5137
القصائد الرثائية للآل الأطهار ع
🍁عيد الغدير🍁
رغم النواصب تبقه والينه
عداك الروافض خل تسمينه
------
انت الامام الاول الاخر
انت الحقيقه الباطن الظاهر
بس الك دنيه وآخره انّاصر
وبكل زمن شيعه احنه تلگينه
-----
خل تسمع إلعدوان يالوالي
كلشي رخيص وانت بس غالي
كلها تراب وذهبك ايلالي
أحبابك احنه وانت شارينه
-----
يوم الولاده الكعبه مسروره
مهدك يحيدر واجب انزوره
نور الوجود يضوّي من نوره
بهاي الولاده تحله هل زينه
------
نحبك يحيدر رغما عليهم
ومن الحقد نيرانهم بيهم
ارجاس عدوانك نسمّيهم
واحنه انخلقنه ابفاضل الطينة
-----
يا بالحسن للموت منعوفك
يامن ربينه براحة جفوفك
كعبتنه انت او واجب انطوفك
ولمّن نطوفك نحس حجّيته
------
☘الشاعر محمد حسن ضيغم
💠قناة الشاعر محمد حسن ضيغم للقصائد الرثائية بالٱل الأطهار ع
https://ⓣelegram.me/kasaedalatharDaygham
🔘غير مسامح إزالة التوقيع عند النقل 🔘
🍁القصائد الرثائية للآل الأطهار ع 🍁
يا صاحب الغدير
.......
يل نصبك رب العرش وأهوه اعرف ابتنصيبك
يا اول ابلا ثاني اله هالسر صفه ابترتيبك
كل عطر بالدنيه فرع يا بالحسن من طيبك
كَلبك فلا حد صار اله شال الوجود اكَليبك
يا صاحب الغدير
.......
من الله شايل شوكَ الك يل مالي كل دنياتي
بس الك يا صهر النبي اتلوكَ كل جلماتي
العيد عيد امحبّتك وباقي العمر بآهاتي
جي اسمك اعليهه انكتب ضلت ترف راياتي
يا صاحب الغدير
.......
البيعه بس لولايتك الغيرك حرام البيعه
ونتباهه مابين الامم جي صرنه احنه الشيعه
انبيع كلشي ولا تضن يوم الغدير انبيعه
من الله مو من البشر امرك صبح تشريعه
يا صاحب الغدير
.......
اول خليفه انت وابد لا ما يصحلك ثاني
والآمن بهذا الامر حكَ ينوصف عرفاني
آمنت بيك انت النهج وانت الولي وقراني
ايماني بيك انت وفزت جي انت سر ايماني
يا صاحب الغدير
.......
يبقى النشيد ابكل زمن .. والباري هوّه الشاهد
ماكو ولي الا علي .... وبس حيدر يضل قائد
الراكع الساجد نعم ... خلّصت عمرك عابد
منهو الّي مثلك بالبشر ... عن كلشي اصبح زاهد
ـــــــــــــــــــــ
الشاعر محمد حسن ضيغم
هذا عيد الله الجبير
علي متنصّب امير
ـــــــــــ
هذا عيد وافضل الاعياد هوّه
تسجد الاملاك شكرا اله تهوه
طفه الكون بلايه نور اهل الكساء
لاجن بعيد الغدير الكون ضوّه
ديني ياعيد الغدير
علي متنصّب امير
ـــــــــــ
رجعوا الحجاج واعلنها نبينه
بس ابو الحسنين قائدنه او ولينه
احنه بالاصلاب صحنه بصوت عالي
نعم يا بالحسن ليك وبايعينه
انت يا خير وزير
علي متنصّب امير
ـــــــــــ
على اعناد الناصبك تبقة انت اول
ياعلي وكلمن يبغظك والله ينذل
يرضى عنّه الله الذي راضي عليه
عليك دين الباري والمنهج تفصّل
توصّفت بدر المنير
علي متنصّب امير
ـــــــــــ
