4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
ســـڵاوێڪی گەرم و بە تین پێشڪەش بە هاوڕێیانی هێــژا.
خۆشەویستان ڕۆژے هەینیتان جوان،
ڪاتەڪانتان شادتر لە هەمیشە و شیرینتر لە هەنگوین.
هیوادارم ئەمڕۆتان پڕ لە شادمانی
و بە ڕەنگ و بۆنی ئەوین و یەڪڕەنگی و یەڪگرتووے بڕازێتەوە.
@hoday_sher
🌿💫
خۆشەویستم
بیرکردن نانووسرێتەوە
وەک فرمێسک ناسڕێتەوە
وەک ڕێگا نابڕێتەوە
بیرکردنت لە سەرمدا
ھەر وەکوو ھەستی بیستنە
دوا ترۆپکی خۆشویستنە
وەکوو ھەستی تام کردنە
تەواو نابێ و تا مردنە
لەبیرکردنت ئەستەمە
بیرکردنت چێژ و خەمە
ڕوونی و تەمە
گەوھەرێکە و لەم دنیایە
ھەر من ھەمە
بیرکردنت نانووسرێت
بەڵام ئەبێ بە شێعری جوان
چرای دڵمی پێ ھەڵئەکەم
بە یادی تۆ نیوە شەوان
بیرکردن نانووسرێتەوە
دەنا چی دیواری شار بوو
ھەموو ڕۆژێ ئەوینی تۆ و
شێعری منی لەسەر دیار بوو
"ڕەنج سەنگاوی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
وەرەوە.. بە بیابانی ڕۆحما تێپەڕە
با سەوز بێ..
چ جەنگەڵێکی تاریکە و..
تیایدا ون بووم..
کوانێ چرای چاوەکانت؟
لەو ڕۆژەوەی تۆ لە ئاوەدانیی دڵم دەرچوویت
من بوومەتە خەراباتێک
ملیۆنەها گەڵای زەردیش
لە بەر پێما کەوتوون
وەرە ئەی هوزاری بەهەشتی..
وەک ئەوسا لە ناخمدا بچریکێنە
با گوڵ، گەڵا.. چرۆ دەرکەم
دەخیلتم.. ئەی مەسیحی موحیبەتی من
دە هاوارێ.. موعجیزەی تۆ نەبێ
لەنێو گۆڕی هەزار پێ قووڵ..
ئاخۆ کێ بێ..
من دەربێنێ؟
"شێرزاد حەسەن"
@hoday_sher
🌿💫
مامۆستا "محەممەد ماملێ"
شێعری مامۆستا وەفایی
غەمزەدەی خۆتم نیشانەی تیر موژگانم مەکە....
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
وەره ئەمشەو وەكوو هەرشەو
وەره ساقی دڵم خوێنه!
هەتاكوو دێته چاوم خەو
حەرامە شـەربەتان بێـنه!
دڵم زووخاوی لێ دەڕژێ
دەسا هەسته بكه مـەسـتم
شـەرابی كۆن له جامی نوێ
بەخوڕ تێكه، بده دەســتم
مامۆستا "شەریف"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
هەرچەند من و تۆ ئاوێتەین
وەک خاک و خۆڵی یەک زەوی
بەڵام چ بکەم!
تاوێک نییە،
نیشتمانم وەکوو ڕووبار
بە سەرماندا ڕانەبوورێ و
لەتمان نەکا وەک دوو کەنار...
"پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
دەردی ئێمە نەزانینە؟
ئاخرو ئۆخری مانگی گەلاوێژ، من و هاوڕێیەک لە کوێستان شەومان بەسەردا هات.
ئەو ڕۆژە، چەک لەشان، شوێنی نچیرێکمان هەڵگرتبوو. ئێوارە بە هاوڕێکەم گوت: بێخەم بە، لەو دیوی ئەو ملە و سەریاڵە دێهاتێک هەیە. خانەخوێیەک شک دەبەم.
