قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 13:59

زينبْ تنادي للسماء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
سبطُ النبيِ قدْ خرج لربهِ لبى
فهذا شبلْ المرتضى للذلةِ يأبى
خانوا بمنْ كانَ لطهْ منْ ذوي القربى
فوقَ الثرى قدْ قطعوا أحشاءهُ إربا
تجري دماء الانبياء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
بكربلا غدا أخي للبيضِ والسمرِ
فوقَ الثرى رأيتهُ دماءهُ تجري
والخيلَ فوقَ صدرهِ فداؤهُ صدري
لهُ فزعنا ولها حيرى منْ الخدرِ
قد سفكت اطهر دماء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
فوقَ ألقنا رأسَ أخي أضحى فوا لهفي
وفوقَ جسمهِ غدتْ ريحُ الصبا تسفي
شمرَ الخنا لنحرهِ قدْ حزَ بالسيفِ
قدْ ماتَ شبلْ المصطفى فوقَ وغى الطفِ
فهذا ابن الاولياء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
 
أقمارنا فوقَ الثرى بڪـربلا غابتْ
ذاكَ صريعٌ قد قضى بهِ العدا جارتْ
وذاكَ أضحى للضبا ومنهُ قدْ نالتْ
فوقَ أخي صنوَ الهدى خيلهم سارتْ
قدْ سلبوا منهُ الرداء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
___
بنا المآسي عظمتْ ووضعنا طالا
باليسرِ سارَ ضعننا والدمعُ قدْ سالا
طاغي الملا بسوطهِ منْ عندنا نالا
عليلنا مقيدٌ طالتهُ أغلالا
قد كبلو كَفَّ اَلضِّياء      فوقَ صعيدِ كربلاء
قضى حبيبْ اللهْ
🛑🛑🛑🛑🛑
 
بالطفِ هذا ما جرى كأنهُ المحشر
كتابَ اللهِ دمهُ يجري منْ المنحر
جاؤوا بنارٍ أحرقوا مخيمُ الخدر
بغضا بقتالِ العربِ وقالعُ خيبر
قدْ غدروا بالأتقياءِ      فوقَ صعيدِ كربلاء
قضى حبيبْ اللهْ
🛑🛑🛑🛑🛑🛑🛑🛑🛑🛑🛑🛑🛑
وليد المندلاوي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 13:58

نزله..


الله خلـه بالعليل  معجزه وبيها الدليل 

ونزلت بيـوم الطفوف
ونزلت بيـوم الطفوف 
__
من كرب شهر الفجيعه من اجه يوم الطفوف
وربنـــه نــزل بالامــام معـجزة ضد السيـوف 
معجــزت عله وعليل والعـــدو مــــنه يعـــوف 
حتى مايخلص نسلهم. من بعد نـحر وجفـوف


لا تشك باأمر الخليل.  
معجزه وبيها الدليل 

ونزلت بيـوم الطفوف
___
من بـــــده طــــف المنـاحر كالو أنواع الكـلام 
واحد ينـــادي على واحد نكطعه نســل الامام
نذيح الطفل الرضــيع  وتشتـــعل كل الخـــيام 
مــادرو زيـــن الـــعباد معـــجزه وبيهــا السلام 


من بعد دور الكفيل.     
معجزه وبيها الدليل 

ونزلت بيـوم الطفوف 
__
ماكو أمـه بلاامام بكل زمان بكل وكت
يل ردت تكطع نسلـهم اسمع انته يالكلت
وربنـــه  حافــظ هل سلاله ماتـحقق  ماردت 
شجره ويـخبل ثمرها أنـــته وحدك .ألمــــتت 

والعدو اصبح ذليل.      
معجزه وبيها الدليل 

ونزلت بيـوم الطفوف
_ 
معجزه وثابت قـدرها من طــــفوف العــاشر 
ماخلص نـســل الأمامه وخـــل نكله الكـــافر 
أحنه شيعه وحـيدريه وعدنه مهــدي الحـاظر 
باجر يــصـيح ويـــنادي وكلنه نصـرخ باجـــر 


نصرخ ونندب يويل      
معجزه وبيها الدليل 

ونزلت بيـوم الطفوف
___


كلمات الشاعر

 الحسيني 
مرتضى مكطوف الموالي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 11:41

نتعناه أنبوس اترابك
ماننساه احسين امصابك
                    """“"""""""""""""""""""""""""""""
تعـود أيـامـنه
      نشد أحـزامنه
          تسير أجدامنه
                نشيل أعلامنه
           لابو الاكبر
نسد ابيوتنه ولحسين نتعنه
نموت بهالدرب كل يوم نتمنه
ناس المامشت ماتنحسب منه
گالت فاطمه درب السبط جنه

نتمناه الموت ابابك
ماننساه احسين امصابك
                   """""""""""""""""""""""""""""""""""
لجـل محبوبنه
     حبيب اگلوبنه
           دليل ادروبنـه
                   يشيل اذنوبنه
             ابن حيدر
هذا الخير من آحسين صاحبنه
حتئ الطير ياكل من مواكبنه
جميع الناس مو بس الاقاربنه
من اجيوبنه ولحد يحاسبنه

نتلگاه انشيل الزاير
ماننشاه احسين امصابك
                    """"""""""""""""""""""""""""''''''
نضحي اعيونّـهء
      نـوَفـي اديـونّـهء
             نهـدل آمتـونّـهء
                  يشيل احمولنّهء
                 آذاء تكثر
    هذا العام كلهه اتروح مشايه
كل شارع تطبله تسمـع آقـرايـه
   آجتنه آخبار گالو حاره اهوايه
   مـانخلـف وعـدنه نبقئ وفايه

ماعفناه اسنين الموكب
ماننساه احسين امصابك
                   """"""""""""""""""""""'''''"""""""""''
تهب أحشودنه
    نكسَر أقيودنه
          نروح ابزودنه
               نوفي أوعودنه
           ندوس الشر
هاي الناس بس المهدي قائدهه
مـاهـمـهـه زمن كـلما يعـانـدهـه
غيرك ياحبيب الزهره ماعدهه
رب الكـون لـعيـونــك يساعـده

