الشاعر حسين الحمّامي

12 June 2026 17:43

#ليلة_الانصار
.
.
ها يالمزامط خواتي بزودكم
ها يخوتي النوم مو لعيونكم
چنت اسمع منكم نحبك حُسين
شنهي اعز من عندي صاير نومكم

صفيت بلايه خوان..وسف تضحكلي عدوان
آنه چنت حسين من چنتو الي

وهسه الحيل خلصان..فاگد وين الحنان
حسين لتحاول صفه ضهرك خلي

دمعي..نثرته اعله الجثث بلكت تفزعولي
دمعي..وگعني و وگع وين اليتچولي
دمعي..ي شيالين حملي ثگلت احمولي
.
.
.
ودعتكم و ادري الملاگه يطول
الشمر گابلني و يهز ايده ويگول
وين ربعك باقي وحدك يا حسين
و انهضمت و ردت ارده بس شگول

الحر ع الغبره مطروح..حبيب امترس جروح
بيش ازامط صفت بس نسواني

عابس ويلي مذبوح..برير حسينك ينوح
اني من طحتو صرت مو اني

لحگو..يا وكت اطلب الروحي العونه
لحگو..جون شوف حسين شاحب لونه
لحگو..خلافكم مدري الحسين شلونه
.
.
.
ها يحر مو انت اجيت بتوبه
هسه آنه ارد اعتنيك النوبه
خويه حط ايدك بديه و گوملي
تره دموعي و وني بيهن حوبه

حوبة دمعي تچوي..حر بس گوم انوي
بيك مابيك انهض و تچيلي

صوت صياحي يدوي..شوفة وهب تروي
خويه جعفر يله حل سويلي

خويه..بكل حواسي استنهضتكم كافي
خويه..يبست الخويه اعله طرف اشفافي
خويه..ادري بصحاب الحسين توافي
.
.
.
من وگع عباس طيحت الخيم
و من وگعتو حسينكم حيله انهدم
انوليت خلافكم وحدي بقيت
دونكم منظري كدامي انرسم

وحدي بولية الناس..حضرو للرمج راس
هينه عدكم انولي يخواني

هينه حسين ينداس..حالي خلاف عباس
خلافكم خويه سبو نسواني

عالو..من بعد عزمي بخوتي و ناسي
عالو..زينب بهزله و بديهم راسي
عالو..ردو مادام الهوى بأنفاسي
.
.
.
وين ما اندار ما الگاكم
حله الموت و ما حله فرگاكم
انتو من رحتو شخذتو من الحسين
شعفتو بي لو ماخذينه وياكم

صفتلي دمعة العين..يعينك الله يحسين
استسلمت للموت من عفتوني

بطلت انده الوين..واگف يضحك البين
سيفي بيد و بيد انشف عيوني

تالي..خلافكم تالي الحسين شحاله
تالي..راح و بظهره يتامى عياله
تالي..الماله اخو ياهو الذي يبراله
.
.
.
حسين الحمّامي

الشاعر حسين الحمّامي

12 June 2026 17:41

من ضاع صوتي..گمت التفت..من ضاع صوتي
يم روس اخوتي..اعتب گمت..يم روس اخوتي
صارت سلوتي..بسوط و شتم..صارت سلوتي
چا وينه موتي..ما يعتني..چا وينه موتي

يسباع يل كلكم حميه
ترضون اطر الغاضريه
زينب چنت هسا سبيه
چا وين فزعتكم يل احنان
.
.
.
يا راس عباس..عندي عتب..يا راس عباس
الخيل و الناس..ركضوني بين..الخيل و الناس
مابين الانجاس..اختك مشت..مابين الانجاس
دم بچه الراس..هز رمحه اخوي..و دم بچه الراس

اركض ابين الخيل و الناس
بظهريه شيّب حيلي و الراس
كضيت شارب خويه عباس
مو هاي شيمتكم يعدنان
.
.
.
ما والماني..گيد اليسر..ما والماني
بت حيدر اني..فشله انچتف..بت حيدر اني
مايل زماني..خلاف الخدر..مايل زماني
وليه ولاني..بلا كافلي..وليه ولاني

مالت الدنيا خلاف الحيود
من چف ابو فاضل للگيود
ميعود عزي و خدري ميعود
مادام ع التربان وليان
.
.
.
بطبت الشام..لا گالها الله..بطبت الشام
مو لختك اولام..دگ الطبل..مو لختك اولام
ابسوگ تنسام..عگبك رقيه..ابسوگ تنسام
ايام ايام..افتر الوكت..ايام ايام

ايام هاي الدنيا ايام
امدللة هاشم ع الثره تنام
اعزيزات ابوهن صارن ايتام
و توسدن بالليل تربان
.
.
.
نسوني خدري..بذاك القصر..نسوني خدري
كسرولي ظهري..بنظراتهم..كسرولي ظهري
لا طال عمري..ريت وعلي..لا طال عمري
اشبقه بصبري..طگه اعله طگه..اشبقه بصبري

لا طال عمري بعد الوداع
لحگ يموتي بساع و بساع
ضميتلك دمعاتي امتاع
و احرزت جسمي الصار نحلان
.
.
.
حسين الحمّامي

الشاعر حسين الحمّامي

12 June 2026 17:10

#الليلة_الاولى_مدد_من_الزهراء
.
.
عيني تناظر عين الزچيه
شما تبچي ابچي و انوح

من ادري فاطم كفت حزنها
بساعتها اضمد الجروح

بس هيه گالت شيگطعه وني
ع الغبره ابني طريح

تكليفي يعني دمعاتي تجري
تگطع اذا ماكو روح

آه..شما تبقه فاطم تنعه ابقه انعه
آه..بليل المصيبه كل شهگه دمعه
آه..هل من مغيث بوجداني اسمعه..آه

تنشر قميصه ام و ابنها
بحسرتها تشهگ لوعة حزنها
محنيه تمشي و ما يهده ونها..حسين
.
.
.
تنشر قمصيه بليلة محرم
و تنادي يهل العزاء

من منكم ابنه طاحن خيامه
و يستر عياله العراء

رايدله واحد يكشف كربته
ع الشاطي اخيه طريح

بآخر نفس بي عاين بناته
ينلحگن بكربلاء

آه..العنده غِيره ما يهده باله
آه..گدامه ينظر سبي عياله
آه..الكافل عبيده بعازة كفاله..آه

ما يهده بال العايش مصابه
بالراحه انام و همه بخرابه
تعايش يگلبي الضيم و عذابه..حسين
.
.
.
ماسده باب الجرح لموتي
جرحي يموت بـ دواه

الحگ دمعتي و متاعي جفني
و دمعي اسافر وراه

بشام او خرابه لو ع الهزيله
اتبع اثر كل جروح

هذا محرم يعني ابو خيري
مامش اليلزم گفاه

آه..تبدي يعيني ع البده ولده
آه..حتى يلمنه هالباقي وحده
آه..دوس الحوافر هذا شيسده

شتسد لطمتي شوغة رقيه
سماني خادم و اخته سبيه
حزة وريدي ما تكفي ديه..حسين
.
.
.
اقسى شعور يمر بعياله
من ما تعرف المصير

هيه اسيره ما تدري المن
يبقه الها حل و اخير

تشير الي باقي من ريح اخوها
الهاشمي زين العباد

و تشوفه محني كسره بنبرته
عمه اني مثلچ اسير

آه..ضاعت عياله بذيچ الصحاري
آه..تطفه خيامه و ما تطفه ناري
آه..لبسني شاره و ع الغبره عاري

عايف بناته و عينه اعله حالي
و يگدر يبدل ميه ابدالي
واني و لا يمه لا ابالي..حسين
.
.
.
حسين الحمّامي

الشاعر حسين الحمّامي

12 June 2026 17:08

#نهار_العاشر
.
.
من الخدر للجمر مركاض
وينه العليه راسه يختاض
وينه الذي دگ صدره ليه
فض النفس بس ضيمي ما فاض

وينه الذي جيت بحميته
وتحلف الناس بهاشميته
گلوله مستحيه اخيته
من طلع صوتي وحشميته

گوه اعله روحي صوتي ينجاس
المن عفتني لناس يا ناس
مثل امي زينب و اكشف الراس
لو تاخذوني لراس عباس

عباس اخيتك بيها لوعه
گلبي نشف من صب دموعه
طلعتي من خيامي بحبال
گوه عليه وموش طوعه

گوه مشيت وضلي شافو
و صوتي السترته اليوم سمعو
الهاضمتني هواي عباس
حيدر الما ينشتم شتمو

المن اصير و انه حرمه
ثمانين صوت يصيح يمه
و الهضمه من نصيح فزاع
فزاعنه الچتال هضمه

عباس بيك تگوم لو لا
لو خدري من اليوم انعا
و ابچي لدلاي وخدري فوگا
و اسمي اودعه و الله وياه

آنه الهضمني مو فگد عون
ولا دمعي ذاك الغرگ عيون
و هينات والله جروح المتون
چتال اخيتك جدح العيون

مجادح علينه عيون شمات
و ترس اذني خويه ذيچ الاصوات
فنه يجيچ ال عالنهر بات
زينب تره حادي الضعن ماتتتتتتت

طشينه و الهيمه تلمنه
و الخيم خمدت واحترگنه
ماسولف شصار بمتنه
هذا وضعنه بلا زلمنه

الله يعين المالها اخوان
تتصبر اعله الضيم لو حان
بس انه عندي گمر عدنان
حرمت الخويه يگولها لسان
.
.
.
حسين الحمّامي

