9701
全菲当天配送， 经营海鲜/肉类/蔬菜/水果/烟酒/饮料/调料/杂货等 营业时间:11:00-19:00 19:00之前下单 什么时间都可以配送 需要什么直接咨询: @bk8998
زوّجوه لعلّه يعقل❌
عقِّلوه ثمّ زوّجوه✅
المرأة ليست حقل تجارب ولا مركز إصلاح.
من أجمل ما يميز #الأنثى :
قدرتها الفائقة على قراءة تعابير الوجه والجسد..واستغلالها بذكاء في حياتها..
ودي نعمة عظيمة ميزها الله بها.. عشان تعينها على أداء دورها في الحياة..
فعلميًا المرأة عندها من ١٤ - ١٦ جزء في الدماغ مسؤول عن الأمر دا.. في حين الرجل من ٤ - ٦ فقط..
عشان كدا هنلاقي الأم بتعرف تتعامل جدا مع ابنها إلي لسه مش بيتكلم وبتفهمه من تعابيره وحركاته والأب واقف مش مستوعب أي شيء.. إلا لو الأم أخبرته ..
وكذلك زي ما الأمر دا مهم جدًا في حياتها عمومًا... فهو مهم كزوجة في تعاملها مع الزوج .. خصوصًا إن أغلب الرجال قليلي الكلام ..
ومن أجمل النماذج إلي ممكن ناخدها قدوة لنا في حسن التصرف والذكاء في قراءة التعابير.. وإعطاء رد فعل مثالي بناء عليه... السيدة عائشة رضي الله عنها زوج رسول الله ﷺ..
في يوم ما دخل الرسول ﷺ على السيدة عائشة... و هي بذكائها فهمت إن فيه حاجة متغيرة.. ومن ملامحه عرفت إنه متعصب..
وعشان هي عندها قدر عال من الحكمة ..معملتش كمعظم النساء.. إنها قعدت تلح عليه يتكلم وتقول مالك وفي إيه وإيه الي حصل ! ولازم اعرف دلوقتي !
ببساطة حد متعصب.. أكيد مش دا الوقت المناسب للرغي!
( دا عكسنا كنساء تمامًا.. الفضفضة بتهدينا جدا )
عملت إيه السيدة عائشة بعد ما حللت حالة الرسول ﷺ... ؟
اتجهت للدعم النفسي مباشرة قالت له : " مَن أَغْضَبَكَ، يا رَسولَ اللهِ؟ أَدْخَلَهُ اللَّهُ النَّارَ"
إلي هو بلهجتنا كدا : ما عاش ولا كان إلي يعصبك! دا إلي يعصبك دا ربنا يجازيه بفعله النار!.. ❤️
تخيلوا رد فعل الرسول ﷺ بعد مبادرتها الجميلة دي إيه؟
قال الرسول ﷺ : " أَوَما شَعَرْتِ أَنِّي أَمَرْتُ النَّاسَ بأَمْرٍ، فَإِذَا هُمْ يَتَرَدَّدُونَ؟ "
يعني : إنت حسيتي بيا؟ تعرفي إني أمرت المسلمين بأمر وهما ترددوا إنهم ينفذوه!.
سبحان الله ❤️... تحول الموقف تمامًا... من حد متعصب ومتضايق وأكيد مش طايق يتكلم.. لحد هادي ومن نفسه بدأ يحكي من غير زن وكلام كتير !
وطبعًا المتزوجات وغيرهم عارفين رد الفعل الأصلي لما نزن ونرغي في وقت الشخص متعصب فيه 😂💔
رابط الحديث :
https://www.dorar.net/h/e34e4847e9aec4bdb15c1ae137043dd4
#سيماء_الأنوثة 💕
#زوجيات 💍
في عالم الرجال.. مش بينصحوا إلا لو اتطلب منهم النصيحة والمساعدة..
عشان كدا نصايحك بتترجم عندهم لانتقاد أو اتهام بالعجز و سوء التصرف..أو عدم تقبله ومحاولة تغييره
فبتتفاجئي بانزعاجه أو رد فعل هجومي.. ودا رد فعل طبيعي
بعكسنا إحنا كنساء بنشوف النصيحة اهتمام ورعاية ومحبة..
الموضوع عام ؟ نعطي مثال...؟ 😄
عمر و ليلى اتنين متجوزين رايحين مناسبة ما بالسيارة.. ولكن لسوء الحظ عمر اتلغبط ودخل دخلة خطأ..
ليلى علطول قالتله وقف العربية واسأل أي حد في الشارع أو اتصل بحد يوصفلك الطريق..
إلي حصل إن عمر انزعج واتضايق و معجبهوش كلامها وباقي الطريق فضلوا متضايقين وساكتين! وباظت المناسبة..
المنطق بيقول إن ليلى معملتش حاجة خطأ! فليه عمر يزعل؟
بس بنفس المنطق دا.. ليلى والنساء عموما.. لما بيبقى عندها مشكلة وحابة تفضفض وتحكي وعمر يقدم نصايح بتضايق لأنها مش عايزه حل للمشكلة.. هي عايزة دعم نفسي وفضفضة بس
كذلك عمر محتاج يحس إنه مُتقبل وواعي وقادر يتصرف لوحده وإنه رجل وقوام ومفيش مشكلة لو أخطأ عشان هيتصرف ويحلها لوحده من غير ما تشغلي بالك..
