5321
هەر پێشنیارێکتان هەیە پێمان ڕاگەیێنن (ئاڵو گۆڕمان نییە) @s_ghoraeshi_48 hoday_sher کاناڵێکی جیاواز بۆ ناساندنی ناودارانی کورد بە هەموان
🌿💫
ڕۆژ باش هاوڕێیانی ئازیز
@hoday_sher
🌿💫
هەر لە ڕۆژی هەوەڵی دەربەدەریم
عیشقی تۆش هۆیەکە بۆ کوێرەوەریم
بە هەوای تۆوەیە دێ خورپە لە دڵ
دڵ هەر ئی‌تۆیە هەتا دەیخەنە گڵ
ئەو دەمەم خۆشە کە تۆش لەولاوە
کەزیەکانت بدەیە دەم باوە
با پەرێشانی بکا وەک دڵەکەم
هەڵمژم لێرەوە بۆنی گوڵەکەم
"هێدی"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"حەمید بانەیی"
چاوەڕێی موژدەی نەسمم.....
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
دڵم نەما...
تا پێت بڵێم مەیشکێنە
فرمێسک نەما
تا پێت بڵێم مەیڕژێنە
ژیان نەما..
تا پێت بڵێم لێم تاڵ مەکە
گەر پێت وایە شتێکم ماوە بۆ وتن
خەیاڵ مەکە!
"رەنج سەنگاوی"
@hoday_sher
🌿💫
کە ئــــاگر بم ئەمن، ئەو بایـــە نایـــە
دڵم پابـــەندی یـــەک هـەودایـــە نایە
مەلێک ئێوارە هێلانەی بەجێ هێشت
بـــەیانی نـــەغمـەیەک لــەو لایـە نایە
"ناسر حیسامی"
@hoday_sher
🌿💫
گیانەکەم تۆ نووسراوێکی
دێڕت بەقەد تاڵی پەرچەم
من چەن ساڵە دەتخوێنمەوە
چەن باڵی بیرم لێک دەدەم
نە تێر دەبم،
نە تێت دەگەم...
"پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
"حەمە ڕەئوف کەرکوکی"
لەبر مەیلی مەیی عیشقی......
@hoday_sher
🌿💫
چۆن کۆڵەکەی ساوای بەژنم
ئەم ئاسمانەی غەمی تۆی
پێ ڕادەگیرێ...؟
کوا بە کانیاوی چاوانم
دەریای فرمێسکی غەمی تۆ
هەڵدەگیرێ...؟
"مارف ئاغایی"
@hoday_sher
🌿💫
وەرەوە.. بە بیابانی ڕۆحما تێپەڕە
با سەوز بێ..
چ جەنگەڵێکی تاریکە و..
تیایدا ون بووم..
کوانێ چرای چاوەکانت؟
لەو ڕۆژەوەی تۆ لە ئاوەدانیی دڵم دەرچوویت
من بوومەتە خەراباتێک
ملیۆنەها گەڵای زەردیش
لە بەر پێما کەوتوون
وەرە ئەی هوزاری بەهەشتی..
وەک ئەوسا لە ناخمدا بچریکێنە
با گوڵ، گەڵا.. چرۆ دەرکەم
دەخیلتم.. ئەی مەسیحی موحیبەتی من
دە هاوارێ.. موعجیزەی تۆ نەبێ
لەنێو گۆڕی هەزار پێ قووڵ..
ئاخۆ کێ بێ..
من دەربێنێ؟
"شێرزاد حەسەن"
@hoday_sher
🌿💫
ﺟﻮﺗﯿﺎﺭێکم...
ﻫﻪﻣﻮﻭ ﺑﻪﺭﻫﻪﻣﯽ ﺳﺎڵێکم ﺑﻔﺮﯙﺷﻢ
مشتێک ﺑﻪﺧﺘﻪﻭﻩﺭﯾﻢ ﺑﯚ ﻧﺎﮐﺎﺕ
ڕێبواڕێکم...
