7793
💠⚜عشاق الحسین(لطمیات)⚜💠 👇👇👇👇👇 @ashaghalhossein 💠⚜عشاق الحسین (الأبوذیة)⚜💠 👇👇👇👇👇 @ashaghalhossein3 💠⚜عشاق الحسین (للنعي)⚜💠 👇👇👇👇👇 @ashaghalhossein4 💠⚜عشاق الحسین قصاید نسائیة⚜💠 👇👇👇 @ghsahdhossinyat
موشح في القاسم عليه السلام
يانسيم اللي يمر بأنفاسي
جيت اذكرك بالربه لو ناسي
ـــــــــــــــــــــ
انته ماتنسه الربه وكلك وفه
لكن احچایات ام وعاطفه
چنت یاجسّام لجروحي شفه
وچنت معصب بیك اشدّن راسي
ـــــــــــــــــــــ
جیت اذكرك يلي ماتنسه الحليب
شيبتني يالولد گبل المشیب
چنت اظن تكبر بعيني وماتغيب
شلون دنيا المشت عكس احساسي
ـــــــــــــــــــــ
شگد صعب يبني عله الاُم الربه
وشكثر داريتك بدور الصبه
تنذبح ماچنت بیك امحسّبه
وسيف الازدي بذبحك اشگد قاسي
ـــــــــــــــــــــ
چنت اظن عريس اشوفك يالولد
وافرح برفتك يانجم السعد
وبكبرتي اتصير الي عون وسند
وبيك اتنومس يسر نوماسي
ـــــــــــــــــــــ
ياحلم مرني مثل مر السحاب
شلون اعوفك نايم بحضن التراب
واگضي عمري بغيبتك حلم وسراب
وبالدمه ايخضبون وردي وياسي
ـــــــــــــــــــــ
راح اضم اثياب عرسك ذكريات
يدفنوها وياي لو حان الممات
عله عطرك يالچنت لیلیه ابات
وین اروح اتهدمت من ساسي
ـــــــــــــــــــــ
فراس المحمداوي
١٤ ذي الحجة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في انصار الحسين عليه السلام
نادت انصار العقيده بكربله
ياهله بيوم الشهاده ياهله
ــــــــــــــــــ
بالامس چانو سهاره مو نیام
بین راکع بین ساجد بالخيام
عاشو آخر ليله بالحُب والهيام
وفجر عاشوراء اجمل بسمله
ــــــــــــــــــ
اتسابقو للموت والمقتل سباق
للشهاده شلون عدهم اشتياق
الجنة الفردوس حان الالتحاق
صفوة ابطال وتعلّو عالعُله
ــــــــــــــــــ
الله هوه اختارهم يوم الطفوف
ان يخلون النقاط اعله الحروف
وينتصر دم المناحر عالسيوف
وكلمن من ادماه يرسم مقتله
ــــــــــــــــــ
شلون يوم شلون ساعه امباركه
ينصرون احسينهم بالمعركه
وادِم بدرب الحقيقه سالكه
العرف حق حسين بالدنيا شله
ــــــــــــــــــ
بالملاحم خاضو الفن العجيب
مسلم ابن عوسجه بظهره حبيب
اصبغو بالدم شيبهم دون الغريب
ومن عطرهم موضع الطف امتله
ــــــــــــــــــ
وصولة الحُرّ وجهاد ابنه بُكير
ومن وراهم طلع سلمان وزهير
ونافع اوّاضح وأسلم وي برير
وعمرو بن قرضه الغيور وحنظله
ــــــــــــــــــ
عابس وجون وانس والحضرمي
وشوذب وقيس البطل والخثعمي
دروع كلهه اگبال میدان الرمي
بكل نحر مگطوع آيه امرتّله
ــــــــــــــــــ
ياسلام الله عليهم عُظماء
خطو بدمهم مناهج للفداء
تفتخر بأجسادهم طف كربلاء
وهذا حسن العاقبه وما اجمله
ــــــــــــــــــ
فراس المحمداوي
١ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح بين الكوفة والغدير
انغدر مسلم وينهم اهل الضمير
وموقف الكوفه مثل يوم الغدير
ــــــــــــــــــــــ
البيعة الكرار في حجة الوداع
كلهه تشهد والخبر واضح يُذاع
الگالو الحیدر بخن بالاجتماع
ابد ما وفّو عهدهم بالأخير
ــــــــــــــــــــــ
بإرتحال المصطفى كلشي انكشف
والبعض عن سچة الحق انحرف
علي وحده انعاف ياحيف وأسف
والسقيفه صادرت حق الامير
ــــــــــــــــــــــ
تمت البيعه بإجماع النصوص
لچن بعض الناس ماعدهم خلوص
اليوم بالكوفه نفس ذيچ الشخوص
الغدرت الكرار غدرت بالسفير
ــــــــــــــــــــــ
هذا مسلم من اجه ابيعة وفه
ليش بالكوفه يجازونه الجفه
والله لو بحسين عدهم معرفه
چان ماصار الذي بمسلم يصير
ــــــــــــــــــــــ
شافو المعروف منكر شي اكيد
والحچي وياهم فلا يغني ويفيد
كلمن برايه وحسب شوره يريد
وفضلو ابن زياد عالماله نظير
ــــــــــــــــــــــ
نفس ماگالو بخن گالو تعال
اثمنطعش الف ويغدرونك مُحال
تالي مسلم وحده یوگف بالقتال
لحد ما بيد الخصم خلوه اسير
ــــــــــــــــــــــ
الخانت بحيدر علي بمسلم تخون
بشر ما عدهم قلوب ولا عيون
شي طبيعي للدراهم يركعون
والطمع بالمجتمع كلش خطير
ــــــــــــــــــــــ
علي بمحراب الشهاده منطبُر
ومسلم القو جسمه من فوگ القصر
باچر الاشراف شتقدم عذر
من يشوفون النبي الهادي البشير
ــــــــــــــــــــــ
التخاذل ديدن اصحاب النفاق
وبجُبنهم صار دم مسلم يُراق
وصل لحسين الخبر والكون ضاق
والحميده صارت عيونه تدير
ــــــــــــــــــــــ
من مسح راس اليتيمه شگد بچه
وگعدت بحجره وعلى صبره اتچه
وي حميده بصیغة الوالد حچه
انه ابوچ وجرحي بمسلم چبیر
ــــــــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في السيدة فاطمة العليلة عليها السلام
فاطمه ودت الك مكتوبها
وبالدمع يحسين ناگع ثوبها
ـــــــــــــــ
ابنيتك الظلّت حزينه امعذّبه
لمّن انطتني الرساله امحدّبه
تگول ماچنت لغیابه امحسّبه
شحال التفارگ وجه محبوبها
ـــــــــــــــ
فاطمه شيّب گلبهه واحتوه
جمر علّتهه وجمر فگدك سوه
یاهواهه اختنگت ابلایه هوه
وبالأخص لمن يچل اغروبها
ـــــــــــــــ
الگیتهه اعله الباب مكسورة گلب
تنشد اعليك وتعاين للدرب
وين ابوي اتصيح والمدمع يصب
حايره المن تبث معتوبها
ـــــــــــــــ
يذبل ابلا ماي يحسين الورد
والعليله هناك ذبّلهه البُعد
عله درب ظعونك اترابي وتصد
محد ايحقق حلم مطلوبها
ـــــــــــــــ
بيك متعلق گلبهه يالولي
وبس تردد ياحسين وياهلي
تگول واعدني يجي الاكبر علي
یحن گلبي عالحنينه اگلوبها
ـــــــــــــــ
عدهه صار الموت اشوه من الهجر
عيونهه ابيضت وساندهه الصبر
فراگکم يحسين مايوصل عشر
من مصيبة يوسف اليعگوبها
ـــــــــــــــ
فراس المحمداوي
٢١ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في خدمة الحسين عليه السلام
ابخدمتك لمّن صدر تعييني
گلت کون انطيك فوگ سنیني
ــــــــــــــــــ
بيدك البرزخ الباري ودّعه
والخلايق كلهه يمك راجعه
گلت باچر بس خدمتك نافعه
وهیه تضمن لي سلامة ديني
ــــــــــــــــــ
ياعمد ديني وفروعه والاصول
شكبر حظي واستلم ورقة قبول