عمر محتاج إنك متخنقهوش بملاحظات ونصائح وإنك تعطيه الاهتمام والمحبة والقبول بالطريقة الي بيفهمها ..
و هو بسبب المشاعر دي هيتطور وهيتحسن بملاحظاتك البسيطة على فترات متباعدة ولكن وهو مرتاح نفسيا ومش مضغوط .. أو مش حاسس إنه مرفوض ومش مكفيك.
وبكدا نقدر نقول من #مفاتيح_شخصية_الرجل 👩❤️👨
إنك تحسسيه بالقبول حتى لو لقيتي فيه عيوب لازم تتطور وتتعدل.. وإن النصيحة والتوجيه مش هما الحل الأمثل للتطوير ... خاصة لو كنتي لحوحة جدا وفاكرة إن بكدا هيتطور أسرع..
#زوجيات 💍
#مفاتيح_شخصية_الرجل 👩❤️👨
Aya Ahmed
من أكثر الأساليب إل هتغير حياتك..
إنك تتعلمي إزاي تخلي إل حواليك يعملوا إل أنت عايزاه.. بأقل مجهود و من غير إجبار أو قوة مباشرة !
- إزاي ؟ 👀
= هتقدري تعملي كدا.. لما تجذبي الطرف التاني لك وتخليه يشاركك الأمر إل عايزاه فيعملوا بطيب خاطر و رضا تام منه..
زي مثلا لما يبقى ابنك الصغير بيخرب لك البيت بسبب ألعابه ونشاطه ..
فأنت تستغلي نشاطه بإنك تحسسيه أنه راجل وبطل وماما محتاجاه يساعدها في توضيب الشقة.. ومحدش هيقدر يعمل كدا إلا هو.. وبالفعل هيقوم ويلم كل ألعابه وينضف مكانه... من غير صراخ ولا ضرب ولا عند ... وهتلاقيه كمان مبسوط وفخول وبيقولك.. ماما شفت أنا شاطر إزاي.. ؟ 😍❤️
الموضوع دا شرحه ديل كارنيجي ( خبير علاقات إنسانية)
في كتابه " كيف تؤثر بالناس؟ "
وحكى قصة بسيطة كمثال لإزاي أقود غيري عشان يعملوا إلي أنا عايزاه..؟
" زوجة قاعدة بتراقب زوجها وأولادها من ورا شباك المطبخ وهما بيحاولوا بالساعات يخلوا ثور ضخم 🐂 يدخل الحظيرة بتاعته.. وهو رافض تمامًا وأقوى منهم كلهم...
فهي خرجت ومسكت "حزمة برسيم" ومشيت قدام الثور فالثور مشي وراها ودخل الحظيرة بنفسه "
فعل بسيط ذكي وفر عليها مجهود وتعب ساعات وقدرت على مخلوق يفوقها قوة أضعاف مضاعفة...
الأسلوب دا مهم جداا في حياتك عمومًا والزوجية خصوصًا.. وهنقدر نحققه بالمفاتيح إل ناقشناها في حواراتنا السابقة :
💍 التقدير و الاحترام
💍 البرستيج والمدح
💍 عدم الانتقاد المباشر
#زوجيات 💍👨👩👧👦
#مفاتيح_شخصية_الرجل 🗝️
Aya Ahmed
- مفتاح إنهاردا إيه فاجئيني ؟ 😃
= الرجل مش بينفع معاه النقد المباشر أبدًا
- بمعنى؟ 🤔
= لو أخطأ في حقك أو قصر معاك في شيء وإنت فعلًا متضايقة ومتضررة وعايزه تلاقي حل للموضوع دا... متستسلميش لعصبيتك وضيقك وتتصرفي بناءً عليهم..
- أيوه بس أنا الي معايا حق ! وهو الغلطان ! يعني هو يَستحق !
= لازم تفهمي إن قوتك في ضعفك ولينك وحسن تصرفك مش عصبيتك واسترجالك.. لو استخدمتي الأدوات دي هتخسري لأنه بكل حال من الأحوال هو الأقوى ... وأكيد مش هتحبي لو غلطتي يعاملك زي ما بتفكري كدا.. صح ولا لا؟
- صح.. مش هقبلها على كرامتي..
= بالظبط كدا.. فلو وجهتي له انتقاد مباشر.. كأنك بتهدري طاقتك على الفاضي... عقله مش بيوصل له أي رسالة غير
" error ⚠️ هجوم "
كل إلي بيفكر فيه وقتها : { أنا وحش! أنا مش قايم بالي عليا! دا أنا عملتلها كذا وكذا !.. وضحيت بكذا! }.. ويبدأ يدافع..
ودا طبيعي وغريزي .. إنتِ لو فيه أي إنسان بيهاجمك هتدافعي عن نفسك وتردي الهجوم بهجوم ...
