Micro Бизнес Блог

22 ноября 2024 15:01

📈 Молиявий ҳисобни нолдан бошлаш учун учта қадам!
Тўғри юритилган молиявий ҳисоб — муваффақиятли бизнеснинг асосидир. Агар молия юритишда тажрибангиз бўлмаса, лекин ҳисоб-китобни тўғрилашни истасангиз, қуйидаги оддий қадамлардан бошлашни тавсия қиламиз:
1️⃣ Асосий кўрсаткичларни танланг. Тушум, ялпи даромад ва нақд пул оқими каби муҳим кўрсаткичларга эътибор қаратинг. Бу билан бизнеснинг қай томонга кетаётганини тушуниш осонлашади.

2️⃣ Базавий ҳисоботларни тузинг. Дастлаб оддий ҳисоботлар: даромад ва харажатлар, ҳисобдаги қолдиқлар. Катта бўлмаса ҳам, мунтазам ҳисоботлар ҳақиқий манзарани кўришга ёрдам беради.

3️⃣ Маълумотларни таҳлил қилиш учун вақт ажратинг. Натижаларни кузатиб боринг, кўрсаткичларни баҳоланг. Ҳеч бўлмаса, ойда бир марта таҳлил қилиш орқали нимани яхшилаш кераклигини аниқлаб оласиз.

Бу қадамлар ортиқча сарфсиз молияни тартибга солишга ёрдам беради. Фикр ва ютуқларингиз билан комментарийларда бўлишинг!👇

#молиявийҳисоб #бизнесмаслаҳатлари #кичикбизнес #молиявийбошқарув #самарадорлик

Micro Бизнес Блог

20 ноября 2024 15:01

🚫 Кичик бизнесдаги учта асосий хато ва уларни бошқарув ҳисобида йўл қўйиш орқали ўсишга тўсқинлик қилишимиз хақида.

Кўп компаниялар бошқарув ҳисобини тўғри йўлга қўйишга ҳаракат қилар экан, қийинчиликларга дуч келади. Асосий хатоларни учта асосий тоифага ажратиш мумкин:
1️⃣ Даромад ва харажатларни нотўғри ҳисоблаш. Бу энг кўп учрайдиган муаммолардан бири. Кайдан маблағ келиб, қаерга сарфланганини аниқ билмай туриб, молиявий назоратни қўлда ушлаш қийин.

2️⃣ Ҳаддан ташқари деталлаштириш. Ҳар бир кичик нарсани акс эттиришга уринаётган компания ортиқча маълумотлар учун катта ресурс сарфлайди, бу эса умумий манзарани фақат қийинлаштиради. Бошқарув ҳисоботи аниқ ва тушунарли бўлиши керак.

3️⃣ Маълумотларнинг етишмаслиги. Таҳлил учун керакли маълумот етарли бўлмаса, раҳбар учун қарор қабул қилиш қийинлашади. Молиявий оқимлар ва натижалар ҳақида тўлиқ тасаввурга эга бўлиш зарур.
Бизнеснинг ўсиши учун бошқарув ҳисобини ўз вақтида тўғрилаш ва ушбу хатолардан қочиш керак.

Сизда ҳисобот билан боғлиқ қандай қийинчиликлар учраган? Фикрларингиз билан изохларда бўлишинг!👇

#бизнес #бошқарувҳисоби #молиявийҳисоб #бизнесхато #кичикбизнес
---------------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

18 ноября 2024 05:31

📊 Бошқарув ҳисоби учун дастур танлашда нималарга эътибор қаратиш керак?

Дастур сифатини баҳолашда унинг машҳурлиги эмас, балки функционаллиги асосий мезон бўлиши керак.

Нима муҳим?
🔹 Дастурда икки томонлама ёзув ҳисоби бўлиши шарт — бу, хисоб-китоб учун булган, дастурларнинг асосий белгисидир.

Барча бошқа хусусиятлар, масалан, интерфейс ёки қўшимча функциялар ва х.к.з, икки томонлама ёзув (принцип двойной записи) ҳисоби мавжуд бўлмаса, иккинчи даражали аҳамиятга эга бўлади.

Машҳурлик = Сифат эмас.
Агар дастур тадбиркорлар орасида оммалашган бўлса, лекин унда икки томонлама ёзув ҳисоби бўлмаса, бу унинг маркетингдаги муваффақиятини кўрсатади, лекин унинг профессионаллиги ёки функционаллиги ҳақида эмас.

Машҳурликка эмас, функционалликка асосланиб танланг!
----------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

Micro Бизнес Блог

14 ноября 2024 05:31

7 та савол: бизнесингиз пул йўқотмаяптими? 📉

Биласизми, 39% тадбиркорлар ҳар ой пул йўқотади, ва кўпчилик бундан хабардор ҳам эмас! Текширинг, эҳтимол, сиз ҳам шулар қаторидасиз?

Қуйидаги саволлар сизга буни билишда ёрдам беради: агар уларга аниқ жавобингиз бўлмаса, эҳтимол, бизнесингиз маблағларини йўқотмоқда:
1️⃣ Ҳар бир маҳсулот ёки хизматнинг аниқ таннархи қанча эканлигини биласизми?
2️⃣ Ҳамма молиявий ҳаракатлар битта қулай платформада акс этганми?
3️⃣ Бизнесга зиён етказмасдан қанча фойдани ўзингиз учун чиқаришингиз мумкин?
4️⃣ Кейинги ойда реклама учун қанча маблағ керак ва бу қанча фойда келтиради?
5️⃣ Маркетинг ва савдо бўлими фойда келтирадими? Агар шундай бўлса, қанча?
6️⃣ Мижозлар тўловларни кечиктирса, қанча вақт ишлай оласиз?
7️⃣ Агар харид нархини 10%га пасайтириб, маҳсулот ёки хизмат нархини 5%га оширсангиз, фойда қандай ўзгаради?

Энди тасаввур қилинг:
✅ Барча молиявий кўрсаткичлар аниқ ва тўлиқ назоратда.
✅ Бизнесингизда маблағлар бекорга сарфланмайди.
✅ Бизнесингиз ривожи учун аниқ режа бор.
✅ Бизнесингизга мослаштирилган молиявий ҳисоб-китоб дашборди бор.
✅ Қанча фойдани чиқариш мумкинлигини ва компания барқарорлигини аниқ биласиз.

