يوم العاشر الموت ردته يمر عليه
واتلوع مع حسين. بأرض الغاضريه
هواي اتأخر اهواي كون بشحة الماي
ردته يمر عليه
*********
ساعة طيحت الأكبر ردت منك تجيني
ويا موتي تره ترحمني وتسكن ونيني
ما اتحمل افراك الاخو ينزف حنيني
ضهري منحني وتخلص بجي كلهن سنيني
وحزام الضهر راح. والأكبر بجيته
واليفكد اخو اهواي. يتمنه منيته
ما ضلي اخو اوياي. كون بشحة الماي
ردته يمر عليه
*******
مات الأكبر وانه انتظر يمته تمرني
وي رمله تره شفتك صبع قاسم تحني
اشكد اتوسلت بيك واخذني ما اخذني
تاخذ جاسم وانه تخليني اعله وني
وجه القاسم ينور. ومضويتنه شمسه
مو انت التمر بيه. ردنه يمرنه عرسه
رمله نادت ارباي كون بشحة الماي
ردته يمر عليه
********
ردتك وي كمر هاشم تمر يا موتي اليه
وي طيحة جفوفه ينتهي عمري الاذيه
وي كسرة ابوي انه ردت تلفي المنيه
تاخذ عمي وتخليني يا موت شقضيه
طاح الكافل وراح. والطيحه ثجيله
ضل متحير حسين وتنوح العقيله
ضل تايه بلا راي كون بشحة الماي
ردته يمر عليه
*******
حين الضل ابوي الوحده واسمع ينادي
ماكو ناصر الينصرني ضد هاي الاعادي
جم مره اطلعت وانت التردني يا حدادي
ما مقسوم اموتن وانفطر مني فؤادي
ابقه بخيمتي راد موتي وما يجيني
ويبقه وحده حسين وانه بنص ونيني
كلبي ما رضا بهاي كون بشحة الماي
ردته يمر عليه
*******
ويا موت الطفل لمن بجه وبعيوني شفته
وجهك راسمه يا موت شفته انه بدمعته
مكطوعه ركبتي ولا شفت كطعة ركبته
ماخذ روحي يا هالموت ولأمه انت عفته
وأمه بأسوء أحوال من شافت ابنها
ست أشهور ويموت يا مكثر حزنها
رايح ضوه عيناي. كون بشحة الماي
ردته يمر عليه
********
ضليت انتظر يمته تجي وبكلبي جمره
اشلون اتاخرت يا موت حين انكطع نحره
طلعت روحي يوم الداست الخيل اعله صدره
ما ميز صرت هذا الصدر لو هذا ضهره
بهاي الساعه ما اجيت. مطحونه عضامه
حركوا كل الاخيام. واحتار بيتامه
ما عدنه بقه افياي كون بشحة الماي
رديته يمر عليه
الحوافر ع الصدر صارت تبچلا
تبي قلب الاخو مدري تبي. اچلاه.
الأرض وي السمه كامت. تبچلاه
على الصار وجره بأبن الزجيه
يا ليلة العاشر. آهات ودمع
بيها ألم حافر يكسر جم ضلع
باجر تصيح الناس هايه اخت عباس
يا ليلة العاشر يا ليلة العاشر
*********
ليله متروسة دمع بيها معلوگ الشمع
ليلة احزان ويه الاخوان. ليله اولها الوداع
ليله تحبس بالنفس. تختلف عن ليل امس
اموادع احباب والكلب ذاب ليله آخرها الضياع
آه يا ليلة العاشر تزهگ الأرواح من كثر البجي
فقط بس نظرات تخلص محاضن وماكو حجي
يا حسرتي ونوحي ولحظات الألم
استقبل اجروحي والحيل انهدم
مكطوعت الأنفاس. هايه اخت عباس
يا ليلة العاشر يا ليلة العاشر
****'***
مني ينزف جم جرح من يمر طاري الذبح
حزني يكثر. عمه الأكبر كمت ابوسه واحضنه
يا شبابك يالولد. قل أعوذ من الحسد
اعليك نقره. لجن نبره. بيها حسره ومحزنه
امك الليله تحضنك خلها وتبوسك يعمه يا علي
لأن باجر ميت انت وملبسك دم وترايب يمتلي
يا محله اوصافك. تشبه لنبي
يا عمه واشفافك تذبل يالأبي
ليلى تدك الراس هايه اخت عباس
يا ليلة العاشر يا ليلة العاشر
*********
رمله مهضومه وتون. وتنظر لصوب الابن
تسمع الصوت باجر يموت هاي آخر ليله أله
ارسومه مو مالت فكد. والذبح مو للورد
جاسم يروح . يترك اجروح. الحنه دمه بكربله
مو لسكنه يصير عرسه يصير للحومه الزفاف
الوالده حكها اعله ابنها من تون واعليه تخاف
يا جاسم اوليدي رمله نادته
يا تعبي ووحيدي. تبوسه وشبكته
مجروحة الاحساس هايه اخت عباس
يا ليلة العاشر يا ليلة العاشر
********
من كضيت من الشباب. اتوجهت صوب الرباب
تنادي يمه آأييمه والفكد ما ينحمل
موقف اجروح وفضيع من تناغي بالرضيع
يا دللول. اي يمدلول. باجر يموت الطفل
باجر بدمه يتروه مو بماي وينكطع منه النحر
حسين يجيبه ألي حتى امه متحس بأي خطر
عبدالله ما يرجع بالنبله انفطم
كلب امه يتلوع. نصين انجسم
صاب الكلب وهواس هايه اخت عباس
يا ليلة العاشر يا ليلة العاشر
**********'
يم كمر هاشم اجيت ينظر اعليه وبجيت
ها يخويه. يأبن ابويه ها يكفال الخدر
الدكلي صدره بخدمتي وكال ينشف دمعتي
