3582
*قد نسجتُ من لجين دمع عيني كلمتين* (يـ حسين ـا) *حبه حرز النجاة وهو الكهف الحصين* *نبض قلبي من حروف رتّلت إسم الحسين* *بعتُ قلبي في هواه وله العمر رهين* خادمة آل محمد✍
قالوا الدعاء تحت قبابك
فيه استجابة لكل الأنام
يا من الشفاء بات بترابك
هبني الشفاء يا عالي المقام
فذا انا المُتعب ملاذي ببابك
خويدم يلقي عليك السلام
😔✋🏻
خادمة✍🏻
نرجو منكم الدعاء بالشفاء اذكرونا في مجالسكم
Читать полностью…
*يبو فاضل يا ابو فاصل يا ابو فاضل*
توسل بالعباس ع لحن يبو صالح كلنا محتاجين للدعا منك بالله لو نظره~🙏🏻🙏🏻🙏🏻🙏🏻
*يبو فاضل اجينا يم بابك نطلب الحاجات نسكب العبره~*
*نرفع الكفين والقسم بحسين نقسم بدمه ونقسم بنحره~*
*جرحانا انت تشفيها وتمسح عليها تضمد جراحات وتجبر الكسره*
*تجبر النا قلوب فاقدة الأحباب كل شهيد يروح وانفقد أثره*
••••••••••••••••••••••••
بأم البنين إحضر وانصر كل شباب النا بالحرب رايح ودمه عا كفّوفه
شباب النا قدّمت الكفوف وفاطمة ترعاه وتمسح الـ عيناه وتنظره تشوفه
يبو فاضل ليتك تعاين كلها هالايتام تشبه رقية تبكي وتنادي بعبره مذروفه
شباب وودعوا العيلة تقطعوا الأوصال واسوِا *العباس بيمنه وبيسره*
بعد بعد لدينا حوائج يا ابا الفضل////*
••••••••••••••••••••••••
يكافل زينب اكفلنا واكفل الشيعه ظلّل بكفك انت واحميهم
بحزن اجيتك ابكي عالشيعه كلهم بشدة فرج الهمهم وعينك عليهم
يباب حسين بابك ندقه ونبكيِ بحرقه عالشباب تروح وينسفك دمهم
شباب النا للحرب يمضون وينسفك دمهم بالظلم والجور يواسوا الزهره
•••••••••••••••••••••••••
خادمة آل محمد✍🏻
*السلام على صاحب الدمعة السرمدية*
*المصيبة شهادة الامام السجاد ع* 😭
ما زال امامنا يعيش الغصة والألم والأحزان الى انقضاء عمره حتى دسوا إليهِ سُـماً نقيعاً في طعامه ما إن تناوله الإمام احس بالسموم تُـقطع امعائه أخذ يُوصي ولده الإمام الباقر عليه السلام :
*يا بنيّ , إنّ الوقت الذي وُعدته قد قرب, فأوصيك في نفسك خيراً, واصبر على الحقّ وإن كان مُـرّاً,
بنيّ , إذا أنا متّ فغسّلني / الإمام لا يلي غسله إلّا إمام مثله.. واعلم أنّي مفارقك عن قريب, فإنّ الموت قد قرب, وقد بلغ الوليد منّي مراده.
ثم تغير وجه الإمام من لون إلى آخر بدأ الإمام يجود بنفسه إلى أن عرق جبينه و سكن أنينه وقرأ سورة يس والواقعة ما إن ختمها
(وكأني به عند حظور الموت الزهراء واضعه رأسه بحجرها وعلي عند رأسه والحسن عن يمينه والحسين عن شماله ورسول الله عند رجليه يناديه إليّ إليّ)
لحن قلب امك يبني مفتت♪
حضرت يمه الزهره وتنحب
تون وتنادي بمدمع بمدمع يلهب
اجيتك يبني ٱيمسموم
انصب مأتم ودمعي اتصبب
〰️〰️〰️〰️〰️〰️
*عظم الله اجوركم-* يا اهل العزاء تهيؤا للمصيبه~ امامنا السجاد بحال الاحتضار~
ثم اسبل رجليه ومد يديه وغمض عينيه وفارقت روحه الدنيا
اين المنادون وا اماماه
واعليـاه
*إمامي وا إماماه*
هذي الزهراء تنعاه
وتنادي وا ولداه
🩸🩸
ماجت المدينة بأهلها وصار كيوم مات فيه رسول الله , واعظم من بكى عليه ولده الباقر,
والده , الميت لازم يجردوه عن ثيابه يقول بينما هوا يقلبه أخذا ناحية من المغتسل صار يبكي
🔺( أن شاء الله ما شاف ضلوع مكسره , ان شاء الله ما شاف خد ملطوم )
اعتزل من المغتسل و خرج منه وهو يلطم على رأسه ويصرخ آه واأبتاه، ( شفيك يامولاي؟؟)
قال رأيت ساق والدي مرضوض من آثار القيود،
