يهلي الطالت سفرتكم .. حنت روح ابنيتكم
ماضلت دعوه ابالي ولاضل حيل الرجعتكم
،،،،،،،،،،،،،،،،،،،،،،،،،،،،،،،،
دموعي خلصت وروحي حنت
الفرگه اكبر من عمر روحي النحيله
أرد اگلكم بس شگلكم
القهر شارب لون البوجه العليله
شدعي وأنه محتاجه واحد هسه يدعيلي
ضيعت ويبوي حسين عمري وضحكتي وحيلي
من راح الضعن لليوم سهره ومانمت ليلي
ياهو المثلي بهل غربه .. يدور ومضيع گلبه
يهلي شسويتو بحالي ولاضل حيل الرجعتكم
،،،،،،،،،،،،،،،،،،،،،،،،،،،،،،،،
✍️ ابو فايز الرافضي
القصيدة كاملة 👇
@M_A_M_209
بهدوم السواد ودمعة العين.
نتلكَه الشهر يستاهل حسين
نرفع للحزن رايه
نعقد مجلس اقرايه.
نتلكه الشهر يستاهل حسين.
......... . ........... ............
ياهلا بشهر المدامع والحزن والخدمه.
نفتح ابواب المواكب والسواد انحشمه
من تشد احزام خادم هي هاي النعمه.
ونرفع العاشور رايه النحر اشرف زلمه.
من ترتفع نصرخ واحسيناه.
ابد والله حزنك ما نسيناه.
نحر المنذبح آيه.
نعقد مجلس اقرايه.
نتلكَه الشهر يستاهل حسين.
...................
✍ أبو منتظر الحجامي
القصيدة كاملة 👇
@M_A_M_209
أدبني وياك*
أذنب والگاك*
حضنك مفتوح**
گلبك ملچوم*
وانه ابكل يوم*
زيدته اجروح**
.............................
الجرحك ابچي ودمعي نازل.. وانه اتوقع فهمتك*
مثل كل ذيچ الحوافر.. انه يمكن هم لچمتك*
مو مؤدب ويه جرحك.. مو مؤدب يم رحمتك*
انته واضح وانه مُبهم.. ابچي لكن ما عرفتك*
بس سيل ادموع*
وانته الموجوع*
صدرك ما طاب**
بعدك عطشان*
بالبرّ عريان*
زيدته اجروح**
.............................
✍️علاء المياحي
الفاتحه لروح والدي
القصيدة كاملة 👇
@M_A_M_209
ترس جوده ترس جوده الرايه بجفه معكوده
؛؛؛؛؛؛؛؛؛؛؛؛؛؛؛؛؛؛؛؛
لايك بس اله الشارب خيمه عالنهر ناصب
قطره منه ماشارب روه الجيش من دمه
الشارد مهرته اصيده كيف بالحرب عيده
عساكر حاسهم بيده طوله يلايح الغيمه
؛؛:::::::::::::::::
✍️هاشم الدراجي
القصيدة كاملة 👇
@M_A_M_209
يجسام الحرب... بهــلهه تفتــخر
تطبهه وتنكَضي ... مثل رشة عطر
أجه دورك أجه .... أجه دورك أجه
أريــدك تنتـــصر
.........
يبني اتحزم ... ناداك العم ... رفرف بالرايه
خل تكَطر دم ... ساحات الهم ... يل بيك اكفايه
لا ترحم عـــدوانك يبني امحلفتك بيه
بيض وجهي اكبال الزهره اكبال البدويه
روح امودعتك بحسين وزينب وارقيه
يبرالك حيدر واولاده الكـــلهم حــــنيه
.....
