4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
شهادة الامام علي بن الحسين (زين العابدين) عليهم السلام
مات مسموماً قضى زين العباد
ابن خير الناس وعـضاً ورشــاد
=======================
انت للــديـن اساساً مـن اقـــام
انت ينبـوع المـعـارف والسلام
أبـن أمـامـاً أب أمـامـاً و أمــام
وشفيع الأمـه فـي يـوم المعاد
=======================
انت يامـن ذل طـغـيان يـزيــد
واهان الملك مغلــول الحـديـد
تقضي مسموماً بأحقاد الوليـد
والمساجد ترتدي ثوب السواد
=======================
ياعلي يا ابـن سـيـد الشـهـداء
يا أبـاة الضـيم يامعنى الفداء
ياسـراج النور قــد قام العزاء
وعلى المسموم نعلن بالحداد
=======================
يا اسير الحرب في يوم الطفوف
وابيـك واحــداً بـين الصـفــوف
كثر الطعن به ضـرب الـسيـوف
وعليلاً قـد دفـن تلك الاجـسـاد
=======================
أعانك الله تُـحـامي عـن عِـيال
حـرمٌ أطفال ما بـيـن الرجــال
كيف حالك سيّـدي ماهـو حال
من خيامه تـشتـعل دون خِمـاد
=======================
✍️عباس مالك آل عفريت
#شهادة_الامام_السجاد_ع
نسألكم الدعاء
#شهادة_السجـاد_ع
يا عــلـــي الـســجــاد اللـه يعــيـنــــك
الصار بالطــــف انـت شـفتـــه بعيـنك
===========================
آه يالمـسـمــوم يا زيــــن الـعــــــبــاد
بنـــوح عـمــرك خلّــص بلبس السواد
انت ياديـــن اللـــه يـــــا باب الـمـراد
ادمـــوع خلـصـت الـعــمـــر وسنينك
===========================
مـــن فـعــل ذاك الـولـــيد ابن الزنات
اتموت بالسم تجـــرع امـــرار الحياة
هز وجودك ضعضع اعروش الطـغـاة
يالعمر خلـصـتــه حـــامـي الديـنـــك
===========================
ايــسـاعدك الله اعــلـه عـمـلـة كربله
كــلـهـا جــدامك تطـيـــح امـچــتلـه
شحال ذاك الوحـده ماتــو كل هلــه
نومــه صــارو وحـــدك امخـليــنـك
===========================
بيوم عاشـــر شاهـــدت كــل الجره
گلـبك امصـاب الذبـيــح ايـمـرمــره
كل اخــوتك نامــت بــذاك الـثــــره
وانت بـحــبال العــده امـچـتفيـنك
===========================
انت شفت احسين طايـح عـلتـراب
كثره بيه اجروح من دمـه الخضاب
ايعينك الله شلون تحـمل هلمصاب
الخيل چــدامك تـــدوس احسينك
===========================
يا فـــرار العيله ياحــــرگ الخـيــم
يا سبي النـــســوان زادك بالألـــــم
بين گـــوم انجــاس ماعدهم شيم
وانت وحـدك والعــده محوطينك
===========================
اثر باقي الجامعـه اسلال الحديـد
ابرگبتك مــــولاي وصلـت للوريـد
واحد ومچـتوف ومخــوف يزيـد
حتى وسـط المجـلس امگيدينـك
===========================
✍️عباس مالك آل عفريت
نسألكم الدعاء
جديد محرم١٤٤٧هـ
شهادة الإمام السجاد عليه السلام
آه لابن المنذبح ومصابه
جمرته في كل قلب لهّابه
.....
ابكل قلب منصوبه خيمه للعليل
منّه نسمع خطبته وجسمه نحيل
هالله هالله بالنياحه والعويل
لجل أبويه الدمّه صار اخضابه
.....
امتداد الصرخته (هل من معين)
اويايه (هل من باكي) لمصاب الحسين
وينكم ياهل العزا والنادبين
عاللّذي أچفانه ذاري اترابه
.....
تلتهب جمراته من فقد الغريب
والأعادي من بعد سلب السليب
كلشي من عنده اسلبو إلاّ النحيب
والدمع ماسلبته السلاّبه
....
شلون يهنه وتنتهي آلامه
وشاف زينب تنضرب جدامه
انصبغت ابدمّ النحر أيّامه
ومافتر حزنه اولهيب اصوابه
.....
جمرته ما تطفى تبقى تشتعل
اشماعليه القوم جارت بالفعل
لاسبيهم لاقيود ولا چتل
يمحي ذكر حسين لا نَهّابه
.....
اهنا نصب بالخيمه رايه للقمر
اهنانه مشهد سيف يحتز النحر
اهنا حوافر طحنت اضلوع الطُهُر
اوسهم عبدالله الطفل من صابه
.....
له حراره بجوفه مو منّ العطش
عاللّي مات ابكربلا وماله نعش
وتتّقد كلما ذكر ليل احدعش
ذبل عوده وشيّبت أهدابه
....
باخر أنفاسه اعتلى منّه نداء
كربلا لا زلتي كرباً وبلاء
خلص عمره وماخلص عمر البكاء
ينعه باقي لَلْحَشر أحبابه
.....