🔺وبعد شنو شفت مولاي, قال وانا اغسله رأيت آثار الجامعة في عنقه فإن الجامعة قد أكلت لحم رقبته، ( الجامعة هي مسامير ) كلما التفت الامام وكزه منه
(بعد شنو شاف الامام وهو يغسله )
ورأى أثار السياط على جسده
*عظم الله اجوركم بمأتم السجاد ع*
*بينما كان امامنا الباقر يغسّل اباه ويجهز جنازته واذا به تنحى جانبا يبكي ولما سُئل عن السبب ؟؟؟ قال رايت الجامعة والقيود على عنقه وجسده~*
مو بديّه ~~ شفته وبجسمه أثر
مو بديّه ~~ تذكّرت كل الصور
مو بديّه ~~ جامعه وقيد وأسر
〰〰〰〰
وبرگبته ~~ جامعه ويلي بحديد
ويلي شفته ~~ بْيَمنِته ويساره قيد
يا مِحِنْته ~~ من دخل مجلس يزيد
〰〰〰〰
آيا سجّاد ~~ محنتك اصعب امر
آيا سجاد ~~ تعاين النسوة بأسر
آيا سجاد ~~ بيدك حْفَرت الگبر
سيدي يا زين العابدي كم گبر حفرت وكم جنازة شيعت ؟ولمن سيدي؟
قبر الشهيد بكربله
وقبر لْرقية مدلّـله
وقبر لْشريفه بالفله
وخولة دفنتها عالدرب
〰〰〰〰
الله يعينك عالمحن
دفنت الغريب بْلا كفن
كم لوعة راواك الزمن
يا بويه مفطور الگلب
خادمة آل محمد✍🏻
, ثم حمل الجنازة وهو ينادي واعلياه واإماماه
.*#واسجاداه~ لحن اسمع عتابي~ حال امامنا الباقر ينعى اباها زين العابدين ع*
وين الّي يبكون~ ويهلّن عيون
لْمحنة السجّاد ~ هالليلة مدفون
الباكي عالحسين ~ ودمعاته بالعين
خلصت سنينه ~ بحزنه والونين
بأمان راحل~ والدمع سايل
هالليله بويه ~ مودّع وشايل
بزنوده اسرار ~ وللجامعه آثار
سوّت علامه~ اسود متن صار
خادمة آل محمد✍🏻
جاء به إلى القبر،
إتجه إلى القبر المغيب
أول مانزله بقبره، إتجه ينادي السلام عليك يافاطمة الزهراء،
* لحن اسمع عتابي~
آيالزچيه~ نصبي العزيه
نوحي للمسموم ~ بدمعه جريه
*مولاتنا الزهراء تنصب عزاء السجاد ع*
ومن المدينة تعتني الزهره الزچيه
لزين العباد ومحنته تنصب عزيه
تلزم ضلعها المنكسر بونّه خفيه
تنادي يمسموم الچبد فجع الگلب والروح
〰️〰️〰️〰️〰️〰️
ما بطّلت نوح ودمع ابكي وٱهل دمعي
ومحنة حسين بكربلا زادت ألم ضلعي
الحسن ومصابه ومحنته غيّر إلي وضعي
وللمنذبح في كربلا انصب عزيه ونوح
آيمسموم… خلصت عمرك نحيب
آيمسموم… تبچي لمصاب الغريب
آيمسموم… يا جرح منك يطيب
آيسجاد… برگبتك شفت الأثر
آيسجاد… جامعه وقيد انحفر
آيسجاد… من أثر درب اليسر
يمك آنه… واحضرت ليك الكفن
يمك آنه… شيّعيتك للدفن
يمّك آنه… شايله هموم ومحن
خادمة آل محمد ✍🏻
*محنة السجاد ع*…… دخل عليه أبو حمزة الثمالي يوماً فرآه حزيناً كئيباً على عادة الإمام فقال له: سيّدي، ما هذا البكاء؟ أما آن لحزنك أن ينقضي، إنّ القتل لكم عادة وكرامتكم من الله الشهادة، فقال له الإمام عليه السلام: شكر الله سعيك يا أبا حمزة، كما ذكرت، إنّ القتل لنا عادة وكرامتنا من الله الشهادة، ولكن *يا أبا حمزة هل سمعت أذناك أو رأت عيناك أنّ امرأة منّا أسرت أو هتكت قبل يوم* *عاشوراء؟! والله يا أبا حمزة ما نظرت إلى عمّاتي وأخواتي إلّا* *وذكرت فرارهنّ في البيداء من خيمة إلى خيمة ومن خباء إلى*
*خباء، والمنادي ينادي أحرقوا خيام الظالمين*
يبو حمزة لو شافت عينك بالطفوف شصار
خيام حسين محروگه وبالصيوان تشب النار
وفرّن هالحرم كلهن ويّاهن يتامى زغار
القتل عادة وكرامة ٱلنا لكن صعبة لمصيبه
〰〰〰〰
قبل يوم المحن بالطف سمعت النا انسبت نسوان؟
وسمْعت اذنك بحرّه مثل زينب تطب ديوان؟
مسبية على الهزّل وترافق بالغرب عدوان!
