2554
#نعي
ياطارشي البيدة دطرها
وبـيـوت هاشم روح مرها
حيهم يـ عدنان ومضرها
صيح ويمنتك حيل فرها
گلهم ترى يهظم خبرها
طلعت الحره من خدرها
والهيمه ماينحمل حرها
ونوگ الهزل غرب شمرها
مسبيه حشم ياضخرها
مچتوفه بحبال ويجرها
عالهزله ويشوبح نضرها
وين الكلف ليفك أسرها
ويبنيلها خيمه السترها
ادري بمحمد لو نحرها
وعوچيته مغتاض وكسرها
يتجادح أعيونه جمرها
والمهره لو هزت شعرها
يعت الرسن ويطگ ظهرها
لو حل العمامه ونشرها
وولادة يمه أدگ صدرها
ويطرد على الحومه صگرها
أرگاب الكفر سيفه يكرها
والروس تتساگط حدرها
ويـضـّوگ العدوان مـرهـا
صل هاشمي ورداد شرها
خل يخلس الگوم وخطرها
لو زمخ بيها ولو زجرها
بظهورها ييبس بزرها
ومن الجثث يدفن نهرها
✍🏻حسين حمدان الدلفي
#اللهم_عجل_لوليك_الفرج
#ابوذية
يگـلبـي موت المن === ظال متني
الهزل والناس والتل === ظال متني
عگـب عـباس للطگ === ظال متني
هذاه وذاك كيفه ايهد عليه
سجاد ابراهيم الكعبي
#اللهم_عجل_لوليك_الفرج
#أبوذية
العذر نايم وجينه احنه .....وعيناك
عمنه اجروح البصدرك...وعيناك
اجيتك خويه اگومنك ... وعيناك
لگيت امچان ماكو اتكظه اديه
#اللهم_عجل_لوليك_الفرج
حالي محد أمن الضعن حسبه
هواي الهم ولا احد گدر حسبه
بحيره والگلب بي الف حسبه
اروح شلون وانتم علوطيه
.....
الشاعر محمد حسن ضيغم
#تراث #نعي
اختك الكوفه امن اجت ليها
يا طبّت الگشره عليها
يبن والدي شمّات بيها
تسمع شماتتها اوحچيتها
ولا من عشيره اتمد اديها
تطلج العيله من سبيها
اوطبت المجلس نختشيها
يرضيك هذا يا وليها
عَلَي طبّت ابن ازياد شدّه 😭😭
يعرضونه وحدةٍ وحده
اومن شافني كثّر النشده
يسبني ولا واحد يردّه
بس راس أُخوي احسين عنده
يضربه النذل بالسوط عمده
وينه علي ابعينه يصدّه
بس دمعته تجري اعله خدّه
توجه علي الكرّار جدّه
هتف بالعشيره اوبهل ودّه
الشاعر المرحوم
السيد عبد الحسين الشرع
#اللهم_عجل_لوليك_الفرج
لسان مولاتي زينب ع تخاطب العباس ع
وصلنه الماي بس لجلك…چفيته
وگبل ليچفتك العسكر ….. چفته
حسين انگعت من دمه… چفيته
تسحكه الخيل وعيونه عليه.
علي سعيد.
السيده زينب تخاطب العباس ع
اون عليك وسمع .. ونت امي وياي
وشلي بالماي بالطف .. ونته ماياي
أول مره اروحن ... ونته موياي
وشني وي غرب راح امشي سبيه.
