496
( أذانك سدها وأمشي بخدمتك هاجر ) القناة الخاصة بالشاعر خالد عبد السادة البديري المعرف الشخصيي👇🏼 KHj1989
انا توجهنا بك توسلنا بك تشفعنا
ياوجيهتاً عند الله اشفعي لنا عند الله
يا زهراء
****
طوبى لمن عاش ابــــغرب
من غربته امـسوي الوطن
وهنيال گلـــب الينضنــك
اويتــــنوع لـ ام الحســـن
من ذا يُقرض الله قَرُض من سِمعَت
بضلعها وروحها وبحسينها اتــبرعت
والله اطاها كلـشي وكلــشي برضاها
من ذا يدعي بيها ودعـوته رجـــعت
انا كتبناك ِ جرحٌ قرئناكِ امٌ وجدناكِ
يا زهراء
***
يا قــرة اعيــون النبــي
يلي بگلــب حيدر نـبض
وانتِ ادره بدروب السمه
وِبأسمج انبسـطت ارض
وهـذا الكون كلـــه من الالف للـ ياء
بـــهوائه ومـايه كله من رضا الزهراء
وابو الحسنين باء البسملة المنصوص
و يااا فاطــمة انتِ رررووح هاي الـــباء
هو الله مايرضا الا ام حسن ترضا حق واجب نفرضه يا زهراء
**
منـــلي اذا گلـــبي برد
والـ جمره الـ بصدري اخفتت
من يلزم اجدامي من ازل
لو روحي ع المامش مشت
من اغمض عيوني اسمع قائلاً قائل
اطرق باب َ فاطم واعــــتني سـائل
اتوجه ع الزچـــيه ابـراية الـعبـاس
بدمـع امـلي ركابي عليـج ابو فاضل
يا رحمة الراحم رُحماك يافاطم يا نُصرة القائم
يا زهراء
ياوجيهتاً عند الله اشفعي لنا عند الله
يا زهراء
*
مو ســــــيدتي اني شنو
يا ســـيدت خوش الزلم
يا فاطـــمة أأذَنـي لي
بالدمعـــه رايد احتزم
بسـمج ع الاله اتوجه من ادعـــي
يارب بحـق فاطم لا يجـف دمعي
عله الزهراء سلامي ابگلبي سلـمته
يطلع صوت گلبي ولن نعاوي انعي
زرع زرعناهُ ** بسمك سقيناهُ * دمع وجدناهْ
يازهراء
***
و مو بالوجه ردته الحزن
ردت الحزن وسط الگلب
وكل خطوه كون بدنيـتي
انت بنهـــاية كل درب
واصفن والگي روحي تسولف وتهوه
وافتش صفنتي والگي لصدگ يسوه
وانتِ والحُــسَــين منــين ما اصفن
الگلب اليسوه ينبض بيكم اتچوه
من كنتِ مولاته مقبوله دعواته مسموعه كلماته
الحمد لله
خالد عبد الساده البديري
بيبان الجذوع اثكَال تكسر ضلع التعصره
ومثل طبكَـ الجفن هالباب هيج انطبكَـ ع الزهرة
من جذوع وثجيلت وزن
الشيطان ضل يصرخ وأن
تكسر ضلع التعصره
**
غريبة
مازالت بعد ابيها تبكي الفقدان
وكَالو دمعج يؤذينه عوفي الأوطان
حيدر من طين يسوي بيت الأحزان
من الـبجي ممنوعه ما تهـمل العبره
لو نوت تبجي عله ابوها تقصد الصحره
غريبه تعيش ام الحسن بالدنيا
تستضل بشجره تبجي وكطعو الشـجره
غريبة
لازم ترحــل الزهراء وبعيد اتهلها عبرتها
وبيت احزانها تكَصده غريبه وتجري دمعتها
بعيد انبنه بيت الحزن
الشيطان ضل يصرخ وأن
تكسر ضلع التعصره
***
حزينه
بدمعات الغربه الزهره تنوح المختار
وبزر الشيطان اتجمع ويهجم ع الدار
اباب الزهراء القدسي يجمـــعون النار
حزينه
عله باب الزهره ارذل ناس مجموعه
انقلاب وصوت عالي وصرخه مسموعه
فدك نسلبها صاحو الخلافة نريد
( الـ ينادي ابحق علي ينكسرن ضلوعه)
عله باب العصمه متجمعين والشيطان يطلب ثار
لا زم يحترگ هالبيت اباب الزهره شبت نار
بسابع سمه صار الحزن
الشيطان ضل يصرخ وأن
تكسر ضلع التعصره
****
هضيمه
مابين الباب وحايط الزهراء اتطيح
ودمها الطاهر بالعتبه عله الكاع يسيح
و ماصاحت حيدر حسره يا فضه أصيح
و خلف الباب لاذت فاطمه البضعه
وابن الـــمو حلال ابرجلـــه ايدفـعه
من الشيطان امر فل تقتل الزهراء
وجهه الزهره قنفـــذ قرر يصفعــــه
من دفعوا عليها الباب لاذت فاطمة ابسدها
بضلعها اتنبت البسمار وصاحت فضه تسندها
واضلوعها انطحنن طحن
الشيطان ضل يصرخ وأن
تكسر ضلع التعصره
****
مصيبة
نيران وهوست وادم عله أعتاب البيت
و حيدر ما يحجي اموصه من رب البيت
قبضت ايــــده ابفـــــقاره تسولف ياريت ؟؟
مصيبة
واحرگو دارَ فاطـــم هـيه والبيــها
ابتدائاً بــيت نحرگ وخيمه ننهيها
علي موصـــينه يســكت مايسل فقار
و ألا ارگبـــنا من الروس يمــــحيها
اتخيل حيدر ابالك وطاااحت يمه فاطمته
وما متوصي ابو الحسنين وكون الزهره صايحته
جا ما بقت روس ولسن
الشيطان ضل يصرخ وأن
تكسر ضلع التعصره
****
كسيره
مكسورة ضلع وخاطر عاشت ايام
محنيه الزهرا صارت من الظلام
و محنيه توصي ابزينب تحجي عله الشام
تجر النفس گوه وتحچي كلـــمتها
الشاااااام الشااااام زينب هيج سِمعتــها
اليحرگ بابي هسه يحرگ الخيمات
بدمعها الزهره صارت تحجي قصتها
اليكسر ضلعي يازينب باجر يذبح حسينج
المد ايده وسطر خدي باجر يسطر ابعينج
يفرونچن باجر مدن
الشيطان ضل يصرخ وأن
تكسر ضلع التعصره
يا يوم اشـــــوفن قُبِتك
ابخيت الترزقه ازيارتك
يا رازق الحب للخدم
حلمي السجود ابتربتك
••••••••••••••••••
احااااا يجرحي المابرد كل ساعة يلچم روحه
ع الجبله يتوجه دمع وين الچبـيره اجروحه
چا يمته مشااي اعتني وشباچك ايدي تلوحه
بعيوني اسولف يالحسن اسوالف دمع مفضوحه
يمته المواكب تنصب
مشااايه نطويه الدرب
نزور الحسين ونعتني المجلس نعقده ابـ حضرتك
•••••••••••••••••••••••
اول حلم واخــــر حـلم منك بخت تنطيني
استعطي جاي بدمعــتي يمك عبد خليني
بگاع البقيع اسجد ردت بترابه اكحل عيني
عبدك وابن عبدك انه يـ الخيرك امغطيني
عليك ابدمعتي اتوكلت
وانت الكــريم وآمنت
مترد الـ يجيك بطلب وتترس ادين الـ طلبتك
••••••••••••••••••••••
يا بسمة اشفاف النبي و ياااا فرحته الـ بعيونه
اشكد سولف عليك وحجه شكد شالك عله امتونه
و بزرة ابليس بهالوكت قبرك سعو يمحونه
نور الله انت وماااا درووو ايخيبون الـ ايطفونه
بصدر النبي نسمة هوه
بوجه السمه انت الضوه
ما يطفي نورك سيدي و خسرانه ناس العادتك
•••••••••••••
چااااا يمته ننظرلك قبر ونعلي فوگه الرايـه
حفاي والله يالحسن من نعتــنيك اعنايه
نرفع اذان ابحضرتك نشهد رضاااااك الـ غايـه
وبرض البقيع المنتظر يستقبل الـ مشايه
چااا يمته مولاي الحسن
انسوي مجلس بالصحن
من يقره رادود العزه ويانه تنـــزل دمعتك
•••••••••••••••••••••
بگلب اليحبونك قبر كل شيعتك بااانيلك
بشوال كل موسم دمع بخطوة عشگ نمشيلك
كل المواكب تنطلق ومسعه اليحج نسعيلك
ابـ جرح البقيع الما برد من هااا الزمر نشكيلك
