11030
لنشر قصائد مناسبات اهل البيت
نزال للانصار
.
.
.
اباصــرار واراده يابوعلي
عشـاق الشـهاده يابوعلي
انصـارك
***
عــقيـــدتـنه الجـهـــاديه حسيـنيــه حســيـنيه
المواقـف كربلائـيه
تهـز العـالم
وشـرف عيـنك يبـورقيه نظـل لجـلك فدائـيه
قبـل طـف كربـله النيه
لحد القائم
نـنقل بـين الأجـيال نصـرتك حـتى نكـبر
بدربك حـتى اليموت خشب تابوته خضر
لـذلك احـنـه عـدليـن بـحـبك يـابـوالاكبـر
والرادو سـعادة يابوعلي
عشاق الشـهاده يابوعلي
انصـارك
***
على نهجك تـربينه ومن طفك تغذينه
يبوسـكينه يبوسكـينه
يروح الثـوره
ثورتك عايشه بينه على الدنيا تقوينه
والـرايـد يلاگـيـنه
يحـضـر كـبره
نعم ان تنـصرو الله يـثبت الكــم الاقدام
باچــر تلـــگه الأنصـار سـور باب الخـيام
وجيش الشام يحسين نرده جثث للشام
اصحاب السياده يابوعلي
عشاق الشــهاده يابوعـلي
انصـارك
***
لو حرگونه الـف مـره ولـو بالهـوه نتذره
وشـيلـة فاطـمه الزهـره
ابـد منـعـوفك
والبـسـطـورنه يـقره زود افعـالنه تخبره
اليگول انه قوي انكسره
وحق اطفوفك
قل ياايهـا الجـيش صـحنه وسمـعت الناس
صـــح انصـار الحسـين بـس قائـدنه عبـاس
بده بالحومه وسواس بـس وسواس خناس
وكلشي البينه ناده يابوعلي
عشـــاق الشـهاده يابـوعـلي
انصـارك
***
وحـق السـتر الـمـرتـب وحق زينب وحق زينب
الرايد عالخيم يگرب
يگرب اجاله
يراعي الدين والمذهب باچـر كلــشي يــتـــأدب
من سيوفنه التلهب
تشوف الحاله
العساكر لمن نصول ثـــواني مايصمـدون
دخـيل الله والحسين نخـليهم يصـيحون
الماباچيـن فـد يوم بالـطف راح يـبـچون
ومن يوم الولاده يابوعلي
عشـاق الشـهاده يابــوعلي
انصـارك
***
ياقـائـد لـكـل قـائـد مثـلك لـم يكـن واحد
بالحومه وگفت صامد
يرمز القوه
اليتبعك لمن يجاهد تلـگاه حـــار مـو بـارد
والطف تعتبر شاهد
تگول شـسوه
بقينه بطول الازمـــان نصره بأثر نصره
عـددهـم مـهـمـا يـزداد ابـقلـتـنه ندحـره
الملـگه شكـثر ماطــال لايمـكن نخـسره
مـَندور الاشــاده يابوعلي
عشـاق الشهـاده يابـوعلي
انصـارك
***
حيدر تركي الكربلائي
نزال ليلة ام البنين
.
.
.
حي الله خدام الحسين / حياكم
يـــاتربــــية ام الــبنيــن / حياكم
***
ياجيل معجون بتعـب .. يا اثقـــــف واعظــم شعب
مادام قلـــدتو الكـــفيل .. فــــزتـــو كـــما فـاز وهب
تفانـــيتو بالخدمة نعم .. منـــكــــم ولا زل الجـــدم
الثابت يقينه بالحسين ..اتسجله الزچيه اويه الخدم
قد افلح المؤمنين / حياكم
ياتربـية ام البنين / حياكم
***
الهالدرب كلمن ينتـسب .. وخـدام أبو اليمه يحب
الماترضه عنه ام البـنين .. عالخـدمه لا ماينحسب
العايـــش حـياته كـــربله .. ام عباس هيه اتــدللـه
بصف حمزه الزغير يصير .. بجــنة البــاري منــزله
بالجنه باجر فرحين / حياكم
ياتــربية ام البنـــين / حياكم
***
انتم فصل واصل العشگ .. وگلوبكم بالحـــب تدگ
واحـــدكم بـــگــد الهيـــام .. بنــــار المخيم محترگ
ونستكم الـون والبـــچي .. وبحسينكم بس الحچي
المنكم هفت حيله وتعب.. بحيل اخو زينب ينتچي
وبزود عباس الحنين / حياكم
ياتـربيـــة ام البنيـــن / حياكم
***
يامن نذرتو هالعـــمر .. لحســـين مهشــوم الصدر
عفتو جميع المغريات .. وللخــدمه جــيتو بلا اجر
ماضاع تعب ام الوفـه .. بـــيكم يأهـــل المـــعرفه
يسمونكم ربع الحسين .. وهاي الصفه اجمل صفه
انتو العباد الصالحين / حياكم
ياتــربـــية ام البنــين / حياكم
***
المطيه لبوا ليمه ظـهر .. وجهه مثل وجه الگمر
تعلمك اذا يعطش اخوك .. مد روحك اگباله نهر
امــن ادروس ام الاربــعه .. لازم نحـصل منـفعه
والمـــنفعه آن الحسـيـن .. رحمة الباري الواسعه
وعالخدمه يامن ثابتين / حياكم
ياتــربيــــة ام البنـــين / حياكم
***
العاشورهم طـــول السنــه .. ذولـــه اهـــل ياليـتنا
الينعون همه بــكل مكان .. واحــدهم تحس مأذنه
الينعون أبو اليمه الشهيد .. ام عباس تعرفهم اكيد
هنيالكم يـهـــــل الــعزاء .. وصرتو لبوا ليمه عبيد
بالخدمه يامن موقنين / حياكم
ياتــربيــة ام البنــــين / حياكم
*
حيدر تركي الكربلائي
نزال شوط كربلائي
للعليلة(ع)
.
.
.