منهو مثلك شال ايده الهادي لسماه
وكَال ياعالم ولي بس للي وآلآه
بين كل هاي الخلك ناده نبينه
يا اله الكون عادي الّي عاداه
الشايعك حي الضمير
علي متنصّب امير
ـــــــــــ
اعتقداي ومذهبي وديني غديرك
ياملك ربّاني خلّيني اسيرك
وانت يلشيعي فزت رغم العده
من رضيت المرتضى يصبح اميرك
الشيعي ابداً ما يحير
علي متنصّب امير
ـــــــــــ
الشاعر محمد حسن ضيغم
/channel/kasaedalatharDaygham
ابوذيات للغدير
ــــــــــــــ
يدنيه بهل فرح كل يوم عيداي
او ويانه ابغدير الفرح عيداي
أنه بس الغدير انحسب عيداي
لان شيعي وغديري اصبح هويه
ــــــــــــــــ
بلا غيرة ولينه مالي غيره
ومحال وياه عهدي مال اغيره
علي اخره ودنيه مالي غيره
نفس ينزل ويصعد دوم بيّه
ـــــــــــــــ
الشاعر محمد حسن ضيغم
/channel/kasaedalatharDaygham
بصوت. مسلم المطيري
خويه زينب لازم اصفاحي بديه
كلمات الشاعر
محمد حسن ضيغم
للامام الجواد
على لحن الجنامي
ياعباس اجت من اليسر هاي زينب
… ..
آنه الساهرت بالون والهموم ... ليلي
بالدمعات اخلّص وكتي كل يوم ... ليلي
اندب يبني واويلاه يمسموم ... ليلي
جيت بهل مسيه .... لرض الكاظميه
ــــــــــــــــ
آنه ام الكَضوا ولدي ضحايه والّموني
من الباب والهل ساعه ما نشفت عيوني
بين الذبح والسم بالغوالي عذّبوني
كل ساعه ترد مطبوعه ياسطرة جفوني
ياحزني الفلا يخلص على اولاد... ليلي
كل محنه على بالحسره تنعاد ... ليلي
يوميه ولد من لدي مظلوم ... ليلي
بالدمعه الجريه .... لرض الكاظميه
ـــــــــــــــــــــــــــ
تعنّيت بدمعتي وجيت الك يبني بمناحه
ومن زغري يبو الهادي ابد ما شفت راحه
كَلبي بالمصيبه يالولد صعبه جراحه
ويومي ابغيبتك مظلم تره يبني صباحه
ياهو المثلي هاكد يحمل جروح ... ليلي
ليل انهار كَلبي يبجي وينوح ... ليلي
من اولادي منهو مثلي محروم ... ليلي
الدنيه اكَعت عليّه .... لرض الكاظميه
ــــــــــــــــ
هاي آنه الزجيه وجيت الك من المدينه
امك يالجواد وتدري بالمهجه حزينه
هاك اسمع دليلي اعليك ما يكَطع ونينه
يا ويلي الزمان بهل مصيبه اشسوّه بينه
اجرع بس غصص من جور الانذال ... ليلي
ودمعي اعله المصايب عالوجن سال ... ليلي
ياطير المنايه اعليهم يحوم ... ليلي
كل ساعه منيه .... لرض الكاظميه
ــــــــــــــــ
من شفتك صحت يوليدي رد حزني عليّه
الطم راسي يم جنازتك بثنين اديه
ذكرني مصابك بالحصل بالغاضريه
وصحت بصوت يا فكَد الغوالي شسوه بيّه
ردّت كربله وذيج المصايب ... ليلي
وصعبه اعله يا فكَد الحبايب ... ليلي
كَلبي على حصل ياشيعه مندوم ... ليلي
نيراني سريه .... لرض الكاظميه
ـــــــــــــــــ
يمك نعشك بجيت وصحت يوليدي يضامي
مثل جبدك جبد ابني الجواد الليله دامي
صارت بس حزن والقهر يحسيني ايامي
