4290
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
له ڕێگه‌ی نێوان
لێک دابڕان و
پێک گه‌یشتنی من و تۆش، گیانه
گه‌لێک باوەش هه‌ن
به‌ڵام، هه‌موویان
ڕێی باوەشی تۆم پێ نیشان دەدەن...
"عەبدولڵا پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"ئاوێزانبوون"
تۆ ده‌زانیت ئێمه له کوێین؟
چه‌ند دوور چوین و
به‌ره‌و کوێ باڵمان گرتووه؟
تۆ ده‌زانیت ئه‌شق تا کوێ
ئێمه‌ی له‌گه‌ڵ خۆی بردووه؟
ئێمه ڕۆحمان به یه‌کتری سپاردووه.
قه‌ت ناپرسم له کوێ بوویت و
بۆ کوێ ده‌چیت
له هه‌رجێ بیت ئاسایییه.
چه‌ند لێم دوور بیت
هه‌ر نزیکیت
دووری چییه؟
گه‌ر به جه‌سته لای من نه‌بیت
لای هه‌ر که‌س بیت
گرنگ نییه
هه‌ر تۆ شاد بیت به‌رگه ده‌گرم
جه‌سته چییه!
ئێمه ڕۆحمان تا هه‌تایه
ئاوێزانی یه‌کترییه.
"ڕەفیق سابیر"
@hoday_sher
🌿💫
دڵم ئەوەنە لاواز بووە،
بە تاقە هەنسکێکی تۆ
دەبێ بە ئاو،
دەتوێتەوە
مەمخە گریان....
دەنا دەریای فرمێسکی چاوانم...
چیا بڵندەکانیش...
دەشارێتەوە!
"شێرزاد حەسەن"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
نە دووری چاوەڕێت کەم و نە نزیکی لە ئامێزت گرم...
نە هی منی دڵ بسرەوێ و
نە بێبەش لێت، لە بیرت کەم
تۆ لە ناوەندی هەموو شتەکاندای...
"مەحموود دەروێش"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
خۆشەویستم
بیرکردن نانووسرێتەوە
وەک فرمێسک ناسڕێتەوە
وەک ڕێگا نابڕێتەوە
بیرکردنت لە سەرمدا
ھەر وەکوو ھەستی بیستنە
دوا ترۆپکی خۆشویستنە
وەکوو ھەستی تام کردنە
تەواو نابێ و تا مردنە
لەبیرکردنت ئەستەمە
بیرکردنت چێژ و خەمە
ڕوونی و تەمە
گەوھەرێکە و لەم دنیایە
ھەر من ھەمە
بیرکردنت نانووسرێت
بەڵام ئەبێ بە شێعری جوان
چرای دڵمی پێ ھەڵئەکەم
بە یادی تۆ نیوە شەوان
بیرکردن نانووسرێتەوە
دەنا چی دیواری شار بوو
ھەموو ڕۆژێ ئەوینی تۆ و
شێعری منی لەسەر دیار بوو
"ڕەنج سەنگاوی"
@hoday_sher
🌿💫
مناڵەکان کە بەیانان لە خەو هەستان،
هەتاو بۆ نێو دەروونتان بانگهێشت بکەن؛
کە خەوتان هات،
سەر بنێنە سەر کەروێشکەی گەنمەکان و
مانگ بنێنە ناو خەونەکانتان!
ئەگەر بۆ شوێنێک ڕۆیشتن،
پێ لە ڕووبار قەرز بکەن،
دەنگ لە تاڤگە،
ڕەنگ لە بەهار.
ئەگەر لە شوێنێکدا ون بوون،
لە پەپوولە پرسیار بکەن.
مناڵەکان ئێوە هەر زوو
ڕەنگ لە ئاڵا وەرگرنەوە و
بیدەنەوە بە وەرزەکان
دەنگ لە تفەنگ وەرگرنەوە و
بیدەنەوە باڵندەکان؛
هەر لە پێش چاوی ئاسمان،
هەموو چەترەکان بشکێنن؛
بەڵکوو هەور ئاشت بێتەوە و
تینوایەتیمان بشکێنێ!
