11030
لنشر قصائد مناسبات اهل البيت
مولد السيده زينب ع
.
.
.
تستاهل .. الليله نحيي اعيادها
تستاهل .. نــفــرح ابـمــيــلادها
تستاهل .. زينب اخـت العباس
نـفـرح ابميلادها
__________________
زينب / نـور ابنور مــن نــور المــيامين
زينب / زينــب أية الله الـناصره الدين
زينب / إمــكــمـله الرســالات النبـيــين
زينب / الناطق الرسـمي بسم الحسين
تستاهل .. الله هــوه الــرادهـــا
تستاهل .. نــفــرح ابمــيــلادها
تستاهل .. زيـنب اخت العباس
نـفـرح ابميلادها
__________________
نزلت / زينب رحمة الله على هالناس
نزلت / أيـة للــوفه بقــرأن الاحساس
نزلت / حوريه وبعــدها بأول انفـاس
نزلت / تتــنفس عـطـر كافلهــا عباس
تستاهل .. مــوتــو ياحــسادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
__________________
الدنيه / فرحانه بــلا شك تمـــلك اســـباب
الدنيه / اشـجبتــيلي يزيــنب بــعد الغياب
الدنيه / الخاطر فاطمه الزهره ام الاطياب
الدنيه / زينــب لَبسـت للدنـــيه الِحــجاب
تستاهل .. وفَــتحـــــت اورادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
__________________
فرحه / زيــنب بـــت علــي مولدها هاليوم
فرحه / هــاللــيله يشيعي انـــسه الهـــموم
فرحه / ودعي الباري كـون افراحنه اتدوم
فرحه / والي ايلــومـنه مـيهـــمنه خيـــلوم
تستاهل .. الشيعه يبقه انشادها
تستاهل .. نــفــرح ابـمــيــلادها
تستاهل .. زينـب اخت العباس
نـفـرح ابميلادها
__________________
حقها / بزينب هالمسه فرحانه الارواح
حقها / امـلاك السمه تعــلن هــالافراح
حقها / لــو هالليله كثره اهـموم تـنزاح
حقها / حقــها فاطـمه بــزينـبها ترتـاح
تستاهل .. نحـــتفل بــــاولادها
تستاهل .. نــفــرح ابمــيــلادها
تستاهل .. زينب اخـت العباس
نـفـرح ابميلادها
__________________
بهجه / عـمَت هـالارض وي الســماوات
بهجه / مـن زيـنب اجـت نـزلت الايـات
بهجه / الدنيه امن الفرح تقره ابتهالات
بهجه / مـن سابع سمه تـسمع الاصوات
تستاهل .. الارض ابـــعبــادهــا
تستاهل .. نــفــرح ابمــيــلادها
تستاهل .. زينب اخت العباس
نـفـرح ابميلادها
__________________
حيدر تركي الكربلائي
الفاطميه
.
.
.
للـزهره حـزنان الـورد آ يا حسافه
يالوسدت فوگ الرمل خد الترافه
يامن دفنت الصبح
حـقـك اذا تنـجـرح
ياعلي ياعلي
_______
ارد اسـئلـك ياعـلـي ابدمـعـه جـريه
اشكبره صبرك چان ياحامي الحميه
انـته من شـيعــت عطـر الله ونبــيه
شلـون متـنك شال تـابـوت المنــيه
شايل على متونك نعش لو شايل الكون
اهل السمه واهل الارض حگهم ينوحون
الدمعه اعله فاطم رمح
حـــقــك اذا تـــنـجـــرح
ياعلي ياعلي
_______
باللـــحــد ياعـلـــي لــَمن وســـدتها
اشيوجعچ يم الحسن هم ناشدتها
من فتحت الچـفن يمكـن شاهدتها
بعـده ازرگ ياعـلي لو طـاب خدها
مـحد يـلومـك انـته لـو بالعـمـه حـسيت
وبيدك يحيدر بالگبر شمس الله حطيت
هالحچي من ينفتح
حـقـك اذا تنــجـرح
ياعلي ياعلي
_______
لاتـون يـم راسها تـدري ابـوضعها
خـاف تـسمع ياعـلي وينزل دمعها
فاطمه تـدري البچـي يلچم ظلعها
وانته اكثر واحد اليدري ابـوجعها
الدافن حبيبه بالگبر خل يبچي بسكوت
ومحد يلومه ياعلي المن البچي ايموت
يالمدمعك بـي ملح
حـقـك اذا تنـجـرح
ياعلي ياعلي
_______
محني يابو حسين ليش اشكبره المصاب
الله وحــده ايســاعـدك ياقـــالــع الـــباب
علــى راسـك حقــك امـن اتطـش التراب
رمـش عـينك ياعـلي امـن الفـاجعه شاب
ياقالع الباب اشعـجب تتـعـثر اشبيك
اجروح الوديعه ياعلي بس لا تأذيك
يالمنهدم لك صرح
حـقـك اذا تنـجرح
ياعلي ياعلي
_______
باللـحد مـن نزلت بـيـدك حـياتك
انترس گبر الطاهره من نايبــاتك
يمهـا لـَمن سولـفت عـن ذكـرياتك
انته من ذاك الوكت حانت وفاتك
ميــت ولكــن هالــنفـس تتــنفــسه دين
لجل الحسن متداينه وزينب والحسين
والنفس لمـن يشح
حـقـك اذا تنـجـرح
ياعلي ياعلي
_______
الفـجر صار وبالگـبر انـته رمـيه
امتانـي عزرائيـل يلفيك ابمـنيه
اتصـيح ياسلمان اذتـني الـرزيه
اتراب گبر ام الحسن هيله عليه
بلكت امـوت وانـدفـن وي نـور عيني
بلكت اذا اموتن يخف نوحي أونيني
يالبلحـزن منــذبح
حـقـك اذا تنـجرح
ياعلي ياعلي
_______
حيدر تركي الكربلائي
الفاطميه
.
.
.
ويـن .. ماخـذ اعيـوني الـسهـر
ويـن .. اســئـل وكــلــي قـــهـر
ويـن .. ام گلب الابيض يادهـر
وين فاطمه
____________
فارگتــني .. وتيـهت روحـي تــره مــن فارگـتني
عذبــتــني .. فاطــمـه مــن يـوم راحـت عذبـتني
علي المعروف بالحومه يهزها بطاري بتـاره
وهـسه بمـحـنة الزهـره گامت تهـتز اكـتاره
وين .. گمت احس ظهري انكسر
وين .. اســئــل وكــلــــي قــــــهر
وين .. ام گــلب الابــيض يـادهر
وين فاطمه
____________
من الجروح .. گلبي مابي صوب صاحي من الجروح
فجئة وتروح .. ماحسـبت الزهـره عنـي فجئه وتروح
عليها موحلو التابوت عمرها اثمنطعش سجده
چانت ورده بچـفوفي شـجاها وذبلـت الــورده
وين .. عطر هالـورده اسـتقر
وين .. اســئـل وكــلــي قـــهر
وين .. ام گلب الابيض يادهر
وين فاطمه
____________
الفاگد الروح .. يادهر گلــي اشـيسوي الفاگد الروح
چني مذبوح .. عگب شمعة بيتي اشعر چني مذبوح
الدمع وي خدي متمالح وچن بينـاتهم عشره
وعرفت ابهاي عشرتهم لمــن راحـت الـزهره
وين .. التــركت ابخــدي أثـر
وين .. اســئـل وكــلــي قـــهر
وين .. ام گلب الابيض يادهر
وين فاطمه
____________
شيعــتها .. وللــگــبر بيـــديــه روحـــي شيعــتها
وســدتها .. وانــه لـســـه مامــصـــدگ وســـدتها
نسيت وصحت يالزهره وهيه بسمي ماصاحت
زينب سمعت اسم امها راسـاً عالارض طــاحت
وين .. لمن اسـم امـها انذكر
وين .. اســئـل وكــلــي قـــهر
وين .. ام گلب الابيض يادهر
وين فاطمه
____________
الخالي بيته .. امن الحنان الله اليعينه الخالي بيته
ومــالگــيته .. ضوه وجـــه الزهــره ادور مالگــيته
أتوچــه عــلى صبــري انحيت وبيه ماضل حيل
البيت اخلافها اضلم شمس الله اخــذها اللـيل
وين .. لاشمــس بـــي لاگـــمر
وين .. اســئـل وكــلــي قـــهر
وين .. ام گلب الابيض يادهر
وين فاطمه
____________
من هجرها .. ابصدري احس بسمار نابت من هجرها
وشــكبرها .. نــار حــدر اضــلوعي وجــت وشكبرها
عيــني امــگابله العـــتبه وكل ساعه اقره بالمقتل
ومن اخلص يگلي حسين بــويــه عــيده مــن اول
وين .. ايگلي خد امي انسطر
وين .. اســئـل وكــلـــي قـــهر
وين .. ام گلب الابيض يادهر
وين فاطمه
____________
تمت والحمد لله
حيدر تركي الكربلائي
الفاطميه
.
.
.