مشدودة باديها حبال
ويخاطبها ابن شيبه
〰〰〰〰
لحن اسمع عتابي♪
فوق الهزيله~ دروب الطويله
مشيت سبايا ~ وما عدها حيله
بديرة أجانب ~ وبين النواصب زينب سبيه ~ أم المصايب
بحشمة خدرها ~ تمشي بيسرها
لكن طويله~ رخلة صبرها
بـ جدها البدايه~ وبالطف نهايه
ورثت عن امها~ كل الحكايه
خادمة آل محمد✍🏻
*الزهراء ع تنزل من الجنة الى كربلاء تزور ولدها الحسين ع ولكن بأي حالة؟*
اتعنت يمه تطوف الحضره
تشوفه اتوسّد اويلي بگبره
نحره مگطوع ينزف دمه
جروحه تنزف طعنة وطبره
〰️〰️〰️〰️〰️
شافت صدره اويلي مهشوم
وصاحت يبني آيا مظلوم
تجذب ونّه وتشهق شهقة
وتلطم ويلي وعليه اتحوم
يبني يبني يبني يبني
〰️〰️〰️〰️〰️
راحت ويلي تنحب وتنوح
وصاحت يبني آيا مذبوح
راسك مگطوع من المنحر
مسلّب جسمك ياروح الروح
يبني يبني يبني يبني
خادمة آل محمد ✍🏻
لحن اسمع عتابي♪
الزهره الزچيه~ بعبره جريه
يم گبر الحسين ~تنصب عزيه
قبره تطوفه ~ بدمعه ذروفه
مذبوح ابنها~ تعاين تشوف
بأي حاله؟
نايم بقبره~ وجروحه كثره
ظامي انذبح ليش ~ وحزوا له نحره
تون بحزنها ~ ويتعالى ونها
ضلوعه مهشومه ~ تبكي لابنها
خادمة آل محمد ✍🏻
https://youtu.be/CejRG5FhkT
*ليلة. الجمعة والسيدة الزهراء ع تزور الحسين ع*
[كل جمعه تنزل فاطمه]
[اتزور المخضب بلدمه]
وتنادي يا رب السمه
بيا ذنب مذبوح الحسين
✺✺✺✺✺✺✺✺
وصلت الى قبر الشهيد
تنعى لمحزوز الوريد
شافت جسد فوق الصعيد
عالغبره مگطوع الوتين
✺✺✺✺✺✺✺✺
شافت حوافر عالصدر
ودم الورد من النحر
ولطمت ضلعها المنكسر
ومنها اعتلا صوت الأنين
✺✺✺✺✺✺✺✺
يا هو الي گطّع رگبتك
يا هو الي داسه جثتك
والله عظيمة ذبحتك
وتلطم وجهها باليدين
حســين💔 خادمة آل محمد✍🏻
*(2) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع) لحن الجفيري♪
لو شفتي يمه كم مصاب
بعيوني شاهدت العذاب
طفل ويتيم على التراب
تسحقهن خيول العده
〰〰〰〰〰〰
بعيوني عاينت الخيم
شبّت بنيران الظلم
وطلعن. بناتي والحرم
وتتبعهن سياط العده
〰〰〰〰〰〰
شفت الحرم من تنسلب
وسياط اميّه والضرب
وشافت مشاهد هالرعب
اطفالي يمه ويالعده
〰〰〰〰〰〰
واصعب مشاهد كربله
سبي وضرب هالعايله
واطفالي كلها معوله
والسيي قرّب موعده
〰〰〰〰〰〰
واليكسر الخاطر بعد
عبدالله شفته بلا مهد
واگبالي مذبوح الولد
وداست جسد طفلي العده
〰〰〰〰〰〰
خادمة آل محمد✍
#وازينباه
*زينب ع في مجلس الطاغي لعنه ورأس اخيها الحسين ع*
راسك خويه حين الشفته
تلعب عصا يزيد بشفته
گلبي تفطّر ودمعي ذْرَفْته
رسالت دمعة عيني سكته
خويه خويه خويه خويه²
〰〰〰〰〰〰
نخيتك يا راس خويه الغالي
فتّح عينك وانظر حالي
حرمه وحدي عزي فْگَدتِه
بوسط الديوان من غير والي
خويه خويه خويه خويه²
〰〰〰〰〰〰
الظالم ينشد يا هي زينب
قيود بإيدي وحالي يصعب
يضرب راسك ويشمت بيّه
وسوطه بگلبه سهم وصوّب
خويه خويه خويه خويه
خادمة آل محمد✍🏻
https://youtu.be/CejRG5FhkTg
*وارقيتاه ~ لحن. الجفيري قلب امك يبني مفتت~*
رقية اقتربت من الراس مدت يديها الصغيرتين وضمته اليها وصاحت حسين`~
گعدت يمه تجذب ونّه
تجري العبره فوق الوجنه
تعاين نحره بدمه محنه
تگله بويه فتّح عينك
〰️〰️〰️〰️〰️
صاحت راسك هذا اقبالي
جسمك وينه آيالوالي
يا بعد الروح انت الغالي
نور الباري بوسط،جبينك
〰️〰️〰️〰️〰️
نوبه تحبه ونوبه تضمه
ونوبه براسه راح تشمه
