GSM GURUS F.A.Q

09 января 2023 14:00

​Telegram Premium обунасини арзонроқ нархда тўлаш тугади

Telegram Premium обунасини Google Play Маркетда Туркия аккаунти орқали арзонроқ харид қилганлар учун эндиликда нархлар ошди. Илгари тахминан 8 000 сўм бўлган обуна нархи энди 43 000 сўмни ташкил қилмоқда.

Android иловалар дўкони Google Play Маркетнинг туркча версияси Telegram Premium обунаси учун арзон нархда тўлаш усулларидан бири ҳисобланарди. Шунингдек ўтган йили бепул обуна усули ҳам қисқа вақт давомида ишлади, бунинг натижасида Telegram 3-5 миллион долларга зарар кўрди (ушбу усулдан фойдаланган аккаунтларга SCAM белгиси берилди).

#Telegram #Телеграм #янгилик

GSM GURUS F.A.Q

16 сентября 2022 17:13

​Android дан кўчирилган iPhone 14 Pro смартфонининг Топ-5 "инновациялари"

Ўтган ҳафта Apple компанияси iPhone 14 сериясини тақдим қилгач ушбу қурилмалар атрофида кўплаб шов-шувлар кўтарилди. iPhone 14 сериясида янгиланишлар кўп бўлмаса-да, Pro моделлари эътиборга молик баъзи функцияларга эга.

Android Central нашри, Apple ўзининг iPhone 14 Pro смартфонида Android қурилмаларнинг баъзиларида пайдо бўлганидан кейин жорий қилган бешта "инновацияларини"санаб ўтди.
Улардан биринчиси Dynamic Island деб номланган махсус тирқиш (вырез): "Иккинчи экран" деб номланган шунга ўхшаш вариант LG V10 (2015 й), Galaxy A8s ва Honor V20 (2018 й) смартфонларида бўлган.

Иккинчи функция – селфи камераси учун тирқиш. Манбага кўра, биринчи бўлиб уни Хитойнинг Huawei компанияси тақдим этган (2018 й), ҳозирда бундай тирқиш кўплаб Android смартфонларда қўлланилади.

Учинчи функция – Always-On Display. Ажабланарлиси шундаки, iPhone да ушбу имконият шу пайтгача бўлмаган ва энди фақат iPhone 14 Pro ва Pro Max моделларида қўллаб-қувватланади, "оддий" iPhone 14 да эса йўқ. Samsung компанияси биринчилардан бўлиб AOD функциясини қўллаган.

Тўртинчи инновация – экраннинг динамик янгилаш частотаси бўлиб, Apple компанияси, маркетинг мақсадида технологияни ўзига хос тарзда номлаган: ProMotion. Ушбу функция iPhone 13 Pro ва Pro Max смартфонларида мавжуд бўлган, аммо илгари у экранни 24 Гц дан паст частотада янгилашга имкон бермаган, аммо энди батареяни тежаш учун 1 Гц частотагача тушириши мумкин.

Ва ниҳоят, илгари Google Pixel смартфонларида мавжуд бўлган бешинчи функция – автоҳалокатларни автоматик аниқлаш ва ёрдам чақириши мумкин бўлган муҳим янги хавфсизлик функцияси. Ушбу имконият барча iPhone 14 серияси ва Apple Watch Series 8 ақлли соатларида мавжуд бўлади.

Хулоса
Apple ҳозирда инновацион компания эмас, афсуски, унинг инновацион йиллари аллақачон ўтганга ўхшайди. Энди компания Android ишлаб чиқарувчиларидан илҳомланиб, улардаги функцияларга баъзи ўзгартиришлар киритмоқда. Илгарилари, бу кабилар Apple учун хос эмас эди.

• Android смартфонларда мавжуд, лекин iPhone да бўлмаган баъзи имкониятлар
• Android да аллақачон мавжуд бўлган, iPhone янги iOS 14 тизимининг имкониятлари
• Янги iOS 14 тизимининг Android фойдаланувчиларига ҳам қизиқ бўлган имкониятлари

#маълумот #iPhone

GSM GURUS F.A.Q

26 августа 2022 17:52

Смартфон экранида DCI-P3 нимани англатади?

Смартфонлар экрани техник хусусиятларида кўрсатилган DCI-P3 ранг майдони ҳақида гап кетганда, кўпчилик бу нима ва нима учун ўйлаб топилган деган саволга жавоб беришга қийналади.
Яна бир маркетинг ҳийласими ёки ҳақиқатан ҳам фойдали нарсами?
Аксарият фойдаланувчилар учун, бундай қурилмаларда рангларни кўрсатиш ҳақиқатан ҳам яхшироқ эканлигини билиш кифоя. (OLED экранларида кўзнинг чарчашини қандай камайтириш мумкин?)

Қуйида батафсилроқ тушунтиришга ҳаракат қиламиз.
Инсон кўзи турли хил рангларнинг бир неча миллион тусларини таний олади, гарчи одам ўзи буни сезмаса ҳам. Кўплаб қурилмаларнинг экранлари, афсуски, ушбу кўрсаткичларга мос келмайди, шунинг учун турли хил дисплей ишлаб чиқарувчилар кимнинг экрани рангни яхшироқ кўрсатиши жиҳатидан рақобатлашишади.

Таққослаш учун бир неча ранг майдонлари яратилган, уларни кўпинча смартфон экранининг техник хусусиятларида кўриш мумкин. Шулардан бири — DCI-P3 — ёрқин ва тўйинган рангларни кўрсатиши билан ажралиб туради.
Бир нечта кенг тарқалган ранг майдонлари мавжуд, уларнинг номларини смартфон сотиб олаётганда техник хусусиятлари рўйхатида учратиш мумкин. Масалан, sRGB кўплаб экранлар учун стандарт бўлган умумий профилдир. Adobe RGB янада такомиллашган ранг майдони ҳисобланади, аммо у ҳамма жойда ҳам қўлланилмайди.

DCI-P3 экрани рангларни sRGB га қараганда яхшироқ узатади ва тасвир анча тўйинган кўринади. Аммо Adobe RGB билан таққослаганда турлича талқин қилиш мумкин. Гап шундаки, инсон кўзи учун "илиқ" ранглар "совуқ" ранглардан кўра муҳимроқ. Тасвирдан олинадиган умумий таассуротлар айнан қизил, тўқ сариқ ва бошқа илиқ туслар билан шаклланади. Шунинг учун, Adobe RGB ни ҳамма нарсада ортда қолдиришга ҳаракат қилиш ўрнига, DCI-P3 яратувчилари ранглар майдони спектрининг қизил қисмига эътибор беришга қарор қилишди. Натижада, DCI-P3 яшил спектрда Adobe RGB дан ёмонроқ, аммо қизил рангда яхшироқ деб айтиш мумкин, бу эса инсон кўзи томонидан қабул қилиниши учун муҳим.

Хулоса
Агар смартфон асосан фотосуратлар олиш учун танланмаган бўлса ва фақат стандарт эҳтиёжлар учун (мессенжерлар, браузерлар, қўнғироқлар ва бошқалар) ишлатилса, DCI-P3 оддий фойдаланувчи учун унчалик муҳим бўлмаслиги мумкин. Суратга олиш ва қайта ишлаш билан тез-тез шуғулланадиганлар учун DCI-P3 стандартини қўллаб-қувватлайдиган смартфонни харид қилиш тавсия қилинади.

#маълумот

GSM GURUS F.A.Q

21 августа 2022 16:31

​Смартфон экранидаги multi-touch функцияси нима?

Смартфонлар техник хусусиятлари тавсифида кўпинча баъзиларга нотаниш бўлган атамалар учрайди, шулардан бири multi-touch бўлиши мумкин.
Multi-touch инглиз тилида "бир нечта тегиниш" дея таржима қилинади. Шунга асосланиб, бир вақтнинг ўзида бир нечта тегинишни қўллаб-қувватлайдиган экран (сенсорли панел) ҳақида гап кетаётганлигини англаш мумкин.

Таққослаш учун, айтайлик оддий сенсорли экран фойдаланувчининг фақат битта тегишини бир вақтнинг ўзида таний олади. Multi-touch экран эса бир вақтнинг ўзида 2 дан 10 тагача тегиниш жойини аниқлашга қодир. Бу шуни англатадики, фойдаланувчи ўз қурилмасини барча ўн бармоғи ёрдамида бошқариш имкониятига эга. Бугунги кунда деярли барча смартфонлар multi-touch функциясини қўллаб-қувватлайди.

Multi-touch нима учун керак?
Multi-touch фойдаланувчининг қурилма билан ишлаш тезлигини оширишга, шунингдек ишлашни янада қулай қилишга ва қўшимча функциялардан фойдаланишга имкон беради. Мана улардан баъзилари:
• Бармоқларни торайтириш — кичрайтириш.
• Бармоқларни ёйиш — катталаштириш.
• Бир нечта бармоқлар билан ҳаракатлантириш — юқорига-пастга, чапга-ўнгга айлантириш.
• Икки бармоқ билан айлантириш — объектни буриш.

Multi-touch иловаларда фаол қўлланилади. Мисол учун, ўйинлар баъзан иккитадан ортиқ тегинишни талаб қилади. Яъни, агар сенсор панели фақат иккита тегинишни қўллаб-қувватласа, унда ўйинни тўлиқ ўйнаб бўлмайди.

Смартфон қанча тегинишни қўллаб-қувватлашини қандай аниқлаш мумкин?
Агарда қурилманинг техник хусусиятларида аниқ маълумот кўрсатилмаган бўлса, махсус иловалардан фойдаланишингиз мумкин, масалан, MultiTouch Tester.

