5322
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
@hoday_sher
🌿💫
باران چ بەخوڕ دەبارێ..
بیابانی ئەو گیانه وشک و سووتاوەم.. قەت تەڕ نابێ..
باران درەخت و سەربان و چۆلەکە و شەقام و کەریش.. دەشواتەوە
تۆزی زۆری سەرچاوی من نەبێ
دونیا.. مات و تەڕ و تاریکە.. ڕووناکی بروسک نەبێ..
جار و بار بەر بیناییم ڕۆشن دەکا و دەکوژێتەوە
بروسکیش زۆر لە ئەوینی ـ تەمەن کورتی ـ من دەچێ
چەخماخه دەکا و .. زوو دەمرێ.
بەشێک لە شیعری "پەنجەرەیەکی کراوه لە نیوە شەودا"
"شێرزاد حەسەن"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
نه من چارەم بۆ دەکرێ،
نه تۆ.
زام چ لەگەڵ خەنجەرێک بکا
که بەرامبەری وەستاوه؟
"نیزار قەببانی"
@hoday_sher
@hoday_sher
@hoday_sher
🌿💫
چاوەکانت،
کەرنەڤاڵی یاریی ئاگرن.
هەموو ساڵێ،
تەنیا ڕۆژێک،
دێمه سەیریان.
ڕۆژانی تری ساڵەکەم،
بێ وچاندان،
ئەو ئاگرە خامۆش دەکەم،
که له ژێر پێستم،
پشکۆیەتی و بڵێسەدان...
"نیزار قەببانی"
@hoday_sher
🌿💫
ڕۆژ باش هاوڕێیانی ئازیز
@hoday_sher
@hoday_sher
🌿💫
- باشه تۆ هەرچی دارگوێزه خۆشت ئەوێن؟
- نەخێر، هەرگیز. تیاماندایه ئێجگار چاوچنۆک و زۆردار. ئەیانەوێ هەرچی ئاوه، یا هەتاوه، یا خود باڵندەی ئاسمانه بۆخۆیان بێ. وەک ئەبینی دەستیان بەسەر ئەرزێکی زۆردا گرتووه. جۆگەله دوای جۆگه و زنه هەڵئەنووشن تێریش ناخۆن. به سامانی زۆری گوێزەوه ئەنازن و تیایاندایه سێ ژن زیاتری هێناوه. له هەموویشی ترسناکتر هەر ئەوانه، لەگەڵ دارکەنەکاندا ڕێک کەوتوون و ئەیاننێرنه سەر درەخته هەژارەکان ئەیانکوژن. سەرچاوەی پواز ئەوانن. دیان ڕەقه و مانای لێبووردن نازانن. گوێ له هیچ دارێ، ڕووەکی، لە کەس ناگرن.
- باشه تۆ وەکوو بزانیت، بیستبێت، ئەو دارگوێزه زۆردارانه، له دواڕۆژدا، ئەوان ئەیانەوێ ببن به چی؟
- وەک بیستوومه، بەشی زۆریان ئەیانەوێ ببن به دەرگا و به پەنجەره و به ئەسکەمل و کەنتۆری ژووری پاشا و کۆشکی پاشا، یا به دیکۆری ناوەوەی تەلارەکان. به تەختی ژێر پێی سوڵتان و پادشاکان، به سیسەمیان، به کەشتیبان، به تاقمی ژووری شاژن، به سەوڵەجان.
"شێرکۆ بێکەس، پەخشانە شێعری کورسی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
تاقە کووچەی شاری خامۆشان،
خۆڵەپۆتینێکی نەرمە.
قرچەقرچی نیوەڕۆی هاوینە،
گەرمە.
چۆڵ و بێ ئاواییە،
زۆر لەمێژە هاتووچۆی تێدا نییە
ئەمنی ڕێبوار،
ئارەقەم تک تک لە ڕوومەت دێتە خوار،
دەیکوتم ماندوو و شەکەت،
دەچمە پێشێ،
خۆرەتاو دنیا دەسووتێنێ،
دەڵێی گیانم دەکێشێ.
جێگەپێیەک جێ دەمێنێت و
دەبێتە نەخشی ڕێیەک،
ڕەێیەکی سووتاو بە تیشکی داخ و گەرم،
خۆڵەپۆتێکی نەرم.
