گـۆشخـانـی
13 мая 2024 13:25
هاکا دیتت پێک گەییشتین
هاکا دیتت ئاوێتە بووین وەک تانوپۆ
ئەوسا
هەموو زمانەکان
لەبیر دەکەم
لەگەڵ تۆدا هەر بێدەنگی
دەهێنمە گۆ...
#عەبدوڵڵا_پەشێو
ــــــــــــــــــــــــــ
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
11 мая 2024 06:03
#ڕۆژباش_هاوڕێیان له هەوار و گولبەنەوە
کە لێوم سنگی نەرمت ڕا دەمووسێ
بە بارانی بزەت ڕۆحم دەخووسێ
لە سەر پەلکی گوڵی بێگەردی عەشقت
خەیاڵم ڕازی دڵداری دەنووسێ
#ئەمین_گەردیگلانی
ــــــــــــــــــــــــــــــــــــــ
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
10 мая 2024 10:21
#زەکەریا_عەبدولڵا
وەفاداری
ـــــــــــــــــــــــــــــ
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
06 мая 2024 11:31
سەبارەت بە خاتوو (شانەدەر زێد Shanidar Z)
بەڵگە کۆنەکان نیشان دەدەن کە مرۆڤ لە درێژاییی سەردەمانی زۆر کۆن و لەمێژینە، لە ترسی دڕندەکان لە شاخەکانی کوردستاندا ئەشکەوتنشین بووە.
هەروەها کوردستان یەکێک لەو شوێنە دەگمەنانە بووە کە مرۆڤ نزیکەی دە هەزار ساڵ پێش لە ئێستە بۆ یەکەمین جار، لەوێ گەنمی دۆزییەوە و وازی لە ئەشکەوتنشینی هێنا و بەرە بەرە کەوتە ژیانی کشتوکاڵەوە.
دۆزینەوەکانی ناو ئەشکەوتی شانەدەر، خاتوو (شانەدەر زێد)، نیاندەرتاڵ و خەڵکی ئەشکەوتی شانەدەر، لەبەر چەند هۆکارێک گرنگییەکی زۆری بۆ کوردستان هەیە:
لە ڕووی زانستییەوە "شانەدەر زێد" یەکێکە لە کۆنترین نیاندەرتاڵەکان کە تا ئێستا دۆزراونەتەوە، ئەمەش ئەوە دەردەخات کە نیاندەرتاڵەکان ماوەیەکی زۆرتر لە کوردستاندا ژیاون لەوەی پێشتر بیریان لێ دەکرایەوە.
زانستی بۆماوەیی و (د. ن. ا.)ی شانەدەر زێد دەتوانێت زانیاریی بەنرخ سەبارەت بە میراتی بۆماوەییی نیاندەرتاڵەکان و پەیوەندییەکانیان بە مرۆڤی مۆدێرن دەربخات.
خاتوو شانەدەر زێد لە دۆخێکی ڕێوڕەسمیدا بە خاک سپێردراوە. ئەمەش ئەوە دەردەخات کە نیاندەرتاڵەکان ڕێوڕەسمی ناشتن و پێکهاتەی کۆمەڵایەتیی ئاڵۆزیان هەبووە. ئەمە لەوە دەدوێت کە ئەوانە خاوەنی بیروبۆچوونێکی تایبەتی بوون و هزر و بڕوای دیاریکراویان هەبووە.
دۆزینەوەکان پێوەندیی کورد بە مێژووی دوورودرێژی ناوچەکە پتەوتر دەکەن و پشتڕاستی دەکەنەوە کە کوردستان دەیان هەزار ساڵە مرۆڤی تێدا نیشتەجێیە و لانکی مرۆڤایەتی بووە.
شانەدەر زێد هۆگری نێونەتەوەیییە بۆ کوردستان و میراتە دەوڵەمەندە کولتوورییەکانی بەرز دەکاتەوە کە دەکرێت ببێتە هۆی زیادبوونی گەشتیاری و گەشەسەندنی ئابووریی کوردستان.
زۆر جار نیاندەرتاڵەکان وەک سەرەتایی و دڕندە وێنا کراون، بەڵام شانەدەر زێد لایەنێکی ئاڵۆزتر و مرۆڤانەتر لەم مرۆڤە سەرەتایییانە نیشان دەدات.
بەڵام گرنگە بزانین شانەدەر زێد کەسایەتییەکی مشتومڕاوییە.
بەشێک لە کوردەکان پێیان وایە دژایەتیی ئایین دەکات و یەکسەر کەوتوونەتە دژایەتییەوە.