علي سعيد
مولاتي زينب تخاطب اخيها العباس قبل مسيرها الشام
گوم اگعد ابدونك ماامشي بليل
انه ابخيمتي وعينك عليه
الله ايساعدك من باچر اتشوف
الشمر ياخذني گدامك سبيه
لاتگدر اتشاگف عني السياط
ولاتگدر تگللهم خطيه
بس وداعتك من كلشي معذور
الله وراد هيچ ايصير بيه
انه الهاضمتني اچفوفك هناك
كلهن دم بقن فوك الوطيه
علي سعيد
#نعي
مولاي زين العابدين روحي فداه
منو مثلي فكد خوانه واهله بيوم
ومنو مثلي نسبت كدامه نسوانه
منو مثلي عليل وشهر ممشه يروح
مجتوفات اديه وتكوده عدوانه
هم شايف شهم تنطك خواته بسوك
ومن دم راس ابوه مايابس اردانه
شصيرن للخيم لو للتدوسه الخيل
وتجي تبجي رقيه تكلي عطشانه
اليدفنله عزيز يرد نفس ودموع
يريد ملاكه ناس وياه حزنانه
انه الرديت دافن كل حياتي بكاع
بس لاكتني وادم حيل فرحانه
يبو حمزه شفت مشهد
شفت مصلى ابوي حسين فوكاه الشمر يكعد
شفت عماتي من اطيح ماعدهن جتف يسند
شفت الدمع من ينزل يخضر شيب فوك الخد
الشاعر مصطفى الحسني
#اللهم_عجل_لوليك_الفرج
#نعي
مولاتي العقيلة على هزل النياق
تندب كفيلها أبا الفضل العباس
روحي فداهما وتقول :
وينـك يسـايـگ ناگـتـي ، ويالناشر اعليه الواك
واتكفلت ضعـني وگلت ، ما اطلع الا آنـه وياك
شوف الحبل والسلسله،شمسويه بمتوني اعداك
يالما بـعـد جـابت اخـو ، مثلك وطلـگـت دنياك
ويـنك يـشـيال العـلـم ،زيـنـب تصـيح وتنـتـخي
ماعـدهـا غـيـرك يالگـمر، فيّ وسـتر بيه تنـتچي
ماصايـره بزينب گـبل،وآدم غــرب بيها اتـحـدي
والچانو اطراف الزلم شاخو على اسياد الحچي
ومـتـعـمـد الـحـادي يـمـر ،يـمـهـا ويشــتم بـيـهـا
ويحرگ گـلب زيـنـب صدگ ،من ينـشـتم واليها
ومن تسـمع الشتمه الحرم، تصفگ وسـف بديهـا
اخـلافـك يـسـبـع الگـنـطـره، جار الشـمـر عليـهـا
والكـتل زيـنـب يالگمر ،الـحـادي مـن طر السوگ
وبلا هـوادج وبسـتر ،وانت اعرف ابمشي النوگ
والـكـوفـه كلهم شمات ،خاف وتلظ بيهه حلوگ
وبين الأجـانـب يالگمر ،وگـفـتـهه ماظنها اتلـوگ
واحـد على الثاني ايهمس. هـاي المن المچتوفه
الـفـرحـانـه واتـدگ بالطبل. لاگتـهـا أهـل الكوفه
هاي المخليه ابكل گلب.حسره على ظلهايشوفه
زينب السايل رد إلـه . وسـفـه وصـفـگ بچفوفه
يالـسـايـگ إظعون اليـسر ،ونـي ابمسيرك بهداي
تـعـبـانـه ماتـــدري الـحـرم ،وايام مـاشـربـة ماي
لاتـوگـف ابـحـر الشمس ،دورلنـه يالحادي افياي
كـلـهـن ثواكـل هالـحـرم ،واطـفـال تدري الـوياي
نسألكم الدعاء
السيد حسين الياسري
#اللهم_عجل_لوليك_الفرج
طبعن ماسوالفلكم على هل قناه بس ادخلو وشوفوها ياعمي شاعره وربي يوفقها ويعلي شأنها يعني تعرفون شنو هل قناه قناه الشعر الحسيني والقصائد الحسينية اذا عندج مجلس ومحتاره منين تجيبين قصائد ادخلي هنانه واندعيلي❤️