✍️ موسى الخادم
القصيدة كاملة 👇
@M_A_M_209
طلع شاب الحرب........ بشر چنه شهب
ينادي بكل فخر......... كمر عمي كمر
،،،،،،
طلع وينادي ياوادم..... اريدن روس للصارم
أنه ابن المجتبى
طلع ومسرفن اردانه..... أوينه الصاح هذا انه
لِلِمعسكر حبى
شلع عين الزلم.......... غيور وما يهم
أسم الله من الحسد....... كمر طالع كمر
،،،،،،،،،،،،،،،،
كلمات ملا مهند الشموسي
القصيدة كاملة 👇
@M_A_M_209
نزلة
نزلوا بيها السبعين حي الله حي الله
حي الله أنصار حسين حي الله حي الله
واحد ضل يسأل واحد شنهو الصار
جيش وطب هذا ويرعب ياستار
وارض الطف كلها اهتزت صار انذار
وقائدهم ناده عليهم ها ينصار
ملگطهم وين الزين حي الله حي الله
حي الله أنصار حسين حي الله حي الله
✍️خادم الحسين ع
مرتضى العتبي
القصيدة كاملة 👇
@M_A_M_209
لمتنه راحت لا متنعاد
فارغ مكانك ماصخ الزاد
نتسحر بدمعات فرگاك
رمضان اجانه وردنه ملگاك
لمتنه راحت
***
يا سالفتنه بكل وكت يا عطرك المالي الدار
وينك نناشد صورتك نبچيلك ازغار اكبار
بكل عام نتسحر سوى چا هلسنه شنهي الصار
لا سافرت مده وترد چا گلنه رايح خطار
چنك صرت من اهل الگبور
خليت خد وفوگه ناعور
دورنه يمنه وما لگيناك
رمضان اجانه وردنه ملگاك
لمتنه راحت
***
ثاري الصور بيهن حچي بگد الالم والفرگه
يتعاونن لچمه ودمع صفنه وضياع وشهگه
من طرف واحد تشتعل كلشي البديك اتحرگه
من تحظن الصوره وتون وتموت ويه الشبگه
تشيل الصور مدري انته تنشال
منا لحد متصير تمثال
مغزل بدو وتدور دنياك
رمضان اجانه وردنه ملگاك
لمتنه راحت
***
ضحكاتك وصوتك بقن ما راحن الگبرك ذاك
ليهسه نگصد گعدتك ونشورك ونحچي وياك
خليت بينه الما شفن ما يبرن ولا ننساك
ترجع بعد لا ما تصح يل بلترب غطيناك
گعدت الزاد تريد الأحباب
مسامر أهلنه ومامش اعتاب
شفنه الهلال وگمنه ننعاك
رمضان اجانه وردنه ملگاك
لمتنه راحت
***
عطر الثياب يظل عمر لو غالي فارگ داره
والعشره والملگه الحلو لو رحب بخطاره
يبقى المكان البيه گعد يمه الدمع يتجارى
طبع العيون التنتظر ما ترهم ألهن چاره
لا يستراحن لا غفن ليل
نگضيهه وياهن تواسيل
رادن يروحن للگبر ذاك
رمضان اجانه وردنه ملگاك
لمتنه راحت
**
من يگبل العيد وتجي الوادم تهني البيتك
ودموعنه تجاوب هلا ونتمنى حاضر ريتك
ونتمنى تتلگه الاجو بعگالك وشخصيتك
يابو البخت ساكن گبر بس باقي عايش صيتك
عيد المبارك چلمه تنگال
عيد الدمع والضحكه موال
يلغربت بس ظال طرواك
رمضان اجانه وردنه ملگاك
لمتنه راحت
كلمات الخادم / رعد الفريجي
1444 للهجره
گضيت العمر دموع و هجر
أنه زين العباد أنه زين العباد
=======================
گلبي بفراگ الاهل بعده بونينه
الیفگد اهله یاخلگ ما تغفه عينه
انه شفت احسين ابويه مگطعينه
اليسمع ابقصتي يگول الله يعينه
اجاني الاجل وانه ابلا اهل
أنه زين العباد أنه زين العباد
=====================
✍ حسن بشير السوداني
القصيدة 👈@AM11000
قسم الاعلام لشام مشه يكمل الميسره
لكل بدايات نهايات لختم بيد الاميره
رسالة ثورة المنحر
حجتها وخضر المنبر
قسم الاعلام
"""""""""""