Ушбу тасвирни реалликка айлантиришга қанчалик тайёрсиз?
#молия #бизнес #молиявийҳисоб #маркетинг #пул #фойда #назорат #бизнесўсиши #бизнесбошқаруви
------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

12 ноября 2024 05:31

Бизнес эгасининг шахсий харажатларини қайси бандда акс эттириш керак? Келинг, тушуниб олайлик! 🧐

Компания раҳбари ўзини қимматбаҳо совға билан хурсанд қилмоқчи бўлса, бунга тўғри ёндашиш керак: биринчидан, зарур суммани маош ёки дивиденд сифатида ажратиш лозим (агар у компанияда фаолият юритса). Бу жараёнда солиқлар ва мажбурий тўловларни ҳисобга олиш ҳам муҳим. Шундан кейин эса бизнес эгаси маблағларни шахсий ҳисобидан ўзи хоҳлаганча сарфлаши мумкин.

Ҳаётда барча ҳолатлар доим ҳам аниқ молиявий схемаларга мос келмайди, лекин мақсад — ҳар қандай операцияни тўғри қайд этишдир. Шу боис, компания маблағларини бизнес эгасининг шахсий эҳтиёжларига йўналтириш, сумма миқдоридан қатъи назар, қуйидагича акс эттирилиши керак:

🔹 Операцион фаолият, Меҳнат ҳақи (ойликлар) бандида — бу йўлни ҳамма ҳам танламайди, гарчи кўпгина бизнес эгалари компаниянинг раҳбари ҳам бўлишади;

🔹 Молиявий фаолият, Дивидендлар бандида.
Бошқа бандларда ёки ҳисоботларда бундай харажатларни қайд этиш маълумотларнинг бузилишига ва муҳим қарорлар қабул қилишда хато қилинишга олиб келиши мумкин — молиявий барқарорликни баҳолашдан тортиб қўшимча ресурсларга бўлган эҳтиёжгача.
--------------------------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

Micro Бизнес Блог

08 ноября 2024 15:01

Ҳар бир бизнес эгаси кузатиши керак бўлган 5 муҳим метрика 👀

Бизнес тўғри йўналишда ривожланмоқдами ёки йўқми — қандай билиш мумкин? Бу бешта асосий кўрсаткич бунда ёрдам беради:

1️⃣ Тушум. Бизнес қанча даромад келтираётганини кўрсатади ва унинг ўсаяптими ёки бир жойда туриб қолаятганини тушунишга ёрдам беради.  
2️⃣ Ялпи маржа. Ҳар бир сотувдан қанча фойда келаётганини кўрсатади ва операциялар қанчалик самарали эканлигини баҳолаш имконини беради.  
3️⃣ Мижозларни сақлаб қолиш коэффициенти. Доимий мижозларни сақлаб қолиш даражасини кўрсатади — бу кўрсаткич бизнеснинг барқарорлигига ишора қилади.  
4️⃣ Операцион фойда. Ҳаражатлардан қоплаганидан кейин қанча фойда қолади. Агар фойда жуда кам бўлса, харажатларни қайта кўриб чиқиш вақти келган бўлиши мумкин.  
5️⃣ Инвестицияларнинг рентабеллиги. Сармоя самарадорлигини баҳолашга ёрдам беради: сарф қилинган маблағ қанча даромад келтираётганини кўрсатади.

Бу кўрсаткичлар тезкор таҳлил ва самарали қарорлар қабул қилиш учун асос хисобланади. Сиз қайси кўрсаткичларни кузатасиз? Фикрларингиз билан изохларда ўртоқлашинг!

#бизнесметрика #молиявийбошқарув #кичикбизнес #молиявийҳисоб #назорат
-------------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

05 ноября 2024 15:26

​​Нега биз узоқ вақт йўқ бўлиб кетдик? Сиз учун катта лойиҳа тайёрлаётгандик!

Ассалому алайкум, дўстлар! 🎉 Бизнинг каналга ҳуш келибсизлар! Сўнгги вақтларда биздан постлар кўп чиқмаганидан ҳайрон қолган бўлсангиз керак. Албатта, кўпчилик биздан "Янги постлар қаерда?" деб сўрашди хам, ва бу бизга мамнуният бағишлади, чунки бизнинг мавзуга қизиқишингизни ҳис қилдик.

Хўш, нима бўлди? Нима учун йўқ бўлдик?

Ҳозир хаммасини тушунтирамиз: биз янги, катта лойиҳани ишлаб чиқишга шунчалик чуқур киришиб кетдикки, вақт ўтганини сезмадик! Бу фақат бир курс ёки қўлланма эмас, балки тўлиқ молия бошқаруви, ҳисоб-китоб автоматизацияси ва бизнесни рақамлаштириш бўйича комплекс таълим дастурини тайёрладик. Бундан мақсадимиз — сизнинг компаниянгиз барқарор ривожланиши ва молиявий саломатлиги учун зарур билим ва кўникмаларни бериш.

Лойиҳани бошлаганимизда, бунча вақт ва меҳнат талаб қилинишини ўйламаган эдик. Лекин, ишлаш жараёнида биз ҳар бир деталга эътибор бердик, шундай қилиб кўплаб соатлар давомида материаллар ишлаб чиқдик. Буларнинг барчасини сиз учун, жуда осон ва қизиқарли тарзда тайёрлашга ҳаракат қилдик.

Сизни нималар кутмоқда?

Жуда тез орада саъй-ҳаракатларимиз самарасини сизларга тақдим этамиз. Ҳар кимга мос, турли даражадаги курслар тайёр: молия асослари ёки бошқарувидан тортиб, бизнес жараёнларининг тўлиқ назоратигача мавзулар. Биз уларда энг яхши амалиётларни, босқичма-босқич кўрсатмалар ва амалий мисолларни жамлаганмиз. Шундай қилиб, сиз ўқиш жараёнида билганларингизни дарҳол ўз бизнесингизда қўллашингиз ва натижасини кўришингиз мумкин бўлади.

Ва умид қиламизки улар иш жараёнида вақт ва куч тежаб, бизнесингизни самарали бошқаришга ёрдам беради.

Бошқа бундай узоқ вақтга йўқ бўлмаймиз!

