2554
حلم دنياي .. اشربك ماي
ولو بالطيف.. اشوفك جاي
يبو الخدمه- العشگ ذمه- البچي نعمه🚩
✅ مؤسسة بني هاشم { عليهم السلام } ✅
لدعم القنوات الحسينيه 🌸 مجاناََ 🌸
♦️ ملاحضة :
مدة نشر الدعم ساعتين وتحذف تلقائيا النشر مرتين باليوم ومن يحذف الدعم تحذف قناته من قبل بوت الدعم وغير مبرئ الذمه من يتلاعب بصلاحيات البوت المقرره
✍️ : قناة شاعر حسيني
🖌️ : قناة شاعره حسينيه
🗒️ : قصائد لمختلف الشعراء أو الشاعرات
💮 : قناة نشر ديني
========================
▸ 06k : المله ولشاعره ام نادين ال
▸ 06k : تعليم مقامات والاطوار الحسينية 🗒️
▸ 04k : الشاعره مريم العبوديه اسي
──────⊱⁜⊰──────
▸ 03k : الشاعره ام محمد تقي الموسوي 🖌
▸ 02k : الشاعره هاجر الزينبية 🖌
▸ 02k : قناة خادمة الزهراء عليها السلام 🗒️
──────⊱⁜⊰──────
▸ 02k : الشاعره ام محمد الكناني 🖌️
▸ 02k : ﷽خادمة الحسين عليه السلام
▸ 02k : الشاعرة زينب الفياض
──────⊱⁜⊰──────
▸ 01k : الشاعرة الحسن ام مهدي الفرطوسيه 🖌️
▸ 01k : قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ 🗒️
▸ 01k : قناة الشاعره ام حسين العامري 🖌
──────⊱⁜⊰──────
▸ 01k : خادمة اهل البيت ع ام صادق
▸ 01k : الشاعرة ام يحيى الخزعلي
▸ 01k : قناة الشاعره ام یاس الساع
──────⊱⁜⊰──────
▸ 01k : الشاعره أم أحمد المنصوريه 🖌
▸ 01k : خادمه الزهراء الملا أم حس
▸ 09h : الشاعره العلويه بتول الهاشمي 🖌️
──────⊱⁜⊰──────
▸ 09h : لعليَ خِادمة 🗒️
▸ 09h : أنين فاطمه🖌
▸ 07h : جروح وآهات وقلمي 🖌
──────⊱⁜⊰──────
▸ 07h : أنوار الزهراء عليها السلا
▸ 07h : مصائب المنتظر عجل الله فرجه 🗒️
▸ 06h : المأتم الخالده 📃
──────⊱⁜⊰──────
▸ 06h : الشاعرة نور الحسناوي ✍🏻
▸ 06h : الشاعرة والمله ام حسين السكينية 🖌️
▸ 05h : قــــــنـــــــٌآة وُلَآيـــــــّة عــــــــلَيـــــــّ 💮
──────⊱⁜⊰──────
▸ 04h : الشاعره أم أحمد المنصوريه
▸ 03h : الشاعرة ام علي الاسديه 🖌️
▸ 03h : الشاعره ام ابراهيم الحلفي 🖌️
──────⊱⁜⊰──────
▸ 03h : الشاعرة والملة العلوية ام
▸ 03h : الشاعر الحسيني حسن جاسم ا
▸ 03h : الشاعره رهف الكعبي 🖌
──────⊱⁜⊰──────
▸ 03h : قناة شاعرة أهل البيت بنت
▸ 03h : الشاعره ام يوسف 🖌️
▸ 02h : التائقون 💮
──────⊱⁜⊰──────
▸ 02h : الشاعره والمله ام امير 🖌️
▸ 02h : قصائد الزنجيل الثلاثي 🗒️
▸ 02h : الشاعره والمله أم امير 🖌️
──────⊱⁜⊰──────
▸ 02h : الملا والشاعرة ام زينب الإنصاري.. 🖌️
▸ 02h : الرادود حسين القريشي 💮
▸ 02h : قناه ولایه علی امیرالمؤمن
──────⊱⁜⊰──────
▸ 01h : 🌿 زًينبــٰٰٰ๋ٖٖٖۧـــ۫📿ـ๋๋ـــــيآت🌿💮
▸ 01h : حقيبة🕋المؤمن 💮
▸ 01h : خادمة باب الأمير 🗒️
──────⊱⁜⊰──────
▸ 01h : شيعـَهِِ،،ِ؏ـلَي🤎🥹 💮
▸ 01h : قناة شاعرات رابطة ام الحسن 🗒️
▸ 01h : الكاتبة الحسينية العلوية
──────⊱⁜⊰──────
▸ 01h : الشاعرة زهراء العسكري🖌️
▸ 01h : رابطة آبا الفضل العباس 🗒️
▸ 01h : الرادود حسين القريشي 💮
──────⊱⁜⊰──────
▸ 01h : مَلحمة الطَف،الشاعرة ام ح
▸ 09h : 🌙قناةُ حقيبةُ المُؤمنْ🌙
▸ 09h : الشاعره ام ريحانه الفاطمي 🖌
──────⊱⁜⊰──────
▸ 08h : همــــــــس الملائـــــــ
▸ 04h : متى اللقاء يا ابتي 313 💮
▸ 03h : الشاعره ام نور الباقر المالكي🖌
──────⊱⁜⊰──────
▸ 03h : الشاعره زهراء الدراجي 🖌
▸ 03h : شاعرات اهل البيت عليهم ال
▸ 02h : ألشاعر طارق البستاني ✍️
──────⊱⁜⊰──────
▸ 02h : مقاطع حسينيه 💮
▸ 02h : عزيز الزهراء عليه السلام
▸ 01h : قـنـاة الـشـاعـرة نبـأ {الـمـشـترڪة} 🗒️
──────⊱⁜⊰──────
▸ 01h : قـنـاة الـشـاعـرة نبـأ {قصائد} 🖌️
▸ 01h : قصائد 🗒️
▸ : طـريـقُ عـلي 💮
هل تحب التأملات و الاسئلة القرآنية؟
Читать полностью…
نعي ...
