2554
(گعده)
خليها بخيمها ** يا ليل بألمها
هاي العايلـــــــه ويــــن ** تصبح عُگب الحسين
خليها بخيمها ** يا ليل بألمها
ــــــــــــــــــــــــــــــــــــــــــــــــــــــــــــ
تدري يا عايله بهاي الخيم هاي بنات حيدر
ربت بخدور الوطان وأصبحة بخيام بالبر
رضت بس الأهل يمها وبوجود الأهل خدر
شلون يا ليل الزمان ألعبة لعبه بعكس تفتر
لنها بعطش هل عايله *** وفتية علي عقد الوله
بس هل مسيه بكربلـــــه *** وعل ضيوف عيون تسهر
يا ليل نوايـــب ** باجر بالحرايب
تغيب وجوه الكرام ** تبگه عـيـال وأيتام
وطفال بيتمها ** يا ليــل بألمها
ــــــــــــــــــــــــــــــــــــــــــــــــــــــــــــ
أنطي سمعك للخيام ودويه مـن كـل خيمه تسمع
أُم أجـت ودعـة شــاب وهــل أخـو لـلأخـت ودع
طفله صاحت مـاي أريد مـن الضمه گلبي تـصـدع
وأُم رضيع أتصيح جف الثدي وطفلي يريد يرضع
وحده تنادي يل أهـــل *** چنكم تخيبون الأمل
هل عايله تضل بوجل *** تطلع وللخيمه ترجع
والعايلــــه بريبـــه ** وتحس بالمصيبه
وحده تگوم وطيح ** تريد الوالد تصيح
وحده تريد عمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
هاي توصل يـم أبـوها حـسين لن توگف گباله
أتريد تحجي تخاف تحجي هلطفله على حاله
يذوب چبده من تريد تخبره عـن حالة أطـفاله
فكره عدها تريـد أبـوها تباصره بـحـالة عـياله
تگله أرجع بهاذه الضعن *** خلي الودايع بالوطن
أتشوف الدروب أتلزمن *** أبد ما يحصل مجاله
وتـغـيـر النـضـره ** من ترجع ابحسره
تـشعر بالأبـو يـروح ** وباجر تصبح جروح
وبعد شينيمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
قسم هاذه وقسم ثاني من الطفال وأشد جمره
طفل ما يـعرف الـخوف ولا أله بالـخـوف خـبره
يـصيح ودوني العمي وهاذه حـالي خـل ينضره
گلبي مـن الـعـطش ذاب ومـا يـريـد ولا يـعـذره
وعباس ينضر هل وضع *** چـم طـفـل يـمـه مجتمع
وبـاجـر لونــه يـسـتـمـع *** عگُب عينه الحاله خطره
هـساعـه بوجـوده ** وملتمه على جوده
منـه تطلـب الـمــاي ** هاي شعدها من راي
بس الضيمه يهمها ** يـا لــيــل بــألـمـهـا
ــــــــــــــــــــــــــــــــــــــــــــــــــــــــــــ
هاي متحيره شلون نصير باجر وضع يصعب
ذيچ مـتخوفه بريبه وهـاي مـاي تريد تـشرب
بت علي شنهو الشغلها بيـا أمـر فـكرت زينب
يصير نامت عين زينب تدري باجر هيه تتعب
لا عين زينب ما غفة *** أكثـر العيـلـه تـخـوفـة
مـن ليلـه هيـه تـكـلـفـة *** عليها كل مصاب ينصاب
وتصبح غريبه ** وتمسـي سليـبـه
ومن باجر هل عيال ** ومن باجر هل الطفال
زينب تستلمها ** يــا ليـل بــألمها
ــــــــــــــــــــــــــــــــــــــــــــــــــــــــــــ
حـيـره يا لـيل شگلك طـول يا ليـل النوايب
راحت تموت الودايع خوف بوداع الأطايب
راح أگـلـك أبـدي صـبـحـك بـدم والمصايب
صبحك يخلي الودايع عگُب أهاليها غرايب
من صبحك يصير السلب *** من صبحك يصير النهب
باجر نار بخيم باجر تشب *** وليحامـي الخيـم غـايـب
لا يا ليل طاويل ** أيـتـام وأرامـل
عيال حسيـن يا ليـل ** عليهم تهجم الخيل
محد يحتـرمـهـا **يــا ليـل بــألمها
ــــــــــــــــــــــــــــــــــــــــــــــــــــــــــــ
طـول يا لـيـل بـوداع الـعـايـلـه ويه أهـلـها
لا تـغـيـب هالـوجـوه التـودعها ولا مـثـلـهـا
بأمل زينب خل تعيش ليله ولا تخيب أملها
أليله يمها الأخوه مجموعين باجر منهو ألها
أليله بجمع أهل الأبه *** وباجر بدمها أمخظبه
المتخـدره المتسلبـه *** أتغيب كل الأهل كلها
يا صبـح المـنايـه ** يا صبح الضحايه
لا تبدي للعـيـون ** يا ليل شيگولون
من صبُحك هضُمها ** يــا لــيـل بــألـمـهــا
ــــــــــــــــــــــــــــــــــــــــــــــــــــــــــــ
(مصيبه)
ودعي يا زيـنـب أهـلج يا بـت حـماي الحميه
بهل المسيه ضيوف عدج ودعي بهاي المسيه
ليوم وليانج أكـبالج وجـثـث باجـر عل وطيه
باجر ضحايه على ثره تلگين الأخوه مطشره
ولا يا وديعة حيدره ما يضل من هاي لأخوه
بس عليل يودعونه
ــــــــــــــــــــــــــــــــــــــــــــــــــــــــــــ
الشاعر الخالد عبد الحسين ابو شبع
#محرم_١٤٤٧_هــ
مولاتي زينب ع
امس يمي
امس يمي وبالي يمك
وفكرت بل خيل راح تئذي جسمك
امس يمي حسين كاعد
ساعه ابوسك فوك نحرك ساعه اضمك
امس ردنه ليل يبطي
ولاشمس تطلع ولا فجر الله يكشف
امس يمي وكعد اخيره
وشوف خل شبع قبل الادمه ينزف
حسين يمي واني اريده
خلي احطن جفي بيده
بهيده اشمنه على كيفي
ولا يمر سيف ابو ريده
عن وجهي وجهك ارفض تديره
وخن طول بهل ساعه لـ اخيره
وليله الا خيره بهاذ ال مخيم
وباجر بواجي بطيحت عشيره
0000000000000000
خلصت ويه حسين عشره
وداع الي يموتون خوته شلون افسره
وياك مانتلاكه باجر
باجر من الخوف جم ميت اعبره
كون اشبع شوف منه
كبالي صلاه حسين وتخبل صلاته
هاك ماي من ايدي وشرب
وحلكه باجر يبس وتنشف الهاته
اشرب اتهنه يبيتي
ياعمد ستري وحنيتي
وكال زينب خل اكلج
بدمي تتخضب لحيتي
اروه عله كيفك وتهنه وشرب
فجر الله لوطر خمتنه تنطب
وادري بجمالك مايبقه نفسه
شيبك دمه من نحرك تغضب
0000000000000
امري لله خلاف عينك
كلشي باجر مو عرف يركض ورانه
احنه مو مالت صحاري
واحنه خير وطحنه يم الشر والانه
حضرو كلشي الذبحتك
سيوف ورماح وعدو وثكيل حافر
يعينك الله حسين باجر
ينولي ويلزم صفحته ابن امي حاير
كلشي راح يصير ضدك
كلهه توكع وانت وحدك