الصبر شـَيع صبر .. ودفن روحه ابگبر
عـنده عـاشـور
وگـلبه مكسور
علـى الزهـره الكـسر
_______________________
قالع الباب .. يمشي محني .. هاي مامعقوله
هايسـلمان .. هــايـبــو ذر .. اشعجب اتچوله
چـنه فـاگد ضـلع من اضلوعه
اشـبي يـون اونـَـته مسـموعه
علـي يمكن مـو قلـيل امصابه
هـاي اول مـره تجـري ادموعه
المصيبة فاطمه .. بچت حتى السمه
اليبچي معذور
گـلبـه مكــسور
علـى الزهـره الكـسر
_______________________
شايل الكون .. على چتفه .. وجابه حتى ايدفنه
حيله مهدود .. وعلى هالحال .. عـلي لا مــاشفنه
علـي مـن گـد مـا بچـه وتـدرونه
طاحت اعلـه الگاع حتى اعيونه
هـوه مـثل الزهــره طلـعت روحه
عـلى حــزنه ونـوحـه لـتلـومــونه
لون حيله جبل .. المصيـبتها هـدل
اعله ام البدور
گـلبه مكــسور
علـى الزهـره الكـسر
_______________________
هذا حيدر .. الجـندل ابطال .. ومـارجــف دلاله
طالع ابليل .. ويمشي حافي .. وشو يجر بذياله
ابـروحه حيدر هـوه شــَيع روحه
دفـن كلشي وبقت بس اجـروحه
مـن يمــر اسـم الـزچــيه ابحيدر
على اجروحه چن تطيح املوحه
واذا هاد الجرح .. يـفز امن الملح
الجرحه مخطور
گـلبــه مكـــسور
علـى الزهـره الكـسر
_______________________
للــعـــزيــــزه .. بــده يـــحــفر .. گبــر ابنــص گــلبه
ايطش التراب .. على راسه .. وحالته اشگد صعبه
مــن نــزل رايـد يـوسـد الـزهره
ابخدها شاهد أثر چف السـطره
علـي راد ايمــوت ذيــچ الساعه
هوه من حس ابصدرها وكسره
انگطع عنه النفس .. علي وريجه يبس
ابنص الگبور
گـلبه مكسور
علـى الزهـره الكـسر
_______________________
هال الاحساس .. عالزچيه .. اندفنت ابأحساسه
ولــذالـــــك .. ما نســـاهــا .. عايشه اويه انفاسه
عايشه ابنص صدره ضلت نارها
چــان يتــنفــس آلـــم بســـمارها
الهوه عگب الزهره يـلچم صدره
فاطــمه من يــوم عــافت دارها
علي اتجرع محن .. ابمصاب ام الحسن
حزنه مـذكور
گـلبه مكسور
علـى الزهـره الكـسر
_______________________
تمت والحمد لله في ٢٧ / ٢ / ٢٠١٧
خادم الزهراء حيدر تركي الكربلائي
شوط كربلائي للزهراء ع
.
.
.
يــوادم خدمـة الزهره .. مــا مــليتها ولامـــل
بشــيلة فاطـمه حالف .. يم شـباچ ابو فاضل
***
بـدايات الحچي تــوفــيق .. وهنـئياً للي يتوفق
اليتصادق عليــه من فوگ .. حلمه بهاي يتحقق
التتــطــرق اله الزهـــره .. الكون الاسمه يتطرق
التذكره فاطمه الزهره
قــطعا يـــرتفع قــدره
واسمه يصبح اشكبره
الاســمه يقتــرن بيـــهـا .. هــذا يعتـــبر واصل
***
خدمتــها طعم بيـــها .. طعــم وامن الشهد احــله
التعب بيه لذه للزهره .. ومو ياهو اليجي يحصله
درب مايقبـــل العوجه .. اســـاسه كـــلمة العــدله
الجدمه ابهالدرب يسعه
جــوازه فاطـــمه توقعه
ومــحد يگـــدر ايـوگعه
والتچـــايته ام احـــسين .. هــذا يابخـــت شايل
***
اليخدمها بصدق واخلاص .. ماتـوگع اله رايه
اليبـــچي دومـــه للزهره .. ماتنرد اله احجايه
اذا شال ايده مـو ديوان .. لا توگف اله اولايه
طـبيعه الرضه فاطم
يحسبونه البشر عالم
هنياله الصــبح خادم
التسجل فاطمه اسمه .. اعظم مرتبه حاصل
***
اليفرغ اعيونه من يسمع .. طــاري الباب والعصره
ويــلطم صدره ويكــسر .. صف اضلوع من صدره
اشياخذ من رسول الله .. علـى السواه شنـو اجره
الهــذا الفكــر يتـــبنه
رسول الله رضه عنه
وبيـــده صكــه للجنه
الجنه البيها ابو السجاد .. انيــاله البابــها داخل
***
صــح خـــدام ابو اليمـــه .. واحدنه يسمــونه
والمــاخــادم الــــزهــــره .. خادم مايحسبونه
اليخدم فاطم اهل البيت .. يقدرونه ويحبونه
اليحب ام الحسن واضح
اتعرفه امن الحچي مالح
ذاك امبـــــيــن النــــاجح
اليترضـــه على ذولاك .. حظه معثـــر ونازل
***
عقيدة خـادم الزهره .. يـــتولــه التـــولاها
عقيدة خــادم الزهره .. يعادي الذي عاداها
التولي والتــبري كون .. كلــمه ولامينساها
الدفع باب الطهر بـــيده
صيح بصــوت مـــاريده
وكلامك كل وكت عيده
بقضية فاطمه ام احسين .. بالك واحـــذر اتجامل
***
حيدر تركي الكربلائي
الليالي الفاطميه
قصيده گــعــده
وتقرء لطــم
.
.
.
يالمنكـسـرلك ضـلع … حقـك اذا تنـفجع
اهمومـك اكبار
ابگبلـك شصار
وشسوه بيك الدمع … يالمنكسرلك ضلع
------------------------
عله ياهي التجري عينك يابو صالح هنه كثره
عالذي كسرو ضلعها وفوگ خدهه اثار سطره
لو على الداست ابصدره اعوجيه خيول عشره
بصدرك يمهدي شنغرس
بسـمار لو حـافر فــرس
ثغــرك امبــلل لــو يبـس
عله حسين اليبـس ثغره
مو عن كبر حَدبت ... چيه لهلك اتعذبت
ابگلبك الام
بكـثر الايام
شتتحمل ابهالوضع … يالمنكسرلك ضلع
------------------------------
ابكثر مامحروگ گلبك من وره باب الزچيه
صارن اضلوعك رماد الصار بمك مو اشويه
النار ما ترحم يمهدي واسأل اعليها السبيه
الشافت خيمها اموجره
وبالنار هــيه امـحاصره
شتسوي يالمهدي المره
وكـل اهـلها عالــوطـيه
ياهو الذي اتفَزعه … وكافلهه عالمشرعه
اتطفي الكبار
مـدري الزغار
محنتهه ما تنجرع … يالمنكسرلك ضلع
--------------------------------------
أبچي يالمكسور ضهرك والبچي لازم تدومه
واليـلومك عالبـواچي الله يالمــهدي اليلومه
السَلبو لمك فدكها حسين هم سلبو اهدومه
الــبالـسهـم چـبـده منــثلم
ضل عاري مسلوب الجسم
عالرمل مـرمـي ابــلا هـدم
والــرمــل غــيـر ارســـومه
بگد ما طعن منترس … مچوي گفاه بالشمس
ضل عالتراب
اغله الاحباب
حقه الگلب منشلع … يالمنكسرلك ضلع
---------------------------------------
يابو صالح عله اهلك حـقك اتزيد النوايح
خلص گلبك عالزچيه لو عله البطف ذبايح
المثلث صاب چبدك لو المحسن هوه رايح
حرمـله مـاعــنـده عقـل
لمـن رمــه نحـر الطــفل
نحـره زغير اشيحـتمل
هالسهم چن بيك طايح
بگلبك يزيد الالم … كل ما سمعت بسهم
تنحني شبيك
چــن يـأذيــك
من حرمله منصدع … يالمنكسرلك ضلع
----------------------------------
الدنيه ماشالت الشلته عفه صبرك يابو صالح
حزن امك بيـك ياكـل عله وجهك صار واضح
يا جرح وتعـيش انـته ابهالزمـان الحيل مالح
بجــروحك اشــــسوه المــلح
عالـــراحت اويـــه الــمنــذبح
چيه تحچي هيه اويه الرمح
بيــها يتــشـمــت الــــذابــــح
بوجهه شماته شكثر ... لمن يطـگها الشمر
زورگ ايــدين
اخت الحسين
عمتك تره تنوجع … يالمنكسرلك ضلع
--------------------
لخادمكم حيدر تركي الكربلائي
ميلاد الرسول
.
.
.
