4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
مەلان کاتێک لە باغان پۆل دەبەستن
درەخت کاتێک لەبەر باران دەوەستن
کە نەیزاری قەراخ گۆلاو لەبەر با
وەکوو شمشاڵژەنێک شمشاڵ دەبەستن
مرۆڤی سەر زەوی کاتێک کە شادن
کە غەمبارن، کە هوشیارن، کە مەستن
کە گیانداران لەبەر ئازار دەناڵن
دەنا کاتێک ئەویندار و بەهەستن
هەمووی بە زمانی خۆی دەدوێ و دەخوێنێ
ئەدی بۆچی زمانی من دەبەستن؟
"ناسر حیسامی"
@hoday_sher
🌿💫
که جێت هێشتم
وه‌ک منداڵێکم به‌سه‌ر هات،
له کۆڕه‌ودا،
دایک و باوکی ون کردبێ،
وه‌کوو کاروانێکم لێ هات،
زریان تێکی شکاندبێ
دوای تۆ ڕووخا کۆشکی شکۆم،
تروسکه‌ی تیا نه‌ما ئاسۆم.
دوای تۆ خۆم بە گوندێ بینی
ئه‌نفال سیمای شێواندبێ،
یان وه‌ک شارێ
بای زه‌ردی مه‌رگ،
گه‌ڵاکانی وه‌راندبێ.
نه مه‌م به زین،
نه فه‌رهاد به شیرین شاد بوو،
ڕه‌نجی منیش وه‌ک هی ئه‌وان
به‌فیڕۆ چوو.
ئەوینی پاک
هه‌میشه بێهووده بووه،
هێشتا نه‌مبیستووه بڵێن
عاشقێ ئاسووده بووه.
شیعری: "حەمە سەعید حەسەن"
@hoday_sher
🌿💫
هەرگیز پێت ناڵێم
خۆشم دەوێی،
خۆر هیچ بەیانییەک
ناڵێ من خۆرم!
بەڵام من ئەڵێم هەر چێ ڕۆژە پێش هەڵهاتنی
چاوەکانت لە خەو بە ماچێک پێت ئەڵێم
خۆشتم گەرەک،
خۆر هیچ کات ناڵێ من خۆرم
بەڵام ئێمە هەست بە تینی ماچی گەرمی
لە سەر لەشمان دەکەین...!
"لەتیف هەڵمەت"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
مامۆستا "محەممەدی ماملێ"
ڕۆیی بەجێ هێشتم
@hoday_sher
🌿💫
کەی بێ، کە تاریکیی ئەم شەوە تاڵەم
بەپرشنگی خۆری بەیان، ڕوناک بێتەوە؟
کەی بێ تەم ومژی، پەستی ئەمساڵەم
بەئومێدی بەتۆ گەیین، بڕەوێتەوە؟
"شێرکۆ بێکەس"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
پەروانە، تۆش خەیاڵێک بوویت له خەیاڵەکان ... واهیمەیەک له واهیمەکانی من،
هەڵەیەک لە هەڵەکانی من، بڕۆ...
بڕۆ گۆشەگیرییەکی جوان بژی، بڕۆ درێژه به سەفەرێک بده که هیچ له نامۆیی تۆ ناگۆڕێت، دونیا هەمووی یەک گوندی دووکەڵاوی دزێوه ... تۆش ئەی پەروانە ئەی واهیمەی شیرینی من، بڕۆ درێژه به خەیاڵە شیرینەکانی خۆت بده..
"بەختیار عەلی"
@hoday_sher
🌿💫
سبەینێ ڕۆژێکی تری زستانە
ئیتر من وەکوو جاران ناڕژێمە ناو ئێوارانی
کچێکی چاکەت شینەوە ..
ئیتر
من لەپشتی نیگەرانییەکانی هیچ کەسێکەوە نیم و خەریکە ئەمڕۆ لەبیری هەمووتان دەچمەوە.
ئیتر...
هیچ کەسێک بەلایەوە گرنگ نییە، چەقۆی ئەم ئازارانە گەیشتووە بە کام جێگەی
ڕۆحی ماندووم.
کەسێک هەیە
ئیتر ئێواران بەیادی منەوە سەیری فڕینی باڵندەکان ناکات ...
ئیتر
من لای خۆرئاوابوون ناچم بۆ دیداری ئاوێنە و
تاڵەسپییەکانی ڕیشم لەچاوەڕوانی ئەودا ناژمێرم...!!