الشاعرة بتول الكربلائية
😍😍😍😍👇🏻👇🏻
/channel/pDQDJRsUu3Q3MzAy
♦️تم نشر قصائد منبريه هنا 👇
👉 /channel/Bany_Hashime
زينبْ تنادي للسماء فوقَ صعيدِ كربلاء
قضى حبيبْ اللهْ
🛑🛑🛑🛑🛑
سبطُ النبيِ قدْ خرج لربهِ لبى
فهذا شبلْ المرتضى للذلةِ يأبى
خانوا بمنْ كانَ لطهْ منْ ذوي القربى
فوقَ الثرى قدْ قطعوا أحشاءهُ إربا
تجري دماء الانبياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
بكربلا غدا أخي للبيضِ والسمرِ
فوقَ الثرى رأيتهُ دماءهُ تجري
والخيلَ فوقَ صدرهِ فداؤهُ صدري
لهُ فزعنا ولها حيرى منْ الخدرِ
قد سفكت اطهر دماء فوقَ صعيدِ كربلاء
قضى حبيبْ اللهْ
🛑🛑🛑🛑🛑
فوقَ ألقنا رأسَ أخي أضحى فوا لهفي
وفوقَ جسمهِ غدتْ ريحُ الصبا تسفي
شمرَ الخنا لنحرهِ قدْ حزَ بالسيفِ
قدْ ماتَ شبلْ المصطفى فوقَ وغى الطفِ
فهذا ابن الاولياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
أقمارنا فوقَ الثرى بڪـربلا غابتْ
ذاكَ صريعٌ قد قضى بهِ العدا جارتْ
وذاكَ أضحى للضبا ومنهُ قدْ نالتْ
فوقَ أخي صنوَ الهدى خيلهم سارتْ
قدْ سلبوا منهُ الرداء فوقَ صعيدِ كربلاء
قضى حبيبْ اللهْ
🛑🛑🛑🛑🛑
___
بنا المآسي عظمتْ ووضعنا طالا
باليسرِ سارَ ضعننا والدمعُ قدْ سالا
طاغي الملا بسوطهِ منْ عندنا نالا
عليلنا مقيدٌ طالتهُ أغلالا
قد كبلو كَفَّ اَلضِّياء فوقَ صعيدِ كربلاء
قضى حبيبْ اللهْ
🛑🛑🛑🛑🛑
بالطفِ هذا ما جرى كأنهُ المحشر
كتابَ اللهِ دمهُ يجري منْ المنحر
جاؤوا بنارٍ أحرقوا مخيمُ الخدر
بغضا بقتالِ العربِ وقالعُ خيبر
قدْ غدروا بالأتقياءِ فوقَ صعيدِ كربلاء
قضى حبيبْ اللهْ
🛑🛑🛑🛑🛑🛑🛑🛑🛑🛑🛑🛑🛑
وليد المندلاوي
نزله..
الله خلـه بالعليل معجزه وبيها الدليل
ونزلت بيـوم الطفوف
ونزلت بيـوم الطفوف
__
من كرب شهر الفجيعه من اجه يوم الطفوف
وربنـــه نــزل بالامــام معـجزة ضد السيـوف
معجــزت عله وعليل والعـــدو مــــنه يعـــوف
حتى مايخلص نسلهم. من بعد نـحر وجفـوف
لا تشك باأمر الخليل.
معجزه وبيها الدليل
ونزلت بيـوم الطفوف
___
من بـــــده طــــف المنـاحر كالو أنواع الكـلام
واحد ينـــادي على واحد نكطعه نســل الامام
نذيح الطفل الرضــيع وتشتـــعل كل الخـــيام
مــادرو زيـــن الـــعباد معـــجزه وبيهــا السلام
من بعد دور الكفيل.
معجزه وبيها الدليل
ونزلت بيـوم الطفوف
__
ماكو أمـه بلاامام بكل زمان بكل وكت
يل ردت تكطع نسلـهم اسمع انته يالكلت
وربنـــه حافــظ هل سلاله ماتـحقق ماردت
شجره ويـخبل ثمرها أنـــته وحدك .ألمــــتت
والعدو اصبح ذليل.