باجر يطيح. دمه ويسيح. وانه اروحن لليسر
ها يعباس ابو الغيره وين وعدك يا كفيلي وتعتذر
ليش بالطف تترك اختك ابلا محامي وي الشمر
يا ابو الفضل وينك اختك رادتك
وسفه تسد عينك. وانه بعازتك
صعبه يبو النوماس. هايه اخت عباس
يا ليلة العاشر يا ليلة العاشر
******'
حسين كاعد ينتظر. دمعه يجري ومنكسر
ليلة اوداع. والصبر ضاع. حيره حيره بطيحتك
خويه يا ابن فاطمه الأرض تبجي وي السمه
تدري باجر بيوم عاشر خويه ساعة ذبحتك
تسحك الخيل اعله جثتك تكسر الأضلاع لمن تنسحك
تبقه عاري امسلبينك زينبك بالخيمه خويه وتحترك
ومكاسر اضلاعك. خويه ينسمع
تسمعهن اعيالك. وتصب بالدمع
من تهجم الارجاس هايه اخت عباس
يا ليلة العاشر يا ليلة العاشر
بجيش الشمر واحد يحاجي الثاني
معقوله طيحنه الكمر. وبلا جفوف اعله النهر
والسهم طايح بالنظر. هذا صدك يا صاحبي الشفته اني
****
من برز عباس حتى الهوه شح
والشرد والباقي ما واحد فلح
الما يموت بسيفه بالخزره انجرح
وغصت الحومه بجثث والدم طفح
ما خله مهرب واليموت احسله
واللهْ ما يرحم احد وبركضته يموت الشرد
منجل سنابلهم حصد. ما شفنه والله بالكمر اي خله
**
من بعيد انعاين وشفناه گرب
بكثر ما بالسيف گاطعها الرگب
نهر ماي انشوفه والجيش الحطب
كلها ترجف مثل رجفات الكصب
ما شفنه واحد ما تغير لونه
ياهو النعايله انخطف لونه بكثر ما هم رجف
والدم البوجه نشف. كلها تنادي من الكمر لحكونه
*
شفنه نص الجيش واكع عالارض
وثاني نص الجيش شارد معترض
هاي مو كل عركه واشويه وتفض
اطلابه والعباس بيها المنتفض
ما تنحل بكعده وفصل يا هالناس
لا بيها عطوه ولا صبر. لا تشد رايه وتعتذر
لا بيها تسهيل الأمر ما تخلص الا من يطيح العباس
***
هو كل هذا الجره وهذا الكلام
احنه مو بالجيش بل خلف الخيام
الكابل العباس خل يقره السلام
لا تهمه اسيوف لا كثر السهام
ماكو حلول الطيحته والغدره
يا زلمه يگربله متر نصين والله ينشطر
ما يوكع الا بالغدر بهاي الطريقه فقط احنه انعثره
*****
وين نشرد ماكو رجلين التعين
خلّصْ الجيش وبقينه احنه الثنين
انحلفك يا ابو الفضل بأم البنين
كافي يا عباس لعيون الحسين
يالما تثني طكتك لو طكيت
انترست الحومه دمه. كافي يبن حامي الحمه
كل الجثث متخذمه اشكد روس بالطف باابو فاضل طشيت
*****'
مثل شخصه ما يجي ولاله مثيل
صار بالطف جنه حماي الدخيل
عالمهر صاعد ولا شفناه يميل
حمل نهر العلكمي وفضاه سبيل
بقاموسه ما تلكه ابد كلمة خوف
ما تلكه قاعدة العدد. تمحي الشجاعه من الوتد
ما بقه بالطف اي احد. هذا دليل وموش بس كثر احروف
يا كمر ما عاتبك وادري العتب يجرحك
يا كمر فوك الذبح لو عاتبت اذبحك
انتهى حجينه. و ابتده بجينه
*******
خويه متروسه حزن روحي من اجيتك
بلا جفوفك يا ابو فاضل لكيتك
ما اسولفلك يخويه اشكد نخيتك
خويه ولهذا السبب ما عاتبيتك
جم جرح مني نزف يا ابو الفضل يألمك
جم صبر مني انهدم يا خويه واني يمك
وادري ما تجينه. وابتده بجينه
********
ردت احضنك ما كدرت ابلا جفوفك
وتدري بيه لو احضنك ما اعوفك
اتحاول بجسمك تجي يمي اشوفك
واني اعذرك خويه واتقبل ضروفك
لو يصح بيدك يخي تحضني وانه ادري
لو يصح ياهو الكدر يوصل يمسه خدري
راح أضل حزينه و ابتده بجينه
*****'****
العلكمي مني خذك يا ابو الحميه
من عسن مايه نشف هاي المسيه
همه يكسرلي ضهر بالغاضريه
ابلا اخوتي تالي مكيوده وسبيه
والوضع كلش صعب درب السبي اذيه
بلا رحم يا كافلي تدري انت آل اميه
بالضرب سبينه. وابتده بجينه
********
انت ضل اعله النهر وانه غريبه
اطلع من امصيبه وادخلي بمصيبه
جرحه مفتوح الفكد خويه حبيبه
العبره والحسره تضل هيه نصيبه
والبجي وكثر الألم والمرجله علينه
من بعد ايدك يخي صار الحبل بدينه
من وكع ولينه. وابتده بجينه
*********'
راح اروحن والشمر هذا أجاني
احتمي بصدرك يخي لو ضل مكاني
بيده سوطه وبالضرب منك خذاني
يرفس بضهري يا ابو فاضل سباني
والشتم فوك الضرب ما ينسمع شتمهم
تنشتم بنت النبي ومقدسيها امهم
وهيه بالمدينه. وابتده بجينه
******
بعد عينك تالي اركب عالهزيله
ضلي ما ينشاف من كد ما نحيله
عيشتي صارت بعدكم مستحيله
الخارجيه اسمي جان اسمي العقيله