هەر کەسێکتان چاو پێکەوت
نیگایەکی مناڵانەی پێ ببەخشن،
خۆی لەبەر گەرم دابێنێ؛
کۆڵان بە کۆڵان ڕاکەن و
لە دەرگای هەموو ماڵێک دەن،
بڵێن فەرموون:
وشەی ون بووی برایەتیمان دۆزییەوە،
تکایە چاک بیپارێزن!
با ئەمجار لێتان ون نەبێ!
بە شەقامەکاندا ڕاکەن،
هەر کیژێکتان چاو پێکەوت
چەپکێک گوڵی ڕەنگاوڕەنگی
لە کراسە ڕەنگ مردووەکەی دەن.
مناڵەکان! ئەمشەو بۆ ئێوە دڵپڕم.
نا، نامەوێ ئەمشەو بگریم،
بەڵام چ بکەم؟
خۆ فرمێسک پرسیارم پێ ناکا!
نامەوێ شیعر بنووسم،
وشە تەگبیرم پێ ناکا!
شێعر بۆ هەتاو دەنووسم،
سێبەر وەڵام دەداتەوە؛
شێعر بۆ ئاگر دەنووسم،
دووکەڵ وەڵام دەداتەوە؛
شێعر بۆ باران دەنووسم،
تفەنگ وەڵام دەداتەوە!
"مارف ئاغایی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
لەم زەوینە دڕک و دڕوو مەچێنە؛
لەوانەیه ڕۆژێک بە پێی پەتی بۆ دیتنم بێیت...
"غاده سمان"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئەوەی هەرگیز پێتان ناکرێ
سڕینەوەی ئازادییە له ڕۆحمانا
"شێرکۆ بێکەس"
@hoday_sher
🌿💫
مافی هــــەژاران
هێمنی و ئارامی بازاڕ، بە هاواری پیاوێک تێکچوو. خەڵک و پۆلیس بە دوای هەرای کابرا کەوتن. پیاوێکی دارتاش بە دەستی خوێناوی خۆی ئاماژەی بە سەگێک دەکرد کە گوایا دەستی گەستووم، چاوی هیواشی بڕیبووە پۆلیس.
پۆلیس وتی: دەبێ هەر ئێستا ئەو گەماڵە پەت بکرێت، نەوەک نەخۆشی هاری پێوەبێ. خاوەنەکەشی پەتپەتێن بکرێت، تا بزانێ مەنێ چەند کیلۆیە و دنیا بەری بە کوێوەیە؟
ڕێبوارێک وتی قوربان، من ئەو گەماڵەم لەبەر دەرکی جەنابی فەرماندەی لەشکەر دیوە.
پۆلیس وتی بەڕاستە؟ ئەرێ کابرای دارتاش بۆ هار بوویت؟ وا هاوارت کرد وامزانی مار پێوەی داوی. ئەو بەستەزمانە چۆن زاری دەگاتە دەستی ئەتۆی تەژەی حۆل؟ عەیب نییە وەکوو مریشکی هێلکەکەر بەناو ئەو بازاڕەدا کردووتە گاڕەگاڕ؟ دەبێ بزانم مەبەستت لەو کارە چ بووە؟
ڕێبوارێکی دیکە وتی گەورەم؛ جەنابی فەرماندە، تاژی ڕەسەن ڕادەگرێ، نەک سەگی خوێڕی. ئەم سەگە هێ بەڕێزیان نییە؟
پۆلیس وتی: یاسا هەر بە چاوێک بۆ هەمووان دەڕوانێ. ئەو دارتاشە هەژارە بە دەستی زامدار چۆن بۆ ژن و منداڵی نان پەیدا بکات؟ خێرا خاوەنی ئەو گەماڵەم بۆ بێنن هەتا ڕۆژی گەشی لێ ڕەش کەم. دارتاشیش نابێ دەس لە سکاڵای خۆی هەڵبگرێ، خۆ دنیا سەری بە پووش نەگیراوە.