بەشێکی تر کەوتوونەتە گاڵتەپێکردن و بێنرخکردن و پێڕابواردنی، هەر ئەوە بووە بە هۆی گەرموگوڕیی بازاڕی زۆر سایت و بە پرسیاری سەیروسەمەرەی وەک: ئەگەر ئێوە ناوێکی کوردیی بۆ بدۆزنەوە چ ناوێکی لێ دەنێن. ئیتر بە ڕادەی دانە بە دانەی بەشداربووانی تۆڕەکۆمەڵایەتییەکان ناوی سەیروسەمەرە و پێکەنیناویی بۆ پێشنیار کراوە. تەنانەت هەندێک کەس لە سنووری ڕێز لە تاکەکەس تێپەڕیون و بە ناوی کەسانێک کە لە ژیانی تاکەکەسییاندا ڕقیان لێیە ناودێری دەکەن و کەسایەتیی ئەو کەسانەش دەشکێنن.
هەندێکی تر پێیان وایە کە دۆزراوەکە میراتی کولتووریی ناوچەکەیە و نەدەبوو بگوازرێتەوە و دەبوا لە کوردستاندا بهێڵرایەتەوە. هەندێکی تر نیگەرانن لەوەی کە دۆزینەوەکان دەتوانن ببنە هۆی ڕەگەزپەرستی و هەڵاواردن. لە هەندێک وڵاتدا ئاماژە بە ناوی شوێنەکە کە کوردستانە ناکرێت و چونکە نایانەوێت دان بە دیاردەیەکی مێژوویی کە بە قازانجی کوردە بنێن.
کورد دەبێت وریا و ژیر بێت و لەم هەلە کەڵکی ئەرێنی وەربگرێت بۆ ئەوەی جارێکی تر کێیەتی و کۆنبوونی خۆی بە جیهان بسەلمێنێت. ئەمە ئەگەر لە هەر وڵاتێکی تر بوایە ئێستە دانیشتووانی ئەو وڵاتانەی کە کورد نین دەیانکرد بە هەرا و زەنا.
پێویستە ئێمە پێداچوونەوە بە هزری خۆماندا بکەینەوە و داهاتووبین بین. پێویستیش ناکات بیر لە ناوی کوردیی بۆ بکەینەوە، چونکە خۆی ناوەکە بە شێوەیەکی نێونەتەوەیی ئاماژە بە ناوی شوێنەکە و ئەشکەوتەکە دەکات: (شانەدەر زێد = Shanidar Z).
بۆچی هەر ئەو ناوە بەکار نەهێنین کە جیهانی بووە و وشە و ناوێکی کوردیی بە جیهان ناساندووە؟ شاندەر زێد.
#دیاکۆ_هاشمی
ــــــــــــــــــــــــــــــــ
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
05 мая 2024 18:50
🎤: سەنا بەرزەنجی
🎼: قوربانی
ــــــــــــــــــــــــــ
🆔 @
🌹کانالی گوندی گۆشخانی🌹
Читать полностью…
گـۆشخـانـی
04 мая 2024 16:20
ئەی بەژن ڕێک لەنجە جوان خاوەن سەرنج شێوەت پەری
بۆ نیگایەک وێڵ و شەیدام باڵی شێعرم هەڵوەری
#نەجمەدین_غوڵامی
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
03 мая 2024 21:41
چەن چرکەیێکی دڵ ڕەفێن لە کانی #هەوار و دیمەنی جوانی بەهاری ، تێکەڵاوی کەین
لە گەڵ شێعرە پڕهەستەکەی کاک #بەختیار_ڕەحیمی🌷🌷🌷😍😍😍
🔜 دو ڕێیان 🔚
من ئەگەر بۆ تۆ
خۆشەویستێک نیم
تەزووی ئەوینت بێنم بە لەشدا
گیانە قەی ناکا
ئەگەر نەمتوانی زۆر نا مۆمێک بم
لە شەوی ڕەشتا
گیانە قەی ناکا
کە خۆشەویستیم
نەبوو بە خشت و
کەلێنی ماڵی ئەوینی دڵتی پڕ نەکردەوە
قەی ناکا گیانە
کە مەلی ڕۆحت بارانە شەوێک
لە ژێر سرمیچی ئاسمانی مندا خەو نەیبردەوە
قەی ناکا گیانە
پێچەوانەی تۆ
من لە تۆی ڕنوی زستانیشدا بم
هەر بە یەک تیشکی بەرۆچکەی چاوت
گەرم دەبمەوە !
لە گەرمەی کۆڕی ماتەمەیشدا بم
بە بزەیەکت پێ دەکەنمەوە !
