531
كل ما نملكه من فضل مولاتنا فاطمة صلوات الله عليها https://t.me/husseinalialtaqi
يابَقيّةَ الله .. نسـأَلُـكَ الدُعاء
عِندَما تزورُ .. فاطمةَ الزهراء
-----------------------
ياحُجَّةَ الله أبن الحسن
اذكرنه بليالي أم الحسن
دخيلك اذكرنه بدعائك يم گبرها
لو منك المدمع هتن
نتوسل بدمعك لأن
من زيارتها انحرمنه وشم عطرها
سيدي تحنن علينه من تزور المخفي عنه
اذكرنه بدموع المصيبة اليمها مافد مرة زرنه
بهل الليالي الما تفتّر بيها والونه اعله ونه
لـوجهك وشمة تربها سيدي طوّل صبرنه
ياصاحبَ المصاب .. نسأَلُكَ البكاء
عِندَما تزورُ .. فاطمةَ الزهراء
-------------------------
أبعث دموعي لغربتك
بهاي الليالي مصيبتك
بأم الحُجج أول مصاب اليدمي عينك
مـن بابـهـا صبّح رماد
مامر على عيونك رُقاد
وگلبك مثل باب أمك وصابر سنينك
سلام الله على حزنك سيدي بهاي العشية
سلام الله على دموعك بالليالي الفاطمية
سلام الله اعله كل شوغة الك يم گبر الزچية
سلام الله اعله كل دمعة حمرة من عظم الرزية
سلامُ الله على.. دمْوعِكَ الحمراء
عِندَما تزورُ .. فاطمةَ الزهراء
---------------------------
ماحل وكت ثار الظلع
ونادتك الخلف الجذع
يامهدي أدرك أمك السگطو ضناها
لي هسه تنتظرك تهد
والسوط ملتف عالعضد
والمحسن الحايط صبغ دمه ودماها
من انرفس باب النبوة وبيه لآذة أم الأمامة
فاطمة گلولة خلفة وبـ وإن جاوب كلامة
وكلمته يالمهدي أثرها بگلبك وصوّب سهامة
وتالي يتناثر قرطها بسطرته وظلت علامة
ويُخفى الإحمرار.. بِكَ الله إذا شاء
عِندَما تزورُ .. فاطمةَ الزهراء
---------------------------
بيا ذنب بالسر تندفن
ويندفن ويّـاها أبـن
بحشاها ماسلمت علي وشهل المصيبة
و أيتام ودعوها بشجن
حظنت حُسين ويه الحسن
بالمغتسل ظمتهم و زينب غريبة
علي غسلها بدموعه وفجأة عنها يرفع أيدة
ونادته أسماء يحيدر وينه صبرك يالصميدة
لا تلوميني يگلها المثلي ودموعة شتفيدة
أنكسر حقي عليها ومنكسر ظلع الشهيدة
رزيةٌ عظمى.. ليس لها عزاء
عِندَما تزورُ .. فاطمةَ الزهراء
---------------------------
يا سيدي لوين الصبر
وچم ظلع لأهلك منكسر
الأول أصل يوم العذاب وكل رزية
وچوه الحوافر چم ظلع
اباب المخيم ينسمع
والـنـار كـبـرت عالحرم بالغاضرية
ونار باب أمك يمهدي وصلت خيام العقيلة
مثل أمها الحرة طلعت لچن رگضتها ثگيلة
زادت اعليها بمصيبة ومـا لـگـتّـه التشتكيلة
ولمن ردت ماكو الها بيت وما ظل الها حيلة
ولا تنسى نساء.. ساقوها كالإيماء
عِندَما تزورُ .. فاطمةَ الزهراء
اللهمَّ عَجِلْ لِوَليّكَ الفَرَج
يومك يـارسول الله فـجعنـي
وهظم أصحابك الزيدلي وني
يابوية وراك اسنيني ظلمة.. وكلشي هظمة
ولا چن گايل أنتي بضعة مني
بعدك على المغستل
وبالنار بابي أشتعل
وأنچتف خير العمل
هاي الظلامة.. لبيت الأمامة .. وقتلك علامة.. لكسر الوصية
سُمك بداية.. لكل الرزايا.. بنفي الوصايا.. وقتل الزچية
اي واا محمداه .. اي واا محمداه
-----------------------------
بعدني معصّبة راسي بمصابك
اوثلثمية نذل حرگولي بابـك
عصروني وطحت انه وضنوتي.. ياسلوتي
وعذابي بالـ(وإن) صار وعذابك
منهدّة من موتتك
ومحد رعه زهرتك
بالعتبة من نادتك
آه يامحمد.. والعتبة تشهد.. ناديتك اشگد.. من اعصروني
بقتلك هضيمة.. ابشع جريمة.. الأيد الزنيمة.. سطرة عيوني
----------------------------
بدل ما أمتك تجبرلي خاطر
بغيابك يامحمد صرت أكابـر
ما رادو عليك اتهل عيوني.. وطلعوني
وجرحك يسوه اعميله النواظر
گطعو أراكه وهمت
من المدينة اطلعت
وبيت حزني جزعت
گطعو شجرتي.. وگطعو عبرتي.. لله شكوتي.. يابوية بلوة
يابو السَكينة.. فاطم حزينة.. من المدينة.. طلعوني گوة
----------------------------
أچـيـتـك ناحلـة لگبـرك يـغـالـي
بعطر ترابه أشم وانعه اعله حالي
تره صبت علي بوية مصايب..منها ذايب
گـلـبـي وحـولـن سـود اللـيـالـي
من ترابك آخذ صبر
ايتيمة وغريبة عُمر
واشگيلك من الكسر
جـرحـك نهيبة.. ماصح طبيبة.. و أول مصيبة.. بالعتبة ظل دم
أبني وي ظلعي.. طاح وي دمعي.. بچف واحد ادعي.. وحيلي تهدّم
اللهمَّ عَجِلْ لِوَليّكَ الفَرَج
گـوم و اتلگّه الغريبـة جايتّـك
راجـعـة مـن السبـي لزيـارتـك
جيت يالعفتك صريع اعالترب
وراسك يسولفلك بضيم الدرب
جيت اكلك آنـه مكسـورة گلـب
لأن ما طلعت الروح بطيحتك
تدري جانت روحتي غصباً عَلَي
والله ماعفتك لون شوري بأدي
زينب تعوفك طريح بلايا في !!
گوّة صارت عني خوية وداعتك
شلون هيج وياك فارگني الزمن
بعمري ماعفتك يروح أم الحسن
عيوني بعدك خوية خلهن ينعمن
شلي بيهن باقيه بلا شوفتك
رغم ما خله عَلَي حيل اليسر
راح تعبي من ارتميت اعله الگبر
ليش اتاني اتنوّخ الناگة بصبر
وأنه بروحي جبيرة صارت عازتك
بين دمعة شوگ ودموع الخجل
العذر خوية ارقية وافاها الأجل
شوفي منها الدرب كله ما نزل
وبالخرابة ودّعت من شافتك
يبو الضيم الضيم بأختك خله أثر
من مشيت بدونك و دون الگمر
يمكم اتجتفت وشلونه السفر
وعالرمح گدامي تگّطر شيبتك
ياگمرنه گوم و اتلگّه الظعـن
الكفلتهن هسه حيل اتغيرن
حرم جتك مايلة وشي ما أجن
ماتن الما أجن عگب امروتك
ياكفيلي اترابك ايشيم العبي
و أربعينك مرن اعليه بسبـي
شلون أرد دونك لحينه الطالبي
اذا مو فوگي ترفرف رآيتك
من المدينة شلون طلعة
ومن خيامي شلون طلعة
هناك گدامي الحسين هنا أدوره
هسه طايح كلشي لأجله
و لأجله اصعد ميـت تله
كون ياريت وأحصّل منه نظره
على بالي طلعتي من الديـرة
وهسه صارت طلعتي بيا حيرة
والله مـاتـرهملـي آنـه جبيـرة
شـاردة مـن وادم بـلا غـيـرة
حسين ياخوية.. حسين ياخوية
------------------------
يامـرة بمصيبـة مثلـي
وماكو ناس تشيل حملي
مـرة مثكولة وعلية تغير غارة
فوگ ذبح اخوان ركضة
حسين صارت وين أرضة
الخيل ماخلتلي من عنده أشارة
التفت مو خوف بس مشتاگة
بلكي ويه حسين صدفة اتلاگة
شوية فارگته وكـتلني فـراگـة
وخايفة من وداعه فوگ الناگة
-----------------------
بـهيمة بيها العثرة فشلـة
وگلت لأجل حسين سهلة
اذب حيلي بصعدت التلة لعيونه
اركض وكل خطوة حسبة
گـلـت لا سـلاّب ايـسـلـبـة
خل يسلبون الخيم بس يتركونه
كـون يلهـون بـخـيـم بعيالـة
ولا تـرضّ بصـدره هـالخيالـة
وهّوا ما عـايـز جـروح چمالـة
بـهالشمس الله يعـيـن بحالـة
--------------------------
گلبي بس يم ابو الاكبر
و ادري من ينلچم اعثر
آنه احس بحسين وهّوا يحس بية
من اطيح اسمع اسم الله
وفجأه صوته اختفه غفلة
بـركضـتـي والخـيـل بعدتـه عليـة
الـگـاع حـيـل اتعّبه و مملوحـة
شفته يتگلـب تلچمـه جـروحـة
و ادري اكلف جـرح زيّـد نـوحـة
من ركضتي حسين طلعت روحة
