2554
📜 القصيدة: باجر يطش الشمل
🎤 أداء: مسلم الوائلي
🖋 كلمات: هاشم الصالحي ~~~~~
ليلة وداع وحزن يسكينه
باجر يطش الشمل
فراگجن ما ينحمل
حسين باجر عالرمل تلگينه
امشينه يم زينب الليله امشينه
~~~
وباجر اخوانج ضحايه البالدرب ما فارگوج
شدي حيلج للمصايب باليسر لو جتفوج
امشينه يم عمتج يبويه ارد اوصيها اعله اخوج
وليدي ما يحمل مرض
لاجن امر الله انفرض
وبسلاسل باجر اتشوفينه
امشينه يم زينب الليله امشينه ~~~
راح هو وسكنه يمشي وطبوا اعله ام الخدر
اتلگته وگامت تشمه وفكت ازرار الصدر
بيك اشمن ريحة امي ويا صباي من الزغر
نحرك الباسه محمد باجر يگطعه الشمر
وشمته بنص منحره
وصبراها اعله الجره
وگلها اخيج باجر اتفگدينه
امشينه يم زينب الليله امشينه
~~~
وگعدوا وصار الموادع والمفارگ وكته حان
وسلمت شمس المحنه ورايح الينگط حنان
ودارت الدنيه اعله زينب والوكت بحسين خان
وين جنه وين هسه وهايه عملات الزمان
وصار الموادع صدگ
حسين باجر نفترگ
يا بعد باجي العمر وسنينه
امشينه يم زينب الليله امشينه
~~~
گام يوصيها ابناته وحل بالمخيم سكوت
وگالها اتصبحين باجر لا اخوان ولا بيوت
سمعته وكضت گلبها وشبگته ورادت تموت
وختنگ صدره وتحسر والنفس ظل ما يفوت
وهو مخنوگ بحزن
وهيه مذهوله وتون
اتحسر وفاض الدمع من عينه
امشينه يم زينب الليله امشينه
~~~
حسين بس الليله يمي والصبح ناوي الرحيل
فدوه غطينه بظلامك لا يطر فجر العويل
الگوم حاطت بالمخيم وسمع اصياح وصهيل
وگرب يطر الصبح
وراح افك ريجي بجرح
باجر يذبحون وينه وينه
امشينه يم زينب الليله امشينه ~~~~`
وحايره وتكسر الخاطر لا اخوان ولا خيم
وگفت اعله التله صاحت وينكم يهل الشيم
اتلاحگوا زينب يهلها سورها العالي انهدم
وگمت اگومن ونهطر
ويزمخ علينه الشمر
وصرنه فرجه محد يحامينه
امشينه يم زينب الليله امشينه
~~
جابوا النوگ وخذونه وعالجثث مر الضعن
وما رضه ننزل عليكم من بعيد اتودعن
شفنه جسمك بالمعاره ولا اثياب ولا جفن
خويه حته النوگ حنت والمصاب اختك بجن
وحايره بمشيي الهزل
وسوط وصياح وحبل
وراسك براس الرمح يحدينه
امشينه يم زينب الليله امشينه
°°°°°°°°°°°°°°°°°°°°°°°°°°°°°
شعيرة التطبير
ـــــــــــــــــــــــــــــ
حسين راسه ع الرماح
شلون راسي يستراح..
القامه ال بأيدي احسها. تگول حـيّ عله الجراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
يالتلـــوم اسمع شگلك. حيل انته اتوهمت
ما يغث گلبي كـلامك. ما تـــــهزه شما گلت
بالجنون استاذي عابس. من غـرامه اتعلمت
محترگ گلبك عليمن. هــــوا أنـه اشقدمت
لو يجّوزولي انتـــحر
ومـا أجازي المـــّـنحر
نحري لجل حسين فدوه. وهذا كل دمي مبُاح
مطـــّبر ابيض الصفاح
شلون راسي يــستراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
من كثر دوس الحوافر. صدر الحسين انمرد
وانه بس اللطم ونوحن. ضــــلع ما كاسر بعد
قامتي بأيـــــــــدي واطبر. وال تغثه يـــبتعد
حسين لجلي دم رضيعه. هناك للباري صــعد
براسي احط مية جرح
حتــى اواسي المنذبح
كون اطبر كـــــل محرم. حته احس ابأرتياح
بالسحگ كل جسمه راح
شلون راســـــي يستراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
الطبره فوگ الطبره جسمه.منلطعن ما ينحسب
من الگفى مذبوح امامي. وشيبه بالدم مختضب
مسلب وبالـــحر حبيبي.ومـــحبسه اخذو غصب
مثــــــل دمه كون دمي. يسيل عالگصه ويصب
الليله اريــــداً قامتي
تســـولف اويه هامتي
راح اطبر راسي وانته.. صيح حـيّ عــــله الفلاح
عـــــــــرش الله كله ناح
شلون راســـــي يستراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
درس من زينب اخذت وهذه عندي اعضم درس
ستاذة التطبير هيــــه. ثــــــبتت هاي الأُســـــس
هل فعل منها اخذته..وصار يـمشي وي الـــنفس
دمي من يصبغ وجـنتي. بـــــراحه نفسيه أحـس
أطبر وأسحگ جمر
نهجي ثابت من زغر
ما شفت صدري لطمتي. لا بواچي ولا صياح