رسايل والصحاري تبث بالاسماع
يطيحن والعبي ما لامست كاع
سفينه ضعونهن والروس الشراع
بكل موجه اسياط امتونها أمتاع
زينب تگول معقول اروح وماكو كافل
رحت وياه بحماه اموت إبلا ابو فاضل
عله رمحه ويصد للخدّر
حجتها وخضر المنبر
قسم الاعلام
""""""""
✍ علـي خزعـل الصالحـي
القصيدة 👈@AM11000
يَا سَلِيلَ الِانْبِيَاءِ سَيِّدِي اسْمَعْ نِدَائِي
الْحُسَيْنُ فِي دِمَائِي
صَوْتُ الِانْصَار الثَّار الثَّار
♦️♦️♦️♦️
كَيْـــفَ لَا أُبْــــدِي وَلَائِي لِلْمـعَادِ
عَرْشُ رَبِّ الْكَوْنِ قَدْ بَاتَ يُنَادِي
مَهْبـــطُ الامْـــــلَاكِ يَابَابُ الْمُرَادِ
لَكَ تَبْكِي قَــدْ غَدَتْ عَيْن الْجَمَادِ
بَلَغُو الْيَوْم سَلَامِي لَبَنِ أَسْيَادِ الِانَامِ
يَاحُسِينَاً يَا إِمَامِي
يَبْنَ الْكَرَّار الثَّار الثَّار
♦️♦️♦️♦️
✍ وليد المندلاوي
القصيدة كاملة
@AM11000
#شور_آه_آه_ياغريبه_ياغريبه
●●●●●●●●●
صعبه ايام الحزن مرت عليها
مشبگه بحبال ومرمات اديها
شافت بلوعه الشمر يذبح وليها
ولو بچت بلسوط متعني ويجيها
=========
✍ الحجيه ام علي البصره
القصيدة كاملة 👇
@AM11000
قصيدة عن العليله ع
بويه ظلمه البيت. من دونك تره
وكلبي ناره اعليك حيل اموجره
꧁꧁꧂꧂
ياهو الي يعوض مكانك يلرحت
وانه من بعدك..... يبويه اتيتمت
وحيل. ماظل. تدري عندي تعلعلت
وروحي من بعدك.. تراها امرمره
꧁꧁꧂꧂
من بعد عينك..... ابد ماظل امل
اللطم اعله الراس والمدمع يهل
الفركه. من بعدك. تره. تكتل كتل
يلعفتني وشلت... لارض المكبره
꧁꧁꧂꧂
يالعفتني ورحت لديار الطفوف
والمنايا ابهل درب جنها تطوف
بعد ماظن طولك عيوني تشوف
بعدك عينك تدري أظل امكدره
꧁꧁꧂꧂
شلون اهود وانت عن عيني بعيد
وبعد ماظنك تجيني من جديد
نار فكدك بالگلب ظلت. تزيد
عالحزن دلالي ياهو يصبره
꧁꧁꧂꧂
تدري من زغري يبويه اتالمت
هم ألم وفراگ بويه اتعذبت
وأنه اموتن تدري لو عني رحت
ابداركم ماريد أظل. محيره
꧁꧁꧂꧂
جرح علتي بروحتك ويلي انلجم
بويه اخذني وياك مااحمل. ألم
وي الضعينه حالتي حال الحرم
روحي تسري وياه لو ضعنك سره
꧁꧁꧂꧂
تمت باقلام خدام اهل البيت عليهم السلام
ابو✍🏻حيدر✍🏻البصراوي
الموالي✍🏻الموالي✍🏻
آني زينب بت علي وتسبيني
وسيد الجنه اخوي حسيني
*
الليله ياحال اليمر زينب عليج
ابين اطفال وحرم لمة اديج
هاي سكنه اتصحيلي ياعمه ليج
اخذيني جوه عبايتج غطيني
****
الليله آلله ايساعدج يابت علي
وحدج الليله والج ماضل ولي
اكبال عيني ع رمح ظل معتلي
راس اخوي احسين ضنوة عيني
**
الليله صوت اطفالنه يمه عله
والجثث ع غبره ضلت بالفله
ريتج ويايه حضرتي كربله
وع فكد اخواني الي اتواسيني
****
ابين نهران الدمع جن صوت صاح
عمه بويه خل يجيني وين راح
شفت دمعج يارقيه عمه طاح
مودمع جن نار احس يجويني
***
لبسو سجادنه طوك الحديد
وراس اخويه ع رمح وقيود ايد
لعنة الله عليك يالضالم يزيد
تدري جدي المصطفى وتسبيني
*
آني تربات الطهر بنت البتول
وعلي ابوي المرتضى وجدي الرسول
مارعيتو القرب يامرضه العقول
من رسول الله بده تكويني
*
✍ الشاعرة أم حوراء البركاوي