Бизга яхши маълумки, кузатувчиларимиз ҳар доим янгиликлар кутишади ва биз улар билан доимо алоқада бўлишимиз керак. Шунинг учун ваъда берамиз: бошқа бундай узоқ танаффуслар бўлмайди! Блогимиз доимо янги контент билан бойиб боради, ва биз яна фойдали маслаҳатлар, материаллар ва янгиликлар билан бўлишамиз.

Бизни кузатиб турганингиз учун раҳмат!

Ҳар бирингизга катта раҳмат, бизни қўллаб-қувватлаётганингиз учун. Бизга бўлган ишончингизни ҳис қилиб, янги контент устида ишлашдан хурсандмиз. Янгиликларни кутинг ва яқинда сизга янада кўпроқ фойдали маълумотларни тақдим қиламиз!
----------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

24 июня 2024 08:27

Бизнес молиясида "ёнғин" аниқланган, лекин тадбиркор ҳали ҳам бу "муаммо"ни дафтар ёки электрон жадвалдаги маълумот билан "ўчириш" мумкинлигига ишонишда давом этаётган холат тасвири. 😂
-------------------
Рақамларни ҳисобланг, бизнес билан шуғулланинг!
Telegram | Instagram | YouTube | 🌐

Micro Бизнес Блог

31 мая 2024 07:28

​​Бизнесни ривожлантириш босқичлари

Ҳар қандай бизнес бир неча босқичлардан ўтади. Уларнинг ҳар бирида молия ва уни бошқариш муҳим аҳамиятга эга.

1. Дастлабки тартибсизлик
 Бошланиши: компания пайдо бўлади, сиз биринчи пул ишлайсиз.

2. Ўсиш ва кенгайиш
 Тез ўсиш: "оборот" ва "масштаб" ортиб боради.

3. Барқарорлик
 Ишлайдиган бизнес модель мавжуд : жараёнлар аниқ, аммо рақамларда чалкашлик бўлиши мумкин. Модель ишламоқда.

4.Кенгайиш
 Инвесторлар, франчайзинг ёки органик ўсиш орқали ривожланишни кейинги этапига харакат қилиш. Сиз компаниянинг иқтисодиёти, ресурслари, мақсадлари ва молиявий моделини тушунишингиз керак.

5. Якун
 Бизнес лойиҳа сифатида тугайди: мақсадларга эришилган бўлади ёки умидлар оқланмаган бўлади. Молиявий натижаларни якуний баҳолаш, инвесторлар ва кредиторлар билан ҳисоб-китоблар амалга ошаётган бўлади.

Сизнинг бизнесингиз ҳозир қайси босқичда? Жавобингизни изоҳларда ёзинг.
-----------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

24 апреля 2024 07:58

​​ХАРАЖАТЛАР

ХАРАЖАТЛАР атамаси бир нечта кўринишга эга (costs (рус.затраты) и expenses (рус.расходы)), улар ўртасидаги фарқ инглиз тилидан таржимасининг ўзига хослиги билан боғлиқ.

Муаммо шундаки, ўзбек тилида “харажатлар” атамасининг концептуал фарқ йўқ, лекин инглиз тилида бу фарқ сезиларли. Шунинг учун ўзбек тилида харажатлар тушунчаси аралашиб кетган ва уларнинг моҳияти йўқолган. Натижада, молиячилар ва тадбиркорлар инглзчадан нотўғри фойдаланишади - масалан, улар "costsни қисқартириш" дейишади. Хозир биз терминологиянинг нозик томонларини тушунтиришга харакат қиламиз.

  Сosts лар икки турга бўлинади: маҳсулот, хизмат ёки асосий воситалар таннархининг бир қисми сифатида капиталлаштирилади (product costs) ва давр харажатлари (period costs).

  Маҳсулот харажатлари, масалан, маҳсулотни сотиб олаётганда сиз тўлаган нарх (purchase price), уни сизнинг омборингизга етказиб бериш (inbound transportation), уни омборда сақлаш харажатлари (storage costs) ўз ичига олади. Унинг таркибий қисмлари натижасида бизнинг активимиз таннархи шаклланади. Бу шуни англатадики, актив сотилганда (айтайлик, маҳсулот бўлса), бу харажатлар бизга қайтиб келади, яъни улар қопланади (recovered).

  Period costs лар (масалан, маъмурий ходимларнинг ва бухгалтерия иш ҳақи, офис ижараси ва товар/хизматларни ишлаб чиқариш билан бевосита боғлиқ бўлмаган бошқа харажатлар) давр охирида харажатлар (expensed) таркибига киради ва харажатлар (expenses)га айланади. Яъни, ҳисобот даври охирида компания ўз фойдасини кўриб чиқса, уни сезиларли даражада соддалаштириш учун у даврдаги ялпи даромаддан биз капиталлаштирмаган, аммо харажатларга тегишли бўлган барча харажатлардан иборат бўлади. аудиторлар айтганидек - "экспенсияланган" давр харажатларига ўтиб қолади. Шундай қилиб, фойда ва зарарлар тўғрисидаги ҳисобот (P&L)да акс эттирилган даврнинг барча харажатлари (period costs) Expenses тоифасига ўтади.

  Expenses ҳам ҳар хил бўлади. Улар орасида активларнинг асосий фаолиятда ишлатилиши билан боғлиқ харажатлар - масалан, асосий воситаларнинг амортизацияси (depreciation expenses) ва номоддий активларнинг амортизацияси (amortization expenses), қийматсизланиш харажатлари (impairment expenses). Шунингдек, булар активларни сотиб олиш билан боғлиқ бўлмаган харажатлар - масалан, умумий ва маъмурий харажатлар (general and administrative expenses), ижара харажатлари (rental expenses), солиққа тортиш харажатлари (tax Expenses)

  Агар янада тушунтириш осонроқ бўлсин десангиз, Балансда шаклланган актив сифатида акс эттирилган барча нарса ХАРАЖАТЛАР (product cost), фойда ва зарарлар тўғрисидаги ҳисоботда акс эттирилган ҳамма ХАРЖЛАР (expenses) ҳисобланади.

