5322
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
" ئاگر "
پێم بڵێ نووری برووسکەی یا گڕی؟
هەرچی هەی بۆ گیان و ماڵم ئاگری
ڕوو لە هەر لایێ دەکەم هەر کوێ دەچم
کۆترم تۆ وەک شەهێن دێی دەمگری
یادی تۆیە ئۆگری ڕۆژ و شەوم
داخەکەم تۆ هەر لە گەل خۆت ئۆگری
دڵنشینی، دڵڕفێنی، دڵکوژی
دڵ بەکەس نادەی، کەچی خۆت دڵگری
ئاخری دنیا هەموو دەگری بە ناز
خۆ تۆ ( نازی )نی کە دنیا داگری
ڕێم بدە خونچەی دەمت بگرم بە لێو
خۆ چ ناقەومێ لە ئامێزم گری
"عەلی حەسەنیانی" (هاوار)
مەهاباد ؛ گەلاوێژی ۱۳۵۹
@hoday_sher
🌿💫
شەوێک لە قەبرستان.
چەند ساڵێک بوو کە لە دێهاتێکی پەنای شاردا گۆشەنشین بوو.
رۆژێک لە ڕۆژنامە چاوی بە هەواڵێک کەوت:
"بە هۆی ڕەشەبای ناوادەی مەرگەوە، نیشتمان ڕەشپۆش بوو، هونەر و ئەدەب کۆستی کەوت....
هاوڕێیان، بە داخێکی گرانەوە هونەرمەندی خۆشەویست، مامۆستا... لە تەمەنی چل و شەش ساڵیدا ماڵاوایی لە نیشتمان کرد و بەرەو ژیانێکی بێ کۆتایی، پەیوەست بە کاروانی نەمران بوو.
ئێمە دەستەی نووسەران، پڕ بە دڵ سەرەخۆشی لە سەرجەم کۆمەڵانی خەڵک دەکەین. لە سەر وەسیەت و ڕاسپاردەی خودی مامۆستا، ئەم هەواڵە دڵتەزێنە پاش چەند ڕۆژ لە تەسلیم کردنی تەرمی پیرۆزیان بە خاکی نیشتمان، لێرەدا بڵاو دەکرێتەوە. ماڵئاوا هونەرمەندی گەل، ناوت بەرز و ڕێبازت بەردەوام."
کابرا زۆری پێ سەیر بوو. من خۆ زیندووم، چۆن هەواڵی مەرگم بڵاو دەکەنەوە؟ بۆیە ڕۆژنامەکەی نایە بن هەنگەڵی و یەکسەر ڕووی کردە بەڕێوبەرایەتی ڕۆژنامەکە. جەنابی بەڕێوبەر جگەرە بە دەست، ئەم لاقەی هاویشتبووە سەر ئەو لاقەکەی تری. ئەمیش خێرا ڕۆژنامەکەی نایە بەردەمی و وتی: دەکرێ بفەرموون چۆن هەواڵی مردنی منتان بڵاو کردۆتەوە؟ جەنابی بەڕێوبەر وەکوو نە بای هاتبێ و نە بۆران، وتی: دیارە ڕۆژنامە بە پەلە بڵاو دەبێتەوە، جاری وایە، هەڵەیەک ڕوودەدات. کابرا زۆر تووڕە بوو، وتی هەڵەی چی؟ ئێوە منتان مراندووە، دەبم بە گاڵتەجاری خەڵک. خۆ ئابڕووی من لافاوی بەهار نەیهێناوە!! دەبێ ئەو هەواڵە بە درۆ بخرێتەوە. بەڕێوبەر وتی: دەی چ قازانجێکی هەیە بۆتان؟ من ڕێزم هەیە بۆ هونەری ئێوە، بەڵام دیارە ئێوە لە کاروباری دنیا کەوتوونەتە دواگاوانی. بەڵێ، بە هەڵە هەواڵێک بڵاو بۆتەوە. بەڵام بەو هەموو وشە زلانە، ئێمە سێبەری تۆمان زۆر لە خۆت گەورەتر کردۆتەوە. بە بێ ئەوەی هەوڵێکت دابێت، هەلێکی وامان بۆت ڕەخساندووە کە هەتا ئەمڕۆ هیچ هونەرمەندێک شتی وای بە خۆیەوە نەدیوە. مەگەر نازانی لەم وڵاتەدا هونەرمەند هەتا نەچێتە ژێر گڵ، کەس لێی ناپرسێت و نایێتە بەردڵ. هەر کە مرد ئاسەواری بایەخ و بایی پەیدا دەکات. ئەم دەرفەتە لەدەست مەدە. تۆ تازە لاقت کەوتۆتە پێڵاوی گەورە پیاوان.