وبيهه توقيع امك الزهره البتول
وهيّه عندك صانع اتخليني
ــــــــــــــــــ
يم حبيب ايصير فايل خدمتي
وكل وقوعاتي وحضوري ودمعتي
من المهد حد ما انام بحفرتي
ردت نظرة عينك اتباريني
ــــــــــــــــــ
الناس تحسدني عله هذا المكان
بي كرامه وبي معالي وبي ضمان
ابلا تقاعد خدمتك طول الزمان
وخيرك امغرگني وامرضيني
ــــــــــــــــــ
والله غيرك ابد ماعندي سبيل
من اعوفك اگضي كل عمري ذليل
آنه يابن فاطمه عندك دخيل
خاف اتيهن بالدرب دلّيني
ــــــــــــــــــ
يالخدمتك نور يحسين اوضوح
كون اظل بمجلسك احضر ونوح
المابچه اعله امصیبتك ماعنده روح
شگد اموت ودمعتي تحييني
ــــــــــــــــــ
الله خالقني لجل هذا الشرط
گلبي يحسين بمحبتك مرتبط
بالدمه وبالروح حبك مختلط
وعجن بدموع المجالس طيني
ــــــــــــــــــ
اكبر وتسندني يحسين العصه
وعله افراش الموت دمعي ارخصه
اشعر ابدونك حياتي منقصه
هذا منهج فطرتي وتكويني
ــــــــــــــــــ
فراس المحمداوي
٦ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
موشح في العزاء البرزخي
لو نموت ونندفن بگبورنه
هناك هم نحيي ذكر عاشورنه
ــــــــــــــــ
حسين يامن سحگتك عشرة خيول
كلشي زائل بس عزائك مايزول
بعالم البرزخ نعي الناعي يطول
للقيامه ويوم نفخة صورنه
ــــــــــــــــ
ان چان فوگ الگاع لو تحت الثره
خدمتك يحسين دنيا وآخره
منهو مثلك الله خلّد منبره
وظل حزن يومك جمر بصدورنه
ــــــــــــــــ
يالبچه اعلیك المُلك والملكوت
الدنيا تخلص واحنه تاليها نموت
هناك هم عدنه عزائات وبيوت
ومجلسك بالبرزخ ايعم دورنه
ــــــــــــــــ
هناك چم دمعه المصابك ترتخي
ويوگف المولى حبيب وينتخي
وين خدّام العزاء البرزخي
يالله خل يبدي لطمنه وشُورنه
ــــــــــــــــ
منبرك يحسين لمّن ينّصب
يجي سيد جاسم هناك ويطب
ينعه وبصوته يگطّع چم گلب
وياه يجي حمزه ويجي منظورنه
ــــــــــــــــ
صوت حمزه ايردد بنبرة قهر
(ياشهر عاشور مامثلك شهر)
هناك راح انشوف للمقتل صور
وراح نندم چي سليمه انحورنه
ــــــــــــــــ
هناك امك فاطمه اتدير العزاء
تصيح واويلاه يعملة كربلاء
هذا ابني حسين مسلوب الرداء
ومن عگب عینه سلیبه خدورنه
ــــــــــــــــ
احنه غيرك ابد ماعدنه سبيل
شما نهل ادموع لمصابك قليل
نقسم اعليك بگطع چف الکفیل
انريد بالبرزخ تجي وتزورنه
ــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
جينه ننشد كــــــــربله وأم البنين
شسوه بيها فگد الحسين الحنين
واه حسيناه واه حسيناه
$$$
جينه ننشد غابو اعليها الاهـــــل
الجفن مــــــن الدمــــــع كلش ذبل
وصـــــلت الاخبار الحسين انچتل
ليش من ولدي ولا واحــــد سأل
اليوم حزني بعد الحسين اكتمل
ساعدوها بدمع واحچو المستهل
عايشه عالدمع بعدك والونين
$$$
هــي كــــل تفكيرها يــــرد بسلام
گامت وفرشت ورد درب الخیام
هي غير حسين ما تملك كـــــــلام
بالها مــــــو بالــــــولد يــــم الامام
الينتظر مـــــا تغفه عينه ولا تنام
حزني انه اعليك ابد ما بي ختام
تدري بيه الدمع ما خلالي عين
$$$
جينه ننشد والسفر كلش خطــــر
انه بعدك بالخيم مـــــا استقـــــر
تدري بيه حسين يذبحني الهجــــر
انه اخاف عليك مــــن حـــــر الظهر
وخاف خيل وتسحگ ضلوع الصدر
وخــــــــاف راسك ينرفع بيد الشمر
يا سنين التبقه بعدك يا سنين
$$$
جينه ننشد كــــــــربله عن الكفيل
مثل سعفه الحره عالناگـــــــه وتميل
والسلاسل گیـــــــدت چــــــف العلیل
بالخرابه اطفــــال الحسين وعويل
الدمـــــع بعيوني بعـــــدك ظل يعيل
انـــــه غير الدمع مـــــــا املك بديل
انه بعدك عمري يخلص بالونين
$$$
جينه ننشد وصل ناعــــي الفاجعه
گـــــــــــال ياهــــــي گتله ام الاربعه
يحچي وياي ونزل كـــــــــل مدمعه
گــــــــــال ابو فاضل چفوفه مگطعه
حسين ابنـــــــچ کلــــها یمه مجمعه
حسين مـــــا يتسولف ابدن مصرعه
خاف احچیلچ وما تتحملین
$$$
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
#العليلة
. آنـــه وآهـاتـي وحـسـرتـي صـرنـه عين اعـلـه الــدرب
بـويـه مــــاتـبـرد جـمـرتـي لـ داري حـيـره شلون اطب
*---------------*---------------*
يالـتركـت بـگـلـبـي حـسـره بـيـه تــســعــر چـن جــمــر
بـسـاعـة الـــودع ظـعـنـكـم صعـبـه كـل لـحـظـه الـتـمـر
بــويـه يالـبُـعـدك فـجـعـنـي بــعــد مــــابــيــه انــتــظــر
يــــوم يـومـيـن انـتـظـرتـك ولَــــــو كـل لـحـظـه بـعـمـر
بويه بـويـه اسمعها ونـتـي الــــــذوبـت مـنـي الـگـلـب
*---------------*---------------*
بويـه مـن حـمـل ظـعـنـكـم اعلـيـك ظل يـربـي الـنـظـر
خذت كلـشـي ومـاخـذتـنـي مــن تــعــنــيــت بــســفــر
اه مـن يـــــــــوم الــمــوادع بــويـه طـگ مـنـي الـظـهـر
اشـوه لــــو فـارگـهـا روحـي فــــــراگـك إمـن الـمـر أمـر
بـغيبـتـك زادت حـسـبـتـي احـسـب ومـــــاتـنـحـسـب
*---------------*---------------*
انه چنت محسـبـه كـلـشـي وفـرگـتـك مـــــا حـسـبـت
حـاسـبـه ويـاك انـه اروحن يـالـعـفـتـنـي انـتــه ورحت
وحــدي ودمـوعـي اتـجـاره بــعــمــر ورده وشــيــبــت
يـمـتـه گـلـي إتـــــرد عـلـيـه يـاحــبــيــبــي اتــأخــــرت
اعله الدرب طالت صفنتي مـگـابـلـه الـــريـح الـتـهـب
*---------------*---------------*
عيني ظلت تـربـي جـيـتـك مـرهـا حـتـه لــــــــو حـلـم
ظـلـت تـنــاطـر تــجــيــهــا وذبـل مـن عـدهـا الـرســم
ذبّـــلاهــا الـــدمــع بــعــدك ومــنــهــا ظل بـس الإسـم
مــولـحـت مـن الــبــواچــي بـيـك مــو بـيـهـا آنـه ٱهـم
بـعـد شـلـي انه بـنـظـرتـي الــنــظــر خـلـي يـنـسـلـب
*---------------*---------------*
ياهو الـي يخـبـرنـي عـنـك ويــمــي بـس ام الـبـنــيــن
وهيـه هـم تـنـطـر تـجـيـهـا وحــيـل ذوبــهــا الـونــيـن
حسين اصيحن بويه وينك وهـيـه تـصـرخ يـاحـسـيـن
ابــچـي وتـنـشـف دمـعـتـي الـصـارت بـفـرگـتـك عـيـن