نمشي وجرح شابگ جرح
عدنه الرگب تهوه الذبح
شما جارت اعلينه الفتن يكبر عشگهم شيعتك
تمت الحمد لله
خالد عبد السادة البديري
يارمح مو كَلبي شلعته
وي نحر ابوي اتلاكَه يمته
بجفوفي شايلته الماي
وعالي انت يارمح هواي
يارمح مو كَلبي شلعته
====================
حاجيتك
رمح هذا النحر متعوب ... نحر شالع هواي كَلوب
حاجيتك
علكيفك بالمشي اشويه ... ارحم نحر ابو ارقيه
حاجيتك
بهذا النحر لو تعرف شصار
والجبهه هاي الشبعت حجار
يارمح باااجر حضر أعذار
هذا النحر يارمح ينباس
مو فوك راسك ترفعه الناس
يارمح ليش بلا راي
وعالي انت يارمح هواي
يارمح مو كَلبي شلعته
====================
ما نرجع
راسك ع الرمح يفتر .. واني بناكَه كطعت بر
ما نرجع
رقية مجتفه وصاحت .. رقيتك للسبي راحت
ما نرجع
مالوح نحرك صاير بعيد
شيال رمحك مني شيريد
من انظر لنحرك خطوته تزيد
اسياط ضهري ابوالدي تعيل
يضربون متني ومنحره يميل
مايرضه نحره بمبجاي
وعالي انت يارمح هواي
يارمح مو كَلبي شلعته
====================
مانلتم
جسم مابي نحر عفتك .. ونحر فوك الرمح شفتك
مانلتم
شبكَت راسك عفت صدرك .. بست صدرك عفت نحرك
شيلمنه
حاولت اشبكك جيتك بليل
وعرفت بيك شسوت الخيل
مطشر لكيتك ع الرمل حيل
النحر ابوها بعيد صاااييير
تلكي عله صدره آثار حافر
الرايح يسحكه والجاي
وعالي انت يارمح هواي
يارمح مو كَلبي شلعته
===================
يا نحره
المشه ويانا بهذاك البر .. شكثر فوك الضعن يفتر
يانحره
اعثرت بالممشه رجليه .. هز رمحه ونضر ليه
يانحره
نحر المحنه الفوك لرماح
يهز رمحه إذا منه طفل طاح
يندار لينه بعز الجراح
من الرمح واندار اليه
اسمعته صااايح يا رقية
من اعثر يميل وياي
عالي انت يارمح هواي
يارمح مو كَلبي شلعته
===================
جا يمته
النحر من ع الرمح ينزل وتخلص فركَــــته التكتل
جا يمته
بعد فركَتنا نتلاكَه ودمعتي اتبلل ارياكَه
جااااا يمته
نتلاكَه بعد فراكَ ايام
محتام كَلبي هواي محتام
كون الا اموت عليه بالشام
اني ادري من تنزلي ارتاح
ع الطشت موت وملتقى أرواح
ينزل واموتن بهداي
عالي انت يا رمح هواي
يارمح مو كَلبي شلعته
=====================
الحمد لله
خالدعبدالسادة البديري
بدمعاتي اهاجر ▬ اســـــافر ▬ ما ضيع الدرب
اليبجي عله غيرك ▬ خطيه ▬ مايعرف يحب
والتنفس هواك ▬ ويحب واحد وراك
مايعرف يحب
الهوه قرايه .. الدمع رايه
العزاء سوالف الهااااايم
اليحب اسمك .. وقف دمعه
عله غيرك بالعشك صايم
بچيسك راح اخلي سوالف الفطره
وي الــخدمه رايد تكبر العِـــــشره
محزم كون أضل ابرايتي الخضره
طير ادموع اني وجرحك الشجره
خُذ هذا دمعي .. تَـقَـبَـل .. فيكَ عَبرتي
قد قلت فيك .. يقيناً .. انك جننــتي
فمن يعشق سواك .. ويحب واحد وراك
مايعرف يحب
*
عله الفطره. العشك جويه
وبخيت الروحه محروكه
اليحب مثلك خيم نوحه
حرام اجفونه مطبوكه
اوعليك اتوكلييت وعاكد النيه
ويبو السجاد رايد عينك اعليه
اريد اعليك انووح اشبيه مابيه
خدمتك باقييه والدنيا مكضيه
بعالم خدمتك .. ونعمتك .. خل يمشي العمر
غايت رجائي .. او دعائي .. اعليكم انكسر
المهم عندي رضاك .. اليحب واحد وراك
مايعرف يحب
**
انه الضايع انه الهايم
او لكيت ارويحتي ابابك
وبخت عندي صرت خادم
عبد واكف عله اعتابك
عبد خليني اعيشن دنيتي يمك
خشن عنده الهوه المتعود ايشمك
بخيت الفاني عمره ورايد يخدمك
و مو امه الدعتله الداعيتله امك
الجاي بدمعته وحسرته ولبابك رغب
الزهره الزجيه .. توفقه .. ومتردله طلب
النسه ذني وجزاك .. ويحب واحد وراك
مايعرف يحب
***
اللكه ادموعه عله اعتابك
عله جروحه يضل خااايف
الرسم نحرك وگع حيله
و الله يساعده الشاايف
كالو ع الرمح راسك يبو الاكبر
وين تروح زينب منحرك يفتر
الماشايف رمح لجروحه مايگدر
والشافك ابروحه ايموت يتحسر
جرحي اليرسمك .. ويفهمك .. امعاشر ذبح
المات بحسرته .. ودمعته .. يموت بكل صبح
اليحب يندل ضواك .. ويحب واحد وراك
مايعرف يحب
*ه
اليحب مثلك يحب جرحه
وشااايف كلشي بحساسه
ويضل يحسب لعاشورك
لحد ما تخلص انفاسه
اليحبك تلكي عاشر دگته ونبضه
العاشگ گلبه بارد روحه ماترضه !!!
حلو تعبي بخدمتك واعشگ الركضه
الدمع عيني علمودك واجب اتفرضه
المجوي بمحبتك .. بخدمتك .. تخلص دنيته
الايامه عاشر .. حوافر .. يشعر داسته
التعب يحله بهواك .. اليحب واحد وراك
مايعرف يحب
*
اليضل محني عله عاشورك
لازم كسرته ابروحه
العطش جاسه اليحب مثلك
وكلش عايش اجروحه
الرايح عمره دمعه وبالدمع راجع
الما ملچوم گلبه لطيحتك ضايع
المو عطشانه روحه هذا ما قانع
يموت اليدري امامه من المهر واگع
مشيني بيدك .. واريدك .. تسكن عبرتي
علمني احبك .. واندبك .. وارحم دمعتي
نساه الله النساك .. ويحب واحد وراك
مايعرف يحب
الحمد لله
خالد عبد السادة البديري
من اول جرح لاخر جرح حاضر
من العطش حد سحكة الحافر
بركب السبي ضل شاهد الباقر
من البدء للخاتمه
جرح السبي وجرح الضمه
لاخر جرح حاضر
••••••••••••••••••••••••••
1
من لحظة خروج حسين بضعن عن المدينه وراح
الى لحظة وصول الطف ويوم هدعش بان ولاح
شاهد ع السفر والموت شاف حسين مملي جراح
من صيحت وحيد حسين ولحد ما يذبح الذبااااح
الباقر شاف ركضت خيل والناس
وحيد حسين طااااح وماكو عباس
بعينه يشوف صدره شلون ينداس
شاف من القفا مذبوح الحساس
لكل الجره ابصبح اهدعش شاهد
وشاااف الشمر فوك الصدر صاعد
و من الذبح لا ما سلم واحد
شاف التسلب خاتمه
من البدء للخاتمه
@@@@@@@@@@@@@@@
2
وشاف حسين رد محني ودخوله الخيمت الخوه
بديه من شافه طيحها ويطب صدره النفس كَوه
رايح جيشي يازينب راااااايح زلمتي اليسووه
من صااااح انكشف ضهري شافه الباقر اشسوه
وكف محني ويصيح ابنص الخيام
صاح اتحضرلي اسيوف واسهام
يزينب ذبح حصتي وحصتج الشام
راح البي نشد يم عون الحزام
الباقر يشاهد حالت العيله
العباس طاح وكلها تبجيله
الان انكشف ضهري حسين يحجيله
ضل بس ينوح امخيمه
من البدء للخاتمه
@@@@@@@@@@@@@@@@@
3
ومن اول وجع بالطف لحد اول رمح ينشال
من اول هزله جابوها لحد الكَيد والاغلال
الباقر حاضر بذني وشاف من الطفوف اشكال