ستـــــــــــر الله كله طاح
شلون راســـــي يـستراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
حسين هوا الي لّگاني. وصار ألي اكبــــــر وطن
حسين مملكتي اوجودي. الأترف من امي وأحن
حسين اكبر كل جروحي.السكنن ابروحي وغفن
حسين من يمرني ذكره. كــــــل همومي يختفن
احّرم ابــــيض الثياب
واسبح ابدم الخضاب
حسين مدرسة الرجوله. العلمتني عله الكفاح
گـــــبال عينه خدره راح
شلون راســـــي يستراح
ي حسين. ـــــــــــــ. ي حسين
ـــــــــــــــــــــــــــــــــــــــــــــــــــــــ
تمت بفضلهم ص
✍️ياسر الزيادي
حي على التطبير والشعائر
قد قامت الرؤوس والمناحر
**
يا شيعه هذا حسين وسط الحومه
مذبوح نحره أمسلبين اهـــدومه
عباس غيرهه التراب ارسـومه
زينب وحيده وحايره وملچومه
اين الكفيل الفارس المناصر ؟
قد قامت الرؤوس والمناحر
**
واسو العقيله وخل نشيل القامه
هاليوم لاجل حسين نطبر هامه
فوگ الرمال اضلوعه والعمامه
يا خير بعد حسين يـــــا سلامه
أن الحسين كعبة الضمائر
قد قامت الرؤوس والمناحر
***
بهدوم بيض نروح نرجع حمــــره
ونتمنى كون تشوفنه أمنا الزهره
ونگلهه فدوه حسين كلنه النحره
يم الحسن سجلينه يم الـــــــعتره
يا ليتنا ارض لها الحوافر
قد قامت الرؤوس والمناحر
****
يا عاشر الموت الجرح مــــــا ينشد
كل مـــــــــا تمر سنيـــــن هم يتجدد
بينه اعله زينب نار فنهه التبـــــرد
من شافت حسين اعله وجهه امدد
والسيف يذبح عالم البصائر
قد قامت الرؤوس والمناحر
*
هلنار مـــــــــــــا تبرد اذا مو بالدم
جرح الحسين بكل نفس تــارك هم
لو ماكو حرگه اعله الذبيح الاعظم
ألمن بعد نتسمى شيــــــــعه ونلتم
حب الحسين يغفر الكبــائر
قد قامت الرؤوس والمناحر
رعد الفريــــــــجي
محرم الحرام
قصيدة حول الوداع وكأني بمولاتنا زينب ع
اليله ما نامن وداع اليله
الليل خلص والوكت شد حيله
اليل خلص وختنك حتى الهوه
مثل معلول وعليه شح الدوه
شلون انام اليله عيني مساهره
والدمع بلل اكتار الشيله
فرهد الخوان ياوسفه الوكت
بس محاجيهم والف ذكره البكت
مساهره عيوني ولا لحظه غفت
ياجدمنه من التعب شيشيله
الكلب ماهود ولا جف الدمع
مثل خيط ويحرك بروحه الشمع
وداعهم ما ينحمل لا ينجرع
وباجر الاصعب اتطش العيله
وداعهم شيب دليلي وراسي
ياعزاز الروح يا انفاسي
ياوكتنه الصار كلش جاسي
فرهد الجنه كبل نشكيله
الساعه شو كلش سريعه شبيها
جنها واحد تمشي اموصيها
وانه ودي كون اجلب بيها
وداعهم ما بيه حيل لحيله
💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي ✍
قصيدة الوداع في ليلة العاشر
يزينب حظري دمعچ اجيت الليلة اودعچ
ما تركـتچ مــــــن زغـــــر يا بعـــــــد كل العمــــــر
___
الحسين::
عمــــري كله وياچ يصـــــــبح كان ما كان
نعيش ليلتنه الاخيرة ابدمعة واحزان
يا اعز مـــن روحي عندي واغله انسان
كل حياتي وياچ واشعر كَلبي عطشان
وداعچ هدم الحيل قريب ويخلص الليل
رايح ايطر الفجر يا بعد كل العمر
_
زينب::
سنين عشنا بروح وحدة موش روحين
خلصن وهالليلة تكَظي هاي السنين
شوف ما شبعانة منك وانته بالعين
يمي واشتاكَ لحنانك خوية يحسين
عمر خلصته اشتاكَ اموت ابطاري الفراكَ
كَلبي ما يحمل هجر يا بعد كل العمر
_
الحُسين::
ألاخت وألام حسبتچ كل حياتي
لحظة لحظة وياي عشتي بذكرياتي
وداعچ ابهاليلة اصعب من مماتي
بيچ اوصيچ واوصي ابكل بناتي
صعب يا وكت الوداع يروح ويخلص بساع
خوية منچ شعتذر يا بعد كل العمر
____
زينب::
من فكَدنه امنه وابونه والحسن غاب
انته ابوي وانته امي واغله الاحباب
عندي يا ابو اليمه اغله من الهوه الهاب
لهسه من جرح الغوالي كَلبي ما طاب
العزيز اشلون اودعة يظل بعيوني دمعة
الله يطيني الصبر يا بعد كل العمر
___
الحُسين::
بالــــــــدمع مرســــومه والهم اه ياليله
كل خليل ايـــــــــوادع اليــــوم ابخليله
شــــــوفتچ چانت الي كل هم تـــزيله