وجن زينب تنادي يمه هل حركَوا خيامي
فوك التل تنادي حسين خويه ... ليلي
وساعه تصيح ياكرار بويه ... ليلي
صيواني بجمر بطفوفي مضروم ... ليلي
جن جت السبيه .... لرض الكاظميه
ــــــــــــــــــ
الشاعر محمد حسن ضيغم
/channel/kasaedalatharDaygham
صبـّي يدمعه فاطمه
ــــــــــــــــــــ
يا فاطمه يم الحسن
كلبج بهل محنه امتحن
هالليله كل شيعي حزن
ودموعه ضل تهمل دمه
ــــــــــــــــــــــــ
اعله الجواد ومحنته
يالزهره سموا جبدته
مهظومه تنحب شيعته
والجبده ويلي مسممه
ـــــــــــــــــــــــ
يا فاطمه وهذا الجره
الجبده وسفه اموذره
والهادي ابحاله دره
من ناح بجاهه السمه
ـــــــــــــــــــــــ
ياربي العن هل عده
الخلوا جبدته امرده
والسم يويلي ضاهده
وروحه تلوج امألمه
ــــــــــــــــــــــ
هذا الجواد ابن الرضا
للكون اصبح موعظه
سمونه خصمه الرافضه
وعداه ياريت بعمه
ـــــــــــــــــــــ
باب الحوائج للبشر
نبراس ضوه بكل دهر
يا وسفه بالسم انغدر
هذا ابن حماي الحمه
ـــــــــــــــــــــــ
يالزهره خل دمعج يصب
وجروح تمليلج كلب
نيران لمصابه تشب
والنار صارت مظرمه
ــــــــــــــــــــــــ
الشاعر محمد حسن ضيغم
ذكرى استشهاد الامام الجواد
على لحن جرح المدينه للملا باسم الكربلائي
الزهره الزجيه .... بالكاظميه
ـــــــــــــ
بلوعة كَلب ام فاكده وتجري الدمع بالعين
تعنّت لعند الكاظميه الطاهره ام حسين
جرحك يموسى الكاظم الليله صبح جرحين
سمّوا جوادك يا وسف يا مهجة الطيبين
بونه شجيه ... بالكاظميه
ـــــــــــــــــــــ
تعنّت تون ام الحسن ومن المدينه تنوح
ومرّت على الطف واندبت يوليدي يالمذبوح
ومن شاهدت حامي الضعن ضل الدمع مسفوح
بثوب المناحه والحزن للكاظميه اتروح
تنصب عزيه .... بالكاظميه
ــــــــــــــ
كبل الجواد اتحمّلت جرح الرضا المظلوم
والليله سمعت بالجواد بجبده ضل مسموم
الله يعين ام الحسن يوميه طير اتحوم
جم والي من عدهه انجتل وضل الكَلب مآلوم
شعظم الرزيه .... بالكاظميه
ـــــــــــــــــ
يا ام مثل ام الحسن دوم الدمع مهدور
وما يشفه وبطول الزمن عدهه الضلع مكسور
االيله الجواد بمحنته عوّد ظهر عاشور
يمه بناته وبالحزن والنايبات اتجور
نفس القضية ... بالكاظميه
ـــــــــــــــــ
هاليله ظلمه الكاظميه بمحنة المفكود
وحت النجوم ال بلسمه لبسن هدوم السود
وام الحسن حضرت تون والونه حيل اتزود
من شاهدت هذا النعش لطمت عليه اخدود
بدمعه جريه .... بالكاظميه
ــــــــــــ
الشاعر محمد حسن ضيغم
وجه الله | الحاج السيد محمد الجيزاني
https://youtube.com/watch?v=w9qZv8mUWCE&si=oaQJXdVfaY8__ggM
وداع وداع ... بين العقيله والكمر
وداع وداع .. تبجي وتأشر عل نهر
خنكتهه عبرتهه بلهيب اونينها
حضنت اخوهه وتجري دمعة عينها
