4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
پۆلێک کۆتر
چ تاوانێک بکەم تا، تاهەتایە
لە تۆدا زیندانی بم،
گەر دەستت بەر دەستم کەوێ
دەستبەجێ دەبم بە درەخت، دەبم بە ماڵی چۆلەکە.
پێم گوتی شەوباش
کەچی مانگ وەڵامی دایەوە،
لەوەدەچێ تۆ و مانگ جمک بن.
خودا ئاسمانی بڵندتر کرد تا سەرت بەری نەکەوێت،
تا تۆ مەمکت نەکرد، درەختێک هەناری پێوە نەبوو.
ئەو ئێوارەیەی پێ کەنیت دار و بەرد بەستبووی..
هەموو بەیانییەک لەناو لەپمدا، پێ کەنینەکەت گەرم دەکەمەوە.
ئەگەر لەبەرخۆشمەوە پێت بڵێم خۆشم دەوێی،
بەرپەنجەرەکەم پڕ دەبێ لە کۆتر.
"قوبادی جەلیزادە"
تابلۆ : ئاغالە
@hoday_sher
@hoday_sher
ڕۆمانێک لە یەک خولەکدا ببینە،
هەرگیز خۆشەویستیی بەکەم مەزانە...
پیاوێکی زۆر هەژار لەگەڵ ژنەکەی دەژیا، ڕۆژێک ژنەکەی کە قژی زۆر درێژ بوو داوای لێ کرد شانەی بۆ بکڕێت بۆ ئەوەی قژی باش گەشە بکات و بە باشیی خۆی بڕازێنێتەوە، کابرا زۆر بەزەیی هات و گوتی نەخێر. ڕوونیشی کردەوە کە تەنانەت پارەی پێویستی نییە، کاتژمێرە شکاوەکەی چاک بکاتەوە کە تازە شکاوە، ژنەکە پێداگری لەسەر داواکارییەکەی نەکرد، پیاوەکە چووە سەر کارەکەی و بەلای دوکانێکی کاتژمێردا تێپەڕی، کاتژمێرە شکاوەکەی بە نرخێکی هەرزان فرۆشت بە پارەکەی شانەی بۆ هاوسەرەکەی کڕی، ئێوارە بە شانەی دەستییەوە هاتەوە ماڵەوە سەری سوڕما کاتێک ژنەکەی بینی قژی زۆر کورتە ، ژنەکەی قژی فرۆشتبوو و کاتژمێرێکی نوێی بەدەستەوە بوو. فرمێسک لە یەک کاتدا لە چاوەکانیانەوە دەڕژا، نەک لەبەر بێهودەیی کارەکانیان، بەڵکوو لەبەر بەرامبەری خۆشەویستییان ، ئەخلاقی خۆش ویستن هیچ نییە! خۆش ویستن شتێکە جگە لە خۆش ویستن و خۆشەویست بوون لەلایەن ئەو کەسەی خۆشت دەوێت، ئەوە هەموو شتێکە هەرگیز خۆشەویستی بە شتێکی ئاسایی مەزانە.
🌿💫
"لەیلا فەریقی"
مەقام
شێعری "مامۆستا هێمن" ناڵەی جودایی
@hoday_sher
🌿💫
سڵاوت لێ بێت،
ئەی یەکەمین گوڵی گریاوی
باخچە پێش هەڵوەرین،
درود بۆ گیانی نازدارت،
ئەی یەکەمین باڵندەی کوژراوی باخچە پێش فڕین،
سڵاو لە تۆش ئەی هەناری ڕۆح،
ئەو دەمەی من
وەک سێو لەت لەت ئەکرێم و
نازانم توێکڵەکانم فڕێ ئەدرێتە کام سەرەنوێلکی ژیان!
سڵاو ئەی هەناری دڵ، ئەو بەیانییەی دەستێکی
پڕ ڕەشەبا دێت و
ئەتباتە دەرەوەی باخچە بۆ هەڵوەرین،
سڵاو ئەی ڕوباری نائۆمێدی، ئەو ئێوارەیەی
قەسیدەیەکی عاشق
لەم باخچەیە یاخی ئەبێ و
هەتا مردن لە شەپۆلەکانی تۆدا دائەنیشێ…
"جەمال غەمبار "
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
هەرێمی مەرگ و ژین دەپێوم
ئەم دڵە تەنیایەم پێم دەڵێ:
چلۆن گوڵ ناتوانێ بۆن بە «با» نەسپێرێ،
چۆن سنوور ناتوانێ ڕێی خەون ببەستێ،
چۆن تاڤگە ناتوانێ دەنگی خۆی بێدەنگ کا،
منیش قەت ناتوانم
کە هەنگاو بەم ڕێیە نەسپێرم.
کە کێڵگەی ئارەزووم
بە تیشکی خۆرەتاو نەدێرم...