مجنونك .. حتى لو سموني
وعيونك .. تــره ميــهـموني
يارســول الله --- يــانــبــي الله
_______________________
والله مجنون بهـواك وروحي تعـلم بيها
هاي نـعمـه ولازم انـي اشـكر الله اعليها
علمـتني امـي الجنون وجدي الموصيها
كون كل مصباح ابوس الوالده ابرجليها
مجنونك .. فرض لو لاموني
وعيونـك .. تـــره ميــهموني
يارســول الله --- يــانــبــي الله
_______________________
الحچي صار اهــواي عــني وبيـنت اسراري
صحت باعلى الصوت احبك ياحبيب الباري
واليـلوموني اعــله حبـك كــون بيــهم نـاري
بلـكــت ايحـسون بــــيه لــو قــرو اشــعاري
مجنونك .. حتى لو عرفوني
وعيونك .. تـــره ميــهـموني
يارســول الله --- يــانــبــي الله
_______________________
يالتلوموني اعـله حبي يامه لمـتو او يامـه
ليله من جـنـنت قيس اشعجب محد لامـه
اويــه النـبي لــو چنت انـي عايـش ابأيامه
مـو جــدار البيـت اقَبله بـل اتراب اجدامه
مجنونك .. وبيه اكحَل اعيوني
وعيونك .. تـــــره ميــهـمـــوني
يارســول الله --- يــانــبــي الله
_______________________
افـتخر مجـنون بيك وهـاي دوم اقـراها
اهواي لاموني بجنوني وبالجنون اتباها
الـگال لـي عقلك فـقدته ماعـرف معناها
اعلنـتها وبـعد اعلن انه احب بـس طاها
مجنونك .. اشرادو ايحسبوني
وعيونـك .. تــره ميــهـــمونــي
يارســول الله --- يــانــبــي الله
_______________________
حـبك ايـگولون بـدعه وانــته تــعلـم بيــهم
ابلا شعور الگيت نفسي اضحك انه اعليهم
اعـقولــهم كــلها تخلــف بالــجـهل خلـــيهم
والله لـــو تنبــعث ثــاني بــعد ماتهــديــهم
مجنونك .. بالشرك يرموني
وعيونك .. تـره ميــهــموني
يارســول الله --- يــانــبــي الله
_______________________
اهلي ربوني اعله حبك وصنعو شخصيتي
علمــوني شـلون احــبك واحــسنو تربيتي
سيدي من گـد جنوني ويـن واصل صيتي
ويارسول الله محـمــد كاتـب ابــناصــيتي
مجنونك .. اقبـل اينادوني
وعيونك .. تـره ميــهـموني
يارســول الله --- يــانــبــي الله
_______________________
حيدر تركي الكربلائي
شهادة الرسول
.
.
.
اول ماستشهد راعي الاحسان
ركــضو للسـقيفه فلان وفلان
قبل ماكلشي يبرد
وقبــل دفنة محمد
خليـــفتهم تحـــدد
فلان وفلان
-----
قبل ماتنطبــگ عيــن الرساله
هادينــه أمر .. يكتـب فد خبر
راد ايبيــن اصاحب الـظـــلاله
والربعه اختبر .. گالــوله هـجر
تـــره تاريخـــهـم كلــــه مـــزور
مــن هالـحادثه قيس وتصـــور
عذرهم چان حيدر عمره الازغر
نعـــم لزغر ولــكن عقلـه الاكـبر
النبي عافوه امسجه ونعلم بهاي
وركضو للكــراسي هـــمه حـفاي
الصنــع هالفعل مرتد
قبــل دفنـــة محــمد
خليفـــتهــم تــحــدد
فلان وفلان
---
ضل حيدر علي وحده وسافه
يم المصطفى .. وبحجره غفه
وغــيره راح يلهــث عالـخلافه
ابلايه معرفه .. الدينه يخـالفه
اهل بيت النبــي للنــبي يـبچــون
وعلي واشچم نفر نعشه يجهزون
وادم غيــــرهـم گـــامـو يصـحون
غنـــائم وبتــــدو بيـــها يـقسمون
ناس اتسيل لجل المصطفى دموع
وناس اتخــطط التـــكسير الظلوع
شكو انسان عيّد
قبل دفنة محمد
خليفتــهم تحدد
افلان وفلان
----
الخـــلافـه والـــرساله ابــيــت واحــد
گـــــالو ماتـصـــح .. مابيــــهــا ربـــح
الحــچه حــچايته هذا انســان حـاقد
يحس نفسه جرح .. وچف حيدر ملح
بوكت چانو يعبـدون الحجـاره
علي الكعبه الشريفه هـيه داره
علي ربـح النبي الباقي خساره
علي شامخ عــلي مثـل المناره
ســؤال وينــطرح للراد ينـــحاز
نسال عالجماعه اشعدهم انجاز
الوحيد انجاز ينعد
قبــل دفــنة محمد
خليفـــتهم تحــــدد
فلان وفلان
------
المــلح والـــزاد ماغـــزر حرامـات
وي بعض البشر .. ياوسفـه وقهر
فرحو بالنبــي المـختار مـن مـات
وبهــذا الخبر .. چم طاغي ابتشر
تصد لوجوهم متروسـه ضحكات
اوجه حيدر علي متروس دمعات
الفرق بيناتــهم چان الوفــه وذات
واهـــل ذات الرديه نــاس شـمات
اليسلبون الخلافه گبــال العيون
الجسم حسين باچر هم يسلبون
الحقد والغل تولد
قبــل دفنـة محمد
خلـــيفتهم تحــدد
فلان وفلان
----
وي ما شــيعــو طــه المــعـــزين
بــيان انـعـلن .. حــاكم هــالزمن
الحاكم والخليفه مو ابو احسين
احچو مـَن اذن .. گـالــو بالعــلن
الخليفه الــماقـلــع بيـــبان خــيبر
الخليفه بيوم احد اول شخص فر
الخليفه السيـفه ما ضاربــله منحر
الخليفه ويـــن هوه اويـــن حـيدر
ابوكت من چان يرجف يوم الاحزاب
علي راس ابن ود دهــداه عالتــراب
تره التاريخ اسود
قبل دفــنة محـمد
خلـــيفتهم تحـــدد
فلان وفلان
---------
حيدر تركي الكربلائي
ليلة العليلة
.
.
.
حسين بس هوه الصدگ صاحب طويله
واحنــه غيــر حســين ماعـدنه وســـيله
***
الله يرحـم حجـــي مـهـــدي الامـوي
گــال هالجـــمله وبقـــت تـدوي دوي
حسين صاحب لچن هالصاحب قوي
واليســنده حسيـــن لامـــــاينـــــلوي
ابحـثنه وبحـثنه وطــلعنه بهالحصيله
واحــنه غيــر حسـين ماعــدنه وسيله
***
حسين ماهــد ربـعه يوم من الأيام
بالــضــوه لازم ادينــــه وبالـــظلام
امرار ياخــذنه الهوه وحــلو الكلام
نبــتــعد وتـــردنه نفــحات الامــام
مستـحيله يعــوف ربـعه مستــحيله
واحنه غير حسيــن ماعــدنه وسيله
***
عـــن ابوالـــسجاد نـــبعد مســـتحيل
بيـــتـنه وعـــن بيـــتنه لامـــانـــشيل
حسين حيـل هواي والبـــاقي قـــليل
غــير هـــوه المن اجلنـــه انـطه كفيل
حسين مو صم ينطي من ينطي بشليله
واحنــه غيـــر حــسين ماعـــدنه وسيله
***
حســين واليتــمسك بحـبـله المتين
مايــــزل جــدمه شـــمال ولا يـمين
حسين ونعـرفه شنو من چـنه طـين
ولــِهــذا السبـــب بــــي متمـســكين
نحيــي بي يــاناس ونموت بسبيله
واحنه غير حســين ماعـدنه وسيله
***
حـسين جـــننه وحـــلو بيــه الجنـون
حســـين ايــاتً لقــــومــن يعـقــــلون
حسين لـو ما هــو احــنه مــَن نــكون
حسين بس هوه السكن وسط العيون
باقـي وســـط گــلوبنـــه ولامانـــشيله
واحنــه غير حسين ماعــــدنـه وسيله
***
الدنيــا ياهــالناس مابيــها ضمان
شيلگه بلله الي يــعوفه بـهالزمان
حسين من نلــوذ بي نلگـي الأمان
هـــوه أبو الحنـيه بـل رب الحنان
شما نوصفه اوصافنه تبـقى قليله
واحنه غير حسين ماعدنه وسيله
***
بصاية الله وصاية حسين الحنين
حســين أصــحابـه دلال مـــدللين
بفضله وبجوده وعطائه عايــشين
الــف نــعمــلله وشــكراً للـــحسين
شيخـنه المهيوب طبــعن مـنتميله
واحنه غيـر حسين ماعدنه وسيله
***
حيدر تركي الكربلائي
.
.