الكوفه كلها تنتظر زينب تجي عليها
الشام أهلها محضره احجار وشتم وليها
وانشتم عليّنه. وابتده بجينه
ضلت ادموعي تصب والمرض كلش صعب
بويه يحسين بويه يحسين
*******
بويه منتظره تجيني والله ملت روحي
اجروحي تنزف كل دقيقه يالمضمد اجروحي
اشلون ترضاها أضل اوحيده انه ونوحي
شنهو صاير لو كلتها ويانه حملي وروحي
اشلون ترضاها انوح واشبع آهات وجروح
بويه يحسين. بويه يحسين
**********
علَتي صارت سفركم بويه مو علِتي المرض
والحزن من شاف رحتوا كام وعليه انتفض
ليش يا بويه ابقه وحدي بغربتي وهذا انفرض
حتى طيفك شح عليه وردته جم مره ورفض
ضلت ادموعي تهل. والبعد ما ينحمل
بويه يحسين. بويه يحسين
*******
بعد ما ضل عندي طاقه وخلصت كل الحچي
من سفركم كلي بويه لو تجي لو ما تجي
والنظر قل عندي كلش تدري من كثر البچي
اعليك جنت انتچي هسه ع الجروح انه انتچي
طفله ما احمل ألم بكلبي مشتعله خيم
بويه يحسين. بويه يحسين
**'******
والله حيره يا زماني ابقه تالي ابلا هلي
لا رقيه ولا سكينه ولا القاسم لا علي
عمي ابو فاضل الغالي اتأخر وماجه الي
عمتي زينب ما اجتني وكلبي بالهم ممتلي
بويه وانت ما اجيت. اتأخرت لو هم نسيت
بويه يحسين. بويه يحسين
**********
إيست وكطعت ضنه وماكو رجعه وانتهت
هاي خاتمت العليله وهاي ساعتها ابتدت
ويا منيه ما تجيني روحي حيل اتعلعلت
روحي من كد الاذيه اهواي والله اتمرمرت
بويه واسمع مني صوت. ماكو راحه الا اموت
بويه يحسين. بويه يحسين
يا جرح خدامك اشكد نحب ايامك
********
حسين يا ثورة عشگنه الخالده بگلوبنه
حسين اسمك شمعه يضوي في ضلام ادروبنه
يالملكت اعقوال ناسك يالصرت محبوبنه
ندري يحسين بخدمتك تمحي كل اذنوبنه
من نحس بآلامك. اشكد نحب ايامك
*******
سيدي ولأيام حزنك حضرينه ادموعنه
واللطم والحرگه صارن هنه كل موضوعنه
سيدي ولضلوع صدرك كسرينه اضلوعنه
آه يحسين ومصابه ابهالشهر مسموعنه
لو ذكرنه اخيامك اشكد نحب ايامك
********
مو فقط شهرين ردنه السنه كلها ايامك
بلكت يخفف عزانه من جروح اسهامك
من خدمتك لا تضنها تنزعج خدامك
بنص گلبهم نار تسعر مثل نار اخيامك
انعيش دور ايتامك اشكد نحب ايامك
**********
هذا مو عاشورك وبس هذا هم عاشورنه
والدليل بكل مأآتم من نرض اصدورنه
لنحرك انقدم مناحر فدوه كل انحورنه
وندري ما نوفيك ذره يا اصل دستورنه
فدوه لأجل اجدامك اشكد نحب ايامك
*********
يصير واجب ثوب الأسود سيدي ملبوسنه
وبالمدارس ثورة الطف هيه كل ادروسنه
آه يحسين وخدمتك تزكيه لنفوسنه
يالخدمتك شرف النه وبيها نرفع روسنه
نرتفع وي هامك. اشكد نحب ايامك
**********
عالوعد نبقه بخدمتك مثل يوم انصارك
سيد الاحرار اسمك واحنه صرنه احرارك
بس طلب عدنه يغالي وطلب من زوارك
يعجل المهدي بطلعته حتى ياخذ ثارك
الثار من ضلامك. اشكد نحب ايامك
يا الله
اللهم صل على محمد وال محمد
قصائد محرم الحرام لهذه السنه
1444 هجريه 2022 ميلاديه
نسألكم الدعاء
أعجز اوصفك يحسين يالتشبه الضوه
يالعطشت ماي العذب ما عطشك هوه
ما بللت شفتك. ما تنحني شفتك
من وين ادورك حجي يحسين واحجيه
البشر يرويها العذب بس انت ترويه
تاريخهم ما ينقري عبدالله يطويه
وتاريخك المحد كدر يتقرب اعليه
يمجنن اعقول الناس ومحبتك فرض
لولا وجودك يحسين ما تسوه هالأرض
للموت ما عفتك. ما تنحني شفتك
****'*******************
دورت كل كتب التي تحجي على الطفوف
حاولت اجمعلك وصف منجمعت احروف
لولا دمع عيني يصب لجلك ولا اشوف
ومنك تعلمنه تره ما نعرف الخوف
شامخ بقيت اعله الدهر ما دنكت راس
ولهل السبب يا سيدي اتحبك الناس
والدنيا خادمتك. ما تنحني شفتك
*************************
يحسين يمحير البشر بمحبتك هاي
والما يحبك سيدي طلع الف راي
معقوله بأرض الطف صبح كل همك الماي
ولكربله يا ابو علي انعرف السبب جاي
تطلب صلح من الناس ماجاي عالعذب
همه الأجو يرتكبون ما اجيت ترتكب
معروفه كل جيتك ما تنحني شفتك
**************************'**'
صح منذبح يا سيدي وتعرفك الناس
لاجن قضيه أسست ومثبت الساس
وابسط دليل اعله الرمح ما دنكت راس
ما تنحني يا ابو علي وبالضهر عباس
ابنحر ثبت الدين يالمالك الفخر