تگله محلا بويه اللّمه
لكن مذبوح الله يعينك
〰️〰️〰️〰️〰️
اخذني وياك يا روح الروح
ما ٱگدر انظر نحرك مذبوح
بوجهك طعن وآثار جروح
كنّي اسمع صوت ونينك
〰️〰️〰️〰️〰️
شفافك ذبلت وجهك اصفر
انظر دامي بويه المنحر
من يتّمني يابو الأكبر
ذِبحك ظامي من وتينك
خادمة آل محمد ✍🏻
https://youtu.be/CejRG5FhkTg
*زينب ورأس الامام الحسين ع*
وهذا مشهد بكت له زينب واحترق قلبها وتجددت احزانها ولوعتها لمحنة اخيها الحسين ع فساعد الله قلبها حين رات الظالم يضرب راس الحسين ع صح ونادي واحسيناه~~~ لحن الخضيب
راس الولي لا تضربه بسوطك يهالظالم
تشوف العيون مذبّله كنّه الولي نايم
هذا سبط طه النبي وسيد بني هاشم
أثر الجراح بجبهته وشفافه ذبلانه
واحسينا واحسينا واحسينا آه
〰〰〰〰〰〰〰
كل ضربة في قلبي سهم تصوبنيِ بروحي
الظالم بسوطه يضربك وجروحك جروحي
يألمها روحي من انظرك ولاجلك بعد نوحي
شيحمل بعد گلب الأخت آلامه واحزانه
خادمة آل محمد✍🏻
*موقف مؤلم لما المغسلة ارادت ان تغسل رقية ورات جسدها والمتون زرقاء متورمة واويلاه ~* لحن الجفيري
واويلي مسوّدة المتون
يبكوها بدموع العيون
واثر السياط من السجون
واثر السياط من الضرب
〰️〰️〰️〰️〰️
حطوها فوق المغتسل
ومغسله جابو بعجل
ومن يمها حطوها الاهل
موقف أليم شگد صعب
〰️〰️〰️〰️〰️
ومن جرّدتها من الثياب
وحطتها من فوق التراب
شافت اثر ضرب ومصاب
مذهوله وتنادي العجب
〰️〰️〰️〰️〰️
وزينب تنوحن معوله
ودمعتها عالخد سايله
شافت وضع المغسله
محتاره ما تدري السبب
〰️〰️〰️〰️〰️
نامت وِمغْمضّه الجفن
وبيها أثر سود المتن
جيبو اليها هالكفن
ومحروقة ايديها بيا سبب
خادمة آل محمد✍🏻
*وارقيتاه~* يا زهراء مدد
*موقف في خرابة الشام زينب وحرائر الرسالة يندبن ويبكين مصاب اليتيمة وقد احاطن بالجنازة بعد ان حفروا قبرها الصغير بالدموع والأنين ولوعات الوداع ولسان حال زينب ع*
لحن الجفيري~
رقية يا غصن الورد
بعدچ صغيره عاللحد
دمعتنا ما تنشف أبد
هالدفنة صعبه بالترب
〰️〰️〰️〰️
منهو يفصّل هالكفن
يشيل الجنازة للدفن
غدّاره يا شام الزمن
نعوفنّچ بأرض الغرب
〰️〰️〰️〰️〰️
تسيل المدامع عالگبر
وتنادي يا ربي الصبر
يالماخذه وياچ العمر
ميته رقيه بيا سبب
〰️〰️〰️〰️〰️
لحن الفراق~
يا رقية ~ محنتك صعبه عليّه
يا رقية ~ علينا جددتي الرزيه
يا رقية ~ واللقا يم الزچيه
*الليلة اللقاء مع فاطمة الزهراء ع*
خبّريها ~ عن مدامع هالجفن
خبّريها ~ عالخرابه والمحن
خبّريها ~ وراري ليها هالمتن
شبيها رقية ؟؟؟؟
زرگه المتون
وحمره العيون
اشتاگت للحسين
وخذها هالحنون
مغمّضه العين
بحضن الحسين
الليله نامت
واجاها هالبين
وارقية وارقية~وارقية وارقية~
خادمة آل محمد✍🏻
*وازينباه*حال حرائر الرسالة / في طريق السبي*
*طور الجفيري♪
دلاّلي ذاب من الهضم
وثقل السلاسل والألم
حبال بإدينه والزلم
تصد وتعاين عالخدر
〰️〰️〰️〰️〰️
مشّونه من فوق الهزل
شمس وسلاسل والحبل
ويضربني بـ سوطه النذل
بين الشماته والزجر
〰️〰️〰️〰️〰️
عجفه الهزيله ومايله
وبعيني دمعه سايله
شسويتي بينه كربله
ذْبحتينه بسيف الهجر
〰️〰️〰️〰️〰️
راسك يخويه انظره
وبحاله آنه محيّره
يعاين عليّه ميسّره
ارافق اجانب باليسر
خادمة آل محمد✍🏻
*حرائر الرسالة وسبايا العترة / لحن اسمع عتابي*
رووس العشيره ~ اقبال الأميره
من دِخلت الشام~ زينب أسيره