اثاري الاخو ياناس هِمّه
يفيي اعله خواته ان جان يمه
تشم ريح الاخوه من تشمه
ومن كد المعزه ماتلجمه
ان جان الاخو الحسين واني
تعثّر كل حرف والله بلساني
شكله الشمر آذاني وسباني
اكله الكمر صحته وما اجاني
اثاري العين منه انصابت اسهام
هذا جف وذاك جف كدام
اخويه اعله الشريعه ذاك وينام
اصد اعليه واذكر باجر الشام
.........
ابو مريم الاسدي ..
13/7/2025 ..
الرادود ملا هيثم اللامي
Читать полностью…
الرادود ملأ هيثم اللامي
Читать полностью…
خذوني سبيه وينك يعباس
..........................................
بدت قصة حزن گلبي وحگك من مماتك
عفت زينب وسط حيره يمن ماكو ابغلاتك
شفت كل الخلگ ماظن بشر يشبه صفاتك
لچن ترضه يبو فاضل تروح امدللاتك
تروح ويه آل اميه
ويسموني السبيه
حرت بالغاضريه
خويه ابغيابك ماترحم الناس
خذوني سبيه وينك يعباس
..........................................
عتب من زينبك يوصل الك يابو الشهامه
حرت خدري اليسلبونه وحرت بين اليتامه
وحرت ليل اليمر دونك يخوي شلون انامه
اذا عينك سهم بيهه انترس گلبي ابسهامه
يخويه وجنت اميره
صرت بعدك اسيره
الوجه المن اديره
وحزني ابغيابك لتظنه ينقاس
خذوني سبيه وينك يعباس
..........................................
تمنيت اندفن يمك ولا امشي ابهزيله
وكت بيه الخدر يمشي ابحكم گوم الرذيله
الهضيمه وعورت گلبي الضعن شامت دليله
حمل زينب يخو زينب بعد ياهو اليشيله
المشت عنه اخوته
بعد المن نخوته
يظل يتمنه موته
ما ترجعلنه خلي اگطع الياس
خذوني سبيه وينك يعباس
..........................................
اسف يا ابا الفضل وينك يحماي الضعينه
تغربنه وبعد عينك يبو فاضل مشينه
جسد رايح لچن روحي بقت يمك رهينه
يسئلونه الكفل وينه نصد ليك وبجينه
اصد للراس اعاتب
يراس ابن الاطايب
الحرم بعدك غرايب
بنات الرساله وي گوم الارجاس
خذوني سبيه وينك يعباس
..........................................
درب مابيه الي والي يخوف من نطبه
ترد لينه ويرد زودك عهد شخصك نطلبه
نطب مجلس بني اميه يكافل والله صعبه
الملك كله ملك جدنه صفينه ابدنيا غربه
يبو فاضل يوالي
الك هذا سؤالي
ترد تحمي عيالي
درعك يردلي ونتباهه بالطاس
خذوني سبيه وينك يعباس
خادم اهل البيت علي الزرگاني
مولاتي زينب (عليها السلام) بعد مصرع سيد الشهداء (عليه السلام)
الشاعر رسول رياض
لحن ملا جواد الغرباوي
هاشمي عنوانك
والحرب ميدانك
حي الله الأكبر
***
الشاعر___يوسف_الفتلاوي
لحن ملا جواد الغرباوي
يالمتي فوك الطشت لاوين
بصوت السيد رياض البطاط
كلمات محمد النوري
بـس حـزنـك يبـو السجاد ماريد
دليلي وغير دمـع الـعـيـن ماريد
اذا مـديـت اديـه اعـلـيـك مارد
خالي ابيوم وانته اتحط بديه🚩
*---------------------*-------------------*
✍خادم الحسين ع
الشاعر رعد الجريخي
عمه من دون البنات.........انا و اختي حافيات
شنهو يا عمه العذر......نمشي ليش اعلى الجمر
عمه من دون البنات
عمه زينب جاوبيني ابهالسؤال
ادري مثلي امضيعه خدر ودلال
بس تعرفيني زغيره وحالي حال
الخيل يگطفني هواها اعلى الشمال
يعني كون ابهالحيات......انا واختي حافيات
والله ماظلي صبر...نمشي ليش اعلى الجمر
عمه من دون البنات
گدي كل ابنيه هسه بالحنين
رابيه و ما ينسمع منها ونين
وانا محد گلي هاي الگاع وين
ما اشوفنهم علينه و لا حسين
ظلمه واحنه ناعيات..... انا واختي حافيات
ننضرب من كل كتر..نمشي ليش اعلى الجمر
عمه من دون البنات
المن الطفله ابأذيه ابهالديار
تنصطر والصطره منها اتذب شرار
يا گلب عاصي اليشب خيمتها نار
والعيون امن الدمع بيها احمرار
ياجهه نمسي ونبات.........انا واختي حافيات
اعيوني بالمدمع حمر..نمشي ليش اعلى الجمر
عمه من دون البنات
المن اهنا ما يراعون الضيوف