غربه الاوله وجه حسين من راعي المخيم مال
سامع بذنه صوت "حسين اريحوه"
اكَبال اعيونه نحره ابرمح شاااالوه
الطفل عبد الله شافه شلون يسكَوه
نحر شااابكَ سهم للخيم ردوه
حرك الخيم ضل عايش ابروحه
نحور اهله بالطف كلها مذبوحه
مجروح كَلبه وروحه مجروحه
جرحه بكبر هاي السمه
من البدء للخاتمه
@@@@@@@@@@
4
وي لحظة صعود التل ولحد حسين النه الحكَ
ومن اول سهم جايب نار الى ان بالمخيم دكَ
بأول وين بابا حسين تفتت منها كَلبه وطگ
عمره اسنين معدودات ودخان الخيم يشهكَ
شاف بعينه اهله الراحو اجتول
ونضر ركضت رقيه ابين الخيول
ربات الشرف فرن باتن ابجول
وخاتم مو بدين حسين مشيول
مسلب يضل حسين بالحومه
فوكَ الذبح هم سلبو اهدومه
مذبوح هوه وذبحوو كومه
نار المخيم مضرمه
من البدء للخاتمه
@@@@@@@@@@@@@@@@@@
بعد ما عافت المذبوح. وصدره على الضهر مطبوكَ
من اول التفاتت موت من جابوها عرجه النوكَ
التفاتت زينب التحسب وراهاشجم سبي وجم سوكَ
ومن اوداعها العباس ونظرتها ام كَلب محروكَ
ضعن بالصحره يمشي وروس الفياي
نحر وتكَله زينب دومك وياي
راس عله الضعن يارايح وجاي
الباقر جان شاهد والحجي هواي
رووس الهواشم ع الرمح صارن
فوك العقيله عله الهزل دارن
و من السبايا بلا زلم حاااارن
فوك الهزل جم فاطمه
من البدء للخاتمة
الحمد لله
خالد عبد السادة البديري
انه ويرمحك سالفتنه اطويله
وجروحي كثره وهايه اول ليله
من الحجار ** للخيام
من الماي ** الى الشام
سالفتنه طويله
***
1
نبدي بأول اجروحك
من اسمعت من الخيم كلمة عطش
بأول غربه بعيونك
وانت تتأمل وضــع ليل اهـــــدعش
راح ابدي اجروحك اشرحهن منك رايد حرگه وحيل
من ديرت وجهك لخيامك تحاول توگف بس اتميل
من اول هِم روحك من زينب من وصلنك عشرةخيل
ع الخيم عينك * والدمع بعيونك
السبي الزينب ** والسحگ بمتونك
السبي ادموع * الك ضام
من الحجار ** للخيام
سالفتنه طويله
**
2
ويلي اشكبر جرحك
وگلبك لـ أكــبر علي يســــولف تعب
يعطش باچر اوليدك
لسانه بالعــــــاشر كأن قطـــعة خشب
وگدام اعيونك من يمشي وروحك تشــعر بي ذبلان
والشلعت گلبك يتلوه اگبــال اعيونك چي عطشان
واتفتش صدره وماتلگه ماضل سالم اي امــــچان
الوجهه تضمه ** خايف يحسدونه
هسه التجرحك ** صارو يذبحونه
شبع موت ** من السهام
من الحجار ** للخيام
سالفتنه طويله
***
3
ديرت وجهك اتدور
عيونك بعــــازت اخو تــدور بقيـــت
خالي من شفت ضهرك
يعني ضهرك منكسر هسه انحنـــــيت
شكد تانيته يرد لعيونك ضهرك خالي اشكد ضليت
جيشك راح الـ يلزم ضهرك ولـ خيامك وحدك رديت
زينب راح الي يشد حيلي بنص اخيامك من ناديت
وحداني صاحو * راح اخو وحزامه
وگباله نحرگ * عله عياله خيامه
تره يطيح ** اذا گام
من الحجار ** للخيام
***
4
لحظة وكفتك وحدك
منين متباوع يجي لصدرك سهم
لحظه تنازع ابروحك
صحت اذبحوني لجن عوفو الخيم
لمثلث من صوب كَلبك يدري بگلبك جنت شــضام
يعرف گلبك جمره وتلهب وتوجع كَلبك حيل الشام
گلبك يم ارقيـتك يدري جاااي الليل اويــــن اتنام
نار المخيم ** بالركض تچويها
گلبك يگلك ** يمن اتخليها
الگلب نار ** ع اليتام
من الحجار ** للخيام
****
5
وكفت زينب گبالك
وانت ذباحك صعد فوگ الصدر
ترفع ايدك وتنزل
جنك اتگلها يخت گلبي العذر
موادع بس شنهي من اموادع روح وعافت جنها الروح
جم سوگ امتاني المسبيه والرمح ايريد المذبوح
صعدت راسك فوك برمحه مخلي اطفالك ليك تنوح
يبچن لرمحك ** لمن يشوفنه
ابهيده وي ابونا ** گامن يحاچنه
ويجي الراس * بالاحلام
من الحجار ** للخيام
الحمد لله
خالد البديري
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
بجدم عاثر .. وكسر خاطر .. اجـيت الليله ادورنك
يبو الاكـبر .. تره الــخدر .. اجن كلـهن يشــوفنك
اجن وياي .. بديــهن ماي .. رادن بس يشــــربنك
رقيتك .. وحگك تكسر الخاطر
رقيتك .. تگلك باجر انــــسافر
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
حرت يحسين .. اشوفك وين .. گـوم اتلگه عايلتك
لمجانك جيت .. بس شلگيت .. اثر دم اولا شفــتك
اثاري الخيل .. تسحگ حيل .. اثاري ابعيد ماخذتك
رقيتك .. بأديه جــايبه امـــيه
رقيتك .. تگلك الحـــگ ارقيـه
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
اثر دمـــك .. وعطــــر جسمك .. هذني اعليك دلني
الجروح اشــگد .. ولا تنعـــد .. جــــروحك حيل اذني
يريحت هيل .. تسحگك خيل؟؟.. يريت الخيل سحگني
رقيتك .. تريد الشبگه اعرفنها
رقيتك .. بس اســــهام منعنها
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
تجمـــعنه .. ابمـــدامعنا .. العـــــليل وجـــاب عماته
عليك تطيح .. رقيه تصيح .. اريد اغفه اعله ادياته
تدني الــماي .. تون بهداي .. يعــــمه اهواي طعناته
رقيتك .. تشـــبگ رادت ابهــيده
رقيتك .. تگول اصبع نقص بيده
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
بجينالك .. حجيـنالك .. سوالف تكسر الخاطر
يخو زينب .. الگلب شيب .. اه ياليلت العاشر
اودعنك .. واعـــوفنك .. ومشينه ابخطوة الحاير
رقيتك .. مشت وعليك تتحسر
رقيتك. .. تگلك گوم لو تگدر
حسين .. غريب .. يا ابا عبد الله
حسين .. غريب .. يا ابا عبد الله
"""""""""""""""""""""""""""""""""""
سامعه الصوت
صوت كسر اعظام هذا وكَلبي حاير
سامعه الصوت
بس كَبل بسمار جان وهسه حــافر
نشلع كَلبي مَرِتين**ويالزجيه اوي حسين
سامعه الصوت
¯¯¯¯¯ ¯¯¯¯¯ ¯¯¯¯¯ ¯¯¯¯¯ ¯¯¯¯¯
بهيده ابجي.. المن احجي .. صوت اخذ روحي وعلي لمن سمعته .
كَبل عصرات… هسه سحكات… صوت جن ضلع انكسر هذا عرفته .
اخ من هاي الحوافر شيبتني
شما تدوس ابهيده اصيحن دولبتني
بصوت اه من امي طالع ذكرتني
داست بصدر الحسين ودوهنتني
بهيده ياخيل
هذا اخوي شبيجن بهيده على صدره
بهيده ياخيل
شو حوافرجن غـــدة من دمه حمره
شبجين تطلبني دين
نشلع كَلبي مَرتين
سامعه الصوت
***
شفت الحسين… طاح مرتين… اني ع التل وندهلي خلص الحــيل
بحسره اناديه ..حسين احاجيه… خويه هم روحك تره وصلنك الخيل
سحكن بصدر الحسين وكلها تشهد
واني انادي خيولكم سحكت محمد .