ڕیزەماڵێک دێتە بەر چاو،
تۆز لەسەر نیشتوو،
لە دەست چوو...
دەرک و دیواری بەسەریەکدا ڕمیو، مردوو...
ئاخرین ماڵ کاول و وێران و ڕووخاو،
چاوەیەکی نیوەسووتاو،
باخچەیەکی ئیشک،
بێ گیا، تێکدراو
چۆڵ و بێدەنگ، مات و بێڕەنگ.
دەرکی ژینی داخراو،
سەردەمێکی،
کۆشکی ئاواتی منی ئاوارە بوو...
تاقە کووچەی شاری خامۆشان،
خۆڵەپۆتینێکی نەرمە،
نیوەڕۆی هاوینە، گەرمە
شوێنی پێیەک،
نەخشی ڕێیەک،
یادگاری ئاخرین میوانی شارە
دوور کوندێک خەم دەخوێنێ:
ئاخۆ لەم ڕێگایە کێ ڕێبوارە ئەمجارە؟
"عەلی حەسەنیانی (هاوار)"
@hoday_sher
🌿💫
بیرت دەکەم
ئەمشەو زیاتر لەگشت شەوێ
بیرت دەکەم،بیرم دەکــــەی؟
گەر بلێم من بێتو باش نیـــم
بەباوەشت ژیــــرم دەکـــەی؟
شعر:مامۆستا محمد برزنجی
خوێندنەوەی:لانەوان نۆریاوی
@hoday_sher
🌿💫
لە ئامێزی من بترازێی، لە هەر کوێ بی پەناهەندەی...
"لەتیف هەڵمەت"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
@hoday_sher
Читать полностью…
🌿💫
شەرەف یان پارە.....؟
بڕیار بوو لەگەڵ کچێک کە زۆر یەکترمان خۆش ئەویست زەماوەند بکەین. ئەو کچە، تاقانەی یەکێک لە دەوڵەمەندترین پیاوانی شار بوو.
شەوێک لە ماڵی خزمێک میوان بووم. لەو کۆڕەدا چەند کەسی دیکەش بەشدار بوون. یەک لەوانە پیرەپیاوێک بوو کە خەڵکی شارێکی دوور بوو، دەیانگوت زۆر گەڕیدە و دنیادیدەیە. داوایان لێکرد لە بەسەرهات و بیرەوەری ژیانی خۆی شتێکمان بۆ بگێڕیتەوە. وتی: سەردەمی لاویەتیم، ئاگری شەڕ وڵاتی داگرتبوو. ئەرتەش حوکمی هەموو لای دەکرد. لەو بگرە و بەردە، من بە شەقی سیاسەت کەوتبوومە بەندیخانە. ڕۆژێک لاوێکیان هێنا و وتیان ئەمشەو لێرە دەمێنیتەوە. ڕەنگی بزرکابوو، دەیگوت لێرە غەریبم، تازە دوێنێ شەو لەگەڵ هاوریەک، هاتوومەتە ئەم شارە. دوێنێشەو لە هوتێلی شار تەنیا یەک وتاغی بەتاڵ هەبوو، بە کرێمان گرت. هەر ئەو کاتە پیاوێکی غەریبیش هاتە هوتێل. جێگا بۆ ئەو نەمابوو. پێکەوە شاممان خوارد. لە سەر سفرە، کابرا لە لامان درکاندی کە هەموو دارایی خۆی کردۆتە پارەو لە جانتاکەی ناوە و دەیەوێ ناوچەی شەڕ بەجێبێڵێت. هاوڕێکەم بە کابڕای گوت: تۆ بەو هەموو پارەوە ناکرێ لەدەرەوە بخەوی. وەرە لە جێگای من بخەوە. من هیچم نیە و بێخۆفم، دەچم لە سالونی هوتێل دەخەوم. من و کابرا چوێنە وتاغەکەوە. کاتی خەوتن شەیتان کەوتە کەوڵم کە کابرا بکوژم و پارەکەی بڕفێنم. بەڵام لە دەروونەوە لەگەڵ وێژدانی خۆم دەستەویەخە بووم. لەم ڕاو و بێڕایەدا، بە بێدەنگی هاتمە دەرەوە و ڕووم کردە دارستان و قەراخی چۆم. تا نیوەشەو بیرم دەکردەوە کە خودابەردار نیە کاری وا بکەم. ئاخۆ بۆ ئەو پارە چەندە ڕەنجی کێشاوەو و لە نانی ژن و منداڵی گرتۆتەوە؟ زانیم ددانی من ئەو نانە نابڕێ، بۆیە لەحنەت لە شەیتان، بێدەنگ گڕامەوە و خزامە نێو جێگەی خۆم و خەوتم. بەیانی بە قیژە و هەرای خزمەتکارانی هوتیل وە خەبەرهاتم. سەری کابرا بە چەقۆ بڕابوو. هاوڕێکەم و جانتای پارەش دیار نەبوون. زانیم کە دوێنێشەو پێش هاتنەوەم هاوڕێکەم ئەو کارەی کردووە!!