معجزه وبيها الدليل
ونزلت بيـوم الطفوف
_
معجزه وثابت قـدرها من طــــفوف العــاشر
ماخلص نـســل الأمامه وخـــل نكله الكـــافر
أحنه شيعه وحـيدريه وعدنه مهــدي الحـاظر
باجر يــصـيح ويـــنادي وكلنه نصـرخ باجـــر
نصرخ ونندب يويل
معجزه وبيها الدليل
ونزلت بيـوم الطفوف
___
كلمات الشاعر
الحسيني
مرتضى مكطوف الموالي
نتعناه أنبوس اترابك
ماننساه احسين امصابك
"""“"""""""""""""""""""""""""""""
تعـود أيـامـنه
نشد أحـزامنه
تسير أجدامنه
نشيل أعلامنه
لابو الاكبر
نسد ابيوتنه ولحسين نتعنه
نموت بهالدرب كل يوم نتمنه
ناس المامشت ماتنحسب منه
گالت فاطمه درب السبط جنه
نتمناه الموت ابابك
ماننساه احسين امصابك
"""""""""""""""""""""""""""""""""""
لجـل محبوبنه
حبيب اگلوبنه
دليل ادروبنـه
يشيل اذنوبنه
ابن حيدر
هذا الخير من آحسين صاحبنه
حتئ الطير ياكل من مواكبنه
جميع الناس مو بس الاقاربنه
من اجيوبنه ولحد يحاسبنه
نتلگاه انشيل الزاير
ماننشاه احسين امصابك
""""""""""""""""""""""""""""''''''
نضحي اعيونّـهء
نـوَفـي اديـونّـهء
نهـدل آمتـونّـهء
يشيل احمولنّهء
آذاء تكثر
هذا العام كلهه اتروح مشايه
كل شارع تطبله تسمـع آقـرايـه
آجتنه آخبار گالو حاره اهوايه
مـانخلـف وعـدنه نبقئ وفايه
ماعفناه اسنين الموكب
ماننساه احسين امصابك
""""""""""""""""""""""'''''"""""""""''
تهب أحشودنه
نكسَر أقيودنه
نروح ابزودنه
نوفي أوعودنه
ندوس الشر
هاي الناس بس المهدي قائدهه
مـاهـمـهـه زمن كـلما يعـانـدهـه
غيرك ياحبيب الزهره ماعدهه
رب الكـون لـعيـونــك يساعـده
نترجاه الزاير ينزل
ماننساه احسين مصابك
""""""""""""""""""""""""""''''''''''''''''''
فاخر علي الشبيبي
#نعي
الـبـاقـر حـين للـتـغـســـيل جـابـه
ابـوه أوجـرد امـن الـولـي اثـيـابـه
شـاف امتونـه سـود وصاح يـابـه
ألف وسفه اعلى سلـطان النجابـه
يـبـويـه الـمـاي خـافـنـه يـلـچـمـك
يـبـويـه مــن يـلــوح آثــار مـتـنـك
أنـا احـتـاريت بويه أمنـين ألـزمك
خـاطــر يـوالــي أگـــــدر اغـســلك
يـامـكــبـر رزيـتـه وعـظـم يــومــه
يـوم الـشـاعـة اعله الـكـل اعلـومـه
وشـالـوه للبـقـيـع اهـلـه او گــومـه
ويـم عمـه الحـسـن وارو ارسـومـه
اشكبر صـبره الباقـر مــن نـزل وياه
أو وسد خده ابـوه وعالـترب خـلاه
وعلـيـه رد الـتـراب وعـالگـبر هـالاه
يكـسـر كـل گلب حين الرجع ممشاه
يكفكف بالدمع وإيده اعلى مـگـفـاه
مــنــــــدوم أويـــــذب آه بـــثـــر آه
لاچن هـم نگول اشوه اويخف حزنه
يـوم الـمـات مـاكـو اخـيـول داســنه
ولاصـدره حـوافـر فـرس سـحـگــنه
آ يـحـســـين يالـيــومــك فـــلا مــنه
نسألكم الدعاء.
#اللهم_عجل_لوليك_الفرج
#نعي
مولاي الباقر ومولاي زين العابدين
روحي فداهما
يابوية الگلب حن وفگدتك
وذكرت ايامنه وذيچة گعدتك
يويلي من الهظم ذابت چبدتك
يبوية بكربلة مچتوف شفتك
إثر للجامعة ظل ابرگبتك
اعله المغيسل واشوف آثار جيدك
كلت نص رگبتك وصلت وريدك
وأثار الحبل من من ماكل ايدك
انكسر گلبي يبوية اشلون بية
عشنا ايام صعبة انه وياك
عزيز اعله الگلب ما يوم انساك
مصاب الطف يبوية فتت حشاك
يون صبح ومسه للغاضرية
ما بطل ونينة ابليل ونهار
ينوح لكربلة واعله الجرة وصار
على خدودة الدمع حافرهن انهار
نذكر كربله صبح ومسية
اسالكم الدعاء رائد الاسدي
#اللهم_عجل_لوليك_الفرج
النه الجيش بغض وحقد عاده
ونفس الظلم يوم الباب عاده
صحيح القتل ان صبح عاده
لجن زينب صعب تمشي سبيه
.......