اسهام تمطر فوك صدرك
وال سهم باجر يسندك
ها يا عزيزي عيوني شمحنتك
وتبقه وحيد وعينك عله اختك
هل من معين ومحد يعينك
متحضره خويه الناس الذبحتك
0000000000000000
تكابلينه وكمنه نبجي
جانت اخر جلمه كال رقيه امانه
تجمعن يمه بناته
وشوف الموادع يموتنه ابحنانه
لوذن بزينب يبويه
وهاي اخر المه تجمعنه الخيام
بويه باجر كلهه غربه
ماكو حامي اليحمي زينب واليتام
شكد عزيزه البت الابوهه
وينذبح ويركضوهه
ينولي حسين وبناته
والتراجي يسلبوهه
بلطف عل اهلي شيب النوارس
ولاكو تراجي اضل الا محابس
شبعن وداع وشوف من ابوجن
وباجر ابوجن ذباحه حارس
صباح جهاد
احسين ابخدمتك اگضيهه تدريني
ويم باب العزه بس كلمه تحييني
آه يحسين ومصابه
*******************************
يحسين العمر مايسوه من دونك
والهذا السبب صرت انه مجنونك
خادم وافتخر فدوه انه لعيونك
حبك دنيتي وكل هذا يكفيني
*******************************
يحسين الخدم عينك تباريهه
ومنك رايده مد ايدك اعليهه
اهناك ام الحسن نعرف توصيهه
وباچر كوثرك يا محلى ترويني
*******************************
معروفه اليخدمك هيبه بين الناس
عنوان الكرامه وبيها رفعت راس
باچر يالخدم يحضركم العباس
ومن چفه الكرم معروفه ينطيني
*******************************
انه ابدونك حياتي لا طعم لا لون
معناته اليحبك يعترف مجنون
يحسين بخدمتك رابح ومضمون
من هول القيامه اسمك ينجيني
*******************************
عشرتنه المجالس والطم والنوح
وماتخلص جروحي حي عالمذبوح
مرحومه عبرتي كربلائي اجروح
ومخلوق الدمع من يوم تكويني
*******************************
متفضل عليه وبالعشگ باريت
ويا محلاته خادم آنه لاهل البيت
كل هاي المجالس بيها انه تربيت
وعشگ احسين هوه دنيتي وديني
*******************************
شكرآ من گلب ولسان نحچيهه
روحي ابخدمتك يحسين خليهه
عمري ودنيتي بس يمك اگضيهه
بالوحشه اتحضرني هناك يحسيني
*******************************
تمت بعون الله تعالى الشاعر_يوسف_الفتلاوي
طبعن ماسوالفلكم على هل قناه بس ادخلو وشوفوها ياعمي شاعره وربي يوفقها ويعلي شأنها يعني تعرفون شنو هل قناه قناه الشعر الحسيني والقصائد الحسينية اذا عندج مجلس ومحتاره منين تجيبين قصائد ادخلي هنانه واندعيلي❤️
الشاعرة بتول الكربلائية
😍😍😍😍👇🏻👇🏻
/channel/pDQDJRsUu3Q3MzAy
قصيدة يهلنا....
للصبح يبجي وياي مانام الحنين..بردانه يمسح جان دمعات الحسين
هاكم ماي يالماشي الضعن بيكم..هاي دموعي ضموها بجفافيكم
يهلنا.......يهلنا....
كعد سولف على فراكك..بجفوفي عصرت أيده
نشده ترد تضل هناك..غمض يبجي بهيده
كتله بكربله شعندك..ومد أيده على رويده
كلي الماي بويه الماي..ويعاين على وليده
عبدالله باجر خاف مايشرب الماي..اخذوني افيي علي لومامش فياي
شسوي روحتي لو فرفحت ليكم..هاي دموعي ضموها بجفافيكم
يهلنا..يهلنا......
للصبح يبجي وياي مانام الحنين..بردانه يمسح جان دمعات الحسين
هاكم ماي يالماشي الضعن بيكم.. هاي دموعي ضموها بجفافيكم
يهلنا...يهلنا.....
كامت نوكهم والخيل صهلت والدمع زاتوت..مشو وعيوني تربيهم
تابوت ايحادي بتابوت..تابوت ايحادي بتابوت
صحت هنا يالمغربين ..صدمني الصدى من ايفوت
بعدو واليودع اهلا ..اذا مره الغروب ايموت
رديت اجر بالروح..وابجي على الهنا
ودموعي ضعن الراح ماعاطلنا
رديت اجر بالروح وابجي على الهنا.. ودموعي ضعن الراح ماعاطلنا
اذب الماي من تمر طواريكم..هاي دموعي ضموها بجفافيكم
يهلنا.......يهلنا.....
للصبح يبجي وياي مانام الحنين..بردانه يمسح جان دمعات الحسين
للصبح يبجي وياي مانام الحنين..بردانه يمسح جان دمعات الحسين
هاكم ماي يالماشي الضعن بيكم.. هاي دموعي ضموها بجفافيكم
هاكم ماي يالماشي الضعن بيكم..هاي دموعي ضموها بجفافيكم
يهلنا........يهلنا.......
من ركبن خواتي النوك..ومن انوى الحسين ايشيل
تبدو ماي بالضلمة من راحو وجن اليل ✨
خوفي من الحوافر غاد...خوفي ايسحكن على الهيل
ايا روحتج ياخيل ...ايا ردتج ياخيل
الشاعر موعود الرشيدي
🗓 #محرم_1447هـ
نعي شعبي لسان حال السيدة زينب ع
🏴 خويه يابو علي ياخويه 🏴
غصباً ما عَلَي گادونـي مسبيـة
جثثكم عالترب عفناها مرميـة
أصيحــن بالخـرايب آنــه ليليــه
مشتاگـه أشوفك ياهــوا الريّــه
ــــــــــــــــ ❖ ❖ ❖ ـــــــــــــــــ
ابچي اعليك كل لحظة واندهك
عنّـك يبعــدونــي وآنــه أختك
عليك امعــوّده وما يوم عفتك
يريت اتگطعِّت مـا دون جثْتــك
ــــــــــــــــ ❖ ❖ ❖ ـــــــــــــــــ
دفنك ماحضرته اليـوم يالغالــي
ومحّد يجري دمعه اعليك هالـي
أختــك أيــامهــا صــارت ليالــي
يبچـي الصخـر ظل اعله حالــي
ــــــــــــــــ ❖ ❖ ❖ ـــــــــــــــــ
✍ #زينب_الخفاجي
🤲 #اللهم_صل_على_محمد_وآله
نعي عن لسان السيدة زينب عليها السلام
.
.
ثلث تيام ضل جسمه رميه
هذا حسين بارص الغاصريه
تدوس اعليه خيل الاعوجيه
عرب لا غيره عدها ولا حميه
.
.
وين اهل الشيم خلها تشيله
ابـو السجاد مــا عنده قبيله
لو عنده عرب هسه تجيله
ما يكدر عله حمله عليله
.
.
وين الزلم صارت و العشيره
جا وين الشيم والعدها غيره
جيبو خنصر حسين وزغيره
هاشم وين عمتكم اسيره
.
.
حار الرمل يا بعد حيلي
يحسين يا روحي و دليلي
اخلاف الولي ياهو اليجيلي
جـا ليش عافاني كفيلي
.
.
جسم وياي وكتي شلون جسماه
بخوي الضل ثلث تيام جسماه
اما تدرون من العرش جسماه
اسمه ومصحف الله امسن سويه
.
.