Баъзи смартфонларда экран алмашиши (оригинал бўлмаган) ёки тизимда учта бармоқ билан скриншот олиш имконияти фаол бўлганлиги сабабли multi-touch функцияси тўлиқ ишламаслиги мумкин.

#маълумот

GSM GURUS F.A.Q

14 августа 2022 16:27

​Шахмат ўйнаш ва ўрганиш учун энг яхши иловалар

Шахмат - тактика, стратегия ва визуал хотира каби кўникмаларни ривожлантирувчи ажойиб мантиқий ўйиндир. Қуйидаги иловалар ёрдамида шахмат ўйнашни ўрганишингиз, сунъий интеллект ёки дунёнинг турли нуқталаридаги рақиблар билан беллашишингиз мумкин.

1. Шахматни ўргатиш – оддийдан мураккабгача
Ушбу ўқув дастури шахмат бўйича қўлланма ҳисобланади. Илова шахмат қоидалари ва қонунлари билан таништиради ва бошланғичдан II даражагача бўлган йўлни ўтишга кўмаклашади. Курс 100 та шахмат мавзусини ўз ичига олади, жумладан: шахмат қоидалари, дебютда, ўйиннинг ўртаси ва эндшпилда ўйнаш усуллари; комбинация техникаси ва стратегиянинг асосий элементлари. Умумий олганда, курсда 500 та ўқув мисоллари ва олинган билимларни мустаҳкамлаш учун фойдали бўлган 700 та машқлар мавжуд.

2. Шахмат · ўйнанг ва ўрганинг
Дунё бўйлаб миллионлаб ўйинчилар билан бепул ва чекловларсиз шахмат ўйнанг! 50 000 дан ортиқ тактик вазифалар, интерактив дарслар ва видео курслар ҳамда кучли таҳлил механизми билан такомиллашиб боринг.

3. lichess • бепул онлайн шахмат
Ушбу шахмат иловасида сунъий интеллектга (офлайн) ёки онлайн рақибга (тахминан 150 000 фойдаланувчи) қарши ўйнашингиз мумкин .

4. Really Bad Chess
Ғайриоддий шахмат симулятори, унда ўйинчилар ўз ихтиёрида бутунлай тасодифий қисмлар тўпламига эга бўлишади.

5. Play Magnus
Жаҳон чемпиони Магнус Карлсенга қарши шахмат маҳоратингизни синаб кўринг! Play Magnus иловасини юклаб олган бутун дунё бўйлаб турли маҳорат даражасидаги бошқа ўйинчиларга қўшилинг! Ҳар қандай ўйинчи ҳар йили ўтказиладиган Play Live Challenge тадбирига қатнашиш ва Магнус билан жонли ўйнаш имкониятига эга.

6. Ҳақиқий шахмат
Асосий хусусиятлари: Чиройли 3D графика ва фигуралар анимацияси, онлайн ўйин: 1 миллиондан ортиқ рўйхатдан ўтган фойдаланувчилар, рақиб сунъий интеллект, рақибни автоматик қидириш имконияти ва ҳ.к.з.лар.

#APK

GSM GURUS F.A.Q

09 августа 2022 08:37

CLICK интерфейси орқали пул ўғирлигини деярли имконсиз қилувчи "антифрод" комплекс дастури ишга туширилди

Муваффақиятли синовдан сўнг, 4 ҳимоя даражасидан иборат дастур тўлиқ ишга туширилди!

У қандай ишлайди:
Агар фирибгарлар бировнинг аккаунтига уланса – аккаунт эгасига бегона қурилма уланганлиги ҳақида хабар юборилади. Янги қурилмани ўзингиз уламаган бўлсангиз, уни созламаларда "хавфсизлик" – "ишончли қурилмалар" бўлимида ўчириш мумкин.

Агар янги қурилма ўчирилмаган бўлса, CLICK тизими ушбу қурилмадаги барча ҳаракатларни кузатиб боради ва уларнинг қанчалик "шубҳали" эканлигини баҳолайди.

Агар ҳаракатлар фирибгарларнинг сценарийларига тўғри келса, аккаунтда баъзи операцияларга чекловлар киритилади. Бу аккаунт эгасига янги қурилмани ўчиришга ёки карталарни блоклашга вақт беради.

Шу билан бирга, биз ҳушёр бўлишингизни ва шахсий маълумотларни учинчи шахсларга бермаслигингизни сўраймиз!

#янгилик

GSM GURUS F.A.Q

09 августа 2022 08:36

#Антиқа_қонунлар

✅ Сингапурда ўзга шахсларнинг wi-fi тармоғига ўзбошимчалик билан боғланиб олиш ноқонуний ҳисобланади.

⏩ Ушбу нормани бузган шахслар 3 йилгача бўлган муддатга озодликдан маҳрум этилиши мумкин.

Каналга уланиш👇👇👇
/channel/huquqiyaxborot

GSM GURUS F.A.Q

05 августа 2022 16:20

​Instagram иловасини ишга туширишда қора экран муаммосини қандай ҳал қилиш мумкин? (вақтинчалик ечим)

Сўнги кунларда Instagram фойдаланувчилари иловани ишга туширишда қора экранда қотиб қолиши муаммосига дуч келишмоқда. Баъзилар смартфонларини қайта ишга туширишга, маълумотлар ва кешни тозалашга ва иловани қайта ўрнатишга ҳаракат қилишди, аммо ҳеч нарса ёрдам бермади.

Instagram ишлаб чиқувчилари асосан Android қурилмаларидаги қора экран муаммосига ҳали расман изоҳ бермаган бўлсалар-да, биз қуйидаги вақтинчалик ечимни таклиф қиламиз.

1. Кўплаб смартфонларнинг ўзида мавжуд бўлган иловаларни клонлаш функцияси ёрдамида Instagram иловасини клонланг ва иккинчи нусхасидан фойдаланинг. (Агарда смартфонингизда клонлаш функцияси мавжуд бўлмаса ушбу иловалардан фойдаланинг)

2. Instagram Lite иловаси ёки тармоқнинг веб-версиясидан фойдаланинг.

Асосий илованинг кейинги янгиланишларида муаммо тўлиқ бартараф этилиши мумкин.

#маълумот #instagram

GSM GURUS F.A.Q

31 июля 2022 14:57

​Нима учун тугмачали телефонлар мобил алоқа сигналини яхшироқ ушлайди?

Смартфонлар мобил алоқа оператори сигналини ушлашга қийналганида, оддий тугмачали телефонларда муаммо кузатилмаслигига кўпчилигимиз гувоҳ бўлганмиз. Хўш, нима учун тугмачали телефонлар сигнални смартфонларга (ҳатто 2G тармоғи танланганда ҳам) қараганда яхшироқ ушлайди?

Ушбу саволнинг жавоби аниқдек. Тугмачали телефонлардаги ташқи антенна замонавий смартфон корпусида жойлашганидан узунроқ. Шунинг учун у оператор таянч станциясидан кўпроқ сигнал қабул қилишга қодир. Аммо ҳаммаси бу каби жуда оддий эмас, қуйида аниқлик киритишга ҳаракат қилиб кўрамиз.

Радио тўлқинларини узатиш учун антеннанинг минимал узунлиги чорак тўлқин узунлигида бўлиши кераклиги таъкидланади. Уяли алоқа тармоқлари учун энг узун ва энг кенг тарқалган диапазон 900 МГц диапазонидир. Тўлқин узунлиги 310-330 мм, шунинг учун антеннанинг узунлиги камида 8,5 см бўлиши керак. 1800, 2100, 2600 МГц юқори диапазонларда тўлқин узунлиги қисқароқ, шунинг учун антенналарнинг ўлчамлари пастроқ бўлиши мумкин. Шунинг учун юқорида кўрсатилган 8,5 см мўлжал олинади.

Замонавий смартфонларнинг ўлчамлари одатда бундай антеннани катта экранлари туфайли, кўпинча 15 сантиметрдан ошадиган смартфон корпусига жойлаштириш имконини беради. Аммо ишлаб чиқарувчилар корпус ичига шунингдек батарея, процессор, бир нечта камералар ва бошқа эҳтиёт қисмларни ҳам жойлаштиришлари керак. Натижада, аслида, антенналарнинг ўлчамлари 2-3 сантиметрдан ошмайди ва юқоридаги қоидага мос келмайди. Бу эса замонавий смартфонлар, ташқи антеннага эга бўлган тугмачали мобил телефонларга қараганда сигнални ёмонроқ қабул қилишининг асосий сабабларидан биридир. Лекин, бу ягона сабаб эмас.

Смартфон корпусида жойлашган антенна юқорида тавсифланган бошқа эҳтиёт қисмлар билан ўралган ва сигнал қурилмани тарк этишдан олдин, ички тўсиқлар билан заифлашган бўлади. Шунингдек смартфон корпусининг материали (металл, шиша) радиотўлқинларнинг ўтказувчанлигига таъсир ўтказади. Лекин бу ҳали ҳам ҳаммаси эмас.

Суҳбат давомида телефонни қўлимиз билан ушлаб, бошимиз томон яқинлаштирамиз. Антенна корпуснинг қаерида жойлашганидан қатъи назар, сигнал корпусни тарк этиб, дарҳол кейинги тўсиқ – смартфон эгаси билан тўқнашади. Шу сабабли сигнал энергиясининг яна бир қисми йўқолади.
Уяли алоқа тармоғи қамровини ҳисоблашда ва таянч станцияларни лойиҳалашда ҳатто body loss каби атама ҳам мавжуд бўлиб, у одатда 3dB сифатида қабул қилинади. Яъни, сигнал таянч станциясига боришдан олдин ёки аксинча, ундан қабул қилинишида деярли 2 марта заифлашади. Шубҳасиз, фойдаланувчининг қўли ва боши устида жойлашган ташқи антенна сигнални йўқотиши анча кам бўлади.