فإنت بتبوظي الدنيا مش بتحليها.. هتطلعي عصبيتك وضغطك فيه وممكن تغلطي غلطة تقلب الطاولة عليك أنت.. وتخليك غلطانة قدام نفسك شخصيًا بس بعد ما تهدي.. ومش دا إلي إحنا عايزينه طبعا.. دا غير الشيطان وتدخله في إشعال الموقف 😈 ..
- طيب أعمل إيه في الموقف دا ؟
= هنتصرف كالتالي :
* أول مفتاح.. الرجل أحادي التفكير = هتكلميه وتلفتي انتباهه لك وإن في موضوع مهم أنت مستنياه عشان تتكلموا فيه لو مش تعبان أو مشغول..
* ثاني مفتاح.. هنديله برستيجه = هتقولي له " أنا متفهمة الي عملته وعذراك وأنا طول عمري بثق فيك.. إلخ
( مدح / كلام ميحسسهوش إنه داخل على معركة ⚠️ /
ولا بأس بالكلام العاطفي.. الكتير 😉🤭 ) .. بس أنا الموقف الفلاني ضايقني جدا.. وحابة نتناقش فيه.. عشان مش حابة أي حاجة ولو بسيطة تأثر على علاقتنا "
* رابع مفتاح.. لا انتقاد مباشر = تجنبي أي ذم له.. انتقدي الفعل لكن هو لا ... يعني منقولش أنت أناني !.. طماع !.. انتهازي.. غير مهتم... لا هنقول : الموقف ممكن يتفهم إنك أناني وأنا متأكدة إنك مش كدا وبيتك عندك أهم وأنت واحد بتتقي ربنا... وهكذا..
= بالشكل دا هتهيئيه نفسيًا إنه يتناقش وتتكلموا في قعدة صفا وتلاقوا حلول تريحكم أنتو الاتنين..
ولك أن تتخيلي فرق المناقشة لو ماستخدمتيش المفاتيح دي.. ( عصبية / صوت عالي / هجوم / معايرة بأخطاء سابقة / لو في أطفال هتترعب وتتأثر نفسيًا.. إلخ)
وكام زوجين اتطلقوا مع تطورات المناقشة دي .. وأولاد ساءت حالتهم النفسية وهما بيتفرجوا عليهم.. 💔
#مفاتيح_شخصية_الرجل 🗝️
#زوجيات 💍 👨👩👧👦
Aya Ahmed
= يلا نكمل 😊 ؟
- أيواا... كل دا ومش هيعرف قيمتي علطول ! أمال هيعرفها إمتى لما أخلل.. ! 🙂
= تعالي معايا نشوف كدا 😂🤭
#المشهد.. زوجك قاعد في كافيه مع تلاتة أصحابه بيتكلموا عن حياتهم ووصلوا لموضوع الجواز..
الأول : ماسك الموبايل.. معلش مراتي مطلعة عيني كل ١٠ دقايق اتصال حتى في الشغل 😑
زوجك : لا الحمد لله مراتي مش بتعمل كدا الحمد لله ( من جواه دي مراتي طلعت عظمة يا ستيير 😎 )
الثاني : كلهم كدا.. دا أنا حتى مراتي انهاردا جبتلها هدية ب ٢٠٠ جنية.. قالتلي يا ما جاب الغراب لأمه.. هي دي قيمتي عندك ! 🙆🏻♀️ 🙃
زوجك : ياااه.. الحمد لله مراتي لو جبتلها أي حاجة بسيطة بتحسسني إني صلاح الدين الأيوبي إلي فتح مصر 😂❤️
الثالث : * سنجل بائس محتار يتجوز ولا لا * 😂
الأول : يا ابني دي مطلعة عيني.. خاارج مع المدير في شغل والله شغل مفيش تقدير خالص خناقات ونكد وأنت مش بتحبني ومش مهتم ! .. أمال أنا بتعب لمين مش عشان أصرف عليها وعلى الأولاد !
الثاني : وأنا يا مؤمن اتفرجت على الماتش مقولكش على النكد الي شفته يا سلااام...
زوجك : لا الحمد لله مراتي هي بنفسها الي بتشجعني وبتشاركني هواياتي والحاجات الي بحبها وبعدين بنخرح مع بعض..
الثالث : هي مراتك معندهاش أخت تجوزهالي ؟ 😂❤️
الأول والثاني : * يابن المحظوظة يا فوزي * 🙂😦
- فهمتي؟ حياتنا لا تخلوا من التجماعات والكلام هيشوف حال أصحابه وقرايبه في الشغل أو غيره الي بيحكوا وهيعرف قيمتك.. دا لو معرفهاش من نفسه عشان شايف بعينه ولامس حسن معاملتك معاه.. لأنه أكيد شاف تجارب لناس قبل كدا... ومش لازم دي الصورة الوحيدة لأنه عارف قيمتك... هتحسي بكدا يوم ما تتعبي وتلاقيه معاك وبيشيل عنك.. لما يهتم بنفس اهتماماتك ويشاركك بيها زي ما بتعملي... لما يحسن لأهلك امتنانا منه على تربيتهم لك ❤️
- طيب أستفاد إزاي من المفتاح دا لصالحي ؟
= لما تشبعي احتياجاته دي هو بنفسه هتيجي تلاقيه بيعرض عليكم تخرجوا.. وتعملوا كل الي أجلتيه عشانه.. لأنك استخدمتي المفتاح الصح عشان تفتحي الباب..
