ထိုသို့ စစ်ဆေးမေးမြန်းခြင်းသည် လစဉ် စစ်မှုထမ်းကြေးမပေးသည့် ကျေးရွာများမှ ပြည်သူများကို ရှာဖွေ နေခြင်းဖြစ်ပြီး အဆိုပါ ကျေးရွာမှ ပြည်သူများ ဖြစ်ပါက ဂိတ်ထဲ၌ တခါတည်း ဖမ်းဆီးခြင်းများ လုပ်ဆောင်နေခြင်းဖြစ်ကြောင်း သိရှိရသည်။
"မကွေး-နတ်မောက် လမ်းက မကွေးမြို့ အဝင်ဂိတ်မှာ စစ်ဆေးရေး လုပ်နေတဲ့ စစ်ခွေးတွေက ဂိတ်ကိုဖြတ်သန်းသွားလာတဲ့ ပြည်သူတွေရဲ့ အမည်နဲ့ နေရပ်လိပ်စာတွေ မေးပြီး စစ်ဆေးနေတာ။ သူတို့လက်ထဲမှာလည်း အမည်စာရင်း စာရွက်တွေ ကိုင်ထားပြီး အဲ့စာရင်းထဲမှာ မပါတဲ့သူကို ပြန်လွှတ်တယ်။ သူတို့ရှာဖွေဖမ်းဆီးနေတာက စစ်မှုထမ်းကြေးမပေးတဲ့ ကျေးရွာစာရင်းတွေကို စစ်ဆေးရေးဂိတ်တွေမှာ အုပ်ချုပ်ရေးမှူးတွေက ပို့ထားတယ်ကြားတယ်။ စစ်မှုထမ်းကြေး မပေးဆောင်တဲ့ ကျေးရွာက လူဆိုရင် ဂိတ်က တခါတည်း ဖမ်းဆီးမှု လုပ်ဆောင်နေတာ" ဟု ဒေသပြည်သူ တစ်ဦးက ပြောဆိုသည်။
အလားတူ ရန်ကုန်မြို့၊ ဒဂုံဆိပ်ကမ်းမြို့နယ် ၈၃ ရက်ကွက် အုပ်ချုပ်ရေးမှူး လှရီက လစဉ် စစ်မှုထမ်းကြေး မပေးသူများကို ရပ်ကွက်ထဲမှ မောင်းထုတ်မည်ဟု ခြိမ်းခြောက်ပြောဆိုကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဒဂုံဆိပ်ကမ်းမြို့နယ်တွင် ၈၃ ရပ်ကွက် အုပ်ချုပ်ရေးမှူး လှရီနှင့် မိန်းမ မွန်မ တို့က ဖေဖော်ဝါရီလ အတွက် စစ်မှုထမ်းကြေး လိုက်လံ ကောက်ခံရာတွင် မပေးနိုင်သူ များပြားနေခြင်းကြောင့် စစ်မှုထမ်းကြေး မပေးသူများကို ရပ်ကွက်ထဲတွင် ဆက်လက် နေထိုင်ခွင့်မပေးဘဲ စစ်တပ်ခေါ်၍ မောင်းထုတ်မည်ဟု ခြိမ်းခြောက်ပြောဆိုမှုများ လုပ်ဆောင်နေခြင်းဖြစ်ကြောင်း သိရသည်။
အုပ်ချုပ်ရေးမှူး လှရီနှင့် ၎င်းမယားဖြစ်သူ မွန်မတို့သည် ရပ်ကွက်အတွင်း စစ်မှုထမ်းကြေး လစဉ် ငွေကျပ် ၃၀၀၀၀ လိုက်လံကောက်ခံနေခြင်းဖြစ်ပြီး အခြေခံလူတန်းစာများသာ အများဆုံးနေထိုင်သည့် ရပ်ကွက်ဖြစ်သောကြောင့် ပြည်သူများက လစဉ် ပေးဆောင်နိုင်ရန် ခက်ခဲနေခြင်းဖြစ်ကြောင်း သိရှိရသည်။
"သူတို့ လင်မယားကို စစ်မှုထမ်းကြေးဆိုပြီး တစ်အိမ် ၃၀၀၀၀ လစဉ်ပေးနေရတာ အခုအချိန်က စီးပွားရေးတွေလည်း ကြပ်တည်းနေတော့ ထမင်းတောင် မနည်းရှာစားနေရတာ အဲတာကို မပေးနိုင်တဲ့ သူတွေ ရပ်ကွက်ထဲမနေနဲ့ စစ်တပ်ခေါ်ပြီး မောင်းထုတ်မယ်ဆိုပြီးလိုက် ခြိမ်းခြောက်နေပါတယ်။ ငါတို့က ဘယ်သူ့ကိုမှလည်း မကြောက်ဘူးလို့ စိန်ခေါ်ပြောဆိုနေပါတယ်" ဟု ဒေသပြည်သူ တစ်ဦးက ပြောဆိုသည်။