الحيــاة مرحــله الوجــوه راحله
الخلـود للذي
يعيش كربله
***
كلــشي اله مـــدة نفاذ ومايضــل شـي قائم
كلشي يفنى ويبقــه وجــه الله والطف دائم
البي يعيش الطف سـوالف هوه هـذا الخادم
المارضـــه بسبـي العقـيله عـنه ترضى فاطم
البكاء قصته الخلود حصته
هنيــئاً لـمن
ونينه اعتله
***
ابــن ادم شگد مايطول تنتهي ساعاته
والف هنياله الي سخــر للطبگ دمعاته
العايش حسين ومصابه ولوعت بنياته
مستحيل الزهره تنسه جمرته ولچماته
بكتاب فاطمه هــُناك قائمه
الي اسمه انكتب
هنــــيــئاً الــــــه
***
اكـــو ناس حسين خدمــو وانســـه طاريــهم
احـــنه ناسيهـــم ولكــــن هـــــوه مانــاسيهم
العندى شهره الماله شـهره بدفتــره مساويهم
حسين مـن ينطيله خادم الباقي هم ينطيهم
القياس مو حچي القياس بالبچي
اليذوب بالعــزه
الحسين يقـبله
***
حسين اول عشگ خالــد والدليل خيامه
اشتعـــلت بعــاشر ولسه واجـــه بخدامه
يروح عام ويجـــي عـــام ومانــمل أيامه
الناس من الالم تهرب واحـنه نــهوه آلامه
جـراح نينوى كمــا هالهـوه
بقاء للابد
ولانهــمله
***
يالخدمت حسين صدگ تنــذكر تضحيتك
علي باچــر عالصراط ايــوقـع بجنســيتك
باچـر بجنة الباري شكـــبره يصبح صيتك
يلي شخصيتك حسيني افخر بشخصيتك
تعيش بالدمع تموت ترتفع
اليعيش هالوضع
رفـــيع مــــنزله
***
حيدر تركي الكربلائي
ميمر
.
.
.
ام الوفه .. والعاطفه .. يسمـوها بحـر المعرفه
يانـــاس وام الــعباس حيـــره شنسـولف بيها
***
حيره شنجيب من السـوالف شنحط
ام عباس هاي الحچي موش اتسفط
كــون الــثگــال نلگـــط الهـــا تلــكط
بيرغ يرف ..ام الكلف.. ذل صارمه سبعين الف
والعـــدها مثـــل الـــعبـاس ياميــمر ايـوفـــيها
***
ياميــمر اليوصل فضــلها ويندل
ام الوفه البــيها الــوفه مــاوشل
غـزلت زلم ماغــزل مـنها المـغزل
لاخلصو .. لاخلبصو .. ودمهم لخوهم رخصو
طــف كربله مــن الروس تـرسو تـرس واديها
***
طف كربله يسولف عليـها هوايه
امربيه زلم بس شنهو من تربايه
واحـدهم اگبـــاله البـــحر كشايه
لاينطلس .. لاينــدرس .. بالعسكر يخمس خمس
ميمـــنة جيــش اهـل الشـــام عالميــسره يبديها
***
ربت زلم والزلم مــو يـاهو الچــان
خزرات واحدهــم اتطـيح الفرسان
التاخذ علي بلاشك تخلف شجعان
بــأم الكمر .. تحله الصور .. ام الذي يسبي النهر
تســـتاهل ام العبــاس يهـــل الـــرحم نـطـــريها
***
وتستاهل وتستاهل وتستاهل
ام الـذي بكـــربله رد الــــعايل
ام ابــوفاضل والنـعم بالـكافل
راعي العلم ..قاسم قسم ..يفدي الخيم واهل الخيم
موصيـته هيــچ ام عبـــاس وگالتلــه يبــني احميها
***
كربله كلــها بكيفـــكـم وانتـــو الكيف
كــعو العساكر بالحـــرب كــع بلـسـيف
عيشو الزلم جيثيوم يخنگ مـو طيف
كون الـوره .. تلزم سره .. بلا مغتسل للمقبره
الگــدام حصت العــباس صمصامه الــيمشيها
***
مرة الابو للوالد مـــن تنـطــي الزاد
عجبه شكبرها وتعتبــر بنـت اجواد
ماشايف ام لابن الرجل تفـدي أولاد
ومتروعه .. ومصدعه .. لحـسين مو للاربعه
ماشايف ولا ماشـوف أي مــرة أبو اتـجاريها
***
حيدر تركي الكربلائي
القصيده الرئيسيه اليله الاولى
.
.
.
رادونـي اخـــتار ابيــن اثنين
گالولي الجنة وگـــلت حسين
الجنة وكل ماتحويها
يـم باب القبلة الكيها
كلـمه ومابـالـغ بـيـها
گلت حسين
***
روحي حسين واحساسي ..وبس حبه الترس راسي
الهوه المامـر على قبـــته .. ماتتــــقـــبلـى انــفاسي
گلبي چـــن علگ اخضر .. انـشــد اباب ابـــو الاكبر
مـــلوحـــة ايـــــد زواره .. حنــين بـداخلــي غـــزر
الگــال اتـــبالغ بهـــــايه .. مامســـتنــــشــــق الرايه
والرايد هــــوى الـــجـنه .. خــلـي يمـــشي مـــشايه
والراضع غيره مــن عاشور
يشعر بحســاسي من ايزور
الجنه الـ الله المسويها
يم باب القــبلة الگيها
كلـــمه ومــابالـغ بيها
گلت حسين
***
اباب الـقبلـــه والقبلـه .. اعلــيها من اترك القبلة
للفردوس چـــن ادخل .. صحن حسين اذا طبله
بجنة حسين اكو كوثر .. يـــروي الداخـــله جمر
مكان الكوثــر بصحنه .. بـــيـــن الراس والمنحر
والهالحــــاله اتـمـــنه .. اگـــضــي ايامي بالجنة
واذا وناتي احس خفت .. الـــسيد جاســـم اتعنه
ومن ينعى السيد روحي اتهيج
وتوصــل ونــاتـــي لطـــويريج
والدمعات الاجــريها
يم باب القبلة الكيها
كلمــه ومــابالغ بيها
گلت حسين
***
جـــروحي كربلائـــيه .. ودمعــــاتي حسـينـيه
المامتـــصل بالــخدمه .. خــــل لايـتصـــل بيه
يشـــهد الله مذبوحـي .. جمرة خيمـته بروحي
والالــف وتسعمـــيـــه .. اشـعر كلثـهن جروحي
كلشــي تعلــــق بكبره .. احبه وداعــة الـزهره
السدره چي عليه فيت .. احبن كلمــة السدره
ولدان الجــنه وحــور العين
يحلمون بشوفة گبر حسين
والاراء البــــــديـــها
يم باب القبلة الكيها
كلمه ومابــــالغ بيها
كلت حسين
***
الجنه الي يطـب الها .. مو صاحي الذي يملهه
وجنة حسين ابو اليمه .. بمكــــه مـــا ابدلــهه
حسين وكــل تفاصيله .. حلـــم مجهول تأويله
لذلك غير ابوالسجــاد .. عقلي يرفـــض يشيله
جنة المـــؤوى بالحاير .. والهــــذا السبب حاير
شنو معنــاتهه الاملاك .. كامــت تحــسد الزاير
معـــناها جنــــات الرحمـــن
تتجسد في صحن العطشان
ومن احتام الطاريـها
يم باب القبـلة الكيها
كلمــه ومابالغ بــيـها
گلت حسين
***
الظامي الاسمه ابو اليمه .. اعتـبره ولي النعمه
والــــهذا السبـــب انـــي .. اشعـــر راحتي يمه
العـــلوياته مــن انحـــب .. وشمـا بالبچي اتعب
فدوه اعيوني ودموعي .. الدمع ام الخدر زينب
ولو تطشـــــر اعـــيوني .. وكل ناسي يعـوفوني
يكفــــي حســـين ويايه .. الــــوادم مايهمـــوني
واليعمي بحـبه شنهو الناس
ياخذ بچـفوفه چــف عباس
الضاعت مني وناسيها
يم باب القبــلة الگــيها
كلمـــه ومـــابالغ بيها
گلت حسين
***
حيدر تركي الكربلائي
للاربعين
.
.
.
عطشانه اهـواي .. بـس مـو للـماي
الوجهك يحسين
عطـشانه اهـواي
_____________
صــار اچــم يـوم امفـارگني
وخدي امن المدمع يحرگني
اســئــل عــنــك يـامـاي الله
يـالوجــهـك چـان امــغرگني
محــروگــه ابــدلالي الـخيمه
وگـلــي اســئل عـنك ياغيمه
يـامــاي اعيــوني الشـيــلمك
يـالمــتبدي بحظــن الـهــيمه
اشتاگت عيناي .. بـس مـو للـماي
الوجهك يحسين
عطـشانه اهـواي
_____________
ميته امن الشوگ امخليني
مـن عذبك يمــته اتـرويني
حارگني افــراگـك حارگني
ومحـد ياخــويه ايطـفيني
شمـات اهــواي الـشـافوني
وعنـك كـل ساع ايسئلوني
يابس حسيته امن اغيابك
يابو اليمه السان اعيــوني
ثــق يارجـواي .. بـس مـو للـماي
الوجهك يحسين
عطـشانه اهـواي
_____________
احتاجيتك بــدروب الــغربه
چــتالــك من مـتنـي ايظربه
دورت اعــلــيـك ابأشــيــائي
المــاضلت منهن بــس تــربه
سلبـوهن كـلهــن مــن عنـدي
وضلت بس دمـعاتي ابخدي
اشعر كل دمعه امـن افـراگك
يمـكن يابــو اليــمــه ابگــدي
احچـيلك هاي .. بس مو للماي
الوجهك يحسين
عطشانه اهواي
_____________
بحچايـاتــك جــاي اتــذكر
وافـرك بچفـوفي واتحـسر
من سمعت حسراتي الناگه
شـو گامـت تمشي وتتـعثر
شــوگك موتنــي وتدريني
راح اغـفـه وبلـكت تلفـيني
اول مــاغمــضت اعــيوني
لن سوط ابمـتني ايوعيني
هـمــي وبلـواي .. بـس مـو للـماي
الوجهك يحسين
عطـشانه اهـواي
_____________
اشتاگيــتك ياروحــي وعــمري
وشوگك مدري اشسوه بصدري
اعلــه افــراگـك لا مـامتــعـوده
وكلــش زيــن ابـزيــنب تــدري
ابهجـرك مــدري اشـصاير بــيه
اختــك بخـــلافــــك مــعـــميه
مــن يـوم الشـفــتك عالغـــبـره
اتطــشــر وانـــلـــم يــــومـــيه
ملهوفه اعظاي .. بـس مـو للـماي
الوجهك يحسين
عطـشانه اهـواي
_____________
تعــبنـــي افراگــك تـعــبني
شمـعه وهجــرانـك ذوبــني
احلــم ترجع واگـعـد والـگه
راس گــدامــي ايــعـــذبـني
راسك من ابـچي ايضــمونه
ومن اسكت همه ايطــلعونه
ماكفــاهـم جــرح امــتوني
رادو دلالـــي ايجـــرحــونه
نوحي ومبچاي .. بـس مـو للـماي
الوجهك يحسين
عطـشانه اهـواي
_____________
تمت والحمد لله
حيدر تركي الكربلائ
ميلاد السيده زينب ع
.