بەڵام منی غەریب و بێکەس لەم ئاگربارانەدا ئەو هەموو ژنێڕاڵە یاسا نەزانە چۆن تێبگەینم؟ ئەو شەوە تا بەیانی وەکوو مەنجەڵ دەکوڵا. دەیگوت تەنیا دایکە پیرێک شک دەبەم و ماڵمان لە فڵانە دێهاتە لە باکووری وڵات. دەزانم تا ڕێوی قەباڵەی خۆی بخوێنێتەوە، کەوڵی دەکەن.
هەرواش بوو. کاتێ دەیانبرد بۆ پای سێدارە، چاوی هیوای بڕیە چاوانم و وتی وەرە پیاوەتیم لە گەڵ بکە، هەر کاتێ رزگار بوویت، بچۆرە دێهاتەکەی ئێمە و بە دایکم بڵێ تەنیاکوڕەکەت بێتاوان بوو.
پاش چەند مانگ کە لە زیندان ئازاد کرام. ڕێگەی باکوورم گرتە بەر. کە چوومە ئەو دێهاتە وتیان درەنگ هاتووی. هەر زوو هەواڵەکەمان پێگەیشت. دایکی پاش چەن ڕۆژ دوای ئەو هەواڵە لە خەفەتان دیقی کرد..
بەسەرهاتی کابرا کە گەیشتە ئێرە، پرسیارم کرد: ئەو لاوە ئەو شەوەی زیندان، هیچ باسی هاوڕیەکەی نەکرد؟ وتی ئەوەی من لەبیرم مابێت، وتی ناوی فڵانەکەسە، خەڵکی فڵانە شارە و... بە بیستنی ئەو قسانە تەزووی سەردم بە لەشدا هات. ئەوانەی ئەو دەیگوت هەمووی ناوونیشانی خەزوورم بوو. پاش ئەو شەوە، زۆر بە دوایدا چووم، هەر خۆی بوو.
جا دەزگیرانی من، ئەبوو بە میراتگری ماڵێک کە هێلمە(گرێچن) بە هێلمەی فەرشەکەشیان حەرام بوو، لە سەر گۆڕی سێ بێتاوان بنیات نرابوو.
پاش چەند مانگ خەزوورم عومری درێژی بۆ ئێوە بەجێهێشت و کچیش چاوەڕی گواستنەوە بوو.
نەمەدەزانی چ بکەم. بۆیە چەندین کەسم هەڵبژارد: قازی، نوینەری پێشووی پارلمان، زانای ئایینی، مافناس، چەند لاوێکی هاوتەمەنی خۆم و وەلحاسڵ لە هەموو مەرامێک... بەبێ ئەوەی ناوی کچە بێنم، لە شوێنیکا کۆ بووینەوە و داوام لیان کرد ڕای خۆیان بفەرموون. یەکیان وتی: ئەگەر بمانەوێ زۆر لێی وردببینەوە، کەس ماڵی حەلاڵ نیە. جارجارە دەبێ خۆتی لێ گێل بکەی. ئەوی دیکە دەیگوت: وەرە بەو پارە بنکەیەکی خێرخوازی دامەزرێنین. ئەوی دیکە: زەکاتەکەی بدەی تەواوە. لاوێک پرسیاری کرد ماڵی خەزوورت لە کوێیە؟ ئەویتر.....
