274
ارد اصيرن خادم حسين الذبيح ريت عمري ينكضي يم الضريح حتى أبجي والطم الراس واصيح واحـسينآ واسـليبآ واجـريـح
لقاء مع الرادود القدير ملا جليل الكربلائي
Читать полностью…
#اليوم_العالمي_للشعر_الحسيني
يوم 2 ربيع الاول اليوم العالمي للشعر الحسيني
الامام زين العابدين (علية السلام)
امر في هذا اليوم
بشر بن حذلم أن يرثي الإمام الحسين ع في المدينة
فأنشد
( يا أهلَ يثرب لا مقام لكم بها
قُتل الحسين فأدمعي مدرارُ )
قصيدة موشح بحق الرسول (ص)
اداء الرادود حسين الاوسي
كلمات الشاعر حيدر الحيدري
بغداد حي جميلة الثانية
حسينية السدرة
لقاء ممتع مع الشاعر الدكتور
أحمد العلياوي في زيارة الأربعين
لقاء تلفزيوني على قناة الجوادين
مع رادود العتبة الكاظمية ملا كرار الكاظمي
وكان الحديث عن الشعر الحسيني والتراث الحسيني الأصيل.
(شيعة ونواسيهه)
مذبوح واليهه شيعة ونواسيهه
هاي السبيه بالغاضريه
شيعه ونواسيهه
__
يلا ياشيعـة نعظم هالمصيبـه
شلون زينب بت علي ردّت غريبه
شلون عافت جثة احسين السليبه
صعبه ماتنسه الطفوف اشكد رهيبه
حضروا مجالسكم نصبوا مواكبكم
ويه السبيه للغاضريه
*'****
زاروا اهل البيت جم قريه ومدينه
والايتام تنادي يم زينب حزينـه
مانريد المـاي بس ردنه ولينـه
عذبونه وبالحبل ربطوا ادينه
بالشمس كعدونه وبسوط ضربونه
ويه السبيه للغاضريه
****
خل نساهم بالدمـع ويه العقيلـه
عاشت الآلام ومحن رحلة طويله
علي السجاد بحزن دايم عويله
شلون ينسه الفاجعه لا مستحيله
هايه مصييتكم صبوّا مدامعّكم
ويه السبيه للغاضريه
****
چم يتيم يصيح عمه وجم يتيمه
كلها تشكي لزينب الأم العظيمه
اشكد مشاهد بالسفر صعبه واليمه
والعزاء تريد يم كبره تقيمه
وتصيح يعيوني ترضاهه يسبوني
ويه السبيه للغاضريه
****
أربعينه اليوم خل نسچب العبـره
خل نواسي المُنتظر ونعظّم أجره
هم نعزي المُرتضى وفاطمه الزهره
بّجينـه ننشـد كربله لازم نذكـره
(جينه ننشد كربله امضيعينه)
زينب المفجوعه من كسروا اضلوعه
ويه السبيه للغاضريه
*
بعد درب احزان وهموم ورزايه
وصلت الحره وبدت تروي الحكايه
من اليسر ردينه عاين للسبايه
ماتكعد اشوف صار لاخيمة عدنه ولادار)
(من اليسر ردينه
يمهجـة كلبـي اكعـد ياضوايـه
حركوهه خيمتنا ماتت رقيتنا
ويه السبيه للغاضريه
خادم السيدة زينب (ع)
الشاعر سيد حيدر الحيدري
ملاحظة : المقطعين الأخيرين
تضمين مستهلات قصائد تراث
ملا حمزة الزغير
وصية الحسن (ع)
شيعتـي رايدكـم تنصفونـي
انه مظلوم الحسن سمعوني~~~~
انـه مظلـوم شكثـر من الطغـاة
النوب زيّد هالظلم چذب الرواة
ما أعوف الدين حد يوم الممات
لو ألــف مـرّه أجو ذبحـوني
°°°°°°°°°°°°°°°°°°°°
ما اعوف الدين وترك شيعتي
بيّنت للناس كلشي بخطبتي
كـون تلتزمون بيهه اوصيتي
وبالنوايـب لازم تنصـرونـي
°°°°°°°°°°°°°°°°°°
شفت بعض الناس ماعدهه وفه
وأكو سمعوا بالحرب محد لفه
اطلعوا طماعين عدهم هالصفه
واشتروهـم للأســف باعـونـي