نترجاه الزاير ينزل
ماننساه احسين مصابك
                   """"""""""""""""""""""""""''''''''''''''''''
      فاخر علي الشبيبي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 11:41

قصائد_الانصار

مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤رفت راية انصارك وابشر ياابو الأكبر صح سبعين بس وياك عالسبعين الف نگدر🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

نزلة

      احنه انصار الولي       احنه انصار
      غيره ربانه علــي        احنه انصار
فدوه لحســين الدماء        اي وحك رب السماء
!!!!!!!!!!!
وحك جــــفين الكــمر    نــضل انصار الطــــــهر
نذر لحــــسين العــــمر   ابد ميهمنه الخــــــــطر
بعلي شدينه الــــعزم     وحك عــــباس
وحك شيال العلــــم      نضــــل حراس
الًيَوُمًِ تشهد كربلــــــــاء   اي وحك رب السمــاء
!!!!!!!!!!!!
حسين يامرنه امــــــر     ندوس لْـۆ راد الجــــمر
وحك خدر ام الخــــدر    سحك نسحك عالشــمر
احنه نار ونصــــــطلي    ما يهم مــــــــوت
حسين قائدنه بلــــــي    يضل هالصــــوت
كلنه نطــــــــلع للفداء     اي وحك رب الســــماء
!!!!!!!!!!!!
عابس وجــــون وحبيب    انصار لحسين الغريب
وحك دم نحره الخضيب حسين بس هوه حبيب
نذر لتراب الحــــــرم      فده يم عــون
روح ننطيهه قســــم      بعد وعيــــون
يستمر هذا العطــــــاء     اي وحــك رب السماء
!!!!!!!!!!!!
شمس تضوي بكل زمن     حسين بس هوه وطن
انصار رغمن عالمحــــن     بدمنه لْـۆ غركت سفن
حسين شمس الماطفت      تضل كل حين
روح وعيون املكــــــت     الك يحــــسين
حسين يا باب الرجــــاء    اي وحك رب الســماء
!!!!!!!!!!!!
ارواح ننطي وما نمــل     وحــــــك عباس الكفل
يضل بحســــين الامل     نضــــــل ولحد الاجل
احنه لحسين الحــــزم     نضــــل ويــــاه
حرس نحرسله الحرم      قــــــسم نفداه
نضل ننصبله عــــــــزاء     اي وحك رب السماء
!!!!!!!!!!!!!
بقلم الملا ناجي الصالحي ✏
ونسالكم الدعاء

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 20:09

———————————
يِّأّ أّلَلَهِ اَْلّلّهًمٌ صِلّ علّى مٌحًمٌد و اَْلّ مٌحًمٌد.أّلَطّيِّبِيِّنِ أّلَطّأّهِريِّنِ و عجُلّ فُرجُهًمٌ و اَْلّعنَ أّعٌدِأّئهِمَ أّلَى قِيِّأّمَ يِّوِمَ أّلَدِيِّنِ أّلَلَهِمَ أّمَيِّنِ
———————————
بِسۡمِ ٱللَّهِ ٱلرَّحۡمَٰنِ ٱلرَّحِيمِ
( وَقُلِ ٱعۡمَلُواْ فَسَيَرَى ٱللَّهُ عَمَلَكُمۡ وَرَسُولُهُۥ وَٱلۡمُؤۡمِنُونَۖ وَسَتُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ )
صدق الله العلي العظيم
———————————
• يقدم ( منتدى منارة القانتين )
———————————
• دروس في القران الكريم بعنوان ( مراحل تطور كتابة و ضبط المصحف الشريف )
• بتقديم الأستاذ حسين صلاح
• في تمام الساعة التاسعة 9 مساءً
———————————
• دروس في الأخلاق بعنوان ( الأخلاق في مدرسة اهل البيت عليهم السلام )
• بتقديم الأستاذ أزهر يوحنا المعمدان
• في تمام الساعة العاشرة 10 مساءً
———————————
• دروس في اللغة العربية و أقسامها
• بتقديم الأستاذ باسم
• في تمام الساعة الحادية عشرة 11 مساءً
———————————
• هذه الدروس ستكون على مدار الأسبوع ( يومياً ) إن شاء الله تعالى
———————————
• سائلين المولى عز و جل ان يوفقنا و أياكم لما يحب و يرضى
———————————
• ملاحظة: سيتم تسجيل الدروس و نشرها في قناة المنتدى
———————————
• رابط المنتدى على التلگرام
{ /channel/Manarat_Alqaniten }
———————————
مع تحيات
#إدارة_منتدى_منارة_القانتين

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 14:04

♦️تم نشر قصائد منبريه هنا 👇
👉 /channel/Bany_Hashime

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

موشح نجفي للإمام السجاد ع

يحتظر وعيونه شبحت للدرب
بلكي يندك بابه وحسين اليطب
.......................
من كثر ما شوك عنده للسبط
روحه مثل الطير وابابه تحط
حبر جن دمعه وعله خدوده يخط
يرجع حسين اشتياقه اشكد صعب
.......................
علي زين العابدين اشما يمر
وكت بي ومصاب يتحمل جمر
كضه لحسين ابواجي هالعمر
ويذكر اشما طفله بالطف تنضرب
.......................
اخر انفاسه وشبح عينه بحزن
ايريد ابوه والناس لمصابه تون
مثل حَن ام الفصيل اعليه تحِن
وهو ماناسي اشجره بذيج الحرب
.......................
يعرك اجبينه وتنشفه عيلته
لجن هاللحضه يجدد هضمته
بقه وحده حسين بالطف غربته
وانذبح من الكَفه ابين الغُرب
.......................
اينكَطوله الماي ويهل الدمع
روحه ذابت بالحزن مثل الشمع
حسين ضامي وانجتل باصعب وضع
ولاكو جادر عزه الروحه ينُصُب
.......................
ابو الباقر يحتظر وابسِم كَضه
اينازع ابأنفاسه وزغير الفضه
جا حفيد الذاكه جده المرتضه
ادخل الكَلب العده الوان الرعب
.......................
تالي بالسم فتتو جبد الولي
رادو ايموتون ذرية علي
وتسعه صارو صيتهم بي يعتلي
رغماً اعله اعدائهم وِلده وغصُب
.......................
روح زين اعبادهه فاضت ضوه
وابنه باقر علم دين الله التوه
الفكَد ابوه روحه تعنت نينوه
توارث الطف والجفن من دم يصب