من یەک پزیسکی ئەو گڕی عەشقەی
هەوەڵ جار لێی دام
بە چی ئەستێرەی ئاسمانە نادەم
من هەر ئێستاکەش
بە یەک دڵۆپی بنگرتووی جام و
پێکی بەرماوت سەرخۆشم تا هەم ..
هەرچەن ئەزانم
تۆ پەلکەزێڕی و
من ئەبێ تا هەم بەس لێت بڕوانم
ڕێک ڕێک ئەزانم
تۆ هۆمای بەختی و
قەت بە ڕێکەوتیش نایەتە ژوانم
پزیشکی و هرگیز
هەتوانێک لە سوێی برینم نادەی
بەڵام دڵخۆشم لەو دونیایەدام
کە تۆیشی تیا هەی !
ئەو خۆرە ڕۆژی تۆ ڕووناک ئەکات
بۆ منیش هەڵدێ
بەهاران باخم وەک سەیرانگەی تۆ
چرۆی لێ دەردێ
تۆیش لەو هەوایەی هەڵدەمژی کەوا
من هەڵیدەمژم
منیش وەکوو تۆ گۆمە ئاوێکم
بە سەر دیواری تەمەندا دەپژم..
ڕوونە ڕۆژێک دێ
دوایین دڵۆپی عومرم وەک هی تۆ
لەو گۆمە دەتکێ
لەوەشدا دیسان هەر بەختیارم
بەڵام لەوێوە
خەیاڵێکی تاڵ
بۆتە هەوێنی هەزار پرسیارم
ترسم ئەوەیە لەوەلا ئیتر ڕێگامان جیا بن
ئاخر وەک دەڵێن
بەهەشت و دۆزەخ هیچ لە یەک ناچن
ئەو هزرە زۆر جار
لەو خەونە خۆشە هەڵمدەسێـنێ
ئاخ خودا حەقی ئەو دڵە پاکەم
لـە تـۆ نەستـێـنـێ..... !!
🌺🌸🌼🌺🌸🌼🌺🌸🌼🌺🌸🌼
✍بەختیار ڕەحیمی
8 / گۆڵانی / 2724 ی کوردی
❄@
🆔 @
⏳کاناڵی گۆشخانی⏳
Читать полностью…
گـۆشخـانـی
29 апреля 2024 20:32
🛑ئاگاداری🛑
هاوڕێیان ، دۆستێکمان چەن هەڵگر [کلیل] دۆزیوەتەو،
بۆ وەرگرتنی ئەتوانن پێوەندی بگرن تەک کاک #تۆفێق_ئامانی
سپاس و پێزانین🙏
🆔@
⏳کاناڵی گۆشخانی⏳
Читать полностью…
گـۆشخـانـی
28 апреля 2024 07:31
لە ناو باخچەی کوردستانا
گوڵی سەربەستی ئەڕوێنم
گۆرانی عیشق و ئازادی،
بۆ کوردستان
بۆ تۆی ئازیزم ئەخۆێنم!
#جەلال_مەله‌کشا
ـــــــــــــــــــــــــ
سپاس و دەسخۆشی بۆ
🎥 هاویار قەدیمی
ــــــــــــــــــــــــ
🆔 @
🌹کانالی گوندی گۆشخانی🌹
Читать полностью…
گـۆشخـانـی
24 апреля 2024 10:45
ڕووخساری جوان بەرەو پیر بوون دەچێت
جەستەی باشیش گۆڕانکاری بەسەر دێت
بەس دڵـێکی باش هەمیشە وەک خــۆی دەمێنێتەوە.!
ــــــــــــــــــــــــــــــــــــــــــــــــــ
بمێنن بۆمان باوکانی نیشتمان😍😍
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
21 апреля 2024 16:59
خۆشەویستان دوێکە نیوەڕۆ لە بەر نانەوایی تا بەر ئاوایی کارت عابر بانک بە نێو #کەیهان_مۆرادی ون بوە تکایە ئەگەر کەسێک دۆزیەو بە هەرکام لە دووکانە کان ئاوایی تەحوێڵی بدات🙏🙏
🆔 @
⏳کاناڵی گۆشخانی⏳
Читать полностью…
گـۆشخـانـی
20 апреля 2024 09:03
ئاوەدانیی ئەم دونیایە بە من چی
كاتێک من لە ناخەوە وێرانم
ئەو برینەی لە مندایە
هی ڕۆژگار نییە
هی ژیان نییە،
جێ دەستی گیانلەبەرێكە ناوی مرۆڤە.