°°°°°°°°°°°°°°°°°°
انه جّهزت الجيـوش وحاربت
أبـد ماعفـت القتـال وماخفت
لثورة احسين السبط هم مهّدت
وانه ابن حيدر علي تعرفوني
°°°°°°°°°°°°°°°°°°°
شفت بين الجيش صارت چم فتن
وزدات اعليّه المصاعب والمحـن
اسمع ايگولون خنعوف الحسن
صدك تالي اصحابي شو عافوني
°°°°°°°°°°°°°°°°°°°
چم خيانه الصارت وچم أغتيال
ذوله مو ابطال أشباه الرجال
والله غدارين مو مالت قتال
وبالكلام وبالفعل خانـونـي
°°°°°°°°°°°°°°°°°°°
انه وافقت بشروط اعله الصلح
يحكم الإسلام دين الله السمح
ردت احفظ هالدمه ماينسفح
اني وگّفت الحروب فهموني
°°°°°°°°°°°°°°°°°°°
شرط ماينسبّ أمير المؤمنين
والخلافة تعود اليّ من بعد حين
وهم ضمان الشيعه صاروا آمنين
من أجلكم سالمت صدگوني
°°°°°°°°°°°°°°°°°°
اي وحك الواحد الباري الصمد
لولا هذا الصلح ماعشتوا بعد
والاسلام يموت مايرجع أبـد
بيهه حكمه ولازم تقدروني
°°°°°°°°°°°°°°°°°°
حضّرت لحسين قاده لنُصرته
واسست فكر وعقيده لثورته
وصنت للإسلام عزته وهيبته
بهالمواقف واجب تذكرونـي
°°°°°°°°°°°°°°°
صدك ذاك اليوم صايم وفطرت
وجعده جابتلي اللبن وانه شربت
أنفطر چبدي ودمه حيل انّزفت
وانه مظلوم الحسن سمّوني
°°°°°°°°°°°°°°°°°°°°
احسين ضامي ومنكطع منه النحر
وانه صايم وانزف وچبدي أنفطر
أرد اوصيكم يشيعه بهالخبر
بالمجالس والنعي ذكروني
خادم الامام الحسن (ع)
الشاعر سيد حيدر الحيدري
نهضة احسين الشهيد بكربلاء
درّست أجيال عن معنى العطاء
°°°°°°°°°°°°°°
حسين مارايد دماء ولاقتال
راد ينقذ هالعباد من الضلال
يفضح الكفار اشباه الرجال
ومايطيع الطاغيه ابن الاشقياء
*
حسين خارج على الظلم و الفاسدين
حتى يحمي الدين ويه المُسلمين
قائد ومُلهم يظل للمُصلحين
خالد اسمه وباقي سيد الشهداء
**
مو فقط كلمات رددّ لو شعار
راد للإسلام قوه وازدهار
بس طريق التضحيه چان الخيار
قدّم الارواح للدين الفداء
*
حسين دين الله الحقيقي ومصدره
تضحياته وسيرته اعظم مفخره
قدّم اعياله ورضيعه ومنحره
والصخر يبجي دمه وحتى السماء
***
والامير احسين قائدنا الاصيل
ابوالاحرار ورفض يصبح ذليل
هذا اعظم موقف وكلش نبيل
مخلص لربه اوفي وطبعه الإباء
***
بذل لجل الدين عمره ومُهجته
عالميه وخالده اتظل نهضته
ندخل الجنه ونفوز بخدمته
ونگضي كل اعمارنه بمجلس عزاء
****
حتى لو نفدي النفس ننطي الدمه
كون نحمي اولادنه من العولمه
بالمجالس تحضر ومتعلمه
توعيه وارشاد للعقل وغذاء
****
مانعوف حسين دنيا وآخره
حتى لو متنه ونصير بمكبره
كون يكتبنه الحُسين بدفتره
بالقيامه نشوفه يامحلى اللقاء
خادم الامام الحسين (ع)
السيد حيدر الحيدري
عمرها 15 سنة وتقرأ كل سنة
قصيدة موجوده الزهراء اويانه
الرادود حيدر الجيزاني
كلمات الشاعر حيدر الحيدري
محافظة ديالى
(شكوى السجاد)
ياجدي أنسبينه وحبال بأدينه
هم تدري شجره صارت مجزره
في كربلاء
***
راح اسولفلك مصايب كربلاء
من البدايه للنهايه بس دماء
هجموا اعلينه ألوف الاشقياء