شمعة وتذوب بحزن شفت العقيله
صعب يا كسر الكَلوب اشوفچ شمعة وتذوب
اتحملي يا ام الخدر يا بعد كل العمر
_
زينب::
باچر العاشر يصبّح منه ويلي
طول ابليلك علينه ها يليلي
واحد لواحد اودعه وما يجيلي
ماتظل اعيون عدي من عويلي
صبح باچر منايه واضل ابلايه رايه
باچر انصير ابعسر يا بعد كل العمر
____
أسالكم الدعاء رائد الاسدي
الاداء ضاوي الحشداوي
Читать полностью…
بصوت. مسلم المطيري
Читать полностью…
بصوت. مسلم المطيري
Читать полностью…
قصائد ليلة العاشر 👇
(ليله ويوم العاشر )
ياصاحب الزمان
#اللهم_عجل_لوليك_الفرج
لست ابالغ ان قلت : ان من يريد ان يكون مع الله ويفوز بحياة طيبة في الدنيا وحياة سعيدة في الاخرة فليتابع هذه القناة كل يوم او على الاقل كل اسبوع...
للانضمام والمتابعة اضغط هنا 👇👇👇
/channel/Tdper/11517
/channel/Tdper/11609
✴️ دُعَاء "اللَّهُمَّ عرّفنِي نفْسكَ..." الَّذِي رُويَ
عَن الإمامِ الحُجَّة "عج" يُعرَف بـ .. 🏷 اختَرْ الإجَابة الصَّحِيحَة 🎁؟
○ دُعَاء النُّدبَة 📥؟
○ دُعَاء الشَّدائد 📥؟
○ دُعَاء زَمَن الغَيبَة 📥؟
يانفس من بعد الحسين هوني لسان حال ابا الفضل العباس عليه السلام المستهل ارجوزة ابا الفضل العباس عليه السلام في واقعة الطف (وزن ميمر )
(يانفس من بعد الحسين هُوني )
(وبعده لاكنتي اوتكوني)
(هذا حسبن وارد المنون)
(وتشربين بارد المَعينِ )
★★★★★
ياروحي من بعد الحبيب الطاهر
ماريد عمري ولاسلامة باچر
محله المنيه وهله بيوم العاشر
نحري فداه ومهجتي وعيوني
(يانفس من بعد الحسين هُوني )
★★★★★
روحي لبو السجاد روحي افديها
جيوش التجيني بيمنتي افنيها
بكووس المنايا هلعده اسگييها
من المشرعه لورادوا ايمنعوني
(يانفس من بعد الحسين هوني)
★★★★★
لوالف مره انذبح واتگطَّع
عن نصرتك مولاي ابد ماارجع
بارض الطفوف الجسم لويتوزع
محد يَغَيَّير بالعشگ مضموني
(يانفس من بعد الحسين هوني)
★★★★★
للنهر گاصد جربتي أمليها
وعيال ابوالسجاد ماي أسگيها
ماتوگف بوجهي الجيوش ادريها
ابن الصميده حيدر ايعرفوني
(يانفس من بعد الحسين هوني)
★★★★★
خلها السيوف شماتسوي ابحالي
وخل الاعادي شماتصيير أگبالي
سالم ابوالسجاد كل آمالي
بخيولهم ميهمني لو رَضوَّنيَ
(يانفس من بعد الحسين هوني )
الشاعر حسن لعيبي الحريشاوي
هذا الحر (عن وفاء وبسالة الحر بن يزيد الرياحي من اصحاب الامام الحسين عليه السلام)
هذا الحر غضب يمطر
صب الْمُرّْ على كل مُرّْ
لمن ثار بالبتار
الكتايب منه وين تفر
هذا الحر
★★★★★
هذا الحر عليهم راح
سيفه بالعده ذباح
يحصد باليمين ارواح
اصبح للحتف مفتاح
رايح للحرب مرتاح
ماهمة نزف لوطاح
لمن صال. چن زازال
يكسر سيفه مايجبر
هذا الحر
★★★★★
هذا الحر يصد بالعين
شاف الفوز يم احسين
بيه يدري اصول الدين
عرف درب الجنان امنين
ودره اصل الضلالة وين
هذا الفاز بالدارين
لبو السجاد وفّه وزاد
يدري يسامح ويغفر
هذا الحر
★★★★★
هذا الحر فده عمره
لرسول الله لبو الزهره
لبو اليمه حسم امره
يرد الظالم وشره
قليله بعينه الكثره
قليل ايموت الف مره
لمن راح. يطوي ارواح
على موج الخطر يعبر
هذا الحر
★★★★★
هذا الحر ولا يمهل
يعرفونة غضب ينزل
بالحومه تهابه الكل
بصدره الموت يستقبل
اشترة الجنة اله منزل
بسم اهل ألكسا يرتل
بالبتار. كله اصرار
سيفه الموت من يمر
هذا الحر
★★★★★
هذا الحر يناديهم
اذا مسلم بعدبيكم
ليش ايزيد حاديكم
الدرب خاسر يوديكم
وصية وبيها اوصيكم
بس حسين يهديكم
هذا الدين هوه حسين
وحتماً خاسر اليكفر
هذا الحر
★★★★★
هذا الحر نصح يسعه
حليم وهذا من طبعه
وي العده المجتمعه
اليخون حسين ويخدعه
الدنيا وخيرها ايودعه
خصمه الهادي والبضعه
لمن ثار علكفار
ترك جو الحرب مغبر
هذا الحر
الشاعر حسن لعيبي الحريشاوي
قصيدة القاسم عليه السلام
يامحله جاسم طلعته
من الحسن ماخذ هيبته
شاب وبرز للحومه
چنه الگمر برسومه
من الحسن ماخذ هيبته
................................