تمت بحمد الله ومنّه ٦محرم١٤٤٧هـ
نظم خادم السيدة الزهراء عليها السلام
ياسين جواد العبد الرضا
الأمام السجاد ( ع)
. ذكـريـاتـه جـروح بالـطـف والـسـبي
وشينسّي الـمـنـچـوي ابـنـار الـعـبـي
هذا حاله وهذا وضعه * عمره يخلص دمعه دمعه
*---------------*---------------*
ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده بـطـرف الـعبـايه
عاشر اجفونه المخيم والدمع
وصارت اسنينه تشابه للشمع
هيچي عايش چـنـه شمعه
*---------------*---------------*
بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه
الخلـص بدمعاتـه ايـام الـعـمـر
الذكرياته احبال وسياط الشمر
الذكره صـعبـه و هم تـوجّـعـه
*---------------*---------------*
صـورة الطـف ابـخـيـالـه و تـجـري عينه
و الاشــد جـرح الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه امـچـتـفـيـنه
اتحمل الشمات واحزان وغرب
والعقيله اگباله وسفه وتنضرب
خصمه سبهه و ما يمنعه
*---------------*---------------*
حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه
صوره للخيمه نظرهه وللحرگ
و للمتون اليجرن ادموم وزرگ
الـيِـمـه اخـتـه وعـمتـه تـنعـه
*---------------*---------------*
الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه
يسمع السب وجرّوحه اتلچّمن
وجارن اعليه المصايب والزمن
بكل سـنـه امـحـرم يفـجـعـه
*---------------*---------------*
يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه بـروحـه بـقـت لـوعـة رقـيــه
يـَمـه مـاتـت بالـخـرابـه و طـفـلـه هـيـه
لـلـمـمـات وعـايـش بنار الالم
ودمعته لحسين ولراعي العلم
الشاهد اهله گباله صرعَه
*---------------*---------------*
✍ خادم الحسين ع
الشاعر رعد الچريخي
مقطع صوتي من اللهم صل على محمد وال محم
Читать полностью…
انه الفوگ الهزل مفتر////دولها
بسبينه وحسره البگلبي//دولها
عليل ومالگت روحي. ///دولها
دواهه حسين ابوي وگطع بية
__
انه المرت عليه اشكال //والوان
المصايب والضلوع انحنن//والوان
من اذكر سبي النسوان///والوان
احس الموت اروح صار الية
___
ليالي السبي ما يخطر///خي الهن
و علوياتنه اينومس///خي الهن
بنات حسين بس اني///خي الهن
اخوتي اذبحو بالغاضرية
__
النعي
يمكن البلطف مات ورتاح
ماشاف نار وحرگ وصياح
ولا مشه وياه بالضعن ذباح
ولاشاف روس اوفوگ الارماح
__
حادي الرچايب شتم عمتي
واحد تعده وضرب اختي
صدت وگلتلها اسكتي
والسلسله بيدي ورگبتي
__
الشاعر حيدر الخفاجي
١١٧٠- حال الامام زين العابدين (ع)
المصايب داي وانطبگن ويلداي
والهــــن مانفـــع صبري ويلداي
انبره بالجـــامعه عظمي ويلداي
ويخر الدم عله اثيابي من اديه
✍ فراس المحمداوي
جينه ننشد عن عليل القافله
العاش احزان الدهور بكربله
بظهر عاشر فاكد احبابه وهله
شلون ابن البسمله مكيدينه
—————————————-
شلون ابن البسمله يقيده الحديد
هذا ابن (القل هوه ) حسين الشهيد
الكال هيهات الرفض يحكم يزيد
خرج لاصلاح النفس ولدينه
—————————————
خرج لاصلاح النفس دين الرسول
للرعيه دعوته ينير العقول
جازته الامه بقتل ابن البتول
وبدماءه الطاهره مخضبينه
—————————————-
مزلزل عروش الظلم ابن النبي
ابن زمزم والصفا هل طالبي
نندل دروب السمه يلناصبي
ونور لهاي الارض تدرينه
—————————————
ولضميره بايعه لجف الظلام
سخط ربه نايله وذاك اللئام
البيده حارك للسبط ذيج الخيام
البيها ايتام وحرم مرّوعينه
————————————-
بيد اصحاب البدع تسبا العيال
بيدهم هل جتفوا بيها الحبال
وزين العباد الدمه إمن ايده يسال
والعليل بكل كتر ملوّعينه
————————————
بالسموم الغادره يخلص السنين
بشر عاميها الحكم ماعدهه دِين
للإمامه جازته بفعل المشين
وبسموم النايبه مصوبينه
علي موفق القزاز
(زين العابدين. ع.)
عالم معلم جني عباس
إني انا السجاد ياناس
ظهر بظهر..... جني الكمر
__****_____
أتوارثيت من الكمر أجمل صفات
بعصر ظلمه عيونه جانن ظاويات
أتعلمت من عده أجمل شي يكون
اتوارثينه احنه حتى المعجزات
بعمي أشبه حته الاحساس
أسمه الكمر مكتوب قرطاس
ماي ونهر..... جني الكمر
__****_____
بالعلم والحلم ماكو النه مثيل
علمي متوارثه من عمي الكفيل
احنه اسسنه العلم هذا اكيد
لهاي ما يحتاج لا فهم ودليل
بس وجه عمي جان ظاوي
عالم يصدر بل فتاوي
بيوم الخطر..... جني الكمر
__****_____
أشجع الشجعان جان من الصغر
ولذلك بالحرايب لا يكر ولايفر
العده لو طيفه مرهم بالحلم
يخلي كل اعيونهم تبجي وحمر
ومن دمع عينه الليله هالخط
اه اعله زينب خطها عالشط
ثمر وشجر..... جني الكمر
__****_____
هيبه جان الكمر أبذيج الخيام
وشحلاته بيمنته ذاك الحسام
وبيده فصل عصتي هوه قبل
ورجفت الوادم لمن دخلت الشام
عوجيتي أمأسسها كافل
كاتب عليها يا بوفاظل
كلها بسهر.... جني الكمر
__****_____
للحوائج عمي جان أكبر دوه
صح علاجه من الحسن جان كهوه
و الطيور البل سمه كامت تجي
ماي منه تريد وتريد إلهوه
مانرد احنه ابد الحاير
وبابنه ميخيب الزاير
من أجل الخطر..... جني الكمر
__****_____
كلبي من عباسنه كلشي امتلك
وكلبي وي نهجه بقه ثابت سلك
جنت طالب اني يم عمي الكمر
ودرساني كلشي لبعلم الفلك
دوم احنه جنه سوه نكعد
وعيونه لعيوني تره تصد
وهذا الخبر.... جني الكمر
__****_____
منتظر صالح الكعبي
٢٥ محرم الدموع
في شهادة السجاد ع
ــــــــــــــــــــــ
انهض يكفـــــــال.... چتفوني بحبـــــــال
عگبك يعمي اهل الرده
راووني الاهــــــــــوال......
ــــــــــــــــــــــــــــــــــــــــــــــــــــــــــ
الماتو هله وكل اخوته شله بحياته شـله
بالنوح يگضيها وبچي ويعيش بس بذله
منيطيح بالشده الأخو يتجيله ويسّندله
وانه اخوتي اعله الثرى بيهم الخيل شخله
ألضــل بلا اخـوان..... كل عمره حيــــران
مجبور اصعد عالهزل
ومــــدوهن البــــــال....
ــــــــــــــــــــــــــــــــــــــــــــــــــــــــــــــ
ياعمي دوهني الوكت وكل الدهر بچاني
يوجعني ياكسر الابو يشبه كسر خواني
نحلان جسمي والعدو ناگه غصب صعداني
تأذيني عثرت ناگتي بدرب الوعر مشاني
ياعمي ياحيــــد.........حز چفي الگيـــــد
بين يعم بيدي العضم
من عـــــت الانـــــذال....
ــــــــــــــــــــــــــــــــــــــــــــــــــــــــــــ
ياعمي حين الي وگعت حرگوا سترنه علينه
واطفال تصرخ راگضه عباس عمنه وينه
الخيم حولوهن جمر حرگن اجدام سكينه
وبحيره انظر عمتي تركض تلملـم بيـــنه
أطفي بالنـــــــار...... وتلـــــم بالزغــــــــار
حامت يعمي العايلـــه
واصبحت كفـــــــــــال......