رادوا ايكتلون ولد الاولياء
ياجدي هضيمه مابقولي خيمه
هم تدري شجره صارت مجزره
***
من وكع الحسين ضل عالثره
اجه ابن جوشن يكطع منحره
انه شفت حسين جثته موذره
واللحم وعظامه كلهه مطشره
ياجدي مصيبه احسين منين اجيبه
هم تدري شجره صارت مجزره
***
والاميره زينب وصارت أسيره
هم بجي ونواعي كضتهه المسيره
ام المصايب وكعت بحيره جبيره
ضلت بلايا أهل وبلا عشيره
ياجدي مصيبه زينب هم غريبه
هم تدري شجره صارت مجزره
***
خل اسولفلك يجدي عن رضيعه
هو ورده حمره وبموسم ربيعه
حرمله الملعون سوه اكبر فجيعه
وحزنت الارض وسمه وحته الطبيعه
عبدالله وينه بنحره امكطعينه
هم تدري شجره صارت مجزره
***
ظلمه والاقمار ضون فوك الرماح
والدمه ينزل اشوفه من الجراح
وراس الحسين يضوي جنه مصباح
شاهد اعياله ولا واحدهم ارتاح
والليله حزينه بلا والي مشينه
هم تدري شجره صارت مجزره
خادم الامام السجاد(ع)
السيد حيدر الحيدري
(النية الصافية)
كون نيتك صافيه وگلبك سليم
حتى يرضى احسين مولانا العظيم
°°°°°°°°°°°°°°°°°°°
صير خادم مخلص وكلبك نظيف
والتزم بالطاعه والنهج الشريف
عيش عمرك طاهر وهم ظل عفيف
هذا درب احسين هو المستقيم
**
بالخدامه احسين سواك الأمير
اتواضع ولاتكول صرت انه الچبير
صفي نيتك واخدم انت بكل ضمير
ولاتطيع اليوم شيطان الرجيم
*
لاتعوف الخدمه لازم تستمر
اخذ عِبره من الرياحي المنتصر
ولاتطيع النفس وتصير الشُمر
والله تخسر تالي مثواك الجحيم
**
خلي نيتك بيضه لجله اواضحه
حسين مذبوح وتدور مصلحه
بيع نفسك هالتجاره المُربحه
هم تفوز و تسكن بدار النعيم
***
منهج احسين الصدق والاحترام
والمحبه والتعاون والسلام
والافعال الزينه مو بس بالكلام
هذا دين الواحد الباري الحكيم
*
اتمسك انت بهالمبادئ والقيم
بالتراث وبالاصاله وبالخدم
اخذ من عدهم دروس وهم حِكم
صدك أعلام الزمن ذاك القديم
*
درس من عبود ويه المُنتظر
بالقصايد يندب وعمره نّذر
ينتظر ملهوف يسأل ماظهر
حالته امفارك أبو عايش يتيم
****
بشاره يالخادم تحصل منفعه
تحضر الزهراء والله الشافعه
بالمجالس دمعه دمعه امتابعه
هم تخلصك من عذاب الله الأليم
خادم الإمام الحسين عليه السلام (ع)
السيد حيدر الحيدري
قصيدة اويلاه ياكربله
أداء الرادود محمد المندلاوي
كلمات الشاعر حيدر الحيدري
بغداد مدينة الصدر قطاع ٦٣
قصيدة عفنه كل الدنيا
أداء الرادود عمار الساعدي
كلمات الشاعر حيدر الحيدري
بغداد مدينة الصدر قطاع ٦٣
قصيدة انه الزهره وتواسوني
الرادود مصطفى الذهبي
حي جميلة حسينية السدرة
https://youtu.be/yN63ln3BRTU?si=CwbJtSAXMmfz_WF0
Читать полностью…
(عظم الله آجرك)
عظم الله اجرك يمهدينه الحزين
بجـدك المُختار سيـد المُرسلين
_____
هالمسيه نعّزيّ مولانه الأميـر
وفاطمه الزهره بفگد طه البشير
الكون اظلم من رحل وجهّ المُنير
واصبحوا ايتام بعده المُسلمين
*****
للأسـف مهجـور منهـاج الرسـول
ونغصب حق فاطمه الزهره البتول
