4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
کورتەچیرۆکی نوشتەکەێ ئامینە خان
نووسینی مامۆستا حەسەن قزڵجی
خوێندنەوەێ# ئەمیر داباشی
@hoday_sher
🌿💫
ماڵ لە ساحێبماڵ حەرامە!
لە نێو کۆخ و کەلاوەی قەراخی شار، پیاوێکی ماسیگر، خۆی و خێزانی بە زریکەی منداڵی نێو بێشکەیان، وەخەبەر هاتن. منداڵی بەستەزمان دووپشک پێوەی دابوو. بە شڵەژاوی، منداڵ لە باوەش، پەنایان بردە بەر دەرکەی ماڵی تەنیا دکتۆری شار. دکتۆر لە خزمەتکارەکەی پرسی بەم سەڵای ساڵەحانە کێ بەردەرگای پێ گرتووین؟ وتی قوربان ژن و مێردێکی ڕەشووڕووت هاتوون و دەڵێن منداڵەکەیان هیلاکە. دکتۆر وتی: شا ئەو نێوچاوانە، هاوشان و هاوماڵی من گەیشتنە پاریس، کەچی من لێرەدا جەماعەتی لەبرسامردوو، هەتا نەمکەن بە بەیتاڵ و دکتۆری ئاژەڵ وازم لێ ناهێنن. بڕۆ پێیان بڵێ دکتور لە ماڵ نییە.
بەدەم شیوەن و بە دڵشکاوی گەڕانەوە بۆ ماڵ. پیرەژنانی گەڕەک شیری گامێشیان دەرخواردی منداڵ دەدا و هەتوان و مەڵهەمیان لە سەر شوێنی چزەی دووپشک دادەنا. کابراش بە هەناسەساردی، بۆ بژیوی ژیان لەگەڵ هاوڕیان ڕووی کردە دەریا. دەمەونیوەڕۆ بەختی کابرا وای هێنا کە گوێچکەماسییەکی(صدف) گەورە، کەوتە تۆڕیەوە. کاتێ سەدەفیان کردەوە مرواریەکی زۆر گەورەی تێدا بوو.
پێش گەیشتنەوەی بۆ ماڵ، هەواڵی ئەو مروارییە دەم بە دەم کەوتبوە نێو شار.
زەردەپەڕی ئێوارە، مەترانی مەزن(اسقف اعظم) هات بۆ ماڵیان. بەڕێزیان باسی ڕەحم و بەزەیی پەروەردگاری دەکرد کە دەبێ لە شوکرانەی ئەو شتە بەنرخەدا حەتمەن زەکاتی بدرێتە دەستی دۆستانی خودا. کابرا لە دڵەوە وتی: خودایا؛ خۆت لە دەستی ئەم دۆستانەت بمانپارێزی. هەر ئەو شەوە دکتۆر هات بۆ سەردانی منداڵەکەو وتی هەر لە بەیانییەوە لەماڵی چەند نەخۆشی بێکەس بووم و ئێستا بێ هەدادان خۆم گەیاندە ئێوە. کابرا بیری لەوە دەکردەوە کە بە دەگمەن کوڕە دەوڵەمەندێک لە ڕێی زانستی پزشکیدا، سی ساڵی هەوەڵی تەمەنی خۆی بەخت دەکات. زۆربەیان کوڕە هەژارن. کەچی کاتێ دەبن بە دکتۆر، دەیانەوێ حەقی ئەو سی ساڵە لە هەژاران بستیننەوە.