حرگو اخیمنه وتهاجمنه الصفوف
عمه زينب وين ابويه خل يشوف
بالضرب ما خلو اعليه چتوف
ماي اريد امن الفرات......انا واختي حافيات
طفله ماعرفه اليسر...نمشي ليش اعلى الجمر
عمه من دون البنات
خبريني عمي وينه ما رجع
بعده بگلیبي ترك ليه وجع
من صحت بسمه علیمن ماسمع
خل يجيني ايشوف فص عيني وگع
طحنه ما بين الشمات......انا واختي حافيات
گلبي المن ينكسر.....نمشي ليش اعلى الجمر
عمه من دون البنات
هادي الامغيطي البوغبيش
یوسف الزهراء 💔
♦️تم نشر قصائد منبريه هنا 👇
👉 /channel/sajad100w
يمته استراح امن الدرب٠٠كافي امشي وي وآدم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-١-
رافكني من زغري الحزن٠٠ليلية كمت ابجي واون٠٠ولشوفة امي اشكد احن
٠٠آيالزجيه
جم مره انوح امن الهظم٠٠وبصدري اكظ حسره واظم٠٠يادهري مابسك ظلم٠٠جورك عليه
شتريد من زينب بعد يادهري احاجيك
لو تنظر اجروحي اشكثر من نظره ابجيك
يادمعي بطل لا تصب٠٠كافي امشي وي وادم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٢-
ابطبرة علي راسي انطبر٠٠واسترجعت كل الصور٠٠خوف ودمع وحشه وخطر٠٠ليلة مصيبة
لمن فكدتك ياعلي٠٠ضاع الأمان الأولي٠٠بدنيا الفتن وبلا هلي٠٠زينب غريبه
وين الكه وجهك ياعلي هاليله مفكود
بس انته اشوفك بالشدد للفزعه مريود
زينب تره ابموقف صعب٠٠كافي امشي وي وآدم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٣-
يارابع اصحاب العبه٠٠مسموم اخوي المجتبى٠٠ياعزوتي وسور الابه٠٠امصابك دهاني
فاركتك وانته الحسن٠٠ما انصف اوياك الزمن٠٠عمرك كضه اجروح ومحن٠٠فكدك عماني
عشت ومتت ياسلوتي بهالدنيا مظلوم
ياوسفه ياكل البخت الكاك مسموم
ماتكضي غارات الحرب٠٠كافي امشي وي وآدم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٤-
والطف جمع هذا الالم٠٠وبروحي ياخويه احتدم٠٠اشجم موقف ابعيني انرسم٠٠ياخويه حيره
اتلفت اولا من عرف٠٠بحبال زينب تنجتف٠٠شكلف بعد هذا الكلف٠٠صارت جبيره
لا يمنه لا يسره التفت بس صوبك اندار
واذكر يتاماك وعلي السجاد واحتار
وبيا خرأبه الليله اطب٠٠كافي امشي وي وآدم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
-٥-
اولا ظل بعد كل طالبي٠٠يحمي بنات آل النبي
هذا الوعد آنه انسبي٠٠اولا انته يمي
يعرفوني بت خير النسه٠٠ويردوني اطب لمجلسه٠٠اشراح الكه من يلفي المسه٠٠يلفيني همي
كلما اشوفك انلجم واتطيح الدموع
ياوسفه راسك عالرمح لي هسه مرفوع
جم لوعه يحمل هالكلب٠٠كافي امشي وي وآدم غرب
وجروحي هل متواصلة٠٠من المدينة الكربله٠٠وليوم سبي العايلة٠٠وما ادري لاوين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم أهل البيت//ع
ميثم الخزاعي
#قصائد_استشهاد_اللامام_الحسين_ع
قصيدة (يابوصالح لوشفت هيمه وظلام)
ياصاحب الزمان
يابـوصـالـح لو شفت هيمه وظـــــــلام
اذكرك ابـطـف كـربـلـه ونار الـخـــيـــام
ياصاحب الــزمــان * ياصاحب الــزمــان
✏️✏️✏️✏️✏️✏️✏️✏️✏️✏️✏️1
يابـوصـالح لو شفت هيمه الــعـــصــــر
اذكرك ابــــنـــار الخيام الــتــســتـــعـــر
لـــــوبـــالـتـربـــع على صدره الـشـــمـــر
وجسمه كل گنفذ صبـح من الــسـهـــام
✏️✏️✏️✏️✏️✏️✏️✏️✏️✏️✏️2
يابــوصالح لــو شفت هيمه الــغـــروب
اذكـرك ابخيمت علي الــفــوگــاتــشــب
وعـمـتـك الياطـالـعـه اعلي يـاتــطــــب
غيره ماعدهـه ولي ايباري الـــحـــــرام
✏️✏️✏️✏️✏️✏️✏️✏️✏️✏️✏️3
غيره ماعدهه ولي وهـــوه عـــلـــيــــل
علي لاجن جــن عــلـــي حامي الدخيل
حسين وصا والتزم بــوصيـتــه حــيــل
اتــحـمــل الــذبحـو اخـوتــه والـعـمـام
✏️✏️✏️✏️✏️✏️✏️✏️✏️✏️✏️4
اتــحـمــل الـذبـحـو الانــصــار وهــلـــه
الــروس فـوگ ارمـاحـهـم دم سـايـلــه
يـابــوصـالــح مـشـــت ويـه الـعـائـلـــه
