4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
#الخيل_هجمت_گوم_ياصگارها
تراث-السيده زينب تخاطب اباالفضل عليهم السلام ملاحظه :الرادود مخير بختيار المستهل
گــــوم ياعــبـاس يا صـگــارها
الخـيـل هجـمت علخيام بنارها
…………
الخيل هجمت گوم ياصـگـارهـا
اتريد بخــيـامك تشـب ابنارهــا
===========================
گوم يبن الماتواجـــه صـــارمــه
گوم خلي ارگابها تفيـض ابـدمــه
گوم ياعباس هـــــز گــاع وسمه
واحمي عباس الخــيم اسوارهـا
===========================
لختك ارجع خويه مو حيلي نهدم
گربت الخيل ودنت صوب الخيم
موش حلـوه النوم ويطيح العلم
وانت نگـصـت الـزلـــم اعمارها
===========================
خويـــــه يلصاگرها جـرفين النهر
چــــا احشـم منهو لو غاب الگمر
كون تسمع صـوتي المتعبه الدهر
امخطره صارت خويه اخيتك دارها
===========================
دارها مخطره وعــســــاكرهم تعيل
والجبيل ايريد فــــــارس لـي جبيل
حرمه وحدي وگمت بالممشه اميل
الخيـل لـو غارت يـخوف اغـبـارهـا
===========================
يا مرعبها الزلــــــم يبن الثگـــال
گوم يمجندلها بالحومه الرجـــال
كون ياعباس اشوفن بس خـــيال
ليك خويه وعيني يحله انضارهـــا
===========================
عيني يحله الشوفــه بيها بجيتك
ابد مو حلـــــوه يكافــل روحتك
رايـتــك عـــــــبـاس رف برايتك
اكبار تـنـطـــر رايتك وزغــارهــا
===========================
مانريــــــده الماي لو سالـــــم ترد
مــــو عطش عـــبـاس كاتلني البُعد
شوف عينك خويه بس للخيمه صد
ياعجيد الگوم صـــــــد اكـتــارهـا
===========================
يا عجيد الگـــــوم ما مثلك عجيد
اتفرهد اخيامك تـــره الوادم تريد
علنهر طايح واعــذرك لــــو بعيد
لـيـك اخيتك مــا اجت اخبـارهـا
===========================
✍️عباس مالك العفريت
#جديد_محرم_الحرام_١٤٤٧هــ
نسألكم الدعاء
#يعينچ_الله_وگلبچ_شگد_صابر
للسيده زينب ع
يعينچ الله وگـلـــبـچ أشـگــد صـابر
يـوم شـفـتـي حسين داسـه الحافر
===================
يعينچ الله وگـلــبچ اعـلـيـمـن ينوح
طاح اخوچ وكثرت بجسمه الجروح
شلون ينـهـض مابقت بحـسين روح
وأه يالـوعــة مـصــــاب الـعـاشــــر
==================
أه يا أم الحـــزن شفـتـي العـجــب
يعـيـنچ الله الكــربله وذاك التـعب
و المـعـسـكـر علمخيم من گـــرب
ريت حـمــزه هـنـــاك يمچ حاضـر
==================
وحدچ تحامــين أخــوتــچ علـثـره
مره ماتگدر تِـصــد جـيـش الـمـره
انشاف طولچ زينب انتي مخدره
الصار بالـطــف مـن قـبـل ماصاير
==================
كافلــچ عــباس مـصـيــوب بـسـهـم
مرمي جوده وطاح من عنده العلم
بچفه حـاميچ الـگـمر حامي الحرم
گطـعــوا أچـفـوفه اشـيگـلـچ حاير
==================
بين تل وخـيـمـتــچ مرّت ســنـين
تــوه يمـچ هس مذبوح الحـسـين
كـبّــرچ هـلـمـشـهــد وزاد الونـيــن
طايــح ابـنـصـهـم وعـسـكـر دايــر
==================
طـايح ابنصهم ابن حامي الـحـمـه
حـيل مابي ماخـذ حــسين الدمـه
رگظـه والركـظـه لحــريج امخيمه
وبالصـدر نيـشـان ســوّه الحـافــر
=================
✍️عباس مالك العفريت
نسألكم الدعاء
#گوم_ليها_وطفي_نار_خيامها
السيده زينب ع :
گــوم لـيــها وطــفي نار خــيامــها
حـايـــره الحــره وتلــم بيــتـامــها
=======================
هجمت أعليه العده وانوت تــعيـل
حايره ودمع العتب صوب الچفيل
كل أهلها مطــرّحه وحــگچ يخيل
مــاكـو اليـردچ سـلــبتي أطـفـالها
=======================
وگفت أعله التل لچن عدها عتاب
وحال بين عيونها وبينه الأجـناب
ها يبن أمــي نمـت فوگ الــتراب
وانت المركض الــعده وفـرسانها
=======================
ســمع چلمات العتب گــام وعثر
صوت زينـب يالـمـه وگلبه نفطر
ياخبر زينب رعش جسمه الخبر
خـبر زينب خــيل يــم صيوانها
=======================
وچد بعينه وغطه عيونه الدمه
الكله غيره وصوت زينب يألمه
گاضي حيله الماتواجه صارمه
شاف زينب حــايره بنـسوانها
=======================
شلون حيره بين اخوها والخيم
ترد تـطفي النار لو تشــلـع سهم
زاد بيها اوجــاعهــا وزاد الألـــم
بالمـعسـكر فــرهدت عــدوانها
=======================
شبچت العشره وحزن گايد حزن
ونّت ام الـــولـد لخـــوتــه تـــون
أه يدهر المانـصف زينـب عـسن
خِــفه ذكـــر أسنـينـك وأيامـهـا
=======================
توجهت صــوب النهر وتعــاتبه
يالـگـمر عبـاس أخــوك ابحـده
طاح اخوك الماتلاوه ســـاعده
طاح صگار العده وشــجعانها
=======================
✍️عباس مالك آل عفريت
نسألكم الدعاء
للعباس ع : #الحسين_يخاطب_حامل_اللواء_وقائد_معسكره
رد عــباس كونك للخـيم تـگــــدر
اشلون تعوف اخوك حسين يمشكر
===========================
رد ياحيد وحــدي بهل ضعن حايـر
رد ظهري كسرته و دمي ظل فايـر
هذا الجـيش گــرّب علخـيـم دايـر
وناوي اعله الخـيم ياخـويه نيّة شر
===========================
طاحن علنـهر عــبـاس چفـيـنـك
شلون اطاك گلبك تترك احسينك
رد عباس كلــنـه بحاجتك ويـنـك
رد واصــول بيـهـم يا ابـن حـيـدر
===========================
يلطولي حنيته وجسمي بيـه يميل
من طاح العلم والجربه طاح الحيل
هذا حسين اخوك وحيد بين الخيل
هاي اجيوشهم واصفوف ترست بر
===========================
خويه الماي ماردناش خويه الماي
رد ساعه و خواتك تبقه دون افياي
يا وفّـــاي لـيـش اتغـيب يا وفّـاي
وتخليه وحيد حـسيـن ابو الاكـبـر
