11030
لنشر قصائد مناسبات اهل البيت
قصيدة ليلة ابالفضل
.
.
.
عباس كل ذاك الحـچـي وين .. خويه
موگتلي ماعوفك يالحــسين .. خويه
حچي الشمات تدري
يـكسر خويه ظهري
يعباس
***
جبل بالطف چنت واگف
يــذاك الجـبل شــو ماكو اشعلامك
الضوه من وجنتك نازف
اول تالـــي ماتحچــي اويه امامك
بس لا نـاوي الـوداع .. يالنايم علـى الگاع
تره كل حيل الحسين .. ويـه يمنتك ضاع
حاچينــي يعـبــاس .. صلفه عيونها الناس
گوم شلون ماچـان .. عــن لا بيتي ينداس
لا مو وكتها اعله الثره اتنام .. خويه
عســكرهم اتــگرب للــخيام .. خويه
الهجر يابـعد عمري
يكسر خويه ظهري
يعباس
***
مشيت المصرعك گوه
وطحت يمك مدامع تعمي العيون
صــعــبه يابــو المـروه
العساكر دمع عيــني من يشوفون
صاح الجيش فرحان .. ماضلولك اخوان
وانــا وبالدرب جاي .. بديهم شفت نيران
خيـــمنه يحـرگـوها .. واختـنه ايسلبوها
الحرمه گلي شتصير .. المـا وياها اخوها
گوم انه اسندك ورجع وياي .. خويه
ولو ماتشوف انطيك عيناي .. خويه
الجيش ابلايه ذخري
يـكسر خــويه ظهري
يعباس
***
بوكعتك كلشي يلچمني
الهوه امن ايمـر عليه انچفي جروح
شعجب شــو ماتكلمني
عدل يا ابالفضــل لــو انتــه مذبوح
يبعد العافيه اشبيك .. ياصــوب اليـــأذيك
سهم عينك يعباس .. لو من گطعت ايديك
محتــاجك يــوفــاي .. مــامــحتاج للـــماي
تـــرد أرواح الـــخيام .. لمــن ترجع اويــاي
سولفــلي اذا تـسأل الشـــمات .. خويه
ابيا صيغه اگــلهم عالنهر مات .. خويه
الدمع لو گام يجري
يكسر خـويه ظهري
يعباس
***
اجيت وباقـيه بيه
اوشــالة حــيل جابتنـــي لجــسمك
لگيتك جثه مدميه
وصبغت الحيتي خويه بفيض دمك
مكانك مــوعالتراب .. مكانك بــين الاهداب
تره زيـنب والحسـين .. وراك اصبحو شياب
وراك ادموعي حمره .. وكسرتك والله كسره
عـود حســين ذبلان .. الهوه امن يمر يكسره
ياكشختي اگبــال اليكــرهون .. خويه
وحدي امن اضلن وشيگولون .. خويه
البعد لو صار قـسري
يكـسر خويه ظهري
يعباس
***
وحيد ابقيت والحومه
احسها اعيون مشبوحه عالخدور
اعـــرف كلمـن ويـومه
ولكــن هالخــدر محــتاج نـاطـور
الــخيام تريد كفـــال .. للمــوزمـــه شـــيال
ومن اتغمض العيون .. تتــــفرهــد الـــعيال
المن زينـــب تــروح .. وجـثه انته بلا روح
ممنوع البجي عليك .. يضربوها من اتنوح
ابلا محمل ايصعدوها عالنوگ .. خويه
شـــتسوي والــدلال محــروگ .. خويه
السبي من يلوح خدري
يكــسر خـــويه ظهري
يعباس
*
حيدر تركي الكربلائي
مقدمة ليلة العباس س
انسيت امصاب ابني وشاب ابســاع چفني
من شاهدت الحسين عالعـــباس محــــني
***
يليله .. زيـــنب نـــادت وكلشـــي تغـــــير
يليله .. ليــش حســـين بذيــالــه ايتعـــثر
يليله .. صحت ونسيت شوغة ابني الأكبر
تلگـيته ولگــيته بحــيــل مهدوم
جاي امن النهر يتــفايـض اهموم
اشو لحســين لا مــوذاك الحسين
طايح عالثره اعرفته امن الهدوم
امـترب الــنه راجــع يتــبـــده مـــواجع
منظر وجه الحسين فت كلبي وفجعني
***
چبيره .. حنية ظهر أبو السجاد الحسين
چبيره .. ردته امن النـهر يصفج بالايدين
چبيره .. زيــنـب من تگــله كافلــي وين
سكت كلــشي بخيمنه الا الدموع
وعن ابني التهيت بغيــر موضوع
شفت حســين لكن مختـلف حيل
شفته من صدگ هالمره مــوجوع
مابي حيل يوكف منه شماخذ الــطف
آ يـانار الحــسين تشب گلبه وتشبني
***
المصيبه .. من رد بـعلي الأكبــر للــخيام
المصيبه .. مامكـسور ظهره وشايل الهام
المصيبه .. جيته امن النهر يتفايض آلام
امصاب الابن ثاري يهـون ياناس
ومصاب الاخــو ضــرباته بالراس
الهذا السبــب رد حسـين مكسور
زيــن اهنــاك مامات اعـله عباس
شهگ بالعبره مرتيـن ولطم بيــمينه عالعين
عالعـــباس الحســين يالـــوادم هــظـــمني
***
بچينه .. وبچـــت كــــل اهـــل المــروه
بچينه .. ومــن ادموعنـه كلشــي تچوه
بچينه .. چيف حسين ظل ابلايه اخوه
قــلت حيلتـي صـــاح أبو السـجاد
العمر عكب أبو فاضـل لا ميــــنراد
احترگ من داخله ياويلي الحسين
احس گلبه اعلـــه أخيه صاير رماد
ضوه الخيمـات طافي الگمر عالشاطي غافي
الزمن ويه أبو السجاد هــد الــچــان مــبــني
***
المحنه .. يصــيح حسين راعيها عالتراب
المحنه .. متـغطي يوسفــه بـدم الخضاب
المحنه .. من تـــروح تجرح گلب الاحباب
خيمتنه الچـبيره حسيــن مهدود
كلما شوف حــاله مصـيبتي تزود
ثلث من گلبه الأكبر مــاخذ اوياه
وثلثين البــقن طاحن ويه الجود
والجـــود الكـــفاله صوت الون تعاله
حال حسين ياناس اكـثر شي يهمني
***
حيدر تركي الكربلائي
نزال ليلة الانصار
.