وانهشم صدر الحُسين بهالخيول
وذبح عبدالله الطفل سهم اللعين
****
خلص شهر احزان جدك والدمع
وابتدينـه انّحضر لشهر الضلـع
ساعد الله گلبك اشكد منفجع
بفاجعة جدك المُختار الأمين
*****
يابوصالح عندك انواع الهموم
ماتوا اهلك بالسيوف وبالسموم
وسفه طاحت عالثره هاي النجوم
بالسيوف ابطالكم متوذرين
**
يمته يامهدينه تنشر رآيتك
طالت هوايه علينه غيبتك
كلهه منتظره وتندبك شيعتك
رحمة الله الواسعه وحبله المتين
**
شوكت تظهر سيدي عين الحياة
تنقذ الإسلام وتقيم الصلاة
تحقق آمال البشر والأمنيات
هم تأسس دولة الفتح المُبين
خادم الرسول المصطفى (ص)
السيد حيدر الحيدري
موشح في حق الرسول المصطفى (ص)
تهدّمت كل السمه وأركانها
والارض لبست ثياب احزانها
___
يامُحمّد انت سيد المرسلين
ياسراج المعرفه للمسلمين
ياملاذ وياشفيع المُذنبين
انت سدرة مُنتهى واغصانها
~~
يامُحـمّد صاحبَ الخُلقِ العظيم
ياحبيب الله وصراطه المُستقيم
انت والد كل فقير وكل يتيم
جنت تحكم بالعدل ميزانها
~ ~
رحمة الله الواسعه طه الرسول
اشكد معاجز تمتلك حيرت عقول
انت دين الله وفروعه والأصول
والمبادئ والقيم عنوانها
~~
يارسول الباري ياافضل بشير
نقتدي باخلاقك بنهجك نسير
انت شمس الأمة والوجه المُنير
والديانه الخاتمه وقُرانها
~~
هذا ابن عمي وأخي اوهوّ الوصي
تالي صاحوا يهجر اليوم النبيّ
خطة منهم حتى لاتوصي بعليّ
والوصية اشكد عظيمه بشانها
~~
بعدك اصبح سيدي دينك غريب
والجماعه انگلبوا بموقف عجيب
لا رقيب اعليهم ولا من حسيب
أمّتك أرتــدّت بعـد ايمانهـا
~~~~
احنه خدامك يخاتم الانبياء
كون نحضر يمك انقيم العزاء
تبجي ويّانه ملائكة السماء
والاكوان اتغيرت الوانها
~~
ابوصالح من يجي الماء المعين
يحارب الكفار ويه المعتدين
ويشتغل باحكام قُرانه المُبين
وهم يأسّس دولته وميدانها
خادم الرسول المصطفى (ص)
الشاعر السيد حيدر الحيدري
(ميمر كربلائي)
شيعة علي ذكروا النبي
سيد الرُسل طه النقي
امشو اعله نهج المختار .. بعلمه وكلامه وفكره
__. _ _
معروف هادينه هدايه وحكمه
وجملة معارف نور هاي الأُمـه
صليّ وسلّم لو سمعت ابأسمه
خير البشر يحچي دُرر
من النبي ناخذ عِبر
يامسلم ابحث كل يوم ... عن منهجيته وصبره
°°°°°°°°°°°°°°°°°°°
شق القمر وأتّباهل ابمعجزته
القُرآن بين بالارض منزلته
معراج هوه لاتفوتك قصته
طبع النبي ينشر وعي
وحبه يضل افضل سعي
متواضع وزاهد عاش .. ينظر الحال الفقره
°°°°°°°°°°°°°°°°°°
الباري گله جينه نشرح صدرك
يابوالوفه وعنك وضعنا وزرك
وبين الخلگ كلها رفعنا ذكرك
أي والنعم من هالأسم
هيبة وفخر مثل النجم
أسمه انذكر بالآيات .. ومرتفع شانه وقدره
°°°°°°°°°°°°°°°°°°
طه النبي هادينه وافضل قدوه
لو لاه هاي الدنيا ابد ماتسوه
ويه العترة امشي كون خطوه بخطوه
علم وحِكم فكر وقيم
صبر وعزم كلهم شيم
اتمسك بهلقرآن .. وامشي على نهج العتره
°°°°°°°°°°°°°°°°
كل شيعي يترك بالحياة اذنوبه
لخاطر شفيعه المصطفى ومحبوبه