ــــــــــــ
ملامح وجه ابو الغيره صور تحجي
وزينب كَابلت راعي الوفه وتبجي
تكلّه اخلاف عينك المن آنه اشجي
يخويه اكَليبي كَوه بضلعه متوجّي
تروح تروح ... للشاطي وبجفك علم
تروح تروح .. ويوكع عمد من الخيم
خويه المصايب ويني آنه او وينها
حضنت اخوهه وتجري دمعة عينها
ــــــــــــ
زينب لازمه الرايه وتشم بيها
تكَلول شلون اشوفن دامي راعيها
الخيم من تشتعل جا ياهو يطفيها
يخويه وزينبك حرمه انت تدريها
خيام خيام ... يحركوها وانت اعله النهر
خيام خيام .. وحسين مكسور الضهر
لا انته يمها ولا يجيها احسينها
حضنت اخوهه وتجري دمعة عينها
ــــــــــــ
صعب حيل الوداع ابين كَلب ودم
يخويه وكَلبي خايف يلفي المحتّم
عسن لاجاني يومك عاشر امحرّم
اخوتي امذبّحه ومحروكَ المخيّم
كفيل كفيل .. .. . ما يبقه عندي بكربله
كفيل كفيل .........من يهوه يشمت حرمله
وسكينه بعدك ياوفي امأذينها
حضنت اخوهه وتجري دمعة عينهه
ــــــــــــ
وكف يمها اخوها وصدّت العينه
بجت عرفت سهمها ايزيّد اونينه
لحضه وعينها ضل تربي جفّينه
هوت عالكَاع زينب آ يالحنينه
عجيب عجيب ... شلون انظر بعينك سهم
عجيب عجيب ...ومكطوع جفك يجري دم
تمنّت اخيتك ينكَطع جفينها
حضنت اخوهه وتجري دمعة عينها
ــــــــــــ
كّوه تكول خويه وأشّرت كَوّه
على الشاطي وتون ياراعي المروّه
يخويه العلكمي بزينبكم اشسوّه
كلما انظرك تهوه الكَلب يهوه
ذبيح ذبيح ... والراس مصيوب بعمد
ذبيح ذبيح .... بلا روح ابقى بس جسد
بليّاك دنيه ما اريد اسنينها
حضنت اخوهه وتجري دمعة عينهه
ــــــــــــ
الشاعر محمد حسن ضيغم
لايفوتكم الاستماع له في هذه الليلة المباركة
ولا تنسونا من الدعاء
كبّر بذني ابوي وصاح يوم الجيت
وآنه ابقيت ساكت چنّي ما اسمع
ومن گال اشهد إنه علي ولي الله
صحت بصوت عالي نعم للأنزع
طفحت غيرتي ولساني ردد بيه
اولوما هوّديت . اگماطي يتگطع
هيچ ابفطرتي من الله احس بهاي
اصيحن ياعلي من گبل لا ارضع
الشاعر محمد حسن ضيغم
يا قالع الباب علي
امفرّق الاحزاب علي
بس انت والينه ... بس انت والينه
ــــــــــــــ
يوم الغدير انبايعك مولانه
والحور كلهه بالحفل ويانه
كل انبياء الباري الك فرحانه
والمايحبك ما كمل ايمانه
يا ناصر الدين علي
مصدر التكوين علي
سر منهجه ودينه ... بس انت والينه
ــــــــــــــ
بخاً بخاً كالوهه بس ضمروهه
وهاي الضغينه بالكَلب شالوهه
هل منقبه من الله الك يدروهه
اتباع ابن مرّه بحقد نكروهه
سر باقي مكنون علي
رغم اليضدون علي
رغم اليعادينه ... بس انت والينه
ــــــــــــــ
لاخر نفس يابالحسن منعوفك
يل بالضماير عايش انت انشوفك
بالحشر تسكَينه عذب بجفوفك
لا ما يبطَل كَلبي من احروفك
ليك آنه مملوك علي
وي اليحبّوك علي
حبك نبض بينه ... بس انت والينه