Уяли алоқа тармоқларининг ривожланиши, таянч станцияларининг кўплаб ўрнатилиши, янги технологияларнинг жорий этилиши мобил телефонлар трансформациясининг салбий таъсирини камайтиради. Аммо таянч станцияларгача бўлган масофа ўнлаб километрни ташкил этадиган узоқ ҳудудларда замонавий смартфонларнинг барча камчиликлари пайдо бўлади, эски тугмачали телефонлар эса ҳеч нарса бўлмагандек ишлайди.

Савол: Сиз қандай фикрдасиз, ҳақиқатан ҳам тугмачали телефонлар мобил алоқа сигналини яхшироқ ушлайдими?

#маълумот

GSM GURUS F.A.Q

23 июля 2022 15:58

Бизнинг назаримизда фойдали иловалар

• My Uzcard — Тўловлар ва пул операцияларини осон, тез ва хавфсиз амалга оширинг. Uzcard ва Humo картангизнинг барча имкониятларидан фойдаланинг.
Ушбу иловани тавсия қилишимизнинг асосий сабабларидан бири, бошқа онлайн тўлов тизимларида (Click, Payme, Apelsin ва ҳ.к.з лар) мавжуд бўлмаган картани бошқариш имконияти. Бу нима учун керак?
Яқинда каналимизда фирибгарлар томонидан пластик карталардан пул ўғирлашнинг янги усуллари ҳақида маълумот бергандик. Картангизни бошқариш рухсатини олган фирибгар фақат бир марта пул ечиш билан кифояланмайди, яна пул тушишини пойлайди ёки бошқалар картасидан ўғирланган пулларни сизнинг картангизга ўтказиб жиноят изини яширади.
My Uzcard иловасидаги картани бошқариш функцияси картангизни ўзига қўшган фойдаланувчилар рўйхатини кўриш ва бошқариш (бошқалардан ўчириш) имконини беради.

• Avto Exam: ПДД Узбекистан (Ўзбекистон ЙҲҚ) — Агарда Ўзбекистонда Йўл ҳаракати қоидаларини (ЙҲҚ) билиш автотести бўйича назарий имтиҳондан муваффақиятли ўтмоқчи бўлсангиз, унда ЙҲҚ бўйича имтиҳон билетлари (шаблонлари) даги саволларга тўғри жавоб беришни ўрганишингиз керак. Avto Exam иловаси сизга ушбу оддий масалада ёрдам беради. Илова имтиҳондан қандай ўтишни ўргатади ва интернетсиз ишлайди.

• Pure Tuber: Block Ads on Video — Видеодаги рекламаларни ва қалқиб чиқувчи ойналарни автоматик равишда блоклайдиган илова. Шунингдек YouTube даги видеоларни юклаб олиши, фон режимида ижро этиши ва тасвир устида тасвир (картинка в картинке) функциясидан фойдаланиш имкониятини беради.

• PDF Tools – PDF Utilities — турли хил PDF воситалари ва ёрдамчи иловаларнинг жамланмаси. PDF-ни бирлаштириш, PDF-ни ажратиш, PDF-ни блоклаш ва PDF-ни блокдан чиқариш, PDF саҳифаларини ажратиб олиш, PDF-дан расмларни чиқариш, PDF саҳифаларини айлантириш, PDF саҳифаларини қайта тартиблаш, муайян ёки бўш саҳифаларни саҳифаларни ўчириш ва бошқалар.

• XMED - Онлайн Прием Врачей (Онлайн шифокор қабули) — Уйингиздан чиқмасдан тиббий маслаҳат олинг. XMED — Ўзбекистонда телекоммуникация технологияларидан фойдаланган ҳолда тиббий хизматларни масофавий кўрсатиш бўйича биринчи платформа. Амалиётчи шифокорларнинг Интернет орқали маслаҳатлари — чат ёки видео алоқа орқали. Мутахассислар шикоятларингизни диққат билан тинглаб, барча саволларингизга батафсил жавоб ва фойдали ва амалий маслаҳатлар беришади.

#APK

GSM GURUS F.A.Q

16 июля 2022 15:52

Telegram мессенжерининг норасмий версиялари (клонлари)

Каналимизда Telegram мессенжери расмий ва норасмий версияларининг афзаллик ва камчиликлари ҳақида умумий маълумот бериб ўтганмиз. Қисқа қилиб айтганда, илова хавфсизлиги, барқарор ишлаши ва платформадаги янги имкониятларни биринчилардан қўллаб-қувватлаши борасида расмий версияга етадигани бўлмаса-да, баъзилар норасмий версиялардан фойдаланишни маъқул кўришади.
Хўш, Telegram мессенжерининг қандай норасмий версиялари мавжуд ва қайси имкониятлари билан фойдаланувчиларни ўзига жалб қилади.

• Plus Messenger — асосий афзаллиги мессенжер ташқи кўриниши максимал даражада созланиши. Фойдаланувчи шрифтни ўзгартириши, чатдаги "пуфакчалар" нинг ўнлаб услубларидан бирини танлаши, рангни, градиентни ва бошқаларни ўзгартириши мумкин. Шунингдек юзтагача чатларни қадаш, маълум бир контакт тармоқда пайдо бўлганда билдиришнома кўрсатилишини ёқиш, чатда хорижий тиллардан хабарларни таржима қилиш ва бошқа имкониятлари мавжуд. Балким, рақобатчилари каби кўплаб функцияларга эга бўлмаслиги мумкин, лекин ортиқча нарса ҳам йўқ.

• iMe Messenger — энг кўп имкониятларга эга Telegram клони. Иловада крипто-ҳамён мавжуд (чатда тўғридан-тўғри криптовалюта алмашиш мумкин), чатларни мавзулар бўйича саралаш функцияси (папкаларга ўхшаш), барча чат ва каналларингиздаги мусиқалар жамланган алоҳида ёрлиқ, шунингдек, кўплаб қўшимча созлама ва функцияларга эга. Масалан, овозли хабарларни матнга айлантириш, автоматик жавобларни яратиш учун нейроботдан фойдаланиш, расмлардан матнни ажратиб олиш кабилар.

• Vidogram — барчаси биттада мессенжерни хоҳлаганлар учун. Илова фойдаланувчи обуна бўлган каналлардаги таркиб асосида битта янгиликлар лентасини яратишга имкон беради. Шунингдек, илованинг ўзида IPTV мавжуд бўлиб, у орқали кўнгилочар каналларни, спорт дастурларини ва бошқаларни томоша қилиш мумкин. Vidogram бошқа мессенжерларда учрамайдиган ноёб функциялар тўпламига эга, масалан, яширин чатлар бўлими, овоз ўзгартиргич, хабар юборишдан олдин тасдиқлаш, веб-ўйинлар ўйнаш кабилар.

• Graph Messenger (Telegraph) — Агар сизга шунчаки мессенжер эмас, балки унданда кўпроғи керак бўлса, унда ушбу Telegram клонига эътибор қаратишингиз лозим. Илова алоҳида кенгайтирилган юклаб олиш менежери ва барча каналлардаги файллар бўлган ёрлиққа эга, шунингдек, алоҳида ягона янгиликлар лентаси, овозли хабарларни юборишда овозни ўзгартириш, чатларни парол ёки бармоқ изи билан ҳимоя қилиш, яширин бўлим, автоматик жавоб бериш ва бошқалар мавжуд . Ҳатто контактни кузатиб бориш имконияти ҳам мавжуд — илова фойдаланувчи онлайн бўлганида хабар беради, шунингдек профилдаги ўзгаришларни (расми, телефон рақами ёки исми) сақлайди.

• aka Messenger — ушбу Telegram клонининг кўпчилик фойдаланадиган асосий имконияти чатлардаги ўчирилган хабарларни кўрсатиши. Лекин иловадаги рекламалар сони ва бошқа муаммолари кўплиги (канал ва гуруҳларга автоматик обуна ёки ўзингизга кераклисига обуна бўлолмаслик) сабаб, фойдаланувчилари асосан салбий фикрлар билдиришган.

Савол: Telegram мессенжерининг қандай норасмий версияларидан фойдаланиб кўргансиз ва қайси имкониятлари учун танлагансиз?

#маълумот #APK #Telegram #Телеграм

—————
Мактаб ёшидаги болалар учун ўзбек тилида Figma, Photoshop, Java ва Python видео дарслари: https://www.youtube.com/channel/UCtcfcXb1ixeFDTn46BO1PBw

GSM GURUS F.A.Q

02 июля 2022 14:58

​Афсона: Агар смартфонда чанг ва намликдан ҳимоя бўлса, у қумдан ҳам қўрқмайди.

Ҳақиқат: Қум нафақат смартфон, балки барча электрон қурилмалар учун хавфлидир. Майда қум заррачалари карнай тешиклари, зарядлаш портларини тўсиб қўяди ва камера линзаларини қириши мумкин. Пляжда смартфонингизни сумкадан умуман чиқармаганингиз ёки махсус вакуумли ғилофлардан фойдаланганингиз маъқул.
Наушниклар ва USB кабели уланадиган портларни ҳимоя қилиш учун махсус воситалар (заглушка) мавжуд.