والــدرب كــلــه تــحــمــل هـــــــل الام
✏️✏️✏️✏️✏️✏️✏️✏️✏️✏️✏️5
يابوصـــالـــح والــعــقــيـلــه اتــشوفــه
جامعــه ابنــحره وحــبـل بجفــوفــــــه
لــو تذبحــونــي اصرخــت مــاعــوفـــه
من عبيد الله امر ولــــد الـــــحـــــــرام
✏️✏️✏️✏️✏️✏️✏️✏️✏️✏️✏️6
من عبيد الله امــــــــــر قــلـــمــــانـــــه
اذبــحــو ذبــحـــت هله وخـــــوانــــــه
والعقيله تصيح ذبــــحـــونـــي انــــــه
لـــوتــعــوفــونــه حرم عنده ويـــتـــام
✏️✏️✏️✏️✏️✏️✏️✏️✏️✏️✏️7
عافو السجاد يـالــمــهـــدي ومــــشـــو
ومجلس ابذيج المجاس انــصــــبــــو
بــجــو الاشـــرار لاكــن مــن قـــــــــرو
والطم صــدره بــدي كــســر عــظـــام
✏️✏️✏️✏️✏️✏️✏️✏️✏️✏️✏️
#الشكرلله خادم الزهراء ع ملا علي
#نسالكم_الدعاء24✍
✏️✏️✏️✏️✏️✏️✏️✏️✏️✏️✏️
🕊💦🖤💦🕊
*
#نسالكم_الدعاء
جديد ان شاء الله
*
حلم دنياي _اشربك ماي
ولو بالطيف _اشوفك جاي
يبو الخدمه _ العشك ذمه _ البچي نعمه
///////////////////////////
عله نيتي وفطرتي _ يبو اليمه هويتك
شكثر امي حنينه _ احن منهه لگيتك
غزل احچي وياجرحك _ وابديلك دمعتي
شرف سموني خادم _ يالمحلي سمعتي
شكبر حظه _الحظه بعشگك
ولا فكر يخونك
يبو اليمه _ تره الدنيه
فلا تسوه بدونك
بخدمتك لون _يعشگ الكون
الك عمري _ اضل ممنون
اليحب غيرك _ نكر خيرك _ تره زحمه
///////////////////////////
يأاول ما عرفتك _ شفت كلشي يريدك
بقفل گلبي قفلته _ وصبح مفتاحه بيدك
اكو ميزه بغرامك _ شفت ماكو مثلهه
اذا واحد يحبك _ يعوف الدنيه كلهه
يعافيتي _ وهوه ريتي
اذا مخنوگ اشمك
اذب روحي _اعله شباچك
شحلات الگعده يمك
احب طاريك _ اسولف بيك
اذا مهموم _ اسير اعليك
ادگلك باب _ اذا مظنوك _ لان رحمه
///////////////////////////
بصورك گمت اركز _ وارش ماي اعله شفتك
العطش حاول ولاكن _ صعب يمسح ضحكتك
حلم عندي وتعرفه _ يفرحلك رقيه
الك زمزم اجيبه _ واشربنك بديه
يگلولي _متت ظامي
وادگ حيل اعله صدري
عله اصورك _ بقيت اصفن
وتضل ادموعي تجري
اضل سهران _ الوجه ذبلان
امنيتي وياك _ متت عطشان
تبچيني _ منو مثلك _ حروف اسمه
//////////////////////////
بظهر كلمن يحبك _ سند واگف اشوفك
اعوف اهلي صحتلك _ ولا لحظه اعوفك
گبل فطرس اجالك _ مقامك شافه عالي
يبو اليمه دخيلك _ شكثر عند الله غالي
يحب الله _اليحب شخصك
يسر الله الاعظم
اللبس اسود _ على مودك
تحسبه مسوي مأتم
يماي العين _ اروحن وين
اگل للناس _ احب احسين
تره مولاي _ انه بفضلك _ صرت زلمه
///////////////////////////
رزق جرحك اشوفه _ تصير انته طبيبه
اليخدمك نيته بيضه _ تخلي بوجهه هيبه
احب نسمة هدوئك _ تمر بس عالعوابس
من اصلي ابقه ادعي _ يديم الله المجالس
لحد اخر - نفس بيه
تضل تاج اعله راسي
عفت اهلي - عفت ناسي
لانك تسوه ناسي
يروح الروح _ عشت مذبوح
اليحبك حيل _ هديته اجروح
يهنيالي _ خذت بالي _ يبو اليمه
///////////////////////////
تمت____علاء الزيدي
💡سؤال فقهي :
-إذا مات الجد وله ابن من ابنائهِ متوفىٰ قبله وله أولاد فهل يرثون الأولاد اليتامى من جدهم شيئاً ؟؟ للإجابة اِضغط هُنَا 🔙
من اين تتابع قناتي.، من افضلك اضعط هنا للاجابة 👇🏻👇🏻
Читать полностью…
القصيدة:- صَارْ اِهَواي مَا شَفتكْ
الرّادود:- المُلّا مُحَمَّد الجنَّامِيْ
الشّاعر:- عبد الخالق المحنه
~~~
~~~
صَارْ اِهَواي مَا شَ
لا مر الهوى عليه
گالوا راح ما يرجع يمكن ما الك جيه
وأنه اتبده حنيه
عَجْب عَجْب ولا طَيْفكَ يُمر
تَعْب تَعْب شِفّت نَجّم الظُّهر ~~~~~~
رُوح المشتاقة صوغتها ملاقه
والتّشبع روحه فراگ عينه تنام مشبوحه
مارفت عينك من كثر الوينك
من تبعد عني يصير كلشي بعيد ما لوحه
حلم بين عيوني وليل الغربه شينامه
سهر شال رموشي وطاحت جمره ملامه