بديت ارسم صورك عل حياطين
يشع النور بيهه وهيه بس طين
امن احط صوره عليهه
يخضر ورد بيهه // الحياطين
**
كمت اسولف ويه روحي واصفن وماتت دمعتي
اغفه واصحه وارد اسأل ها يروحي ياهي انتي
الوحدج المن بقيتي اويالظعن جا ما صعدتي
ليش من طلعو اگبالج ماتبعتيهم ركظتي
شجاهه وعيني غمضت وكت الوداع
بس اثار اشوفن ترست الكاع
بدت عيني ابجيهه
يخضر ورد بيهه // الحياطين
✍️ محمد خضير الزيدي
القصيدة كاملة 👇
@M_A_M_209
سحگ قصـر الامــاره بگلــب مستـعــره نـاره
اعتـلا يقــره الزيــاره السلام عليك يا حسين
*
طعم الزيــاره يختلــف
لو طبگ وي طعم النزف
وكت الشدد مــا تنسي محـــــــال
أول زياره من الگلـب
تعجز توصفها الكتــــب
يا كاتب أيوصفها الي بمقــــــال
من نوى فرض الزياره مسلم شچان الشعور
سيـدي يحسـين ازورك لكـن أبــدم النحـور
وانته تستاهل يغالي اسحگ القصــر وازور
يبو اليمــه إمــامـي ازور وگلبي ضامي
الك ابدي بسلامي السلام عليك يا حسين
*
الشاعر
موسى البديري
ملا مهند الشموسي
أبو آدم
القصيدة 👇
@M_A_M_209
يمكم تراني وحيلي تعبان
بهاي المجالس گلبي نيران
أم الحسن ها يلتواسوني
هوه آنه يمكم دمعه تلگوني
****
ياهو اليواسيني اعله ابني
ياهو اليطيب اضلوعي ذني
ضلوع الحسين الموتني
تحت التراب وعذبني
اباب المجالس يمكم انعه
ياهو اليهل لوليدي دمعه
مو مهم ضلعي المهم ضلعه
من صاح بس انه الاسمعه
***
✍️خادم الحسين ع رعد الفريجي
القصيدة كاملة👇
@M_A_M_209
فوگ اهلالك ياعشور .. دمعه دمعه
صورة عطشان ومكسور .. ضلعه ضلعه
من كثر ما بيك الم .. تشبه ارماد الخيم
دمعه دمعه
****
آلامك چبيره وتشبه الوانك
باب اخيام ياعشور بيبانك
تتجدد اشوفن كل سنه احزانك
آه اعله الغريب حسين عنوانك
بكل موكب خطيت جروح .. اسمه اسمه
وزعت احزان المذبوح .. رسمه رسمه
من سوادك والعلم .. تشبه ارماد الخيم
دمعه دمعه
****
الشاعر اياد الديراوي
القصيدة كاملة 👇
@M_A_M_209
#_للامام_المهدي_عج
انت المعزى سيدي
يا صاحب الزمان
ــــــــــ
اجيتك والذنب حارس يجتفني
خذتني الدنيا عنك وانت تعرفني
جنت ساهي بغفلتي و انته شايفني
عباتك يا ابو صالح بيها لفلفني
انت المعزى سيدي
يا صاحب الزمان
،،،،،،،،،،،،،،،،،
✍️نعيم ابو باقر الساعدي
القصيدة كاملة 👇
@M_A_M_209
#قصيدة_للخدمة
ضاملك عين ودمع ،، كسرة ضلع
حرگت سنه
رايدك تشفع ألي ،،، انته وعلي
بحماك أنه
يا حسيييين ،،، يا حسييييين
**
بعيني ضميت البواچي واحسب اليوم الدمع
انتظرتك يا محرم ظلمه واتاني الشمع
انته صاير اهلي انته ولمة اخوان وربع
انته احچيلي اعله زينب وانه انعه واستمع
وين ما عندك بچي ،، عوف الحچي ،، جيب اللطم
بيه حرگه الما طفت ،، علغربت
شبعت هضم
يا حسييين ،،، يا حسييين
****
كلمات الخادم / رعد الفريجي
القصيدة گاملة 👇
@M_A_M_209
استشهاد الأمام الجواد ع
تاسع امام اليوم راحل
عمره بشبابه و جرحه كاهل
طفو شبابه .. يجرح مصابه
_
بين الظلام الدامس يموت الضوه
يدري بس المختنگ معنى الهوه
وهاي وادم مثل وادم نينوى
تلچم المجروح و تضيع الدوه