والنعم منك يحسين والنعم يالكمر
والنعم من بختك. ما تنحني شفتك
***************************
اشوصيت زينب من طحت فهمنه يحسين
كالوا خلص دين النبي وماباقي كل دين
ما عرفوا بزينب علي ام النساوين
اتكمل مسيرة كربله وبدمعة العين
تشبه أخوها العباس بالقول والفعل
والشمر شك زينب هاي لو هذا ابو الفضل
والنعم من اختك. ما تنحني شفتك
******'***********************
امتددت قضية كربله من قبل للآن
ولهذا يومك سيدي كل شيعي حزنان
عدنه نشيد ابهالشهر ونرفعه أذان
واويلي واويلي على المذبوح عطشان
يبقه نشيدك للدوم بصواتنه عله
هيهات والله هيهات ما ننسه كربله
ما ننسه سالفتك. ما تنحني شفتك
نسألكم الدعاء
على راسك بناتك يخي. يومن
بعد يوم ونطب للشام . يومين
شفت راسك وكف ما مشه. يومن
طاحت ع الارض بنتك رقيه
بالمنام. مرني طيفك بس اشوفك واكع
بالمنام ع الأرض متمدد انت تنازع
بالمنام. ما اجيت وبالحقيقه ما تجيني
************************
بويه يحسين بحلمي شفتك وانغمه بحلمي عليه
بويه يحسين المهر خالي وانت واكع عالوطيه
بحلمي جذبت الحلم جذبت العيون
يكون كل شي الا هذا ابد ميكون
حسين واكع وانت تصهل ها يميمون
والمصيبه بالسهام الجسد مدفون
كل شي لا بالحقيقه هيج اشوفك دامي
كل شي لا لخاطرك جذبت كل أحلامي
كل شي لا. تدري هذا هو والله اليأذيني
********************
اشلون واشلون. حاولت من حلمي افز وانسه الرعبني
اشلون واشلون. ما كدرت وهذا يا بويه القلقني
شفت منظر آخر بحلم الأذيه
بخيمه محتركه شفت اختي رقيه
اتصيح بابا بابا ما تلحك عليه
وانت باقي ابلا نحر بالغاضريه
اشكد جروح. بالحلم اني شفت يا روحي
اشكد جروح. من شفتها أنسيت حتى اجروحي
اشكد جروح. شافت بحلم المآسي هاي عيني
********************
يا هضيمه قبل لا افز بثواني مرني منظر
يا هضيمه عمتي زينب تنظرب اللهُ أكبر
هاي زينب والكفلها عمي عباس
هسه تمشي ويالأجانب ماكو حراس
هاي ما اعقلها حتى بأخر انفاس
هاي تكسر ضهر مو بس تجرح احساس
يا كفيل. هيج اسمع عمتي من تنادي
يا كفيل. حظر الناكه واجانه الحادي
يا كفيل. الشمر تالي يا ابوفاضل يمشيني
*******************
ابجي من دم. من كعدت من الحلم ألكيت روحي
ابجي من دم. والمصيبه زايد ولا ادري نوحي
انظر القاروره من دم بويه صارت
يعني أحداث الحلم هالساعه دارت
يعني خيل العده ع النسوان غارت
يعني عمتي اوحيده بالايتام حارت
ما يصير. بويه اترجاك ود مرسالك
ما يصير. بويه بلغني بجميع أحوالك
ما يصير. هيج ناري تشتعل لا تخليني
****************
اصفنت لحظه ومثلي يا بويه تره اليصفن يموت
اصفنت لحظه. والهوه بالريه ما يقبل يفوت
بويه زادت علتي زادت جروحي
بويه ملت من حزنها هاي روحي
جنت اتمنه ترد هذا طموحي
جلمه الله وياج زيدت بويه نوحي
ما يهون. اعليه هذا المرني يا ابو الغيره
ما يهون. ترضه بنتك تبقه بويه بحيره
ما يهون. زاد حزن القلب يالغالي أونيني
*************
اي والأيام. تاكل بصبر اليتاني اعزاز روحه
اي والأيام. تزود المشتاك كل مغرب جروحه
روحي خلصت على الباب من هد الوداع
والسفينه اتضيع بويه بكسر الشراع
ضاع عمري من اثركم هالمسه ضاع
وهسه ما ادري اعله مهرك لو على الكاع
راح اموت. وكلمه الردوا هلج بأحلامي
راح اموت. من بعدكم حيل صعبه ايامي
راح اموت. ما اجيت وبالحقيقه ما تجيني
ضاع الحيل يالكافل. شنو الحيل
ادور حل بعد عينك شنو الحل
يالتسألني عني حالي شنو الحل (الحال)
مشيت مكيده وي آل اميه
ابلا محرم والله ما إلي عيشه
اشلون يطير طير ابلايه ريشه يا أبا عبدالله
*****************************
على الفطره منن اخلقنه وعلى الفطره قلبي دك
بسمك وكل نبضه انت واحس بالنار احترك
منهو غيرك ضحه ولده وضحه روحه وانسحك
منهو غيرك يبو اليمه صدره وي ضهره انطبك
الما يحبك هذا خله بصله
لو عقله لو قلبه يبدله. يا أبا عبدالله
********************************
نعمة الله انت علينه وما نعرف النعمه هاي
خيرنه كله بوجودك سيدي وروحي ورجاي
ما اعوفك لحظه وحده لو خذو مني هواي
انت ماي واحنه ندري سر حياة الدنيا ماي
يا ولينه يالمالك نهايه