کابرا وتی: ئەی لەم نێوانەدا خۆم چیم بەسەر دێت؟ بەڕێوبەر وتی: ئەوەش ڕێگا و چارەسەری خۆی هەیە. ئێوە چەند بران؟ وتی تەنیا برایەکم هەبوو، سەردەمی شەڕی ناوخۆیی چوو بۆ هەندەران و هەر نازانین چی بەسەر هات؟ جەنابی بەڕێوبەر وتی شێوەو و ڕواڵەتی براکەت چۆن بوو؟ وتی زۆر لێک دەچووین، تەنیا جیاوازی لەگەڵ من ئەوە بوو، ئەو ڕیش و ڕدێنێکی درێژی هەبوو، من نەمبوو. وتی دەی زۆر چاکە. من لە پێش هەموو کارێک، هەر لەو دێهاتە قەبرێکی هەژارانەت بۆ درووست دەکەم. پاشان چەندین کۆڕی ڕێزنان لە کەسایەتیی هونەری تۆ بە ناوی ڕۆژنامەکەی خۆمانەوە دەخەمە ڕێ. دڵنیابە هەر ئەوانەی کە هەتا دوێنێ دژایەتی تۆیان دەکرد، نەوەک لەوان بەرزتر بیت، دێن و وتاردەدەن کە چەندە لەگەڵ بەڕێزیان نێوانمان خۆش بوو، هەموو شەوێ پێش خەوتن تەلەفوونی بۆ دەکردم، بڕیار بوو پێکەوە کارێکی هاوبەشمان هەبێت... یەکە یەکەیان دێن و خۆیان دەنوێنن. ئەتۆش چەند مانگێک خۆت بشارەوە. لەو ماوەدا چەندین ئاسەواری تازەش بخولقێنە. من موشتەری دەوڵەمەندی وایان بۆ پەیدا دەکەم کە بۆ خۆهەڵکێشانیش بووە بە پارەیەکی باش بیکڕن. نیوەی پارەکە دەدەمە دەستی خێزانت، نیوەی دیکەشی دەینێمە تەنکەی باخەڵم. خۆتیش پاش چەند مانگ بە چارەکێک ڕیشەوە خۆت دەرخە و بە زمانێکی تێکەڵ بە وشەی بێگانەوە بڵێ بە بیستنی هەواڵی کۆچی دوایی کاکم، لە هەندەران گەڕاومەتەوە، لە دەرەوەی وڵات قەدری هونەرەکەی زۆر باشتر دەزانن تا خەڵکی لای خۆمان.
کابرا بە موو لە فەرموودەی جەنابی بەڕێوبەر لای نەدا. تەواوی قسەکانیشی بەڕاست گەڕا. بنەماڵەکەی پۆشتە و پەرداخ بوونەوە. تەپ و تۆزی ڕۆژنامەش کە نیشتەوە، خۆشی بە ناوی کاکەیەوە گەڕایەوە نێو خەڵک. بەڵام............بەڵام ژنەکەی بەو هەموو پارەوە تازە بەرەڵا کەوتبوو. لە یەکێک هەر لەو کۆنفرانسانەدا لەگەڵ یەکێک لە وتاربێژان ڕێککەوتبوون. کابرا تازە زانی کە زۆر پیس دەستی لە بنی هەنبانەکەوە دەرچووە....
ڕۆژێک لەگەڵ کابرایەکی دەمڕووت ڕێککەوتن. پارەیەکی پێدا. بۆ شەو درەنگان، چوونە قەبرستان و بە دوو قۆڵی گۆڕە بەتاڵەکەیان هەڵدایەوە. کابرای هونەرمەند لەنێو گۆڕەکە خەوت و زیندوو بەچاڵ کرا.