===========================
يمجندل زلمها وطيّـحـت شـجـعان
يازلمه وكلـف عـباس راعــي الشان
مـو عادات منك تـتـرك الـرضـعـان
ابطولك امـشـي يم الخيمه واتبختر
===========================
بان الانكـسـار بوجهي يا عــبـاس
ضحكات وشماته وجوه هاي الناس
ياساس الصلب. ينهدن هذا الساس؟
ياحامل لواي و قــايــد الـعـسكـر
===========================
طاحت خيمتك لـمّـن غبـت عـنّـه
منك أيسـت وانگــطـعـت الظـنـه
متعود اعـلـطـولـك خويه اشوفنه
شيصبرني خــويه اگلـيـبـي يتفطر
===========================
سهم العين صابك.خويه هاي العين
ارجع خويه مو ضاگ الصدر بحسين
لو رايد اجفوفــي اطـيـك هلچـفين
ارجـع خلـي روس اعــداي تتـكـسر
===========================
✍️عباس مالك العفريت
#جديد_محرم_الحرام_١٤٤٧هــ
نسألكم الدعاء
وصية الامام الحسن إلى أخيه الامام العباس ع
رايـح وعــــينك عل اخت
من جبدي يوگع بلطشت
ياخويه ضمها من العيون
لاينشعب دلالهه ام عون
ياخويه عباس
❁ ❁ ❁ ❁ ❁ ❁
آخر ليلة عباس راح امشي بسلامة
گبل لا موت أوصيك بختي وبليتامى
اوليل اليتعب ام عون عينك لاتنامة
البعد ياطيب الذات صوبهه بسهامه
وخايف بموتــي تطلع الروح
زينب گلبهه هــواي مجروح
وبتابـوتي منهه لا تمرون
لاينشعب دلالهه ام عون
❁ ❁ ❁ ❁ ❁ ❁
تگرب خلي حاجيك وسمع هلوصية
زينب مـن الهموم جنهه امي الزجية
ملجومه أختك ام عون ياخويه وخطية
وتدري الفاگد اعزاز همه المغربية
من الزغر مجروحه الإحساس
أختك يحيل أختك ينوماس
وصير بدالي من تگعدون
لاينشعب دلالهه ام عون
❁ ❁ ❁ ❁ ❁ ❁
كل يوم اليمر جان دمعاتي اعله خدي
وتكسر خاطري ام عون من تلگاني وحدي
تبجي گبالي والظيم وي دموعي يبدي
وگلي اشلون عباس من اتشوف جبدي
وحاجيني خـويه بآخر انفاس
وخايف تموت ام عون عباس
باجـر دمعهه يبلل الكون
لاينشعب دلالهه ام عون
❁ ❁ ❁ ❁ ❁ ❁
الزينب هذه الونين ياخويه ودمعتي
خويه ما اوصيك عباس اعلى بنتي
أريدنك يعباس بس عينك على اختي
وجهه التارس البال مافارگ صفنتي
گلبك حنـــين وزيـــــن انته
ومحله الاخو المايكسر اخته
ونهظم بيهه من يجرحون
لاينشــعب دلالهه ام عون
❁ ❁ ❁ ❁ ❁ ❁
روح والله وياك ياروحي وضوه العين
وصيتك تبقى للدوم خويه الآخر سنين
وتاج براسي اخليه زينب وي الحسين
اموت وهمه يبقون ضحي خويه جفين
وخويه ستعدوا الارض الطفوف
وتنولي ام عون بگطع الجفوف
وبمـي وابونا هم يشتمون
لاينشــعب دلالهه ام عون
❁ ❁ ❁ ❁ ❁ ❁
الشاعر محمد البنداوي
مولاي الامام زين العابدين ع
بلگبور اعزاز هـواي دافـنهم
بلگبور احبابي وگلبي حنلهم
كون الگبر بي باب
واشوفن كل الاحباب
------------------
تلاگــيني من روحـلهم صورهم
وحيلي يــنهدم بـس يم گبرهم
وصيح بصوت يتراب شمعزهم
وانه تـمنيت مـن عندك تردهم
الحباب عيوني بسـاعة جـافوها
الحباب عـشرتي الحلوه عافوها
واضل اشتم بلتراب
كـــون الگبر بي باب
------------------
منجي يامگبره ومحمل اهات
بگد ترابج انه بــروحي لجمات
كبل أذكر ايامي الكلها حلوات
وگلبي ويالمشوا هنياله لومـات
الدموع هاي بخدي مجراها
الدموع تطيح واوگع وياها
يوجع روحي المصاب
كـــون الگــبر بـي باب
------------------
شلت گبـــــــورهم ابنص الـعيـون
احيرن وانكسر ياادنـيتي شلون
امــــــرن بلگــــــبل كلـــما يـمرون
يصيرولي گلب من تبجي الجفون
الجروح وفيه وحيل تهواهم
الجروح تگـلي أنموت وياهم
وحشه بدون الاصحاب
كـون الگــبر بــــي باب
------------------
واحـد واحـد بأيـــدي ادفنتهم
وبـنـص روحي لمـــن وسدتهم
ابوي حـــسين والغالي شفتهم
گلت ياموت مستعجل خذتهم
السنين كون براحة تتعده
السنين ومنها رايـح ترده
وانسه وتنسه لعتاب
كــون الگـــبر بي باب
------------------
انشدك يازمـن هـم يرجـع الراح
ماخلوني لحــظة بعـمري ارتاح
يلــشايل صـلافة ذيـج الـرمـاح
حيلي ويالدمع لمن مشوا طاح
عزيزين عليه لموت ماخذهم
بعيدين كـون بگلبي دافـنهم
صعب ماريد الغياب
كـــون الگبر بي باب
------------------
الشاعر محمد البنداوي
لحن ملا حيدر الهليجي الزيارة
Читать полностью…
زينب من اجتهم ماتلگوها
زينب من اجتهم ماتلگوها
❁ ❁ ❁ ❁ ❁ ❁
ياظيم العليهه ماتلگوها
اجت تشكي لأخيها ماتلگوها
وبـس تفرك بـديها ماتلگوها
مـاسـمـعـوا بجيها ماتلگوها
أجت مشتاكه للبظيم خلوها
زينب من اجتهم ماتلگوها
❁ ❁ ❁ ❁ ❁ ❁
اجت شكبر حملهه ماتلگوها
جـاويـن الـكـفـلهه ماتلگوها
ولا واحــد سألهه ماتلگوها
ويااعـظـم خجلهه ماتلگوها
عگبكم على الناگه باه ركبوها
زيـنـب مـن اجتهم ماتلگوها
❁ ❁ ❁ ❁ ❁ ❁
اجـت تـسأل تـباوع ماتلگوها
وعلى الخد المدامع ماتلگوها
وبيها شكد مـواجع ماتلگوها
تـريد البيها گـاطـع ماتلگوها
تريد اخوانها الراحو وجرحوها
زيـنـب مـن اجتهم ماتلگوها
❁ ❁ ❁ ❁ ❁ ❁
مـكـسـورت خواطر ماتلگوها
اجـت للبل مـگـابــر ماتلگوها
وعـمـيـانه النـواضر ماتلگوها
اشـو مـحـد يـناطـر ماتلگوها
زيـنب هـل أجـتكم مادلـوها
زيـنـب مـن اجتهم. ماتلگوها
❁ ❁ ❁ ❁ ❁ ❁
تناشد وبـدمـعها ماتلگوها
ومــزورگ ضـلعها ماتلگوها
ويـامرخص دمعها ماتلگوها
وأنه دري بلوجعها ماتلگوها
وضلت حايره وعداك جرحوها
زيـنـب مـن اجتهم ماتلگوها
❁ ❁ ❁ ❁ ❁ ❁
الشاعر محمد البنداوي
(كل الدول)
صيح انته ياحياهم
عباس وتّلگاهم
تلگى اليجي من كل سفر للاربعينية
والدنيا باجر كلها تصبح كربلائية
وصيح انته يا حياهم
❁ ❁ ❁ ❁ ❁ ❁
بجفوفك اشبگ زواري
وبعينك وبعين الباري
أتمنى يحفظن خطاري
وانته بكل خطوة تحيهم
وبجفوفك الحلوات اريدن تمتد السفرة