عيون الشماته~ تعاين خواته
راس الولي يلوح~ يبچي بناته
كافلها غايب~ تفگد حبايب
عالشاطي مطروح~ فوق الترايب
حسرة عليها~ تندب وليها
وتعاين الرووس~ وله تشتكيله
*نعم زينب تبث شكوها لأخيها الحسين ع صحيح انها لم تضعف وحاشى ان تظهر بموضع الذلّ والتوهين ولكن قلبها مكسور على الحسين*
من تحت الخمار~ تندب يا كرار
لو عينك تشوف ~ زينب عا الْكوار
خادمة آل محمد✍🏻
*حال زينب ع ومصائب الشام*
بباب الشام بت حيدر وْياها الرووس منشالات
على الهزّل يبو. صالح شلون ودخلت الشامات
ويتامى حسين بالونّه وحرم واطفال محزونات
لا والي ولا حامي يدفع عنهم الأنظار
〰️〰️〰️〰️〰️〰️
ليت الشام مخسوفه باهلها ولا تطب بيها
ولا راس الوالي مرفوع وينظر زينب شبيها
ولا يأشّر عليها الناس ولا عين العدو عليها
آيالشام كل نظرة سهم صابت علي الكرار
خادمة آل محمد✍🏻
*نخوة للعباس ع* ~ لحن والله حيرة حيرتي•♪
اجيتك آنه بطلبتي
بحيرتي وبدمعتي
اقسم بقطع الكفوف
ما تردها حاجتي
يابو فاضل يا كافل يا بو فاضل~
〰️〰️〰️〰️〰️
اجيتك بدمعي اشتكيلك وانت تدري
بحالي حاير ابكي وهمومي بصدري
واقف ببابك بحاجة وحيرة امري
اقسم بحق الغريبه الراحت سبيه
اقسم بعين الگمر
وبـ الي نايم عالنهر
براية الكافل قسم
واقسم بأم الخدر
بدمعي اجيتك يا كافل بدمعي اجيتك
〰️〰️〰️〰️〰️〰️
انت باب الحاجة و انت مولاي الوسيله
عندي حاجة وانتخي بخدر العقيله
اكفلني اجيت لكل امر انت كفيله
اكشف الكربة وحق زينب الهاشميه
〰️〰️〰️〰️〰️〰️
گالو باب حسين انت وللحوايج انت باب
اقسم عليك بكفوفك وطيحتك فوق التراب
تقضيِ الحاجة إليه وعني تكشف هالمصاب
الشدة باسمك بس تزول اقسم بقطع اليدين
وانت كافل بالشدد
من اصرخ باسمك مدد
انت مأوى والسند
يا بو فاضل مدد يابو فاضل
خادمة آل محمد ✍🏻
#واسجاداهبحر طويل ~
المدينة بالحزن ماجت واهلها للعزا نصبوه
كنه يوم فارگهم رسول الله من دفنوه
خلص عمره بحزن عا حسين اويلي للگبر شيعوه
يكفي هالعمره قضّاه بدمعه وونه عالمظلوم
اه يا سجاد~
حضرت فاطمة الزهره بجلباب االسواد تنوح
تگله گوم يا وليدي اجيت انصب عزا والنوخ
والطم ضلعي المكسور وانفاسي لطم وجروح
نوبه ابكي عالمنحور نوبه ابكي عالمسموم
خادمة آل محمد✍🏻
*حال الامام السجاد لما وصل لمصرع ابيه الحسين لكي يوراي جسده الطاهر*
تعناله علي السجاد وگعد يم الأبو ينحب
شافه موسّد الغبره ذبيح بدمّهِ مخضّب
حيره احتار من شافه يلمّه وجسمهِ مترّب
فوق الگاع اوصاله كلها موذّره يمه
〰️〰️〰️〰️〰️〰️
عادة الميت يكفنوه ويتشيع الى قبره
لكن وسفه عالمظلوم حزوا هالعدا نحره
تابوته الرمح ينشال راسه وجسمه عالغبره
محّد غمض عيونه ذبيح مغسّل بدمه
خادمة آل محمد✍🏻
*لحن اسمع عتابي~ للشيخ البيابي~*
سجلني زاير ~ خلني اسافر
اكحل عيوني ~ بقبة ومناير
اطوف بْحَضِرْتك~ واذكر مِحِنتك
واقرا المصيبه ~ساعة ذَبِحْتك
بصحنك اطوفه ~ بدمعه ذروفه
اوصل ضريحك ~ وعيني تشوفه
اقرا الزياره~ واسمع بشاره
تسجلني خادم ~احلا عباره
خذ مني روحي ~ وضمد جروحي
خلها عا بابك ~ ويكفيني نوحي
حسين حسين حسين
مولا حسين حسين حسين
الشاعرة خادمة آل محمد ✍🏻
https://youtu.be/RsYn1i6972g
اللهم اكتبنا هذه الليلة من زوار الحسين نزوره مع المهدي نزوره مع الزهراء ع