ــــــــــــــ
تتزاحم اجنان الخلد يم بابك
محسدوه جي زوار جت احبابك
جبريل يسجد شوك فوكَ اعتابك
وعطر الجنان يفوح من اطيابك
انحبك يكرار علي
حجة الجبار علي
انت التنجّينه ... بس انت والينه
ــــــــــــــ
نتفاخر ابين المله او نتباهه
نحبك يصهر ويا وزير ال طه
الشيعه لجلك خالقك علّاهه
جي حبّتك هذا العشكَ غذّاهه
عايش بالارواح علي
للجنه مفتاح علي
حافظ اسامينه ... بس انت والينه
ــــــــــــــ
الشاعر محمد حسن ضيغم
/channel/kasaedalatharDaygham
ومضات تقرأ في المواليد وعيد الغدير
عل حب امير النحل علي بن ابي طالب عليهما السلام
😍😍😍😍😍😍
هي ليش تلوم بيّه اهل العناد
أمن ارد اگومن اندب بأسم الولي
نفسه حيدر من قلع باب اليهود
گال حين القلع خيبر ياعلي
😍😍😍😍😍😍😍………
مرّه صاباني المرض دكتوري گال
فقر دم عندك وحگ رب السمه
وصّفالي بطل دم نفس الفصيل
لچن يرفض جسمي ياخذ هل دمه
وسألت شنهي السبب لن كَلبي صاح
هذا دم مابيه حب حامي الحمه
،،،،،،،،،😍😍😍😍😍😍،،،،،،،،،
الشيعه تهوه اللون الاخضر من زمان
ولون الاحمر غيرنه اليتحلّه بيه
والسبب آنه ارد اوضحه بهل دليل
وهل دليل ابكيفه من وافق عليه
ترفكلايت حب علي اباب الجنان
والنه اخضر يشتعل حين النجيه
😍😍😍😍😍😍😍😍
الشاعر محمد حسن ضيغم
ابوذيه الغدير
… ..
خصالك حگّي لو اتيّه بعدها
يفرحة فاطمه الفرحت بعيدها
يقبل الروح ماگلّك بعدها
يكلّي وكل وجودي وكلشي اليّه
……
الشاعر محمد حسن ضيغم
/channel/kasaedalatharDaygham
اعلنهه بصراحه ... بلسان الفصاحه
علي حيدر اميري
في يوم الغديرِ
ـــــــــــــــــــــــــ
ياحيدر علي .. عشكَي الاولي .. آنه وكل هلي .. فدوه الطاري اسمك
من الذر آمنت ... بيك وصدّقت ...غيرك ماردت ...بعيني يبقى رسمك
يا اصل الامامه .... خذ كَلبي وغرامه
حي اصبح ضميري
في يوم الغديرِ
ـــــــــــــــــــــــــ
اول تنحسب ... بكَلبي منكتب ...ياعطر اليهب ...بي عايش تراني
رغم المارضى ... نهتف بالفضى ... بس المرتضى ...اصبحلي ضماني
وجداني مكانك ...كاسيني بحنانك
وكاسيني الحريرِ
في يوم الغديرِ
ـــــــــــــــــــــــــ
حبك بالازل ... ياخير العمل ...انت اعظم امل ... دنيه واخره انت
بايعت وصحت ... وتدريني اعشكَت .. شيعي اتوصّفت ..حيدر من عرفته
كل عمري وحياتي ... ياحيدر نجاتي
وللجنّه البشير
في يوم الغديرِ
ـــــــــــــــــــــــــ
يوم البيعه عيد ... وغيره مااريد ..لحبّك ارفع ايد ... وأعلن لك ولائي
وأبغض كل نذل ... ال عن دربك يزل ...يابدر اليهل ...كل يوم بسمائي
دربك مااعوفه ... جنه بعيني اشوفه
بهل بيعه مصيري
في يوم الغديرِ
ـــــــــــــــــــــــــ
رغما عل جهل ... دين الله كمل ...بحب خير العمل ...الهادي اعلن النه
كال النه الامير ... حيدر والوزير ... وبيوم الغدير ... آمنه وهتفنه