ئیتر
من لەبیری "ئەو" دەچمەوە، وەکوو لەبیرچوونەوەی
تامی قاوەیەکی تاڵ لەڕۆژێکی درەنگی پاییز.
ئیتر
ئەو بەسەر دیواری وەرزەکانی منەوە کاڵ دەبێتەوە
وەکوو کاڵ بوونەوەی دروشمەکانی شۆڕشگێڕی.
ئیتر
ئێواران درەنگ تەلەفۆن بۆ یەکتر ناکەین.
ئیتر
لەو دیووی پێکەنینێکی ساختەوە هەموو ڕۆژێک
فرمێسکەکانمان لە یەکتر دەشارینەوە٠
ئیتر
هەریەکێکمان لە سووچێکی ئەم دونیایە
دوور لە چاوی یەکتر، بەدیار یادگارییەکانی
یەکترەوە پیر دەبین.
ئیتر
کاسێتی ئەو گۆرانییانە جێ دەهێڵین، کە بەسەختی
دەمانباتەوە لای ڕەنگی چاوەکانی یەکتر...
چیتر
بەو کۆڵانانەدا ناگەڕێینەوە بۆ ماڵ،
کە شۆستەکانی ڕەنگی سێبەری ئێمەی گرتووە.
ئیتر
لەپشتی پەنجەرە بێدەنگەکانەوە،
دەبین بە دوو مرۆڤی غەریبی بێ ناونیشان...!!
دوو مرۆڤ...
کە هەرگیز لە ڕۆحی یەکتردا نامرین...
بەڵام...
بە برینداری و بە غەمگینی،
لەناو هەناسەی ساردی یەکتردا، دەمێنینەوە،
من لەناو ئەودا دەمێنمەوە، وەکوو مانەوەی ماسییەک لەناو ڕووبارێکی لێخندا ..
ئەو لەناو مندا دەمێنێتەوە،
وەکوو مانەوەی فیشەکێک لەناو هەناوی
جەنگاوەرێکدا.
جەنگاوەرێک بەدرێژایی ئەو هەموو ساڵە
لەبەرەکانی عیشقدا بوو،
خوێن لەبرینەکانی نا،
فرمێسک لەچاوەکانی دەڕژا.
"شوان تۆفیق"
@hoday_sher
@hoday_sher
⠀🌿💫
«هێشتا شتێك ماوه بیری لێ بكه‌ینه‌وه
ته‌ماشای كه‌ین،
هێشتا كه‌سێك هه‌یه،
شته‌كانی لا دابنێین تا دێینه‌وه،
جارێ زووه سفره‌ی ته‌نهایی ڕاخه‌ین»
"كاروان سۆفی"
@hoday_sher
🌿💫
" چزیلک"
لەگەڵ هەنگوین گەلێکیان دەس گەزیوم
هەموو دەست و پەل و قۆڵیان جنیوم
بە شیر سووتاوە هێندە لێو و زارم
لە دۆش فووفوو دەکەم کاتی بژیوم
لەشم هەر وردە زامی دەستی دۆستە
ئەوەندەی کوشتەری لە گیان کوتیوم
لەسەر ئەو ڕێیە کێشام بۆ ئەم و ئەو
گەلێک جاران خلیسکاو و گلیوم
ئەوەی دووربوایە لێم تاوێ دەتاوام
بە بێ مەیلی دڵ و جەرگی بڕیوم
بەتاوانی ئەوەی ئاگر بوو ئەشقم
چزیلکی سەر گڕم پاک هەڵکزیوم
ئەوەندە ساردە مەیلی کۆنە یارم
لە ئامێزی سڕی سەرما خزیوم
خەزانی دڵڕەقی بەربۆتە گیانم
بەجارێ زەرد و ژاکاو و وەریوم
ئەوەی دەرکەم بەر و ڕووی ئاوەڵابوو
لەترسی ئەو لەماڵی خۆم ڕەویوم
لە دەستی هەرکەسم نا دەست و پەنجەم
لەپڕ دیتم لەبن باڵی بڕیوم
بە نانی من گەلێک کەس تیر و پڕ بوون
کەچی خۆم هەر دەڵێی کۆرپەی هەتیوم
ئەوەی دەیکوت خەدەنگە بیر و بڕوام
دەهۆی فەرموو فرەی داوە فریوم