.
.
نصـرتـك مثـل الاذان
بكل مكان وكل زمان
***
مــن واحد وستـــين هجريه
الحــد دولــة العـــدل الالهـيه
الماحط اديه بيـدك يبو اليمه
كأنـــمــا ســابــيلـــه علـــويه
الينتمي الشمر وسنان
بكل مكــان وكل زمان
***
المايحچي كلمة حق لمن تنمس
شيطــان هــذا يعــتـــبر اخرس
والــي ينــصرك ولـــو بحــچايه
مثـل الــذي اباب الـخيم هوس
وي حبيب وجون چان
بكل مـكان وكـل زمان
***
اليتبع زهــير ومســلم وعابس
وجلباب قوه النصـــرتك لابس
الرايـــد يمســـك لـــو بگــشايه
يحرگ الأخضر فوگه واليابس
بكبـــرياء وعنـــفوان
بكل مكان وكل زمان
***
ناس النصرتك سيدي اتعاهد
وناس اليــزيد وزمرته تساند
المو حـر كيانه مايصير الحر
مادامـه ويه ابليـس متعاقـد
النصره مرات بلـسان
بكل مكان وكل زمان
***
الشخص الينصرك ياابو اليمه
بسلاحه مره ومــره بالكـــلمه
وكلمن تحسبـــه ويه انصارك
سيدي صيته اتـوصله للنجمه
ينقـــري هــذا البـيان
بكل مكان وكل زمان
***
الحبــك أساس بكل معاييــره
والـــخــوف ماغـــير تعــابيره
چيه مقتدي بعباس أبو فاضل
معناها يتــفايض وفـه وغيره
بالــــوفـــاء الامتحان
بكل مكان وكل زمان
***
المايوم طــخ الهـالــزمن راسه
يبقى بنصرتك شامخ احساسه
فايز العاش ابصـيـت عاشورك
مــادام انــته تعيـش بنفـــاسه
وللحچــي شاهد عيان
بكــل مكان وكل زمان
***
حيدر تركي الكربلائي
قصيدة الأنصار
الــقارعـه مالـقارعـه بين الخيم والمشرعه
انصارك امن ايصـولون
السبعين الف ينعــدون
في خبر كانَ ايصيرون
وعيونك
*
ياايــــها الـــقائــد .. شـــاهد
ملگــاهم اوداعـة عــلي يابوعـــلي ونــسه
عالحومه بس أشر .. وانظـر
والچانت تسولف امس شو صبحت خرسه
الماركعت الكم تركع انخليها
والماتصــير بكربــله نسويها
انصارك وگول وفعل تدريها
تدريها
وزلزلـــت زلزالــها والجيش يصرخ مالها
للحومه لو بس ينوون
السبــعين الف ينعدون
في خبر كان يصيرون
وعيونك
***
احچي يبو اليــمه .. كـلـــمه
وكربله بأمــرك ينگلب عاليها سافلها
السبعين الف ذوله .. بصوله
مقبره گــاع الطف نعــم الهم نحولها
قائد العسكر هالحچـي وصلوله
ربــع الحسـين اتحــزمو گـــلوله
بالهجمه الأولى المعركه محلوله
محلوله
مگفوضه شغلة كربله وي مانگول البسمله
للحـومه مــن اينزلون
السبعين الـف ينعدون
في خبر كان يصيرون
وعيونك
***
ياسيـــد الســـــاده .. الـــعاده
الشايب من يصير الضــرب ليــوره ايرجعونه
وعدنه حبيب احنـه .. چــــنه
اثمـــنطعش عمـره بالحرب گــامو يـــشوفونه
اولنه يركـــض والعــلم بيمــينه
ويصــيح ويـــن الرادت تلاگينه
ناس احنه أبو السجاد غزر بينه
بــينــه
شكد ما العسكر منخلس اليشتم هوه تسمعله حس
احسب ثواني ايموتون
السبـــعين الف ينعدون
في خبر كان يصيرون
وعيونك
***
سبعينك وتدري .. تشري
الصعبات والــي مايـــجن بالهيـــن اشــرايه
التــعله نــنزلـها .. والهــا
جرت اذن بـس من صدگ مو حچي وروايه
النه السياده واحنه اهل الكلمه
گر عين وفرح والله يابو اليمه
المايــمتثل نصين احنه نقسمه
انقسمه
والجيشهم نــرسل امـــر كل جندي خل يحفر كبر
صحبة احسين يگولون
السبـــعين الف ينعدون
في خبر كان يصيرون
***
بالحومه من نـزئر .. نگـــدر
روس الزلم وعيونك انطشرهن اكبالك
ويمك حكمها انته .. الشفته
سوي يتــاج الراس حتــى تريح دلالك
بالنسبه النه اتگول موتو احنه نموت
بــعمــارنه يابـــو ســـكينه مبـــخوت
ويـــاك مــن اول نفـــس للتــــــابوت
للتابوت
گالناها ونگلــــك نعـــم انصار الك احنه وخدم
بس ارضه والباقي يهون