ڕێبواری یەکم وتی قوربان ئەو کابرایەی کە لە سەردا دێت، پاکاری ماڵی جەنابی فەرماندەیە. بۆ خۆتان لێی بپرسن.
پاکار وتی گەورەم؛ ئەوە گەماڵی جەنابی وەزیرە کە بە خێزانی بۆ چەن ڕۆژێک تەشریفی پیرۆزیان میوانی جەنابی فەرماندەیە.
پولیس وتی: کەوابوو خێرا ئەو بەستەزمانە بەرەوە. ڕەنگە لەبەر هەرای ئەم کابرایە ترسابێت. هەر وەها ڕاسپاردەی ڕێز و سڵاوی من بە لە خزمەتی ئەو دوو بەڕێزە. تکایە لە بیرتان نەچێت کە پێیان بفەرموون من ئەو شانازییە بووە بە بەشم کە ئەو سەگە جوانەیان بدۆزمەوە.
دارتاش: ؟؟؟ !!!
ئانتوان چێخوف ١٨٨٤/ سروژ استپانیان
ساڵەهایە کورد جەستەی خوێناوی نیشتمانی لە حەڵەبجە و کۆبانی و عەفرین و... پیشانی ڕێکخراوە نێودەوڵەتییەکان و مافی مرۆڤی وڵاتانی ڕۆژاوایی دەدا، کەچی کوردی هەژار هەموو جارێک دەیکەن بە چیرۆکی کابرای دارتاش. هیچکات زلهێزانی عاڵەم جەستەی زامداری کورد لە کارەساتەکانی ئەنفال و زیلان و دەرسیم و... لە هەڕاجە بازاڕی مافی مرۆڤ بۆیان گرنگ نەبووە. لە جانتای هیچیان ئاشتی و برایەتی و دڵسۆزی بۆ چەوساوەکان دەس ناکەوێ. چوونکا سەددامەکان و ئاتاتورکەکان گەماڵی خودی زلهێزانن. ئەوەی کە لەم دنیایەدا زۆر هاسان دەخورێ، مافی هەژارانە. چەساوەکان نابێ چاوەڕوانی زلهێزان بن چوونکا ئەوان قازانجی خۆیان دەکەن بە پێوەر، نەک مرۆڤایەتی.
تەنیا گەلی یەکدەنگ براوەیە، مخابن ئێمە و باسی یەکدەنگی! هەر بەلای جاریشیدا نەچووین. کوردی هەژار تەنیا لێکترازان و لەبەر یەک هەڵاتن چاک دەزانێ. ناتوانێ پاڵ وە پاڵی برای خۆی بدات.
تا ئەوە حاڵمانە، ئەوەش ماڵمانە.
عیسا ئەحمەدی١٤٠٣/٠٨/١٠
@hoday_sher
🌿💫
وا بە تۆ موشتاقە چاوم
هەروەکوو
گوڵ بە ئاو و
لێو بە قەند و
کچ بە شوو
"ناری"
@hoday_sher
🌿💫
-بابە لەبیرتە پێت وتم خۆشەویستی چێژە، دنەیه و سەرقاڵکردنە؟
- ئم
- شتێکی تریش هەیە کە باست نەکرد. ئەوەیکە ئەگەر تەڵەزمەدارێک لەدەستی کەسێکدا ببینیت کە خۆشت دەوێت، هەڵدەستیت و
ڕووی هەموو دارەکانی جیهان بە شتێکی نەرم و ڕوون دادەپۆشیت بۆ ئەوەی جارێکی تر دار لە دەستیی ڕانەچێت.
- وایه. ئەمەم لەبیر دەمێنێت.
📕هەشتێک لە مشتێک
"ستیڤ تۆڵتز"
@hoday_sher
🌿💫
ئازیز!
دنیا هەر خەم نییە
لە ژیاندا،
کاتی دڵخۆشی کەم نییە
کە وا بوو خۆشەویستەکەم
چاو لە چاوی کیژی هیوا مەترووکێنە
کۆشکی تاسە مەڕووخێنە
ئاسۆ ڕوونە
شنەی شەوبا،
موژدەی هەرمان و هەربوونە...