الشاعر حسين الحمّامي

12 June 2026 17:02

#المدد_من_ام_البنين
.
.
إعرف مقامك يا گلبي عدهم
ميل ويه ميلة هودج ضعنهم
من ام البنين تعلم يگلبي
خدامه اسمي ما گالت امهم

تعلم يگلبي..يا روحي إتعبي..نولي الوصال لآل الله
دون الاطاهر..يا گلبي باچر..يسومك منو غير الزهرا

☐ صب دمعه..تلحگك شمعه
تؤنس بالگبر غيمة وحشتك

لا تنسه..بلاهم هسه
محد يشتريك بلا خدمتك
.
.
.
ام البنين شگد غيره عدها
بالخدمه معصومه من نعدها
اليسألها ولدچ منو تجاوب
حسين و حسن يلا تعد ولدها

عوف الاسامي..لعيون إمامي..جاوب عبدهم لو سألوك
إخلع وقارك..جرد قرارك..إنصه و على الغيم يعلوك

ضحيله..عيون إبچيله
للطيحلي كلشي وهوه طايح

بيش اوفي..عزائي إشيكفي
بس حسين باقي وكلشي رايح
.
.
.
ام البنين البدت حضنها
طشت ولدها و ما رف جفنها
راس اعله جثه بالك تردلي
بمتن الرمح رد وصت ابنها

گاللها ابشري..بس يمه عذري..امر الله نافذ مابي بداء
لو طحت هاوي..ضعن العلاوي..هِزّل نياگه يطر صحراء

مو بيدي..وعلي مو بيدي
لچن امر الله هذا مو قراري

العلويه..ترد مسبيه
اذا سمعتها (فرن بالصحاري)
.
.
.
باب الحوائج معروفه هيه
بس عدها طلبه بالغاضريه
تمنت تشاگف خيل المنيه
طلبتها اسمها يصير السبيه

تمنت تواسي..ام المئاسي
و التله صوت يعين النوح

كل همها زينب..وحدها تتعب
رادت جرحها يسد جروح

ع الهزله..دمعها شثگله
النوگ تنوح من تسمع بچيها
يا يمه..اخيتك هضمه
غير حبالها ما صح بديها
.
.
.
حسين الحمّامي

الشاعر حسين الحمّامي

12 June 2026 16:58

#الوداع_الاخير_زينب_والحسين_ع
.
.
اعثر و اركض و اعثر
ساعه اگدر و ما اگدر
دم و تراب و چم عين
ملهوفه صوب المنحر

مستحيه راحت چي ما جابت..وياها تابوت
ما تنسه حاشه كل ظنها..توصله و تموت
عثره الدرب و مدنگه تركض..چي بت البيوت

خلصته شوغات..يا ذاك الدرب..خلصته شوغات
الحگله لو مات..يجدامي بعجل..الحگله لو مات
ماعوفه هيهات..وديعة فاطمه..ماعوفه هيهات
.
.
.
يا جدمي همي همي
خل نلحگ اعله ابن امي
اختصري درب الحومه
ع الشوچ اسحگي بدمي

وصلت يمه و عبرت جثته..و طافت ع المقام
متفرزن اخوها من الگاع..هم دم و سهام
شافت تل حجار و وگفت..يم تله الجدام

تتنخه الاجداد..افزع ياعلي..تتنخه الاجداد
كل حيلها باد..يبس حتى النفس..كل حيلها باد
طافت ع الاجساد..و يم تله اوگفت..طافت ع الاجساد
.
.
.
وگفت تزيح حجاره
و الگلب مجمر ناره
كل خوفها مو الحسين
شبرت الطف دواره

زاحت بديها شچم الف..سهام و سيوف
و فتش و گللها انتي زينب..والله ماشوف
و گلتله وينك دورت..ريگان الطفوف

انت و ونت..ون الفاجده..انت و ونت
لبن امها حنت..مفارگته ظهر..لبن امها حنت
يمه تدنت..و رجفت شفته..يمه تدنت
.
.
.
يمه هوت ع التربان
و رجفت اشفاف العريان
طلعت بحسرة مذبوح
عطشان زينب عطشان

صبت دمعها و ما وصل..للريج الدموع
انصدمت بخوها استوعبت..حالته و تلوع
ابن امها يحچي من النحر..و الراس مگطوع

شعظم الرزيه..الله يعينها..شعظم الرزيه
والد رقيه..باقي بس نحر..والد رقيه
دين الزچيه..شمت منحره..دين الزجيه
.
.
.
حسين الحمّامي

الشاعر حسين الحمّامي

12 June 2026 16:55

#الليلة_الرابعة_ليلة_التضحية
.
.
مره بدويه و تحل العاگده
اجت خدامه الهم و مو والده
.
.
.
صاغها حيدر الروحه..العنب مو ياهو يلوحه..من بطن اشرف عرب
خلفتله زلم قاده..ساده صارو على الساده..ذهب و تخلف ذهب
و الگمر طالع عليها..خدمه يتغذه من اديها..و صار مضرب للادب
قدمت لحسين اسمها..خادمه تحقق حلمها..عجبت حتى العجب

تخدم و متناقش بكل زايده
اجت خدامه الهم و مو والده
.
.
.
ما ترد لحسين طلبه..يريد ماي تصير جربه..بس يأشر بعينه
و الگمر منها تعلم..ما يگل لحسين بس تم..على الگاع اجبينه
منها صار الگمر خادم..لابو الاكبر و الفواطم..دم وريده حسينه
و شحلات الام لونها..تفضل حسين اعله ابنها..منو الفضّل بينه

بكل صباح بوجها كون تعايده
اجت خدامه الهم و مو والده
.
.
.
قدمت كل البديها..من اسمها لحد بنيها..فده حسين الغالي
نصت يمه و علت يمنه..ام إمام و امنه كلنه..چي نصت للعالي
لون صاح حسين اسمها..ضلها ما يلحگ جدمها..تركض اعله الوالي
تخلدت و الضايعين..همه وين و هيه وين..تنذكر للتالي

ضاعو و ام البنين الخالده
اجت خدامه الهم و مو والده
.
.
.
ما برد لحضه خلگها..و الخِدامه انطتها حگها..و تفتخر بالخدمه
كون واهس عندي منها..مره و تعزب بـ ابنها..تگول فدوه لجدمه
نعمه من الله اصطفاني..خادمه لحسين اني..نعمه و اكبر نعمه
اشكر الله بكل مسيه..جده صاحتلي رقيه..هالوصت القمه

غير يقبلها أمه ما رايده
اجت خدامه الهم و مو والده
.
.
.
و وصت الكافل وصيه..الچانت تباريها اديه..يمه هاي بشاربك
زينب امك ثم اختك..يبني باريها اعله بختك..هذا اقل من واجبك
مثل ضلها تصير و اكثر..يمه من تخدمها تكبر..خلها بين حواجبك
ذبها ايدك لو تفزعك..مااريد يرد اصبعك..و الشهاده تصاحبك

و من ينادي حسين إركض ساعده
اجت خدامه الهم و مو والده
.
.
.
حسين الحمّامي

الشاعر حسين الحمّامي

12 June 2026 16:53

#ليلة_السابع_ليلة_الغيرة
.
.
هلا بعم سكينه..هلا بعم سكينه
.
.
.
يا اول جدم يسحگ و ما مديوس
جبت ماي بجماجمهم و صارن طوس
نسبّح بالخرز و انت تسبح بروس
شمرت الماي بس انت تضل متروس

ابو الغيره الوسيعه..التشگ صدر الشريعه
الزلم جدمك تبوسه..الميعجبك تدوسه
الوصل حدك تبيده..يرد بس ماهي ايده

ابو الغيره و المروه
حگ انطيت للخوه
هوه مدري مو هوه..حارت بيك الازلام

دخيلك يالگمر اندب
اكتب ساعه ما اكتب
شخلي و للگمر يعجب..متحدك هالاقلام

هلا بعم سكينه..هلا بعم سكينه
.
.
.
يا اول بشر ينطي بلا چفين
لو ما انت نحلم نخدم احنه حسين
مثلها طاعتك بالخدمه نلگه منين
بس هالگمر عدنه مايصير ثنين

گمر تعجب صفاته..مشيمهن خواته
فتح بابه و جبينه..عطف يمطر علينه
زلمه گلب و لسان..هلا بتربات عدنان

خدمنه بفضل معروفه
چي بداهن چفوفه
كعبه و كل نبي يطوفه..طافت يمه الارواح

لو ما هوه يتقدم
و يخط اسمه بوريد الدم
نخدم والله لا...نحلم..خدمنه حسين من طاح

هلا بعم سكينه..هلا بعم سكينه
.
.
.
يا اول نهر يمشي عكس مايه
شمس بس كارم الخدام بفيايه
خِدَمتك و بخدمتي جان الي غايه
اشتم رحمتك من تخفگ الرايه

الرجوله تنقره هواي..بچفك ساطر الماي
بيك هواي كرار..خزرتك طعن فقار
تشوف الناس مو ناس..غنم و اليرعى عباس

راعي و بالعصى تنشهم
بكيفك تطش و تلمهم
وحدك لكن بگدهم..الله يصيح حياك

وحدك و العده سبعين
و مترهدن و مشدوهين
مزامط بيك اخوك حسين..يصيح الزهره وياك

هلا بعم سكينه..هلا بعم سكينه
.
.
.
يا اول گمر ليل و صبح يطلع
عواصف ريح چنك ساعة التفزع
الگاع تسير عكسك و انت ما ترجع
خيبر لو يصح بالطف چنت تشلع