شەو کاتی خەوتن، خێزانی وتی: پیاوەکە وا دیارە ئەم مروارییە هێ خۆمان نییە! نابینی لە ئێوارەوە خاوەنەکانی دێن و داوای دەکەن؟ کابرا وتی نەخێر، هی ئێمەیە و دەبێ داهاتووی ئەو منداڵەی پێ دابین بکەین. نابێ برسیەتی مێشکی ئەو منداڵە، وەکوو ئێمەمانان لە ناو بەرێت. ژنە وتی ئێمەی بەشمەینەت، بەم هاسانیە ناتوانین تێکەڵ بە چینی دەوڵەمەند ببین. سکتێرانی بێعار نایەڵن چینی هەژار، وچان بدات و ببێتە خاوەنی دەستڕەنجی خۆی. هەزار فێڵ و ناپیاوی دەزانن و ئەتۆش هیچ سەنگەرێکت لەبەرانبەریاندا نیە. کابرا وتی بەیانی دەچمە بازاری جەواهێرفرۆشان. دەزانم لەسەری دەبێت بە هەرا، ئاخر ئەو مروارییە بەقەدەر هێلکەکۆترێک دەبێت.
کابرا نەیدەزانی کۆتریش مافیای خۆی هەیە تا چ بگاتە مرواری. مافیای بازار ڕایانگەیاندبوو کەس لە فڵانە قیمەت زۆرتر لێی نەکڕێت. یەکیان دەیگوت ئەم مروارییە زلی بێهونەرە، تەنیا بۆ موزەخانە باشە. ئەویتر دەیگوت زۆر شتی وایان بۆ هێناوم و نەمکڕیوە..... کابرا زانی خەریکن فێڵی لێدەکەن، وتی هەزار خۆزگەم بە چەتە. چۆن دەبێ، گا بیکات و کەر بیخوات؟ ئێستا کە وای لێهات دەیبەمە شاری پێتەخەت و لەوێ دەیفرۆشم.
شەو زەلامێکی نەناسیاو لە دیواری ماڵیان هاتە نێو حەسار.دەیەویست بە زۆرەملێ مروارییەکەیان لێ بستێنێ. لە شەڕێکی دەستەویەخە کابرا خەنجەرەکەی کوتایە بن هەنگەڵی زەلامەکەو لاری کردەوە. بۆیە بە ناچاری دەستی ژن و منداڵی گرت و هەر بەو شەوە بەڕەو پایەتەخت بەڕێکەوتن. بۆ بەیانی لە یاڵ و ملەی کێوان تازە ئاوا ببوون، کەچی چاویان لێ بوو، سێ پیاوی چەکدار کەوتوونەتە شوێنیانەوە. ئەو ڕۆژە تا تاریکان هەر چەندە ڕێگایان گۆڕی؛ بەڵام ئەوان شارەزای کاری خۆیان بوون و هەر لەدوایان هاتن. بە ناچاری لە ئەشکەوتێک خۆیان حەشاردا.
لەو تاریکایەدا کابرا وتی: سبەینێ لە دەست ئەمانە ڕزگاربوونمان نیە. ئەمشەو دوو کەسیان دەخەون و یەکیان دەبێ بە قەرەوڵ. ئەگەر بتوانم ئەوەیان بکوژم و چەکەکەی دەستخەم، تێدابردنی ئەو دوو کەسەی دیکە هاسانە. بۆیە بە خنجەری ڕووتەوە بەبێ چرکە، لیان نزیک کەوتەوە. تەنیا چەند هەنگاوی مابوو کە بگاتە کابرا، کەچی منداڵەکە لە نێو ئەشکەوت وەخەبەر هات و دەستی کرد بە گریان. کابرای قەرەوڵ چەند گولـلەی بەرەو شوێنی دەنگەکە تەقاند. تەقەکردن و ئای و مەرگی بە خەنجەری کابرا بوو بە یەکێک. کابرا چەکەکەی هەڵگرت و ئەو دوو کەسەی دیکەشی سارد کردەوە. بەڵام یەکێک لە گولـلەکان لە منداڵی بەستەزمان کەوتبوو!!
ڕۆژی دوایی کابرا و ژنەکەی لە پێش چاوی خەڵکی شار مروارییەکەیان فڕێدایەوە نێو دەریا.