ـــــــــــــــــــــــــــــــــــــــــــــــــــــــــــــ
حين الـي جابوها الهزل ياعمي اصعب لحظه
عالتل اشوفنهه ركظت تگوم وتگع بالركظه
فوگ المرض بيه رگضت ونار الگلب تتلظه
ياعمه رجعي والامر للباري ربنه انفوظه
أختك يعـــــــباس........أذوهـــا الارجاس
المحد لمـــــح ألهه أثــر
بان ألهه الخيــــــــــــال......
ـــــــــــــــــــــــــــــــــــــــــــــــــــــــــــــ
ياعمي اسولفلك جرح جرح السبي وشّسوه
أعثر واطيح اعله الوجهه مهضوم امشي گوه
فوگ الأسر سوط النذل عالمتن ضل يطوه
ثمانين طفله وي طفل من العطش تتلوه
دمولــي المتـــون........أكبال العيـــــــون
يطرونه عمي بنص زلم
اشكيلك الحـــــــــــــال....
ــــــــــــــــــــــــــــــــــــــــــــــــــــــــــ
تمت والحمدلله
خادم الزهراء ع
الملا ياسر الزيادي
تعالي يم حسن ليه تعالي
وشوفي كربله اشسوت ابحالي
تعالي يم حسن شوفيني يمة
انه حال الغريبه ابدون والي
تعالي يم حسن واسيني بحسين
من الخيل جسمة صاير اثنين
يا اخت شافت اخوهه الوحيد
فوگه الخيل تسحگ شوفت العين
ويلي ويلي ويلي يا يمة يا يمة
__
انه يمج يايمه مو بعيده
شفت حسين من گطعوا وريده
يا زينب ترة موجودة يمة
وثلث ايام انه ساجنه البيده
آنه امج زينب شگطع النوح
عاري بلا هدم ع الگاع مطروح
ما ينشال طولة بكثر الاسهام
مذبوح الولد لا موش مجروح
ويلي ويلي ويلي يا يمة يايمة
__
ركضت اعليه يمة والنفس ضاگ
متعوبة و زلم يتمايل الساگ
يا حيرة الحرت يالزهرة بطفوف
كون اوصل يا يمة والگلب طاگ
عطشان وردت ابچيلة العيون
يضوگ الماي يمة واعصر چفون
بلكي يگوم يمة ويطرد الجيش
وآنه ادري الرمح نابت بالمتون
ويلي ويلي ويلي يا يمة يا يمة
____
يا زينب شفت ذباحة من جاي
حط سيف بلهاته ما روة بماي
حتى الشات يشرب ماي جا ليش
ضامي حسين زينب گطّع احشاي
خدة اعله الترب ومخضب الشيب
محد گال ابن الزهرة جا عيب
مات حسين لكن هي الخيول
بصدر حسين يمة اتودي واجيب
ويلي ويلي ويلي يا يمة يا يمة
___
يا يمة اگعدت يم صدرة ويلاه
يمة طحين صاير ضلعة احاه
انت حسين كتله تيهت بيك
اخوي حسين يمة ما عرفناه
گوم حسين كتله حسين ميگوم
لا طول البقة بحسين ورسوم
ما اگدر احضنة اسهام و رماح
ملجوم الگلب يالزهرة ملجوم
ويلي ويلي ويلي يا يمة يا يمة
_
يا زينب ترة عالغبرة مگلوب
لا خنصر يمينة وثوبة مسلوب
مثل حسين ما ميت شخص هيج
وراسة اعله الرمح يا زينب النوب
بجفوف الزلم يا يمة مرفوع
فوگ حسين زينب ضلت طبوع
اخضب الراس يمة بدم الحسين
والطم عل الصدر واكسرله الضلوع
#محمد فرج الحريشاوي
شهادة مولانا زين العابدين صلوات الله وسلامهُ عليه
ضليت بويه انشد بالوجوه
الشام كل ناسه وعلي چتاله ..
زلمه عليل وحيل مابيه عفتوه
يباري الحرم ويريد من يبراله ..
بويه وعلي ماتشفه وطيب
عملاتهم بگلوبنه أتصيب
الشام مابيه كل معازيب//ذبحونه بحچيهم
طبينه صاح الحادي لناس
ويأشر علم عون والراس
هاي العقيله وهذا عباس//مامش نخوه بيهم
هداده ترگض بويه كلهه
وبالسوگ لچه صارت ألهه
كلمن يعوف البيده ويگول
چاا وينهم زينب أهلهه
__*_
محني الضهر ومشيبه الرموش
ويدي علضهري ويد أشاكف بيهه ..
مو خوش ناس الشام مو خوش
الشام زينب عمتي مبچيهه ..
طبيتك أتصيح المصيبه
وباچر تسميني الغريبه
عباس الي ياهو اليجيبه//ويمسحلي البواچي
ملعون يضحك ويه ملعون
علچيادنه گامو يجيبون
أبيبانهم ماي ويرشون//وشكال المحاچي
خاوي الگلب والحيل خاوي
بلوه التفض وتمر بلاوي
مو ماي شبعوهن خواتي
شبعن شتم بويه العلاوي
_*___
زحمه الفواطم توگف بسوگ
وكل اليجي يعاين بنات الساده ..
أحنه النرد للوادم أحگوگ
تنجر حرمنه بالحبل مو عاده ..
بالسوگ طب ضعن السلاطين
وومنين صاحو هالنسواين
والحادي گلهم ذني لحسين// وگام يسمي بينه
الهاضمني ومبجيني هواي
لهدومك يدورون شراي
وناحن خواتي بويه وياي//ضعني متعبينه
يدعن قميصك يرجعلهن
والحادي كل مامر يگلهن
خاف بحلم وتشمن حسين
نحرم بناته من حلمهن
_*___
كلهه تريدك ونته بس راس
وين الله واحد يشتريه ويرجعه ..
الراسك گبل بيه تحلف الناس
والله وكت ويصير راسك سلعه ..