"عەلی حەسەنیانی"(هاوار)
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"ئەوە تۆ هەرگیز گریاوى؟"
بە هەنسکی گریانەوە،
هه‌رگيز شه‌وان خەیاڵێك سەری لێیاوی؟!
ئەوە هەرگیز دڵت ورکی کەسێکی دووری
لێگرتووی؟
هەستت کردووە تەنیایت و
لەتاوانا فرمێسکی خۆت ماچێکی ڕوومەتی کردووی؟!
خۆشەویستم ئەوە هەرگیز تۆ بۆ نوسینی نامەیەك بەدیار لاپەڕەیەکەوە ڕاکشاوی؟!
وەك ئەستێرە..
بۆلای هیچ کەسێك کشاوی؟
ئەوە هەرگیز چیرۆکی خەیاڵیت دروست کردووە.. دڵی خۆتی پێخۆش بکەی؟!
هێندە ئازارت چەشتووە لە تاوانا ئاواتێکت سەرخۆش بکەی؟
ئەی ئاخۆ ئاواتت هەیە؟!
تۆش وەکو من ئەوینێك دڵت لێبەرێ..
لەو ڕێیە نەجاتت هەیە؟
ئەی لەبارەی ئەوینەوە
ئاخۆ شتێکت بیستووە؟!
مامۆستایەك پێی نەوتووی..
مەم چەن زینی خۆشویستووە؟!
ئەوە هەرگیز دنیات لێبووە بەکەسێ؟!
لەتاو جوانی ئەو دنیایە
بەیانیان لە خەوی شیرین
دڵت لەپێش خۆت هەڵبسێ؟!
تۆ سپێدان هیچ جارێ لەخەو هەستاوی و
شەونمی بەهارت دیوە؟
بەیادی گریانێکی خۆت
پەڕەی گوڵێکت سڕیوە؟
تۆ قەت چەترەکەت لا ئەبەی
بۆ ئەوەی ماچت کا باران؟!
تۆ هەست بە ڕابردوو ئەکەی؟!
ئەتگرێنێ یادی جاران؟
ئەوە هەرگیز بە گەردوونێ خەیاڵەوە
هیچ شەقامێک بۆ ماڵەوە ئەبەیتەوە؟
کە گوێت لە زەنگی دەرگا بێت
بە پڕتاوێ ئەڕۆی دەرگا ئەیکەیتەوە؟
ئەشڵەژێی گەر ئەو نەبوو؟
تۆ بیری ئەستێرە بکەی..
تێر بۆی ئەگریت گەر شەو نەبوو؟!!
ئەوە تۆ هەرگیز هەناسەت بووە
بە ئاهێکی قوڵ و
لە سینەت هاتۆتە دەرێ؟
ئەوە چی ئەڵێی بەکەسێ بۆ ئەوەی دنیای خۆشبوێ..
بەس ئەوینی تۆ شک بەرێ؟!
باشە،
ئەگەر کەسێک هەبێ بۆ تۆ وابێ..
هەموو ڕۆژێ لە ڕێگاکەتا ڕوابێ..
کەسێ لە سەرەمەرگا بێ..
بتوانی زیندووی کەیتەوە..
بۆ ژیان بدات لە دەرگات
ئەتوانی لێی نەکەیتەوە؟؟!
" رەنج سەنـگاوی "
@hoday_sher
🌿💫
لە ڕیشاڵە وردەکانی یەک گەڵادا
بێشەڵانەکان ئەبینم و
لە تنۆکی ئاودا زەریا و
لە یەک گڵمتکی بچووکدا
سەر زەمین و
لەناو چاوەکانی تۆیشدا
هەموو ئاسمان..