بصبع خيبر تشيله..قيامه الليله مو ليله
للشام اعتله الصايح..و نسمع بالقصر نايح
زينب رافعه الراس..مأمنه عدها عباس

هلا بحسك ترد زينب
يتعبهم و ما يتعب
يخوف العمره ما يرهب..ابن حيدر دخيله

عِله فوگ النجم بحساس
مغمض بس يحز الراس
تخيل فتّش العباس..سطرته شگد ثجيله

هلا بعم سكينه..هلا بعم سكينه
.
.
.
هاي اول حرب بيها اليموت بخير
اليشرد عنك بلا وعي ليك يدير
صگر نازل و ضايع منهم التدبير
الينزع يسلم و من خوفه راسه يطير

التكتله تهلهل امه..مات بـ ايد زلمه
اليشرد يشرد منين..الحومه بسم الحسين
النهر بيده رهينه..انترس من صب جبينه

بصمصامه الزعل ملتم
يشبع من يشوف الدم
والطف حوله مأتم..فارس من يعبره

زعلان الزعل لونه
صِفّه احسامه و عيونه
عطشان و يهابونه..منو البيهم يگدره

هلا بعم سكينه..هلا بعم سكينه
.
.
.
حسين الحمّامي

الشاعر حسين الحمّامي

12 June 2026 16:51

#جرح_الرباب_والرضيع
.
.
اواسيك بعطش ما جارعينه كبار
ما مقتنعه بس گلب الحنينه احنين

تبچي و الدللو و المهد تقنيع
و اضمك لا يسمعك لو اجانه حسين

ذبلان و رخي من الهوه نخاف عليك
و اگولن مو عطش لا هايه ضربة عين

و بين المو عطش و الخوفه تاه الراي
اشوفك بيدي تتلوه و اگولن زين

مجبوره اقنع الروح لا خاف
بزرة الگعده گبالي ينحاف
مو هينه من حضني للچتاف
طگات وكتي براسي ارداف

ماريد اعوفك..يلب حشاي انه..ماريد اعوفك
كل ظني اشوفك..عريس وعلي..كل ظني اشوفك
يتعبني روفك..يا اغمگ جرح..يتعبني روفك
.
.
.
يبن روحي شمعزتك ودي ما انطيك
و اضمك عن ابوك بگلبي المجمر

يگلولي عطش و شفافه ذبلانات
و اگلهم ساگية حب هذا التفطر

احفر بالرمل حد ما بروده تصير
و اوسدك و اليناشدني اجاوب دُر

يباوعلي الحسين و عينه تحچي اشكال
و اعرفه بشنهي يحسب بيمن يفكر

لا گالها الله يا دلالي
من ايدي يتفرهد حلالي
و خلاف عينه هذا حالي
ممثل اليتيمه بلايه والي

سهر الليالي..ما شبعيت من..سهر الليالي
ابني و حلالي..ياهو الياخذك..ابني و حلالي
خلافك يحالي..يبچي العدو..خلافك يحالي
.
.
.
يعبدالله يـ آخر ورگه بالعنگود
يا بزرتي و تعبي و شوگي و متاناي

ما ينراف جرحك طوله درب الشام
يسبي موادعك لا تجفي ضل وياي

يبعد امك يبس گلبي خشب كاروك
و ارجف من اشوف حسين يمك جاي

حضن امك و لا ينعاف لو عطشان
معقوله اعز من حضني جاري الماي

لو اني لو سهم المنيه
إختار واحد صد اليه
هسه اني لو تبقه عليه
شيصبر خلافك رقيه

من بين الضلوع..جر من اطلعت..من بين الضلوع
خدي من الدموع..متحفر غده..خدي من الدموع
ماعندي موضوع..على لساني عبد..ما عندي موضوع
.
.
.
لفيت الگماط عليك كلش زين
حتى بالهوى ما ينكشف نحرك

و اعاين من بعيد برمش ما مطبوگ
گلب الوالده ما يهده رب سترك

و من اگبل سهمهم ودي احط العين
يم نحرك و يفدي عمري لعمرك

بس شاء الله دمك ترس چف حسين
و مدري شلون ما مت و نمت كترك

يا روح امك ليه رديت
و بدم وريدك من تحنيت
ياريت و شتنفع الياريت
يمك متت يمه تمنيت

و شمحله موتي..بصف الولد..و شمحله موتي
بعالي صوتي..احاه صحت..و بعالي صوتي
گطع ابتوتي..فگدك عبد..گطع ابتوتي
.
.
.
حسين الحمّامي

الشاعر حسين الحمّامي

12 June 2026 16:49

#مرسال_صاحب_الزمان_عج
.
.
حچايه عندي ب اذنه كون تگولها
هاك الحچايه بضرف مكتولها

حچايه يا طارش اريدنها تصل
اركب الريح ابعجل عوف الجمل
دوّر اعله الذي ما لاگي اهل
و اهمس ب اذنه يطارش حولها

يالركبت الريح عجل بالخبر
دور بضل الارض وجرف النهر
صيح حيهم بلكي تلگاله اثر
دور اجبال الارض و سهولها

لو لگيته قبّله و رد قبّله
و امسح دموعه لونها هامله
شي اكيد تشوفه ينعه لكربله
هوه عايشها المصيبه بهولها

انحب و ضج بالصياح و عينه
ساعد بلطم الصدر چفينه
هوه ناذر دنيته لحسينه
و دمعته لو بالثريه ينولها

اشمر بحضنه چلمتك و انهزم
تره گبالك غِيره ماتلفي بحلم
گله عماتك يطگوهن زلم
چلمتك ثگل السمه بحمولها

گله عجل سيدي الموعد گرب
و لشجرتك شيعتك جمعت حطب
طلع الجبتين من وسط الغضب
و اغضب عليهم و حصتك نولها

انت سر مدفون ب اسرار العُلى
ما يحدك سهل لتحدك فله
انهض و ضج يا لثارچ كربله
يا لثار البضعه وي مچتولها

انشر ارواية علي طول الدهر
و طلع الجبتين من اسفل سقر
اصلبهم بشجره عمر و الوي عمر
و الشهاده بحگ لحيدر گولها
.
.
.
حسين الحمّامي

الشاعر حسين الحمّامي

12 June 2026 16:45

#شكوى_السيدة_زينب_الى_جدها_رسول_الله_ص
.
.
اجيتك ناگعه بدمعي
عفت كلشي و اجيت انعه

يا جدي شريد احچي
المصيبه اكبر من الدمعه

المصيبه ودعت كلشي
خدري و اسمي مودعه

صار اسمي غريبه و لو
زينب صحت ما اسمعه

نسوني اسمي الچان فخر الهواشم
شو هسه اطب ديوان و ابن امي نايم
.
.
.
ابچي و زين بيه دموع
نشف گلبي على وليدك

تمنيتك عدل و تشوف
من طاح وبقه يريدك

انلوه سرجه و يريتك غاد
و تعدله و تمد ايدك

بقه وحده و ولا فزاع
عگب عينك ولو حيدك

ما صارت بفد يوم ابن امي و يضيع
بصفي و ادور عليه بين المصاريع
.
.
.
اسألك رايده اعرف هاي
و افور بالحچي دمك

شصار بگلبك اعله حسين
عطشان و حلف بسمك

بشفه مفطره اتلگاك
لو مروي من اجه يمك

مااضنه بحصير انشال
لميته بعباة امك

من ناده يا جداه فت چبدتي الماي
محد فزعله و ثار لشفافه رواي
.
.
.
خذونه صياح يا جدي
من السوگ للديوان

ما بيهم شريف الگال
الرسول الله تره النسوان

التهضمني اليطگني يگول
اسمك لو قره الآذان

يا جدي الحچي ايفشل
و مشونه اعله كل لسان

بيا جرم اسحگ نار شمسويه روحي
چي بت علي يردون يتعاله نوحي
.
.
.
اجيتك شاچيه اعله الماي
خنگول البشر كراه

من شاف الحسين يلوع
ما هم و رواها اشفاه

عوف حسين عبدالله
ليش اتروه من ادماه

راد الماي بس سهمه
غفله بمنحره اتلگاه

مالت الدنيا وياي ميله شكبرها
للزلم للنسوان گومك حربها
.
.
.
حسين الحمّامي

الشاعر حسين الحمّامي

12 June 2026 16:40

#ليالي_السبي
.
.
بليله و يوم..دارت دنيتي عليه
بليله و يوم..ذيچ الهيبه ماهيه
بليله و يوم..من زينب لمسبيه..بليله و يوم

من طحت طيحو اسمي وي خيمنه
الچانت تدللهن ايدي بيدي اچتفهن حرمنه
مابقه تذكار من ذيچ المهابه كلها راحت
چانو يهابوني لو رفرف على راسي علمنه

استوحدوني..وليه ولوني
ما عندي والي..وحدي لگوني

خويه الهضيمه..ماعندي خيمه
طاحت خيمنه..و لمتنه هيمه
.
.
.
شي عجيب..تنسه بروحك مدلل
شي عجيب..عفت الهيبه فوگ التل
شي عجيب..اذا حبل اليسر ينفل..شي عجيب

بكثر ما صاحو سبيه اسمي نسيته
النام ليله بالخرابه ينسه شي چان اسمه بيته
الغربه من يجزيني اخوي هواي تهضم
ولو هوه حسين بالطف هم جزيته

شيردلي خدري..ماريده عمري
رايي آنه بيدي..بس هسه مدري

امشي سبيه..مو هاشميه
من بت نبيهم..للخارجيه
.
.
.
مستغربات..چان خيالنه بسدنه
مستغربات..هسه الناس شافتنه
مستغربات..حگهم رايه ماعدنه..مستغربات