"مارف ئاغایی"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
هێندە خۆزگە و تاسە و حەزم ناشتووە
هەمووم بە خوێن بە فرمێسکم شوشتووە
مامۆستا "جەلال مەلەکشا"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
خوالێخۆشبوو "جەماڵی موفتی"
مەقام
دەخیلتم ئەی بای سوبح و ئێوارە........
@hoday_sher
🌿💫
کەرامەتی خۆت بپارێزەو خۆت هەڵمەواسە،
ئەوانەی تۆیان دەوێ لە قەرەباڵغیشدا بیت دەتدۆزنەوە،
ئەگەرنا لەبەرچاویشیان بی ناتبینن!
"نزار قەبانی"
@hoday_sher
🌿💫
دەستم بگرە
لەم مەرگەجاڕە وەڕەزم
بەرەو هەر کوێم دەبەی، بمبە
جەهەندەمیش بێ ناپرسم
لێرە نەڕۆم ، وەک دارێکی کلۆر دەڕزم!
"جەلال مەلکشا"
@hoday_sher
@hoday_sher
🌿💫
ھەوڵ بدەن
گەنجەكان بەوجۆرە پەروەردە بكەن،
ببنە ڕێبەر،
نەك دڵگەرمییەكەیان جۆش بدەن و
خۆیان لەناو ببەن.
"نەبەز گۆران"
ڕۆمانی: شازادەكەی ئورفا
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
"فۆتۆگڕافەر"
خانووەکەی ناو شارم دەفرۆشم کە لە کەرپووچە و پێشەکەی داپۆشراوە بە بەردی مەڕمەڕ،
کە لەپەنجەرەکانیەوە؛
ماجدی مۆڵ و
هۆتێل هایکریس و
یاریگای دووگۆڵی و
کۆڕنیشی دەروازە و
شەقامی پان و بەرین و
سەدان ماشێنم لێوە دیارە،
دەچمەوە گوندەکەی خۆمان و خانووێک لە خشتی قوڕ دروست دەکەم،
ساپیتەکەی دارەڕێ
سواغی دەدەم بە قوڕ،
خەمی باگردانێکیش دەخۆم.
لەسەر بانەکەیەوە تەماشای ڕووبار و
ڕیزێک سپیدار و
مێگەلی مەڕ و
بێریوان و
پۆلێک قاز و قوڵینگ بە ئاسمانەوە و
کلکی کەر کە مێشەکەرانە لە خۆی دەردەکات،
کەڵەشێرێک و چەند مریشکێک
ژنێک مەشکە دەژێنێ،
گوێ لە شمشاڵی شوان دەگرم،
میراو دەبینم بێڵێکی بەسەر شانەوەیە،
شەویش دەڕوانمە مانگی خڕ، کە وێنەیەکی ڕەنگاوڕەنگی گوندەکەمان دەگرێ و لەناو ئاوی کانیدا دەیشواتەوە.
"قوبادی جەلیزادە"
@hoday_sher
🌿💫
مرۆڤەکانی سەر ئەم زەوییە هێشتا لەو ڕاستییە نەگەیشتوون کە بەشی هەموومان لە ئازار بە ئەندازەی یەکە ،هیچ مرۆڤێک نییە ژانێکی کوشەندەی نەبێت، ئازارێکی نەهێنی و گەورەی نەبێت،
مرۆڤ گەر برینێکی بەرچاویشی نەبوو ئەوە بوغزێک و گرێیەکی هەیە دەیچەوسێنیتەوە...
"بەختیار عەلی"
@hoday_sher
@hoday_sher
🌿💫
"نەجمەدینی غوڵامی"
بەغەیری تۆ نییە هیوای ژیانم
ئەتۆی مانای ئەوین و هەست و هۆشم
@hoday_sher
@hoday_sher
🌿💫
دڵت هەرێمێکی ساردە و
دوورگەیەکی تاریک و دوور
بەم شەوە من، ڕێم کەوتۆتە
ناو ئەم دارستانی بەفرە و
بەرەو لای تۆ
ئەم کوێستانی نامۆییەم
گرتۆتە بەر...
"شێرکۆ بێکەس"
@hoday_sher
🌿💫
ئازیز!
دنیا هەر خەم نییە
لە ژیاندا،
کاتی دڵخۆشی کەم نییە
کە وا بوو خۆشەویستەکەم
چاو لە چاوی کیژی هیوا مەترووکێنە
کۆشکی تاسە مەڕووخێنە
ئاسۆ ڕوونە
شنەی شەوبا،
موژدەی هەرمان و هەربوونە...