الشاعر ياسر العارضي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

استشهاد الامام السجاد ع


ما متت لسه عجيب والنفس ما منگطع
يا زمن رد للطفوف عيني خل تشبع دمع
****
ما اگولن مات حزني حزني حاشه ما برد
چم مصيبه عيوني شافت ليش ما ميت بعد
فوگ صدر حسين ابويه شمر شفته من گعد
إنذبح والخيل يركض بلايه رحمه اعليه صعد

شلون يدخل ريتي ريح وحافر امهشِم ضلع
يا زمن رد للطفوف عيني خل تشبع دمع
****
بكربله كل لحظه چانت ينولد بيها جرح
مُحتمل لسه اني عايش لان تلوهني الذبح
بحز وريد حسين عيني غمْضت وما تنفتح
تالي من فكّت رمشها راسه شفته اعله الرمح

الصار ساعتها عظيم شلون راسه يرتفع
يا زمن رد للطفوف عيني خل تشبع دمع
****
تارس الدخان صدري لسه اشعر بالألم
ابعلْتي والخيمه اللي شبّت إنشغل فكري نعم
الكربله رد يا زماني انظر الباقي الخيم
شلون ركضت عمتي زينب او وين هامت بالحرم

ياهي داست عالجمر ارد اشوفنه الوضع
يا زمن رد للطفوف عيني خل تشبع دمع
****
ماتت اختي بالخرابه اگبالي صارت يا زمن
لكن بليلة الوحشه إلتراچي اتشلعن
ركضت اليا صوب مدري والسياط اتحزمن
شويه من عبدالله اطول والمتون اتورمن

ارقيه ادري اشگد بچت السوط لا ما ينجرع
يا زمن رد للطفوف عيني خل تشبع دمع
****
حرورة دموعي چوتني لچن ما يشفه الگلب
ارد اشوف شلون زينب عالهزيله تنضرب
إلتهيت بحبل اديه وبس دمه چفوفي تصب
حال عمتي ما نظرته وآنه اعرفنه صعب

چان يحديها الشمر عمّتي اشگد تنفجع
يا زمن رد للطفوف عيني خل تشبع دمع
****
يا زماني طلب عندي للشريعه خل نمر
مثل ابوي حسين اريدن ظهري عالشط ينكسر
ابو فاضل هذا عمي چفوفه وسفه تنبتر
فوگ صدره جوده نايم بالسهم مرمي ويخر

عينه مصيوبه ابسهم وانفجر بيها نبع
يا زمن رد للطفوف عيني خل تشبع دمع
****
باقي موقف ارد اشوفه وعمري تخلص لهفته
من مشت لحسين ابويه شلون عمتي عرفته
راس ما عنده عجيبه وين زينب باسته
صدره مهشوم بحوافر شلون بالله شمته

الليل تارس ناظري بس ونين الينسمع
يا زمن رد للطفوف عيني خل تشبع دمع
****


الشاعر اياد الديراوي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

قصيدة للإمام السجاد عليه السلام الإمام الباقر عليه السلام ينعى والده.

انـــحب واجري عيني   وما اگطع ونيني
روحي اعله الابو تذوب  رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون   ساكن وسط العيون
بوية بغيـــبتك دوم   اتچوة بحــــنيني
__
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب   عن عيني الابو غاب
آه ياوكت الغروب  ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك   احبابك تناديك
نعقد مجلس انياح   انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح  يسوة الونة والنوح
أظل مطلوب الك دين  ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم   انه بعازتك دوم
عشرة ابطول السنين   بين الهم وبيني
--------------------------------------------
أسألكم الدعاء رائد الاسدي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

زينب شرف زينب صيت
زينب كيان اهل البيت

سمي انته باسم العباس يامن ردت تقراها
...................................
يـامن ردت اخت الگـمر تقريها
بمـاي الفرات حچايتك وضيها
بـشباج ابو فاضـل علگ خليها

مالـك عـلاقه بـلناس
سـوي الي يرضـي الـعباس

لاتدور على ال الله وتهتك ستر بنت طه
🪅🪅🪅🪅🪅🪅
اتـرك شكـو حچـايات ماتتـحجب
وعل المفرده المكشوفه لا تتقرب
سـتر الله زيـنب بالك تغث زينب

لاتـنـدگ بخدر ام عون
اشـرف مـره بهـذا الكـون

راس السمه مفرع چان وچف زينب الغطاها
🪅🪅🪅🪅🪅🪅
زيـنـب مــره بـس بـلنـسـاء مـا تـنـقـاس
زيـنـب مـره لاچـن تـحــسـهـا الـعــبـاس
من تگول اسمها حط ايديك عله الراس

شـمـا تــرتـفـع الاعـلام
يبـقئ انـته اسـمك خدام

والخادم من المفروض اغلاطه يتلافاها
🪅🪅🪅🪅🪅🪅
عـالي قــدرها مـا تـلـوحه الايدين
شيلوحه وموقع عليه چف حسين
لا اذن بيه سمعت ولا شافت عين

الرايد يلوح النجمات
ماتوصل ايده لو مات

هيچ الله عله الحوراء ويم العرش خلاها
🪅🪅🪅🪅🪅🪅
صـح انـسبت لاڪن سـبـيهـا مـدروس
رادت تـنـور درب بـيـه ضـلمـه الـروس
زينب شمس من چان حسره الفانوس