-------------------------
الأبد ما فارگته لحظة
تالي صار وداعة فرضة
على الهزلة مجتفّة خلوني اودعه
روحي يمه وجسمي نازح
الراسه عن الجسد رايح
وبيد سايگ ناگتي خاتم اصبعـه
عـاد مـو للـدفـن بـس لـوداعـة
ردت يم حسين اظـلـن سـاعـة
بـالعبايـة شـويـة افيي اظـلاعـة
العاري بالحر هم تطيب اوجاعه؟
اللهمَّ عَجِلْ لِوَليّكَ الفَرَج
ياكربلا .. ياكربلا
ياكربلا شحمـل بـعد
من الهظم گلبي امتله
منج أرد هزلة وحبل
مو جيتج انه مدلله
جيت بكفالة أخوتي
وتـالـي عفتهم بالفله
ما راهـم علـى حـالـي
تشوف الاعادي خيالي
بـت فاطمة بالهيمـة
وما ظل اخو يبرالـي
------------------
ياكربلا انطيني صبر
واستوعب بحالي شجره
آنه الأميرة يم هلي
وكفالي سبع الگنطره
هسه اركض واعثر خجل
وخواني كلها امجزره
تالي انده بنص هيمة
وينك خوية ابو الشيمة
الحك زينب تريدك
ما ظل الها أي خيمة
------------------
يـاكـربـلا مثلي منو
بخمسيني أرگض ناشدة
غارة احرگت مني الخيم
وجاية لـسلبنه گاصدة
ماشفت بس تل الظهر
لو ردت أسلم اصعدة
ظـليـت أهيم بروحـي
وين ابن امي مذبوحي
هلبت اداوي جروحة
وهينة علية جروحي
-------------------
ياكربلا جيت بشكل
ومنج شكل ثاني طعلت
محمد اخي وبيه اشتبه
شلون الأخو يضيع أخت
يمغيرة حته اعبايتي
مصبوغة دم وتغربت
متغيرة مو ملچومـة
مـن الحسين ويومـة
بهدومي مسحت دمه
چي شفته بلا هدومة
-------------------
ياكربلا الخيمة انطفت
بس شيطفي مهجتـي
يمخلية بيه شچم جرح
وما فارگنتي لموتتي
بعدج اجه شام الهظم
وبي عشت اكبر غربتي
وبعده الهظم گدامـي
من كربلا لحد شامي
ما فكني طلّع روحي
وعشت بغربة أيامي
اللهمَّ عَجِلْ لِوَليّكَ الفَرَج
مـصـيـبـة ما أعـظـمـهـا الـلـهُ أكــبــر كـربـلا
شحال ابو الأكبر ياعلي من شاهد الأكبر نزل
ودعّة ولسانه خشب والـمـاي لأجله مـاحصل
وشلون شافه عالترب جسمه مگطعينـه وصل
طـول ويطول ابنه غـده نـايـم يويلـي بالفله
وزهرة زمانه ياعلي البطيحته محني الظهر
مگطوع چفينه وسهم بعيونه مرمي عالنهر
وشلـون گل لزينبه يـخـت الگمر راح الگمـر
ولخيمة اعضيده مشه جـر العمود ونـزّلـه
وبالقاسم آه ياحيرته الودع جماله من الخيم
يفحص برجليه عالترب ويصيح حاچيني يعم
بيـا حالـه جابه وشافتـه رملـة يويلـي كله دم
رملة تصويت يولدي وحسين ينعى المعضله
وآخر شهيد ابنه الطفل عطشان وتروه بسهم
گطع گماطه من الوجع واحتضن عوده من الألم
وخـلاه جوه اعبايته حسين ورجع بي للخيـم
وصاحت رباب بشوفته شلت يمينك حرمله
طاح الحسين اعله الترب ويصيح يمه فاطمة
ياويلي طاح من المهر والـحور ضجت لآطمة
ونحره الذي يقبلة النبي تخضّب يويلي بالدمة
من گطّع اوريده الشمر وبصدره ياويلي اعتله
قابـض علـى لحيتـهِ و يطبّـر بنحـره الشمـر
ياطه لو شفت النحر و أثنعش طبره منطبر
الشيبة الكريمة تخضبت ويصيح يارب الصبر
يـاربـي هـوّن ما نزل وأسودعتك هالعايله
ياربي هوّن مانزل بي واحفظ أيتامي البگت
ياربي وانطيها الصبر زينب لونهـا اتـغربـت
ولو حرگو خيام العصر والحرم كلها تسلبت
مرعوبة ايتامي تفر والحرم تركض مايّله
ياربي هوّن عالحرم درب السبي بحر السمش
ياربـي تـدري أم الخدر محد لمح ظـلهـا أمـس
ياربي وانطيها الصبر لو دخلت بقصر الرجس
لو شافت ايزيد بعصاه يظرب الشفة الذابله
اللهمَّ عَجِلْ لِوَليّكَ الفَرَج
لمن صحتني يا أبه ضاعت تره الحيلة من أدي
بصفك اجيت اتوسدت گلت اكسر اعله وليدي فَيّ
ضـاگـت عليـه عيشتـي واسـودت الـدنـيـا علَـيّ
عطشـان يا لـب الـگـلـب حته بعيوني مـاكـو مي
على الدنيا العفه بعدك
يطايح عالـرمـل خدك
يجرحي ومرهم جروحي
وبـحـافـر ذبـل وردك
علي اوليدي ..علي اوليدي
------------------------
ساهرلـك سنينـي بتعـب وبلحظة طاحـن عالتـرب
ياعيشة الي بدونك بعـد و المن يـدگ ظـال الگلـب
روحي من عيوني انچفت من شافت جروحك تصب
يمـك وصـل بيه الأجـل تـدري تـره فـراگـك صعـب
علي كلش خوة حيلي
گوم أوليدي تچيـلـي
ميت ردت اظل يمك
بـس الحـرّة توميلـي
علي اوليدي ..علي اوليدي
------------------------
مـو هيّـن فراگك علي يالـذابـح بـگلبـي الصـبر
ياشهد عمري وبسمتي كلشي بدونك شفته مر
بيك انكسرت وبأوختك ظهري انحنه گد الكسر
مذبوحة عافيتي بقهر وكـل خطـوة لازم انهطـر
ترف ياسلوة أيـامـي
وهسه يابس وضامي
تمنيت انذبـح قبلـك
صعبة تهوى گدامي
علي اوليدي.. علي اوليدي
------------------------
حيـرة اشيلك لـو تظل حـيـل اعتصـر گلبي بألـم
مو من ثگل شيلك سهل بس حيلي يوليدي انهدم
جسمك وذر وامك دعت سالم ترد صوب الخيم
وشيصير بيهـا لـو لگـت مـن نحـرك انه كلـي دم
ارحم حالي گوم ابني
بدونك بالله شيردني
وعيونك تموت امك
بدونك بس تشاهدني
علي اوليدي.. علي اوليدي
اللهمَّ عَجِلْ لِوَليّكَ الفَرَج
لـمولاي قمر بني هاشم صلوات الله عليه
سيد الشهامـة بالوغـى وسيـد النُبـل
شارة علي وحرورته بس أبو الفضل
بالحومة يشبه حيدرة واخذ شمرته
سلاحين سيفه وخزرته ايوگفن العقل
تسطر سطرته.. وتذبح خزرتـه
لنّة من علي.. مـآخذ شارتـه
الكرار بسيفة.. چنة عل المسناية
بيمنته صمصامه.. وبيسرته ترف الراية
خزرته جتالة.. طبع الهواشم هاية
والعرگ بجبينة.. لو طگ يسوي سواية
مولاي مولاي مولاي مولاي
--------------------
من صاحت سكينة العطش برّيد النهر
شقيمة الماي من افرغت جربة الگمر
سقّـاي وامه نذرته لـ عـازت الخـيـم
بعينه الفواطم ترتوي مـن تصد نظر
سقّـاي ونعم .. عباس الشهم
جانت شوفته.. زمزم للحرم
عذب وبنظراته.. جانت أمان الخيمة
شمرة من ترباته.. من أم البنين الشيمة
والسقّاية علومه.. يروي الحرم تعليمة
والعطش غيباته.. عن الحسين وظيمة
مولاي مولاي مولاي مولاي
---------------------
زم بيده جوده ورايته للحرب نزل
من عِلة المطهم غده جبل عالجبل
موسى شطر ذاك البحر بس ابو الفضل
يشطر الجيش بغيرته مرة لو زعل
غيرة مرجلة ... محد يوصلة
بجالة زينبة.. تبقى مـدللـة
كافل العلوية.. محد وصل لعلومة
بغيرة صارت ذاته.. ياجيش يحمل يومة
لو غضب صولاته.. تسطر سطر بالحومة
وشيلاگي الكافل.. حته تخوف هدومة
مولاي مولاي مولاي مولاي
----------------------
لمن دنه يم النهر صاحب اللوة
اربعة الآلف بذعر قرو (قل هوَّ)
روّة بدماهم النخل و ارض كربلة
وارتوه الماي بيمنته لچن ما روة
حس ببرودته .. ونزلت دمعته
مناغات الرضيع.. سمعها بجربته
حاشة يروّه غليلة.. منطي وعد لسكينة
شلون يهنه بشربة .. وبضمه اتلوّه حسينة
والرضيع ابالـة .. مـن غـرف بچفينـة
عالماي اشفافة.. گدامة صورة بعينة
مولاي مولاي مولاي مولاي
اللهمَّ عَجِلْ لِوَليّكَ الفَرَج
