14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
بعد م خش الحمام قعدتة في التسريحة وطلعتة كل الاكسسوارات اللابساها حقت الجرتق ، فكيت شعري عشان التسريحة وجعت لي راسي ، طلعتة التوب وشلتة لي توب هزاز لبستو من فوق فستان الجرتق عشان كان قصير وطلعتة لي روب عشان ألبسو .....
بعد طلع من الحمام انا بس بقيت واقفة مكاني وبعاين ليهو ، واااااااي بس عشرة مرات ، كان م لابس شي غير شورت قصير ، وشعرو كان مبلول نازل في وشو ، كان مغري زي أبطال المسلسلات البشوفهم في التلفزيون ، شي عضلات وجسم رياضي ، غايتو بس الشهادة والعمل الصالح 😭😭😭....
بقيت سرحانة فيهو ونسيت روحي عديل ، م انتبهتة الا بعد طقطق لي اصابعو ، والله خجلني خجل ، انا طوالي شلتة غياري وخشيت الحمام سريع وقلبي بضرب الف مرة في الثانية......
بعد م طلعتة من الحمام لقيتو لبس ليهو فنيلة من فوق الشورت الحمد لله ومنتظرني عشان ناكل ، لما شافني لابسة التوب قال لي رفيف انت جادة ؟ التوب دة لشنو يعني ؟ شايفاني اجنبي عشان تلبسيهو؟
حسيتو زعل من حركتي...
رفيف : لا رامي م كدة ، انت فهمتني غلط...
رامي : طيب وريني ليه لابساهو..
رفيف : ساي بس ، طيب اهو طلعتوا......
اللحظة الطلعت فيها رفيف التوب وبقت واقفة قدامو بالروب رامي عقلو قرب يطير ، وبقى م عارف يعاين وين ولا لا ، الجوع راح منو عديل بعد م شافها ، قام ومشى عليها ، رفيف بقت بتبلع في ريقها وعايزة ترجع لورا بس رامي مسكها من خصرها وقربها منو شديد لدرجة انهم بقو بسمعو أنفاس بعض ....
رامي : حبيبي ....
رفيف : اممممم ...
رامي : ح أجن بسببك...
رفيف: بعد الشر عليك ....
رامي : انا ماقادر ...
رفيف : م م م فهمتك ...
رامي: عايزك ومحتاج ليك شديد ، نفسي خاشة فيك لدرجة بعيدة شديد ....
رفيف : رامي انا انا انا ....
رامي : انت شنو ( وقرب أكتر من شفايفها وايدو وحدة في رقبتها والتانية في خصرها)
رفيف : رامي الأكل حيبرد خلينا نأكل ....
رامي : بس انا شبعت من الاكل بعد م شفتك ...
رفيف : رامي بلييز خلينا ناكل بالأول....
رامي : حااضر ....
قعدنا عشان ناكل بس ماف واحد فينا أكل زي الناس ، رامي عينو دي حلف م ينزلها مني ، م فضل لي ،إلا أبكي 😭😭😭....فصلني تفصيل بنظراتو ...
لما خلصنا قمتة غسلتة ايديني ورقدتة عشان انوم ، اصلا النوم كلو طاار ....
قرب مني شديد وحاوطني بإيدو ...
رامي : حبيبي ....
رفيف : اممم ..
رامي : بحبك ( وكان بشم في شعرها)
رفيف: وأنا...
رامي : وانت شنو ...
رفيف: ب بحبك ، اممم تصبح ع خير ي رامي نعسانة عايزة انوم ...
باسها في خدها وقال ليها: تخليني براي ...
رفيف : انت كمام نوم ...
رامي : بس عايز انوم معاك ....
وخت ايدو في شفايفها وبمشيها فيهم ... رفيف غمضت عيونها وشدت ع المخدة ...
رامي : الليلة دي ليلتنا ي روحي خلينا نعيشها وننسى كل العالم ...وبقى بمرر ايدو في جسمها بطريقة خلت رفيف م قادرة تمسك روحها ...
رامي : احنا محتاجين لبعض ، خلينا نكسر حاجز الخوف ونعيش اللحظات الحلوة دي من دون توتر ، خلينا نبقى واحد ياحياتي ، كان بمشي ايدو في جسمها بطريقة خلتها تجن ، همساتو خلتها تكون م واعية لشي ...لما حس بيها استوت تماام وخلاص جاهزة للحيحصل إنقض عليها بالقبلات في كل أنحاء جسدها ، خلاها تبكي بإسمو وهي تحتو ، خلاها تطلع كل رغباتها معاهو وغاصو في عالم بعييد ، وحصل الحصل ......
............
يتبع ....
#هوى القلب#
(19)
بقلم : غزل وليد
رامي كان مستعجل شديد ويومي ناقي لي في حكاية العرس ، اها اتصل لأهلك عشان نتم الموضوع ، كنت بصبر فيهو استنى شوية استنى شوية لحدي م خلاص لما كترتها زعل مني والله، قال لي انت لو م عايزاني كلميني عديل يارفيف..
قلتة ليهو والله ماكدة يارامي بس عايزة يجي الوقت المناسب ، قال لي الوقت المناسب دة متين ،، واسي العائق شنو مثلا ؟ بقى زانقني شديد ، ف وافقت وقلتة ليهو خلاص اتصل لأبوي ، ما صدق اني وافقتة وفي نفس اليوم اتصل لأبوي وإتكلم معاهو ، طبعا انا حكيت لأمي مسبقا بموضوع رامي قبل يتصل لأبوي ، وقلتة ليها م تكلم ابوى خلي رامي يتصل يتكلم معاهو بالأول ....
أمي فرحت لي شديد قالت لي شفتي العوض يابتي ، والله كنت بدعي ليك في كل صلاة ربنا يسهل أمرك ويديك ود الحلال الهدي الرضي ينسيك كل الايام الحزينة والصعبة العشتيها والحمد لله ربنا استجاب ، قلتة ليها الله يحفظك لي ياأمي اصلا لو ما دعواتك دي ماكنت عارفة حأعيش كيف ........
ابوي لما عرف انو رامي ببقى حماها لحسون وانو هو زول كويس واخلاقو طيبة وافق عليهو ، رامي قال لي انو الاسبوع الجاي دة اهلو حيجو رسمي يتقدمو لي وبعدها يحددو العرس طوالي ، خلعني خلعة لقيتو جادي لمن غلط ، ف اتصلتة عليهو عشان اقول ليهو ليه مستعجل كدة خلينا نأجل العرس لنهاية السنة ان شاءالله.....
رامي : رفيف لا اله الا الله...
رفيف : محمد رسول الله ....
رامي : بس وريني انت مشكلتك شنو ، ليه بس عايزة تأجلي العرس دة بأي طريقة ....
رفيف : رامي كدي روق بالأول ، وانا ما اجلتة العرس ، بس قلتة نأخرو شوية منها اظبط أموري وكدة ....
رامي : زي شنو مثلا الأمور دي ....
رفيف : رامي الحبسة براها تلاتة شهور وعايزة امتحن مزاولة المهنة و .....( قاطعها قبل م تتم كلامها)
رامي : حبيبتي حبسة شنو تلاتة شهور انت ما محتاجة حبسة حلوة من يومك ، والبيرمننت امتحنيه بعد العرس
حنى علي يابت الناس ، والله لو علي بكرة دة اجي أعقد ليك واسوقك طوالي قسما بالله....
الراجل حيرني عديل وبعد إلحاح شديد منو وافقت انو العرس يكون بعد شهرين ان شاء الله، هو قال بعد شهر بس انا رفضت شديد لدرجة اني زعلتة منو ، ويومين بطلت احكي ، بعدها وافق على الشهرين ...
......
بديت الحبسة واشتريت شيلتي من بدري عشان الشهر التاني م اقعد اتحاوم في السوق .....
رامي شغال يحسب الايام ساي وكل يوم بقول لي فاضل كذا يوم لعرسنا والله بضحكني ضحك ....
قبل اسبوع من العرس كنا بنتونس ساي ، اصلا يومنا كلو بنخلط ههههههه ..
رامي: اها شعورك شنو وعرسك خلاص م باقي ليهو شي
رفيف : امممم أكيد مبسوطة ...
رامي : م متوترة...
رفيف : امممم ليه اتوتر ....
رامي : فاهماني قاصدك شنو م تعملي فيها رايحة ههههه
رفيف : لا م فاهماك ...
رامي : طيب م خايفة من الليلة ديك ...
رفيف : راامي فظيع انت طبعا بتموت في قلة الأدب...
رامي : بس ماف أحلى من قلة الأدب هههههه بالحلال طبعاا ...
رفيف : اووف يخخ نغير السيرة دي لو سمحت ....
رامي : هههههه خلاص خلاص م تعصبي نغير السيرة ..
رفيف : اي بكون أحسن ...
رامي: رفيف ...
رفيف : نعم ...
رامي : ( جر نفس طوييل ) عايز اقول ليك شي ...
رفيف: قول ....
رامي: أنا ما عايز يجي يوم وتشككي في حبي ليك خالص ، عايزك تعرفي انك البت الوحيدة الحبيتها بصدق واخلاص ونية صافية ، انت البيت الوحيدة العرفت معاها يعني شنو حب حقيقي ، يعني شنو مشاعر صادقة ؛ انا ماضيي ابدا ما كان نضيف للصراحة ، ماعايزك تزعلي مني بس كنت شاب طايش ومتهور وعلاقاتي كتيرة بس الكلام دة كان قبل سنين ، بس الحمد لله ربنا هداني لطريقو وأرشدي لطريق الحق ...
رفيف: الحمد لله رب العالمين ؛ ويارامي الماضي دة خلينا نجدعو ورا ، كل إنسان في حياتو بمر بإخفاقات ماف انسان في الدنيا دي مابغلط ايا كان درجة الغلط ونوعو ، بس طالما الإنسان اتغير للطريق القويم تاني ماف عوجة ، وانا ك رفيف ابدا ماعايزة اعرف حاجة عن ماضيك انا عايزاك زي ما إنت أسي ، عايزاك تحبني وتخاف الله فيني ، تاني ماعايزة منك شي ....
رامي حس براحة كدة عجيبة بعد كلامها دة وقال ليها ربي مايحرمني منك يا تاج راسي ، بحبك فوق ما بتتخيلي يارفيف...
رفيف : أضعاف ي روحي ....
.......خالاتي وعماتي واولادهم كلهم جو م شاء الله، عملتة حفلة حنة وكانت ظابطة شديد صحي العز أهل والله ،
رسلتة لرامي الصور واتصل لي مكالمة فيديو عديل حضر الحفلة لايف وانا كمان حضرتة حفلة حنتو، كان طالع زي القمر تبارك الله ، قلتة ليهو اتحصن مايسحروك لي 😭❤️
أما العرس كان في بورتسودان في صالة (....) ، رامي أجر باص كامل لأهلي عشان يجو يحضرو العرس .....
# هوى القلب#
(18)
بقلم : غزل وليد
م باقي لي شي عشان أخلص الامتياز، دة آخر شهر ليا ، على قدر ماكنت مبسوطة ، كنت برضو حزينة إني خلاص حسافر وحشتاق للناس البحبهم ، حسون وأولادها بقيت متعلقة بيهم شديد ، ح أفقد تشغيلات حسون و ونستها بالجد أطيب منها ما شفتة والله .....
أما شوقي لرامي كوم براه ، من اسي بديت اشتاق ليهو ، بقى جزء أساسي من حياتي وكنا متعلقين ببعض لدرجة عجيبة شديد .....
قررت قبل م أسافر أكلم حسون عن علاقتي برامي لانو م ظريفة أسافر وما أحكي ليها ......
رفيف : حسونة ...
حسون : ايوة حبيبتي...
رفيف: عايزة احكي ليك شي ...
حسون : احكي ان شاءالله شمار ظابط...
رفيف: هههههه ، بتحبي الشمارات زي عيونك ...
حسون : كيييف دة كلامك هههههه، اها احكي حمستيني
رفيف: امممم ...
حسون : ي زولة احكي يخ بلا امممم معاك ...
رفيف: م عارفة اجيبها ليك كيف ي حسون ؛ بس الصراحة انا و رامي ارتبطنا .....
حسون ضحكت وقالت لي يعني فاكراني م عارفة ...
رفيف: رامي كلمك ؟
حسون : نووو ؛ بس انا مرااقباكم ههههههه ؛ نظراتكم لبعض ؛ اهتمامكم ب بعض ؛ واتأكدت مية المية من علاقتكم إيام مناسبة ميعاد ؛ يابت رامي دة نظراتو فاضحاهو عديييل ؛ لدرجة آسر انتبه للحاجة دي وسألني هل في حاجة بين رامي ورفيف ، انا قلتة ليهو رفيف ماقالت لي شي بس احتمال يكون في بينهم شي ، قال لي م إحتمال دة مؤكد عديييل ههههه ، اخوي وقع في الحب وما سمى ....
رفيف: وااي ي حسون انت جاادة ، يعني غسيلنا طلع مشرور ....
حسون : هههههههه ، الحب قدر م الزول يحاول يدسو م بدسى ي رفيف.....ومبرووووك ليك حبيبتي مش كلمتك انو حيجي يوم وحيحصل الفي بالي، رغم انو وقتها كانت توقعات مني ساي وما كنت ملاحظة لشي؛ بس المواقف الشفتها أكدت لي انكم بتحبوا بعض وكنت منتظراك تجي تفاتحيني بالأول ....
رفيف : يعني شماري طلع بايت هههههه ....
حسون: دة احلى شمار أسمعو ي. حبيبتي، بالجد انتو محظوظين ببعض ، وبتشبهو بعض هاديين كدة ورايقين وحلويين......
رفيف: خجلتيني يخ 🙈
حسون : ي شييخة 🤣 اها العرس حيكون متين ....
رفيف : بسم الله ي حسون مالك مستعجلة كدة هههههه مبدئيا لسة شوية ، ماعايزاهو يفتح الموضوع دة اسي الأ بعد ارجع أهلي .....وانت اول زول أكلمك والله ......
حسون : ربنا يتمم ليك ع خيير ي قلبي ؛ بالجد اليوم الحأزفك فيهو حيكون يوم المنى ....وع فكرة حنبقى نسابة برضو 🙈
رفيف: بت خالتي وعديلتي 🙈
حسون : وجععع😂
........
كلمتة رامي اني وريت حسون بموضوع علاقتنا وطلعت اصلا ناقشة الحنك ....
رفيف : تخيل طلعت هي و أخوك عارفين بعلاقتنا...
رامي : كييف؟ لأني م كلمت آسر لسة ....
رفيف: كانو مراقبننا تخيل واحنا م جايبين خبر ....
رامي : انت جاادة معقولة الموضوع كان واضح للدرجة دي ههههه ...
رفيف : بري م عارفة هههههه ....
رامي : المهم حشتاق ليك ي رفيف ، وريني اعمل شنو لاني من اسي بفكر حالي حيكون كيف لو سافرتي ....
كان نفسي اقول ليهو و انا كمان ماعارفة حقدر اقعد كيف الفترة الجاية دي بس خجلت وقلتة ليهو ان شاءالله الايام حتعدي سريع ولو ربنا سهل لينا قريب حنكون مع بعض ، كلامي عجبو وقال ليك امييين ياارب ....
.........
الايام عدت سريع وخلصتة الامتياز الحمد لله وتممت ورقي، بعدها فكرت امتحن مزاولة المهنة مرة واحدة بس ناس المجلس قالو لي الا بعد تتمي سنة من التسجيل التمهيدي وحاليا باقي ٣ شهور ، قلتة خلاص امتحنو في شندي بعد ارجع . ....
بديت اجهز للسفر عشان خلاص لنهاية الأسبوع دة حسافر ان شاءالله....
قبل سفري بيومين عملو لي قعدة في الكيلو ، كانت أرهب قعدة والله ، حتى أهل آسر كانو معانا ، وميعاد جات مع راجلها ، طبعا رجعت من شهر العسل ، بالجد يوم مستحيل يتنسي ......
........... آخر يوم لي مشيت السوق اشتريت شوية هدايا لناس بيتنا وقبل م ارجع رامي اتصل علي وقال لي انتي وين قلتة ليهو في السوق وخلاص راجعة ع البيت ، قال لي وصفي لي جمب وين بالضبط خلينا نتلاقى قبل م تسافري ؛ قلتة ليهو طيب ، وصفتة ليهو مكاني وجاء على ، شال مني الاكياس ختاهم في العربية وبعدها ركبت ....
مشينا اكواريوم وقضينا وقت حلو مع بعض ....
رامي : المرة الجاية لما نجي هنا حنكون متزوجين ان شاءالله...
رفيف : امممم ان شاء الله....(ابتسمت)
رامي : مجرد م تصلي اهلك طوالي حأتصل لأبوك وافتح ليه الموضوع ...
رفيف: رامي روق م طوالي ، ناخد فترة شوية وبعدها تكلمهم ...
رامي : اذا قلتة ليك بقدر استنى بكون كذبت عليك، الانتظار غلبني عديييييل ....
رفيف : ههههههه والله انت ...
رامي : اي اضحكي ، اصلا انتي م حاسة بي ....
رفيف : يخسي عليك ي رامي ليه بتقول كدة ....
#:هوى القلب#
(17)
بقلم : غزل وليد ...
حيدر أنا بقول ليك إنها جات تحضر العرس ، مستوعب الكلام البقولو ليك ....
ويعني ؟ انت خايف من شنو ، الحصل دة طول شديد يارامي ، وحتى هي رجعت لراجلها ، واكيد حتكون اتناست الحصل ....
حيدر انا ماعايز اعاين لوشها، لأنو على طول بتذكر الخطيئة الحصلت وقتها💔 انا للان ماقادر اسامح روحي 💔💔
بس يارامي الحصل كان برضاها ، انت ماغصبتها على شي ، بالإضافة لأنو وقتها انت كنت شاب وطايش،
والحمد لله انك تبت عن الذنب دة ، ربنا غفور ورحيم زي ماقلتة ليك قبل كدة ....
ياارب يخلص العرس دة سريع 💔💔
*قبل سبعة ولا تمنية سنة*
رامي كان شاب طايش نوعا ما ، بحب المغامرات والتحديات بشتى انواعها،، في يوم من الايام مشى بيت ناس خالتو عشان يسلم عليهم بس مالقاها، بس لقى بت خالتو الكبيرة أسمها سليمة ودي عمرا اكبر من رامي ، وقتها كانت مارة بمشاكل مع زوجها وانفصلت منو بعدها جات قعدت مع ناس امها في الفترة ديك ، المهم رامي سلم عليها وقعد معاها شوية بس واتحرك عشان يطلع لأنو البيت كان فاضي مافيهو زول غيرهم الاتنين ، سليمة إستغلت الوضع وبقت بتقرب منو بطريقة واضحة ، والشيطان كان شاطر جدا وللأسف حصل الحصل ، وحدثت الخطيئة الكبرى ....
رامي لما استوعب الحصل بيناتهم قام طلع سريع وجواهو رعب كدة غريب ، صح هو كان طايش وسلوكو سئ بس دي اول مرة يرتكب فيها الخطيئة الكبرى ، بعد الحصل دة بقى حاسي بندم كبير شديد ومن لحظتها اتغير كليا ، تاب توبة نصيحة ومشى عمرة بس عذاب الضمير لسة ملازمو وما قادر يتخلص منو حتى الآن...
بت خالتو كانت بتحاول تتواصل معاه بس هو قطع التواصل معاها من اليوم داك ، بعدها رجعت لراجلها وسافرو كلهم السعودية ومن الزمن داك تاني م اتلاقو خالص ، بس اليوم بعد السنين دي كلهااا العرس رجع لماهم من جديد وتحت سقف واقف ، والحاجة دي خلتو يرجع يستحضر الذكريات المخزية الحصلت قديما...
سليمة لما شافتو سلمت عليهو عادي وكأنت أكتر زول متفاعل ومبسوط في العرس وكأنو ما اتذكرت شي ...
وقتها رامي قرر يجدع الماضي المعذبو ورا وينساهو...