#ҳақиқат #афсона #маълумот

GSM GURUS F.A.Q

26 июня 2022 16:21

​Смартфоннинг қизиб кетиши одатий ҳол бўлган ҳолатлар

Яқинда каналимизда ўтказилган сўровнома натижалари ва унинг остида обуначиларимиз ёзиб қолдирган шарҳлари, смартфон асосан қандай ҳолларда қизиши мумкинлигини ҳақидаги саволга жавоб бўла олади.

Улар қуйидагилар:

1. "Оғир" ўйинлар ўйнаганда. Айниқса, агар смартфон бир вақтнинг ўзида заряд олаётган бўлса. Бундан ташқари, юқори графикага эга бўлмаган баъзи ўйинлар, смартфонингиз учун яхши мослаштирилмаганлиги, унинг процессорига оғир юк бўлади.
Шунингдек, шу каби ўйинлар батареяни жуда тез сарфлаши ҳам мумкин. (Нима учун смартфон батареяси тезда тугайди?)

2. Смартфондан навигатор сифатида фойдаланганда, айниқса, агар у автомобилнинг қуёш нурларидан ҳимояланмаган қисмида жойлашган ва зарядловчига уланган бўлса.

3. Катта ресурс талаб қиладиган баъзи иловалар билан ишлаганда. Одатда, бу расм ва видео билан боғлиқ, лекин бошқа вариантлар ҳам бўлиши мумкин, масалан, торрент-трекерлар орқали файлларни юклаб олиш ва қурилма ишлаш тезлиги тестларини (benchmark) ўтказишда.

4. Бир вақтнинг ўзида бир нечта илова ёки каттароқ илова янгиланганда. Бундан ташқари, смартфонингизда автоматик синхронлашни амалга оширадиган кўплаб иловалар ўрнатилган бўлса.

5. Смартфон заряд олаётганда, айниқса тез зарядлаш каби функциядан фойдаланганда.

6. Смартфон тармоққа уланиши қийин бўлган (антенна йўқолиб яна пайдо бўладиган) ёки тармоқ турлари (2G/3G/4G) тез-тез ўзгариб турадиган ҳудудда бўлганда. (WiFi ёки 3G/4G интернет қайси бири батареяни кўпроқ сарфлайди?)

7. Смартфондан қуёш нурлари остида, жазирамада фойдаланганда, айниқса энергия талаб қиладиган вазифаларни бажарганда.

8. Сўнгги пайтларда, майнерлар криптовалютани ишлаб чиқариш учун турли хил усуллардан фойдаланишмоқда. Масалан зарарсиз бўлиб кўринган VPN, спорт мусобақаларини трансляция қиладиган иловалар ичига, яширин равишда криптовалюта ишлаб чиқариш функцияси қўшилади. Фон режимида доимий ишлаб турадиган шу каби иловалар смартфон қизиб ишлашига сабаб бўлади.

Савол: Смартфонингиз ғилофи (чехол) ҳам унинг қизишига сабаб бўла оладими?

#маълумот

GSM GURUS F.A.Q

21 июня 2022 16:46

700 миллион фойдаланувчи ва Telegram Premium— Telegram 8.8 версиясига янгиланди

Telegram Premium
• Бу пуллик обуна бўлиб, унинг ёрдамида сиз Telegram нинг давомий ривожланишини қўллаб-қувватлашингиз ва эксклюзив қўшимча функциялардан фойдаланиш имкониятига эга бўлишингиз мумкин.
• Telegram Premium га обуна бўлганингиздан сўнг иловадаги деярли барча лимитлар икки баравар оширилади ва Telegram расмий платформаси орқали оммавий каналларда жойланадиган реклама кўрсатилмайди.

• Обуначилар 4 ГБ гача бўлган файлларни юклашлари, файлларни максимал тезликда юклаб олишлари, эксклюзив стикерлар ва реакциялар юборишлари, чатларни бошқариш учун қўшимча воситалардан фойдаланишлари ва бошқа кўплаб имтиёзларга эга бўлишлари мумкин.
• Барча мавжуд функциялар ҳамма учун бепул бўлиб қолади. Бундан ташқари, ҳатто Telegram Premium га эга бўлмаганлар ҳам обуна эгалари учун мавжуд бўлган баъзи имтиёзлардан фойдаланишлари мумкин.
• Обуна нархи – ойига $3,99 (иловалар дўкони тўловларини ҳисобга олмаганда).

Яхшиланган чат превюлари (олдиндан кўриш)
• Android тизими фойдаланувчиларида iOS қурилмалар эгалари каби, чат превюларини кўриш имконияти қўшилди.
• Энди тўлиқ чатни ўқилган деб белгиламасдан кўриш учун уни варақлашингиз мумкин.
• Бундан ташқари, чатдаги билдиришномаларни ўчириш, суҳбатни ўқилган деб белгилаш, уни қадаш ёки ўчириш имконини берувчи янги тугмалар қўшилди.
• Суҳбат превюсини олдиндан кўриш учун чатлар рўйхатида профил расмини босиб туринг.

Медиани автоматик сақлаш
• Расм ва видеоларни галереяга автоматик сақлаш функцияси қўшимча созламаларга эга бўлди.
• Галереяга сақлашни шахсий чатлар, гуруҳлар ва каналлар учун алоҳида ёқиш ёки ўчириш мумкин.

Тузатишлар ва яхшиланишлар
• Ушбу янгиланишда ишлаб чиқувчилар илованинг мобил ва компьютер версиялари учун 100 дан ортиқ тузатиш ва яхшиланишларни ўз ичига олган.
• Хатолар тузатилди, мессенжернинг ишлаши тезлашди, баъзи функциялар яхшиланди.
• Овозли ва видео хабарлардаги аудио ва видео сифати яхшиланди, смартфонингизнинг асосий экранидаги илова белгисини ўзгартиришингиз, охирги стикерлар рўйхатини бирданига тозалашингиз ва бошқа фойдаланувчиларнинг таржимайи ҳоллари ёки чат тавсифларини таржима қилишингиз мумкин.

Баътафсил қуйидаги мақолада ўқинг:
https://telegram.org/blog/700-million-and-premium/uz

Иловани юклаб олиш: https://play.google.com/store/apps/details?id=org.telegram.messenger

- APK расмий сайтдан (http://telegram.org/dl/android/apk)
- Тасдиқланган каналдан (http://t.me/TAndroidAPK)

#Telegram #Телеграм

GSM GURUS F.A.Q

18 июня 2022 17:52

​Қайси MediaTek процессорини танлаш керак: Хитой процессори ҳақида маълумот

2020 йилда яримўтказгичлар инқирози ортидан MediaTek етказиб бериш сони бўйича мобил чиплар бозорида етакчига айланди. Биринчи марта Хитой компанияси Америка компаниясини ортда қолдирди ва биринчи ўринни сақлаб қолди.

Нима учун MediaTek кучсиз процессор сифатида ном қолдирган?
Кўп йиллар олдин MediaTek процессорлари кам танилган брендларнинг (Artel каби) жуда арзон смартфонларида ўрнатилган. Бундай компанияларда, процессор смартфондаги бошқа қурилмалар билан ўзаро ишлаши учун масъул бўлган барқарор дастурий таъминотни яратишга ресурслари йўқ эди. Кўпроқ шу жиҳатдан MediaTek секин ишлайди деган стереотип мавжуд бўлган.
Бироқ йирик компаниялар MediaTek билан ҳамкорликни бошлаши биланоқ вазият яхши томонга ўзгарди. Ва ҳозирги кунга келиб, MediaTek процессори ишлаш тезлигини Qualcomm Snapdragon ёки Samsung Exynos чипларидан ажратиш қийин. Энди ҳатто MediaTek процессорига асосланган флагманлар энг кучли смартфонлар рейтингида ҳам пайдо бўла бошлади. Чунки янги MediaTek Dimensity процессорлари Qualcomm Snapdragon 8 сериясидан қолишмайди. (Samsung Galaxy S21 смартфонларида ўрнатилган Exynos 2100 ёки Snapdragon 888 процессорлари таққосланганда)

Dimensity — 5G дунёсида янги ном
5G тармоғини ривожлантириш учун 2019 йилнинг охирида Dimensity серияси тақдим этилди. Дастлаб ушбу серия фақат флагман эди, энди эса оддийроқ смартфонлар учун ўрта ўлчамдаги чипларни ҳам ўз ичига олади. 5G модемга қўшимча равишда, асосий эътибор умумий ишлаш сифати, юклама остида барқарорлик ва энергия самарадорлигини оширишга қаратилган.
Dimensity 9000 флагмани — Cortex-X2 ядро бошчилигидаги уч кластерли компоновкаси бир хил бўлган Qualcomm Snapdragon Gen 1 учун жиддий рақобатчи ҳисобланади. MediaTek юклама остида барқарор ишлаш нуқтаи назаридан ғолиб чиқади. Яъни, Dimensity 9000 камроқ қизийди ва масалан узоқ ўйин пайтида максимал ишлашни яхшироқ сақлайди (одатда Mali графикаси Adreno дан пастроқ ҳисобланади). Шунингдек, флагман сериясида Cortex-A78 ядроли Dimensity 1300 ва Dimensity 1200 ҳам мавжуд. Уларни Snapdragon 870 ва бошқа шунга ўхшаш Snapdragon моделлари билан солиштириш мумкин. (Смартфон процессоридаги ядролар сони нимага таъсир қилади?)

Ўртача Dimensity: 8000 ва бошқалар
Ушбу сериядаги Dimensity процессорлари Snapdragon 7 сериясига тўғри келади. Бу субфлагманлар учун чиплар ва улар замонавий технологияларга эга, аммо ҳақиқий флагманларга қараганда анча соддароқ ишлайди.