ردت واحد بي رحم بس مامش احد
جن اسمعه احســــين يازينب تنهد
والله حيره
بصدر اخوي احسين جم حافر لكيته
والله حيره
لو ابو فــــاضل عدل يفـــزع نخيته
وين ادير الوجه وين
نشلع كَلبي مَرتين
**
شفت واحد… فوكه كاعد… برجله داس حسين وكَبالي يرفسه
بعيني شفته… حز ركبته… واني انادي هذا اخونه لا تلمسه
يحز ركبته وتارسـه وجهه ابتسامه
دنت نفسه وباك من راسه العمامه
وهوه يذبح بيــه شافــنه اليتــامه
وجنه راس حسين ينــده بالسلامه
جيت اركض
بس احس بالراس جان يكلي ارجعي
جيت اركض
السبكَني بطيحته من اعيوني دمعي
انده بصوتي الحزين
نشلع كَلبي مَرتين
سامعه الصوت
**
واني ع التل ..كَلبي يسأل… اشلون اخلص حسين ورجع يم خيامه
المن امشي… رعب كلشي… شفت باكو محبسه وسلبو عمـــامه
للخيول احــسين صدره صار ملعب
واني ما اكدر ليمه شــلون اكرب
الموتتني بعيني شفته من تسـلب
شارب حسين وعلي بالدم تخضب
العذبتني
واحـــد لواحد شــمر ياناس راســـه
العذبتني
دم اكو بموضع كَبل بي جدي باســــه
بس انادي بالونين
نشلع كَلبي مَرتين
سامعه الصوت
**
هواي الجروح… التاخذ الروح ...وانتظر ليلي يحل خاطر اروحن
اجمع اضلوع… واحجي بدموع… غادي الم اوصاله ويم صدره انوحن
روحي اخلصها ردت دمعه على دمعه
اثر حافر هذا باقي فوك ظلعه
هذا جف احسين بس مكطوع اصبعه
وفوك صدره لجم رجل متروكه طبعه
يا زمن لا
هذا اخوي شلون الم جسمه باديــه
يا زمن لا
واني راح اطلع تره باجر سبيـــه
هاي قصتي ويالسنين
نشلع كَلبي مَرتين
سامعه الصوت
*
خالد عبد الساده البديري
البكَه براسك .. انحمل راسه
انسلب ثوبه .. المهر داسه
يااااا مهدي
**
طاح الحسين عله الرمل .. ومن السحك جسمه نفرش
طحن الرحه حسين انطحن .. و ماجمع أعضائه النعش
مشلوع كَلبه من الذبح .. طبرات البنحره اثنعش
وميت قبل موته شكثر .. مااات الحسين من العطش
تره لسانه .. خشب صاير
على صدره .. اثر حافر
يااا مهدي
**
ومن الخيم زينب اجت .. وتعنته تركض ركض
تركض اجت زينب اله .. و هاي الطلابه الما تفض
وشبيها يا حيل اليضل .. تتوجه زينب ع الارض
جدامه الخيل من اجن .. بيه اركضن طول وعرض
زحف يزحف .. اجه عليها
متت زينب .. يحاجيها
*
يا مهدي حارت عمتك .. شتتحمل الحره بعد
من صاحته حسين وسمع .. لم روحه ولزينب كعد
بس بالرجل داسه الشمر .. من هالوجع جا شنهي أشد
جدك على وجهه انكَلب .. فوك الضهر شمر الصعد
على وجهه .. يكلبونه
من المكَفه .. يذبحونه
يامهدي
****
من هدئت اطبول الحرب .. التمن ابهيده واجن
وحده بضهر وحده الزمت .. بين الجثث كلهن مشن
مطموم جسمه من الحجر .. يوخرن بالاحجار اكعدن
ولزمن يمينه والاشد .. اصبع نقص بيده لكَن
نقص بيده .. صبع طايح
ويدورنه .. الصبع رايح
يامهدي
***
ومن الصبح صار السبي .. والمسبي تكتل حالته
فوك الرمح صار النحر .. مشيول زينب شافته
جا بن اله ماي واجن .. انزلي زينب صاحته
ابنياته كلهن حاولن ماوحده منهن لاحته
ركض ركضن .. يحاجنه
الرمح عالي .. شيلوحنه
صار الليل هسه وممشه الك جيت
تعبانه وكسيره
ادور بالجثث وين الكي الحسين
حيره حسين حيره
اول مره اجيك وانت متكَول
اجتني اختي الجبيره
راسك ع الرمح وانت عله التراب
شتلمك يا حصيره
نسيت اولاد عندي وطاحو وياك
عفتهم بس اريد حسين الكاك
الولد وامهم واهلهم وكل العزاز
يبو الاكبر هذوله الكل فداياك
نوينا عله الرحيل وكربله الوجهه
و أكبر روحي اشوف المهره يسرجهه
قناديل الســــفر من نمشي مطفيات
إذا ردنه الضوه بس نصفـــن ابوجهه
بسفرة كَلبي المحزون
كل خطوة تصيح شلون
صارت كـــلمـــات عيون
نحيب
هجرة موت وحسرات
هجرة حركَ الخيمات
كلشي من الطف لجمات
يجيب
بني علي.. بني علي
======================
ومشت بينا الليالي وكربله حانت..
اخر نظره اليه وي علي جانت
ابه كال وعرفته انه اشكثر عطشان
كسره بطولي احسها من مشه بانت
من عني الاكبر راح
حسيت بكَلبي صياح
طاحت روحي و من طاح
هويت
رايح راجع محتار
مشعوله بصدري النار
ناشف ريجي ومحتار
بجيت
بني علي.. بني علي
=================
واسمع صوت تكبيرت علي الأكبر
رجف كَلبي واخاف عله ابني من الشر
رِجعت لأمه اصيحن يم علي ادعيله
وافرك بايدي باقــــي و لـ علــــي اتنطر
و فز كـلبي الاكبر جاي
يا بوويه يصيييح الماي
عطشان اوليدي هواي
شيصير
وملاكه المدمع صار
وحسيت بصدره النار
جن خشبه لسانه صار
شيصير
بني علي.. بني علي
====================
وهاي الروحه اخيره ومنها ما يرجع
فجأه صوت ابه ادركني بذاني اسمع
ركضت من القلق والحيره البصدري
علي الأكبر لكــيته عله الثره موزع
شفت الاكبر مطروح
و حسيت بفقد الروح
عايف كَلبي المجروح
حزين
شلت ابني بحضني وجيت
بكسر الخاطر حسيت
وأشعر ميت رديت
حزين
بني علي بني علي
===================
ارجعت شايل حبيبي يخطن اجدامه
موذر علي جبته وجاي لخيامة.
اطب للخيمه اريد وامتدد ويااا
وافل وي البواجي بجفي العمامة
صحت الاكبر مارد هاا
وتمددت بهيده ويا
نواعي الفاكد انعاه
وموت
بجبينه آثار أحجار
فتشت اجروحه كبار
شيصر كلبي المحتار
يموت
راح وكسر ضهري وخاطـري وگلبي
راح وحرت بعــده وضيـعت دربي
البلخمسين عمره هذا شلــون يعثر
مو مال اركض اني بس ركضني الأكبر
***
رايح راد مشــدوه انتــــظرتـه
ومن هالروحه مايرجع عرفته
صاح وكمت أحس الشيب أخذني
بركض مو مال عمري من گصدته
اركض واعثر طاح الاكبر مالمها البر روحي
كسرة ضهري غصة صدري شصاير مدري روحي
طاح البي اشـــدن حـــيلي واحــزامي
الزلم والخيل اشوف تسحگه گدامي
من اسمعت صوته احس گلبي تفطر
مو مال اركض اني بس ركضني الأكبر
**
طيحت علي الاكبر كبرت تعبي
ومن هالطيحه كل شلعان گلبي
واگف من سمعت ادركني صاحالي
غواش ابعيني صار وتيهت دربي
تذكرت امي *من صاح اسمي * تغير رسمي * هوايه
طلعت روحي *وسمعو نوحي * عله ابني جروحي هوايه
شي بالسيف شي با رماح مطعون
و كتلنالك علي الاكبر يصيحون
مات وليد گلبي الدنيا براسي تفتر
مو مال اركض اني. بس ركضتي الكبر
**
ركض من اعتنيت ادموعي غلبني
صح خطوات بس الموت راوني
امشي وخيل اشوف يسحگن بصدره
وگلبي ايصيح عوفنه واسحگني
بجدمي الضايع * رايح راجع * ابني واگع ** گبالي
طعنه بصدره * عبرت ضهره * خلص عمره * گبالي
مــشيب لكن اركــض خايف وحايــر
چبير حســـين صاير عرضــه للحافر
بس لمن وصلته ** شفت الاكبر ازغر
مو مال اركض اني بس ركضني الأكبر
**
ساكت ماحـــجيت وكاتم نياحي
بس ابداخلي شلون اكتم اصياحي
طاح وايدي لزمت گلبي لا موت
وايدي الثانيه امخليها بصفاحي
* اركض جيته * ما حجيته * بس لميته * بيدي
بحضني ويوكع * مايتجمع * روحه التطلع * بيدي
ورجعت على المــخيم جايبه اجنازه
اوليدي البيدي ميت حيـل معتازه
رجعت عله المخيم صاير وجهي اصفر
مو مال اركض اني بس ركضني الأكبر
**
هويت اعليه شاب ومن كمت شايب
الاكــبر مـات بس اميه ماشــــارب
بيش ارجع لزينب تنتظرنه نعود
حيره عله المخيم ارجع اشجايب
و الشيبني * والعذبني بجروح ابني راجع
بحيرة روحي * بحزني ونوحي * بهاي جروحي * راجع
اخت وتشوف اخوها من رجع مايل
فــهمتني وبـــعدني احجايه ما گايل
يزينب يختي الحگي بعد ع الممشه مگدر
مو مال اركض اني بس ركضني الأكبر
**
الحمد لله شكرا لله
كل ساعه اتحير .. كل ساعة اتحسر
وكل ساعه لزينب ..