حسن صالح العيساوي
سار الضعن ياحيف....... للكوفه اخباره
راح العزيز احسين... كلبي اشتعل ناره
●●●●●●●●●●●●●●●●●●●●●●
يالحادي بالله بهيد..ريض على اضعوني
عذبني جرح البين......وعميهن اعيوني
وسفه الشماته اشلون....للكوفه يحدوني
اصعب واشد الگوم.....مجتمعه بكتاره
راح العزيز احسين ..كلبي اشتعل ناره
●●●●●●●●●●●●●●●●●●●●●●
ولياني ظلت وين..........عالغبره تاليهه
مشوني درب الموت...وشلون احاچيهه
طاري السبي ينراد .....فزعت اهاليهه
زينب تظل اشلون ...ياخويه محتاره
راح العزيز احسين...كلبي اشتعل ناره
●●●●●●●●●●●●●●●●●●●●●●
اسمعهه كلها اتنوح....ثگلت محاملهه
جابوها هزله النوك.....وشلون اذللهه
شفت العليل احتار ....يسمع ثواكلهه
والحسره بيه اسكوت...والكوفه غداره
راح العزيز احسين. .كلبي اشتعل ناره
●●●●●●●●●●●●●●●●●●●●●●
مسرع مشه بلا راي.....يهضمني حاديهه
زينب اميره اجروح ....والدنيا تسبيهه
اسمع تكول الناس....هاي المره اشبيهه
درب الشماته اهواي....ذابحني بخطاره
راح العزيز احسين....كلبي اشتعل ناره
●●●●●●●●●●●●●●●●●●●●●●
اكثر حچي تأذيت.....گومي يمسبيه
طبينه قصر الشوم.........علويه علويه
بالمجلس اشكد ناس......ينشدهم عليه
حيره اشكثر ظليت.....وتعاين انظاره
راح العزيز احسين...كلبي اشتعل ناره
●●●●●●●●●●●●●●●●●●●●●●
بعض البشر معروف.........بالذله يتماشه
فاعل ضمير الخوف....وعله رجس عاشه
سلطانه طاغي يشوف..وبحكمه يتحاشه
معقوله هاي الناس.....تتوافد الداره
راح العزيز احسين....كلبي اشتعل ناره
●●●●●●●●●●●●●●●●●●●●●●
حدد مصيرك زين........لا تعشك الذله
عيش بكرامه انسان....عوف الوهم عله
ماتعله حاجب عين......من گعدت الدله
طبع البشر نوعين........تتغير أفكاره
راح العزيز احسين...كلبي اشتعل ناره
●●●●●●●●●●●●●●●●●●●●●●
تمت بعون الله تعالى الشاعر_يوسف_الفتلاوي
عوف الماي عوف الماي
خويه ارجع النه
------------------
ياابو الغيره. وجهك ديره دير عيونك خويه عليه
دير عيونك حالي بدونك بيك اشصاير صاير بيه
عليك مشيه خويه اسم الله يحفظك زين من العين
كونك سالم ترجع ليه
وشوف حسين تعبه منين
وحسين لازم ظهره. ظهره المكسور بلياك
وحسين قدر وضعه لازم ظهره ويتلكاك
عوف الماي اترجاك. وخل نرجع انا وياك
عوف الماي عوف الماي
خويه ارجع النه
----------------
چفك طايح شوفك رايح يا بعد اصبيها وضي عيني
يوجع جرحك. ساعة ذبحك. شاغة روحه وطاح حسيني
فدوا عيوني هاي لعينك يا كفال شوف الحال
اخلافك بس التل يبرالي
ابلايه ارجال. عندي عيال
وعليه يصيح العسكر زينب عباسج مچتول
وعليه يصيح العسكر ما باقيلج بس معلول
ترجع ليه اتمناك وخل نرجع انا وياك
عوف الماي عوف الماي
خويه ارجع النه
...............
كلشي اتوقع يالما ترجع. اتيسر وانطگ اخلافك
زركه متوني واصفر لوني. اشلون اتعوف انته الما عافك
ورم متني وكونك شايف اضل محتار. شوف النار
جوت ايدي وادري اتشاهد. كل الصار. راسك حار
والخدر طلعت تركض من النار التلهب ذيچ
والخدر صاحن زين شوفي النار اشسوت بيچ
هاي الخدر بحماك. وخل نرجع انا وياك
عوف الماي عوف الماي
خويه ارجع النه.
.................
الشط ومايه. تسوا رايه. عباس من اترفرف بيدك
لا تتعذر. لو بس منحر زينب يا عباس اتريدك
ما انساك شما مر بيه ما انساك. وين الكاك
وكل گطرة ماي من اشربها. اترد ذكراك. انا وياك
ارجعلي او لا تتعذر لتگلي ايساري ويمناي
ارجعلي وشوف اشصاير ياخويه اتمناك وياي
ما احمل ثق فرگاك. وخل نرجع انا وياك
عوف الماي عوف الماي
خويه ارجع النه
..........
بهذا الصاير كونك حاضر. واتشاهد زينب شافوها.
ترجع تندم. وادم تحلم. زينب تطلع شو چتفوها
والكل تسأل وينه الكافل ما موجود. راعي الجود
مضروب براسه اعله الشاطي. بالعامود. ابلايه زنود
كوم اگعد رد اجفوفك خلي الوادم ما يحچون
كوم اگعد كلهم زينب شمسويه الكم وتشتمون
يا ابو الغيره اتنخاك. خل نرجع انا وياك
عوف الماي عوف الماي
خويه ارجع النه
------------'
ياسين ناظم الشباني
تُنَادِي زَيْنَبْ الْكُبْرَى أَخِي يَا كَافِل الخدرِ
أَلا يا أَيُّهَا اَلسَّاقِي سَأَبْكِيكَ مَدَى اَلدَّهْرِ
🛑🛑🛑🛑🛑
اصيحك خويه وآنه امحجبه صـوتي
أشد عندي السبي يالغالي من موتي
يهلبـــت صــــوبك ايخــــلولي تابوتي
صــرت يونس تراني وغـيـبتك حوتي
جِبَالُ الْهَمِّ فِي اَلْقَلْبِ فيا ويلي مِنْ الْأَسْرِ
🛑🛑🛑🛑🛑
يخويه الماضگت من النهر رشفه
بلا ݘــف شفـــتك ومتفطره الشفه
وجـــــع گلبك يبو فاضل ولا يخفه
جرح گلبك أنه المـــاينگطع نزفه
أَخِي فِي يَوْمِ عَاشُوراء أَصَابُوا مُصْحَفُ اَلذِّكْرِ
🛑🛑🛑🛑🛑
وصلتك للشريعه واگعدت يمك
انه الي وصتك بيها العزيزه امك
عليك اصفن يكافل خدري شيلمك
يبو طول الحلو يالسابح ابدمك
أَتَانِي اَلشَّمَرُ بِالسَّوْطِ لِيَشْفِيَ غَلَّةَ اَلصَّدْرِ
🛑🛑🛑🛑🛑
اشمك من بُعد لتضني ضيعتك
اجيت اگبالك اگعد هاي انه اختك
يخي من كثر السيوف الي طاعنتك
گمت من وين اكضك تنمرد شفتك
أَخِي اَلْأَعْدَاءَ سَاقُونِي بِذَاكَ اَلضَّرْبِ وَالزَّجْرِ
🛑🛑🛑🛑🛑
يخويه وراح اروح وللسبي امشي
اجيت ابكل شي راح امشي ابلا كلشي
عله الناگه اجيت وأئمر ابأي شي
عله الهزل اروح ومحملي نعشي
رَأَيْتُ اَلسِّبْطُ مَقْتُولا خضيبا مِنْ دَمِ اَلنَّحْرِ
🛑🛑🛑🛑🛑
يخويه ابداعت امي اهوايه متعوبه
عفت شباني فوگ الرمضه مسلوبه
وابو الاكبر دمائه املطخه ثوبه
كونچ كربله امن ايامي مشطوبه
لقد سَارَ بِنَا اَلشَّمَرُ فَهَلْ نَبْقَى مَعَ اَلشَّمَرِ
🛑🛑🛑🛑🛑🛑🛑🛑🛑🛑
🛑🛑🛑🛑
وليد المندلاوي
أَتَى زَيْنُ الْوَرَى لِلطَّفِّ دَفَّانَا
وَدَمْعُ الْعَيْنِ أَدْمَى مِنْهُ أَجْفَانَا
حَبِيبُ الله مُلْقَى بَاتَ عُرْيَانَا
ثَلَاثَاً فِي ثَرَى الصَّحْرَاءِ ظَمْآنَا
----------------------------------
عَلَى الْمَظْلُومِ نَادَى وَالْحَشَا جَمْرُ
أَلَا يَا أَيْنَ مِنْكَ الصَّدْرُ وَالظَّهْرُ؟
أَبِي مَنْ ذَا يُدَاوِي مَنْ بِهِ كَسْرُ
وَطَعْمُ الصَّبْرِ مِمَّا نَالَكُمْ مُرُّ
----------------------------------
هَوَى فَوْقَ الْحَبِيبِ بِعَبْرَةٍ حَرَّى
يُقَبِّلُ مِنْ أَبِيهِ الْقَلْبَ وَالنَّحْرَا
غَدَا يَنْعَى بِشَجْوٍ فَتَّتَ الصَّخْرَا
أَبِي يَا مَن قُتِلْتَ بِكَرْبَلَا صَبْرَا
----------------------------------
فَوَالَهْفِي لِشِلْوٍ فِي الْعَرَا رُضَّا
وَذِي أَوْصَالُهُ قدْ غَطَّتِ الْأَرْضَا
عَفِيرَاً فِي الثَّرَى أَدَّى لَكَ الفَرْضَا
أٰيَا رَبَّاهُ خُذْ مَا شِئْتَ كَيْ تَرْضَى
----------------------------------