*يابو صالح~~~* *أين انت سيدي في صبيحة يوم الجمعة أتراك عند جدك الحسين ع تقرأ دعاء الندبة ومصرع جدك الحسين وتزوره بالزيارة الناحية المقدسة*
بليلة جمعة وين تروح تقرا بكربلا الندبه
تگصد زاير المذبوح ودمعك جارِيِ تْصُبّه
جفنك بالحزن مقروح تزورن صاحب القربه
وبالحرمين تبدي النوح وتنصب خيمة الأحزان
〰️〰️〰️〰️
تهبط يمّك الأملاك وتعينك على المدمع
تزور الناحية وتنحب ومن توصل الى المصرع
تذكر جدك المذبوح وشمر بصدره يتربع
بسيفه يگطع أوداجه واويلي على التربان
〰️〰️〰️〰️〰️
تضجن كربلا صيحات آيحسين ومصابه
وتحضر فاطمة الزهره وتعين المهدي بمصابه
وتطب لحضرة الظامي وتشهق شهقة يم بابه
والمهدي يرافگها ويبكي المنذبح عطشان
خادمة آل محمد✍🏻
بعد الزهراء ع تحضر بكربله هناك عند ولدها ولها عزاء آخر…
*بليلة جمعة مولاتي تنصب للعزا ونّه*
(وين ايها الشاعر)
يم باب الحسين ع هناك بباب الراس تتعنه
تزور المنذبح ظامي وللزهره غِدت حنّه
واملاك السمه نزلت تلطم والدمع منثور
〰〰〰〰
(الزهراء ماذا ترى بعين البصيرة)
تشوفه والجسد ما بيه موضع ما بقى سالم
وراسه من النحر منحور ممدد عالترب نايم
وعبدالله على صدره والله بحالته عالم
ظامي منذبح ويلاه ومحزوز النحر منحور😭
*الزهراء ع حين تزور قبر ولدها الحسين ع في كربلاء*
للزيارة… بليلة جمعة إجت
للزيارة…لحضرة الظامي إعتنت
للزيارة… طافت الحضرة وبچت
بالعزيه… حضرت املاك السمه
بالعزيه… نايحة وَيْ فاطمة
بالعزيه… والمدامع من دِمه
يم ضريحه… بونّة طافت عالضريح
يم ضريحه … زايرة حسين الذبيح
يم ضريحه… تهتف باسمه وتصيح
(واحسينا~ يا ذبيحا بالطفوف
واحسينا~ يا طعينا بالسيوف
واحسينا~ ظامي قد ذقت الحتوف)
*يا اهل العزاء الزهراء ع حين تزور ولدها الحسين ع ماذا ترى؟؟هل تتحمل رؤية ولدها مذبوحا والجراحات في جسده والدماء تسيل من نحره… تگله*
شلون اشوفك… منگطع يبني النحر
شلون اشوفك… مكسّرة عظام الصدر
شلون اشوفك… نحرك بسيف انطبر
مسلبينه… هالجسد يبني سليب
مسلّبينه… والنحر بالدم خضيب
مسلّبينه… بْلا كفن آه يا غريب
خادمة آل محمد✍🏻
*ليلة الجمعة وزيارة الحسين ع*
اجيت ازورك يا غريب
ابكي عالخد التريب
ناعي للشيب الخضيب
واسجد بباب الحسين
〰️〰️〰️〰️〰️
بليلة الجمعة أجيك
باكي يا حسين اعتنيك
ارفع كفوفي ارتجيك
نظرة مولاي الحسين
〰️〰️〰️〰️〰️
ايها الزائر من توصل لباب الحسين ما حال قلبك لو شعرت ان الزهراء ع بهذه الليلة حاضرة بكربلا ولو كشف الغطااء لسمعنا لها الأنين والحنين ~ وصوت الناعيه حسين يا حسين
مع الزهره ازور حسين اوقف ناعي يم بابه~
ازوره بليلة الجمعه والدمعات سچّابه~
اسلم وادخل الحضره واشتم عطره وترابه
واقره زيارته باكي
والدمعات عالخدين
〰️〰️〰️〰️〰️
اشوف القبه والرايه
ويدق قلبي واصيح اهواك
وامشي خطوتي وادخل
اطب الحضرة والشباك
اقره زيارة المظلوم
مع الزهره اطوف هناك
واسلم عالصدر مكسور
والطم والدمع بالعين
〰️〰️〰️〰️〰️
تنصب مأتمه الزهره
وبالمذبح تون ونّه
محنية الظهر تلطم
تشوفه بالدمه تحنّه
تشوف سهام وجراحه
والطعنه على الطعنه
وتصرخ آه يا مذبوح
وصيحتها ليوم الدين
خادمة آل محمد ✍🏻
طريق العشق
كربلاء
*(3) راس الامام الحسين (ع) قرآن الله الناطق* (مشهد تصويري رأس الامام الحسين ع رأى كل مأساة كربلاء يروي للزهراء ع
لحن جاوبني يا علي~ للملا محمد بوجبارة
بعيني شفت صور
ومشاهد الأسر
من هجموا عالخيم