يطارش لو رحـت للطـف اخذ ويـــاك حسراتي
وأمانة من تشوف حسين بدي بحــظنه دمعاتي
*
سولفــــله شــــسولفلك .. ونقـــله شكو كلمـه
ترى مال الله اذا متگول .. مـابـــريلــك الذمه
العليله گله بيـها الشوگ .. فاض وبعـد شيلمه
گله مدمــــع الـــطفله
من خدها شلع وصله
يجري بگد نهر دجـله
زمزم كصته عرگت مــن شاهد اعويناتي
*
يطارش ويه ابويه حسين .. بالطـف يــوم تتلاگه
اول كلمه گـله تــــــگول .. بتــــــكم حيل مشتاگه
يطارش والسوالف خيل .. داســت صدري بفراگه
لحد ماغــرزت بـيه
على هالحاله يوميه
اويـلـي والمغـــربيه
تعصر روحي من الشوگ حد متفيض مأساتي
*
يطارش گله الزغيره .. مـن گـد ونها يوميه
شيب راسها ابفرگاك .. وهـــيه هسه محنيه
ثق الشافها امن الناس .. الها ايصيح حجيه
گــالو كافــي لاتبچــين
يالعمرچ ثــــلاث سنين
هسه تگـول چن تسعين
الماملچومه من هالنــاس لامتني اعله وناتي
*
يـطارش والدي گــله .. بگلبــــي تشتعل جمــره
وگله البارحه بالطيف .. شـــفــتها كــربلا حمره
شفت واحد يسمونه .. الشمر چن يگطـع بنحره
وچنه مو حـــــلم واقع
ابوي اعله الارض واگع
يلوج بــروحه وينــازع
اصيح اسم الله بس الخيـل حـــالت دون كلماتي
*
يطارش گلهم الليله .. التمرني چنها ست اشهر
وحگ كاروك عبد الله .. احسـها بالــگلب تعصر
اون چن ماتلي معدل .. لخويه الاكبر امن اذكر
الينگط چان حنيه
كلش معـتني بيــه
مــن اذكر محاچيه
اعطش حيل يالطــارش وتيــبــس ليش لهاتي
*
يطارش من تروح هـناك .. اخذ وياك هالمطلب
گـــلهم فاطـــمه بتــــكم .. عليله وضاله تنحـب
اذا تتــأخـــرون اهـــــناك .. عاد الها تجي زينب
عمي يردها بچــفوفه
والبالخـدر موصــوفه
عن لاتمشي مچـتوفه
ويرد وياها ابوفاضــل ورباب وليله وَخواتي
*
حيدر تركي الكربلائي
گعده لــ ام البنين
(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)
--------------------
بسم دمع اعـيوني ابدي واحچي عمَا صار بيه
الكــبرتهـم بــالمــتاعـــب والمــصاعب والاذيه
محــلل ومُــهوب بيهــم كون بس ترضى عليه
اي وحق جفني ومدمـعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه
عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين
لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)
------------
(اتقــوا الـــنارَ بــشقِ )تمــره وانــه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه ويـاهم انه احسبني جندي
ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي
من تگلي وين اديچ وايدي كلشي ماكو بيهه
شراح اگلها يبو اليـمه وزينـب مچوايه اديهه
إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)
--------------
امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك
ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك
علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي
بهالــطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)
-------
وداعتــك يا ابو اليمه باچر امــن ايصير عاشر
ومايضل عندك صـديج ومايضل عندك مناصر
اربعتــهم تحت امــرك ولدي ســـويهـم گـناطر
بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقـه مكسورة الخاطر
الدنيه ريح وريح صرصر وانتَ تـدري چني ريشه
العيشه عــگبك مستــحيله وراح ماسمــيها عيشه
واسأل اولادي اربــعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)
----------
مــن احــط بكفه ولــدي سيدي وحــبك بـكفه
حـبي يرجع عـلى اولادي مــن كـثر مابيه لهفه
اليوم حالي حال واحد عنده ميت وعنده زفه
كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه
ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين
فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي
گعده .. ليلة ام البنين
.
.
.
باچر ابيوم القيامه تعلمون
يــوم لايــنـفعُ مــالً وبنون
نـعـم إلا من آتــى بحــب الحسيــن
علمــتــنه هــالـــدرس ام البــنيـــن
واليخدمه فاطمه اتسويه ملك
***
عالم الخدمه الجليله التتسم بيها القصيده
مبتدأها مرءه طيـبه فاهمه وحره ورشيده
علمتنه ننـطي كلشي لجل الحسـين بعقيده
الينطيله صم ياخذ حظن .. وكون بعطايا مايمن
المتروس دلاله حزن .. تلكه الحسين بوريده
الخدمه اولها انتمائك للشهيد
واول الخـدم ابو فـاضل اكيد
فايز ابهـــذا الحچي العــنده يـقيـن
علمـــتــنه هـالــــدرس ام الـــبنــين
واليخدمه فاطمه تسويه ملك
***
الخدمه هــنياله يوادم كـــل شــخص بيها تبـَحر
معرفـه ايــريدلها تــشبه معــرفة سيــدنــا قمــبر
الراد يكــبر كــون يــزغر من يمر طاري ابو الاكبر
المــاقــــلد ام الاربــعـــه .. وبالـــخدمه دور منــفعه
ايضل عايش ابهالقوقعه .. وحجمه يم الزهره يزغر
والتواضــع يرفــع الــخادم مقـام
انياله كــل واحد رضه عنه الامام
المهم نرضي احسين ابو گلب الحنين
علمــتنـــــه هــالــــدرس ام الــبنـــين
واليخدمه فاطمه تسويه ملك
***
الخادم الصــح كون يبذل بالفعل مو فقط كلمه
كون مثل ام البنين الينطي من ينطي ابو اليمه
الخدمه لو من چعب گلبك هيه لو لتگول خدمه
مـــن كربله اتعــلم درس .. وعــباس من دوره اقتبــس
ظل صــير لتمثل الشمس .. خـاف تچوي حسين جسمه
يامن الخدمه اصنعـت منك امير
كون ماتنسه الــبقه فوگ الهجير
ناكـــر المعــروف يــعني ابلايه دين
علمـــتنــه هالــدرس ام البـــنـــــين
واليخدمه فاطمه اتسوي ملك
***
الرايد ايقلدله مرجع يبحـث اعله الاعلميه
الرايد ايقلدله خادم تره مو صعبه القضيه
للخدم ام البــنين اتكــون هيــه المـرجعيه
قلدها يالخادم صدگ .. توصل مراحل بالعشگ
بطاري المخيم تحترگ .. من يمر طاري السبيه
كون بين الناس انته اشـما تكون
فايز اليعمي على احسين العيون
والبچــاله عـــنـــدَ ذي العرشِ مكين
علمـــتــــنه هــالـــدرس ام البــــنين
واليخدمه فاطمه تسوي ملك
***
عيش ايامك ولكن عيش بنـفـاس المواكب
واليدليك اعله دمعه صيرله مثــل الگـرايب
واخذ من حزن العفيفه الطاهره ام الاطايب
وانحب نحيب الثـــاكله .. وخدك بدمـــعك بـــلله
لجـــل الذبيح ابكـــربله .. الظل ثــلاثه عالترايب
عيـــش ايامـــك كـــأنـــك بالـــطـــــفوف
وشوفت جسم احسينك اتگطعه السيوف
مو كئيب الناس گول الهم حزين
علــــمتــنه هالــدرس ام البـــنين
واليخدمه فاطمه اتسوي ملك
***
حيدر تركي الكربلائي
الليله الاولى
قصيدة الگعده
.