انت حسين كل الدنيا هايه. يا أبا عبدالله
**************************
سيدي ولو ما خدمتك حالنه حال السراب
وابد ما صارنه صيت ولا خلقنه من تراب
انت باب الله الوسيع وما ندك كل غيره باب
واليعوف الباب لحظه خله يتحمل عقاب
متمسكين ما لحظه نعوفه
والعباس الكطعوا جفوفه. يا أبا عبدالله
***********************
سيدي باليقضه صرنه نخدم بوكت الحلم
يعني انت عشت بينه وبخدمتك نلتزم
كل سنه نحي المآتم وبلطمنه نحتزم
شيعه وحسين النه قائد اشلون بله ننهزم
القائد حسين والعباس ضهره
جيشنه هاذ ياهو الي يكسره. يا أبا عبدالله
***************************
كل سنه من يهل هلالك سيدي كل العباد
تخيم اللوعه عليهم لبسوا اهدوم السواد
لو بجوا تلكه ابدمعهم زينب وخيم ورماد
لأن انت حسين الهم جنه والباب المراد
يبو اليمه يالضحيت روحك
الك خدام أكثر من جروحك. يا أبا عبدالله
********************
الله لا يحرمنه منك سيدي طول العمر
وكون اتمنه من اموت يصير مأتم بالكبر
واحنه ندري يبو الأكبر امك اهناك اتحضر
تبجي دم مو دمع والله وتلطم بحركه الصدر
تنادي حسين يبني مكطعينك
واه ويلاه يمه الله يعينك. يا أبا عبدالله
يا بتوت القلب نايم اعله الترب
بعدك كسر ظهري الدهر وينك
****************************
ينبضي وكل حياتي وشمعة ايامي
يروحي انت وعليك معلقه أحلامي
ولا أبالي اشوفك عالترب دامي
وسافه يبني واكع منذبح ضامي
يبني ياضنوتي انت كل غايتي
والله متت من القهر وينك
**********************
يجاسم والوداع وياك ياذيني
وحقك من فكدتك طشن اسنيني
من كثر البواجي مجرحه عيني
وأنه ميته بغيابك ياهو يحييني
والبقه بس جسد ينتظر يا وعد
روحه مشت روحة سفر وينك
****'' '' '' '*******************
جنت احلم ازفك بيدي واتهنه
ولا ادري بدمائك يبني تتحنه
بعد عينك ييمه ارمله سكنه
وغدت تنحب عليك وتجذب الونه
واليموت بعرس بيته ون ينترس
وأهله يفكدون النظر وينك
************************
الورد ذابل على ضفة نهر جاري
وعاكول الوكت يتسيد انظاري
يربي لا تطفي البالكلب ناري
خليها توج وي نزلت اعباري
يا وسافه الوكت قاسي منه الشفت
ضامي الورد يم النهر وينك
************************
يون قلبي من اشوفن شاب اكبالي
ويظل سيل الدمع من الجفن هالي
رحل من عندي شاب وراحت آمالي
ويعيش الغالي غربه لو فكد غالي
وانطفه كل شمع. بالألم والدمع
ضل عايش بعيني السهر وينك
*********************
ييمه الوالده التفكد ضناها اتموت
وعلى اجنازتها والله ما يبين صوت
ردتك يبني تحظر لو اجه التابوت
وانت التمشي بيه للكبر زاتوت
يا حلاة الابن. يمه وكت الدفن
بيده تره الكبر ايحفر وينك
قصيدة شهادة الإمام علي ابن الحسين زين العابدين عليه السلام
Читать полностью…
وكع لحسين يا زينب عليه وين
عليه ابجي دمع عيني. عليه اون
صحت من سلبوا خدرج. علي وين
يعمه يحضرج آبهاي الرزيه
بنات حسين ها كعدن انامن
وردت اسهر ولا مره انامن
يشامت انت تعرفني انا من
زينب هسه صرت الخارجيه
رافعه لرب اديه ربي رد ابني عليه
احلئ ما بالدنيا هيه شوفته
*******
ارتجز ابني ومشه صوب المعسكر
والكلب وي الابن مات وتفطر
الله يحفضلي شبابك يمه الأكبر
ساعه لأن وجه الابو شفته تغير
حالتي صارت عجيبه. كالمحب فاكد حبيبه
روحي من بعده كأيبه بروحته
*********
شنهو صاير عالولد ضل يجري دمعي
كلي روحي لخيمتج يا ليلى وادعي
ابدعائج كل خطر عن ابني منعي
من رجعت الخيمتي مختلف وضعي
امشي واجدامي اتَعثر لوني كل ساعه ايتغير
وانه كل امنيتي الأكبر رجعته
*******
يا إلهي اعليك امشي غربة حسين
يلي رديت العزيز وگرت العين
تردلي ابني لحضني وتخفف هالونين
سالم ويشبكني اتمنه انه هالحين
ساعه لأن ابني شبكني وانترس حنيه حضني
اغلئ من اعيوني ابني. وحضنته
******
لون بيدي ابني ما لحظه اعوفه
براسه ابوسه وساعه ابوسنه بجفوفه
من العطش ذابل علي انه اشوفه
اشفافه فطرها الضمه وصابتني خوفه
انكلب اتمنه جربه وانترس ماي واشربه
فدوه اروح انه لكلبه ومهجته
*********
امودعه بالله ورسوله يمه انتي
راح اروح وما تشوفين الا جثتي
صاح بويه من العطش ذابت مهجتي
كله جيب السانك وحطه اعله شفتي