شمـس الضـهر لا لتـعيل
مـيضمها وجـه الـغربيـل

تتشاف بس تعمي عيون كل واحد الاذاها
🪅🪅🪅🪅🪅🪅
مـن حـچت بـلديوان چـنها القران
حسچه وكلام الحسچه رايد اذان
مـن الـخجل غطي بثيابه الديوان

يـحـچـي ولـسـانـه مـتـريـن
انطم من حچت اخت حسين

شاهدهم يحس خرسان وتورطوا وياها
🪅🪅🪅🪅🪅🪅
احـذر ذلـيـلــه تـگـول طـبـت للــشـام
هـيـه السـبـتـهم مـا سـبـوهـا الـضـلام
من المستحئ مو خايفه مدنگه الهام

والـمـستـحئ مـن الـحـوراء
مـاخـذتـه مـن الـزهـراء

والدها حامي الجار من الشرف غذاها
🪅🪅🪅🪅🪅🪅
نـتــأدب ويـاهـا وعـلــيـنـا واجـب
ونخـتار بس الـذي اعلـيها يناسب
بنـت النبـي يا ناس احنا نخاطب

هـذا الحـچي عـليـنا يـطـول
نحـچي الڪـلام الـمعـقـول

زينب ستر رب الكون رب الستر سواها
...........................

#الشاعر_حيدر_تركي_الكربلائي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

هضمني الگال ويـن أهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخـوي الشيخ وبن شيوخ تدرونه
لــيش بهل حرب والكم تــريدونه
كـــون ابكربله كـــلكم تـــلاگــونه

أچفوف أهلي شوارب بيها ملويه
هضمني الـگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اهـــلك ولكبلهم  بـالحرب شلهم
هــــمه والگبلهم ونته هــم منهم
گبـال حسين خايب بالك تعدهم

مــــــن بيت الرساله ازلام حربيه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من طبهه ابوفاضل جاچنت وين
خـاتل يـــــاشمر يمهه الـنساوين
هسه اتريد تتمرجل عـله حسين

شـوف العين ماتصمدلك اشـويه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
صــــايل بيه الأكبر غــيرت رايك
مــن الغجر اصــلك تعزف ابنايك
لوين تريد توصل مــاعرف مايك

گـــــاضيها ابـتفاه اوســـهر ليليه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هانه الجيش كله جاسم بشسعه
مـتـعمده عــــليكم لازم ايگطعه
حته اتشوف اهله صحبته وربعه

هذا ابـــن الحسن وابن العزوبيه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وال انصار  طبوها وغدت جـوله
حبيب وجون مـوت الله يحيوله
طباها بــــرير اوصـارت الــصوله

بـل كلفات اسولف موش مخفيه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاتحجون گــــدامي بسوالف زود
چــانت خاتله اومحد يحرك عود
هسه كـون ويردلي اخـوي اردود

ويگضيها الــطفوف ابنچ يبدويه
هضمني الگال وين اهلچ يعلويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر ابو ماجد الشغانبي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

اهوازيه (( #وما_أدراك_ما_زينب ))

يازينب يامضلومة

……………………………………………………………

#وما_ادراك بـ خت حسين • وما ادراك ما زينب
اسمها ابنص عدن مكتوب • يسطع نور ومذهّب

……………………………………………………………


#وما_ادراك من طلعت . تلوح الغيمه هامتها
على ابساط النبي اسليمان.اميره ابعرش كعدتها
خدر والوادم الطوفان . سفينة نوح ناگتها
عصت موسى عد ام عون . تبلع لِسن چلمتها

اذا تسحگ على الصحره
تصير امورّده و خضره
اذا عطشت يصير الكون • بير الزمزم و تشرب

……………………………………………………………


#وما_ادراك من وصلت .ابگاع الطف غدت رجفه
اجاها النخل يمشي ازحوف.جذع ويسابگ السعفه
واجاها العلگمي عطشان.ارتوه من اخت الگمر جرفه
النجف ويسلّم من ابعيد . الها ايلولح ابچفه

الرمل ويگلها شرفيني
يبت الزهره اسحكيني
إليّه اتصير قيمه وشان .اصير امن الذهب اوجب

………………………………………………… ..........


#وما_ادراك من شافت . اخوها المنذبج برضه
تگل للباري اخذ قربان . يلاهي وكون بس ترضه
ركضت لَحّگت بالدين . نصر مو خوف هالركظه
گلب حيدر العد ام عون . ابد ما ضعفت ابلحظه

لبوه ولاذن ابسدها
شحده اليوصل الحدها
السياط اصبحن متعوبات . وزينب جبل ما تتعب

……………………………………………………………


#وما_ادراك من باتت . نص الليل بالهيمه
امان اتوزّع الاطفال . صارت للحرم خيمه
كتبت للخدر دستور . سوّت للستر قيمه
معصومه وصلاة الليل . واجب لازم اتقيمه

مو بس اعله عيلتها
حارس عالجثث كلها
عباس ولبس ريشات . ياهو الضعنه يتگرب

……………………………………………………………


#وما_ادراك من ركبت . على اظهور الهِزل هيبه
شامخ راسها وليفوگ . ولا جن عايشه امصيبه
لو رادت عرش بلقيس . ابرفعة اصبع اتجيبه
بس حكم السبي مفروض . هيج الباري ترتيبه

زينب نبي و مأموره
خدر تنشر المعموره
لان زمرة بني سفيان . ابدين احمد لعب تلعب

……………………………………………………………


#وما_ادراك من خطبت . بالكوفه البشر خنست
اومت والهوه ماخوذ . ابخوف الوادم اختنگت
الطير انشلت الجنحان . وبنص السمه وگفت
وذيج الزلم جن نسوان . ضمت روسها او لبدت