دینۆ بوتزاتی_ئیتالیا/(محسن ابراهیم)
خوێنەری هێژا، هونەرمەند دەبێ تێکەڵ بە کۆمەڵانی خەڵک بێت، نەک ببێتە دارەدەستی دز و درۆزن. ڕەنگە کەسێک بەو شێوە بۆ ماوەیەک هەست بە سەرکەوتن بکات، بەڵام تا سەر نییە و گۆڕی خۆی هەڵدەقەنێت. بە پرۆپاگاندا و هەڵاڵە کردنیش کەس ناچێتە ڕیزی کاروانی نەمران. تەنیا ئەو هونەرمەندانەی لە دڵی میللەتا زیندوون کە نە لەگەڵ خەڵک درۆیان کرد نە لەگەڵ هونەر.
عیسا ئەحمەدی ١٤٠٣/٠٤/١٧
@hoday_sher
🌿💫
تۆ خۆتم لێ مه‌شاره‌وه
من له گه‌ڵای زه‌ردی پایز..
زۆر بێ نه‌وا و غه‌ریبترم
له کزه"با" ته‌زیوترم
تۆ خۆتم لێ مه‌شاره‌وه
بیرته به زه‌رده‌ی ڕوانینه‌کانت..
هه‌ڵمت له به‌فری دڵم هه‌ڵسان و
منت خسته شوێن ساماڵی گیانت؟
"ژنڕاڵی پاییز"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
خۆشەویستم گەر دەمزانی
هێلانەی دڵ دەکەی بەتاڵ
من سەدان ساڵ
نەمەدرکان خۆشم دەوێیت
ئەوسا من تاکوو مردن
هەر بە هیوای پێگەیشتن
بەرەو دونیای خۆشەویستیت پەسا پەسا وەڕێمدەخست قافلەی خەیاڵ.
"پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
گەر بزانی چەن پەشێوە
حاڵەکەم بۆ دیتنت⠀⠀⠀⠀⠀
⠀
سەد ئەوەندەی زوڵفەکانت
دڵ پەرێشانم وەرە ....
"تاهیر بەگی جاف"
@hoday_sher
🌿💫
مامۆستا "مەزهەری خالقی"
بەخوا جوان و شیرینە ڕووبەخاڵ و خوێن شیرینە....
@hoday_sher
🌿💫
بە غەمزەی چاوت بە خەندەی زارت
بردیان بە غارەت خەو و خەیاڵم
فەرمووت چلۆنی؟ چ بڵێم عەزیزم؟
دوور لە زوڵفی تۆ کافر بە حاڵم
"وەفایی"
@hoday_sher
🌿💫
چەن جارم وت، بە دڵی بێ عار
بێ تۆبە کە، مەگرە دڵدار
ئاخری وەهات ئەکا ناچار
ئەلەم ژینەت ئەکا بێزار
مەگری بە زار، بۆ دووری یار
مەدوێ لە یار، چەن جارم وت
چەن جارم وت، قەسەم ئەخۆم
ژەهریش بە دەست تۆ بێ ئەیخۆم
چەن خۆشەویستی تۆ لەلام
ئەی نازەنین، شیرین کەلام
بە قسەی خۆش، دڵ بێنە جۆش
بمکە سەرخۆش، چەن جارم وت
بە یادی مامۆستای مەزن "عەلی مەردان"
@hoday_sher
🌿💫
جا ڕەشەبا چی لە دەس دێ؟
گەر دارەکان بشکێنێ،
خۆ ڕەگەکان هەر دەمێنێ.
جا ڕەشەبا چی لە دەس دێ؟
گەر خانووەکان بڕووخێنێ،
خۆ زەوی هەر دەمێنێ.
جا ڕەشەبا چی لە دەس دێ؟
گەر چراکان بخنکێنێ،
خۆر دەمێنێ.
جا ڕەشەبا چی لە دەس دێ؟
بۆ ئەتوانێ خۆشەویستی
دڵدارەکان هەڵوەرێنی؟!
جا ڕەشەبا چی لە دەس دێ؟
بۆ ئەتوانێ جەستەی ناخی
ئەم سەدەیە بخنکێنێ؟!
"لەتیف هەڵمەت"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
بەهارستانێکە دڵم
بە گوڵەبەڕۆژەیەکی موشتاقەوە
بەرەو نیگات
وەرچەرخاو...
"فەرەیدوون ئەرشەدی"
@hoday_sher
🌿💫
ئەی ئاشنا بە ڕازی بزەی تیشکی بەربەیان!