السبــعين الــــف ينعدون
في خـــبر كان يصيرون
***
حيدر تركي الكربلائي
انما الجنة بيـن الحرمين
ادخلــوها بــسلامٍ آمنين
***
ملتقى العشاگ بــس مو كل عشگ
يلتــقي بـــيها الدليــلــه محــــترگ
العايـشه في داخله اخيام الحسين
شلون عن هالجــنه يگــدر يفتــرگ
جنتاً قد ازلفت للمتقين
ادخلوها بســلامٍ امنين
***
الراد يــسأل شو تقدسـوه هالمكان
انگله لو ما هل مكان انــسه الاذان
الدين ميت چــان وحسـين الحياه
امن ارتفــع راسه على ذاك السنان
قبلةً للانبيا والمرسلين
ادخلوها بســلام امنين
***
بيها وادم خيره طـاحت عالتراب
وصيتها من العــلو فاق الـسحاب
الراد يتــنفس هــواها مـــن بعيد
خــل يشيل ايده ويسلم عالقباب
تلك ايات لــقومٍ موقنين
ادخلــوها بســلام امنين
***
جنـتاً وعرضهــا بعـرض السماء
قـــد اُعـــدت لعطــاشا كــربلاء
اليدخللها كون متوضي بدموع
على مسلـوب العــمامه والرداء
بها لا يعلم الا العاشقين
ادخلـوها بســلام امنين
***
جنه بيها انحور وچفوف وعيون
بين أبو اليــمه وابوفاضــل تكون
والـذي بيـهــا يقيمــــون الــــعزاء
العابس الــشاكري همه ايقــلدون
ثم قيل يامجانين الحسين
ادخــلـوها بســــلام امنين
***
حسين رحمة جنته اتعــم الجميع
والعمـل بيـــها ابـــد لا مـايـــضيع
شرط كون نعيـش شوغات الرباب
لمن شافــت منذبح نحــر الرضيع
ولقد كان جـــزاء الصـابرين
ادخــــلوها بســـلام امنيــن
*
حيدر تركي الكربلائي
قصيدة ليلة مسلم ع
اكــرم وانـعـم مسـلم يمسلم
والماتصــير ابصـارمك ســـويها
طي السجل يابوحميده اطويها
مسلم يمسلم
***
اذن .. حي علــه نـحــور الصــفت سالوفه
واعلن .. عــمـا ايــدور بخــاطرك بالكـوفه
وامن .. جيش ال اميه اتطيح كل سيوفه
وستنگـي منهم ياهو زيـن يفيدك
عيدك الحـومه وتفرح انته بعيدك
يوگع جمعـهم گبل متــشيل ايدك
حيدره عمك من يدنه يمك
تعرف خــفايه الكوفه وشما بيها
طــي السجل يابوحميده طويها
مسلم يمسلم
***
بــَيــن .. اصلك وفصلك للـذي سيفه يشيل
صَرفن .. ارداناتك الحد مايصيحون ادخيل
صـَفـن .. هالجيـش خـل يتـصورك عزرائيل
صيـــاد انته وتعرف الصيد الزين
الماينحنيلك ينحـسب عالمــيتين
حــقك اذا عمـك علي أبو حسين
ابملگه الجحافل مثل أبو فاضل
بصفـــين بــــس تسـولف تبچــيها
طي الــسجل يابوحـــميده طويها
مسلم يمسلم
***
فَصل .. بكــيفك يمــسلم مــن تطــب الحومه
مــَثل .. بــأس أبو الـــيمه وصــولته ورسومه
اَقــبل .. وخلي الجحافل من صدگ مصدومه
عــوف الجنود ولگـط انته القاده
صيد الكبــار ايــلوگ بس للساده
روس ال اميه تصير الك سجاده
شــَرق وغــرب ابسيفك اتعـَزب
ومشية علي بالحومه انته مشيها
طــي السجل يابوحــميده طويها
مسلم يمسلم
***
اكتــب .. تاريـخ مـجــدك والمجــد بالصــارم
احسب .. اليابس والاخضر والخشن والناعم
ارهب .. كــل جيـــشهم حــد ما يگـــلك نادم
المو من ثگل سيفـــك هذول اعزلهم
اشــجاب الحديد اعله الكـطن گـللهم
انتــه اتعـــــرف تالـــيهــــم وأولـــهم
ماشأت ففعل چــفك مخول
سطرة الحمزه يمنـتـك تحـييها
طي السجل يابوحميده طويها
مسلم يمسلم
***
اهـدم .. اصروح التعالي العـايش عند القوم
ارسم .. خــارطة دربك انته مــن هذا اليوم
اكـتـم .. انفاســهم مـو لحظــة اكتم للــدوم
يامــن اتمــثل هــاشـم ابكوفانها
الماطاعتك بالسيف گص السانها
يبن اخـو القالع خـيبره بيـــبانها
اضرب واقسم وللحجـج اَلــزم
ولجــهنــم بصـــارمك اتــوديها
طي السجل يابوحميده طويها
مسلم يمسلم
*
حيدر تركي الكربلائي
قصيدة ليلة مسلم
.