Helio G — ўйинга урғу берилган ўрта серия
Умуман олганда, Helio серияси 4G ни қўллаб-қувватлайдиган чиплар. Хусусан, Helio G чиқарилган пайтда ўрта даражадаги ўйин смартфонлари учун мўлжалланган эди ва кейинчалик арзон ечим сифатида тақдим қилинди.
Айни пайтда Helio G вакиллари иккита лагерга бўлинган. Helio G70 — кундалик вазифаларни муаммосиз бажариш, яхши графика ва оғир юклама остида узоқ муддатли қотмасдан ишлаши (троттлингсиз). Қимматроқ сегментда Helio G96 ва Helio G95, шунингдек, арзонроқ сегментда Helio G88 ва Helio G85 эътиборга лойиқдир. Helio G90 ва G90T, Helio G80 ва Helio G70 каби эски моделлар ҳам долзарблигича қолмоқда ва аслида ҳамкасбларидан кўп ҳам қолишмайди.
Helio G25, Helio G35 ва Helio G37 каби чиплар кучсиз бўлиб, улар ҳали ҳам энг арзон қурилмаларда мавжуд.

Helio P — бугунги кунда базавий чиплар
Бугунги кунда умри тугаб бораётган P-сериясининг жуда кам вакиллари эътиборга лойиқдир. Аввало, замонавий Cortex-A75/Cortex-A55 ядролари учун Helio P95, Helio P90 ва Helio P35. Бироқ, G-серияси билан бир хил нархдаги ушбу чиплар унумдорлиги пастроқ графикани беради. Жуда арзон смартфонлар учун ҳали ҳам Helio P70 ва Helio P60 ни кўриб чиқиш мумкин, аммо бу моделлар ҳатто кундалик вазифаларни бажаришда ҳам панд бериши мумкин.

#маълумот

GSM GURUS F.A.Q

09 января 2023 13:58

​Об-ҳаво ўзгариши ҳақида огоҳлантиришларни билдиришномалар панелида қандай кўриш мумкин?

Об-ҳавонинг кескин ўзгариши ва яқин соатларда кутилаётган ёғингарчилик (ёмғир, қор) ҳақида огоҳлантиришлар билдиришномалар панелида кўрсатилиши кўпчилик учун қулай. Чунки ушбу усул об-ҳаво виджетларига қараганда тушунарли ва эътиборни ўзига жалб қила олади.

Об-ҳаво ўзгариши ҳақида огоҳлантиришлар билдиришномалар панелида кўрсатилиши учун, смартфонингизни ўзида ўрнатилган Google иловасини очинг ва юқори ўнг бурчакда аккаунтингиз биринчи ҳарфи кўрсатилган белгини танланг. Кейин:
Созламалар (Настройки) ➔ Билдиришномалар (Уведомления) ➔ Билдиришномалар (Уведомления) ➔ Об-ҳаво ва ўзгаришлар учун об-ҳаво маълумоти (Оповещения о погоде: изменения и прогнозы) билдиришномасини ёқиб қўйинг.

Мавзуга оид каналимиздаги қўшимча маълумот:
• Совуқ ҳароратда смартфондан қандай тўғри фойдаланиш керак?

#маълумот

GSM GURUS F.A.Q

07 сентября 2022 18:03

​Смартфонлардаги эгилган ва ясси экранлар нимаси билан фарқланади?

2014 йилда Galaxy Note Edge чеккалари эгилган экранли биринчи смартфон чиқарилганидан бери шу кўринишдаги экранлар кенг тарқала бошлади. Аммо шу билан бирга, ясси (плоский) экранлар ҳам тўлиқ экранга ўтиши билан ривожланиб бормоқда.
Чеккалари эгилган ёки ясси экран, қайси бири афзалроқ? Саволга аниқлик киритиш учун ушбу икки турдаги экранлар орасидаги фарқни тушуниш лозим. Қуйида айнан шу фарқларнинг баъзилари ҳақида маълумот бериб ўтамиз.

Нархи
Ҳозирги смартфонлар бозоридаги эгилган экранлар бир хил даражадаги ясси экранларга қараганда қимматроқ. Бунинг сабаби, эгилган экранни ишлаб чиқариш анча мураккаб ва бу эса ўз навбатида харажатларининг ошишига олиб келади.

Кўриниши
Эгилган ва ясси экран ўртасидаги энг аниқ фарқ уларнинг ташқи кўринишидир. Тўрт томони текис бўлган экранлардан фарқли ўлароқ, эгилган экранлар одатда битта ёки иккита букилган қирраларга эга. Улар ясси экранларга қараганда анча чиройли ва ажойиб кўринишга эга ва смартфонларнинг эстетикасини сезиларли даражада яхшилайди.

Тайёрлаш материали
Анъанавий қаттиқ LCD панелли ясси дисплейлардан фарқли ўлароқ, эгилган экран эгилувчан OLED пластик материалларидан тайёрланган. Сиртидаги қаттиқ бўлмаган шиша туфайли, эгилган экран янада эластик ва уни синдириш осон эмас. Бироқ, OLED материаллари ушбу технологиянинг нисбатан ёшлиги сабаб барқарор эмас ва хизмат муддати қисқароқ. Ушбу босқичда ясси экран эгилган экранга қараганда афзалроқ.

Кўриш эффекти
Фойдаланувчилар учун смартфонлардаги эгилган экранларнинг ясси экранларга нисбатан энг асосий афзалликларидан бири бу — визуал эффектлардир. Экраннинг ён томонидаги букилган чизиқлари 3D кўриш эффектини яратади, бундан ташқари, улар умумий тасвир сифатини, яхшиланган контрастни ва рангларнинг аниқлигини ҳам таъминлайди. Шунингдек, улар табиий ёруғликда смартфондан ўқиш имкониятини оширади. Бунинг сабаби шундаки, эгилган экран бошқа ёруғликни тўсиб қўяди ва ўзининг ёруғлигини ясси экранга қараганда яхшироқ акс эттиради.

Ажойиб функционаллик - Edge Lighting
Edge Lighting - бу ясси экранли смартфонларда учрамайдиган, эгилган экранли смартфонларнинг бурчагидаги қирралари туфайли яратилган янги функция. Унда телефон қўнғироқлари ва матнли хабарлар каби огоҳлантирувчи билдиришномалар кўрсатилади.

Қўлдан тушиб шикастланиши хавфи
Ясси экранли смартфонлар билан солиштирганда, эгилган экранлар ажойиб кўринишга ва кўплаб функцияларга эга бўлса-да, улар мўрт ва камроқ бардошлидир. Чунки улар тушиш ва синишга кўпроқ мойил, бунга сабаб унинг қирралари. Бир томондан, эгилган экранли смартфонларнинг букилган қирралари ингичка бўлиб, бу уларни ушлашни қийинлаштиради ва ўз навбатида осон тушиб кетишига сабаб бўлади. Бошқа томондан, чеккалардаги мўрт шиша жойлар смартфон урилганда ёки тушганда ёрилиш эҳтимолини оширади.
Ясси экранли смартфонларнинг қирралари букилган эмас, бу уларни камроқ мўрт ва ишлатиш учун қулай қилади. Экраннинг бардошли ва тушишга чидамли бўлиши, истеъмолчининг смартфон сотиб олиш қарорига ҳақиқатан ҳам таъсир қилиши мумкин. (Смартфон экрани синиб қолди. Ойнаси ёки экранини алмаштириш ўртасидаги фарқ нима?)

Тасодифий босилишлар
Смартфонларнинг эгилган экрани жуда кўп афзалликларга эга бўлишига қарамай, унинг қирраларига бармоқнинг тасодифий тегиши туфайли баъзида тўғри ишламаслиги мумкин. Смартфонингизни қўлингизда ушлаб турганда, одатда телефон иловалари ва воситалари жойлашган дисплейларнинг четларига тасодифан тегиб кетиш осон. Бироқ, бу муаммо ясси экранлардан фойдаланганда бўлмайди, чунки уларда қирралари бўлган дисплейлар йўқ.

Cизнинг фикрингиз қандай? Сизга эгилган экранлар ёқадими ёки ясси экранни афзал кўрасизми?

#маълумот

GSM GURUS F.A.Q

26 августа 2022 17:50

Қайси Android ва iPhone смартфонларида eSIM мавжуд?

Аста-секинлик билан смартфонларда оддий пластик SIM-карта ўрнини қулайроқ ва технологик жиҳатдан илғорроқ eSIM технологияси эгалламоқда. Каналимизда ушбу технология ҳақида маълумот берилган, қисқача айтганда eSIM смартфонингизга виртуал профил ёрдамида мобил тариф ва рақамни улаш имконини беради. Бундан ташқари, eSIM модулларининг сўнгги авлодлари бир вақтнинг ўзида бир нечта SIM-карталардан фойдаланиш имконини беради. Смартфондаги eSIM модули ҳам оддий SIM-карта сингари UzIMEI тизимидан алоҳида рўйхатдан ўтказилиши керак.