جان ئێستەین بێک ۱۹۴۰
ئەو ژنە باش زانیبووی دەرچوون لە نایەکسانی و چینایەتی کۆمەڵایەتی بۆ چینی هەژار، بەم هاسانیە نییە و هەژاران خاوەنی دەستڕەنجی خۆیان نین.
عیسا ئەحمەدی۱۴۰۲/۱۱/۱۵
@hoday_sher
🌿💫
مامۆستا "حەسەن زیرەک"
کراسی چیتی لەمسەیە......
@hoday_sher
🌿💫
"خۆت بخنکێنە نیشتمان"
بەسە،
چیتر داوای ڕووباری خوێنم لێ مەکە، پێم نەما نیشتمان.
بەسە،
ئیتر بۆ ئەندامە لەت و پەتەکانی لەشم هێندە مەپاڕێوە، پێم نەما نیشتمان
تەریق بەرەوە داوای ژمارەیەکی تر، منداڵی هەتیوو
دایکی جگەر سوتاوو
بێوەژنم لێ مەکە، پێم نەما نیشتمان.
شەرم بکە،
ئیدی تکای گوندی خاپوور و
دارستانی سوتماک و
کانی وشک هەڵاتووم لێ مەکە، پێم نەما نیشتمان.
چیدی لەسەرم مەکە، سییەکانم تژی کەم لەژەهری هەلایی، هەناسەم پێ نەما نیشتمان،
چیدی داوای ڕەشپۆشی و فرمێسک و گەرمەشین و شەهیدبوونم لێ مەکە، پێم نەما نیشتمان.
ماڵ نەما نەیکەی بە خیوەتی پرسە،
کۆڵان نەما نەیڕازێنیتەوە بە لافیتەی ڕەش.
پارچەیەک زەوی نەما نەیکەی بە گۆڕستان.
ملی خۆ بشکێنەو بڕۆ نیشتمان.
وێڵ بە،
لە ئەشکەوتێکی نەدیودا خۆت بشارەوە ئیدی ڕووناکیمان پێ نەما نیشتمان،
تاهەتا بنوو تا ئێمەش عەیامێک پشوو بدەین و هەناسەیەکی ئارامی هەڵکێشین، هێز و وزەمان پێ نەما نیشتمان،
بە پەتێک خۆت بخنکێنە و گۆڕێک بۆ لەشە نەگبەتییەکەی هەڵکەنە،
هیچمان پێ نەما بیبەخشین ئەی نیشتمانی شووم!!.
"قوبادی جەلیزادە"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
"پێنج خشتەکی"
گەرد و گوڵی بەیان بوو سەبا کیتابی هێنا
لەو یارە نازدارەوە ڕاز و عیتابی هێنا
لە خۆشیان کە قاسید هات و جەوابی هێنا
ساقی لە پەردە دەرهات جامی شەرابی هێنا
دڵ خیرە ما لە حەیرەت مەهـ ئافتابی هێنا
٭٭٭
بیستومە ئەمڕۆ دولبەر تەشریفی چۆتە سەیران
هەستام و چوومە سەحرا منیش بە یادی جاران
هۆشم نەما کە بینیم لۆمەم مەکەن ڕەفیقان
یەک زەڕە عەکسی پڕتەو دەرکەوت و تووری سووتان
ئایینە سەخت‌روو بوو لەو عەکسە تابی هێنا
٭٭٭
وا قەوم و خوێش تەبیبیان هێنا و هاتن بە دەستت
دەستێکی دا لە دەستم وتی کە چیتە هەستە
وتم دەرمانی دەردم لای تۆ نییە و مەوەستە
تیماری چاری سینەم ڕاجیع بە چاوی مەستە