.
.
نار وخيول وعساكر واركض ابين الحوافر
لا أبـــو عــدهــا حمــيده
ولا اكو عم ويمدلي ايده
اوف يامحنة العاشر
***
ينـــاس الخيل من يركض يرفـــع حـــافره بــعلوي
وعـــباتي چــي مثل عمــتي طويـله للـــجدم تلوي
ساعه اعثر وساعه انهض وچبيره اعليه من اهوي
المصيـبه الســـوط فوگايه وجوايه الـرمل يچــوي
طحت واسمع ضجه يمي وشفت من سلبو عمي
شتــگدر تسـوي الوحيده
ولا اكو عم ويمدلي ايده
اوف يامحنة العاشر
***
ميمون الحنين حسين النه من اجه امدمه
صاحـت عــَمتي زينـــب فـــرن بالفله عمه
لزمت اخواني وهربنه بس ما طالت اللزمه
فرقنه الشمر بسـوط بگلـــبه مـا اكو رحمه
صاح بيهم عذبوها تره مسلم هاي ابوها
اتحـــز الثـــــاره يــريده
ولا اكو عم ويمدلي ايده
اوف يامحنة العاشر
***
امن تعاله عجاج الخيل اصبعي گبالي مااشوفه
گمت بين الجـثث ازحف نيتــي أوصــل الكوفه
بهالاثناء لني يم جثه وعـطــر هالــجثه معروفه
لـــن عــمــي ابوفــاضل بس امگطــعه چــفوفه
راسي حطيته اعله صدره وهيست نبله اعله نحره
ونوحــي يم نـحره ازيده
ولا اكو عم ويمدلي ايده
اوف يامحنة العاشر
***
اليتم ذلـــه لچــن انـــي بزود الــعم تعديته
واكثر من ابوي حســـين ياهالنــاس حبـيته
بهالصــفنات لن حافر نزل يم راسي حسيته
وبهالحافر المشــئوم عطر حســـين شــميته
خيول اميه ياوسافه ساحگه صدر الترافه
ومــن الخــيول العـنيده
لا اكو عم ويمــدلي ايده
اوف يامحنة العاشر
***
مسـلم بويه ناديتـــه ودمع عيوني يتبده
البعمري چبيره اعلــيه تجرح دمعته خده
چنت اتگلــي يالورده وهـسه ذابله الورده
سهم عبدالله ابن عمي طب بگلبي وتعده
الماله والي ولا كرابه ياخـــذونه للخـــرابه
الشـــام ادريهــا بــعــيده
ولا اكو عم ويمدلي ايده
اوف يامحنة العاشر
*
حيدر تركي الكربلائي
نزال ليلة ام البنين
.
.
.
حي الله خدام الحسين / حياكم
يـــاتربــــية ام الــبنيــن / حياكم
***
ياجيل معجون بتعـب .. يا اثقـــــف واعظــم شعب
مادام قلـــدتو الكـــفيل .. فــــزتـــو كـــما فـاز وهب
تفانـــيتو بالخدمة نعم .. منـــكــــم ولا زل الجـــدم
الثابت يقينه بالحسين .اتسجله الزچيه اويه الخدم
قد افلح المؤمنين / حياكم
ياتربـية ام البنين / حياكم
***
الهالدرب كلمن ينتـسب .. وخـدام أبو اليمه يحب
الماترضه عنه ام البـنين .. عالخـدمه لا ماينحسب
العايـــش حـياته كـــربله .. ام عباس هيه اتــدللـه
بصف حمزه الزغير يصير .. بجــنة البــاري منــزله
بالجنه باجر فرحين / حياكم
ياتــربية ام البنـــين / حياكم
***
انتم فصل واصل العشگ .. وگلوبكم بالحـــب تدگ
واحـــدكم بـــگــد الهيـــام .. بنــــار المخيم محترگ
ونستكم الـون والبـــچي .. وبحسينكم بس الحچي
المنكم هفت حيله وتعب.. بحيل اخو زينب ينتچي
وبزود عباس الحنين / حياكم
ياتـربيـــة ام البنيـــن / حياكم
***
يامن نذرتو هالعـــمر .. لحســـين مهشــوم الصدر
عفتو جميع المغريات .. وللخــدمه جــيتو بلا اجر
ماضاع تعب ام الوفـه .. بـــيكم يأهـــل المـــعرفه
يسمونكم ربع الحسين .. وهاي الصفه اجمل صفه
انتو العباد الصالحين / حياكم
ياتــربـــية ام البنــين / حياكم
***
المطيه لبوا ليمه ظـهر .. وجهه مثل وجه الگمر
تعلمك اذا يعطش اخوك .. مد روحك اگباله نهر
امــن ادروس ام الاربــعه .. لازم نحـصل منـفعه
والمـــنفعه آن الحسـيـن .. رحمة الباري الواسعه
وعالخدمه يامن ثابتين / حياكم
ياتــربيــــة ام البنـــين / حياكم
***
العاشورهم طـــول السنــه .. ذولـــه اهـــل ياليـتنا
الينعون همه بــكل مكان .. واحــدهم تحس مأذنه
الينعون أبو اليمه الشهيد .. ام عباس تعرفهم اكيد
هنيالكم يـهـــــل الــعزاء .. وصرتو لبوا ليمه عبيد
بالخدمه يامن موقنين / حياكم
ياتــربيــة ام البنــــين / حياكم
*
حيدر تركي الكربلائي
ليلة العباس
.