عشنه ايام بقلق خوف و مخاطر
ننام بس انحسب لـ لوعات باچر
الهوى گمنه نخاف منه يجوز شامت
يا وكت نهتم و چان الگمر حاضر

گضولي حيلي..ما نمته ليلي
من ابچي سكته..حسره الـ يويلي

حسره بچينه..حبال ب ادينه
المايسوه صاير..زلمه علينه
.
.
.
گمت التفت..جانت كل اخوتي عندي
گمت التفت..بس آنه و عباتي وحدي
گمت التفت..بهل لحظه غربتي تبدي..كمت التفت

چنت لو اخاف احتمي بسد العشيره
هسه بس اطفال عندي شلون حيره
وسفه تغفه عيونكم يهل الحموله
و العشاير اخذت النسوه اليسيره

چا وين اخوتي..تسمعونه صوتي
لو تلفي رايه..لو يلفي موتي

ياخويه افزع..من گبرك إطلع
صاحوني بسمي..ياخويه اسمع
.
.
.
حسين الحمّامي

الشاعر حسين الحمّامي

12 June 2026 16:37

#الليلة_الاولى_نشر_القميص
.
.
كل سنه تكثر جروحي
تنذبح كل عام روحي
بيدي انشر كل محرم
هدمك و يتعالى نوحي

يمه حسين..بيدي انشر هدمك
يمه حسين..منه يگطر دمك
يمه حسين..كل سنه يطشونك
يمه حسين..عليه يصعب لمك

مكسور ضلعي و خدي مسطور
و اجساد ولدي بعازة نحور
و مدلل امه بصحره عريان
ملموم كلشي و جسمه منثور
.
.
.
حمره اجيتك عيني يمه
وبالگلب يا يمه هضمه
ضلعي مكسور واجيتك
احضن الثوب واشمه

يمه حسين..ضهري محني وجيتك
يمه حسين..لكربلا تعنيتك
يمه حسين..دير وجهك ليه
يمه حسين..دم خضاب لحيتك

يرباي جوه الخيل يرباي
عطشان محد جابلك ماي
يالنومتك صارت ع التراب
ياهو اليسوي الطولك فياي
.
.
.
ابني ضل بلايه ناصر
طلب بس جاوبه حافر
ينسحگ و عيونه تربي
ع الخيام و ضل يكابر

يمه حسين..زينب بلا خيمه
يمه حسين..باجر تطر هيمه
يمه حسين..خلافك يلوعوها
يمه حسين..تنذبح كل شيمه

لتنام عينك بالك تنام
بس تغمض يودوها للشام
بس لا يطلعون اختك بليل
تحمل ييمه ضيم السهام
.
.
.
جيت اشبگك وين صدرك
ارد اشمك وين نحرك
يمه ظهرك صدر صاير
حيرتني حسين بامرك

يمه حسين..انت موش وليدي
يمه حسين..ضيعوك من ايدي
يمه حسين..شمر شايل راسك
يمه حسين..ما هم ب تنهيدي

چا وين كل ذاك التعب وين
معقوله هچي يغيرك البين
شابگ وليدك و انت مذبوح
و حسين طايح يم الحسين
.
.
.
لو ابقه يمك يمه اتعب
راح امشي يم خياك زينب
يا يمه وين الخيم بس نار
مشتعله و الخياله تگرب

يمه حسين..فرن ابنياتك
يمه حسين..طيحو خيماتك
يمه حسين..الصحره ما تتأمن
يمه حسين..تنسمع آهاتك

يوليدي ما يتصدگ الصار
بت علي زينب تسحگ النار
طلعت بهيمه و ضلها شافو
الچان حسره بگلب كل جار
.
.
.
حسين الحمّامي

الشاعر حسين الحمّامي

12 June 2026 16:35

#الليلة_الاولى_الهلال
.
.
من گوطر الليل بسواده
حس ابو السجاد بمِعاده
اشر ب ايده صوب الهلال
المن هال
.
.
.
يهلال ذبحي ليش هليت
جيت و عساك الليله ماجيت
من تهل تدري باللذي يصير
اهل بيت النبي يدورولهم بيت

يهلال رد ردة مأيسين
يهلال تشبه ظهر الحسين
ياهو اليشيل حمولي الثگال
المن هال
.
.
.
هليت يعني انسه ارتاح
من هسه ايدي بعازة صفاح
يهلال احس بصدري مسحوگ
و راسي احسه فوگ الرماح

رد يالتسلبها رقيه
زغيرة عمر يا غاضريه
لا تحس بيه حس بالاطفال
المن هال
.
.
.
يهلال ظهري توارد وياك
انعه اعله روحي مدري انعاك
بيا حال من هليت يا حال
يهلال اسرع فدوه ممشاك

اسرع و لا يندار عاشور
مكسور ظهري و گلبي مكسور
ماهم ابروحي بس العيال...
المن هال
.
.
.
چنك مهد بالغيم مطروح
معقوله تاخذ من طفل روح
عاده للقتل للبالغ نگول
ماصارت البگماطه مذبوح

يهلال لا تخفي عليه
جاي اسمع تگلي سبيه
طويتك طوية ايد بحبال
المن هال
.
.
.
يهلال خدري خدر مستور
بس لا يركظن يوم عاشور
خل يقصدوني و لا النسوان
موتت الزلمه طيحة خدور

چتالي مو سيف و نياشين
طلعة ام عون تموت حسين
خدر العقيله لروحي چتال
المن هال
.
.
.
حسين الحمّامي

الشاعر حسين الحمّامي

18 March 2025 18:19

الله راد يبين اعجازه و قدرته..خلق حيدر كمثال
اربعين الشبه ما وصلو لاصبعه..صاغه چف رب الجلال
اينجي من بر من بحر بس صيح بسمه..كسر قانون المحال
يجاوب السائل قبل لا تطخ شفته..وقبل لا يحچي السؤال

ابو الدنيا..قبل آدم بألف آدم هوه ابو
ابو الدنيا..المايحبه ينشد الجابه منو
ابو الدنيا..هوه طعم الاهلاً بحلگ البدو

قدرت الله علي..سيفه البي يزامط علي
لا مثيل لعلي..حيدر هوه وحده علي
الله خصه علي..منه نسل طه علي
.
.
.
ايسير العالم بطارف عين وحده..تخيل عيونه الثنين
دعه لالله و الله ما ردله دعائه..نزّل بچفه الحسين
منولد من قبل هذا الكون كله..ما تحد عمره السنين
معتنق حبه و سجودي على اعتابه..حبه احلى و انقه دين

عشگ حيدر..دين ابناء الحلال من الزغر
عشگ حيدر..بدورة عيونه عكس وجه البدر
عشگ حيدر..يگضي سكته ابلا نظر عينه العمر

عشگ الله علي..حگي من اعشگه علي
الله باعث علي..دين و حبه نعمه علي
همومي بي تنجلي..اذا ناده گلبي علي
.
.
.
الدين چف و حيدره واضح وجوده..خاتم امحلي الچفوف
اوضح امن الشمس تنصيب الله حيدر..عمه بعينه المايشوف
النبي لمن شال چفه هواي زعلو..كسر بيها شگد انوف
علي ناعم وكت المسامح و لكن..خشن من تحچي السيوف

علي باقي..بكل نفس شيعي تشوف انفاسه
علي باقي..مات بس رد بشكل عباسه
علي باقي..حيدر بحيدر يصح مقياسه

علي باقي علي..مضوي گلبي اسمه علي
من اصيحن علي..تخشع روحي كلمة علي
الله صوته علي..تخيل محله صوته علي
.
.
.
برحلة المعراج الله حچه بصوته..ما لگه لصوته مثيل
يعني هم بصوته الله حچه لمن..كلمه موسى بدليل
لو نبدل علي يحتاجلنه حيدر..لان بس هوه بديل
مو غلو افضاله هاي و من اسولف..ما اصل حد القليل

فضل حيدر..ع الانس و الجان و البر والبحر
فضل حيدر..انعم الله عليه جابلنه الگمر
فضل حيدر..بفضله ساعة مولدي بذكره طهر

امي نادت علي..جابت واحد يحب علي
بشده صاحت علي..بذكره سهله صارت علي
يله صيحو علي..اطهر اسم اسمه علي
.
.
.
عاش و چفوفه لغيره و مات ينطي..بمرقده يلوذ الفقير
و المناير جوه رجله و افطنلها..ميت و زهده چبير
الامير يموت بس يعيش ذكره..اذاً بس هوه امير
امرگع هدومه ولكن لبس عقله..من علم الله حرير

هوه اميري..و العن العادوه و نكروا بيعته
هوه اميري..مات بس ضل بگلب كل شيعته
هوه اميري..من تضيگ نلوذ لسه بحظرته

هوه اميري علي..يبغض گلبي غيره علي
ما اشارك علي..اموقف گلبي بس لعلي
ديني دينه علي..اشهد أن اميري علي
.
.
.
.
.
حسين الحمّامي

الشاعر حسين الحمّامي

12 June 2026 17:42

#شجاعة_الحسين_بن_علي
.
.
من بعد صولات اخوته
حسين حصته ما تفوته
و اليلاگي ابو الاكبر
مو حسين يلاگي موته

برز..و اهتزت الحومه من كل كتر
شرد..كل الگال گدها و دگ الصدر
وگف..نص الغاضريه وگفة علي
وعلي..صوره و صوت شاف الجيش الحشر