كان بحمد ربنا كتير إنو سترو ، وفي كل صلاة بجدد توبتو وبستغفر كتيير ......
.............
العرس كان رهييب بمعني الكلمة ، حبيت كل التفاصيل ، وعشت معاهم أحلى اللحظات ، ميعاد كانت طالعة قمر 14 وحتى زوجة رشيد كان سمحة شديد تبارك الله ....
فستاني حق العرس كان هدية من ميعاد، وصراحة الفستان دررعة شدييد واي واحدة في العرس بتسألني جبتيهو من ويين ..... أنا ورامي طيلة فترة العرس كنا بنكلم بعض بالنظرات، وكل يوم بحسو ببقى احلى من الاول ؛ كنت بموت من الغيرة لما اشوف بنات اهلو بتراشقو معاه ، طوالي بحمر ليهو وبقوم بخليهم بس م بعملها بصورة واضحة عشان ماف زول يلاحظ للحاجة دي غيرو ؛ هو طوالي بفهم اني زعلت وبمشي بخليهم ...
نفس الشي لما يشوف واحد من اولاد اهلو بتراشق معاي بحسو حيطرشق عديل من الزعل وبجي بقول لي امي بتناديك 🤣 وبعدها بلقاهو مرسل ل في الواتس لو م عايزاني ارتكب جريمة م ألقاك واقفة مع راجل غيري ، قلتة ليهو بس هما براهم بتكلمو معاي وم ظريفة أسفهم ، قال لي ماشغلتي المهم كلمتك ....بحبو لما يغير ببقى حلو 🙈❤️
..... العرس لما خلص جهزتة حاجاتي عشان حأرجع البيت ، حأنزل شغل لأنو الاجازة الاخدتها اسبوع واحد ...
ام ميعاد وأخواتها شكروني شديد ، وحنسوني اقعد معاهم شوية بس اعتذرت منهم وقلتة ليهم مفروض انزل شغل بعد كدة .......
رامي ساقني عشان يوصلني البيت ....
رامي : كانت ايام حلوة شديد بوجودك ...
رفيف: شكرااا ، بصراحة مبسوطة ، العرس غير لي جوي وجدد لي معنوياتي ...
رامي : عقبال عرسنا أنا وانتي ي رب ...
رفيف خجلت وقالت آمين براحة ...
رامي : فديتك ي الخجول ههههه ...
رفيف : رامي يخ اقعد ساي ....
رامي: هههههه ولو أبيت ...
رفيف : م حأرد عليك ....
رامي : ماقادر استني الفترة دي كلها يارفيف اعمل شنو ؟ عايزك أعرسك اليوم قبل بكرة ، وريني اعمل شنو ؟
رفيف : ههههههه مالك مستعجل للدرجة دي ...
رامي : انا جادي والله يارفيف ....
رفيف: ماباقي كتير يارامي ، ياهو م باقي كتير واخلص الامتياز ...
رامي : ياارب تعدي الايام سريع لأنو غلبني الصبر ههههه
عاينت ليه وابتسمت ....
لما وصلني البيت قبل م أنزل مد لي كيس ....
رامي: اتفضلي ياحلوة دي هدية بسيطة مني بتمنى تعجبك...
رفيف: راامي(قالتها بكياتة ودلع ) لييه بس كدة ....
رامي: والنبي تقولي رامي تاني ...
رفيف: على فكرة بقيت بتاع حركات ههههه ، بس شكراا ليك كتير والله ...
رامي: مش قلنا م بينا شكر؟
رفيف : امممم حااضر ، شكرا ع التوصيلة( وابتسمت معاه)
رامي: اسي قلنا شنوو....
رفيف : هههههه نسيت والله ، يلا مع السلامة ❤️
رامي : باي ي حلوة ....
وحدها... بين نبض في بطنها ينبض بإسمه، وأحاديث تدور خلف ظهرها تقتلها، وهمسات تزعجها
لكنّه لم يخذلها، كان واقفاً على حافة الحرب، متمسكاً بها، رغم كل شيء.
هي الآن تُحبّه أكثر، وتخافه أكثر، وتخشى أن يتحوّل هذا التمسك إلى انكسار آخر.
طبعاً بهدها كان في هدوء غريب و أنا تلااات أيام لا دخلت بيت نسابتي ولا هم جوني و أصلا مستحيل بعد الحصل زول فينا يفكر يمشي للتاني، بالذات أنا و المره دي تحديداً قررت أبعد منهم و ما اعتب بيتهم، بعد صبري عليهم و كل العملوهو ما عشمانه فيهم ولا عايزا أي تواصل مباشر بيني و بينهم، طبعاً أهلي كل مره يتصلو و يطمنو علي و أمي شايله همي و شغاله لي خايفاهم يعملو ليك شي، و بتوصي يوسف شديد علي و هو بطمنها، المهم في اليوم الرابع لمن كنت بتكلم مع أمي قالت لي أحمد قبيل جاكم في الخرطوم و بكون وصل، قلت ليها ليه ما كلمني؟ قاعد وين هسي؟ قالت لي ماشي الدهب و قال عندو امانه داير يوصلها لزول و بعد داك يسافر، قلت ليها يعني ح يمشي طوالي؟ قالت لي ما بعرفو والله، مرق مننا عيان و قدر ما حنستو عشان يقعد ما يسافر ما سمع مني، والله قلبي ماكلني عليهو و من قبيل شايله همو، كان شفتيهو عيونو دي لمن واقعه، قلت ليها أحمد ببالغ والله! ماشي وين و هو عيان! كان قعد لحدي ما يبقى كويس مالو! قالت لي تقولي شنو بس! عنيد و راسو يابس!..... المهم بعد قفلت منها اتصلت على أحمد و سألتو قاعد وين هسي، قال لي جيت لواحد صحبي أوصل ليهو امانه، طبعاً صوتو كان متغير و واضح إنو تعبان شديد، قلت ليهو أحمد انت ما كويس والله و صحي كلام أمي! ماشي وين عليك الله و انت في الحاله دي! عاجبك تقطع قلب أمي و تشيلها همك و تخوفها عليك!
قال لي العيا دا حاجه جديده؟ ما كل الناس دي بتمرض و بتقع و تقوم المشكله وين؟
قلت ليهو حييينا من عنادك و قوة راسك!.... قال لي ريله انا كويس! انت كيف و راجلك؟
طبعاً دي أول مره يسألني عن أحوالي و أول مره أحس إنو في لهفه و خوف علي من نبرة صوتو! قلت ليهو كويسين الحمدلله، قال لي ماف زول من نسابتك اتطاول عليك صح؟ قلت ليهو لا اتطمن، قال لي الناس ديل نهاي ما عجبوني بالذات البت أم لسان طويل ديك!
طبعاً استغربت قلت ليهو قصدك منو! قال لي ياخ ما بعرف المهم البت اللئيمه ديك!.... قلت ليهو ما أنا بسألك منو البت اللئيمه دي! قال لي أنسي، المهم حأقفل بعد دا..... المهم بعد قفل أنا ذاتي بالي بقى مشغول بيهو، طلعت مشيت لناس خالتو نبيله و طبعا لسه الحال في حالو و نفحات دي بقت ما بتتكلم عديل و لو اتكلمت بتتكلم كأنها ما واعيه على نفسها، غيتو أنا كل ما أمشي ليهم بشبع بكى و برجع، المهم بعد طلعت منهم إتلاقيت مع إزدهار في الشارع رفعت يدي سلمت عليها و قلت ليها إزدهار كيفك بس ما اشتغلت بي و مشت طوالي كأنها ما شافتني! طبعاً أنا طولت ما شفتها و ياهو لمن إتلاقينا اليوم عملت نفسها ما شايفاني! والله بقت لي شينه و زعلت و حسيت نفسي خسرت جاره و زوله عزيزه، وقفت مني و حتى شفعها بقو ما بجوا بيتي، زمان كانت لو احتاجت أي حاجه طوالي بترسل لي! هي أظنها زعلانه من يوم شكلة يوسف و أسعد راجلها و راجلها هو الغلطان!
المهم اول ما وصلت باب بيتي و كنت حأدخل جاني صوت شافعه بقول ريلاااا..... لمن إتلفت لقيتها سجو و أمها! طبعاً فرحت و قلت ليها اهليييين سجو و جاتني جاريه شلتها و بقيت أبوس فيها و أقول ليها مشتااااقييين، لحد ما أمها وصلتني قالت لي ريلاااا مشتاقين والله، قلت ليها بالأكتر يا فطووومه وين أراضيكم و طوالي ضمينا بعض، قالت لينا سافرنا البلد كم يوم كدا و جينا أمبارح، قلت ليها يا حليلك والله عشان كدا الحي مضلم فقدتك والله و أعفي لي ما جيتك، قالت لي بري والله عافيه ليك و عارفاك ما بتقصري، نزلت مني بتها و قالت ليها ما بتخجلي يا سجو كبيييره كدا تخلي ريله تشيلك! قلت ليها سجو دي حبيبة قلبي والله، قالت لي يشهد الله يا ريله بتي دي بتحبك حب ما عادي، والله في البلد بتجيب سيرتك لحبوبتها، و بتقول ليها ريله بتديني زلابيه، أمي قالت ليها ح اجيكم مخصوص عشان أشوف ريله البتديك زلابيه دي 😂😂
قلت ليها يا حليلها سجو والله، أنا ذاااتي بحبها شديييد والله، المهم دخلنا جوه لأنها أصلاً كانت جاياني، ضيفتها و قعدنا نتونس، قالت لي الحي شايفاهو كئيب و مضلم ، قلت ليها أكيد سمعتي بالأحداث الحصلت فيهو، نسوان الحله ما بقصرو، قالت لي فعلاً والله، هناك في البلد كانو بتصلو علي و الشمارات دي أول بأول، قلت ليها كويس اختصرو علي عشان ما أحكي و أحكي، قالت لي ريله أنا والله جايه أشوفك و اطمن عليك و ما عايزا اسمع منك أي حاجه بخصوص الأحداث دي كلها، انت زوله عزيزه و غاليه لي و للسبب دا جيت اشوفك، قلت ليها عارفه والله و معليش لو فهمتي كلامي غلط، طبعاً و نحنا بنتكلم سجو كانت بتنطط في السرير جنبي و فجأه نطت و جات واقعه فيني لمن اتخلعت و ختيت يدي على بطني و حسيت بألم في بطني طبعاً أمها غضبت و زعلت شديد مسكتها و بقت تلبع فيها إلا مسكتها منها
#ريله15
مها حولي الزاكي
هنا كانت الصدمه، و هنا حصلت الحاجه الغير متوقعه، جاهم العريس داخل بس ما كان العريس المنتظر و كل الوجوه ضلمت!
حصلت لحظات صمت و كلهم بقوا يعاينو لبعض و زاد استغرابهم لمن الرجال جو داخلين ورا عريس الغفله و العريس المفروض يجي هو ما كان موجود معاهم!
هنا هنادي إنفعلت و قالت دا شنو؟! وينو يوسف و إلياس دا مالو؟ بتبشر مالك انت و جاي سابق اخوك ليه؟؟
سنيه طوالي مشت لراجلها الكان واقف ورا ولدو العريس و قالت ليهو يوسف وينو؟
قال ليها يوسف مع مرتو في المستشفى 😊
طوالي جا الجد و وقف ليهم في النص و قال ليهم العريس إلياس ما يوسف! هنا كلهم اتخلعو و هنادي دي بقت تشاكل في إلياس و تضربو على صدرو و هي تبكي و بتقول ليهو تعرس فيني! تعرس فيني انا، قصرت منك في شنو، عملت ليك شنو، حرام عليك ياخ الله يحرقك، الله ينتقم منك، الله ينتقم منكم كلكم 💔
حجه الزينه قالت ليهم انتو جنيتو مش؟ جنيت يا حاج موسى، البت دي ليوسف كيف تعرس ليها أخوهو و تخرب بيتو؟؟ مجانين انتو ولا شنو!
حاج موسى قال ليهم بحزم احترمن نفسكن يا نسوان و العرس دا تم و إلياس عرس بدور و...... فجأه جاتهم صرخه و جملة : بتقولو في شنو انتوا!!
لمن كلهم إتلفتو لقوها بدور!.... كانت لابسه لبس الجرتق و متأنقه! جاتهم قريب و هي دموعها عشره عشره، وقفت قدام جدها و قالت ليهو دا شنو؟ يوسف وين يا جدي؟
خت يديهو على أكتافها و قال ليها أعفي لي بشرح ليك الحصل، زحت يديهو بقوه و قالت ليهو ما عافيه ليك يا جدي، ما عافيه ليك لحدي ما أموت و العريس الجبتو لي دا أنا ما قبلانه بيهو و هسسسسي دي يطلقني، جدها بقى يحاول يتكلم معاها و هي دخلت في حاله تانيه و بقت تشاكل و تجوط و تقول ليهو ما عافيه ليك يا جدي و وراها هناك هنادي لسه تبكي و تشاكل في راجلها و سنيه من شدة الخلعه و الجوطه الحصلت قعدت وبقت بس تعاين ليهم و هي ساكته و حجه الزينه خاته يدينها على راسها بتتحسبن في الرجال و شغاله ليهم انتو مجانين، و العرس دا انا ما بعتبرو!
________
طبعاً لمن وعيت لقيت نفسي في المستشفى و يوسف معاي و طمني إنو كلو تمام و ماف شي خطير، طبعاً و هو بتكلم معاي كان ماسك يدي، براحه سحبتها منو و قعدت و كنت ح أقوم بس منعني و قال لي أخدي راحتك، كلها كم ساعه كدا و نطلع، في شوية أدويه ماشي اجيبهم و جاي، مشى و جا معاهو الدكتور، قعدنا كم ساعه كدا و طلعنا رجعنا البيت، طبعاً شايفه بيت نسابتي الباب مقفول بس في أصوات جوطه و كواريك شديده، لمن دخلنا البيت أصواتهم بقت شبه واضحه و كنت سامعه صوت بدور بتبكي و بتقول ليه جدي يعمل فيني كدا يا حبوبه، حرام عليكم، حرام عليكم والله، يوسف عاين لي و قال لي خلينا نخش جوه و بحكي ليك، ما اتكلمت معاهو، أصلا من فتحت عيوني في المستشفى خشمي ما فتحتو معاهو، المهم اول ما دخلنا بقيت أفتش على تلفوني لمن لقيتو شلتو و لقيت كميه من المكالمات من أحمد أخوي و مره من أبوي، كنت حأتصل بس يوسف جا داخل و مسك مني التلفون و قال لي خلينا نتكلم!
قلت ليهو ما عايزا أي كلام أنا الفيني مكفيني، ما قادره اتناقش، قال لي ريله!.... ختيت يدي على بطني بتعب كدا و قلت ليهو ما قادره استحمل أكتر، طلقني و خليني أرجع أهلي.... قال لي تمام ما ح نتناقش هسي، قعدني على السرير و قال لي أخدي راحتك ح أعمل ليك عصير و حاجه خفيفه تاكليها، قلت ليهو ما عايزا شي انا، عايزا أرجع أهلي، قلت كدا و وقفت على حيلي و أول ما مسكني من يدي و قال لي ريله حاولي تفهمي اتنفضت منو و لزيتو و قلت ليهو كفايه كذب ياخ! بطني طمت منك! أمشي كمل عرسك ليه خليت عروستك!
طبعاً هنا هو زهج و عصب و قال لي بنبره عاليه: انا مراعي لوضعك و ما عايز اتعبك و اضغط عليك اكتر و قلت ليك ح افهمك ف ليه العناد و قوة الرأس؟ من متين انتِ كدا؟..... افهمي يااااخ الحاصل في بيتنا بهناك انا ما لي بيهو أي علاقه! الحاصل هناك دا نتيجة إصرارهم و ركوب راسهم، أنا كلمتهم و قلت ليهم ما عايز أعرس لا بدور لا غيرها بس هم عاملين فيها راسهم ناشف و عايزين يختوني أمام الأمر الواقع!
ريله أنا بعترف إني غلطت في حقك لمن فكرت أعرس غيرك لسبب انتِ ما ليك ذنب فيهو! كنت أناني و انجرفت ورا مشاعري و رغبتي متجاهل كل مشاعرك! بدور دي أنا ما عندي ليها حاجه و كانت ترشيح وافقت عليها في البدايه لنفس السبب بس لمن حسيت إني ح أخسرك إتراجعت! اكتشفت إنو ولا شي ممكن يعوضني خسارتك ح الطفل الكان نفسي فيهو! و ايقنت إني ما مستعد أكون أب لأي طفل ما منك!
ريله موضوع الزواج دا أنا وضحتو ليهم اكتر من مره و عديل قلت ليهم بت الناس دي ما عايزها فما تعشموها ساي و هي ذاتا كلمتها بس ركبو راس و أصرو يضغطو علي، جابو جدي من البلد عشان هو صعب و بحب يفرض قراراتو و لمن اتصل علي أمبارح و قال لي تعال لي في البيت كنت عارفو عايز يتكلم معاي في شنو و كنت مستعد أواجهو، مشيت ليهو و اتكلمت معاهو ومع إنو رفضي كان صريح و واضح بس هو عمل نفسو ما سامع
رفيف: بس يارامي ...
رامي : مابس يارفيف ....ارجوك حني علي ...
رفيف سكتت مسافة ...
رفيف: رامي ...
رامي : سامعك ...
رفيف: حاليا ماعايزاك تفتح سيرة الموضوع دة إلا بعد أخلص الامتياز وأسافر اهلي حتى بعدها نشوف البحصل شنو...
رامي رد عليها بلهفة : يعني موافقة ؟
رفيف: امممم مبدئيا حاجة زي كدة ....
رامي : انا حأعتبرها موافقة منك 🙈.....
رفيف : بس حاليا نحن أصدقاء تمام ...
رامي : حااضر ❤️
مبدئيا أديت رامي موافقتي، كان في شوية خوف من جواي بس قلتة نشوف البحصل شنو لقدام .......
...... عدت الايام وميعاد عرسها قرب ، ومتواصلة معاها بشكل يومي ، بتطمن عليها عملت شنو وجابت شنو وكل تفاصيلها مشاركاني ليهم ...الايام البكون فاضية م شغالة مستشفى بطلع بحوم معاها في السوق .....
عرسها لما فضل ليهو اسبوع قالت لي الا أجي اقعد معاها في البيت بما إني وزيرتها ، وكانت مصرة علي شديد ، ماعرفتة اعمل شنو ؛ كلمتة حسون وقالت لي ماتكسفيها امشي اقعدي معاها ، دة واجبك لأنك صحبتها وقريبة منها ، قلتة ليها طيب تمام ....
أخدتة الاسبوع دة إجازة من الشغل وشلتة لي شوية غيارات ومشيت ليها في البيت ، طبعا ما كلمت رامي اني حأجي اقعد معاهم الاسبوع دة، كنت عاملاها ليهو مفاجأة ......
أول م وصلتة امها وأخواتها رحبو بي شديد وحسسوني كأني منهم وفيهم ....ميعاد كانت مبسوطة شديد بجيتي ، قالت لي يارفيف جيتي متأخرة بس اخدتي المرتبة الأولى في صحباتي ، كلامها دة بسطني شديد والله .......
بالمساء رامي اتفاجأ بوجودي لاني م كلمتو اني جاية ، ولما شافني بالتوب حق البيت حسيتو استغرب شوية ..
سلم علي وقال لي منورااانا ...قلتة ليهو بنورك ...
بالليل بعد م خلاص رقدتة عشان انوم لقيتو مرسل لي دي شنو المفاجأة الحلوة دي ، رسلتة ليهو استيكر فيهو ضحكات ، قلتة ليهو عجبتك ، قال لي دي أحلى مفاجأة
قلتة ليهو شكراا ، بعدها قلتة ليهو انو ميعاد أصرت علي انو اجي اقعد معاها الاسبوع دة لاني وزيرتها وكدة ، قال لي شايفة حماتك بتحبك كيف 🙈 طبعا خجلتة شديد من كلامو 😹😹😹....اتونسنا مسافة وبعدها نمت.....