بۆ شەو بووین بە میوانیان. بەپێی نەریتی لادێ زۆر ڕێزیان نواند. لەسەر داخوازی من بۆ خەوتن لە سەربان جێگەوبانمان بۆ ڕاخرا. هەروا کە ڕاکشابووم و چاوم لە ئەستێران بڕیبوو، وتم هاوڕێ، ساڵەهای ساڵە من ئەم بنەماڵە دەناسم. ژنی ئەم ماڵە ئەگەر کاوێژی بکردبا گۆشتی بۆ خواردن حەڵاڵ بوو. خۆ هەر چاوی بە شار نەکەوتووە. هەموو ژیانی لە پەنای ئەو تەنوور و کوانووەدا تێپەڕاندووە. تەنیا شەوان دەچێتە بەر دەرکە و لای ژنانی دراوسێ دادەنیشێت. هاوڕێکەم گوتی ئەو ژیانە هی سەردەمی ئەشکەوتنشینانە نەک سەردەمی خوێندەواران! بەپێی یاسایەکی نەنووسراوی دواکەوتووانە، دەجووڵێتەوە. مرۆڤ نابێت وەکوو ڕەقە و کیسەڵ بچێتە نێو قاپیلکەوە (قاپوورە، قاوغ، لاک).
وتم براکەم، زۆرێک لە خەڵک خوێندەوارن و لە شاریش دەژین بەڵام قاپووڕەیان زۆر زۆر لە هی کیسەڵ ڕەقترە. سەردەمانێک من لە شارۆچکەیەک مامۆستای قوتابخانە بووم. دەوڵەت کۆمەڵێک قوتابخانەی سەرەتایی و ناوەندی بۆ کوڕان و کچانی ئەو دەوروبەرە دامەزراندبوو. ئێمەش چینێک مامۆستای پیاو و ژن، دەرسمان بە منداڵان دەگوت. یەک لەوانە کابرایەک بوو، ئێستاش هەر نەمزانی سەر بە کام ئایین بوو، بێدەنگ هەر دەیڕوانی. نەماندەوێرا کارێک بکەین، خێرا هاواری بەرز دەبووەوە کە وامەکەن، نەوەک لەگەڵ دەستوور یەک نەگرێتەوە. فڵانە کار مەکەن نەوەک بەرپرسی ناحیە تووڕە بێت. لە ترسی خۆی ڕاپۆرتی لەسەر هەموو مامۆستایان دەنووسی. خۆزگا تەنیا لەسەر ئێمە بوایا. جارێک ڕاپورتی لەسەر مەلاش نووسیبوو کە بە چاوی خۆم دیومە شەوێک لەگەڵ پیاوانی گەڕەک جۆرابێنی کردووە.
ئەو کابرا تەنیا قاپیلکەی بۆ خۆی دروست نەکردبوو، هەموومانی هاویشتبووە قاپیلکەوە.
ڕۆژێک وتیان لە سەر داخوازی بەرپرسی قوتابخانە دوو مامۆستامان لێ زیاد دەبێت. کە هاتن، دیتمان خۆشک و برایەک بوون خەڵکی شارێکی دوور. خۆشکەکە تەمەنی لەسەرەوە بوو. لە نێو خۆمان ڕاوێژمان کرد ئەگەر ئەو کابرا هان بدەین ئەو قەیرەکچە مارە بکات، ملی دەبێت بە پەتەوە و سەرقاڵی ژیان دەبێت، ئێمەش ئاسوودە دەبین. وردە وردە باسەکەمان هێنا ئاراوە. دیار بوو ئەو لە داماوی، ئەم لە جێماوی، بە کەڵکی یەکتر دەهاتن. بەڵام هەر بیانووی دەهێناوە کە ئاخۆ کێشەمان بۆ دروست نابێت؟بەرپرسان ڕازین؟ لەگەڵ یاسای پەروەردە دەگونجێت؟.. لەباتی حەز و خۆشویستن هەر پرسیاری یاسای دەکرد.
ڕۆژێک سەرلەبەیانی لە دیوی پشووی مامۆستایان دانشتبووین.کچە بە سواری بایسیکڵ(دووچەرخە)خۆی کرد بە نێو حەوشەدا. کابرا زۆر تووڕە بوو. ڕووی کردە برای کچە و وتی ئەو کارەی خۆشکت باش نییە. نابێ ژنان فێری ئەو بەزمە بن و زۆری لەو بارەوە قسە کرد کە نەوەک لەگەڵ یاسا یەک نەگرێتەوە. برای کچە خۆی بۆ ڕانەگیرا و وتی: خۆ لاڕەشەت نییە، ڕاپورتێکی لەسەر بنووسە! کابرا وتی وادەزانی ناینووسم؟ بەڵێ، من نابێ لەبەر کەس تووشی کێشە بم. برای کچە وتی: دەی چیمان لێ دەکەن؟ "ئێمە نین و گەدایی؟ ئێرەش نەبوو، کولیایی". هەستا لەپێش چاوی هەمووان، ملی کابرای گرت و فڕی دایە دەرێ. لە پلیکانان بە چەند سەرمەقولانج چووە خوارەوە، جا وەرە سەیری پێکەنینی ئێمە و منداڵان.کابرا هەتا ئەو ڕۆژە وای بەسەر نەهاتبوو. بە پەلە گەڕایەوە بۆ ماڵ.