.
.
الدنيه ابلا خدمتك والله يحسين
لاما تسوه فلسين
عالدنيه السلامه
من غير الخدامه
ولاما تسوه فلسين
***
بسم رب كل الاشــياء وبسـم رب حسين نبدي
من المهدي اوياك احنه يبو اليمـه الى الــمهدي
احنه ناس نعيش حزنك مانعيش بحــلم وردي
ايام ونستنه الصدگ .. في مجلسك من نحترگ
ابلا حبك وهذا العشگ .. لانجــيب اولا انـــودي
محروگين احنه ابنار الخيام
بلكي اتعدنه خدام
وهالعيشه ابندامه
من غيــر الخدامه
لاماتســوه فلسين
***
الخيـــمتك يامـــن جـبتـــنه الــف شــكـرا يبــو اليمه
الخدمه نعمه وبعدك انته اتفيض فوگ الخــدم نعــمه
الــرايده انــتــه وتحـــبه مـــن يـزل جــدمه تــلــزمه
الدرب الصواب اترجعه ..اليجري اعله مودك مدمعه
غير انته امامه ومرجعه .. ولو تركته ينـــسه اســمه
لو ماچفك المگطوع اصبعه
الزل جدمه اشيرجعه
وكل هاي الكرامه
من غـير الخدامه
لامتــسوه فلســــين
***
نكــبـــر بجـــالــك ولــكــن احـــنه ذولاك الشــــويه
اتـطـــشنه دنـــيانه وتلمـــنه يمنتــــك يـــابو رقــيه
انحبـــك وداعة البالطــف طحــنته خـيل اعــوجيه
وروح امك وذاك الصدر .. نخدم نضــل طول العمر
مـــو للـــثواب وللاجـــر .. انــريد مرضــاة الــزچيه
احنه وياك مادورنه جنه
يــاراعي المحــنه
الجنه يالمـــلامه
من غير الخدامه
لامتــسوه فلسين
***
اتضكنه مـرات الضروف وتنفـــرد بينــه المتاعب
إي بحيث الشاب بينه من تشــوفه تگــول شايب
ننكــسر من جانب احنه انخضر احنه بغير جانب
زرعك جذوره امغلـــغله .. من گاعه محد خلخله
الســاگيته دمـعــة كربله .. مايـهــزنه المصـــاعب
ترباتك نعم ذولاك احنه
المافد يوم طحنه
خـــدام الامــامه
من غير الخدامه
لامتــسوه فلسين
***
احچايه گلناها وبقيــنه من زغرنه عالحچايه
مانعوف الخدمه احنه حتــى لوتنگطــع هايه
رايه اخذناها امن اهــلنه والولدنه ننطي رايه
خدام ونضـــل للابد .. يحسين منطينك عهد
الله ورسول الله شهد .. امن الــبدايه للنهـايه
وفقنه السنه سيدي بعاشور
نبچيلك يمنحور
وربعك هالنـشامه
من غير الخــدامه
لامتسوه فلسين
***
حيدر تركي الكربلائي
نزال ليلة الوداع
.
.
.
وداعك موســهل خوية .. وداعك يهـدم الدلال
اخلافك ســــالفة زينب .. يبو السجاد ماتـنگال
***
اليسولف خوية بـوداعك .. كون انـــسان بي قوه
وقوية اختك لچن تدري .. يكسرها حچي الخـوه
انـــــه بحـاجة مروتــك .. اخلافك ما اكو مـــروه
من گتلي وداعك حل
بديت الواقعـه اتخيل
وچني واگـــفه عالتل
اصيحن لو عدل يحسين .. الحگ هجمت الانذال
***
گول بخاطــرك شـيـدور .. بــس الفرگه خليــها
العشـــره البــينك وبيني .. صدگ هالليله تاليها
من يوم اهدعش زينب .. الوادم خويه تسـبيها
من هالليله مسبـــيه
واحس الحبل بيديه
وكـــلها تأشــر اعليه
هاي اخت الكمر عباس .. المحد شايف الها خيال
***
مودع بالله ياخـويه .. يمـن ناوي الهجر باچر
الراح ايصير ادريـــبه .. لا صـــايـر ولا دايـــر
أشبگني على صـدرك .. گبل ميشبگك الحافر
يروح اختك يبعـد الـحيل
يخويه انه اوله من الخيل
انه ويـــــاك بــس هـالليل
باچر عالـــتراب انـــته .. وانه محـــيره بعيال
***
گلي ومااريد هواي .. هـــيه خويـــه بــس كلمه
باچر گلي يازينب .. باقـــي ويـــاچ أبو الــــيمه
تره امن تروح ظعن اختك .. خـــويه محد يلمه
مثل جسمك يبو الأكبر
يخويه ضعني يتطـشر
شوف شكـبره هذا البر
من تشرد من الغاره .. يخويه شيجمع الأطفال
***
حزن ســـالوفت وداعــــك .. يخـــويه بگد جبل حمرين
الهجــــرك يالاخو ينـــراد .. مـــو مــــالت گــلب وثنين
صدگ هاي اخر الساعات..صدگ خويه نگضت يحسين
كلشي يهــون اله انـته
وداعك كلفـه ســـالفته
هذا اصعب مسه شفته
مثله مايصـــير وصـــار .. ولا مايخـــــطر اعــــله البال
***
باچـــر من تـــروح انته .. ويرد النه المهر خالي
حالي شلون راح يصــير .. عگبك يالاخو حالي
من هســـــه يبو اليمـــه .. اخــــذ ويـــاك دلالي
يشهگه وتــكتل الشــهگه
يــمن بحساسك مغـــرگه
الگلــب مابي على الفرگه
بدونك گلبي ياخويه .. ترس متروس خويه اهوال
***
حيدر تركي الكربلائي
قصيدة مسلم س
.
.
.