ﺗﻪﻭﺍﻭﯼ ﺩﻭﻧﯿﺎ ﮔﻪﺭﺍﻭﻡ
ﺗﻪﻭﺍﻭﯼ ﺭێگاﮐﺎﻧﻢ بڕﯾﻮﻩ
ڕێگای ﻣﺎڵەکەﯼ ﺗﯚﻡ ﻧﻪﺩﯙﺯﯾﻪﻭﻩ
ﭘﻪﻧﺠﻪﺭﻩیێکم...
ﺗﻪﻧﻬﺎ ﺋﻪﻭ ﮐﺎﺗﺎﻧﻪ ﺧﯚﺭ ﺋﻪﺑﯿﻨﻢ
ﮐﻪ ﺋﺎﻭﺍ ﺋﻪبێت
ﺑﺎڵندەﯾﻪﮐﻢ...
باڵەکانم ﻫﻪﺯﺍﺭ ﺭﻩﻧﮕﻦ
ﻟﻪﮔﻪڵ ﻫﻪﻣﻮﻭ ﺧﯚﺭ هەڵاتنێکیشدا
ﺋﻪﯾﺎﻧﮑﻪﻣﻪﻭﻩ ..
ﻟﻪ ﻧﺎﻭ ﻗﻪﻓﻪﺯێکیشدﺍﻡ
شێتێکم...
ﻫﻪﺯﺍﺭ ﺟﺎﺭ ﺷﯿﺮﯾﻨﯽ ﺑﺪﻩﻡ
ﺑﻪ ﻣﻨﺎﻟﻪﮐﺎﻧﯽ ﮔﻪڕﻩﮐﻪ ﮐﻪﻣﺎﻥ
ﺋﻪﻭﺍﻥ ﻫﻪﺭ ﺑﻪﺭﺩﻡ تێ ﺋﻪﮔﺮﻥ
ﭘﯿﺎﻭێکم...
ﻗﺴﻪ ﻧﺎﺯﺍﻧﻢ
ﺧﯚﺷﻪﻭﯾﺴﺘﯽ ﻧﺎﺯﺍﻧﻢ
ﻟﻪ ﺩﻩﺳﺖ ﺧﻪڵکی ﺋﻪﻡ ﺭﯙﮊﮔﺎﺭﻩﻭﻩ ﻣﺎﻧﺪﻭﻭﻡ ﻭ
ﻟﻪ ﺩﻩﺳﺘﯽ ﺧﯚ شم ﻫﻪﺭ ﻣﺎﻧﺪﻭﻭﻡ
ﻟﻪ ﺗﻪﻧﯿﺎﯼ ﻫﻪڵدێم ﻭ
ﺗﻪﻧﯿﺎﯾﺸﻢ ﺧﯚﺵ ﺋﻪوێت
"ﮔﯚﺭﺍﻥ ﺳﻌﯿﺪ"
@hoday_sher
🌿💫
نامدوێنی....
"مەزهەر خالقی"
@hoday_sher
🌿💫
گەر هۆنراوەم بۆ دەریایەک بووتایە
ڕادەوەستا و
هەرچێ گەوهەر لە بنیایە
ڕۆی دەکرد بۆم
گەر هۆنراوەم بۆ دار گوێزێک بنووسیایە
وشکیش بوایە
گورج.. گورج... پەل‌و‌پۆی دەکرد بۆم
گەر هۆنراوەم بۆ چیایەک هەڵڕشتایە
هەموو دار و بەردەکانی
دادەگیرسان، وەک چرا و مۆم
ئەی تۆ بۆچی
بۆ گلارەی چاوەکەم
تەنیا جارێ ناتهەژێنێ هۆنراوەکەم؟
گەر حەز ئەکەی،
لە شەوانی بێداریتا
پەنجەکانم وەکوو دە مۆم
داگیرسێنە
گەر حەز دەکەی، تۆ منداڵ بەو
من دەبم بە بووکەشووشە و
بمشکێنە
بەڵام مەڕۆ...
مەڕۆ...
وازم لێ مەهێنە...
نیوە شەو و
لە تاریکی شەوانی زستان
دەترسم
لە جنۆکە و شەو و شەوبان
دەترسم
لە خشەی پێی ڕێبواری کۆڵان
دەترسم.
دایکم نییە
گورگانە شەوێم بۆ بکات
بە چمکێکی کۆڵوانەکەی،
حەشارم بدات.