ألم هو اليفقد مثلك ينسه السلامه
بجفاك يبني مكسور متني
وسنين شالك و تغيب عني
آه يا نار دلالي هوه اليفگد وليده
بالله الدنيه شتفيده
هالّيل ماشفته وادري صارت بعيده
يرجع و العلم بيده
عتب عتب كسر جنح الصبر
تَعْب تَعْب شِفّت نَجّم الظُّهر ~~~~~~
تذكر بوداعك بستك بذراعك
گتلك يا أول شوگ صار فراگ من تالي
تگره البعيوني تعرفني شلوني
من يرضه عليك حسين هذا الفوز يالغالي
شهم اعرف طبعك واعرف تنبض حميه
صرت عين الزهره على ابن الزهره الزجيه
وفي تنطي جفوفك يابو جفوف السخيه
لليوم ردتك و الماي حصتك
واتگول حاضر شتگول اختك
آنه وياك چلمه انعادت اهواية
وأنتَ انطيتني حچاية
گتلك زينب وگتلي هاي أم عون
بحمايه حتى بطيحه الراية
غضب غضب بده يجدح جمر
تَعْب تَعْب شِفّت نَجّم الظُّهر ~~~~~~
زينب و حسينك انطيهم عينك
بس بأمرك و الصار يم حسين احچيها
و اختك احميها لازم ترضيها
لو رادت منك ماي ظل عطشان وارويها
حرس ليل نهار و ايدك بيد الحبيبه
نعم نفرض طلبت منك زمزم تجيبه
تره بيني الخوه بلايه مروه مصيبه
لو طاح زندك ما طاح وعدك
لحسين ارجع و الماي عندك
خل ام الخدر تحچي عن اطباعك الحلوه
والغيره والمروه
وتگلي شسولفلچ عن الخوته خوه
من طب للنهر گوه
وجب وجب لبو فاضل شكر
تَعْب تَعْب شِفّت نَجّم الظُّهر
~~~
~~~
شلون اعوفك.. للعباس ع
من وزن المثلث
دكتور كاظم المعقلي
***
شلون اعوفك.. انت مو دگيته صدرك واكفلتني
شلون اعوفك.. وانت بيدك عالهوادج صعدتني
انت وحدك كافل لهاي الضعينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
آنا اجيت بظل اخوتي وراسي عالي
وانت كافلني وتچيتي وستري غالي
شلون اردن للمدينه ابلايه والي
ريتك تجاوب يچافل عن سؤالي
بيه حيره… وحيرتي ابلايا چفيل ضعوني حيره
بيه حيره… ابقى يمك لو ارد عگبك اسيره
شأرد اگله الگلي اخوچ النشمي وينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
آنا احس امأمْنه يمك من اشوفك
حتى لو واگع رميه ابلا چفوفك
سهمك ابنص گلبي احسه العامي شوفك
يمك اشعر بالامان شلون اعوفك
يادلالي… خل اظل بدموعي اغسّل لك نزيفك
يادلالي… احسبني ضيف وگاعده ابهيبة مضيفك
ضيفك وروحي ابأثر روحك رهينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
آنا انشدك بالامانه الامنوها
مثلي شايف حره گعدت تنعى اخوها
وتبقى يمه ابهمها كون ايخيروها
شده كون اختك تعوف اللي رعوها
لو عفتها… تدري بالطف تزرع بگلبي المآسي
لو عفتها…
ارجع ومن غير اخوتي امدنگه راسي
شرد اگلها ام اربع ابدور الحنينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
ارد اظل يمك واريد انصب عزيه
ويمي تحضر فاطمه الزهره الزجيه
وامك انواسيها بالدمعه الجريه
والله ابَچّي اهل العرش هاي المسيه
وانعى يمهن
امك وامي واون يمك واسَمعك
وانعى يمهن
وارد اوصّل صوتي لاسماعك وافجعك
ننعى يمك والعرش يبچي لنعينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
عالشريعه ازنود الي وتروي الروايه
ويمها جود ايصب مآسي ومچفي مايه
والهظم ملفوفه يمهن خويه رايه
روحي يمهن والجسد يم السبايه
من يلمهن… رايتك والجربه وزنود الگطيعه
من يلمهن… راح اودعهن امانه اعلى الشريعه
كوني ياارض الطفوف الهن امينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
عذرا انودعك غصب آنا وخواتي
ماكو حيله البيها اظل آنا ابرضاتي
المهم يبن امي ماطاحت عباتي
آنا اخت عباس اميره بكل حياتي
لو سبوني… ابقى بت المرتضي وحره واميره
ولو سبوني… يبقي صوتي ايدوي لو اصبح اسيره
يبقى صوت الله بضميري ويبقى دينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
حال السيدة زينب (ع) في اليسر
بعد حسين والعباس اخيه
الج صارت بواجي زينبيه
يزينب يزينب
............................