سلاب ينشد بويه سلاب
عن راسك ينشدون ماطاب
دم ينزف ومتروسه بتراب//عيونك ياولينه
سمو خواتي الزينبيااات
موش العلاوي الخارجيات
وماتن هظم ذني العفيفات//ضعني متعبينه
يم راس عمي وصاحو أم عون
وهاي العقيله يالتسمعون
نزلت دمعته منلسهم دم
والعمتي ماضل للبچي عيون
رسول رياض
مولاتي ام عون تسولف وي مولاي صاحب الزمان عليهم السلام
تسولفله مصايب من المدينه للشام
مهدي مني
عمتك وخل انه اسولف واستمعلي
بيا مصيبه نسولف ويا كسره نبدي
بالگلب غصه يعمه وهذا وضعي
،،،،،،،
من مدينه جدنه جبنه العايله
واليحامي بضعني عمك كافله
من طلعنه امدللات براي اخوي
نزلونه عمه يم طف كربله
،،،،،،،
والضعن حس بخطوره
تغير الوانه وشعوره
والله باجر بس نحوره
وانه اصبر شرد اصبر
هسه رايتنه ومحامل
باجر يطيحلنه كافل
تبدي من باجر مشاكل
گلبي مايكدر يعبر
،،،،،،،
عمه ثاري اخذه بيدك
>>>>>>>>>>>>>>
تبدي غربه
عمه من صاح الحسين وهايه صعبه
من طلب ناصر يجيله ويشفي گلبه
ساعه ماضل والمصيبه تاه دربه
،،،،،،
والحوافر مايعبرن الى داسن
صدره رضنه وبناته مني ضاعن
حرگو الخيمه عليهن ماكو رحمه
بالبراري ركضن ابلا خيمه باتن
،،،،،،،
عمه جابولي الهزيله
مدو احبال الثچيله
والحده اضعون العقيله
بگلبي لوعه وخله لوعه
بس شماته وغاضريه
عمه والاصعب عليه
يا حجي الشامت اذيه
يگلي كسرنه ضلوعه
،،،،،،،،،
عمه ثاري اخذه بيدك
>>>>>>>>>>>
رحنه عمه
من خيام اهلك طلعنه الكوفه ضلمه
والدرب رايدله حادي عنده رحمه
بلا هوادج صعدونه واحنه نعمه
،،،،،،،،،،
عمه يا مهدي خذونه بلا سبب
الگلب من بعد اخوتي بناره شب
ليش اهل الدنيه ماعدهم رحم
فوگ كل هذا وضعن اهلي انسلب
،،،،،،
مرو اعله اديار اهلنه
اذكرت ذيج المحنه
مارضو نبقى بوطنه
طلعونه بليله ضلمه
،،،،،،،
حضرت وضع الضعينه
وانطلقنه من المدينه
والدمع صاير حجينه
والعجيبه ماكو رحمه
،،،،،،،،،
عمه ثاري اخذه بيدك
>>>>>>>>>>
بس اذيه
الشام اصعب من طفوف الغاضريه
علهزل طبينه نمشي بسؤگ اميه
قد خزينه جانت اصعب شي عليه
،،،،،،،،
عمه ضيم الغربه ماهد عيلتي
هذا حالي وهذا وضعي بغربتي
اضهر وخلي الزمن يرجع هذاك
واجمع اجدادك يمهدي بجمعتي
،،،،،،،،،
ثار عبدالله ورقيه
اخذه ثار الفاطميه
وبدي صفي الاعوجيه
الداسن بصدر الحسين
ثار محسن اخذه عمه
بصدرك اتمنه تضمه
خلي دوم تشمه امه
هذا ابن حبل المتين
،،،،،،،،،
عمه ثاري اخذه بيدك
>>>>>>>>>>>
اللهم عجل لوليك يارب الفرج
( ميمر كربلائي ، السيده زينب ويزيد )
وسط القصر ، صار الفخر ، بين الملِك واخت الگمر
يتبـــاهه يمـها عله الصار ، كـــل ظنّــه راح تهابــه
**********************
بين الخليفه المو خليفه تشوفه
وبين الأميره بنت أميـــر الكوفه
دار الحديث بخاتِـمه معـــروفه
يحچي بعزم ، صاير شهم ، ومتجمعه يمّـه المو زلم
وكــــل زمــرته ملتمّيــن ، شمـــر او وحوش الغابه
**********************
گال السهم بأجساد اخـــــوتچ صلّه
گالت هــــلا بكلشي اليجينه من الله
انضحّيله كلشي وكلشي منّه انحصله
أمره فرض ، مــانعترض ، نعمه وانشالت من أرض
هيچ انرفع راس حسين ، والباري يدري أسبـــــابه
**********************
گال آنــه ذابــح كافلچ وارجــاله
گالتله لـ الله يـــروح هيچ احلاله
من كون زلمه احجيها روح گباله
گبل الفخر ، عندك خبر ، من الحومه مامرلك خطر
ماتدري كل هذا الجيش ، بالشرده خوش ذيــــــابه
**********************
گاللها آنـــه ، وگـالت بلا آنـه
أمنا الزچيه وأمكم انتو فلانه
سجلكم التاريخ چـي ويــانه
بيت الذكر ، بيت الوحي ، ومابيكم انتو اليستحي
ومـــابينا احنه الينمحي ، وكلمن يرِد لاصلابــــه
**********************
كد كيدك وإسعى السعي المنتظره
مــــاتوصل الحجم الحسين وقدره
گبرك تــراب وگبره يصبـــح حضره
يالمو كلِف ، مالَك عرف ، شجابك علينا ونختلف
طينتنه طين أهل البيت ، وطينتـكم الچــذابــه
**********************
كرار الجوراني
قصيده ثگيل
مواساة السيده زينب ع
البگـه براسـج يزينـب
من فگـدتـي احـــسـيـن
دوه الفاگـد بواجــي العـين
وحيـده بلايـه وادم ليـش يانـاس
غريبـه والهـظم تعـبهـه الونــين
هاضـمهـا الخواطـر
وسحگــات الحـوافـر
نحـيل وراسـه شيـب
البگـه براسـج يزينب
'''''''''''''''''''
اگـولن ليـش لليسحـگ بجسمـه
هذا حـسين نعـمـه ومـوش نقـمه
نحـمد الله من خيـمتنه الحــسيـن
هـذا من اللـه نـازل هـذا رحمـــه
بسحـگـهم مارديــنـه
دم يابـس بعــينـه
خذو صبعه وتسلـب
البگـه براسـج يزينب
'''''''''''''''''''
وحـيده ام عـون ضلـت بيـن عـدوان
يشمتـــون علـى زيـنـب دون خــوان
ضحـك ومشـاور وشجابــج اهــنـا
اخت حسيـن نـدمــه بدون رحمــان
مشامرهـم عليهـه
وحجــار شبديـهه
كلبها وسفه خـيب
البگـه براسـج يزينب
'''''''''''''''''''
عـلي حـيدر الحـسينـي
#شهادة_السجـاد_ع
دموعك يبو الباقر .. من عملة العاشر .. مولاي مولاي
=========================
بثوبك تشم دخـــان الخـيمــه
بعينك شفت نســـوان بهيمــه
بأيدك اثر من سبي وضيـمــه
تخلص حــياتك
رمح وسهم وسيوف ومنـحر
نار وضمه و خيماتك تســعـر
طايح ابــوك ومـحــد يـنـغــر
تخلص حــياتك
من عاشر العاشـــر بچي بـس بالمـدامــع عينك
يلشاهدت كل الجره بطف كربله اعـله حسينك
شعلو خـيـامك نار .. من المـعـسكر دار .. مولاي مولاي