أسوداً بالعرين .. ونبقى ثابتين
خُذ الأرواحَ لك.. فِداكَ ياحُسين
------------------
انصارك وسور الخيم حاشة يگربوها اعداك
نتذبّح ولحد يجي باجـر يحط راسـه اويّـاك
طلگنه كلشي ويه النسه وانروح فدوه لعيناك
من الذر تره امرخّصين.. دمنه الك ياحسين
شفناك حـق الحقيق .. وللدين انته الوَتين
من ايدك اعله أيدك
مو صحبتك عبيـدك
فـشلة رگبنه تـسـلـم
وانتـه انطلب وريدك
عبيداً طائعين.. فِداكَ ياحُسين
-------------------
لو ألف مرة نُقتل وهم نرد نحيه انحاميـك
ما نجزع مـن الموت اذا باجر يحـل بواديك
يل جوارتنه لمنزلك بالاخيرة احنه شننطيك
لو ننذر وي الهواء.. ارواحنه تضل فداء
لروحك يروح البتول.. وتشهد ترب كربلاء
باجر دمانه تشـهـد
للـزهـرة ولـ محمـد
لا والله ما نعوفـك
لـو بالثـرى انتوسد
وهذا الوعدُ دَين.. فِداكَ ياحُسين
------------------
(لا أعلمْ أوفى مِنْكُمُ) اتشرفنه مولانا حسين
خل يكتب التاريخ أذاً سبعينك أحسن سبعين
شفنه الجنان برفقتك من قبل شوف الصبعين
تمر الفرص كالسحاب.. واحنه بدونك سراب
شمحلاها صرنه عبيد .. البالجنة سيد الشباب
الجنة بنظر عيونك
البلكوفة خل تخونك
مـا عـرفـو العـرفـنـاه
كلشي خسارة دونك
بِحُبك فائِزين .. فِداكَ ياحُسين
-------------------
انموت غصة لفركتك لاما نموت امن السـيـف
والموت احلى من العسل دونك والفراگ الحيف
بـاجـر بـأرض المعركة التدركـة يتمناه طيـف
اليموت بيدك أمير .. التراب عنده حرير
بس اليغمض درك .. بالغربة وحـدك تحير
يابو علي السماحة
نموت والك مناحـة
يامـن بعـدنه تكثـر
بين العـده جراحـة
وتبقى لا معين .. فِداكَ ياحُسين
اللهمَّ عَجِلْ لِوَليّكَ الفَرَج
خبر مقتل مولاي مسلم أبن عقيل (ع)
لـمـح بحسين غربة ورجفة بأيدة
حِنه المرسال ظهرة وحس عضيدة
وعـرف من صاح جيبولي حميـدة
وااا غربتآه.. واا مسلمآه
--------------------
ابو فاضل شاف غربة بالحسين وفزع حالة
شخلة ساعي الكوفة بيده ونشّفت دمه الرسالة
شگد مراسيل الاجتله لچن بس هذا البچالـة
وليش وگف ظعنه كله وياخبر ظهرة حنالة
نزل من الجواد ومحني ظهرة
كسرة خوة بي وعيونه حمرة
خبر ماخله دم يمشي بوريدة
وااا غربتااه.. واا مسلمااه
----------------------
أيد بچتاف ابو فاضل وايد لازم بيها ظهرة
يا خبر غير احوالة وبينت بي الف حسرة
گله يا كافل ظعوني روحة الخوان هطرة
وما اريد تشوف زينب قبل يومك بيه كسرة
انه وياك نتعاون عـضـيـدي
وصلني لحميدة وعوف ايدي
عن لاتدري زينب كل الأريدة
وااا غربتااه.. واا مسلمااه
-----------------------
خوية مسلم راح مني والمصيبة ماهي سهله
بغربته مستوحدينه وسفة ما واحد فزعله
انشمر من القصر ضامي وريجة محد ماي بله
والخبر بحبال گالو فارينه الـسـوگ كـلـه
ما لحّگنـه بي وبـلا محـامـي
ابن عمي هضيمة طاح ضامي
مسلم طاح والكوفة بعيـدة
وااا غربتااه.. واا مسلمااه
------------------------
جابو بحظنه حميدة ومالزم عينه الجرية
سألته تعاملني ياعم مو مثل سكنة ورقية
مسحة ايدك فهمتني والدي راح من أديـة
وخوفي ياعم هاي ايدك ماتظل بالغاضرية
وحسين انفجع يبچي لبچيها
يـدري حبال منتظـرة أديهـا
ويگلها باجر تركضين بيدة
وااا غربتااه.. واا مسلمااه
-------------------------
هذا جرح الكوفة الأول نزل ادمـوع العقيلـة
اجت يم حسين تبچي وگلها غربتنه طويلة
ظمي دمعج يختي باجر من اودعج ماكو حِيلة
مـن أدي للقصر تالـي تآخذج خويـة الهزيلـة
هونچ يالعقيلة صبري صبري
خدرچ مايظل لو نزف نحري
شلون بشامهم باجر وحيدة
وااا غربتااه.. واا مسلمااه
اللهمَّ عَجِلْ لِوَليّكَ الفَرَج
مو بيدنه الشغلة وعلي وهاي الحرورة البدم
فطرية نحييها لعلي بعيد الله الاكبر نـهـتـم
شگد اكو سوالف بالخلق فطرية صارت موكيف
طبع النده ايحط عالورد ما بي مجال محتّم
واحنه علينه محتمّة نوالي علي ونفخر بي
ويوم الولاية للگلوب الطاهرة ايخص ما عم
لا هيا مو شغلة رَفع أيده انرفع راس الدين
لو ما مبلّغ طه بي الأسلام چان ولا تم
وهيَّ الولاية امفصلة من الله اعله گد الكرار
سبيعن لو گدام أجو غيره وعلي ما يرهم
ومـا تگدر تجيب الفحم وتگلي اتختم بـي
بس شلاحته الدر على الچف لون بي نتختم
والـدر لون موش لعلي ما چان در نسـمـي
وزمزم لون ماحب علي مالح يضل مو زمزم
كلشي ويه حيدر مختلف والمو أله مو مرغوب
اعرف الحق تعرف هله واعرف الباطل تفهم
گطرة ابحر علمه نعرف من نجي نتعمق بي
بـس الله نلگة ياعلي بيك ومحمـد يعلـم
التوهم يشوفك شمس أعمى يظل بلياك
والما شهدلك بالصلاة يدخل الجنة اتوهّم
المابي عطر حبك يضل ينكر غديرك مولاي
بُعد السمة اعله الگاع أظن ريحة الجنة ماشم
مؤمن الحَبَك ياعلي ويبغضك بس ابن الحيض
يدريها بس احچيها أله صوچ أهله خلو ينذم
اللهم أجلعنا من المتمسكين والثابتين
على ولاية أمير المؤمنين علي(ع)
مولاتي رقية عليها السلام
التعوّدت عالدلال ركضتها حيرة
و رقيتك يا حسين مو مال أسيرة
بجالك يبوية عشت كل عمري أميرة
بتلث اسنيني ولا مرة
فارگتـك ياروح الزهرة
الخيمة بدونك خيحرگوها
ولو اندل جيتك مستعرة
لعيونك لعيونك.. لـو أنـدل بـهـاي الـهـيـمـة
أجيلك أجيلك.. واسحگ كل جمرات الخيمة
دخيلك دخيلك.. غيرو اسمي وصرت ايتيمة
يبوية يبوية.. تقبل هيج يصير ابنتك
رقية رقية.. يحسين آنه الما فارگتك
---------------------
حـالـي بدونك عذاب بكلشي تغيّر
هسه ارگض اعالتراب وبرماح اعثر
عطشانة والرملة نار بجدامي تسعر
كلشي تغيّر من فارگتلك
عفت الخيمة وضاعت بنتك
مـا أدري وداعـك للمذبـح
چـان وعينك ما ودعتـك
عفتنه عفتنه.. والگوم اخلافك نهبونه
اسمنه اسمنه.. صرانه سبايا يصيحونه
عطشنه عطشنه.. والماي گبالي يبدونه
يبوية يبوية.. بنبرة عطشانه وصايحتك
رقية رقية .. يحسين آنه الما فارگتك
------------------------
آنه وخـواتـي حسين ياما ندهنه
وغارت علينة الخيول طشت شملنه
وعالتلة شفنة تصيح حرمة وركضنه
سترت بينه التلة وزينب
لذنه وياها عن لا نتعب
والطفلة الماصعدت ماتت
بين الغارة لو تتسلّب
العقيلة العقيلة.. عمتي التعبناها ويانه
نخيلة نحيلة.. تـلـم بالأيتام وتعبانـه
كفيلة كفيلة.. تنومنة وتبقى سهرانة
يبوية يبوية.. لوتدري شگد تعبت أختك
رقية رقية.. يحسين آنة الما فارگتك
-----------------------
دار الزمن بوية دار وايدي التحبها
التفت عليها الحبال وزجر السحبها
ومتوني عگب الدلال سوط الچهبها
يابوية جدامي محترگة
وخله السوط متوني زرگة
سطرو عيني وسلبو قرطي
من السلاب أرگض بالشهگة
نهيبة نهيبة.. وما كفاهم من سلبونه
عجيبة عجيبة.. رجعو بحبال وچتفونه
مصيبة مصيبة.. وبنوگ الهزّل ركبونه
يبوية يبوية.. حبال بأيدي وما ودعتك