وتم بەڕێزان وانابێت. تکایە بە شێوەی دەنگدانی شاراوە. ڕای خۆتان بنووسن. دوایی کە سەرەنجم دەدا زۆربەیان نووسیبوویان لەگەڵی زەماوەند مەکە.
خەڵکی قسەیان و کردەوەیان یەکناگرێ و هەمیشە لە پشتی شانۆگەری درۆزنانەوە بە تەواوی هێزەوە مڵازیان گرتووە کە لە گرفتی کەسانی دیکە، بە دوای قازانجی خۆیان دا بگەڕێن.
ئاخۆ ئەو کچە کە تەواوی تەمەنی لە تەڕی خواردووە و لە وشک خەوتووە، حازرە لەگەڵ من، لە ماڵێکی هەژارانە، دوور لە ناز و نێعمەتی ماڵە باوکی، ژینی هاوبەش دەستپێبکات، یان ئەوینیش سنوورێکی هەیە؟
باڵزاک ۱۸۴۸ پاریس/( محمد نجابتی)
خوێنەری هێژا؛
باڵزاک پێمان دەڵێت: ئەم هەڵبژاردنە هەموو رۆژێ دووپات دەبێتەوە. نابێت پێوەرمان بەرژەوەندی تاکەکەسی خۆمانبێت. ماڵی حەرام بۆ خۆمان حەڵاڵ نەکەین. دڵنیابن ماڵی حەرام لە سەر گۆڕی بێتاوانان بنیات نراوە...
عیسا ئەحمەدی ۱۴۰۳/۰۲/۱۱
@hoday_sher
🌿💫
کەژاڵەکەم،
خەیاڵەکەم،
هەزار هێندە ڕابرێ،
هێشتێ هەر خەیاڵی تۆ،
هەوێنی بەستەکانمە.
بیری خۆشی ناز و خەمزەکەت،
هومێدی نێو ژیانمە.
گەرمەلانی گیانەکەم،
جوانەکەم،
چاوەڕێی دوو کۆتری جوانی چاوتە.
دڵم کە ئۆگڕی خەیاڵی پووچ و خاوتە،
هەر بە ئارەزووی تۆ لێدەدا.
ژیانەکەم،
بەرخە کورپەڵەی لە دوای مێگەلانەکەم،
هیچ لەبیرتە گوتت کە ئەو پەڕی ژیانمی،
ئەستێرەی ئاسمانمی،
شەماڵی بەربەیانمی؟
گوڵم،
دڵم،
لەبیرتە خەیاڵمان،
دەڕۆی بۆ هەواری ئارەزوو،
لەژێر نەم نەمی وەفا،
بزه‌ی ده‌هاته سه‌ر ده‌می
گوڵی به‌هاری ئاره‌زوو؟
ئەوێستێ بیری تۆ لە چەشنی دەرکەیەک، ڕەێی هەڵاتنم وەبەر دەنێ.
لە داوی خەم،
لە چەنگی مردنێ،
خۆشەویستەکەم خۆ فریو دەدەم.
خۆ فریو دەدەم،
بە ئارەزووی تۆ مەست دەبم.
ئاخ چ خۆشە مەستییەکی وا،
له بۆ له‌بیر بردنێ،
له بۆ له‌بیر کەردنێ...
"عەلی حەسەنیانی (هاوار)"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ئێواره وەخته.
تا چاو بڕ دەکا دەورم ڕووتەنه.
لەم دنیایەدا،
من تەنیا خەونی ژوانی تۆم ماوه...
خەونی ژوانی تۆ،
بۆ من سەرابی شینکه و قۆپەنه،
گڵۆڵەتیشکی سەر بەرەو خواره،
بەری ئاوداری بڕکی تەمەنه.
لێ گەڕێ گیانه،
دە با ئەم خەونه،
هەر بجریوێنێ و بچریسکێتەوه.
دەستی لێ مەده،
مەیشڵەقێنه.
با هەر درێژ بێ،
با هەر درێژ بێ و قەت نەبڕێتەوه...