سِبَق جيله..بتفاصيله..نِعم لغيرته
ابو الاكبر..شبه حيدر..بقوة صولته
.
.
.
تشاهد السيف بيمينه
شافوا الموت بجبينه
اخذ ثار الكسر ظهره
حسين هد و حمره عينه

نفض..ثوبه و هدل طفهم من صايته
اخذ..ثار الاكبر ابنه و ثار إخوته
احتمه..واحدهم بروحه لمن رعد
رگب..ما ضلت عليهم من شوغته

لكد مهره..ارتجز يقره..بالمصحف قره
الحرب كيفه..اخذ حيفه..دنيا و آخره
.
.
.
موت فوگ المهر صاعد
هوه واحد و الله واحد
هوه اول بالمعارك
و الله اول بالتشاهد

لوه..عنان المهر بيده صوب العده
عَجب..كلها تخاف منه رغم وحده
السمه..طبگت على الغبره حين الغضب
خزر..مو بس اليضده الهوه شرّده

اله خزره..الهوه تسطره..خزرة طالبي
هوه الاشرف..رجز بالطف..هذا انه ابن ابي
.
.
.
من تذكر موت جاسم
و شاف كل الجيش سالم
بسم ابو محمد كشفهم
جندي بالجندي يرادم

كشف..كل الجيش فوگه يرف اللوه
بكثر..ما ركضت الوادم نصت نينوى
وعد..گال لابو محمد حين البرز
مرض..هاي الناس وانه بسيفي الدوه

غضب نازل..اخو الكافل..و ابن المارجف
ركض ركضوا..لما وصلوا..لحدود النجف
.
.
.
اليبرز يباوع لظهره
بلكي فد واحد ينصره
و هوه جان بظهره الله
و البظهره الله شيگدره

اعتله..فوگ المهر بيده الموت انوجد
انكتب..قل هو الحسين بحربه احد
بكثر..ما ركض الوادم ذاك العصر
الهوه..بصدر الجيش من الخوفه لبد

اخو زينب..و لا يتعب..ترهب خزرته
ابو الحمله..يصير احلى..امن اتشب غيرته
.
.
.
حسين الحمّامي

الشاعر حسين الحمّامي

12 June 2026 17:39

#الليلة_الاولى
.
.
مفروض ع الناس تلطم كل سنه
و العنده غيره يلطم وياي..ع الما شرب ماي
.
.
.
آنه من انخلقت ايدي..لغايه وحده و موش اكثر
حتى ادگ بيها اعله راسي..لو سمعت انطبر حيدر
و حتى الطم بيها صدري..لكسرة ضلوع ابو الاكبر

ايدي الذي بيها الطمت..هيه الي بيها تحزمت
و تسندت بيها وگمت..للعزاء لو قره المنبر

الما تلطم عليك..مبتوره عسن
و اللطم ما يحتاج كل راي..ع الما شرب ماي
.
.
.
الله من عالي سمائه..خله ماي بعيني حكمه
حتى اسيله لو سمعت..يسيل دم نحر ابو اليمه
و اختلط دمع النواظر..بالعزاء وي سيل دمه

الدمعه الي تنزل ع الوجه..لريج ابو اليمه تتجه
مجازاتها گبرك نفه..هاي ينگاللها نعمه

قارورة دموع..تضويلك گبر
بلكت يروي الضمه مبچاي..ع الما شرب ماي
.
.
.
مو عبث لا جاي احچي..عن روايه و معتقد
بچه لفگد حسين جده..وهوه بعده بالمهد
وگال تتسگمله شيعه..دم دمعهم ما برد

بهاي الروايه تسندت..و بحكمة الباري ايقنت
مفهوم قصده و ما حرت..يعني دمع عيوني معبد

بوصيته شگال..مبعوث السمه
تنخلق شيعه للبچي هواي..ع الما شرب ماي
.
.
.
اجدامي اجزم للعزيه..انخلقت تگود الگلب
الما يگود جدامي صوبك..رجلي تكسر ع الدرب
صعب درب حسين لاچن..فاطمه تسهل الصعب

اجدامي تنگص لو مشت..بعكس دربك و ازلفت
لو تگدر بعالي حچت..انت بس دربك قرب

بس دربك ينوش..بيبان السمه
يل تسوه كل الراح و الجاي..ع الما شرب ماي
.
.
.
حسين آه يحسين حسره..بگلبي توجعني من اگول
حسين اسمك فلشه اگول..و صدري ما ضايگ خيول
الينول ارضاك حتماً..رضا الزهره امك ينول

انت اختبار لكل بشر..البيك اعتقد جاهه كبر
و الما يهضمه اسمك زغر..و من سجل امك يزول

ما تلفض شفاي..غير اسمك شهد
و يزكي اسمك ريحها شفاي..ع الما شرب ماي
.
.
.
حسين الحمّامي

الشاعر حسين الحمّامي

12 June 2026 17:09

#السيدة_رقية_ع
.
.
اول ليلة من دونك..شيصبر گلب بنتك
چانت دمعتي بطولي..إذا مر لحظه ما شفتك
هسه شلون بابا حسين..متن اغفه عليه ردتك
عفتني اغفه اعله حر الگاع..وتغفه اعله الرمل عفتك

ما ينحمل فگدك رزيه
اگعد وشوف شصار بيه
طفيت چم خيمه بديه
ماتنعرف بنتك رقيه
.
.
.
تلمنه خيمتك چانت..هسه الهيمه لمتنه
الخيم وگلوبنه احترگت..و نطفيها بعبايتنه
خلصنه البواچي عليك..صفت بس ونه دمعتنه
الك للضيم لو النه..اشتريد تصير عمتنه

من هسه رك الحيل بينه
من اولها طولك فاگدينه
نفرشها لو نستر عبينه
نغفه و تفز چويات ادينه
.
.
.
لا ما اعتب اشكيلك..العتب للقصرو حاشاك
من شفت اليتم عگبك..تمنيت انسحگ وياك
يناغيني الهوه و تغتاض..اذكر من چنت بحماك
محد يمسح براسي..تحز الروس بويه عداك

غير اليتيم يصبرونه
بمسحة الراد يهودونه
يطيحون وي دمعة عيونه
فوگ اليتم بالبر خذونه
.
.
.
ما شبيت وي طولك..ثلث سنين بس عمري
ماعشت الطفوله وياك..هديت ايدي من زغري
عشت ضيم ام عمر خمسين..ضيمي مو للبكبري
أنه الما تعبت دفان..بچفه لو حفر گبري

اليهضمني مو شام و خرايب
هينات كل ذني المصايب
الهضمه كسرتي كسر حاجب
طفله و دليلي تگول شايب
.
.
.
بريجي عرضت حچايه..خل احچيها حتى ارتاح
رحت ما حاطه الله وياك..بس ليش اسمي عگبك راح
اسمي البي تناغيني..يشتمه خلافك الذباح
شني خلافك يسموني..آنه اسمي ويه طولك طاح

اسمي رقيه ومو سبيه
بت شيخ گومه الهاشميه
يشبهوني بالزهره الزچيه
إگعد وگول اسمي رقيه
.
.
.
حسين الحمّامي

الشاعر حسين الحمّامي

12 June 2026 17:06

#شجاعة_الفاطمية_السيدة_سكينة_ع
.
.
الزهراء من دافعت..و كشفت الراس و دعت
عدها غايه..بچفا رايه..بسدها الولايه احتمت
انعاد بهذاك العصر ..نفس الحقد والغدر
بت ابوها..من ولوها..خورست سكنه القصر

زودها من زود ابوها..تخلس و تسطر لگوها
تچتفو ما چتفوها..زودها من العباس

ع العرش گاعد ولكن..يرجف و گلبها ساكن
سكنه من تحچي مئاذن..تخلس حلوگ الناس
.
.
.
الدنيا بيها انتخت..اتربه بحضنها البخت
حتى تشفع..النه تنفع..گالت اروح و مشت
بكل خطوه خضر علم..من عمها اخذت شيم
عمها خادم..للفواطم..و سكنه سَكينة خيم

دخيل عفت اخت الاكبر..اليزغر بحظرتها يكبر
بت حبيب عيون حيدر..نسجد الها اقرار

بالعلم عمها ابو فاضل..هيه و الي ع المحامل
صارن خلافه كوافل..الزهره دون الكرار
.
.
.
كل خادم و كل عبد..لو كفلته ينحسد
اسجد الها..و لفضلها..للخدمه حيلك تشد
يا سكنه كلمن قره..تختمله ع المعبره
بيها غيره..تسد عشيره..من خالس الگنطره

مده چفك خل تكفله..الصعبه عندك عدها سهله
انصه يمها و يمنه تعله..بت امير الاحساس

صيح يا سكنه دخيلچ..بيچ غيره من كفيلچ
حاشه ينرد اليجيلچ..وانتي عمچ عباس
.
.
.
حسين الحمّامي

الشاعر حسين الحمّامي

12 June 2026 17:01

#كربلاء_جرح_لا_يندمل
.
.
لكربله..يا عين تبخل بالبچي..الصار ميوصفه حچي
زلمه اعله اخته ينتچي..بكربله

كربله..دار اليحب النايحه..اعظم و اكبر فاتحه
يبچون و الكل فارحه..بكربله

بلايه احساس..تعز دمعه لحسين الناس..و ما عز عليها العباس..ما جازوا اعظم احسان
كون الدين..ترد عين لليوهب عين..و شتوفي بس گلي حسين..و بالصحره ركظ نسوان