الشاعر محمد حسن ضيغم
يمن للنهر بالهم ماشي عنه
بطيت ونور وجهك ماشع النه
الك شمع المناطر ماشعلنه
شعلنه المهج ومتانين جيه
........
الشاعر محمد حسن ضيغم
#ابوذية
يالتوصل هلي وتزور .... حيهم
بني هاشم بدمع العين .... حيهم
ولمحمد بوجهه تصيح .... حيهم
اختك واجفه بديوان اميه
مُعين السباك
#اللهم_عجل_لوليك_الفرج
السيده زينب ع
الكتلني الشال راس حسين… مالام
جسمه،وضل طريح وحيل… مالوم
شلومن بعد ياعباس… ..مالوم
الله وراد هيج ايصير بيه.
علي سعيد.
زينب من مشت كلها بطوله
راحت قائد وشيخ الحموله
رفعت راس ابوها وراس الحسين
مره كلها شجاعه من الطفوله
صعدت عله الهودج تقرأ قرءان
وشمر صافن عليها ابن الذيوله
الشمر عايش يضل وحسين مذبوح
وجريمه اگبالهم يمشي اعله طوله
مشت للشام واهل الشام موناس
المابي رحمه تلكاه يم هذوله
طبت للقصر وتخاطب الناس
مره وتحجيلهم عن الرجوله
#أبوذية
امر الله وعَليه اجرت مشيته
ودمعي بردن حسراتي مشيته
درب اليسر يبن امي مشيته
آ يافرجت الوادم عليه
لأخد خدام الحسين
#اللهم_عجل_لوليك_الفرج
#ابوذية
الشمر كل ما بسوطه لاح متني
انكسر لاچن الهيبة لاحمتني
لا هدت عشيرة لا حمتني
اشاجف عن يتاماهم بديه
فلاح العنكبي
#اللهم_عجل_لوليك_الفرج
معلومات نفسيَّة اِضغط هُنَا 🔙 🌕👇🏻 :
Читать полностью…
لو ظهر الامام المهدي عجل الله تعالى فرجه، فهل انت فعلا مستعد لنصرته؟
Читать полностью…
لبو السجــــاد خــدام اعتنينه
هله بالموت وين الموت وينه
🛑🛑🛑🛑🛑
وحگ الّي شطر مرحب وبن ود
اگـصه الســــاني لـو عــنه مينشد
عل المصـــلايه فجـريه من اسجد
على درب الخـــدم للبـــاري أحمد
اله ابوســط الگلب منبر بنينه
هله بالمـوت وين الموت وينه
🛑🛑🛑🛑🛑
اجيت اڪنس حسينيتك بديه
وامسحه المنبر ابهاي المسيه
اجــر مـــادورت يبـن الزچيه
انـه الهــزتني قصــتها الرقيه
وأبو الحسنين خل يشهد علينه
هله بالمـوت وين المــوت وينه
🛑🛑🛑🛑🛑
اغار امن الي يخـدم مني اكثر
اريــــد الاول ايسجلــني حيدر
لون يقبــــــل علي اذبح المنحر
وانـــه عالعــالم ابهالخدمه افخر
واضـل ابخــدمته هوه وبنينه
هله بالموت وين الموت وينه
🛑🛑🛑🛑🛑
يفوز المجلس حســـين اليحظره
والـف هنـياله للدگ اعله صدره
شــره الجــنه الـذي نــزّلّه عـبره
وهنيئاً للي يفـني ابحــــــبه عمره
يمـن يروينه حــبه لو ضمينه
هله بالموت وين الموت وينه
🛑🛑🛑🛑🛑
الخدامــه ربـك امــنزلها نعـــمه
والف خيعونه كلــمن سجل اسمه
ابكرامه ايعــيش كل واحد يخدمه
ويشوف اسمه ابسجل الزهره امه
ابمواكب خدمتك عشنه وربينه
هله بالمــوت وين المـوت وينه
🛑🛑🛑🛑🛑
على هـذا الدرب ياربي شكراً
بعد ما نلگه من حسين احسن
چفــوفه بالحــشر بينه يرحبن
وينادي يالخــــدم اهلاً وسهلاً
ونصيح احنه ابكرامه ويدري بينه