من الخيمه محله طلعتك . تسطع ضوه ياجسام
مثل البدر وجهك يشع . نورك ابوسط الخيام
عين الحسد ماترحمك . ولاترحمك هالايام
محروس يمه من الخطر . ومن عين كل الظلام
يا ربي ادعي تحرسه
عليك اقسم بأهل الكسه
امه واظل مهمومه
چنه الگمر برسومه
من الحسن ماخذ هيبته
...............................
وي والده خط العهد . بالطف يضحي بروحه
ماعاف عمه بكربله . بي كل صفه مملوحه
ميهمه كل هذا العدد . ولا همه كثر جروحه
عازم يحارب كل ظلم . الظالم يهدم صروحه
وارث صفاته من الحسن
عن عمه دافع بالمحن
معروفه هاي علومه
چنه الگمر برسومه
من الحسن ماخذ هيبته
...............................
هد عالمعسكر والكفر . مايخشه بيهم واحد
كلمن تعناله وبرز . وبسيفه هوه الكاصد
ما رجف گلبه ويرتجز . يبقى الحسين القائد
شبل الحسن والنازله . كل رگبه بيهم حاصد
سيفه يحز بيه الرگاب
واليگصده شاف العذاب
الاجل حان ويومه
چنه الگمر برسومه
من الحسن ماخذ هيبته
..............................
جسام بيك آنه انتخي . تسمع ييمه رجواي
نحرك اتقدمه لسيدك . يوليدي يا لب حشاي
هاي الوصيه من الابو . يامهجتي انت وسلواي
تاخذ الحيف من العده . ولعهد ابوك الوفاي
لا تعز يبني منحرك . كون الشهاده تحضرك
نحرك تقدم ادمومه
چنه الگمر برسومه
من الحسن ماخذ هيبته
..............................
يالغالي حسيت بهضم . ساعة وداعك يبني
يالبيك اشم عطر الورد . ينفگد عطرك مني
حسبت ازفك للعرس . ما چان موتك ظني
تاليها بالطف تنذبح . ويشتد ييمه حزني
بدمعاتي اظل ابچيلك
بلوعاتي يمه اشكيلك
عگبك تره مهضومه
چنه الگمر برسومه
من الحسن ماخذ هيبته
.................................