- طيب البنات الي لسه متجوزوش .. هيستغلوا المفتاح دا إزاي ؟ 👀
= دا الي هنعرفه المرة الجاية بإذن الله ❤
* موقف تفقد الأصحاب لبعض والفضفضة متكرر.. بس دا ميمنعش إن الأفضل الزوج يحترم زوجته وميذكرش عيوبها ولا محاسنها لحد... لأن مش هيستفاد حاجة لما الناس تحتقر مراته الي هي أهله وخاصته أو يحسدوهم فتحصل مشاكل هما في غنى عنها *
#مفاتيح_شخصية_الرجل 🗝️
#زوجيات 💍 👨👩👧👦
Aya Ahmed
央视名厨，今晚空降菲律宾，明天下午17:00出品，只有小龙虾，油焖（麻辣），蒜蓉（不辣），卤虾，咸蛋黄，清蒸五种口味供大家选择！第一天每份立减800p并送啤酒二瓶，100%正宗，100%活虾！
@bk8998
需要联系
@bk8998
菲律宾. 新鲜蔬菜，肉类，野味，海鲜，干货，中高低档烟酒，各种调味料，海运空运物流，代购。
配送地区:克拉克，阿拉棒，拉斯皮纳斯，趴赛，玛卡提，奎松，曼达卢永，甲米地等。。。。
#不要问我有没有，#只要你想要的我都有！
واحد من أهم مفاتيح التعامل مع الرجل..
وكلامنا هنا هيكون عن الرجل الزوج..ألا وهو إننا ندرك فطرته المختلفة عننا كنساء..
فطرة الرجل أنه يميل للمرأة ميل يفوق ميلها له...ومن أكثر ما يجذبه لها هو جمالها الظاهري - دا لا يقلل من جمالها الباطني -
ودا طبيعي جدا.. لأن النفس البشرية جبلت على حب كل ماهو جميل.. ❤️
فلو أنت مهم بالنسبة لك جمال شريك حياتك - طبيعي - فهو حاجته تفوقك في الأمر دا 😃
عشان كدا الرسول ﷺ نبه على الأمر دا..
لما جه أحد الصحابة وحكى للرسول إنه هيخطب سأله الرسول هل شفتها ؟ فرد ب: لا.. فالرسول ﷺ قال : " اذهبْ فانظرْ إليها فإنَّه أحْرى أنْ يؤدمَ بينكُما "
يؤدم : يحصل توافق وميل وإعجاب وتآلف
وكذلك بين الرسول ﷺ من صفات الزوجة الصالحة : " قيل يا رسولَ اللهِ أيُّ النساءِ خيرٌ ؟ قال : التي تسرُّهُ إذا نَظَرَ وتُطيعُهُ إذا أمرَ ولا تُخالفُه في نفسِها ولا في مالِهِ بما يكرهُ"
شفتوا الجمال؟.. الرسول شهد إن خير النساء هي إلي زوجها لما بيشوفها يُسر ويرضى...
وطبعا دا مش هيحصل إلا بالتزين له والمحافظة على النظافة الشخصية ❤️
فالأمر سهل وبسيط ومن فطرتنا حب التزين وسنن الفطرة للبشر ككل حب النظافة... ولو اتبعتي فطرتك هتكوني من أكثر النساء خيرا! بشهادة الرسول ﷺ!
وفي قاعدة مهمة جدا لازم نفهمها ونحفظها ألا وهي :
" يعشق الرجل بعينيه وتعشق المرأة بأذنيها"
المرأة من نقاط ضعفها الكلام الجميل الموزون والغزل.. وفي المقابل الرجل أكبر نقاط ضعفه هو النظر!
ولما كان الأمر كذلك.. الرسول ﷺ حذرهم من فتنة النساء
لأن الشيطان لما عرف نقطة ضعف الرجال أصبح بيستغلها أحسن استغلال 🙂
فالرسول ﷺ قالهم على الحل :
" إنَّ المَرْأَةَ تُقْبِلُ في صُورَةِ شيطَانٍ، وَتُدْبِرُ في صُورَةِ شيطَانٍ، فَإِذَا أَبْصَرَ أَحَدُكُمُ امْرَأَةً فَلْيَأْتِ أَهْلَهُ؛ فإنَّ ذلكَ يَرُدُّ ما في نَفْسِهِ "
يعني الشيطان بيزين النساء في أعين الرجال جداا.. فلو رجل تعرض لهذه الفتنة وأعجب بمرأة مش حلاله.. الحل إنه يروح لزوجته ويطلب منها حقه الفطري..
وهنا هنفهم أسباب أحاديث كثيرة جدا بتنبه وتهول من حق الرجل الفطري - الجماع - على المرأة وأهمية استجابتها له ولو وهي بتطبخ على التنور ( الفرن) أو على ظهر جمل ! كل شيء يؤجل من أجل الأمر دا!