صــبّــرت يـامـا عــبــرتــي وآنــــــه لـجـلـك انـتـحـب
*---------------*---------------*
✍️خادم آل محمد ص
الشاعر ضياء الكناني
#قصائد_محرم_1440
عَِظٌـمِ أٍلٍَلــَه لْڪْمْ آلْآجــْرْ
#مؤسسة_منبريات_للخطابه_والالحان
↝-﹏-﹏-﹏-﹏🏴﹏-﹏-﹏-﹏-↜
قصيده للنزول. زنجيل
حاچيني يبو السجاد. يخويه الماي چا وينه
اخافن تعطش الرضعان امن اول يوم طبينه
/////////////////
يخويه الحر وكف عالماي. علينه الماي هالمنعو
وچم فارس بعد يحسين فوگ المشرعه خلو
اسمع. صوت يالوالي. حسين من العطش موتو
لو ضاگ العذب يفني
الجيش وكل جموع البي
بهاذي المعركه نخلي
چثه عالثره مرمي وانحرگها صواوينه
///////////
ردلها الجواب حسين يازينب بعد عيني
لتخافين ياخويه فديچ ابروحي اوبنيني
انه وكافلچ وياچ هسه افنيها ترديني
ابويه حيدر الكرار
بس اشر شمسها دار
وشبله الكافل المغوار
وحده للحرب يكفي. ابو فاضل تعرفينه
////////
انه العباس يازينب. اخوچ اوتشهد افعالي
اگصد للنهر عطشان واجيب الماي مابالي
اوگف عالنهر اوبزود. شحده اليوگف اكبالي
من خزه العده تشرد
اگلبها ورگاب احصد
واخليها فلا تنعد
وحگ ضلع امي الزهره اجيب النهر لسكينه
////////////
نعمين وكفو منك ياابن فاطمه الزهره
امي رادتك لليوم عدوها بسيفك اتقهره
متقصر يخو زينب النهر من شاربه اتجره
شنهي النهر يعصي عليك
وحيدر قبلاها ايديك
ودرها الطاهر امغذيك
بكل قطرة وفه تحسيت من امك توافينه
///////////////
الشاعره ام انور الذبحاوي
↝-﹏-﹏-﹏-﹏
📌📓حديث لأولاد مسلم
لما هجموا الاعداء على مخيم آل الرسول وفرت العيال والاطفال ومن جملتهم أولاد مسلم بن عقيل(ع)فانهما هاما على وجوههم من شده الخوف وجعلا يجدان اليسر ليلاً ونهار حتى قبظهم رجل من أصحاب ابن زياد وحبسهم الى الصباح فلما صار الصباح ذهب بهما الى ابن زياد واودعهم السجن ثم بعد مدة قالا للسجان هل لك ان تطلقنا ويكون رسول الله شفيعك يوم القيامه.
قال لهم : من انتما وما يكون رسول الله منكم
فقالو له : نحن والله يتاما ابن عقيل فلما سمع الرجل بكى وقال لهم والله ياسادتي لم اعرفكما وجعلانني في حل مما اذيتكم فكونوا عندي إلى الليل فاذا جن الليل انطلقا في جوفه الى حيث شئتما فلما صار الليل اطلقا سراحهم وجعلا يسيرا حتى وصلا الى بستان وخافا ان يشعر بهم احد فناما في ذلك البستان فلما انتبها من نومهم فاذا برجل واقف على رؤوسهم فقال لهم من انتم وما تصنعا في بستاني فقالا له يا شيخ الله الله في دمائنا يا شيخ فقال قولاً ولكم الامان فقالا نحن والله يتاما مسلم ابن عقيل.
فقال: ويلكم اني اتعبت نفسي وفرسي في طلبكما وانتما عندي في بستاني والله لا قتلكما واخذ الجائزة من ابن زياد فقالا له احملنا معكم احياء لابن زياد لعله يرق لحالنا قال بل اخذ رؤوسكم إليه فاعتنقا الاطفال وجعلوا يبكون من شدة الخوف فاقبل على الكبير وضرب عنقه وقطع رأسه ورما بجسده في الفرات واقبل على الصغير وضرب عنقه فجعل يتمرغل بدم اخيه انا لله وانا إليه راجعون.
نعي
ادخيلك يخايب دزم منه
اطفال ما يدرون اهلنه
عدلين لبن ازياد اخذنه
〰️〰️〰️〰️〰️🎤📕📚〰️〰️〰️〰️
خايب دزم منه وخليه
كلبك ولك ما من رحم بيه
بلكت صدع كلبك بواجيه
〰️〰️〰️〰️〰️🎤📕📚〰️〰️〰️〰️
انه الوالده وضيعت ولدي
ادور عليهم وانه الوحدي
ما ضل ولي بالخيم عندي
〰️〰️〰️〰️〰️🎤📕📚〰️〰️〰️〰️
يجلاد ميفجعك يتمهم
ذبحت الاطفال وسال دمهم
تراهم ازغار ورادو امهم
〰️〰️〰️〰️〰️🎤📕📚〰️〰️〰️〰️
وكت النهب فرت الاعيال
يا صوب فرت مدري الاطفال
ومصابهم ذوب الدلال
〰️〰️〰️〰️〰️🎤📕📚〰️〰️〰️〰️
قصت الاطفال اتهدم الحيل
تيهت بزري ابظلمت الليل
ما من ولي بس العليل
〰️〰️〰️〰️〰️🎤📕📚〰️〰️〰️〰️
اطفال شنهوا الذنب منهم
ميل يخايب عاد عنهم
وكت الذبح جن رادو امهم
〰️〰️〰️〰️〰️🎤📕📚〰️〰️〰️〰️
يسجان ويلادي الاثنين
عليهم ربيه وتجري العين
كلي شلك ثارات لو دين
〰️〰️〰️〰️〰️🎤📕📚〰️〰️〰️〰️
انه الوالده وكلبي تفرفر
ليش اذبحت طاهر ومطهر
اعله فركت الويلاد مكدر
〰️〰️〰️〰️〰️🎤📕📚〰️〰️〰️〰️
طاهر وخيه وين نايم
وفزعت الذبحتهم الوادم
شعبت الكلب مني يظالم
〰️〰️〰️〰️〰️🎤📕📚〰️〰️〰️〰️
انه الوالده يمه وتعبيت
سهرت الليالي وزين لوليت
ليش اطلعت مني ومرديت
〰️〰️〰️〰️〰️🎤📕📚〰️〰️〰️〰️
الحديث_والنعي_بديوان_أقل_الوفاء_في_رثاء_الغرباء_الجزء_٣_.
*بقلم✍الشاعره المله أميره أم محمد الكناني*🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
هوسات للعباس {{انه البيك مأمن}} 💔
#بنية شفاء رسل الابراهيمي 🙏
بنص دربي واريد انخاك يالعباس
تعطلت اعله جيتي ليك هالمره
اطب وجاهك ويايه عله الدكتور
اموديتك اليه فاطمة الزهره
الراچيته ودواي الما لگوه اليوم
يجيني وكون اشوفه رايتك خضره
هاااا {{ انه البيك مأمن
ما امن بغيرك دكتور }}
❥❥❥ـــــــــــ✿🪶✿ــــــــــــ❥❥❥
اروح وكلي راحه مأمنه بيك الروح
اذا طيبني واحد يعني هذا انته
ايدك هايه التحرك بهل الدكتور
ايطيب بالنخاك وراح علمته
جذب كلهم جذب مابيدهم اي شي
الاخذ هاي الشهادة انته درسته
هااا {{ كل دكتور امدرسه
بهاي جفوفك يالعباس }}
❥❥❥ـــــــــــ✿🪶✿ــــــــــــ❥❥❥
#الشاعرة هاجر الزينبية
اسألكم الدعاء للشاعرة رسل الابراهيمي بالشفاء العاجل 🙏
نخوه للعباس عليها السلام
موشح
=========
بجاه زينب طلبتي تگظيها
والمريضه من المرض تشفيها
=========
يابو فاضل انته تدري بحاجتي
ابد ماتخفه عليكم حالتي
رايده من الله ومنكم طلبتي
يخو زينب انته تعلم بيها
🤒🤒🤒🤒
بجاه زينب اختك ونحر الحسين
طيب اجروحي گضيت من الونين
لانفعني اعلاج لاشعه ورنين
يبو فاضل علتي داويها
🤕🤕🤕🤕
گضه آه ب آه ياهاذا العمر
تكثر الونات كل يوم اليمر
سنين عمري گضت مابيهن ثمر
ونته اعلم سيدي وتدريها
🤒🤒🤒🤒
سيدي جيتك يسبع الگنطره
بروحي هموم الزمان امسطّره
لاتخليني يغاتي امحيره
حاجتي ماضنك اتخليها
🤒🤒🤒🤒
روحي مالومه وتون الليله
حيل محتاره وجيت اشكيله
بداعت الحره وهذيچ العيله
روحي يمك ياسبع داريها
=========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك.