.
.
تسألن عالگمـر وين وتجاوب دمعة العين
اذا رد محني الحسين
گــولن مـــات عبــاس
***
اختصارن للحچي والنوح والدمعات
اختصارن للمأسي الجايه واللچـمات
اذا مـــارد ابو فــاضــــل يعــــلويات
يعنــي انتــن البعد شوية مــسبـيات
والـماعــدها كفــال يگيدوها بالحبال
الماشافولها اخـيال
راح تشوفها الناس
***
لون لحسين اجـانه محمل بضيمه
وعيــنه تگول غيمه وتمطر الغيمه
اذا جــر العمود وطـاحت الخــيمه
يعنـي تحضرنه للــشــرده بالـهيمه
ابــوفاضــل اذا غـاب كلشي يصير سلاب
احسبن هذا الحساب
ضعنه ابلايه حراس
***
اذا لازم كفــاه رد لينه أبو سكينه
يعنـي انگـطعت العباس چـــفينه
يعني الجــيش بعـد الظهر يولينه
واخـــونه لايهـــد ولا يحـــامـينه
اشيجيبه الصدره مخسوف ومفرهــدته السيوف
لا بي شوف ويشوف
منه انگــطع الــياس
***
يـعلويات خـــل بالخيـمه نتــنطر
بلكي ويــرد سالم ويـه ابو الاكبر
حسين اعله الشريعه كـلش تأخر
بس لا ابــو فاضل كــافلي اتوذر
اذا عـبــاس مــذبــوح يـعني للســبي نروح
السيــاط امتونها تلوح
التمشي ويه الارجاس
***
هــذاك حسين اجانه لكن اشحاله
يمـكــن عالــشريـــعه عــاف دلاله
امبـــين منكـسر وعـــيونه هـمـاله
عگـب عـــباس ياهو الـذي يـبراله
الماله اليـــوم خــوان تتـــولاه الــعـدوان
ويوگع علـــى التربان
ويگطعله الشمر راس
***
حيدر تركي الكربلائي
ليلة الانصار نزله
.
.
.
حــبل الله وعين اليقــين
حــبل الله هــو الحســين
***
هوه الحــسين ابن علـــي وكـــل الكفايه
هــوه الوســيله الـرابــطه بــرب الــبرايه
مانحچي شي عن عاطفه نحچي بدرايه
قــــران بـــي الله انـــزلــه لا مـــو روايه
حبل الله للـــمتـــقين
حبل الله هو الحسين
***
حسـين الســفينه والبحــر هـايـج عــلينه
ويــغرگ اكيد الماركــب هــــاي الســـفينه
متــهد اديــنه باللــجــج ايـــده الحـــنينه
العــنده الحسين بداخله يحـس بالسكينه
حبل الله بـــلا قــرين
حبل الله هو الحسين
***
اليتـمسك بهذا الحـبل ينجــي مـن الاخطار
بقــعر جهـــنم لــو وگـــع ماتوصـــله الـــنار
العاف الحسين وخدمته ومدري منو اختار
يحــتار باچــر بالحشـــر صدگـــوني يحتار
حبل الله للــعـارفــين
حبل الله هو الحسين
***
الما باس بيبان الصحن يستــنكف بهاي
ويگول مــيت وانتهــا ويتـــبنى هالراي
انا انتخي بـــأبوعلي ويفـزعــلي مولاي
بيمن دگلــي ينتخـــي ويگـــله بحــماي
حبل الله حصن الحصين
حبل الله هــو الحــــسين
***
بهذا الحبل خـل نعتــصم حـــبل الامـامه
والي اعتصــم يعني وصل درب السـلامه
يـهل المجالس واللـــطم يهـــل الــخدامه
اليــلزم ابواليـمه صـدگ يـكــبر مـــقــامه
حبل الله يامحســنين
حبل الله هو الحسين
***
حبل الخدم من ينعگد للعـگده حلو
ما آن تـمســكـتم به لا لـــن تـضــلو
ولمـصاب ابواليـمه الدمع ليليه هلو
كلمن يفرط بالدمــع عــن دربـه زلو
حبل الله للمــوقنــين
حبل الله هو الحسين
***
حيدر تركي الكربلائي
قصيدة الانصار
.