=========================
نايم ابوك وداسه الحـافــر
يالشاهدت ما صار بعـاشـر
والصار ابد مامثله صـايــر
ظل يطلب الماي
محد سگاه احسين بگطره
نزلو عليه وحـــــــزّو نحره
هذا اليرفسه وذاك يجـــرّه
ظل يطلب الماي
يشهك بصوته اعله الترب من الرفس لو عطشان
الف وتسعمية جـــــرح ماسِـلــم بــحـسين امچان
وجروح ابوك اهواي .. عطشان وبلا ماي .. مولاي مولاي
=========================
من خيمه الخيمه اتفر النسوان
اطفال ازغــــار ابنـص النيران
أه يلعليل بوحـــدك حـــيــران
نــــــار و جــــمــــر
تذكر مصابه تصب دمــعـاتك
طف كربلــه يــزيـد بلوعـاتك
وسط الزلم راحــــــن عماتك
نــــــار و جــــمــــر
نار وجمر والطف غـــدت مابيــه نـاس ترحمك
يمك سبوهن نســوتك وحـسـيـن طايــح يمـك
ياحيرة النسوان .. شردن من النيران .. مولاي مولاي
=========================
باقي الجرح كل عاشر يكبر
لميت ابوك اهــنــاك امطشر
تِـعـثـر تگــوم وترجــع تِعـثر
وكــت الـــدفـــن
تطلب يجيبون الحـصـيـــره
نزلت دموع وحسره چبيره
لا ناصــر ولا مــن عـشـيـره
وكــت الـــدفـــن
وتلم ابوك من الترب وحسين صـــايـر طـــشّـار
من وحـده باقي بكربله والعسكر اعليه مـن دار
وتلمهن اوصالـه .. يامصعب الحالـه .. مولاي مولاي
=========================
✍️عباس مالك العفريت
نسألكم الدعاء
ابوذيات
الامام السجاد ع كان منكوب ومهظوم
----+++++++++++
بعد ماصادف اعيونك فراها
زماني ابعيد حرثتنه فراها
عيوني افراكم. بيده فراها
وعلي صار النهار اضلم عليه
يبويه الظيم اجانه گطه عنه
مـامطعون مسلم گطه عنه
انه گلبي المصايب گطه عنه
باگن كل معاني الفرح بيه
يتامه الدهر قيد ودرجانه
مشت لضعون غصبن ودرجانه
يطارش رد لبونه ود رجانه
گله ابن ادعي اتمرجل عليه
مصطفى خزعل المشتتاوي
نعي مفجع
الأمام السجاد (ع)
يخاطب السيده زينب( ع)
بعد وفاة السيده رقيه
تـصـعـب عَلـي تنــزل دمـعــتي
وگـبـال عـيـنـي مـاتـت اخـتـي
عَـمــه يـعـمــه اتـعـذّري انــتـي
زحمه العده اتـشـاهـد عَـبـرتـي
اتشَيّب الگـلب هـايه مـحـنـتـي
وهـل جـامـعـه حــزت رگـبـتـي
صبري انـكسر كـون انـكسـرتـي
خــافـن اثــر لـسـيـاط شـفـتـي
جـثـت رقـــيـــه لــــو دفـنـتــي
واشـكـم جــرح بـيـهـه حسبتي
أتحزمي ابصبر بـاچـر يـعـمـتـي
*---------------*---------------*
✍خادم الحسين ع
الشاعر رعد الجريخي
شهادة سيدي ومولاي الإمام علي السجاد عليه السلام
{ ما بين شام وكربله }
ما بين شام وكربله ... عشت المصاب بأكمله
يا فجعه تتحمل يزين العابدين
..........................................................................................................................
يرابــع شمـعــه من اشموع أهل البيت
خلص عمـرك نحـــيــب بكثر ما عانيت
مذبوحـــه اعله شِـفــتك كلمـــةْ اتهنّيت
رحت للطف علـــي بــــس يا علي ردّيت
شيّبت يا رابع جرح ... والأهل كل راس برمح
وامصيبتك زادت يزين العابدين
..........................................................................................................................
يــعــاشــر مــن مُـحــرّم گاطـــع آمالك
چم مصرع شفــت يا ســـيــــدي إگبالك
مــثــل نـــار الــمُــــخــيّـــم نــــار دلّالــك
يا عُــمـــر الـبَــعَـــد بالـــنــوح يحــلالــــك
عمرك حزن حسره ودمع ... عايش هضم محني الضلع
وشلون تتصبّر يزين العابدين
..........................................................................................................................
العِلم عـــنــد الله گــلــبــك چان يتفطر
جسد بالخيمه بــس الـــروح مـــــا تگدر
رِكْضَـــت ويّا ابــوك ابــطيـحـــــت الأكبر
تـشــوفـــه شلون يجـمـــع جسمه الموذّر
يا خويه چانت صيحتك ... طيحة رواسي طيحتك
ما تنخفي الونّه يزين العابدين
..........................................................................................................................
ولا يخــلــص نـحـيــب الـتـهـمــل ادمـوعه
شــفــت جــســـام لــمّــن طــفّــــو اشموعه
العرس عرس الشــهــــاده ورمــلــه مفجوعه
اعله چفّه اخــضـــاب دم مــو حنّه مطبوعه
عريس دمّه حنّته ... وارماد صارت خيمته
لشبل الحسن تنعى يزين العابدين
..........................................................................................................................
صـــرت كلّك دمـــع والعــمـــــر يتبدّه
وعمّك طـــيــحــتــه يا شِدّت الشِــدّه
إذا ظهر الحُسيـــن إنــكــسر من فگده
شــصـــار بحــال زينــب والضعن بعده
من خيمتك صحت بألم ... عمّي يشيّال العلم
طيحتك ضهدتني يزين العابدين
..........................................................................................................................
الأشد چانت عليـــك ودم تصـــب العين
من هدّت أُميـّه بكــــربـــلــــه صــوبيــن
من گام الشـــمـــر يطـْـبـــر بنحـــر الدين
وحوافر خيل سحگت صدر أبوك حسين
مشهد فِجَع گاع وسمه ... مذبوح ظنوة فاطمه
يا والدي تنادي يزين العابدين
..........................................................................................................................