بەختیش موافیقی عەشق بۆ من خرابی هێنا
٭٭٭
لە کۆڕ و بەزم و ڕەزما ، لە حاڵەتێکی مەستا
دانیشتبووم لە ناکاو عوود و کەمانە وەستا
لە حەیرەتا سەراپا مەجلیس عوموومی هەستا
یارم لە ئەندەروون هات دەستی ڕەقیب لە دەستا
غەمناک و شادمانم ، ڕەحمەت عەزابی هێنا
٭٭٭
دەستم لە بادە هەڵگرت ساز و نەیم فڕێ دا
ترسی قیامەتم بوو ڕوو ڕەش نەبم لەوێدا
بەرماڵم گرتە کۆڵ و توند لە ملم گرێ دا
بۆ تۆبە سوویی مەجلیس هاتم بچم ، لە ڕێدا
بۆ کۆیی مەیفرۆشان قیسمەت شیتابی هێنا
٭٭٭
جەماڵی تۆیە بە ئێمە بەخشی نەشمیل
دڵ بەندی تۆم و دائیم غەمبار و پەستم و دیل
مەحروومی دیدەنیتم دوچاری عیلەتی سیل
ڕوو هەر لە من ئەپۆشی و حاڵی یەکە جیبریل
هەر خاسە بۆ من و ئەو خاسە حیجابی هێنا
٭٭٭
بە ئاخ و داخی تۆوە شەو تا سەحەر ئەدەم تل
نەختێ لە خوا بترسە ئەی چاو ڕەشەی شل و مل
ئۆباڵی من بە ئەستۆت بەسیە نەما تەحەممول
وەی وەی چ مەجلیسێ بوو ، بەهـ بەهـ لە دیدە و دڵ
دولبەر شەرابی گێڕا (سالم) کەبابی هێنا
"فایەق بێکەس"
پێنج خشتەکی لەسەر غەزەلێکی سالم
@hoday_sher
🌿💫
حەسرەت
سەد مخابن !
ئەو ئازیزانەی ڕۆژگارێک
بژوێنی حەسانەوەم بوون،
ئەوانەی شەکرە مێوانی
دڵی هەردەم کراوەم بوون،
هەنووکانە
یا نەماون لە یادمدا ،
یا ماوێکی کاڵ و ماتن .
کەچی ئێستاش
هەر چاوەڕێی ئەو ئاسکانەم
کە بەڵێنیان داو نەهاتن !
"عەبدوڵڵا پەشێو"
@hoday_sher
🌿💫
ئەتۆ جوانی
ئەتۆ گیانی
ئەتۆ سروەی شەماڵی بەربەیانانی
ئەتۆ وەک دیمەنی خاوەن شکۆی کوێستانی کوردانی
ئەمن دارێکی ویشک و ڕووتی بەر هەتاوم
ئەمن کۆشکێکی ڕووخاوم
بەجێ ماوم ...
ئەمن کوێستانی تەم گرتووم
لەپێ کەوتووم ...
"عەلی حەسەنیانی (هاوار)"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
له‌م تۆفانه گه‌وره‌یه‌دا
ئه‌و که‌شتیانه‌ی ئه‌نوون ئه‌مرن،
له‌م ڕاپه‌ڕینی خاکه‌دا
ئه‌و ڕێیانه‌ی ئه‌نوون ئه‌مرن،
له‌م بارانی قوڕقوشمه‌دا
بێ لایه‌نی هه‌ر مردووه‌کانی گۆڕستانن
"شێرکۆ بێکه‌س"
@hoday_sher
🌿💫
مێشەکەرانە ڕەنگە باوەڕ نەکەی کە بڵێم چەند تامەزرۆی دیداری تۆم،داوکارم کە بەو زوانە بە دیداری یەکتر شاد بین،حەقتە ئەگەر باوەڕ نەکەی مردوو و دیدار کوجا.