ڕووگەی ئەوین کوا؟
ڕێی پێگەیین کوا؟
"عەلی حەسەنیانی (هاوار)"
@hoday_sher
🌿💫
"مەحاڵ"
ئەمڕۆ ئاوێنە پێی وتم:
نایەتەوە!
ساڵەهایە،
لاویم، تاڵ تاڵ
بەجێم دێڵێ و
گەڕانەوەی بۆتە خەیاڵ
گەڕانەوەی بۆتە مەحاڵ!
"ک_د_ئازاد"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"حەمە ڕەئوف کەرکوکی"
لەبر مەیلی مەیی عیشقی......
@hoday_sher
🌿💫
چۆن کۆڵەکەی ساوای بەژنم
ئەم ئاسمانەی غەمی تۆی
پێ ڕادەگیرێ...؟
کوا بە کانیاوی چاوانم
دەریای فرمێسکی غەمی تۆ
هەڵدەگیرێ...؟
"مارف ئاغایی"
@hoday_sher
🌿💫
وەرەوە.. بە بیابانی ڕۆحما تێپەڕە
با سەوز بێ..
چ جەنگەڵێکی تاریکە و..
تیایدا ون بووم..
کوانێ چرای چاوەکانت؟
لەو ڕۆژەوەی تۆ لە ئاوەدانیی دڵم دەرچوویت
من بوومەتە خەراباتێک
ملیۆنەها گەڵای زەردیش
لە بەر پێما کەوتوون
وەرە ئەی هوزاری بەهەشتی..
وەک ئەوسا لە ناخمدا بچریکێنە
با گوڵ، گەڵا.. چرۆ دەرکەم
دەخیلتم.. ئەی مەسیحی موحیبەتی من
دە هاوارێ.. موعجیزەی تۆ نەبێ
لەنێو گۆڕی هەزار پێ قووڵ..
ئاخۆ کێ بێ..
من دەربێنێ؟
"شێرزاد حەسەن"
@hoday_sher
🌿💫
ﺟﻮﺗﯿﺎﺭێکم...
ﻫﻪﻣﻮﻭ ﺑﻪﺭﻫﻪﻣﯽ ﺳﺎڵێکم ﺑﻔﺮﯙﺷﻢ
مشتێک ﺑﻪﺧﺘﻪﻭﻩﺭﯾﻢ ﺑﯚ ﻧﺎﮐﺎﺕ
ڕێبواڕێکم...
ﺗﻪﻭﺍﻭﯼ ﺩﻭﻧﯿﺎ ﮔﻪﺭﺍﻭﻡ
ﺗﻪﻭﺍﻭﯼ ﺭێگاﮐﺎﻧﻢ بڕﯾﻮﻩ
ڕێگای ﻣﺎڵەکەﯼ ﺗﯚﻡ ﻧﻪﺩﯙﺯﯾﻪﻭﻩ
ﭘﻪﻧﺠﻪﺭﻩیێکم...
ﺗﻪﻧﻬﺎ ﺋﻪﻭ ﮐﺎﺗﺎﻧﻪ ﺧﯚﺭ ﺋﻪﺑﯿﻨﻢ
ﮐﻪ ﺋﺎﻭﺍ ﺋﻪبێت
ﺑﺎڵندەﯾﻪﮐﻢ...
باڵەکانم ﻫﻪﺯﺍﺭ ﺭﻩﻧﮕﻦ
ﻟﻪﮔﻪڵ ﻫﻪﻣﻮﻭ ﺧﯚﺭ هەڵاتنێکیشدا
ﺋﻪﯾﺎﻧﮑﻪﻣﻪﻭﻩ ..
ﻟﻪ ﻧﺎﻭ ﻗﻪﻓﻪﺯێکیشدﺍﻡ
شێتێکم...
ﻫﻪﺯﺍﺭ ﺟﺎﺭ ﺷﯿﺮﯾﻨﯽ ﺑﺪﻩﻡ
ﺑﻪ ﻣﻨﺎﻟﻪﮐﺎﻧﯽ ﮔﻪڕﻩﮐﻪ ﮐﻪﻣﺎﻥ
ﺋﻪﻭﺍﻥ ﻫﻪﺭ ﺑﻪﺭﺩﻡ تێ ﺋﻪﮔﺮﻥ
ﭘﯿﺎﻭێکم...