دە گیانە تۆ تەمی ترسم بڕەوێنە...
مەڕو...مەڕۆ...
من بێ تۆ لە خۆمیش هەراسم...
مەڕۆ هەتا پرچت درێژ ئەبێتەوە
خۆم بە گرێی تاڵێکی‌دا
هەڵدەواسم.
"لەتیف هەڵمەت"
@hoday_sher
🌿💫
ئەی سروه!
تۆزێ ڕاوەسته!
هەتا خونچه دەس ڕابگرێ و نەكرێتەوه…
با بەس خشەی پشكوتن و دەنگی پەڕەی گوڵ بێته گوێ
هۆ پەپووله!
هێدی به دەی!
تەنیا تاوێ پەل مەبزێوه!
با زایەڵەی دەنگی سرتەی باڵەكانت
خەیاڵەكەم نەشێوێنێ!
با بزانم؛ ئەو پەڵە هەوره بەرزانه
ئەمڕۆكه بۆ چاوەڕوانن!
چاوانی ئەوینەوانی فریشته بۆچی دەڕوانن!
ئەی شاره مێروولەی نەبەز!
تاوێ تۆشەكەتان دانێن!
ڕاوەستن!
وچانێ بگرن.
تكایه با ترپەی پێ‌تان
بێ‌دەنگی دەورم نەشكێنێ و
خەیاڵم لێ نەشێوێنێ…
ئاخر لەمێژه دەمەوێ؛
شێعرێ بنووسم بۆ شەهید
پێم وایه ئەم‌جارەش،
دەنگی خورپەی دڵم واز نەهێنێ!
وەك مەلی بێ‌ئۆقرەی قەفەس؛
هێند خۆی به پەراسووم‌دا دا
تا سەرم لێ دەشێوێنێ…
"شەریف"
@hoday_sher
🌿💫
گوڵووکی من
دەڵێن بەهاری ساڵی نوێ بەڕێوەیە و پەساپەسا دەگاتە مە
گریم بەهار
بە گرمە‌گرمی هەورەوە لە ڕێوە هات
کوا گوڵێ لە شۆرەکاتی قاقڕی ژیانی من
بە دەم ڕەهێڵەوە بزەی دەبزوێ، هەڵدەدا؟
که ژینی من هەمووی خەمە
بەهاری من ، بەهاری شین و ماتەمە
"عەلی حەسەنیانی" هاوار
@hoday_sher
🌿💫
ئەی نەسیم و ئەی هەناسەی بەر بەیانانم لە کوێی؟
ئەی هەموو ئاوات و تاسەی ڕۆح و گیانانم لە کوێی؟
ئەی هەموو دەم هاودەم و هاوڕێ و هەڤاڵ و هاونشین
هێزەکەی هەنگاوی پیاسەی ڕێ و بانانم لە کوێی؟
ئەی چرای ڕووناکیی ئاسمانی ژیانم مانگی من
ئەی زریوەی ئەو کراسەی ئاسمانانم لە کوێی؟
ئەی کە تەعریفی کەماڵی بۆ ئەویندارانی ژین
ئەی کە پێناسەی لە خاسەی جوان و جوانانم لە کوێی؟
ئەی ڕەدیف و قافییە و وەزنی شیعر ئەی شاغەزەڵ
ئەی عەزیزم ئەی خولاسەی بەیتی خاڵانم لە کوێی؟
"خاڵەی قازی"
@hoday_sher
🌿💫
لێگەڕێ
بە ئاوازی هەموو وشەكان،
بانگت كەم.
ئەگەر نەمتوانی بە ئاوازێك ناوت بێنم،
با لەزمانی منەوە بكەوێتە خوار.
لێگەڕێ
دەوڵەتی عیشق بنیات بنێم
كە شازادەكەی تۆبیت و
منیش گەورەترین عاشقی بم!
لێگەڕێ شۆڕشێك بەرپاكەم
چاوەكانت بكەمە فەرمانڕەوای خەڵك.
لێگەڕێ... بە خۆشەویستیت شارستانیەتێكی جیاواز دروست كەم.