رقية رقية.. يحسين آنه الما فارگتك
---------------------
درب السبي والحبال والكوفة سهله
بالشام شفت العِجاب من الشفته كله
شتم وحجار ودفوف واحنه اعله هزله
ابابه وقصره شگد عانينه
وبسوگـة شـگـد تـأذينــه
شمرو نار اعلينه واحنه
گمـنـه نشاگفهـن بعبينـه
يبابا يبابا .. من چن الليل وضج حزني
بخرابة بخرابة.. وعتمي زينب تعرف وني
وأجالي وأجالي.. طشت البي راسك موتني
يبوية يبوية.. ميتة ولا حال البي شفتك
رقية رقية.. يحسين آنة الما فارگتك
اللهمَّ عَجِلْ لِوَليّكَ الفَرَج
لو امـوت اعله حبـك افهـم الـنعمـة
أذا اكول انه خادم شنهـي المقدّمـة
أجود بنفسي يالله انحسب عالخدمة
خدَمتك.. و جبرائيل يتمنه خدمتك
محبتك.. يل بگلب النبي شگدها محبتك
چبيرة اعلي خدمتك
ما اقـدر نعمتك.. مولاي اعتذر
وصلني اعله بختك
ماي لخيمة أختك ،، و اطفيلك جمر
حسين.. ماي لخيامك وصلني
حسين.. ياقابل الحر اقبلني
------------------------
رحمة چبيرة من ادخلت تعزيتك
يباب الله ورحمته بحب ترجيتك
تنضف گلبي مذنب داخل لبيتك
أجيتك ،، سمعت بذنوب الحر واجيتك
لگيتك ،، فاتح حظن للتايب لگيتك
ترحب باليجيلك
لو كاسر دليلك ،، مديت أيد اله
والعطّش عيالك
من نادم أجالك ،، گتله ياهلا
حسين.. مثل الرياحي أقبل حزني
حسين.. ياقابل الحر أقبلني
-----------------------
صفحة جديده رايد افتح بحبك
وطيحلي الي فاتن من لطف گلبك
ثبتلي قدم صدق بوصل دربـك
اخذني ،، حرّ وتايب ادخيلك اخذني
تجرني ،، هاي الدينا عنك لا تجرني
مسلّم گلبي بيدك
واحد من عبيدك ،، قيّدني بهواك
من الدنيا استجيرك
والله مالي غيرك ،، مولاي ابحماك
حسين.. هذّب خدمتي وهذّبني
حسين.. يا قابل الحر أقبلني
------------------------
اختارتني الزچيه بالعزه اوياها
من اشيّب وانه خادم والله محلاها
و احصل خاتمة بالدمعة ارجاها
قراري ،، بأيد امك الزهرة كل قراري
اختاري ،، فضل منها اخدمت مو بختياري
وتعرف هيَّ حلمي
ياريت ألگه اسمي.. بدفتر فاطمة
وياها ألطم ضلوعي
بمجلسها ودموعي .. احصل الخاتمة
حسين.. أمنيتي مصابك يذبحني
حسين.. يا قابل الحر أقبلني
-------------------
العاشگ ما تعثره حچايه ويبالي
اليلومون بدمعتي شعرفو بحالي
اكلهم غالية چـي طـاحـت لغالـي
دمعتي..رزق مولاتي واترجه رضاها
خدمتي.. هواي وحاشة اتنفس سواها
سامع بالمدامع
تشفيلك مواجع ،، تطيّبلك جرح
و آنه اطلبها منك
حته تشافي گلبك ،، مصيوب برمح
حسين.. دمعة لجروحك نزلني
حسين.. يا قابل الحر أقبلني
اللهمَّ عَجِلْ لِوَليّكَ الفَرَج
وجهتُ وجهي للعزاء.. يافاطمة
مُذ قُمتِ في نَشرِ الرِداء.. يافاطمة
حُزناً لكِ تُبدِي السماء.. يافاطمة
وجهت گلبي لكربلا.. وحظرت عيني الهاملة
أستقبل أيام الحزن..و أستقبل اطهر قافلة
كل الحزن چفج نشر
بذاك القميص البي أثر
دم الحسين وغـربتـه
وجايب عطر ذاك النحر
حُسين آه.. حُسين آه
--------------------
قد حان فرضٌ للبُـكاء.. يافاطمة
وانضكَّ عيشٌ للهَـناء.. يافاطمة
مُذ سالَ للطُهـرِ دِماء.. يافاطمة
مذمومة ايامي لون.. بلايا الحسين تداورن
وعيوني گدامچ فشل.. لوما على مصابه طفن
ياريت صايبها العمه
عيون الي ماتبچي دمه
ومـا يُـرى ولا يُـرى
باچي اعله مهجة فاطمة
---------------------
تبكي الثُريا والثرى.. يافاطمة
لِصوتِ مـِن تـلٍ سَرى.. يافاطمة
هذا حسينٌ بالعُـرى.. يافاطمة
طاح الحسين بيا ذنب.. محروم من شرب العذب
و اخته تنادي يا اخي.. ان كنتَ حياً فأجب
ياخوية أدركها الحرم
غارة اوصلت يابو الشيم
طلعت بناتك حـاسـرة
وفوگاها محروگه الخيم
----------------------
ماذا تُعيـنُ لطمتي.. يافاطمة
يا ليتَ أفدي مُهجتي . يافاطمة
للذي دامِي المُقلةِ .. يافاطمة
وشيكفي لمصابه دمع.. البرمح راسه مرتفع
وجسمه بحوافر ينرفس ..وعيونه لأهله بهالوضع
شاف أهله فرت شاردة
والستر بالبر رايدة
طلعو غصب للهيمة
والناس جانت هادة
------------------
مِن دِنيةٍ وا عَجَبْا.. يافاطمة
تُبقِي حُسيناً مُترَبا.. يافاطمة
وزينباً تَمشـي السِبا .. يافاطمة
شلون العفاف الزينبي.. ماخوذة بدروب السبي
تُهدى الى طاغي العصر.. بت فاطمة وبت النبي
ياعين بالله تحملت
تشوف العلاوي تچتفت
يافاطمة شعندج صبر
و بنتچ على ايزيد ادخلت
اللهمَّ عَجِلْ لِوَليّكَ الفَرَج
دگيت بابك يبو الهادي الليلة
وانته الجواد المايرد ادخيلة
رگضة الشارد من جفاه لآجئلك
ويمك يمولاي الصعب تسهيلة
جاك البخيل بدمعته ..وبجودك انعم حاله
من چفك عيون الحجر ..همة ترد هـمّـالـه
أخذ الگلب لأهل الظعن.. والقافلة الرحّالـة
ادگ بابك يالجواد وگلبي من هاي أطمئن
بـابـك الما ردله طالب مثل بيبان الحسن
كون أوصل حسرتي سابگ وصول أهل الظعن
يمولاي ادخيل بابك يامحمد الجواد
----------------------
امرادي من باب المراد الهظمة
طالب جزع ماتكفي بس اللطمة
جاني محرم يالجواد ادخيـلك
ارد ابچي عيني للمصبية العظمى
من ايدك انطيني وصل.. غيرك منو يدليني
وصلني غيرة لكربله.. لحگني ظعن حسيني
يبن المهيج للحزن.. هيجلي مدمع عيني
الدنيا غابة ودمعي صيدة وحرزك بگلبي ضمان
گلبي طير يريد عشّه وشاف يم بابك الأمان
ياحنان الرضا صحنك شايل لمشهد حـنـان
---------------------
ياحنان الرضا ادخيل اعتابك
انه لمحرم اطب بـمصابـك
انته هم ظليت مرمي تلاثـة
لچن ما مـر عالجسد سلاّبك
حسيت مولاي بعطش.. بس ماطحت بالصحره
شمس السطح أهون أظن .. مو عاري فوگ الغبره
وجدك السلبو محبسه.. والخيل داست صدره
شاب وذبلانه مهجتك آه يا ذاك الشباب
توذرو بالطف عراية ورود طاحو عالتراب
مصابك يودي يضامي لأدهى واعظم مصاب
-------------------------
ياجواد الآل غيرة انطيني
بجمر خيمة عمّتك گر عيني
خلني اتيه دنيتي وما بيهـا
وبس عزاء حسين بي دليني
ماريد اضيع امروتك.. يابن الرضا آويني
ضيعني عن درب الوهم.. بس بالعزة دليني
خليني أبچي للمشت.. من دون أخو خليني
رايد أگضي العمر حسرة للمشت درب السبي
من عكب فَي ابوفاضل مشت والحادي أجنبي
شلون تدخل قصر أمية الجاية من حي طالبي
اللهمَّ عَجِلْ لِوَليّكَ الفَرَج
يا أبا عبدالله
شتلة مصوفرة بنص ريح وخضّر بيه معروفك
من حـائـك عرفت الحب وگلبي هام بحـروفك
ياعطشان وذكرك ماي امروّي اگلوب بجـروفـك
انخلق بالماي كلشي حي وحييت الماي بطفوفك
يالدرت ماي الشط بالعيون
وعشاگك بدمعة يعيشون
والعطّشك ظل بيك مفتون
يجري بسبيلك وهوَّ ممنون
أي واا حسيناً واا حسيناه
-----------------------
سـفينـة رحمتك ودت للـجنة شـكثر غـاويـن
وآنـه الغـارگ بذنبـي و اترجه تمدلي ايـديـن
يمصباح الهدى العميان شافوك بگلب مو عين