جروحك يا عــلـــي الســجـــاد ما تــشـفــه
لأن ســـبـــي الحـــرم عــنــــد الشــهـم كلفه
يـــســــاره كل ربــيــبـات الخـــــدر تـصـفــه
الأشـــد بالســُــوگ باچـــــر للحَــرم وگــفــــه
كل نظره من شامت سهم ... كل خطوه مرسومه بألم
هيچي خلص عمرك يزين العابدين
..........................................................................................................................
خادم الإمام الحسين عليه السلام
عمار هليل الواسطي
شور
تدرون لمن فاركتكم
ضيعت روحي وضيعتكم
انه زين العابدين
**
كل يوم عيني امساهره الليل
يفراكم ما خله كل حيل
انه العليل البيك ذبحوه
وبنعمة الله اطشر الخيل
فوگ الترب كلكم عفتكم
ضيعت روحي وضيعتكم
انه زين العابدين
**
كل الردتهن عكسن وياي
وكل ما درت يوجعني مكفاي
من البواجي وحركتي اعليك
ما تروي كلبي برودة الماي
تشلعون كلبي لو عفتكم
ضيعت روحي وضيعتكم
***
احتاريت والحيره جبيره
يالوحدك تسوه عشيره
ما صارت ولا رايح تصير
دنيه بكبرها تمشي اسيره
يهل الرحم لحگو اعله ختكم
ضيعت روحي وضيعتكم
****
عالباب عيني وتجري الدموع
وصوابكم واصل للضلوع
ليش امن اون توجعني العيون
ومن البواجي نفسي مكطوع
ضهري انكسر من ودعتكم
ضيعت روحي وضيعتكم
*****
ذبيت روحي اعله الجنازه
ويالعازتك يابويه عازه
ضليت ادوس اعله الجرح حيل
مثل اليدوس اعله الكزازه
والمغربيه اتذكرتكم
ضيعت روحي وضيعتكم
****
بيناتنه العباس مخنوگ
وامنين ما تلزمني محروگ
الخلتني كلش اوصل الموت
العماتي من جابوهن النوگ
اتفزعون للخدر ردتكم
ضيعت روحي وضيعتكم
**
تمت
تحسين الخفاجي
العشگ فطره ولا ينباع////بالسم
وصرت للجرح يالسجاد///بالسم
بعد نار السبي بحشاك/////بالسم
انچو گلبك غدت نارك سرية
____
الزمن وبمغرياته اشكثر////مناه
أبي وطلگ الدنيا ورفض//مناه
آه اعليك يا لسجاد ////من آه
اشكثر متحمل آهات واذية
____
بيك انعرفت التقوى/////تجاره
وسفه الماعرف قدرك///تجاره
بكثر ما ساجد الربك////تجاره
دمع عينك عله اعيال الزچية
_
النعي
ما بطلت ونك ولا هاد
تخلط دمع عينك اويه الزاد
چفك التنطي خبز ومراد
تنشد حبل يازين العباد
____
انته الصرت فيي الخواتك
ولميت العيال ابعباتك
امأمنات بيك امخدراتك
ماقصرت واللوم فاتك
_
الشاعر حيدر الخفاجي
كعديه بحق الامام السجاد (ع)
دمعت حزن وهموم الايام
من كربله ماخذها للشام
بدموعه الحزينه
ماخذها الضعينه
من كربله ماخذها للشام
١
بلوعته السجاد يمشي شايل همومه الثكيله
المرض حد حيله وتشوفه لو مشه مهدود حيله
شاف اهله اعله الوطيه صرعه وتصدع دليله
وتسأله ياهو الاذته
بكربله وذوبت مهجته
ايجاوب وتنزل دمعته
وي الشمر مشي العقيله
ويلي الخدر واتشوفه الارجاس
لمن مشينه بغير عباس
والباري يعينه
ماخذها الضعينه
من كربله ماخذها للشام
٢
دمعت السجاد حيره بطلعته من الغاضريه
ينظر العمته وخواته بلوعته وهضم الرزيه
ماتوقعها اعله باله عمته ينظرها سبيه
شاهدها زينب طالعه
ومجتوف هوه بجامعه
وأصوات توصل مسمعه
سكنه ضربوها و رقيه
منظر عجيب ابدمعت العين
عالرمح شاهد راس الحسين
للشام بونينه
ماخذها الضعينه
من كربله ماخذها للشام
٣
علي السجاد بمواقف مرها شغلت ذكرياته
من دخل سوگ النوايب اهل مابي بس شماته
الوادم اتگاطفه احجار وگام يشگف عن خواته
ناكته الهزله مايله
واتحز ركبته السلسله
ينظر بعينه العايله
وياهضم ليل اليباته
موقف يهزه وهمه عالنوگ
ايشاهد خواته طبن السوگ
شامت يحدي بينه
ماخذها الضعينه
من كربله ماخذها للشام
٤
وصل للشام بدمعته وبالدفوف استقبلوهم
علي السجاد بهضمته يمشي ويعاين عليهم
گعدوهم بالخرابه سكته مايطلع بچيهم
من بعد لوعات القصر
السجاد لحظاته التمر
خلصها بدموع وصبر
وعالرمح ينظر وليهم
حاچه الرمح يابويه ماشين
لرض المدينه بدمعت العين
ومچتفين ادينه
ماخذها الضعينه
من كربله ماخذها للشام
٥
من رجع لرض المدينه عمره خلص بالنياحه
يبچي لحسين ومصابه من يمر ليله وصباحه
علي السجاد بحياته ماسكن لا شاف راحه
خلص حياته بالدمع
ذايب مثل ليل الشمع
لحسين والكسر الضلع
أبد ماتنشف جراحه
ودع حياته بليل الاحزان
ماشرب ماي ومات عطشان
والارض المدينه
ماخذها الضعينه
من كربله ماخذها للشام
المصيبه
هذا ليل الحزن هذا والهموم اتدور بينه
علي السجاد وحياته خلصت برض المدينه
چبدته مسمومه تلهب راح بهمومه الحزينه
زين العباد بلوعته
هالليله سموا چبدته
خفاقه تبقه رايته
نرسل الليله دمعنه للگبر برض المدينه
ابوذيه لسان حال مولاي المظلوم الامام السجاد عليه السلام
ذبِح راحو هلي وخلّو بيه الداي
الشمر حبل السبي شـــدّه بيداي
ويضرب عمّتي ويشتــــم بيداي
وكلما اگله كافي ايطگ رقيــــــه
خل الدمع عالسجاد
مثل النهر جاريه
@@@
ويلي على الما تنحسب آلامه