تذوب الشمعه حين التشتعل نار
بس ابكل ظلام اتخلي اثار
صبرج وي مدامع تجري باعبار
نصرج بي تحقق والزمن دار
وصرتي ابكل زمن اعظم قضيه
الج صارت بواجي زينبيه
يزينب يزينب
............................
يهتز كل غصن من يشتد الريح
وانت كالجبل مايقبل ايطيح
بصوتج ثوره ومن الزهره تسبيح
والمبحوح جرحه ابساعة ايصيح
وبقت نبرات صوتج نهضويه
الج صارت بواجي زينبيه
يزينب يزينب
............................
تره المرفوع مو تل اليرفعه
سحكتي اعليه وصار ابهذا وضعه
المهم شفتي الحسين اهناك اصبعه
مكَطوع واجه الميمون ينعه
واستقبلتي ميمون المنيه
الج صارت بواجي زينبيه
يزينب يزينب
............................
الورد بين الحوافر وشتلمين
انتشرو بالطف ايتام الرياحين
وحرتي بهالامر المن تحشمين
ابوفاظل كفيلج لو للحسين
وحدج وي عليل الغاضريه
الج صارت بواجي زينبيه
يزينب يزينب
............................
عمرج بالحزن واهات الايام
خلص وتحمليتي هضمة الشام
مثل هالتضحيه ماكو بالاسلام
واسمج ضل شعار بكل الاعلام
وحروفج زلزله الكل ناصبيه
الج صارت بواجي زينبيه
يزينب يزينب
ياسر العارضي
من الخيم طلعت ركض يمك
من التعب طاحت على جسمك
وونتهه بهداي..تدورلك فياي
*****
عطشانه ابنيتك ركظتلك..ركظت عطشان العطشان
توكع واسم الله ترد توكف..وگعت طفله اعالتربان
يسرع جدمي وردت اوصلهه..واخبرهه حسينج تعبان
ينزف جسمه بكد جروحه..ومن نزفه كلش ذبلان
كلتلهه لوردتي تشبكينه
بهونج يبنتي لاتلجمينه
ارقيتك هاي..تدورلك افياي
*****
جابت وصله تظمد جروحك..وهاي اخر ووصله امن اخيام
تدنت يمك ردت ليه..كالت عمه حسين شظام
كالت مومن طبعه الوالد..وجهه اعله الگاع امنينام
ركظت گلبت جسمك شافت..بجسمك مكسورات اسهام
تحاول تجر سهم الي بجبينك
وتعوفه لمن تسمع اونينك
تبجي الصخر هاي.. تدورلك افياي
*****
وكفت يم جسمك مصدومه..ماشافت شي سالم ضال
جسمك بالكاع مساوينه..صاير جسمك جنه اخيال
اول تالي تخاف تلزمك..محتاره ومشدوهة بال
طفله تشيل الوالد رادت..المفروض الطفله التنشال
ترفع بجسمك ظلت تحاول
لاجن بحفره امنالسحك نازل
تكول اكعد وياي..تدورلك فياي
*****
ظلت ليك تروح وترجع..بهاي الحاله تلث مرات
كالت ماصدك ياعمه..بجسم حسين شكد طعنات
بوجهك ظلت بس تتلمس..تحسب بيك شكد طبرات
هاي الطفله شلون اقنعهه..شلون اخبرهه حسينج مات
تكلي يعمه شصاير بحاله
اله بحصيره نجمع اوصاله
لميهن وياي..تدورلك افياي
*****
جروحك يحسين مفصليهه..من كل اكتارك مطعون
هاي الي ماحسبتلهه..نظمد جروحك خويه شلون
الخيل عليك الراحت ردت..وفوكاك احجار يشمرون
ماكفاهم كسر ظلوعك..بعظامك ليش يكسرون
رمح البظهرك خويه شيطلعه
وليش الاصابع ذني بس تسعه
اشرحلي بس هاي...تدورلك افياي
*****
#محمد خضير الزيدي
#ليلة_العاشر💔
مولاتي زينب (عليها السلام) بعد مصرع سيد الشهداء (عليه السلام)
يلتمن بناتي بنشقه لحذاي ـ خويه
چوانه الجمر ممشانه حفاي ـ خويه
شيطفي الخيم ومگطع الماي ـ خويه
رحت لحسين أشوفه وحيل محتاره
أگله أشكيلي بلكه الگه الجرح جاره
يگـلي أجروحي كلهه أتهون يم عون
بس المثلچ يضل ماله كل چاره
أنه أخته وعرف أشبيه وعرف الحيل ياذنه
يــــأشـرلي عللبنيات بويه الحگ يندهنه
ودمعته بعينه دم أطيح من گامن يحشمنه
00000000000000000000
هوه شضال منه وخاطر نعيش ـ خويه
محترگه الخيم چاا نلبد أبيش ـ خويه
مـــــو چنه سويه ننفرد ليش ـ خويه
گلبي من المصيبه والله يوجعني
وطگ اسياطهم يبن أمي تعبني
أضيع بالبنات ودنيه صارت ليل
وتيه بالزغار أنته أبنه لو أبني
مايسكت صهيل الخيل والأطفال مذعوره