وآنـه أعمه گلـب مـولاي دليني الطريـق منيـن
حـر وكسر ذنبي جناحي
وصار أظلم اعليه صباحي
وبنظرة منك يرد صاحي
لـگلبي ألتفت مثل الرياحي
أي واا حسيناً واا حسيناه
-----------------------
يراحمني بدمعتي اعليك وخذتني لدنية أحزانك
زلال بـحـبـك اتـرويـت و أنـتـه يـآبـس لـسـانـك
يل مآويني بأحسن حال وعلى أهلك طاح صيوانك
شلون أشكر نعمتك هاي أبد ماتوفـي لأحسانـك
شكري قليل وفضلك هواي
بيش المجازة وياك مولاي
عاري بشمس وانطيتني فياي
يابس مشاعر وأسمك الماي
أي واا حسيناً واا حسيناه
------------------------
أنه ريحي نتن مو جون وخدي يوصل لخدك
عليـه أتنفس بـطيبك حته اصبح عبـد عبـدك
طلب للعافية ما جيت وجاااي محلفك بجدك
الـدنيـا تريد تغويني و أريد ابقى وقف عندك
ويّاك أريد وكلشي ماريد
ولغيرك آنه حاشة أمد أيد
موعد عزاك أحلى المواعيد
أعتگ وأرد بدمعتي جديد
أي واا حسيناً واا حسيناه
-----------------------
لو ما خدمتك يحسيـن لذة الدنيـا ما بيهـا
مـا رآيـد ثـواب وياك يكون ويـاك أگضّيهـا
تشفي دمعتي جروحك بخت بيه وأسويها
و أظل وي أمك الزهراء كل مجلس أواسيها
كل المجالس روحها تدور
اباب العزه مدمعها منثور
تلطم وجها بچفن مسطور
ويلاه على الضامي والمنحور
أي واا حسيناً واا حسيناه
هذا الشام.. تتعب من تگول الغربة يمه
هذا الشام.. اليطبله يشيّب راسه وينسه اسمه
هذا الشام.. الخله بگلب زينب الف لچمه
مرّ طارية والغربة عله اعتابه
سبع ساعات زينب وگفت ابابه
علوية ولا واحد رحم بيها
غريبه بلايا والي وبين سلابه
تصد لراس اخوها وتحجي وياه
يخويه شلون ترضه خدري ينضام
هذا الشام .. هذا الشام
--------------------
هذا الشام.. تعيش ايام غربة من تطبله
هذا الشام..تشوف السبي من نظرات اهله
هذا الشام.. تلگه بكل درب أثآر هزله
بس ضيم ومصايب جاب طارية
المحد شاف ظلها تطبله مسبية
وبذيج الخرابة صارت مصيبة
عله راس العزيز تودع ارقية
تمسح راسه بأطراف العباية
وتگله بوية شم دخان الخيام
هذا الشام .. هذا الشام
---------------------
هذا الشام.. الما خله العقيلة تسلهم براحة
هذا الشام.. الكسر ظهر العليل وزيد نياحه
هذا الشام..جرح ماكو گلب لليوم ما لآحه
ثلث مرات منه صاح ابو الباقر
گال الشام كاسر ظهري والخاطر
شفت موقف ولا ينشال من بالي
اباب القصر زينب وگفت تناطر
تناطر هلبت اخوتها يردون
ونظرات الغرب بعيونّها سهام
هذا الشام .. هذا الشام
---------------------
هذا الشام.. انواع المصايب شوف الخدّر
هذا الشام.. عيد ولآگه علوية مشت بـالبر
هذا الشام.. الخله گلب غايبنه جمر يسعر
مرسومة بخياله صور عماته
يبچن على الهزّل بين الشماته
غريب وعاش غربة أهله مهظوم
على جروح الغرايب تعله وناته
ينحب بالبراري ويذكر الصار
ملچوم ويعيش بنفس الألآم
هذا الشام .. هذا الشام
--------------------
هذا الشام.. الما نشف دموع الغايب الحمرة
هذا الشام.. والآلف السنين بگلبه هل حسرة
هذا الشام.. ثاره وياه عايش كل وكت ذكرة
كل ما سلهمت عينه ترن بأذنه
الشام الشام آه يامحنة المحنه
وماتبرد جروحه إلا يرد ثـاره
من الـ بالحجار اتلاگو بظعنه
جرح گلبه اعله عمته يطيب هيهات
لحد ما يأذن الله يشيل صمصمام
هذا الشام .. هذا الشام
اللهمَّ عَجِلْ لِوَليّكَ الفَرَج
الليلة زينب حايرة بـأيتامها
عگب عِز أخوانها و خيامها
الليلة محتارة العقيلة بكربله
لا عميد الظعن ظل لا كافله
لـوعـة ثمانين طفلـة مـدللـه
تكفلتها ام الخدر بـأحزانها
شلون خلصت ليلها المابي خيم؟
وتون كل مثكولة يمها من الحرم
ومن نظر شوف الاعادي چم سهم
الصايب اعبايتها وي نسوانها
تون ام عبدالله و اوياها تنوح
وغصة ام الأكبر اتطلّع الروح
تناوبن كل الثكالة اعله الجروح
و رملة تنعى مصابها بجسامها
الليلة محتارة بحرمها والعليل
وخذت دور الكافلة بعد الكفيل
من ركاض العصر ماظل الها حيل
وصعدة التل بيها شبچت هامها
بطولها اول مرة تتلاگة الشموس
من غريبة شلون صلت من جلوس
من حرم آل الستر زهگت نفوس
بـچلمة الـ(فرّن) المو بأحلامها
عيونها المتعوبة محتارة شتصير
للحسين وللحراسة المن تحير
وطرف صوب المشرعة لازم تدير
تحن للعباس تمشي اجدامها
أمّنت ايتامها بالله ومـشـت
بـ ليل هندس وبأبنها تعثرت
عافته وصوب الحسين توجهت
وظيم ملگة الخوة يمه ظامها
وبچدم محروگ اجت يم للحنين
واگفة يمه وتصيح ابن امي وين
وعلى عطر الخوّة عرفته الحسين
وما تعرفه كون محد لآمها
شمّته وبظيمها اغدت نايحة
شلون ليلـة للعقيلـة جارحـة
تجي من مصرع لمصرع رايحة
وبـاجـر بهزلة تـودع ازلامها
باجر اتودعهم بحبل اليسـر
دارت وحادي الظعن صار الشمر
من خرابة لسوگ وتروح لقصر
والغريبة تظل غريبة بشامها
اللهمَّ عَجِلْ لِوَليّكَ الفَرَج
آه ويلاه.. شلون اعوفك عالترب عريان
آه ويلاه.. لا چفن لاغسل يا عطشان
آه ويلاه.. عگب عشرتنه وداعك حآن
شلون نايم عالترب وبلا غطه
وانه بلا خيم وانه بلاخيم..
خوية فرينه مثل طير الگطه
وگليبي انلچم وگليبي انلچم..
لو احظه بشوفتك ماني امفرّطه
بس تاه الجدم بس تاه الجدم..
آه وا ويلاه .. خوية ياحسين .. خوية ياحسين
-------------------------
آه ويلاه.. زينب آنه ام الخدر يا ناس
آه ويلاه.. الما مشيت بلا علم عباس
آه ويلاه.. هسه طولي صار بين ارجاس
اركض واعثر بظل المستحة
بركاض الخجل بركاض الخجل..
الخيم محروگة واخوتي مذبحة
وماعندي أهل ماعندي أهل ..
اصعد التلة واشوف النايحة
بحسين شحصل بحسين شحصل
آه وا ويلاه .. خوية ياحسين .. خوية ياحسين
-------------------------
آه ويلاه.. جبت كل عمري بگلب ملچوم
آه ويلاه.. ريت وما واصلة لحال اليوم
آه ويلاه.. شفت ابن امي بلايا هدوم
گلت ماطفي الخيم وافزع أله
هذا آخر هلي هذا آخر هلي..
ضعت بين الخيل وآنه مدلله
وضعت الولي ضيعت الولي..
شسوت بحالي مصيبة كربله
وينك ياعلي وينك ياعلي..
آه وا ويلاه .. خوية ياحسين .. خوية ياحسين
-------------------------
آه ويلاه.. عفه عندي شلون ظلت روح
آه ويلاه.. والحسين اعله الترب مذبوح
آه ويلاه.. مو جرح واحد بجسمه جروح
صحت ياجدي حسيناً بالعراء
واا محمداه واا محمداه..
منه مسلوبة العمامة والرداء
ومخضوب بدمااه مخضوب بدماه..
جالساً شمرٌ على صدر الهدى
واحتز قفااه واحتز قفاااه..
آه وا ويلاه .. خوية ياحسين .. خوية ياحسين
-------------------------
آه ويلاه.. مثل هيجي گلبي مامحتار
آه ويلاه.. آنه والسجاد حرنه بنار
آه ويلاه.. ضعنه بالهيمة حرم و زغار
صحت ياعباس يالگلت بفعل
گومي بشاربي گومي بشاربي..
شوفني بدرب الشماته والهزل
والحادي اجنبي والحادي اجنبي
شيّبالي الراس ومغير الشكل
ياجرح السبي ياجرح السبي..