ဓာတ်ပုံ- မကွေးတိုင်းမှ စစ်ဆေးရေးဂိတ်တစ်ခု။ (ပုံအဟောင်းဖြစ်ပါသည်။)
ပေါက်ခေါင်း၊ ငပျင်းတောင်တွင် အထိုင်ချ စစ်တပ်နှင့် စစ်ကူ စစ်ကြောင်း အကြား အချင်းချင်းမှားယွင်း ပစ်ခတ်မှုဖြစ်ပွားပြီး ထိခိုက်သေဆုံးမှုများဖြစ်ပေါ်
ရန်ကုန်၊ ဖေဖော်ဝါရီ ၁၆
ပဲခူးတိုင်း၊ ပေါက်ခေါင်းမြို့နယ်၊ ငပျင်းတောင်ပေါ်တွင် ရောက်ရှိနေသော အကြမ်းဖက် စစ်သားများ နှင့် စစ်ကူ စစ်ကြောင်းတို့ အချင်းချင်းမှားယွင်း ပစ်ခတ်မှု ဖြစ်ပွားပြီး စစ်သားများ ထိခိုက်သေဆုံးမှုများ ဖြစ်ပေါ်ခဲ့ကြောင်း ပေါက်ခေါင်းမြို့နယ် ပြည်သူ့ကာကွယ်ရေး တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဖေဖော်ဝါရီလ ၁၀ ရက်နေ့တွင် ပေါက်ခေါင်းမြို့နယ်၊ ပဲခူးရိုးမရှိ ငပျင်းတောင်ပေါ်တွင် ရောရှိနေသော အကြမ်းဖက် စစ်ကောင်စီ တပ်သားများဆီကို တောင်လည်ရွာဘက်မှ စစ်ကောင်စီ တပ်သားများက စစ်ကူလာရောက်ခဲ့ကြောင်း သိရသည်။
ထိုသို့ စစ်ကူလာရောက်သော အကြမ်းဖက် စစ်တပ် စစ်ကြောင်းကို ဒေသတွင်း တော်လှန်ရေး တပ်ဖွဲ့ တစ်ဖွဲ့က မိုင်းဆွဲ တိုက်ခိုက်ခဲ့ပြီးနောက် စစ်ကူလာသော စစ်သားများက စတင် ရမ်းသမ်း ပစ်ခတ်ရာမှ တောင်ပေါ်တွင် ရောက်ရှိနေသော စစ်သားများနှင့် အချင်းချင်း ပစ်ခတ်မှု ဖြစ်ပွားခဲ့ကြောင်း သိရှိရသည်။
ယင်းပစ်ခတ်မှု အတွင်း အကြမ်းဖက် စစ်သား ၁၂ ဦးသေဆုံးခဲ့ပြီး ထိခိုက်ဒဏ်ရာရရှိသူများလည်းရှိကြောင်း၊ အဆိုပါ ငပျင်းတောင်ပေါ်တွင် ရောက်ရှိနေသော စစ်သားများကိုလည်း ဒေသတွင်း တော်လှန်ရေး တပ်ဖွဲ့များက အကြိမ်ကြိမ် တိုက်ခိုက်မှုများ လုပ်ဆောင်နေခြင်းကြောင့် စစ်ကူစစ်ကြောင်းများ ပို့ဆောင်နေခြင်းဖြစ်ကြောင်း သိရသည်။
"ငပျင်းတောင်ပေါ်မှာ မူလ ရောက်ရှိနေတဲ့ စစ်ခွေး စစ်ကြောင်းနဲ့ တောင်လည်ရွာဘက်ကလာတဲ့ စစ်ကူခွေးစစ်ကြောင်း အချင်းချင်းမှားယွင်း ပစ်ခတ်တာလို့ သိရတယ်။ စစ်ခွေး ၁၂ ကောင်သေဆုံတယ်လို့လည်း သိရတယ်" ဟု ပေါက်ခေါင်းမြို့နယ် ပြည်သူ့ကာကွယ်ရေး တပ်ဖွဲ့မှ တာဝန်ရှိသူ တစ်ဦးက ပြောဆိုသည်။