.
.
يا اعـذب وارقــى انسان
الماعايش حبك خسران
انته البوصله / التهدي الكربله /هيچ تگول الأنصار
حــبك مرحله /اليعبـرها عــله /وبعلــو النجـم صار
الماعايش حبك خسران
***
وياك اجيــــنه الكـــربله والشــوگ يحدينه
ورجلينه اذا ماتمـشي الــك حبك يمشــينه
تيـــهنه درب الطــف وعـــر ويـمك تلاگينه
ويم خيمتك كلشي بده يخضر يبو سكينه
الـــف مـــره لون .. بمحبـتك نحـترگ
اجــينه النصرتك .. وابــد مــانـفــترگ
يأول حب صدگ .. ويأخر حب صدگ
ياحسين
ياقائد الـحب حياك
بكل ما نملكه نفداك
اسمك بسمله / واحساس امتله/ ونفديلك هالاعمار
حبــك مرحله / الــيعبــرها عـله / وبعلو النجم صار
***
گالولنه بسكم عشگ اويه اعماركم فشله
گلنالهــم هــوه العشگ وكــت الكبر يحله
بيك انته هنياله الذي انجــن وفگد عقله
مانحـب بعد اسمك اسم والله ولاقــبله
اليحب بمعـرفه .. عبد صــالح صبح
اليعيش بعالمك .. الـعمــر كـله نـجح
هنـــيئا لــمــــن .. بهوه الطف انذبح
ياحسين
انصارك امن ايصـولون
يستشهدون ايـــريدون
بالموت وهله / صحنه ياهلا / هوه هذا الايــثار
حبـك مرحله / اليعبرها عله / وبعلو النجم صار
***
اليحچي اويه روحه من العشگ گالونه شماله
الفيـــن حســــبه الـــي يـــعد يلـــگاهن ابــاله
وداعة حبـــيب المنـــشــــلع يالغـــالـــي دلاله
العقـــله بمحبــتك مـــنوخذ مـــن الـف هنياله
والانصار اعلنو .. وحچيهم مـا يلي
يخيعــونه فمــن .. بمحـبتك مبتلي
الحبيب الاولي .. الحسين ابن علي
ياحسين
بس اشر اعله الميدان
نگضـيهــا گــبل الاذان
المسره القافله / الحبك شايله / تشـرأب الأنظار
حبــك مرحله / اليعبرها عله / وبعلو النجم صار
***
المابايعو يابوعلي اينــدمون وعيونك
عميان يانـور السمــه ولا مايـشوفونك
والبيك همه اتمسكو باب الله يلـگونك
لو اكو اغله من النحر بي همه يفدونك
ومن يلحــق بك .. فقــد نال الفتح
يـفوز الناصـــرك .. يبو گلب السمح
الوحيد انته الذي .. يبو اليمه تصح
ياحسين
رحــى الحرب من ادير
بيهم انسـوي الميصير
والماقابله / احسب مرحله / وبصولات الاحرار
حبك مرحله / اليعبرها عله / وبعلو النجم صار
***
واحــدنه ثـــوب التضــحيه يابـــو عـلي لابـــس
ابن القين وي جون اوهب وبن عوسجه وعابس
اويــه الموت احــنه وداعـتك باچــر تــره انافس
الــوادم تــفر امن الحرب وبيـــنه الها شو واهس
التراب امخيمك .. نروح احنه فده
عبيـــدك والعبـد .. فـــداء الـسيده
رسايل واضــحه .. نـــوجه للــعده
ياحسين
وداعــة يــمين العباس
باچر دمه تبچي الناس
والـتـتقــبله / شما تدعو اله / تنطي قوه وإصرار
حبك مرحله / اليــعبرها عله / وبعلو النجم صار
***
حيدر تركي الكربلائي
مقدمة الانصال
.
.
.
انصار .. گول وفعل تدرينه .. وعيونك يبوسكينه
انصار .. عــد يمــناك خلـينه .. وعيونك يبوسكينه
***
بــســم الله مـجـراها ومســراها يبــو اليمه
فلك مخلوقه للهــمه هــدفها توصــل القمه
فئة الله ختارنه حـته نگلـك احنه بالخدمه
زلم واحدنه يسواله يــبو السجاد الف زلمه
انصار.. وين تريد ودينه ..وعيونك يبوسكينه
انصار.. عد يمناك خلينه ..وعيونك يبوسكينه
***
باچــر انته بس أشر وروح ارتــاح بالـخيمه
اذاكو بالسمه غيــمه تغـــثك نــذبح الـغـيمه
العسكر بده يترادم طبيعي وهذا من ضيمه
باچر ياعلي امن نــگول نترس بيهم الهـيمه
انصار.. جند الموت سمينه ..وعيونك يبوسكينه
انصار.. عــد يمنـاك خلـينه ..وعيونك يبوسكينه
***
وحق الحــق وما انزل على صدر النبي طه
ظلام اندمدم عليـها يبـــوالاكبر ونغــشـاهه
الحومه الارعبت زينب خل هالليله تنساهه
من ايصَـبح العاشر وحقك ينــدم اشــقاهه
انصار.. بهذي لاتوصينه ..وعيونك يبوسكينه
انصار.. عد يمناك خلينه ..وعيونك يبوسكينه
***
صح سبعين الف همه وانصارك فقـط سبعين
فتح عين غمض عين هالسبــعين الف ميتين
ربع ايــزيد ما الهم قيمـه گـبال ربــع حــسين
نموت نعيش من اجلك بـدم نحورنه موقعين
انصار.. نار ومن يطفينه ..وعيونك يبوسكينه
انصار.. عـد يمناك خلـينه ..وعيونك يبوسكينه
***
بس خل يبزغ العاشر نهاره وشوف گاع الطف
باچـر نــاس تتــباچه ونــاس تــگــوم تتــأسف
ناس تذوب ناس تلــوب ناس تلوذ صف بصف
وانته اعــَرف لمن نبدي وعالميدان مـن نزحف
انصار.. وياعسكر يلاگينه ..وعيونك يبوسكينه
انصار.. عــد يمناك خلــينه ..وعيونك يبوسكينه
***
حيدر تركي الكربلائي
نزلة ليلة مسلم
.