برام زۆرن، کەچی بۆرەن هەموویان
دەڵێن: "کاکەی" بەڵام خوێنیان مژیوم
ئەوەندەی چززە لێ هەستاوە گیانم
ڕق و قین و بوغوز بیری تەنیوم
پشووم سوارە و لەشم ناڵینە کاری
بەدەستی ئەم ژیانە زۆر ڕەتیوم
ئەوەندەم بێوەفایی دیوە لێرە
ئەوەی ناوی مرۆڤە لێی تەریوم
چلۆن دەرچم لە ئەم زەلکاوی ژینە؟
هەتاکوو بینەقاقا تێچەقیوم
بۆکان ٢٧٢٣/١١/٢٣
قادر عەلیخا
@hoday_sher
@hoday_sher
🌿💫
ئێوارەیەک،
هەنگاوێکی گەورە کەوتە نێوانمان،
خەنجەرێک،
بە خوێنی زەمانێکی کۆنەوە،
فەیلەسووفێک،
بە پرسیاری نا کۆتاوە،
دەربارەی،
فاسیلەی نا کۆتایی من و ئەو،
کەوتنە نێـوانمانەوە "هەور"
کەوتنە نێوانمانەوە "باران"
ڕۆژێک بە ئەندازەی "گێژەن"
شەوێک بە ئەندازەی "تۆفان"
"بەختیار عەلی"
@hoday_sher
🌿💫
دەمکوژی بەم دەردەوە یان چارەیی دەردم دەکەی؟
ئەی خودا بۆ ھەڵوەدا و موحتاجی نامەردم دەکەی؟
ھەر وەکوو جاران لەسەر تەختی مرادم دادەنێی؟
یانە شووم و ماڵ خراپ وەک کوندی سەر بەردم دەکەی؟
دەمکەیە مەجنوونی عالەم دڵ بە دەست دێنم؟ وە یا
عاشقی ڕوخساری لەیلا وێڵی ھەر ھەردم دەکەی؟
من بە دڵگەرمی لەمەولا دەچمە نێو گوڵزاری عیشق
یا نە، مەحروومم لە گوڵشەن، مات و دڵسەردم دەکەی؟
ئەی خودا جاران بە لوتفت ھیچ خەم و دەردم نەبوو
ئێستە بێ لوتفی کە تووشی سەد خەم و دەردم دەکەی
زوو لە نێو خۆشبەختەکان تاقانە بووم و بێ نیاز
ئێستە لای پەژموردەکانی دڵ بەخەم فەردم دەکەی
ھۆنراوە: سەید کامیل ئیمامی (ئاوات)
حەسەن كاكایی و حسێن فەرهەنگ
@hoday_sher
🌿💫
(مەی زیادە) و (جوبران خەلیل جوبران) بۆ ماوەی بیست ساڵ لە پەیوەندیی خۆشەویستیدا بوون. بەڵام بە هۆی دووری (جوبران لە نیۆیۆرک و مەی لە قاهیرە) تەنها لە ڕێگەی نامەوە پەیوەندییەکەیان بەردەوام بوو و هەرگیز بە یەک نەگەیشتن.
جارێکیان جوبران داوا دەکات (مەی) وێنەیەکی خۆی بۆ بنێرێت. (مەی) لە وەڵامدا دەڵێت: خەیاڵت چۆن پێشبینیی شێوەم دەکات؟
جوبرانیش دەڵێت: هەست دەکەم قژێکی کورت دەوری ڕوویەکی گەش و جوانی دابێت.
مەی دەچێت قژە درێژەکەی دەبڕێت و بە قژێکی کورتەوە وێنەیەک دەگرێت و بۆ جوبرانی دەنێرێت.
جوبران: ئەها خەیاڵم چەند ڕاستگۆ بوو!
مەی: ئەها خۆشەویستییم چەند ڕاستگۆ بوو؟
جوبران لە ۱۹۳۱ کۆچی دوایی کرد و بە هۆیەوە مەی ساڵانێکی زۆر کەوتە بارێکی دەروونیی زۆر ناهەموار و لە ۱۹٤۱ لە تەمەنی ٥٥ ساڵییدا کۆچی دوایی کرد.