عدنه هل عقيده
بس حيدر نريده
نرضى شما يصير
في يوم الغديرِ
ـــــــــــــــــــــــــ
الشاعر محمد حسن ضيغم
/channel/kasaedalatharDaygham
خويه زينب لازم اصفاحي بديه
هيچي حاله الينذبح گدامه اخيه
ريته ماشفته وگع يم النهر
صحت رحت امنيدي يحزام الظهر
ها يزينب ها يزينب
ــــــــــــــ
ارجع للخيمه يزينب دمعي يجري
ودمعتي تكتب رحت يحزام ضهري
ريت بعدك ياكمر لا طال عمري
انت اخوي وانت عزمي وانت ذخري
ياعضيدي امنين اجيب اعضيد اليّه
استوحدتني الكَوم كَوم الحكَ عليه
غربه كلهه وانه ضلّيت بخطر
صحت رحت امنيدي يحزام الظهر
ها يزينب ها يزينب
ــــــــــــــ
ايد تصفكَ ايد اجيتج للمخيم
بحالتي يم الخدر بس الله يعلم
عالشريعه عفته اخيي امغسّل ابدم
وراسه بالعامود يا زينب تهشّم
الرايه يمه وجوده مرمي اعله الترب
وعينه تنظر للنهر ميه يصب
والله يا زينب احس كَلبي انفطر
صحت رحت امنيدي يحزام الظهر
ها يزينب ها يزينب
ــــــــــــــ
الجدم يعثر من رجعت امن الشريعه
بصوت اصيحن راح كفّال الوديعه
اه شفت اعله الثره جفوفه كَطيعه
عليه ضاكَت والله دنيانه الوسيعه
العمر ما يحله عكَب بدر الهواشم
وباجر بلياه يسبون الفواطم
بحيره ضليت وصفن يمّي الدهر
صحت رحت امنيدي يحزام الظهر
ها يزينب ها يزينب
ــــــــــــــ
لاتلوم الراح اخوه ايشيب كَلبه
لاتلوم ابهل وضع لو تاه دربه
احضنته وابجي اعليه والمدمع اصبّه
فاركَاني الفركَته اعله الروح صعبه
نار المفارك تشب ابروحي جمره
شنطي للي انطاني هذا اليوم عمره
تفاركَينه وبعد مايلمنه القدر
صحت رحت امنيدي يحزام الظهر
ها يزينب ها يزينب
ــــــــــــــ
خويه زينب والّي كلّش الّماني
بجلمه الج يابت علينه أمّناني
كَلّي سلمني اعله خيتي او ودّعاني
وخلّي تعذرني وبعد لا لاتتاني
بسته بزنوده وحضنّي ابلا جفوف
وشمني شمّت موت جاي صعبه يشوف
السهم يا زينب اخذ منه النظر
صحت رحت امنيدي يحزام الظهر
ها يزينب ها يزينب
ــــــــــــــ
الصبر راح الصبر مدري منين اجيبه
انهار حيلي وكَلبي من فاركَ حبيبه
خويه باجر راح تتسمّي الغريبه
من مصيبه ا تروحي ياخويه المصيبه
تنسبين اعله الهزل وي الضعينه
والعليل ابحبل حيف امجتّفينه
شهر تمشين وتردّين ابشهر
صحت رحت امنيدي يحزام الظهر
ها يزينب ها يزينب
ــــــــــــــ
الشاعر محمد حسن ضيغم
هوسات
الامام الجواد
----
امام أو واجب اعله العالم اتطيعه
ونتباهه اذا نادينه الك شيعه
عمرنه سيدي بس لجلك انبيعه
(والروح ابحبك مرهونه)
------
يا تاسع امام وربنه بيك اوصى
عليك الله ورسوله بالعرش صلى
مفتاح الجنان ابحبك انحصله
(وحبك مفتاح الكل جنه)
----
جواد العتره انت ونفتخر بسمك
يل فوكَ العرش ضل منطبع رسمك
دم طه النبي ومن جسمه كل جسمك