Бугунги кунда Ўзбекистон ҳудудида Mobiuz, Uztelecom (Uzmobile) ва Beeline мобил операторлари eSIM технологиясини қўллаб-қувватлайди. Қуйида смартфонлар рўйхати:

Samsung (Жанубий Кореядан келтирилган Galaxy смартфонларида eSIM учрамайди )
Galaxy S22 / S22 Plus / S22 Ultra
Galaxy S21 / S21 Plus / S21 Ultra
Galaxy S20 / S20 Plus / S20 Ultra
Galaxy Fold (барча версиялари)
Galaxy Z Flip (барча версиялари)
Galaxy Note20 / Note20 Ultra

Huawei
P40 / P40 Pro
Mate 40 / Mate 40 Pro
Watch 3 LTE / 3 Pro LTE

Google
Pixel 3 / 3 XL / 3a / 3a XL
Pixel 4 / 4a / 4 XL
Pixel 5 / 5a
Pixel 6 / 6A / 6 Pro

Apple iPhone (Dual SIM версияларидан ташқари)
iPhone XR / Xs / Xs Max
iPhone 11 / 11 Pro / 11 Pro Max
iPhone 12 / 12 mini / 12 Pro / 12 Pro Max
iPhone 13 / 13 mini / 13 Pro / 13 Pro Max (Dual eSIM)
iPhone SE (2020) / SE (2022)

#маълумот

GSM GURUS F.A.Q

21 августа 2022 16:30

​Xiaomi смартфонларида Мавзулар (Темы) иловаси нима сабаб ишламай қолди?

Бир неча кун олдин Xiaomi смартфонлари фойдаланувчилари Play Market дан стандарт Мавзулар (Темы) иловасининг хавфи тўғрисида огоҳлантириш олганликлари ҳақида оммавий равишда шикоят қила бошладилар.

Табиийки, кўпчилик бундай огоҳлантириш хабарини кўриб, "Ўчириш" тугмасини босишган. Шундан сўнг, Мавзулар иловаси уларнинг қурилмаларида йўқолиб, мавзуни ва фон расмини ўзгартириш функцияси ишламай қолди. Масалан, янги фон расмларини ўрнатишга ҳаракат қилинганда, тизим фойдаланувчини Бош экранга қайтариб ҳеч қандай амални бажармайди.

Гап нимада? Номаълум сабабларга кўра, Google Play Market ҳимояси стандарт Мавзулар иловасини хавфли деб ҳисоблай бошлади. Мавзулар иловасининг янги версияда ушбу хатолик тузатилди.

Муаммони қандай ҳал қилиш мумкин?
Бир нечта вариант мавжуд:
1. Мавзулар иловаси янгиланишлари ўчиринг ва илова тўхтатилган бўлса яна қайта ишга туширинг.

2. Мавзулар иловасининг тузатилган версиясини юклаб олиб ўрнатинг (маслан ушбу сайтдан)

#маълумот #Xiaomi

GSM GURUS F.A.Q

14 августа 2022 16:26

Эможи платформаси, махсус анимацияли эможи тўпламлари, Telegram Premium ни ҳадя қилиш ва бошқалар — Telegram 8.9 версиясига янгиланди

Бу галги илова янгиланишида, асосан Telegram Premium пуллик обунаси фойдаланувчилари манфаатлари ҳисобга олингани учун улар ҳақида асосий матнда тўлиқ маълумот бермадик.

Савол: овозли хабарлар юбора олишни тақиқлаш имконияти учунгина Telegram Premium га обуна бўласизми?

Баътафсил қуйидаги мақолада ўқинг:
https://telegram.org/blog/custom-emoji/uz

Иловани юклаб олиш: https://play.google.com/store/apps/details?id=org.telegram.messenger

- APK расмий сайтдан (http://telegram.org/dl/android/apk)
- Тасдиқланган каналдан (http://t.me/TAndroidAPK)

#Telegram #Телеграм

GSM GURUS F.A.Q

09 августа 2022 08:37

Ўзбекистонда Mobile ID дан фойдаланиш бошланди

“Электрон ҳукумат” тизимларига киришда шахсни идентификациялаш ва тасдиқлашнинг янги модули – Mobile-ID (мобил телефон орқали) синов тартибида ишга тушди.

Энди ушбу модул ёрдамида фуқаролар доимо ёнида олиб юрувчи мобил телефон рақами орқали рўйхатдан ўтиб, барча давлат хизматларидан (молиявийдан ташқари) Электрон рақамли имзосиз фойдаланишлари мумкин.

Фақат бунинг учун смартфонимизга my.gov.uz мобил иловаси юклаб олинган бўлиши керак.

Эслатиб ўтамиз!
MyGov иловаси (Google Play ва App Store) орқали рўйхатдан ўтиш мутлақо бепул!

#янгилик

GSM GURUS F.A.Q

05 августа 2022 16:23

​Баъзи Xiaomi смартфонларида тез ёрдам чақириш (103) ёки бошқа махсус хизматлар телефон рақамларига қўнғироқ қилиб бўлмаслик муаммоси ечими

Баъзи Xiaomi смартфонларида 101, 102, 103 каби телефон рақамлари терилганда, "Фавқулодда хизмат рақами" ва "Жойингиз аниқланмоқда" ёзувлари кўрсатилиб қўнғироқ амалга оширилмайди.

Муаммонинг асл сабаби нимаданлиги аниқ эмас, лекин кўпчиликка рақам олдидан * белгисини қўшиб қўнғироқ қилиш ёрдам берган. Яъни:
*101
*102
*103

Смартфондан SIM-картасиз қўнғироқ қилиш мумкинми ёки фавқулодда қўнғироқлар нима?

#маълумот

GSM GURUS F.A.Q

05 августа 2022 16:20

​Смартфонлар ўқишни камайтирдими? Йўқ — биз кўпроқ ўқияпмиз

Ёшлиги смартфонлар ва компьютерлар даврига тўғри келмаган кекса авлод вакиллари замонавий ёшларнинг қизиқишлари ўзгариб бораётганини таъкидлашади — "Бизнинг давримизда одамлар бўш вақтларини китоб мутолааси билан ўтказишган бўлса, ҳозиргилар телефонларига ёпишиб олишган". Бир қарашда ҳозирги вазият ҳақиқатан ҳам шундай кўринади: роман, илмий фантастика, саргузашт ва бошқа турдаги асарларни ўқиш ўрнига, кўпчилигимиз ижтимоий тармоқлардаги ленталарни варақлаймиз. Аммо, агар ушбу масалани чуқурроқ ўргансак, ҳаммаси аксинча тус олади: ҳозирда одамлар аввалгидан кам ўқишмайди (бунинг акси).

Биз ҳар қачонгидан ҳам кўпроқ ўқияпмиз, фақат буни бошқача тарзда амалга оширяпмиз
Илгари, смартфонлар ва компьютерлар пайдо бўлгунга қадар (аниқроғи, ижтимоий тармоқлар оммалашишидан олдин) одамлар кетма-кетликда ўқишган: бир бошдан, саҳифама-саҳифа — матннинг янги сатрлари аввалгиларининг давоми бўлиб, уларнинг барчаси ўзаро узвий боғланган бўлган. Ҳозирда, ижтимоий тармоқ ва мессенжерлардаги постларни ўзаро боғлиқ бўлмаган тарзда ўқиймиз: турли хил постларга кўз ташлаймиз, ҳаволаларга ўтамиз, шарҳларни кўришга ва профил эгаларининг тахаллуслари билан аватарларни баҳолашга вақт топамиз, қизиқарли нарсаларни излаб эътиборимизни матн ва бошқа турдаги контентга қаратамиз.

Бир неча йил олдин тадқиқот эълон қилинган эди, унга кўра 2008 йилда ўртача америкалик кунига 34 ГБ ахборот истеъмол қилган (барча медиа истеъмоли ҳисобга олинган, яъни телевизор, смартфон, планшет, реклама тахтаси, ёзувлар, китоблар ва бошқалар). 1980 йилдан бери ушбу қийматни таҳлил қилган олимлар, одатдаги одамнинг кунига ахборотлар истеъмоли ҳар йили ўртача 5,4% га ошганини аниқлашди — агар ўсиш суръати сақланиб қолса (у ошган бўлиши ҳам мумкин), ҳозирда, 2022 йилда одамлар кунига ўртача тахминан 74,8 ГБ истеъмол қиладилар. Таққослаш учун, 1980 йилда ушбу қиймат кунига атиги 6,8 ГБ бўлган.

Илмий нуқтаи назардан, биз фақат кўпроқ ўқий бошладик, лекин ўқиш формати ва ўзлаштирадиган нарсаларимиз ўзгарди. Агар илгари булар бадиий ёки илмий асарлар бўлган бўлса, энди улар ижтимоий тармоқ ва мессенжерлардаги постлар.

Узун матнларни ўқиш қийин, аммо барибир зарур
Ижтимоий тармоқ ва мессенжерлардаги постлар (яъни биз одатда ўқийдиган барча нарсалар) — соддалаштирилган мазмунни берадиган ва маъносини тушуниш учун кўпинча асосий билимларни талаб қиладиган қисқартирилган маълумотлар бўлакларидир. Ўз навбатида, узун матнлар тасвирланган нарсанинг тўлиқ изоҳини ўз ичига олади, улар янада мураккаб мавзуларни қамраб олади ва мазмунни чуқурроқ очиб беради.

Юқорида ижтимоий тармоқлардан воз кечиш ҳақида гап кетмаяпти, фақат турли хил ўқиш турларини бирлаштириш керак. Масалан ҳафта жадвалингизга узун матнли мақола ёки бирор китоб мутолаасини қўшиб қўйсангиз фойдадан ҳоли бўлмайди.

#маълумот #мулоҳаза

—————
Шу ўринда, танланган ҳудуд бўйлаб босма китоблар (қоғоз кўринишидаги) алмашиш имконини берувчи Telegram ботимиз (@kitobalmashish_bot) аъзолари сони 871 тага етганини маълум қилмоқчиман.

GSM GURUS F.A.Q

31 июля 2022 14:48

​SMS хабарларингизни компьютер ёки бошқа қурилмаларда қандай кўриш мумкин?