  Шуни эсда тутиш керакки, ўз ҳаётининг бошида ҳар қандай expense, албатта, cost ҳисобланади ва фақат давр ёпилиш вақтида expense ҳолатига ўтади; лекин costs ҳеч қачон expenses бўла олмайди.
-------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

04 апреля 2024 17:18

EBITDA кўрсаткичи хақида бу видеода тушунтириш бериб ўтганмиз.
Саволлар бўлса видео остида изохларда қолдиринг.
Маълумот фойдалик бўлса 👍 белгиси хам бор 😜
———————————
Рақамларни ҳисобланг, бизнес билан шуғулланинг!

Telegram| Instagram | YouTube | 🌐

Micro Бизнес Блог

20 марта 2024 14:13

​​🚫 Кўпчилик йўл қўядиган 10 та умумий молиявий хато

Салом ишбилармон дўстлар! Бизнинг қийин тадбиркорлик дунёмизда ҳар бир хато қимматга тушиши мумкин. Келинг, кўп бизнесингиз гуллаб-яшнашига йўл қўймайдиган 10 та энг кенг тарқалган молиявий нотўғри тушунчалар ҳақида гапирайлик.

1- хато: Нақд пул бўшлиғига тушиб қолиш
Ҳозирги молиявий аҳволингизни ўзингиздан яшириш - бу фалокат рецепти. Батафсил ҳисоб-китоб муҳим аҳамиятга эга, акс ҳолда сиз кассадаги тешикларни тузатишда ёқимсиз "машмашадан" бошингиз чиқмайди.

2-хато: чўнтагингиздан пул бўшлиғини қоплаш
Бу тузоқ, чунки сизнинг маблағларингиз ҳам мақсадга эга. Нақд пул бўшлиғи қандай пайдо бўлганини ва уни қандай йўқ қилишни яхшироқ тушунинг.

3- хато: Тўлов тақвимида харажатларни режалаштирмаслик
Кутилмаган харажатлар режаларни бузиши мумкин. Қачон ва қанча пул сарфланишини кўриш учун тўлов тақвимини яратинг.

4- хато: Бизнесда қанча пул ишлашини билмаслик
Ўз маблағлари ва бизнес маблағларини фарқлаш муҳимдир. Чегараларни бузманг, акс ҳолда сиз назоратни йўқотасиз.

5- хато: Йиллик даромад ва фойда мақсадларини белгиламаслик
Мақсадлар ривожланишнинг двигателидир. Йиллик режалар сизни сафга чиқишга ва олдинга силжишга ёрдам беради.

6-хато: нотўғри режа
Режалаштириш муҳим, лекин жуда оптимистик режалаштириш умидсизликка олиб келиши мумкин.

7- хато: Компаниянинг асосий кўрсаткичларини билмаслик
Асосий кўрсаткичларни билмасдан, тегишли бошқарувни амалга ошириш мумкин эмас. Асосий кўрсаткичлар бўйича "чек лист" ни тузиб олинг.

8-хато: Дивиденд тўламаслик. пулни хохлаганча кассадан олиш
Дивидендлар инвестиция қилинган капитал учун тўловдир. Ўзингизга ҳақиқатан ҳам муносиб бўлган нарсани тўлаш имкониятини қўлдан бой берманг.

9- хато: Тўғри рақамларни киритмаслик
Бошқарув хисобини жорий қилиш ва амалга ошириш вақтида, баъзан қўшимча харажатларни яширинганини кўрамиз. Аммо, бу ёмон эмас, баъзида самарали воситалар сиз тўлаганингиздан кўпроқ нарсани келтириши мумкин. Фақат бу харажатларни алохида категорияга ўтказинг ва назорат қилиб юринг.

10-хато: Бошқарув ҳисобларини юритмаслик
Бошқарув ҳисоби норасмий, у назорат воситасидир. Маълумотлардан тўғри фойдаланиш - бу муваффақиятли қарорлар учун калит.

Эсингизда бўлсин, кўпчилигимиз юзлаб ишларни ўзимиз қилишга харакат қиламиз, аммо молиявий қийинчиликлардан қочиш учун, қандай ваколатни кимга ёки қайси дастурга беришни хам ўрганиш муҳимдир.
Эҳтиёт бўлинг ва энг муҳими, бизнесингиздаги рақамларни тушунишга интилинг.
---------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

13 марта 2024 05:08

​​“Кўпинча, одамлар бизга мурожаат қилишганда: “биз тартибни тиклашни, фойдани кўришни, бизнесни назорат қилишни, ўғирликдан халос бўлишни хоҳлаймиз”, дейишади.

Ўғирлик тадбиркор учун алоҳида оғриқдир ва бу ерда Money Managerнинг тенги йўқ.

Money Manager ҳеч қандай шароитда ўғирлик қилишга рухсат бермайди. Маълумотни тизимга киритганингиздан сўнг, у ерда абадий қолади. Ҳужжатларга ходимлар, сиззи рухсатингизсиз ўзгартиришлар кирита олмайди, ва умуман сезилмайдиган нарсалар қолмайди.

  Бизнес эгаси биз билан боғланиб, “тушум йўқолиб бормоқда, моллар йўқолиб кетяпти” дея мурожаат қилди бизга.

  Биз уларга Money Manager дастурини ўрнатдик ва барча товарларни, айниқса “килолик”ларини ва барча ҳужжатларни фақат тармоқ ва дастур орқали назорат қила бошладик. Шундан сўнг баъзи бир гуруҳ ходимлар ўзлари ишдан бўшаб кетишди. Тадбиркорнинг эса даромади ўсишни бошлади.

Омборни, харидларни, тўловларни, ҳар бир менежер ва кассирни назорат қилинг. Барча ходимларни масофадан туриб, ҳатто смартфондан ҳам кузатиб боринг. Тизим ўғирлик қилишга йўл қўймайди.
------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

11 марта 2024 02:26

Кириб келган саҳоват, мурувват ва гуноҳлар кечириладиган
Рамазон ойи барчага муборак бўлсин!

Micro Бизнес Блог

04 марта 2024 12:37

​​Ҳужжат бўлмаса, уни қандай қилиб харажатга "киритиш" керак?

Бу бухгалтериянинг чекловларидан бири хисобланади. Ва агар сиз бу нарсага молиячи “кўзи” билан қарашга қарор қилсангиз, фикрингизни қоғозбозчиликдан харажатлар фактига ўзгартиришингиз керак.