بەڵام بە یەک دەگەین تۆ بڵێ چۆن؟
کاتێک کە چاوت بە کەرێکی زیندوو کەوت لە لاپاڵێک دەڵەوەڕێ بە یادی من بۆی بفڕە و دەرزی لە لاملی بچەقێنە و یادی من بکە ، منیش لێرەوە بە خەیاڵ دێمە ئەو لاپاڵە چۆڵە ،کە ئێمەی هەژار تەنها لەو جۆرە شوێنانە هەستمان بە ئازادی دەکرد ، لە کۆتایی نامەکەم جوانترین سڵاو بۆ دەرزییەکەت کە لە پشت ملی دەوڵەمەندەکانی ڕادەکەی ، بە تامترین ماچیش بۆ خۆت ئەی مێشەکەرانەی خوێن‌شیرین.
هاوڕێی دڵسۆزت
کەری تۆپیو
کەری تۆپیو
نووسەر: "عەزیز نەسین
وەرگێڕ: عەلی حەمەدی برایم
وێنه: ڕەحمەت بەهێشتی
@hoday_sher
@hoday_sher
🌿💫
دوژمن کێیە؟
کۆمەڵێک تارمایین، کۆمەڵێک خێوی بچوکن لە ناو دووربینەکەدا دێن و دەچن. شتێکن تا مردن نایانبینیت، هەمیشە ئەوان لەمبەر و ئێمە لەمبەرین، هیچ کات ناگەینە یەک، هیچ کات وەک دوو کەسی ئاسایی ناتوانین قسەبکەین. ئەوە دیوارێکە خودا دروستیکردووە، فاسیلەیەکە دەبێت بیپارێزین. نە من و نە تۆ دروستمان نەکردووە. خودا هەر میللـەتێکی خۆشبوێت دوژمنی زۆری دەداتێ، بۆئەوەی زیندوو بمێنێتەوە، بۆئەوەی توانای بەرگری لە خۆیدا دروستبکات...
"هەورەکانی دانیاڵ"
"بەختیار عەلی"
@hoday_sher
🌿💫
ﺯﯙﺭبەﻣﺎﻥ ﺩەڵێین ڕﻭﺧﺴﺎﺭ ﮔﺮﻧﮓ نیە کەﺳﺎیەﺗﯽ ﮔﺮنگە، بەڵام
ﺗﺎ لە ڕﻭﯼ ڕﻭﺧﺴﺎﺭەﻭە کەسەﮐﺎﻧﻤﺎﻥ بە ﺩڵ نەﺑﯿﺖ بەﺩﻭﺍﯼ کەﺳـﺎیەﺗﯽ ﻧﺎﮔـەڕێین !..
'' بەﺧﺘﯿﺎﺭ عەﻟﯽ ''
@hoday_sher
🌿💫
خەم و خەم
بەیانیت باش بەفری هاوڕێ!
بۆ تەنیاییم چیت هێناوە؟
خەمێک سپی!
نیوەڕۆت باش نمەی بارانی غەریبی!
بۆ تەنیاییم چیت هێناوە؟
خەمێکی تەڕ!
ئیوارەت باش "با"ی بێ داڵدە!
بۆ تەنیاییم چیت هێناوە؟
خەمێکی تیژ!
شەو باش باڵندەی تاریکی!
بۆ تەنیاییم چیت هێناوە؟
خەونێ، نە بەفری تیا ئەنوێ و
نە باران و نە "با" و
نە تەنیایی و
نە چاوەکانی شاعیرێ!