.
.
الأميرة الخـدر .. متحير الشـعر
ابميلادها ابميلادها
زينــب
_____
چان راس السمه امفرع لچن لابد بالسحاب
وزينـب ابيـوم الولاده للـسـمه جـابت حجاب
هــيه مـن گــد ماكـريـمه وزعـت مــنه ثـواب
اتحجبت بحجـاب زينب حتى ايات الكتاب
حجاب ام الستر .. امن الجنه بي عطر
ابميلادها ابميلادها
زينــب
_____
الرايد ايـوصف خدرها وَحـي رايـدله وسـور
( أنــا انـزلـنـاهـا ) عــفـه زيـنب الـكـل الـبـشر
ماتوصفـها القصيده الـشـعر لـو ظـهره انكسر
النبي بس يعرف قدرها وفاطمه وفارس مظر
شعرنا لو يجف .. أبد ماتنوصف
ابميلادها ابميلادها
زينــب
_____
الله كاتـب بيـده زيـنب كـون كـلـنه نـفـتهم
ولو سمعنه احـنه اسـمها انگول الله للاسم
للــعـلم مــحـد قـراهـا هالقـصــيده للــعــلم
والوحـيد الــي عـرفـها ابـو فاضل والنــعم
عرفها ومن عرف .. أميـره للــشـرف
ابميلادها ابميلادها
زينــب
_____
يالله يامـريـم أنـزلـي البيـت فاطـم حـافيه
(واخلعي نعليكي) يمكن هسه زينب غافيه
(أنتي في البيـت المقدس) لاتفـز الصافيه
اقري يمها انجيل عيسى كون بـس ابقافيه
على طور السمه .. هـديه الـفاطمه
ابميلادها ابميلادها
زينــب
_____
لازم اليـذكــر اسمــها كــون يتــبع مــايــلي
ايسمي بسم الزهره امهالو بسم حيدر علي
الكـون كله تحـت امـرها والهـا گـال اتدللي
ابيـوم مـيلاد الاميره الفـرح صـوته يعتلي
الفرح صوته اعتله .. هله ابزينـب هله
ابميلادها ابميلادها
زينــب
_____
امن الفرح هاللـيله حـتى الحور ضلت ساهره
امن السماء اصفوف اجت ابابها ولزمت سره
انشوف زينـب اسمـح الـنه امروتك ياحيدره
حقـك وخـايف علـيها جـوهره وبـت جوهره
يحق لـك يا اسد .. تضمها امن الحسد
ابميلادها ابميلادها
زينــب
_____
حيدر تركي الكربلائي
الفاطميه
.
.
.
دمع .. كل عـمري لـو تجري العين
دمع .. الصدر امي وظلوع حسين
دمع .. لا والله ميَكـفيـني
ابچــي عــلى الشـهــيدين
___________________
للحــزن لــو اكــو ســوره چـان نـزلت بـيه
وبكــتـــاب الله اسمــها زيــنــب المـسبــيه
مـن زغــر سنـي الـمأسي امفـصلات اعـليه
الشافني من عصرو امي ايگول عمرچ ميه
دمع .. طفـله وشـفـت لــي طفين
دمع .. الصدر امي وظلوع حسين
دمع .. لا والله ميكـفيـني
ابچــي على الشهــيدين
___________________
وانـه طـفله بالـمدينه وشـفت يـوم العاشر
ابابـنه عـبد الله شفـته ابـدم رگـبته الطاهر
علـى صـدر امـي اشـاهد چــن اثــر للحافر
كلشي شفته بس بقالي السبي يمـكن باچر
دمع .. الشـــفـته اشـوفـه بعــدين
دمع .. الصدر امي وظلوع حسين
دمع .. لا والله ميكـفيـني
ابچــي علــى الشهــيدين
___________________
اويه امي بـيام الطفوله عايـشه احـلى ايامي
وريـحـة الــدخــان تخـجــل ماتمــر گـــدامي
الحرگ باب امي الوديعه اوياه حرگ احلامي
مـن امـر عالبـاب هسه اشـم حــرگ اخيامي
دمع .. لا مــا يــطــَفــي الــنــارين
دمع .. الصدر امي وظلوع حسين
دمع .. لا والله ميكـفيـني
ابـچــي عـلى الشـهـيدين
___________________
من اشوف اعيون امي فاطمه ايسطرونها
اذكــر اعـيون ابــو فاضـل لـمن ايطــفونها
امي من اتصد عـليه شـو اتغطـي اعيونها
وبـوجــهـا انـظــر رقـيه لـمــن ايظـربـونها
دمع .. خــلـــه جــــرح بـالخــدين
دمع .. الصدر امي وظلوع حسين
دمع .. لا والله ميكـفيـني
ابچــي عــلى الشهــيدين
___________________
ودعــت امـــي الـزچــيه بـدمـعتـي الـحــراگه
مـثــل مـاودع اخــَيّـي وانـــــه فــوگ الـــناگه
اگبالي هسه وجاي اشوفه واله احس مشتاگه
ابكـربلـه امـــن ايـروح عنـي بعـد مـــانتــلاگه
دمع .. والملــتـــقى يصــبح ويــن
دمع .. الصدر امي وظلوع حسين
دمع .. لا والله ميكـفيـني
ابچـي عــلى الشــهيدين
___________________
ريـحة الله كـلها اشـمها بصدر امـي الزهره
وانـه من اشتـاگ الها حسين اشمه ابنحره
شلون لو باچر اشـوف الـشمر يگـطع نحره
چـثه يبـقه ابـلايه راس ابـكـربلـه عالـغبره
دمع .. يـجـري الـدمـع عــالاثنــين
دمع .. الصدر امي وظلوع حسين
دمع .. لا والله ميكــفيني
ابچــي علــى الشــهيدين
___________________
حيدر تركي الكربلائي
نزال الليالي الفاطميه
.
.
.
اني الحق القاصـم ظهر المنكر
اني حيـدر فنــه الينــكر حيدر
سيف الله البتار
-------
يامن على باب الزچيــه اتــمـاديت
أتريد اذكــرك خاف ياهـذا انــسيت
ابخيبر المالاحنه اديك امن الخوف
اقلعـــته بديه والحصــنهم طـبيت
اني الرجف مرحب من طب خيبر
اني حيــدر فـــنه الينـــكر حـــيدر
سيف الله البتار
-------
اموصه اسكت ولو ماوصيت المختار
فــن زلمه منكم يدنه يــم بـــاب الدار
ردتــوني اثـــور وينهــدم هــذا الدين
حـــتــى تــردود وتــعــبدون احــجار
اني بزردوم الــشر واگف خنجر
اني حــيدر فنــه الينــكر حـيدر
سيف الله البتار
--------
يالبالنفـاها تشــيخ مــو موكــت الجــد
ارد انــه ذكــرك مــن عـــبر ابـــن الــود
چان الرجيف امن اخمصك حــد الراس
يالبشــــدايـــد دوم اشــوفـــك تـــلــبد
اني مو عالنـسوان اني اتامر
اني حيدر فنــه الينكر حيدر
سيف الله البتار
--------
الله اختبـرني والنـبي بوكــت الذر
گالولي تگــدر عالـصبر گلــت اگدر
انهار ووگــع وارجــع الــنوب انهار
كل ما اشوفن فاطمه خدها احمر
اني ولو صمصامي بچفي استنفر
اني حيــدر فنــه الينـــكر حــيدر
سيف الله البتار
-------
الوج نار حقده اباب فاطــم معـروف
اتحده واحد بالــحرب وجـها ايشوف
خلصها يتــلبـد نعـم خلــف الجــيش
ومن تالي صاير بالمــراجل موصوف
اني بهاي الوادم كلــها اخبر
اني حيدر فنه الينكر حيدر
سيف الله البتار
--------
بكل المواقــف ماله مــوقــف مـوجود
ربعه الشهود ومـوش من ربعي اشهود
من تالي عالنــسوان شــو صاير حــيد
المــصـيود بالله شــجايـــبه للصــايود
اني البالشـدات اردانه شمر
اني حيدر فنه الينكر حيدر
سيف الله البتار
--------
حيدر تركي الكربلائي
الليالي الفاطميه
.