آه وا ويلاه .. خوية ياحسين .. خوية ياحسين
اللهمَّ عَجِلْ لِوَليّكَ الفَرَج
لا ونيت يم راسـة ولا سبّلـتـه بأيديـه
لاعنه الشمس غطيت ولا شربته أميّه
لاني مداوية جروحه وأرد الخيل مابيه
طاح وشفته من طاح.. وكثرة بيـه الـجـراح
ركضتله وعرضت الخيل.. وعني بـعـدته و راح
اوليدي ..طاح من الضمة
اوليدي.. ونده يا فاطمة
اوليدي.. وجها للسمة وغارت عيونه الشاحبّة
طايح.. خده اعله الترب
طايح.. انحرم من الشرب
طايح.. ويدگ اعله الارض عينه لخيامه الآهبة
----------------------
الطملك ظلع مهشوم جيت من الگبر يمك
والطملك چفن مسطور شافك غارگ بدمك
ونك جابني من بعيد آنه أمك يبعد أمك
أحچي شرايد تگول.. يمن تسوه الدللول
سمعتك گلت عطشان .. ويمك نهر معقول ؟
تطعش.. وجره يمك نهـر
تعطش.. و أهو لأمك مهر
تعطش..و انفت الچبد و امست شفاهك ذابلة
گطرة .. بـس منه ردت
گطرة.. لچن ما حصلت
گطرة .. تعيّش طفلك ومات بسهم من حرملة
------------------------
عسانـي لاشفـت يومك والمـا ردتـه گـدامـي
قطعة گلبي بالتربان جسمه امسلّب وضامي
متعوبة وخذاني ارجيف من جدمي لحد هامي
امك غير أهم بيك .. تمنيت اشبگ ايديك
لاني ماسحة الدم.. ولا مديت رجليك
أمك.. ما صارت قبل
أمك.. بس آنه أنثكل
أمك.. اشوفك عالثرة بس درت اشيلك مگدرت
جسمك.. ماشفته عدل
جسمك.. من گد النبل
جسمك.. ردت اشتمه بس من السهام اتحيرت
-----------------------
مو گدرك تظل بالگاع وتراب الفله فرشك
لا غـسلوك لا شيعوك لا ونيـت يم نعشـك
ياميت عطش بالماي كون الدافنك رشك
وانه تانيت ايدفنون.. وارشك ماي العيون
بگبرك كون ترتاح .. من الخيل يا كون
ضامي..وتنزف بالشمس
ضامي.. وهم شابع رفس
ضامي.. الكبش ما ينذبح لو ما يقدموله الشرب
وانته.. سالت مهجتك
وانته.. وتأخرت دفنتك
وانته.. برسول الله احلفت عطشان ولسانك خشب
اللهمَّ عَجِلْ لِوَليّكَ الفَرَج
هذا آخر وداع وياك يحسين
جيتك حافية من الصواوين
عگبت ابني بطريقي گاصده اعليك
مو هينة عليّ عشرة الخمسيـن
كون السمه مطبوگه عالگاع
ولا جيتك آنه بهذا الـوداع
متغير وحگي اشتبه بيـك
بس بيه عطرك خوية ماضاع
مابين هوّه وموش هوّه
وصلتك على ريحة الخوة
هالليلة كـون تطول ويّاك
جيف الصبح مآخوذة گوة
يبن امي الله وياك يحسين
-----------------------
مو هيچي الوداع اوياك ردته
شمحلاها الأخو من يشبگ أخته
وما خلني السهام أشبگ اعليك
هيج بگاع اعوفك وامشي سكته
لازم اعوفك و ارتحل كون
هالهيمة تدري مترّسة عيون
مجبورة اودعك وارجع بساع
خوفي على ايتامك يطلعون
لو بيدي اظل وياك ماروح
ولا اعوفك لحد طلعة الروح
بس حيرتي بايتامك شلون
خافن يجوني هنا يمذبوح
-----------------------
ماريد اشتكي واحجيلك الصار
من ضاعن بناتك والخيم نـار
بس گلبي احترك من شفتك بحال
طحت چم مرة واعله التلة تندار
من شفت مالك حيل وتگوم
گلت انه اجيلك لو اطر گوم
بس ماتعبت من الرگض حيل
تعبانه چي شفتك بلا هدوم
يبن امي ليش مسلّبينك
والدم جمد خوية اعله عينك
من أشرتلي ماشفت زين
مسلوب خنصر من يمينك
-----------------------
لا تحجيلي اعوفك باجر شلون
من الليلة يارب تعمه العيون
متهنية بهزل وانته على الگاع
ما متعودة هيج تشوفك ام عون
ياصبر عندي وهيج اجزيك
ايدي بحبل ومگطّعه ايديك
بس بالعيون اوداعك يصير
وتنزف على التربان اخليك
تدري يخوية شلون حدّاي
ياخذني باجر موش بهدّاي
وبحجايتي مايهم يحسين
عگب تره اختك مالها الرآي
اللهمَّ عَجِلْ لِوَليّكَ الفَرَج
مولاتي الرباب عليها السلام
ليش يبني تموت سكته ؟
شگد تمنيت أصفن بريعان عمرك
عيوني ماشبعن بخدك
هاك عمري وگول يمه .. سكتت المدلول هظمه
مناغه اريد بمهدك اتموّت سكتّه
لو متت احسبني ميته
خالي مهدك يا وحشته
توه طولك وصل حظني
شني بست اشهر ذبحته
الظنه تفرفح بيه أمه لو شفافه تحركن
يابسة شفافك الحلوه ومايدر بيه اللبن
ميته كون ولا اشوفك ضامي يوليدي عسن
عمرك بعمر الظعن.. والأيام تداورن !!
ظعني مذبوح بسبي .. وخذك من ايدي الزمن
وعمري ويه موتك غربته
ليش يبني تموت سكته
ليش ياروح الرباب.. گلبي ذاب
نده تمنيت اعله خدك مو تراب
ياعطش مآخذ سنينك .. ؟
زغير ويه العطش وينك
چنت اتمنه اشوفك شاب تمشي
وعلى چتافك كلت تالي تشيل نعشي
وهسه اتمنالك الگطرة يهرشي
مات حلمي وفاض رمشي
وماي عيني ما شربته
ليش يبني تموت سكته
انته حلمك اكبر بصف أبو الأكبر
وابد مامحتاج ماي
ردت ويه حسين تتوسد بهيمة
وما تدور عالفياي
انته يا أزغر مواسي جروح عُودك
وگلته لضمايك ضماي
بوكت شحت ناصره نحرك شهرته
سيف للحق بيمنته .. صرت أنته
وچان سهم الموت جاي
وللسمه دمك نذرته
ليش يبني تموت سكته
عني راد حسين ايضمك
وتدري آنه شلون اشمك .. يبعد أمك
بعده عطرك بيه ومن خيامي ينشم
بس تغيّر چنه عطرك.. !؟
هسه ريحة موت نحرك..