لای ئێوارە چوومە سەردانی. کزۆڵکە دانیشتبوو. بریندار نەبوو، بەڵام کێشە دەروونییەکە پەرەی ئەستاندبوو. هەر دەیگوت، ئەگەر بەرپرسانی پەروەردە بزانن، ئابڕووم دەچێ.من لەلایان خاوەن ناوم. منداڵان چیدی بە قسەم ناکەن، بارم لار بوو..
پاش چەند ڕۆژ درواسێکان وتیان کابرا مرد.
لە سەرقەبران کەسم نەدیت بۆی خەمبار بێت. لەشی ئەو پیاوە چووە چاڵێکی کپەوە. هەروا کە لە ژیانیدا لە چاڵێکی ڕەشدا دەژیا. بەڵام ڕۆحی دزەی کردبووە دەروونی خەڵکەوە.ئەوە لە ئاکار و ڕەفتاری زۆریکدا دیار بوو..
هاوڕێ؛ دەردی ئێمە قاپووڕەی نەزانین نییە، دەردی ئێمە دەم پانەوکردنی زانایە لە بەردەم زاڵم. گرینگ نەبوونی حاڵی هەژارانە لای ڕووناکبیر. دەم قووچاندن و چاونوقاندنە لە ناحەقی. ژینی سەرشۆڕیە لەبەر پلە و نان. ڕاهاتنمانە لەگەڵ گەندەڵی...
لەو سەربانەوە دەمڕوانییە ناو دێ. مانگ خەرمانەی دابوو. لەو نیوەشەوە گوێم لە دەنگی لاوێکی خەرمانخەف بوو.دەنگی هەڵێنا:
ئەوا مانگ هەڵات دەربەند بوو خاڵی
دەبێ بیپۆشین بەرگی عەبداڵی..
ژیان بەو دەردەشەوە هەر بەردەوامە.
ئانتوان چێخوف١٨٩٨/سروژ استپانیان
خوێنەری هێژا،
ئەو ژنە هەژارە لەو کوێرە دێهاتە، هەر ئەوەندەی لە ژیان دەزانی و ئاگای لە دنیای دەرەوە نەبوو. بەڵام کێشەی دنیای ئەمڕۆ نەزانین نییە، ڕێگای سەخڵەتی نێوان زانینە تا فامین.
عیسا ئەحمەدی١٤٠٣/٠٤/٣٠
@hoday_sher
🌿💫
تۆ وەک گڕی شەمێک دەچی
ئەمنیش وەک بەژنی ئەم شەمەم
دڵنیــــا بـــە، هەر کاتێکی
هەموو گیانم لە عیشقتدا بتوێتەوە
گــــڕی ژینت
ئەکـــوژێتەوە ...
"مارف ئاغایی"
@hoday_sher
🌿💫
ئێوە کێن؟؟؟؟ خێڵی درۆ!
سێ ڕۆژ لەمەوپێش، لای ئێوارە چوومە جێژوان. له خۆشیان، تا شوێنی ژوانگە هەر ئاسمانم گەز دەکرد. کچێکی لەبار، سەر بە بنەماڵەیەکی دەوڵەمەند، لەنێو باخ و دارستانی خۆیان چاوەڕێم بوو.
لە سرتە سرتی نێو جێژوان، پێمگوت: لەو ڕۆژەوە کە عەشقی تۆ لە ناخمدا پەڵەی دا، هەتا ئەمڕۆ، بە دزیەوە خۆشم ویستوویی و بە پەنامەکی خەونم پێوە دیوی، نەوەک نەیار بەو عەشقە بێگەردەمان بزانێت. بەڵام ئێستا کە دڵم کەلەوڕێژی خۆشەویستییە، دەبا عالەم بزانێت کە من بەبێ سێبەری بەژنی عەشقت، پێدەشتێکی بێ ئاو و باڵندەیەکی باڵشکاوم. باوەشی تۆ مەرهەمێکە بۆ هەزاران زامی بێ سامانی دڵ.