لطميه نخوه لام البنين عليها السلام (اندب البدويه)
لشفاء المرضى ومن اوصانا بالدعاء امين يارب العالمين
النعي //
انخاچ نخوه للمريضين
و اقسم عليچ ابداعت حسين
للحاير ابعلته تداوين
و ادواه منچ كون تنطين
اصيله و نعرفچ ما تقصرين
النزله//
يالوجعان گوم اندب البدويه
گلهه امروتچ لا حيل ظل بيه
گلهه امروتچ و انتي التشافيني
معروفه و اصيله يا بعد عيني
الچ خادم انه و اشلون تنسيني
اريد ابجاه ابو اليمه و غواليه
يالوجعان گوم اندب البدويه
ابجاه المنذبح لدواي اريدنه
الشيعه ابطيب گلبچ سولفوا عنه
يام عباس ما اگطعهه للظنه
ادخيلچ يالجليله حني اعليه
يالوجعان گوم اندب البدويه
ادخيلچ يالنعرفچ ما اتفشلينه
للوجعان مولاتي تطيبينه
بينه امراض ابد مو سهله تدرينه
لا ما ظل صبر و الروح مگضيه
يالوجعان گوم اندب البدويه
لا ما ظل صبر و الصبر ضيعته
و هذا بيرغچ بيديني اعگدته
ابجاه الي رموا بالحجر خاصرته
و زينب حملت للشام مسبيه
يالوجعان گوم اندب البدويه
زينب حملت للشام و ادروبه
و صارت خارجيه القبل مهيوبه
اليوم انخاچ يالبشده مندوبه
و بعد تدرين يا مولاتي بالنيه
يالوجعان گوم اندب البدويه
✍🏻خادم اهل البيت عليهم السلام
الشاعر جعفر الساعدي
غير مبري الذمه من يحذف اسم الشاعر او ينسب الرثاء لشخص اخر
فزاعيه نخوه لام البنين
*وفيه ام البنين اليوم ننخاها*
*وتحضر بل شدايد لو ندبناها*
وفيه وبل وفه محد وصل ليهه
ام الاربعه ونعم طاريهه
حك نلطم وبيرغ نرفع عليهه
*تنطي امراد والله من ذكرناها*
نقره الفاتحه لو صارت الشده
ابزود ام البنين ابساع تتعده
البيرغ بل حوائج نحضر انشده
*وتكضيه ابعجل مولاتي حياها*
حضرنه همومنه ملينه من عدهه
اجينه ام البنين اليوم نندبهه
معروفه ابكرم ونعم فزعتهه
*البدويه علينه حشميناها*
حشمنه ونريد الحاجه مكضيه
ابجاه الاربعه ولدج يبدويه
وحسين واخيته المشت مسبيه
*من راحت يسيره ومحد وياها*
ماخاب الكصدهه ورافع الرايه
والدك بابه والمشت شجايه
الكاصدهه تكله ابشر ابهايه
*يم اعتابهه الكاصد تعناها*
*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه اله
نخوه لام البنين عليها السلام 🏴🏴🏴🏴
اليوم انخاج يابت الحموله
يازوجت علي فحل الفحوله
نخيتج وانا كلبي هموم متروس
بجاه الكطعو من عدهم الروس
احلفج بالصميده وساكن الطوس
(تكضيها الحاجه باسمج)
ضاكت دنيتي وانا انتخي بيج
يالحره امشي الزاجيه اعليج
تزيحين الهموم بجف اياديج
(تزيحينه الهم البكلبي)
ادك بابج يحره يم البنين
واحلفنج بحيدر ويه الحسين
اريد الحاجتي انتي التفزعين
(انخاها الطحت بشده)
لو همك ثكل وتريد عوانه
انخه ام البنين وصيح ويانه
عليج بداعة العباس مولانه
(خلصينا احنه بضيج وهم)
مهمومين يمنه ارجوج فرجيها
گلوب محيره تنخاج حضريها
بيدج يالعفيفه مسحي اعليها
(حضرينا لو صحنه ادخيلج)
/////////////
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩🚀.....................🕊
موشح في ابي الفضل العباس عليه السلام
ليش راجع وحّدك حاچیني
وين عباس الگمر دلّيني
ــــــــــــــ
كلشي بيك امشيّب ومحني الظهر
ومنهو مثلك هالشكل ظهره انكسر
هاي اول مرّه تمشي ابلا گمر
وحسرتك من عن بُعد تچویني
ــــــــــــــ
ياعسى ابعيد البله شجايب حچي
وليش من تمشي تميل وتنتچي
وذابله عيونك يخويه من البچي
گلي بالله اشصاير وبچیني
ــــــــــــــ
ليش من اخيامي طيّحت العمد
چنك اتگلي بقينه بلا سند
وين ابو النوماس حلّال الشدد
بدون شوفة وجهه شلي بعيني
ــــــــــــــ
لزم ظهره حسين ودموعه تسيل
ايگلها یازينب بعد راح الچفیل
وحملي گدام الشماته ظل يميل
والعده احچایاتهه اترامیني
ــــــــــــــ
عالنهر عباس يازينب هوه
وطاحن الچفین والرایه سوه
والسهم من عينه ماي ودم روه
ایگلي لخيامي اخذ چفیني
ــــــــــــــ
يعتذر منچ اخوي الهاشمي
ومن الاطفال العطاشه وکل ضَمي
حيث جود الماي طاح مرتمي
يگول منچ آسف وعذريني
ــــــــــــــ
مثل عباس الشهم من وين اجيب
چنت بوجوده ولا اشعر غريب
بس ساعه ايطيح جثماني سليب
وچان بس عباس الیحامیني
ــــــــــــــ
فراس المحمداوي
٩ ذي الحجة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
وصل شهر الحزن صفيها نيتك
دخــان الخيم دخله اعله ريتك
گلبك كون ما يبرد اريده دموعك خلها تنزل بالقصيده
:::::
ما ريدن گلبك يبرد ومحترگه الخيمه بنار
اعصر گلبك بچفوفك چوي بالجمر الحار
مره اعشگ لا تعشگ مرتين
نظف گلبك بس لسم حسين
ما حب غيرك گله
من تحب حب حسين جنون
من تنسه تذكر قصة جون
هذا الحب يندله
وصل شهر الحزن حظر دموعك
كون من اللطم تكسر ضلوعك
حسين انگطع يا عالم وریده
:::::
خليك بنفس الحرگه ومو دمع انت ابچي اعيون
خليك بثوب الأســــود مــــا يرهملك اي لــــــون
مــــا املك غيرك يا مولاي
ما ناسيك انه بشربة ماي
ياساكن بنفاسي
علگ رایه بدارك لحسين
اعميها لما تبچیله العین
اسمك تاج براسي
كون بخدمتك صاحب رساله
خلي غيرك يشوف انتقاله
نعمه حسين اذا يقبل عبيده دموعك خلها تنزل بالقصيده
:::::
موسم حزنك يتجدد منطيك احنه وعود
احنه نموت بلا خدمه مثل السبحه وشاهود
اخدم عالفطره وانت تصير
تتحسب باچر عـــــالتقصیر
لا تتكبر افهم
لا تتغير لو صرت احوال
بلا خدمة ماكو راحة بال
من الخدمة اتعلم
خلي دموع عينك بس لامامك
هاي الخدمه التعلي مقامك
طلع بالعزاء فكرة جديده دموعك خلها تنزل بالقصيده
:::::
تستاهل زينب دمعك لا تبخل عنها دموع
بالطمه انت اكسر ضلعك لجل المكسور ضلوع
تدري بزينب تدخل بشام
وبدمعك طفي اعليها خيام
زينب نص الهيمه
من تشوف ادموعك ترتاح
خلصت ايام الحره انياح
من الطف وضيمه
زينب ركضت من العام للعام
تحرگ خیم لو اطفي الخيام
زينب بالغرب ظلت وحيده دموعك خلها تنزل بالقصيده
:::::
صفي النيه ولا تبقه وحدك مشغول البال
انت اعيالك يم عينك وحسين بدون عيال
انت عيالك يمـــــــك باقين
بالهيمه تنام عيال حسين
فوگاها اطب السوگ
افدي حسين شما عندك جاه
گله مصابك لا مـــــــا انساه
والخدمه اعليك تلوگ
حرز هالخدمه وتنفعك بعمرك