كلشي واضح ماهو مبهم
ذبح من جوه عباة حسين اشتم
لو عدل چاا ليش وجه حسين غيّم
گلشي بيّن على گماطك ما اتوهم
مو حلو عالأبيض الدم
يمه وي گماطك اگليبي گطعته
ليش يبني تموت سكته
اللهمَّ عَجِلْ لِوَليّكَ الفَرَج
خوية شكبرة كسري
گـوم أعدلي ظهري
عگبك يابو فاضل.. أمشي وظهري مايل
يالماخذلـي عمري.. گـوم اعدلي ظهري
----------------
أشد من طيحتك عبـاس ما صارت قبل بيه
مو بس حاني ظهر اعليك حته امربّط ايديه
شيخـلـص كربلـه بليّـاك بعد متعيـن رجليـه
شگل لأم عون اذا رديت واضح موتك اعليه
لو ما احچي حسرة
ظهري ايگلها كسرة
لو ما اگلها طايح .. كلشي بعيني واضح
وأختي بنظرة تدري .. گوم اعدلي ظهري
------------------
يا سگاي أهـلـي شلون شد بيه العطش حيلة
أحزامي وساگي المخيم وكافل حيلي والعيلة
كلهن طاحن اعله الگاع يخوية وطيحتك ميلة
وعـگبـك سعفة بين الريح ظهري من يتچيلـة
كلشي غربة دونك
وداعة دم عيونك
يا كبش الكتيبة .. هاي أقسى مصيبة
وهذا حدّه صبري.. گوم أعدلي ظهري
-------------------
يا خوية العطـش والنار وغـربـة كربلـة كلـفـة
ذنـي بـكفّـة ياعـبـاس وحـيـرة طيحتـك كـفّـة
ترضة بمشيتي يضحكون خصمي يا ألف وسفة
الشارد مـن يمنتك حيف صـار بـحـالي يتشفّـة
يشمت هسه بيه
الـراويتـه المنيـه
كلفـة الغاضرية.. من رحت من أدية
السيف متاني نحري .. گوم اعدلي ظهري
----------------------
امناشـغ للخيم رديـت وبـگلبي حـزن ديـرة
رحت لـزينب بيا حال أعثر وانهض بحيرة
يزينب لـو تشوفينه الگمر ضـاعـت تعابيـرة
و رآية ظعنچ اعله الگاع وعمامـة أبو الغيرة
طـاح الكله شيمة
وباجر ماكو خيمة
الجابج بالضعينه .. مگطوعه ادينه
للغربة تحظري .. گوم اعدلي ظهري
اللهمَّ عَجِلْ لِوَليّكَ الفَرَج
مولاي مسلم أبن عقيل (ع)
أبعث سلامي يحسين وردتك
تسمعني ضامي اتغيّر وجهّتك
گـوم الغدرنـي متاني ذبحتـك.. حُسين
مرسالي جالك يـشرح غربـتـي
خوفي اعله ظعنك كتبت دمعتي
ابالي رقية تضيـع وي بنتـي.. حُسين
يبـن العم غربتك صارت گبالي
من جروني بحبالي
ياخوفي اعله حالك مو مثل حالي
بحوافر تنسحب تالي ،،
من القصر صوتي علة ولرجعتك بس صدح
يحسين لآحت غربتك بالكوفة كلشي أتضح
من سمعو بظعنك طلع ماظل شمر مـا فـرح
الكوفة هاي من تخذلك مو عجيب
يـا غـريـب ينعـاك مـسّلـم غـريـب
-----------------
الدنيا اعله ظعنك ذبت حملها
وغُربـت عليه الكوفة بأهـلهـا
ومحد يريدك تـوصـل نزِلـهـا.. حُسين
الكتبولك أقبل سلابة أصلهم
حچي الصوارم مخفي بگلبهم
غدر اليجيهم هاي بشيمهم .. حُسين
يريت بذبحتي باجر يعوفونك
وضامي مايخلونك
كل أهلي وبنيني فدوه لعيونك
ولا تتسلب ظعونك ،،
ياريت وبموتـي أنگضت محد يسدلـك درب
خايـف يسلبون الخدر من تهوى فوگ الترب
هاي الوحوش الجايّتك ماعدها رحمة بگلب
بالخيام اتسلّب وتعوفك سليب
يا غريـب ينعاك مـسّلـم غـريـب
--------------------
باجر يخوفي توگف وگفتي
ماظن تروّه السيف بـرگبتـي
فدوه لظعونك أهلي ومهجتي.. حُسين
من حاصروني ضامي صحتلك
تمنيت اجليلك فـزعـة لـغربتك
دونك احامي من تقل نصرتك.. حُسين
تمنيت اوصل الشط وي ابو فاضل
وبيدي جربتي شايل
لو احرس خيم مـن تطلع تـقـاتـل
ولا يدنه لهلك عاذل ،،
يا ريت اعدلك ظهر لـو طـاح راعـي العلم
وتتهنّـة بالماي وترد تروي العطاشة بخيم
ومحد يكلك هُتِيكت يـحسين كـل الحـرم
ومـا تحيّـر والماي لهلك تجـيـب
يا غـريـب ينعاك مـسّلـم غـريـب
--------------------
مو حسرتي اُقتل والله بدونك
بلا ناصر انته تحير بظعونك
تصيح انه ضامي ومايسمعونك.. حُسين
آه اعله طولك ماتمشي باجر
تهد وخيامك ماعدها ناصر
وحـدك تحير ابين العساكـر .. حُسين
و اكلف حيرتك لو طاحت خيامك
وانته اعله الترب هامك
وتفر خوف وذعر ياويلي ايتامك
وتعثـر سكنة گـدامـك
هاية أشد حيرة بشهم من تطلع اهله الظهر
وهوّه صريع اعله الترب ويشوف سلب الخدر
شنهو أقسى موقف بالأخو من النار أخته تفر
ياحسين تمنيت ادركك خضيب
يا غـريـب ينعاك مـسّلـم غـريـب
اللهمَّ عَجِلْ لِوَليّكَ الفَرَج
أمـامِ الـجـنِ والأنـسِ الـمُـعـظّـم
وحدك يا علي الفاروق الأعـظـم
شمس فوگ الخلق ماظمك الغيم
نقره أسمك ضوه بالوكت الأظلم
يمن دايرلك الحق .. علي
ياهو المنك أصدق .. علي
عبد و اعليه أشفق .. علي
ومنه شلـون اُعتق.. علي
علي علي علي علي
---------------------
اللـه يـريـدك الـصـديـق الأكـبـر
موش فلان وفلان أنـته حـيدر
شگد رادو يسرقون الأجن بيك
ولا وصلـو لِـ شِسْـعَ نَعْـلِ قـنـبـر
قالع باب خيبر.. علي
والصديق الأكبر.. علي
أمام الكون حيدر.. علي
وحگي بيك أفخر.. علي
---------------------
شسولف ياعلـي والنبي قـائـل
لاتُحصى وتُعـد بيـك الفضائـل
يالـذكـرك عبـادة تطهـر الـروح
ويا ديـن البدونك صـار كامـل
للدين أنته قلبه .. علي
بصفات الله تجلّه .. علي
الصعبة يمه سهله.. علي
دخليك يبو الحمله.. علي
----------------------
علي من العلي اشتقت خصالة
وبـاء البـسـمـلـة اوضـح دلالـة
صـار ابيـت الله وهـاي أشـارة
باب الله علي وحـبل لـوصـالة
باب الباري بابة .. علي
والقاضي بحسابة.. علي
ومحل الأستجابة.. علي
نذرت عمري بثوابة.. علي
------------------------
بـلّـغ يـامـحـمـد هل الرسالـة
والدين بـعلي يصـيـر اكتمالـة
ألا من كنت مولاه عهد معهود
ولـيُ الله بـإذن رب الجـلالـة
بس أنته الخليفة.. علي
شعلينة بالسقيفـة.. علي
منو لآفتى وسيفة.. علي
بـالگلوب النظيفـة.. علي
-----------------------
الحمدلله جعلني أعشـگ غـديـره
وأميري بس علي وماعندي غيره
بـاجـر عالـسـراط ايـعـبّـر النـاس
الماله حُــب علي يعرف مصيـره
الحمدلله غـديـري.. علي
وبـايـعـتـه أمـيـري.. علي
أنه شيخي وچبيري.. علي
وأله يرجع مصيري.. علي
عيد الله الأكبر
على حب علي (ع)
مولاتي أم البنين عليها السلام
ياگلبي اتعوّد شوغاتك
والطم وأبچي بكل دگاتك
تدري الرايح دربه المذبح
كون يذبحنّك حسراتك
ياگلبي شب بعده بنار
حيّر وحبيبك محتار
تدري الطلع من الدار .. مابي أمل رجعة
شترجة من بعد حسين
بالدنيا لو اعيش سنين
صار انتظاره بأمرين.. بالدمعة والدمعة
شترجة من دنيا بعد مابيها الحسين
راح وخذه منها الضوه وظل دمعة للعين
ياگلبي شبّ واحترگ حرگة صواوين
حرَّ قلبي على الحسين.. وعلى عيال الحسين
----------------------
ياگلبي تعلّم من جرحه
المطرود من دياره بصبحه
و متغرّب مـن ديرة جده
يكتم حزنه ودمعه يفضحه
لتشيل حزنك للشال
وعايف عليلة بيا حال
بدمعة ودمعها الهمال .. حسرة بأثر حسرة
يهمس گبر جده بليـل
كلشي غده بيه يعيل
وباجر على صدري الخيل .. ضمني يبو الزهرة
ياگلبي عاشر كل جرح للغـرّب وشـال
گاطع درب موت بظعن بس الدرب طال
ويدري نهاية ضيعته بالعطش و رمال
حرَّ قلبي على الحسين.. وعلى عيال الحسين
----------------------
ما دامك مـحروم بدربه
خلي تجيسك منه الغربه
ياگلبي وشتواسي جروحه
المثلـث ماخذ نص گلبه
ياگلبي كل حيلك نوح
نـوح لجروح المذبوح
وبكل جرح شوغة روح.. واسي أمه بالعبره
ألف وتسمعية شلـون
ياجـرح منه يشدون
وفوگ الجروح يدوسون .. الحوافر بصدره
واسي جروحه وما تصل ذرة لجروحه
الراح بظعن خيرة هلة مو خوش روحه
من يُستباح اعله الترب واخته تنوحه
حرَّ قلبي على الحسين.. وعلى عيال الحسين
---------------------
ياگلبي واسي الشافته
فوگ الـتـراب ونـادتـه
أخته وبأشد حال تريده
والخيل من عدها أخذته
عيش بمكان اخته وشوف
ياجرح من عنده تروف
ملهوفـه رادت ملهـوف.. متانيها وتنطره
رادتـه يـفـزع للـنـار
و رايد يجيها ومحتار
بس من اجت خيل شصار.. بعدته عن خدره