حط لسانه وجرحه دامي ضامي مطروح اعله ضامي
واسمع ينادي أمامي. بدمعته
*******
ودع حسين ومشه وخذ روحه وياه
غالي يا ناس الابن ما يرخص ادماه
كام ابو اليمه يلوج وتبجي عيناه
ساعه لن شفته فزع وتمدد حذاه
امكطعينه موذرينه علي من جابه علينه
نحنه بالخيمه وبجينه. بموتته
كل الحجي وي البجي ذرفته
خويه الگمر تدري الضهر كسرته
خويه. طايح. خويه رايح
*******
وگعت وكلمة الخويه اسمعتها
يبو فاضل تراني اتعجبتها
ولا بعمرك يخويه انت گلتها
وانه ابهالساعه حيل استصعبتها
شنو الصاير يخويه عذبتني
اجي ليك وكأنك ما شفتني
يخويه جمرة فراگك جوتني
يعباس بوگعتك موتتني
لمن طحت انه متت يغالي
صعب الوضع بس الدمع صفالي
دمك سايح خويه رايح
**********
اعاين ع الجفوف امگطعيهن
يخويه وزينبك ما تدري بيهن
الله يعينها لمن تجيهن
اضنها اتموت يالكافل عليهن
يعباس السهم طافيها عينك
على هذا الألم الله يعينك
يبو گلب الحنين مگطعينك
جربتك باقيه تبجي اعله ادينك
ضليت اون واني الحزن كتلني
كل الجره قاسي تره وجرحني
راح المالح خويه رايح
*********'' '
يالما تقبل بحضني من اخليك
ولا عن الشمس خويه من افيّك
تگلي من يسويهن هذن ليك
من توگع يخي ما اكدر أحميك
اعيوني من الدمع هالراح يعمن
يخي مثل الخيم هم ما يسلمن
تضل اهنا بعد يا خويه المن
تگلي ابلايه ماي اشلون اردن
تضل يالگمر يم النهر منيه
من المفترض نرجع تره سويه
بموتك سارح خويه. رايح
*****'' *****
رجعت من النهر مكسور ضهري
يمن فرگاك شيب الي شعري
اعاين ع الخيم واحتار بامري
من تسألني زينب شنهو عذري
الله يعين كلمن بالمخيم
من يدرون ابو فاضل تهشم
زينب تسأل وانه اتألم
عمود الخيمه اطيحه بلكي تفهم
طاح العمد قلبي انمرد يزينب
راح الكفل دمعي نزل يزينب
صار. الصايح خويه رايح
**×*****
زينب صاحت وگلبي لجمني
ما صدك وگع خويه الكفلني
اشلون يموت هو الي وعدني
بيده يجيبني وبيده يردني
حرت واشلون اصبرها العقيله
دمه ابدال الدمع گامت تسيله
صعب حال الرحل منه كفيله
اشلون وهو ابو فاضل خليله
زينب تون هذا الحزن كتلها
حگها تدگ راح الذي كفلها
لوني شابح خويه رايح
*******
راح الكافل وكل ذكرياته
راح الجان المدلل خواته
عافني اون بين الشماته
ميت كون انه بساعة مماته
ابو طول الحلو يا حلو الملگه
ويا عباس مو كل فرگه فرگه
مثل خوتك خويه وين الگه
بگلبي فركتك خلتلي حرگه
ما تنحمل فرگه الاخو عجيبه
يالروحتك خويه الگمر مصيبه
يبقه. النايح خويه. رايح
لو حضنك لو ما اريد دمعي يصب وني يزيد
يا بويه الغالي ذايب دلالي
******
حميده انه يبويه ودمعتي بخدي
لا انت ولا خوتي البقوا عندي
بده جرح اليتم يا والدي يدي
وعمي يم بناتي ايكلي جا كعدي
ضل يمسح راسي حسين واسمع من صدره اونين
والمدمع هالي ذايب دلالي
********
رقيه تنادي لمن سمعت اونيني
علامج يا حميده يأختي حاجيني
وحدها هالبواجي انزرعت بعيني
يخيه وكمت احس دلالي ياذيني
ما ادري شنهو الصار وبكلبي اشتعلت نار
ما ادري بحالي ذايب دلالي
*******
اجتني عمتي من سمعت اصياحي
تكلي اشبيج عمه ونزفت اجراحي
ع طولي كمت وايدي على اصفاحي
اظن هالساعه ابويه عمه مو صاحي
حضنتني وتبجي وياي. الوالد ميت لو جاي
عمه احي آمالي. ذايب دلالي
*****
علّه صوت المناحه والدمع هامل
واجه عمي الحسين وعمي ابو فاضل
يسألوني عليمن والشنو حاصل
من صحت اعله ابويه اتألم الكافل
يدرون الصاير بيه بس ما يحجولي اعليه
والنايح عالي ذايب دلالي
******
على الوالد يعمي احجيلي وشسوه
يكلي بالحبل لأبن الفسق جروه
يبنتي ابلا رحم من والدج قتلوه
ومن قصر الاماره للأرض ذبوه
مغمي اعليه بهالحين. من كمل عمي حسين
موت اليحلالي. ذايب دلالي
*********
بعد ياهو اليسدها خلة الوالد
الله يعينه كلمن للأبوه فاكد
يجي كل لحظه حزنه والدمع زايد
رحل دفئ الابوه وضل الصدر بارد
الموت احسن ليه هواي. ولا اشوفك مو وياي
ياهو اليبرالي ذايب دلالي
مثل الشمعه حالي والهوه افراگ
كل لحظه انطفي وكل لحظه اشتاگ
راحوا ما يجوني أهلي وضيعوني
*******
مشوا عني الحبايب وحدي ضليت
بعدكم يا هلي ضل موحش البيت
وحقكم من جلوس الليله صليت
لأن حيلي خلص واصبحت كالمِيّت