اجيي بخبر
****
زينب حاجيني .. كًومي تلكَيني
ماخذ روحي ..لوجع
المن اتعثر .. القاسم لو اكبر
واحد . واحد .. وكع
كل ساعه واحد للخيم مشيول اجيبه
كل ساعة راجع منحني زينب مصيبه
و كَلبي ع القاسم تره سمعو نحيبه
شتتحمل شتجرع بعد روحي الغريبه
من صاح الحكَني .. زينب ركضني
اتمددت بصفه .. نحنه الضهر
كل ساعه اتحير .. كل ساعة اتحسر
كل ساعه لزينب .. اجيي بخبر
***
كلهم خلوني .. كلهم عافوني
لازم ضهري وصحت
من شفت القاسم .. مطبور ونايم
واكف اني وطحت
لميت روحي ورحت اله ودموعي تجري
ضميته وبحضني نشغ مات عله صدري
اتتطشرت يزينب هامته وحيرني بمري
رديت جبته عله الخيم وايدي عله ضهري
كدامي اتلوه .. وبدمه اتروه
وموتني لمن .. الي نظر
*
رديت ابنوحي .. شرتاحت روحي
ماخذ حيلي التعب
كضيت اصفاحي .. مسموع نياحي
ولساني صاير خشب
ولميتهم كلهم سوه ولدي واخوتي
ومابينهم صرت انطرح واتمنى موتي
بالخيمه هليت الدمع وانسمع صوتي
وصحت الحوافر ياهلا فوكَاي فوتي
حَضرولِي الحافر .. يازينب باجر
ينطبكَن لازم .. صدر ضهر
****
تصيحيني وأسمع .. اركضلج واوكع
بوجهي ايطيح .. الحجر
زينب كدامي .. يحركون خيامي
وكَلبي وضهري ... انكسر
كلما كَمت ليج اعتني رجليه عثرت
كَدامهم ازحف صرت والخيل عبرت
بالروحه فوكَاي اصعدت والنوب رجعت
سحكَتني وتعنت الج للخيم كصدت
جيش من الوادم .. لخيامج قادم
حركَوها كَبالي .. متت قهر
**
من ديره لديره .. تمشين بحيره
هودج ماكو .. بعد
يختي يشتمونج .. يختي يبجونج
منهلج ماكو .. احد
ترحين زينب عله الهزل كَيد بركَبتج
شتدرين يا زينب بعد المن وجهتج
ومحد يضل يمج بعد انتي وغربتج
من ديره ولديره تره مطوله سفرتج
صاحو مسبيه .. صاحو منسيه
محد من اهلج .. الج ضهر
الحمد لله
زينـــب يخـتي كسروه كـلبي
بوجهي مبين هـمي وتعبي
راح اليّـحمي ضعوني
طايح مااي عيوني
كسروه كلبي
*
بعيني بس عباس واكف ومات هسه عله النهر
ويا نهيبــتنا الجبيره والطايح احزام الضهر
يعني هسه انت سبيه وانه مكطوع النحر
اني وانت ام عون يختي بعد ما عدنا كمر
اول مره خويه يكلي
جايك كتله يابعد اهلي
تغير شكلي ولوني
طايح ماي عيوني
كسروه كلبي
***
صاااح اخوي حسين الحكَ واركض تعنيت اله
وكتله ياعباس بعدك حسـين من يلحك اله
هاي الطلابه اشيفضـــها صوتي يم راسه عله
حيل ما عندي لوداعك الحيـــل طااااح بكربله
راجع منه تخط جدامي
ادور النااار تلوح اخيامي
هسه الناس يدروني
طايح ماي عيوني
***
من وصلته وشفته طايح نابت ابعينه السهم
كتله ها عباس يبني ومن سمع صوتي ابتسم
موذرينه يـــختي زينب ومايفيد ابجسمه لم
حاولت زينب المه وكال يحـــسـين الخيم
حاولت اجمع ..جسمه بأيدي
صاحب كَلبي .. وهم وليدي
انهدلن يختي متوني
طايح ماي عيوني
كسروه كلبي
***
يختي ماكو احزام ضهري راح ابو الغيره الكلف
يختي غربه الدنيا بعده وماكو بالوادم عرف
جيشي جان وراح جيشي وصار ضهري منــكشف
حيره شيحامي خيااامي واهجمو سبعين الـــف
ضجت وادم .. واني لوحدي
عباس الحك ... عبرو حدي
كوم ازلام لاكَوني
طايح ماي عيوني
***
راجع الجن خويه مايل الهوه من يدفعني اطيح
خويه كافل ضعني ماشي اباب المخيم اصيح
الحبل يوصل جف رقية بنت ابو النحر الذبيح
لو جريح بسيف هينه يختي بس كلبي جريح
الخيل الوصلت .. تسحك صدري
باقي لوحدي .. وحاير بمري
كَولي الناس سلبوني
طايح ماي عيوني
الحمد لله
خالد عبد السادة البديري
دخول رَكب السبايا إلى المدينة بعد رحلة الشام وكربلاء لسان حال مولاي السجاد ع
**
المستهل
كَــبل المدينـة اتعـــثرت
ردت ادخل الها ومكدرت
انصب عزه بنوحي صحت
اه اه
__
ردينه ابدمعتنه .. تحجي اجروح دمعاتي.
متعوبين من الضيم وجيت وياي عماتي
للمدينه عله الهزل مجتوف اجيت
وقبل ما ادخل عزه انصب نويت
اقرايه ع المذبوح يا وادم قريت
شلته ابحصيره مو نعش
طبرات الـ بنحره اضنعش
الكتلتني من صااااح العطش
اه اه
**
هو الصار موتني .. شعشت اجروح بالعاشر؟
بالخيمه.. بس اسمع .. كسر ضلوع بالحافر
هي لحظه وطاح كَلبي وعم سكوت
ردت اكوم ومن طحت ردت اموت
فجأه سَحك ضلوع اسمع بذني صوت
طايح ابوي وبي نفس
من سحكت بصدره فرس
او يافاطمه يمه همس
اه اه
****
من ع التل اسمع صوت هذا الصوت شيبني
اه حسين جنها تصيح بيك اتكَوم تلحكني
كام يزحف شفت ابوي وتالي طاح
طاح هوه اوكَــــفن ابضهره الرماح
خويه فرن بالبوادي بعينه صـــاح
هم روحك الحك صااااحته
هاااااي الحوافر وصلته.
طحن الرحه جن طحنته
. اه اه
.
***
والـي هواي بجاني زينب يوم صاااحوها
كالوو وين عمتكم وراس حسين راووها
وصوت زينب طلعوها ابكَلبي داس
وبالحبل مجتوفه اجت عمتي يناس
كَبالها واحد وكف بس بيده راس
ماتت كلت من شاافته
و الراس نزلت دمعته
وهي بدمعها حاجته
اه اه
**
وجابو نوك للنسوان وحده لوحده جتفوهن
اخ الشام اخ الشام بسوك. هناك فروهن
استقبلتنا الشام كلها وبيها عيد
علينه يتفــــرج بقه ياهو اليريد
اركَابنا تـــكَطر دمه من الحديد
ياناس واقع لو حلم
عماتي طرن ع الزلم
كل ساعه ياناس انثلم
اه اه
****
وي الروس طبينه ومجتوفين مشونه
هناك قصور بيها ابليس ومسلوبين وكفونه
وجابو الراس بطشت وانه انتهيت
وصاحت ارقيه هلا يابويه اجيت
طاحت عله الراس وبحركه بجيت
شبكت الراس وباااسته
وحبال اديها راوته
لحكنا يبويه حااااجته
اه اه
الحمد لله
خالد عبد السادة البديري
من تحيرت .. برض الشام
وعله الحسن .. كَلبي احتام
ضليت ألم .. بالايتام
والدموع بعيني
***
شجم مدينه شجم جزيره
عله الهزل فروني
صرنه فرجه .. حسن خويه
لجم بلد ودوني
افترينه الصحاري عله الهزل نمشي وأطفال ابضعنه
اخوي البي الوذ عله النهر مذبوح ياهو اليفزع النه
أنعم الله حسين راسه عله الرمح وياي وضل يتباوع النه
فوك الرمح .. صار الراس
فوك النهر .. ضل عباس
هو الجرح .. جرح احساس
والدموع بعيني
**
وكَفونا .. بسوكَ خويه
والتفت حيرانه
الخارجيه .. الشام صاحت
من الهضم تعبانه
وكفت ابنص مدينه ولا عرف بيها واتلفت يهلنا
أتاني وبلكت الله هاشمي اليوصل بلكت يفزع النه
اباب الساعة طاحن دمعتي وروحي هلي يهل المحنه
التمن سوه .. هالنسوان
جا يمته.. ارد للأوطان
خويه الكلب .. ضل حيران
والدموع ابعيني
****
الناس ضجت .. كلها صاحت
وصلت المسبيه
حجار مره .. ونار مره
استَقبِلَو العلويه
من سطوح المدينه حجار فوكي يطيح الشام استقبلتني
بحبل مجتوفه أيدي ولو شكفت حجار نزل صوط عله متني
عليه اتجمهرت يالحسن هالناااس .. وسوالفهم عمتني
واحد نشد .. واحد صاح
وين الكمر .. عنجن راح
جا يمته .. كلبي يرتاح
والدموع بعيني
**
لسه يوجع .. خويه كلبي
وموقف الاذاني
العشاااير .. جت لهلها
ولا احد حاجاني
النساوين واجتها اخوانها ورااااحت بس اني غريبه
وانه اتلفت بقيت وحيره محتاره العباس اشيجيبه
صفت زينب سبيه وع الهزل راحت صرت ثكله ونحيبه
كل المشت . جوها اخوان
بس كلبي .. عايش حيران
راح افتر .. هواي أوطان
والدموع بعيني
*
ولقصرهم .. دخلونه
والدموع ابعيني
تالي وكتي .. عله الدواوين
دهريي الموديني
ويمته ارتاح كلبي من الذبح للشام .. اكوم اكعد سبيه
وكفت بنص قصرهم والطشت جابو ... احس رجفن أديه
اثاري الراس هذا وللحرم قدمو .. عليه ماتت رقيه
هذا الجره .. وهذا الصار
خويه الحسن .. كلبي احتار
محد عرف .. وين اندار
والدموع بعيني
الحمد لله
الحسن والحسين...عليهما السلام...