(كل مصدر نورك من نوره)
-------
عشر اسنين عمرك حيّرت ناسك
وتاج الدين ضل يتفاخر براسك
تسبيح الملائك صارت انفاسك
(علمك حيّرنه بأعجازه)
----
الشاعر محمد حسن ضيغم
/channel/kasaedalatharDaygham
للامام الجواد
على لحن عمار الكناني
اماه يازهراء
ويلاه ... يضي عيني
ــــــــــــــــ
اجيت وابجي يوليدي ودمعتي بخدي تجويني
ردت تكعد يماي العين الي يبني وتحاجيني
ليش بمحنتك هاذي تلوعني وتأذيني
ويرد بيّه مصاب الباب وأرد انحب تخلّيني
دنياي ... تأذيني .. ويلاه ... يضي عيني
ـــــــــــــ
جواد العتره يوليدي يسمونك وسف والله
يمن حتى العرش بسمك يسلم اسمع وصلى
شلم من جبدتك وانت تضل وصله بكتر وصله
بجتلك هل رجس باجر صقر ينتظره ويحصله
مسموم ... ضوه سنيني ... ويلاه ... يضي عيني
ــــــــــــــــ
انه الزهره واجيت انصب الك ماتم وأون لجلك
مرد روحي ييبو الهادي مصابك يبني او جتلك
تنوح الكاظميه ابهم بزمانك ما شخص مثلك
ينور الله يسمونك ويفجعون العده اهلك
آهات يراويني ويلاه ... يضي عيني
ـــــــــــــــــ
حزينه وشيعتك مثلي تون والليله مفجوعه
ومناحتها وبواجيهه اعله فكَدك يبني مسموعه
ذاك اليبجي ذاك الي يدك بيده على ضلوعه
وذاك من الالم لجلك دليله شكد حمل لوعه
فكدك ... يبجيني ويلاه ... يضي عيني
ــــــــــــــــ
فرق بينك يبو الهادي وبين الضل على الغبره
يروحي اتشيّعت انت وعزيزه محد ايحضره
صح مسوم يوليدي وحسين الي انكطع نحره
وخيل الكوم يوم الطف غارت تسحك ابصدره
كل نوح ... علة حسيني ويلاه ... يضي عيني
ــــــــــــــ
الشاعر محمد حسن ضيغم
/channel/kasaedalatharDaygham
الجواد الطاهر وابن الطهر
شابه المظلوم جدّه بالامر
ـــــــــــــــــــــــــــــــ
ثنينهم من ال بيت المصطفى
ثنينهم نور الله ذاك الماطفه
الصار بيهم صعب والله انوصّفه
بيه ضل محتار ياناس الفكر
ــــــــــــــــــــ
مصابهم يصعب علينه والعجب
انظلموا أو راحوا ولا عدهم سبب
ناس ما تعرفه فحمهه من الذهب
ناس باعت دينهه بأبخس سعر
ـــــــــــــــــــ
الجره اعله حسين صح ماله مثيل
نحر دامي وعل ارض منبع يسيل
والجواد اتسمم وجسمه نحيل
ثنينهم ظلموهم اصحاب الكفر
ــــــــــــــ
حسين ثلث ايام ضل اعله الترب
وجسمه فوكَ الكاع امسى منكَلب
والجواد ايشابهه ابوادم غرب
ضل ثلث تيام لا ماي وسدر
ــــــــــــــــ
لجن ماحزوا يعالم ركَبته
ولاتدوس الخيل ضلّت مهجته
بالشمس ضلّت ثلاثا جثّته
مثل جده وجسمه اصبح منصهر
ــــــــــــــ
راسه ما رفعوه اويلي بالرمح
لجن نفس امصيبته ونفس الجرح
اوصافهم متبدّله بشمس الصبح
ثنينهم اجسادهم صارن حمر
ـــــــــــــــــــ
الشاعر محمد حسن ضيغم
/channel/kasaedalatharDaygham
شيعي يبقى بكل وكت عنواني
ويبقى سلطان البشر سلطاني
....