ولجله ندگ فوگ الصدر والهامه
ابضيم الدهر صار الدهر ظلامه
وعنه صفت هالايام
ابدمعة قهر مرويه
@@@
ابعاشر محرم كل جرح ماخله
حتى استوه ما ينهض امن العله
اتوچه عصاته والجدم مااتحمله
علة اوشكت بيها الروح
من البدن مطويه
@@@
اه اعله هضمه ابكربله عانه اجراح
وكل اهله قتله او والده مات اذباح
شافه ابعيونه عالمهر لمن طاح
دارت عليه الجيمان
واصبح وذر مفريه
@@@
واعظم مصايب كربله ابعينه شاف
روس ارفعوها عاليه ابليه اچتاف
وعالغبره متوزعه ابثراها الاطراف
چفوف واصابع واعضاء
متطشره او مدميه
@@@
وتالي السبه زاد الهضم فوگ الفوگ
وشايف خواته وعمته ابهزلة نوگ
چف انزرگ من الضرب لو محروگ
وسب الشمر للحواء
اشگد الگلب ماذيه
@@@
طب الدواووين اشعمل بي من آه
وطول العمر بس على البواچي خلاه
لما الدعي ثغر الولي طگ بعصاه
وابن الدعي ابراس حسين
خله الدمه جاريه
@@@
ويلي لبن سبط النبي هالسجاد
ضاگ الامر بعد الامر ابليه اضماد
هيه چبد وحده اله وموش اچباد
اشگد بالهضم مفتوته
وبالسم صفت مرميه
@@@
علي أحمد الحمود
٣١-٧-٢٠٢٤
شهادة السجاد ع
شهادة السجاد ع
سالت ادموعي عله الماي
ذبحو احسيني عله الماي
وليه بالطف انوله//ذبحو انصاره وهله
عله الماي //عله الماي
___
كربله فطرت دليلي وشفت بيهه شماجره
ابوي اسمعه يريدناصرماكو واحد ينصره
طلعت اتوجه عله صبري وحيلي مابيه مقدره
عمتي زينب رجعتني المثل زينب يامره
بنار وبلوعه نجوينه
كبالنه ذبحو والينه
آه ياطف كربله//شفت بعيوني البله
عله الماي //عله الماي
___
ساعه لن الكون غبر وختلف لون السمه
تحول احمر يعني ذبحو والدي حامي لحمه
يصهل الميمون اجاني چن يگول المضلمه
من جروح حسين مهره صابغ الهامه بدمه
بروسكم لطمو الايادي
داسته خيل الاعادي
بالرمح راسه عله//روعوها العايله
عله الماي //عله الماي
___
علت بالخيمه المناحه وصارت ابواچي ونين
ولنهه عمه تصيح زينب ياعلي طاح الحسين
هجمت الخيل وزلمهم ولأجونه مفرهدين
حرگو خيمنه علينه بس حرم وبلا معين
وابتدت كل المئاسي
شاب ياهلناس راسي
گيدوني بسلسه //اشتكي لرب العله
عله الماي// عله الماي
___
صحت یاأم عون عمه ليله بالهيمه نبات
لمي لطفال و حرمنه كافلج ياعمه مات
تحضّري باجرسبيه چفوف اديج مربطات
وناگتچ مابيه هودج هزله من دون البنات
يصيح هايه الاميره
بيدنه صارت اسيره
يضّربج اكبال المله/يلي چنتي مدلله
عله الماي //عله الماي
___
يطرچ اعله النهر نيته يجرح احساسچ يريد
يگرب الراس ويضربه گبال عينچ بالحديد
من تصيح اطفال يمچ تنضرب بسوط اكيد
تعاونــو يا عمه كـلهم دهـرچ و شمر ويزيد
هذه بمتونج يضربـچ
وذاك بالـديوان سبـچ
يريدج تذلين الـه//ونتي ايــه منـزلـه
عله الماي //عله الماي
___
تمت والحمد لله
بقلم خادم السجادع
الـــــــملا ياسر الزيادي
النوگ شبعوهن رفس
وطبينه للكوفه امس
تلگونه بطبول وعرس من طب ضعن زينب
شبعو ضعن زينب حجر
والله أخزينه من النظر
والاف بسوگ البشر كلبي قهر شيب
شيبتني الناگه واليحدي اجنبي
تميل بيه وفرفحت من السبي
الكوفه ماترحم مره ماعدهه عون
دموع زينب بت علي منگعه العبي
مايشيلن ايدي من الحبل
مجتوفه مجتوفه
چم ساعه زينب علهزل
بلكوفه بلكوفه
والصعبه والماتنحمل
مكشوفه مكشوفه
000000000000000000
حادي الضعن مابي رحم
وشجم طفل منه انهظم
وتبجي ويمبچاي الحرم محد رعه عيالي
نوح المره مبجي الأبل
ام تنعه ابن فوگ الهزل
مسحت دمعه بلحبل چي فاركت غالي
وفاگدات وناحن النوح العجيب
ام تودع اوليدهه ضامي سليب
ناحن بنوح الثكاله وفاجدات
ناحن ونص الهزل ماتت نحيب
التنتخي برمح الولد
لملاگه لملاگه
والتنعه ماعدهه سند
علناگه علناگه
الشالت ابجفهه المهد
مشتاگه مشتاگه
000000000000000000
بذيجه الخرابه سلهمن
ومن التعب وگفه غفن
جنهن سعف نخله نحنن ليل ونهار امشي
ويلي عله حماي الخدر
وبلضيم حالي ومايسر
مجتوفه حادينه الشمر ذب الدمع رمشي
بلحبل ربطو جبير بصف زغير
ماكو راحه وليل ونهار المسير
نميل وي الناگه من تمشي وتميل
اني عفت حسين تابوته الحصير
كثر البجي يوگف الكلب
مهضومه مهضومه
صار الامر خويه صعب
مالومه مالومه
اني العفتكم علترب
ملجومه ملجومه
000000000000000
ما خايفه من ارجفت
مقهور عباس انشفت
ساعات بلباب وگفت سوطه گضه متوني
من طب ضعنه أجمعو
وگفه التعبنه أتحزمو
كلشي علزينب گاطفو شمرو عله ضعوني
ضيم شبعن من وراكم خايفات
طفال ماعدكم شجاكم يلشمات
لكلشي شايل بيده شمر علدلال
واهليه حجارهم فوك البنات
ياخذنه ويردنه الشمر
فرونه فرونه
بلسوك ساعات شكثر
خلونه خلونه
تهضمنه الحجايه التمر
سبونه سبونه
صباح جهاد
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بالغرب وحدي عمه يالمهدي احضر لعمتك
ــــــــــــــــــ
حيرتي يوليدي حيرة ودهري متحزم الي
ومن اريد انهض انادي يا محمد يا علي