وزيارة الأربعين
***
من البقيع اتعنه الك
بأربعينك اوصلك
خويه يحسين اجيتك
خويه يحسين
******
بربعينك خويه اجيتك ممشى للطف اعتنيت.
وإني يحسين بطريقك بدمعت المحتام اجيت
ازيارتك أقره بطريقي الفاتحه بدربك قريت
زيارة الوارث كلتها واشكثر خويه بجيت
بدربي أقره زيارتك... بيدي شايل رايتك
اني والشيعة اعتنيتك.....
الحسن اني حبيبك جيت أوفي ازيارتك
افتحلي ذرعانك يغالي ماني رايد شبكتك
قبه ماعندي على قبري خل اشوفن قبتك
من ترابي جبت حفنه ارد اخلطه بتربتك
خويه وينك ماتجيب. ...كوم واتلكه الحبيب
السنه خطار اعتنيتك
******
اليوم خل نذكره صبانه شلون لاوينه الدهر
اثنينه وعباس اجانه وكلنه اجه سبع النهر
وكلنه يا أهلا وسهلا طالع اليوم الكمر
ومن جنت تشتم شفافي وإني اشملك نحر
جنت اشمن منحرك. ...وادعي الله يصبرك
بدمع الدموم بجيتك
*****
بالدمع يحسين اجيتك احجي رايد اسمعك
الحوافر يوم عاشر هواي رضت اظلعك
احجي يالغالي لحبيبك وإني انشف مدمعك
ياجرح يوجع اضمده كلي شنهي اليوجعك
سهم عينك لو رمح. ...كلي اضمد ياجرح
تحجي ياروحي ارتجيتك
*******
خويه سولفلي على أخيك ذاك سبع الكنطره
يدري بأم الخدر زينب عكبه تمشي ميسره ؟؟
والله لازم هوه طايح وهمه حزو منحره
أدري مايترك اخيته وبوجوده مخدره
المايفارك خوته
وين جفه ورايته
طاحت وياه ثنيتك
*****
خالد عبد السادة البديري
سااااعات .. نوكف اباب الساعات
الشمات.. تسوينه فرجه الشمات
ويكتل بجي العلوياااات
من نوكف اباب الساعات
****
والعرف جرحي عرفني ... من احجي الآم
وراح اسولف عن مواقف .. كربلا وشااام
سيد البكائين اني وكلبي مشلوووع
الـ بلخيم وبأذني اسمع رض الضلوووع
حيره سالفتي ونحيب وحسره ودموع
الروحه ملجومه واسير وكلبه مفجوع
ليبات .. وبكلبه الجروح اتباب
لجمات .. من الشاااام شابع لجمات.
سالفتي شهكَه وحسرات
نوكف اباب الساعات
*
من خلص ليل اهدعش .. خلصت روحي
من شفت نوكَ الهزل .. شاااابن جروحي
مره حسره لراس ابوي الشوف اديره
ومره اشــوف شحال عمتــنا الجبيره
جتفوها وحيره شمــــرتني عله حيره
ومتت من صاحوها كومي يـ الأسيرة
اخيام .. ماضلت اعلينا خياام
ايااام .. كلهن وجع مووو ايام
نسولف قصصنا بدمعات
نوكف اباب الساعات
**
واتحضرن عماتي كلمن ناكه صعدت
طلعن ابهيئت أساااره وروحي طلعت
بالسلاسل عمتي زينب تمشي صارت
ومن ع الـ رماح وعليها الرووس دارت
وكبل ما ع الناكه تصعد جنهااا حااارت
هاي عازت اخو زينب هيج صاحت
الناس.. متجمهره اعلينه الناس
عبااااس.. اسمعها صاحت عباس
شلعت كلبها الحسرات
نوكف اباب الساعات
****
وانطلق مووكب سبايه .. كاااصد الشام
اسبعطعش راس ابرمح .. مرفوع كدام.
محني امشي وبيدي شدو كيد واغلال
و الضعن كلساعه توكع منه الـ طفال
افكد النسوان وابجي ودمعي همال
سبي لجم ديره خذوهن والدرب طال
بهداي .. ضليت اونن بهداي
الماي .. للنوك من جابو ماي
ناديت عطشاان ومات
نوكف اباب الساعات
****
هنه جم يوم وبعدها .. ندخل بسوك
وبين هوست زلم باجر.. توكف النوك
دفوف وطبول التدك وكلبي محتار
وناس تتلكانه بااااجر تشمر أحجار
وهوست كلها بوجهنا من الوكت دار
اوين ماااا اندار زينببــب ليـــه تندار
هوساااات .. من استقبلونا بهوساااات
لجمات .. التمينه روس ولجمات
مكاطف حجر وحجااااياااات
نوكف اباب الساعات
****
الحمد لله
خالد عبد السادة البديري
ع التله وصحت يحسين •• وانـــت ابآ خر انفاسك
شفت ابعيني حافر خيل •• حيل عله الصدر داسك
•••••••••••••••••••••
من الخيمه واجيت اركض •• متعنيه ابكسر خاطر
متغير لِگيتك حيل •• خويه ابحالك اشصاير
وي ما ليه شلت ايدك •• داسك ع الصدر حافر
عليه دارت اعيونك
شفت بحجار يرمونك
السحگه وصلت امتونك
اسمع صوت كسر اضلوع •• الله يساعد احساسك
••••••••••••••••
گصدت من الخيم للتل •• شفتك من طحت مرتين
شفت اجيوش حاطنك •• وملتمه الخلگ صوبين
هِـم روحك اجتك خيل •• عنهن گوم خويه حسين
صحتلك گوم لوتگدر
تنهض شفتك وتعثر
قميصك منصبغ احمر
شكثرها اجروحك التنزف •اشجم حافر فرس جاسك
•••••••••••••
شفتك من طحت مرتين •• وعينك صدت اعليه
بعيونك حچيت وياي •• وگلت اخر نفس بيـه
رقيه هِمست اشفافك •• ويمكن گتلي مسبيه
ردت اركض اشوفنك
بعباتي جيت اضمنك
عن الخيل اوخرنك
انه زينب يروح الروح •• سبيه تصير اعز ناسك
•••••••••••••••••
زلم تسبگ زلم يناس •• بحجر كامو يشمرونه
شفتهم من عليَ دارو •• گبالي اشگد يضربونه
شفت منظر اخذ روحي •• يضحكون ويسلبونه
يشيل ابگوه اجدامه
ابصدره كثرن اسهامه
خذو من راسه العمامه
يبو السجاد صايحته •• عنك وين عباسك
گعد فوگ الصدر ذباح • وانت ايفيض منك دم
برجله داســـك اگبالي • حيل عله الذبح مهتم
وكطع اصبع واخذ محبس••ويصدلي خويه واتبسم
شفته من رفس صدرك
و غرز رمحه ابـضهرك
بيساره ضل يحز نحرك
اشوفن واحد لواحد •• يشمر يـ الولي ابراسك
•••••••••••••••••
حسين هسه الليل هود *** ولملمت حيلي واجيت
______
مو من خيامي واجيتك الخيم طاحت من طحت
من التراب حسين جايه وسكته يبن امي صحت
حسين لو تسمعني دَلني انت وينك مو متت
خويه تعبانه ومعزتك *** دورت بس ما لكيت
حسين هسه الليل هود *** لملمت حيلي واجيت
***
بالجثث من امشي اعثر غركت بدمعي العيون
شلون كيفج لو تكلي لالي كيف ولا لي لون
عليك ادور بالي يمك واعبرت هذا ابني عون
درت وجهي حسين عنه *** جني ماعرفه وجزيت
حسين هسه الليل هود *** لملمت حيلي واجيت
*****
وكَلبي مااا رف عله ولدي ولا درت يم ولدي عين
امــشي يحسين وادور هسه عود ابن امي وين
بلكت الله وريحت امي ولني اشمها من الحسين
خويه اضن يمك جريبه *** اشهكَت عطر امي وبجيت
حسين هسه الليل هود *** لملمت حيلي واجيت
*****
كَلبي عت روحي ويجرني يصرخ حسينج جريب
روحي طلعت يابو الاكبر خويه حيل منين اجيب
أثر فوك الكااااع شفتك موذر وبالدم خضيـــب
لملميت ضلوع صدرك ** ميته من فوكَك هويت
حسين هسه الليل هود *** ولملمت حيلي واجيت
*****
لملـميت الباجي منك حسين اخوي بصفك انعه
شعملت الخيل عله صدرك ليش حكت روحه رجعه
وألزم جفوفك واشمهن نقص صارن خويه تسعه
بجف يمينك نقص إصبع *** الخنصر ابصفك لكيت
