2385
❥ ⤵ ↓˓❁⸀🎵 أن سكت في سكوتي رزانهہ وأن تكلمت يا عرب سموا علي #لبيهـ, يَ أنـا 😩 .. https://telegram.me/joinchat/CKBtX0FHSUkGZHmoqZT2KA .. @hams1899 لتبادل @algamdayh07
المعـذره ،، يا صمت لامن تكلمت
دام السكوت احيان يصبح جريمه
بعـض المواقف تجبـرك لا تألمت
انك تضيف لـ عزة النفس قيمه 👑
ياحي طبع اللي يصـون الصداقه
حتى لـو انّـه … مـا تعنّـى و سيَّـر
ٰ
يحفـظ أصول المعـرفه.. والعلاقه
ويبقى على طول الدّهـر ماتغيّر ..
مساء الورد 🏅🏅
مستحيل اسألك شاللي جاك مني
لني ادري ماتجي مني مضّره
ٓ
رد صوتي لاترد العلم عني
من لقا صوتي من أوتاره يجرّه
ٓ
شي طبيييعي لو ابي ابعد لأني
حالتي وياك ماهي مستقرّه
ٓ
كل ماظنيت فيك يخيب ظني
كم مرّه انخذلت وكم مرّه ؟
ٓ
أتحلف لي في غلاتي وادري اني
مالي بقلبك ولا مثقال ذرّه :)
على حالنا ما غير الوقت فينا شي
نعيش بكرامة نفس .. ونموت ماخنا
َ
ندور بياض الوجه ياهل الضمير الحي
نعز الرفيق .. ولا يجيه الخطاء منا
تجيبك أشواقك من بعيد لـ بعيد
ولا أنت ما ودك شعورك يبيّن !
ذبحت بعنادك زهوُر المواعيد
وشلون يغريك القسى وأنت لين💜
هذا الزمن لا تنتظر رجعة انسان
لا تنتظر غير .. انتظار الفريضه .
مساء الورد 🌹🌹
ادفنـوني في زوايـا الذاكـرة وانسوني
مثـل ماينسى نهـار اليـوم حزة بكره
ودي اغمض على دمع العيون عيوني
واقفل اذني عن جميع اللي تحب وتكره
خاطـري سامح وخابت هقوتي وظنوني
مثل طيـر ٍ فارق سبوقه وفارق وكره .
تموت جروحنا مادرى عن نزفها مخلوق
مقابرها الضـلوع وعزة النفس تدفنـها
طال السهر والهجر بانت مواريه
والوصل لونستلحقه فات اوانه
امانتك قلب شلع من كراسيه
من ذمتي في ذمتك معك أمانه
بنام وين الصباح اللي يلاقيني ؟
سهرني الليل مدري الليل سهرته
أسمعك لو كان صوتك ما يناديني
كبرت حبك بقلبي .. ما تكابرته
أنا صديق السهر دامك عناويني
جرحك لـ حاله بلد لرضاك سافرته
يابحة الصوت ياللي حيل تغريني
ماعاد باقي عشانك شي ما صرته
لا تستفزّك " ذكريـات " الراحلين
ما فيه أحد يبقى معك . . إلى الأبد
تظاهر بـ ضحكتك . . لو قلبك حزين
ملامحك . . فيها من " الغربة " بلد
حاول تعيش العمر بإحساس السنين
عابر . . و إذا مرّيت ما ترجع لـ أحد
و إذا ذبحك الشوق وأوجعك الحنين
تذكر .. إنك ما أنت وحدك من فقد
صباح الورد💗💗
لو شلت هم مايشيله جبل طي
حذارك لا تبدي على الناس سرك
من قال لك وش فيك قل له ولا شي
ومن قال كيف الحال قله يسرك
ياقلب لا ترتاب من طاري البين
الله تعالى ، لاتولّى ، تولّى ..