تشبه حيدر ابصوته
سكته الوادم او موته
الكوفه وبيها طگ بركان . حتى النجف ظل يلهب

……………………………………………………………


#وما_ادراك من گالت . يزيد و أسعه في سعيك
مطر ظهريه مالت صيف . ابد ماهمّن الكيدك
جدي المصطفى المختار. وسفيان الرجس جدك
امي الشرف منها يفوح . شقيسن يالهند امك

يزيد وضاع بمچانه
خاف او تيّه السانه
سكته وصافن الديوان . منها اندهش واتعجّب

……………………………………………………………
✍️ ( سيد خضر الزاملي )

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

عمرك سبي وحرك العبي لحن ٣

محمد النوري

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

القصيدة لاستشهاد الأمام السجاد عليه السلام


عمرك سبي       وحرك العبي
كاضي العمر     سبي بسبي

*---------------*----------------*-------------*

بيك الالم اعظم صفه
بيك الجروح اموصفه
شفت المصاب يوم الجفى
فتحوله باب العاصفه

باب الحسين.  حق ويقين
لكشف اللعين    الناصبي
*--------------*--------------*----------------*

يبن الخدور يبن البدور
يبن الاباة يبن الحمات
يبن الذبيح ورض الصدور
وبنحره  ذل الغرور

ذل الطغات   عند الممات 
واغاضهم      بنحر أبي
*--------------*-------------*----------------*
خيل وصحيل والدنيا ليل
واكف دعاء يحمي الخدر
نار وشرار والعادي غار
صوب الخيام يحمل غدر

واكف عليل  بيده الصليل
رايد يميل.   عالاجنبي
*--------------*---------------*---------------*

بعينه يشوف بارض الطفوف
واكف ولي اتحيطه الالوف
العاليات الشامخات
بين العدى اسرى ووقوف


هذا الجرى       خير الورى
اسرى اصبحو   ال النبي
*----------------*--------------*--------------*
بين الجروح  ماعنده روح
الكل تصيح ألمن نروح
طاح الحسين  هلي يعين
ضلت حيارى تبجي وتنوح

هجم اللئام      صوب الخيام
والوجه هام     حان السبي
*---------------*-------------*---------------*

محمد دعبل النوري

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

‏مقطع صوتي من lyalmky8حيدر سلمان

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 13:59

ياوطـــن روحي
ودمعة اجروحي
اعيون السماوات          تبچيلك آيات
🛑🛑🛑🛑🛑
مو انته العرش طايح عله الغبره
مو صــدرك محمد هشّموا صدره
والطبـره اجـــــــتي ابحيدر الطبره
واضـلوع التڪـسرن لُمـك الزهره
شنهو احساسك
عالـــرمح راسك
شمس الكرامات          تبچيلك آيات
🛑🛑🛑🛑🛑
 
آثار الخــيول ابصدرك اهوايه
وڪل عقلي اوفـيك اني بقرايه
لــو اطلع الك يومــيه مشـــــايه
من ذاك العطش ما وفّي شعرايه
انت عنواني
انت قـــرآني
كل المناجات          تبچيلك آيات
🛑🛑🛑🛑🛑
گــلي اشلـــون اوفي انت علمني
بضعونك اخذني خيمه واحرگني
لو درب اليسر واحــزانه شوفني
وكون اســياطهم تنزل على متني
يا أســــم ربي
هاك اخذ گلبي
بعيوني آهات          تبچيلك آيات
🛑🛑🛑🛑🛑
 
مـاشـــايفلي ميت يحـــتيي باچر
عطشـــان ويثـــوب مـاي للزاير
يتلگه الخلگ وابصدره چم حافر
يالفـــارش سفــــرته ابليلة العاشر
امعــزب ابروحه
وفارش اجروحه
كل الرسالات          تبچيلك آيات
🛑🛑🛑🛑🛑
يالمنـــطي طفــل 6 اشــــهر الربه
يالــــــــوده هله واخــــدوره للغربه
كل جرح اعله جسمك كون بي گبه
والطــافك ڪأنه طـــــــايف الكعبه
ما شفت مثلك
ياهو اليوصفك
كل عالم الذات          تبچيلك آيات
🛑🛑🛑🛑🛑
 
هنيال الخـدم چي انت واليها
بفضــــالك ابد متقصر اعليها
وكلشي الرادته يحسين تنطيها
واسياد اعله هالــــوادم تخليها
أي وحگ دمك
فاز الي يخدمك
اشگد عندي حسرات       تبچيلك آيات
🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي
 

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 11:41

للمشايه في الاربعين


هله بالمشايه      وشيلين الرايه🚩


طلعت الخدام كله لبو الأكبر والكمر
طلعو بشيب وشباب ماكو واحد ماحضر
وإلي مايحضر ضريحه يعني بالدنيه خسر
والي يجهل هالشعيره هاذ اعمه مانضر

خله هوا ورايه       هله بالمشايه

_

اليمشي عالفطره لجلهم حققوله الرده
حسين لو ينطيك كلشي ما يحسه ازياده
العاده ميردون واحد وياحلات العاده
الخير والهل الخير همه وبعد كرم الساده

الحاجه بس حجايه      هله بالمشايه

__


الهل سبب أهل المواكب دوم عدهم همه
الزاير اشما طلب منهم همه رسم الخدمه
الخدمه ماتستثني وأحد كلمن يشد عزمه
ازغار وكبار المواكب كلها ألك ملتمه

وكله الك وفايه     وهله بالمشايه


_


شايب وسبعين عمره بالمشي يرجع شباب
هوا مامجبور لاكن للشعيره هاي حاب
حافي الجدمين يمشي والدمع من عينه صاب
المهم يواسي الزجيه وحيدر بهاذ المصاب

الخدمه هاي الغايه     هله بالمشايه

__


ازغير عدنه بالمواكب بس جبيره افعاله
يصيح ياهلاً يزاير معلمه عمه وخاله
شرف هاي الخدمه عدنه وموش ياهو يناله
أنجمعنه انصير خوه وللجبير اعياله