والوجه ابيض كل زمان وثوبه
آه يامحب صفي الگلب
وامشي على هذا الدرب
وخّدِم الحُجّه باخلاص ..لمن تريد اتنصره
°°°°°°°°°°°°°°°°°°°°°
كلمن خدم نال الشرف والرفعه
قرآن ناطق ياعلي و انسمّعه
والمهدي لويظهر علينه انتبّعه
طال السفر يالمنتظر
يمتى الخبر نسمع ظهر
ينشر احكام الإسلام ... وياخذ ابثار الزهره
خادم الرسول المصطفى (ص)
الشاعر السيد حيدر الحيدري
قصيدة النية الصافية
الرادود زيد الخفاجي
كلمات الشاعر حيدر الحيدري
بغداد حي جميلة الثانية
حسينية السدرة
(ويه المهدي)
شارك بالمشي اويانه
ويه المهدي مولانه
_____
أهدي المهدي خطواتك
شارك بيهه دمعاتك
مأجور انته بآهاتك
محرم تبقه احزانه
°°°°°°°°°°°°°°°°°°
يشوفك تمشي مهدينه
يسمعك تبجي لحسينه
يمـدلك هـو چـفينـه
ويدعي لأهله واعوانه
°°°°°°°°°°°°°°°°°
امشي وابجي يوميه
واذكر عمته مسبيه
خرابه وماتت ارقيه
بقوا ايتامه عطشانه
°°°°°°°°°°°°°
صب الدمعه بحساسك
والتسبيح بانفاسك
حزين تّنزل ابراسك
وي زينب الحزنانه
°°°°°°°°°°°°°
طريق الجنه مشايه
فخرك ترفع الرآيه
رصيدك تخدم هوايه
عوف الدنيا تعبانه
°°°°°°°°°°°°°°°°
زيارة الاربعينيه
للروضه الحُسينية
أكبر لوحة شيعية
حبيب يسجل اسمانه
الشاعر حيدر الحيدري
قصيدة النية الصافية
الرادود علي عيسى الساعدي
كلمات الشاعر حيدر الحيدري
بغداد حي اور
https://youtu.be/Re6C2N6xvEU?si=7usS73qw6mUjs9qW
Читать полностью…
قصيدة واويلاه عالحسن وامصابه
الرادود حسين الخفاجي
كلمات الشاعر حيدر الحيدري
موكب وهيئة شباب الحسن
النجف الأشرف
(احزان السجاد)
زين العابدين بدموع وأنين
كضاهه السنين مهموم وحزين
زين العابدين ....(٢)
~~
شاهد السجاد انواع المآسي
خلص اسنينه نواعي وهم بواجي
يذكر المنحر وخنصر والتراجي
والعطش يذكر لون شاف السواجي
شاهدهه الطفوف نيران وسيوف
كضاهه السنين مهموم وحزين
~~
عايش القصه الحزينه بكربلاء
هو ينحب بالصباح وبالمساء
يذكر حسين ورضيعه والنساء
هو مايملك سلاح الا الدعاء
لحسين القتيل المدمع يسيل
كضاهه السنين مهموم وحزين
~~
كربله ماتفاركه لحظه و ثواني
يذكر النار ومخيم ضل يعاني
يصيح يحسين ومصابك موتاني
وينه ملك الموت بعدك ماخذاني
بحر من دماء صارت كربلاء
كضاهه السنين مهموم وحزين
~~
شاف جزار ويحاول ذبح شاته
جاب مي ونطاه كبل ذبحه ومماته
هم تذكر عطش الحسين وبناته
ابواليمه ومات عطشان بحياته
سابح بالدمه ابنج فاطمه
كضاهه السنين مهموم وحزين
~~
وبطريق الشام شوفوني المناحر
جم ضلع هشموا وكسروا بالخواطر
واحنه ماعدنه معين ولا مناصر
وهم تمنيت اشكثر لو جدي حاضر
آهات ودموع كسروهه الضلوع
كضاهه السنين مهموم وحزين
خادم الامام السجاد(ع)
السيد حيدر الحيدري
قصيدة عفنه كل الدنيا
أداء الرادود عمار الساعدي
كلمات الشاعر حيدر الحيدري
موكب الأئمه المعصومين
بغداد حي جميله الثانيه
https://youtu.be/0zQ3ADUCbBU?si=aDQTO5MUq7kh2IX0
Читать полностью…