Бошқарув ҳисобида ҳисобот бериш учун маълумот манбалари ҳар хил бўлиши мумкин ва асосийси бу манбаларни танлашда мослашувчанликдир.

Бошқарув ҳисобида биз ҳатто турли ёндашувларни бирлаштира оламиз.
P&Lда биз харажатларни улар содир бўлганда ҳисобга олишимиз мумкин. Бу, айниқса, операция якунланишига ишончингиз комил бўлса, лекин ҳужжатлар бўйича “иш”лар ҳали тугалланмаган бўлса қулай.

Мисол:
– Хизматларни кўрсатиш факти билан (масалан, алоқа, ижара, коммунал хизматлар) хизматлар учун тўлов (ДДС дан).
– Офис харажатлари, ижара, коммунал хизматлар - ойдан ойга башорат қилинадиган стандарт харажатлар.

Агар хизмат тақдим этилган бўлса-да, лекин ҳали тўланмаган бўлса, биз жавобгарликни ҳисобга олишимиз мумкин. Бу, ҳатто расмий ҳужжатлар ҳали тугалланмаган бўлса ҳам, келгуси харажатларни ҳисобга олишга ёрдам беради.

Аммо шуни ёдда тутиш керакки, даромадлар ва ўзгарувчан харажатлар фақат “начисление” асосида ҳисобга олинади.

Асосийси, сизнинг фикрлаш қобилиятингизни мослашувчанлиги, сиз ўзингизга харажатларни тан олиш усулларини бирлаштиришга рухсат бера оласиз, шунда бизнесингизни рақамлаштириш сиз учун осонроқ ва соддароқ бўлади.

Сиз ўзингизни бизнесингизда Ҳужжатлар бўлмаса, харажатларни қандай "ёзиш" кераклиги ҳақида ўйлаб кўрганмисиз?
----------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

21 ноября 2024 05:31

Қандай ҳисобот бизнесингизда 85% муваффақиятга эришишга ёрдам беради? 💼

Бу жавоб — пул ҳаракати ҳисоботи (CashFlow). Айнан шу ҳисобот орқали молиявий вазиятингизни янги даражага чиқариш мумкин!

CashFlow орқали сиз аниқ била оласиз:
* пул қаердан тушган ва қанча миқдорда;
* кимга ва қандай суммалар тўланганини;
* кўрсаткичларни таққослаб, таҳлил қилиш имконини;
* ҳисобларингиздаги қолдиқни бир зумда кўриш имкониятини;
* кассадаги муваққат танқисликларни аниқ башорат қилишни.

Ва буларнинг барчаси — бир зумда!

Аммо...
Бу ҳисобот самарали ишлаши учун сизда кечиктирилган тўловлар, товар захиралари, қарз маблағлари ёки лизингга олинган жиҳозлар бўлмаслиги керак.

ДДС’ни тўғри юритиш — интизом ва мунтазамликни талаб қилади. Айниқса, агар бизнесингизда кўплаб нақд операциялар мавжуд бўлса, уни тўғри сақлаш анча қийин бўлиши мумкин.

Шунинг учун, агар молиявий маблағлар йўқолиб кетаётгандек туюлса, энг аввало ДДС ҳисоботи тўғри жорий қилинганми, ўйлаб кўринг — бу ҳисоботни йўлга қўйиш кечиктириб бўлмас зарурат.

#молия #ДДС #бизнесҳисоб #пулҳаракати #молиявийназорат #бизнессамарадорлик #бизнесривожланиши
---------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

19 ноября 2024 05:31

Ҳисоб-китоб тизимини тезроқ жорий қилиш мумкинми? Келинг, тушуниб олайлик! 🕒

Кичик ва ўрта бизнес учун бошқарув ҳисоб-китобини жорий қилиш одатда 3–5 ой вақт олади. Бу шунчаки гугл-доклар ёки тайёр шаблонлар эмас — ҳар бир хизмат ёки дастур аниқ вазифалар ва бизнес жараёнларига мослаштирилади.
Бироқ замонавий шароитда бир неча ой кутиш қийин бўлиб қолмоқда.

Нима учун бунча кўп вақт керак ва тезлаштириш мумкинми?
1️⃣ Асосий сабаб — тизимни "притирка" қилиш. Жорий қилиш — бу фақатгина таблицаларни юритиш эмас. Бу тестлаш, настройка қилиш, жамоани ўқитиш ва бизнес жараёнларига мослаштиришдан иборат. Бир ой дастурлашга, икки ой эса кузатиш ва мослаштиришга кетади.
Агар сизга “икки ҳафтада ҳисоб-китоб тизими жорий қиламиз” дейишса, эҳтиёт бўлиш керак. Бу шошилинчда "қўшиб-ёпиштирилган" ечимларга олиб келиши мумкин.

2️⃣ Қандай ҳолларда вақтни қисқартириш мумкин? Ҳа, баъзи ҳолларда мумкин.
Агар бир неча блокларни соддалаштириш, деталлаштиришни камайтириш ёки вақтинчалик ечимлар киритиш мумкин бўлса, жараён тезлашади. Аммо тажрибали мутахассис проектнинг қайси жойларда соддалаштириш керак бўлишини ва керакмаслигини аниқлай олади.

3️⃣ Ҳисоб-китоб тизимини бир ҳафтада жорий қилиш мумкинми? Албатта, фақат айрим ҳолларда.
Агар кунига 50 тагача тўлов, бир компания ва соддалаштирилган ишлаб чиқариш жараёни бўлса, ва чуқур таҳлил талаб қилинмаса, бир неча кунда тизимни жорий қилиш мумкин. Аммо кўплаб лойиҳалар учун бундай ёндашув талабларга тўлиқ жавоб бермаслиги мумкин.

❓Сиз учун ҳам ҳисоб-китоб тизимини жорий қилиш қийинчилик туғдиряптими?
#ҳисоб #бизнес #жорийқилиш #тизим #таҳлил #самарадорлик #ривожланиш
-------------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

15 ноября 2024 15:01

Аниқликми ёки тезкорликми: қайси биринини танлаш керак?

Кўпчиликка таниш савол: қайси жиҳат муҳимроқ — маълумотларни тезда олишми ёки уларнинг аниқлигими? Иккаласи ҳам жуда муҳим. Аммо танлашга тўғри келганда, нима қилиш керак?