جفني غيمة من المادمع بالهظم من يمتلي
روحي قربان يصبرها قربتاً من تبتلي
بالحمد ابدي عمه يالمهدي احضر لعمتك
ــــــــــــــــــ
عمه يالمهدي بغيابك وانته تسمع قصتي
من وكع شايل علمنا مني وكعت دمعتي
أظهر وشوف الجرالي عمه وانظر حسرتي
قلبي ما يحمل مصيبة وحزني يشرح حالتي
والزمن ضدي عمه يالمهدي احضر لعمتك
ــــــــــــــــــ
عمه من حرگو خيمنه بلا خيم ظل الخدر
ياصبر ينفع جرحته ويادمع يكفي الصبر
من بعد عزنا وفخرنا وي ابو فاضل عمر
جابوا النوگ الهزيلة وصعدونه بكل زجر
والغرب يحدي عمه يالمهدي احضر لعمتك
ــــــــــــــــــ
تدري يالمهدي من اجينة لكربلة من أرض الوطن
لا نخاف ولا نبالي بهالسفر يبن الحسن
والله حاطتنة السلامة وبس أمان اعله الضعن
وهسه نمشي بلا سلامة من غدر هذا الزمن
يا نفع يجدي عمه يالمهدي احضر لعمتك
ــــــــــــــــــ
من بعد موت الهواشم والله ما ظل كل أمل
لا عشيرة ولا حماية وغربة ما واحد سئل
عالرمل ذبحوا أهلنا وهسه احنا بلا اهل
وضاگت الدنيا الوسيعة عمه من عودي انجتل
مابقوا عندي عمه يالمهدي احضر لعمتك
ــــــــــــــــــ
اني أكابر عالمصايب والألم نفس الألم
قلبي من ذبحوا اخوتي يحترك وي الخيم
وعيني من دمعتها صارت جنها جود وبي سهم
ولدي فدوه اعله الترايب حيلي لحسين انهدم
فدوه كل ولدي عمه يالمهدي احضر لعمتك
ــــــــــــــــــ
يمتى تظهر يا فرجنا وتأخذ بثار الذبح
وبظهورك يا علمنا وامرك بحق يتضح
والضلامة الحنا بيها عمه والهم بنشرح
ينجلي لليل المصايب باجر وانته الصبح
ياشمس وعدي عمه يالمهدي احضر لعمتك
ــــــــــــــــــ
الشاعر زين العابدين الشمري
( شوط كربلائي عن حب الحسين )
سبحان الخلق الحسين ، وإنطاه أحلى البشاره
بحيث الماله ناصر چان ، إنــس وجــان زواره
***************
سبحان الخلق الحسين ، الماظل واحد ينصره
سبحان النِصر الحسين ، وبدّل وحدته بحضره
سبحان الوِضَع لحسين ، ذِكــر بـالعالم بأسره
من كـل بقعه بالكوكب
من كل دين كل مذهب
واجــب للسبط ينحَـب
سبحان التِـرك أديــــان * يم حسين محتاره
***************
سبحان الحِرَس الحسين ، وخـلّـه زايّره بعينه
وخلّـه كــربله بكل عــام ، تستوعب مـلاييـنه
وخلّـه تِـخــدم الــــزوار ، بــس الوادم الزينه
وخلّـه المعجزه بـزاده
وخلّـه المعجزه مراده
وسواها الخَدَم قــاده
سبحان الخلَـق لحسين * اخوه عباس وأنصاره
***************
سبحان الخِلَق عبــــاس ، للكلفـــات راعيــها
بحيث الحاجه للمحتـاج ، من ينطيها ينطيـها
وبحيث الصعبه للـــزوار ، من يگظيها يگظيها
سبحان الخِلَق چفّه
التارس كربله وكـفّه
الشابع مرجله وعِفّه
سبحان الجَـعَل عباس * لأجل حسين تصياره
***************
سبحـان الـزِرع لحسين ، بشر كل عام تمشيله
بحيث الشايب بممشاه ، يسبگ جيل مو جيله
وخلّـه الزلم والنســوان ، مــن اتذكره تبچـيله
طفل تــوّه الــوكت جــابه
بچـه عله حسين ومصابـه
ومواكــب ينصـــب ابّـابـه
سبحــــان الزِرع لــحسين * عشگ بصغاره وكباره
***************
هنيال الوطـن بحسين ، وهنيـــال الشعب كِـلّـه
نِـحمِــد الله مِن خـلّاه ، بنص هذا الوطـن وأهله
چـا غير احنا مخلوقين ، لأبـو الهيهـات للـذلّـــه
سبحان الله واسلوبــه
العــاف الكون ودروبه
وخـلّـه بنصنه محبوبه
الحنّـان والمنّـــان ، جَعل هذا الوطن داره
***************
كرار الجوراني
شمات دربي من ركضت
مجبوره عالتل صعدت
........
ياخويه جيت اشكيلك
ولگيته ميت حيلك
كل جيشهم يم الخيم
احميني خويه دخيلك
ستر الله صار بلا ستر
جا ويني وين اليسر
يحسين انه ام الخدر
معقوله امشي ويه الشمر
مابينك و بين الخيم
كبلي اجت تمشي الجدم
ماطايحه بعين الشمس
يولوني ماعدهم شيم
راح الخدر وتسلبت
مجبوره عالتل صعدت
حسين اه
...............
شوف التراب براسي
من فارگت عباسي
جا ليش طاحت رايته
خنذكره خافن ناسي
خلي يشوف بعينه
چويات ال برجلينه
الماي ماريده بعد
خيطفي نار البينه
معقوله ما يسمعنه
چم صوت صاحت سكنه
ياعمي اشر خل نشوف
ليا كتر ركضتنه
ياريت من قبلك متت
مجبوره عالتل صعدت
حسين اه
..............
حاچيني كونك سالم
ليش على وجهك نايم
يحسين غير نومتك
بنومه جنك هايم
بعيون زينب حسره
تبچي وتحاچي الزهره
يايمه زحمه وليدج
عاري يضل عالغبره
يايمه بيش نشيله
خل نلطم ونبجيله
علگاع بوسات النبي
الشمر حضر خيله
غطيته بالشله وصحت
مجبوره عالتل صعدت
حسين اه
............
حاجيني ماكافي بُعد
مليت خويه من الفگد
راح امشي وحدي لخميتي
گلي ترد لو ماترد
چا من اعوف اخواني
راح امشي وي عدواني
ياوسفه انه ام الخدر
ضاع اسمي ويعنواني
المن يبعد اهلي اشتكي
لا امي يمي ولا علي
انه وخرابه وعيلتك
وچتال اخيي شامتي
راسك يجيبونه بطشت
مجبوره عالتل صعدت
حسين اه
…
محمد عيسى المنصوري