بس حسين يوگفــــلك بگبرك
يا مولاي غيرك ما اريده دموعك خلها تنزل بالقصيده
:::::
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
موشح في السيدة ام البنين عليها السلام
ابچي عالظلّت خليه ادياره
سافر ومالي علم بخباره
ـــــــــــــــــــــ
مظلمه ظلت ادياره وموحشه
يوم راح حسين بعياله ومشه
آنه يوميه اعله بابه امغبّشه
اگعد واشتم عطر آثاره
ـــــــــــــــــــــ
من اصلي الفجر ادعي بالسجود
كون مهجة فاطمه سالم يعود
ويظل گلبي بحزنه يرجف مايهود
وجفني مايگطع نمير اعباره
ـــــــــــــــــــــ
بالي بس بحسين مشغول وقلق
انتظر جيته واتاني يستحق
ريت وي زينب بركبه التحق
هناك ابره العيلته واخداره
ـــــــــــــــــــــ
من تضيج الدنيا بيه واختنگ
افرش امصلایتي بحب وعشگ
افتح القرٱن ینطيني الصدگ
گلت اتفائل واشوف ابشاره
ـــــــــــــــــــــ
اقريت بلچي الرجعت احبابي ضمان
طلعت آية كل من عليها فان
يعني عافوني الغوالي ودهري خان
آه والدنيه شكثر غداره
ـــــــــــــــــــــ
وصدگ لن اسمع بشر جاي ويصيح
يا اهل يثرب ابو الاكبر ذبيح
وابو فاضل عالنهر دامي وطريح
الگوم گطعت يمنته وايساره
ـــــــــــــــــــــ
وللبقيع اتعنه كل يوم واروح
اصنع اگبور وعليهن ابقه انوح
فگد ابو اليمه جرح فوگ الجروح
وتدوي مابين الجوانح ناره
ـــــــــــــــــــــ
فراس المحمداوي
٢٩ ذي القعدة ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
ادخلــــــوهـــــا بســــــلام آمنيــــن
ان شاء الله الخدام مـــــن الفايزين
:::::
(١)
ادخل المجلس وخل عينك جريه
حاضره بالمجلس الزهره الزجيه
خلي عينك تبچي عالراحت سبيه
گلها یا ام الحسن عینچ علیه
بدفتر ام حسين احنه مسجلين
:::::
(٢)
قسم ما عوف المجالس بيها حاضر
اعليچ زینب اسمي سجلي بالدفاتر
ساعتي بالگبر صعبه شلــــــون باچر
ساعه الطم ساعه اخدم ساعه ناشر
احنه نصرخ كلنه عشاق الحسين
:::::
(٣)
ساعه اوزع ماي ساعه احضر عزاء
ابد مــــــا ينقطــــع يحسين النداء
والله نص اگلوبنه اسمچ کــــــربلاء
انكتب مــــولاي اسمك بالسماء
انت یا مولاي امان الخائفين
:::::
(٤)
منــــي اتقبل دخيلك بالقليل
وگفتك رايدها لــــو باچر تميل
انه امقصـــر وتنطيني الجميل
ادري ما تنساني حاشه ومستحيل
بدرب الحسين احنه نمشي وسائرين
:::::
(٥)
يا إلهي الكـــــون حقق طلبتي
كون اريد العمر كلــــه بخدمتي
انت قاضيها الحوائــِج حاجتي
بالحسين اتوسلك وبدمعتــي
يا إلهي بجاه امير المؤمنين
:::::
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
موشح
اشجابنه الوادي الطفوف اشجابنه
بيوم واحد مشت كل احبابنه
ــــــــــــــــــــ
اشجابنه الوادي الطفوف وكربله
گاع غربه وارض مزروعه بله
وبيهه ابو السجاد يدري بمقتله
ولليسر هم حاسبين احسابنه
ــــــــــــــــــــ
اشجابنه وما شفنه بس چتل وذبح
وچم عزيز انشال راسه عالرمح
صور من بال الحرم ما تنمسح
لَمَن نذكرها يهيج اصوابنه
ــــــــــــــــــــ
اشجابنه وظلّت بواچینه تطول
وعلي الاكبر وذّرت جسمه الخيول
لَمَن جابه حسين چن جاب الرسول
ويلي ومن ادماه صار اخضابنه
ــــــــــــــــــــ
اشجابنه وچن طاح بالحومه الحسن
من وگع جسام وشموعه انطفن
ثوبه الابيض صار ياويلي چفن
وعالدهر لازم يطول اعتابنه
ــــــــــــــــــــ
اشجابنه وعباس ظل عالمشرعه
یجري دم راسه وچفوفه امگطعه
كسر ظهر حسين عظم الفاجعه
وفگد ابو فاضل عكس دولابنه
ــــــــــــــــــــ
شجابنه وعبد الله مفطوم بنبل
يبس ريجه وانسگه بدم وچتل
شنهي ذنبه ايموت مذبوح الطفل
هالسؤال احتار بيه اجوابنه
ــــــــــــــــــــ
اشجابنه ورد المهر خالي يصيح
الظليمه حسين عالغبره ذبيح
بيه مابيه گمت اعثر واطيح
اتحضر السلب الخيم سلّابنه
ــــــــــــــــــــ
اشجابنه ويم الخيم عج الغبار
غارت اعلينه الزلم والجيش غار
وجرو بخيامنه المستوره نار
بس نسه وفرينه من اطنابنه
ــــــــــــــــــــ
اشجابنه وماظل ولي بليل اهدعش
والجسوم ابلا غسل وابلا نعش
باچر الحداي بينه لو غبش
الاطفال اتظل ذمم برگابنه
ــــــــــــــــــــ
فراس المحمداوي
٢٩ شوال ١٤٤٧ هـ
🚫
#اللهم_عجل_لوليك_الفرج
#یوسف الزهراء 💔
عرضو الانصار يم حسينهم
چان بس الموت بینه وبینهم
^^^^^
حبيب اتكــــلم اول واحــــد ابشر
عالمكشوف نحچي وموش بالسر
نموت نعيش احنه وياك يحسين
حبيب بخدمتك ويخدمك الحر
مـــا خلـــــي الشــــــر يوصلك
بالگلب يحسين وبنص عینهم
چان بس الموت بینه وبینهم
^^^^
عابس گال هاي الحرب سهله
ويـــــاك القــــتال حسين يحله
مثل الفرض انت واجب يصير
عدنه حسين ثابت مثل قبله
خلينـــــا الجيش تحيــــر
حسين انت المهم انت ودينهم
چان بس الموت بینه وبینهم
^^^^
هوس جــــــون يــــم حسين رباط
يحسين احنه ذوله انصارك انشاط
مــــا نرجع لـــون نــــدگطع اوصال
منخلــــي الخيـــــــم بشرار تنحاط
طبيناه الطــــف لاگنـــــه
وينهم كلمن يجونك وينهم
چان بس الموت بینه وبینهم
^^^^
ما نرجع ابد حـــــد گطع الانفاس
تاج انت واكيد التاج عــــــالراس
وين الحار احنه انصارك وشوف
بينه حـــــروره من الگمر عباس
هـــــد بينه نبيض وجهــــك
موت الأحمر زلمك مسمينهم
چان بس الموت بینه وبینهم
^^^^
صحبتهم وفـــــــه وبلا مصالح
وين الفزعه بي والكــــــله مالح
الما مجروح الك لا ترضه ابد بي
كون الكل الك يحسين طايح
مـــــا بينه اليرجـــــع سالم
اشر ويحسين الك نمحيهم
چان بس الموت بینه وبینهم
^^^^
علي جبار الكعبي
الفاتحه لوالدي
🚫
#اللهم_عجل_لوليك_الفرج
#یوسف الزهراء 💔
حديث ونعي لنزول في كربلاء
عندما نزل ضعن الحسين بكربلاء قال عليه السلام ما اسم هذه الارض قالو العقر
قال عليه السلام اعوذ بالله من العقر
قال عليه السلام هل لها اسم اخر
قالو اسمها كربلاء ويقال لها نينوى
فبكا الحسين ع انها كرب وبلاء
اخبرتني ام سلمه قالت كان جبرئيل عنده رسول الله صلى الله عليه واله وانته معي قال النبي دع ابني فتركتك فاخذك ووضعك في حجره فقال جبرئيل اتحبه.