.
.
بعدهي ايامـنه مو وكت الفراگ
يـم گلب الحـنين الشوگ حراگ
علي بگـد مابچـالچ .. الگبر يمكن حچالچ
يـم گلب الحـنين الشوگ حراگ
--------
هــوه اليفـــارگ ريتــــه .. ميهزه طاري النسمه
والليـل ظــهـــر ينكــسر .. لمـــن يودع نـجــمه
يانعـــمة الله شوفتـــچ .. والمايشـــوفچ يعـمه
الفارگ خليله ايحق اله .. من ينسه حتى اسمه
ميته انتي وعلي ميتات ادينه
والبالـــمگــبره سمــعو ونـــينه
ما اتـــرگ وصالچ .. الگبر يمكن حچالچ
يم گلب الحنين الشوگ حراگ
--------
يـــم گبرچ اگضــي ليلــتي .. ون اوبواچي وحسره
اغـفــه ويوعيــني الحــزن .. يامن فرگتـــچ كــسره
شجره انتي وبفيچ عشت .. وذبلت يوسفه الشجره
بعدچ على الدنيــه الــعـفه .. الدنيـه شـنو ابلا زهره
الدنيه ابلا وجودچ شلي بيها
ابحفنه اتــراب لاما اشــتريها
جدمي اشما اجالچ .. الگبر يمكن حچالچ
يم گلب الحنين الشوگ حراگ
--------
درب المــگابـــر بـــيه أثــر .. الدلالــي مو لجدامي
كــل ما اون يم الحــسن .. يوگـــع احــس گدامي
الوادم ضــماها للــعــذب .. والــوجــهچ انه ضامي
البس بالصلاه يهمل دمع .. خده اعله فگدچ دامي
قالع باب خيبــر محني ظهره
النسمه من تهـب گامت تعثره
وابحث عن خيالچ .. الگبر يمكن حچالچ
يم گلب الحنين الشوگ حراگ
------
يتلــملمن بيـــه الــف .. وجرحي ازيده اعليهن
ومن تسكن الوادم . علي .. يم گـبرچ ايبديهن
وسوالفچ يم الحسن .. كل لحظه اسولف بيهن
يالغافيه حدر التــرب .. اعيوني السهر عاميهن
عـلي مو ذاك الاول حـيله مــهدود
علي مو بس اثيابه ايامه هم سود
نحيـل الله بدالـــچ .. الگبر يمكن حچالچ
يم گلب الحنين الشوگ حراگ
------
ونيـت واهل المگـــبره .. الـغــوث صاحــو مني
وابيضت اعيوني حزن .. يعـــگوب صـاير چني
والچان فنــه بالـحرب .. وتحچي المراجل عني
من عگب عينچ فاطمه .. هـــسه البواچي فـني
بيني وبينچ احچي عالجره وصار
اعليچ ابچي مثل ماتبــچي الزغار
على مفارگ دلالچ .. الگبر يمكن حچالچ
يم گلب الحنين الشوگ حراگ
--------
حيدر تركي الكربلائي
تجليبه للزهراء ع
.
.
.
المابيــهـا الزچـــيه شــلـــون اطــريها
يمــحله الســالفه الأم الحســـن بــيها
---------
ياملح الحچي ابوكت المصوخه اهواي
يـراي الراي يالـمامثــلــچ ايــصــح راي
بزمانـــچ للســـوالف بــس عـلي شراي
ابزمانچ حايـره النـــاس ابكـــراســـيها
---------
بكراســـيها وحقـــچ حايـره الـــــوادم
نسـت حصرانها وركضــت على الناعم
يفاطـــم لو يـرد للـــدنيه ابـــو فـــاطم
اضلوعه اهل المصالح تـــسحگ اعليها
------
مصالحهم اهــم ياديــن يا اســـلام
ناس امعشعشه في روسها الاصنام
ميلمع صورها اشما حچـــه الاعلام
التشلبـت على الغـير اتطـيح تاليها
-------
يـ آل الله انتـــــم وانتـــــي ام الآل
يالاسمچ حرز فوگ الصـــدر ينشال
الغيرچ ســيدة هالدنيـــه مايـــنگال
غيرچ فشــله من انجيـــب طـاريها
-------
غيرچ وين انـتي ويـن يالـــزهره
زحمه الجـبل مــن انقـــارنه بذره
زغيرة عمر بس انجــازچ اشكبره
عكس ذيـچ الذي الـوادم مكبريها
---------
امن اسولف بيچ احس السالفه اتچوي
يمـن ينحــب عليـــچ الــعالم العـــلوي
المثلچ صعبــه فــوگ الگــاع من تهوي
ومــن گــد العــصـــر بالـــباب ماذيــها
--------
من گــد العصر عــن حالتچ نسـال
الزهره شي طبيعي التنعصر تذبل
بدم صـدرچ تــراب الحدرچ اتـبلل
وصحتي بضعتك يالهـادي عاميها
--------
السطر عينچ يزهره السلطه عاميته
اتجاهل حچي الهادي الي بهل بيته
يـــدور عالصيت ويــعلـم بصــــيته
كل ايامـــه ســـود وندري ماضـيها
---------
حيدر تركي الكربلائي
https://youtu.be/3XyLI9dXx9Q?si=EY7t5ZzWbS2sbfYx
Читать полностью…
قناة حيدر تركي الكربلائي:
الفاطميه
.
.
.
عـاشــوراء .. الــزهـــراء
قــد اقــبل
يابو صالح
_________
ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه
متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره
يــوما أت .. لــلاهــات
قــد اقــبل
يابو صالح
_________
حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات
اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك
حزن الآل .. في الأصال
قد اقبل
يابو صالح
_________
شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها
انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح
_________
تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب
لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح
__________
اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي
ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك
صوت عزاء .. صوت بكاء
قد اقبل
يابو صالح
_________
سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب
يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح
_________
تمت والحمد لله
حيدر تركي الكربلائي
فاطميا .. مازلــتُ عـلى العهدِ
فاطميا .. من المهد الى اللحدِ
فاطميا .. كما علمني المهديِ
------------
فاطمه قد اُنزلت من السماء
أيه لا مو للقراءه للبكاء
فُصلت باباً وضلعاً للعزاء
والقراها بيها يلگه كربلاء
فاطميا .. حسينـــيا بــــلى ثــائر
فاطميا .. ال وأن من قالها كافر
فاطميا .. وهــذا كــــلُ ماعندي
__
قاتل الزهره الذي يرضه عليه
اگطع ايدي انچانها اتسالم اديه
آني حربا للذي حارب نبيه
لايجيني اولا اريد انه اجيه
فاطميا .. وبغــضي قــائم قائم
فاطميا .. الى ان ترتضي فاطم
فاطميا ..صريحاً واضحً قصدي
____
ما اساوم عالظلع لا مستحيل
وعن ولائي الفاطمه لا ما اميل
طالب وعلمني عباس الكفيل
المايوالي فاطمه يصبح ذليل
فاطميا .. عزيزا ابقى كالمصحف
فاطميا .. غيورا مولدي في الطف
فاطميا .. وارثــي زاخــرا بعـــدي
_
اني مدرستي الرفض ثم الدموع
علي علمني فلا ارضه الخنوع
اي وحق عيسى وموسى واليسوع
باقياً في عنُقي ثأر الظلوع
فاطميا .. وذو فقاري ان كبر
فاطميا .. جعلت الدم للمئزر
فاطميا .. بجيش المرضى جندي
_
الفاطم ابجي بكل مساء وكل صباح
ومن اجلها رافگت طور النياح
لو شفت مسمار مره اكبالي لاح
ابصدري احسن تنغرس روس الرماح
فاطميا .. وحتى موعد الحشرِ
فاطميا .. اطالبُ ابقى بالكسرِ
فاطميا .. الى ان يصلب الوغدِ
-----------
ماكو شي بالدنيه يالودام بعيد
باجر المهدي نعم يظهر اكيد
وناخذ اوياه ثارها وثار الشهيد
من الاول لحد خامسهم يزيد
فاطميا .. وقد افلح من والا
فاطميا .. ابــا الزهراء والألا
فاطميا .. ومن بالروح قد يفدي
---------
حيدر تركي الكربلائي
حيدر تركي الكربلائي:
مولد رسول الانسانيه
.
.
.