سلب وضرب وزجر
شفت طفلة تطيح
وطفل بعد جريح
تركض على الجمر
وتناديِ وتصيح
شفت عثر طفل
واجا شمر بعجل
بسوطه يضربه
ويعنّفه النذل
وبناتي عالتراب
مسلوبة الحجاب
يدفعهن اللعين
يعفرهن بتراب
خادمة آل محمد
قال الإمام زين العابدين عليهالسلام : «والله ، ما نظرت إلى عمّاتي وأخواتي إلاّ وخنقتني العبرة ، وتذكّرت فرارهن يوم الطفّ من خيمة إلى خيمة ، ومن خباء إلى خباء ، ومنادي القوم ينادي : أحرقوا بيوت الظالمين»
دمعة عيني ما جفّت وجلبابي الحزن والنوح
صورة كربله بعيني
وخدر عماتي والمذبوح
هدم حيلي مصاب الطف
الأبو شفته بعد مطروح
ثلاث تيام عالغبره
ودفنته بيديِ بلا راس
〰️〰️〰️〰️〰️〰️
وبالطف خاتمة الاحزان
اگبالي بسوط ضربوها (اه يا زينب)
حرگوا بالطف خْيمها والأطفال سلبوها
وعيني تعاين النسوان من خيمتها طلْعُوها
وعالرمضا تگوم تطيح وتصيح بصوت يا عباس~
خادمة آل محمد ✍🏻
هذا ما كان يتردد على مسامع امامنا زين العابدين ع وهو داخل الخيمة والنار تشتعل بالمخيم وصراخ الاطفال والنساء يفرون من خيمة الى خيمة (فقط اريد ان تتخيل هذا المشهد وتسمع صراخ الاطفال المرعوبة من زعقات الخيول واصوات الرجال ولهيب النار…) ففررن بنات رسول الله من خيمة إلى خيمة ، ومن خباء إلى خباء… لحن الخضيب♪
زين العباد بحسرته يعاين على الخدّر
نار وخيم ضيعة حرم وقلب الطفل فطّر
من خيمة عد خيمة تفر بثوب الخدر تعثر
طفله تطيح على الترب وعدها القلب مرعوب
آيزينب آيزينب آيزينب آه
مشهّد يألم هالقلب ونار الخيم تلهب
فرّت يتامى من الضرب ومن الألم تنحب
ما عند حيل بعلّتي وانظر الى زينب
شبت عبايتها وخدر كل الحرم مسلوب
آه يا زينب آه يا زينب آه يا زينب آه
خادمة آل محمد ✍🏻
*الرأس الشريف* / *خدمة العبرة المقدسة* 🩸
*رأس الإمام الحسين ع المنصوب بأعلى الرمح وشيبه الخضيب بدم نحره واويلاه واحسيناه والآثار من رشق السهام وضرب الحجارة بجبينه وحلقه وشفتاه المشققتين من العطش واويلاه واحسيناه واعطشاناه*
شفت الراس ومذبّله عيونه~
راس الولي براس الرمح يِشيلونه~
بناته بهالحال الله شلون يشوفونه~
من وريده دمه ينزف من منحره~~
سمع ونّين زينب وجذبت الونّات
فتح عيونه شافت وتعالت الصيحات
صاحت گلبي فطرته وسالت العبرات
وتنحنح الراس وزينب تلطم بحسرات
فتح عيونك يا بدر فوق الرمح انبرا
خادمة آل محمد✍🏻
#وارقيتاه / لحن اسمع عتابي~
لهاي اليتيمه ~ المحنه عظيمه
مدفونه بالشام ~ غربة وأليمه
جابو إليها ~ راس الـ وليها
بالطشت حطوه ~ ما بين ايديها
يم راسه ناحت ~ مفجوعه صاحت
تخضب وجهها ~ بدمومه راحت
تگله يغالي ~ عزي ودلالي
راسك اشوفه ~ ودمعي يلالي
اخذ روحي وياك ~ ما ٱگدر عا فرگاك
بويه وحبيبي ~ حسين الله وياك
شهگت على الراس ~ وخمدت الأنفاس
مصاب اليتمة~ يگطع الاحساس
خادمة آل محمد✍🏻
https://youtu.be/RsYn1i6972g
*وارقيتاه~ يا زهراء مدد*
موقف تصويري مؤلم~
رقية تخاطب حامل الطشت ~ تگله
يلي جبت لي راس الولي جسمه تركته وين~
ما تدري آنه رقيته وهذا أبويه حسين~
بيديها اويلي حضنته وتصرخ ينور العين~
اجاني الأبو بلا يا جسد چاوينه گلّي الراس
〰️〰️〰️〰️〰️
شفته بحلم اجاني الأبو وماخذنيِ بالأحضان
وبيده مسح راس اليتم وناديته يالعطشان
خلصني من درب السبي والخربه والسجّان
ما حسّبت راسه انظره ويتگطع الإحساس