قال نعم قال ان امتك ستقتله وان شئت ان اريك تربه من الارض التي يقتل فيها
قال. نعم قال قال جبرئل اسمها كربلاء
فبكه النبي صلى الله عليه واله بكاء شديدا
ماحال زينب وهيه ترى ارض كربلاء
وتعلم مايجري عليها
تنضر الى الحسين والى قلة اصحابه
ساعد الله قلبك مولاتي زينب
صاحت
نعي
بهاي الارض ينزال فيي
وهنانه اشوف نحر اخيي
خوال الولد يرحون مني
تعمه العيون وماشفتها
الخوة خلصانه اعرفتها
خاف تعوف زينب يالجبتها
من شافته ايعدل بالخيام
صاحت يبعد اختك يضرغام
خاف تعوفني وفوك الثره تنام
ذني يخوتي ايام الوداع
وباجر اهلنه تنام عالكاع
وتعوفوني بضيمي يالاسباع
شفت كربله وانخطف لوني
واصيح يهلي اتلاحكوني
يردون اخوتي ايودوعوني
عليمن يخوتي الجمع ملموم
قلة يخوتي وكثرت الكوم
يردون حز راسك يمظلوم
عفيه عليه وحيل بيه
طبيت لرض الغاضريه
وخال الولد جبته بديه
خويه يبعد اصبي العيون
نيتكم تعوفوني وتنامون
يعباس كلي بزينب شلون
لوغمضت عينك يكافل
ياهو الكفيل ابها المحامل
صدالها ودمع العين هامل
جواب العباس ع
الموت مايصعب عليه
بس عيني عله زينب جريه
خاف تروح من بعدي سبيه
يحسين باصرني عله اختنه
لو عالثره يحسين نمنه
عدمن تضل مدللتنه
خافت عليها الشامت ايعيل
ياخذ ضعنها ويسرج بليل
اليركبها منو لورادت اتشيل
يحسين لوكرب وعدنه
بوليت ايزيد اتضل اختنه
لوجتفوها واعاتبتنه
جواب الحسين ع
بحجيك مرد كلبي يعباس
اختنه تروح بوليت ارجاس
ويه الشمر واترافك الراس
هاي المصيبه البيها اهمن
بناتي تضل عباس عدمن
ويه الغريب اشلون يمشن
سولف والحجي مرد دليله
زينب تضل هيه الكفيله
والحمل بت امي تشيله
حسين ون وهلت العين
يعباس نصبر والصبر زين
بيد الله انودع النساوين
✍ام زينب كربلاء غير مبري الذمه من يأخذ الكلام وينسبه كلام او يحذف الاسم
مجلس نعي للنزول في كربلاء
❥ــــــــ☆ــــــــ●ــــــــ☆ــــــــ❥
هذا ركب الحسين (عليه السلام)
قد اتى الى كربلاء، لما وصلوا إلى كربلاء
إلى أرض الشهادة والخلود إلى طف الماسي كان الحسين قد سمع باسمها من
جدّه وأبيه وأخيه (عليهم السلام) وحين
دخوله الها قال ما اسم هذا الارض فقيل
اله كربلاء : قال هذه هي أرض كرب وبلا
ثم دمعت عيناه..
❥ــــــــ☆ــــــــ●ــــــــ☆ــــــــ❥
«نعي شعبي»
نازل احـــــــسين وحط الخيام
وسوده وحـــــزينه جايه الايام
بيها اعلــــه الثــره امدمه اينام
نصب خيــامه وحط الصواوين
وكـــــــــعد هله وكل النساوين
وحسيــــــن منــــه هلت العين
بیــــها غریب احســین هالیوم
نصــــــب خیــامه وکلبه مالوم
ينذبح بیها ایمـــــــوت مضلوم
حــــــــط الامام وکلبه حزنان
یدری ال.امیه اتعوفه عطشان
یمصیـــبته مامرت عله انسان
❥ــــــــ☆ــــــــ●ــــــــ☆ــــــــ❥
«نعي طور الفراق»
حط ضعونه// احــســـــــين ابرض البله
حط ضعونه// وبيــــــــها نــــزل مـحمله
حط ضعونه// اه منــــــــــها كـــــــــربلـه
ينضرها الحسين // هــالارض ارض المنيه
ينضرها الحسين // بيها يبگه اعله الوطيه
ينضرها الحسين // اه العــده يولونه وليه
اختنگ صدره // مــــــن دخل مولانه بيها
اختنگ صدره // وبالم ينضـــــــــــر عليها
اختنگ صدره // التـــعب روحه لافي ليها
اعليه وحشه // كـــــــــــربله ام المصايب
اعليه وحشه // ضيم مــتروسه وعجايب
اعليه وحشه // وسط گلبه جــــــمر لاهب
❥ــــــــ☆ــــــــ●ــــــــ☆ــــــــ❥
«نعي فائزي»
عـــن هالارض المتربه ينشـد الحسين
كـــلوله اسمها كربله والوضــع مو زين
كللهم افدي روحي بيها لجـــــل الدين
كاصـــدها انــــه هالارض وعندي غايه
وادري بـــيها انه انذبح واهلي ضحايه
وكل النساء وي العده يروحـــن سبايه
غايــــة احسين ابكربله وحطت ضعونه
هــــوه وهله هل ديــــن هذا يــنصرونه
ينـــــزلون باطــــل البشر وحق یرفعونه
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
مجلس اول يوم محرم والهلال
صلى الله عليك يامولاي ياابا عبد الله صلى الله عليك يبن رسول الله وابن امير المؤمنين وابن فاطمه الزهراء سيدتي نساء العالمين غريب يامظلوم كربلاء ياحسين
قريض
يامؤمنا متشيعا بولاءه
يرجوا النجاه والفوز يوم المحشر
ابك الحسين بلوعه وتفجع
ان تجدها لم فؤادك اكثر
وامزج. دموعك بالدماء
وقلما
في حقه حق إذا لم تنصر
والبس ثياب الحزن يوم مصابه
مابين اسود حالك أو
أصفر
ابوذيه
علي ضيم الدهر كل وكت ينهال
ولجيوش النوايب صرت منهال
شهر الكدر عاالاسلام منهال
علي هجمت اهموم الغاضريه
نعي مجردات
والله فجعني شهر عاشور
وخله امن اخوتي خاليه الدور
وعليهم اون والكلب مكسور
من هالشهر تجري اعيوني
وابجي واون عالدللوني
وبنار فركاهم جوني
اويلاه . ياشهر النوايب
كلبي على الخوان ذايب
واشكثر اتحمل مصايب
كسرني زماني ابفكد اخوتي
كبلهم يريته صار موتي
عليهم صحت وانسمع صوتي
ذكرت اخوتي وعليت وني
انه اشجم عزيز الراح مني
مصايب الدنيا دوههنني
انا لله وأنا إليه راجعون
قال الله سبحانه وتعالى في كتابه الكريم
بسم الله الرحمن الرحيم
هنالك ابتلي المؤمنون وزلزلوا زلزالاً شديدا
صدق الله العلي العظيم
هذه إلايه الكريمه من اي الذكر الحكيم تتحدث عن البلاء
ماهو البلاء
البلاء في اللغه هو الاختبار أو الامتحان
الله سبحانه وتعالى يعامل عباده معامله المختبر والممتحن لهم
وحينما يمتحن الله عباده لا لكي يعرف حالهم فهو الاعلم بهم اعلم بهم حتى من أنفسهم فهو يعلم كل شي عنهم ولايخفى عليه شي وانما يختبرهم من أجل أن يهذبهم ويربيهم
وبعتبار أن الإنسان خليفه الله في الأرض يريد الله أن يطهره وينقيه من الداخل فيختبره بالخير والشر
والغنى والفقر بالشده والرخاء وكلما زاد اختبار الإنسان كلما صفت نفسه
وطهرت
وكلما زاد الاختبار زاد الاجر