ئەگەرچی مەی جێی سەرنج و خۆشەویستیی زۆر لە گەورەنووسەر و شاعیران و تەنانەت هەندێ لە پیاوانی ئایینیی ئەو سەردەمەی میسر بوو، بەڵام تەنها کەوتە داوی خۆشەویستیی
جوبرانەوە.
سەرچاوە: لاپەڕەی الجزیرة
وەرگێڕان لە عەرەبییەوە: ماهیر ئەمین
@hoday_sher
🌿💫
وەرە با ئاوێزانت بم
بۆ ماچێکی دوور و درێژ!
"شێرکۆ بێکەس"
@hoday_sher
@hoday_sher
🌿💫
لە دەست شار هەڵدێم دەچمە ناو گوڵزار
لەوێش هەڵناکەم دێمەوە ناوشار
وەک ئارام نەماو دڵ و پێ سووتاو
خانەی خەو ڕووخاو
لەدنیا بێزار
بۆهەر کوێ دەچم پێی خەراپترم
ناسرەوێ ئەو دڵەی پڕ لەئاگرم
نە لەناو گوڵزار نەلای خزم و یار
نە لە دەشت و شار
ئۆقرە ناگرم.
هۆنراوەی : "ئەحمەد هەردی"
@hoday_sher
🌿💫
ئەمڕۆ هاوکاتە لەگەڵ ساڵوەگەری کۆچی دوایی مارف ئاغایی، شاعێر و ڕۆژنامەنووس، ڕۆحی شاد بێ و ڕێگای پڕڕێبوار.
لە نێو خەڵک تەنیام و بە تەنیاش خەڵکێکم.
@hoday_sher
@hoday_sher
🌿💫
"کەماڵی قادری"
دڵم تەنگە، گوڵی ئەم شارە بێ ڕەنگە
@hoday_sher
🌿💫
"سەعدوڵڵا نەسیری"
ئەی شەماڵ ئەی شەماڵ ...
خوایە تاقەت نەما
ڕۆح و دڵ چووە فەنا
ژیانی لاوەتیم بۆ گوڵێ دا بە با...
@hoday_sher
🌿💫
مەگەر سروەی نەسیمی وەسڵی تۆ بێ، موعەتتەر کا دڵەی پڕ دەردم ئەمڕۆ...
"کوردی"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
لەناو بانیۆیەکی گەرمدا
بەفر دەبارێ..
ڕەنگە،
دۆڵابی جلەکانت کردبێتەوە و
بەدوای پاڵتۆ مۆرەکەتدا
بگەڕێیت.
ڕەنگە،
دوعا بۆ جگەرگۆشەکانت بکەی.
سبەی تا دەگەنە باخچەی منداڵان،
نەخلیسکێن.
ڕەنگە،
قاوە لەگەڵ پیاوێکدا بخۆیتەوە
کە خۆشت ناوێت!
ڕەنگە،
بیر لەوە بکەیتەوە،
بەیانی لە بناری شاخدا،
لەگەڵ دەستەخوشکەکانتدا
شەڕەبەفر بکەیت.
ڕەنگە،
لە ناو بانیۆیەکی گەرمدا
ڕاکشابیت و مەمکە بێنازەکانت
بخەیتە دۆخی وروژانەوە.
ڕەنگە،
بەدزی مێردەکەتەوە،
لەسەر مینای پەنجەرەکە بنووسیت؛
من شاعیرێکم خۆش دەوێ،
سەری سپی ترە،
لە کاکۆڵی بەفر.
"قوبادی جەلیزادە"
@hoday_sher
@hoday_sher
🌿💫
مامۆستا "مەزهەری خالقی"
هەورە تۆخوا مەبارە.......
@hoday_sher
🌿💫
دایکە باران دەبارێ،
لە یادتە پێت دەگوتین،
هەرکات باران باری
بێ غەمبن هەمووشتێک باش دەبێت،
هەمووشتێک ڕوو لەنوێ بوونەوەیە،
چی دەشت و شاخ و چیاکان،
چی کانیاوی نێو کێڵگەکان،
چ درەخەتی زەردی کۆڵانەکان،
یان باڵندەی بن سوێبانی نێو حەوشەکان،
دایکە گوێم لەدەنگی پێی بارانه،
تۆ ڕاستت کرد هەمووشتێک باش بوو،
جگە لە حاڵی تۆ .
"پێشڕەو کەریم"
@hoday_sher