〰️〰️〰️〰️〰️〰️
واتمددت جنب الرأس وتگله حاچيني
بنتك انا المدلـلّه وانتظرك اتجيني
انت وعدتني يالأبو لا ما تخليني
بهاي الخرابه والسبي وبالغربه بين الناس
خادمة آل محمد✍🏻
نادوا *سبايا العترة وحرائر الرسالة في الكوفة*
قال الراوي عندما أقبلت العشائر ونادت نسائها وأخذوها من السبي بقيت امرأة واحدة من بني أسلم أقبل عشيرتها ونادوها فلم تجب وكانت جالسة إلى جنب العقيلة زينب فهددها قومها أنهم سيدخلون بين النساء ويخرجونها قسرا لئلا تكون عاراً عليهم فالتفتت إليها العقيلة زينب وقالت أخية قومي قبل أن تهاني قالت كيف أقوم وأتركك ولم يناد باسمك مناد من عشيرتك قالت قومي لا بأس عليك فقامت وبقيت زينب تتلفت يميناً وشمالا فلم تر إلا نساء الهاشميات وامامنا عينيها رؤوس أخوتها~ لحن الخضيب او البحراني~
إجت العشاير بالعجل وبكل إسم صاحت
ويّانه گومي من السبي والتفتت وگامت
لن كل أسيرة استأذنت من زينب وراحت
وظلّت يتامى والحرم لاذت بأم الاحزان
〰〰〰〰〰〰〰〰
اجتها يتيمه تنتحب وتگلها يا عمه
وين الهواشم ما إجو ولاكبر وابو اليمه
واحنا يتامى باليسر وانت بعد حُرمه
وين الكلفنا ما حضر وينه گمر عدنان
لحن الفراق~
صعبه والله~ للسجن ٱجت كل عشيره
صعبه والله~ نادوِا عْلى كل أسيره
صعبه والله ~ واحنا يا عمه بحيره
وين اهلنه~ يخلصونا من الأسر
وين اهلنه~ يرضوا ندخل للقصر
وين اهلنه~ ما حم بينا الدهر
خادمة آل محمد✍🏻
احوال السبي وسبايا العترة /لحن يا ناقتي للسيد علي حجازي~
من كربله ~ حُرمه بصف حُرمه مشت
من كربله ~ كنها الجبال وسُيّرت
من كربله~ المخدرة اليوم انسبت
بنت العفاف~ مسبيّة من فوق الهزل
بنت العفاف ~ وايديها مچتوفه بحبل
بنت العفاف ~ تتكفّل بحرمه وطفل
المدلّـلـه~ تسمع شتم تسمع صياح
المدلّـلـه~ طول الدرب ما تستراح
المدلّـلـه~ واگبالها رووس ورماح
حادي الظعن~ شمر الخنا حادي الظعون
حادي الظعن~ وسوط الشمر فوق المتون
حادي الظعن~ والدمعه سكته بالعيون
راح الدلال~ ما من ستر فيَّ الحرم
راح الدلال~ عيون العدا كنها سهم
راح الدلال~ چا وينه شيّال العلم
خادمة آل محمد✍🏻
*التوسل بالعترة الطاهرة* تقرأ بطور الجفيري ~
بالخمسة اصحاب الكساء
بالعترة وانوار السماء
قسم بحسين وكربلاء
بالفجر وايات الكتاب
〰️〰️〰️〰️〰️
أقسم على الله بفاطمه
اجيت بمدامع ساجمه
تنجّيني نار الحاطمه
وتشفعلي في يوم الحساب
〰️〰️〰️〰️〰️
لو مني يتدنّى الأجل
وأنفاسي خلصت بالعجل
بس عندي بالعترة أمل
يسقوني مالكوثر شراب
〰️〰️〰️〰️
لو حانت ايام الرحيل
وزادي على ظهري ثقيل
يحضرني عباس الكفيل
بكفّه يسهّل لي الصِّعاب
〰️〰️〰️〰️〰️
خادم على الكفن انكتب
والدمعة درّة من ذهب
ومن ينثروا عليّه الترب
يحضرني زاير ٱبو تراب
〰️〰️〰️〰️〰️
لو نزّلوني باللحد
اصرخ يا حيدرنا مدد
يحضر إليّه بالشدد
وبٱشارة يرفع كل عذاب
〰️〰️〰️〰️〰️
يشفعلي بالجنة الحسن
من اسكن بجنّة عدن
يسقيني شربة بكل وطن
طوبى وحسن ذاك المآب
〰️〰️〰️〰️〰️
يحضرني لا شك الحسين
يْرِدْ دِيْنَهْ يوم الاربعين
وينطيني صكِّي باليمين
بحضر ونحره دم خضاب
〰️〰️〰️〰️〰️
يحضرني مقطوع النحر
واضمن نجاتي بالقبر
وساعة حسابي بالحشر
ويجزيني بالدمعة الثواب
〰️〰️〰️〰️〰️
يتوّجني تاج لخدمته
والجنة أجر زْيَارِته
يوزّع ثواب بدمعته
وينطيني بيميني الكتاب
خادمة آل محمد ✍🏻