من القارات السبعة كون المصقط البصرة
وجفوف أديها اعلى العطش خل تمطر الزهرة
والمهدي واگف بالحصن يلگونا هل مرة
وخلي أمك توزع هلة
الكل زاير ايطب كربلة
باجر خيمنا من الدمع نلگاها مطفية
والدنيا باجر كلها تصبح كربلائية
❁ ❁ ❁ ❁ ❁ ❁
أطيب جروحي برف الراية
شگد حلوه بجف المشاية
وباجر يتعنون هواية
وبلسم الجروحي بجيتهم
أطيبلي باجر كل جرح لمتهم الحلوة
وكلّ الديانات التجي تجمعهم الخوة
وماينسأل يا مذهب انته الماشي
هل خطوة
ومن هسه وجه امي بدربهم ياگمر ضوة
وكلمن گصدنا من بُعد
گوم انته وتلگى الولد
من كل قطب باجر دوى من الكرة الأرضية
والدنيا باجر كلها تصبح كربلائية
❁ ❁ ❁ ❁ ❁ ❁
من كل روسي وكل ألماني 🇩🇪
وكل نيجيري وباكستاني
ايحيهم خادم إيراني
وعين الله ايصيح تباريهم
من القارة (السمراء) لحد ماتوصل الغانا
وهم كل فلسطيني بطل يتعنى ويانا
أحسين مال الكل ترى وفاتحها بيبانه
وكل المذاهب تعتني وتصيح مولانا
وباجر سفارة الهل دول
اجفوف أدين ابو الفضل
كل زائر ايطب كربلاء دمعاته جنسية
والدنيا باجر كلها تصبح كربلائية
❁ ❁ ❁ ❁ ❁ ❁
سجل بيدك كلمن قادم
بالمحشر ماأترك خادم
من جبريل وحوى وأدم
ربنا ألمن دمي معليهم
والكون وأسراره اعلى مودي وداعتك صاير
عباس أتلگى اليجي ولتخلي اي حاير
وخّر السهم من عينك انته وگعد الزاير
هسه يطوف بحضرتي وحتى الوكت داير
بكل موكب الزينب خيم
ونصارنا هسه الخدم
مضل بعد زينب صحت عباس مسبية
والدنيا باجر كلها تصبح كربلائية
❁ ❁ ❁ ❁ ❁ ❁
دموع الگاصد يطفن ناري
ومن هل ليلة فاتح داري
وفرحان بلمت زواري
وانه ادعي من الله يخليهم
حط عينك الحلوه بهله وي الراية عالگبة
وماريد كل زائر گصدنا يشعر بغربة
انه الأمان بكل عصر للمنقبض گلبة
من هسه وديت الهله الكل زاير بدربة
عباس افزع يل اخوو
وسير على الزاير دفوو
شيعتنه منا واحنه منهم هاي حتمية
والدنيا باجر كلها تصبح كربلائية
❁ ❁ ❁ ❁ ❁ ❁
الشاعر محمد البنداوي
أحچيلك • أنتظر طيفَك يمـــــر
.
هله تنگل هله
صاحت كربله
يزوار الحسين
يزوار الحسين
ـــــــــــــــــــــــــــ
فتّحت بيبانها.. وافرشت ذرعانها
كربلاء.. كربلاء
توسعت للزاير .. محد يظل حاير
كربلاء.. كربلاء
من گلب ولسان نادت هله بــــــزوار الغريب
الحـمدلله عـالسلامه ليش طولتـو المغيـــب
عام كامل انتظركم جرحي بيكم خل يطيب
احمد الباري الرزقني وصار الي بيكم نصيب
هلا ابهذا الـــــرزق
گعدنا اعلى الطرق
يزوار الحسين
يزوار الحسين
ـــــــــــــــــــــــــــ
الله خصها بهل رزق ٠٠ قبله صارت للعشق
كربلاء.. كربلاء
هالكره الارضيه.. شدت اله النيه
كربلاء.. كربلاء
موسم الحجاج مره اتـــــلث ملاين العدد
وهيئة الحج والوزاره اتحير وتريد المدد
واحـــنه كل هاي المواكب سهله مابيها شدد
اسبعطعش مليون زايـر كربله صارت مهد
يحيرون العقل
ولا واحد يمل
يزوار الحسين
يزوار الحسين
ـــــــــــــــــــــــــــ
كربله چنها الحسن.. تنطي ماتطلب ثمن
كربلاء.. كربلاء
سفره بيها تنفرش.. الأكل منها ينـتـعش
كربلاء.. كربلاء
چن مضيف الحسن صارت ماتشيل اسماطها
كله تــــخـسر من تــــــزامط كربلاء بزماطها
السفره ابـــــوجــسام بيده چنه هوه الحاطها
عالارض بـيـده الكريـمه ابـــــو محمد خاطها
تِسد عين الشمس
وابــــد ماتنطمس
يزوار الحسين
يزوار الحسين
ـــــــــــــــــــــــــــ
طلعت المشايه.. رايه تسبگ رايه
كربلاء.. كربلاء
على الباري اتوكلو.. لبو اليمه اتحزمو
كربلاء.. كربلاء
خلو الدنيا بظهرهم واختلف حسبانهم
فرغت بيوت الخدامه واغلگو بيبانهم
رادو الخير الربعهم فزعوا جـــــيرانهم
للمضيف وللضيافه حسين هوه الجابهم
يخدمون بصـــدگ
وگلبهم محــــترگ
يزوار الحسين
يزوار الحسين
ـــــــــــــــــــــــــــ
هالمواكب والخدم.. نصبت اهناك الخيم
كربلاء.. كربلاء
عدها مو من العمر.. هاي ايام وتمر
كربلاء.. كربلاء
والله من تـرجـع لهلها تـشبع احزان وقهر
وتنتظر للسنه الجايه وتنتظر شهر بـشهر
صارت الهم هالزياره رزق من رب البــشر
كل سنه وتطلع ربعنه امن البحر حد النحر
بصحن راعي العلم
يگعدون الخدم
يزوار الحسين
يزوار الحسين
ـــــــــــــــــــــــــــ
حيدر بشار الدراجي
كون ايطــول بينه الگاع ممشاها
وعسن ياشام ارضچ ما وصلناها
ـــــــــــــــــــــــــــــــــــــــــــــــــــ
بثگل حزني مشيت بلوعه وبحسره
وعفت النعمه فـوگ الگاع متطشره
انه العفت الأهـــل متوسده عالغبره
ضحــــايه امخضبه ياوسفه بدماها
ـــــــــــــــــــــــــــــــــــــــــــــــــــ
عسن درب السبي ماتخلص أيامه
انه بروس الهــواشم رافعه الهامه
عگب فرگاهـــــم آنه الليل مانامه
شيگضي الليل عالعافوها ولياها
ـــــــــــــــــــــــــــــــــــــــــــــــــــ
اموت اولا اطب الشـــام مسبيه
وعيون الأجـــــانب تنظر اعليه
ويگلولي علمــــــكم وين راعيه
اگول الهُم كفيلي العُهده ادّاها
ـــــــــــــــــــــــــــــــــــــــــــــــــــ
کون الشام ابد ما نوصل حدوده
شماته شگد سمعت هناك موجوده
اظن بالصبر موش بحبل مگیوده
وساعات الصبر للشده ردناها
ـــــــــــــــــــــــــــــــــــــــــــــــــــ
اخاف اعله رقيه تموت لو خوله
وتنعاد المصيبه والبچـــــي يعله
ومصاب حسين بيه حيل ماخله
ولخوتي العين ابد مانشف مجراها
ـــــــــــــــــــــــــــــــــــــــــــــــــــ
حيدر بشار الدراجي
هالمــــــــواكب والخيم بالاربعين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
آنه زينب واعتنيت الكـــــربله