آخر أمان بنظرته جانت على اخته
فـوگ الوسـادة وللخيم عينه لگتـه
وما طولت لي بالنظر والخيل أجته
حرَّ قلبي على الحسين.. وعلى عيال الحسين
اللهمَّ عَجِلْ لِوَليّكَ الفَرَج
مابين مولاتي العليلة
ومولاي الباقر عليهم السلام
سولفلي ياعمة اشّجرة بظهرية العـاشـر
وشرجّع ام عون بشكل ثاني وگلب حاير
سولفلي ياعمة
شصاير بأبو اليمة
سولفلي يالباقر
--------------------
اليتاني أهلة أسئلة بگليبه ملتمة
يستبشـر اذا رجعو ويذب هـمـة
ينعمة عمري عيني لحالكم تعمـة
رجعتو مو مثل ما رحتو ياعـمـة
ياعمة حال الظعن يهظم حالي
شو راح متروس ورجعلي خالي
چم غالي مارد بي إلي چم غالي
شو هالظعن غيره الأجة متغيرة أحوالة
رد بهزل تـالـي الـمشـة بـرجـال وخيّـالـة
و مارجعت اللمـة
شصاير بأبو اليمة
سولفلي يالباقر
----------------------
گمر ذاك الظعن چا وين اليسوگة
وكلشي مـو اله البي حته مو نوگة
وبـچي بعيونكم ما چنها مطبوگة
مشيكم مو عدل والعبي محروگة
حته خواتي العمري كله وياهن
اتغيرت معانيهن شنو الخلاهن؟
گوة اعرفتهن مو عدل ممشاهن
حسبالي عمتي ما أجت لو ما مدليني
أم خوّة جاية بلا أخو وتصيح عينيني
جاية بألف لچمة
شصاير بأبو اليمة
سولفلي يالباقر
------------------------
شسولف يالعليلة وابدي عمة منين
اذا عندج گلب ثكلة والي تسمعين
طلع ويه الحوافر عمة گلب حسين
ودفنوه بالحصيرة وراسة ظل بعدين
يـاعمـة لو شفتي بيوم الـعاشـر
من وحدة ظل واگف يدور ناصر
بين العطش والخيم كلش حاير
محتار ما بين العطش والخيم واطفالة
عطشان مسكور الظهر والحومة چتالـة
والمن يبث همّة
شصاير بأبو اليمة
سولفلي يالباقر
-------------------------
تهـظـم وگفته وماله أخـو يفـزع
وكل طايح يشيله وللخيم يـرجـع
ويكتم عالوجع يمه أخته والمدمع
وتالي طگ ضلوعه بالخيم نسمـع
كلمن يطيح حسين چان يحمله
بـس هوَّ طـاح وما لگه اليفزعلـه
من الخيل ماكو أحد گدر يوصلّه
أم عون رگضتله لچن رَجعتها چم غارة
وبالرگضة چانت بالحرم والنار محتارة
وماصلت لجسمة
شصاير بأبو اليمة
سولفلي يالباقر
--------------------------
شسولفلچ يعمة والگلـب مـحتام
من الخيل غارت واحرگو الخيام
انه وزينب وابوي انجمّع الايـتام
و طفل الما نلحگه ينسحگ جدام
ياعمة صبح الحادي سدّر بينه
بالهزل رحنه امچتفات ايدينه
وعريان فوگ الترب عفنه اولينه
هذا الجرة بطف كربلا بس الگلب منضام
من طبة السوگ الظهر بالشام آه يالشـام
بگلبي رمة سهمة
شصاير بأبو اليمة
سولفلي يالباقر
اللهمَّ عَجِلْ لِوَليّكَ الفَرَج
حبيبي ياحسين.. حبيبي ياحسين
------------------
ياعشگ الطفولة وصار اسمك يسري وي دمي
توني فاطن الـدنيا وفهمـت الـمو الـك وهمـي
شفت خدامك بهيبة وصارت خـدمتك حـلمي
ابـوي وامـي ربونـي لچن أنـتَ بـأبـي و امـي
دلوني أهلي بأحسن غاية
أحـظـرلك مـولاي قـرايـة
من زغري وأسمك صادفني
وصار بعمري أحلى حچاية
وبده بيه الحنين .. حبيبي ياحسين
-------------------
عـشگتك و آنه مـا ادري ويـن تصير تاليهـا
والمن گادنـي الزنجيل و وين ايدي يوديها
بفطاريتي رزق حبك اثاري انته عشت بيها
بسبيل محبتك نـاذر نظر عينـي وسواجيها
بدموع الحب يتراوالي
بـس المقتـل مـرّ ابالـي
وحبيتك مولاي مصيبة
كـون تموتني اول تالـي
و اموت بكلمتين.. حبيبي ياحسين
-----------------
عليه ماكـو أحن منك من أهلي أحـن حسيـن
اعوفنك و اروح بعيد وانته تگلـي رايـح ويـن
وأجيلك من ضياعي دخيل يم بابك أهلّ العين
وتدريهن ذنوبي هـواي وتتقبلنـي صـار سنيـن
تدري ثگال ذنوب العندي
وصار سنين تعدي تعدي
من أغفل تفتحلي أحظانك
وارجعلك ودموعي بخدي
شفيع المذنبين .. حبيبي ياحسين
-------------------
يالمشرفني بالخدمة دخيلك لاتهـد گلـبـي
بسفينة رحمتك لازم لا يآخذني شط ذنبي
ألزمني اعله گد عفوك لاموش أعله گد حبي
منو الغيرك يهذبني و يوصلني لـدرب ربـي
ارجعلك وأهوائي تعثّـر
بس جايك هسه ومتغير
يالعفوك يجرح تقصيري
من تمدلي ايد بلا خنصر
شكثر مديت أدين.. حبيبي ياحسين
----------------------
وصّلني لمشيبي وياك واسحب توه بادي وياك
و أذكـر اول قـريـات نـزلـت دمـعــتـي لبلـواك
شحلات سنينها الخدمة بين أبچيلك وأقـراك
يرحمة الله أرحم حال عبدك ماله بس رجواك
دخيلك يامولاي اقبلنـي
دمعة اعله جروحك نزلني
بحسرة طفلة ماتت يمك
من صاحت يحسين أدكني
أبي يانورَ عَيِن.. حبيبي ياحسين
اللهمَّ عَجِلْ لِوَليّكَ الفَرَج
يبن الرضا ليومك تصب عيني
وحزني لمصابك حط نياشيني
ياريـت الك حسراتي تكتلنـي
وفدوة لشبابك يرحن سنيني
بـيـك الـرضـا زارع أمـل
حسـرة لشبابك ما كـمـل
بريعان عمرك حل الاجـل
أعلن لك بروحي حداد
واا ويلاه علـى الـجـواد
--------------------
لبـغـداد هـم جـابـتـك الـغـربـة
ومن المدينة الهادي حس گلبة
مسموم ومحبوس بوسط دارك
وتزحف لأجل شم الهوى صعبة
من ذاك سم ام الفضل
اصفر لونك وزاد الحمل
بالغربة موتك مو سهل
وكل اهلك اعليك ابعاد
واا ويلاه علـى الـجـواد
--------------------
همَّ طحت ضامي وجنت صايم
ويلي وبقيت اعله السطح نايـم
ما ادري ليـش الـمـاي عـاداكـم
والـكـوثـر الكم يابـنـي هـاشـم
بنفسك تجود من العطش
فت چبدك وحيل انهرش
بس تالي جابولك نعـش
ولحسين ما صح نشّاد
واا ويلاه علـى الـجـواد
--------------------
يل نومتك بالگاع مو سهلـه
بس الحمام اعليك حـط ظله
چاا وين ظلك عن ابن فاطم
ناح الحمام بحسرة من گتله
حن الحمام لطيحتك
بس انته كل مصيبتك
لحسين جانت عبرتك
امن الفي بعد همّك زاد
واا ويلاه علـى الـجـواد
--------------------
بمصيبة الزهرة شغلت فكرك
وتتوعـد لقاتلـهـا مـن زغـرك
يـوم الزچية بگلبك شـسـوه
ومتاني يوم البي يحل ثأرك
بگلبك بقـت كسرة
لـثـار امـك الـزهـرة
من الحجة منتظـرة
وقـاتـلـهـا تـذّرّي رمـاد
واا ويلاه علـى الـجـواد
اللهمَّ عَجِلْ لِوَليّكَ الفَرَج
رد محرم واحنه وي فاطمة خطينة عهد
أبـد ما ننسه مصايـب كـربـلا لحـد الأبـد
عهد فاطمة والله
ولا ننسه حسيناه.. ولا ننسه حسيناه
---------------
شيعة بدمنه عاشوراء مـن الذر عهـد منـطيـن
يا ام حسين لا والله حاشة بيوم ننسه حسين
نحـظـر بالعزة نواسيج دام انتي اله تحظريـن
ونطلب بالدمع مرضاج والله يرضه من ترضين
جار بينه الزمن جوره وابد ماعفنه العزاء
تگطعينه ودم نطينه حته نوصـل كربلاء
العزة بالدم فديناه
ولا ننسه حسيناه.. ولا ننسه حسيناه
-----------------
الحمد لله وصل عاشور واحنه لخدمتج جينه
ونضل انخدمج بكل حال ما دام النفس بينـه
الـدنـيـا مـن تطشـرنـه بـحُسينـيـتـج تلمـينـه
نعجـر عـن شكر فضلـج بعزائج مـن قبلتيـنـه
الشكر يامولاتي جبتينه بعزة حسين الذبيح
ذنوبنه بالدمعة الاولى نحس يازهراء تطيح
الدمع حطة لگيناه
ولا ننسه حسيناه.. ولا ننسه حسيناه
------------------
يلمـا بطليتي انحيب نضـل ويـاج هـم ننـحـب
على المن الگفه مذبوح وشيبه بالدمه اتخضّب
وطاح امن المهر للگاع وجسمه لخيلهم ملعب
وهدمه وخنصره سلبوه وشاهد خدره امسلّب
دموعنه ماتسوه دمعه من چفن عينج أله
شـمـا بچينه شما لطمنـه مقصرين لكربـلا
حچه دمع البچيناه
ولا ننسه حسيناه.. ولا ننسه حسيناه
--------------------
نضل كل عام يازهراء بنفس الحرگة تلگينه
على مصاب الغريب حسين ماتگطع نعاوينه
بهـذا الـحـال مولاتـي ونگلـج عينـج اعلينـه
دمعة بدمعة نتوسـل يعجّـل نـور مهديـنـه
ندعي الله يعجلّنه نور وجه ابن الحسن
أمنية نحظرله مرّة عزة يقيمه بالصحن
ونضچ بالدمعة والآه
ولا ننسه حسيناه.. ولا ننسه حسيناه
اللهمَّ عَجِلْ لِوَليّكَ الفَرَج