تۆ شارستانیەتی
تۆ میراتێكی بۆ هەمیشە و
هەزاران ساڵ، لە دڵی زەویدا دەمێنیتەوە.
"نزار قبانی"
@hoday_sher
🌿💫
"خوێناوی خەم"
پووشپەڕە مانگی لەیەک دابڕان
ئەو مانگەی یەخەی بەکورد دادڕان
خوێنی کردە دڵ، چاوی کرد بەخوێن
کەڵوەزەی پشتی لە سەت لا شکان
ویشکاوی هێنا بەکانی و ڕۆبار
ماسی خنکاندو گوڵی هەڵوەران
مەزرای ئەوینی کردە شۆرەکات
بە قەمچی تیرێژ باخی هەڵکزان
گڕی بەردایە باڵای شەنگی دار
میوەی ئازاری کوردی پێگەیان
بەربووە گیانی بزە و پێکەنین
شادی لەدارداو ئاواتی خنکان
شێعری خەڵتانی خوێناوی خەم کرد
گۆرانی کردە شیوەن و گریان
ئەو دڵانەی تۆ وزەو تینیان بووی
ئێستا خەونگەی حەسرەت و بریان
چرات دەگرتە تاریکایی ژین
دز و درۆزن لە تۆ دەترسان
بۆیە وەکوو داڵ بەربوونە گیانت
ئەتۆ چقڵێک بووی بۆ چاوی نەزان
ئەتۆ زامێکی لە دڵی مێژوودای
ساڕێژ نابییەوە وا سووک و ئاسان
ئەو تۆ دوکتوری زام و برین بووی
بۆیە هەناومان بۆت بۆتە بریان
نافەوتێی بەڵام، ئاڵا و سروودی
تۆ لەم وڵاتە، هەرمانی، هەرمان
بۆکان پووشپەڕی ٢٧٢٤
قادر عەلیخا
@hoday_sher
🌿💫
"عەدنان کەریم"
ڕەگ و ڕیشەی دڵم.......
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
" ئاگر "
پێم بڵێ نووری برووسکەی یا گڕی؟
هەرچی هەی بۆ گیان و ماڵم ئاگری
ڕوو لە هەر لایێ دەکەم هەر کوێ دەچم
کۆترم تۆ وەک شەهێن دێی دەمگری
یادی تۆیە ئۆگری ڕۆژ و شەوم
داخەکەم تۆ هەر لە گەل خۆت ئۆگری
دڵنشینی، دڵڕفێنی، دڵکوژی
دڵ بەکەس نادەی، کەچی خۆت دڵگری
ئاخری دنیا هەموو دەگری بە ناز
خۆ تۆ ( نازی )نی کە دنیا داگری
ڕێم بدە خونچەی دەمت بگرم بە لێو
خۆ چ ناقەومێ لە ئامێزم گری
"عەلی حەسەنیانی" (هاوار)
مەهاباد ؛ گەلاوێژی ۱۳۵۹
@hoday_sher
🌿💫
شەوێک لە قەبرستان.
چەند ساڵێک بوو کە لە دێهاتێکی پەنای شاردا گۆشەنشین بوو.
رۆژێک لە ڕۆژنامە چاوی بە هەواڵێک کەوت:
"بە هۆی ڕەشەبای ناوادەی مەرگەوە، نیشتمان ڕەشپۆش بوو، هونەر و ئەدەب کۆستی کەوت....
هاوڕێیان، بە داخێکی گرانەوە هونەرمەندی خۆشەویست، مامۆستا... لە تەمەنی چل و شەش ساڵیدا ماڵاوایی لە نیشتمان کرد و بەرەو ژیانێکی بێ کۆتایی، پەیوەست بە کاروانی نەمران بوو.
ئێمە دەستەی نووسەران، پڕ بە دڵ سەرەخۆشی لە سەرجەم کۆمەڵانی خەڵک دەکەین. لە سەر وەسیەت و ڕاسپاردەی خودی مامۆستا، ئەم هەواڵە دڵتەزێنە پاش چەند ڕۆژ لە تەسلیم کردنی تەرمی پیرۆزیان بە خاکی نیشتمان، لێرەدا بڵاو دەکرێتەوە. ماڵئاوا هونەرمەندی گەل، ناوت بەرز و ڕێبازت بەردەوام."