تاني يوم الصباح انا و ميعاد كنا قاعدين في الهول بنشرب شاي الصباح، رامي كان لابس وطالع ع الشغل ، اختو قالت ليهو يقعد يشرب معانا الشاي وبعدها يطلع ،قال ليها طيب وقعد معانا ، اختو اثناء م كانت بتصب ليهو الشاي غمز لي وقال لي صباح النور ، مصر إنو يخجلني هههههه ...اتونس معانا مسافة م قام الا اختو قالت ليهو ما كأنو إتأخرت ، عاين للساعة وفعلا لقى الزمن فات .........
* رامي كان طاير من الفرحة بوجود رفيف معاهم ، ولما يكون في الشغل بكون عايز بس يرجع البيت عشان يشوفها......
قبل العرس تلاتة يوم من العرس خالتو الفي السعودية جات مع بناتها عشان يحضرو المناسبة ، أول م شافهم ملامحو اتبدلت كليا وفجأة حس بإحساس غريب شديد وخوف داخلي*
أهل ميعاد القريبين كلهم جو ، خالاتها واولادهم كلهم ، فيهم الجو من السعودية والمن قطر ومن ولايات تانية ،
ماشاء الله اسرتهم كبيرة وممتدة؛؛ آخر يومين البيت بقى ملان فل .....وفعاليات العرس بدت زعاريت والدلوكة دي شغالة اليوم كلو ، بنات خالاتها غنايات تبارك الله ، الأجواء كانت حلوة شديد وحماسية.....
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
*عند هند *
تاني يوم صحت ولقت روحها راقدة في حضن أسامة ، إنسحبت براحة وخشت الحمام ،، قعدت تحت الدوش وبتتذكر في الحصل أمس ، الخجل كاتلها من جوة ، وكل م تتذكر التفاصيل حقت ليلة أمس بتغمض عيونها
، وما عارفة حتقدر تعاين ل أسامة كيف بعد الحصل ...
بس قالت لروحها : أخجل ليه مش خلاص بقى زوجي وحلالي ، بس هو ليه رومانسي كدة ، ليه كل لمسة منو بتخليني أقرب أجن ، خلاني انسى روحي وعيشني في عالم تاني اشبه بالخيال ......( المرة نست الولد انو عيان🙂)
بعد خلصت وطلعت من الحمام لقتو صاحي وأول م شافها بقى ببتسم .... أما هند ماقدرت ترفع راسها تعاين ليهو ، ميتة عديل من الخجل ....(غيتو حق الكبار كلو غبار زي م قلنا🙉🙈🤣🤣🤣)
أسامة : صباح الورد على احلى وردة في الدنيا ...
هند : صباح النور (وابتسمت)
أسامة : ليه ماصحيتيني معاك ....
هند : اسي كنت عايزة اصحيك بس لقيتك صاحي ...
أسامة: كنت عايز نتحمم سوا ...
هند وشها بقى احمر وماعرفت ترد بشنو ....
هند : حاصلي الصبح ، وطوالي فرشت مصلايتها وبدت تصلي ....
أسامة ضحك وقام خشى الحمام ، لما طلع لقاها ماف في الغرفة عرف انها حتكون مشت لولدها ، هو كمان بقى بتذكر تفاصيل ليلة امس برضو ، قال في سرو دي أول مرة احس بحلاوة الشعور دة واكون مبسوط وأنا بعيش اللحظة دي ، صح قبل كدة كنت متزوج بس التفاصيل مع هند مختلفة ، بقى بتذكر دلعها ورقتها وحركاتها، فجأة حس إنو عايزها تاني ، قال ي راجل امسك روحك شوية م تعصر عليها ، بس اعمل شنو اذا انا بحبها شديد ونفسي فيها ....
رفيف قالت بخلعة وقبل م تخليهو يكمل كلامو : رامي لالالالا ماينفع كدة ، أنا أنا درب الحب دة ماعايزاهو، انا هربت وجيت هنا عشان انسى ما جيت عشان أجوطها أكتر ، انت مسبقا عارف الcase الحصل معاي ، رجاءا ما تعقد علي الموضوع زيادة ، خليني اخلص الامتياز دة بسلام وارجع اهلي ، ما تخليني اتعلق بيك أكتر 😭😭😭
رامي : رفيف أهدي يابت انا ما جبتك عشان أبكيك (وخت إيدو من فوق لإيدها ، بس هي سحبت ايدها)
رفيف : رامي انا مريت بظروف صعبة شديد ما عايزاها تنعاد ، خليني في حالي ، انا زولة بسيطة ومسكينه مابقدر على العذاب دة كلو 😭.....
رامي : بحبك ومستحيل اتنازل عن الحاجة دي ، وتجربتك السابقة ما معناها انو دي نهاية الحياة ... انت من حقك تفتحي صفحة جديدة وتدي روحك فرصة جديدة ..... وأنا مستحيل في يوم من الايام أخذلك او اجرحك .....
رفيف : كلكم بتقولو كدة في البدايات ، بتضحكو علينا ويتخلونا نتعلق بيكم وبعدها بتفكونا عكس الهوا ، والصراحة انا مابقدر اثق لي في راجل تاني .....
رامي : رفيف ماكل الرجال بنفس فهمك دة ، وانا كرامي ابدا ما من النوع البعمل كدة ، انت أول حب حقيقي في حياتي ، صح قبل كدة ارتبطت بس والله العظيم تلاتة ماحبيت واحدة زي ما بحبك انتي اسي ؛ رفيف ماينفع تقولي لا ، ماينفع تخليني ....
رفيف : انا آسفة بس مابقدر ، مابقدر أجازف بمشاعري من جديد ....
وعايزة تقوم تمشي ، بس رامي مسكها قوي من ايدها وقال ليها رفيف انا مستحيل مستحيل اخاطر بيك ، مستحيل اسمح ليك تخليني وتبعدي عني...
رفيف: اسفة بس دة كل العندي قلتو ليك ، معليش ممكن تفك لي أيدي..... وبعدها مشت خلتو قاعد وقلبو مكسور ، من الوجع الحاسي بيه ماقدر يقوم يلحقها 💔
..........
♡♡♡♡♡♡♡♡♡♡♡♡♡♡♡♡♡♡♡♡♡♡
* عند هند *
خشت الحمام وضربات قلبها شغالة دق دق دق ، م هو حكاية إنو أسامة بقى راجلها لسة ماقادرة تستوعبها والوضع بيناتهم حاساه حيكون مكهرب ، وكل ما تحاول تتخيل إنها هي وهو مع بعض بتقرب تبكي ؛ قالت لروحها ما ياهو براك وافقي تاني مالك بتتعاوري ، امشي يلا أدي واجباتك تجاهو ماف ليك اي مفر ، بعد م استحمت لبست ليها روب طويل وساتر ومن فوق ليه توب هزار واتعطرت بعطر عادي بارد م حبت تتعطر بالعطور التانية ديك ، لما طلعت من الحمام لقتو راقد أول م شافها صنقر وبقى بعاين ليها ومبتسم، هند عينها في الأرض، وقعدت في طرف السرير ، أسامة قرب منها وقعد جمبها شديد لدرجة بقى لاصق فيها ، هند عايزة تقوم بس ثبتها من خصرها ....
أسامة : هند حبيبتي الف مبروك لينا ....
هند :(عايزة تبعد منو بس ثبتها أكتر ) الله يبارك فيك .....
أسامة : ربي يقدرني أسعدك وأكون ليك الزوج الصالح والحبيب الهين وكل العايزاه ....
هند : امين ي رب .....
أسامة : كنت حلوة شديد اليوم ، ماكنت قادر ازح عيوني عنك ، واصلا انت في كل حالاتك حلوة وماخدة عقلي كلو ....
هند كانت خجلانة وماقادرة ترفع عينها ولا حتى تتكلم..
أسامة : سمعيني صوتك الحلو دة م تسكتي ...
هند مازالت ساكتة ....
أسامة : خجلانة مني ( وقرب وشو من وشها وماسكها من أكتافها الاتنين )....
هند : م م كدة ، بس الوضع جديد علي ....
أسامة: شوية شوية حتتعودي ياروحي (وانحني عشان يبوسها في شفايفها، بس هند بعدت عنو بخلعة وقالت ليهو بربكة أنها ماصليت المغرب والعشاء ( الشفقة تطير🤣)، أسامة قال ليها انا برضو ماصليتهم والله ، انتظريني اخد لي حمام ونجي نصلي سوا ، قالت ليهو طيب ، بعدها قام خش الحمام ؛ إما هند فكانت خاتة يدها في قلبها وبتحاول تهدي روحها ، قالت لنفسها دي ماأول مرة تتزوجي والحيحصل م جديد عليك حاولي استرخي وتجي زي م تجي ، بعدها جرت نفس وبقت منتظرة أسامة، شوية كدة طلع من الحمام ، فرشو المصلاية وصلو الصلوات الفاتتهم ومعاها ركتين شكر ، بعد م خلصو اتلفت عليها ورفع ليها راسها وعيونو في عيونها ...
أسامة : انت ليه حلوة كدة ، انت عارفة نفسي في شنو..
هند بقت بتبلع في ريقها وخلاص بقت متأكدة إنو حيحصل حيحصل، نظراتو كانت واضحة قدر شنو هو نفسو فيها ....
وطوالى إنهال عليها بالقبلات في شفايفها، بعدها مسكها من ايدها ومشى بيها تجاه السرير ، طلع منها التوب كلوو وفك ليها شعرها بطريقة رومانسية، وبقى بمشي أطراف أصابعو في اضانها ورقبتها ، هند غمضت عيونها وبس بتبلع في ريقها والرغبة بدت تشتعل جواها، حاولت انها تكتم رغبتهابس م قدرت ، أسامة كان خبير في كل لمسة بلمسها ليها ، ومركز في كل حتة بتخليها تفقد صوابها ، أسامة شغل فيها رغبتها الكاتماها من سنين ، كان حاسي بيها وعارف انها محتاجة للحاجة دي شديد زي ما هو محتاج ليها ، وفجأة الطرفين غاصو في عالم تاني ونسو كل حاجة حولينهم ، وحصل بينهم المفروض يحصل بين اي زوجين ....واتكرر الفلم عدة مرات ولسة ماقادرين يشبعو من بعض ، بس هند تعبت وطلبت منو يوقف عشان خلاص م حتقدر أكتر من كدة ..... أسامة حضنها عليهو وبقو نايمين أحضان بعض .....
وزي م قلنا حق الكبار بجي بالغبار🤣
يتبع ......
حصريا علي قناتنا رواياتي الوسام 3
حلقات يوميه ان شاء الله حسب ظروف الكاتبه
/channel/+QWl6saM-SrXQyJV0
..... سلمتة على ابوهم وعلى رامي ، طبعا رامي بملابس البيت كيوت شديد هههههه ، لابس ليه شورت وفنيلة رياضية لاحظت شعرو طال شوية ، كان كيرلي ونازل في وشو ،لما يكون في الشغل بكون مرتب شعرو بس اليوم شعرو حلو شديد لما يكون م مرتب اصلا في كل حالاتو عسل 😭 ....
* رفيف ورامي كانو يتبادلو النظرات بين كل لحظة والتانية ، اي واحد برفع عينو بصادف الطرف التاني بعاين ليهو ، عين اي واحد فيهم فيها كلام مبطن ومشاعر دفينة **
قضينا يوم حلو شديد والله ، وقبل المغرب بشوية ودعناهم ورجعنا البيت ....
الايام عدت ، خشيت الشهر السابع في الامتياز ، يعني م باقي لي كتير واخلص ؛ كنت عايزة الايام تمشي براحة عشان اتعودتة على بورتسودان وناسها ، صح اشتقتة لأهلي واي حاجة بس كمان بقيت متعلقة بالبورت وناسها ..... انا ورامي صداقتنا بقت قوية ، وداني اركويت زي ماوعدني وزرنا محمية دنقناب برضو ، حرفيا فسحني شديد ؛ بديت اتعلق بيهو بطريقة مخيفة ، يومي بحسو غريب لو م اتكلمتة معاه سواء كان مسج أو مكالمة ، صح كلامنا ما كتير شديد بس برضو تواصلنا كان حلو ، بديت أحس بمشاعر تجاهو ، ما مشاعر إعجاب لا ، مشاعر تانية ، لحظتها بديت احس بخطر وبقيت براجع في نفسي ، ماعايزة ادخل في دوامة تخليني اتعذب من جديد ، لحدي ما وصلت لقرار وهو اني اقطع علاقتي مع رامي قبل الامور م تسئ ... ف قللتة تواصلي معاه بصورة واضحة شديد ، بقيت بتجاهل مكالماتو في كتير من الاحيان ، لما يطلب مني انو نطلع وكدة كنت بتحجج بإني مافاضية ، وحتى الميديا بقيت ما بخش كتير ، دة كلو عشان اتفاداهو، من جوة كنت بتقطع بس عصرت ع روحى ونفذت قراري ....
♡♡♡♡♡♡♡♡♡♡♡♡♡♡♡♡♡♡♡♡♡
* عند هند *
بعد م الجرتك خلص وباركو للعرسان ، الناس كلها فرت ، وفضلو ناس البيت بس حتى رقية ودعت هند ومشت بيتها ، هند بناتها كانو قاعدات جمبها ومبسوطات شديد وشغالين يصورو فيها بالتلفون ، سألتهم من محمد وين م شايفاهو، قالو ليها محمد دة من الصباح عيان شوية وخلوهو راقد البيت ، هند لما سمعت ولدها عيان اتخلعت وقامت من قعدتها قالت ليهم عيان مالو وليه ما كلمتوني وليه خليتوهو براهو يخسي عليكم ، وطوالي عيونها دمعت ، أسامة قال ليها ما تخافي اسي حنتحرك على البيت ، قالت لبناتها يلا قومن عشان نمشي ، ويادعاء اخوك عيان قاعد براهو وماعايزة تكلميني الا أسألك، دعاء قالت ليها ياأمي هو قال لينا ما نكلمك ذنبي شنو أنا .
هند كانت مهرولة وخشت العربية بقت منتظراهم، أسامة دخل شنطتو في العربية عشان من اليوم حيمشي يقعد معاهم ، خلاص بقى واحد منهم وفيهم ...
هند كانت طول الطريق متوترة وحابسة دموعها، أسامة بحاول يطمنها بس بالها ما حيرتاح لو ما شافت ولدها..
أول م وصلو البيت ، مشت لمحمد في غرفتو ولقيتو راقد يحليلو ، مشت عليه بلهفة وقعدت جمبو وختت ايدها في وشو وجسمو ؛ لقتو محموم شديد وجسمو نار بس ....
هند : حبيبي شاعر بشنو ، جسمك ساخن شديد ، قوم خلينا نمش المستشفى...
محمد رد عليها بفتور : لالا ياأمي انا كويس ...
هند : محمد انت ماكويس يلا ي ولدي قوم ارح نفحص ليك ....
محمد : ما بحتاج ياأمي، اصلا دي اللوز متعباني ، كنت عايز اجيب الحبوب بس ماقدرت لبكرة ان شاء الله بمش بجيبهم...
أسامة : لالا ياولدي اسي انا بمش الصيدلية بجيبها ليك وطلع طوالي على الصيدلية ، أما هند مشت جابت موية باردة وتوب هزاز ، طلعت ليهو قميصو وبقت بتعمل ليهو مكمدات لحدي ما عمو جاء جاب ليهو الحبوب ، أمو جابت ليه حاجة يأكلها وعصير ، بس قال م حيقدر ياكل عشان حلقو واجعو شديد بس شرب العصير .....
بقت قاعدة معاهو ولسة بتعمل ليه في المكمدات لحدي ما حست حرارتو نزلت ، دعاء وداليا كانو فترانات طوالي مشو نامو ، وأسامة وهند قاعدين مع محمد ...
محمد : أمي وعمو أمشو نوموا، أنا كويس ...
هند : لالا انا بنوم معاك اليوم حبيبي....
أسامة : انت امشي ارتاحي ياهند انا بنوم معاه ...
محمد : لالا ي جماعة انا كوييس والله ، وحتى الحمى نزلت وبعد شوية بتحسن بعد ما بلعت الحبوب، فيلا قومو إرتاحو اتطمنو انا كويس ...
هند : بس يامحمد ...
محمد : أمي عليك الله اسمعي كلامي ، انا لو محتاج شي بكلمك .... عمي كلمها عليك الله ....
أسامة: خلاص ياهند خلينا نخليهو يرتاح ، وكل شوية حنجي نطمن عليك ...
هند ما كانت عايزة تمش تخلى ولدها بس لما شافتو مصر قالت ليه طيب ياولدي تصبح على خير ...
بعدها طلعو خلوهو ، هند وأسامة مشو غرفتهم ، كانت مفروشة جاهزة ، هند كانت متوترة والوضع كان غريب بالنسبة ليها ، أول م خشو الغرفة وأسامة قفل الباب عليهم ضربات قلبها زادت وبقت بتفرك ايديها في بعض ، بقت واقفة في مكانها، أسامة قرب منها وخت ايدو في كتفها ، قال ليها كويسة انتي حبيبتي ...هند لما سمعت كلمة حبيبي بقت بتبلع في ريقها ...
الجمعة عقدو عليهم و عملو كرامة كبيرة والمساء جرتقوهم هي وأسامة وخلاص بقو زوج وزوجة على سنة الله ورسوله ❤️❤️❤️❤️
يتبع .....
#هوى القلب#
(13)
بقلم : غزل وليد
* عند رفيف *
طلعتة وقفتة قدام باب الشارع منتظرة رامي ، بالمسافة دي طلعتة تلفوني وبديت أقرأ اذكار الصباح ، خمسة دقايق بالضبط رامي وصل ، طلع راسو بشباك العربية ابتسم معاي ورفع لي ايدو ، رفعتة ليه ايدي ومشيت عليه ، فتح لي الباب من جوة ودخلت ....
رفيف: صبااح النور ...
رامي : صبااح الورد ...
رامي : ما أكون وقفتك كتير ...
رفيف : لا والله ، قبل شوية بس طلعت ، وياهو طوالي انت جيت .....
رامي : حلوو ، كيف أصبحتي....
رفيف : بخيير الحمدلله وانت ...
رامي : نحمد الله بخيير وعافية ...
رفيف : الحمد لله ...
رامي : اها النفسية كييف ، مستعدة للرحلة ...
رفيف :: والله حماااس وفي نفس الوقت خايفة شوية..
رامي : خايفة من شنو ...
رفيف: بصراحة بخاف من الرحلات البتكون بالذوارق او البنطون ، عندي فوبيا الغرق ههههههه ....
رامي : جااادة ، طيب اطمنك ماتخافي ، أولا معاك سبااح ماهر وحاليا جمبك هههههه ف ماتقلقي خالص ، لو حصل اي شي لا قدر الله حأنقذقك ، وتاني حاجة عاملين كل إجراءات السلامة في حال حصل شي ....
رفيف: ربنا يبعد الشينة ....
رامي: الأفكار البتخوفك دي كلها شيليها من راسك وحاولي استمتعي بس....
رفيف : حااضر ....
بصراحة بعد كلام رامي حسيت بإطمئنان شوية ، الطريق كلو كنا بنتونس لحدي م وصلنا البحر ولقينا الناس كلها جات والقارب جاهز للابحار ، كنا حوالي ١٢ نفر بالسايق حق اليخت ١٣ نفر ، كنا خمسة بنات وسبعة اولاد ...
* لما كانو في العربية رامي كان ماقادر يشيل عيونو من رفيف ، وكل بعد كلمتين بعاين ليها نظام منتبه في ونستها ، مرة يعاين للشارع عشان م يعمل حادث ومرة يعاين ليها ، ملامحها كانت آسراهو ، وكل تفصيلة فيها كانت ماخدة عقلو ، أما رفيف كان بتسترق النظر ولما عيونهم تتلاقى هي طوالي بتكسر عينها عشان بتوتر شديد والكلام بغلبها عشان كدة كانت بتعاين في الطريق وبتحاول تتجنب النظر في وشو ***
........