دخيل الله ودخيلك جيشهم صاح
مســــلم انته لو قـــــباض الأرواح
يبن عم ابوفاضل
اذا نـاوي تــــقاتل
ارحـم هالجـحافل
جيشهم صاح
***
يموت مرجف گلـوب القيادات سجيل ونـزل
والجيش نذهل
والاعناق اشرئبت والحچي مات قد حان الاجل
والجيش نذهل
يچنك ريح صــرصر والجمع ريش
اليريد يعيش لازم بأمــــرك يعيش
كافي اقصاء گالو كافي تهــــميش
كافي گلوبنه طاحـــت على الگاع
اليأرخون الوقائع لجـل الاثبــــات
صاحو مانلحگ تحـصي الأمــوات
ولكن بالــــمقابل
اذا ناوي تـــقاتل
ارحم هالجحافل
جيــــشهم صـاح
***
گلوب الجيش وصلت للحناجر اين المستقر
بل اين المفر
وهنا فتــــحت بوب الـــــمقابر ماهذا الخبر
بل اين المفر
الگبل بالكوفه گالو احـنه شجــــعان
شو سكته وفقط صكصكت الاسنان
لا خرسان حتى نگـــــــول خــرسان
شنهو الصاب جــيش الكوفه ياناس
حسسهم قيامه ونفـــخت الصــــــور
وخلي الروس تتطـاير علـــــى الدور
فقارك والله عادل
اذا ناوي تـــــقاتل
ارحم هالجحــافل
جيشهم صاح
***
سمي وگــول بس الله اكبر وانظر مايلـــي
ياشمرة علي
اخطب والخطابة تريد منبر عالروس اعتلي
ياشمرة علي
كفو يمرجف الخــــــياله والخيل
نهار الكوفه بأمرك ينــــگلـب ليل
راس الجيش اگطعه واترك الذيل
سبـع تنعام مــــــنك يابوطــــاهر
گلهم مستعد الــــــخاطر حـــسين
الغـي امن الخريطه الكوفه مرتين
صاحو ماتجــامل
اذا نــــاوي تقـاتل
ارحــم هالجحافل
جيشهم صاح
***
بالكوفه الازقه كلش زغار واكتــظ العدد
والجيش احتشد
وي ما جردت سيفك البتار شـو نادو مدد
والجيش احتشد
ابن ازيــاد للــــقائد يحـــــــاچيه
اذا مسلم الجيش الكوفه گاظـيه
ابوفاضـــل لعد بيـــــمن نـــلاگيه
حيره شلـــــون حلـوها القــضيه
خيـــدزونه امـــــــن الشام اســــناد
قبل ما هالجـــيوش بســــيفه تنباد
نص الجيش خاتل
اذا نــــــاوي تقاتل
ارحم هالجـــحافل
جيشهم صاح
***
يبن العالم بمـــــــــعرفة الانساب تحليل الرگــب
بالصارم وجب
الماحاسب لسطرة چفك احساب راسه بلا تعب
بالصارم وجب
الماخذهه التكبر ســــيدي عليك
واجب صار كون تقبل ايديـــــك
وجوباً كلهه تركع تحـــت رجليك
اشما يكـبر عددهم انتـــــــه اكبر
املاگـه بالوجــــــه لا مايلاگوك
لذلك قررو همه يـــــــــــغدروك
ماعـــــدهم بدائل
اذا ناوي تقاتــــل
ارحم هالجحافل
جيشهم صاح
***
حيدر تركي الكربلائي
ليلة ام البنين ع
ميمر
.
.
.
ام الوفه .. والعاطفه .. يسمـوها بحـر المعرفه
يانـــاس وام الــعباس حيـــره شنسـولف بيها
***
حيره شنجيب امن السـوالف شنحط
ام عباس هاي الحچي موش اتسفط
كــون الــثگــال نلگـــط الهـــا تلــكط
بيرغ يرف ..ام الكلف.. ذل صارمه سبعين الف
والعـــدها مثـــل الـــعبـاس ياميــمر ايـوفـــيها
***
ياميــمر اليوصل فضــلها ويندل
ام الوفه البــيها الــوفه مــاوشل
غـزلت زلم ماغــزل مـنها المـغزل
لاخلصو .. لاخلبصو .. ودمهم لخوهم رخصو
طــف كربله مــن الروس تـرسو تـرس واديها
***
طف كربله يسولف عليـها هوايه
امربيه زلم بس شنهو من تربايه
واحـدهم اگبـــاله البـــحر كشايه
لاينطلس .. لاينــدرس .. بالعسكر يخمس خمس
ميمـــنة جيــش اهـل الشـــام عالميــسره يبديها
***
ربت زلم والزلم مــو يـاهو الچــان
خزرات واحدهــم اتطـيح الفرسان
التاخذ علي بلاشك تخلف شجعان
بــأم الكمر .. تحله الصور .. ام الذي يسبي النهر
تســـتاهل ام العبــاس يهـــل الـــرحم نـطـــريها
***
وتستاهل وتستاهل وتستاهل
ام الـذي بكـــربله رد الــــعايل
ام ابــوفاضل والنـعم بالـكافل
راعي العلم ..قاسم قسم ..يفدي الخيم واهل الخيم
موصيـته هيــچ ام عبـــاس وگالتلــه يبــني احميها
***
كربله كلــها بكيفـــكـم وانتـــو الكيف
كــعو العساكر بالحـــرب كــع بلـسـيف
عيــشو الزلم جيثيوم يخنگ مـو طيف
كون الـوره .. تلزم سره .. بلا مغتسل للمقبره
الگــدام حصت العــباس صمصامه الــيمشيها
***
مرة الابو للوالد مـــن تنـطــي الزاد
عجبه شكبرها وتعتبــر بنـت اجواد
ماشايف ام لابن الرجل تفـدي أولاد
ومتروعه .. ومصدعه .. لحـسين مو للاربعه
ماشايف ولا ماشـوف أي مــرة أبو اتـجاريها
***
حيدر تركي الكربلائي
نزال للانصار
.
.
.
زلزلــوهم .. بنداء ياحسين
قابلــوهم .. بنداء ياحسين
***
يالتجــيدون البواچــي ويالتلطــمون
حسيـن علمـــكم ابد لا ما تــرضخون
رايــة الاســـلام بس انتـــو الترفعون
السان اكبر معتـدي وضـــالم تگصون
نازلـوهم .. بنداء ياحسين
قابلوهم .. بـنداء ياحسين
***
اشــويه انــتو الوادم الغـربه تعـدكم
لچن فنها الكثره اذا وصلت مجدكم
الكره الارضيه لـــون اتصـير ضدكم
مايهمـكم شـي لان المـهــدي عـدكم
قاتلوهم .. بنداء ياحسين
قابلوهم .. بنداء ياحسين
***
امــة الملــيار مــسلم فقــط اعلام
انتو بس الي رفعتو راس الاسلام
صحتو والصيحه ترن ابأذن الايام
يالثـــارات الظلـــوع وثـار الـخيام
عاجلوهم .. بنداء ياحسين
قابلوهم .. بـنـداء ياحسين
***
رافضيه وعــونكم يــالرافضيه
يامن اتحمـــلتو اعــباء القضيه
حيدريه وغصباً اعلـه الخيبريه
يلي اكبر راس دستوه بالوطيه
عاملوهم .. بنـداء ياحسين
قابلوهم .. بنــداء ياحسين
***
يــلي رابتــكم مجــالس ابو اليمه
الكلمه انتو وغيركم ماعنـده كلمه
القدوته العباس فدوه نروح لسمه
بالشدد من يوگف ابوجهـا ويلزمه
عاندوهم .. بنداء ياحسين
قابلـوهم .. بنداء ياحسين
***
العنده ابو السجاد من يكدر يكسره
هــوه الاول يبــقــه مــاواحد يعبره
الراد يتجــاوز حـدوده وعـــبر امره
الطالت ايده ايد ابو فاضل تسطره
ناجزوهم .. بنداء ياحسين
قابلوهم .. بنــداء ياحسين
***
حيدر تركي الكربلائي
قصيدة گعده
للوداع
.