شنهي البچي شنهي اللطم
ما نوفي شوغات الهظم
حرمه امن اخيها تنحرم..شتسوالي

شيسدها كسرة كافلي
و شيردها امري ادللي
بهزله ابدل محملي..من تالي
.
.
.
لكربله..غمها العيون المابچت..غمها الجدام المامشت
اخت الحسين امن اوچبت..كربله
بكربله..نزلت بعز كافل شهم..ماچانت بكلشي تهم
طلعت سبيه تنشتم..بكربله

حسين انطاك..شتريد گلك وياك..زلمه بدمعتك سواك..و بالدمعه تبخل چا ليش
بحافر خيل..كونك تدگ صدرك حيل..و دمعاتك اتنگع الليل..متفيد كلمة بعديش

حزم عيونك للدمع
المحروگ ميتاني الفزع
شوغتك خلي تنسمع..لحسينك

من ينفتح طاري السبي
انثر دموعك ع العبي
صرخة بأمي و ابي..ترد دينك
.
.
.
بكربله..طاحتلك خيام و علم..و عبدالله فك ريجه بسهم
و حسين بدالك خيم..بكربله
لكربله..لازم تطيح و تنفجع..و من اللطم تكسر ضلع
خل صرخة الآه تنسمع..كربله

بذاك الليل..هدت على الخيمه الخيل..و النار بايتامه تعيل..و ما صح عليهم فزاع
ضج و نوح..انزعها بالآه الروح..حسين اعله مودك مطروح..عريان نايم ع الگاع

ما توفي حلفان العطش
و لا هظمته ليل اهدعش
من ضل بلا غسل و نعش..بالهيمه

شتوافي طبره لو الف
من ضل ينازع بالنزف
و ضل شاربه بهضمه يرف..ع الخيمه
.
.
.
بكربله..ابدي حياتك منكسر..و اختمها لوعه اعله الخدر
تعايشها من رد المهر..بكربله
بكربله..مهيوب اذكره من طلع..و ملوي السرج لمن رجع
معناها ابو الاكبر وگع..بكربله

شضل بالحيل..و حسين انصه من الخيل..ماتگضي إله بيا ويل..هالليله ما تگضي بخير
لمن طاح..و شيعو راسه اعله رماح..گلت الخدر هسا راح..و الضعن للغربه يسير

ايست من شفت الذبح
و ما نمت چن راسي برمح
من الصبح حد الصبح..سهرانه

الي يريد توصل عبرته
و تنقبل حرگة شوغته
يتبره خل من دمعته..ويانه
.
.
.
حسين الحمّامي

الشاعر حسين الحمّامي

12 June 2026 16:56

اشايل من گلب فهمني يحسين
تكبر بالولد و تضحي بعدين
ما تانيته يزحف بعده بگماط
عبدالله طفل چا ماخذه الوين

تربي..تكبر..و تدري حصة الذباح باچر
دافي..حضنك..شعنده حاضن الاكبر حوافر
الحسره..بوجهك..كافي حسين يم زينب تكابر

لطخت..وجهك دمه..بدم اولديك علي الاكبر لحيتك
و هم شلت..دم الطفل..و احمر من دمه صارت شيبتك
و ودعت..ذيچ النسه..و وجهك يقرن بي حتماً ذبحتك

ودعت النسه و الدم صبغ لونك
حفضن صورتك دامي يشوفونك
خاطر ما يتعبن من يدورونك
.
.
.
اشايل من گلب و تفارگ ام عون
لو ما امر الله وياك مقرون
جا لو مو حوافر نلگه الحسين
فازع وي الاطفال اليطفون

درته..ظهرك..و تعاين لزينب و انت مكسور
زينب..خيتي..مو بيدي يزينب والله معذور
نحري..لالله..من اول ما صرت هالنحر منذور

و وگفت..زينب قدر..گلتله امهلني يخويه المعذره
عندي الك..اوصيه انه..وصتني الزهره وانه ازغيره
حسين اذا..عنچ رحل..قبلي الي و شميه ابمنحره

تدري الزهره نحرك مو الك لا
بعد ساعه و شمر يجثي بيمنا
و راسك ينرفع و نطيح ويا
.
.
.
اشايل من گلب من فارگتها
درت ظهرك و عينك ما درتها
وصيت الحرم لو هدت الخيل
خويه تلازمن إخت و اختها

بحسره..زينب..بيديها الجواد و عبره تجري
تقدمه..لچفك..و عمرك اله فدوه يروح عمري
بـ لوية..سرجه..تره ينكسر ظهر النسه و ظهري

و من رحت..بيهم صلت..و من بعد ارجوزه نصبولك غدر
سهام اجت..سيوف و حجر..ردت تلزم گلبك ماعندك صدر
و انلوه..سرجه و طحت..و رجع خالي لاختك و مدمه المهر

واويلي وگع و الخيل عابرته
بحوافرها توطأه و صوت سامعته
صدره انكسر و تفطر دليل اخته
.
.
.
اشايل من گلب ما شايل گلوب
طلع وي سهم صدرك من گفه الثوب
عوفه يموت بس لا تسلب هدوم
سهام بصدره كيف حسين مگلوب

ويلي..لاخته..احتارت بالوصيه و مصرع حسين
تحامي..عياله..و بالدلال تسعر جمرة الوين
ابن امي..وينه..و ذكرت بالموادع حدث بعدين

تذكرت..دم لحيته..و رمستله صوره مخضب لحيته
دورت..بين الجثث..صدت جثة عون و هم عبرته
و لاحظت..مگلوب جسد..و من ذكرت دم اخضابه عرفته

گوم وياي خويه بساع گوم وياي
طحت و الراي طاح وهسه اريدن راي
عوف الماي ما يروينه خويه الماي
مو عطشانه زينب بس تريد فياي
هم فياي ماريدن ردت حماي
.
.
.
حسين الحمّامي

الشاعر حسين الحمّامي

12 June 2026 16:54

#ام_البنين_رمز_الوفاء
.
.
بسم ام البنين..نوصل للحسين
.
.
.
عن عالم الخدمه انشرع البابين
كلشي بي اصل و الخدمه اصلها منين
من ام البنين اصل البچي و النوح
يَ ام حسين علمينه نحب حسين

غلط من گالت الناس..الحب بالزلم ينقاس
مره و خلفت عباس..رحم طاهر

منو العنده وفه و دين..زلم طيحتي لحسين
و ما رفلچ طرف عين..بصبح عاشر

علمينه..شلون نخدم بالگلب مو باللسان
ها يباب الله و رحمته و الحنان
على الخدمه ما يحدنه اي مكانل..علمينه

عن حب و يقين..نوصل للحسين
.
.
.
ما عدنه گلب لحسين يوسعله
هيه المشكله ب ارواحنه العله
العايش بالظلام يخاف يلمح نور
بس نورچ لمحته و حلمي اوصله

نور ابكل الاكتار..بزغ بـ اربعة اقمار
بزغرهم لكن اكبار..على حبه

التجيبينه تگولين..نذر لتراب الحسين
رضعتيهم وفه و دين..مره امعزبه

اعديني..غيره ما تبرد على ارماد الخيام
شلون اصيرن خادم بگد المقام
بوجه ابيض رايد اتلگه الاماما..عديني

شما تطغه السنين..نوصل للحسين
.
.
.
يا ام الخدم و ام الوفه و عباس
اتفضلي علينه چملينه وفه ونوماس
مو ناس التحب غير الحسين حسين
خلينه نحب خنصير مثل الناس

امطري علينه نوماس..حب رضعينه و احساس
مثل تربات عباس..ربه نريده

اذا عباس ذب ايد..كون نذب مواعيد
العبد لولاكم اوحيد..منو يفيده

ممنونچ..ابقه طول الدهر اسجدلچ شكر
كون يم حسين ندنه شبر
كون يخلص بچي و شوغات العمرم..منونچ

خَدامه ثمين..نوصل للحسين
.
.
.
يتبدل الخادم لو وصل يمچ
يالبدلتي لجل حسين حتى اسمچ
ابدل گلبي رايد گلبي تعبني
بس لحسين رايد گلب من عندچ

گلب ما يعرف ايخون..امن الگلوب الـ بالضعون
سمار الخدمه من جون..برجاء طالب

انتظارچ كون انوله..مره و عندچ رجوله
انتظرتي اهل الحموله..بدمع ساچب

دليني..اعمى گلبي و بيدچ تگودي اريد
گصيره ايدي و غاية احلامي بعيد
منچ اتعلم امتانات الطريد..دليني

من تبصرلي عين..نوصل للحسين
.
.
.
كل تسهيل امر صار الچ مفتاحه
و الچ افضال كلمن ضاج بنياحه
من طشيتي ولدچ حدر رجل حسين
علمتينه حب حسين مو راحه

الحب للناس تعلوم..و حب حسين مختوم
بجبين اصيار ابن يوم..سره بدمه

اليريد الله يحبه..و ما يجزيله طلبه
ينوي نذر گلبه..لابو اليمه

هنيالي..من اصل هالناس مختاريني
اليمته ذنبي يحول بينه و بيني
يمته افرّغ داخلي لحسيني..هنيالي

بأفضاله أدين..نوصل للحسين
.
.
.
حسين الحمّامي

الشاعر حسين الحمّامي

12 June 2026 16:52

#عهد_اللطم_العام_وفي_كل_عام
.
.
هذا لطمنه كل سنه على حسين و اولاده
اتلطمنه امنه فاطمه هذا اللطم مو عاده
.
.
.
متوارثين احنه اللطم بالذر لطمنه هوايه
و من گبل چف امي و ابوي بچفي لازم رايه
ما ماشي خطوه ع الارض بس طالع بمشايه
حيدر يحشمنه لعزه بي زينب الملايه