بربعينك والمدامـــــــــع هامله
وشفت وادم للخدامه امشكله
وكلهـــــــم اينادون للزاير هله
وبمحبتك يبو اليمه هــــــــايمين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
هاي فاتحتك يبن حامي الحمه
ظلت آلاف السنين وقــــــائمه
ماتطيح وخـــدم عدنا امحزمه
من تخلص ادموعهم تبچي دمه
خــــــويه بيك من الازل متعلّقين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
يالبقيت اعلى الثره ابحر الهجير
وبالدفن شالوك ياخويه ابحصير
ياچبير الســــــــاده يا أبن الامير
هــــــــاي فاتحتك مثلها مايصير
الســـــــــاده والعوام بيها قائمين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
عِرف كلهم وابد مـــابيهم غريب
مثل يومك هالامر خويه عجيب
من ينصبون الخيم عالم رهيب
تبدي بالفرحه وتخلص بالثغيب
ومن تطيح اخيامهم يبدي الونين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
شلون بيهم من يهـــــدون الخيم
خويه واحد يشبك الثاني الخدم
كل دعــــــــاهم ربي ثبتلي القدم
اعليك بالعباس شــــــــيال العلم
على هالخدمه نظل طول السنين
فاتحه ومنصوبه لجلك يا حُسين
ــــــــــــــــــــــــــــــــــــــــــــــــــــ
حيدر بشار الدراجي
من ترف الراية
حانت المشاية
ــــــــــــــــــ
من ترف راية ضريحك بالسما للعالي
يعني ننصبها المواكب للخدم يالوالي
تجي ازحوف لكربلائك سيدي يالغالي
كل سنة تزود المواكب بالزمان الحالي
نعمه منك هاية
حانت المشاية
ــــــــــــــــــ
كعبة للزوار گبرك من تجي وتطوفك
الف عمره والف حجة ازيارتك بطفوفك
تصيح لبيك وتردد هالجموع احروفك
تمسح بعطفك عليهم وبحنان اجفوفك
تقرأ ليهم اية
حانت المشاية
ــــــــــــــــــ
الملائك بأربعينك تنزل وي انصارك
تعزب وي اهل الخدامة ترحب بخطارك
بالكرم بيبان صحنك تنفتح كل دراك
وبالشمس مولاي انته تضلل لزوارك
ضللت بالصاية
حانت المشاية
ــــــــــــــــــ
لهفة مشاية بطريقك بالعشگ خدامك
بيوتهم تخلى ويجونك لان تخلى اخيامك
هالمواساة لجنابك ولعظيم أيامك
هالمشي بلكت يخفف سيدي من أسهامك
درعك احنه وثاية
حانت المشاية
ــــــــــــــــــ
المواكب سفرة وحدة والخدم جف واحد
هذا يعمل ذاك يطبخ ماكو واحد كاعد
كلها قادة بالمواكب مو فقط بس قائد
حسين سلطان اليخدمة والعشگ بي شاهد
شاهد الحب غاية
حانت المشاية
ــــــــــــــــــ
يالطريقك جنة الله الخدم كلها بخيرك
هذا مايك هذا زادك كله من تدبيرك
هذا من جيسك حبيبي وماكو منة غيرك
تروي كل عطشان گاصد من عذب مي بيرك
وبثوابك ماية
حانت المشاية
ــــــــــــــــــ
حسين مشاية لحضرتك تمشي لجل اعيونك
ولجل زينب بالمسيرة من مشت بضعونك
حرم واطفال بطريقك والله ما ينسونك
ازغار واكبار وشباب بدربك يگصدونك
الك جم اولاية
حانت المشاية
ــــــــــــــــــ
هلا بالزوار انته تصيح بأجمل صورة
ستبشروا زوار گبري أذنوبكم مغفورة
يالبذلتوا بأربعيني أجهودكم مشكورة
الزارني باجر أجيلة بگبرة روحي تزورة
هالعهد بحجاية
حانت المشاية
ــــــــــــــــــ
الشاعر زين العابدين الشمري
( آخر ليله للامام السجاد قبل مماته مع ولده الباقر عليهم السلام )
غمّض عينه ، و مد چفّينه ، وگال حچايه
كــون الأكبر ، لــو عبدالله ، الــيوم ويايه
*****************
خلَـص آخـــر فـرض للزين والعـــــابد
و حَل فرض الممات الحضرت الساجد
تذكّـر كــــل اخــوته ومـــاعبــر واحـد
وبچـه وهنـــا عرفتـــه تذكّــر الـوالــد
گال اتمنّيت اخواني يحملوني
گال اتمنّيت اخواني يغسلوني
گال اتمنّيت اخواني يدفنـوني
نـزّل راســه ، وظل إحساسه ، يقــره بهـايه
كــون الأكبر ، لــو عبـــدالله ، الــيوم ويايه
*****************
ثلث مرات اغمه اعليه وفز غفله
تخيّــل گـلّي لو ويّــانه عبــدالله
چان ويّـاك شــال جنازتي وصلّه
لكن يــا حلم أمشيـله ونحصله
عبدالله تخيّــل كبــران ويـــانـــه
ياخذني الگبري ويمشي بممشانه
يقبّل تـابوتي بشفتـه العطـشـانه
عمكم ريتـه ، وتمنـيـتــه ، يرتّــل آيـه
كــون الأكبر ، لـو عبدالله ، اليوم ويايه
*****************
يمحمّـــــد يگـلّــي آه يمحمّــــــد
أنسه يــامصيبـــه بكــربله وأبـــرد
يمحمد أمــوت ومـا أنسه المشهد
من يركض شمر فوگ الصدر يصعد
مشهد من حسين ينـــازع شفتـه
ويركض شمر گباله ويرفس جثته
ويقبض بلحيتـه گبال عيون إخته
شفناه گاعد ، فوگ الوالد ، آه يــربـايه
كــون الأكبر ، لـو عبدالله ، اليوم ويايه
*****************
يمحمّـد يگلّـي جسمي تــاليتـه
ينزل گبــره كـامل بيد اهل بيته
ابوي انه بحصيره جسمه خلّيته
ومثل الـزاد من الگـــاع لمّـيتـه
لمّيت حسين شويّـه عله شويّـه
ودوّرت ضلـوع أندلـهـا وماهيّـه
وشي ويه الحافـر راحـت مسبيه
ضيم البيّـــه ، صار شويّــه ، الچـان هوايه
كــون الأكـبر ، لــو عبدالله ، اليــوم ويـايه
*****************
يمحمّـد يگــلّـي رحمـة البـــاري
يابويه أمـــوت وانتـــو بأكتـــاري
يمحمّــد ابــوي وانتـــه بي داري
ثلث تيام جسمه عله الترب عاري
ياوسفه حسين بفزعه يطشرونه
ياوسفه حسين بفزعه يلـمّــونه
ياوسفه حسين بفزعه يدفنــونه
وحدي وبيدي ، شلت عضيدي ، شنهو الغايه
كــون الأكبــر ، لـو عبــــدالله ، اليــوم ويايه
*****************
كرار الجوراني
#يگـطـر_سيفه
ابا الفضل /مراجل نززال
يگـطـر سيف ابـو النومـاس بدمـاهم
چـن عصات مـوســى اهناك طراهم
=======================
صاح الله وكـــبـر واعــتـلـه الـمــهــره