وَإذْ بِالصَّوْتِ نَادَاهُ مِنَ النَّحْرِ
أَلا وَسِّدْ رَضِيعَ الطَّفِ فِي صَدْرِي
قَضَى وَالْقَلْبُ يَشْكُو مِنْ لَظَى الْحَرِّ
ظَمِيَّاً قَدْ مَضَى مِنْ نَبْلَةِ الْغَدْرِ
----------------------------------
#دفن_الأجساد
#محرم_١٤٤٧هج
الشاعر حسن خنافر العاملي
قصيدة ( حسين شابع بس سحگ ) تروي ما جرى عليه يوم عاشوراء
الگـــاع شكـبـرهــا بكربلــه
وحسين شابـع بـس سحـگ
والمــاي تــارس هـل الأرض
وبصدره احس نار و حرگ
من السهم من الضمه
مـن الخـيـول اتهشمه حسين
****
ابن امــي هـذا يــا خـلگ
منَ العطش دلاله احترگ
گبـل الذبــح نـار التهــب دلاله
الگـــاع شكبرها بكــربله
ليش اعلى صدره جايله
منْ السحگ ما رحمته الخياله
هــذا ريحانـــة محمــد هــذا نفســه وروحــه
هذا جرحه الما تشافه حسين اقسى اجروحه
حسين لـــو ســر الديانـه جثتــه المطــروحه
سبــط النبي فــوگ الرمل
جمســه تطشـــر عالارض
وبصــدره مــا سالم ضلع
عشره الخيول الي ترض
صار بحوافرهن دمه
من الخـيول اتهشمه حسين
****
نهــر الفــرات ومنبعه
مهــر الزﭼيه الشافعـه
ليش نمنع عنه الفــرات بطوله
وعبدالله ﭼن عمر الورد
راد العذب ينــزف يــرد
مو ماي لا سهم الذبــح وَدّوله
الراضع ابهـام النبوه ليـش بالطـف ضامي
الجده شَمّه ابنحره تالي نحره ينزف دامي
خيَّامي بيهن سر محمد نـار وسط خيامي
يـــا نــار ظلــت تسـعتر
نـار الخيّـم نــار الذبــح
نار السهم وسط الگلب
لو نار من راس الرمــح
ياهي الي ظلت مضرمه
مـن الخـيـول اتهشَمّــه حسين
****
للتل شطـت بعـد الجــره
نــاديت يــا جــد منحره
بسيفه الشمر يگطع يوسفه اوريده
يا حيف من بعد الذبـح
راس الولي فوگ الرمح
ومگطوع خنصر يـا اسف من أيـده
عالرمح يا راس شفته هذا راس حسيني
كــون دونه ولا نظـرته شيبه دامي بعيني
صرت من شفته اسـيره والعّـده مسلبيني
راس الامامه اعلى الرمح
بالجبـهه اثــر لصــوابــه
راس النبــي ﭼنه انـرفــع
مـــن دمه صــار اخضابـه
بالنوح تنعاه السمّه
مـن الخـيـول اتهشمه حسين
****
ضامي على كتر النهـر
ومرخوص مايه للبشر
وممنوع ليش الماي لابن الزهره
حر الشمس نار الضمه
من نــار محنة فاطمه
مو بس ظلع الحسين رضو صدره
حسين ماي الجنه بيده وضاميات اشفافه
والفرات يموج مايه فايض اعلى اضفافه
غائره اعيونه بمضماها وذابلات اوصــافه
ودلاله مــن بعـد الذبـح
مثل الخيم نــار استعـر
وسهم النوايب بالگلب
طالـع يويلي من الظهر
حــيله يويلي امهدمه
مـن الخـيـول اتهشمه حسين
****
الشابع دليله بس الم
ترويه ماي ومو سهم
ليش السهم يروي العطش البگلبه
وبگلبه الأكبر والگمر
ومتحمل الام وقهـر
من الماسي حسين أصبــح كعبه
اطــوف بيــه كــل المــآسي المّـرن بــدلاله
طيحت انصاره واخوته وعطش گلب أعياله
وفوگ كل هاي المواجــع سحگته الخيّــاله
ضاگــت الگـــاع بنينـوى
وبصدره صــار الهن ركـض
مــا ﭼنه ابــن المصصطفى
من الله حبّه اصبح فــرض
روح الزﭼيـــه فاطمه
مـن الخـيـول اتهشمه حسين
****
الشاعر
موسى البديري
من اين تتابع قناتي.، من افضلك اضعط هنا للاجابة 👇🏻👇🏻
Читать полностью…
لست ابالغ ان قلت : ان من يريد ان يكون مع الله ويفوز بحياة طيبة في الدنيا وحياة سعيدة في الاخرة فليتابع هذه القناة كل يوم او على الاقل كل اسبوع...
للانضمام والمتابعة اضغط هنا 👇👇👇
/channel/Tdper/11517
/channel/Tdper/11609
#تراث
شلون ليله يودع حسين العقيله
تصيح زينب بالحرم آنه الكفيله
زينب تودع وليها .. والفراگ يعز عليها
شلون ليله
ــــــــــــــــــــــــــــــــــــــ
چني أسمع صوت زينب بالأفلاك السبعه يدوي
ومن استار الخدر يظهر يصعد العالم العلوي
يا إلهي وهذا عهدي گبالي چالمصباح يضوي
وهاي المصيبه الراتبه
بعالم الذر مرتبه
وبسمعي صوت النايبه
من مصادر عهدي يروي
شلون ليله فرگت شمل الهواشم
ومن يطر فجر المصيبه ينهدم عز الفواطم
والمصيبه عالميه.... خيمت بالغاضريه
شلون ليله
ــــــــــــــــــــــــــــــــــــــ
اشما اوصف خدر زينب وحگ زينب ما اغالي
بگلب صيوان الرساله مركز بقمة معالي
مستر ابيض الهنادي مركز بسمر العوالي
ولن گوس الموادع رمى
سهمه بگلب بت فاطمه
صاحت وعالهم كاظمه
رخص دمعي الچان غالي
شلون ليله ليله أخطار ورهيبه
شحال زينب باچر تصبح غريبه
والغرب بين علي .. محيره وشيطح بديه شلون ليله
ــــــــــــــــــــــــــــــــــــــ
ليلة وداع الهواشم مامثلها تصير ليله
ومثل ونة گلب زينب ماعلت ونة ثجيله
مو وداع تگول جمرة بگلب مكفول وكفيله
سيوف الفراگ الحاسمه
ونار الطفوف المظرمه
وسهامها المتراكمه
كلهن بگلب العقيله
شلون ليله وعالحرم بين خطرها
هاي التودع إبنها وذيچ التوادع ذخرها
هلله هلله ياكفيلي..بهالوداع إنهدم حيلي
شلون ليله
ــــــــــــــــــــــــــــــــــــــ
بهدوه من ليلة العاشر زينب اخوتها اعتنوها
ونگلوا جدام الوداع وللوديعه يودعوها
تضرب اليمنه على يسره البت رسول الله لگوها
من شاهدت شمس وگمر
والنور بالخيمه زهر
گامت ومحنيه الظهر
وعرضت الحال على اخوها
شلون ليله وزينب تفارگ خدرها
والنوايب ذوبن شمعة نضرها
هلله هلله شحال زينب..تفارگ الخدر المرتب
شلون ليله
ــــــــــــــــــــــــــــــــــــــ
تعلم بصدره يتكسر والشمر يگطع وريده
حبته بصدره وتشمه وردت انوب العضيدة
هاك روحي وجيب روحك وانه عنك مو بعيده
ومدت چفوف العاطفه
وتجلب چفوف الوفه
وصاحت على الدنيا العفى
لا تخليني وحيده
شلون ليله زينب تگضي ويا أهلها
تشم الحسين بوريده تگلب چفوف الكفلها
گسمت إلها الشريعه ...وشافت اجفوف الگطيعة
شلون ليله
ــــــــــــــــــــــــــــــــــــــ
چني أتصور خيمكم تسعر النيران بيها
وچني أتصور حرمكم عگب عزها ميسريها
وعلى النوگ الهزل تمشي وبالحبال امجتفيها
شيطفي نار الفاجعه
والمرضعات اللايعه
ساعه وتضيگ الواسعه
لو حدى الحادي بسبيها
شلون ليله وزينب تفكر بأمرها
شهالمصيبه تحسب حساب اليسرها
زينب وصابر گلبها ..بالغرب يرعى هربها
شلون ليله
ــــــــــــــــــــــــــــــــــــــ
هالله هالله شهالوداع الزلزل العالم رهيبه
وگوس المفارگ اسهامه الگلب المفارج تصيبه
وفاضت دموع المحنه وخمدت نار المصيبه
وگلوب العيال بفزع
بس گلب زينب ما جزع
صدت على إخوتها بورع
والمخاطر ما تهيبه
شلون ليله والملك تنعى بسماها
غربت شمس الديانه وانحجب بالطف ضياها
دنت ساعات المصيبه..وصارت العالم بريبه
شلون ليله
الحاج المرحوم كاظم منظور الكربلائي
#اللهم_عجل_لوليك_الفرج
(128)
زينب ع بعد يوم العاشر....