کابرا زۆری پێ سەیر بوو. من خۆ زیندووم، چۆن هەواڵی مەرگم بڵاو دەکەنەوە؟ بۆیە ڕۆژنامەکەی نایە بن هەنگەڵی و یەکسەر ڕووی کردە بەڕێوبەرایەتی ڕۆژنامەکە. جەنابی بەڕێوبەر جگەرە بە دەست، ئەم لاقەی هاویشتبووە سەر ئەو لاقەکەی تری. ئەمیش خێرا ڕۆژنامەکەی نایە بەردەمی و وتی: دەکرێ بفەرموون چۆن هەواڵی مردنی منتان بڵاو کردۆتەوە؟ جەنابی بەڕێوبەر وەکوو نە بای هاتبێ و نە بۆران، وتی: دیارە ڕۆژنامە بە پەلە بڵاو دەبێتەوە، جاری وایە، هەڵەیەک ڕوودەدات. کابرا زۆر تووڕە بوو، وتی هەڵەی چی؟ ئێوە منتان مراندووە، دەبم بە گاڵتەجاری خەڵک. خۆ ئابڕووی من لافاوی بەهار نەیهێناوە!! دەبێ ئەو هەواڵە بە درۆ بخرێتەوە. بەڕێوبەر وتی: دەی چ قازانجێکی هەیە بۆتان؟ من ڕێزم هەیە بۆ هونەری ئێوە، بەڵام دیارە ئێوە لە کاروباری دنیا کەوتوونەتە دواگاوانی. بەڵێ، بە هەڵە هەواڵێک بڵاو بۆتەوە. بەڵام بەو هەموو وشە زلانە، ئێمە سێبەری تۆمان زۆر لە خۆت گەورەتر کردۆتەوە. بە بێ ئەوەی هەوڵێکت دابێت، هەلێکی وامان بۆت ڕەخساندووە کە هەتا ئەمڕۆ هیچ هونەرمەندێک شتی وای بە خۆیەوە نەدیوە. مەگەر نازانی لەم وڵاتەدا هونەرمەند هەتا نەچێتە ژێر گڵ، کەس لێی ناپرسێت و نایێتە بەردڵ. هەر کە مرد ئاسەواری بایەخ و بایی پەیدا دەکات. ئەم دەرفەتە لەدەست مەدە. تۆ تازە لاقت کەوتۆتە پێڵاوی گەورە پیاوان.
کابرا وتی: ئەی لەم نێوانەدا خۆم چیم بەسەر دێت؟ بەڕێوبەر وتی: ئەوەش ڕێگا و چارەسەری خۆی هەیە. ئێوە چەند بران؟ وتی تەنیا برایەکم هەبوو، سەردەمی شەڕی ناوخۆیی چوو بۆ هەندەران و هەر نازانین چی بەسەر هات؟ جەنابی بەڕێوبەر وتی شێوەو و ڕواڵەتی براکەت چۆن بوو؟ وتی زۆر لێک دەچووین، تەنیا جیاوازی لەگەڵ من ئەوە بوو، ئەو ڕیش و ڕدێنێکی درێژی هەبوو، من نەمبوو. وتی دەی زۆر چاکە. من لە پێش هەموو کارێک، هەر لەو دێهاتە قەبرێکی هەژارانەت بۆ درووست دەکەم. پاشان چەندین کۆڕی ڕێزنان لە کەسایەتیی هونەری تۆ بە ناوی ڕۆژنامەکەی خۆمانەوە دەخەمە ڕێ. دڵنیابە هەر ئەوانەی کە هەتا دوێنێ دژایەتی تۆیان دەکرد، نەوەک لەوان بەرزتر بیت، دێن و وتاردەدەن کە چەندە لەگەڵ بەڕێزیان نێوانمان خۆش بوو، هەموو شەوێ پێش خەوتن تەلەفوونی بۆ دەکردم، بڕیار بوو پێکەوە کارێکی هاوبەشمان هەبێت... یەکە یەکەیان دێن و خۆیان دەنوێنن. ئەتۆش چەند مانگێک خۆت بشارەوە. لەو ماوەدا چەندین ئاسەواری تازەش بخولقێنە. من موشتەری دەوڵەمەندی وایان بۆ پەیدا دەکەم کە بۆ خۆهەڵکێشانیش بووە بە پارەیەکی باش بیکڕن. نیوەی پارەکە دەدەمە دەستی خێزانت، نیوەی دیکەشی دەینێمە تەنکەی باخەڵم. خۆتیش پاش چەند مانگ بە چارەکێک ڕیشەوە خۆت دەرخە و بە زمانێکی تێکەڵ بە وشەی بێگانەوە بڵێ بە بیستنی هەواڵی کۆچی دوایی کاکم، لە هەندەران گەڕاومەتەوە، لە دەرەوەی وڵات قەدری هونەرەکەی زۆر باشتر دەزانن تا خەڵکی لای خۆمان.