لەم سەرزەمینە برینێكم نەبینی
قووڵتر
سەختتر
بەئازارتر
لەو برینەی مرۆڤ دەیخاتە ناو ژیانتەوە
#نەبەز_گۆران
ـــــــــــــــــــــــ
ئاوەدان نیشتمان 😍
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
18 апреля 2024 14:56
چوار وەرزی گۆشخانی له پەنجا چرکەدا
سپاس بۆ 📸 #هەوراز_مەحموودی
ــــــــــــــــــــــــــ
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
17 апреля 2024 10:29
🗓 #ئەمڕۆ_لە_مێژوودا
۲۸ی خاکەلێوە بەرامبەرە لەگەڵ ۱۷ی نیسان، ساڵوەگەڕی کۆچی دواییی شاعیر و نووسەری نەتەوەییی گەلی کورد
مامۆستا سەید محمد ئەمینی شێخولئیسلامی ناسراو بە مامۆستا #هێمن
لە دایکبووی ساڵی ۱۹۲۱ی زایینی لە گوندی لاچینی سەر بە شاری مەهاباد
کە لە ۱۷ی نیسانی ساڵی ۱۹۸٦ی زایینی لە شاری ورمێ هەتاوی ژیانی ئاوا بوو.
✌️نامـرن ئەوانەی وا
لە دڵی میللەتا دەژین✌️
🌹ڕۆحیان شاد و ڕێگایان پڕ ڕێبوار🌹
ئێمەش لەم ڕۆژەدا بە هەستێکی کوردانە و دڵێکی پڕاوپڕ لە خۆشەویستیی نیشتیمان، وەک شاعیری گەورەی نەتەوەکەمان ڕوو بە نەیاران و دوژمنانی ئاو و خاک و گیانمان بانگی کوردبوون سەردەدەین و دەڵێین:
"کوردم ئەمن"
گەرچی تووشی ڕەنجەڕۆیی و
حەسرەت و دەردم ئەمن
قەت لە دەس ئەم چەرخە سپڵه
نابەزم، مەردم ئەمن
ئاشقی چـاوی کــەژاڵ و گەردنی پڕ خاڵ نیم
ئاشقـی کێو و تەلان و بەندەن و بەردم ئەمن
گەر لە برسـان و لەبەر بێبەرگـی ئیمـڕۆ ڕەق هەڵێم
نۆکەری بێگانە ناکەم تا لەسەر هەردم ئەمن
من لە زنجیـر و تەناف و دار و بەند باکم نییە
لەت لەتم کەن، بمکوژن، هێشتا دەڵێم کـوردم ئەمن
📚ئاسەوارەکانی مامۆستا ھێمن
بریتین لە:
-دیوانی هێمن
-بارگەی یاران
-تاریک و ڕوون (شیعر و پەخشان).١٩٧٤
-پاشەرۆک (شیعر و پەخشان).
-توحفەی موزەففەرییە
(فۆلکلۆری کوردی، کە کاری ئۆسکارمانە و ھێمن وەریگێڕاوەتە سەر زمانی کوردی).
-شازادە و گەدا
-قەڵای دمدم
-ھەواری خاڵی
-چەپکێ گوڵ، چەپکێ نێرگز
-ئەفسانە کوردییەکان
(کاری قەنات کۆردۆ کە ھێمن وەریگێڕاوەتە سەر زمانی فارسی).
-ناڵەی جودایی ، شیعر ١٩٧٩
پاشەرۆکی مامۆستا ھێمن،
کۆمەڵە وتار، مەھاباد ١٩٨٣
ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.
🆔 @
🌹کاناڵی گوندی گۆشخانی🌹
Читать полностью…
گـۆشخـانـی
15 апреля 2024 23:52
(اِنّا لِلّه وَ اِنّا اِلَیْهِ راجعُون)
◾️پرسە و سەرەخۆشی◾️
لەگەڵ ڕازی بوون به ویستی پەروەردگاری دلۆڤان
◾️به داخ و کەسەرێکی زۆرەوە:
#کەیۆمەرس_کەریمی کۆری ڕەحمەتی کا عەودێ بۆ هەمیشه ماڵئاوایی لە ژیان کرد
ئێمەش لەلایەن خۆمانەوە بەرێوە بەرانی کاناڵی گوندی گۆشخانی
پرسە و سەرەخۆشی خۆمان ئاراستەی بنەماڵەی بەڕێزیان ئەکەین ،
له خودای گەوره ئەپاڕینەوە بە بنەماڵەی بەڕێزیان سەبر و کۆچکردووش بە باشترینەکانی پاداشت بداتەوە
1403/1/28
🆔 @
🌹کاناڵی گوندی گۆشخانی🌹
Читать полностью…
1072