.
.
ودعـتني ودعـتني .. خويه لمن ودعتني
اتبدت عــيوني سـوالف يابوفاضل
وهالسوالف چوت اخدود المحامل
خويه لمن ودعتني
***
اخ يالـــيــلة اوداعــــك اخ ياليـــلة العـــاشر
باچر تفرق شملنه ومــن عسن لاجــاني باچر
خاف مابينك وبيـني يحول ياباالفضل حافر
وعطر الاخوه ينحجب .. عالخيـمه لمن ماتهب
معناها زينــب تنســلب .. ومايرحموها العساكر
من گـلتلي من گــلتلي .. اوداعت الله من گلتلي
السمه چن طبكت على اختك يكافل
وهالسوالف چــوت اخـدود المحامل
خويه لمن ودعتني
***
الليله فــوگ المـني تخفگ رايتك راية مهابه
شلون اضل وَحــدي خويه لاخوان ولا گرابه
الميــت بكربـــله تدري الوادم تسـلب اثــيابه
شحال التضل ابلا ولي .. شتسوي لمن تنولي
بكربله ياضــنـوة عــلي .. مــو بنـي ادم ذيابه
ايفرهدوها ايفرهدوها .. اخيمنه خويه يفرهدوها
ارد اوصــلك يخــو زيـــنب رسايل
وهالسوالف جوت اخدود المحامل
خويه لمن ودعتني
***
نار الموادع مسعره خويه حـــدر اضلوعي تلهب
تريد ترحل يابوفاضل هم حسبت احساب زينب
انته من تروح باچر على متنــي الســـوط يلعب
وين انطي وجهي ياگمر .. ياخويه من جور الدهر
لمن تــطيـح اعــله النـهر .. انضرب وانگاد ونسب
الدللــتها الدللتــها .. تروح اسيره الدللتها
امگيدات اچفوفـها خـويه بسلاسل
وهالسوالف جوت اخـدود المحامل
خويه لمن ودعتني
***
الغيره عند الناس گـطره وانــته شـايل نهر غيره
انته صــح واحد ولكـن زينــب تحسبــك عشيره
من تروح احسب احسابك هيه هم اتروح اسيره
وعنك يخويه امن انسأل .. شحچـيلهم ياباالفضل
مــيت اگلــهم لـــو عـــدل .. حيـره ياعباس حيره
ياكفـــيلي ياكفــيلي .. شنهو رايك ياكفيلي
ترضى ابقه بحيرتي يابــو المراجل
وهالسوالف چـوت اخدود المحامل
خويه لمن ودعتني
***
شمگــصر اللــيل بوداعــك ياكفيــلي ابــساع وشل
انچــانك ناوي الرحيــل امــودع الله خـــويه ارحل
لچن شوف شلوني يبچي على حال اختك المحمل
صح من خشب لكن يحن .. وسمعته من گلبه يون
يتفايــض الزينــب حــزن .. باچـر امن اتروح للتل
عالوطيـــه عالوطـــيه .. تشوف اخوها عالوطيه
بجسمه الـف وتسعمية جرح شايل
وهالسوالف جوت اخدود المحامل
خويه لمن ودعتني
***
حيدر تركي الكربلائي
قصيدة الوداع
.
.
.
ضمينه البچي وحچينه .. وتــبده الدمــع بديـــنه
وماضل صبر
من گتلي باچـر تصيرين اسيره
وانه يلمـونه جســمي بحصيره
***
وداعك مر خويه وشيجرعه
مامعـــقوله گلـــبي تفجـــعه
ليش شصاير .. تكلي مسافر
وهالروحه چنـــهه بلا رجعه
يابعد اخـــتــك مااتــصــور
تترك زينـــب بيـن العــسكر
خيامي وخدري..بيهن تدري
يطشـــروهن لــمــن تتطشر
منهو الي يطفي ناري .. لمن تـغـفه بالصحاري
يابوعلي
تگلي الاميره غداً ماتبقى اميره
وانه يلــمونه جســمي بحصيره
***
گتلي وعيني تهل چن غيمه
الليله اخـــر ليله بهـالخــيمه
معنى الكلمــه .. يابـــو اليمه
باچر يعنـــي نفـــر بالهـــيمه
ياخويه الله اليســـتر باچر
ناس بسوط وناس بحــافر
امن يسحكونه..و يضربونه
ويصـــير اويـانـه الماصـاير
انته اعله الثره رميه .. وانه مگــيدات اديه
يابوعلي
هـاي الســـوالف عليه جبيره
وانه يلمونه جسمي بحصيره
***
اوداعـك لو انـزل عالصحره
من حـزنك تتحــول حـــمره
دم تبجـيلك .. مـن تنعيــلك
شحال اختك ياروح الزهـره
باچـــر خيل ادوسه اگبالي
صــدرك وتطــشــر امـــالي
من تتغير ..خويه امن الحر
يتــــغــــير مـــــثلـك دلالي
صدرك يالاخو اليهشمه .. خد اختك تره يلطمه
يابوعلي
هـذا كلامــــك يأذيلــــه ديره
وانه يلمونه جسمي بحصيره
***
الــــودع مثـــلك ودع روحــه
وتشــوفه فايــــض بجــروحه
وداعة نحرك..احسبني بهجرك
يابــو الاكير چــــن مـــذبوحه
خليني اشتمك مــــن صدرك
خليـــني اشــبع مـن عــطرك
الحافـر ادري .. ياخــذ عمري
ياخــويه مــن يأخــذ عـمرك
امن امك فاطمه الزجيه .. عندي يالاخــو وصيه
يابوعلي
لتگلي ياخويه نظراتي الاخيره
وانه يلمـــونه جسمي بحصيره
***
رايح واخـر كلمه العنـــدك
مـــن يتوسد بـــاچر خدك
من يسبونچ .. ويضربونچ
لجل الديـن اتحــــمل ودك
اتحـــمل وانه الممنونه
لو كل هالوادم يسبونه
لو نتبــهذل .. مانتـبدل
وداعــة كفالي وعيونه
تدري بزينبك ابيه .. حتى لو مشت سبيه
يابوعلي
اصبر گلتـــلك يمن كله غيره
وانه يلمونه جسمي بحصيره
***
حيدر تركي الكربلائي
نزال ليلة الاكبر
.