بەڵام.... بەڵام ئاخۆ تۆ دەتوانی ببی بە هاوڕێی ڕێبوارێکی ڕێگای عەشق و ئازادی کە لە دنیادا تەنیا دەفتەرێک پڕ لە بەرامەی شعری جوان و دڵێک بە نووری عەشق چراخان و سازێک پڕ لە نەغمەی خۆشەویستی شک دەبات؟ کچە وتی: من زۆر شەیدای ئەو شێوە قسەکردنەی تۆم. بەڵام دڵنیابە ژیانی تۆش وانامێنێت. من تاقانە کچی ئەم بنەماڵە خوداپێداوەم. هەموو سەروەت و سامانی باوکم بۆ ئێمەیە.
(هەر نازانم لەو کاتەدا چۆن شەیتان ڕەشمە و هەوساری زمانی منی گرتە دەست) وتم: نا نا، لای هەڵۆی بەرزەفڕ، کە چۆنیەتی ژیانی بۆ گرینگە نە درێژایی تەمەن؛ قەت باسی پارە مەکە!!
تۆ دەبێ هاوڕێی من بێت کاتێک دەروونی من وەکوو بورکانێکی ئاورین دژ بە گیانی زاڵمان هەڵدەقوڵێ. (لە دڵی خۆمدا وتم: من نە هەڵۆی بەرزەفڕم نە بورکانی ئاورین. من بای فەنام، هاتووم بکەومە ژێر ماڵ و دارایی باوکت. من داڵم، لەسەر کەلاکی سەرمایەی لە ژماردن نەهاتووتان).
تۆ دەبێ هاوڕێی من بیت کاتێک وەکوو پڵنگی چنگ بە خوێن هێرش دەبەم بۆ گیانی خوێنمژان. (لە دڵی خۆمدا دەمگوت: هێرش دەبەم بەڵام وەکوو پشیلە بۆ پارووی چەور، مەگەر هەر تەنیا ئێوە دەزانن بە خۆشی ڕایبوێرن؟).
هاوڕێم بە، هەتا ئەو ڕۆژەی خوێنم دەبێ بە خەنە، بۆ دەست و پێی بووکی ئازادی و بە دەستی خۆت جەستەی خەستەم لە جاڕە گوڵێکدا دەنێژی. (سەبرت هەبێ هەتا مارەت دەکەم، جا دەزانی مەنێک چەند کیلۆیە).....
بەزمێکی سەیر بوو. بە زمان، کۆرپەی ئەوینم دەلاواند و بە دڵ، پیلانی تاڵانکردنی سامانی ئەو بنەماڵەم دادەڕشت. هەم سەرخۆشی وتار و فەرمایشتی خۆم بووم و هەم سەرمستی لە داوخستنی نێچیرێکی ساویلکە.
کەچی بۆ قوڕبەسەری، لەو کاتەدا کچە دەستی کرد بە گریان. دەیگوت من شایانی تۆ نیم. ئەگەرچی ئەو قسانەت زۆر پیاوانەیە بەڵام بە دەستی خۆم نییە، من لە ماڵێکی چەندقاتی و لەسەر سفرەی ڕەنگین و له نێو نوێنی نەرم پەروەردە کراوم. دەترسم بەرگەی ئەو ڕێگا پیرۆزە و ئەو ئاواتە بەرزانە نەگرم. بە قوڵپەی گریانەوە بەرەو ماڵی خۆیان هەڵات. منیش دەمم بوو بە تەڵەی تەقیاو.