من گبل كل هذا الخلق دگ العزه اوتاده
هذا لطمنه كل سنه على حسين و اولاده
.
.
.
عاشور ما ينعد عمر ايامه ما محسوبه
بهلاله حي اعله العزه فوگ السمه مكتوبه
عابس تشگگ بالعشگ هالنوب شگگ ثوبه
كل سنه ما اوفي العزه ايدي لطم مطلوبه

چفي يعاند باللطم واني احب عناده
هذا لطمنه كل سنه على حسين و اولاده
.
.
.
كل ليله من امحرمه لازم اهد كل حيلي
و بنومي چفي ما هده الطم نهاري و ليلي
شرايد جزاء اعله اللطم من فاطمه تدعيلي
و ارفع اديه و الگمر چنه بزند يوميلي

الساده سوولي بخت كون الطم اعله الساده
هذا لطمنه كل سنه على حسين و اولاده
.
.
.
زينب مشت سكته بهزل شاء الله هيج و قدر
لو بيدها تلم الحرم و تخيل انت المنظر
مجلس تسوي اعله النهر تحظر الزهره و حيدر
ما چان تگدر بالسبي بس اني و انت نگدر

خنعينها انحرمت تدگ بجموعها اعله القاده
هذا لطمنه كل سنه على حسين و اولاده
.
.
.
حسين الحمّامي

الشاعر حسين الحمّامي

12 June 2026 16:51

#خروج_الضعن
.
.
النوگ تجدمن بالباب
محلاهن نياگ حسين

الهيبه تفوح من كل صوب
هوادجها تسر العين

و ابو فاضل لواه منشور
مفرغ للضعن صوبين

و من طلعن العلويات
الهواشم كلها محنيين

عباسي لاخته..ثنه ركبته..و صعدها هودج مثله وين
الاكبر وراها..جسام اجاها..و بدربه يمشي بصفها حسين

ما شافت شمس و الواه منشور
يدور وياها وين الشمس متدور
محسوده اعله هودج مثله ماصار
مطرز بالذهب و تحاوطه ابدور
.
.
.
ضعن مابي عطر دخان
عطر الخوه منه يفوح

اميره و الضعن حراس
منضرها يرد الروح

تامر و اصغر الخدام
عباس بخلگ مذبوح

لو عطشت يدير عيون
و لو نامت يساهر نوح

عز و مهابه..ابين الگرابه..ماحست بشي اسمه سفر
ماتحچي كلمه..تأشر يفهمه..شتطلب ابشري يگول الگمر

حد ما وصلت لكربله بعزها
ماخله الگمر شَي بنفسها
من الباب حد الباب ما جاس
جدمها الگاع بس متنه ايحملها
.
.
.
لارض الطف وصل ضعني
بهيبة كافلي و زوده

و منصوبه السمه امخيم
و داير هاشم حدوده

و هاجس لن اجاني بخوف
من صديت لزنوده

ايدي بـ ايده بس حسيت
لا چف عنده لا جوده

لاچمني گلبي..ويلاه يربي..كلشي و لا عني يغيب
صدلي بنظرته..وحمره جبهته..و حسين اخوي يمي و غريب

ما مرتاحه احس النفس محبوس
اخوتي بصفي بس چنهم بلا روس
مابي شي اخوي و صدره موجود
بس ليش من اباوع چنه مديوس
.
.
.
و بساعة ظهر عاشور
بانت عازة الخيمه

و مدللة ابوها حسين
عگبه تسمت ايتيمه

اخوتي الچانو بسدي
صارو حصة الهيمه

شيحمل يا گلب زينب
ضيم حسين وي ضيمه

بصبحيه وحده..شِده اعله شِده..كلسا يودعني اخو
خلصو اخوتي..چا وينه موتي..عگب إخوتي ابقه شكو

المن باقيه بلا بيرغ اخوان
مره و برگبتي خدر و نسوان
احامي لروحي لو ادور ع الاطفال
عن الخيل نشرد صوب نيران
.
.
.
حسين الحمّامي

الشاعر حسين الحمّامي

12 June 2026 16:47

#استنهاض_بني_هاشم
.
.
حيهم يهاشم حيهم
خل تلحگ اعله ابنيهم
مذبوح عاري و بخلوا عليه فيهم

حيهم يهلنه النشمين
الخيل اركبت فوگ حسين
و حسين واحد ما يصح منه ثنين

ظل وحده بلا خوان
عطشان حاضن عطشان
الساتر الدنيا اعله الرمل ضل عريان

عگب الدلال و عگب عز اخواني و الراي
مذبوح اخوي و ما رشف يم شفته الماي
يا وكت زينب تطلع و ما يمها حماي
.
.
.
وين العرب وين الناس
زينب تره بلا حراس
و بجموع اديها حيل تلطم ع الراس

چا وينكم يهل الراي
فشله نموت اعله الماي
لحنه الروينه و لاهو رد السگاي

ماريد منكم عوان
منكم ردت بس دفان
بالطف طريح حسين مو ياهو الچان

كل اليموت بساع لحده ليه يجهزوا
و جنّازه يلگه و اهله بالدمعه يغسلوا
و ابن الزچيه بلا غسل لا دفنه عافوا
.
.
.
يكرام حيهم يكرام
زينب على الگاع تنام
لنسوانهم فزعت الناس العوام

بس دمعي يوگف بالنوح
وي كل نفس تطلع روح
محد يحس بالجرح غير المجروح

سوولي حل هسه بساع
ماصار ع الناگه وداع
مشوني گوه و عفت اخوي اعله الگاع

من چف اخوي لنار خيمه لچف الاحبال
الي يصيح زينب ما اسمعه و لا ادري شگال
نسوني اسمي بكثر ما مسبيه تنگال
.
.
.
حيهم خذونه ايساره
ما لي عليهم چاره
و الرايه من چف كافلي لفجاره

ع النوگ انودن ع النوگ
فشلتها لو طبوا سوگ
نظراتهم تسعر بگلبي المحروگ

ما چني اخت العباس
و لا چن هلي شيوخ الناس
مو بيدي بالمحمل لدگ حيل الراس

ما لايگ النه هالوضع و لا ترهم شلون
وادم تصدلي بنظره ما صد بيها الي عون
و الحشمه تنصاب بسهم و لا صواب العيون
.
.
.
حسين الحمّامي

الشاعر حسين الحمّامي

12 June 2026 16:43

#ذكريات_الخدر
.
.
اعله چتاف..عباس ..تصعد زينب متنه شايلها
و الواه..منشور..يضلل فوگ المحمل كافلها
و بچفوف..عباس..شبگت چفه بچفها و مأمنه
ما لاح..الگاع..جدم الحره و لا ضل بان الها

بس ويلي چانت هاي هسه الوكت دار
الماتسحگ اعله الگاع مشوها ع النار

باچر..بس يوگع كافلها ما تلگه خيمه التسترها
باچر..عباس يفز من يسمع كل شهگة روح تجرها
باچر..من التل للمذبح تركض و عيون عليها
باچر..بس طلعت ما تلگه كل حچايه التجبرها
.
.
.
من زغر..ام عون..ما فارگها حسين و لا مره
امن بعيد..يحچون..تفهم عينه و يفهمها بنظره
مدللة..حسين..گضت احلى سنين بهيبتها
من دون..الناس..تشتم بي انفاس امها الزهره

التشتمه من بعيد باچر تره يضيع
هنا وصله وصله هنا موزعينه توزيع

باچر..يضيع عليها ابن امها الماچان يفارگ ناضرها
باچر..يتبختر ذباح الشايل راس حسين يمرها
باچر..امن سهامه ما تلگه امچان بصدره و تشمه
باچر..مكسور حسين و كاسر اخته و خاطرها
.
.
.
و اطفال..زغار..عمهم عباس تخيل وياي
لو عطشو..يوم..من عيونه يشرب بيهم ماي
بحضان..ام عون..يحله النوم بخيمة عمتهم
و بلواه..عباس..الهم من يمشون يسوي فياي

و لو صارت اعله رماح راس الابو نام
محظر خرابه و نوگ الهم تره الشام

باچر..لحبال تگاود چف ارقيه و تطبع ب ايديها
باچر..اعله تراب الگاع تنام الچان ينيمها واليها
باچر..بالسوگ يفروهم كل عين بنبله تلاگيهم
باچر..تنام و تلگاهم براس حسين يگبلون عليها
.
.
.
و چبير..الگوم..بنص اخوانه چان يبارونه
سبعين..يرجون..يطلب شي بس حتى ينفذونه
ماهم..للماي..مروي چان بشوفة عباسه
و انصار..حسين..كلها تطيح لمرضاة عيونه

و من ظل بلا حراس نام اعله تربان
گد ما عطش يا ناس يحلفله عطشان

باچر..تعوف الخيل الگاع و تسحگ صدره روحه و رده
باچر..ميت و يسحگونه هذا المايبقه احد عنده
باچر..يحز نحره و الزهره تگوم و توگع وي كل طبره
باچر..يشوف اخته بنص خيل و يستنهض بس مابي هده
.
.
.
حسين الحمّامي