عاش الجواد ابين وادم .. خيرهم بلا دين ظالم
مو دنيا غابة .. يجرح مصابه
__
عباس حسن السوداني
القصيدة كاملة 👇
@M_A_M_209
لمولاتي ام البنين ع
ياحيل اشدة اعليكم .. وانه الاشم طاريكم
اتّانوني لو تانيكم .. بثنينهن ميتة~~
بعيوني قارورة انچفت .. والوحشة وحشة وادي
واتبده بية اشجم وجع .. من دار ظهرة الحادي
راح اشد عصابة وعلگ .. بالضعن مثل امرادي
يحسين چلمة فدوة الك .. اشلعها من افادي
وضعونك الما تنجاس .. محروسة بيد العباس
ترجعلي سالم تنباس .. چف ايدي رافعته~~~
يارب الحسين استجب .. من الگلب تعجيلي
بعيون الحسين انقرت .. يم البنين ادعيلي
واجب اذا اسمة انحچة .. لحد يجي يتچيلي
ما اگدر اوكف بس اله . اوكف بكامل حيلي
بعيونه اقره القران .. بشخصيته رب الايمان
يا قل اعوذُ امن انسان .. ما داري منزلته~~~~
يا ضعن الحسين المشة .. راعيك روحي تحبة
راح البس اسود عالمشوا .. يغلب سواد الكعبة
كل خطوة يخطيها الضعن نص راسي شيبة امشيّبة
كل ما امرن يم نهر .. ادعي بدعاء الجربة
ماينچهب گام البيت .. عالماخذوني احتاميت
ردت جنايز رديت .. مخنوگة بالسكتة~ايكفون لك عدّه وعدد .. امربيتلك اربع انفاس
يحسين لو بيدي وعلي.. جيشين اجيبن مقياس
آنه المكبرتلك زلم .. بيهم اتزامط عالناس
مرسالي موش اعله النهر .. وديته الك عالعباس
ايرهمون حراس اخيام ..خذهم حزم خوش ازلام
واحدهم ايلاگي اسهام .. بعيونه علمتة~~
ما بيها شگفة وتنشگف .. كربلة اتموت الرضعان
بالعندي اتبرع الك .. والعندي اربع شبان
رفعة الراس المنصدگ يحسين مو حچيي السان
تابعهم ابيوم الطبگ .. اربع رماح النيشان
ياشيلة اعگد عالموت .. ايرجع ضعنكم ياصوت
اسم الله بعد فات الفوت .. صوتي عبر وكتة~~~
ابني الچبير اعله المتن .. جوده حرز ومخضّر
من زغره ايده اعله الگفة.. ايظمها وعليها ايدوّر
تستاهل احسين الولد .. من كل گلب ليك انذر
مضحيتلك اربع مستحه .. ابگد ايدك ام الخنصر
يالماكو مثلك ينجاب .. يالتختلف عالغيّاب
من السهر نام الباب ... چي ليلي گاعدته~~
✍️ علي هادي الخزعلي
ما شفنه بالعالم شمس .. ابطاموره ظلمه تنحبس
عاش السجين ومات سجانه
موسى بن جعفر عالي عنوانه
☆☆☆☆
قران وايات وسور ٠٠ عاشت سجينه
واحروف من نور العرش ٠٠تزهي ابحنينه
يبچي الحَمام البالسمه ٠٠ النبرة ونينه
تتلاطف الدنيا اذا ٠٠ يعرگ جبينه
للكاظم العالم شهد .. طيب الاصل والمعتقد
والدين جدّه الشيد اركانه
موسى بن جعفر عالي عنوانه
☆☆☆☆
من هاشم ونعم النسب ٠٠ والهادي جده
ابن الغريب المنسلب ٠٠ والضامي چبده
امن اصلاب طيبه وطاهره ٠٠ ومعروف مجده
زاهد وعابد واللقب ٠٠ صاحب السجده
والدنيا شيمتها الغدر .. الطاغوت تبنيله قصر
لاچن محال يصير بمچانه
موسى بن جعفر عالي عنوانه
☆☆☆☆
من نار موسى بيّنت ٠٠ تدوي اوضويه
صارت دليل ومعجزه ٠٠ الكل البريه
ايات عدنه واضحه ٠٠ للجعفريه
وكت الضحه اتسير الشمس٠٠ بالكاظميه
والي يشك ويعترض .. خل ينظر وخل يتعض
وشچم كرامه الموسى راوانه
موسى بن جعفر عالي عنوانه
☆☆☆☆
نور الله ما يطفه ويظل ٠٠ نوره ايتلاله
نور الشمس يابو الرضا ٠٠ وابيض خياله