کە ئەو کچە ڕۆیشت، دام بە سەر خۆمدا، حەک مار بدات بە زمانتەوە چەنەوەری دەمشڕ. چەشنی ورچ کە لە ئەشکەوت دەنەڕێنێت، ئەوەندە دەمی خۆتت لێ بەڕەڵا کرد، تا ئەو کچەت تۆقاند. یەکێک نەبوو لەو کاتەدا چوار سیخورمەم تێ بسرەوێنێ کە ئاخر، ڕێویە گەڕۆڵ؛ تۆ شێعری چەندین شاعیری خاوەن هەستت دزی و لکاندت بەیەکەوە تا ئەو کچەت شەوارە کرد. ئیتر کارت چییە بەسەر شێعری پیرەهەڵۆ و بەندیخانە؟
بەرهەمی چەندین مانگ چالاکی من لە "ڕاوگەی ئەدەبی و هونەری ورگستان" بوو بە ئەم بێچووە دەوڵەمەندە. بەڵام ئاکامەکەی بوو بە چی؟ هێلکەوڕۆنیان نایە بەر کەر، هەردوو گوێی خۆی تێخست. تازە بەم هاسانییە شتی وام دەست ناکەوێتەوە. ئەویش بەو هەموو گورگەوە کە لە پیرەژنی دەوڵەمەندی هەشتا ساڵەش لانادەن. جا چییان پاشماوە دەمێنێ بۆ پشیلەی چڵێس؟
لە بەر کەم ئەزموونی، شارەزای تەواوی کارەکە نەبووم بۆیە نێچیرم له داو بەربوو. ئەوا پاش سێ ڕۆژ، تازە خەریکم دێمەوە سەرخۆم.
بۆ هەڵبژاردەکانی دوایی، جگە لە شاگردی کۆنە ڕاوچیانی ئەم بوارە ، زمانی چەورتر و شەفرەی تیژتر و داوی پانتر پێویستە. دز خێرا بێت، تاریکەشەو زۆرە.
ئانتوان چێخوف١٨٨٢/سروژ استپانیان.
خوێنەری بەڕێز،
زۆر حەیفە کە ئەدەبی بەنرخ و هونەری ڕەسەن ببێتە ئامرازێک بۆ فریودانی خەڵکی. هەن کەسانێک بە قسەی جوان کڵاو لە سەر خەڵکی دەنێن. بەڵام ئەوەی کە بەها پیرۆزەکانی کۆمەڵگا دەکاتە پردێک بۆ گەیشتن بە مەبەستی ناڕەوا، تاوانەکەی زۆر قورسترە. چوونکا خەڵک کاتێ ئەو کارانە دەبینن، سەرەڕای ئەوەی کە متمانەیان بە هیچ ڕووناکبیرێک نامێنێت، بێ ڕێزیشە بە ئاسەواری بەنرخی گەورەپیاوان و سەرە ژنان.
هەروەها دەبێ بیسەریش وریا بێت. قسە و درووشم هەموو کاتێک ئاسانترە لە کردەوە. سەیری قسەی دڵی ئەو کوڕە بکەن، کە چەندە لەگەڵ ئەو قسانەی دەهاتە سەر زاری جیاواز بوو!
(لەم بابەتەدا ئاماژەم بە شێعری حەزرەتی قانع و هێمن و سوارە و بێکەس و پەشێو و پیرباڵ و دڵۆپ و... کردووە).
عیسا ئەحمەدی١٤٠٣/٠٥/١٧
@hoday_sher
🌿💫
ئەمجارەیان
لم و لیتەی بنی دەریاش حەشارت دا
وەک مرواری دەرت دێنم
خۆم ڕادەستی قەدەر ناکەم
دنیاش دەستم لێ بەر بدا
هەرگیز دەستت لێ بەرنادەم
"عەبدولڵا پەشێو"
@hoday_sher
🌿💫
نیوەی دڵم عشقەو
نیوەکەی تری شێعرە
تۆ نە لە عەشق
دەزانی‌و
نە لە شێعر
من لە پشتی هەموو پەنجەرەیەکی
کراوەو داخراودا
بۆ تۆ دەگەڕێم‌و
تۆش
هەر لە دڵمدای...