الإشكالية عندنا في إن كثير من النساء اتربوا على إن التزين والاهتمام بالمظهر شيء من الترف والإسراف أو عيب ومينفعش بنت مؤدبة تحط ميك آب مثلا !أو أمر لا أهمية له
أو بتكون مش واعية لأهمية دورها كزوجة في إعفاف زوجها من كل نظرة أو فعل محرم! وإزاي تقوم بدورها دا على أكمل وجه..وللأسف الأمر دا بيرجع لأسباب تربوية خاطئة أو قلة التأهيل والاستيعاب للمسؤوليات بعد الزواج..
عشان كدا مهم جدًا نستوعب أهمية المسؤولية إلي ربنا سبحانه وتعالى كلفنا بيها بعد الزواج.. ونفتكر إننا كنساء راعيات في بيوتنا وهنتحاسب على حق الزوج ❤️
فالمطلوب مننا إيه ؟
نحسن استخدام المفتاح دا مع الرجال.. وإنه طالما هيكون راضي ومرتاح ومشبع الاحتياجات.. هيكون في حالة نفسية تسمح بالحديث والتودد وتلبية احتياجاتك المختلفة..
ودا مش هيتم بس بالتزين الظاهري وحده.. لا.. لازم يقترن بيه جمال الباطن كمان.. فلازم تكون زوجة ذكية متوددة له عشان تعرف ما يحب وما يكره وما يرضيه..
وتكون بتعرف تتعامل بأنوثة و حكمة..
مش مظهرها يكون رائع وجميل ولو فتحت فمها بالكلام أو نظرت إليه نفر منها ومن أسلوبها وطريقتها ..و لو طالبها بحقه الفطري أشعرته بتصدُقها عليه وكُرهها لذلك.. 🤦🏻♀️
عايزة أقولكم إن فيه رجال عندهم احتياج التعفف أهم وأعظم مفتاح لرضاه وحبه.. ومستعد يشيل زوجته على راسه.. لو كَفَتْهُ شدة الاحتياج دا بالحلال ..
ملاحظات :
💍 دا مش معناه إنه يتطلب إنك تكوني أجمل جميلات الكون وأكثرهم إثارة !
الجمال له مناسيب مختلفة من عين لأخرى.. وملهوش مواصفات محددة كما يدعي الإعلام... "للناس فيما يعشقون مذاهبُ".. 🌿
💍 زي ما مهم إننا نلبي احتياجات الزوج والدين شدد عليها كذلك الزوج ملزم باحتياجات الزوجة وإنه يؤديها على أكمل وجه ومن احتياجاتها بردو إنه يتزين لها ويشبعها في حق الفراش كذلك
#مفاتيح_شخصية_الرجل 🗝️
#زوجيات 💍
عشان أثبت لكم أثر النعومة وحسن المعاملة والإحسان مع الطرف الآخر بذكاء والصبر في التعامل وإلي بالمناسبة كلها من معاني الأنوثة ولا تنفصل عنها.. حتى لو في نظرك لا يستحق أو مش هيقدَّر.. أو لا يرجى منه الأمل..
حكت لي زوجة ما.. عن زوجها وعلاقتها به.. وكانت رقيقة اللهم بارك ❤️ .. وأحسبها تمتلك الكثير من معاني الأنوثة..
خصوصًا في صوتها وطريقة الكلام..
قالت لي أنها كانت حريصة من بداية زواجها إن إلي يكون بينها وبين زوجها هو الصداقة.. وإنها تديله الأمان دا..
عشان حتى عيوبه لا يخجل إنه يظهرها لها !
قالت لي إنه يعاني من عدم غض البصر.. واندهشت من أسلوبها في التحدث عن الأمر دا.. مكنتش متعصبة ولا متضايقة ولا فيه نبرة استحقار حتى!
بعكس ما بنشوف من معظم النساء لما أزواجهم يرتكبوا ذنب ما 🔪💀
المهم إنها كانت بتعدي وتفوت عشان تحافظ على علاقة الصداقة إلي ما بينهم ومتعكرش صفوها.. وكانت دايما بتأكدله إنه مشكلتها مع الفعل مش معاه هو ❤️
وإنه مكانته عندها عالية.. وقد إيه هي مقدرة الصداقة إلي ما بينهم 🌿
وبسبب الأمر دا وتأكيدها عليه.. كل مرة بيخطئ... شوية شوية.. لقت إنه هو جاي بنفسه وبيقولها إنه قرر إنه هيغض بصره وهيبطل العادة دي..
ودا شيء عظيم.. لأن أهم شيء إن الشخص يكون عايز يتغير من نفسه.. وإلا كل أساليب الإصلاح مش هتنفع معاه..
خلينا نتخيل السلوك المعتاد الخاطئ للنساء لما أزواجهم بيخطئوا خطأ ما... ونفهم المشكلة...
▪️الانتقاد
▪️ النصح والتوجيه المباشر
▪️ الاستحقار
▪️النفور منه
حد ياجي ويسألني.. وماله النصح والتوجيه المباشر! دا حتى الدين النصيحة!
هقولك إن من الذكاء والحكمة إنك تكوني عارفة مفاتيح وخصائص الرجل في حياتك! لأنه الأب والأخ والزوج والابن!