وعمتهم نحيله أشلون تمشي بحيره مكسوره
الماعرفت أسمهه الناس تتطلع هسه مجبوره
00000000000000000000
أضل الوحدي والوادم شلون ـ خويه
حيل هواي زحمه ترگض أم عون ـ خويه
الهضمه أگبالي من فوگك يسحگون ـ خويه
حگي أتراگض وي الخيل وتعثر
أثاغب حگي ونته أگبالي تطشر
شتسوي بقميصك خيلهم يحسين؟
بحوافرهم خذنه أتقاسمنه أبر
تهد الأعوجيه عليك أه يا كسرت العاشر
أميضعتك ودور عليك گلي بيا كتر صاير
الخير أدريه تلمه الناس مو يطشر بحافر
00000000000000000000
بين المستحه والخوف رديت_خويه
گعدت أگبالهن وبحرگه ونيت_خويه
زلمچن ذبحوهه ماكو أهل بيت_خويه
ماوصيچن عليچن گضه الحيل
مابياش أدور جايچن ليل
تعالن لاطلعن تمشن بعيد
لبوچن رحت أشوفه وهدو الخيل
عمت عيني شكثر تعبان شفته وصاير بحيره
أخــر گعده هاي وياك گتله ورايحه الديره
ديره الماكو في عباس بيهه ولايصح غيره
رسول رياض
هاشمي عنوانك
والحرب ميدانك
حي الله الأكبر
***
دخنت سوح الوغى....من يطب راعيهه
حادث الطف يمتلي....بصولته يصفيهه
علي الأكبر لو زعل....... كربله يمحيهه
رايته رايته علي.......ابيمنته ايعليهه
اعلنت برهانك
والحرب ميدانك
حي الله الأكبر
***
تنحني رؤؤس الزلم.....من يمر اعليهه
رفعت ايديهه نعم.....اتذكرت ماضيهه
من نزع بيها ركض......ما ستر تاليهه
نفسه ينعاد الأمر.......بالوغى يبچيهه
حيدري ابيمانك
والحرب ميدانك
حي الله الأكبر
***
چنه عزريل وحضرها......لو نزل واديهه
ذكر ابخيبر علي.......ملحمه يسويهه
صارت البيده بحر.....بيده يحصد بيهه
شافوا الأكبر علي.......عاد خيبر ليهه
تنتهي عدوانك
والحرب ميدانك
حي الله الأكبر
***
اترجل اعليهم يجي......هاشمي يبديهه
چنه حيدر لو حمل.......بالحرب يفنيهه
يبتدي بيهم لگط.......والجمع يطويهه
بكر ابن غانم شرد.....چن صقر يصليهه
كربله اوطانك
والحرب ميدانك
حي الله الأكبر
***
صوگرت والطف هدل....ابغيرته ماليهه
كلها معزومه بصقر........باچر ايوديهه
ملحمه تصبح غداً......بالقصص يرويهه
هيه بغضت حيدره.....العادته ايعاديهه
برهنت طوفانك
والحرب ميدانك
حي الله الأكبر
***
تمت بعون الله تعالى الشاعر___يوسف_الفتلاوي
#جديد_محرم_الحرام_
نعي إلى جرح الشام كتب قرب مرقد السيدة رقية عليها السلام
يالمتي فوك الطشت لاوين
ياروح الزجيه وروح الحسين
ألف ياحيف من طشركم البين
وال المصطفى للسبي يرحون
ها يللي نشغتي وطحتي عالراس
وتناغين ابوج بكطع الأنفاس
منو مثلج اقيسه وشنو المقياس
ماتت عالنحر طفله شتكولون
فزت من النوم تريد ابوها
وبراسه الطغات يروعوها
ماتت ها يعمه صاح اخوها
وعيال النبي ضلو ينوحون
حضنتها العقيله وتهمل العين
بتكم بالغرب ماتت يطيبين
اجتك هالعزيزه خويه يحسين
وخلصت من عذاب الما يرحمون
حيف أعلى الهواشم جرح بالشام
يذل منه العزيز الرافع الهام
طفله اعلى الظلم ياحيف تنسام
مصيبتها اشكبرها وتعمي العيون
محمد دعبل النوري
عمه من دون البنات..انا واختي حافيات
شنهو ياعمه العذر ..نمشي ليش اعله الجمر
عمه من دون البنات 🚩
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
♦️تم نشر قصائد منبريه هنا 👇
👉 /channel/Bany_Hashime
ودخن راسه من طب للطف
*
هجم عباس ويرف بيده اللوه
وكامو يطيحون كل ميه سوه
حمل حمله وضاع عالجيش الهوه
وسيفه بالميدان يقره القل هوه
خله الجيش يفر براسه
واكبر قائد بيهم داسه
طبهم مغتاض ها ها
سوه استعراض ها ها
خيال الموت ايسمونه
ضل يذبح بيهم بعيونه
من شد الحيل. ها ها
فحطها الخيل
وما يتلاكه يدرون الحر
*
قائد وكلها تهابه القاده
يستر الله من يزيد اعتاده
مثل جدهم حارين الساده
الجيش تيه من نزل مشراده