ما تسوه الحياة بغير الاحباب
اتمنه بعدكم طمني التراب
كلش عذبوني أهلي وضيعوني
** *******
المن اشكي علتي والمرض شين
وأهلي بكربله وكلش بعيدين
لا عمي الگمر لا بويه الحسين
لا سكنه ورقيه وتدمع العين
لا عمتي الأجتني وسألتج اشبيج
ها عمه شجاج وشنهو ماذيج
والله موتوني اهلي وضيعوني
********
مو بس المرض بل علتي هواي
الورده اتموت لو ما تنرش بماي
الابو فوگ الابنيه غطه وفياي
الاخو احزام الضهر للأخت وفاي
وبلايه الحبايب ضلمه الايام
وتلاشت بعدهم كل الأحلام
لمن فاركوني اهلي وضيعوني
**********
اليتركله عليله بأسوأ الحال
من الواجب يودي الها مرسال
يسأل عن مرضها وعن الأحوال
مو جني أسيره مكيده بحبال
لا مرسال منكم لا اكو اخبار
بنص الگلب ضلت تلهب النار
اعليكم طمنوني. أهلي وضيعوني
******
فوك الباب انه صبيت العيون
وتنطر خبر بلكت تردون
من اذكر سكينه تهيج المتون
شنهو الصاير ودم صابغ الكون
ليش الگلب يلجمني من اناديك
سالم كلي بويه وكلشي ما بيك
لا لا تجرحوني أهلي وضيعوني
*****'*
منكم راح أيس ماكو اخبار
لأن ما ظن بعد تلفون لدار
ضل دمعي بدربكم يهلي تذكار
الله اليعلم وبيكم شنو الصار
هذا آخر حجي من العليله
صارت عيشتي من المستحيله
أهلي ما خذوني. أهلي وضيعوني
اشما تمر بينه أعوام يومك فلا ناسينه
يالحبك احلى من الماي لونعطش يروينه
**'* '*''**'***
يحسين يا ثورة عشكنه الكبرى
مو فقط حبيناك يأبن الزهره
بل جننتها اعقوال هاي الخدام
مو غايه حبك لا وحقك فطره
امجازينه حبك يحسين بهذا الفعل حسينه
*********
بحبك فخرنا يا نبعنه الصافي
جمرك بنص اكلوبنه ما طافي
نتمنه مثل اعيالك احنه مولاي
فوك الجمر يوميه نركض حافي
لا ما نوافي اشما صار لو كل مسه يجوينه
*********
هذا الهوه بيه طعم من انفاسك
عزنه وفخرنه انت وي عباسك
ما صارت ولتصير هايه يحسين
مذبوح لاجن باقي شامخ راسك
مرتفه روس الخدام براسك يبن والينه
********
ما خسر كلمن حَبك ويتنومس
العادك من لمسة حنانك يفلس
اشكد فرق بين الهوس بكطع الراس
وبين الذي يم المخيم هوس
هذا الفرق يا مولاي احنه وليّعادينه
********
ما نترك الخدمه لما تكضي الروح
ما عدنه قلب الحبك وما مجروح
نتوارث الخدمه وعزائك والآه
ولو مات جيل يخضر لجيل النوح
من الزغر يا مولاي حبك اهو مربينه
***'**'***
ملهمنه دوم بخدمتك ملهمنه
وبخدمتك يا سيدي وفقنه
لو ذره انرجع جميلك يحسين
هذا اليهمنه وغيره لا ميهمنه
نبقه بخدمتك كل عام بهذا الطلب خلينه
ما مصدك راح ابويه الغالي. همل دمعي وانمرد دلالي
الدنيا صارت مظلمه من رحل حامي الحمه
****
مر خريف فراك وجهك عالخضار
بويه ذبل واختلف حتى النهار
كلشي صبح يا علي بروحه انكسار
بروحي ضلت تشتعل يا بويه نار
يموت كلمن فاركها اعيونك دنيا ما تسوه ابد من دونك
والمصايب مؤلمه من رحل حامي الحمه
'****
بويه أريدك والله ما اريد الهوه
لأن ويه الهوه اشتمك سوه
كلبي بفراكك تره حيل انجوه
والفرح لمن رحت مني انطوه
والله ما ينحمل فكد الوالد. يعين كلبه والله كلمن فاكد
بقلبي نار ومضرمه من رحل حامي الحمه
**
بويه فكدك جم ضهر النه حنه
وعكب عينك والله ما شفنه الهنه
العيد ما اريده يجيني ابهالسنه
لأن بويه بموتتك ميت انه
اشلون حالي بفركتك ياغالي. من تروح اتروح كل آمالي
بعد امي فاطمه. من رحل حامي الحمه
*'***
الدار وحشه والحزن بيها كثر
الله كون يطبره لراسك طبر
من الدمع ما باقي بعيوني نظر
وسفه تالي تبقه ع الحايط صور
والله تاذيني الصورعالحايط. بروحي نارمن المصايب شايط
تنزف اعيوني دمه. من رحل حامي الحمه
'*'*
بويه ايتامك بقت تبجي وراك
كون ياخذنه علي الموت الخذاك
اليتم عله والشفه الهم دواك
شنهو نفع الدنيا لو ماكو هواك
ذولي ايتامك اجو يم بابك. حسو بطعم اليتم بغيابك
والمآسي قادمه. من رحل حامي الحمه
**
الخيمه طاحت واليتم أصبح اكيد
العيد بعدك بويه ما يسمى عيد
بعد ايدك ألزم اني ياهي ايد
بموتتك يكرب الي ذبح الوريد
بويه تكرب كربله ودموعي وتسحك الخيل وتهشم اضلوعي
ابقه جثه مخذمه. من رحل حامي الحمه
نسألكم الدعاء
يا ابو الغيره وحدي بحيره اجروحي اجبيره وانت على الشط ومذبوح