الرجل بيفهم النصح المباشر لما يخطئ إنه هجوم عليه ومش بيترجمها إلا إنك بتقوليله إنه وحش ومش عاجبك ! 🤐
ويا سلام لو أسلوبك في النصح كأنك بتكلمي طفل صغير وبتصرخي عليه وبتعلميه الصح من الخطأ.. هنا أؤكد إنه هيكره التعامل معاك..
كذلك الانتقاد والنفور والاستحقار إلي هتحسي بيهم.. وهيترجموا في لغة جسدك وصوتك وطريقة كلامك معاه!
وطبيعي هيحس بدا كله.. منك!
وبدل ما تكسبيه وتخلي ما بينكم حلقة وصل وعلاقتكم تفضل مستمرة مهما حصل.. هتكوني إنت بنفسك إلي بتخلي الأحداث اليومية تتحكم في علاقتكم للأسوأ!
وهيحصل فجوة ما بينكم.. وخناقات وصوت يعلى.. وجفا وبعد.. عشان حدث وإن كان صعب وسيء وذنب!
لكن يا ستي هو ذنبه هو وخطؤه هو وهو إلي حيتحاسب.. ولو رجع وتاب.. كل ذنوبه هتتحول حسنات.. وهتكوني إنت إلي خسرتيه..
طيب نتعامل صح إزاي ونكون زي الزوجة إلي حكينا عنها..
دا إلي شرحناه في سلسلة #مفاتيح_شخصية_الرجل 🗝️
رابطها في التعليقات..
#سيماء_الأنوثة 🌹
#زوجيات 👩❤️👨
- قلة العِتاب في العلاقات علامة على صحتها ...
= إزاي دا ؟ 😅
- ناس كتير بتشوف إن العتاب محبة فبتكتر منه... فكل ما الطرف التاني يغلط تعدد له أخطاؤه... حتى لو كان بأسلوب كويس..
ولكن دا له تأثير سيء على الطرف التاني لو أصبح عادة.. لأنه بيحس إنه شخص غير مقبول من طرفك.. فبتهدمي العلاقة بدل ما تبنيها..
- طيب لو حصل شيء ضايقني وأنا حريصة على علاقتي معاه تكون كويسة أعمل إيه ؟
= أول شيء تقعدي مع نفسك وتراجعي علاقتك به ... المميزات والعيوب ؟ مرتاحة ولا لا؟ .. لو المميزات غلبت العيوب... تغافلي وعدي وفوتي... محدش فينا مش بيخطئ.. ومينفعش نقف لبعض بالمرصاد... هو كذلك أكيد شايف منك أخطاء..
لكن لو كانت علاقة غير مريحة والسلبيات أكثر من الإيجابيات.. وهتضطري تجبري نفسك على التعامل المرهق.. خلي العلاقة سطحية.. مراعاة للعشرة والفضل الي بينكم.. لقيتي إن حتى مع تسطيح العلاقة فيه أذى ابعدي وانجي بنفسك..
- طيب أقول إيه لو عايزة أصحح موضوع بيؤذيني رغم إن المميزات أكبر؟
= ميزة إنك مش بتعاتبي علطول.. إنك يوم فعلًا ما تعاتبي الشخص هياخد الموضوع بجدية.. لأنه العادي بتاعك إنك شخصية متغافلة وسهلة ولينة في التعامل..
ودا كان هدي الرسول ﷺ مكنش بيعاتب إلا في الشيء الضروري وغالبا بتبقى مخالفة دينية... وبيكون بأساليب مختلفة حسب الموقف 🌿❤️
الموضوع دا بيطبق في كل علاقاتك الإنسانية عمومًا.. وبالأخص الزوجية مع مراعاة قدسية العلاقة ❤️😄
فممكن نلفت انتباهه ب :
💍 #المدح : في نص الكلام..ودا هيلغي إحساسه أنه مرفوض وغير مُرضي بالنسبة لك..
فنقول مثلًا : بحب فيك إنك بتعاملني بهدوء وبراحة لما بأخطئ... وبتتفهم طبيعتي.. بتكبر في عيني وبحترمك أكثر.. بحس إنك شخص ناضج وعندك حسن تصرف..
💍 #حكاية : ممكن في وسط كلامكم تحكي له قصة لواحدة زوجها بيعمل كذا وكذا ( عكس الأفعال الي هو بيضايقك بيها ) وتمدحي في فعل الزوج جداا وأخلاقه وتأثير الموضوع على زوجته و فرحتها وهكذا..
💍 #استشارة : نستغل حب الرجل وفطرته أنه يكون قائد وكلمته ومشورته مهمة... ونحكي أن فلانة زوجها بيعمل معاها كذا وكذا ( الفعل الي بيضايقك) ودا عاملها مشكلة مؤثرة على بيتها وعلاقتها بزوجها... أنت إيه رأيك... عشان بحب آخد به ؟ أقولها إيه؟ وتتناقشوا في وجهة نظره..وبكدا تكوني لفتي انتباهه إن الفعل دا بيضايق وهيبدأ يتدارك..