سلمنا على كل الموجودين ورامي عرفني بيهم نفر نفر ، وكمان عرفهم بي وقال ليهم دي دكتورة رفيف طبيب امتياز وفي نفس الوقت قريبتي ، لما قال كدة عاينتة ليهو وابتسمت ....
السايق حق اليخت قال لينا يلا ي جماعة خلاص حنبحر جاهزين ؟ قالو ليهو ايوة ....
انا كنت متوترة شوية ولما اتحركنا كنت مغمضة عيوني وبستغفر براحة عشان ضربات قلبي تهدى ، حسيت بيد من فوق ل يدي ، لما فتحتة عيوني لقيتو رامي ، كان قاعد قريب مني شديد وقال لي متوترة ؟ قلتة شوية بس ، قال لي م تخافي انا جمبك وابتسم معاي ، سبحان الله طوالي حسيت بإسترخاء .... شوية كدة الأجواء بقت حماس ، ونسة وتصوير وفي واحد كان عندو جيتار بدأ يغني ، فعموما كدة حبيت الجو شديد ، ما كنت بتكلم بس كنت مبسوطة ...
في واحد اسمو لبيب قال لي ياضيفتنا مالك ساكتة شاركينا في الونسة ... لحظتها الانظار كلها بقت علي وحسيت بخجل ، وحدة من البنات قالت لي غني لينا طيب ، قلتة ليها معليش بس ما بعرف اغني ، قالت لي حاولي غني اي حاجة المهم عايزين نسمع صوتك، كلهم عصرو علي الا تغني ، قلتة ليهم طيب ، بس اي زول بضحك على صوتي بوقف طوالي ، قالو لي غني بس ماف أي زول بضحك ، بقيت بفكر أغني شنو لحدي ما جاء على بالي اغني اغنية ويين سميري ...
يازهرة أحلامي ..
بنظم فيك كلامي
يا زهرة احلامي
بنظم فيك كلامي
يا روحي و إلهامي
مع القمري البقوقي
برسل ليك سلامي
ويــــــــــن سميري
الفي ضميري وين وين وين وين سميري
نزلت مني دمعة
والامة مجتمعة
نزلت مني دمعة
والامة مجتمعة
واليوم دا كان جمعة
أعطف سيب صدودك
حبيب روحي يا ابو لمعة
ويــــــــــن سميري
الفي ضميري وين وين وين وين سميري
انظر شوووف حلاتها
ظهرت ب غلاااااتها
نظر شوووف حلاتها
ظهرت ب غلاااااتها
نعسات كاحلاتها
أنا دستوووري نازل
في الخرطوم تلااااتة
ويــــــــــن سميري
الفي ضميري وين وين وين وين سميري
الفي ضميري وين وين وين وين سميري
الفي ضميري وين وين وين وين سميري
الفي ضميري ويـــــــــــــــن سميري
الفي ضميري وين وين وين وين سميري
كنت بغني وهما كلهم بشيلو معاي ، ولبيب كان بعزف بالجيتار ، لحدي م خلصتها وكلهم صفقوا لي ، قالو لي صوتك رهييب شديد يابت تاني غني لينا ، قلتة ليهم تاني ما حافظة 🤣 ، في واحد قال خلاص حيغني لينا ، م شاء الله صوتو كان رهييب شدييد .....
بعد ٤٥ دقيقة تقريبا وصلنا سنقنيب، يخخخ انا لو قلتة اوصف ليكم جمالها م بوفيها حقها ، من انا وصغيرة كنت بشوفها في التلفزيون ونفسي كان اشوفها في الحقيقة ، والحمد لله اليوم حلمي اتحقق 😭 ...
المرشد الكان معانا حكى لينا تاريخ تأسيسها وكل حتة فيها حكى لينا عنها ، حرفيا كمية هايلة من المعلومات عرفتها ي داب ، منظر الشعب المرجانية والصخور كانت حلوة شديد ، اتجولنا كتيير ، بعدها قررنا نفطر بالأول ونستريح شوية حتى نكمل باقي الجولة......
# هوى القلب#
(12)
بقلم : غزل وليد
تواصلي مع رامي بالرغم من انو كان حاجة حلوة بالنسبة لي بس في نفس الوقت كان مخوفني ، كنت خايفة اتعلق بيهو ودي تبقى مشكلة كبيرة .... بس قلتة ي رفيف اصلا انت م عندك مشاعر تجاهو انت بس معجبة بشكلو وشخصيتو ودي حاجة طبيعية، اكيد انا م البت الوحيدة المعجبة بيهو في مية وحدة غيري ...
قطع تفكيري اتصال في تلفوني ، لما شفتة الاسم لقيتو رامي ، استغربتة شديد لأنو دي أول مرة يتصل علي ، تواصلنا كان رسايل فقط ، رديت عليه الجرس التالت عشان م يقول البت خفيفة ههههههه....
رفيف: الو السلام عليكم..
رامي : وعليكم السلام ورحمة الله، رفيف كيفك كويسة ..
رفيف: الحمدلله في نعمة انت كيفك ...
رامي : نحمد الله ، ما أكون اتصلتة عليك في زمن ما مناسب؟
رفيف : لالا أبدا والله، صحيت من النوم قبل شوية ...
رامي : نوم العوافي ، اليوم رجعتي بدري من الشغل..
رفيف: اي رجعتة حوالي الساعة اتنين ونص؛ كنت مصدعة شديد فنمت طوالي وياهو قبل شوية صحيت ..
رامي : الف سلامة ، اسي كيف من الصداع ...
رفيف: الله يسلمك ي رب، والله الحمد لله راح بعد م صحيت ...
رامي : الحمد لله ..دي رجعتي للبيت ، من ٨ صباحا ل ٢ ضهر كنت مداوم في العيادة الخاصة ، بعدها كان عندي مواضيع خلصتها وي داب رجعتة البيت ....
رفيف : يومك كان ضاغط ، الا تاخد ليك راحة كافية ...
رامي : اتعودت خلاص على ضغط الشغل ، اتبرمجتة خلاص هههههه ...
رفيف : كويس والله ، انا لسة والله ، الشغل مرهقني شديد ...
رامي: انت لسسة جديدة، بس مع الايام حتتعودي والجسم حيتبرمج على ضغط الشغل ....
رفيف : الله يكون في العون بس ...
رامي : اميييين ،، اممم بصراحة عايزك اقول شي ...
رفيف : اتفضل ...
رامي : قبل كم يوم كنت بتكلم مع صحبي ، وقال لي انو عايزين يطلعو رحلة لجزيرة سنقنيب نهاية الاسبوع دة ان شاءالله، وحنكون مجموعة من الزملاء والزميلات ، فرأيك شنو تمشي معانا اذا ماعندك مانع طبعا....
رفيف : امممم ، فكرة حلوة شديد ، بس ماعارفة هل حقدر امشي او لا ...
رامي: عندك موضوع يعني ...
رفيف : لا ماكدة بس ماعارفة ، معليش ممكن تديني باقي اليوم دة افكر وبكرة بديك خبر ان شاءالله..
رامي : عديلة ماف مشكلة، بس حاولي ماتفوتي الفرصة دي ، جزيرة سنقنيب جميلة جدا فحتستمتعي لو مشيتي معانا ....
رفيف : بحاول ان شاءالله ما أضيع الفرصة دي ، اصلا من زمان نفسي اشوفها ....
رامي : خلاص في انتظار ردك بكرة ان شاءالله...
رفيف : تمام ان شاء الله...
رامي : طيب تسلمي ، معليش ناس البيت نادوني للغداء اتفضلي معانا ....
رفيف : بالعافية عليكم ي رب يلا تسلم ....
رامي : الله يعافيك ...
وبكدة المكالمة خلصت ، بقيت بفكر في موضوع الرحلة دة ، قلتة اكلم حسون اذا وافقت لي ح أمش اصلا كنت متمنية ازور سنقنيب ودي فرصة جاتني في صمة خشمي مستحيل اضيعها ....
مشيت كلمتة حسون وحكيت ليها بالحاصل، قالت لي يازوله امشي طوالي دي دايرة ليها تفكير كمان ، عاد بختك وغمزت لي ....
حسون : صح عايزة اسأل بصراحة ياروفا ، انت ورامي في بينكم حاجة كدة ولا كدة ، م تخافي م بوري زول ..
ضربتها في كتفها وقلتة ليها ي بت انت جنيتي ماف بينا اي حاجة مجرد أصدقاء م اكتر ...
حسون رفعت حاجبها وقالت لي مع انو اشك في ذلك بس متأكدة حيجي يوم وحتغيري كلامك دة ههههه ....
رفيف : لا غلطااانة
حسون : رامي انسان ظاابط جدا ويعتبر فارس احلام بنات كتار ، ف بتمنى يكون من نصيبك ، انت اختي واكيد بتمنى ليك كل السمح ، وبتمنى انو يعرسك واحد زي رامي ....
رفيف : والله ياحسون انتي غيتو موضوع الرحلة دة خلى مخك يمشي بعييد هههههه ....
حسون : غايتو نشوف البحصل شنو ، بس انا دايما توقعاتي بتظبط هههههه ....
...... تاني يوم رسلتة لرامي وقلتة ليهو اني موافقة ح أمشي معاهم ؛ قال لي حلوو ، سألتو اها بالنسبة للرحلة والميزانية اها الشير كم ، قال لي دايرة ليك دقة على فكرة شير شنو ، م تعيدي السؤال دة تاني كويس؟ هرشني طبعا وقلتة ليهو حاضر يادكتور هههههه ....
..... بقيت متحمسة شديد قلتة ابدأ اتظبط واتجيه للرحلة الظابط دي ، بقيت شغالة ماسكات صباح ومساء ههههههه اشتريت لي طونكة رهييبة شديد وبنطلون وعندي اسبورت حلوو حألبسو مع اللبسة ، طقمتو مع الطرحة والشنطة ، المهم رتبتة أموري كلها ...
قبل يوم الرحلة بالمساء اتصل علي وقال لي بكرة اجهز بدري من ستة وربع صباحا حيجي يسوقني عشان الحضور حيكون ستة ونص وحنتحرك سبعة صباحا ان شاءالله، قلتة ليهو حاضر ان شاء الله...
نمتة بدري عشان اصحى بدري ، وفعلا صحيت من ٥ صباحا استحميت وصليت الصبح وطوالي لبستة واتجهزتة ، عملتة ميكب اب بسيط برزتة فيهو ملامحي
#هوى القلب#
(11)
بقلم : غزل وليد
محمد مشى لعمو أسامة سلم عليهو وأعتذر منو عن الحصل الأيام الفاتت ، ويعفي ليهو عن الوقاحة البدرت منو ، بس عمو أسامة قال ليهو انو هو ابدا ما زعلان منو
ويعتبر انو ماحصل شي ، بعدها محمد قال ليهو انو ماعندو مشكلة إنو يتزوجو هو وأمو ، لأنو من حقهم يعيشو حياتهم ، أسامة حس روحو كأنو بحلم وماقادر يصدق انو فعلا محمد خلاص وافق ، قال ليهو ياولدي أنا عاجز عن الكلام بس صدقني انا بحبكم أكتر من نفسي ومابتمنى ليكم الا كل الخير ... محمد حضن عمو وقال ليهو الله يخليك لينا ياعمي ، فضايلك معانا عمرنا ما حننساها ، كنت لينا السند بعد وفاة ابوي الله يرحمو ، ربنا مايحرمنا منك أن شاءالله.......
............
بعد الأمور راقت و وضحت ، الاهل قررو يعقدو لهند وأسامة وحتى المواعيد اتحددت .... حيعملو ليهم عقد بسيط وهادي بعد شهر ان شاءالله.....
رقية مشت لهند في بيتها عشان تشوف تجهيزاتها شنو
وتقيف معاها بما انها بت خالتها المقربة ليها ....
رقية : اها ي عروس تجهيزاتك ماشة كيف ، وليه م نزلتي دخان ، على فكرة عقدك بعد شهر بس لو ناسية ..
هند : تجهيزات شنو ي رقية ودخان شنو ...
رقية : اجي يخواني ؛ قصدك حتقعدي كدة وما حتعملي اي شي؟ جنيني انتي؟
هند : كبرتة ع الأمور دي يارقية شايفة ماف داعي ليها ..
رقية : سجم خشمك يامرة ، وليه محسساني انك إمرأة ستينية، يابت انت لسة شاابة مفرهدة، في نسوان قدرك ي داب فكرو يعرسو خلي قال كبرتة، وبعدين م تشوفي انو عشان أولادك كبرو انك خلاص برضو كبرتي ، حبيبتي انت عرستي صغيرة شديد ؛ والبشوفك انت مع أولادك بقول انك اختهم ما أمهم .....
هند : بس يارقية ما بقدر اعمل كدة قدام أولادي، بحس انها وقاحة مني اقعد اتدخن قدامهم والامور دي ....
رقية : الموضوع عادي ياهند ما تعقدي الموضوع ....حاولي عيشي ايامك وانبسطي ، اتجيهي للراجل دة وعزيهو وعزي روحك ، كفاية صابرة عشرة سنة ، اهو من زوجك إتشل وعايشين زي الاخوان ، معليش يعني على كلامي دة بس دي الحقيقة .....
هند سكتت وم قالت شي لأنو فعلا كلام رقية صااح...
رقية: عشان كدة ارح قومي اسي دة نمش السوق نجيب طلح وشوية مرطبات لجسمك....
رقية شجعت هند وساقتها مشو السوق اتسوقو وجو راجعين البيت .... رقية نضفت ليها حفرة الدخان وجهزتها ليها وقعدتها فيها .... قعدت معاها لحدي قريب للمغرب ، مهيد راجلها اتصل عليها عشان اتأخرت وقال ليها ترجع البيت عشان خلاص المغرب م باقي ليهو شي ، رقية قالت ليهو اي خلاص طالعة في طريقي للبيت ......
هند : معليش حبيبتي اخرتك شديد وتعبتك معاي ..
رقية : انت عويرة ، انا زي اختك واحد فلو ما وقفتة معاك انا حيقيف معاك منو ... ماتكسلي كويس ، رطبي كتير واتدخني صباح ومساء ، بعد كم يوم بجي بشوفك ماشة كيف ، ما ألقاك كسلتي ...
هند : حاضر بحاول ان شاءالله....
رقية ودعتها ومشت بيتها ، أول ما جات خاشة لقت مهيد راقد في الحوش ، قالت السلام عليكم، قام صنقر ورد ليها السلام بلا نفس ، بعدها قال ليها للوقت دة بتعملي شنو برة البيت؟
رقية: كيف يعني ي مهيد بعمل شنو ، عارفني كنت مع هند بت خالتي ....
مهيد : بلا بت خالتي بلا زفت ، مش كلمتك مية مرة إنو المغرب دة لما يأذن رجلك دي تكون جوة البيت؟
رقية : مهيد قول بسم الله ، من متين انا قاعدة اتاخر برة البيت ، اليوم بس الزمن جر لأنو كان عندنا شوية مواضيع وزي ما عارف بت خالتي عرسها قرب وانا أقرب زولة ليها فلازم اقيف معاها .....
مهيد : يازوله ما شغلتي ، قوانيني دي واااحدة وثابته ماتقعدي تلفي وتدوري واضح ؟ دة آخر إنذار ليك
وقام طلع خلاها مشى الجامع .....
رقية زعلت شديد لمن دمعتها نزلت ، مشت نومت بتها واخدت ليها حمام وصلت المغرب ،بعد مهيد رجع من الجامع قامت سخنت ليهو الاكل ختتو ليهو في سكات ومشت قعدت في المظلة برة ، قال ليها ما عايزة تاكلي ؟ قالت ليهو ماكلة الحمد لله وطلعت ....
بعد خلص عملت ليهو الشاي وغسلت العدة بعد خلصت صلت العشاء وطوالي رقدت نامت خشمها مافتحتو معاهو ، مهيد عرفها زعلانة منو بس كمان مافتح خشمو ولا حتى سألها .....
تاني يوم الصباح عملت الشاي وختتو ليهو في سكات برضو ، طلع شغلو من دون م يقول اي شي .... رقية قعدت تبكي اصلا من امس كانت كاتمة بكيتها عشان ماعايزة تبكي قدامو ، قالت مهيد دة غلبني افهمو مرات بكون كويس شديد معاي ومرات بتقلب ١٨٠ درجة ليه هو بعاملني كدة ....
زمن الفطور كانت في المطبخ بتقطع في البصل ، تلفونها اتصل ، لما شافت اسم المتصل قالت خير ان شاء الله محاسن دايرة مني شنو كمان ( محاسن دي اخت مهيد زولة بتاعة سواطة وقوالة وفتن ومن زمان شايلاها مع رقية وبأي طريقة عايزة تخرب بينها وبين مهيد )
حسون وآسر كانو قاعدين في الصالة ، قلتة ليهم يلا انا طالعة ، حسون قالت لي خلي آسر يوصلك ، قلتة ليها لالا بركب مواصلات ، آسر قال لي ماشة وين ، حسون قالت ليهو اختك ميعاد عازماها في توينز ، قال لي يخس عليكم كان تعزمونا معاكم شنو الشغل الكتامي دة هههههه ، ضحكتة وقلتة ليهو طوالي معزومين ، قام وقال لي ارح اوصلك طيب ، قلتة ليهو لالا والله مافي داعي للتعب المواصلات راقدة ، قال لحسون قولي لبت خالتك دي تبطل عوارة ، حسون قالت لي زي ما قالو ليك بطلي عوارة وخلي يوصلوك ، اصلا توينز مابعيدة من هنا ، بعد اصرارهم اضطريت اسمع كلامهم وركبت مع آسر عشان يوصلني ....
آسر : ما شاءالله انتو وميعاد شايفكم بقيتو فرد ههههه...
رفيف : اي والله ، اختك عسل ولطيفة شديد ...
آسر : ياشيخة ههههه ، ميعاد لو سمعتك راسك بكبر هههههههه
رفيف: دي الحقيقة والله ...
آسر : الصراحة ميعاد زولة طيبانة فعلا بس ما مع كل الناس هههههه ، عندها ناس معينين بتحبهم ، بختك بقيتي وحدة منهم .....
رفيف : بختي شديد والله ....
المهم بقينا بناخد وبندي في الحديث لحدي ما وصلنا توينز ، اتصلتة ليها وقلتة ليها انا حاليا وصلت انت وين ، قالت لي جاية عليك قربتة اصل ، قلتة لآسر شكرا على التوصيلة ونزلتة من العربية قال لي ماف شكر بينا ، انا زاتي حأستنى ميعاد اسلم عليها ، فطلع من العربية برضو وخشينا لجوة قعدنا ، شوية كدة ميعاد جات علينا سلمت علي بالاحضان ، وقالت لآسر اوو يابوص الخبر شنو يخ مشتاقين ، قال ليها الشوق بحرر ، شنو يعني عشان خطبوك بقيتي لا بتتصلي لاخوك تسلمي عليهو ولا بتسألني عنو ، قالت ليهو معقولة ياقلبي انت تاج راسي والله ، قال ليها خلاص كفاك طلس ههههه يلا انا بعد كدة بستأذنكم انبسطوا في قعدتكم، قلنا ليهو يقعد يشرب ليه كباية شاي لبن ، قال لينا مرة تانية ان شاء الله ومشى خلانا .....
انا وميعاد طلبنا شاي لبن ولقيمات توينز الرهيبة ديك ، قبل م نبدأ ناكل ميعاد صورت الطلب واحنا برضو اتصورنا كذا صورة وبقينا بنرغي سااي ، والله البشوفنا بقول بنعرف بعض لينا كم سنة عديل ههههههه ...