"شێرکۆ بێکەس"
@hoday_sher
🌿💫
♦️"با زۆر شت لەگەڵ خۆی نابا" (کورتەچیرۆک)
✍ #هێمن_عەبدوڵڵاپوور
🎙خوێندنەوە: #غەفوور_ساڵحی
@hoday_sher
🌿💫
هەموو شتێ جوانە لە تۆ
سۆزی گەرم
بزەی نەرم
دڵتەڕیت و چەشەی ناسک
جار جار چپەی تێکەڵ شەرم
چه‌نە جوانه داو داو
قژی سه‌ر ناو چاوان
كه وه‌كوو ته‌م سه‌ما ئەکەن
له‌سه‌ر به‌فر و گوڵ ئه‌رخه‌وان
چەنە جوانە پەنجەی
لە خۆوە نەرم و شل
تاڤگه‌ی كه‌زیی ئارمووشین و
په‌خش و خاوی سه‌رشان و مل
جوانە لە تۆ
هەموو شتێ جوانە لە تۆ
وردە نیگا چاو و برۆ
گێڕانەوەی بیرەوەری
باسی خۆشی و دەردەسەری
باسی دواڕۆژ باسی ناو ماڵ
باسی ناوی یەکەم مناڵ...
مامۆستا "پەشێو"
@hoday_sher
🌿💫
شێعری من ئەگەر غەمناکە، هەموو لەبەر لێقەوماوی، چارەڕەشی و خەمی نەتەوەکەمە، نەک تەنیا ئی خۆم، کاتێک من لە تەمەنی بیست و دوو ساڵیدا دەڵێم
(گەرچی تووشی ڕەنجەڕۆیی و حەسرەت و دەردەم ئەمن)
باوەڕ بکەن کوڕە دەوڵەمەندێکی زۆر تێروپڕ و پاک و خاوێن بووم، بەڵام نیشتمانەکەم تووشی ڕەنج و ژان و حەسرەت بوو.(ئەمن) لێرەدا هێمن نییە(ئەمن) نەتەوەی کوردە.
"مامۆستا هێمن"
@hoday_sher
🌿💫
مامۆستا "نالی"
@hoday_sher
🌿💫
" گڕی هەستان"
تۆ وەرەو تاوێ لە من میوان بە
بۆ دڵی پڕ کەسەرم هەتوان بە
وەڕەزم لێرە لە ئەم ماڵە کپە
وەرە بەو بەژنەوە بۆم سەیران بە
چاوە قەزوانییەکەت بێنە، کەسم
بۆ لەشم شەوق و چرای هەستان بە
تەمی خەم لادە لە ئەم خەمخانە
هەروەکوو باڵ و پەڕی زریان بە
لەت لەتە جەرگ و دڵ و سیپەلکم
بۆ سێبووری دڵەکەم گریان بە
ناسرەوێ تاوێ تەمای سەرکێشم
بۆ حەزی بەرزە فڕم حەجمان بە
لەت لەت و ویشکە زەوی ئاواتم
بۆ زەوی ویشکی دڵم باران بە
تۆ دەزانی کە نەبی شەوکوێرم
نەگلێم تاکوو، لەبەر چاوان بە
لێڵە بیناییم لەتاوی یاران
زوو وەرە و موژدەدەری یاران بە
گژە بایێکە لە ژین هاڵاوە
تۆش وەرە و لەم دەڤەرە بۆران بە
ڕادەماڵێ بەغەدر هەرچی هەمە
بەدژی ئەو ستەمە تۆفان بە
داری زۆرداری هەناسەی گرتووم
لەگەڵم تەوری دژی داران بە
بە بزەی لێو و ترووسکەی چاوت
گڕی هەستان و هەوێنی مان بە
وەکوو گۆرانییە بۆ من بوونت
سەوزەیەک، بەستەیەک و حەیران بە
وەرە با دامرێ گڕکانی دەروون
بەسە کەم هۆی خەم و برک و ژان بە
ڕێم بەرە و شاری ئەوێنە و جوانی
تۆش وەرە و لەم سەفەرەم گوچان بە
بە نەبوونت دەفڕێ تەیری تەمەن
بۆ مەلی سرکی تەمەن، هێلان بە
لە ژیان وەربووە هێزی تاعوون
بۆ ئەوەی نەمرێ ژیان دەرمان بە
ئەی ئەوین تۆ نەبی ژین بێ ڕەنگە
وەرە کلچێوکی چەمی جوانان بە
بۆئەوەی نەبمە پەڕیوەی شاران
ماڵەکەی گەرمووگوڕی باوان بە
تۆ وەرە و لێرە هەوارت هەڵدە
دژبەری قین و ڕق و فەوتان بە
توون و تاڵە تەمەنم تۆ تەرەبی
لێرە بە، تازە مەڕۆ، هەرمان بە
بۆکان ٢٧٢٣/١١/٩
قادر عەلیخا
@hoday_sher
🌿💫
بەجلی نوستنەوە - گیا
بەم شتانەی خوارەوە زانیم
بەمزوانە دێی؛
پەڵەهەورێکی سپی زۆر نەوی بووە
خۆی دەسوێ،
لە گەردنی هەورەبانەکەمان.