الشاعر حسين الحمّامي

12 June 2026 16:39

#الليلة_الاولى_مدد_من_الزهراء
.
.
بنظرة الزهراء قد قام العزاء
بسم ام حسين ينبوع البكاء
بيدچ الدمعه تگوديها اريد
ع الي ضل عريان وحده بكربلاء
.
.
.
كل محرم ننتظر منچ امر
نار شبي بروحنه لذاك الظهر
مثل ما ركظن بنيات الحسين
خل نعيش احساس سحگات الجمر
.
.
.
و العلي الاكبر نريد اعله التراب
نطيح طيحة شاب ينعاله اعله شاب
حسسينه شلون نام بصفه ابو
و لطخ الحيته بدمه ابنه خضاب
.
.
.
لابو فاضل كون ما يهدالي بال
حسين تيه جسمه من كثر النبال
مات حسره چي وعد سكنه اعله ماي
و لا روه و لا ماي وده للعيال
.
.
.
و لجرح زينب جرح رايد ثگيل
فوگ حبل ايديها مدمعها يسيل
صارت و شافوها من بعد الحسين
تيسرت للشام من طاح الكفيل
.
.
.
حسين الحمّامي

الشاعر حسين الحمّامي

12 June 2026 16:36

#قصة_يوم_العاشر
.
.
عگب دم و طعن و اركاظ
اجاك الدور خويه حسين

اودعك لو تودعني
ولو بثنينهن ميتين

بعدك خويه گدامي
و دمعي مغرگ الصوبين

اذا صارت و ودعتك
اجيبنلك دموع منين

ياخويه ريض خل اشمك
مو مشتهاي اوصية امك
افتحلي صدرك خل الثمك
شميتك و خوفي الچمك

بعدك عدل والخوفه بيه
شمدريني كلفه الغاضريه
ها خويه جاي اسمع وصيه
رد لا توصيني برقيه

و اشوفه بدمعته يكابر..يبين للحرم صابر
بين عياله و الحافر..ساعه تفصله ع الموت

يوصي الگوم گدامي..هالله هالله بخيامي
اذا صار الجسد دامي..ذمه اعليه اليفوت

ودعني ضم راسه اعله متني
و من الدمع ثگلت عباتي

وصاني خويه الستر مريود
مو اني الاوصيچ ابناتي

بس يختي هاي الناس يدرون
طيحتي بطلعتهن خواتي

و انچان ما منها الخيم نار
بسدچ امانه مدللاتي

عمت عيني طلع محد يقدمله جواده
اجيته و گايده الميمون ابشر بالشهاده
ابد ماحسبت ياخويه ازتك بيدي للموت
لچن ادري الهواشم عدها هذا الموت عاده

و من بعد صولاته و نزاله
استوحدو ويلي اعله حاله
مو بالعذب فك ريجه بسهام
سبعين الف زلمه اعتناله

مغمض الرامي و يرمي سهمه
رجل الفرس نگعت بدمه
بحجاره فتحوله جبينه
و سهامهم مزگت هدمه

ملوي السرج ياناس ياناس
معناها طاح اعضيد عباس
و تجمعت فرسان و خيول
و ضليت ادگ بحيلي ع الراس

هذا اليضربه بسهم مسموم
يضربه و يگله فنك تگوم
شيگومه اخوي و حيله مهدوم
ياخويه ما يحلالك النوم

و اشوفن من بعد زلمه اقترب يمه
يا الله گلت وين اليفك همه
لچن صار العكس ثاري الاجا سلاب
گص اصبع يمينه و سلبه هدمه

يا كربله بهونچ عليه
يا وكت هذا يصير بيه
عاري بقه والد رقيه
شمدريني كلفه الغاضريه

بقه بآخر نفس و آخر نفس زينب
و من بعيد اشوف الخيل اله تگرب
ياويلي عدل وخيولهم تركب
ملعب صار و الخياله تتملعب

ما خلصت اجاه الشمر يتبختر
جثه فوگه و يگله اطلب اشهل المنظر
حلفله بجده عطشان و اريد الماي
و گله اله تموت من العطش و الحر

و گلب صدره و حز وريده من الگفه
مو بضربه ثنين بيهن ماشفه
اثنعش طبره و شال راسه و اگطفه
بحظن سكنه و حيل سجادي انچفه

و ردت خيلهم من مات نيتهم يسحگونه
عدل ميت تسحگه الخيل بحوافرهم يدوسونه
سمعنه انكسرت ضلوعه بخيمنه و وصل لينه الصوت
شحال السحگو بصدره ما عرفو يرحمونه

و هدت خيلهم و الخيل معميه
لخيمنه و طبو الصيوان ياناس

اجو جية الطالب ثار من عدنه
صارو زلم من بعدك يعباس

حرگوها الخيم و النار ماترحم
وينك يا عجيدي يبو النوماس

و رحت لعلي السجاد اخبره
يا عمه مات حسين عبره
ياعمه وين نروح و النار
بخيامنه النيران كبره

گلي يعمه و دمعه جاري
يا عمه فرن بالبراري
ثارچ ب ايد المهدي موجود
و ثار الحسين و حتى ثاري
.
.
.
حسين الحمّامي

الشاعر حسين الحمّامي

18 March 2025 18:20

بالذر روحي بايعت بس حيدر ولي
بفتشة عيني ياعلي و تلقيني بـ علي
بسمه ناشغت..و بسمه تشاهدت
بس اله لساني ما لفض يم غيره الـ بَلي

رفض يم غيره يطخ راسي..من اول ذيچ انفاسي..علي
العرگ دساس يوصفونه..و طينتهم معجونه..بهلي

علي علي..حبي و ديني
علي علي..جاب حسيني
علي علي..فتشة عيني..علي علي

علي علي..من چفينه
علي علي..حظ البينه
علي علي..ديني دينه..علي علي
.
.
.
تنصيبه امر نزل و انذاع و ثبت
الما واله علي بلا حظ و لا بخت
يعني أنكر رسول..و مزعل بتول
ديني الـ [مَنْ كُنْتُ] تره مو كلمه انحچت

بأمر من الله تنصيبه..و مو ياهو الي يجيبه..ولي
اذا متوالي و تنكره..جيب اليوصل شعره..لعلي

علي علي..من جابوني
علي علي..ملحة لوني
علي علي..بين عيوني..علي علي

علي علي..رافع صيتي
علي علي..تارس بيتي
علي علي..اول نيتي..علي علي
.
.
.
ما حاضر [غَدِيْرِ خُمْ] بس اشهد اله
ما اجامل لچن علي راعي الاوله
مو من تالي لا..من الذر الولى
مو راي لا حيدر فرض و الله منزله

انرفع چف حيدر بالعالي..الوالاني خيوالي..الولي
النكر حق حيدر شيعبره..وهوه بـ ايده العَبره..علي

علي علي..تم النعمه
علي علي..رأس الحكمه
علي علي..دمي دمه..علي علي

علي علي..كلمن عاده
علي علي..و آخر راده
علي علي..رس اجداده..علي علي
،.
.
.
بـ لسان الوحي إنقل بلغ يا رسول
حيدر من بعدي ولي مو اني الاگول
الباري النصباه..ما واحد وراه
غصباً ع الي ما رضه اطفال و كهول

النبي گال و تم النعمه..والد هاي الامه..علي
اعله حوض الكوثر يسگينه..علي والدنه و والينه..علي

علي علي..ساقي الكوثر
علي علي..يوم المحشر
علي علي..قاسم حيدر..علي علي

علي علي..رافع وزري
علي علي..يحظر گبري
علي علي..عاتق نحري..علي علي
.
.
.
.
.
حسين الحمّامي

الشاعر حسين الحمّامي

21 January 2025 06:57

بدمعة مواسي لحظرتك
يابو الرضا بمصيبتك..انعه مواسي للرضا

راجي القرب من دمعتي
و انت ادره مني بحالتي..تعرف الحاظر و المضا

اجيت بدمعي وداي..انوح ويه الينوحون
بدمعتي ما الي راي..برحمتك دمع العيون
بگلبي حچايه مولاي..خلصني إمن الشلون
السجن هم ماكو بي ماي..و متت ضامي ويه الضعون؟

يابو الرضا احزانك فرض..صوت الارض..نحيب
الـ بالمهد ينعه مصيبتك..و لغربتك..يشيب
.
.
.
يا دمعه تكفي و يا الم
حزنك مثل طيحة علم..من چلچل الظلام

گيدك اثر خله ب اديك
و بسجن ما فزعو عليك..چن حرگة الخيام

بدمع باقي من الطفوف..اهل و انحب و اجيلك
تصد لگيدك تشوف..بي ذكرى لعليلك
مگيد ينعه مچتوف..ما يبرد غليلك
الدمعه بعينك تطوف..دمع سايل سبيلك

ما ينگطع كت الدمع..للمنفجع..حرام
بالسجن بس مو بالفله..و لا كربله..و خيام
.
.
.
ما ينعقل هذا الامر
نعشك يضل اعله الجسر..بلا نايحه تنوح

محد نشد عن غربتك
المفروض تحضر شيعتك..هذا اكبر الجروح

ردت ما يعبر اي شي..لجدك بي مواسات
گلت خل يبقه نعشي..لان جدي بغرب مات
و سجنك قارنت بي..الفواطم بالخرابات
كلشي حسين كلشي..تنسه حسين هيهات

عشت لاجل هذا الحلم..و نلت الاسم..غريب
شاركت جدك بالغرب..صوت الگلب..نحيب
.
.
.
شگال الرضا بصوت الدمع
جرح الدمع ما ينسمع..جرح النزف يهون

مو حاله حالتكم هلي
من اول علي لآخر علي..سم و ذبح سجون

هلي ما بيكم الراح..و اهله گبال عينه
محد ع الجسر صاح..الكاظم خل نعينه
و بالطف مامش نياح..وينه الناح وينه
حتى الضعن من لاح..منو الواسه الضعينه

آه يالرضا شتنعه شتصب..كلهم غرب..ضياع
شي بالسَم و شي بالذبح..بگلبك جرح..وداع
.
.
.
.
.
حسين الحمّامي