اتونسنا كتير لمن الزمن مشى بينا لما عاينت للساعة لقيتها تسعة الا ، قلتة ليها يابت اتاخرنا بعد كدة المفروض نمشي، الونسة حلوة شديد بس ما بتنتهي، قالت لي مبالغة والله ، ماحسيت بالزمن ،طلعت تلفونها واتصلت ، سمعتها بتقول اذا فاضي ممكن تجي ترجعني البيت وبعدها قفلت ...قالت لي دة رامي اخوي اتصلتة ليهو اذا في طريقة يجي يوصلني وقال لي خلاص جاي علينا ، لما قالت رامي انا قلبي بقى يعمل دق دق دق ...
قلتة ليها خلاص انا بمشي حبيبتي يلا مع السلامة ، قالت لي ي بت تمشي وين براك بالليل دة انتظري رامي يوصلك معانا ، قلتة لالا يابت ، بركب لي ركشة توصلني للبيت ، ياها الركشات راقدة جمب البوابة ، ميعاد أصرت علي بس انا رفضت، قالت لي خلاص يازوله ارح اوصلك ، قلتة ليها طيب ، طلعتنا كدة من توينز اخوها وصل ، قالت لي شكلو كان قريب مننا ، طلع من عربيتو وجاء سلم علينا ، انا يديني كانو تلج بس لما سلمتة عليهو ماعارفة ليه بتوتر كلما اشوفو 😭 قلتة ليهم يلا مع السلامة تصبحو على خير ، رامي قال لي على ويين ، قلتة ليهو ع البيت ، قال لي اذن اركبي نوصلك في طريقنا ، قلتة ليهو ماف داعي للتعب بركب لي ركشة ، قال لي لالا يازوله ماف اي تعب اركبي اركبي ومشى فتح لي باب العربية، ماعرفتة اقول شنو زاتو ، في النهاية ركبتة معاهم ....ميعاد ركبت قدام ...
رامي سألني عن الشغل ماشي كيف ، قلتة ليهو والله تمام ، قال لي لسة في الطوارئ، قلتة ليهو اي بس الأسبوع الجاي حيودونا الأطفال، قال لي كويس ..
كان لما يتكلم معاي بعاين لي بمراية العربية ، وانا نفس الشي برد عليه وبعاين ليه بالمراية ، المهم فتحو مواضيع تانية وانا كنت مستمعة أكتر مما أتكلم ، كنت بحاول استرق النظر ليهو في مراية العربية من فوق بس بقبضني😭 تاني خفت وبقيت خالص م برفع عيني لفوق 😭 لحدي م وصلوني البيت شكرتهم ونزلت ......
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
محمد لاحظ انو أمو صحتها نزلت وباين عليها مهمومة شديد ، حن عليها وزعل من نفسو شديد ، بس في نفس الوقت كان لسة زعلان من أمو وما كان بتكلم معاها ....
.......
هند كانت واقفة في المطبخ بتعمل في الغداء بس فجأة حست بدوار وررب جات واقعة في الأرض؛ دعاء بتها سمعت صوت الوقعة وجات جارية تشوف الحاصل شنو ، لما خشت المطبخ لقت امها واقعة وطوالي بقت بتكورك لمحمد وداليا ، محمد جاء جاري ، لما شاف أمو واقعة في الأرض، دمو دة نشف من الخوف ، رفعها سريع واقرب ركشة ودوها المستشفى ، عملو ليها فحوصات وطلع عندها هبوط بسبب عدم الاكل والدم ناقص وتايفويد والتهاب في الدم ، ركبو ليها تلاتة دربات بعد خلصتهم ركبو ليها كانيولا وصرفو ليها مجموعة الأدوية، والدكتور وصاها بالراحة التامة بعدها خرجوهم من المستشفى....
اللحظة العقدو لينا فيها انا بس كنت ببكي ، رامي حضر العقد في الجامع ، اتصل لي لحظة كانو بعقدو وفتح الاسبيكر عشان أسمع ، مع كل كلمة انا دموعي كانت بتنزل لحدي آخر حاجة لما المأذون قال بارك الله لكما وجمع بينكما على خير ..... يعني خلاص انا ورامي بقينا زوج وزوجة على سنة الله ورسوله ودي كانت من أسعد لحظات حياتي .....
ماقدرت اتكلم مع رامي كتير بس باركنا لبعض وست الكوفير شالت مني التلفون ههههه قالت لي باقي كلامكم تموهوه بعدين 🤣...
لما خلاص جاء الكوفير عشان يسوقني انا مسكتني الرجافة ، خوف على فرح على توتر ، أحاسيس الدنيا كلها كانت جواي ....
لما جاء خاشي كنت مغمضة عيوني هههههه وم اتلفتة عليهو الا هو جاء على وقرب من اضاني قال لي ألف مبروك لينا يا روح الروح ، طالعة كأنك أميرة م شاء الله تبارك الله، خليني اشوف عيونك الحلوين ديل ، أول م فتحتة عيوني أخدني في حضنو مساافة وقال لي اللحظة دي كنت منتظرها متين تجي والحمد لله إتحققت ، ربي يبارك لينا ويسعدنا ان شاءالله، قلتة ليهو امييين .....بعدها كان عندنا اوت دور حتى بعدها مشينا ع الصالة .....
العرس كان أرهب من رهييب ، حبيت كل التفاصيل ،
والجرتق فاز بقلبي اصلا لو قالو لي عرستي لشنو ح أقول ليهم عشان الجرتك🤣🤣🤣غيتو رامي لو سمعني م حيعديها لي ع خير 🤣🤣🤣
.........
المهم مشينا ع الفندق عشان حنقضي فيها الليلة دي والصبح حنسافر موريشيوس ، بما إنو احنا الاتنين بنحب الطبيعة فخططنا ي إما نسافر سيشل أو موريشيوس أو سريلانكا، في النهاية اختيارنا وقع على موريشيوس ، أنا كنت متحمسة جدا وبس منتظرة متين نسافر .....
قبل م نصل الفندق رامي قال لي هو ميت من الجوع ف حينزل يشيل أكل جاهز ، انا استنيتو في العربية ، طلعتة الجدلة عشان كانت مضايقاني وحتى الشبط كان عالي عمل لي وجع رجلين ، اصلا م متعودة البس كعب عالي ، طلعتوا وقعدتة حفيانة حتى ي داب حسيت بالراحة ...
رامي لما جاء قال لي معليش اتأخرت عليك ، قلتة ليهو لالا ولا يهمك ...بعدها شغل اغنية عمرو دياب حقت ومالو لو ليلة تهنا بعيد وسبنا كل الناس .... طبعا بحب الأغنية دي شديد وبقيت بغني معاه وحتى رامي كان بغني برضو لحدي م خلصت .....
رامي : الأغنية دي تحسيها كلها مشاعر دافية وحنين صح...
رفيف : فعلا والله، تحسها كدة زي الحضن الدافي ...
رامي: بس م أدفى من حضنك (وغمز ليها)
عملتة رايحة وغيرتة الموضوع ...
رفيف : الرحلة حتكون الساعة كم ...
رامي عرفها انها قاصدة تغير الموضوع لإنها خجلت ...
رامي : الساعة ستة صباحا بس الحضور من خمسة ...
رفيف : اهاا حلوو ... مرهقة شديد والله ، لي كم يوم م قادرة انوم زي الناس ، اسي منتظرة متين نصل عشان أنوم ...(.العرس كان مع العصريات وخلص الساعة ٨ مساء ولما وصلنا الفندق الساعة كانت ماشة ع ٩م )
رامي عرفها بترمي في الكلام عشان عايزة تتهرب من الحيحصل في الليلة دي ...
رامي : قربنا نصل خلاص وحتنومي أحلى نومة ( وعاين ليها بطريقة خلتها تتوتر زيادة ) ...
لما وصلنا الفندق واتقفل علينا الباب بقيت بس ببلع في ريقي وم عارفة اتصرف كيف، رامي مسكني من ايدي وباسها ...
رامي : اخيرا رامي ومدامو لوحدهم ( ابتسم وعاين ليها في عيونها )
رفيف ابتسمت بس اصلا متوترة ومشتتة م قادرة تعاين ليهو في عيونو ....
رامي: حبيبتي انا عارف انك متوترة والاحساس دة طبيعي، بس كمان انا م عايزك تتوتري وانت معاي ، عايزك تكوني مرتاحة ومتطمنة ، رفيف انا حبيبك وزوجك وصديقك ، ومستحيل أعمل حاجة توجعك وتأذيك ؛ وكل حاجة حتكون بالتراضي ، صدقيني م حألمسك اذا ما حسيت انو كل الخوف الجواك دة زال ، خليك متطمنة من الحاجة دي حبيبي .....
بعد كلامو لرامي حسيت براحة شديدة والله....
رامي : خليك واثقة في حبيبتك ...
رفيف : واثقة فيك حبيبي ( وابتسمت)
رامي : امممم يلا خلينا نتحمم عشان انا مييت من الجوع هههههه ....
رفيف : طيب انت خش بالأول بالمسافة دي ح اطلع الاكسيسريس الكتيرة اللابساها دي ...
رامي : امممم يعني م ح نتحمم سوا وغمز ليها ، ضربتو في كتفو وقالت ليهو اقعد ساي يخخ يلا يلا شوف حمامك ب وين ....
رامي : ههههههه طيب طيب اليوم عازرك بس الايام الجاية ماف ليك طريقة للرفض ورجع تاني غمز ليها..
رفيف : وااي انا من قلة أدبك ....
رامي : هو انت شفتي قلة أدبي؟ لسسسة وحاتك ههههههههههه ......
رفيف : طلعتة فظيييع ...
رامي : حتشوفي فظاايع كتيرة لقدام ...
رفيف : أي أي خوفني عشان اسي اشيل شنطتي وأرجع بيتنا ...
رامي: بس تاني ماف ليك رجوع ، خلاص بقيتي ملك رامي لوحدوووو ....
رفيف : راااامي احسن ليك .....
رامي: هههههه خلاص خلاص أعصابك يلا ماشي ع الحمام ، وبحببك يخخخ .....
رامي : تصلي بالسلامة بالأول ي عسل وبعدها نحدد ان شاء الله...
رفيف: ان شاء الله( وابتسمت )
بعد يوم لطيف وظريف رجعني البيت و ودعتو ، كنت عايزة ابكي بس مسكت دموعي ...
رامي : كنت متمني لو اقدر اضمك علي وقول ليك مع السلامة لحدي م نتلاقى على خير بس الله غالب....
خجلت من كلامو وم عرفت اقول شنو بس قلتة ليهو مع السلامة يارامي وان شاء الله ما اخر وداع ...
رامي: بحبك يارفيف❤️
رفيف: وأنا كمان بحبك يارامي ❤️
يوم السفر كان صعب علي شديد ، بكينا بكاء مع حسون ، آسر قال لينا بتبالغو يانسوان قريب دة حترجعو تتلاقو ان شاءالله كلها مسألة وقت بس ، حسون قالت لي تصلي بالسلامة حبيبتي وربنا يوصلك بالسلامة وترجعي لينا تاني بالسلامة وانتي عروس كدة ي رب ، طبعا خجلتني قدام آسر .....
المهم ودعتهم. وركبتة خلاص ......طول السفر متابعين معاي بتصلو علي بتطمنو، أما رامي كل ساعتين تلاتة بتصل علي 🤣 من جوة قلبي كنت بقول حماس البدايات دة عارفاهو كويس بكرة بعد نعرس يطير ليك🤣🤣🤣..
......المهم وصلتة بيتنا اخيييرا😭😭😭😭😭😭
اخيرا شفت امي وابوي واخواني حرفيا كأني لي سنيين ماشفتهم ، قالو لي عاد م شاء الله بورتسودان نفعت معاك نسافر نحنا برضو ولا شنو ههههههه ... أخواتي استلموني ليك ونسة ، أمي قالت ليهم خلو البت ترتاح بالأول شنو استلمتوها طوالي ههههههه..... قلتة لأمي خليهم انا زاتي اشتقتة ليكم شديد 😭😭 .....
♡♡♡♡♡♡♡♡♡♡♡♡♡♡♡♡♡♡♡♡
*عند هند *
هند وأسامة كانو عايشين أحلى الايام ، حبهم لبعضهم كان فريد ، بس برضو كانو ضابطين نفسهم قدام الاولاد ، يعني رومانسياتهم بتكون جوة غرفة نومهم ، ودة بناء على طلب هند من أسامة ، لأنها بتخجل قدام أولادها وما عايزاهم يشوفو شي م تمام .....
أسامة وافقها الرأي وقال ليها كلامك عين العقل ....
......
نتيجة الشهادة السودانية طلعت ومحمد عمل ٩٣ % ودي كانت فرحة عظيمة شديد ، ما كان قادرين يصدقو من شدة فرحتهم ، هند كانت حاضنة ولدها وبتبكي بكاء ، ولدها رفع راسها وما خيب أملها، محمد دايما كان قدر الثقة ؛ عمو أسامة زي ماوعدو قبل كدة بإنو اذا جاب من ٩٠ لفوق حيجيب ليهو هدية مميزة ، وفعلا اشترى ليهو ايفون آخر إصدار ومعاه لابتوب وساعة أبل ، الهدية كامت ثمينة شديد في نظر محمد( وفي نظرنا برضو 😁) وشكر عمو كتير ، أسامة قال ليهو تستاهل اكتر من كدة ياولدي ....
محمد قدم طب جامعة (...) وشالوهو الحمد لله ودي برضو كانت فرحة تانية بالنسبة ليهم ....
بعد كم يوم حجة التومة اتوفت الله يرحمها💔💔 الخبر نزل على أسامة زي الصاعقة، كان ببكي زي الطفل والله ؛ لأنو كان متعلق بيها جداا وبحبها شديد .....حتى هند حزنت جداا ، كانت بتريد حجة التومة ريدة م طبيعية و وفاتها كانت وجعة كبيرة ليها .......
عدو اسبوع في بيت الوفاة بعدها هند رجعت بيتها بس أسامة قال خيقعد يومين تلاتة وبرجع البيت .....هند كانت حاسة بوجعو وألمو ، انك تفقد والديك ماف أصعب من الحاجة دي لإنها ضاقت مرارة الفقد قبل كدة سواء كان امها ولا ابوها ولا زوجها السابق ......
بعد كم يوم اسامة رجع البيت وكان مكسور شديد ، ملامحو بقت باهتة وحتى ابتسامتو اختفت....
هند : أسامة الموت حق ياحبيبي ربي يرحمها لخالتي التومة ويصبرنا على فقدها ....
أسامة :رغم اني للان م قادر أصدق انها مشت خلتنا بس الحمد لله على كل حاال....
هند رقدت في كتفو وقالت ليهو : انا اكتر وحدة بعرف مرارة الفقد يا أسامة ، فقدت أمي وابوي في عمر صغير
وفقدتة زو(سكتت ماتمتها خافت على مشاعرو)
أسامة: تميها ياهند ، فقدتي اخوي برضو ...
هند : كلنا حنفارق الدنيا دي في يوم من الايام وعلينا بالصبر ...
أسامة : فعلا الحمد لله على كل حال ....
هند حست بطنها طامة شديد وبتحاول تقاوم الشعور دة بس م قدرت وقامت سريع خشت الحمام استفرغت ، أسامة خاف عليها وسألها حاسة بشنو ، قالت ليهو بس بطنها كانت طامة احتمال بسبب اكل الفطور م اتهضم ، قال ليها واحتمال يكون سبب تاني خلينا نمش المستشفى ، هند قالت ليهو ماف داعي وهي كويسة ؛ اليوم التاني اتكرر نفس الشي وكلما تشم عطر أسامة بطنها بتقلب أصر المرة دي يوديها المستشفى ، وفعلا مشو ونتيجة الفحص طلعت نضيفة بس فحص الحمل كان إيجابي ، يعني هند طلعت حااامل ❤️
.........
يتبع
أول م وصلتة البيت وخشيت غرفتي اترميت في سريري ؛ اشتقتة للهدوء ، والرواقة ......
فتحتة الهدية كنت متحمسة اشوف فيها شنو.......
كانت كم قطعة مغلفة ؛ اول وحدة كانت إلبوم صغير فيهو الصور حقت الرحلة تبع سنقنيب ، يخخ عجبوني شديييد وحبيب انو طلعهم لي كروت😭 ، القطعة التانية كانت صورتنا انا وهو الصورنا ليها لبيب لما كنا قاعدين في الممر ومبروزة ، خطفت قلبي شديييد وبقيت بعاين في الصورة مسااافة شدة م عجبتني ، القطعة التالتة كانت Mug فيها صورتي ، يخوانا انا دموعي نزلت من رهابة الهدية بالنسبة لي، القطعة البعديها كان فيهو شال كشميري اتنين واحد باللون الكبدي والتاني بالبترولي يااخي رامي دة لو كان قدامي كان حضنتو عدييييل😭😭😭😭الشال الكشميري دة لي فترة كنت عايزاه وحتى اني رفعت استوري بسأل فيه اذا في زول بعرف مكان اجيب منو شال كشميري وبتذكر هو شاف الاستوري 😭 انا من الفرحة لمن م قادرة اعبر والله ، واخر قطعة كان فيها خاتم فضة رهيب رهيب عشرة مرااات ، بالجد الهدية مختارة بعناية ، فازت بقلبي شديد ، طوالي اتصلتة ل رامي وشكرتو شديييد قال لي تستاهلي ي السمحة ❤️
حرفيا كل يوم ببهرني بحاجة تبسطني ❤️❤️❤️❤️❤️
♡♡♡♡♡♡♡♡♡♡♡♡♡♡♡♡♡♡♡♡♡♡
* عند هند *
هند وأسامة كانو عايشين أحلى اللحظات مع بعض ، وكأنهم كانو بعوضو عن كل الحرمان العاشوهو ، كانو مليانين طاقة وشغف وحب .....
أسامة : انت أحلى شي حصل في حياتي ياهند ....
هند : امممم جد ....
أسامة : جد والله ، عمري ماحصل حبيبت وحدة بالصورة البحبك بيها انتي ...
هند خجلت وسكتت ...
أسامة كان بلعب ليها بشعرها وهي كانت راقدة في حضنو ....
أسامة : انا ماقادر اشبع منك خالص، ولو على اليوم كلو تكوني في حضني كدة بس وما تبعدي عني .....
هند : أسامة احنا م كأنو كبرنا ع الحاجات دي ...
أسامة : هند انت لسة في عز شبابك ، والحاجات دي م عندها عمر معين طالما الحب موجود ...
هند : امممم ...
أسامة : احكي لي عايز أسمع صوتك ...
هند : أقول شنو ...
أسامة : اي شي المهم تسمعيني صوتك ، وعلى فكرة لما نكون سوا وتقولي أسامة بتخليني أجن عديل ...
هند ( بخجل) : أسامة الزمن إتاخر خلينا ننوم ...
أسامة : اي اصلا حننوم ، قرب من شفايفها وايدو في خصرها ...
هند: أسامة م قصدي كدة ...
أسامة : طيب قصدك شنو حبيبي ...
وبدأ يبوسها في رقبتها وأضانها واكتافها وايديهو سابحة في جسمها، جننها عديل بلمساتو دي ، وطلعت منها أهات بصوت واطي ...
أسامة : لا م تكتميها عايز أسمعها وعضاها في (...) في اللحظة دي بقت م واعية عديل وحالتها كانت حالة ....
كل يوم شغال فيها ع المنوال دة لدرجة انها بقت بنستنى الليل يجي بفارق الصبر ، كانت مبسوطة انها لقت الزول البتشاركو كل احاسيها الكانت كاتماها من سنين ❤️.....
محمد اتحسن الحمد لله وعمو أسامة فتح ليهو دكان يشتغل فيه في الاجازة مسافة جامعتو تفتح ، أما البنات فنزلو كورسات انجليزي عشان حاليا في اجازة
...... رقية جات تسلم على هند لأنو من العقد حقها م اتلاقت معاها ....
رقية : العروس مشتاقيين ، شنوو السماحة والنورة دي
هند : الشوق بحرر حبيبتي، سمحات عيونك ديل ...
رقية : خبرك شنو عليك الله أن شاء الله الامور كلها تمام ...
هند : والله الحمدلله يارقية كلو تمام ...