هەنووکە بارانێک دەبارێ
هەر دڵۆپێک،
سەبەتەیەک گوڵی بەدەستەوەیە.
سوور هەڵگەڕاون،
گوێی دوو توولە سەگەکە و
کلکیان سەوز.
هەر ڕاکەڕاکەیەتی،
پشیلە چاوشینەکە
سەرقاڵی پڕۆڤەی پێشوازی تۆیە.
ئەو ئاسمانە پان و بەرینەی جێهێشتووە- مانگ
هاتۆتە ناو
حەوزە بچکۆلەکەی حەوشەکەمانەوە.
خۆریش ئاوا بووە، لێ چەپکێک تیشک
وەک پۆلێک چۆلەکەی زەرد،
لەسەر لقی دارتوەکە هەڵنیشتوون.
(کش)ەشیان لێ دەکەم ،
هەڵنافڕن،
بەجلی نوستنەوە،
بەلەشی نیوە ڕووتەوە،
گیا ؛
چۆتە بەر دوشی شەونمەوە.
دڵی ئینجانەکانی بالکۆنەکە
ئەوەندە توند لێ دەدەن،
ترپەیان دەگاتە ،
چۆلەکەی سەر دارتێلەکە.
گەرماش داهاتووە
کەچی شنە، بەرهەیوانەکە چۆڵ ناکات و
ناچێتەوە بن ساباتی ماڵەکەی.
دڵە سوورەکەم،
لە سینگم هاتۆتە دەرێ و
لەسەر شیشی پەنجەرەکە،
بووە بە کۆترێکی سپی.
بەم خاڵانەی سەرەوە زانیم
بەمنزیکانە دەگەی.
"قوبادی جەلیزادە"
تابلۆ : ئاغالە
@hoday_sher
🌿💫
حەیران لە لێڕان ،لە لێڕی دە بازی
ئەمن دەگەڵ ورچێ دەچووم دە غاری
سەد خۆزگەم بە بەرازی
دە وڵامێکم بۆ بەرنەوە کن هەتیوحەیرانێ
ئەوە لە ماڵە گولێکی دە گولەمێردان دانیشتووم
بە دڵێکی زۆر ناڕازی
حەیرانێ وەرە سەری سیاقۆڵی لەمن بە گۆمە
لایەکم حەجەمە و ئەوی دیکانەم نیزام و ڕۆمە
ئەگەر بە حەوت مەلای دە دوازدە‌عیلمم
مارە کەنەوە لە گولەکەی دە گولەمێردان
ئێستا هەر ئی کوڕەحەیرانی خۆمە.
ئەدەبیاتی زارەکی موکریان
بەشی ژنان(حەیران)
مامۆستا سەلاح پایانیانی
@hoday_sher
@hoday_sher
@hoday_sher
🌿💫
دڵنیام مانگ پەنجەرەیەکمان بۆ دەکاتەوە
دڵنیام باران ڕێگای پەلکەزێڕینەمان بۆ خۆش دەکا
دڵنیام (با) بە بنارە دوورەکاندا بۆ دەرمانی دڵی ئێمە دەگەڕێ.