Бугунги кунда аксарият смартфонларнинг ўзида ўрнатилган Google Хабарлар (SMS) иловасининг веб-версияси ушбу имкониятни беради. Компьютер ёки бошқа қурилма орқали суҳбатни давом эттиришингиз мумкин. SMS юбориш смартфонга уланишдан фойдаланади, шунинг учун сиздан алоқа операторингиз тарифлари бўйича тўлов олинади.

Хабарлар веб-версияси QR-кодини яратади. Бу код:
- веб-версиясида ишлайдиган қурилма учун ноёб;
- "Хабарлар" мобил иловасини ушбу қурилмага улаш учун мўлжалланган. Мобил илова бир нечта қурилмаларга уланиши мумкин, лекин уларни бир вақтнинг ўзида ишлатиб бўлмайди.

Агар компьютерингизда хабарларнинг веб-версиясини очсангиз:
- у бошқа синхронлаштирилган қурилмаларда фаол бўлмайди;
- мобил илова ўрнатилган қурилмада фаол бўлиб қолади.

Хабарларнинг веб-версиясини қандай созлаш керак
1. Смартфонингизда "Хабарлар" иловасини очинг.
2. Меню тугмаси орқали (3 нуқта) "Қурилмани жуфтлаш" (Подключить устройство) ёзувини танланг.
3. Компьютерингизда "Хабарлар" нинг веб-версиясини (https://messages.google.com/web) браузерда очинг (масалан, Chrome).
4. Смартфонда QR-код сканери тугмасини босинг ва смартфонни саҳифадаги кодга қараб ушлаб туринг. QR-код сканерланганда смартфон тебранади.

Хавфсизлик нуқтаи назаридан, агар хизматдан бир неча ҳафта фойдаланмасангиз, аккаунтингиздан автоматик равишда чиқиб кетади.

"Хабарлар" иловасининг "Қурилмани жуфтлаш" созламасидан веб-версиясини ўчириш ҳам мумкин. Ўчирилгандан сўнг, бегоналар рухсатсиз сизнинг хабарларингизни ўқий олмайди ёки тасдиқлаш коди ва шахсий маълумотларингизга кира олмайди.

Мавзуга оид каналимиздаги қўшимча маълумот:
• Google дан универсал мессенжер. Хабарлар (SMS) иловасидаги "Чат функцияси" нима?

#маълумот

GSM GURUS F.A.Q

18 июля 2022 15:17

​Пластик карталардан пул ўғирлашнинг янги усуллари кўпаймоқда

Фирибгарлар olx каби онлайн эълонлар платформаси орқали фойдаланувчилар пластик карталаридан қандай пул ечишлари ҳақида илгарироқ маълумот бергандик.

Эндиликда пул ўғирлашнинг турлича усуллари қўлланилмоқда:
1. Жабрланувчига маҳаллий телефон рақамларидан қўнғироқ қилиб ўзини онлайн тўлов тизими (масалан, Click, Payme ва ҳ.к.з) ходими сифатида таништириб, пластик картангиздан биров фойдаланмоқчи бўлаётганини ва пулларингизни сақлаб қолиш учун телефонингизга жўнатилган SMS кодни айтишингизни талаб қилади. Кодни айтишингиз билан пластик картангиздаги пулни ечиб олишади ёки пул тушишини пойлашади.
Фирибгарлар қўнғироқ қилган телефон рақамларига қайта қўнғироқ қилишнинг фойдаси йўқ, чунки улар рақамни қалбакилаштириш хизматларидан фойдаланишади ва рақам ҳақиқий эгасининг ҳеч нарсадан хабари бўлмайди.

2. Телефон рақами кўрсатилмаган давлат ташкилоти, банк ёки компания номидан жўнатиладиган қалбакилаштирилган SMS хабари (масалан мобил операторингиз номидан). Одатда бу каби SMS хабарларда ёрдам пули, кредит ёки бошқа турдаги моддий рағбат олиш учун махсус ҳаволага кириб, телефонингизга жўнатилган SMS кодни киритиш талаб қилинади ва натижа юқоригидек картангиздан пул ечиб олиниши билан тугайди.

3. Фойдаланувчилар, банк ва онлайн тўлов тизимлари учун ҳозирча жумбоқ усул: пластик карта эгаси ҳеч қандай SMS код олмаган ва ҳаволага кирмаган ёки кредит тўловчиси бўлмасада картасидан пул ечилиши. Сўнги ойларда турли хил банк карталари эгалари ҳисобларидаги маблағ Ҳамкорбанк мобил иловаси орқали бегоналар томонидан ечиб олинганидан шикоят қилишмоқда. Аслида бир марталик SMS кодни билмасдан онлайн тўлов тизимлари орқали пластикдаги пулни ечиб бўлмаслиги керак.
Шу ўринда, смартфонингизда ўрнатилган баъзи иловалар SMS хабарларни ўқиши мумкинлигини эслатиб ўтмоқчиман (тизим созламаларида рухсатларни текшириб кўринг). Энг қизиғи, картасига бириктирилган рақам SIM-картаси оддий тугмачали телефонга ўрнатилганлардан ҳам пул ечилганлиги ҳолатлари кузатиляпти. Каналимизда тугмачали телефонларда ишлаб чиқарувчилар томонидан ўрнатилган зарарли функциялар (рухсатсиз SMS жўнатиш) топилгани ҳақида ҳам маълумот бериб ўтганмиз.

Хулоса: Марказий банк томонидан барча онлайн тўлов тизимлари учун мажбурий икки босқичли текширув усулини қўллаш ёки бошқа ҳимоя усулларини жорий этиш муаммонинг ечими бўлиши мумкин.

#маълумот

GSM GURUS F.A.Q

02 июля 2022 14:59

​Афсона: Агар смартфон узоқ вақт давомида жазирама қуёш нурлари остида қолиб кетса, у портлаши мумкин.

Ҳақиқат: Смартфонлар қуёш таъсирида портлаши кузатилмаган. Смартфонни қуёш нурлари остида зарядлаш, унинг батареяси ҳаддан ташқари қизиб кетишига ва баъзи вазифаларни секинроқ бажариши ёки умуман ўчиб қолишига сабаб бўлади.
Агарда смартфон зарб олиши натижасида корпуси шикастланиб (деформация) батареясининг ташқи қобиғига зарар етган бўлса, у ёниб кетиши мумкин — аммо табиийки, бу камдан-кам ҳолларда ва асосан носоз (оригинал бўлмаган) батареялар билан содир бўлади.

Савол: Ўзингиз гувоҳи бўлган, смартфон батареяси ёниб кетган ҳолатларни биласизми?


#ҳақиқат #афсона #маълумот

GSM GURUS F.A.Q

02 июля 2022 14:58

​Афсона: ҳаддан ташқари қизиб кетган смартфонни музлатгичга қўйиш керак.

Ҳақиқат: Бу жуда кенг тарқалган нотўғри тушунча бўлиб, бир қарашда смартфонни совутишнинг мантиқий усули каби кўринади.
Гап шундаки, қизиган қурилма, албатта, совутилиши керак, лекин фақат аста-секин. Ҳароратнинг кескин ўзгариши конденсат ҳосил бўлишига олиб келиши мумкин, яъни кўз илғамайдиган намликдан ички шикастланиш (занглаш) эҳтимоли катта.
Смартфонни салқин хонадан дарҳол иссиққа олиб чиқиш ҳам бундан кам зарарли эмас. Тавсия: иссиқ ҳавода уйдан чиқаётганда смартфонингизни чўнтагингизда ёки сумкангизда сақланг, бу уни ҳароратнинг кескин ўзгаришидан ва конденсациядан ҳимоя қилади.

Савол: Смартфон билан боғлиқ яна қандай муаммоларни музлатгич (холодильник) ёрдамида ҳал қилинишини эшитгансиз?

#ҳақиқат #афсона #маълумот

GSM GURUS F.A.Q

26 июня 2022 16:21

​Нима учун сувдан ҳимояланган смартфон сувга тушганда кафолат берилмайди?

Смартфон тақдимотларида ишлаб чиқарувчилар янги қурилмаларининг афзалликлари ҳақида гапириб, асосий эътиборни кўп ҳолларда сувдан (намлик) ҳимояланганлигига қаратишади. Истеъмолчига, смартфонни маълум даража чуқурликдаги (одатда 1- 1,5 метр) сувга бемалол ботириши, жўмрак остида ювиши ва ёмғирда қўнғироқ қилиши мумкинлиги кўрсатилади.

Лекин IP67 ва IP68 стандарти билан ҳимояланган смартфон сув (нам) сабабли ишдан чиқса, ишлаб чиқарувчи расмий хизмат кўрсатиш маркази бу кафолатга кирмаслиги ва қурилмани таъмирлаш фақат эгасининг ҳисобидан бўлиши ҳақида айтиши мумкин. (IP67 ва IP68 ҳимоя стандартлари. Бу нима ва уларнинг фарқи)

Гап шундаки, IP68 стандарти билан ҳимояланган смартфонлар сув остида, масалан, бассейн ёки денгизда сузиш пайтида фойдаланиш учун мўлжалланмаган ("Galaxy S21 5G ва S21 + 5G IP68 сифатида баҳоланган. Синов натижаларига кўра 30 дақиқагача 1,5 метргача чуқурликда сув ўтказмайди. Пляж ёки бассейнда фойдаланиш тавсия этилмайди.", дейилади Samsung компанияси расмий сайтида).