Молиявий ҳисоб-китобда "хатолик даражаси" ва "ёндошув" тушунчалари бор. Бу дегани, сиз дастлабки молиявий натижани якунлаш вақтигача дастурда акс эттирилиши кутилаётган маълумотларга ҳам, аллақачон қайд этилган маълумотларга ҳам асосланиб тузасиз.

Қайд этилган маълумотлар билан одатда муаммо бўлмайди. Аммо якунланмаган ёки кутилмоқда деб ҳисобланган маълумотлар, табиийки, маълум бир даражада шубҳа уйғотиши мумкин.

Шунинг учун савол туғилади: аниқлик 100% бўлмаслигини билган ҳолда, даромад ва зарар бўйича дастлабки ҳисобот тузиш тўғрими?

Хатоларни камайтириш учун ҳисоб-китобни тез ва ўз вақтида юритиш муҳим. Операциялар қанча тез ва аниқ қайд этилса, башорат ёки моделлаштиришга эҳтиёж шунча камаяди.

Буни қандай амалга ошириш мумкин? Тадбиркор учун ҳисобот ойининг охирида эмас, балки бутун ой давомида компаниянинг асосий жараёнларидан хабардор бўлиб туриши муҳим. Агар у тўлов кунлари ёки муҳим ёзишмалардан хабардор бўлса, бу унга компаниядаги воқеаларни тўлиқ тушуниш ва молиявий ҳисоб-китобларда аниқликка эришиш имконини беради.

Период якунланганда пайдо бўлиши мумкин бўлган фарқ ёки ўзгаришларга қандай ёндашиш керак?

Дастурда тўлиқ маълумотлар мавжуд бўлганда, дастлабки маълумотларни ҳақиқий маълумотлар билан алмаштириш керак. Агар катта фарқ ёки жиддий ўзгаришлар пайдо бўлса, уларнинг сабабларини топиш ва келажакда бу ҳолатларни олдини олиш учун жараёнларни такомиллаштириш керак бўлади.

Шу тариқа, раҳбарият тезкор қарорлар қабул қилиш учун зарур бўлган маълумотларни тезда олиш имкониятига эга бўлади, шу билан бирга, аниқ ва тўлиқ маълумотлар жамланиб, бошқарув ҳисоботи янада ишончли бўлади.

Шу йўл билан катта компанияларда тезкорлик ва аниқлик муаммоси ҳал қилинади.

#бошқарувҳисоби #молиявийҳисоб #ҳисобот #аникликвамолия #молиявийнатижа #молиявийкурслар #молиявийбошқарув
-----------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

13 ноября 2024 15:01

❓ Теоретик ва практикнинг кичик бизнес молиясига ёндашувидаги фарқ нимада?

Теоретик:  
👩‍🏫 Бошқарув ҳисобида даромад ва зарар режасини ҚҚСсиз тузиш керак.

Практик: 
🤫 Кичик ва "норасмий" бизнесда оптимизациянинг ўзига хос жиҳатлари бор, шу боис, соф фойдани ҳисоблашда бошқачароқ ёндашув талаб қилиниши мумкин.

Теоретик: 
👩‍🏫 Пул ҳаракати ҳисоботида учта фаолият тури акс эттирилиши керак: операцион, молиявий ва инвестициявий.

Практик:
👩‍💻 Кичик бизнеснинг ҳақиқий ҳаётида молиявий оқимлар тартибли эмас, ҳужжатлар кўпинча амалдаги ҳаражатларни тўлиқ акс эттирмайди. Ички гуруҳлар орасидаги ҳисоб-китоблар келишмовчилиги, дивидендларни тизимсиз олиб чиқиш каби ҳолатлар кўп учрайди.

Теоретик:  
👩‍🏫 Фойда ва зарар ҳисоботи, пул ҳаракати ҳисоботи ва балансни тайёрлаш керак. Ҳозир маълумотларни ходимлардан сўраб олиб уларни жадвалга жойласам бўлди!.

Практик:  
🤦‍♀️ Кичик бизнесда маълумотларнинг тўғрилигига ишониб бўлмайди, аудитсиз ҳисобот тузиш тўғри эмас.

Аввало маълумотларни текшириш, мавжуд номувофиқликларни аниқлаш, етишмаётган маълумотларни тиклаш керак, шундан кейингина якуний ҳисоботларни тузиш мумкин.
Фикрларга қўшилсангиз, 🔥 қўйинг!
---------------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

11 ноября 2024 15:01

Кичик бизнесда молияни назорат килиш вазифаси кўпинча энг заиф жой ҳисобланади. Ҳозирги кунда ҳар қадамда таҳлилчиларни учратиш мумкин — ҳамма маълумотларни таҳлил қилиш билан банд. Аммо ҳисоботни тўғри тузишни уддалай оладиган мутахассислар жуда кам. Аудитни бошлайсан, лекин қолдиқ маблағлар ҳисобдаги рақамлар билан тўғри келмайди, харажатлар мақсадсиз тақсимланган. Натижада, пул оқимларида йўқотишлар, ноаниқ фойда миқдори ва нотугри тупланган молиявий кўрсаткичлар юзага келади.

Таҳлил қилишга ўтишдан аввал, ҳисобот асосида ётадиган маълумотларнинг ишончли эканига амин булиш ва молия назоратчисининг вазифаларини тўлиқ бажариш зарур.

Акси ҳолда, шошиб, чала-пуча ҳисоботлар ҳосил бўлади, улар бизнес учун фойда эмас, балки зарар келтиради.
--------------------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

07 ноября 2024 15:01

📈 Бизнесни рақамлаштириш — келажакка қадамми ёки ортиқча харажатлар-ми?

“Бу фақат йирик компаниялар учун” ёки “ходимларни ўқитишга кўп вақт кетади” деб ўйлаб, неччи марта рақамли ечимларни жорий қилиш имконини ўтказиб юбордингиз?

Энди тасаввур қилинг: 💡 барча ҳисоботлар автоматик тарзда шаклланади, муҳим маълумотлар доим қўл остида, ва сиз асосий ишларингизга диққат қаратган ҳолда вақтингизни тежайсиз.