رقية : اصلا ظاهر ههههههه ...
هند عرفتها قاصدة شنو ضحكت بس وماقالت شي ....
رقية : طبعا ماوريتك ...
هند : احكي ان شاءالله خير ...
رقية : طلعتة حامل ياهند....
هند : الف الف مبروووك حبيبتي ، بالجد الخبر حلوووو ، ربنا يحلك بالسلامة ي قلبي ....
رقية : اميين بس ياهند بتي صغيرة والله ....
هند : قربت تقفل السنتين يا رقية فما صغيرة شديد ..
رقية : ماعارفة غايتو بس الحمد لله...
هند : عايني انبسطتي دي هدية من ربنا تاني دايرة شنو أكتر من كدة ...
رقية : لالا الحمدلله والله ، والعقبال ليك ي قلبي كمان ...
هند : ان شاء ي رب ❤️
..........
يتبع ....
♡♡♡♡♡♡♡♡♡♡♡♡♥︎♡♡♡♡♡♡♡♡♡
و قلت ليها البت ما قاصده! قالت لي ما قاصده شنو و أصلا هي ذاتا تنطط ليه ينط كلب ان شاء الله، تعبت منها أنا البت دي، شليقه و ما بتقعد ساي، هسي لو حصل ليك شي بسبب وقعتها فيك دي و انتي في الوضع دا! هسي ما حاسه بشي؟ قلت ليها لا لا كويسه ما حصل شي، طبعاً زعله ساي من بتها مزاجها اتغير و طوالي ساقتها و رجعت بيها البيت، طبعاً ما نسيت أحمد اخوي، طوالي اتصلت عليهو تاني و تلفونو كان برن بس ماف رد! هنا خفت بالجد، بقيت اتصل و اتصل لحد ما الخط انفتح و جاني صوت راجل تاني! طبعاً اتوترت، قلت ليهو دا تلفون أحمد.... احمد الزين!.... قال لي ايوه دا تلفونو بس احمد دا تعبان شويه.... طبعاً هنا حسيت قلبي وقف! قلت ليهو بخلعه مالو احمد و هسي وين هو!! .... قال لي قولي بسم الله و هدي أعصابك، أنا صاحب احمد و هسي هو معاي في البيت بس وضعو صعب شويه و حالف ما يمشي أي دكتور و مُصر يسافر بحالتو دي!
قلت ليهو عاين وصف لي بيتكم وين، لو قلت اتفاهم معاهو ما بصل لنتيجه، قول لي بس البيت وين و ما تكلمو إني جايه و عليك الله امنعو من السفر لحدي ما أصلكم، قال لي تمام و وصف لي البيت و أنا طوالي طلعت و مشيت......
أتمنّى أن أصل، لا لأُثبت شيئاً لأحد، بل لأُرضي تلك الفتاة التي ظنّت في صغرها أن الكون بأسره ينتظرها لتخطو.
أتمنّى أن أنظر خلفي ذات يوم، وأبتسم دون ندم، لأن كل خطوة — وإن كانت ثقيلة — كانت تمهيداً لطريقٍ أعظم.
أُريد أن أكون مرآةً للثبات، ودليلاً على أن الأحلام الكبيرة لا تخيف، بل توقظك كل صباح لتُكمل الطريق.
أُريد أن أصل وأنا ممتلئة، لا شيء ينقصني، ولا أحد يُشبهني.
أن أكون صوتًا يُسمع، واسماً لا يُنسى، وفعلاً يُروى بعد غيابي.
يتبع......
ما بوعدكم ولا بضمن ليكم إنو الحلقات تنزل يوميا لظروف كتيره أبرزها قطوعات الكهربه، اجتهدت و كتبت البارت عشان البنات الكانو عايزين يعرفو العريس منو
شي و قال لي العقد بكرا! قلت ليهو بكرا إلا تشوف ليها عريس تاني..... هو مفتكر إنو لمن يعزم الناس للعقد ح يضغط علي و يجبرني في الآخر استسلم و أعرس بت خالي! المهم أنا كنت عند كلامي و موقفي و تلفوني دا من أمبارح قفلتو منهم و...... فجأه سمعنا صوت ضرب شديد على الباب، صراحة أنا خفت و تلقائياً لقيت نفسي ماسكه ذراع يوسف و بقول ليهو في شنو!!
يوسف مشى يفتح الباب و أنا حسيت إنو في مصيبه كبيره جايانا، الحصل دا كلو ما هين و اكيد ح يعمل مشاكل كتيره، طبعاً لمن طلعت وقفت في باب المظله شفت أبوي جاي داخل و وراهو أحمد اخوي و عمو سيد! ماف زول سلم على يوسف و أبوي دا كان زعلان شديد، يوسف قال ليهم اتفضلو، أحمد اخوي قال ليهو ما داخلين نادي لينا بتنا بس سايقنها معانا😊
يوسف قال ليهو بما انك جيت لحد بيتي و اتخطيت عتبة بابو معناها تتفضل، قال ليهو ما داير اتفضل يا زول و..... هنا أبوي قاطعو و قال ليهو أحمد خليك ساكت و طوالي أبوي جا داخل قدامهم، طبعاً قلبي كان بدق بسرعه و حسيت نفسي ما فاهمه شي، لمن أبوي وصلني، ضماني عليهو شديييد و أنا كنت بحاول أمنع دموعي بس ما قدرت!
المهم كلنا دخلنا جوه و طبعاً أبوي شايل عكازو، قعد قعدتو المعتاده و هو ماسك عكازو قدامو و خاتي يدو عليها، قبل ما يقول شي تااااني سمعنا صوت الباب و المره دي كان بضرب بقوه أكتر، أول ما يوسف وقف على حيلو ابوهو قال ليهو خليك قاعد، الفي الباب ديل ما مرحب بيهم ، الموضوع دا بخصنا نحنا و على وجه الخصوص انت و ريله، ما دايرين أي طرف تالت!
المهم ماف زول فتح الباب و ديلك دقو الباب كدا لمن فترو، يوسف قعد مع أبوي و احمد و حكى ليهم الحاصل كلهم و قال ليهم أنا ما وعدت أي زول بإني حأعرس البت دي، اتصرفو من عندهم و عملو ترتيبات العقد دا مع إني قلتها ليهم عديييل أمبارح إني ما بعرسها و إنو لو هم ركبو راس يتحملو نتيجة تصرفاتهم و دا الحصل، ريله أنا باقي عليها و ما ببدلها بأي وحده، ما بنكر إني قبل كدا فكرت في الزواج و هي شرطها و متطلبها كان واحد و هو إنو لو أنا عرست فيها أطلقها، و زي ما قلت ليكم أنا باقي عليها عشان كدا ما عرست فيها، و زي ما قلت ليك يا عمي الزين الحصل دا كلو أنا رفضتو جملة و تفصيلاً و..... أحمد اخوي قاطعو و قال ليهو ما بنضمنك يا زول و بتنا ح ترجع معانا.... طبعاً أنا استغربت في احمد اخوي! زمان لو كان وحده من اخواتي جاتو تبكي أو تشكي من راجلها يغلطها و يرجعها ليهو و ما حصل قال لراجل رجع لينا بتنا أو اختي! هسي الصابو شنو؟!!!
طبعاً أبوي كان بعاين لي سااااي، عمو سيد قال يخوانا ما تعقدو الأمور، ديل الإتنين أولادنا! و أكيد ما بندور ليهم إلا السمح، يوسف قال ليكم غلط و اعترف بغلطو، الزواج ما عيب بس بما إنو هي اشترطت عدم تكون ضره و هو وافق ماف زول عندو مشكله، البرضيهم برضينا و ذاااتو مره غير ريله ما بندورها ليوسف، ريله دي كان لفينا الدنيا دي كلها ما بنلقى زيها، والله معتبرها بتي اكتر من كونها مرت ولدي، هسي بعد دا كلو يا الزين أخوي جاي تسوقها مننا و تقطع راس أخوك و ولدو؟؟ أحمد أخوي قال ليهو الواضح ما فاضح يا عم سيد و ظاهر إنو نسابتها ما دايرنها و بتنا ما مقطوعه من شجره عشان نخليها وسط ناس ما دايرنها!
يوسف قال ليهو انت مالك و مال باقي الناس! عليك بي أنا لو غلطت على أختك أو ظلمتها تعال سوقها بس ما تجيب سيرة باقي الناس و بحجتهم تقول داير تسوقها من بيتها! أنا ما شغال برأي أي زول، ريله زوجتي أنا و أنا المسؤول منها و أنا المفروض اتلام و اتحاسب لو قصرت منها، عمو سيد قال بدون نقاش كتير خلينا نسمع رأي ريله، طبعاً هنا أبوي ركز معاي شديد و قال لي بدون أي مجامله انتي رايك شنو في الحاصل دا كلو؟.... ضربو لينا و قالو لينا راجل بتكم داير يعرس فيها، و هسي هو شرح و برر و قال ما ليهو علاقه بالكلام دا كلو، اها انتي هسي شايفه شنو؟ زي ما بقول ليك القرار قرارك خليك شجاعه و حكيمه و شوفي البنفع معاك و أنا واقف معاك..... طبعاً كلام أبوي دائماً بشجعني و بقويني، عمري ما خفت و أبوي معاي، دائماً بكون رافعه راسي و فخوره بيهو، أبوي دا من نحنا صغار ما حصل فرض علينا قرار أو حاول يتحكم فينا، دائماً بدينا مساحتنا و بخلينا نختار البنشوفو صح أو بنفع معانا، صراحة ما كنت عارفه أقول شنو ، كنت بعاين بإستحياء مره لأبوي و مره لأحمد أخوي و مره لعمو سيد بس أول ما عاينت ليوسف حسيت بالسكينه و الإطمئنان! فلقيت نفسي بقول ليهم : ماف مشكله حصلت بيناتنا و يوسف حكى لي الحصل كلو و أنا مصدقاهو!
ردي دا كان جواب شامل و كافي لكل الأسئله الفي بالهم!
✨✨:
كانت تظن أن النهاية قد كُتبت، و أنه طواها من قلبه كما يُطوى الحنين تحت غبار الوجع...
ظنّت أن الرجل الذي أحبّته، وارتعشت له نبضاتها، على وشك أن يتركها في منتصف الطريق...
كانت تبكي لا لأن الفقد اقترب، بل لأن الكذبة كانت قريبة من التصديق.
هند مشت لمحمد في غرفتو ولقتو ناايم يحليلو، ختت ايدها في وشو وجسمو والحمد لله لقت حرارتو نزلت
محمد فتح عيونو وقال ليها الصبح اذن ولا لسة يا أمي ، قالت ليهو اذن قبل شوية ، قال ليها صباح النور وابتسم معاها ، قالت ليهو صباح الورد حبيبي ، اها بقيت كيف ، وجع الحلق لسة م خلاك ، قال ليها من بعد م بلع الحبوب اتحسن شوية ، بعدها قام عشان يتوضى يصلي ، أما هند مشت صحت بناتها برضو عشان يصلو الصبح وخشت المطبخ عملت ليهو شاي الصباح ومعاها مديدة دافية عشان يشربها ...... أسامة بعد م صلى مشى اتطمن على محمد وبعدها مشى لهند في المطبخ ، قال ليها محتاجة مساعدة ، قالت ليهو لالا بس عايزة تعمل مديدة ، قعد في البمبر الفي المطبخ وبس كان بعاين ليها لدرجة انو وترها شديد ، ولما غلبو قام قرب منها وحضنها من ورا قال ليها خلصي سريع مشتاق ليك ، حأكون في انتظارك وبعدها طلع ، هند بقت متصمغة في مكانها ومخلوعة ......
يتبع ....
#هوى القلب#
(16)
بقلم : غزل وليد
* عند رفيف *
رجعتة البيت وكنت حابسة دموعي بالعافية عشان حسون م تلاحظ لي ، أول م خشيت غرفتي وقفلتة الباب علي إترميت في السرير ودموعي جرت زي المطر ؛ ماعارفة ليه ببكي ومتأثرة للدرجة دي ، قلتة لروحي مش المفروض اكون مبسوطة وطايرة من الفرحة بما إنو الكراش طلع بحبك وعايزك لقدام ، بس لحظتها حسيت إنو نفس الفلم القديم الحصل معاي احتمال يحصل تاني، بقيت متخوفة شديد من العلاقات ، بقى عندي Trust issue
،، بعد م خلاص كملتة بكيتي خشيت الحمام اتحممت وغيرتة ملابسي والغريب نمتة طواالي وكأنو ماحاصل شي ، م صحيت الا بصوت حسون ...
حسون : روفا حبيبتي قومي صلي المغرب عشان الاكل جاهز ...
رفيف: المغرب متين جاء؟
حسون : اذن قبل شوية ...
رفيف: لا حولاااا ، انا العصر م صليتو معقولة نمتة قدر دة ....
حسون : دة فتر الشغل حبيبتي ، منتظرنك تمام ...
رفيف : خلاص تمام أصلي وبجيكم ....
اتوضيت وصليت العصر والمغرب ودعيت كتيير بإنو ربنا يسهلها علي ويجعل لي كل الفيهو خير لي ....
بعدها طلعتة ولقيتهم منتظرني للأكل ، قعدتة وبديت أكل ؛ نفسيتي كانت قافلة وما قادرة أكل والله بس كنت ضاغطة روحي عشان م عايزة زول يلاحظ لشي ....
آسر : طبعا رشيد اخوي قرر يتم عرسو في الشهر الجاي ان شاءالله....
حسون : م شاء الله والله ربنا يتمم ليه على خيير ...
آسر : وميعاد زاتها احتمال تعمل عرسها معاهو ....
أنا اتذكرتة ميعاد وقدر شنو بقيت مقصرة معاها وحتى لابسأل منها ولا بطمن عليها ، في حين انو هي ع طول بترسل لي وم انقطعت مني ، بس بسبب ظروفي الاخيرة دي بقيت مرات برد على رسايلها ومرات لا ، فقلتة لبعدين اتصل عليها ......
حسون : والله دة خبر حلووو ، ربنا يتمم ليهم على خيير؛ يعني الايام الجاية دي حتكون فعاليات فل ..
رفيف : والله م شاء الله، بصراحة اشتقتة لأجواء الاعراس دي ، طولتة م حضرتة لي عرس ...
........ بعد رجعتة غرفتي اتصلتة على ميعاد ....
ميعاد : هلا رفيف كيفك ...
رفيف : اهليين حبيبتي ، مشتاااقين والله ....
ميعاد: بجدد ؛ بس م ظاهر خالص ...
عرفتها زعلانة من نبرة صوتها معاي ....
رفيف : ياقلبي والله العظيم عارفة روحي مقصرة معاك شديد وحقك علي ؛ بس الايام الفاتت كنت مضغوطة شديد وما راقية وغايتو بس الحمد لله ....
ميعاد : لدرجة انك تعلقي رسايلي وم تردي علي ....
رفيف : حقك علي والله ياقلبي ، عليك الله ماتزعلي مني ؛ عارفاني بريدك قدر شنو ؛ عشان خاطري سامحيني ي قلبي وبوعدك م تتكرر....
ميعاد: متأكدة؟
رفيف : مليون في المية ....
ميعاد : طيب حبيبتي سامحتك ، بس لو رجعتي عدتيها تاني حزعل منك للأبد....
رفيف: ما حتنعاد اطمني ي قلبي ....
ميعاد: حااضر ؛ أها طمنيني عنك امورك شنو....
رفيف: والله الحمد لله بس ياهو مع جري الشغل ، انت اخبارك شنو وجديدك ....
ميعاد : والله الحمدلله كلو تمام ، وبالنسبة للجديد ياهو احتمال اعمل عرسي في الشهر الجاي مع عرس اخوي رشيد .....
رفيف : الف الف مبرووووك ي قلبي دة خبر حلوو شديد ، مبسوطة ليك شديييييد .....
ميعاد : ومن اسي انت حتكوني وزيرتي خليك عارفة الحاجة دي .......
رفيف: ي سلاااام اتشرف والله أكون وزيرتك❤️❤️❤️
المهم بقينا بنتونس وبتوريني مخططاتها للعرس وعايزة تعمل شنو ، اثناء م كنت بتكلم معاها رامي اتصل علي بس م اشتغلتة بيه و واصلتة كلامي عادي لحدي م خلصتة ، وم رجعتة ليهو ، تاني جاني اتصال منو بقيت مترددة مابين ارد وما أرد ، بس ما رديت عليهو ....
عدى كم يوم وانا بتحاشى مكالماتو ورسايلو، فبقى بشرك لي في المستشفى ، ماعارفة ليه هو مصر إنو يتكلم معاي ، معقولة بهمو للدرجة دي ....
رامي : ليه بتعملي كدة يارفيف ، هنت عليك للدرجة دي ؟
رفيف : رامي ممكن سؤال انت ليه ماعايز تتجاوزني ، للدرجة دي انا بهمك ؟
رامي : فوق مابتتخلي يارفيف ... ولو فاكراني بهظر او ما جادي اسي دة اديني رقم ابوك بتصل عليه وبطلب ايدك منو ، ولو بكرة دي عايزني أعقد عليك بعقد عليك ، انا جادي بصورة ما بتتوقعيها، وعليك الله ما تختي في بالك انو نفس الحصل في الماضي حيحصل تاني ، انا بحبك وشاريك ومستحيل اتصرف اي تصرف يجرحك ويأذيك ؛ رفيف اديني فرصة ، فرصة واحدة بس وبثبت ليك مدى اخلاصي وعشقي ليك ، انا مستحيل افرط فيك واضيعك من ايدي ولو اجري وراك العمر كلو ..... بعد كلامو ل رامي بقيت مخلوعة عديل والصراحة فقدتة القدرة على الرد ...
رامي : اها ردك شنو يارفيف ....
رفيف : ماعارفة يارامي ، ماعارفة اقول ليك شنو ...
رامي : انت بس قولي نعم والباقي كلو بتمو أنا ، حأكلم آسر، وحسون ، وحكلم امك وابوك ، انا بنفسي حكلمهم ....
#هوى القلب#
(15)
بقلم : غزل وليد
*عند رفيف*
رامي كان ملاحظ لتغير رفيف آخر فترة ، وكان مافاهم الحاصل معاها شنو ، وليه هي بتعمل كدة ، ليه فجأة بقت بتختصرو وتعاملها معاهو اتغير للدرجة دي ، سألها أكتر من مرة يارفيف انت كويسة ، حاصل معاك شي ،
زعلانة مني في حاجة ؟ بس ماكان بلقى منها رد واضح وصريح ، جرب معاها كل الطرق عشان يفهم ليه تعاملها اتغير ، وردها كان ي إما مضغوطة في الشغل ، ي إما ماكنت خاشة الميديا ، ي اما كانت نايمة وم سمعت اتصاله، هو كان مقتنع مية في المية إنو في سبب بس هي ماعايزة تتكلم، فلما خلاص فاض بيهو ولقى انها لسة مواصلة في تطنيشها ليهو قرر إنو يحسم الموضوع دة ويواجها عديل وجها لوجه ف اتصل ليها كذا مرة بس ماردت ، اضطر إنو يلاقيها عديل في المستشفى، مشى ليها في القسم الشغالة فيهو وناداها قال ليها عايزك خمسة دقايق ، قالت ليهو طيب وطلعت معاه لبرة ، وبقو واقفين تحت شجرة ظليلة وباردة ....
رامي: كيفك يارفيف ...
رفيف: كويسة الحمدلله انت كيفك ....
رامي : الحمد لله ماشي الحال ....
رفيف : ناس البيت كيفهم كويسين ...
رامي: في نعمة الحمدلله...الشغل كيف معاك..
رفيف : والله الحمد لله تمام ....
رامي: وانتي تمام ؟
رفيف : نحمد الله بخير ...
رامي : متأكدة ؟
رفيف : اي يارامي ....في شنو؟ ...