مـتــعود على العــركات مـــن زغــــره
واللاگـــه ابو فاضـل مـعــتـنـي الگبره
ملـــچ الـمـوت سـيـفـه هناك راواهم
=======================
ماثـنــه بضربــتـه وطـــيراها الروس
ذباها الـشــوراب عـلــرگاب يـــدوس
عباس الـكـــــتـايب علـمـاها ادروس
وفـــنــون الحـرب بالمـعركه اطاهم
=======================
صايـــود وغـظـنـفـر يلـحگ الصيده
روس اكـــبار يخـتـار الــذي يريـــده
يفـــرز بيــهــم ويـخــتار چف أيـده
يـطـشرها ويـرد بالـسـيف لـمـاهـم
=======================
غاد أعــلـه الــنـهـر سوه الابد ماصار
صنديد ابو فاضل راعـــي راس الحار
ماهــمـه الـعــدد خـله العدد مـحـتار
واحــد كــل كتيبه الـعـدد شافاهم
=======================
رگضه اتراكضوا والركضه هـي انواع
ركضة شارده مو ركـضـه مـال سباع
صيت الموت خـــيّم علـمعسكر شاع
تعداد وســره اعله الـمـوت صـفّاهم
=======================
طبّاها الشـريعه وتـــرس جوده الماي
وســط النــهـر بـس ما يشرب الوفاي
شلون احسين ضامي وانه ابل اچــلاي
ذب الــمـاي بـيــده وگـــام لاگــاهـم
=======================
مــو بالـســـيف تـكـتل خـزرة عيونــه
والـمــوت الـحــمـر گـامــو يســمونه
شــردت كـل جــمـعـهــا وما يلاگونه
دگ ثايه والـقـاده هــنـاك بـچـاهـــم
=======================
✍️عباس مالك آل عفريت
نسألكم الدعاء
بصوت. مسلم المطيري
گوم ليهه وطفي نار اخيامها
حايره الحرة وتلم بيتامها
كلمات الشاعر
عباس مالك العفريت
#جـروح_الـعـلـيـلـه
شور گعده
===========================
سفركم هيج احزاني وگلّب كل وجع بيه
يالماشين مـاناسين الكـم ظـلـت ابنيه
بويه مــن طولك اشوفه مغرّب ورايح بعيد
بويه مــو گلبي كسرته بويه بس اشرلي بيد
گلبـي فرفــح من سفركم هذا گلبي مايهيد
عفتوني وحدي بداري ابقه
حـن گلبي يلغايب شيصبره
بلوه ابتليت شلــون بلــوه
شـيـطـيـب اجـروح العـلـيـلـه
===========================
اخذوني تره ابممشاي اگــدر امشي وياكم
كدام الركـب أمـشـي وخل تشوف عيناكم
چا خــذيت وياك بنتك يلمسافر لـو رحـت
بدارها وتنطـر خبركـم طفـلـه وحدها عفت
غابت الضحكه يغالي بداري مـن انت غبت
ماضحكت اشفافي بعدكـم
وتسـيـر ابالــي صـوركــم
وكل يوم احضرهن فرشكم
شـيـطـيـب اجـروح العـلـيـلـه
===========================
چــا يمته الــي تردون طالت عـنـي غيبتكم
هم يــوم ويدگ الباب لو ماكـو الأمل منكم
بلهفه ارگض لو سعت الباب يابويه يدگ
تدري اليتاني حبيبه بنار صــبــره يحترگ
حلم عنك بعداني وهلحلم اصبح صدگ
دمعي ترك بخدودي اثار
يا نار گلبـي چــوّت النار
اتنطر اتردولي الاخــبار
شـيـطـيـب اجـروح العـلـيـلـه
===========================
لا وصلـت مـراسـيـلك و لا وصلتني اخبارك
يمتى تعود انا اشتاگيت واشتاگت الك دارك
ليش ماگلت انه عايف طفله وحدها بقت
لا خـبر مـنك وصلها ولا رسـاله الها اجت
ماگلت ياهــو اليسكت بــتـي لو ليه بچت
چا ليش مارحت انه ويـاك
جا ليش ابقه بداري ونعاك
انساك بويه شلـون انساك
شـيـطـيـب اجـروح العـلـيـلـه
===========================
✍️عباس مالك آل عفريت
#جديد_محرم_الحرام_١٤٤٧هــ
نسألكم الدعاء
وصية الامام الحسن إلى أخيه العباس ع
احلفك بالزجية
انته بكل مسية
اتصير لزينب أبو
ينگط حب ودفوُ
ياخويه
❁ ❁ ❁ ❁ ❁ ❁
من تصير اگبالهه واشـوف اختك
الگاع تــترسـهه اريد بماي گصتك
وهيه سالفتك تصير وراح قصتك
شجم علي انه بجفنهه هم رسمتك
گبـل مــتحشمك أريد
أنحـني مــــثل العبيد
انطي عينك وانطي أيد
ياابو فاضل
وخادم صير وأخو
ينـگـط حـب ودفو
❁ ❁ ❁ ❁ ❁ ❁
الهوى فتشه اليريد أيمر الأنفاس
لئن زينب اية الله خـــويه عباس
زينب بزينب تراهه هـــيج تنقاس
افتخر لوتاج تصبح فوگ عالراس
هيه سـر الله الحنون
شيلهه بـنص الجفون
راح يـفـجعهه المنون
ياابو فاضل
زينب وحده الأكو
يـنـگط حب ودفو
❁ ❁ ❁ ❁ ❁ ❁
أعذرني خويه بلحجي لووجعيتك
انته شي طيب حليبك هلنخيتك
وبگلبهه شجم جرح واگف لگيتك
انه ريـدك دوم تـبــقى يم أخيتك
گلهه گلبي انتي وضنوني
وبـيــج مــن تايه لگوني
وكــــون لجلج گطعوني
ياابو فاضل
ولضن گلب العدو
ينــگط حب ودفو
❁ ❁ ❁ ❁ ❁ ❁
الگلب من مايحن يصعب رجوعه
وياحلاته الأخته لي ينزلن دموعه
الحنين الأخته من يشعل شموعه
يحس گلبه من يدگ يشلع ضلوعه
وأســـهر بليل ونهار
وخلـــي گلبك كله نار
صير هم انته الهه دار
ياابو فاضل
بيـك ملوحة بدوُ
ينگط حب ودفو
❁ ❁ ❁ ❁ ❁ ❁
حســين مــاكلفته لــن مااريد أكله البيه يــصـعب لاتـضن البيه سهله
انـه جـبدي بلطـشت هل طاح كله
الصـعب صعدتهه باجر فوگ هزله
وباجر أيگطعولك ايد
اوتــنذبـح من الوريد
وتدخل بمجلس يزيد
ياابو فاضل
هاي ام ملگه الحلو
ينـگـط حــب ودفو
❁ ❁ ❁ ❁ ❁ ❁
الشاعر محمد البنداوي
مقطع صوتي من حسين سوه براسي حض
Читать полностью…
طهر گلبك يلرايح گاصــد محبوبك
وألبس محرم خلي لأبيض يصبح ثوبك
كل خطــوة بحجة وبعمرة
لگاصد لحسين أبن الزهرة
❁ ❁ ❁ ❁ ❁ ❁
سبح من تمشي بخطواتك
ورتــل بلـحــب هــم أياتك
وخلاق لبـــس نـــــظـراتك
وزع للــيــعـطش دمـعاتك
حتى حسين يحضرك باجر مـن تموت
وبــيــوم الاخـــر يـبنـادم منـه تفوت
والجـــنه اصـير الجـثمانك هم تابوت
ولمــنكر لو ناده بأسمك تسمع صوت
فاطم جـتي اتريد تحضرة
لگاصد لحسين أبن الزهرة
❁ ❁ ❁ ❁ ❁ ❁
يالرايــح لحســـين اشوفه
خل گلبك يصـــرخ ميعوفه
ويقسم بلمگطوعه اجفوفه
دربك كعبة وجـينه انطوفه
كل زاير باجــر لو جــدمه يــــحس بألام