.
.
جبريل يهتـــف بالسماء .. لافتى الاعلي
هالصـوت زلــزل كربلاء .. لافتى الاعلي
***
من ست جهات تحاوطو .. اصـــنام چــن وتحــنطو
ورطـــه واكــيد تــورطـو .. خططو كلشي بس علي
الفــــقاره لا ماخـــططو
دمــدم علـيهـم فــقـهر .. والجيش من صوته انكسر
صـاحــو فأين المـستقر .. هـــذا علــي الأكبــر اجــه
مدري الاجه فارس مــظر
ومن اسمعو هذا النداء .. لافتى الاعلي
هالصــوت زلزل كربلاء .. لافتى الاعلي
***
وي مانكـث هدمه ونهـض .. غـيـم جبـينـه ونـتفض
سبعين الف جندي ركض ..هذا الحچي بلـمح البصـر
عسكرهم بكبـره انقـرض
لامـيــمـنـه ولامـيــســره .. الـكل للذبـح لـزمـو سـره
والـعـفـو عــنــد المـقدره .. هالجيش صاح ويرتجف
بلكــت ونكســر خاطــره
وترجــو بهـــــذا الرجاء .. لافتى الاعلي
هالصـــوت زلزل كربلاء .. لافتى الاعلي
***
سبعين الـف جيش ابرهه.. من شاهده العـسكر سهه
مدري بحسن وجهه الـتـهه..مدري ارتبك من صارمه
وي مـا بـده كلـشي انتهـه
بي رحمه عاليسوه العتب.. وبي غضب مامثله غضب
بعـــيونـه يـتجـادح لهـب .. هاشــمي ياهــو يــگابــله
هاشــمــي بــجبيــنه كـتب
بلعلن لا مـــو بالخفــاء .. لافتى الاعلي
هالصوت زلــزل كربلاء .. لافتى الاعلي
***
ابن العاص گالو فكرته .. بصفـــيــن هـيــه الـــنجته
الرايـد يــرد العيــلتــه .. يذب ثوبه من يهجم علــي
ومن عــلي تسلــم رگـــبته
جيــش ال اميه شـما كبر .. بطرفه عــلي لمــن خزر
إلخــيل خنست والــبشر .. صوت الـنفس ماينــسمع
شگد ما أكو خوف وخطر
الگدام سمعـت و الوراء .. لافتى الاعلي
هالصـــوت زلزل كربلاء .. لافتى الاعلي
***
الأكبــر علي لمن هجـــم .. من صارمــه مـــحد سلم
بكر ابن غــانم من فهــم .. گــال انه اله ولــمن بــرز
حــس بالوســافه والــندم
لو الـف ابـن غـانم والف .. من عنده مايـهتز طــرف
يكفي نوصـفه بهالوصف .. ابــن الوصي حيدر عـلي
هذا اليسمـــونه الــكلف
نازل على العسكر بلاء .. لافتى الاعلي
هالصوت زلــزل كربلاء .. لافتى الاعلي
***
صمصام الأكبر من يمر .. عالروس يخطف چنه حر
أرواحــهم غصــبن يجـر .. مـوطوع امرهــم لابديـه
بيده النهــي وبــيده الامر
بيــده الحــچي مــن اوله .. هـل من مبارز ماكـو اله
ويــن الشــمر ياحـرمــله .. حچه الجماد وما حـــچه
وتشهد بهــذي كربلــــه
والموت بيده بهاللقاء .. لافتى الاعلي
هالصوت زلزل كربلاء .. لافتى الاعلي
***
حيدر تركي الكربلائي
قصيدة الاكبر
.
.
.
فاجــــعه وآلم / يلــــي بالخـــيم / تلــــگـــوني
امـن المهر هوه / ونطــفه الضوه / من اعيوني
علي رايح علي رايح
يـلـي بالخـيم
***
ويـلي .. وگـــع بالـــحـــومه الأكـبر
ويـلي .. وگـــع لــــكــــــن تـطـــشر
حيـره يابني هاشـم علي بيمن المه
وسفه .. صحـت وادري الگلب ذاب
وسفه .. علــي اولـــيدي عالتـــراب
اجيبه للخيام شلون صعبه تشوفه امه
طحت فوگاه واحـس كلشــي مـني عالــثره تبده
نمت بصف علي يبني اوضعـــت خدي على خده
اليشبه الصبح / ضامي مـنذبح / صفگت ايدي
بنحره منطـعن / صدره منطحن / علي اوليدي
وبده الصايح علـي رايح
يلي بالخيم
***
ضامي .. يبـــعـد عـــــيون الحــــسين
ضامي .. صــحــت يــاگــــرة العـــــين
يالچنك رسول الله حرام تسحگك الخيل
عطرك .. ليـــش اتطشـــره الـــسيوف
عطرك .. تـــارس ارض الطــــفـــــوف
طحت عالگاع من شفتك بيه مابقه حيل
مـن گـــد ما مگطعينك بيـــك تحــيرت اني
اشيلن جزء من عندك وگــع منك جزء ثاني
منظرك صعب / عندي بس گلب / شنو اتحمل
حــيره حــيرتي / وتجري دمعتي / يالــمـــدلل
صحت طايح علــي رايـــح
يلي بالخيم
***
حسره .. بگـــلـــبي واجــــه الـــنــار
حسره .. جـــوه اضــلوعي الگـــصار
شتسوي اذا شافته عمته ابدم تخضب
ميــت .. وي مــاتــسمـــع الصـــوت
ميــت .. يمــكـــن رأســــاّ تمـــــوت
انزل يا اللـــهي الصـــبر كله على زينب
الـــبي لاجرح لاجرحيـن حتـــى اگــلها يتشافه
امگطعته السيوف اوصال والحـــر غير اوصافه
من اعتله البچي / اتطشر الحچي / ومعاناته
الحــومه شــامته / گلبـــي زادته / بجراحاته
أبــو نـايح علي رايح
يلي بالخيم
***
يمـــه .. طـــحت مـــو مـــره مــرتين
يمـــه .. وگــــالــــو مــات الـحــــسين
الشماته بكل مكان وكل كتــــر تنظر عليه
روحــــي .. روحــــي نـــــارها اتــزيد
روحــــي .. احــســها تطــــلع تــــريد
الموت ابـتده برجليـه وبـده يوصل لديه
شـله بعــمره بنيـــادم فلـذة كبـــده من ايمــوت
يموت احسنله عن ليشـوف ابنه اگباله بالتابوت
صرحي منهدم / باقي بس اسم / ابـواليـــمه
البيه بس نفس / هيج جاي احس / ولا كلمه
حزن لايح عــلي رايح
يلي بالخيم
***
ويــــنك .. صحــت الــحـــگ يعــــبـــاس
ويــــنك .. علــــي مگـطـــعته هـالنــــاس
الحـــگ يابوفاضل خويه لاينكـــسر ظـهري
ابـــنــــي .. وشــــمغـــــلاتـــــه تــــدريه
ابـــنـــــي .. نـــــحــاول خـــــل نــداويه
ولو شنداوي بيه وجروح جسمه بكبر صبري
ترى لاطاقه الي بحمـــله الأكبر هاك اخذ مني
بعد شويه عالشاطي اجيـــلك يالاخــو محني
المنحني الظهر / خويه عالنهر / يبـوفاضل
خيامه تنسـلب / اخته تنضرب / وبلا كافل
دمع سايح علـي رايح
يلي بالخيم
***
حيدر تركي الكربلائي
قصيدة القاسم س
.