حسين هسه الليل هود *** ولملمت حيلي واجيت
*****
يارمح مو كَلبي شلعته
وي نحر ابوي اتلاكَه يمته
بجفوفي شايلته الماي
وعالي انت يارمح هواي
يارمح مو كَلبي شلعته
====================
حاجيتك
رمح هذا النحر متعوب ... نحر شالع هواي كَلوب
حاجيتك
علكيفك بالمشي اشويه ... ارحم نحر ابو ارقيه
حاجيتك
بهذا النحر لو تعرف شصار
والجبهه هاي الشبعت حجار
يارمح باااجر حضر أعذار
هذا النحر يارمح ينباس
مو فوك راسك ترفعه الناس
يارمح ليش بلا راي
وعالي انت يارمح هواي
يارمح مو كَلبي شلعته
====================
ما نرجع
راسك ع الرمح يفتر .. واني بناكَه كطعت بر
ما نرجع
رقية مجتفه وصاحت .. رقيتك للسبي راحت
ما نرجع
مالوح نحرك صاير بعيد
شيال رمحك مني شيريد
من انظر لنحرك خطوته تزيد
اسياط ضهري ابوالدي تعيل
يضربون متني ومنحره يميل
مايرضه نحره بمبجاي
وعالي انت يارمح هواي
يارمح مو كَلبي شلعته
====================
مانلتم
جسم مابي نحر عفتك .. ونحر فوك الرمح شفتك
مانلتم
شبكَت راسك عفت صدرك .. بست صدرك عفت نحرك
شيلمنه
حاولت اشبكك جيتك بليل
وعرفت بيك شسوت الخيل
مطشر لكيتك ع الرمل حيل
النحر ابوها بعيد صاااييير
تلكي عله صدره آثار حافر
الرايح يسحكه والجاي
وعالي انت يارمح هواي
يارمح مو كَلبي شلعته
===================
يا نحره
المشه ويانا بهذاك البر .. شكثر فوك الضعن يفتر
يانحره
اعثرت بالممشه رجليه .. هز رمحه ونضر ليه
يانحره
نحر المحنه الفوك لرماح
يهز رمحه إذا منه طفل طاح
يندار لينه بعز الجراح
من الرمح واندار اليه
اسمعته صااايح يا رقية
من اعثر يميل وياي
عالي انت يارمح هواي
يارمح مو كَلبي شلعته
===================
جا يمته
النحر من ع الرمح ينزل وتخلص فركَــــته التكتل
جا يمته
بعد فركَتنا نتلاكَه ودمعتي اتبلل ارياكَه
جااااا يمته
نتلاكَه بعد فراكَ ايام
محتام كَلبي هواي محتام
كون الا اموت عليه بالشام
اني ادري من تنزلي ارتاح
ع الطشت موت وملتقى أرواح
ينزل واموتن بهداي
عالي انت يا رمح هواي
يارمح مو كَلبي شلعته
=====================
الحمد لله
خالدعبدالسادة البديري
ع التله وصحت يحسين •• وانـــت ابآ خر انفاسك
شفت ابعيني حافر خيل •• حيل عله الصدر داسك
حسينا واحسينا
•••••••••••••••••••••
من الخيمه واجيت اركض •• متعنيه ابكسر خاطر
متغير لِگيتك حيل •• خويه ابحالك اشصاير
وي ما ليه شلت ايدك •• داسك ع الصدر حافر
عليه دارت اعيونك
شفت بحجار يرمونك
السحگه وصلت امتونك
اسمع صوت كسر اضلوع •• الله يساعد احساسك
••••••••••••••••
گصدت من الخيم للتل •• شفتك من طحت مرتين
شفت اجيوش حاطنك •• وملتمه الخلگ صوبين
هِـم روحك اجتك خيل •• عنهن گوم خويه حسين
صحتلك گوم لوتگدر
تنهض شفتك وتعثر
قميصك منصبغ احمر
شكثرها اجروحك التنزف •اشجم حافر فرس جاسك
•••••••••••••
شفتك من طحت مرتين •• وعينك صدت اعليه
بعيونك حچيت وياي •• وگلت اخر نفس بيـه
رقيه هِمست اشفافك •• ويمكن گتلي مسبيه
ردت اركض اشوفنك
بعباتي جيت اضمنك
عن الخيل اوخرنك
انه زينب يروح الروح •• سبيه تصير اعز ناسك
•••••••••••••••••
زلم تسبگ زلم يناس •• بحجر كامو يشمرونه
شفتهم من عليَ دارو •• گبالي اشگد يضربونه
شفت منظر اخذ روحي •• يضحكون ويسلبونه
يشيل ابگوه اجدامه
ابصدره كثرن اسهامه
خذو من راسه العمامه
يبو السجاد صايحته •• عنك وين عباسك
گعد فوگ الصدر ذباح • وانت ايفيض منك دم
برجله داســـك اگبالي • حيل عله الذبح مهتم
وكطع اصبع واخذ محبس••ويصدلي خويه واتبسم
شفته من رفس صدرك
و غرز رمحه ابـضهرك
بيساره ضل يحز نحرك
اشوفن واحد لواحد •• يشمر يـ الولي ابراسك
•••••••••••••••••
بضهر الـخيم دفنتـه
بس ع الرمح نضرته
اجبير الرمح اشوفه
وترفه اشكثر رگبته
:::::::::::::::::::::::::::::::::::
من جبته ابني عله الخيم وراويت نحـره لعمتــــه
من نحره وخرت السهم وبجفوفي صارت دفنتـــه
لحد ما گطع نحري الشمر عبد الله عفته ابخيمتـــه
لمن كطع راســـــي الشمر
فوگ الرمح صرت الضهر
شفت الرضيع عله الرمح
ومطلعينه من الگبر
ست اشهر وانضـــره
يابس دمه عله نحره
مثل الخشب شفافه
ميت عطش عرفته
:::::::::::::::::::؛::::::::::
تلاگــينه نحـــرين ابرمـح نحور بـشمس مو بفياي
حسيته صاح من النحر. يا بابا اخاف ابقى وياي
عبد الله مو مــالت ذبح بس مال يـتروه ابمــــاي
نحرين والكل مــــنجرح
ونحـره ترف حار الرمـح
ع الرمح ضيگـ منحره
هوه الطفل مالت ذبح ؟؟
ما ذنب طفلي اناشد
ع الرمح نحره گاعد
جبير الرمح واشوفه
ضك بوريده شفته
:::::::::::::::::::::::::::::::::::::::::
نحـــــري على نحر اولدي عطشان يشبگ عطشاااان
من الرمــح وعليه ملــت مَـــيَلَـــت نحـر بس تعبااان
ذاك الوجــه چـنه الشمس من الشـــــمس شووو ذبلان
طبرات البنحــري اثنعش
ونحر ولدي ذابل عطـش
زغيرون نحره وحَسبت
شلون الرمح يصبح نعش
من نحره مال إليه
تمنيت أحصل اديه
لوعندي صدري اشبگه
عله رمحه ماتركته
:::::::::::::::::::::::::::::::::::::::::::::::::
هو الذبــح مو للطــفل كـــــــون الطفل يشــرب مااااي
مو ينذبح نحره ابسهم ولا ع الرمــح يمشــي وياي
ولا يگــضي الدروب ابسفر نحر ابســبي ايدور افياي
فوگ الرمح گلبي انكسر
احاااه يكسران الضهر
عله وليدي خوفي ينضرب
من ينشمر راسي بحجر
أول حجر ضربني
ضل باليي عله ابني
هذا الحجر اخافن
لا يــوگع ابجبهتــه
::::::::::::::::::::::::::::
حُسَين حُسَين وا حُسَينا
وحيدا بالمخيم صرت يحسين
منو من السادة يمك
يبو نحر التخرب شكله الرماح
يفدوه اندار لسمك
فك صدرك اليه وخل اشم بيه
وهاي وصيت امك
قبل لا تنسحك وضلوعك تروح
اريد بروحي اضمك
وحيد بلا اخو ولا عندك أصحاب
الضهر بيمن تشده وكلها غياب
تطيح من المهر وسهامك هواي
يوجه الله اليلوحه شلون التراب
حُسَين حُسَين وا حُسَينا
====================
اخر وكفه اليه وياك يحسين
اريد بوجهك اشبع
اني اعرف تروح وانت خيااال
ومهرك خالي يرجع
حنان الله عله صدرك راح ينداس
حوافر فوكه تطبع
<وخرجت زينب > من الخيمه تنكال
كلفه ام عون تطلع
عجيج الخيل لمن يوصل شلون
تحير بيا يتيمه شتحمل ام عون
المهم ترتاح من الذبح يحسين.