خــل يـــذكــر زينب تعـبانه بدرب الشام
والمــوكــب جــن حــضن الوالد بيه تنام
بس زينب مانامت لحظة وتبجي احلام
أتــعنت زيـنــب مــن قهرة
لگاصد لحسين أبن الزهرة
❁ ❁ ❁ ❁ ❁ ❁
حســــــين بدمعه اليمشيله
كل خطوه المهدي ايشد حيله
والــزهــــره الــگــاصد تدعيله
وكــل خــطـــوه بگبرة تخليله
راحه ونعمى تصـير بگبره كل خطواته
فاطم تتعناله بـگـبره أســــــد وحشاته
وبجفوف الكافل هم تمسح ثق دمعاته
والمهدي يــكـــثر ياعـــالـــم هم جياته
مــتــخلــي حـاير بالحفرة
لگاصد لحسين أبن الزهرة
❁ ❁ ❁ ❁ ❁ ❁
يازايـر اذكـر كـــــل خـطــوه
بزيــنب درب الـــشــام سوه
راحت روحــتهــا لـمــوحلوه
راحت مكسوره بدون اخوه
راحت مـهــظومه ومكســوره أبين الناس
وزينب كل خطوه التمشيهه بگطع انفاس
يازاير مــن تــمشي أذكــر وابجي حساس
رجــعــت مـهــظــومه لوحــدها بلا عباس
أذكر خيل السحگت صدرة
لگاصد لحـسين أبن الزهرة
❁ ❁ ❁ ❁ ❁ ❁
يازايـر ثـق هـاي الخدمه
عند المخلص مثل الذمه
حب حسـين وحـب ليمه
ليرضيهم حـيدرنه يضمه
من نار التــسعر وظلـــمه ويـــوم البرزخ
ليــخدم أســـمـه بديــوانه اهـــناك أتأرخ
والمخلص وراضي حسينه اهـناك أشيخ
راسه ايضل مرفوع اهنـاكه وهـم ماطخ
الجنة تتعنه الگــبرة
لگاصد لحسين أبن الزهرة
❁ ❁ ❁ ❁ ❁ ❁
الشاعر محمد البنداوي
نزال
الزياره تاج ينحط عالراس
خدمتك علم بيد العباس
-------------------------
يغالي ليالي اجي وازحف زحف
بـديه المسيه علم شايل يرف
اجي ويبجي الگلب
ودمع عـيني تصب
لـــون طال الدرب
احسه يمد جفه النبراس
الزياره تاج ينحط عالراس
-------------------------
أتاني الثواني تجي هاي السنه
اجيلك دخيلك لون ظهري أنحنه
اجــي وشايل علم
لون حيـلي انهدم
وتعب حيل الجدم
اجيلك يخو الينگط نوماس
-------------------------
اخدمك واشمك عطر بين الهوى
ينادي فؤادي الدرب لحظه انطوى
واحـــس بلمعجزه
التعب مــــني جزه
تحت جدمي انغزه
حبيبي الدرب بلجنه انقاس
الزياره تاج ينحط عالراس
-------------------------
صـفاتي حلاتي هله الزاير هله
وصيرن احـــــسن أمير بكربله
وطب وأنــخدم
واحس بهل جدم
يخف مثل الهدم
تسجل إديك انته بهل الناس
الزياره تاج ينحط عالراس
-------------------------
اشوفه بجفوفه الكفل شايل نهر
الگصدله يطلبله بدي يزيح القهر
الگصد شايل قهر
يــرد خالي العمر
البجه باب الگمر
يكفله الكفل زينب بحساس
الزياره تاج ينحط عالراس
-------------------------
الشاعر محمد البنداوي
كل واحد بگلبه خيم خل تشتعل نار
خل يقرأ جابر مادريت بكربلة شصار
يلگاصد احسين
خل تدمع العين
-----------------
لمن تحس انته بتعب أتذكر ام عون
هيه وحرم آل النبي بين اليركضون
ويا زاير بدمعك بعد شيبها العيون
وذكروا احسين بدمع لمن تعطشون
كل واحد يطب للصحن خلي يبجي بحساس
بهذه المكان شگد بجه احسين اعلى عباس
اعله المنطي جفين
خل تدمع العين
-----------------
من هسه خلووه الگلب خل يشتعل نار
وردد نشيدك مادريت بكربلة اشصار
من هجمت اخيول العدى ابذاك الانهار
ومحتاره زينب بت علي مابين الازغار
وكلمن لطم صدره بقهر خل يذكر الخيل
صدره اعله ضهره خلته من سحگته حيل
والهسه الونين
خل تدمع العين
-----------------
رسموا المواكب بالجفن رسموهن اخيام
وردنا الزيارة اتضل عمر مو حسبة ايام
وغضوا البصر لمن تجي المتعوبه بالشام
امجتفيها وتنوح بقهر والرووس گدام
ومن نحر اخوها المن هظم اتخايل ايصيح
زينب مثل دمع الجفن شو گامت اتطيح
مهظومة وامنين
خل تدمع العين
-----------------
خلي اليطب باب الصحن خل يبجي بحساس
لن تاج راس الدنيا منه سلبوا الراس
يوم أربعينه فاجعة والله ياناس
نتلگى زينب من تون وتگول عباس
وخلونا نترس كربلاء دمعات
ونين
وبصوت واحد كلنا نصرخ بوية يحسين
وللأسس الدين
خل تدمع العين
-----------------
مو مستحب لا بل وجب هذه المشي هواي
هذه الحبيب ابن الحبيب من
الله مولاي
وكلمن يخلي بگصته مية نهر
ماي
للضامي حتى بمذبحى ومتعذب هواي
واجب بعد حتى الدمع مو سهلة يحباب
وخلوها سود اتضل عمر لحسين الاثياب
لحد شيب السنين
خل تدمع العين
-----------------
الشاعر محمد البنداوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
في رثاء طفلة الحسين رقيه (س)
احچيلك • أنـــــــتظر طيفَك يمر
وابچـيلك • بويه ذابحــني الهجر
واشكيلك • ابزينب شسوَه الشمر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
اشهَگ ابعبـــــرة حزن/ المـــايعرفك مايحِن
وانـــــه دمك
آه يـَــــاشوگي عليك/ لهفتي لچفُوف ايديك
خذنـي يمك
واگف ابفكري لگيت/ روحي اترد لو أجيت
بسْ أشمك
بويه محتــــــــار العقِل/ مايشبهونك شڪِل
ويـــن أضمك
انحييلك • لو تمرنـــــه يا شمس
وانعيلك• ابگلبي اليـــوم وأمس
وبديلك • عتبي لو جَانه الرجس
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
المَلگه اتريد الچفوف / وانت مذبُوح بسيوف
شلون احضنك
جسمك امگطــــع ألفّ / روحي الروحك ترفّ
وين أبوسك
اتمنى بس نگعد سوَه / بيــــدي حطّلك دوَه
ابروحي المك
الشفِتك اسگيها ماي / وبالعبي نسوي فِيــّاي
ضُمني اگلك
انسوِيلك • شطوط ماي من البحَر
نفــديلك • الگلب قبـــــــــل النظر
نهــديلك • وننـــــذر الجيتك دَهر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
بويــــــه ذبلانِه صرت / دَم عله چفوفي شفت
الحبل گصني
طفله وبهـــــــاي العمُر / ابواهس سنين الزغُر
الوكت ذبني
الطرق رايـــــد يرع /وعالنياگ ابيـــــا شرع
عذبــــــنّي