رامي: على فكرة انا المفروض أسألك السؤال دة ، في شنو ؟ وليه بقيتي بتتعاملي معاي بالجفا دة؟؟؟ زعلتك في شي ؟ أو اتصرفت معاك تصرفك زعجك مني؟
رفيف: رامي انا مافاهمة ليه بتقول كدة ، وبعدين ماف شي من الكلام القلتو دة ....
رامي : رفيف لو سمحتي جاوبيني، اليوم الا ألقى رد على سؤالي دة ، آخر فترة تعاملك معاي اتغير كليا ، برسل ليك مابتردي على رسايلي ولو رديتي بتردي بعد ما أنسى الرسالة عديل ، بتتجاهلي اتصالاتي كتير شديد ومابترجعي لي لما تلقى مكالمات فائتة مني ، تغيرك معاي دة واضح زي عين الشمس يارفيف ، انت ليه بتعملي فيني كدة ، ليه بتعذبي فيني؟ مبسوطة انك بتعامليني بالطريقة دي، معقولة قررتي تقسي علي بعد ما اتعلقتة بيك ، بعد ما خلاص بقيتي جزء من حياتي قررتي تنسحبي بالبرود دة؟؟؟(كان بتكلم معاها وملامحو كلها حزن )
رفيف: رامي أنا أنا أنا ( وسكتت)
رامي : انت شنو ؛ احكي سامعك يارفيف ...
رفيف: رامي صداقتنا دي المفروض ننهيها، بس ما تسألني من السبب شنو رجاءا ....
رامي : نعم ؟؟؟ وكمان بتقوليها بالبساطة دي ؟ ننهيها؟ رفيف انت مستوعبة بتقولي في شنو ؟ ...
رفيف: رامي لو سمحت ما تضغط علي (دموعها كانت في طرف عيونها بس ماسكاهم بالعافية ) ....
رامي: أسمعيني اسي امشي خلصي شغلك وبعدين لما تكوني طالعة بجي بسوقك نتفاهم في الموضوع دة برة المستشفى عشان ما ينفع نناقشو هنا تمام ....
رفيف : رامي مافي حاجة نناقشها، العندي قلتو تاني م عندي شي أقولو...
رامي : بس انا عندي كلام كتير ماقلتو ... الساعة اتنين ح أكون مستنيك جمب البوابة ....
رفيف مالقت مفر ، ورامي زانقها من كل الجهات ، ومصر يعرف سبب تصرفاتها دي شنو ....
رجعت واصلت شغلها لحدي م خلصت وحتى انها اتأخرت نص ساعة زيادة عشان تلقى رامي مشى ، بس لما طلعت لقتو مستنيها برة في البوابة وقاعد في عربيتو، ضرب ليها البوري وفتح ليها الباب ، ف اضطرت انها تركب معاهو .... ركبت في سكات وكانت مقبلة ع الشباك حق العربية ، رامي اتحرك من دون م يقول شي وكان سايق في صمت ، بعد مسافة سألتو....
رفيف : موديني وين يارامي ، انا مرهقة وعايزة امشي البيت ....
رامي: اطمني ما خاطفك....
عاينت ليهو وسكتت...
رامي : أول مرة اعرف انك قاسية بالصورة دي ...
رفيف : رامي نزلني...
رامي : زعلتي يعني..
رفيف: قلتة ليك نزلني ....
رامي : روقي يارفيف اصلا قربنا ....
اتأففت وسكتت ...
نزلو في كافي ظابط ورايق مافيهو ناس كتار ، واغلب الموجودين بكونو كابلز....
رامي قعد في طاولة بعيدة شوية عن الناس عشان ياخدو راحتهم في الكلام ، سألها تشربي شنو ؛ قالت ليها ما عايزة شي ، م اشتغل بيها وطلب اتنين milk shake.....
رامي : احكي لي يارفيف ...
رفيف: زي ما وريتك قبيل ماعندي شي احكيهو ...
رامي : لا عندك بس ماعايزة تقولي ...
رفيف: رامي انا ما عندي زمن ، قول الجبتني عشانو عشان اتخارج ....
رامي : بقيتي لئيمة ههههههه...
رفيف شالت شنطتها وعايزة تقوم الا مسكها من ايدها حتى قعدت ....قال ليها الواحد م يهظر خالص .....
رفيف : رامي حتتكلم ولا أمشي؟
رامي بقى بعاين ليها في عيونها من دون م يتكلم ، لدرجة انها اتوترت شديد وزاحت نظرها منو ....
رامي : انت عارفة انك مميزة في كل شي ؟
كلامك ؛ اسلوبك ، ضحكتك ، وكل حاجة فيك مميزة وبتشدني فيك ؛ رفيف انت خاطفة قلبي بكلو ف مستحيل مستحيل اخسرك ، انا ما صدقت لقيتك تقومي تقولي لي ننهي صداقتنا ، وعشان اكون معاك صريح ومن دون لف ودوران انت في نظري أكتر من صديقة ، أنا بحبك يارفيف ، وعايزك تكمليني، عايزك شريكة لحياتي للأبد .....
هند : كويسة انا ، بس مرهقة شوية ...
أسامة مسكها من ايدها وقال ليها اليوم كان متعب ، خشي اتحممي وغيري هدومك عشان تنومي مرتاحة
هند : طيب ...
أسامة : ماتتوتري (ابتسم معاها وباسها في خدها)
هند جسمها بقى تلج عديل بعد البوسة ومشت خشت الحمام ....
.........
يتبع .....
#هوى القلب#
(14)
بقلم : غزل وليد ❤️
*عند رفيف *
رامي وصلني لحدي البيت الساعة كانت ماشة على 8 مساء قبل م أنزل من العربية شكرتو على اليوم اللطيف دة ...
رفيف: حرفيا دة أرهب يوم يمر علي من ماجيت بورتسودان، شكرا انك حققتة لي واحدة من أحلامي يارامي ( وابتسمت معاه)...
رامي: مابينا شكر ياحلوة، واليوم كان حلو بوجودك ❤️
ولسة راجيانا طلعات تاني حلوة ...
(رفيف خجلت من كلامي وابتسمت إبتسامة خجولة)
رفيف: ان شاء الله ، يلا تصبح على خير ، بس بالأول اتفضل خش سلم على ناس البيت ...
رامي: اسي الزمن اتأخر شوية ، مرة تانية ان شاء الله..
رفيف: طيب ماف مشكلة ، يلا مع السلامة ....
رامي: رفيف ...
رفيف : نعم ...
رامي : اليوم كنت حلوة شديد ( وكان بعاين ليها في عيونها )
رفيف اتوترت وخجلت وماعرفت تقول شنو ، قالت ليهو شكرا ونزلت سريع من العربية من دون م تتلفت وراها..
رامي حس بإرتباكها واكتفى بإنو يبتسم بس .....
........
كلام رامي ونظراتو وتروني ألف ، ماعارفة ليه بحاول يلعب بأعصابي ، يبقى علي هو وكلامو الحلو م بقدر م بقدر 😭 .....
لما دقيت الباب آسر فتحو لي ، الصراحة كنت خجلانة منو ؛ يعني راجعة في زمن متأخر وأكيد حيكون عارف اني كنت مع اخوه لأنو حسون كلمتو إني ماشة سنقنيب
رفيف : مساء الخير آسر
آسر : مساء النور رفيف ...حمد الله على السلامة..
رفيف : الله يسلمك ...
آسر : كيف كانت رحلتكم ...
رفيف : كانت حلوة والله ، انبسطت ...
آسر : لالا كويس انك انبسطتي ، ستقنيب جميلة جدا ...
حسون جات طالعة من جوة وقالت لي روفا حبيبتي حمد الله ع السلامة ، اسي كنت عايزة اتصل عليك اقول ليك ليه إتأخرتو كدة ....
رفيف : الله يسلمك حبيبتي، وصلنا مع المغارب بس مع زحمة السير وكدة اتأخرت في طريقي للبيت...
آسر مشى خلانا برانا واستلمتني حسون بالأسئلة هههههه؛ حكيت ليها الحصل كلوو اليوم والبرامج العملناها ، بعدها قلتة ليها بس اغير ملابسي واستحم واصلي وبفرجك الصور ، أو لبكرة ان شاءالله بوريك ليهم عشان اسي الزمن فات ، قالت لي خلاص حبيبتي لبكرة ان شاء الله، اسي امشي اخدي ليك راحة بتكوني فترانة وفي اكل جاهز في التلاجة بسخنو ليك بعد تخلصي أكليهو ، قلتة ليها والله بطني ملااانة لمن ماف طريقة ، يلا تصبحي على خيير .....
..... مشيت اتحممت وصليت ورقدتة في سريري ، جسمي كان واجعني ومرهقة شديد ، طوالي نمتة من الفتر ....
تاني يوم لقيت رامي مرسل لي في الواتساب ، طبعا شلنا أرقام بعض ، كان مرسل لي صباح النور ياحلوة ، بيني وبين روحي قلتة هو في حلو غيرك ههههه ، رديت عليهو صباح الورد كيفك وكيف مع تعب أمس، قال لي تماام الحمدلله انت كيفك ؛ قلتة ليهو كويسة بس وجع ضهر مبالغة ، قال لي سلاامتك، حاولي اخدي ليك راحة كافية ، قلتة ليهو ان شاءالله، المهم بعدها طلع من الدردشة وتاني م اتكلمتة معاه الا اليوم التاني بالمساء ؛ لقيتو مرسل لي صورنا الجماعية الصورنا ليها لبيب ، ومعاهم الصور الصورنا ليها لما كنا أنا ورامي قاعدين في الممر بنتونس ، بصراحة عجبتني وخطفت قلبي ، كنا زي عصافير الحب هههههه ، شكرتو على الصور ودردشنا شوية ....لقيت ميعاد مرسلة لي يابت ويينك اختفيتي كدة اليومين دي مشتاقين يخخ ، قلتة ليها الشوق بحرر والله ، ماحبيت احكي ليها بموضوع الرحلة الفاتت خايفة تشغلها لي ، المهم اتونسنا مسافة وقالت لي عازماك قهوة انت وحسناء يوم الأربع ، قلتة ليها الاربع شغالة والله ، خليها الجمعة أو السبت ؛ قالت لي خلاص تمام يازوله كلمي حسون و وروريني اتفقتو على ياتو يوم ، قلتة ليها طيب ......
كلمتة حسون ؛ وقالت لي نمش السبت عشان الجمعة جيرانهم عازمنها عرس ؛ كلمتة ميعاد قلتة ليها السبت ان شاء حنجيكم قالت لي ظاابط.......
الاسبوع عدى سريع ، الخميس اتلاقيت مع رامي في المستشفى بالصدفة جمب البوابة سما صحبتي كانت معاي ... سلم علي وسألني من ناس البيت ، بعد مشى سما قالت لي حاساكم لايقين مع بعض ، ماشفتيهو بعاين ليك كيف واااي بس ، ضربتها في كتفها وقلتة غيتو انتي جنك دراما اوفرر ، قالت لي انا غيتو احساسي بقول لي انكم في الحلقة الأخيرة حتعرسو بعض وشوفي كلامي ، قلتة ليها يلا خلاص بديتي للكلام الخارم بارم ، خلينا نسرع الشمس حارة .....
....... السبت لما جاء ، بعد م فطرنا اتجهزنا ومشينا ل ناس ميعاد ، رحبو بينا ، شربنا معاهم القهوة واتونسنا ؛
ميعاد ساقتني غرفتها وتمينا باقي ونستنا برانا .....م طلعنا الا بعد نادونا للغداء ، قلتة ليها وبعلي معقولة الزمن فات كدة ولا حسينا بيهو ، قالت لي الونسة جرت بينا شديد هههههه ، لما طلعنا لقيناهم مجتمعين كلهم م شاء الله ابوهم ورامي وحتى آسر جاء،، قبيل ماجاء معانا...
كانو جايبين بيتزا وفطاير وسمك وكرسبي يعني منوعين من كل الأصناف دة غير الحلا والباسطة والمشروبات الغازية ، بقينا مع الونسة والضحك والتشغيلات، كزملاء واصدقاء كلهم حلوين في بعضهم بصراحة حبيتهم وحبيت علاقتهم ببعض ، بعد م فطرنا استرحنا شوية و واصلنا المتبقي من الجولة ، بعدها الناس انقسمت البتصورو بتصورو وفي الحايمين مستمتعين بالمنظر، انا كنت شغالة تصوير ومستمتعة بالمنظر جداا ، مشيت وقفتة في حافة الممر وكنت بعاين في الموية تحت ، بعدها قعدتة عديل ودليت رجول لتحت ...
رامي : احم احم ...
رفيف اتلفتت وراها : اهلين رامي ...
رامي : مالك قاعدة براك ...
رفيف: كنت بصور وفترتة من الحوامة وقلتة اقعد هنا ارتاح شوية والمنظر الصراحة حلو ...
رامي : حلو زيك ...
طبعا من التوتر عملتة روحي ما سمعتة قال شنو ، بعد قعد جمبي ونزل رجولو لتحت برضو ...
رفيف: جيت كم مرة هنا ...
رامي : مرتين ودي المرو التالتة؛ المرة الأولى قبل تمنية سنة والمرة التانية قبل أربعة سنة ...
رفيف: م شاء الله والله ، استمتعت حظك...
رامي : عشان كدة حبيت انك تجي معاي المرة دي عشان متأكد انها حتعجبك ....
رفيف: رامي شكرا على الرحلة الحلوة ؛ بصراحة انبسطت شديد ، ما كنت متوقعة في يوم اني ازور سنقنيب شكرا انك صنعت الفرصة الجميلة دي ....
رامي : ماف بينا اي شكر يارفيف ، اصلا تستاهلي كل شي سمح ، المرة الجاية ح أوديك أركويت من اسي خليك عارفة وفي دنقناب برضو ظابطة ، كل م نلقى زمن نطلع اذا ما عندك مانع ....
رفيف : (ابتسمت) اكيد ماعندي مانع ، هو انا لاقية عشان اقول لا ....
رامي : اذا اتفقنا ( ورفع كفو ، رفيف رفعت كفها وضربت كفو ) ...
لبيب: اووو جو اللوز شنو غانجين براكم، راعو لينا شوية يخخ ( كان فاكرهم مرتبطين)....
رفيف : لا ماكدة ، تعال اتفضل شاركنا الونسة ....
لبيب: طالعين حلوين وانتو قاعدين بالوضعية دي خليني اخد ليكم صورة ...وطوالي صورنا كذا صورة ...
بعد خلص قال لينا بعد تخلصو ونستكم تعالو في السنتر عشان حناخد صور جماعية وبعدها حنتحرك عشان الزمن فات ، نحاول نبكر قبل الغروب .... قعدنا شوية وبعدها قمنا ، رامي قام قبلي وبعدها مد لي ايدو عشان اقوم ، ولا إراديا بقينا بنعاين في عيون بعض ، بس انا أزحت نظري وقلتة ليهو نمشي ... قال لي اوك نمشي...
مشينا اتصورنا كذا صورة جماعة بالكاميرا حقت لبيب ، كان جايب معاه كاميرا كانون، وقال الصور حينزلها ليهم في القروب بعدين ...
بعدها خلاص غادرنا سنقنيب 😭😭😭😭 كانت رحلة من الموووت وتجربة مستحيل تتنسي ❤️❤️❤️
♡♡♡♡♡♡♡♡♡♡♡♡♡♡♡♡
*عند هند *
مواعيد عرسها خلاص جات وخلاص باقي يومين بس ، عزمو كل الاهل والجيران ب إنو الجمعة عاملين كرامة..
حجة التومة قالت بعد الكرامة حيعملو ليهم جرتك ويستلمها راجلها... هند ما كانت عايزة جرتك ولا غيرو ، بس قالو ليها لازم يتعمل .....
رقية كلمت مهيد انها حتمش تقعد مع هند اليومين ديل لحدي م يتم العرس وحتجي راجعة ، وافق ليها ومشت..
رقية : م شاء الله ي هند لون جسمك ظبط تبارك الله ...
هند : والله ي رقية اتدخنتة زي ١٦ يوم وبعدها وقفتة طلعتة القشرة وكنت برطب كتير ....
رقية : عاد ماشاء الله م يسحروك، البشوفك والله م بقول انك معرسة قبل كدة ، اصلا انت حلوة شديد ي هندوية ، أسامة بختو بيك ....
هند : حلوات عيونك حبيبتي....
رقية : ليه حاسة بيك متوترة ، ملامحك ملامح زول مرتبك أو خايف حاجة زي كدة ، المفروض تكوني مبسوطة ي هندوية ...
هند : ماعارفة يا رقية بس الأسبوع دة من بدايتو حاسة بتوتر ماعارفة من شنو ....
رقية : هو السبب معروف حبيبتي، التوتر الماقبل العرس دة اي واحدة بتعاني منو ....
هند : رقية ماعارفة اقول ليك شنو ، بس للان شايفة أسامة زي اخوي وما قادرة اتخيلو أكتر من كدة ....
رقية : قصدك ماقادرة تتخيلي انو انت وهو مع بعض وكدة ...
هند : بالضبط كدة ي رقية ...
رقية : بسيطة حبيبتي، بكرة بعد تتزوجو حتحسي كل شي عادي وطبيعي ، ونظرتك تجاهو حتتغير ....
هند : ان شاءالله...
رقية : اها بالنسبة لملابس النوم اشتريتيها صح ...
هند : لالا ...
رقية : اجي يخواني بتهظري اكيد ...
هند : جادة والله ، اصلا ما حقدر البس قدامو حاجات زي دي 😭
رقية : اجي؟ ، ي مرة انت عويرة ولا شنو؟ اذن متزوجة الراجل ليه؟ عشان يعاين ليك وتعايني ليهو ، اكيد لا طبعا ، وكدة كدة حيحصل حيحصل الفي بالك ف خلي العوارة واسي انا بمشي السوق بجيب لي ارواب ....
رقية مشت السوق واختارت ليها ارواب وملابس داخلية وجات راجعة، هند لما شافتهم قالت ليها مستحييل تقدر تلبسهم قدامو ؛ رقية قالت ليها انت قبل كدة كنت متزوجة وعادي بتلبسيها اسي الجد شنو ؟ قالت ليها داك كان راجلي ؛ رقية ضحكت وقالت ليها اها واسامة دة شنو؟ مش حيبقى راجلك برضو ، هند سكتت ماعرفت ترد بشنو ، بس امكن عشان اخو راجلها الله يرحمو وكان بمثابة اخوها ، وفجأة حيبقى زوجها فالموضوع كان شوية صعب بالنسبة ليها ......
لاتينيان ميكب ، طبعا بظبط الليب كومبو بصورة ظابطة شديد ..... قبل م اطلع حسون لقيتها عملت لي الشاي جاهز وملت لي البوتيل حقتي موية باردة ....
لما شافتني قالت لي تبااارك الله سماحة سماحة ماشفته زيها ، أول شي انت حلوة شديد ودي م نقطة م دايرة ليها نقاش تاني حاجة اللبسة ماكلة منك حتةةةة تالت حاجة الميكب خراااافي ومن بكرة تعمليني الليب كومبو دة بتظبطيهو كيف بموووووت لو م اتعلمتو ؛ قلتة ليها ليها حبيبتي انتي عيووونك الحلوة وحاضر بوريك تظبطيهو كيييف ، شوية كدة رامي اتصل علي وقال لي هو خلاص جمب البيت ، قلتة لحسون يلا ي قلبي مع السلامة ، قالت لي م تنسي اتصوري صور حلوة واحكي لي كل التفاصيل يلا بالسلامة حبيبتي ......
♡♡♡♡♡♡♡♡♡♡♡♡♡♡♡♡♡♡
مهيد لما رجع من شغلو لقى رقية بتحضر في التلفزيون ، قال السلام عليكم ، ردت عليه السلام وقامت شالت منو الاكياس الفي ايدو ودتهم المطبخ ....