خادمكم مالك السعيدي
07832351732
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
📜 القصيدة: الوداع هوايه
🎤 أداء: مسلم الوائلي
🖋 كلمات: هاشم الصالحي
~~~~~~~~~~~~~~~~~~~~
ليلة العاشر گصيره والوداع هوايه
والعساكر حاوطونه وصفوا الرمايه
~~~~~~~~~~~~~~~~~~~~
بالوداع ويامن ابدي بالأخو لو بالولد
اثنينهم سباح گلبي وحگه گلبي من انمرد
عون يبني اعذرني يمه وداع خالك هدني هد
قلة انصاره وجثيره جيوش المسنايه
~~~~~~~~~~~~~~~~~~~~
عون موش الليله اودعه ولا أودع اخوانه
الليله وي حسين اضلن للصبح سهرانه
سنين ما شبعانه منه وروحي ليه عطشانه
بليله وحده شلون اودعه وبيمن اخذ رايه
~~~~~~~~~~~~~~~~~~~~
طولي يا ليلة العاشر خلي فجرج لا يطر
لاحگين اعله السياط وركضت الهيمه العصر
حسين باجر وحده يبقى وبيدي اقدمله المهر
وبيدي افك أزرار درعه بشمته موصايه
~~~~~~~~~~~~~~~~~~~~
خل أودع كل اخواني ورجع انوب اعله عون
وأرد اودعه وهم اگله اسمعني يا ماي العيون
عون يايمه خوالك موت ما يستاهلون
وذوله تربات المضايف والبخت والثايه
~~~~~~~~~~~~~~~~~~~~
انطي روحك لجل خالك وانه عنك راضيه
وكون اشوفنك مگطع بالسيوف الماضيه
الموت وي خالك جبير وهيه دنيه وگاضيه
وكون اشوف ارسوم وجهك بالدمه محنايه
~~~~~~~~~~~~~~~~~~~~
هواي عندي وداع لاجن ليلنه كلش گصير
بين ولدي وبين اخوتي وحايره ام عون شتصير
حاوطونه الجيش وحنه بلا معين ولا نصير
وگطعوا علينه الفرات وما روونه بمايه
~~~~~~~~~~~~~~~~~~~~
آخ يا فجرك يباجر لا يطر فجرك عساه
حسين رايح للمنيه وظهر زينب حدباه
باجر الحافر يسحگه وينطبگ صدره بگفاه
والشمر يگطع وريده وشيبته مدمايه
~~~~~~~~~~~~~~~~~~~~
وداعت الله ويالمحنه وياكم العشره انتهت
والهزل هل ولموهن والمحامل جدمت
الجانت وياكم أميرة اليوم يحسين انسبت
والحبل ياكل بديهه وعينهه اعله الرايه
°°°°°°°°°°°°°°°°°°°°°°°°°°°°°°°°°°°°°
الاداء مصطفى الذهيباوي
Читать полностью…
بصوت الرادود ستار الصالحي
Читать полностью…
عبدالله يبني . عبدالله يبني
.
:::::-----:::::
.
ربيتك و جنت اعتقد برباك يكبر كدري
ماحسبت هذا الهجر يوليدي ماجنت ادري
حسبالي بيدك يل ولد بيدك تزتني الكبري
ضميتك بنص الكلب للشيب يبني و كبري
موتني فركاك . ماشوفن انساك
عبدالله يبني . عبدالله يبني
.
:::::-----:::::
.
وياك كون انه بلحد عبدالله شلي بعمري
شلي بحياتي يالولد الحصرات تجرح صدري
عميانه عيني بفركتك للموت ضلت تجري
اعليك محنيه الضهر ضليت حاير امري
يوليدي مذبوح . عايفني للنوح
عبدالله يبني . عبدالله يبني
.
:::::-----:::::
.
صوبني بوليدي الدهر كلش غميج صوابه
حسين جابه للخيم مغرك اوليدي اخضابه
احاه يا وجع الكلب و طلابته امـن طلابه
عميانه عيني ولا شفت تتوسدون ترابه
احاه والف اه . يوليدي ويلاه
عبدالله يبني . عبدالله يبني
.
:::::------:::::
.
باريتك بريع الـعمـر بس كـون تكبر يبني
دولاب عبدالله الوكت لمن رحت دولبني
يالغالي لا ماحسبت تالي المشيب تذبني
عبدالله جا ليش الدهر بنص الكلب صوبني
امسامر اليل . جان الوكت هيل
عبدالله يبني . عبدالله يبني
.
:::::-----:::::
.
ساهرت يوليدي شكثر برباك ضايع حيلي
ماشفت راحه بس تعب وياك اخلص ليلي
اكعد ييمه بخيمتي فدوه يغالي احجيلي
مـا ترجع ادريبك بعد منهو الي يباريلي
يوم الولد شال . شاغلي البال
عبدالله يبني . عبدالله يبني
.
:::::-----:::::
.
حسن صالح العيساوي
ليلة العاشر
ليلة العاشر جروح خل نون وخل ننوح
حان يحسين الوداع باچر احبابي تروح
ليلة العاشر دموع ليلة العاشر عويل
الليلة يا آخر لقاء بالحسين و بالكفيل
من انويت اعله الوداع ليش شو ما بيه حيل
گمت اطيحن من اگوم والدمع عالخد يسيل
شلون اودّع هالبدور تنگطع باچر نحور
إي أكيد و ماكو ريب باچر احبابي تروح