အလားတူ ဖေဖော်ဝါရီလ ၈ ရက်နေ့ကလည်း ပေါက်ခေါင်းမြို့နယ်၊ ညောင်ဝန်းကျေးရွာ၊ ရိပ်သာ၌ စခန်းချနေသော စစ်သားနှင့် ပျူစောထီး အင်အား ၃၀ ခန့်သည် ပဲခူးရိုးမပေါ်သို့ စစ်ကြောင်း ထိုးဝင်ရောက်လာစဉ် ငပျင်းတောင်ခြေရင်း၌ PDF Thegon တပ်ဖွဲ့က မိုင်းဆွဲ တိုက်ခိုက်ရာ အကြမ်းဖက် စစ်ကောင်စီ တပ်သား ၄ ဦး တောင်လည် တိုက်နယ် ဆေးရုံကို ပြင်းထန် ဒဏ်ရာများဖြင့် ရောက်ရှိနေပြီး ဆေးကုသမှု ခံယူနေကြောင်း သိရသည်။
ဓာတ်ပုံ- အကြမ်းဖက် စစ်ကောင်စီတပ်ဖွဲ့ဝင်များ။ (ပုံအဟောင်းဖြစ်ပါသည်။)
လားရှိုးမြို့သိမ်းတိုက်ပွဲတွင် MNDAA ၏ စစ်သုံ့ပန်းဖြစ်ခဲ့သော ဗိုလ်မှူးချုပ် သန့်ထင်စိုး ဟိုပုံး တပ်မတော်ကွန်ပျူတာနှင့်နည်းပညာသိပ္ပံကျောင်းအုပ် အဖြစ်ခန့်အပ်ခံရပြီးနောက် စစ်မှုထမ်းတပ်သားများကို ကိုယ်တိုင် ထွက်ကြို
ရန်ကုန်၊ ဖေဖော်ဝါရီ ၁၆
ရှမ်းပြည်နယ်မြောက်ပိုင်း၊ လားရှိုးမြို့သိမ်းတိုက်ပွဲတွင် MNDAA ၏ စစ်သုံ့ပန်းဖြစ်ခဲ့သော ဗိုလ်မှူးချုပ် သန့်ထင်စိုး ဟိုပုံး တပ်မတော်ကွန်ပျူတာနှင့်နည်းပညာသိပ္ပံကျောင်းအုပ် အဖြစ်ခန့်အပ်ခံရပြီးနောက် စစ်မှုထမ်းတပ်သားများကို ကိုယ်တိုင် ထွက်ကြိုဆိုကြောင်း သိရှိရသည်။
ဖေဖော်ဝါရီလ ၁၅ ရက်နေ့ စစ်မှုထမ်းသင်တန်းအပတ်စဉ် ၁၀ သင်တန်းသားများ ဟိုပုံးတပ်မတော် ကွန်ပျူတာနှင့် နည်းပညာသိပ္ပံကျောင်းသို့ စစ်မှုထမ်း စစ်သင်တန်းတက်ရန် ရောက်ရှိလာစဉ် ကျောင်းအုပ် ဗိုလ်မှူးချုပ် သန့်ထင်စိုး ကိုယ်တိုင် ထွက်၍ ကြိုဆိုခြင်းဖြစ်ကြောင်း သိရှိရသည်။
ဖေဖော်ဝါရီလ ၈ ရက်နေ့တွင် ဗိုလ်မှူးချုပ် သန့်ထင်စိုးကို ဟိုပုန်းကွန်ပျူတာနှင့်နည်းပညာသိပ္ပံ ကျောင်းအုပ်ကြီးအဖြစ် စစ်ကောင်စီက ခန့်အပ်ခဲ့ခြင်းဖြစ်သည်။ ၎င်းသည် လားရှိုးအခြေစိုက် အရှေ့မြောက်တိုင်းစစ်ဌာနချုပ် တိုင်းစစ်ဦးစီးချုပ် အဖြစ် တာဝန်ထမ်းဆောင်ခဲ့ပြီး ၂၀၂၄ ခုနှစ် ဩဂုတ်လအတွင်း MNDAA က လားရှိုးမြို့နှင့် အရှေ့မြောက်တိုင်းစစ်ဌာနချုပ်ကို သိမ်းပိုက်ခဲ့ရာတွင် ရမခ တိုင်းမှူး ဗိုလ်ချုပ် စိုးတင့်၊အမှတ် ၁ စကခမှူး ဗိုလ်မှူးချုပ် မျိုးမင်းထွေးတို့နှင့်အတူ ဖမ်းဆီးခံခဲ့ရခြင်းဖြစ်သည်။