ﻗﺴﻪ ﻧﺎﺯﺍﻧﻢ
ﺧﯚﺷﻪﻭﯾﺴﺘﯽ ﻧﺎﺯﺍﻧﻢ
ﻟﻪ ﺩﻩﺳﺖ ﺧﻪڵکی ﺋﻪﻡ ﺭﯙﮊﮔﺎﺭﻩﻭﻩ ﻣﺎﻧﺪﻭﻭﻡ ﻭ
ﻟﻪ ﺩﻩﺳﺘﯽ ﺧﯚ شم ﻫﻪﺭ ﻣﺎﻧﺪﻭﻭﻡ
ﻟﻪ ﺗﻪﻧﯿﺎﯼ ﻫﻪڵدێم ﻭ
ﺗﻪﻧﯿﺎﯾﺸﻢ ﺧﯚﺵ ﺋﻪوێت
"ﮔﯚﺭﺍﻥ ﺳﻌﯿﺪ"
@hoday_sher
🌿💫
"مامۆستا تاهیر تۆفیق"
قەلبی من گەر چەشنی لالە بێت و نەوتی تێبکەن
ئاگری دوژمن بێتە گیانم وەک چرا من پێ بکەن!
شەق شەقی کەن گۆشت‌و ئێسقان یەک بە یەک خوێی تێبکەن
بێ ترس من دێمە مەیدان حوکمە ئازادیم دەوێ...
گەر نەسووتێم‌و نەخنکێم چۆن هەژارم سەرکەوێ؟
نەچمە ناو جەرگەی هەژار‌و شان بەشانی وەک برا
روح‌و لاشەم ئیش نەکا بۆ میللەتێکی حەق خوراو
بۆ شەوی پڕ ترس‌و تاریک من نەسووتێم وەک چرا
کۆمەڵی دامای هەژاران چۆن دەبینن بچنە پێش؟
لێم گەڕێن من با بسووتێم ببمە خاک‌و خۆڵەمێش!
ببمە خاک‌و خۆڵەمێش تاکو هەژارم پێ بگا
با بسووتێم بەڵکو گەنج‌و لاوەکانم تێ بگا
بێتە مەیدان خوێن بریژێ تا حەقی پێ بگا
با بزانێ غەرقی خوێنە کێ حەقی وی خواردووە؟
با لە بۆ حەق خوێن بڕێژێ، دەرچێ دوژمن تازووە!...
"سامی عەوداڵ"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
رۆژتان دەوێ؟
رۆژ لە سینگی ئاسۆ دایە
بە خەنجەران ئاسۆ شەق کەن، رۆژ دەربێنن
سیمای ون بووی خۆتان دەوێ؟
سیمای ئێوە خەلیفەیێک کردی بە خشت
بۆ بنچینەی یەکەم مزگەوت
بڕۆن مزگەوت بڕوخێنن...
چیتان دەوێ؟ ...
سەربەستیتان؟
هەزارساڵە سەربەستیتان کچە و دەنوێ لە گەڵتانا ...
بەڵام کوانێ پیاوە تیتان؟
"عەبدوڵڵا پەشێو"
@hoday_sher
🌿💫
چەن جارم وت قەستەم ئەخۆم
"عەدنان کەریم"
@hoday_sher
🌿💫
مامۆستا "محەممەدی ماملێ"
ئەی ستارەی سوبحی دەم....
@hoday_sher
🌿💫
نەشتەری‌چاوی‌حەبیبم دێ بەسینەمدا دەچێ
مەرهەمی نازی تەبیبم بۆ‌دڵی خوێنین دەبا
"وەفایی"
@hoday_sher
🌿💫
لە نێو ئەو گشت ئەستێرانە کە تۆ دەیبینی
تاکە یەک ئەستێرە
هۆی ژیانی من بوو
داخەکەم لێم ون بوو
خۆشەویستم
هاوڕێم
پێم بڵێ لێی بگەڕێم ؟
یا بڕۆم لێی بگەڕێم ؟
"عەلی حەسەنیانی" (هاوار)
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئازیزم وەرە لام..،
"نەجمەدین غوڵامی"
@hoday_sher
🌿💫
ڕۆژ باش هاوڕێیانی ئازیز
@hoday_sher