___________________
طحت وطاحت خيمة زينب ياكفالي اشلون بهاي
يا بعد اختك انهض يله وعوف الجيش وعوف الماي
تقبل يا ابو الغيره اتألم وحدي وما احد وياي
تكعد لو اجيك ومنكسره واضهرلك يا خويه ادماي
من امتوني تبچي اعيوني متشوفوني من كل جسمي الدم مسفوح
********************
جيتك عالشاطي ومهضومه والگيتك خويه بلا اجفوف
تعبني السوط وعذبني وانته ادريك بعين اتشوف
ما هماني الجيش وبختك لا همت رجليه اسيوف
مترجيتك تكعد هسه ترجع عالعاداك الخوف
و اشكد سهله السيف اتحمله تكثر قتله وفشله اتضل عالشط مطروح
********************
ما تشتم دخان اخيمنه وكل الجيش اعلي مگلوب
چم طفله احترگت واطفيها يا ابو الغيره بهذا الثوب
ما تدري احسينك عالغبره واكع ياخويه ومسلوب
محبس ايده اشكد دورته الخنصر مگطوع ومغصوب
واشأحچيلك اشكد ابچيلك سلبوا حيلك كامت تنزف خويه اجروح
*********************
هاي آخر گعده بدنيانه وعنك يا ابو الغيره انروح
اختك تمشي ويالذبحتك منهم تشبع ون ونوح
باب احزاني بعدك تدري ما ينسد لحظه ومفتوح
يا جرح اليضمد يالكافل وانه بگلبي اتزيد اجروح
يا آهاتي يا حسراتي يا دمعاتي ما تكظي ولا يكظي النوح
*******************
اشكد صعبه وتكسر بالخاطر كلمة الله وياك اوداع
جنت اتمنه من احچيها يا عباس اطمني الگاع
ما اشوفك بعيوني ويعمن يالشوفي من اوداعك ضاع
عمري اسفينه وغرگت خويه من اتكسر من عدها اشراع
اعيوني ورمشي مكدر امشي شالوا نعشي ياريت ولا عنك اروح
***********************
بسبي وهيمه ودمعه التجري وهايه ولا بياش اتلوگ
ويا عباس اعليه اهوايه انفتحت خويه اشماته احلوگ
صاحوا كلهم وين الكافل من زينب يردون احگوگ
والاصعب يا خويه اعليه حرمه اشلون اصعدها النوگ
ماكو كافل دمعي هامل اعليه نازل سوط ومن يضرب مسموح
الدهر وليه عكب عينك. ولاني
انكلب ابيض تره شعري. ولوني
اصفَر لا عشت خويه . ولا اني
ميته ولا رحت ويآل اميه
راح اخوي وراحت أيامه التضمد اجراحي
راح اخوي. وأنه من بعده لزمت اصفاحي
بعد ما يرجع إليه. راح اخويه من اديه
********'**********************
راح اخوي وراحت أيامه الحنينه
هو راح وحركوا الخيمه علينه
راحت ايام الفرح صارت حزينه
وأنه من كربله جرحي للمدينه
وين اروح وأنه حرمه خويه متحاجيني
وين اروح ضاعت ايام الفرح واسنيني
هذا ظيم الغاضريه. راح اخويه من اديه
******************
راح عباس ورحت انت من اديه
شنهو اسوي وحدِي بالغاضريه
هاي اول مره محد يبقه إليه
وأنه أول مره امشي ويآل اميه
والجروح. خويه من راسي لحد أجدامي
والجروح. من شفت محتركه كل اخيامي
من شفت تصرخ رقيه راح اخويه من اديه
*******************
ليش اجه يصهل علينه هذا مهرك
لا تحيرني يبو السجاد بأمرك
كلي قلبك وينه خويه أوين نحرك
خويه من كثر السحك ما أشوف صدرك
يا حسين. شنهو عشر اخيول اشوف اكبالي
يا حسين. جسمك من السحك باقي خالي
يا حزن هاي الرزيه. راح اخويه من اديه
*******************
خنصرك شنهو يخويه ما اشوفه
هم مثل عباس مكطوعه جفوفه
لا تخلي دمعتي من دم ذروفه
هذا مهرك يمك ويصهل تشوفه
لا تنام. وأنه لحظه والشمر يسبيني
لا تنام. وانهض وامسحلي دمعة عيني
لا تخليني بأذيه. راح اخويه من اديه
******************
ما ترد يحسين مو اختك وحيده
اشلون ترضه تنضرب بنت الصميده
راح اروحن لأبوفاضل ارجع ايده
خويه وارجع جسمك وارجع وريده
لا تكول. هاي آخر لحظه بيني وبينج
لا تكول تبقي لا عباس لا احسينج
وحدي أظل ابهالمسيه. راح اخويه من اديه
************************
انه اختكم كبل وياكم اميره
من بعدكم صرت يا خويه أسيره
امشي مسبيه وحرت بأيامي حيره
اخلافكم ياخويه وجهي وين اديره
راح اموت ولا أضل مسبيه طول ايامي
راح اموت. وخل تموت ويايه كل ألامي
خل تجي ليه المنيه. راح اخويه من اديه
يكله حسين هذا اليوم يوماي
مشه بس ع المخيم صار. يوماي
اترسها جربتي رووس. يوماي
بس اشر يبن حامي الحميه
لسان حال السيده رقيه (ع)
غفيت وشفت ابوي حسين بالطف
(بالطيف)
اجالي وما حضني ليش؟ بالطف (بالطاف)
عليه وكتله عفتك جسد بالطف
ذبيح مرضرض من اخيول اميه