الساكن ابطوس وأله اكبر مقام
الليله من هذا المكان ابعث سلام
ابو محمد اعترف انت الامام
وبيك والله أمن الزغر ايماني
......
نور مشهد يشع من نورك اكيد
يلي حبك اغلى من دم الوريد
بالگلب موجود گبرك مو بعيد
گلت تشفع للذي،زاراني
......
الضامن انت وضامن اعمالي تضل
يا اخو المعصومه يل بيك الامل
حبك ودرب الزياره افضل عمل
على سچة خالقي دلاني
.....
انت شافع للبشر تمحي الذنوب
ويم ضريحك سيدي تهوى القلوب
شمعه وببابك اضل آنه واذوب
أمجدّي دوم بعتبتك تلگاني
......
ثامن انوار الله انت الضل يشع
وانت من حيدر علي وفاطم فرع
بيك راس الي يحبك يرتفع
بخدمتك مرفوع يصبح شاني
......
الشاعر محمد حسن ضيغم
/channel/kasaedalatharDaygham
اشترك بالقناه ليصلك جديدنا
وداع وداع ... بين العقيله والكمر
وداع وداع .. تبجي وتأشر عل نهر
خنكتهه عبرتهه بلهيب اونينها
حضنت اخوهه وتجري دمعة عينها
ــــــــــــ
ملامح وجه ابو الغيره صور تحجي
وزينب كَابلت راعي الوفه وتبجي
تكلّه اخلاف عينك المن آنه اشجي
يخويه اكَليبي كَوه بضلعه متوجّي
تروح تروح ... للشاطي وبجفك علم
تروح تروح .. ويوكع عمد من الخيم
خويه المصايب ويني آنه او وينها
حضنت اخوهه وتجري دمعة عينها
ــــــــــــ
زينب لازمه الرايه وتشم بيها
تكَلول شلون اشوفن دامي راعيها
الخيم من تشتعل جا ياهو يطفيها
يخويه وزينبك حرمه انت تدريها
خيام خيام ... يحركوها وانت اعله النهر
خيام خيام .. وحسين مكسور الضهر
لا انته يمها ولا يجيها احسينها
حضنت اخوهه وتجري دمعة عينها
ــــــــــــ
صعب حيل الوداع ابين كَلب ودم
يخويه وكَلبي خايف يلفي المحتّم
عسن لاجاني يومك عاشر امحرّم
اخوتي امذبّحه ومحروكَ المخيّم
كفيل كفيل .. .. . ما يبقه عندي بكربله
كفيل كفيل .........من يهوه يشمت حرمله
وسكينه بعدك ياوفي امأذينها
حضنت اخوهه وتجري دمعة عينهه
ـــــــــ
/channel/kasaedalatharDaygham
#جاني_العيد
🎤 #الـرادود : جواد الباوي
✏️# الشاعر : محمد حسن ضيغم
الهندسة الصوتيه حيدر المحمداوي
🤲 الـلـهـم عـجـل لـولـيـك الفرج
/channel/Jawad12121212