"شێرکۆ بیکەس"
@hoday_sher
🌿💫
نازدارم چەندە جوانە
وەرە وەرە وەرە وەرە با بزانم
قژی پەرت و پەخشانە
وەرە گیان وەرە گیان چاوجوانم
یارم وا هات بە لەنجە
وەرە وەرە وەرە وەرە با بزانم
مەمکۆڵەی چەندە قنجە
وەرە گیان وەرە گیان چاوجوانم
یار دەڕوا خۆی دەشنێنێ
وەرە وەرە وەرە وەرە با بزانم
بە لەنجە دڵ دەردێنێ
وەرە گیان وەرە گیان چاوجوانم
شێخی گەرمێن و کوێستان
وەرە وەرە وەرە وەرە با بزانم
خوایە لە منی نەستێنێ
وەرە گیان وەرە گیان چاوجوانم
باڵات بەرزە نەشمیلە
وەرە وەرە وەرە وەرە با بزانم
بۆی نەماوم دەخیلە
وەرە گیان وەرە گیان چاوجوانم
چاوجوان ماچێ کەرەم کە
وەرە وەرە وەرە وەرە با بزانم
نەماوم دڵ زەلیلە
وەرە گیان وەرە گیان گیانەکەم
مامۆستا "تاهیر تۆفیق"
@hoday_sher
🌿💫
بە گیانم هەڵدەمژم بۆنی ئەو لاملەت...
"فەرەیدوون ئەرشەدی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
هاوارم کرد
هاوارم کرد: دایە..دایە
وا ئەبرەهە و لەشکری فیل
تەنیویانە ئەم دنیایە،
وتی: ڕۆڵە
دڵۆپ دڵۆپ حەرامت بێ
بۆنی بای ئەم خاک و خۆڵە
حەرامت بێ ئاوازی قەڵبەزەی زێوین
ڕووناکایی ئاسمانی شین
گوڵە سورەی ئەم گشت شاخ و
شیو و دۆڵە
حەرامت بێ ئەو شیرەی
کە تنۆک تنۆک بە گەروتدا ڕژاوە...!!
ئەگەر نەبی بە هەوری خەستی ئاگر و
بەسەریاندا نەبارێنی پشکۆی ڕقی هۆنراوە...
"لەتیف هەڵمەت"
@hoday_sher
🌿💫
"عوسمان عەلی"
شیرین وا مەکه
شیرین وامەکە و زام ئەکولێتەوە
ساڵانی پێشووم وا بیر دێتەوە
کە وەفات نەبوو بۆ بووی بە یارم
بۆ بووی باعیس دڵەی غەمبارم
ئەهاتی بۆلام دەم بە پێکەنین
ئەتوت گیانەکەم من و دڵ گۆڕین
زۆرت سوێند خوارد بۆم بە یەزدانی پاک
ئەتوت یان بۆ تۆم یان ئەچمە ژێر خاک
کەچی نەمزانی یاری ڕۆیشتوو
ئەم گفتوگۆیەت هەمووی درۆ بوو
خۆ تۆ خۆت فەرمووت من بێ وەفا نیم
بێ وەفاییەکەت بە چاوی خۆم دیم
ئەوەڵین کەڕەت ئەمە کارت بوو
بۆ دڵت دامێ و کێ زۆردارت بوو
@hoday_sher
🌿💫
بە درێژایی ئەو کاتانە من لەوێ بووم
شەو هات، ڕۆژ چوو ،ساڵ هات، ساڵ چوو
هێشتا لەوێم...
لە بەر پەنجەرەی تەمگرتووی تەنیاییدا
چاوەڕێت بووم و چاوەڕێم
چاوەڕوانی جۆرێکی تری مردنە
ڕەفیق سابیر"
@hoday_sher
🌿💫
هەرکەسێ ئیزهاری دانایی بکات و
مەقسەدی
خودپەسەندی بێ،
یەقین ئیزهاری نادانی دەکا
"نالی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئەوە بۆچی هۆنراوەی من
ماڵ بە ماڵی شار دەگەڕێ
کیسەخەنە و خۆزگەی مەزن
بۆ هەموو کچێک هەڵدەگرێ
بەڵام کاتێ
من دێمەوە بە ئیجازەی سەربازیم
کچێک ماچێکم ناداتێ
شۆخێک نایە بۆ پێشوازیم...!
"لەتیف هەڵمەت"
@hoday_sher
🌿💫
ڕۆژ باش هاوڕێیانی ئازیز
@hoday_sher