⚙️ Рақамлаштириш бизнесга қандай фойда беради?
1. 📊 Аниқ маълумотлар доимо қўл остида: ҳисоботлар ва жадваллардаги чалкашликлардан халос бўласиз.
2. 🚀 Вақт ва ресурсларни тежаш: кўпроқ автоматлаштириш — камроқ маш-маша (рутина) ишлар.
3. 💰 Молияни назорат қилиш: харажатлар ва даромадларни самарали бошқариш, хато ва хатарларсиз.

Статистикага кўра, кичик бизнеснинг хар иккидан бириси нотўғри ҳисобланган харажатлар ва чалкаш молиявий маълумотлар туфайли маблағ йўқотади.

Бундан халос бўлишни истайсизми? Рақамлаштириш ҳақида ўйлаб кўринг! Бугунги кунда бу — бозор етакчиларига олдинда қолишга ёрдам берувчи муҳим омил.

💬 Фикрларингиз билан изохларда бўлишинг: бизнесингизда рақамли ечимлар борми ёки улар ҳақида ҳали ўйлаяпсизми?
---
#БизнесниРақамлаштириш #Автоматлаштириш #БизнесСамарадорлиги #КичикБизнес #МолияБошқаруви #РақамлиИнқилоб #БизнесМаслаҳатлари #Оптимизация #РақамлиЕчимлар

--- 
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

17 сентября 2024 07:13

/channel/allaevuzb/5517

💯

Micro Бизнес Блог

06 июня 2024 06:23

​​Кўпинча тадбиркорлар фақат CashFlowни кузатадилар (қанча келди, қанча кетди) аммо операциянинг иккинчи қисмини эътиборга олишмайди (агар бир томонда пул бўлса, бошқа томонда нима бўлди?). Натижада унда омборлардаги қолдиқларнинг тўлиқ манзараси йўқ, қарздорликлар ҳақида маълумот йўқ (қанча қарздорман ва қанча менга қарздорлар), бизнесдан қанча фойда чиқариш мумкин ва қанчасини қолдиришни билмайди.

Икки томонлама ёзувдан фойдаланиш ҳисоб-китобни юритишга ва компанияда содир бўлаётган ҳодисаларнинг тўлиқ манзарасини кўрсатадиган ҳисоботларни тузишга имкон беради. Суммалар йўқолмайди, ҳисоботлар такрорланмайди.
---------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

14 мая 2024 11:14

Омбордаги товар айланмаси.

Баъзан айланма тезлиги деб ҳам аталади.
Омборда инвентаризациядан фойдаланиш самарадорлигини баҳолашга ёрдам берадиган кўрсаткичдир. Бу маълум вақт оралиғида (одатда бир йил) омбордаги нарсалар неча марта сотилгани ва янги нарсалар билан алмаштирилганлигини ўлчайди.

Омбордаги товар айланмасини ҳисоблаш формуласи қуйидагича кўринади:

Товар айланмаси = Маълум бир давр учун сотиш таннархи / Товар-моддий захираларнинг ўртача йиллик қиймати.

Товар-моддий захираларнинг ўртача йиллик қийматини ҳисоблаш учун сиз давр бошидаги ва давр охиридаги товар қийматини қўшишингиз ва кейин 2 га бўлишингиз керак.

Мисол учун, агар йил давомида сотиш қиймати 1 000 000 доллар ва ўртача йиллик инвентар қиймати 200 000 доллар бўлса, у ҳолда айланма қуйидагича бўлади:

1,000,000 / 200,000 = 5

Демак, омбордаги товарлар йилига беш марта айлантирилади. Товар айланмасидан инвентаризацияни бошқариш, ишлаб чиқаришни режалаштириш самарадорлигини баҳолаш ва "остатка"ни бошқариш стратегиясини ўзгартириш зарурлигини аниқлаш учун фойдаланиш мумкин.
--------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

23 апреля 2024 07:49

Хар викторинага 100 кишидан ортиқ жавобдан кейин навбатдаги савол ни жойлаяпмиз. 😁
Куп қолмади...

Micro Бизнес Блог

25 марта 2024 14:02

​​ Тадбиркорлик- бу етарлича пул ишлаб топиш орқали, инсон ўзи хоҳлаган иши билан шуғулланишни давом эттира олишдир!

Кўпчилик тадбиркорлик билан шуғулланишда “таваккал қилиш” керак деб ҳисоблашади. 

Менимча, таваккал қилиш сабаб эмас, балки натижа.
Тоғда чанғи учаётганда бошини жароҳатлаш мумкин. Лекин одамлар бошларини жароҳатлаш учун тоғда чанғи учишмайди, балки тезликдан завқ олишни хоҳлашади.
Жароҳатланган бош, тезлик туфайли юзага келувчи ва бутунлай олдини олиб бўлмайдиган, нохуш ҳодисадир. 
  
Агар сиз таваккал қилиш билан ишни режалаштирган бўлсангиз, демак бу “тадбиркорлик” эмас “авантюризм” холос.
----------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

20 марта 2024 08:02

Жавобларга қараганда Баланс хақида бир оз маълумот бериш кераклигига ухшайди. Бу видеода ушбу хисоботни гапириб утганмиз.
Фойдалик булса хурсанд буламиз. Саволлар булса (бу яхши дегани!) Видео остида изохларда қолдиришингиз мумкин

Викторинани давом этамизми? 😁
Ха 👍 йуқ 👎

Micro Бизнес Блог

11 марта 2024 05:00

💰 Қандай қилиб бизнес фойдасини тўғри ҳисоблаш мумкин? Келинг, тушуниб олайлик!

Салом, тадбиркорлар! Бугун мен сизга бизнеснинг фойдасини қандай тўғри ҳисоблаш ҳақида гапириб бераман. Келинг, чуқурроқ қарайлик ва асосий тушунчаларнинг ҳар бирини алохида ўрганайлик. 📊

Ишлар қандай кетаётганини тушуниш учун асосий кўрсаткичларни тушуниш керак:

Тушум: товарлар ва хизматларни сотишдан олинган даромад.
Операцион харажатлар: ишлаб чиқариш ва сотиш харажатлари.
EBITDA: фоизлар, солиқлар ва амортизацияни чиқаришдан олдинги фойда.
Кредитлар: тўланиши керак бўлган қарзлар.