كلهم مشو عني ارحلو ولوحدي ضليت
لا ظل اخو لا ظل ابن والله تاذيت
.......................................................................
انه زينب والمصيبه رافكتني من الزغر
ودعت امي وابوي بدونهم عشت العمر
محد يسميني بسمي صار اسمي ام الصبر
مخدره وتالي بحياتي امشي بدروب اليسر
عشت اليتم صار الاسم بصبري تسميت
لا ظل اخو لا ظل ابن والله تاذيت
........................................................................
الحسن كدامي شفته ذب جبتده بالطشت
هذا اخوي الغالي بعده كون ميته وما عشت
اثنين من اخواني ظلو بيهم الهيبه شفت
لو تصير اعليه عيله بيهم انخه وحشمت
يا دنيتي عوفي اخوتي بهل جلمه ناديت
لا ظل اخو لا ظل ابن والله تاذيت
........................................................................
دارت الايام بينه ومشت بيه القافله
امشي والعباس كافل واتجهنه لكربله
راية الكافل ترفرف والضعن بيهه حله
وابو فاظل دكلي صدره يا شمر يا حرمله
دك عل صدر وصاح الخدر بيهم توصيت
لا ظل اخو لا ظل ابن والله تاذيت
........................................................................
المعرگه دارت يعالم ظلت اطير الرگاب
وبعد دوامه طويله استشهدوا كل الصحاب
استشهدوا من بني هاشم ثله من احسن شباب
ليلى كعدت يم طفلهه ويم علي كعدت رباب
اعله التراب كلهم شباب جم شمعه طفيت
لا ظل اخو لا ظل ابن والله تاذيت
........................................................................
حسين طب للخيمه اجاني والدمع منه يصب
وكلي يا زينب تحضري للمسبه وللضرب
عل شريعه طاح اخونه وما بقه شي للحرب
وانه راح انذبح هسه وتحرگ خيامج غرب
يابو علي راح انولي ودموعي صبت
لا ظل اخو لا ظل ابن والله تاذيت
........................................................................
لوحدي ضليت وعليه حركو خيامي الكفر
وبيه يشمت يوسفه من بعد خوتي الشمر
بخيله صدر حسين داسه وما سلم منه كتر
بوسط ناس وظل ينادي هاي هيه ام الخدر
وانه مره ومحيره وللكوفه طبيت
لا ظل اخو لا ظل ابن والله تاذيت
خادمكم حسين ابو عباس الكعبي
قناة دمعة فاطمة لمحرم وصفر
(( #ماعذرك_ياماي ))
لسان حال الحسين ع مع الماء
……………………………………………………………
ما عذرك يا ماي .. امقصر حيل اوياي
لا منك تغسيل .. لا روّيت اضماي
آ يا همك .. يجرح اسمك
……………………………………………………………
يالمنخلق كلك إلي
وخليت گلبي يصطلي . بالعطش جمره
يل بيني وبينك شِبر
ولساني نار ومستعر . ما ضاگ گطره
شكد قاسي گلبك ما گلت . ابن ام حسن هل ضامي
المفروض كلك تعتني . واطوف حول اخيامي
لا من ذبح لا من سحگ . منك يماي آلامي
أطفال ايلوعون .. واعليك اينوحون
خلّص ماي العين .. من گد ما يبچون
يكتل همك .. يجرح اسمك
……………………………………………………………
عباس من اجلك طلع
و احذاك ظل ومارجع . انت الذبحته
گلبه ابعطش يلهب لهب
ذلّاك منك ما شرب . عگب انا واخته
ابچفينه ما هم الگمر . لا بالعمود ابراسه
بس من فضت من جربته . ضاع الهوه اعله انفاسه
كل همه توصل للخيم . انت الجرحت احساسه
يل مالك مقياس .. وي شخص العباس
لجلك إنطه جفوف .. و بالحافر تنداس
ظلن يمك .. يجرح اسمك
……………………………………………………………
ياماي هم صحت ونحت
عبد الله يصرخ هم شفت . من شلته بيدي
ردتك ترويلي الطفل
والجيش رووه بالنبل . ذبحوا اوليدي
وشلون ظل مايك عذب . ولونك الماصار احمر
من شفته لولح رگبته . والسهم وسط المنحر
عبدالله مات ابحسرتك . و عذّبت روح الاكبر
رد ليه وعطشان .. بلسانه النيران
طلباك وظليت .. بيدي اعصر حيران
آ يا غمك .. يجرح اسمك
……………………………………………………………
صحتك ابصوتي المنجرح
ردتك تجي كبل الذبح . لشفافي تروي
عالگاع طحت و منصهر
والرمل يلهب چالجمر . وبجسمي يچوي
ياماي مرتين انذبح . مره العطش ذبحاني
ومره الشمر من الگفه . وبكل بطئ نحراني
راسي انرفع لكن بقت . شوغة عطش بلساني
صح جثه ومذبوح .. بس منك مجروح
مو من حر السيف .. انت أمأذي الروح
يكون ابعلمك .. يجرح اسمك
……………………………………………………………
يا ماي يا ميت گلب
راح اترك اعتاب الشرب . يل عطشتني
ما جيتني ابوكت الدفن
ما وخرت دم الطعن . ما غسلتني
ايام مرمي اعل الترب . والشمس تحرگ بيه
لمّاني دفاني ولچن . ما دار ماي اعليه
واجروحي طبت للگبر . ظلت مثل ماهيه
نزلّني الدفان . ملموم و عريان
والنحر المكشوف . بيه دخلت تربان
وضعي ايهمك .. يجرح اسمك
……………………………………………………………
لعيالي صح انت اوصلت
لكن اهواي اتأخرت . يل عذبتهم
بعيونهم اكبر جرح
رفضوك يل طعمك ملح . من عگب اهلهم
هيهات تحلم نشربك . يل عطّشت والينه
مو راحه ابدن شوفتك . اكبر عذاب اعلينه
ما تحله اذا مو بوالفضل . ونتروه من چفينه
ابصوت الدمعه و آه . صاحوا يا عماه
جابوا النه الماي . بس منك ردناه
ذبحوا حلمك .. يجرح اسمك
……………………………………………………………
✍️ ( سيد خضر الزاملي )
(( ذكـــريــــات ))
ذكريات ضلت من اخواني
ذكريات هيجتهه احزاني
ذكريات...ذكريات
*@@@@****
والله عشت ايام حلوه ابعز دلالي
اويبچي حالي بذاك وكتي لهذا حالي
ها يدنيه بغيرهم محد صفالي
امشي واتعذر يدنيه من خيالي
ذكريات وينهم خواني ..