خل نجمع ذكريات باجر يحين الغياب
حظني عبد الله الرضيع يله گومي يالرباب
علگي يا رملة الشموع زفّي جسّام الشباب
وانتي يالليلة بونين يم علي اقري المصاب
واقرن آيات الرحيل راح يرحل كل خليل
حان الوداع الأخير باجر احبابي تروح
آنه زينب يا حسين كيف اودعك يالحبيب
صورتك بالطف دماء عالترب دامي سليب
گطّعت جسمك سيوف والجسد امره عجيب
حگي يا خويه من اصيح يا غريب و يا غريب
شفت بعيوني الجراح راسك براس الرماح
گلت اكيد بلا شكوك باجر احبابي تروح
خويه عباس الكفيل خويه يا سبع الطفوف
بعيني قدّمت الزمان بعد باجر ردت اشوف
جن جسم عالشاطي طاح جسمك وجبروني اعوف
ردت اودعك من اجيت شفتك انت بلا جفوف
انطيني چفك يابن ابوي انت اخوي وسور اخوي
اتيقنت و بلا ظنون باجر احبابي تروح
حان يحسين الرحيل مو خيال و هذا اكيد
باجر احبابك نشوف ينگطع منها الوريد
وانت يا روح البتول تبقى نايم عالصعيد
واحنا يسبونا الطغاة بينه يتشمت يزيد
يا جرح سبي العيال من بعد طف النزال
واضح و لا موغريب باجر احبابي تروح
الليلة يحسين الغريب تدري بيه آخر لقاء
شلون لو باجر تروح و احنا اطفال و نساء
من يحرگون الخيام يعني ضاگت كربلاء
كل اهلنا اعله التراب والوفاء ماصح والوفاء
بالدموع الجاريات نبجي و انريد الممات
ما أريد آنه الحياة باجر احبابي تروح
خل اودعكم شجون وامري لله يالحنين
انجبرنه اعله الوداع يا حبيبي يا حسين
راح اون شما بقيت ما يفارگني الونين
وآنه عمري ما يطول إي وحگ طه الأمين
عمري بغيابك گصير والسبب جرحي الچبير
و الجرح يبن الكرام باجر احبابي زتروح
عباس كاظم الأسدي
وي حسين هـــــــاي الليله نگضيهه
بس الليله يامصعبها مـــــــــــن ليله
وباچر كلمن اعله الطــف يشد حيله
بس انته التطيح ومحـــــــد ايشيله
بيك احتار مــــــــدري احتار بالعيله
تدري اختك چبيره وحيـــل مابيهه
وي حسين هـــــــاي الليله نگضيهه
يين امي الذبـــــــح ماينحمل ضيمه
باچر كربله مــــــــــــن دمكم امغيمه
بس هيه المصـيبه طيحـــت الخيمه
والاكثر مصـــــــــيبه ركضت الهيمه
خويه الگاع تچوي ونركض اعليهه
وي حسين هـــــــاي الليله نگظيهه
اشوفن كربله مــــــــن هسه بعيونك
ياخويه انكسارك بيّـــــــــــن ابلونك
اعز عبـــــــاس عندك بي يكسرونك
وياحيرتنه باچــــــــر من يحيرونك
ياهي المثلي تفگــــــــد كل اهاليهه
وي حسين هـــــــاي الليله نگضيهه
اريد الليله هاي اگضــــيهه وي اهلي
ماضل للصبـــــــــح ساعات ويطبلي
يحسين احفظ اخـتك باوع ابشكلي
بالدخان باچـــــــــــــــر انترس كلي
باچر خيمتك محـــــــــــــد يطفيهه
وي حسين هـــــــاي الليله نگضيهه
عندي احچايه يم عبـــاس اسولفهه
خاف الناس تحچي اتگـول عايفهه
خويه اوياك زينب ياهـــــو شايفهه؟
من اتطيح اهلهه اشلـــون موقفهه
ملگه الناس باچر خــــــويه الاگيهه
وي حسين هـــــــاي الليله نگضيهه
خادم القصيده
شاكر الصيمري
بناتي بناتي باجر بيهن اشلون
خواتي خواتي راح تروح المتون
حيرتهن جبيره ما عدهن عشيره
**
حاير ما نمت ليلي بناتي تحيرت بيهن
يروحن وين اذا باجر الخيم يحترگن عليهن
تجلب بيهن النيران وما واحد يطفيهن
وباجر من يجي السلاب ياهو بعدي يحميهن
مصيبه مصيبه يرحن لو متت وين
غريبه غريبه تصرخ زينب حسين
باجر والله حيره ما عدهن عشيره
**
بناتي ازغار ما يدرن من بعدي يشوفن ويل
حر نار وحبل وسياط وجروح وعذاب وخيل
تعبانات عطشانات وبيهن ما يظل كل حيل
وين وخيمه ماعدهن ينامن من يصير الليل
يتامه يتامه وبيهن زينب تحير
علامه علامه حزنهن واختي شتصير
وحدتهن اسيره ما عدهن عشيره
**
وراهن باجر شگد ضيم وكل وحده جرح بيها
هاي امتونها ايروحن وهذيج احبال بيديها
وهاي عله الجمر تركض ومحترگات رجليها
ورقيه راح اذنها اتروح لو سلبو تراجيها