Гарчи смартфонларнинг хусусиятларида унинг сувдан тўлиқ ҳимояланганлиги кўрсатилсада, қатъий чекловлар мавжуд. Масалан чуқурлик бир метрдан ошмаслиги, сувнинг босими, таркиби ва ҳ.к.з. Агар ушбу чекловлар бузилса, смартфон ишламай қолиши мумкин (қурилма батареяси ва корпуси ичидаги "намлик индикатори" қизил рангга ўзгариши, сувга тушганлигини аниқлаб беради). (Смартфонга сув кирганда нима бўлади ва тавсиялар)

Шундай қилиб, ишлаб чиқарувчининг тавсияларига амал қилмаган смартфон эгаси бу ҳолатда айбдор ҳисобланади. Бунинг аксини исботлаш деярли имконсиз, шунинг учун қурилмани ўз маблағингиз ҳисобидан таъмирлашингиз керак бўлади. (Бизнинг сервис марказда, сувга тушиб ўчиб қолган смартфонлардан фойдаланувчи маълумотларини чиқариб олиш хизмати ҳам мавжуд.)

Тавсиялар:
- Сувдан ҳимоясини текшириш учун смартфон билан атайлаб чўмилманг
- Сув тубида суратга олиш учун махсус чехоллардан фойдаланинг
- Таъмирланган (батареяси алмашган, корпуси бир марта бўлса ҳам очилган) смартфонда сувдан ҳимоя сустлашади
- Телефон сувга (суюқликка) тушганда нима қилиш керак
- Илова ёрдамида телефон карнайини қандай тозалаш мумкин?

Савол: Сувдан ҳимояланган смартфон сувга тушиб ишламай қолганда, расмий хизмат кўрсатиш марказига мурожаат қилганмисиз ва кафолати билан таъмирлашганми?

#маълумот

GSM GURUS F.A.Q

18 июня 2022 17:56

​YouTube, ижтимоий тармоқ ва сайтлардан видео юклаб олиш иловалари

Агар сизга YouTube, ижтимоий тармоқ ёки шунчаки Интернетда бирор видео ёққан бўлса, уни кейинроқ кўриб чиқиш ёки шунчаки бошқаларга кўрсатиш учун смартфонингизга сақлаб олишни хоҳлашингиз мумкин. Ушбу вазифани бажаришда видеоларни юклаб олиш иловалари, Telegram ботлар ёки махсус веб-хизматлар ёрдам беради. Қуйида видеоларни юклаб олиш иловалари ҳақида маълумот берамиз.

• ЗАГРУЗЧИК ВИДЕО
Ушбу илова видео, аудио ва расмларни юклаб олади. Унда ўрнатилган браузер мавжуд бўлиб, у орқали керакли видео ёки мусиқани очасиз, агарда файлни юклаб олиш мумкин бўлса, махсус тугма кўрсатилади. Акс ҳолда, экрандаги тасвирни ёзиб олиш таклиф қилинади.
Илова кўплаб машҳур видео форматларини қўллаб-қувватлайди. Ўзида ўрнатилган видео плеер юклаб олинган файлларни офлайн режимда томоша қилиш имконини беради. Юклашни тўхтатиб туриш, давом эттириш, ўчириш ва бир вақтнинг ўзида бир нечта видеоларни юклаб олиш имконияти мавжуд. Илова фон режимида ишлаши мумкин, файлларни хотира картасига сақлашни қўллаб-қувватлайди. Юклаб олинган файллар папкасини парол билан ҳимоялаш функцияси мавжуд.


• VIDEO DOWNLOADER MASTER
Ушбу илова ижтимоий тармоқлар, видеохостинглар ва интернетдаги бошқа манбалардан видеоларни сақлаш имконини беради. Ундан фойдаланиш учун видеога ҳаволани кўчиринг ва уни Video downloader master даги махсус қаторга қўшинг. Илова видеони аниқлайди ва уни юклаб олади. Видеони энг юқори сифатда юклаб олиш учун видеонинг максимал ўлчамини ёки аксинча, смартфон хотирасини тежаш учун минимал ўлчамини танлашингиз мумкин. Иловада реклама мавжуд ва баъзи функциялар пуллик.

• ЗАГРУЗЧИК ВИДЕО И ЗАСТАВКА
Ушбу илованинг ўзида ўрнатилган браузер орқали видео ёки аудио мавжуд саҳифани очганингизда, юклаб олиш мумкин бўлганлари автоматик равишда аниқланади. Қўшиқ ёки видеони юклаб олишингиз мумкин бўлган тугма пайдо бўлади. Иловада юклаб олинаётган файл ўлчамини танлашингиз, бир вақтнинг ўзида бир нечта юклашни амалга оширишингиз, уларни ўчириб ташлашингиз, тўхтатиб туришингиз, давом эттиришингиз мумкин. Юклаб олинган файлларни парол билан махсус папкада ҳимоя қилиш функцияси мавжуд.

• ЗАГРУЗЧИК ВИДЕО: СКАЧАТЬ ВИДЕО
Ўзида ўрнатилган браузер орқали видео ёки аудио юклаб олиш учун яна бир илова. Видео мавжуд бўлган саҳифани очасиз ва юклаб олиш мумкин бўлганлари автоматик аниқланади, шундан сўнг махсус тугма пайдо бўлади.

• ЗАГРУЗЧИК ВИДЕО PRO
Ижтимоий тармоқлар ва Интернетдаги бошқа сайтлардан видеоларни юклаб олиш учун машҳур илова. Олдинги юклаб олувчилар сингари, бу ҳам ўрнатилган браузер орқали видеоларни юклаб олади. Илова созламаларда фақат Wi-Fi орқали юклаб олишни ёқишингиз, юклаб олиш папкасини танлашингиз, бир вақтнинг ўзида юклаб олишнинг максимал сонини белгилашингиз, юклаб олиш тезлигини ошириш режимини ёқишингиз мумкин. Ўрнатилган браузер учун реклама блокировкасини фаоллаштиришингиз, паролларни сақлашингиз, шунингдек, қидирув тизимини танлашингиз мумкин.

Агар смартфонингизга қўшимча юклаб олиш иловаларини ўрнатишни хоҳламасангиз, махсус Telegram ботлардан ёки онлайн хизматлардан фойдаланинг.

#маълумот

GSM GURUS F.A.Q

10 июня 2022 15:09

Қайси вазифалар учун қандай Интернет тезлиги керак бўлади?

Сизга 50 Мбит/с етарли бўладими ёки 100 Мбит/с тезликдаги қимматроқ тарифни улаш керакми? Уй учун қандай симли Интернет тезлиги кераклигини аниқлаймиз.

Лекин биринчи навбатда, билишингиз керак бўлган бир нечта муҳим маълумотлар.
1. Байт ва битларни адаштириб юборманг. Интернетга кириш тезлиги секундига бит билан ўлчанади — бу бизга таниш бўлган байтлар эмас. 1 байтда 8 бит мавжуд. Яъни, 30 МБ ҳажмли файл 30 Мбит/с тезликда 1 секундда эмас, балки 8 секундда юклаб олинади. (Интернет тезлиги қандай ўлчанади?)

2. Максимал тезликка умид қилманг. Провайдер тарифида кўрсатилган қиймат ҳар доим ҳам ҳақиқий тезликни англатмайди. Ҳақиқий тезлик кўплаб омилларга боғлиқ бўлади — масалан, провайдер тармоғидаги ортиқча юкланиш, Интернетга уланишингиз тури (симли ёки Wi-Fi) ва ҳ.к.з. лар. (Wi-Fi 5 ГГц технологияси нима ва у нима учун керак?)

3. Тезлик нафақат провайдерга боғлиқ. Агар бирон бир манбадан файл юклаб олаётган бўлсангиз, ўша манбанинг ўзи тезликни чеклаётган бўлиши мумкин. Ушбу вазиятда қимматроқ ва тезроқ тарифлар сизга ёрдам бермайди.

Интернет тезлиги қандай бўлиши керак?
Буларнинг барчаси уйингиздаги тармоққа қанча қурилма уланганига (Wi-Fi тармоғимга ким уланганлигини қандай аниқлашим мумкин?) ва ушбу қурилмалардан қандай фойдаланишингизга боғлиқ. Қуйида аниқ вазифалар учун қайдай тезлик тавсия қилиниши кўрсатилган.
- Асосий вазифалар: почтани текшириш, янгиликларни кўриш (узун видеоларсиз), ижтимоий тармоқлардан фойдаланиш учун тавсия этилган тезлик 2-5 Мбит/с.
- Оддий вазифалар: видео қўнғироқлар, онлайн ўйинлар, 720p ўлчамигача бўлган видеоларни томоша қилиш учун тавсия этилган тезлик 5-10 Мбит/с. (Zoom ва YouTube иловалари қанча трафик сарф қилади)
- Ўрта мураккабликдаги вазифалар: катта ҳажмдаги файлларни доимий юклаб олиш, Full-HD ўлчамида видеоларни томоша қилиш учун тавсия этилган тезлик 10-20 Мбит/с.
- Мураккаб вазифалар: Full HD форматида стримлар уюштириш, 4К контентни томоша қилиш учун тавсия этилган тезлик 30-40 Мбит/с.

Эътибор беринг, юқорида ёзилган тавсиялар фақат битта қурилмадан фойдаланишни назарда тутади. Агар хонадонингизда Интернетдан фойдаланувчилар сони кўпчиликни ташкил қилса, керакли тезликни ҳисоблаб чиқинг. Мисол учун, уйда болалар Full HD форматида онлайн мультфилмлар томоша қилаётган бўлса, ўзингиз онлайн ўйинлар ўйнаётган бўлсангиз ва яна кимдир шу вақтда Telegram да видео қўнғироқда орқали гаплашса , камида 70-80 Мбит/с тезликдаги тарифни танланг.

Савол: Сиз бажарадиган вазифалар учун қандай Интернет тезлиги керак бўлади?

#маълумот