ذكريات هيجتهه احزاني ..
ذكريات....ذكريات
@@@@
صعبه لو گلت الغريبة يالغريبه
اوذاك عزي ها يروحي آمنين اجيبه
وينكم حيهم يخوتي اشهل مصيبه
آمنين اجيب الگال يختي يالحبيبه
ذكريات يحچي بيهه الساني ..
ذكريات هيجتهه احزاني ..
ذكريات..ذكريات
@@@@@***
انه أذكر بين اخوتي چنت اميره
نظر عيني ما يصدگ من اديره
شلون زينبهم وحيده اوتمشي أسيره
بالبحبل مچتوفه اديه والله حيره
ذكريات روحي هسه اتعاني ..
ذكريات هيجتهه احزاني ..
ذكريات.. ذكريات
*@@@@*
لو غفت عيني اومنامي چنت اذكره
حسين من ضي الشمس خلالي ستره
هسه لون اعبايتي من عدهه حمره
ياگلب زينب بعدهم فاض صبره
ذكريات والشمر يبراني ..
ذكريات هيجتهه احزاني ..
ذكريات...ذكريات
*
من بعد ذاك الكفل صرت الكفيلة
شلون يرضى عالهزل تمشي العقيله
أذكر اودمع المواجع گمت اسيله
اوشوفت الراحو يزينب مستحيله
ذكريات والبعد اذاني ..
ذكريات هيجتهه احزاني
ذكريات. .ذكريات
****
ذكريات اوهيجت عندي الخواطر
شلون اعوف حسين وحده اوعنه اسافر.
شلون اعوف الداست بصدره الحوافر .
ريت من بعد الاهل تعمه النواضر.
ذكريات اخوتي عنواني ..
ذكريات هيجتهه احزاني ..
ذكريات...ذكريات
للشاعر
ابو عبدالله الشمري
يارقيه أنه حميده
وين ابوي اليوم أريده
نمشي للكوفه ابعجل *لئن ما ويانه اهل
..............................
يارقيه اليوم اشوفچ عايش اوياچ الحزن
نار بثيابچ يخيه اوسوط يطوي اعلئ المتن
ضالم اليحرس علينه قاسي گلبه اومايحن
انه اعرفچ طير جنه ونتي مو مالت سجن
هسه مابين العده * والچفوف امكَيده
لابوچ اولا عضيده ---- يارقيه انا حميده
...........................
ردت اعليهه رقيه انتي بت افضل نسب
ماعرفتچ ياحميده امبين اعليچ التعب
چان وجهج گبل ساعه يلمع ابلون الذهب
من بعد شيخ الهواشم منهو يسمع للعتب
رحمه ماكو أولا عدل * بليذبحون الطفل
خلو النبله ابوريده ------ يارقيه انه حميده
...........................
وحده تحچي الوحده ضلّن من كَرب وكت العصر
بس عليل اويانه ناحل وين نمشي لياكتر
لجثث لو رحنه نبچي ايكَوم يضرب الشمر
من يجي اليل ابسواده والمصايب تستمر
والدمع منهن نشف * نظرن لدرب النجف
هاذه عنوان القصيده ----- يارقيه انا حميده
................................
مَرّت اعليهن مصايب ماتمر اعلئ الملأ
كل شي ما خلّت عليهن يوم عاشر كربله
راحن لزينب يسألن وين راعي المرجله
وين هاي اليله غايب ما يشوف العايله
زينب لهاذ الوضع * صفنت اوصب الدمع
ضلت اليله وحيده ----- يارقيه انا حميده
................................
بين اليل ابضلامه اوبقت بت مسلم تهم
تنظر الحراس غربه اوخيل وسيوف اوزلم
من كثر هم العليهه تمشي كَامت بس رسم
واليكَول الكوفه يمهه يحس بيهه تنهظم
رادت اتزور الكَبر * طفله ماعدهه صبر
تحچي قصته الجديده ----- يارقيه انا حميده
-------------------------------
للشاعر فاخر علي الشبيبي
رابطة ابا الفضل العباس ع
موسبي راحت سفير يا اميره وبت امير
فخر راحت موهضيمه
تنشر الثوره العضيمه
............
هيه ما اراحت سبيه واجزم بهذا الكلام
ملك ويسولف عرشهه ثورة الحق والظلام
تمشي وي ضعن الفواطم هيج وصاهه الامام
يعني لو هضموهه زينب نقره عالثوره السلام
للضعن كافل تصير يا اميره وبت امير
تحجي عن قصه واليمه
تنشر الثوره العضيمه
...........
الزلمه لو ميتين اخوته يدير الانگاب ويصيح
وزينب الوگفت قضيه سكته دمعتهه التطيح
زينب وحيدر صبرهه ابوكت اليوفي شحيح
مثلت دور العبايه وچان الحسين الذبيح
امهه بالناگه التسير يا اميره وبت امير
مطرت من الصبر غيمه
تنشر الثوره العضيمه
..........
امهه بالناگه ابصبرهه غطت الدنيا بوقار
سولفت خطبه السمعهه گال ردلنه الفقار
يافضل زينب اشبهه ويشبه الفضل النهار
الدنيا لوله ام عون احسهه ضلمه وامتيهه القرار
الصار تحجيه واليصير يا اميره وبت امير
ذلت الگوم اللئيمه تنشر الثوره العضيمه
.............
كعبة الاحزان هيه وهيه منهج للصبر
يامره الميتين اهلهه وتحجي الهم للنحر
چلمة الذله اعله زينب چانت ابدن ماتمر
يا اخت عباس ثوره وانتي ذليتي الاسر
لا تذل ولاتحير. يا اميره وبت امير فيت اعله الدين خيمه تنشر الثوره العضيمه
...........