قصيدة احضر مجلس ويانه
الرادود السيد حيدر الجيزاني
بغداد
(مصرع الحسين)
هم غريب وهم وحيد حسين مولانا الشهيد
ودع اخته والعيال اوراح وحده للقتال
واحُسيناه واشهيداه
***
من هجم سبط النبي مثل ابوه حيدر علي
كلهه ترجع ليوره صاح من يبرز ألي
انه جيت لوحدي وانتظر زلمه اليجي
اي وحق طه النبي اليوم أسبيكم سبي
انتو مابيكم شجاع ياهمج والله ورعاع
قائد واهزم جيوش يلا خل نبدي النزال
**
هجموا اتباعه ال يزيد وضربوا احسين الوحيد
من شمال ومن يمين وناس تضرب من بعيد
كتل من عدهم جنود واجو هجموا من جديد
وانطعن تالي بسيوف وهالنزف اصبح شديد
انترس جسمه بجراح بالسيوف وبالرماح
حتى نيران وحجار ونامت بصدره النبال
***
اجت فرقه بالسهام والسيوف وبالرماح
بالطعن صار ازدحام ينزف وتاليهه طاح
كلهه هجمت بالاخير ذبّحوه صار الصياح خولي يطعن وي سنان صارن الآف الجراح
منذبح ماعنده حيل والجسم اصفر نحيل وانغمى حسين الجريح وعالوجه هم دمه سال
****
والشمر يأمر يصيح چنه شيطان ومخيف
تالي هجموا أربعين من اجل نحره الشريف
عينه ضلت عالخيام جسمه مجروح وضعيف
ماكو ناصر لامعين ناده وبصوته الخفيف
شلون هالمنظر صعب حافر السهم الكلب
ينزف بقوه الجرح حمره صارت هالرمال
****
نحروا احسين الحبيب سبط مولانا الرسول
تالي سلبوه القميص والصدر جوه الخيول
كسّرت منه الضلوع گامت توصل وتجول
نهر صاير من دماء منظر ايحير العقول
لابُرير ولاحبيب حسين مذبوح وسليب
بالشمس خده التريب چثته مانوصف محال
خادم الإمام الحسين (ع)
السيد حيدر الحيدري
حامي الضعينه رآية بيمينه
يا ابا الفضل .... يا ابا الفضل
______
برز عباس الكفيل وشال بيده الرآيه
مو مهم عنده حياته رضا احسين الغايه
سهله ينطيهن اجفوفه ويلتزم بحجايه
تعلمت الاجيال كلهه بفزعتهه الوفايه
يا ابا الفضل .... يا ابا الفضل
****
كون نتعلم دروس من الكفيل وقصته
عنده إيثار وشجاعه وكلهه تشهد فزعته
بكربله طوفان صاير لمن عرگت گصته
نفسي من بعد الحُسين وخالده تضل كلمته
يا ابا الفضل .... يا ابا الفضل
*****
كون نذكرهن صفاته ونستفاد بكل وعي
هذا ابن ام البنين الطاهره وطبعه الوفي
گمر هاشم والصميده ويملك أخلاق النبي
عنده إصرار وحميه انعرف عباس الأبي
يا ابا الفضل .... يا ابا الفضل
****
من صفاته الولي الناصح وابوالغيره الطاهر
كاشف الكربِ تلّقب والمنير الزاهر
والعميد وقمر هاشم وانعرف بالناصر
المجاهد والكفيل وبالشدد هم حاضر
يا ابا الفضل .... يا ابا الفضل
* ****
شلون موقف عالفرات لهسه شاغل بالي
رفض يشرب گبل اخوه احسين والله غالي
راح للموت ويضحي بروحه أبد ميبالي
المهم الرآيه تبقى وراسه ضل هم عالي
يا ابا الفضل .... يا ابا الفضل
* ****
ياهو يدنه للمخيم والعقيله ابراسه
حقق الرقم القياسي بغيرته واحساسه
لخاطر احسين الامير يزامط ابعباسه
انطه عينه وانطه چفه وحتى كل أنفاسه
يا ابا الفضل .... يا ابا الفضل
خادم ابوالفضل العباس (ع)
السيد حيدر الحيدري