"پەشێو"
@hoday_sher
🌿💫
جگەره دەکێشم. دووکەڵ ڕا دەکا. دووکەڵ دێته دەر. دووکەڵ له سەرم دێته دەر. سەرم ئیزن دەدا دووکەڵ ڕا بکا. ئیزن دەدەم دووکەڵ له بەرزایی سەرمەوه ڕا بکا. تینی جەستەم دەبێته دووکەڵ. دووکەڵ له بەرزایی سەرمەوه بەرەو ئاسمان دەڕوا. جگەره دەکێشم. دووکەڵ له هەوا دەکەم. سەرم کونه. ئەو دووکەڵەی له هەوادایه له سەرمەوه دێته دەر. ناتوانم بیگەڕێنمەوه، ڕەهای دەکەم. ئیزن دەدەم ڕا بکا. ڕا بکه و بەرەو ئاسمان بڕۆ. ئیزن دەدەم که ئەو ڕووداوه سەر بگرێ، هەموو هێزی من ئەوەیه. ئەوه تینی منه، زیندووبوونمه. دووکەڵ بەرەو ئاسمان دەڕوا. دەست له کێشان هەڵ ناگرم. وەک ئاگردانێک دووکەڵ دەردەدەم و دووکەڵ بەرەو ئاسمان دەڕوا. ئەی دووکەڵەکەم، ماڵئاوا... به سڵامەت...
من دووکەڵ دەر دەدەم، دووکەڵ له سەرم دێته دەر، بەرەو ئاسمان دەڕوا. هەرگیز ڕاناوەستێ، کونێک له سەرمدایه، دووکەڵ له سەرم دێته دەر و له ئاسماندا دەفڕێ و بۆ هەمیشه بزر دەبێ. تینی جەستەم لێم ڕا دەکا. هیوامه تینی جەستەم له بەرزایی سەرمەوه بێته دەرێ، ببێته دووکەڵ. بەرەو ئاسمان دەڕۆم، له ئاسماندا جگەره دەکێشم، تینی جەستەم دەڕوا، ئیزنی دەدەم که ڕا بکا...
خۆم دەبینم که له قامەتی دووکەڵدا بەرەو ئاسمان دەڕۆم. ماڵئاوا خۆم...
"کریستۆف تارکوس"
@hoday_sher
🌿💫
خۆشەویستم،
که شەو دادێ، شەوی بەهار
که تاریکی وەک تاڤگەی کل،
ئەڕژێته ناو گلێنەی شار،
که ئەستێره گەڕانەوه،
له ناشتنی،
تەرمی ماتی زێڕ کفتی خۆر،
که پەنجەیێ هات بزواندی،
تەلی گیانی پڕ له ناسۆر
بڕوا بکه خۆشەویستم،
لەو کاتەدا،
بۆ خەوێکی سەر مەچەکت،
ئەگریم، ئەگریم ...
به گیان، به لەش، به چاو، به گوێ،
هاوار ئەکەم:
برسیم، برسیم ...
"پەشێو"
@hoday_sher
🌿💫
پاش چاوی تۆ،
ئیدی ئاسمان چۆن بتوانێ،
بەیانییان که ڕا ئەبێ،
له ساماڵی خۆی بڕوانێ؟
"پەشێو"
@hoday_sher
@hoday_sher
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
سۆشیاڵمێدیا و تێکشکاندنی جێگە و پێگە و پرێستیژی کۆمەڵایەتی مرۆڤەکان(بەشی٥)
: پەیام ڕەمەزانی
@hoday_sher
@hoday_sher
Читать полностью…
🌿💫
هونەرمەند، "میکائیل مەهابادی"
سوێند بە دیدارت،هەتا بمێنم
هەرگیز ناتوانم وازت لێ بێنم
چۆن دڵم ویستى ناوت دەهێنم
هەتا وەڵامت لەدەم دەستێنم
ناز مەکە،ناز مەکە،ئەی چاو جوان ناز مەکە
ژیانم پێ خۆشە تۆ لە منی تاڵ مەکە
پەیکی ڕژاوم وا خۆڵ ئەیمژی
وا چاوەڕوانم خۆزگە ئەیکووژی
چۆلەکەی دڵم دا بە دەم باوە
نە پەیامی دا نە خۆی گەڕاوە
هەڵیگیرسێنە چرای سووتاوم
با بیهۆنمەوە حەرفی ڕژاوم
بە خەندەی نیگا چاوم بڕێژن
نەمامی هیوا تازە بنێژن
@hoday_sher