كلنه صحنه بهايه       هله بالمشايه


كلام الفطره
سيد حسن الجزائري

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 11:41

#تراث

سجادك يداحي الباب گوم اوعاين الحاله
من عگب اليسر سموه والسم مرد دلاله
ــــــــــــــــــــــــــــــــــــــ
ظل من عگب ابوه حسين ونه ايجر بثر ونه
ابعينه الماي لو شافه يهل دمعه اويصد عنه
يگول اشلون اضوگ الماي وحسين انحرم منه

مارحموه عدوانه
واهل بيته اورضعانه
كلها انفنت عطشانه

ظلو جثث بالحومه اوداستهم الخياله
ــــــــــــــــــــــــــــــــــــــ
كلما يذكر المظلوم تسحب دمعة اعيونه
ليل انهار مايهجع اومن حزنه انخطف لونه
گامت تعتني الشيعه اوعلى حزنه يلومونه

يگلوله ارحم احوالك
حزنك مرد دلالك
ياهو اليظل لعيالك

وانته السلف تاليه اوبدر الدين وهلاله
ــــــــــــــــــــــــــــــــــــــ
ابحسره ظعن عن دنياه امن امته جدك الهادي
اوجدك حيدر الكرار راح ابسيف المرادي
اومك گضت مظلومه اومن اضلوعها اتنادي

اوعمك غيث وفاده
السم مرد افاده
الچتل الكم صبح عاده

وبهاالشرف باري الكون خص المصطفه او آله
ــــــــــــــــــــــــــــــــــــــ
لمن سمع ناداهم اونار الحزن وگاده
يگلهم مثل متگولون صار النه الچتل عاده
لاچن ياهو من عدكم گبل سامع امن اجداده

منه اتسلبت نسوان
اوطافو بيهن البلدان
اومن عدها احترگ صيوان

اوشافن راس واليهن عدوه اعلى الرمح شاله
ــــــــــــــــــــــــــــــــــــــ
عيني ماتصد ليهن واشوفن زينب اگبالي
الا اذكر هضيمتها واذكر لوعة اطفالي
يهل الوادم تلوموني امن اتلف بالحزن حالي

شفت الشام بعيوني
والسلسله اعلى امتوني
واهاليها يشتموني

اورحنه ومجلس الطاغي اوخواتي وگفن گباله
ــــــــــــــــــــــــــــــــــــــ
يتمايل طرب شفته ومن الفرح يتثنه
ويعاين لعد زينب اوزينب تجذب الونه
يمه راس ابوي احسين وبناته يشوفنه

ابعود ايجلب اشفافه
اوباري الكون ماخافه
يهتف فرح بسلافه

والباري نكر وحيه وبالميعاد ما باله
ــــــــــــــــــــــــــــــــــــــ
يحيدر تم عليه هل حال يتكاثر عليه همه
حسره ايجر بثر حسره ويون اعلى ابو اليمه
حتى احرب عدوه اعليه ياحامي الحمه اوسم

خلا يلوج او چبدته ممروده
اوحصل عدوه ابچتلته مگصوده
يتم الباقر ياعلي من عوده
خلاه تجري دمعته اعله اخدوده
ــــــــــــــــــــــــــــــــــــــ
گام اوغسله الباقر واشاف الاثر بمتونه
حن گلبه اوصفگ بيده اوسالت دمعة اعيونه
يگله ياذنب عامل اوحالك مايرحمونه

لسا يبويه امخزنات اجروحك
فوگ النوايب والهظيمه اونوحك
الله يساعد عالمصايب روحك
ــــــــــــــــــــــــــــــــــــــ
وشاله ونزله بگبره اودمع العين يتجاره
اوتمت تنحب الفركاه عياله اوتصرخ ابداره
مامست مسيته اعليه الا ابگبره يتواره

وحسين ظل ابكربلا اثلث تيام
تلعب عليه اخيول ذيج الظلام
ماحصل واحد من جميع الاسلام

يحفرله گبره ابيده او يسكن روعة اطفاله


السيد المرحوم
عبد الحسين الشرع

#اللهم_عجل_لوليك_الفرج

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

19 июля 2025 11:41

ثكيله للسبي

***
والله وكت يادنياي        خله الشمر يحجي وياي
    آنه العقيله بت حيدر آنه العقيله
من طاح اخويه العباس   فرجه صرت بين الناس
     آنه العقيله بت حيدر آنه العقيله
ثامن عجيبه              زينب غريبه
****
أنه بنت النبي وحيدر علي الكرار
وأمي فاطمه الحركو عليهه الدار
إورثت منهه الخيام التستعر بالنار
زماني خان بيه وبالعكس يندار
ذبحو هلي والخوان        وبكلبي دار الاحزان
    مثل الزجيه هضموني مثل الزجيه
وعيوني شافت ضلعين    ضلع امي وضلوع حسين
     مثل الزجيه هضموني مثل الزجيه
بهاي المصيبه          زينب غريبه
***
يبن أمي برحيلك مابقالي شي
فجعني منحرك يالشيبت رمشي
إمخضب بالدموم وعالرمح يمشي
وإبداله تمنيت انحمل نعشي
ياخويه يانور العين         عالغبره عفتك يحسين
      أمشي سبيه يالوالي أمشي سبيه
والهودج اصبح تابوت       بفركاك راووني الموت
      أمشي سبيه يالوالي امشي سبيه
آنه الحبيبه             زينب غريبه
**
يبو السجاد مصابك خويه مرمرني
شيبك من دموم الركبه متحني
نايم عالرمل بالنومه متهني
واختك للسبي تمشي بظهر محني
ياخويه حركو الخيام            واتحيرت بالايتام
       ركضن بناتك بالهيمه ركضن بناتك
فوك الجمر مشوهن          بحبالهم شدوهن
       ركضن بناتك بالهيمه ركضن بناتك
رقيه سليبه            زينب غريبه
****
عفته بالحوافر جسمك الرضوه
إمسلب عالوطيه ابلا دفن عافوه
يخويه بياذنب خنصر إلك كطعوه
علي السجاد يدور خنصرك منعوه
ابنك علي امكيدينه         بالجامعه امجتفينه
       حيله تهدم ياخويه حيله تهدم
من المرض والحسرات     مسبي وعله الناكه يبات
       حيله تهدم ياخويه حيله تهدم
ضايع طبيبه            زينب غريبه
****
من شفت العلم طايح بدت الاوجاع
اركضت صوب الشريعه للكفيل بساع
لكيت جفوف ابو فاضل فوك الكاع
صحت ضاع البخت مني اويه اخويه الضاع
كطعوهه خويه الجفين           والسهم نابت بالعين
             بعازة يمينك يالكافل بعازة يمينك
يحدي الشمر بضعوني          وبالسوط زركه متوني
             بعازة يمينك يالكافل بعازة يمينك
ومنين اجيبه              زينب غريبه
*
أم علي الكاظمي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 14:36