💍 #قعدة_صفا : إنك تعملي جو لطيف زي كوباية عصير في البلكونة بعد صلاة الفجر ونسمة هوا... موعد النوم مع وصلة الدردشة والأسئلة الوجودية 😂
وتصارحيه بدون انتقاد لذاته خالص.. وتتكلمي عن الفعل دا وقد إيه بيأثر فيك سلبيا.. واحتياجك إيه.. ونبعد عن تفكير المفروض يعرف لوحده ويهتم.. 🧞♂️
#زوجيات 💍👨👩👧👦
#مفاتيح_شخصية_الرجل 🗝️
Aya Ahmed
- إيه مفتاح إنهاردا 😃 ؟
= الرجل مش بيقرأ الأفكار..
- طبيعي محدش بيقرأ الأفكار.. هو ساحر 🧞♂️ !.. قصدك إيه..؟
=حلو أوي لحد هنا 😃.. أمال ليه لما بتبقي عايزة حاجة.. بتستني يعرفها لوحده ؟
- عشان هو لو مهتم وبيحبني هيعرفها لوحده !؟
= طيب ووصلتي لإيه ؟
- امم.. مش بيعملها إلا لما اتعصب واتضايق وهو يلاحظ إني متغيرة و ممكن نتخانق وأقوله إني كنت متوقعة منه يعمل كذا.. فبيعمله.. بس بعد إيه !
= مش ملاحظة حاجة ؟ بمنتهى البساطة أول ما بتفهميه أنت عايزه إيه بيعملهولك علطول وبصدر رحب...
يبقى ليه الإرهاق النفسي الي بتحطي نفسك فيه ويأثر على نفسيتك وبالتالي بيتك وراحته..؟
- ما هو لازم يبذل مجهود.. هو كل حاجة سهلة كدا ؟
= أنت بتتقلي ؟ 😂💔
خليك فاكرة إنه أحادي التفكير.. يعني مش بيفكر في كذا موضوع في وقت واحد..و طول الوقت إلي أنت متعصبة فيه وبتفكري " هو ليه معلمش كدا ؟ "...
هو مشغول في حاجة تانية بيعملها ومش هيروح للي أنت عايزاه غير بلفت الانتباه + كمان هو مش بيقرأ أفكار 🧞♂️ ...
فطبيعي لو معرفتهوش أنت عايزه إيه هيبذل مجهود عشوائي وهيهدر طاقته وأنت مش هتستفادي حاجة!..
فليه منراعيش طبيعته ونستغلها لصالحنا.. ونريح نفسنا وناخد إلي إحنا عايزينه ؟ طالما هو ابن ناس ومش بيتأخر ؟
= أعمل إيه طيب؟
- لنفرض إنه بقالكم فترة مخرجتوش وأنت عايزه تغيري جو ومخنوقة من قعدة البيت ..
متستنيش إنه يعرض عليك تخرجوا.. وتقولي " ماهو عارف إننا مخرجناش من فترة.. فلازم يعوضني دلوقتي ! "
هنستخدم :
- المفتاح الأول (أحادي التفكير) :
هتلفتي انتباهه كالعادة خاصة لو لسه راجع من برا.. وتقولي له : " إيه رأيك بعد ما نتغدى ونرتاح شوية... بعد العشا ننزل نتمشى شوية.. لو مش وراك حاجة مهمة ؟ "
- المفتاح الرابع ( لا للانتقاد المباشر ) :
هو مقصر آه من وجهة نظرك.. بس متستسلميش لعصبيتك.. وتنتقديه مباشرة : أنت مقصر وغير مهتم... وابعدي تمامًا عن إصدار الأوامر... زي" خرجني حالًا.. هنخرج يعني هنخرج "
استخدمي أسلوبك اللين معاه.. ممكن تقولي مثلا : " أنا عارفة إنك مشغول الفترة دي.. ربنا يعينك ويقويك.. بس أنت بقالك فترة مضغوط.. إيه رأيك نكسر الروتين دا.. ونخرج نتمشى شوية ؟ "
- المفتاح الثاني ( اديله برستيچه وامدحيه) :
بعد الخروج قوليله : " متعرفش أنا قد إيه كنت محتاجة الخروجة دي.. بجد أنت فرحتني جداا ❤..وأنت كمان محتاج تغير جو... مش كل حاجة تعب.. صحتك بالدنيا.. ربنا ما يحرمني منك... ياريت نكررها كل فترة.. إلخ إلخ "
- بطبيعته كرجل نتيجة ( التقدير + الاحترام + المدح) وإنه بيحب إحساس المدح والإنجاز هيحب يكرر الموضوع تاني عشان يحس بالمكانة دي عندك.. وبكدا تبقي وصلتي للي عايزاه.. من غير تعب ولا خناق ❤️..
#مفاتيح_شخصية_الرجل 🗝️
#زوجيات 💍 👨👩👧👦
Aya Ahmed
- إزاي البنت الغير مرتبطة أصلًا تستفاد من كون الرجل يحب المنافسة؟! 🤔
= كونه بيحب المنافسة دا معناه إنه بيقدر التعب والمجهود.. فالحاجة الي هيتعب عشان يوصلها هتبقي غالية في نظره .. أكثر من الحاجة المتوفرة ومتاحة في معظم الوقت...