أعــيـاد .. مــيـلاد .. هــادينه
هـاللــيــلـه
---------------------------
يالله يطيور السمه . خل نـروح الفاطمه
وعلي حماي الحمه
انهنـيهم
بينه شوگ وعاطفه . للحبيب المصطفى
واجب العنده وفه
ايوافيهم
انرتل أيات الفرح . اويانه كلـمن مافرح
ابـدنيـته لامـانجح
جافيــهم
الفرح كله انجسده . للرسول ابمـولده
وكـل ربـيع انـجدده
انراويــهم
الحقاد .. الحساد .. تدريـنه
هـاللــيــلـه
---------------------------
الليله مولد مختلف . وفرحته ماتنوصف
جازت احدود الوصف
انــواره
كلشي من نوره انبهر . ابوجها أيات وسور
من ظهـر سيد البشر
واسراره
الدنيه صاحت ياهله . وصوت فرحتها اعتله
تنتـظر كـل هالمله
اخــباره
نـزلت أيـه وراكـعه . امن السـماء الـسابعه
رحــمة الله الـواسعه
ومختاره
وانفاس .. هالناس .. امتانـينه
هـاللــيــلـه
---------------------------
اويانه اجه روح القدس . بالولاده چن يحس
گلبه فرحه منترس
هنياله
على جنحانه كتب . الفرح لامـو مستحب
على كل مسلم وجب
مرساله
المصطفى حلـقة وصل . والــذي مــايحتـفل
هـذا ماعنـده عـقل
يبراله
اليلعب ابراسه الجهل . انگله وبــلايه زعل
هالجهل صوچ الاهل
وافعاله
والراد .. ينعاد .. يرضـينه
هـاللــيــلـه
---------------------------
الليله شلنه بالگمر . الهادي للدنيه ظهر
خل يجي اويـانه النـطر
محـبوبه
اگـلوبنه ناخـذها اله . البالأشـواگ امحمله
اعـليها كـون البـسمله
مكـتوبه
ابشوفته انكحل النظر . بحظرته يحله السهر
الذي هالشوفه انتظر
محسوبه
الطاها كلنه ننتسب . وعلى ديـنه نـنحسب
كـلمـن ابكـيفه يحب
بـسلوبه
الماذاب .. الماحاب .. يجفينه
هـاللــيــلـه
---------------------------
الامــلاك امـحـيره . لـزمـت ابــابـه ســره
رايده بــس تـنــطره
واليـــها
نــاذره چانت نـذر . اتوضت وصلت شكر
لمــن اشتمت عــطر
غاليــها
ابحبه كلها اتوشحت . انغمه عليها وماصحت
من عبيده اصبحت
تـاليــها
آرق هوه امن النده . حقــهـا من اتمـجده
بالمــهد هــوه وبــده
ايحاچيها
هالحال .. من گال .. عن دينه
هـاللــيــلـه
---------------------------
الـ (أمنه) الحور اعتنت . بالــولاده باركت
ومدري ياسوره قرت
يم راسه
قل هوه مدري الحمد . وچـان بيديها ورد
شمت اعطور المجد
بنـفاسه
المصطفى عطر الأمل . والـي ما يشتمه زل
بالـطبع عنده خلل
بحساسه
والــورد جـايـب سـلام . لچن ماعنده كلام
أنـحــنـاله بحـترام
وبـــاســه
مسرور .. من نور .. والـينه
هـاللــيــلـه
---------------------------
حيدر تركي الكربلائي
شهادة الرسول
.
.
.
الفـارگ اعــزاز .. تشوفه مكسور
ونسته اتصــير .. بــين الــگــبور
علي يابو الزهره ذاك
منحـنـي ظهـره وراك
يارسول الله
----------
ياشمس روحي صحت .. غوربت بس من وكت
عميه عيـني مــن وراك .. يبو الــزهره من رحت
هجرك ادري مو ســهل .. وعلــي مابــيه يحتمل
بگلبي تدريبه اشيـصير .. عنـك انـه امـن انسئل
عايش ابعالم صفنتي وسالفة هجرك حلم
روحــي تتبــده ولكـن فاطمـــه بيــه تــلم
الوادم اتصيح .. واسمع الصوت
امن البچي اليوم .. حيدر ايموت
الباقي بس دمعه بجفاك
مـنحــــني ظهـــره وراك
يارسول الله
----------
الچانو ايســموه جــبل .. علي من عگبك ذبل
امصابك اشگد ماثگيل .. متـني ياخويه هدل
يـارســـول الله الهجـر .. عاليحب كلش خطر
دمعة الــفارگ حـبيـب .. تنـــزل بخـــده جمر
ياديلي الدنيه ظلمه وچنـت بس انته الضوه
علي عگبــك يبــو الزهـــره گـوه يشتم الهوه
من الاحــياء .. مــايـــعـــدوه
على الاموت .. الكل يحسبوه
مبين الضيع سماك
منحني ظهره وراك
يارسول الله
---------
چــنه روحين ابجسد .. وســــفه مانلــتم بعد
گلبي من فگدك يخوي .. وداعـة الزهره انمرد
حالي من عگبك صعب .. عايـش ابديرة غرب
المثلي دافنته الحـــياة .. حالي حال البالتـرب
الدنيا ماسميها دنيا ابــلا وجــودك يالوفه
گلب حيدر عگب عينك يالاخو وج وطفه
حيلي مـهدوم .. ياضــوه العين
يمشي ويطح .. گام ابو حسين
الوادم اتصيح شجاك
منحـني ظــهري وراك
يارسول الله
--------
يامــلاذي وهيـــبــتي .. ياكبــرتي وكشختي
عگب عينك يالرسول .. وسف شافو دمعتي
الاسـمه صــگار الزلـم .. حيله عـگبك منهدم
علــي اليهــز الجــبال .. علي باقي بس اسم
حزنك ابلايه نهايه ابگلبي حزنك سرمدي
ياصديقي ويـبن عمـي ويا اخـوي اوالدي
روحتك هـاي .. مــو زغـيره
مـني راحــت .. چن عشيره
حقه حيدر لو نعاك
منحني ظهره وراك
----------
اشما انوح اشـما اون .. يكــبر ابــروحي الحزن
وداعة العشره هذيچ .. امن البچي طاح الجفن
ابچي ليل اويه الصبح .. وانجـرح فوگ الجرح
الماله اخو ابهاي الحياة .. يبـقه مكسور الجنح
عمري سالوفه وبــدونك والله لامـــاتنسمع
يالچنت كلشي اليه ابگيت عگبك بس دمع
عمر الدمــوع .. بسرعه ينزال
ومدمعي اعليك .. للابد ضال
يعمه الــبلايه ضواك
ومنحني ظهره وراك
يارسول الله
-----------
حيدر تركي الكربلائي
سولفتها وعقلي ماشايلها
طالـعه زيـنب بــلا كـافلها
-----
زينب التتـــبده من گـــد مستحاها
تمشي والعباس مـن تمــشي وراها
الدنيـه گـلولي يهـــل وادم شجاها
ابن جوشن صدگ مسـبــيه خذاها
ياهو منكم يالخدم عاقلها؟
طالعه زينـــب بــلا كافلها
__
العفه اذا مرت تمــر زينـــب على البال
شرف الله امن الله شو بس الها تنگال
شـلون راحــت لليـســر من غــير كفال
الحيــره ياهو الگيــد ايــديها بالحـبال
زين يدري احسين المدللها؟
طالعــه زينــب بلا كافلــها
____
زينب وســتر الوجـــود احـــتار بيها
بصاية الله وصـــاية الــكافــل وليها
على الناگه اشعجب مگيودات اديها
احــجار ليــش الوادم اتشـامر عليها
ياهو اليصعدها واينزلها؟
طالعـه زينـب بلا كافلها
__
الحرمه زحمه تنــوخذ لليسـر هيه
اشحال اذا والــدها حمـاي الحميه
اعيون صلفه الگاعده بديون اميه
شلون تدخل زينب اعليـهم سبيه
الي هاي الفكره شيوصلها
طالعــه زينــب بلا كافـلها
__
الچان اخوها الهوه مايسمح يمرها
اگــباله فـن واحد اذا يطري ذكرها
زينب الحادي عگب عـيــنه يجرها
وين ماكو سوگ بيه زحمــه يمرها
الحادي فعله كلش ايألمها
طالــعه زينــب بلا كافلها
__
ابلايه محمل تمشي وبلايه حمايه
حيل مســتغربها عـقــلي هالروايه
شــنو معــناها عليــها مـــاكو رايه
أذن زينـب حاسـبيها اعله السبايه
فكري حد هاللحظه ماقابلها
طالــعه زينــــب بــلا كافلها
__
حيدر تركي الكربلائي
نزلة الليله الاولى
.
.
.