رقيه رقيه من المها اتگوم وتطيح
أديه أديه بويه احترگن اتصيح
هيه اشگد زغيره ما عدهن عشيره
**
بناتي مدللات اشلون باجر راح يسبوهن
وما بين الزلم والخيل راح اشگد يوگفوهن
ويظلون العده بالسوط يمشوهن يگعدوهن
ما متعودات شلون عالهزل يصعدوهن
سبايه سبايه يمشن راح للشام
ضمايه ضمايه وكلها اجروح وآلام
وحدتهن اميره ما عدهن عشيره
*
يلعبن بالخيم وشلون راح الليله اودعهن
ما يدرن شمر باجر بسوطه اشگد يلوعهن
يضربهن وبويه حسين متنه ايصيحن اسمعهن
يركضن بس ركض اطفال وعالخد يجري مدمعهن
صحتهن صحتهن بناتي وتجري عيناي
ردتهن ردتهن يجن واشبگهن اهواي
يا شمس الظهيره ما عدهن عشيره
*
الخواتي والبناتي انظر شلون بحالهن مدري
باجر من يشوفني الشمر صاعد عله صدري
لازم لحيتي بيده وبسيفه يحز نحري
ويرفع عالرمح راسي ودمي من النحر يجري
تنظره تنظره زينب نحري مگطوع
يكسره يكسره گلبها وراسي مرفوع
ناظرها تديره ما عدهن عشيره
**
تمت
ميثم العمري
لطمية ليلة العاشر // الشاعر قاسم الساعدي المندلاوي
*
يا ليل الوداع غطّينه ابسمارك
يا ليل الوداع لا يطلع نهارك
لو طلع منك صباح يملي دلاّلي جراح
*
آه يا ليل المصيبة وآه يا ليل الحـــــــــــــــزن
تدري من يطلع صباحك يسحن اگليبي سحن
چم اخو عندي ايتگطّع بالحوافر ينطـــــــحن
چم خدر يحترگ ليّه وينذبحلي چم أبــــــــــن
يا ليل الوداع خلّينه انتوادع
يا ليل الوداع هذا آخر اموادع
لا تلبّسني النياح يملي دلاّلي جراح
**
هاك شوف اگلوب جمرة والكلام ابلا كــــــلام
نحچي بدموع ونياحة امن الحچي كلنه صيـام
بين أم تشبگ أبنهه وبين ابو ابعازة عمــــــام
وبين صرخات العطاشه وبين مأتم بالخيــــــام
يا ليل الوداع وصّلهه العمامي
يا ليل الوداع دمعاتي وكلامي
فجرك ابچبدي رماح يملي دلاّلي جراح
**
شوف هالشبان كلهم لو طلع صبحك يليـــــــل
تهوه برماح وبواتر يمهم ايطول العويـــــــــل
هذا حنّة عرسه دمّه وذاكَ بگماطه چتـــــــــيل
وعالشريعة اهناكَ ذخري وكافلي بدمآ غســيل
يا ليل الوداع كل لحظة تمرنه
يا ليل الوداع يتوجّر جمرنه
فجرك ابّيض الصفاح يملي دلاّلي جراح
*
مدري أحفظ يا وصيّة مدري اودّع يا شبـــــاب
وآنه عندي اعلوم بالطف منهم ايطول الغيــاب
لينه هُمّه احجاب چانوا من علي هذا الحجــاب
لو هووا بيش انتحجّب واحنه تربات الكتــــاب
يا ليل الوداع نشتم المناحر
يا ليل الوداع موعدهه البواتر
يحمل ابجيته سلاح يملي دلاّلي جراح
*
باچر ابأيدي أقدم ساعة الملگة المهـــــــــــــر
لابن ابو وأدري ليّه ما يرد لن ينّحـُـــــــــــــــر
تسع مية وألف طبرة احساب جسمه ينطـــــبر
ويبدي يا ليل اعله زينب من بعد عزهه الأسـر
يا ليل الوداع هيده ابهيدة إمشي
يا ليل الوداع ليلك خافي كلشي
وكت حي اعله الفلاح يملي دلاّلي جراح
موشح..
حسين لمن طاح الله ابعونه
ناحوا املاك السمه وينعونه
*****
ناشد القرآن بعنان السمه
يتله بالآيات ابنج فاطمه
حسين فوك الكاع ياحيف انرمه
زين ماشفتي العده ايسحكونه ..
**
أرد انشدج فاطمه عندج علم
التمت اعله حسين أشباه الزلم
بالعطش ايام يكضيها بألم
وجانوا ابنج فاطمه ايعرفونه..
****
آه يحسين اشبكه عندك بعد
لا اخو اليفزع الك لا ضل ولد
مسلب اهدومه ويضل عاري الجسد
ابعيني شفت اهل الرده ايسلبونه ..
***
اشلون عاري اعله الترب ابنج وكع
لا كمر هاشم ولا الأكبر فزع
لا حبيب ولا وهب فز وسمع
حشم وما اضنهم ايسمعونه..
******
آه يافاطم فلا عندج خبر
حسين فوك الكاع محزوز النحر
يصرخ العطشان موجبدي انفطر
اي وحك جدي ولا يسكونه..
****
آه لو شفتي الخيول الداسته
اسهام يافاطم يمردن جبدته
الطعنه فوك الطعنه صارت طعنته
اشلون ابنج واكع ويولونه..
****
آه لو شفتيه يا أم الحسن
آه لو شفتي الخيول اعليه اجن
وراسه فوك ارماح وسفه يازمن
حسين يوم العاشر ايذبحونه ..