-كلشي هوون من قلبك ، اقتباسات كتيرر بتشبهك ، ستوريات تحكي عنك 🎧💭

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 13:30

💎 قنوات الدعم الحسيني 1kفمافوق،

قناة تدبر القرآن الكريم
/channel/Tdper/7565
عشاق الحجه
/channel/ya_313_zhraa
مجالس ومحاضرات مكتوبة
/channel/geanangna
قناة ديوان كعبة الاحزان
/channel/qsxftu
قناة اختبار فارسيي
/channel/pers_test
احكام القرآن الكريم
/channel/ashal_alturuq
نبضي حسيني
/channel/alhussen14

قارئات الحسين في الطف
/channel/Z_a_n_b_e

المله والشاعره يقين الكربلائية
/channel/aayy1993
قناة الشاعره ام سجاد العسكري
/channel/Alaqela313
تعليم المقامات
/channel/sueiirit
قناة الشاعره سهيله حسين
/channel/moohamd1963

تبارك العفراوي
/channel/HOSENHbabE

لـ أم عـَباس ألسـكيـني
/channel/umabbas1979
أرح قلبك🌱❤
/channel/arh_blqoraan
نَسِيــمُ الْهَــــوَى🌿
/channel/kig11
قناة احباب ام البنين«؏»
/channel/NoorAlHussein313

ناعيات الطف للقصائد المشتركة
/channel/Alaqelaa313
ديوان انين وعبرات
/channel/meumabolfazlmoghadam

عشاق مهدي الزمان
/channel/eashaqalmahdi
رفع الله راية العباس
/channel/Zzzzzzaaaaaiiiiiinnnaaaabbbbb
ام مهدي الفرطوسية
/channel/alikerem
الحشد الشعبي المقدس
/channel/Alhashd313313
تنمية بشرية
/channel/moses95
رثاء لمجالس سيد الشهداء
/channel/AL_Nay_and_Alrthaa
مناقب آل ابي طالب
/channel/braeh
الشاعرة زينب الفياض
/channel/zainab_alfayaad
الشاعرة الملة﴿ࢪﺣمة ﷲ تحسين﴾
/channel/MAHDE_alzaman
ارشاد القلوب
/channel/shjgbbgdsju

تدبر في آية او قصة او رواية
/channel/Tdper/8125

للإنضمام الى اللستة  أرسل قناتك هنا👇👇🏽👇🏽

@Sssrrrruuuhhggbot

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

بصوت. مسلم المطيري

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

بصوت. مسلم المطيري

نعي للامام السجاد بعد فقد ابيه
-----------------------------------
يومية اعلى بالي ياضوة العين
يبوية صوباني بكَلبي البيــــــــــــن
فلا يبطل عليك الحزن يحسين
بشراب الماي اشوف الغاظــرية
----------------------------------------------
اشوفك عالترب مكَطــــــــوع نحرك
واشوف الخيل تلعب فوكَ صدرك
اظل للموت بوية ابچــــــي واذكرك
وانوح عليك كل صبح ومســــــــــية
-----------------------------------------------
يبوية الليل مانامة ابغــــــــــــــيابك
خذك مني الدهر والبين صابك
يريت وياك طمــــــــاني ترابــــــــك
ويحطونة بكبر واحد ســــــــــــوية
--------------------------------------------
مايهنالي بال ورحــــــــــــي اتهيــــــــد
وابوي ابكبرة نام وعنــــــــــــي بعيد
تظل روحي عليلة ولا دوة ايفيد
ولو بالطــــــــــــيف مر مرة علــــــــــــية
----------------------------------------------
يظعون المشيتي بعيــد   (عوداي) 
عليل وذابل من المرض  (عوداي) 
اريد الموت وي حسين   (عوداي) 
مشة لبعيد وانة النوح الية


أسألكم الدعاء    رائد الاسدي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

الاداء ملا عمار الكناني

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

الاداء ابو ماجد الشغانبي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

الرادود ستار الصالحي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

18 июля 2025 10:19

مولاتي العقيلة

                       *---------------*---------------*

اعلـه متنچ كـــون نــاس اتخلي وردات
وحـــدايـــق تنزرع تحت الـجـدم  كـون

يــــم گـلـب الحنين وام الإحــــســــاس
المثلچ تنضرب لــــيــــش اعـلــه المتون

زينب زيـنــه معنى اسمچ  عــــرفــنــــاه
وچــــنــــتـــي ابين وادم عميه العيــون