Фойдани қандай ҳисоблаш мумкин: асосий компонентлар
Энди бизда ушбу асосий кўрсаткичлар мавжуд бўлса, сиз фойдангизни ҳисоблашингииз мумкин:
Фойда = Даромад - Операцион харажатлар - Кредитлар - Солиқлар

Амортизация: фойда билан қандай боғлиқ?
Амортизация - бу асосий воситалар қийматининг вақт ўтиши билан ҳисобдан чиқарилиши. Бу сизнинг даромадингизга таъсир қиладиган солиқ базасини камайтиради.

Сарҳисоб қилар эканмиз
Фойдани ҳисоблаш жумбоқни йиғишга ўхшайди. Тўлиқ расмни кўриш учун ҳар бир қисм (кўрсаткич) муҳимдир. Рақамларингизни билиб, сиз ўз бизнесингизнинг сардори бўласиз ва уни муваффақиятга олиб борасиз!
-----------------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

08 марта 2024 16:09

​​ Қандай қилиб бизнесни рақамлаштириш, ҳисоботлар учун вақтни 8 баравар қисқартирди ва 75 миллионлик ликвидсиз товарларни топишга ёрдам берди.

Мебель фабрикасининг эгаси биз билан боғланди. Компания мебель ишлаб чиқариш ва сотиш билан шуғулланади.

Бизга келгунча нималар содир бўлаётган эди: бизнес ўсиб бормоқда ва шу билан бирга ҳисоботлар ҳажми ва уларни ўтказиш вақти хам.
Маълумотлар жадвалларга нотўғри киритилган эди, шунинг учун уларга ишониш мумкин эмас эди.
Молия хавфсизликни йўқотган эди, назорат йўқ деган туйғу тадбиркорни тарк этмас эди.

Бизнес эгаси томонидан айтилган муаммолар:
1. Ягона ҳисобот йўқ - вазифаларни кимга ва қандай топширишни аниқлаш мумкин эмас.
2. Кундалик молиявий операцияларни бажариш учун кунига 2 дан 3 соатгача вақт кетади.
3. Барча пуллар турли жойларда: карталарда, счетларда, бир нечта “кассир”ларда нақд пул кўринишида ва уларни ягона жойда ҳисобга олишнинг иложи йўқ.
4. Excelдаги хатолар туфайли товар қолдиғи нотўғри ҳисобланган.
5. Соф фойда номаълум.
6. Қайси маҳсулотлар энг яхши сотилиши аниқ эмас эди.

Хисоб-китобни диагностикаси давомида биз ушбу муаммолар компанияда нима учун пайдо бўлганлигини аниқладик - А нуқта:
1. Ҳеч қандай структура ва молиявий модель мавжуд эмас.
2. Молиявий бошқарув ҳисобида ўзаро бир-бири билан боғлиқ бўлмаган 3 та ҳисобот
3. Ҳисоб-китоблар бўйича “қўлда” киритиш ва санаш.
4. Тўлов тақвими йўқ - улар ойлик харажатларни режалаштирмайди.
6. Нотўғри саналаётган фойда ва зарар ҳисоботи.
7. Ойлик молиявий режанинг йўқлиги.

Бизнесни ривожлантириш нуқталарини топиш учун биз молиявий моделни туздик. Кейинчалик, биз Money Manager дастуридаги ягона CashFlow ҳисоботига барча счетларни тўпладик, тўлов тақвими ва P&L ҳисоботини тузиб чиқдик.
Биз қўлда маълумот санашни минималлаштирдик - бу билан ҳисоботни бузиши мумкин бўлган хато хавфи камроқ бўлади.
Ҳисоб-китобларнинг шаффофлиги учун барча операциялар "икки томонлама ёзув" тамойили бўйича амалга оширилади.

Рақамлаштиришдан сўнг бизнеснинг Б нуқтаси қуйидаги натижага келди - :
• Аниқ тузилма пайдо бўлди - вазифаларни ходимларга топшириш имкони пайдо бўлди.
• Ҳисобот бериш кунига атиги 20 дақиқа вақт оладиган бўлди — ойига 60 соатдан кўпроқ вақт бўшатилади.
• Барча карталар ва ҳисоблардаги пул маблағлари битта CashFlow ҳисоботида жамланади - пул қолдиқларини кузатиб бориш қулайлашди.
• P&L ҳисоботида ҳар бир лойиҳанинг рентабеллигини кузатишингиз ва реал соф фойдани кўриш мумкинлашди .
• Тўғри тузилган P&L умумий айланманинг 25% ва 75 млн.ни банд қилаётган фойдасиз товарларни топишга ёрдам берди.
• Яхши йўлга қўйилган иш бизга омбор захираларини яхшилаш имконини берди.
• Тўлов тақвими, етказиб берувчиларга тўловларни, жадвалини яратишга ёрдам берди.
• Фин. Модель бизнес айланмасини баҳолашга ёрдам берди - биз нима фойдали эмаслигини ва нима фойдали эканлигини тушундик.
• Режалаштириш етказиб берувчилар билан белгиланган нархларни келишиш учун ассортимент режасини яратиш имконини берди. 
Бизнес энди "ўзгарувчи" курсдан азият чекмайдиган бўлди.

“Музлаган” товарлардан "тежалган" 75 миллион даромадлироқ лойиҳаларга ўтказиш режалаштирилди. Ҳисобот бериш энди кўп иш вақтини талаб қилмайдиган ва яна бир мухим моменти, у анча аниқлашди - энди унга таяниб, тадбиркор ишини режалаштириш мумкин бўла бошлади.

Сизнинг бизнесингиз келажакда қанча фойда келтириши мумкинлигини билмоқчимисиз?
Менга @salijan_saliev га "Аудит" сўзини ёзинг ва биз сизнинг бизнесингиз молиявий хисоб-китоб тизимининг бепул аудитини ўтказамиз.
-----------------------
Рақамларни ҳисобланг, бизнес билан шуғулланинг!
Telegram | Facebook | Instagram | YouTube | 🌐

Micro Бизнес Блог

02 марта 2024 12:23

Айтинг-чи...
Сунъий интелектга қандай вазифа ёзган эдикк-ки, бизга ушбу расмни генерация қилиб берди 😁🤑
Комментарийларга мархамат 😀