.
.
كل حب زائل الا ثنين .. حب الله وحبك يحسين
هايم وابقى بحبك هايم
قاسـملك بالــدم القـاسم
***
وعيونك انته اول واحد عرفــني بمعـناك الـوالد
الله الشاهد وانته الشاهد
مــن عــمري بحبــك أيام
علمني الحب كون انجله ومو يوم ويومين نمـله
ماخسران الينــطي الخله
وگال استوعب ياجــسام
اول ماتحچــي الأطفال بكــلمة يـــمه
واسمك اول كلمة حـچيت يابو الـيمه
من ذاك اليوم وهاليوم برسـم الخدمه
الحب يتبلور بيك إحساس .. ويتوزع من چف عباس
لازم وابــقى بحـبك لازم
قاسمــــلك بالدم القـاسم
***
ياأول حب عاش بذاتي وتغلـــغل داخل جينــاتي
يالبس اسمــك بعويناتي
وغيرك اصـلن ماموجود
رمله امي دوم تعلــمني وعــن حبك هيه تفهمني
الطــفك ياعمي تحشمــني
وانه انطيـت الامي اعهود
المو ســيد وبـدربك مات يصـبح سيد
ورمله امي اعـرف يحــسين راح تعيد
تحت ايدك بالـطف اليوم من اشتشهد
الهايم يـــابوالاكبـر بـيك .. مقصر يبقه شــما ينــطيك
عازم افــدي المنحر عــازم
قاسملك بالـــدم القــــاسم
***
نذروني اهلــي الحبك وافخر .. يابو الأكـبر يابوالاكـــبر
بلا ضي وجــــهك مااتصور
تشوف العالم هــاي الـــعين
گالولي اهلي الحب الصادق .. حب حســين وحب الخالق
واثق كلـــش ياعـــم واثــق
يحبه الباري الحب حســين
اسمك ويه الدم مـمزوج بنص شرياني
يالبس انته بالــــدلال مــــالك ثـــــاني
امن ايد هاي الايـدك هــــاي ياعـم اني
ياسلـطان الموجـــــودات .. انياله الذايب بيك ومات
قائم حـــــبك حد الـــقائم
قاسملــــك بالدم القــاسم
***
ياحــبي الواحــــد والاوحـد .. ملحمت الحـــب التتــــخلد
لازم بالمـــنحر تـــتـــجسد
وهل منحـر ماعــزه علـيك
ماعوفك ياعــمي وارجــع .. لو بالخيل انرض وتـگطع
ولو يبعثني الباري وارجع
ماتوب وارجــــع افديـــك
عن يازفه تحچي الناس وعن ياحنه
إلجنة انته ومجنون العــاف الـــجنه
المايتمنــى وياك يمـــــوت لايتـــمنه
لا تحرمني الـموت ويـــاك .. فدوه العــيناك اترجـــاك
حازم عزمي وامري حازم
قاسملك بالــدم القاســــم
***
يااول عـــــم واخــــر عـم شنهو الدم يرخصلك هالدم
غير انته البلــسم والبــلسم
الــــــجارح دلاله اتــــداويه
هاليوم تشـــــاهد بالحومه جاسم يتـــحنه امن ادمــومه
الله يلــــــــوم الراد يلــــومه
غيرك بالـــدم ياهو افديـــــه
اليتوفه بدربك مــولاي من يتــوفه
يصير بكفه وهاي الناس كلهه بكفه
الله اليدري شگـد للموت شايل لهفه
الموت وياك يشيل الراس وهاي التــــتمناها النــاس
باصملك بالعشره باصم
قاســملك بالدم الــــقاسم
***
حيدر تركي الكربلائي
مقدمة ليلة القاسم
.
.
.
جاسم ياضـوه العين
فدوه تـروح لحـسين
حيد ادريك .. مـاوصـيك
فدوه تروح لحـسين
***
بسم جروح رمله ولــوعـــة الأيــام
مــامــنـدومه مـــن تـروح ياجـسام
عمك خام كون نحافظ اعله الخام
روح وگـله انـه وامــي الك خــدام
عمك واگـــف يصــيح
وانته ادريك هب ريح
بسرعه شبيك .. ماوصـــــيك
فدوه تــروح لـحسين
***
الامام المفترض طاعته فكر بيه
مامعقـوله وحـده بكـربله تـخليه
اوصيك بوصيه من تسـلم اعليه
خــَشن صوتك انته لمن تحاچيه
خاف يگلك ازغير
گـله بزودك اچبـير
ماجـازيك .. ماوصــيك
فدوه تروح لـحسين
***
عفيه ابني الشجاع البالحرب فاهم
راهــم عالصـــعاب وعالشــدد راهم
زمجر صيح انه ابن الحسن جاسـم
بشسع نعلي اهــم وبالجــمع مــاهم
جمعكم بي ومابـيه
تحـت رجليه اخليه
خيدميك .. ماوصيك
فدوه تروح لحسين
***
يحر وصــيح بالــحومه بـــده المـگناص
والـــگالو زغــيــر ارخـاص ولـــد رخاص
الجبيره افعاله تحچي مو بعمره الخاص
الدليل بهالحـچي صاحــبكم ابن الـعاص
أخاف الجيش ناسين
ذكــــرهـــم بصـــفين
مـــادلــيك .. مااوصــيك
فدوه تروح لحسين
***
عمك ثم عمك يبــني يالمذخــور
اللب عمك الباقي تره كلها كشور
اذا ناطور رادك صـــير اله ناطور
گله بطوع امري جيت مامـجبور
صيح بحومة الناس
انا ابن اخـو عــباس
شما حاچيك .. ماوصـــيك
فدوه تروح لحسين
***
نذر راح انه انذر يبني هذا اليوم
من تروح فدوه العمك المــظلوم
خلي ايلومنـــي كلمن يريد يلوم
بيك المهم ارفع راسـي ياجيدوم
بموتك يبني جــسام
اهلهل وسط الخـيام
لـو نــاديك .. ماوصيك
فدوه تروح لحسين
***
حيدر تركي الكربلائي
نزال ليلة ابو فاضل س
.