کابرا بە موو لە فەرموودەی جەنابی بەڕێوبەر لای نەدا. تەواوی قسەکانیشی بەڕاست گەڕا. بنەماڵەکەی پۆشتە و پەرداخ بوونەوە. تەپ و تۆزی ڕۆژنامەش کە نیشتەوە، خۆشی بە ناوی کاکەیەوە گەڕایەوە نێو خەڵک. بەڵام............بەڵام ژنەکەی بەو هەموو پارەوە تازە بەرەڵا کەوتبوو. لە یەکێک هەر لەو کۆنفرانسانەدا لەگەڵ یەکێک لە وتاربێژان ڕێککەوتبوون. کابرا تازە زانی کە زۆر پیس دەستی لە بنی هەنبانەکەوە دەرچووە....
ڕۆژێک لەگەڵ کابرایەکی دەمڕووت ڕێککەوتن. پارەیەکی پێدا. بۆ شەو درەنگان، چوونە قەبرستان و بە دوو قۆڵی گۆڕە بەتاڵەکەیان هەڵدایەوە. کابرای هونەرمەند لەنێو گۆڕەکە خەوت و زیندوو بەچاڵ کرا.
دینۆ بوتزاتی_ئیتالیا/(محسن ابراهیم)
خوێنەری هێژا، هونەرمەند دەبێ تێکەڵ بە کۆمەڵانی خەڵک بێت، نەک ببێتە دارەدەستی دز و درۆزن. ڕەنگە کەسێک بەو شێوە بۆ ماوەیەک هەست بە سەرکەوتن بکات، بەڵام تا سەر نییە و گۆڕی خۆی هەڵدەقەنێت. بە پرۆپاگاندا و هەڵاڵە کردنیش کەس ناچێتە ڕیزی کاروانی نەمران. تەنیا ئەو هونەرمەندانەی لە دڵی میللەتا زیندوون کە نە لەگەڵ خەڵک درۆیان کرد نە لەگەڵ هونەر.
عیسا ئەحمەدی ١٤٠٣/٠٤/١٧
@hoday_sher
🌿💫
تۆ خۆتم لێ مه‌شاره‌وه
من له گه‌ڵای زه‌ردی پایز..
زۆر بێ نه‌وا و غه‌ریبترم
له کزه"با" ته‌زیوترم
تۆ خۆتم لێ مه‌شاره‌وه
بیرته به زه‌رده‌ی ڕوانینه‌کانت..
هه‌ڵمت له به‌فری دڵم هه‌ڵسان و
منت خسته شوێن ساماڵی گیانت؟
"ژنڕاڵی پاییز"
@hoday_sher
🌿💫
ڕۆژ باش هاوڕێیانی ئازیز
@hoday_sher
🌿💫
خۆشەویستم گەر دەمزانی
هێلانەی دڵ دەکەی بەتاڵ
من سەدان ساڵ
نەمەدرکان خۆشم دەوێیت
ئەوسا من تاکوو مردن
هەر بە هیوای پێگەیشتن
بەرەو دونیای خۆشەویستیت پەسا پەسا وەڕێمدەخست قافلەی خەیاڵ.
"پەشێو"
@hoday_sher
🌿💫
ڕۆژ باش هاوڕێیانی ئازیز
@hoday_sher