حاضره ويــــــــــا الكفر / رايـــــده عون ونفُر
گوم ردني
امشيلك • ياذخر حيــدر علي
ادعيـلك • بس تــرد سالم الي
انحييلك• يا بجيــت كل هلي
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
مــــرَه احسب للفجر / مــــــرَه انطُر للعصر
الهيبـــه ردته
ردت انسِه ومانسيت / وداعتك لجلك عميت
وابچي سڪتِه
امصلا افــــرش للصَلا / اغلا انتَ من الغلا
ابروحي شفته
العالم ابعيني سوَاد/ الحسره تـــاڪل بالفؤاد
اتــــردلي يمته
اعــميلك •اعيون لجلك لو ردِت
اضحيلك • مرَه طولك لو شفت
ادخيـلك •ردلي يـــــابويه متت
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ويا العده نمشي ابيسر/ والضعَن يحدي زجر
بگلبي جمرَه
عـــالدلال امعودَات /وعالنيـــــاگ امربطات
القصه مرَه
امدنگه امشي اويا البنات / بالخرايب بايتٓات
الغربه خطره
ابعزتك حــدّ الممات / علمتني اعله الحيات
ابقَه حــــره
انوديلك • ارواحنــــــه لجلك ثمن
ارحيلك •فــــــاجِعه ابگلبي اندفن
يرضيلك •اموت واهدومي الچفن
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ڪ. حيدر مكي النصاري
²⁴محرم ¹⁴⁴⁷
حسين
ياگلب بعد ،، ذر الدمع ،، واكضيها بونين
ابجي من صدك ،، للمنصرع ،، وخوانه ميتين
لا تهم ابد، ،، وبجي بوجع،، من تسمع حسين
،،،،،،،
روح ،، عيش الطف الصاير جمره بداره
صار ،، لازم تعرف كل مايجري اخباره
عيش ،، دمعه وصرخه وكون تعيش بناره
،،،،،،
ضج بالدموع ،، والضلوع ،، داسوها
ويه الحسين، ، نساوين، ، اخذوها
شبت النار، ، بالخيام، ، حركوها
>>>>>>>>>>>>>>
تبجي فاطمه .. واهل السمه .. لو هل الهلال
عاشور اجه .. والمابچه .. ماعايش الحال
گلبه يحترگ .. وصط الخيم .. لو شاف الاطفال
،،،،،،،
نار .. هاي الضلت مشتعله بنص خيمه
وين .. ضاعو اطفال ام عون بيا هيمه
ماي .. ماكو بذاك الحر العاشو ضيمه
،،،،،،،
مات الحسين .. بعد وين .. ممشاهم
هضمت اعيال .. والاطفال .. وياهم
صوت الطبول .. والخيول .. بچاهم
>>>>>>>>>>>>>>>
يله يا گلب .. هذا الدرب .. عيش بمصابه
باقي بس جسد .. وبلا رحم .. سلبو ثيابه
تالي منذبح .. راسه برمح .. واهله بخرابه
،،،،،،
نوح .. لا تضل ساكت ترا زينب سبوها
ليل .. ضلمه صارت من بعد طيحت اخوها
موت .. صعبه يا گلبي صدك لو طلعوها
،،،،،،،
من الخيام .. ع الشام .. مو سهله
طبو السوگ .. ع النوگ .. الهزله
وراس الحسين .. ع رماح .. مد ضله
>>>>>>>>>>>
يا گلب تره .. بت حيدره .. امدلله هواي
تالي بالقصر .. ام الصبر .. ماعدها اي راي
ندبت الحسن .. وام الحسن .. بس گومو وياي
،،،،،،،
ليش .. ليش يا يمه صعب ضيم العليه
جان .. اسمي اميره واصبحت هسه سبيه
حان .. وكتي والاصعب ترا احبال البديه
،،،،،،،
يمه عباس .. بلا راس .. ودعته
العلم طاح .. شمر صاح .. طيحته
گطع جفوف .. بالطفوف .. عاف اخته
>>>>>>>>>>>>
اللهم عجل لوليك يارب الفرج
احمد محمود
نزله
بالغرب وحدي عمه يالمهدي احضر لعمتك
ــــــــــــــــــ
حيرتي يوليدي حيرة ودهري متحزم الي
ومن اريد انهض انادي يا محمد يا علي
جفني غيمة من المادمع بالهظم من يمتلي
روحي قربان يصبرها قربتاً من تبتلي
بالحمد ابدي عمه يالمهدي احضر لعمتك
ــــــــــــــــــ
عمه يالمهدي بغيابك وانته تسمع قصتي
من وكع شايل علمنا مني وكعت دمعتي
أظهر وشوف الجرالي عمه وانظر حسرتي
قلبي ما يحمل مصيبة وحزني يشرح حالتي
والزمن ضدي عمه يالمهدي
احضر لعمتك
ــــــــــــــــــ
عمه من حرگو خيمنه بلا خيم ظل الخدر
ياصبر ينفع جرحته ويادمع يكفي الصبر
من بعد عزنا وفخرنا وي ابو فاضل عمر
جابوا النوگ الهزيلة وصعدونه بكل زجر
والغرب يحدي عمه يالمهدي احضر لعمتك
ــــــــــــــــــ
تدري يالمهدي من اجينة لكربلة من أرض الوطن
لا نخاف ولا نبالي بهالسفر يبن الحسن
والله حاطتنة السلامة وبس أمان اعله الضعن
وهسه نمشي بلا سلامة من غدر هذا الزمن
يا نفع يجدي عمه يالمهدي
احضر لعمتك
ــــــــــــــــــ
من بعد موت الهواشم والله ما ظل كل أمل
لا عشيرة ولا حماية وغربة ما واحد سئل
عالرمل ذبحوا أهلنا وهسه احنا بلا اهل
وضاگت الدنيا الوسيعة عمه من عودي انجتل
مابقوا عندي عمه يالمهدي
احضر لعمتك
ــــــــــــــــــ
اني أكابر عالمصايب والألم نفس الألم
قلبي من ذبحوا اخوتي يحترك وي الخيم
وعيني من دمعتها صارت جنها جود وبي سهم
ولدي فدوه اعله الترايب حيلي لحسين انهدم
فدوه كل ولدي عمه يالمهدي احضر لعمتك
ــــــــــــــــــ
يمتى تظهر يا فرجنا وتأخذ بثار الذبح
وبظهورك يا علمنا وامرك بحق يتضح
والضلامة الحنا بيها عمه والهم بنشرح
ينجلي لليل المصايب باجر وانته الصبح
ياشمس وعدي عمه يالمهدي احضر لعمتك
ــــــــــــــــــ
الشاعر زين العابدين الشمري
يزوار على الوعد تلگوني
ــــــــــــــــــ
من البحر صوب النحر افرح ترى بزواري
يم القبر اني انتظر مِيتْ هلا بخطاري
صوتي اعتلى من كربلة حياكم الله لداري
يوم الحشر هذا الأجر وانتم ترى من انصاري
يالاحرار يوم الحشر بعيوني
يزوار على الوعد تلگوني
ــــــــــــــــــ
سيل الجمع ما ينگطع والراية تسبُگ راية
فوج وعدد مني المدد وانظر على المشاية
قلبي انتظر يا هو الحضر وي المواكب هاية
روج الأرض مثل النبض يا شيعتي الوفاية
يالاحرار يوم الحشر بعيوني
يزوار على الوعد تلگوني
ــــــــــــــــــ
دفتر وفة وعن معرفة يسجل حبيب الحاضِر
يملي الأسم حتى الرسم اعرف قلب كل زاير
والبي ذنب قادم محب امسح ذنوبة وغافِر
يگضي الصعب والـ بالقلب والعنده حاجة وحاير
والاسرار مگضية للوافوني