خضره وما طاحت جفيته
والخزره اهواي محليته
سبحان الله. ها ها
شوف اشمحلاه. ها ها
فرسان الحومه امبجيها
فوك الشط ضل يسطر بيها
والطف مهوال. ها ها
هوس من صال. ها ها
وكام بسيفه يذبح ويذب
**
حاصرها المشرعه امن اربع جهات
وقتحم عباس كل ماي الفرات
طشر الجيش وسحگ فوگ المشات
صال ابو الغيره وصعدها المصهلات
والحومه اترابه مخليها
جاب الخيمه ويغرف بيها
هذا الوفاي. ها ها
شگ حلگ الماي. ها ها
عباس وغيم بالحومه
كض العسكر من زردوم
شاله وذباه. ها ها
والشط جاباه. ها ها
ويا بعد ايدي كفاهم كف
**
نفض هدمه وشالته الغيره اعله اخوه
عاف كلشي وابد ما عاف ابن ابوه
بساحه الميدان متحزم لكوه
ومن هجم راعي العلم ما واجهوه
وطبوها اليوم العراكه
وحاكاها العباس احياكه
ومن ذب رباط ها ها
عسكرهم شاط. ها ها
كاللهم ما عوف عضيدي
لو ما ندمكم كص ايدي
انه العباس. ها ها
مرفوع الراس ها ها
وهاي اطلابه ما راح اتفض
**
غيم العباس والعسكر شرد
وصاح بالفرسان يا حيدر مدد
اشويه صارو وابو فاصل كله هد
وللحرب كل جاره ما ترهم بعد
طبهم والجربه اعله امتونه
وفنهم عباس ايلاكونه
بيهم من صاح ها ها
اخر صف طاح. ها ها
متونس والشط ذل مايه
وترفرف بجفوفه الرايه
طب راعي الزود ها ها
ما خله جنود. ها ها
وجدم رايه والكال اشرد
****
هوسات
وبيها حروره طبرات ابنك
ومن طب ليها شگ حلگ الطف
وجانو بالرايه يكمطونه
وحطه براسه عباس الشط
**
تمت
تحسين الخفاجي
#قصائد_الدفنه #ونسالكم_الدعاء
قصيدة دفن بيده حسين وتعناله موشح
دفــن بــيــده حــــسـيــــــن وتــعــنــالــه
وســولــف الــعــمــه عــــن الــيــجــرالــه
❀......❀......❀......❀......❀1
ســولــف الــعــمـه الــجــرالــه ابغيــبتــه
لمــــن اليــــسره اوگعــــت وي يــمنـــته
طحــــت ياعــــمـي وبـــوي ابـــغربــتـــه
وحيــــد ويــــديــــر النــــظر لعــــيالــــه
دفــن بــيــده حــــسـيــــــن وتــعــنــالــه
❀......❀......❀......❀......❀2
والرضـــيع انذبح ظــــامي ابــــكربــــلـه
بالمــــثلــــث والــحــــسيــــن الشــــايلـه
جــــابــــه للــــصيــــوان دمه ســـايـــلـه
نفــس سهم الــــجاك هــــوه الجــــالــــه
دفــن بــيــده حــــسـيــــــن وتــعــنــالــه
❀......❀......❀......❀......❀3
نفس سهم الصابك وصــــوب اخــــوي
مثلث ومســـموم صــــوب جبــــد ابوي
بـالـخــــيم زينــــبكم وتــــصرخ يـــبوي
والشــــمر دايــــر عــــليــــه ورجــــالــــه
دفــن بــيــده حــــسـيــــــن وتــعــنــالــه
❀......❀......❀......❀......❀4
منــــهو النــــه الظـــل يعمي خلافــــكم
تــــدري اشــــسوه بعــــد ذبــــاحــــكم
اجــــه وبيده النار شــب اخيــــامــــكم
وقــــدت تلــــهب نارهــــه وتتــــعالــــه
دفــن بــيــده حــــسـيــــــن وتــعــنــالــه
❀......❀......❀......❀......❀5
وينــــك انهضــــمت يتامه حســــينــــك
ابوليه صارت يــــوم غمــضت عيــــنك
صاحــــو انــــريــــدك يــــكافل وينــــك
اعليــــنه اجــــت ياعمــــنه الــــخيــــاله
دفــن بــيــده حــــسـيــــــن وتــعــنــالــه
❀......❀......❀......❀......❀6
عمي روعـــونه العــــده اوضربــــونــــه
اوظــل اثـــر وتـــسيـــل دم امتـــونــــه
احنه شفــــنه الضيـــم من عفــــتونــــه
نــــد خــــل ادواويــــن وبيــــاحـــالــــه
دفــن بــيــده حــــسـيــــــن وتــعــنــالــه
❀......❀......❀......❀......❀?
#الشكرلله خادم الزهراء ع ملا علي
#نسالكم_الدعاء
❀......❀......❀......❀......❀