«عەلی حەسەنیانی (هاوار)»
@hoday_sher
🌿💫
تاکو ژن ئازاد نەبێ، سەرچاوەکەی ژین لیخنه شێعر: "هێمن موکریانی" خوێندنەوە: "باست حەمەغەریب"
@hoday_sher
🌿💫
(ئیشە جوانەکانی تۆ)
ئەو پشیلەیەت دەرنەکرد،
کە هاتبووە سەرمێزی مدبەقەکە و
قاپە ماستەکەی دەلێستەوە.
چەپکێک تریفەت کرد بە گۆچان و
داتە دەستی
کیسەڵێکی نابینا،
لەبەر دەرگا.
ناولەپی سواڵکەرەکەت کرد،
بە کێڵگەی گوڵەگەنم.
دوو ئەستێرە ڕژان
هەردوو شانی شەهیدێکت
پێڕازاندنەوە.
گوێی ڕەشەبات ڕاکێشا
کە لقێکی دارچوالەکەی
شکاندبووەوە.
کۆترەباریکەکە گەرمای بوو،
لەگەڵای هەنجیر
چەترێکت بۆ دروست کرد.
لەڕۆژی زریانەکەدا
بۆ دوو چۆلەکەی تەڕ ، دڵی خۆت کرد بە هێللانە،
دوو هێلکەیان تێدا کرد.
کە ڕاوکەرەکەت لەناو دارستانەکە بینی،
کۆترەکانت
لە بن گەڵا پانەکانا، حەشاردان.
بە بەفرت گوت تکایە جارێ مەبارە،
تا مریشکەکان
دەچنەوە ناو کوڵانەکەوە.
بۆقەکەت وریا کردەوە،
زووکە خۆت هەڵدە ناو ڕووبارەکە
منداڵێک بە بەردەوە دێ.
بۆی هەڵنەدەگیرا،
پشقلەکەت بۆ قاڵۆنچەکە
بردە زارکی شارەکەی.
بەباوەش،
سەگە لاق شکاوەکەت
گەیاندە بەیتارخانەکە.
دڵت نەهات
لە سوچی پەنجەرەکە،
تەونی جاڵجاڵۆکەکە تێک بدەی.
لە سەگە خوێڕییەکە زویر بووی،
کە شەڕی بە پشیلە چاوشینەکە
دەفرۆشت.
داوای لێبووردنت
لەو بنچکە گیایە کرد،
لە بێئاگاییدا پێت لێنا.
دڵی ئەو سمۆرەیەت دایەوە،
کونی ئەو دارەی لێ ون ببوو
کە گوێزەکانی تێدا شاردبۆوە.
قسەیەکی ڕەقت بەو مێروولەیە نەگوت،
کەچەند جارێ
قاچە خڕەکانی گەستی.
هەموو ئەو تەپکانەی ناو بەفرت تێکدا،
کە بۆ ریشۆڵە گرتن
دایان نابوونەوە.
بۆ پۆلێک جووجەڵەی دراوسێکەتان،
ناولەپت پڕ کرد
لە پەپۆڵە.
چایەکەت لەدەست کەوتە خوار
بە گوڵی سەر فەرشەکەت گوت،
ببوورە دڵم.
با- بەسەر تەنافەکەوە، مەمکبەندەکەی ڕفاندی،
هەڵنەچووی و بەهێمنی پێت گوت:
تکایە بۆمی بهێنەرەوە..
تۆ نەبوویتایە،
ئەو شەوە مانگ
لەناو گۆمەکەدا، دەخنکا.
"قوبادی جەلیزادە"
@hoday_sher
🌿💫
چاوت "ئاو"و
دەستەکانت "با"و
ئەوینت تۆوی گوڵی هۆنراوەمە
ئەی کچەکە!
ئەوەی هەموو بۆم هێناوی و
لە بەردەمتا ڕامگرتووە
تاقە ئینجانەکەی سەرمە!
"شێرکۆ بێکەس"
@hoday_sher
🌿💫
گەرچی ئاسمانی غوربەتم تارە
مات و بێڕەنگە وەکوو ئێوارە
"هانی موجتەهیدی"
@hoday_sher
🌿💫
تۆ، تۆ ڤێنووسی ...
تۆ په‌یکه‌ره‌ی خوای ئه‌وین و جوانیی ...
به سیله‌ی چاو سه‌یری کردم و گوتی: "تۆ له ڕاده‌به‌ده‌ر شه‌رم ئه‌که‌ی و وادیاره کوردیش نازانی، لام وایه خه‌ڵکی ئه‌م شاره دوورانه‌ی که ئه‌ڵێن، سه‌ریان له به‌ر دووکه‌ڵ به‌ته‌مه".
وتم؛ نا نا، خه‌ڵکی هه‌رێمی دڵداری و دانیشتووی شاری ئه‌وینم ...
"سواره ئیلخانیزاده"
@hoday_sher
🌿💫
ڕۆژباش هاوڕێیانی ئازیز
@hoday_sher