يزوار على الوعد تلگوني
ــــــــــــــــــ
هذا التعب كلة انحسب شكراً لكم خدامي
ماي انفرش درب العطش واسيتوا قلبي الضامي
شاب وكهل طفلة وطفل فرحتوا كل ايتامي
هاي العبي عن السبي هنه الطفنها خيامي
بالاصرار والتضحية تحبوني
يزوار على الوعد تلگوني
ــــــــــــــــــ
تحيون أمر طول العمر لمن اجيتوا لبابي
هذا الوعد والمعتقد انتم يشيعة احبابي
يهل الصدك يهل العشك انتم مطر بعَتابي
مثل القِدم اجرِ الخِدم كلكُم سوّة بِحسْابي
بالإِيثار والمعرفة تواسوني
يزوار على الوعد تلگوني
ــــــــــــــــــ
من اي زمن من اي وطن يتعنى جَاي وعازِم
طاف واسعى عالمشرعة لهاي الزيارة وهايم
لو بس نظر نال الفخر نال الكرامة القادم
من جد وجد قلبه انسعد يوم القيامة السالم
ترى النار ما توصل الخدموني
يزوار على الوعد تلگوني
ــــــــــــــــــ
الشاعر زين العابدين الشمري
كربله انترست ابزوار احسين .. فتحت بيبانها
ــــــــــــــــــــــــــــــــــــــــــــ
گبل لينال الشهــــــــاده ابو اليمه ابكربله
ارض الاطفوف اشتراها رادها مـدفن أله
وصه اهلها بالخدامه وهمه اهل هالمسأله
زلم عدنه ويدري بيهم للضــيافه امشكّله
بالزياره خل تجي الملاين .. حسبو الحسبانها
ــــــــــــــــــــــــــــــــــــــــــــ
عالحدود الخدم وگفو رحبو بخطارهم
خــل تجينه الدول كلها والله ياحياهم
عــــام كامل ننتظرهم لو بده ممشاهم
ياهلا ابكل الجناســـــي ننتظر ملگاهم
سفرة ام عباس تكفي الصوبين .. والكرم عنوانها
ــــــــــــــــــــــــــــــــــــــــــــ
هله بالاحسا واهلها ياهله بأهـل القطيف
هلا بالبحرين كلها وهله بكل زاير شريف
العراق اليوم كله صـــــار ديوان ومضيف
امولمه السفرة الچبیره وکلمن بحضنه رغیف
حسين خدامه تره معروفين .. مشمره ذرعانها
ــــــــــــــــــــــــــــــــــــــــــــ
البصره طلعت كل ثقلها بين مشاي وخدم
اتوزعو نصين اهلها لو مشي لــــو بالخيم
وازدحم درب العماره جِدم ويطگ ابجِدم
والمضايف بالسماوه للكــــــرم رفعت علم
السفره من بغداد والحد الفاو .. مددو جنحانها
ــــــــــــــــــــــــــــــــــــــــــــ
واسط وذي قار تنـطر لزمو احـدود الدرب
الزاد والم كل وكتهم حضرو اكل وشــرب
يخدمون اللي يجيهم من لسان ومن گلب
چنه بين اهله اليجيهم ابد ميحس ابغرب
ابيوتهم صارت موكب زوار .. شيدو بنيانها
ــــــــــــــــــــــــــــــــــــــــــــ
ولد ابو طلبه النشامه والله منهم والنعم
يخــــدمون السنــــه كلها زلم يانعم الزلم
وابـن بـابـل لوتـحــزم بـالتـعــب لامايهم
ديالى لو مليون زاير طَبها ماتطلب دعم
كل سنه وشيعة علي ابو حسين .. فاتحه ديوانها
ــــــــــــــــــــــــــــــــــــــــــــ
حيدر بشار الدراجي
عرش الاميرة
( دخول عرش هند زوجة يزيد الى الخرابة )
ضجّه بالشام وغَرابه
عرش جابو للخـرابه
حاله ماصارت گبل مستغربيها
عرش إلمن والأميره مچتّـفيـها
بالخرابه ، بالخرابه
********************
ليلــه بلـيالـــي الخـرابه ، اليتعب بنصها الصنم
صارت اعله الباب ضجّه ، روّعــت كــــل الحرم
فجأه لَـن داخــــل علينا ، عرش مشيـول وخدم
وكِلنه صدّينـه عله زينب ، بس تذكّـرنــه الخيـم
مو الزينب هالعـــرش مانعْرفه
بيـا عرش ترهم أميـــره مچتّفه
وابتسمنه اعله الأمل من إختفه
تروح حيره وتجي حيره
بيا عرش تــرهم أسيره
إبتسمناله وبچيناله عله إديـها
عرش إلمن والأميره مچتّـفيها
بالخرابه ، بالخرابه
********************
رحت عالباب وخَدمها ، أســـــأل ومتألّــمه
گلـــت دزّتـني الأميره ، منهو هــاي القادِمه
جاوبـَو زَوج الخليفــه ، الأميـــــره الفاهِمَـه
رحت أركض للأميـــره ، العالِمه المو سالِمه
يــــا أميــرة حيدر وخير العمل
تريد اميرتهم تجي تشوف الأهل
هنــا عرفناه العرش المن وصل
على زينــــب طبّـبوها
وتذكِّرت شي من ابوها
خويه يـ ام كلثوم گالت شايفيها
عرش إلمن والأميــره مچتّـفيها
بالخرابه ، بالخرابه
********************
طبّــت وعـرفتها زينــب ، اعليّــه گامـــت وانتچت
ومسحت الدمعه بحبلها ، وهمست بأذني وحچـت
الطفــله التْـوِن سكّـتيها ، وسكّـتي التـوهــا بچــت
لأن تعرفنــــــا الأميـــره ، وخاف تشمَت بينه إجت
گالت احچيلچ خبر واتحمّــلي
هاي چانت خادمه ابّيتي و إلي
هاي دللها شكثر حيـــدر علي
لحّــد يجـــــاوب عليها
اني اجـــــاوب وأعتنيها
لأن محّــد راح يتحمّل حچيها
عرش إلمن والأميره مچتّـفيها
بالخرابه ، بالخرابه
********************
سألت من اي بلد انتم ، يالإجيتو من السبي
گالت إلها من المدينة ، يــاهنِد كل هالعبي
گالت هواي المــدائن ، يــــامدينه بمطلبي
گالت إلهــا من مدينة ، أحمد وطـــه النبي
گالـــــت تعرفيـــن منزل فــاطمه
وحسن وحسين وگمر حامي الحمه
وزينـب الچنــت آنــه إلهـــا خادِمه
گالت إلها آنــه زينب
ماعرفتي وما اتعجّب
النايمه بهاي الخرابه شيبقى بيها
عـــرش إلمن والأميره مچتّـفيها
بالخرابه ، بالخرابه
********************
عالحسين انتي سـألتي ، وراسـه يمكم بالقصر
وعن ابو فاضل سـألتي ، جسمه عالشط ينتظر
وعله زينب هاي زينب ، توني اجيت من اليسر
لطمت بخدها الأميـره ، وگالـت من الله العذر
ركضت المجلس يزيد وتستعر
وگام غطّاها وحچتله يــــا سِتر
تغطّي بيّـه وزينــب بلايــه خدر
وسفه زينب هيچ أمرها
تسولف الناس بخـدرها
آخ لـــــو عباسها يشوف ويجيها
عـــرش إلمن والأميره مچتّـفيها
بالخرابه ، بالخرابه
********************
كرار الجوراني