وعون يروحلك فدوه وحته ام عون
حُسَين حُسَين وا حُسَينا
=================
من اخيامي للتل اركض عليك
واجيت ازحوف ليه
وحيد ابين هاي الناس والخيل
وعيونك عليه
عدل لو لا صحت تسمعني يحسين
وكَلت جم نفس بيه
هم روحك صحتلك جايه الخيل
تسحكَـك روحه جيه
يناااايم ع الرمل والله الرمل حار
شلت ايدك واشوف إصبع نقص صار
هاي الدنيا كلها وجيش وخيول
شي بسيوف اجتك شي بالاحجار
حُسَين حُسَين وا حُسَينا
==================
بيساره السيف جان من اجه الذباح
صعد خويه عله صدرك
عذراً جانت عيونك الي تكول
عليمن خويه اعذرك
على وجهك يكَـلبك ليش يحسين
١٢ طبره يطبرك
< ام حسن يمه تعالي > انعه ع التل
وبلكي امي تحضرك
بعد ذبحك اشم عطاب الخيام
افر بيا جزيره وعندي اليتام
كون انذبح يمك خويه وارتاح
ولا للسوك اطب وجايني الشام
حُسَين حُسَين وا حُسَينا
==================
صار الليل هسه وهاي الك جيت
تعبانه وكسيره
ادور بالجثث وين الكي الحسين
حيره حسين حيره
اول مره اجيك وانت متكول
اجتني اختي الجبيره
راسك ع الرمح وانت عله التراب
تلمك يا حصيره
نسيت اولاد عندي وطاحو وياك
عفتهم بس اريد حسين الكاك
الولد وامهم واهلهم وكل العزاز
يبو الاكبر هذوله الكل فداياك
حُسَين حُسَين وا حُسَينا
الحمد لله
علي الأكبر علي الأكبر علي الأكبر
جاشيصير كلبه الابنه عطشان وتسحكه الحوافر
جا شيصير كلبه الهوه مذبوح ويسلبونه باجر
واشوف وليدي الاكبر طوله مهيوب وتكَصره الـبواتر
لسانه من العطش يابس علي شلون قطعة خشب صاير
هنا ينراد حيل ومايصح حيل
من تدوس ضهر وليدنا الخيل.
هنا ينكلب كلشي بعيني دخان
صباح العاشر أظلم يشبه الليل
علي الأكبر علي الأكبر .. علي الأكبر
**********
صفنت بعلي الاكبر صفنت وداع روحه بلايه رجعة
ابه من الحومه اسمعه وخافت الصوت وعلي بالكوه اسمعه
المسافة بعيده صارت ركض هديت فزعت لأبني فزعه
عدل صحته دخيلك رايد ارتاح فراكك بيش اجرعة
لكيته عله الرمل وادري الرمل حار
لكيـــته ومدري بيه شـصار ما صار
وعلي احتاجيت امي تكون وياي
وجهي عله اختي زينب رأسا اندار
علي الأكبر علي الأكبر علي الأكبر
*********
و جبته من المعاره وليدي مجتول جدمي كوه أجره
تصبر كلب ليلى شلون يحسين وكلبك من يصبره
راجع امشي مايل ميلت السيف واحس بصدري جمره
بجيت ومن بجيت تبلل الشيب بلحيتي دموعي حمره
حجيت ويا علي وما يسمع الصوت
فراكك ما اجرعه واجرع الموت
تــسحني الحوافر ســهله وتهون
ولا مشيول بويه عله امك تفوت
علي الأكبر علي الأكبر علي الأكبر
********
دخلنه الخيمه هسه اثنين ميتين بس سمعو نحيبي
تعالي بكَلبي صيري هنا يالجروح وجِروح وليدي طيبي
اخوي وصاحبي وتجاية الروح علي يبني وحبيبي
كوم بداعت حسينك علي كوم وارحم حال شيبي
جا شيصير كلبي شيحمل اوجاع
تعــــبت من الفراك وكثر الوداع
كوم حسين ابوك منيله الحيل
وعلي جدامي بعد ما ثبتن بكاع
. علي الاكبر علي الأكبر ** علي الأكبر
********
حزنك حزن روحي العايش وياي يبني الشيب يشهد
اخر نظره منك طالت هواي احس كلبي تمرّد
حسبت جروح جسمك وسط الخيام هواي الله ولحد
سيوف الكطعنك يدرن اليوم جن كطعن محمد
رايح بويه لكن دافن الشوك
شويه وليك اردن حيل مسحوك
ياسباااااح كَلبي الحيل مكسور
ارد صدر وضهر يابويه مطبوك
علي الأكبر علي الأكبر علي الأكبر
الحمد لله والشكر
زلمه و كاشخ لابس درعه العباس وكاعد
ابعشر ازلام انعد القاسم ماااا ينعد واحد
وكت لمع الصوارم
الركَب طيحها جاسم
حلو وعركَ الهواشم
بيي نبض
*
لونه عيونه وعرض متونه طبق النسخه من العباس
رجله يحطها فوكَ الصبخه اتخضر نعناع وياس
فوك كاع الطف مواقف زرعن انفاسه
هاشمي وعرك الهواشم بين براسه
قائد وشفاف كلش يكتل احساسه
***
جدحت عينه وجاب الحومه زلمه وجراها
طين وخيل وماي وجيش التركع خلاها
لزم كل العوالم
وكت لمع الصوارم
****
فوك متونه يحط الطاير لمن يحجي وياه حسين
مدنك جان يسولف باقي مايرفع يم عمه العين
ولحبيبه حسين عمه روحه يفديها
وكاع طف ال اميه ابدم ييرويها
يسره جاب الزلم هوه ويمنه رد بيها
كَلب حسين وعمه يحبه وهو يحب عمه
يدنك راسه كبال الساده من يمر جن نسمه
ثبت مثل العمايم
*
كاشخ كشخت شيخ معدل هيبه وسولف بالديوان
زلمه مرتب حيد وسولف حتى الميت يسمع جان
فارك خشوم الفوارس كلها ذلاها
الماترد بمروه هوه كَوه رداها
تركع ازلام عله رجله وتبجي خلاها
ماخذ حيله من حيل الله ياحيدر يزئر
نار بسيفه وموت عله ايده طباها وكبر
أسد وكت التصادم
**
رايح راجع وسط الحومه كام يهوس بالصمصام
محد منكم يرفع عينه محد منكم شااااف خيام
ياهو يوصل للمخيم والحجي بكيفي
يا لسن يطلع حجيها لو حجه سيفي
الا املصها ركَبكم كون ارد حيفي
رايح . راجع . ياكل سيفه من ركَاب الوادم
لم الوادم جن صم حنطه و طشها القاسم
بعد ماكو تفاهم
****
لابس جوشن رافع راسه طب عليهم مثل الموت
خرسه كباله تصير الوادم محد يسمع بالطف صوت
واكف كبال المخيم رتبه بجتافه
ابتشر وجه الحسين وضحكت شفافه
نسخه من عباس عمه تخبل اوصافه
محد . يرفع صوت كباله ياهو اليتنفس
عمي اميري وحبي وعشكي القاسم من هوس
حصد بيده الجماجم
إذا شافتني زينب ررراجع اتعثر
شكَلها راح الغله من علي الاكبر
عباس .. عباس.. عباس
=================
يا كسرة كَلبي الما تجبر.. كونك تكَدر .. حاجيني شلون
من ارجع محنيه اضلوعي. وتشوف ادموعي..شحجي ويم عون
راجع لخيامك ومبين محني ومتعوب
والرجعه ابدونك لخيامك كسران كَلوب
هاي اول مره
كَلبي انت تكسره
عليك امي الزهره
حاجيني
إذا رديت لختك والوجه اصفر
شكَلها راح الغله من علي الاكبر
عباس .. عباس.. عباس
=========================
هاي اول مره اني اركض ..طلابه وشتفض .. شافتني الناس
كَلبي وسيفي وايدي يرجفن.. لمن سمعن .. طاح العباس
محتاجك هسه وانت ادره بكَلبي الخلصان
محتاجك هسه والهضمه عضيدك تعبان
مخليك ابحضني
يا خيي وابني
ليش اتعبني
تِسمعني
اول مره احس بروحي ما اكَدر
شكَلها راح الغله من علي الاكبر
عباس .. عباس.. عباس
=========================
حيرة روحي من اتحاجيني.. و ياهوه انت .. تسولف وياي
كلت حسينك كتلي حسيني؟خويه اشبكَني..وحضن بهداي
عباس ارجعلي وارحم كَلبي المحتام
عباس ارجعلي الوادم وصلت لخيام
ارحم شيباتي
وصلو خيماتي
شحال ابنياتي
من بعدك
ضعن نسوان هاشم للسبي اتحضر
شكَلها راح الغله من علي الاكبر
عباس .. عباس.. عباس
=========================
اخر كلمة طلعت مني .. عباس ابني .. بيدي مربيك
عايفني لوادم تسحكني .. يااخوي ويبني.. كَلبك ينطيك
طگ كلبي ادخيلك من اسمع للجيش صياح
و صدري يسحكَونه ونحري يكَعد برمااااح
محني يشوفوني
حجار يشمروني
راح يسحكوني
يا خويه
و نحر حسين أخيك ع الرمح يفتر
شكَلها راح الغله من علي الاكبر
عباس .. عباس.. عباس
=========================
فاركت أنفاسك بحضاني .. وابقى اني .. اجرع همي
يم امي الزهره من توصل .. بدموعك.. سلم اعلمي
من توصل امي حاجيها ابكَلبي التعبان
سلملي عله امي وكلها حسينج عطشان
حاجيها اعليه
وكلها العلويه
راحت مسبيه
جم ديره
كلها حسين صدره انسحك واتطشر
شكَلها راح الغله من علي الاكبر
عباس .. عباس.. عباس
=========================
======================
خالد عبد الساده البديري