ابد ماقلت صبرهه وابو الباقر بالضعن
مثل الحسين اعله زينب جفه للحره وطن
صح عليل ولچن دوره مايقدرونه ابثمن
نشف الدمعه الخواته وللفواطم لو بجن
گدهه ابو الصبر الچبير يا اميره وبت امير
للخلگ يشرح جريمه تنشر الثوره العضيمه
خادم اهل البيت علي الزرگاني
💠قصيدة دفن الاجساد💠
بدفنه شــلون زينب تنشد الناس
وبس جثه اخوها مــسلب الراس
ثلث تيام ضل حســــين مطروح
مطبر بلــــــــــحوافر مات مذبوح
تكله شلون بعدك تشفه الجروح
ويمك طاح صاحــت خويه عباس
شلون اباريه وماصــح جفن دوم
وظل حــسين بلبر مامش هدوم
مسلب خنــصره وفايض بلدموم
وهل ظلت بناته ادك عله الراس
بدفنه شلــــــون كالت من دفنتو
حــــــــسين موذر شلون وعرفتو
هم صــــــــح ماي لو ماكو تركتو
وكبره جم شــــــبر كلولي ينقاس
بدفنه بعيد وانشــــد عن عضيده
ورديتو اله ياخنــــــــــــــــصر ايده
وعبدالله ســــــــــــوه وياه يريده
حسافه شلون حدر الخيل ينداس
جسمه من الشمس متغير الرسوم
وانه هنا خلافه محــمــــله هموم
من يوم الجــــــفاني مفاركه النوم
راح الجان للــــــــــعدوان خلاس
ابو سلام الجابري
نزله(( #شجاعة_الحسين ))
……………………………………………………………
حسين تربات النبي . و على حيدر طالع
سيفه نازل عالزلم . كالعذابِ الواقع
من مُحمد زوده .. من مُحمد زوده
……………………………………………………………
حسين اشجع فارس
للشرايع حارس
استاذ و بمنهاجه . ابو فاضل دارس
موش بس ابيومه
من زمان اعلومه
بالجمل من قاتل . اگبور سوه الحومه
ابليس بالمعركه قائد جان صاعد عالجمل
ولمن شاف حسين طبها طاح خوفن ما نزل
بالخيم مروان لابد طلحه يرجف من دخل
هتف جبريل ويگله فحل من ذاك الفحل
وعلي ينظرله ابفخر . بيه گرت عينه
صار گدام الزلم . يفتخر بحسينه
من مُحمد زوده .. من مُحمد زوده
……………………………………………………………
نگول الاكبر قائد
نعم واشجع واحد
الولد نذكر زوده . وننسه زود الوالد
مسلم و ضرباته
الكافل او حملاته
اوي السبط ما توصل . ربع من صولاته
احنا متأذين كلش عالحوافر والذبح
وعلى قران ابو الزهره الصار فوك اعالرمح
القلم ما يحجي ابقتاله لان جدا منجرح
حبره يبچي اع الثلاثه ايام بيهن منطرح
احنا مو عمدن تره . ما ذكرنه افعاله
حيل شاغلنه السحگ . الينثر بأوصاله
من مُحمد زوده .. من مُحمد زوده
……………………………………………………………
بيه گرت عيني
والفخر ماليني
همه سبعون الفن . و صمد وحده احسيني
عينه صح لعياله
وعطش فت دلّاله
لچن شمر و گومه . ترجف امن اخياله
حسين يگدر وبثواني ليل يگلب هالضُهر
ابرفعة الاصبع يحوّل هاي الآلاف إلـ صفر
فوگ جبريل وتحضّر ينتظر منه الامر
ايجيبهن يم جدمه فورن رگبة ايزيد وشمر
حسين ابدن مو ضُعف . الله هيج اريده
حيل عطشان الشرع . يرتوي امن اوريده
من مُحمد زوده .. من مُحمد زوده
……………………………………………………………
لوَن صارت هايه
حسين شارب مايه
جان طب الكوفه . وبيها ينصب رايه
منجل ابذرعانه
يحصد ابعدوانه
يسحگ ابميمونه . راس ابن مرجانه
عالنجف صاحت الكوفه عندي ماظلت زلم
خلّص السبعين ألفن واجه المسلم ينتقم
هذا ابن حيدر و اعرفه بحر متروس ابعزم
الشرده صارت صعبه كلش لأن ميت كل جدم
موش سيف ابيمنته . هايه عصة موسى
جيش ظل بس الرگب . ضنها بلعت روسه
من مُحمد زوده . من مُحمد زوده
……………………………………………………………
گالهم لاگوني
بن علي تعرفوني
هل الجمع والقاده . چالنمل بعيوني
ها شمر چا وينك
قائد امسمينك
ادري بالنص لابد . رجفه حتى ابعينك
في نظام الحرب عدنه الزلم تتبارز تره
الظاهر انتم شكل زلمه لكن الداخل مره
ابسيفي عزرائيل گاعد طارش امن الاخره
ابضربه وحده الـ نص جهنم الى النار ايسفّره
يزيد ما باعث زلم . هالنسه امودّيها
مو عمايم يفترض . الروس شيله اعليها
من مُحمد زوده . من مُحمد زوده
……………………………………………………………
ضعف كلش حاله
ونايم اعل ارماله
وبقوا نفس الخوفه . محد ادنّاله
العسكر ايعرفونه
خوفن ايهابونه
الذبح مو بس سيفه . ابخزره من عيونه
انقسموا اثلث فرق همه وهو نايم منطرح
شي اسهام وشي حجاره وقسم يطعن بالرمح
الشمر گوه امثبت ايده ابرجفه خافن ينفضح
خاف من عينه ولذلك من كفاه صار الذبح
ايزيد شافه اعالرمح . ورجف حتى السانه
مو ملك اصبح قزم . وضاع وسط أمچانه
من مُحمد زوده . من مُحمد زوده
……………………………………………………………
✍️ ( سيد خضر الزاملي )
يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره
و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره
مدري المه مدري اغطيه حسين فوك الترب عاري
ومثل ضيعة خنصر ايده ضاع يا وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع
گلبي ما يقنع اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب
اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره
من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد
سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح
يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر
ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله
حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل
اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري
يالوجهك بلون الصبح
چنك شمس فوگ الرمح
كلشي بعد وجهك طفى
يا ضوه عيوني المنذبح
**
اه يالحنين اشأخرك
ليل اهدعش قاتل. عالخد دمع سايل
لا انته لا كافل. ليلي خلص صفنه ودمع
ما نمته من دونك يا خويه وعيونك
وسفه يذبحونك. وبرمح راسك ينرفع
يحسيني يا غالي كلسا تجي أبالي
وبس راسك اگبالي
يا خويه يحزام الظهر ياالما بقالك بس نحر
والحافر بصدرك غفى
يا ضوه عيوني المنذبح
****
گمت من اگومن انتچي
ميتات رجليه. كل حيله ما بيه.
وكل ساعه علويه تبچي اعله اخوها المنكتل
اتگلي يا عمه. ضل الاخو نعمه.
واسكت بلا كلمه فراگ الاخو ما ينحمل
يا خويه ودعتك. گوه علي عفتك.
بس عالرمح شفتك
مخضب وتنزف دما. وميبس اشفافك ضما
مذبوح ويلي من الگفى
يا ضوه عيوني المنذبح
**
يا ريت لا طر الفجر
صبح اهدعش صنته. نجم الظهر شفته
وياريت ما عشته. بعدك فلا يسوه العمر
ياخويه شتحمل. تعرفني حيل اخجل.
تاليها عالهزل مسبيه والحادي الشمر
ما يرحم الحادي. كل ساعه بعنادي.
يم راسك اينادي
ضربوها اذا وحده بچت. لو وحده بحسين انتخت
بيد الشمر وضعي صفى
يا ضوه عيوني المنذبح
****
مسبيه وي وادم غرب
والدمعه بعيوني. لمن يشوفني.
ابچي يسبوني اتمنيت ساعتها متت
عن حالتي اشكيله. اهمومي وابچيله
ولراسك احچيله. من دار وياي الوكت
مهضومه واشكيلك. عن حالي وابچيلك
ادخيل الله وادخيلك
امنيتي هسه اترد عدل. واشوف اختك بالحبل
مچتوفه چا گتلي افى
يا ضوه عيوني المنذبح
***
معذور وانته بهل الوضع
يالمنگطع راسك. حر الشمس جاسك
كل اهلك وناسك مسبيه ورماد الخيم
اعذرني يبن امي. چي محترگ دمي.