انا على الغالين ، و الغير غالين
حاولت بالصّبر الجميل اتحلّى
كنت اتمسّك، لين ذقت الامرّين
و ذقت الامرّين و بديت اتخلى
حنا اختلفنا فالمشاعر والكلام
الوضع باين والعقول تصوره
تجيني تسلم وارد لك السلام
مع كلمتين وضحكتين مزوره
ما فيه داعي للتشره والملام
كلً ضميره ف الحياة ينوره
ان جيت عينت الغلا والاحترام
وان رحت قلبي ماقدرت تعوره
مانيب من متسولين الاهتمام
ان ماحصل ماجيت منك ادوره .
نصمت ونتحاشى كلام ،، الملاقيف
ماهي رخآمه لا ارتفعنا عن الشمت
الصمت حكمه .. بس بعض المواقيف
ما تلـزم الحكمه ،ولا يلزم الصمت
لا تشكتي للناس من قسوة الناس
اصبر على ما جاك واستغفر الله
وإليا حداك الهم والضيق والباس
شكوى : لـ غير الله .. تراها مذلّه
قال تعالى ﴿ فَرِحِينَ بِمَا آتَاهُم اللَّهُ مِنْ فَضْلِه ﴾
-اللهم ارزقنا هذه الفرحة .❤️
صباحكم سعادة وسرور 🩵🩵
ماهو بقصدي يوم اغيب اتغلا
الحب ناره بين الاضلاع حيّه
.
والله ماياخذني من ايدينك الاّ
قصايدي (بعيونك النرجسيّه)
اللي سأل عن حالتي مامن اخبار
غير التعب و الهم والحزن والكبت..
ضايق واسلي خاطري وارسل اشعار
والله يكون بـ عونكم كل ما ضقت
وش له تهرّب عن سوال المواجه
وأنا أسئلك ولهان محتاج لقياك
مدري غرور النفس لبسّك تاجه
والا الزمان الشين شين حلاياك!
اللي على الفرقى تقلب مزاجه؟
ماهمه عتابك و حزنك ولاماك
لاتدور الزله ورى أدنات حاجه
قلي أبي فرقاك وأعطيك فرقاك
مساكم سعاده💞💞
يا لبيه ياللي كل ما قلّت لي لبيه
عطيت الهموم إيعاز والضيقه إباده
أنا العارف اللي منطقه يربك معاديه
وأمامك رهينٍ تربكه " عين وقلاده "
مع الناس صلف الا معك ليه مدري ليه
يجيني شعور ما أعرف أميّز أبعاده
لك الخافق اللي مانزل قبلك أحدٍ فيه
ولك الدعوه اللي بين مصحف وسجاده ..!
مساء الورد والياسمين 🌹🌹🌹
والله يا لولا غلاك اللي وسط قلبي
ماكان اخليك تجرحني وانا ساكت
لا تبالغ بالمحـبه و تصدمك الظروف
ولا تعمّق بالمشاعر، و خـلّك واقـعي
عايش حياتي وأنت عايش حياتك
.. ياللي"رسمك الوقت بأربع جهاتي"
ً
الله يحقق لك.." جميع أمنياتك "
.. و الله يحقق لي.. "جميع أمنياتي "
ً
أحلامنا في"وسط ذاتي و ذاتك"
.."عاشت وماتت وسط ذاتك وذاتي"
ً
يارب وإن جاتك الدعوات مكسوره
إفرد جناح الرضا .. وأجبر خواطرنا.
صباح الورد♥️
مع الصبح إلى اللهِ فوّضنا أمرَنا
ومن فوّضَ الرحمنَ ما ضلَّ قاربُهْ.
صبحكم الله بـالخير 🍃
ماعاد أشوف الأرض لرضاي تختال
بروح أتكي فوق متن الغمامه
شربت لي من مر الأيام فنجال
لين امتلى راسي شموخ وشهامه
أواجه ظروف الزمن وأدحم جبال
وإن كشرت قابلتها .. بابتسامه .
مساء النور والسرور 💗💗💗
تضيق الصدرر ورحمة الله تفك الضيق
وانا في رجاء رب المخاليق . . سبحآنة
.
الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه"
صباح الورد والياسمين ♥️♥️
من الآيات التي تُعطيك أملاً في غَدٍ أفضل قوله تعالى : "لا تدري لعل الله يُحدث بعد ذلك أمراً"
- فاستبشروا خيراً
صباحكم سعاده 🩷🩷