- يعني إيه ؟
= يعني طول ما البنت معززة نفسها وعاملة حدود.. وبتتقي ربنا في نفسها وأهلها... بيصعب الوصول لها إلا عن طريق الدخول من البيت.. وشيء رسمي.. فبيقدرها ويحترمها من جواه .
لكن إلي بتلاقيها مقصرة في النقاط دي وبتسمح لنفسها إنها تختلط وتتهاون في موضوع الحدود تحت مسمى
زي أخويا / أنتيمي/ زميلي / بنحب بعض وهيتقدملي ...
بتبقى في نظرهم قليلة عشان خانت ثقة أهلها... ومجرد تسلية لحد ما يقدر يتجوز ويدور على بنت الناس إلي يستأمنها على نفسه وبيته.. وحتى لو فعلًا تزوجها حياتهم بعد الزواج بتدمر بسبب الشك من الطرفين لأنهم عارفين إنهم كانوا خطأ... شؤم المعصية للأسف 💔..
= بالنسبة للنوع الثاني من البنات لازم تفهم إن معظم الرجال ماشيين بمبدأ " ليه أدفع أكثر لما ممكن أدفع أقل! "
يعني طول ما أنت موجودة في حياته وهو مش ناقصه حاجة واعتاد وجودك... إيه يجبره يروح يتقدم ويدفع مهر وشبكة ويتجوزك ؟.. ما هو كل حاجة عنده من غير مجهود ؟
فلو فاكرة إن وجودك دا بيأثر و أحد نقاط مبدأ " كيف تصطادين عريسًا 🤵🏻؟ ".. فدا تفكير خاطئ جدا.. الزواج رزق من الله.. والعبد يحرم الرزق بذنبه... و ممكن نبذل الأسباب عشان ربنا يرزقنا فعلًا.. بس أكيد مش بمعصية ربنا..
آه فيه ناس بتعمل كدا وبتتجوز.. بس صدقيني زواجهم لا يمت بصلة للسكن والراحة إلي ربنا شرع الزواج عشانهم... لا يستويان... ولك حرية اختيار الزواج الي نفسك فيه 😊
#مفاتيح_شخصية_الرجل 🗝️
#زوجيات 💍 👨👩👧👦
Aya Ahmed
= إيه مفتاح إنهاردا.. يلا نكمل؟ 🤭😍
- ثالث مفتاح للرجل إنه بيعشق المنافسة..
= يعني عايزاني أدخل معاه ماتش ملاكمة ...؟ 😒
- لا 😃.. هنراعي إنه بيحب الحاجة دي فهنقدمها له... ومش هننكد عليه لو عملها.. عشان نكسبه ويميل لنا ..
= أعمل إيه طيب... و إيه هي المنافسة ؟
- لو كنتوا متفقين على خروجة ومرة واحدة اتصل وقالك :
" عندي شغل مع المدير ضروري.. هحاول أخلصه بإذن الله بسرعة وأجيلك "...
اهدي خااالص ومتنكديش عليه وتقولي : " إزاااي وأنت وعدتني وأنا ما صدقت..."
#الرجل الماديات بالنسبة له مهمة جدا لأن دي إلي بتحقق رجولته فبيبذل مجهود فيها.... عشان طول ما هو قادر يصرف هيبقى في عينك راجل... فهو بيتنافس مع نفسه عشان يحافظ على صورته كراجل قدامك ❤️
يبقى التصرف الصح إيه ؟.. نقوله : " مفيش مشكلة متشغلش بالك... ركز في شغلك معاه وخد راحتك.. ولو عندك وقت نبقى نخرج... لو تعبان تعالى البيت ونعوضها مرة تانية.. الأيام بينا كثيرة بإذن الله ❤"
هيقولك : " بجد !؟ مش زعلانة ! ولا هتنكدي عليا!" 🙄😲
تقوليله : " طبعاااا أنا أزعل لما تبقى مقصر في شغلك على حساب حاجات تانية.. مش وأنت عامل إلي عليك.. ربنا يوفقك ويوسع في رزقك ❤️.. "
- حلو دا 😃 .. فهمت.. إيه كمان ؟
= لو في ماتش كورة مهم شغال وقالك هتفرج على الماتش وبعدين نخرج.... متفكريش إنه بيفضل الكورة عليك.. هي مجرد لعبة تنافسية.. وزي ما اتفقنا.. هنديله الي عايزه عشان ناخد الي عايزينه 🤭
أنت إلي هتقترحي عليه : " تعالى نتفرج على الماتش ونخرج بعدها مع بعض نحتفل بفوز فريقك 💃🏻 "
- طيب لو خسر الفريق ؟
= تشغلي وصلة الدراما بقا واندمجي معاه : "يا خساارة وإزاااي دا يحصل.. يا عيني 😢 .. إن شاء الله هيعوضوها وهتفوزوا المرة الجاية... وهكذا "
من جواه هيحس بقيمتك ووجودك.. بس مش لازم في وقتها... إمتى وإزاي .. ؟ دا إلي هنعرفه المرة الجاية..
#مفاتيح_شخصية_الرجل 🗝️
#زوجيات 💍 👨👩👧👦
Aya Ahmed