هله بالمــوت ويــن المـــوت وينه
🛑🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي
ياوطـــن روحي
ودمعة اجروحي
اعيون السماوات تبچيلك آيات
🛑🛑🛑🛑🛑
مو انته العرش طايح عله الغبره
مو صــدرك محمد هشّموا صدره
والطبـره اجـــــــتي ابحيدر الطبره
واضـلوع التڪـسرن لُمـك الزهره
شنهو احساسك
عالـــرمح راسك
شمس الكرامات تبچيلك آيات
🛑🛑🛑🛑🛑
آثار الخــيول ابصدرك اهوايه
وڪل عقلي اوفـيك اني بقرايه
لــو اطلع الك يومــيه مشـــــايه
من ذاك العطش ما وفّي شعرايه
انت عنواني
انت قـــرآني
كل المناجات تبچيلك آيات
🛑🛑🛑🛑🛑
گــلي اشلـــون اوفي انت علمني
بضعونك اخذني خيمه واحرگني
لو درب اليسر واحــزانه شوفني
وكون اســياطهم تنزل على متني
يا أســــم ربي
هاك اخذ گلبي
بعيوني آهات تبچيلك آيات
🛑🛑🛑🛑🛑
مـاشـــايفلي ميت يحـــتيي باچر
عطشـــان ويثـــوب مـاي للزاير
يتلگه الخلگ وابصدره چم حافر
يالفـــارش سفــــرته ابليلة العاشر
امعــزب ابروحه
وفارش اجروحه
كل الرسالات تبچيلك آيات
🛑🛑🛑🛑🛑
يالمنـــطي طفــل 6 اشــــهر الربه
يالــــــــوده هله واخــــدوره للغربه
كل جرح اعله جسمك كون بي گبه
والطــافك ڪأنه طـــــــايف الكعبه
ما شفت مثلك
ياهو اليوصفك
كل عالم الذات تبچيلك آيات
🛑🛑🛑🛑🛑
هنيال الخـدم چي انت واليها
بفضــــالك ابد متقصر اعليها
وكلشي الرادته يحسين تنطيها
واسياد اعله هالــــوادم تخليها
أي وحگ دمك
فاز الي يخدمك
اشگد عندي حسرات تبچيلك آيات
🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي
للمشايه في الاربعين
هله بالمشايه وشيلين الرايه🚩
طلعت الخدام كله لبو الأكبر والكمر
طلعو بشيب وشباب ماكو واحد ماحضر
وإلي مايحضر ضريحه يعني بالدنيه خسر
والي يجهل هالشعيره هاذ اعمه مانضر
خله هوا ورايه هله بالمشايه
_
اليمشي عالفطره لجلهم حققوله الرده
حسين لو ينطيك كلشي ما يحسه ازياده
العاده ميردون واحد وياحلات العاده
الخير والهل الخير همه وبعد كرم الساده
الحاجه بس حجايه هله بالمشايه
__
الهل سبب أهل المواكب دوم عدهم همه
الزاير اشما طلب منهم همه رسم الخدمه
الخدمه ماتستثني وأحد كلمن يشد عزمه
ازغار وكبار المواكب كلها ألك ملتمه
وكله الك وفايه وهله بالمشايه
_
شايب وسبعين عمره بالمشي يرجع شباب
هوا مامجبور لاكن للشعيره هاي حاب
حافي الجدمين يمشي والدمع من عينه صاب
المهم يواسي الزجيه وحيدر بهاذ المصاب
الخدمه هاي الغايه هله بالمشايه
__
ازغير عدنه بالمواكب بس جبيره افعاله
يصيح ياهلاً يزاير معلمه عمه وخاله
شرف هاي الخدمه عدنه وموش ياهو يناله
أنجمعنه انصير خوه وللجبير اعياله
كلنه صحنه بهايه هله بالمشايه
كلام الفطره
سيد حسن الجزائري
#تراث
سجادك يداحي الباب گوم اوعاين الحاله