مامۆستا "فەرەیدوون ئەرشەدی"
@hoday_sher
🌿💫
تاریک پەرەستان
زستانی سارد و سڕیان
خسته نێوان تۆ و نیشتیمانت
بەڵام هاوڕێم
ژیلەمۆی بەجێ‌ماوی بیرت
گەرمای دا به هەموو
ماڵەکانی دڕ و پڕی کردن
ئەی هاوڕێ مەزنەکەی
چیا و سەنگەر
ئەی خەم خۆرەکەی دوارۆژ
تۆ لە سەر چاوگەی
زانستی شارەوە
شەپۆڵی نەسرەوتنت بۆ بناری
کوێستان بە دیاری هێنا
تۆ له ژێر بارانی
هەڕەشە و مەرگ دا
باوەشت کرد بە
هێلانەی خۆشەویستی
بۆ نوسینەوەی دارستانی
هەرمان
بە پێنووسی باوەڕ و بڕوا و
سوور بوون
پەردەی شەو و خۆف و نائومێدیت دڕی
کۆچ و ماڵ ئاوایی دواجارت
بۆ نیشتیمان و
ئەوکەسانەی چاوەڕوانی
گەڕانەوەت بوون
تا تیشکی هیوا بخەیته
ناو دۆرگەی دڵیان
ئێستاش باوەڕ ناکەن
خەڵک باوەڕ ناکەن
بۆ جیرانێتی قاسملووی
مامۆستات ،نیشتیمانت جێ هێشت
ئێستا لێرە له پرسەی
شاخ و سەنگەر دا
له جێژوانی هەژاری و برسێتی دا
هاوڕێیانت له پەنجەرەی
چاوەڕوانی گەڕانەوەت دا
بەیانیان زۆر زوو
ژانی ژین هەژێنی مەرگ
لە بەر ئاگردانی برینی پڕ له پشکۆ دا
بە شیلەی یادت
تێپەڕ دەکەن
ئەی جەستە خوێناویەکەی
ناو شاری بەرلین
ئەی ئۆقرە گرتوی پرلاشیزی پاریس
کە هەواڵی نەگەڕانەوەت
بڵاو بووە
بەفر و رنۆ و چیا و قەڵبەزه
باوەشیان بە سەنگەر دا کرد و
سەنگەریش دەست لە مل
پێشمەرگە
تێر تێر بۆ کوردستان گریا
ئاخ چ نەکبەته شەوێک بوو
ئەو شەوەی بەرلین
نەک هەر نەکبەت
کارەسات بوو کارەسات
لەو شەوە دا بوو
کۆشکەکان
شەقامە رازاوەکان
مرۆڤایەتی بەرلین
چاویان وەک شووشەی چرا گڕسۆزە دوکەڵ گرتوەکەی جاران
تەنیا تۆزی....تۆزی
بەحاڵ ،تروسکەیەکی دەکرد
لەو شەوە دا
تەڵەزمی زووڵم بوو
بە جەرگی حەق دا دەچووە خوار
و خۆودای عەداڵەت و ئینسانیت
خرپ بۆی خەوتبوو
"شێرکۆ بێکەس"
@hoday_sher
🌿💫
ڕۆژباش هاوڕێیانی ئازیز
@hoday_sher
🌿💫
دار و بەردی خۆشەویست
ئەم دار و بەردانەی بەسەرمان دا دەڕووخێن، بەرد و داری نیشتمانن.
سەدان جاریش بمانکوژن، پشت و پەناکەی جارانن.
@hoday_sher
🌿💫
چیم پێ دەڵێن لێرە و لەوێ
من کوردستانم خۆش دەوێ
پێشم بڵێن جن و دێوی
دەیپەرستم چڕ و کێوی
"مامۆستا هێمن"
@hoday_sher
🌿💫
خۆشم ئە‌وێی وڵاتە‌كە‌م
ڕۆژباش هاوڕێیانی ئازیز
ھە‌ورامان
@hoday_sher