.
.
صاحت الكوفه/ اجانه الموت الأحمر/صاحت الكوفه
***
طـب للكـوفه الــمعتـبر .. بـــده بالقــاده يتــخير
صگر ويلگـط الزينــات .. مسلم نسخه من حيدر
شايل سيف ابو الحـمله .. طبيـــعي تـكثر القتله
شكد ماجـيش بالكـوفه .. حلــف ميدانها يوشله
خزراته شلع تشلـــع .. صريخ الجيش بس تسمع
اليجي سالم ومابي شي .. بتــابــوت الهله يرجع
كـَسر اسيوفه/ جمعهم ذاك كله / كـَسر اسيوفه
***
شد الثامه والـثامه .. انحنت اله مية الف هامه
من الرعب من الخوف .. طاحـــت كــلها گدامه
بــيــده بالـحــرب لازم .. عـــزرائيـل مـو صارم
نــعمين ابن اخو حيدر .. السلب ارواحهم قادم
طوعه اتصيــحله تسلم .. روي الكوفه من الدم
بنـي هاشـــم يبـــارولك .. يمـــعدل يـالمــــشيم
اگطع اچفوفه/ الجيش الماركعلك / اگطع اجفوفه
***
تحزم بالعزم والحيل .. وخله الظهر مثل الليل
لمن غــار عالـحومه .. الخـياله احتمت بالخيل
كـــبر سيــفه بيــميـنه .. وشرار اتجادحت عينه
صاح الجيش نص ساعه .. اذا ضل هيچ يفنينه
مدد يتـصارخ العسكـر .. مدد خـله التـــراب احمر
ناده الجيش يالقاده .. شنو الحل والحچي اتطشر
طـَشر اصفوفه / جمعهم ذاك كله / طـشر صفوفه
***
الحـومه ركعـــت اگــباله .. بمـا فيهـــم الخــــياله
سكت صمصامه ثانيتين .. وصوت دخيلك اتعاله
امروتـــك يا ابــو طــاهر .. بـــس اتركنه وشتامر
واحــدهم بگـــد الخـوف .. مــدري اچم نذر ناذر
صاح القـــائــد الشـــارد .. ومن حلگ الذبح عائد
ماشــايـف جـــمع آلاف .. والله يهزمه بس واحد
هاي معروفه / علي الرباه اشيطلع / هاي معروفه
***
حسين الهاي مخـتاره .. امــام ويعـرف اسراره
السـفاره هوه سيدها .. الحرب يندلها چن داره
يميـــز الزيـــن بتـاره .. تـــلوذ الحــومه بكتاره
من يهـيج عالعـــسكر .. يزف للــزهــره البشاره
ثـــار البــاب ميســده .. نــاوي مســـلم ايـــرده
زهـــرائــي ابوطـــاهر .. غـيـــرة حــيدره عنده
غيره موصوفه/ ومَثل للناس صارت/ غيره موصوفه
***
الرايد يفدي ابوسكيـنه .. بنحــره يفتـدي دينه
مسلم هـــيچ متعـــلم .. حسيني بكل موازينه
تـفاصــــيله حسيـــنيه .. حــــياتــه كــربلائيه
تره من الله هيچ يصير .. أبــو روح الفـــدائيه
ماطخ للـضلم راســــه .. ثابت عالصخر ساسه
اجــه التــاريخ وبكبره .. المسلــم دنگ وبـاسه
كعبه ويطوفه /شكو بالدنيه منصف /كعبه ويطوفه
***
حيدر تركي الكربلائي
ليلة مسلم روحي فداه
.
.
.