مادگ بــاب غيـــرك وانـته تــدريها
ابابــك حاجــتي يحسيــن ابديــها
***
مــادگ بــاب غيرك سيدي واســئل
أخــاف اتفشــل وماتــقبـل اتفــشل
اليدگ بالبوب هذا الوكت ينذل ذل
مـــاسويتــــها ولانــــاوي اســـويها
***
ماســـويــتها بـزودك يـــراعي الخير
اليعوفك ياحسين اشيلگه عند الغير
يالبخـــيرك شبــع مولاي حتى الطير
اسولف بيـــك ياهــي وياهي اخليها
***
يالــتارس شـليلي وخــيـرك اتطــشر
يالمتروس مـــن جسـمك شـليل البر
الينــطي هواي يزغر وانـته شو تكبر
أيـــدك بالعــــلو مــحــــد يـــساويها
***
يباب الله الوسيع المانســد ابــيوم
يالتشتري ماي الوجه قبــل الـسوم
اليوم وياي هيــچ وباچــر وللـدوم
احمـولي اعله الصحن كلـما اتچيها
***
اهمومي اثكال وتعنيـتلك مايوس
وتخلــبصت بيه وضيعيت الروس
الفارغ مارحتله جيــت للمــتروس
هـــيه الخابطـه أنتــه التـــصفيها
***
تصــفيها وتگلـــي بيــهـا لاتهـــتم
وانته المشـــكلاتي دومـك محزم
تدري باليـجول بخاطــري وتعـلم
گبل مايــمك احچــي تفـتهم بيها
***
گبل مايمك احچي تگلي مگضيه
بشر مامــرني هيـــج ولايمــر بيه
يـــبو رقيه عـــليك ابـداعة ارقيه
جــمرتك بيـــه اريــدن ماتطـفيها
***
كلـــمة انطيــتك ومــا اخلف الكلمة
اي شي دنيـوي ما اطلبه بس خدمه
اريد عـيوني كون مـن البچــي تعمه
عليـك بـــداعة الســـلبو تــراچـــيها
***
حيدر تركي الكربلائي
يالدافن گمر .. يم النهر .. گبر الضوه وين
مشتاگه اله .. بگد كربله .. ياعـمه هالعين
مخنوگه العبره بصدري
وديــني الكـافل خدري
يالسجاد
----------
ارد اسـولفله الجرالي من مشـيت اميـسره
بس احس بيها چبيره خاف اكـسر خاطره
زحمه اگله الشمر سوطه عظم متني كسره
خاف الچم عين اخويه الدمع منها لو جره
غيرة كافلي .. غيره علي .. وادريبه حساس
خافن من اون .. يمه واحن .. يــتاذه عـباس
لاسـولفله اولا يـدري
وديني الكافل خدري
يالسجاد
------
چنت اتنفـس كفاله ومـن هوه الرايه اشم
الوادم يعرفون حيدر عده بت بس بالاسم
الكوفه چـان خـيالي بيها عمه للنسوه حلم
شلون اگـله الكله غــيره رحت مابين الزلم
قطعا بنجرح .. وجه الصبح .. يازيــن العـباد
لو گتله الخدر .. بيد الشمر .. من عگبه ينگاد
زحمه امن ايحس بگسري
ودينـــي الـكافل خـــدري
يالسجاد
__
يــم گبر عباس اسولف رايده وخــاف اختنگ
خاف انسه روحي يمه وللكفل احجي الصدگ
الحز وريدك زحـمه اگله متـــوني خلاهن زرگ
اظـــن مــن الغيره گلــبه وهــوه ميت يحترگ
وحجاب السمه .. بت فاطمه .. تحديدها الاجناب
يــتزلزل زعــل .. گلب الكــفل .. ويبـــَچي التــراب
بلكي ولن يطفي جمري
وديـني الـكافل خدري
يالسجاد
-------
الشام يوجعــني واخاف الـشام طاريه ينفتخ
وعمت عيني اجروحه كثره والحچي كله ملح
بـسوگهم من طــببوني چــانت الــدنيا الصبح
واحد بســوطه يطـگني واحد ابچعب الرمح
طاري زينبه .. مـــتســـلبه .. كلـــش يــأذيه
لامايحتمل .. طاري الحبل .. كــفـالي أدريه
خل بس المدمع يجري
رديني الـكافل خـدري
يالسجاد
---------
راح اروح ويمه اگعـد واكتفي بــس بالدمع
ولوسـئلني عــلى دمـعي ما اسولفله الوضع
اصواب راسه ادري يوجع بعد مابيه ينفجع
خـــاف اگــله گيـدوني وينكــسر مــنه ظلع
خــل يغفه ألم .. راعي العلـم .. لاجرحه يفزع
حچايات السبي .. اتموت نبي .. لو بيها يسمع
احچيهن تالي الدهري
وديني الكافل خدري
يالسجاد
------------
تمت
حيدر تركي الكربلائي
للسبي
.
.
.
اكــبر جــرح بعيـون ابوصالح
ظـعن الفـواطم للســبي رايح
العــمـاته .. لچماته
وماتنشف .. دمعاته
***
صــباحــا ومــســاء .. بــكاء الـكـــربلاء
حياة المهدي ابوصالح عــباره عن عزاء
معانات وجـــراح .. بــدت فـوگ الرماح
ويه الروس الي نشالت ظعن عماته راح
جلالة ســـتر ال البـــيــت مگــيودات اديـهن
المصيبه الذبح عبــاس هــوه الــيحدي بيهن
لو هده ونــهن من يطـــب ديره
بالسوط يضرب راس ابو الغيره
مأساته .. وجمراته
وماتنشف .. دمعاته
***
الحنت ظهر الامـــام .. وتخـــلـــي مــايـنام
العلــويات اخـــذوهـــن بـدون أي احـــترام
بعرض حامي الدخيل .. الغـرب گامت تعيل
شــماته ولان شـــافوهن نـــساء ابـــلا كفيل
ظعن مو للسبي لا كون ينحـط بين الاحداق
يطاف بظعن ال البيــت وسفه بين الأسواق
ال الله العفــاف مفـــصله الظلهن
المايســوى واليــسوى يـصد الهن
ولوعاته .. وحسراته
ماتنشف .. دمــعــاته
***
على الهــزل يـــسيــر .. جـــرح گلبه الچبير
ويسمع صوت عمـــته ام عون لمن تستجير
تصد يسـره ويـمـــين .. تــــدور عـــالحسين
نخت والـشمر گال الها اگطعت بيدي الوتين
ايسي مايرد حسين زينـب لاتحشمين
هذاك العالرمح راسه چنج ماتشوفين
شافت اخوها عاري ومسلب
من حقها لـمن تنــعمي زينب
احچاياته .. اوناته
ماتنشف .. دمعاته
***
الامام المهدي شاف .. امــيرات العفاف
بحالة مزريه عالنوگ من كلــشي تخاف
الناس اخذت قرار .. تشــامرهن احجار
المثلهن زحمه يتــشامر وحــدتـهن مزار
وادم مـــن اســــطوح الدور نار تــذب عـليهن
وقسم من عدهم يضحكون چي ذبحو وليهن
الچانت حمايه تطلع اوياهن
صاحوا سبايه هسه جبناهن
حچاياته .. اوناته
ماتنشف .. دمعاته
***
الف موته يموت .. ابوصــالح سكوت
كلما شاهد بعيــنه ظـعن زينب يفوت
ظعن للســبي سار .. ظــعن كـله مرار
اذا لكبــار سابـيهن شــنو ذنـب الزغار
شنو ذنب الأطفال تروح بله بظـعن الاحزان
اديهم كلــش ازغيـرات وحبال السبي امتان
بالشام مــن دخــلو خـرايبهم
فوگ الســبي زادت مصايبهم
وغـصاته .. ولهفاته
ماتنشـف .. دمعـاته
***
حيدر تركي الكربلائي
للاربعين
.
.
.
هاج الحنين بروحي .. سولفلي يامذبوحي
احچيلي عن جرح الرمح
وانه احچي عن اجروحي
----------------------------
يالنابت ابـراسك رمـح .. شلونك يبعـد اعيوني
لونك احسه امن التعب .. يشبه امن الحر لوني
متاذي گلي امن الرمح .. لومن حچي الگادوني
بعيونك الذبلانه احس .. نظـرة الـــم لمتـــوني
كل هذا وتحس بيه .. يالمــنترس حــنيه
گلــبك اليه منفتح
وانه احچي عن اجروحي
-----------------
البيه وحقك مو جرح .. واحــد ولاهـــن مـيه
الف وتسع ميــه الذي .. يحــسين صـارن بـيه
بالرايه مأساتي بـدت .. مــن طاحــت الحـنيه
ونختمت ابشام الحزن .. من غفت عين ارقيه
ابنــادم المايحــملـــهن .. طاحن على اختك كلهن
وحدتهن اتگول الملح
وانه احچي عن اجروحي
-----------------
خويه الشفتهن بالدرب .. ماينحچن يالغالي
ياهي الاسولـفها الك .. وياهي التضل ابالي
زينب يبو اليمه تطب .. ديــــوان اول تـالي
وتصور ابنــص الزلم .. حرمـه بلايـــه والي
ثق مقتلك حسيته .. الديون من طبيته
واستوعبتها منذبح
وانه احچي عن اجروحي
-------------------
رمحــك يـخويه بالارض .. لو گعـــدو اينبتــونه
ايذبحوني كل ما ريضو .. راسك امن ايحركونه
چم مره من عدهم وگع .. ياخــويه ويــشـيلونه
يتعـــمدون ابهالـــفعل .. گلب اختك ايحرگونه
شحچيلك وشحچيلك .. ومن ياهي خويه اشكيلك
والصار لاماينصلح
وانه احچي عن اجروحي
-----------------
كلما اســولف عالسبي .. ابصدري الحچي يتكسر
وليش الملامــح يالاخــو .. ابوجهك احس تتغير
بس وحده اسولفها وبعد .. ما احچي يابو الاكبر
خــويه خــذوني للســـبي .. بنــاگه تــگوم وتعـثر
كل ماتهل اعيوني .. ايضربوها ويضربوني
لاليلي ليل اولا صبح
وانه احچي عن اجروحي
_
حيدر تركي الكربلائي