"لەتیف هەڵمەت"
@hoday_sher
🌿💫
"عەدنان کەریم"
ئاگری عیشقت لە ڕۆحم
بەربووە سەر تا قەدەم
وەک نەیستان ھەر دەسووتێم
مات و خامۆش بێ سەدا
چەند بەناز دێی و دەچێ سەرخۆش و
شۆخ و شەنگ و مەست
ئەی گوڵی نازدار ئیلاھی
بای خەزانت لێ نەدا
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
سەد خۆزگە بێ بەو ڕۆژە
کە نەمبیستبوو ناوت
نەم چێشتبوو تامی مەیی
مەیخانەیی چاوت
نەی دیبوو دەس و پێی دڵەکەم
هەڵقەیی داوت
ئازاد بوو لە پێچ و خەمی
ئەگریجەیی خاوت
وا ئێستە لەتاو ئاگری
هیجرانی بە تاوت
فرمێسکی ئەڵێی
تەرزە و بارانە دڵی من
"شێخ نوری"
@hoday_sher
🌿💫
وه‌کوو خه‌ونی کچی چاوشینی مه‌نگوڕ
له ئامێزی هه‌ناسه‌ی شۆڕه‌سوارێک
له‌سه‌ر ئه‌سپێکی چوار ساڵه‌ی نه‌گیراو
دڵم سواره به‌ره‌و هه‌ر لێڕه‌وارێک
وه‌کوو بسکی به تاتای کیژی مامه‌ش
له پێده‌شتانی لاجان نه‌غمه‌یانه
دڵم ته‌یرێکه هه‌ر ده‌فڕێ و ده‌نیشێ
له باوه‌ش کێله سیپان به‌م به‌یانه
وه‌کوو بێری له کوێستانی گه‌ده‌ی ڕا
که ئاواتیان به‌ره‌و ده‌شتی نه‌ڵێنه
منیش عه‌هدێکی دێرینه‌م که هه‌رده‌م
وه‌بیر خۆم دێنمه‌وه ،،،یار ئه‌و به‌ڵێنه
له‌سه‌ر خه‌رمانی گه‌نم و جۆی مهاباد
که وه‌ک زولفی کچه دێبوکری جوانن
له سه‌یری چاوه‌کانیان تێر نه‌بوو که‌س
که وا تامه‌زرۆی یه‌ک ماچی ژوانن
له چارشێوشانه‌که‌ی چۆمی مه‌جیدخان
کچان سێویان ڕنی و گوڵیان له‌دەس بوو
له‌ناو کاناڵی ئاوی نیوه‌ڕۆیان
مه‌له‌ی دووباسکه ئازیز وه‌ک نه‌فه‌س بوو
له گامێشگۆلی تا کوو ساروقامیش
کلی سینا بوو بۆ چاوی کچانه
هه‌موی خێر بوو ،هه‌موی خۆشی ،که ده‌تدی
ده‌ڕۆنه ده‌شت و مه‌زرا به‌و به‌یانه
خودایه یادی خاکم چه‌نده جوانه
که هه‌ر شه‌و دێته ناو شێعری ژیانم
دڵم سواره دڵم سواره به قوربان
ده‌گه‌ڵ خاڵه‌ی به‌ره‌وڕووی نیشتمانم
"خاڵە قازی"
@hoday_sher
🌿💫
وێنەکانت نابن بە خۆت!
وەک خۆت چاو ناتروکێنن...
وەک نیگای خۆت نامهەژێنن...
دەستەکانت ناجووڵێنن بەرەو دەستم...
هەست ناکەن بە قوڵپی هەستم...
وێنەکانت وەکوو خۆت نین!
سەریان ناخەنە سەر شانم...
وەک خۆت نایهێننە جووڵە تەزوی گیانم...
ڕاستە لە ناو وێنەکانتا پەلەت نییە و ناڕۆیتەوە...!
سەدەیەکی وێنەکانت ناگەن بەوەی کە قاوەیەک لە گەڵمدا ئەخۆیتەوە!
وێنەکانت وەکوو خۆت نین!
شەڕێکیان لەگەڵ نەکردووم...
شێتی دەنگتم،
کەچی ئەوان بۆ جارێ بانگیان نەکردووم...
بۆیە ئازیز
کە سەرم پڕ بێ لە شێوەت
چ پێویستم بە ئەلبوومە!؟
هەموو ئێستا و ڕابردوومە خۆت دەزانی "ئەوینی تۆ"!
"ڕەنج سەنگاوی"
@hoday_sher
🌿💫
"ئەحمەد لاوە"
شێعر "مارف ئاغایی"
بێ تـــــۆیی ...
شه‌وه‌كانم پڕن له ته‌نیایی من‌و بێ‌تۆیی تۆ.
شه‌وێك دووری له‌گه‌ڵدا بێ
درێژتره له سه‌خته‌ڕێی له‌دایكبوون هه‌تا مردن.