الطرشه اگلوبهم مــدري اشعدهم ويـاچ
وعليچ اصعب جـــرح  گامــوا  يأشرون

جـــرحـــوچ بجــرح كلش صعب چـــان
بحيث امـــن الجــرح صــار اصفر اللون

بحچي يصعب عليچ ومگــدر احــچـــي
المهم تــــرس الأذن گــامــــوا يشــتمون

وانتــي احـــســــاس ورده بـهدوة الليل
وحچي اشگد وشماته احملتي يم عـون

الــــدمــــع شگگ جفنهن بـــــس حملتي
إمْخدّر حتــــى دمــــعــــچ مثلچ ايكون

عجيبه اشلون جــــرأوا شـالوا الســـوط
يــزيــنــب ويـــــن راح اليحمي الظعون

إختصاراً للحچي راح اخــــتــــم  بــهاي
رغــــم كــــثــــرت كـلام  بگلبي مرهون

بــــس هــــذا الســــؤال وأختم ويــــاج
اذا مــــوجــــود يــمـكـن يگلب الكـــون

                     *---------------*---------------*
✍ بقلم خادم الحسين ع
     الشاعر رعد الچريخي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

عمرك سبي وحرك العبي لحن ١

محمد النوري

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

ميمر للامام السجاد ع
____________________

حزنك  كلف  بالدلال
نوح اقتبس من نوحك
****************************
شفت المصايب والحزن بدموعك
اهات ونك  تحني حتى اظلوعك
لچمات دهرك سولفت موضوعك

حمزه الثمالي يلگاك
ليل الحزن بجروحك
******************************
حزنك اخذ طول العمر بالعبره
وياك چن اسمع  نواعي الزهره
خلصته  ليلك بالنوايب حسره

ماتنسه يوم المذبوح
نهرك دمع بسفوحك
*******************************
مرت  عليك اشكد محن تتگوه
چنك  غريب   وبالجمر  تتچوه
ظهرك اشوفه من الهضم يتلوه

بالطف  عشتهه المأساة
دهرك يعذب روحك
******************************
امضت سنينك بالحزن والمدمع
بعيونك اتشاهد جثث بالمصرع
شفت المأسي حدبت بالمضجع

اعرف ونينك مفجوع
سهم  المنيه ايلوحك
*******************************
لان الحديد اعله النبي بشجانك
وانت الصبر جاز وعبر  بأحزانك
صرت  ابونينك  بالبچي عنوانك

خامس الخمسه اليبچون
نقره  الكتاب  اطروحك
*******************************
دهر المصيبه خيم اعله المحتوم
ترسم محط النايبه اعله المظلوم
ويلاه صحنه امصيبتك يامسموم

تاليته طفك  ميشوم
هدم كيان اصروحك
*******************************
موتك نشوفه ابكربله ضي عينك
ونك اشد من السبي عله حسينك
حان السفر  هالليله شفنه اجبينك

حضرته دمعك يحسين
جرح الختام   ابنوحك
*******************************
تمت بعون الله تعالى الشاعر____يوسف_الفتلاوي

قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ

17 июля 2025 17:56

‏قصيدة: ومغيرني الاكبر
‏الشاعر: حيدر سلمان
‏
‏علي وليدي مات
‏ــــــــــــــــــــــــــــــــــــــــــــــــ
‏رديت تعبان ومغيرني الاكبر
‏رديت مشيب ومحني الضهر
‏عاتبيته يبني ويرباي وبلسهر
‏تكعدلي وتزيح الضيم والقهر
‏
‏وين الربه وين يلكبر
‏بموتتك انحنه الضهر
‏وعيوني تعباها السهر
‏
‏يبني علي ابوك افراك ما عايز
‏انحنه ضهره من شيل الجنايز
‏رحت يمه ونعيت نعي العجايز
‏يبني علي وعلي افراكك ماجايز
‏
‏روحي طلعت بلوعات
‏علي وليدي مات       
‏ـــــــــــــــــــــــــــــــــــــــــــــــــــــــــــــــــــ
‏صعبه ردت الدافن بزر كلبه بيده
‏يرجع بس جسد روحه يم وليده
‏شله بالدنيا الدافن ابنه وعضيده
‏الولد الابوه كلشي هوه كلبه وريده
‏
‏مات ابني وضوء العين
‏ويه الاكبر مات الحسين
‏راح الاكبر ما ضل امعين
‏
‏بس الفاكد اله ولد يحس بهاي لوعه
‏وبكل مغرب يذكر ارباه وتطلع روحه
‏من يشوف امه تون يزيد الابو نوحه
‏انه اول ابو ابنه متعبه ومطلع روحه
‏
‏شتفيد الحرامات
‏علي وليدي مات
‏ــــــــــــــــــــــــــــــــــــــــــــــــــــــــــــــــــــــ
‏يبني يا تعب اسنيني وذاكه سهر الليل
‏يلكبر تاليه مذبوح وتصير معبار للخيل
‏مات وكف كلبه ابوك وبعد مابيه حييل
‏انه ماجنت محسب تطشرك يبني الخيل
‏
‏اه يلكبر امك شلون بيها
‏تون وتنوح وتريد واليها
‏ودمك اجفوفها امحنيها
‏
‏تدري عمري بويه جبير مو مال ركض
‏وكف كلبي وتعب بعد مابيه كل نبض
‏الاكبر ومات كون تطلع روحي وتفض
‏مدوهن اركض مره طول ومره عرض
‏
‏الفرح بعيني مات
‏علي وليدي مات
‏ــــــــــــــــــــــــــــــــــــــــــــــــــــــــــــــــــــــ
‏يزينب بيدي انذبح بزري ودلاليي
‏الولد عد ابوه غالي وانذبح الغالي
‏تطشره الخيل حلال الله وحلاليي
‏اه بحوافر العده راح وكضه دلاليي
‏
‏ذبحوه وصاحه بويه
‏عطشان صاحه بويه
‏يرافس ادركني بويه
‏
‏عمت عيني عطشان وبذبحه يرفس
‏وانه روحي تطلع وترد مامش نفس
‏بس المنذبح كبال عينه ابنه بي يحس
‏طلعت روحي وبجانه كمت انه ارفس
‏
‏مامش سلامات
‏علي وليدي مات
‏ـــــــــــــــــــــــــــــــــــــــــــــــــــــــــــــــــــ
‏قصيدة: ومغيرني الاكبر
‏الشاعر: حيدر سلمان
‏
‏