فوگ الارض لو بالسجن ٠٠ واضح جماله
الله الرفع اسمه وجعل ٠٠ صيته ايتعاله
حريه من وسط السجن .. كسر قيود اهل الجُبن
ومهما تحوك الحيله عدوانه
موسى بن جعفر عالي عنوانه
☆☆☆☆
حبل الظلم مهما طول ٠٠ عاقبته سوده
هارون ما ظله أثر ٠٠ ظل بجحوده
والگضه عمره بالسجن ٠٠ واضح خلوده
اطوف الخلگ ليل وصبح ٠٠ وتبچي القيوده
محتار هارون الرجس .. وانفاسه ظلت تنحبس
اعقول النواصب لسه حيرانه
موسى بن جعفر عالي عنوانه
☆☆☆☆
اخمسطعش عام البالسجن ٠٠ والدمع سچاب
يبچي اعله جده المنذبح ٠٠ وبروحه المصاب
والعمه عباس النفل ٠٠ نيط الگلب ذاب
مجروح من يوم السبي ٠٠ وهل جرح ماطاب
يتخيل اركاض الحرم .. طلعت بخوف من الخيم
ويذكر مخيم توج نيرانه
موسى بن جعفر عالي عنوانه
☆☆☆☆☆
حيدر بشار الدراجي
السجاد يشكي الالم
بويه ....بويه هضمتوني
راح اضل بامل .لو دنالي الاجل
بويه .....بويه هضمتوني
---------------------------------------------------
لاضل ابو ليه ولا ضل اخو
وبكربله مطروح عفت الابو
دمعاتي عالوجنات ضلن دفو
ومن عمي العباس ارجو العفو
ضليت انه بلا اهل غربه .غربه اليدفنوني
وياكم انه ردت.. يابو فاضل متت
---------------------------------------------------
✍ باقر جبار الشويلي
كَيفَ أحيَا أَنَا مِن دُونِ العَزَاءِ
إنّ نَبْضاتِي وِأحسَاسِي بُكَائِي
ليسَ إلاّ وَا حُسِيناهُ نِدَائِي
كُلُّ حِينٍ كَربَلاءٌ كَربلائِي
أندَبُ الظّامِي *كُلُّ أحلامِي * حُسِينا
زَادَ مِن فَخرِي * لَطمَةُ الصِّدرِ *حُسِينا
_
✍ علي حبيب الشابي
حـرامـات .. الامــيرات .. ســبيات
يابو فاضل
__
الچانن ابنورك يكشخن چيه ضواك ايحيط بيهن
والنــجم ياخـويه اذكــر يخــجل ايــباوع عـليهن
عــگب كــل ذاك الـدلال وعگـب عــزهن ياولـيهن
هــسه عــلويـات الله بسنــسله امگيــدين اديـهن
الكريمات .. الامــيرات .. ســبيات
يابو فاضل
__
✍ حيدر تركي الكربلائي
القصيدة كاملة 👇
@AM11000
ها يعمتي حيره حيرة كربله
ها يعمتي صوت وناتج عله
آه يعمه ريت لو موتي خذاني
آه يعمه ولاعشت بالطف عساني
آه يعمه لوعه يالوعة زماني
اه يعمه والحزن. غير الواني
هايعمتي. راح ابن عقد الوله
ها يعمتي صوت وناتج عله
گلبي ضامي وعطش الشوفة هلي
گلبي ضامي العمي وحسين الولي
گلبي ضامي الجاسم وشوفة علي
گلبي ضامي وشيرجعهم الي
هايعمه گلبي مشتاك الهله
ها يعمه صوت وناتج عله
عل حبايب مانشف مني الدمع
ع حبايب صوت وني ينسمع
عالحبايب انكسر مني ضلع
عل حبايب ذاب عمري كالشمع
ها يعمتي. من مثلنه مبتله
ها يعمتي صوت وناتج عله
يا عذابي. زاد من لوعة خواتي
ياعذابي. والحزن غير صفاتي
ياعذابي ريت لاطالت حياتي
ياعذابي وريت لو گرب مماتي
ها يعمتي بالحزن گلبي امتله
ها يعمتي. صوت وناتج عله
شرد اوصف حالي وشياحال بيه
شرد وصف ضاگت الدنيه عليه
شرد اوصف. وشخذت مني المنيه
شرد. وصف من هلي ماظل اليه
ها يعمتي الاخوه كله مجتله
هايعمتي صوت وناتج عله
✍ ام حوراء البركاوي
من تطيح چنها طيحة سمه
من تطيح دنيا بس مظلمه
من تطيح ما يظل كل امل
...........................