عمه درب الكوفه وين .. عمه ذابحــني الحــنين
ادري من يشـتم حميده
تردله روحــه وموبعيده
عندي ياعمه يقين
***
امشيله / واذب روحي عليه واشتمه من نحره
امشيله / وبچـــيلـه وابـــلل بالــــدمع ثغـــــره
بلكت من يشــم عطــري ترد روحه
بلكي چفوفي عمـه ايداون جروحه
اريد وياهه احچي حچاية مملوحه
واگـله السوط متــني تقبـل ايلوحه
الكوفه بس گليلي ذيچ .. هســه اجيــبنه واجيچ
لو گــلتله انـــه وحـيده
تردله روحه وموبعيده
عندي ياعمه يقين
***
گالولي / مــرمي امــن القــصر والغبره شابگته
گالولي / واهل الكـوفه عــمه تســحب بجــثته
اريد امشــي واحــل احــبال اديـاته
وامــش عمه التراب الفـوگ وجناته
يحسنــي بلكــت ويفتــح اعــويناته
ويشبگنــي تره مشــتاگه شبـــگــاته
لوگـعد ماشبــكه حـيل .. ساحگه اعله ضلوعه خيل
شبگتـي بلكت تـفــيده
تردله روحه وموبعيده
عندي ياعمه يقين
***
اتمـــنه / اروحنلـــه واكحـل بـي نظـــر عــيني
اتمـــنه / واگــله اليـــوجعك ياصــوب دلـــيني
واطيح اعــليه دوه صـدگيني ياعــمه
واشد بچفوفي ذني جروحه البجسمه
بلــكي يطيــب ابــويه لورحــت يــمه
ويجي للطــف وينــصر عمي ابواليمه
عدنه مسلم والكفيل .. ياشمر بينه اليعـيل
بكــربله لوگتـــله اريده
تردله روحـه وموبعيده
عندي ياعمه يقين
***
وعيونچ / مشــتاگه لبـــويه هواي مــشتاگه
وعيونچ / من گد نوحي عــمـه ملــت الناگه
ريــت الليله اگـصد واگعــد بكتره
وابوسه بجبتهه وبخـده وبصدره
اريد اتــنفس امن العـطر البنـحره
طگ گلبي يعمه والله مــن صبـره
ليله بس لويمه ابات .. تساويه ياعمه الحياة
يمكن انه امن الزم ايده
تردله روحه وموبعـيده
عندي ياعمه يقين
***
تعــبانه / مو مــن السفر ياعــمه تــعـــبانه
تعــبانه / متعبــني ابــوي اويـــن عــنوانه
اليــسأل مايتــيه عمــه مــن يــسأل
بلكــت جــسم ابوي بيا كــــتر اندل
اگله امن اوصله ترضاها بويـه انذل
وتنشـــد بحـــبل ايـدي علــى الهزل
بلكي يسمع فالكلام .. ويرجع اويـاي بسلام
وحده لو كتله عضيده
تردله روحه وموبعيده
عندي ياعمه يقين
***
حيدر تركي الكربلائي
أنا أتشارك 'انما الجنة بين الحرمين' معك
Читать полностью…
أنا أتشارك 'حي الله خدام الحسين حياكم' معك
Читать полностью…
قصيدة ليلة ام البنين
.
.
.
يسالوفة أبــو اليـــمه .. تــره العبــاس بالخدمه
يزينب بيچ اذا قصــر .. يعني امقصر اويه امه
تروحين
وتـردين
بسلامه بسلامه
***
الله اوياچ يعــمامة علــي ويا شــيلة الـــزهره
يالسترچ نبـي وللطف كفيلــچ بالـــضعن اسره
من يم مسجد اجروحي الوادي كربله الصحره
بيـــــچ هــــواي وصيته بگـــد أيـام البـــعمـره
اذا ويــاچ ما وفه .. وحق الجربه البچفه
گلــيله تگول امك .. من هالحظه ماعرفه
ضوه العين
تـــرديــــن
بسلامه بسلامه
***
وحق خدرچ المن عنـده الدنيا ماخذه العفه
گـــتله اخيال زينب كـون اذا ينشاف تتوفه
ومن تســمع طفل لحسين منه يابسه الشفه
مو بالجـــربه تسگـــيها اخذ لخيامها الضفه
البالطف يبذل اعـيونه .. كـفيــل اختــه يسمونه
تحت امرچ ابو فاضل .. اليخدمچ والله خيعونه
شتكولين
تـــــردين
بسلامه بسلامه
***
رضعته امحبتچ من چان عمره وداعتج أيام
زينب سـيده گتلــه واحنــه الهــا تره الخدام
اريدك بالطفوف هنـاك ترفع يبنــي لمك هام
وماريدك ترد سـالم اذا زيـنب مــشت للـشام
بحليبــي يــوم حـــلفــته .. گدها للحچي شفته
كون الزلــــمه گتله يموت .. گبل ماتنسبي اخته
تذكرين
تــردين
بسلامه بسلامه
***
يستر الله الذي نوره مــع نور الحجـب مستور
ماربـــيته يازينـــب اخـو ربـيتـــه الـــچ ناطور
العبد ميگول كلمة لا خصــوصن لو عبد مأمور
فهمتــه المنيــه تكون حلوه من يــجي عاشور
ياعباس گــتله اسمع .. راسك يمها لاترفع
وگبل ماتحچي وياها .. كون اگـبالها تركع
كلمتين
تـردين
بسلامه بسلامه
***
تره العباس مو وحده ييمه اربعه اليفدونچ
امهــم واربعه الأولاد فـــدوه انروح لعيونچ
بس لا بالطفوف هــناك وادم غربه يسبونچ
خاف بلايه أبو السجاد مچـــتوفه يـودونچ
خاف يطيح ابوفاضل .. وضعنچ للسبي شايل
الحرمه تنولي بالطــف .. مـن تطــلع بــلا كافل
وتودين
تــردين
بسلامه بسلامه
***
حيدر تركي الكربلائي