.
.
صاحب فضل ابــــوالفضـل
نعم
على كل الخدم
***
الـــــيدگ ابــاب عبــاس لامـــايــرد خــــايب
بعيـــني شـفت يانــاس يـدگ ابابــه شـايــب
مو هم جايب اويــاهه نگــله هـــموم جــايب
وصل يم باب الحسين وگضت كل المـصايب
الما الها حل يمـــه تـُحـل
نعم
وحق رب الخيم
***
ولي نعمتنه عباس دخيل اسـمه ودخيله
وغير چفوفه الحــنان ماعدنه وســـــيله
الخادم يوم يحـــتاج يســــافرله بدلــيله
اليجي محتاجله صـــم يترسله شلــــيله
طبعه الوفه والعــاطــــفه
نعم
يسموه ابو الشيم
***
تجينه بعض الحيان نعم عــدت مســائل
الى توفيق الحسين شنو أنـواع الوسائل
وصيه لليخدمــــون مــن انــــسان عاقل
اليدور على التوفيق يدگ باب ابوفـاضل
النيته صدگ بـابـه يــدگ
نعم
يرد كله همم
***
خيمة خدمة حسين الــگمر شـايل حملها
عمود الخيمه اذا طاح تطيح الخيمه كلها
لذلــــك بــيـــد عبــاس الله الــي جــعلها
أهلهــا وســبع تنـــعام ابوفاضــــل أهلـها
من كربله صارت اله
نعم
نعم من القدم
***
عمر عبـاس أيام نطــــق ما گـــال يمه
اول كلمه عباس حچـــاها گــال خدمه
گال الرايد يـــفوز يخـــدم ابو اليــــمـه
اهو السوانه خدام فدوه انروح لســمه
من المهد حـد اللحد
نعم
بالحسين التزم
***
هوه الگــال خدام صيرو واحنـه صرنه
عمر انطو للحسين وانطــــينه عمـــرنه
خلــفله اعله عـباس الرفع بــيده قدرنه
احــنه كلـــش ازغــار وبالـخدمـه كبرنه
والي كبر لا ما نكر
نعم
راعي العلم
***
حيدر تركي الكربلائي
قصيدة ليلة ابا الفضل
.
.
.
.
ياراحـة بـالي/ وحيلي وحالي / ياعباس وينك
ويـنك يالـغالي / وكـل امــالي / ياعباس وينك
فـدوه العيناك
تمـــوت بلياك
تمـــوت بلياك
زينب
***
بديت الحچي المـالح ومر بـجروحي اذاها
الوينك خويه من تطلع تطلع روحي وياها
اگول تردلي ياعبـــاس لو هل كلمه انساها
بــالـخـوه اسئــلـك رد عـلـيــه
شلگيت اعله النهر ياعم رقيـه
مامعقـــوله عني يغـيرك الـماي
الــمـاي ابــرد يخــويه لو اديـه
ذاك انــتــه الأول / ماتــتــبدل / ياعباس وينك
دمع اختـك وشل / عنك أسئل / ياعباس وينك
رد اتـرجـاك
تموت بلياك
تموت بلياك
زينب
***
من خيمه الى خيمه ادور عن ضــوه عيونك
يبدر اربعطعش معـقول عـن عيني يـغيبونك
تـطـفى سنـيـني يـاعبـاس اذا رادو يـطفونك
ياعــامــود خيمــتـنه الــچبــيره
مــن تــوگـع تطـــشرلك عشـيره
تدري بروحتك عبـاس شيصيــر
اختــك تــنـوخذ للــشام اســيره
ياكافل خدري / خلص صبري / ياعباس وينك
بس لا ماتدري / گرب يســري / ياعباس وينك
مو جيت وياك
تمـــوت بليـاك
تمـــوت بليـاك
زينب
***
سمه زينب يبوفاضل زحمه تضل بدون هلال
منو براس الشهر يطـلع راسك لو برمح انشال
اذا لا سـامـح الله وصـار يعني تگـيدت بحبال
هذا المـنـه يابوالـغـيره ينــخاف
طولي الچان ماينشاف ينشــاف
باچر خويه اذا ما انتـه موجـود
سود تصير من الســوط الچتاف
يالماتتعذر / جاي اتنطر / ياعباس وينك
كلما تتأخر / انــه اتغـير/ ياعباس وينك
شلون البحماك
تمـــوت بليــاك
تمـــوت بلــياك
زينب
***
يالمتعبــني مــن الويـــن كلمة ويــنك اتـــعب
ماترضـــه يبــوفاضل اتــدور حــايره زيــــنب
اذا نص ساعه مارديت هل نص ساعه اتسلب
صــوتي الچـان يوصـــلك يعـــباس
احس لخيامي خويه وصلت الناس
عگبــك مو فقــط خــدري يدوسوه
عگبك صـدر اخوك حسين ينــداس
العسكر شـيلزمه / مابـي رحمه / ياعباس وينك
من تبدي الهجمه / بيتي تهدمه / ياعباس وينك
بهمي اتنخـاك
تمـــوت بلياك
تمـــوت بلياك
زينب
***
حياة اخيامي مابيها حياة خيامي هوه انته
من ماترجع الخدري تصعب خـــدري سالفته
المثـلك ياابـوفاضـل مـعــقوله يعـوف اختـه
ياكــافــــل كيـــاني غيـبتـك ويـن
رد الخاطـري والخــاطر حســــين
الدنيا خلاف عينك ظلـــمه عباس
احسبنه حساب بعدك احنه ميتين
بسم الخوه اطلب / لا ما اعتب / ياعباس وينك
دلالي الي حب / يقــره ويـكتب / ياعباس وينك
گلبي الناداك
تمـوت بلياك
تمـوت بلياك
زينب
***
حيدر تركي الكربلائي