...................
اتموت احلام الحرم لمن تطيح
لا تطيح وابقى بس واگف جريح
ارتچي اعله المهر حتى تستريح
ميلتك ميلة ارض ودمك يسيح
يا ذبيح امن العذب ما روه
يا ذبيح انت للطف ضوه
يا ذبيح طيحتك چن جبل
..............................
....................
هالخسوف وهالكسوف ابهالطفوف
كل شي صار ابهالارض وجرحك تروف
امن العطش چنك صرت چن ما تشوف
اعليك والتموا رماح اويه السيوف
والحجر طر جبهتك الم
والحجر چم رمح چم سهم
والحجر يمطر اويه النبل
................................
................
من شلت ايدك لزمت انت الرداء
من رفعته تريد تمسح هالدماء
انه حسبالي ردت تطوي السماء
وردت تطوي انت ارضها كربلاء
مو عجيب وانت ابن فاطمه
مو عجيب يبن حامي الحمه
مو عجيب وانت اشرف نسل
...............................
.................
اعتله نحرك ضوه ايطر الظلام
وجفنك المتعوب ما مره المنام
انت حارس عالظعن وابلا خيام
تحرس الحوراء تحرسها الايتام
عالظعن بالك اويه الحرم
عالظعن وانت بيك الالم
عالظعن ادموعك اللي تهل
.................................
....................
ايرتل القرآن نحرك بالدرب
اشفافك المجروحه والوضع الصعب
چنت عطشان ودمعتك هم تصب
تبچي ظعنك راح بس ويه الغرب
بالوجه چم اثر عاينت
بالوجه دم تراب الشفت
بالوجه ومنحرك ما نزل
.....................................
...................
✍ علي الركابي
لسان حال الحرم في ليلة العاشر
باجر نار ودخان
"""""""""""""""""""""""""""""""""""
اخر ليلة باجر بينه وبينك
نريد هواي نشبع من نظر عينك
باجر ياحسين العدى مكطعينك
اعلينه اتهد العدوان
######
ما يغمض جفن لا نوم مر بالعين
وتتراجف ايدينه ونصفك الجفين
قبل ضي الفجر نلطم عله الخدين
ونشوف جبدك عطشان
######
بالخيمة وبدت تتناثر الدمعات
مو ماي النزل بعيونه جمرات
تنوح اصواتنه وبالنفس مختنكات
علينه اتوج النيران
######
حجت ام الخدر بس باجر وحيده
متلحك تلم لطفال لبعيده
محزوز الكفيل اشوفه بوريده
العاشر يوم الاحزان
######
تهل كل المصايب تهل فوك الراس
بخيول العدو نتراكض وننداس
عكب ذيج الزلم تحرسنه هسه انجاس
نبقى بس النسوان
######
بياض العين من كد البجي حمره
ومن كد اللطم لصدور متكسره
وليل الله اليمر مر فوكنه بحسره
بونات نقرا القرآن
######
سمعنه بالمصايب ونغمى علينه
بعد ياهو اليردنه واليحامينه
والحادي عله النوك اليمشينه
ونحور فوك التربان
✍الشاعر ميثم العنكوشي
@AM11000