*****
زيد الحدراوي الشمري
يعني معقوله قنوات الفسق والفجور اعداد اعضائها بالملايين... وقناة القرآن ما تجاوز ال 12K
هذا اكبر دليل على ان اهل الدنيا اضعاف اضعاف اهل الاخرة
على العموم ان ادعوا اهل الاخرة فقط للانضمام الى قناتي على الرابط التالي👇🏽👇🏽
/channel/Tdper/7644
تسمع بكلبك لولا 😭
راح ابو فاضل 💔😔😔😔
لزيارة العباس (3دگات ) وزن الدارمي
لزيارة العباس زايد حنيني
علخد جمر حرَّاگ همَّالَه عيني
★★★★★
بزيارة العباس ترحل اجروحي
أخذي يريح وياچ للحضره روحي
قلت الحيله وزاد بالفرگة نوحي
بالحيره صار الحال من گد ونيني
★★★★★
للخوه ضحه الروح ولأجل دينه
وأتحمل الصعبات راعي الضعينه
عيوني فده البسهام مصيوبه عينه
وليمنته يسراي فدوه ويميني
★★★★★
بلهفه تصد العين صوب المناره
واگف اباب الجود واقره الزياره
بابك شفه المعلول والماله چاره
اتعنه مهما البين مايخليني
★★★★★
أحلم أغمض العين لويسمح البين
بالحظره الگه الروح من افتح العين
لزيارتك مشتاگ ياباب الحسين
حبك فرض للدوم من اصل ديني
★★★★★
لزيارة العباس گلبي انا مشتاگ
اليوم بعشر تيام يانار الفراگ
وطبع الدمع لوسال بجفوني حراگ
بدون الزيارة ارماد حاسب اسنيني
الشاعر حسن لعيبي الحريشاوي
#بخدمة_الرواديد
#لطم
#شعبي
• حوار بينَ عقيلة بني هاشم زينب عليها السلام و كافلها راعي الغيرة أبِ الفضل العباس عليه السلام بلسان حالهم:
| سامحيني |
سامْحيني آيا زِينبْ .. ما قْدرْتِلِّچ أوفِّي
إنتي الكافله بعدي .. وْ دربي إنتي اللي تكفِّي
يمِّ العلقمي قتلي .. و السهمِ بْعيني مْصابهْ
ريتِ يْسامحْني قلبِچ .. ما أتْحمَّلِ عْتابهْ
أرخصْ بِكلْ جُروحي .. فدا حْسين
دمِّي بكفِّي شايلهْ وِروحي .. فدا حْسين
بسْ اعْذري يزينبْ .. كفيلچ
وِ سامحي حامي الخدُرْ يزينبْ .. دخليچ
تريدِ اليتامى الشرُبْ
و انا ساقيهم مايِ الگلُبْ
ٱيا زينب ..
ما وفِّيتچ أدري واعتذرْ
صابوا القربهْ أهلِ الغدرْ
ٱيا زينب ..
فدا بو علي أنگتُلْ
ردِت تِسامحي بو الفضلْ
ٱيا زينب ..
عليچي بِداعةِ الحُسينْ
تِسامحي گطيعِ اليدينْ
ٱيا زينب ..
___
يالكافلِ شْلونْ تِرحلْ .. منهو لي بعدكْ كافِلْ
و اصعبْ لحظه بِوْداعكْ .. تِذْبحني يبو فاضِلْ
و غْيابكْ كسر گلبي .. وْ منهو لْكسرتي جابرْ
گبري أَحفر يمْ گبرك .. لنْ أدري فقدك گابرْ
للحظه إنتظرني .. أشمَّكْ
خلْني أقبِّلْ منحرك يخويه ..و ضمَّكْ
كنتِ لْأبي وصيَّه .. يبو الفضلْ
بعدكْ أترضى سمّوني سبيَّه.. يبو الفضل
وبْأمِّ البنينْ جاوبني
وينه عبَّاس الكافلني
يبو فاضل..
بعدكْ يضربْ متني الشمرْ
وْ وجهي بإيدي ٱنا استترْ
يبو فاضل..
ما ريد أشربْ بس إنتَ عودْ
منهو بعدكْ لي في الوجودْ
يبو فاضلْ..
عوفِ العلقمي وارجعلي
لنْ مَحدْ غيركْ يفْزعْ لي
يبو فاضلْ..
ريما قعفراني
و الحمدُ للهِ ربِّ العالمين
ملاحظة :اللحن موجود لمن يهمهُ من الخدَّام
#محرم1447
من شفت اخوي على النهر
مكسور كلبي والظهر
موتني سهمه من القهر
وينادي خويه وينك
اويلاه يابالفضل
__
منْهو لْزينبْ يا بالفضلْ
من يسقي العيله والطفل
يفجعها فگدكْ يالكِفِلْ
امْنَ اَگِلها غمْضَتْ عينَكْ
اويلاه يابالفضل..
لا توصي خويه بيها
ما ابقى بعدك ليها
كافي انَّ اسَلْمِ عْليها
ساعة ويِطيحِ احْسينَكْ
اويلاه يا با الفضل..
#سارة اليتامى
أضفنا مقطعين للندبية
♦️تم نشر قصائد منبريه هنا 👇
👉 /channel/sajad100w