وبس روسكم يمي يالكلشي منك ما سلم
مسحوگ بالحافر وذر وذر صاير
. يا خوفي من باچر
بس تدري يا خويه صعب. اسيره امشي ويا الغرب
صعبه وحق المصطفى
يا ضوه عيوني المنذبح
****
الشاعر ياسين ناظم الشباني
وينه الي يساعدني بدفنهم
اهلي اذبحو عالغبره كلهم
جبت الروؤس وياي امشي ومحني مكفاي
:::::::
ظل يحشم بالعشاير صوت بالديره ارتفع
اسد قبلوها دعــــــوته اليملك الغيره طلع
زين العباد انه گلهم راس ابوي الي انگطع
يريد اليوم منكم زين العباد
وگفتكم وياي الدفن الاجساد
لئن ما عندي حيل الحيل ينراد
اول مره حفرو اگبور الاصحاب
ندفنهم سوه اصحابي الاطياب
مثلهم ماكو اهواي امشي ومحني مگفاي
::::::::
گبر للعباس احفرو حيل وسعو الگبر
خلها تحضر دفن اخوها وينها ام الخدر
هيه مكسوره برحيله وبعد اعرف تنكسر
هذا الوفه اخته اچفوف وعيون
هذا اول گمر بالگاع مدفون
كلشي يهون والعباس ميهون
عگب الگمر كسره احنه انكسرنه
بالديوان ظل واگف خدرنه
مات الچان سقاي
::::::::
ردت منكم بس حصيره تفاجئو كلهم اسد
شافو السجاد گاعد يجمع اوصال الجسد
طاح فوگ الجثث مرمي حيل ما بي من گعد
عبدالله الرضيع بصفه وسدو
نفس الگبر يـــــــم حسين خلو
بهيده حسين وسط اللحد نزلو
ظل حسين عاري على التربان
ثلث تيام ومات وهو عطشان
مات وما شرب ماي
:::::::
يدفن ودمعات عينه فوگ خده وهامله
ويصرخ بكل عالي صوته اه يعملة كربله
والله ماكو شخص مثلي بيده يدفنهم هله
فوگاها الحرم من طبت الشام
طبينه وهلاهل رفعو اعلام
نگعد وين واحنه بدون الخيام
اول شخص دافن روحه بيده
ظيم السلسله واصل وريده
المصايب كثرن هواي
:::::::
خلصت عمري بنياحه ضيم والام وسهر
من اجلنه الدهر صاير ويانه مو زين الدهر
گصص اچفوف من ادينه وبعد مگطوع النحر
احنه اهل الكساء وفوگ الارماح
ولا واحد من اهل البيت مرتاح
گضينه العمر كله انياح بنياح
السلاسل تعبني وضيم الحبال
نص السوگ تدخل ليش العيال
خرابه وماكو فياي
:::::::
علي جبار الكعبي
الفاتحه لوالدي
للدفنه
بدفنه شــلون زينب تنشد الناس
وبس جثه اخوها مــسلب الراس
ثلث تيام ضل حســــين مطروح
مطبر بلــــــــــحوافر مات مذبوح
تكله شلون بعدك تشفه الجروح
ويمك طاح صاحــت خويه عباس
شلون اباريه وماصــح جفن دوم
وظل حــسين بلبر مامش هدوم
مسلب خنــصره وفايض بلدموم
وهل ظلت بناته ادك عله الراس
بدفنه شلــــــون كالت من دفنتو
حــــــــسين موذر شلون وعرفتو
هم صــــــــح ماي لو ماكو تركتو
وكبره جم شــــــبر كلولي ينقاس
بدفنه بعيد وانشــــد عن عضيده
ورديتو اله ياخنــــــــــــــــصر ايده
وعبدالله ســــــــــــوه وياه يريده
حسافه شلون حدر الخيل ينداس
جسمه من الشمس متغير الرسوم
وانه هنا خلافه محــمــــله هموم
من يوم الجــــــفاني مفاركه النوم
راح الجان للــــــــــعدوان خلاس
ابو سلام الجابري
#يومُ_عاشور
#قوموا_للعزاء
قوموا جُموعًا للعزاء هبَّ الحسينُ لِلمنون
تتلو عزاهُ كربلاء إنّا لَها لقادِمون
حيَّ على العزاء في أرضٍ وسَماء
في مِحرابِ الطُّفوف سالَ بَحرُ الدِّماء
🏴🏴🏴🏴
عزّوا الرّسولَ المُصطفى
أمسى الفُؤادُ لمُدنَفا
رأسُ الحُسينِ على القنا
فعَلى الدُّنى بعدُ العفا
حيَّ على العزاء في أرضٍ وسَماء
في مِحرابِ الطُّفوف سالَ بَحرُ الدِّماء
🏴🏴🏴🏴
ما ذنبهُ ذاكَ الرّضيع!
يُروى ظماهُ مِن نَجيع
آهٍ لقلبٍ مُفجَعٍ
لمّا هوى طِفلٌ صَريع
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
مولايَ يا بنَ الأتقِياء
إرفَع رضيعَكَ للسّماء
في عَينِ ربِّ العالَمين
مسرى نجيعٍ للدِّماء
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
تَروي رِمالٌ في الطُّفوف
عن بدرِنا دونَ الكُفوف
عن أكبَرٍ، عن قاسِمٍ
عن أَنجُمٍ لاقَت حُتوف
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
إن كانَ ذَنبٌ للكِبار
يا قومُ ما جُرمُ الصِّغار!
في الحَشرِ تُصلَونَ السّعير
والطِّفلُ يغدو ذا المنار
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
جاءَت بِحُزنٍ زينبُ
والنّارُ صدرًا تُلهِبُ
يا ليلُ فاسمَع بَوحَها
فرِثاؤُها لا يَنضبُ
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
حضَرَ الطُّفوفَ القائِمُ
وعَلا نِداها فاطِمُ
يا يوسُفَ الزّهراءِ هل
ثأرُ الحُسينِ لَقادِمُ!!
حيَّ على العزاء في أرضٍ وسَماء
في مِحرابِ الطفوف سالَ بَحرُ الدِّماء
🏴🏴🏴🏴
#ما_تركتك_يا_حسين
زينب الموسوي
#بنت_الزهراء
افضل قنوات للقصائد الحسينية 💔👇
/channel/daem_alkanwat
يُمّه يُمّه يالولد ٠٠ گلبك برد ٠٠ لوبعده نار
ــــــــــــــــــــــــــــــــ
يمــه يـوليـدي يـســبـاح الـگـلـب
من خذاك حسين ظل دمعي يصب
اشهور عمرك وينك اوّين الحرب
يـمه گالولي ابــرگبـتــك منضرب
رجف گلبي وارتعد ٠٠ گلبك برد ٠٠ لوبعده نار
ــــــــــــــــــــــــــــــــ
ازغِير انـته والنَهر كـلـش چـبـير
لو سگوك الماي چاشنهي اليصير
ينگص الشط لو رُبع منه يطير؟
يمه والذبحوك ماعـدهم ضمير
دين ماعدهم أبد ٠٠ گلبك برد ٠٠ لوبعده نار
ــــــــــــــــــــــــــــــــ
يمه جـابولك الـنّــبله امّفصله
نحرك ازغيرون چان ابــكربله
من عساها انشلت ايده حرمله
الخله دمعاتي المصابك سايله
غيرك اشعندي بعد ٠٠ گلبك برد ٠٠ لوبعده نار
ــــــــــــــــــــــــــــــــ
يمه لودر صدري يم مهدك اروح
بيدي اهز مهدك يعبد الله وانوح
صورِتـك بـعيــــونـي ليليهِ تـلوح
بعد عينك ابـد ماتـهده الجــروح
يمه الوولي للمهد ٠٠ گلبك برد ٠٠ لوبعده نار
ــــــــــــــــــــــــــــــــ
متت من النـبله لو مـن الضــمه
احرورة اصوابك الحيل اتّهدِمه
رفرفت روحك مثل طير ابسمه
اوداعة الله الملتقى يـم فاطمه
اوليدي ياطير السعد ٠٠ گلبك برد ٠٠ لوبعده نار
ــــــــــــــــــــــــــــــــ
يالرحت عطشان ماصحلك شراب
هالمصاب امنين اجـانه هالمصاب
يُمه هم رشـو الماي اعلى التـراب
كـون هذا الشفته يـوليـدي سراب
گلبي يوليدي انمرد ٠٠ گلبك برد ٠٠ لوبعده نار
ــــــــــــــــــــــــــــــــ
حيدر بشار الدراجي
نعي للوداع
ياليلنه لاتنكظي بساع
لاتنكظي وخنشبع اوداع
وباجر اشوفه موسد الكاع
عزيز الاخو ويكتل اوداعه
.............
اشلون باجر لواجاني
وتروح من ايدي اخواني
وانحب واريد الرافكاني
وجاب ضعنني اعاتبنه
............
اليله يعيني لا تنامين
شبعي موادع ويالحسين
من شوفت ابن امي تشبعين
..............
وداعك يخوي هدماني
طفه العيون ونحلاني
اشلون افارك المافاركاني
..............
اشلون باجر لولفاني
والمهر يبن امي اجاتي
للحومه يالوالي خذاني
.............
ام زينب كربلاء