ئه‌وه چرام كوژانده‌وه، چاوم وێك نا، هه‌موو دونیام فه‌رامۆش كرد، ئه‌وه خه‌وتم.
به‌ڵام چ بكه‌م خۆ هه‌ر شه‌و نا
خه‌وه‌كانم پڕن له ته‌نیایی من‌و بێ‌تۆیی تۆ
"مارف ئاغایی"
@hoday_sher
🌿💫
دڵمان پڕه لە کەمین و
گوێمان پڕه له ڕەمزی شەو؛
هەرکەس لە دەروونی خۆیدا ڕووخاوه،
سەیرترین کەلاوەی سەر ئەم جیهانەین........
"مارف ئاغایی"
@hoday_sher
کتێب: وزوزی
مژار: شێعر بۆ منداڵان
شاعیر: لەیلا بەهرام بەگی (لاولاو)
وێنەکێش: ڕووناک سوڵتانی
وەشانخانە: ماد (تیتل و بیبل)
"وزوزی" باس لەو جڕوجانەوەرانە دەکات کە لەگەڵ ژیانی مرۆڤی سەردەم ئاوێتەن و خوازراو و نەخوازراو لە دەور و پشتمانن.
ئەم کتێبە بە شێوەیەکی زۆر شاراوە و ناڕاستەوخۆ و بە زمانی پێکەنین و تەنز فێری منداڵان دەکات کە هەموو بوونەوەرەکان، بە هەر تایبەتمەندییەکی سروشتییەوە، مافی ژیانیان هەیە.
جاری وایە کاراکتێرەکان پێناسەیەکی زۆر جیاواز لەوەی کە لە زەینی منداڵەکاندا هەیە، بۆ خۆیان نیشان دەدەن. ئەوان هاروهاج، بە ورە و وزە، ژیکەڵانە، ئەکتیو و کارتێکەر و ئازا، سوحبەتچی و گرینگن.
شێعرەکان زۆر ڕیتمیکن و زوو دەکەوێتە سەر زاری منداڵان. لەگەڵ ئەوەش لە تەوسیفێکی تۆخ پاراستراون و توخمی دیالۆگ و مۆنۆلۆگ و فەزاسازیی زمانی و وێنەیی و فانتازیا، کارەکە بۆ لای ڕەوایەت و گێڕانەوە دەبات.
بەردەنگ واتە منداڵ لەم کتێبەدا پەسیڤ و بێکار دانانیشێ و هەندێ جار هان دەدرێ بیر بکاتەوە و مەتەڵۆکەکان وڵام داتەوە. ئەو چارەسەری بۆ پێکەوەبوون دەدۆزێتەوە...
instagram.com/titl.bibl.pub
instagram.com/maad_book1
t.me/madbook2019
🌿💫
ببە بە هاوارێک کە هەرگیز ناتوێتەوە.
ئەوەی دەژی تەنیا هاوارە بەرزەکانمانە...
ئەو دەنگە قووڵ و دوورەیە کە لە بنی وجودەوە سەردەکەوێت و بەر زەمان دەکەوێت،
بەر دیوارە سەختەکانی بوون،
بەر دووبارەبوونەوەکان و لێکچوونە غەمگینەکان. ...
مرۆڤ هەر چییەک بکات، بەر دووبارەبوونەوەی بەتاڵی خۆی دەکەوێت.
ئەوەی کە ناتوێتەوە تەنیا هاوارە دڕ و نەسرەوت و توڕەکانمانە
"بەختیار عەلی"
📖 شەوێک ئاسمان پڕبوو لە ئەستێرەی شێت
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"خەبات مەولوودی"
گۆرانی؛ پەری
شێعر: یوونس ڕەزایی
دەستی وەرزێکم سپی بوو
باڵی وەرزێکم وەری
ڕووت لە کوێ کرد تاک و تەنیا
بێ هەواڵێک ، ئەی پەری؟
دڵ لە ڕووگەی چاوەکانتا
شینترین ئاڵای هەبوو
ئێستە بێ تینی نیگای تۆ
پەنجەکانی هەڵوەری
نا مەڕۆ،
شەرمینترین ساتی وشەم
ڕوو لێرە کە
گەر دەڕۆی ئاسمانی تەنیاییم
پڕی ئەستێرە کە...
@hoday_sher
🌿💫
ڕۆژ باش هاوڕێیانی ئازیز
@hoday_sher