يقول الامام الصادق
ان الله اذا احب عبدا غته بالبلاء غتا
وحتى يخرج الإنسان من البلاء معافا سليما في دينه ودنياه عليه بالصبر وكما يقال الصبر مفتاح الفرج
لابد أن يتحلى الإنسان اامؤمن بالصبر على البلاء حتى يعطيه الله مايعطي الصابرون من الأجر الجزيل
قال تعالى
انما يوفى الصابرون اجرهم بغير حساب
يقول ابن مسعود دخلت على رسول الله إنا وخمسه من أصحابنا وقد اصابتنا مجاعه شديده ولم يكن اكلنا الا الماء واللبن فقلنا يارسول الله الى متى نبقى على هذا الحال
فقال رسول الله لاتزالون فيها ماعشتم فاحدثوا لله شكرا فاني قرأت. كتاب الله الذي أنزل علي والكتب التي أنزلت على الأنبياء قبلي فما وجدت من يدخلون الجنه الا الصابرون
وافضل الصابرون واهل الصبر هم النبي واله الطاهرين وخصوصا مولانا ابا عبدالله الحسين عليه السلام
الذي انصبت عليه المصائب كلها في يوم واحد في يوم عاشوراء
من العطش والجوع ذبح الاولاد والاخوه وغيرها من المصائب إلا أنه كان كالجبل في صبره وهذا الصبر صار سبب في خلوده وخلود اسمه وخلود مجالسه
يقول رسول الله إن لقتل ولدي الحسين حراره في قلوب المؤمنين لاتنطفي إلى يوم القيامه
كان الامام الصادق اذا دخل عليه شهر محرم لم يرى ظاحكا ابدا وكان يبكي حتى يغشى عليه
قيل له يبن رسول الله
ان الميت يجلسون أهله بالبكاء عليه بعد موته ونراكم وشيعتكم تجلسون من اول يوم من المحرم بالعزاء عليه
فقال عليه السلام
اعلم ياهذا أنه إذا أقبل علينا شهر محرم نشرت الملائكة قميص جدي الحسين وهو مخرق بالسيوف وملطخا بالدماء فنراه بعين البصيره فتنفجر دموعنا ثم قال أحيوا امرنا رحم الله امرأ احيا امرنا أن تلك المجالس احبها هاي المجالس محبوبه من قبل اهل البيت وخصوصا من قبل الزهراء التي تحضر هذه المجالس
وهيه تحمل قميص ولدها الحسين الملطخ بالدماء والمخرق بالسيوف وهيه تنادي واولداه واحسيناه بني حسين قتلوك ومن شرب الماء منعوك
وماعرفوا من امك وابوك
اه اه
نعي مجاريد
انه الوالده المكسور ضلعي
وابماتمك اصرخ وانعي
وعلى مصيبتك هليت دمعي
انه الوالده الكسروا اظلوعي
وابماتمك يجرن ادموعي
ياهو اليسكن الم روعي
انه الوالده وتهمل اعيوني
على ابني يشيعه ساعدوني
وياكم كاعده ماتشوفوني
نعي عاشوري
وياكم أنه بكل عزيه اه اه
ابجي لذبيح الغاضريه اه اه
العطشان ماظاك الميه
انه الوالده بكل مجلس احظر اه اه
ونار الكلب تلهب وتسعر
اه اه
وابجي واصيح الله واكبر
تخلص
افاطم لو خلتي الحسين مجدلا
وقد مات عطشانا بشط فرات
بقلم خادمه اهل البيت
ام حسين الهلالي
# عاشوريات
حديث ونعي للهلال
صلى الله عليك يا ابا عبد الله يا رحمة الله الواسعه ويا باب نجاة الامة ... ياغريب يامضلوم كربلاء ... يامسلوب العمامة والرداء
تبكيك عيني لا لأجل مثوبة
لكنَ عيني لأجلك باكيه
تبتل منكم كربلاء بدم ولا
تبتل مني بالدموع الجاريه
ــــــــــــــ❀•▣
.فزاعيه نزول للیوم (ثاني محرم)
الیوم ثاني ،،، والهواشم عاجله*
*خویه هاي الحر لفاكم بالفله
●●●●●●●●●
خویه هاي الحر اجانه محزمین
واحنه ماشین ابحرم ویالحسین
وانخمش كلبي علیهم یامعین
لیش كطعوها الدروب ابهالفله
●●●●●●●●●●
لیش كطعوهه الدروب علیكم
خویه هاي الحر بعد لافیكم
خایفه من الخیل خویه تجیكم
اشلون بینه لو وصلنه الكربله
●●●●●●●●●●●
لیش خویه كطعو اعلینه الدرب
والمراسل یبن ابوي ابهالحرب
عیوني یاخویه علیكم هل تصب
وانه ابجالك یا خویه امدالله
●●●●●●●●●●
خایفه یغدرون بیكم یخوتي
وتنسمع یاخوي یمكم ونتي
شلون بیه لویشتت عزوتي
ودمعة عیوني علیكم هامله
❤❤❤❤❤❤❤❤❤❤❤❤❤♥️
ام زهراء العامري
♥️♥️♥️♥️♥️♥️♥️♥️♥️♥️♥️♥️
الناشر // عالي مقامي
غير مبري الذمه يحذف اسم الناشر
للخدمة ١٤٤٣هــ #نزال
صارت عشيره الخدام
وحسين شــــــــــــيخ اعليهه
ــــــــــــــــــــــــــــــــــــــ
منهد ماصـــــــــــــــــاح الا من ناصر
خادم بخــــــــــــــــادم ترسنه العاشر
حسين للتاريخ مـــــــــاضي وحاضر
كون من صـــــــــــدرك نشيل الحافر
ونصير لسكينه الماي
يوم اهـــــــــدعش نرويهه
=================
الختم بيد حسين هــــــــوه الحاكم
ياملك مثله يقـــــــــــــــــدر الخادم
سيدي اعلينه عطــــــــــــــائك دايم
المايسلم امــــــــــــــــره بيدك نادم
والدنيا من غيرك هيچ
وبفلس مـــــــــــــانشريهه
==================
كلهه مـــــــــــــن ايدك وليدك راجعه
اكو وادم عافتك بــــــــــــس ضايعه
تاكل بماعــــــــــــــــــونك وماشابعه
واكو خـــــــــــــدام شكثر متواضعه
مايعثر اليمشي اوياك
واعله امـــــــــك ايخليهه
==================
كل عشيره وعـــــــــدهه بيرغ مالهه
واحنه رايتنه ابو فاضــــــــل شالهه
شكو اطلابه الماتحــــــــلهه ارجالهه
خلهه عالعباس واحــــــــسب حالهه
كل شده لو بس تنخاه
عباس يحــــــــــضر بيهه
==================
عامره اتضل المجــــــــــــالس بينه
شضارها الـــــوادم وتحچي اعلينه
الجنه الهم واحـــــــنه النه حسينّه
بكيفه وين يريــــــــــــدنه ايخلينه
هاي المأتم لحسـين
طـــــــــول العمر نحييهه
===================
شيخنه حسين ونضــــل حاشيته
انغمض ونمشــــــــي ورا خاچيته
ياهو مثله ابطيــــــــــبته وحنيته
حسين فوگ العرش واصل صيته
ديوانه ماينسد يوم
شيخ الهــــــــلا وراعيهه
عبدهم
شاكر الصيمري
), ,ما اندل تره انه كربله وين
انه مدلله سويت يحسين
خويه اعثر بل نساوين
اذا طر الفجر اعثر بل نساوين
😭😭😭😭😭
ادورك وين كلي اليل مااشوف
اخاف امن الشمر كمت ازحف ازحوف
😭😭😭😭😭
اخاف من الشمر يزمخ عليه
ويطكني اذا شربك اميه
حسين يصيح جيبيلي رقيه
خويه وداعتك بليل مااشوف
😭😭😭😭😭
اسحك علجمر وركض بهليل ماشوف