من عگب اليسر سموه والسم مرد دلاله
ــــــــــــــــــــــــــــــــــــــ
ظل من عگب ابوه حسين ونه ايجر بثر ونه
ابعينه الماي لو شافه يهل دمعه اويصد عنه
يگول اشلون اضوگ الماي وحسين انحرم منه
مارحموه عدوانه
واهل بيته اورضعانه
كلها انفنت عطشانه
ظلو جثث بالحومه اوداستهم الخياله
ــــــــــــــــــــــــــــــــــــــ
كلما يذكر المظلوم تسحب دمعة اعيونه
ليل انهار مايهجع اومن حزنه انخطف لونه
گامت تعتني الشيعه اوعلى حزنه يلومونه
يگلوله ارحم احوالك
حزنك مرد دلالك
ياهو اليظل لعيالك
وانته السلف تاليه اوبدر الدين وهلاله
ــــــــــــــــــــــــــــــــــــــ
ابحسره ظعن عن دنياه امن امته جدك الهادي
اوجدك حيدر الكرار راح ابسيف المرادي
اومك گضت مظلومه اومن اضلوعها اتنادي
اوعمك غيث وفاده
السم مرد افاده
الچتل الكم صبح عاده
وبهاالشرف باري الكون خص المصطفه او آله
ــــــــــــــــــــــــــــــــــــــ
لمن سمع ناداهم اونار الحزن وگاده
يگلهم مثل متگولون صار النه الچتل عاده
لاچن ياهو من عدكم گبل سامع امن اجداده
منه اتسلبت نسوان
اوطافو بيهن البلدان
اومن عدها احترگ صيوان
اوشافن راس واليهن عدوه اعلى الرمح شاله
ــــــــــــــــــــــــــــــــــــــ
عيني ماتصد ليهن واشوفن زينب اگبالي
الا اذكر هضيمتها واذكر لوعة اطفالي
يهل الوادم تلوموني امن اتلف بالحزن حالي
شفت الشام بعيوني
والسلسله اعلى امتوني
واهاليها يشتموني
اورحنه ومجلس الطاغي اوخواتي وگفن گباله
ــــــــــــــــــــــــــــــــــــــ
يتمايل طرب شفته ومن الفرح يتثنه
ويعاين لعد زينب اوزينب تجذب الونه
يمه راس ابوي احسين وبناته يشوفنه
ابعود ايجلب اشفافه
اوباري الكون ماخافه
يهتف فرح بسلافه
والباري نكر وحيه وبالميعاد ما باله
ــــــــــــــــــــــــــــــــــــــ
يحيدر تم عليه هل حال يتكاثر عليه همه
حسره ايجر بثر حسره ويون اعلى ابو اليمه
حتى احرب عدوه اعليه ياحامي الحمه اوسم
خلا يلوج او چبدته ممروده
اوحصل عدوه ابچتلته مگصوده
يتم الباقر ياعلي من عوده
خلاه تجري دمعته اعله اخدوده
ــــــــــــــــــــــــــــــــــــــ
گام اوغسله الباقر واشاف الاثر بمتونه
حن گلبه اوصفگ بيده اوسالت دمعة اعيونه
يگله ياذنب عامل اوحالك مايرحمونه
لسا يبويه امخزنات اجروحك
فوگ النوايب والهظيمه اونوحك
الله يساعد عالمصايب روحك
ــــــــــــــــــــــــــــــــــــــ
وشاله ونزله بگبره اودمع العين يتجاره
اوتمت تنحب الفركاه عياله اوتصرخ ابداره
مامست مسيته اعليه الا ابگبره يتواره
وحسين ظل ابكربلا اثلث تيام
تلعب عليه اخيول ذيج الظلام
ماحصل واحد من جميع الاسلام
يحفرله گبره ابيده او يسكن روعة اطفاله
السيد المرحوم
عبد الحسين الشرع
#اللهم_عجل_لوليك_الفرج