بعد ما مهيد استحم وغير ملابسو ، جهزت ليه الاكل ختتو ليه وعايزة تخش جوة ، قال ليها وانت م عايزة تاكلي ؟ قالت ليهو شبعانة باكل بعدين ، قال ليها لا تعالي اكلي ان شاء لقمتين انت مرضع لازم تتغذي كويس ، قالت ليهو شبعانة انا يا مهيد لو جعانة اكيد باكل ومشت خلتو ....بعد خلص اكل شال الصينية دخلها المطبخ وعمل كبايتين شاي شالهم معاه الغرفة حقتهم ، مد ليها كباية الشاي ، عاينت لي بإستغراب وقالت ليهو ماكان تتعب روحك كان تناديني اسويهو ليك ، قال ليها كفاية انت تعبانة من . شغل البيت ... بعدها سكتوا الاتنين ، رقية حلفت ماتفتح خشمها ..
مهيد : رقية حبيبتي...
رقعت رفعت عينها عاينت ليهو ...
قام قعد جمبها وخت ايدو في ايدها...
مهيد : زعلانة مني ؟
رقية ماردت عليه ...
مهيد : حبيبي ممكن تردي علي لو سمحتي ...
رقية : اقول ليك شنو يامهيد ...
مهيد : لسة زعلانة مني ...
رقية : انت شايف شنو؟
مهيد : شايف انك لسة زعلانة ...
رقية : طيب ليه بتسألني ....
حضنها عليهو طوالي وقال ليها آسف إني جطتة فيك أمس بس انفعلت لما رجعتي متأخرة، انت عارفاني بخاف عليك ....
رقية : مهيد انت عارف اسلوب الجوطة دة ما بنفع معاي وبزعلني شديد ....
مهيد : اسف حقك علي ...
رقية : انت ليه بتعمل فيني كدة ( وبدت تدلع في الكلام )
مهيد : اسف حبيبتي متزعلي مني ، انت عارفاني عصبي ولما اكون زهجان مابعرف اتحكم في زهجي..
رقية : بس دة معناه انك تجوط فيني وتجرحني بكلامك
انت قاسي ي مهيد ( وعصرت ليها دميعات طلعتهم من ماف هههههههه ، كلمتكم رقية حنك دي م ساهلة🤣)
مهيد قال ليها اششش حبيبتي عليك الله م تبكي عشان خاطري ، عارفاني بحبك قدر شنو ومابقدر على زعلك ، وباسها في شفايفها ....
رقية : لا م تبوسني زعلانة منك انا( وزحتو منها بدلع كدة ) هو ابى يبعد عنها وقال ليها حبوسك وح بوسك ، بقى ببوسها مرة في خدودها ومرة في انفها ومرة في شفايفها ومرة في رقبتها لحدي م جاب راسها وضعفت قدام حركاتو دي وحصل الحصل .... وبكدة شكلتهم انتهت وتاني رجعو زي السمن على عسل وكانو م حاصل شي .....
**رقية ذكية شديد وبتعرف كيف تستخدم كيدها ، لما اتزوجت مهيد كان صعب صعب شديد بس بحنكها وذكاءها مخلياهو زي الخاتم في اصبعها والحاجة دي غايظة نسابتها شديد ، وحالفين انها كاتباهو *
هند بقت شغالة ترطب ودخان ، بتنظر بعد ما محمد يطلع من البيت حتى بتولع حفرتها لأنها كانت بتخجل من ولدها وشايفة انو تدخن في وجودو حركة م ظريفة ، عكس بناتها كانو بشجعو امهم ولو نست تتمسح بجيبو علبة المرطب بمسحوها كانو متحمسات أكتر من امهم هههههههه ...
أسامة كان بتصل ليها طوالي بطمن عليها ، وبشوف ناقصها شنو ، اصلا هو اوردي منزل ليها قروش في حسابها عشان تشتري بيهم احتياجاتها....
قبل أسبوعين من المناسبة أسامة حول ليها قروش الشيلة حقتها عشان اي حاجة تكون من اختيارها، هي ماكنت عايزة عايزة شيلة والامور دي شايفة انو ماليها لازمة بس أسامة قال ليها دة حقك وانت ليك حرية التصرف في قروشك .....
بما انو القروش كتيرة كانت ؛ جزء منها اشترت بيها خاتمين دهب والباقي اشترت ليها شوية تياب وملابس بيت واشترت لاولادها برضو ملابس ...
دعاء : ماما حتلبسي زفاف؟
هند : عاد قولي كر زفاف شنو ي بتي ....
داليا: ليه يا ماما عليك الله البسي زفاف ....
هند : ي بنات انتن جنيتن ....
داليا: طيب حتسافرو شهر العسل وين ...
هند حدرت ليها وقالت ليها شايفاكم ارتحتو ليك شديد ، يلا يلا قومن شوفن ليكن شغلة ...ماف أي زفاف ولا شهر عسل ، اصلا عقد عادي من دون جوطة وكرامة بس بنعزم فيها الاهل والجيران ....
دعاء: بس كدة ، انا بعد ما اتحمست وقلت حتلبسي زفاف وحتعملو عرس كبير واعزم صحباتي 😭
هند : في عرسك ان شاءالله ي بتي، أما امك دي كبرت على الأمور دي ...
.......
يتبع...
رقية : اهلين محاسن كيفك...
محاسن : تماام الحمد لله اخبارك شنو يازوله....
رقية : الحمد لله في نعمة ...
محاسن: طبعا امس بالمساء كنت مقيلة مع ناس نصرة بت عمتي وجيت بالمساء كدة قلتة اسلم عليكم بس م لقيتك ؟
طبعا هنا رقية عرفت ليه أمس مهيد جاط فيها كدة ، اكيد حرشتو ملت ليه راسو واسي عايزة تشمت فيني عشان عارفة اخوها صعب ....
رقية : ااي صاح مهيد كلمني ( خالص ما قالت ليها انو مهيد م كلمها ) كنت مقيلة مع بت خالتي ....
محاسن: ايواا ...
المهم اختصرته في الكلام وقفلت منها، كانت عارفة اتصالها دة مغرزة وحركات منها .......
رقية قالت بينها وبين نفسها المراة دي مالها معاي؛ ليه مصرة تخرب لي بيتي ، ليه حاقدة علي للدرجة دي ، كرهتني حياتي لما كنت عايشة معاهم ، واسي بعد ما رحلتة بيتي براي مصرة تدخل لي في حياتي ياارب صبرني ....
**رقية كانت ساكنة مع نسابتها في بيت واحد بس نجضوها نجاض وروها النجوم عز الضهر ، بالزات محاسن دي مداقراها بصورة مبالغة ، محاسن اكبر من رقية وما متزوجة .... فكانت بتغير شديد من حب اخوها لرقية عشان كدة بتحاول تفتن بينهم وتعمل بيناتهم مشاكل لحدي ما مهيد زهج من اختو ومشى اجر لرقية بيت براها حتى بعدها ارتاح من مشاكلهم .......
♡♡♡♡♡♡♡♡♡♡♡♡♡♡♡♡♡♡♡
*عند رفيف*
بعد ما رامي وميعاد وصلوني البيت ، حسون قالت لي اها ان شاء الله انبسطو، قلتة ليها والله اتونسنا وقضينا وقت حلو ، آسر قال لي بعد كدة الله يعينك ، ميعاد ح تحومك بورتسودان دي كلها ، زولة عاطلة جنها مرقات هههههه ، قلتة ليهو أحلى شي ماف اظبط من المرقات ههههههه ، اتونستة معاهم شوية وخشيت غرفتي كنت نعسانة شديد ، بعد غيرتة ملابسي ورقدتة عشان انوم بقيت بتذكر نظرات رامي لي بالمراية حقت العربية ،
طريقة كلامو وابتسامتو وهدوءو ، من اول انطباع الزول بعرفو انو راقي وبرستيج .....
نمتة وانا حاضنة المخدة في حضني ومبسوطة شديد ......
تاني يوم لما فتحتة الواتساب لقيت ميعاد رافعة صورنا مع بعض وكاتبة كلام حلو خش قلبي ، انا عملتة اسكرين للاستويز ورفعتهم في حالتي ، سهام صحبتي لما شافت الاستوري حقي قالت لي خلاص لقيتي ليك صحبة لمن بترفعك استوري وبتكتب ليك كلام حلو عاد بختك 😏 ضحكتني عرفتها حست بغيرة شوية ، رسلتة ليها ريكورد وانا بطبل ليها وبراضي فيها هههههه عسل والله سهام دي ، غيرة الصحبات صعبة 😹😹😹
****
كان فاتح الاستوري حق ميعاد وشغال يكبر في الصورة ويعاين ليها ، لقى روحو منجذب ليها شديد ، قال بينو وبين نفسو أول مرة تلاقيني انسانة بمواصفاتها ، زولة ناتشورال وعلى طبيعتها ما متصنعة، محترمة وحتى ملامحها فريدة ؛ فيها شي بجذبني ليها زي المغناطيس
.........
عدت الايام والصدف بس بتجمعني برامي لحدي مافي يوم لقيتو مرسل لي مسج في المسنجر ، قال لي رفيف كيفك ، اللحظة الشفتة فيها المسج دي والله قربتة اتدردق من الفرح رديت عليه عادي، وياهو سألني من احوالي والشغل لحدي م شوية شوية بقينا بناخد وبندي في الكلام ، عرفني عليهو أكتر، عرفتة انو درس في تركيا شالوهو منحة ، حكى لي عن الصعوبات الواجهتو هناك ، المهم عرفتة عنو كم حاجة ..... بقينا بنتراسل مع بعض شبه يومي لدرجة اني ماكنت مصدقة انو انا بتراسل مع الكراش شخصيا 🤣🤣 رغم انو كلامو ما كان كتير بس برضو مسج منو بغير لي مودي ، بس بقيت بلوم روحي على العوارة البعمل فيها دي والانبراش الداخلي دة، انا طالعة من علاقة توكسيك وعايزة اتعافى اقوم اجي اتعلق لي بواحد مابعرفو لي غير فترة بسيطة ....
****
والله يافردة دي اول مرة تعجبني بت للدرجة دي واحس اني خلاص عايزها وحأكتفي بيها .....
طيب منتظر شنو امشي أتقدم ليها ....
حاليا لسة شوية ، عايز نتعرف على بعض اكتر ...
اها ماوريتني زولتنا دي منو ، زميلة معاك في الشغل؟
والله حاجة زي كدة ، هي ي داب بتعمل في الامتياز ...
كوييس والله ربنا يسهل ليكم ان شاءالله
اميين ....
صح ماكلمتك ، انا وبعض الزملاء والزميلات قررنا نمش جزيرة سنقنيب ف رايك شنو تنضم لينا ....
ماعندي مشكلة قداام
وعلى فكرة ممكن تكلم زولتك دي برضو اذا بتقدر تنضم لينا ( وغمز ليهو)
والله فكرة حلوة ح أكلمها وأشوف ردها .....
ظااابط يافردة ......
يتبع
من اللحظة الوصلو فيها البيت ومحمد كان مهتم بأمو اهتمام شديد ،كان مشرف على اكلها وشرابها وادويتها، وكل شويتين بجيها خاشي في الغرفة يطمن عليها ، أما بالليل فكان بشيل مخدتو وبرقد جمبها ..... كان خايف عليها شديد بين كل لحظة والتانية بسألها أمي حاسة بشنو ، أمي واجعك شنو ، أمي اجيب ليك شنو ، هند بالرغم من انها كانت عيانة بس مبسوطة بإنو ولدها جمبها وبهتم بيها ، شعورها ماكان بيوصف ...
بعد كم يوم بدت تستعيد صحتها وحتى انها بدت تباشر شغل بيتها بس أولادها ما كانو بخلوها تعمل شي بس بقولو ليها ترتاح .....
......
في الفترة دي أسامة كان عايش ايام سيئة ، مدبرس وزهجان ، ولما يتصل لهند بلقى تلفونها قافل ، قال بينو وبين نفسو يعني كدة خلاص هند ضاعت مني؟ بس انا بحبها ، ومستحيل اقدر أتجاوز محبتي ليها ، اعمل شنو ياربي عشان تبقى لي زوجة ، اااخ استغفر الله .....
.......
محمد قعد بينو وبين نفسو وفكر كتير شديد ولقى انو ما المفروض كان يتصرف بالطريقة دي ، لأنو تصرفو دة اناني ، وامو من حقها تتزوج تاني وتعيش حياتها ؛ لسة شابة والحياة قدامها طويلة وحرام عليهو انو يقيف في طريق سعادتها .....فبعد مناوشات كتيرة مع روحو مشى لأمو وقعد تحت رجولها ومسك ايديها ....
محمد : أمي ...
هند : نعم حبيبي ...
محمد : اعفي لي ...
هند : على شنو يابا ...
محمد : اعفي لي على تصرفي السئ وعلى وقاحتي وكلامي الجارح ، اعفي لي لاني السبب في مرضك وزعلك يمة وقعد يبكي ...
هند قومتو من الأرض وحضنتو عليها ، عافية وراضية منك دنيا وآخرة ياحتة مني ....
محمد : انا موافق يمة ، موافق انو انت وعمي أسامة تتزوجو ، اصلا عمي بحبك ومتأكد انو حيسعدك يمة ...
هند : ياولدي الموضوع دة خلاص انا قفلتو ، وخلاص رفضت انا ما حاتزوج ، حاجة انت ماعايزها انا مابعملها ...
محمد : لا ياأمي المرة دي انا الحأمشي لعمي وأكلمو اني موافق ...
هند : بس ياحبيبي
محمد : مابس ياأمي عليك الله ماتقولي لا عشان خاطري ، انا عايزك تكوني مبسوطة ، عايز اشوف البسمة مرسومة في وشك ، أمي انت تعبتي عشانا كتير فتستاهلي كل حاجة حلوة في الدنيا دي ، وباس راسها ❤️❤️❤️❤️❤️
يتبع .....
# هوى القلب#
(10)
بقلم : غزل وليد
*
شارد وين يافردة ، اليوم مالك قالب وشك كدة ما عهدناك....
جر نفس طوييل وقال ليهو ما قادر انسى ، انا ماقادر انسى العملتو ياحيدر ، انا لسة عايش في عذاب الضمير وقدر ما حاولت انو اعتبر الفات مات وانتهى ماقدرت ..
ياا فردة الموضوع دة ليهو سنيين يخخ المفروض تكون نسيتو زماان ، وماتنسى انك تبت وندمت وحتى انك عملتة عمرة عديل ف ربنا اكيد غفور ورحيم ، حاول انسى وابدأ صفحة جديدة يخخخ...
حاولت ، حاولتة كتيير ياحيدر بس ماقادر وحاسي بالذنب لسة موسخني وملطخني ....
ياأخوى استهدي بالله ، واي انسان في الدنيا دي بغلط ، وخير الخطاؤون التوابون ، ندمك دة براهو يعتبر توبة ....
*
* عند رفيف *
اليومين دي أطباء الامتياز عاملين إضراب قالو ما بشتغلو الا يدوهم حوافزهم ، لأنو ماممكن نكون شغالين كدة وم يدونا ولا جنيه حق المواصلات ما بدونا ليهو ، المهم الإضراب استمر يومين ، تالت يوم فكوهو وادونا حوافزنا ...
في اليومين الفاتو الكنت ما شغالة فيهم ، طلعنا مشينا عروس قضينا فيها يوم ظريف ، وأحلى حاجة الأجواء الرهيبة دي ....كنت بوثق كل اللحظات دي وبصورها ، برسل لاخواتي اول بأول ههههه وسهام صحبتي برضو كنت برسل ليها الصور ، قالت لي كويس ي وسخة انت بهناك غانجة ومبسوطة ، خليتيني براي مابنساها ليك هههههه ، قلت ليها الظروف ي قلبي لو م كدة ما كنت فارقتك ولا خطوة .....
في المستشفى بشير بقى بضايقني بنظراتو ومحاولتو انو عايز يستلطفتي وبحاول يستظرف معاي ، كنت بتجاهلو عسى ولعل يحس ويفهم اني ما عايزاهو وانو حركاتو دي بتضايقني شديد، بس لا حياة لمن تنادي ، قررتة اتكلم معاهو عديل واواجهو ، قلتة ليهو يبطل حركاتو دي واني مرتبطة عشان يحل مني للأبد، قال لي عليك الله انت جادة مرتبطة؟ قلتة ليهو ايوة ، قال لي تسعدي ان الله والحمد لله من يومها بطل يعمل حركاتو ديك .....
.........
اليوم لما رجعتة من الشغل لقيت نسابتها ل حسون قاعدين معاها ، أم راجلها واخت راجلها ميعاد ، دي الكان مشينا خطوبتها ، سلمو على سلام حلوو ، وقعدتة معاهم بملابسي حقت الشغل اتونستة معاهم مساافة ، م شاء الله ظريفين شديد سكر بس ، بالزات ميعاد دي وناسة ونسة رغم انو دي اول مرة نتكلم فيها مع بعض ، بس خشينا شديد في بعض وديك الونسة والضحك ، قلتة ليهم بس اخش اغير ملابسي دي وبرجع ، قالو لي طوالي حبيبة ....
خشيت استحميت وغيرتة ملابسي ، وطلعتة ليهم ، واصلنا ونستنا ، ميعاد عرفتني عليها ، خريجة أشعة وحتى حكت لي قصة حبها مع خطيبها وكيف اتعرفو على بعض ، دة كلو في قعدة وااحدة حسيتها ارتاحت لي شديد ، وحتى انا ارتحتة ليها والله ....
قعدو اتغدو معانا وشربو الشاي لحدى ما آسر جاء سلمو عليهو ومع المغارب كدة قامو عشان يمشو ، آسر قال ليهم يستنوهو شوية عشان يوصلهم البيت ، ميعاد شالت مني رقمي وادتني رقمها ، سيفنا أرقام بعض وقالت لي نتواصل أن شاء الله في الواتس .....
........
بعد مشو قلتة لحسون ، نسابك عسسسل محظوظة عدييل انتي ، قالت لي اي والله طيبين شديد وظريفين ، قالت لي شايفاكم انتي وميعاد اندمجتو شديد في الونسة واتصاحبتو، قلتة ليها بصراحة حبيتها وحسيتها طيبة وعلى نياتها ، قالت لي والله فعلا ميعاد كيوتة شديد وطيبانة .....
.......
بالليل لما فتحتة الواتس لقيت ميعاد مرسله لي ياعسل ، رديت عليها هلا ي قلب ، بقينا بندردش عادي مع بعض ، شوية شوية لحدي م بقينا صحبات شديد ، بترسل لي ع طول بتحكي لي تفاصيل يومها ، وانا برضو بحكي ليها تفاصيل يومي ، قلتة اخيرا لقيت لي صحبة وناسة وعسل .....
.......
الصباح لقيتها مرسلة لي مسج ، قالت لي المساء لو فاضية عازماك في توينز ، قلتة ليها خلاص تمام لبعدين نتلاقى بس لما تكوني طالعة اديني خبر عشان اجهز قالت لي قداام ....
بعد م رجعتة من الشغل ، دوامي بخلص الساعة 2 طبعا
، كلمتة حسون انو ميعاد بعدين عازماني في توينز ، قالت بختككك امشي سااي انبسطي ، توينز بعد المغرب رهييب شديد وحتى عندهم فعاليات ظابطة ، طبعا اتحمست وبقيت بفكر البس شنو للطلعة بعدين ....
اخدتة لي نومة عشان أنعنش شوية ، صحيت حوالي خمسة ونص لقيت مكالمة فايتة من ميعاد قبل عشرة دقايق ؛ رجعتة ليها وقلتة ليها معليش كنت نايمة ، قالت لي نسيتي موعدنا ولا شنو ، قلتة ليها لالا متذكراهو بس كنت منتظرة اتصال منك ، قالت لي اجهزي طيب نتلاقى بعد نص ساعة ، قلتة ليها تماام ، دخلتة الحمام اتشطفتة اصلا استحميت قبيل لما جيت من الشغل وماعندي صلاة عشان كدة عملتة منكير طقم التيشيرت الحألبسو ....
التيشيرت اوفر سايز مع بنطلون جينز واسبورت وشنطة يد صغيرة ، لبست ساعة في أيدي الشمال وخاتم فضة ، اللوك كان سيمبل بس راقي ....