بس عندي حرم واطفال والخوف
كلبي ياابن امي عليك ملهوف
كلوله تره يزمخ عليه
😭😭😭😭😭
وصاني وصيه بليل ماطلع
اخافن يزعل العباس لويسمع
كلوله ابد ماشالت المقنع
اخاف من الشمر كمت ازحف ازحوف
😭😭😭😭😭
اخاف من الشمر يسحل عباتي
ويطكني ويرد يضرب خواتي
شنهي العطلك دكعد يغاتي
اخاف امن الشمر كمت ازحف ازحوف
😭😭😭😭😭
جيتك ناحله من غصبن اعليه
امي شوصتك من ماتت اعليه
شافوني مره وعالووو اعليه
خويه وداعتك بليل ماشوف
😭😭😭😭😭
ياهو الغاثج ياهو الوياج
الوعندي يمين انطي يمناي
خاف امن الشمر كمت ازحف ازحوف
😭😭😭😭😭
اسمعنه يكلي نطيني ميه
ياحسين الخو متروس حنيه
خويه وداعتك متروس حنيه
نزله نخوه للعباس ع
****
نخوتك حلوه يابو المروه
يعباس
العله تشفيهه الحاجه تكضيهه
يعباس
***
سند عدنه يابو فاضل بالروايات
اليذكر اسمك يلكه بي كل الكرامات
شكد صحت عباس وينه بكلبي مرات
يعاين كليبي ويجبره يكضي حاجات
شكد احب اسمك ياحبيب امك
يعباس
ماتخليهه الحاجه تكضيهه
يعباس
**
همومنه صعبه وثكيله اتشيب الراس
من الوباء اللي اجانه اتضيك الانفاس
عالمي يكولون عنه وخافت الناس
مو مثلهم احنه عدنه البطل عباس
مايظل بينه وانته والينه
يعباس
الشيعه تحميهه الحاجه تكضيهه
يعباس
**
الشيعه عدنه هالعقيده ولايم يلوم
بالزياره والمجالس عله متدوم
مادره المشلول يوصل كبرك يكوم
جاه ابو فاضل جبير وعدنه العلوم
فاز اليندبك ربك يحبك
يعباس
ناري طفيهه الحاجه تكضيهه
يعباس
****
انخه ابو الكلفات دومك جرب وشوف
هذا ابو الغيره البطل عباس معروف
ترجف اكباله الاعادي وجانو صفوف
جثث سطر عالشريعه وكطعو جفوف
بغدر لاحوهن جفوف كطعوهن
يعباس
اتحيرو بيهه الحاجه تكضيهه
يعباس
****
بمجلسك انخاك نخوه ودمعي بالعين
اكشف همومي العليه بجاه الحسين
ارد امشي اعليك زينب وارفع ايدين
اكضي حاجات الموالي والمحبين
صوتنه اتسمعه نشف الدمعه
يعباس
جروحي داويهه الحاجه تكضيهه
يعباس
****
أم علي
نخوه لام البنين ع وكذالك لسفره
كلمن طايحه بشده / تكوم البيرغ اتعكده
ودمع عيونها تسيله/ عليها تشمر الشيله
كلمن طايحه بشده
...........
وين الي عليها هموم خل تكصد البدويه
تندبها وتصيح دخيل ديري عيونج عليه
متعنيه وجيت اليوم يالبشدد منخيه
الج شان والج وكفات بيج الحاجه مكضيه
العدها داخله اليلة / عليها تشمر الشيله
كلمن طايحه بشده
................
هاي الماترد كصاد جيت اليوم اندبنها
لم الاربعه اتعنيت الشيله عليها اذبنها
جبت ضيم الوكت وياي وبيبانج ادكنها
وفيه والكرم غاطيج غيره البيج اعرفنها
وين الجايه دخيله / عليها تشمر الشيله
كلمن طايحه بشده
.............
كومي يالعليج هموم لم عباس حشميها
كلمن طالبه الحاجات وضيم الوكت موليها
تنخه الوافت ويحسين وحاشه ماتخليها
لو حرتي بهظم دنياج بالمذبوح حلفيها
هم الجايه تشيله/ عليها تشمر الشيله
كلمن طايحه بشده
............
انخيها شماكثر بلواج طلبي وشدي الرايه
هاي راية العباس وعليها غاليه هوايه
التعكدها وتهل العين وتكلها جيت شكايه
تدري باليلوحه الضيم يتيه من الحزن رايه
لومال الوكت ميله / عليها تشمر الشيله
كلمن طايحه بشده
..............
عكدي بيرغ العباس وخلي العين مجريه
ذكري العل شريعه يلوج والجفين مرميه
ماونت عله الويلاد من حزنت البدويه
ونها عله البكه المطروح والزينب المسبيه
بحك الراحت نحيله / عليها تشمر الشيله
كلمن طايحه بذده
✍أم زينب كربلاء غير مبري الذمه من ياخذ الكلام وينسبه له من كتاب التاسع عشر المآسي الفاطميه🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
: فزاعيه نخوه لام البنين
*وفيه ام البنين اليوم ننخاها*
*وتحضر بل شدايد لو ندبناها*
══════════
وفيه وبل وفه محد وصل ليهه
ام الاربعه ونعم طاريهه
حك نلطم وبيرغ نرفع عليهه
*تنطي امراد والله من ذكرناها*
══════════
نقره الفاتحه لو صارت الشده
ابزود ام البنين ابساع تتعده
البيرغ بل حوائج نحضر انشده
*وتكضيه ابعجل مولاتي حياها*
══════════
حضرنه همومنه ملينه من عدهه
اجينه ام البنين اليوم نندبهه
معروفه ابكرم ونعم فزعتهه
*البدويه علينه حشميناها*
══════════
حشمنه ونريد الحاجه مكضيه
ابجاه الاربعه ولدج يبدويه
وحسين واخيته المشت مسبيه
*من راحت يسيره ومحد وياها*
══════════
ماخاب الكصدهه ورافع الرايه
والدك بابه والمشت شجايه
الكاصدهه تكله ابشر ابهايه
*يم اعتابهه الكاصد تعناها*
══════════
*لخادمة الزهراء العلويه ام جعفر*
🙏🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف
نخوه لام البنين سلام الله عليها
فزاعي بقفله الهوسه📌
ويم عباس.. ندري بوكفتج زود
نحلفج بالحسين وراعي الجود
*
ماخاب النخاج بلحضه الضيج
تفرهين الصدر وبضنكه الريج
تصبرين التوازه بشكه الزيج
اسمج بالشده الحلاله
✍طالبةالزهراء
-------------‐--
اسمج بالشدد معروف كل يوم
اريد انخاج ها يعزيزة الكوم
اريد المجلسج يم الكمر دوم
لحبابج نظره بهليله
✍️ام نور الزهراء الزينبيه
----------------
ادك بابج واندبج يا ام عباس
متقصرين اعرفج ام الاحساس
كريمه وايدج تمديها للناس
الحاجه التصعب تكضيها
✍️خادمة اهل البيت ام اسعد
---------------
حاجات المحب اليوم بيديج
ياشفجه وحنينه حلو طاريج
تحضرين الموالي من يجي ليج
والتصعب// انتي تحليها
✍ام حيدر العباديه عماره
--------------
جفي ما يرد فد يوم خالي
تمر وكت العسر دوم عالبالي
اريدج بلصعب نضره اعلحالي
محتاجه وبابج///دگيته
✍️العلويه الاء
--------------
تمت القصيده باقلام شاعرات رابطه الطفوف
منتدى القلم الفاطمي
لانجيز حذف الاسماء
🏴أنت المعزى سيدي يا صاحب الزمان ... عظم الله اجوركم💔
✍️..(مشكول الذمه الي يحذف الاسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف