4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
السيده زينب ع اتخاطب الأمام الحسين ع
نعي مفجع
كـون الـونـيـن اطـيّـب الـجـروح
يـــمـــك اونـــن وَنّـــت الــدوح
ونـصـب عَـزه وصيوان بـالـنـوح
يـحسيـن حـد ما تـطـلـع الـروح
كـون الـونـيـن الحالـك ايـفـيـد
وَنـي عـلـيـك اجـيـب الـبـعـيـد
لاچـن بـعــد هـيـهـات يـاحـيــد
اجروحك ألمهن ماضن ايـهـيـد
كـون الونيـن ايـفـيـد يحـسيـن
چـان ابونيني امـلـي المياديـن
وضـمــاد اسـوي دمـعـت العين
ونــوح دون الـوكـت وكــتـيـن
*------------------------*---------------------*
✍خادم الحسين ع
الشاعر رعد الجريخي
ركضت وكاض ضهري == بگـلب تعبان تدري
اعله كبره حسين يعثر هاي غربه
بنص الغربه وايطـيح == الله اوكـبر ايـصـيح
حسـين اعـليك يوكـف راح گلبـه
شاهد الله عباس == اعله خوك تشمتت ناس
وكلهه ابوجه اخيك مـات صعبه
وحكك خـويـه عـباس +++ مـن يـمـك ولا روح
شيردني لذيج الاخيام +++ وانـت كبالي مذبوح
بنفسـي يا اخي كـوم +++ شبعت اعليك اجروح
ويلي == يم تعب حسـين ابـهل حال
ويلي == كمت اشويه وضهري اتمال
ويلي == كسري اعلـيك ايـهد اجـبال
اخي اخي === قـلـت حيـلتي
اخي اخي === وبانت كسرتي
===========================
اعله راسك صافن هواي === تكوم اشلون وياي
ابـ علي لمن اشيلك حاير امـنيـن
كلـبي ايـنود يـمـك === اشما حط ايدي الجمك
يـكون اليـوجـعك يـندار بحسين
وحك الخوه والبيك=== ميت حركه اعليك
شما باوع لعـينك اصـفگ العين
احط ايدي اعله كلبك === وكلبك شفته مو زين
يوكف ينبـض اشـواي === مـو تعبـته الحـسين
فـدوه كـوم عـبـاس === ونـرجـع احنه الاثنـين
ويلي === وعز اعـيونـك ياخـوو ام عون
ويلي === مـن اتكـوم امـشيـك اعـيون
ويلي === وكلبي الضامي اعليك ايهون
اخي اخي === قـلـت حيـلتي
اخي اخي === وبانت كسرتي
===========================
(العباس )اعليك عباس === رد يمشيب الراس
ترضاهه اعله اخوك انصاحله اوحيد
يسيد وجه الحسين === يشيخ اهل الصواوين
اشيـفـيد المـاي بعدك خويه شيفيد
طلبه وكلـبي اعـذره === اخـيّــك گـــوم مــره
وخل اتشوف ناس ابضـهري اعضيد
شريد امن الله يا خوي === تمشي كبالي بس هاي
وركض اركض للـخـيام === وصـيحـن جبته وياي
علي كول وهسه عباس === تـرد ابـخـير يعـضاي
ويلي === بــعد ادمــوع وحـرگ انـيـاح
ويلي === گـام وگـلـت ابـ خير {وطـاح}
ويلي === منـهـه ومـا بـعـد انه ارتــاح
اخي اخي === قـلـت حيـلتي
اخي اخي === وبانت كسرتي
===========================
الآن انكسر ضهري === وقلـت حـيلـت امـري
وشمت بيه عدوي اكبال وادم
وادم كلهه شـمات === اخـوك اتصـيحلي مات
لا تبقى اعله راسه اتكوم لازم
اشما تحجيله ميكوم === ومن الخـوه محروم
حرمناك امن اعز اخوان هاشم
تسمع يابو فاظل === الحجي هاذه اعله بختك
يخو الماله ضهر كوم === وارجـع دونـه لـختك
وخذوهه كبالي عباس === وبــدوهـااا جـربتك
ويلي === كـسـروو كلـبي اعـليك اهواي
ويلي === ارجـــع لـســكـيـنه ابــلا راي
ويلي === لا جــربــه ولا انـــتَ اويـــاي
اخي اخي === قـلـت حيـلتي
اخي اخي === وبانت كسرتي
===========================
راح ارجع للخيام === ابـ تعب وابعثرت اجدام
واصـيحن مـات ابو فـاظل اطلـعن
امن افرعهه عباتي === يلـطـمـن كـل خـواتي
عليـك امـن البجي لـعـيون يـعمن
طولي هاذه والحيل === يـصيـرن مـاي للخيل
اعله اخوك ارماح بعد اشويه يدون
امن اطيحن يا بوفاظل === خواتك ياهوو الهن
وبعد اشويه الاخـيام === يروحـن خـويه كلهن
خدرهن صعبه يا خوي === يطـلع يـا خـدرهن
ويلي === اعله الـتل زيـنب مـن تطـلع
ويلي === الــ عز كـلـبـك لا مـا تـرجـع
ويلي === واعـله الــخــوه دم تــدمـع
اخي اخي === قـلـت حيـلتي
اخي اخي === وبانت كسرتي
===========================
سجاد ابراهيم الكعبي
حزني عاشور،، عمري منذور
للحسين ومصابه،، دمعي فاتحله بابه،، وللجزع باب
كلها ساعات،، وتعله الآهات
للخيام الغريبة،، وللجسوم السليبه،، الفوگ التراب
كبل لا يوصل محرم ناصب بگلبي عزاء
ونيّتي بهاي الليالي دمع نصرة لكربلاء
بيوم عاشر أدمي راسي وبلطم مالي اكفتاء
هذا شهرك ماكو أعظم عندي من شهرك،، حسين
بهل الليالي ما أدور بس رضاة امك،، حسين
--------------------------
أنه كل عام،، بهاي الأيام
مصيبتك حيلي تهدم،، طيحتك گلبي تلچم،، ضامي عريان
من اسمع الصار،، وانته محتار
مابين خيمة خواتك،، مابين صرعه فراتك،، وانته عطشان
حيرتك بين المخيم والهوه جنب الفرات
وحيرتك بيدك رضيعك جبته لأمه ضامي مات
وحيرتك حرگ الخيام وركضن بهيمة البنات
حيرة ياهي المنهن اكثر شالعه گلبك،، حسين
بهل الليالي ما أدور بس رضاة أمك،، حسين
-----------------------------
اقل شي كون،، أعمي العيون
وناري تبقى بدليلي،، لغربتك فدوه حيلي،، بهذا المصاب
مصابك اچبير،، وهذا تقصير
ما عميت النواظر،، وانته عالشاطي باجر،، تشوف العذاب
آخ يا باجر كسرتك من عضيك يُستجار
وطيحته يعني بعيونك ينگلب ظلمه النهار
ولو هوه ساقي المخيم تبقى عطشانه الزغار
من تطيح الرآية يعني ينكسر ظهرك،، حسين
بهل الليالي ما أدور بس رضاة أمك،، حسين
-----------------------------
كربلة جروح،، ودمع مسفوح
لا مايخلص بچيها،، والسبعة ناحت عليها،، بدمع سچّاب
الزهرة بمصاب،، وفوگ التراب
عدها ابن ويلي عاري،،ظل بشموس الظهاري،، بدم الخضاب
دمعي ويه الزهرة باقي شما بقى بيها ونين
تبچّي كل اهل السمه بشهگتها لو صاحت حسين
وانه ويه الزهرة انوح شما مشت بيه السنين
بيك مفجوعة ولگتّك منگطع نحرك،، حسين
بهل الليالي ما ادور بس رضاة أمك،، حسين
----------------------------------
شلون نرتاح،، وعالرمح راح
راسك ويه السبيه،، وجسمك اعله الوطيه،، بحافر انداس
هااي متصير،، زينب تحير
بالظعن تحدي اجانب،، تالي تدخل خرايب،، جبيرة ياناس
قبل ما صارت يوادم بالعرب هايه محال
الهاشميه شلون تالي تمشي مچتوفه بحبال
اعليها محروگة خيمها وابو اليمه اعله الرمال
عگب ذيج العشرة بالله شلون ودعتك،، حسين
بهل الليالي ما ادور بس رضاة أمك،، حسين
----------------------------------
حسين علي التقي
اللهم أجعل محياي
دمعةً للحسين
في عزاء الحسين
على حب الحسين
------------------------
اللهي أجعل حياتي خدمته وحبه
واجعلني وجيهاً مرتجي بدربه
اللهـي اجعلهُ اول زائـر الـقـبـري
واجعلهُ شفيعي بساعتي الصعبة
اللهم أقبل عذري
ياسميع الدعاء
وألهمني البكاء
على حب الحسين
------------------------
اللهي لا تزغ قلبي عن الخدمة
وخلي گلبي بس حسين ملتزمة
لا تشغلني بالدنيا عن اجروحه
ولا تسلبني دمعي لجرح ابو اليمه
اللهم اشْدُدْ أَزْرِي
بمصاب الذبيح
وأجعلني قريح
على حب الحسين
-----------------------
اللهي لا تُنَسّيني مصاب الطف
وعلى المثلي اللهي بكربله اتلطف
وأشغل كل جواريحي بهوى الحسين
و أزرقني دمع لمصابه ماينشف
اللهم أجعل ثغري
بذكره لهجا
وقلبي هائما
على حب الحسين
------------------------
اللهي أجعلني منن يسعدُ فاطم
لمرضاها مطيعاً خادماً لآطم
ليّن قلبي حينَ العِبرة والعَبرة
وأجعل كفي في كف الهدى لازم
اللهم قوّي على
سعيي للرضاة
وأرزقني حياة
على حب الحسين
------------------------
اللهي أزرقني نصرة آخر العترة
كحّل عيني منه سيدي بنظرة
ثبتلي قدم صدق بظل غيابه
أنتظار ام البنين أرزقني انتظره
اللهم أكحل عيناي
بأمام الزمان
وبهِ المستعان
على حب الحسين
-------------------------
حسين علي التقي
في حق الإمام السجاد( ؏) أيام السبي
عله الغيــرِه السَلام
امگيّد بيــــد اللئام
وينـــــــه الي رافگني ويگلّي بسلامه
هاظمنِي امشي اويا العده وبلا كرامه
يرمي ابڪلامه سهَام
ذاك الذبَـــــــــح إِِمام
ــــــــــــــــــــــــــــــــــــــــــــــــــــــــــــــــــ
شايـِــل خلگ گد الأرض بس يا هظيمه
علويه وترافگ كفُــــــر امصيبه عظيمه
لكنــــــــــــها هيبتنه كفو تمشي حليمه
اتردد باسم عبـــــــاس ثورَه مو سليمه
الگـــالت اذلّ اشام
گول وفعِل تــــمام
مشتريــه عزّه الها تصَافحها الشهامه
محروسه بت حيدر نيَاشين الفخَامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــ
تمشي الأميره بالضعن اتصفي الحساب
حسين هو حسينها وتــــــرجع للمصاب
اتگلي عمــــــــــه اليسر مايرحَم أحباب
وجهي اديره امدنگه ماتشوفـه الجناب
الشرف أكبـر وسَام
ماريــــدن أي مقَام
نتــــــوڪل اعله الما إله ابداً ختــامه
ونشهگ عشگ حيدر علي ابو الإمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــ
مرَاكض بنات حسين وسط الحومه هزني
وهاج الحـــــزن بيمن تلوذ وظهري مَحني
دامي السمِه إِبراس ابوي اگبـــــالي هَدني
وجْزع مصيبه امچتف اعله النـاگه سبني
الدنــــيه چن ضَلام
جرح وحـــــزن ألام
ابچف الزغار من الحبل صارت عَلامه
بُعــــــد المسَافه جـرح اخدود اليتامه
عله الغيــرِه السَلام
ــــــــــــــــــــــــــــــــــــــــــــــــــــــــــــــــــــــ
ابذمة كفر نمشي انـــه وعمتي سبايه
انلم بالحزن نشگف سياط من البدايه
انچن باليتامه ومستعز بيـــها الرعايه
ابوكت الضلام بلا ضوه نفرش عبايه
ابدمي ســـــرَه الإلهام
أحرص ابروحي ايتام
ابطيفي اذا مرني العزيز ابلايه هَامه
يجيني ويشوف الخِـــدر كلهن نيامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــ
ابوجه الليالي نـــوگف انسولف حزنه
ننعى سويّـه امصاب ابواليمه سندنه
ذبلن اعيوني ما اشوف الطف عمتنه
والناگه هزّله اعثـــر وطيحن عذبتنه
نبات ابلا خيـــــــــام
ينــــــظر علينه العام
ياريـــــت عم الساده ذاك ابو الجهامه
ايحَشم الهاشم تجـــــي تحظر عمامه
عله الغيــرِه السَلام
ـــــــــــــــــــــــــــــــــــــــــــــــــــــــــــــــــــــــــــ
الشاعر: حيدر مكي النصاري
¹⁷محرم ¹⁴⁴⁷
مولاتي العليلة ع
راح أنتظرك ،، وأصبر ما باليد كل حيلة
يذبح هجرك ،، تدري بحالي وآنه عليلة
يـدواي وبـفراگك علتي
راح اشتاگ لچلمة بنتي
يارب صبرك،، تدري بحالي وآنه عليلة
-----------------------
آخر ليلة حد وجه الصبح أنطر
گعدت انه وخواتي بسفرته انفكّر
نسيت العلة گد ما گلبي مستبشر
گلت هسه ابوي بهودجي ايحضّر
من الفرحة ماحل نومي
يم ارقية امخليه هدومي
وانطر فجرك،، تصعدني من قبل العيلة
-------------------------
خـلّـص لـيـلـي وانـه لهاي ملهوفة
يجي باجر واخلي چفوفي بچفوفه
أشبگتني ودمعتك يابويه مذروفه
أحجي بگلبي كتلك كبرت الخوفه
من گتلي بهاي تعذريني
گتلك أكدر ياضيّ عيني
لا ما أتعبك،، والرايحله أكدر أمشيلة
---------------------------
حسيت برحيلك ماله أي رجعة
لأن آخر نظرتك جانت بدمعة
حلفتك اخذتي بداعت البضعة
ساكت بس أنينك سمعته السعبة
لونك يتغير كل ساعة
وصَبّرت بگلبك وأوجاعه
گلبي يعذرك،، الله وياك وكل تسهيله
--------------------------
گـتـلـك راح أتاني منك اخبارك
ودارك يعني گبري بغيبتك دارك
خليلي اعله بختك واحد امبارك
بعد حزني وهمومي ويامن اتشارك
يالماخذهم كلهم غفله
خليلي امبارك عبدالله
بي من عطرك،، بفراگك يابويه أشكيله
---------------------------
الهوى يخنگي بويه بالنفس جارح
أحـس بـهـذا دربك للـذبـح رايح
شفت الغربة بعيونك وألم سارح
تـصـدلهم عطاشة والظعن نارح
وتصد لظعنك بالهيمة
وزينب محتاره بلا خيمة
ينزف جرحك،، وحوافرهم بويه ثگيلة
----------------------------
حسين علي التقي
حيرة مولاتي ام البنين ع
والله حيرة
من تروح اعزاز گلبك
وعازتك الهم جبيرة
والله حيرة
بهل الظعن كلمن تحبه
رايح وتعرف مصيرة
والله حيرة
من تظل بعازة أهلك
الدنيا بعيونك زغيرة
من گلبك ايگرّصك عليهم
بكل دمعة تتذكر حچيهم
بس تدري مامش رده ليهم
الفراگ اشلون. كابوس احلام
كل لحظة اتصير. بفرگاهم عام
--------------------------
بسد ضياعك
اتاني ياگلبي بهجرهم
ودمعك ابليلك متاعك
بسد ضياعك
حته بيتك هم يغربك
تحس گاعك ماهي گاعك
بسد ضياعك
تخيب كل آمالك گلبك
وگلبك اعله الغربة طاعك
بكل مغربيه ايضيع حيلك
و ايوشّـل الـدمـعـات ليلك
تـتـمنه يـم بـابـك خـليلك
من يلفي الليل. ماتدري لوين
يزرعك بالشوگ. وتزگيك العين
-------------------------
شلون بلوة
أبـالــك ايـام الـمـحـنـة
وتبقى بس للماضي تهوة
شلون بلوة
ابيت الاحلام التحبهم
تبني تطلع گاعه رخوة
شلون بلوة
من تعيش ايام سودة
ويمر طيف ايام حلوة
شيمحيها بالراس التفاصيل
الخلت نهاري يشابه الليل
الخلت احلامي نار وصهيل
من تغفه تشوف. وين اليآذيك
تگعد مجبور. الهم ايبچيك
-------------------------
أمنياتي
هودج بظعن الفواطم
وياهن اگضي كل حياتي
أمنياتي
اشگف اسياط ويه زينب
وبالسمش تحمرّ عباتي
أمنياتي
بالخرابة ويم رقية
أهناكه لاگتني وفاتي
أمنيتي جانت امشي اسيرة
ويه زينب ادخل ديرة ديرة
وبالشام لحظاتي الأخيرة
هناك اتمنيت. بطبت الظعون
بدروب الشام. ميته ويه ام عون
------------------
شلون دنيا
هاي بالله شلون دنيا
تنسبي الجانت أميرة
شلون دنيا
تروح حرة بعز خدرها
وترجع بهزلة أسيرة
شلون دنيا
الخلت ام عون لوحدها
بلايا خيمة ولا عشيرة
هالدنيا من تفتر هضيمه
تخلي العزيزة بلايا خيمه
ومشتها ويه الماله قيمه
دنيا ويه ام عون. ماخلت حيد
المهيوبة شلون. تدخل ليزيد
---------------------------
حسين علي التقي
مولاتي أم البنين ع
آنه ام البنـيـن ودمـعـي يـهـلـي
رافگني الحزن من شالو أهـلـي
بليلي إيوچ حنيني
لحسيني وبـنـيـنـي
---------------------------
آنـه أم الـفـاگـدّه اظعـون الـمـحـنـه
من المدينه روحي شالت ويه ظَعنه
بصبر يايعقوب چم يوسف أتـانـي
ايرد قميص حسين حلمي وأشمنه
أتاني اثمنطعش كوكب مشالي
والبظعنه مشو كـلـهـم غـوالـي
يبارحـنـي ونـيـنـي
لحسيني وبـنـيـنـي
----------------------------
حيـلـي راح امن السهر ومن المتانه
ضوه يثرب راح ظعنه وشح ضوانه
تـغَـربت دور المدينه أخـلاف وجهـا
يـا وطـن يآمنه وحسـيـن الچـفـانـه
بـعد يا وطن والـشايـل وطـنّـه
أنه وبيتي عگب حسين ضِعنه
الأمـان أمفارگينـي
لحسيني وبـنـيـنـي
----------------------------
بليلي أصفن عالنجم وأذكر خطاهم
وصرت أگله ريت انه نجمه بسماهم
يانجم لـيـل الظعن أعكسلي صـورة
خل أشوف شحالهم شنهي الدهاهم
ينجم الليل دليني بـمـكـانه
ومشتـاگه أصد لعيونه آنه
شگد عطشانه عيني
لحسيني وبـنـيـنـي
-----------------------------
آنه كـل عمري نذر أبقـى بخدمته
ولـو أمـرني بالبقاء أخدمـلـه بنته
بالنيابة عني گلت لولـدي خـدمـوه
طيحو دونه ولا تظل بالغربة أخته
طيحو گباله كونه يرد سالم
ولايبقى الظعن بالهيمة هايم
المهم سالم يجيني
لحسيني وبـنـيـنـي
----------------------------
شگد يحبون الحسين وبيهم أدره
وخوفي ليقصرون وياه ولو ذرة
أنه مربيتهم نـذر بـس لخـيـامـه
بيهم أفخر حته يم فاطمة الزهرة
ميقصرون أدري عن نصرته
بس خوفي ترد مسبيه أخته
وسبيها يعمي عيني
لحسيني وبـنـيـنـي
-----------------------------
حسين علي التقي
للحزن هاشم بنت صيوانهه
والعّلي السجاد يوم أحزانهه
~
اليوم من شجرة محمد چن فرع
فارگ الدنيا اوعليه هل الدمع
مات من كثر المصايب منفجع
وحزنت اعليهه الارض واكوانهه
~
المر على السجاد ما شافه بشر
آه يا حاله شعمل بيه الدهر
چم گلب هاليوم لمصابه انكسر
الدار هاليله انهدم بنيانهه
~
زين العباد المرض هد حيله
اولا اخو ظل عنده وإيتچّيله
راحه ما شاف ابنهاره أو ليله
وكربله بروحه دوت نيرانهه
~
شنهي حاله ألعاش لوعات الطفوف
وشاهد العباس مگطوع الچفوف
بعينه مرسومه بقت ذيچ الحتوف
والمصايب بالگلب نيشانهه
~
عينه بالدمعات ظلت سايله
عاشت ابروحه مصيبة كربله
شاف ابو اليمه طريح اعله الفله
عيونه سالت بالدمع نهرانهه
~
آه من زينب مشت وي الغرب
ظل علي السجاد مجروح الگلب
عالغيور شلون هالموقف صعب
ضاع ميزان العدل واوزانهه
~
خل نواسي فاطمه اعله اولادهه
فگدت العتره علي السجادهه
والسمه تبچي اعله زين اعبادهه
وسدت شيوخ العرب ديوانهه
~
حيدر بشار الدراجي
أبصولات علمه السجاد خله الْعِدَه محتاره
★★★★★
وَسَّع قواعد كل كتر شعبيه
وكثف عواطف للخلگ شيعيه
حتى الطفوف اتصير ما منسيه
وعاشر حسين المذبوح ماتنمحي آثاره
★★★★★
رغم الالم من جرح حاير دامي
وذكرى أليمه للشهيد الضامي
يسعى بعزم رفع الوعي الإسلامي
حَصَّن ابعلمه الاسلام وزال الجهل بأفكاره
★★★★★
قَدَّم مدارس للخلگ فكريه
وحَشَّد منافذ للعلم ثوريه
بزوده تضل طول الوكت محميه
من الظلمه طلعها الناس صوب العلم وأنواره
★★★★★
شماحارب الطاغي النهج ويعادي
بأسلوب ثاني نشر دين الهادي
صوت الصحيفه بالدعاء اينادي
سلاح الدعاء الفَتَّاك يزيح الظلم وأخطاره
★★★★★
من أول حياته ولنهاية عمره
راعي اليتامه واليحيير بأمره
بحر الكرم من جوده اصبح گطره
ومعروفه غوث المحتاج كلمن سئل عن داره
★★★★★
زاهد وعابد للكريم وشاكر
سيف الدعا يوم الشدايد باتر
خط منهجه ومعناه يوم العاشر
زلزل دعاءه الأشرار يامن تريد أخباره
==========================
الشاعر حسن لعيبي الحريشاوي
ليلة ٢٥ /محرم الحرام /١٤٤٧
هجري الإثنين 21 \7 \2025
ليلة استشهاد الإمام السجاد ع
#ميمر #جديد_محرم_الحرام_١٤٤٧هـ
بين الامام السجاد وأخيه علي الاكبر سلام الله عليهم...
يا خويه والله حنيت .. تحضر منيتي اتمنيت
يالاكبر وتدري الاخو غالي
بغيابك شگد عانيت .. تانيت جيتك تانيت
يالاكبر وتدرى الاخو غالي
∞∞∞≈∞∞∞≈∞∞∞
على فراش الموت واتنطّر قدومك
هاي ساعة عازتك واليوم يومك
ادري معذور انت يالنزفن دمومك
وما الومك ما الومك ما الومك
مو بيدي لمّن انخاك .. وبـ آخر انفاسي اتناك
من اعضاي خويه انت عضو غالي
يلي بخدمتي اتفانيت .. تانيت جيتك تانيت
يالاكبر وتدري الاخو غالي
∞∞∞≈∞∞∞≈∞∞∞
عادة اليوگع يسندونه اخوته
گبل لا ينخاهم يسمعون صوته
الماتو اخوانه منو اليسمع نخوته
ما يردهم لا بكاءه ولا دعوته
حسره تظل حته الموت .. يحتاجهم للتابوت
وبلحده كون يوسدو غالي
تدفني بيدك ظنيت .. تانيت جيتك تانيت
يا لاكبر وتدري الاخو غالي
∞∞∞≈∞∞∞≈∞∞∞
کون هسه انت يالاكبر يمي حاضر
تشوف وضعي وتهمل دموع النواظر
اثر گید وجامعه بعظامي حافر
حيث ظل الباقر بتجهيزي حاير
الآثار هاي تبچیه .. وجسمي النحيل مأذيه
ويصيح يا فگد الابو غالي
ريتك بهاي اتعنيت .. تانيت جيتك تانيت
يا لاكبر وتدري الاخو غالي
∞∞∞≈∞∞∞≈∞∞∞
کون هسه حاضره اوداعي رقيه
تواسي اختهه سكينه وينوحن عليه
والعليله فاطمه تعود بشچیه
بموت اخوي تصيح ما فزعو اليه
تعتب عليكم يبعاد .. حضرو بمصاب السجاد
مأتم لاخو سكينه انصبو غالي
وانه عليهه ونيت .. تانيت جيتك تانيت
يا لاكبر وتدري الاخو غالي
∞∞∞≈∞∞∞≈∞∞∞
خويه يالاكبر گظه عمري ترانه
بعد يم الوالد اصبح ملتقانه
بالجنان حسين يجمعنه بحنانه
واگعد احچيله شجره يوم الجفانه
ارویله اصعب ايام .. ما بين كوفان وشام
درب السبي وجرح العدو غالي
من البجي ما عنيت .. تانيت جيتك تانيت
يا لاكبر وتدري الاخو غالي
∞∞∞≈∞∞∞≈∞∞∞
يا علي اتباعدنه شو حتى بأجلنه
عاد لو بس بالگبر ملتم شملنه
ما جره على اخوان يالغالي مثلنه
اسم واحد لچن مرتین انقتلنه
روح احنه وحده بجسمين .. علي وعلي ولد حسين
بخوتنه والعشره كفو غالي
لاچن وسف متهنيت .. تانيت جيتك تانيت
يا لاكبر وتدري الاخو غالي
∞∞∞≈∞∞∞≈∞∞∞
یاسر حسن
ميمر للامام السجاد عليه السلام
ويـــلاه يـــا گلـب السجاد
مستعــره ظلت نـــاره
*
لــو ردت أوصــف محنتــه وآلامــه
بيش ابتدي بجــروحه لـو بسهامــه
ابطف كربلــه لــو بالسبي وأيـامــه
كله جرح گبل الذبح
لو احچي ما يوفي الشرح
جــــرح البگلب السجاد
مـــا تنمحـــي أثــــاره
*
ابطف كربله ابـدي وأعــد أجروحه
چــم مـره عالغبـره يشــاهد روحـه
فـوگ التــرب انصار اله مذبــوحه
بعابس كبّر بگلبه الأثر
وجون وبرير أضحو وذر
ومن وگع شيخ الأنصار
بحسره نعّــه أنصــــاره
*
جرحــه نــزف للأكبــر وطعناتــه
وابن الحسن زيّــد عليـــه آهاتـه
من شاهد حسين ونظـــر دمعاته
بگلبه سهم عِلٍّه وألم
وچم بدر عالغبره انخذم
وينظر لبو اليمه يلوع
وبگلبــه تسعــر نـــاره
*
ولمّن سمــع عمّه الگمر عالغبره
وي والـــده السجــاد لازم ظهـره
بحيــره يشاهـــد عمّتــه منتظـره
صوب النهر تربي النظر
محتاره ما رد الگمر
منه رجع محني حسين
وعيــونه دم تتجــاره
*
لمّــن سمع نــار الضمه مشتعله
بگلب الطفل لا دمــع حتى يهلـه
بچفوف أبوه ويرتوي من النبله
گلبه انفجع نحره انگطع
ومثل الطفل هوه أنصرع
چم مره مـر بيه الموت
ضامــي أوِرد أنهـــــاره
*
ومن ودّعه حسين وبـرز للعسكــر
وفوگ الرمح ينظرله دامي المنحر
نــاده لوَّن جسمــي يبويــه اتــوذر
وفوگ الارض شاهد ترض
خيل العده صدر الفرض
نــاده يريت أعلى الگاع
جسمي صفــت اكتــــاره
*
شاهــد خيّــم بعـــد الذبـح مستعره
وشاهد حرم مچتوفه كلها وأسـره
أهنــاه علي السجاد مــات بحسره
حسرة الم لجل الحرم
لمن وگــع راعي العلم
ما چانــت ابدن عالبال
تظل الحــرم محتـــاره
*
نــــار السبــي مــا تنطفــي أبدلالــه
بقصر الرجس شاهد ابحسره أعياله
بعينـــه يشـاهـــد منشـــرح چتــالــه
انوبــه نَظر ذاك الثَغَر
من الخيزرانه أعليه اثَـر
ويضحك وفرحان أيزيد
ينظــر دمـــاه اتجـــاره
*
آه السبي يــا محنتــه ويــا هضمه
كـــل المصـــايب بالسبـــي ملتمـه
مــن الخرابــه جرحـه ينزف دمّه
بصوت الحزنْ طفله توّن
تغفه تريد ألها بحظن
كله دفــو بس يا حيف
مــاتت ابشوگ إخبـاره
*
الشاعر
موسى البديري
نعي عن لسان الامام علي بن الحسين السجاد عليه السلام
عليل ومااشيل الحيل ونهض
انبره جسمي الجسم مطحون بالرض
حسبتي ماتزول ويوم تنفض
راح المثل فرض الدين وافرض
يشايل عطر جنة بگلب فواح
يبويه شلون راسك شالته رماح
عليل ولاتظن استچن وارتاح
تمانع حسرتي من اچلاي تنزاح
بمحاملنه تشيل وتنهب اعداي
ردت ترجع يبويه وتنهض وياي
عليل وماتشيل. السيف يمناي
گالوا مابعد. للظعن حماي
يبويه ماجفاني النوح مره
ولاگلبي ابتشر لافرح مره
إنه المرت عليه ايام مره
خلافك ماتمر ليش المنيه
الشاعر حسن لعيبي الحريشاوي
لاستشهاد الإمام زين العابدين عليه السلام
ينوح العليل وگلبه خلصان
ينوح العليل وگلبه خلصان
★★★★★
ذكره الطفوف احزان وهموم
من ذاك يوم بگلبه لليوم
علخيَّم حين التمت الگوم
بعد النهب مشتعله نيران
★★★★★
گباله الصور مرت على العين
وجيوش تفتر حاطت حسين
نهب وسلب حرگ الصواويين
من كل كتر هجمت العدوان
★★★★★
هَجَّت أعيال حسين للبيد
بيمن تلوذ وإلمن تريد
كلما ذكرهم لوعته اتزيد
وكل طفل لازم طفل حيران
★★★★★
السجاد يذكر شمل الاطياب
احباب راحوا بعد الأحباب
غِيَّاب شيردهم. . الغِيَّاب
تحت التراب ابدور عدنان
★★★★★
بليلة وفاته تسيل العيون
يذكر الحال بزينب اشلون
اتلم اليتامه لايضيعون
محتاره ظلت ام الأحزان
★★★★★
وكت المنيه وگربت ابساع
ياهو اليحضره بيوم الوداع
وسفه الاهل ضمتهم الگاع
شلون الوداع بدون خِوِّان
★★★★★
مثل اليطفي النار بالنار
نار الدمع والخد جمر صار
هاي اخر الساعات بالدار
جسمه نحيل ولونه ذبلان
ينوح العليل وگلبه خلصان
الشاعر حسن لعيبي الحريشاوي
ابوذيات إستشهاد الأمام السجاد ع =====================
بعد ماصادف اعيونك فراها
زماني ابعيد حرثتنه فراها
عيوني افراكم. بيده فراها
وعلي صار النهار اضلم عليه
==========================
يبويه الظيم اجانه گطه عنه
مـامطعون مسلم گطه عنه
انه گلبي المصايب گطه عنه
باگن كل معاني الفرح بيه
==========================
يتامه الدهر قيد ودرجانه
مشت لضعون غصبن ودرجانه
يطارش رد لبونه ود رجانه
گله ابن ادعي اتمرجل عليه
==========================
الشاعر مصطفى خزعل المشتتاوي
ليلة ٢٥ /محرم الحرام /١٤٤٧
هجري الإثنين 21 \7 \2025
#أبوذيات
#جديد_محرم_الحرام_١٤٤٧هـ
#شجاعة_قمر_الهواشم #شوط_كربلائي
يــوم الـجـــرد الـبـــتــــار رجـفـهـه الـزلـم والخــيـل
تعنه لـسـاحـة الــمــيــدان وصاحوا مـن بعيد ادخيل
*---------------*---------------*
يـعرفـون الـگـمـر عـبـاس زوده امـجـرب اوسـيـفــه
مايخطي الضرب بالروس وطـبـعـه ايـلـگـط ابكيفـه
مـن يــوم الـحـسـن لليوم يـتـانـي يـاخـذ ابـحـيـفـه
مـــا نـــاســـي هـــذاك الـــيـــوم
يـذكـــر دفـــنـــت الــمــســمــوم
عـــبـــاس ونـــــزل لـلـــــگـــــوم
نــهـار الــعــاشــر ابــزوده عــلـيــهــم بــدّلاه ابـلـيـل
*---------------*---------------*
قــيـامـة كـربـلـه قــامــت بـطـل وتـخـيّـل الـحـومـه
يـاهـو الـگــابــلاه ايـمـوت ابسيفه ايـشـوفه محتومه
شـيّـال الـعــلــم مـذخــور ٱلْــهـٰـذ الـمـوقـف اويـومـه
إحــــــزام وظــهــر لــحــســيــن
حــــيــــد و لازم الــصــــوبــيــن
إتــفــر الــــعــــســــاكــــر ويــــن
راواهــم يـمـيـنـه الـمــوت يشـبـه نـفـخـة ٱسـرافـيـل
*---------------*---------------*
كلها اتحيرت هــــالــيــوم وزلـمـه الثـبـتـت اجدامـه
إجـاهـه امسرفن الـذرعان ورخّـه ابـحـومـتـه لْـثـامـه
مبخوت الـسـلـم مبـخـوت و فــر امـدنّــگ الــهــامــه
الـوصـلّـه ابـروحـه مـا يــســلــم
ســـيــــفــــه لـلــعــده امــعــلــم
جــمــعــهــم يــعــرف ويــعــلــم
صـولات الگـمـر لـو صـال غـضـب وٱتـنـزّل السجيل
*---------------*---------------*
شـبـيـه المـرتضى الـكـرار الـضـربــه او لا يـثـنّـيـهـه
الـمـراجـل تـشـهـد لعباس وٱتـلـوگ اعـلــه راعـيـهـه
الـرايـه اتـفـاخـرت بِـسمه تـرف وحـگـهـه منطـيـهـه
بـــــركــــان انــفــجــر بــالــــزود
وتــفــخــر رايــــتـــه والــجــــود
مــشــهــود الــفــعــل مــشــهــود
هــذا الــيــشــبــه الـكـرار خـالسهه الـزلـم والـخـيـل
*---------------*---------------*
للعـسـكـر طـلـع مـغـضـب ونـار الــغــيــره بـعـيـونـه
عـلـيـهـم تـيّـه الـمــشــراد ودخـيـل الـكـل يـنـادونـه
ما يـرحـم ضـرب سـيـفـه أبـــو فـاضـل يـعـرفـونــه
مــحــد يــــقــــتــــرب يـــگـــدر
مــــن ســيــفــه الـسـلـم يُــنــدَر
وارث مـــــرجــــلــــــة حــــيــدر
صـگــار الــزلــم مـعـروف خـلّاهـه الـرگـاب اتـسيـل
*---------------*---------------*
✍️خادم الحسين ع
الشاعر رعد الچريخي
أستجداء الدموع من مولاي الرضا ع
يمولاي الرضا ادخيلك عبدك گاصد اعتابك
دخيل برئفتك مولاي طالب حزني من بابك
تحّيي محجر اعيوني بنظرة برئفة أعجازك
يمهيج اصل المصيبة
اطلب دمـع للـغريبة
يالضامن اضمن دمعتي
حزني بس بابك يجيبة
عبدك يتاني طلبته ابابك دخيلك
هالعين مدمعها برد جاي اشتكيلك
حزمني شو چنه برد گلبي لحزنكم
يصحه بضمانك سيدي بس مدله ايدك
ياسيدي الرضا ياسيدي الرضا
------------------------
عـزائـي استفتحه بذكرك واتذكّر مواساتك
اشوفه بس حزن عمرك من اقره برواياتك
گلت يبن شبيب أبچي وسالت قبله دمعاتك
يبن شبيب ابچي كتله
كلمن يحب هذا فعله
هالعين المن وجدها
لو ما بچت بيها علّة
هالعين چاا شنهو نفعها بالله هالعين
لو ما نزل منها دمع لمصاب الحسين
والبشر لو ما كسر گلبه لهل المصيبة
مـعـنـاهـا ماعنده گلب لاذمة لا دين
--------------------------
حرگتك للطف ابغيرة وتخلّص مأتمك حرگة
انطيني غيرة يا مولاي لأم اخيام محترگة
خل اسحگ شكو بيه للي اضلوعه منسحگة
خليني أبچي لغربته
الطلعت خواته بذبحته
ودارت عيونه لخيامه
وشافاها محترگه بأخته
غايّرة اعيونه لخيمته وشالته غيرة
وما شاله حَيله لرجعته شيخ العشيرة
گام و وگع فوگ الوجه من شاهد أخته
تطفي الخيم واهل الخيم مذهولة حيرة
--------------------------
گـلـت يبن شبيب ابيوم أبچو للبقى وحده
الـظـل يتلفت بهيمة لا صحبة وأهل عنده
الصاح ورد صدى صوته وآلآف العده ضده
ناده ادركوني يصحبي
وماعنده نـاصـر يّلـبـي
وبـس العليل ابخيامـه
وأخته على حاله تربي
ظـل بـغـربـتـه ويـنـتـظـر واحد يهدله
حـشّـم اخـوتـه ولـلأسـف محد فزعله
وبـيـن الـنـهـر ومخيمه حيرت عطاشه
يوصل الماي وماشرب خايف عله أهله
------------------------
بچيكم واللطم مولاي حِچّة اعلينه عفتوها
لأن ام الحجج فاطم كل مجلس تشوفوها
دمعها شما يطول انتم تذكروها وتواسوها
چيف الي ذبحو ابنها
دايم عزاها وحزنها
وانتم بچيتو لبچيها
اعله الي تغرب ظعنها
الـطـلـعـت تنادي يـأم حـسـن ليه تعالي
يـايـمـه شـوفـي كربله اشسوت بحالـي
خواني طريحه اعله الارض وانه غربيه
حـرگـو صواويني ورگض فـرت عيالي
------------------------
حسين علي التقي
مولاتي الزهراء ص تخاطب المواسي
بأيامي الـحـزيـنـه
وينه اليدمي عينه
آنه ام الـمـصـيـبـة
واليبچيلي اعينه
---------------------
هلّت ليالي الفاجعه
و اوليدي باجر مصرعه
كلمن يجيني بمدمعه،، دموعه ذخر
واليبچي عيني تشاهدّه
اليقرالي ماني الوالدّه
اليسعدني باجر اسعدّه،، يوم الحشر
اليحضر المجلس ويهمس بگلبه الحزن
واليواسيني ينطيني دمعه اعله الأبن
بالـقـيامه أجـيـلـه بـگـلـب مـطـمـئـن
بهل المجلس عبرتي
لحسيني ومهجتي
اليحظرله مواسي
مشمول بـنـظـرتـي
------------------------
أجر الدمع ماينوصف
واليتعب بأجره ضعف
بسيماء وجـها ينعـرف،، كلمن نِحَب
لا تهتم لكمن حچه
وتذكر أبني شگد بچه
من طاح اخيه وانتچه،، ظهره انحدب
تذكر امصيبة ابني وحيد بـغـربـتـه
خلصو اصاحبه واخوانه ظل بحيرته
ينادي هل من مناصر وشحت نصرته
بمصيبة حبيبي
المن جرحه مشيبي
اليّنصرني بدموعه
أجره من نصيبي
--------------------------
شهر النوايب خيّمتي
بهاي المجالس نصّرتي
ما ينحرم من نظّرتي،، كلمن جزع
سلماً لمن سالمكم
وين العليها منفطم
لمصيبة احسيني بهظم،، گلبه انفجع
وينه اليدور ويـنطر لـشـهـر الألم
وينه اليناصر وشاعر بحرگ الخيم
دمعته بعينه لحسينه ولراعي العلم
بس همه عزائه
ومابطل بُكائه
دمعته ويه أمامه
وعايش كربلائه
---------------------------
خدام يالعدكم علم
احظر عزاء المنلچم
ابني البقه بلايه هدم،، فوگ الترب
احظر بضلعي المنكسر
ما أكدر الطم عالصدر
وتدرن خدي منسطر،، من الظرب
مثل المضيعيه ادور بواچي المنجرح
بكل عزه حاضره ودمعتي لا ماتشح
وينه اليهل دموعه على ابني المنذبح
يبقى دمعي حاظر
للـمـا ظـلّـه نـاصـر
وتنلچمني ضلوعي
من اسمع بالحوافر
--------------------------
حسين علي التقي
عله الغيــــــــرِه السَلام.
.
حسين اول مره أندبه،، عني صعبه،، تروح
بده الطف بيه بنظرته،، و بدمعته ،، جروح
شگد كلتله بويه اخذني،، لا تخلني،، أنوح
تـدري يـابـويـه الـفـگـد يهضم تره
لـو عـفـتني ونـار گـلـبـي امـوجـره
صـعـبـة دونـك بويه أظـل امحيرة
بعيني شفت اضعون أهلي مهاجرة
شلون راح،، تمشي وتعوف العليلة
شلون راح،، أصبر جروحك ثگيلة
شلون راح،، الجنت اغفه بفي شليلة
لا تروح بويه تذبحني فرگتك
لا تروح وتترك بهالحيرة بنتك
----------------------------
انـه مـامـتعود بُعـدك،، گلبي عندك،، صار
الطفلة من تحب ابوها،، من اخوها،، تغار
يلي ماخذ كل اخوتي،، يلفي موتي،، اختار
أنه معلولة وتـريـد لـوحـدي أظل
لون ميتة ولا شفت هذا الـحـصـل
گبالي عيني انشالت احمول الأهل
وخـذه ثـلـثـيـن العمر دمعـي النـزل
گبالي شآل،، ظعن شايل عمري كله
گبالي شآل،، وخله فوگ العلة علة
گبالي شآل،، وبس نواعي الضيم خله
يل مشيت وعايف ابالي ضحكتك
لا تروح وتترك بهالحيرة بنتك
----------------------------
شصار بيه وانه طفلة،، وبيه علة،، شلون
صعبة من أفگدلي غالي،، بس مشالي،، ظعون
آخ يـفـارگ اليـحـبـني،، خـذه مـنـي،، عيون
مشو وعيوني طفه بيهاا ضوه
شگد تمنيت امشي وياهم سوه
خذو من عند النفس حتى الهوه
راحـو و عـافيتـي فارگها الـدوه
راح ابوي،، صار هندس بعده بيتي
راح ابوي،، وماخذ ابظعنه عافيتي
راح ابوي،، ومـالـفـت بعده منيتي
شكد هويت موتتي بساعة طلعتك
لا تروح وتترك بهالحيرة بنتك
-----------------------------
ضايعه روحي بهجرهم،، ردت منهم،، حيل
صـعـبـة بـفـراگ الغوالي،، يشل حالي،، الليل
حسين بحلامي اشوفه،، ترض ضلوعه،، الخيل
شـمـا انـام الليل ايگعدني الحلم
چن ببوي من العطش ماظل رسم
أتطـشـر الخيل بضلوعه وانه ألم
وعلى حـرگ خيامـه گلبـه منلچم
چنه طاح،، بهيمه ماكو احد ينصره
چنه طاح،، من الطعن وجروحه كثره
چنه طاح،، وداست الخياله صدره
بالاحلام شفت خيل اعله وجنتك
لا تروح وتترك بهالحيرة بنتك
-----------------------------
گمت احومن خاف طايح،، خدره رايح،، خاف
خاف عمتي انگال اسمها،، تالي ظلها،، انشاف
و بظعنها تمشي أسيرة،، ديرة ديرة،، طاف
خاف صارت عمتي مابين الغرب
احس عطشانه وتدور اعله الشرب
خـاف كـافلهـا انغدر نص الدرب
خاف صعدت تله مدمعها يصب
والخيام،، خاف شحت ماي بيها
والخيام،، خاف فرغت من وليها
والخيام،، خاف محترگة عليها
بويه خاف للسبي مآخوذه أختك
لا تروح وتترك بهالحيرة بنتك
---------------------------
حسين علي التقي
حـمّـلـن نـوگ الـسـفـر گدامي
والمرض حسيته بآد اعظامي
ردته أكلهم وحـدي لتخلونـي
ووصل للساني رچيف اجدامي
عثرة،، صار بلساني الحچي
حسرة،، بزاوية همي انتچي
كسرة،، وداعهم خلّص بچي
من ردت اكلهم،، بيه لسفرهم،، بس حالي يهضم
مابيه أگوم
كسرو دليلي ،، ماظلي حيلي،، من ذاكه ليلي
مامرني نوم
بويه حسين بويه حسين
-----------------------------
ردت اقنّع وآلدي اعله الگومه
اسحگت گوه اعالجدم ملچومه
أمـشـي گـدامـه ويـديـر اعيونه
رحت اخلي هدومي ويه هدومه
غربة،، وانه كاتلني الهضم
بويه،، گلته كلشي لاتضم
صعبة،، انه منك انحرم
من هسه اشوفك،، حزنك يطوفك،، صعبة اعوفك
بويه وغلاك
حاجيني چلمه،، لاعيني تعمه،، گوه ألزمه
دمعي بگفاك
------------------------------
گلت ما ينساني وانـه ابـالـه
وين ايريد ايخلني باليحلاله
ولو أمنيتي اصعد ويه ارقية
شما كمل هودج أصير گباله
بفكري،، گلت ماينساله احد
كسري،، خايفه ايكمل العدد
صبري ،، خلص والحيل انمرد
لكل هودج امشي،، دمعي اعله رمشي،، ماخله كلشي
وصعدو سوه
خوفي نساني،، گباله اتاني،، تعبي خذاني
وضاگ الهوه
------------------------------
وشـلّـتـهـا اعيوني وانه بحيرة
ماكو حل گبالي وامشي لغيره
گلت اروح لعمي واشكي همومي
أدخيله عندك گتله يابو الغيرة
عمي،، ترضه أظل مدوهنه
بهمي،، الليل مانمته بهنه
حلمي،، امشي وياكم انه
ويه الفواطم،، دلالي هايم،، ياگمر هاشم
سويلي حل
ياكون اسافر،، اوياكم واهاجر،، تعمه النواظر
لو وحدي أظل
-----------------------------
گمت اشوفن عمّتي اتحن ليه
أجت شبگتني وتصبّر اعليه
عمه اروح اوياكم؟ وگالتلي
شلون اشوفچ بالهزل مسبيه
كاسر،، خاطري حالچ صعب
باجر،، عمه نمشي يادرب
آسر ،، تره وبظعون الغرب
ياعمه باجر،، تعمه النواظر،، نمشي ونكابر
فوگ الهزل
اكبر هضيمه،، ماعدنه خيمة،، بظعني جريمه
يحدي النذل
-------------------------------
حسين علي التقي
عيني بفگدكم سهرانة تظل عيني بفگدكم
من ودعتكم چفني ما غمض من ودعتكم
مهظومه منكم يعزاز الگلب مهظومة منكم
لـمـة شـمـلـكـم أحـنلهـا شكثر لـمـة شملكم
ذبلت عيني من يوم المشيتو
وخذيتو گـلبـي ويّاكم خذيتو
ويلااه يهلنه ظعنهم مغترب ويلااه يهلنه
-------------------
يـعـزاز گـلـبـي ذبّـاح الـهـجـر يـعـزاز گـلـبـي
ماشوف دربي من كثر البچي ماشوف دربي
حسيته مسبي گلبي ويه الظعن حسيته مسبي
ماخذني تعبي جدمي أمورم وماخذني تعبي
يـومـيـه الجدم طر المدينه
هلبت ألگه أثر من الضعينه
--------------------
آنـه ام الـبـنـيـن ومضيعه أربـعـة آنـه ام البنين
مشغول بحسين كل فكري لچن مشعول بحسين
مدري مشو وين بدروب الفله مدري مشو وين
بـس لا مـطـاعين كلهم عالثرى بـس لا مطاعين
گلبي اعله الظعن ظل ايتلاشة
گـلـب أم واحس كلهم عطاشة
--------------------
تعبانه وأسال مامنهم خبر تعبانه وأسـال
والدمع وشّل ونيني ما خلص والدمع وشّل
والـحـيـل هدّل من كثر النشد والحيل هدّل
جدمي تعلعل ألحگ كل ظعن جدمي تعلعل
ياظعن اليمرني أنشد عليهم
اگلهم ماسمعتو شصار بيهم
--------------------
صاح ابن حثلم يهل يثرب بعد صاح ابن حثلم
والشوف غيّم أركضتله بلاوعي والشوف غيّم
صار ايتلعثم عـرفـنـي أم الـولـد صار ايتلعثم
گلي انذبح هم التتانينه بصبر گلي انذبح هم
الله يـعـظـم أجـرچ يـأم البنين
التانينهـم خـلـصـو مـطـاعـيـن
---------------------
حسبالي عدلين مذعوره اركضت حسبالي عدلين
ويه النساوين ثـاري بس عليل ويه النساويـن
عـبـاس چـاا وين طايح عالنهر وچفوفه الثنين
يـا أم الـبـنـيـن وعـزيـزج مـنـذبـح يا أم البنين
مذبوحه الزلم فوگ الوطيه
وزينب بالظعن ردت سبـيـه
---------------------
حسين علي التقي
مولاي السجاد صلوات الله علیه
عمري انگضى بهم
إمن الخيمه للسم…راحه ماشفت دوم
بـس أنعـى ويـلاه
ويـاكـربـلـه آآآآآآه ….من عاشر الشووم
من طاح ابوي اعله الثرى وأنه انضره صوبه العدو غار
يـاعـمـه فـرن صـيحـت مـا لـحگت شفت الخيم نار
عمتي بطلعتـي اتحيـرت وبيني صفت ومـا بين الـزغار
بنص خيمنه أجت خيل آل اميه
شنسـه والجمـر عـذَب رقـيه
وآنـه همـي كـلـه الغـاضـريـه
حگي لو هظم تخلص حياتي
گبالي بالفله يـركضن خواتي
بيهـا كـربـله ردتـه مـمـاتي
آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
دم يبجي لـو حـن
ويگضي العمر ون. الگلبه غيره مجروح
شما غمضت هـل
دمعـي ورسم تـل فـوگـه عَمِتي اتنوح
تفزع ببـوي إعله الخيم وانه ابألم وبيه الصبر مات
گاملهه شفته من سمع گام أوگع شفته ثلث مرات
نـزلتله بس خيل الغرب ما تنغلب تودعه اوكتها فات
يـاهي ودعت هيجي اخـوها
جوه حـافر الخيل ابـن أبوها
وعنه ع الهزل غصبن خذوها
وانـه انظره ومـا بيدي حيله
ع الترب بقى ومحد اليشيله
وشيبت قـهر عمتـي العقيله
آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
كلشي خذه الطف
ولا خـيـمه لاجـف وحيرة السبي اشلون
آنـه الـبـدي شـد
حبـال اهله ونهد گلبه من العيون
بجف عمتي شديت الحبل وبيد الطفل شرد انسه ياحال
لختي رقيـه إمـن أوصلت بحيره صرت دمعي دمه سال
گـالـتـلي وبـنـبـرة حـزن خويـه خشن بـدلـي الحبـال
يگضي بس قهر عمره المماته
العلهـزل نـظـر بـاتـن خـواتـه
والسـبـي الحرگ گلبه وحياته
ودعت أهـل والدنيا حومـه
العلـرمـل فـلا تسمه نـومه
ودمعي مانشف والهذا يومه
آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
گـلـت آنـه يـاريـت
ع الـدنـيا ما جـيت ..مـن دخـلـنه للشـام
دمعـي بقهـر صـب
خدر اهلي من طب .. القصره والحجي سهام
الشـام الترك بيـه كسر طول العمر شسوه بهلي الشام
ألنـه الملك گـاع وسمه وخدر الحمه تـالـي بخرابـه نـام
ضعن اهلي خلص بالغرب شگد بالدرب بيدي ادفنت أيتام
چـم گلـب يبس من الرزيـه
ودفنت بدي خـولـه وصفيه
وع الطشت غفت اختي رقيه
ماشفت هنه بس حزني شايل
الهسه بيدي اثر من السلاسل
وحنيت الظهـر مـن المهـازل
آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••••••
بدمعي رحت جيت
نـزور اهـلـي رديت…وتطفى نار الفراگ
الـرد الـهـلـه يـزور
ويـلـگـاهـم اگبـور …شحاله وهو مشتاگ
طشن ركاض بكربله..بنص الفله .. تجري الولي عين
مناشغ غدن يتناوبن..مـافـتـرن.. أنهدن بالونين
أعيون الرباب اتحيرت..وتلفتت.. يمشي الجدم وين
ابلا ولد مشت وفراگه حسره
والمصيبه أجت ما تلگه گبره
يـكتل الفـگد للـتوه عـمـره
من گبـر گبـر يفتـر جـدمها
وكـل گبـر تجي يكبر ألـمها
يطلع الأسم مـو گبـر ابنـها
آآآآآآه يا كربله آآآآآآه
آآآآآآه يا كربله آآآآآآه
••••••••••••••••••••••••••••••محمد الربيعي••••
وينه المحب وينه
خلي تهل عينه
بمصببة المسموم
السجاد والينه السجاد والينه
ه ه ه
ليلة حزن ليله الم. ليله وداعيه
ويه الحبيب الماغفت ساعه مآسيه
ويه الشفاه الذابله وعيونه مجريه
ويه المگيد عالهزل وعماته مسبيه
خلينه نبجيله
وبالدمعه نوفيله
انصاره واحبابه
ومصابه ماذينه السجاد والينه
ه ه ه ه
وينه المحب لبن النبي المابطل الدمعه
ولو شرب ماي بكل وكت بالمدمع ينگعه
عايش مصايب كربله وصارن عليه فزعه
الودع حياته بكربله هالليله خنودعه
راحت اهاليه
وعياله مسبيه
وعاف البطل عباس
عالترب وحسينه. السجاد والينه
ه ه ه
صايم نهاره والمسه عابد بساعاته
ومن يفطر الماي العذب يفيض ويه دمعاته
الينذبح جدامه الابو ماتهده حسراته
وفوك الهزل ويه العده مسبيه عماته
الاطفال والنسوان
وراس الابو عالزان
وتفتر عليه اعداه
والگيد بيدينه. السجاد والينه
ه ه ه
السجاد عاش النايبه بالعاشر بعاشور
شاف الابو وشاف الاخو الكل عالترب منحور
بيده دفن ال النبي ورد عالسبي مكسور
الله يعينه اشگد حمل من الظلم والجور
اليدفن ابو بيده
للعمر ميريده
اليفگدله مثل حسين
شيسوي بسنينه. السجاد والينه
ه ه ه
شهر المحرم صوبه بالخامس وعشرين
سموه وگطعو جبدته للساجد بن حسين
بفراش موته ومانسه للطف يدير العين
عالترب مرمي والده وكل اخوته ميتين
هالليله خنودعه
باللطمه والدمعه
ونحضر عزاءه دوم
هالواجبه علينه السجاد والينه السجاد والينه
==========================
الشاعر ابو احمد الهنداوي
ليلة ٢٥ /محرم الحرام /١٤٤٧
هجري الإثنين 21 \7 \2025
ليلة استشهاد الإمام السجاد ع
#جديد_محرم_الحرام_١٤٤٧هـ
عله بابي الهظم والنوح سجاد
ونه ابكلبي انفرش للاه سجاد
انه زين العباد وانه السجاد
ونه الذبحو هله بالغاظريه
==========================
انه السجاد ونجومي تهاون
واحس الحيل بمصابي تهاون
يهل تذبح شبل حيدرتهاون
ابوي ورت اشيلنه بديه
==========================
مصايب كربله ابكلبي سرالهه
من يوم الظعن يحدي سرالهه
حصره ابروحي ياشيعه سرالهه
شكولن شفت ابوي اعله الوطيه
=========================
اجت ام المصايب لاوت الحيل
بس اهات وهموم ونياحه
انه السجادطحت املاكف البين
مثل طير الوكع كسرو جناحه
لاويت الليالي بجور الايام
صلفه عيونهه كلهن وكاحه
==========================
اليالي بس علي بهموم عادات
ونه شنسه الجروح ابساع عادات
خذت منك زماني شلون عادات
تعلمت البجي صبح ومسيه
=========================
بعدني مانسيت ابكربله اشصار
وبعدذيج الصور تفتر عليه
انه زين العبادوكلبي بيه نار
تلهب ماطفت ناري السريه
خلت كربله بعيوني تذكار
دمعات المواجع والاذيه
=========================
انه السجاد وهمومي جوتني
عليل وبس مصايبكم لفتني
مثل جتف السلاسل جتفتني
يملج الموت المن عطلتني
=========================
عكب حسين ليش انته عفتني
انه تمنيت لحضات المنيه
ولاشوف الحصل بالغاظريه
وتمشي بالظعن عمتي سبيه
=========================
ولاشفت الجره بصرخة رقيه
ولاكدامي ماتت بين اديه
انه السجاد وهمومي عجيبه
غريبه الحال يالوالد غريبه
انه العنه مشه وايس طبيبه
وتالي السم يخمد كل لهيبه
=========================
الشاعر علي الحاج الصبيحاوي
ليلة ٢٥/محرم الحرام /١٤٤٧
هجري الإثنين 21 \7 \2025
ليلة استشهاد الإمام السجاد ع
#أبوذيات #جديد_محرم_الحرام_١٤٤٧هـ
مِن علي السَجاد مايِنشف دَمِع **
أنا السَجــاد ياهـــو إليبجـــي وَياي
فِقت يَعقـوب حِزنــي وَدمِع عيناي
على يوسِف بِجه صار ارمَد بِهاي
أغَمُض عيني آنــه وأشرَب إلماي
والحِزِن يِنعاد مايِنشف دَمِع **
راح آروي هإلجِره بِطف المُصيبه
حقيقـــه مـــو رِوآيــــــات وعَجيبه
صَحيفـــــه إنكِتبَت إبِدَمــع الغَريبه
أبديهــــا بِخيــــم جِثَــــــــــه سَلبيه
وِالعيله تِنباد مايِنشف دَمِع **
راح أبديها بِعلي الاكبَر قَضيه
هو مِـن آل النبــي أول ضَحيه
دَمِع إلبعيني إله صارت جِرِيه
كَصَدني إلخيمِتـــي وَلـزَم بِديه
بالطَف حِزِن ساد مايِنشف دَمِع **
دَمعَـة العِــــريس بِعيـــــون الفِوآطِم
طِلَـــع مِن بين الخِيـم شـاب الهِوآشِم
ذبَل وِبِوَسط الخِيــــم ياسَـــك يَجاسِم
زَفافــه إلمَعركـه إشموعه إلصَوآرِم
واليِطلُب أُمرآد مايِنشف دَمِع **
مُصايـب كربَلــــه والحِزِن يِسرِي
عَلَيــه إشتَـــــدَن ودَمعــاتي تِجري
كفيـل إلضَعــن سَجِـل (آ ) يَدَهري
يَخويه حسين صاح إنكِسَر ظَهري
ويلٌ حِزب عاد مايِنشف دَمِع *****
للمُخَيَـــم رَد أبويـــه حسيــن حايِر
والضَعَن عَطشان وِتحِيطه إلبِوآتر
أخَــــذ عَبدالله مــــــــابين للعَساكِر
أريــد إلمـــاي لِبنـــي كَلبــه شاجِر
بيا الألم زآد مايِنشف دَمِع *****
إمن الخيمه إطلَعِت وِأنَظِرت ظُلام
يَعمــه إتصيـح زينب ويــن إلأيتام
حِركَــوهــا عَلينـــــــه كِل إلأخيام
إلبينــــه صـــار ماصايِر بِألأحلام
مِن أنظُر إرماد مايِنشف دَمِع
*****
أدوِر وين زينب وَألقي نَظره
حَيَرنــي دِليلي وَحِرِت بأمره
مِن إبعيــد إجَت زينب إلحُره
تِكَلــي وآلِـدَك كَطعوله نَحره
مَرمي عالِوهاد مايِنشف دَمِع
*****
رِحِت مِنهِدم حيلــي وَمَرَض بيه
صوب إحسين إبن حامي الحَميه
مِـــن إبعِيـــد شِفتـه إعله إلوِطيه
تِسِحكَــه إخيول عَشـره أَعوَجِيه
وبزين إلِعباد مايِنشف دَمِع
*****
خادم الحسين
حاتم ماشاءالله الكاظمي
لاستشهاد الإمام علي بن الحسين السجاد عليه السلام. (وزن الحدي)
مابين صبره ولوعته. غير الحال ابسيرته
من كربله ودرب الفله
السجاد باني ثورته.
غير الحال ابسيرته
★★★★★
ابهم كربله الوسط النبض
اسس معالم للرفض
واول صحيفه تعترض
واتواجه افعال البغض
دين الله لازم ينحفظ
ايعم العدل فوگ الأرض
رغم الحصل صبره جبل
يطوي الظلال. ابحكمته
غير الحال ابسيرته
★★★★★
جيش الدعاء بكل كتر
جيش الصعب ماينكسر
يجلي الظلام وينتصر
ويْخيَّب أصحاب الغدر
كل دعوه ساعات الفجر
تمحي الشدايد والعسر
بسيف الصبر. گضه العمر
يجلي الظلام. وحيرته
غير الحال ابسيرته
★★★★★
اتوالت عليه اصعب فتن
خمسين وأكثر خلصن
من عمره باشكال المحن
حكم الظلم خله الزمن
حيره وغرب دار الوطن
حنوا على. ايام الوثن
بحبل العزم ظل ملتزم
بنهج العلوم الغذته
غير الحال ابسيرته
★★★★★
من يذكر ايام المضت
وبلطف اهل كلها گضت
چم حره تبچي اتلوعت
وللشام مسبيه. مشت
نار ابدليله. ماطفت
مثل المخيم. وَجرَّتْ
لمن خطب. شافوا عجب
حطم يزيد ابخطبته
غير الحال ابسيرته
★★★★★
بآخر عذابات السفر
بجرحه انطبع ميت اثر
وكسرين بالطف انكسر
مكسور گلبه. والظهر
لمن مشه وغاب الگمر
وحسين مگطوع النحر
نحبه گضه. وبالسم مضه
الهز الجموع بهيبته
غير الحال ابسيرته
الشاعر حسن لعيبي الحريشاوي
لاستشهاد الإمام علي بن الحسين السجاد عليه السلام (وزن تجليبه )
ذلها ابعزمه السيوف بعد ساعات الطفوف
من هاي النهايات بده السجاد ثورات
بعد ساعات الطفوف
★★★★★
حياة من العلوم ونهظه فكريه
هزم جيش الظلاله بثوره سلميه
بمواقف هزت العالم حسينيه
توضح سيرته وغايته القدسيه
قضية نصح وإرشاد نشرهن علي السجاد
من سحر العبارات بده السجاد ثورات
بعد ساعات الطفوف
★★★★★
زهد عيسى المسيح وسيرته وشكره
وصبر ايوب لاخر ساعه من عمره
وعزم طه الامين وهمته وفكره
صنع ثوره ابدعائه ونجحت الثوره
وضح كلشي للگوم الحق بياكثر دوم
من گيد المعانات بده السجاد ثورات
بعد ساعات الطفوف
★★★★★
هذا ابن الفصاحه من نسل هاشم
بصولات البلاغه حَيَّر العالم
ثارات الخيم والمارجع سالم
وثار الاكبر وعباس والقاسم
اخذ ثار المچاتيل ودمعه زينب ابليل
بعساكر للبلاغات بده السجاد ثورات
بعد ساعات الطفوف
★★★★★
على ظهور المعارف بدت حملاته
كشف وجه الخليفه وباطنه وذاته
العلم ميصير اهل الجهل ساداته
گلب كل الموازين بعباراته
وبهاي المظامين جدد ثورة حسين
من كلمة الهيهات بده السجاد ثورات
بعد ساعات الطفوف
★★★★★
دنه حدها المنيه وصلت البابه
جمع اهله يودعهم. واصحابه
الغدر معروف ماتنجهل اسبابه
بالسم چملوه اصواب لصوابه
اطمئن من غمض العين كَمَّل نهضة حسين
بدعاءه وبالمناجات بده السجاد ثورات
بعد ساعات الطفوف
الشاعر حسن لعيبي الحريشاوي
لاستشهاد الامام السجاد
عليه السلام ٣ دگات
حرگه وحزن وافراگ خلصت حياته
ماعافت السجاد نار الشماته
★★★★★
فارگ لذيذ الزاد واستقبل النوح
بالطف صِوَر للموت عن باله متروح
صورة گمر مهيوب علغبره مطروح
وصورة نبي منحور عينه الخواته
★★★★★
بالذكره يلگه الروح لو بعد عنها
من كربلا المايوم يخلص زمنها
ضل يجري بالشريان همها وحزنها
شگد عَذبَّاه البِيِنِ ومخالفاته
★★★★★
چم ذكره مرت بيه تجرح بالعيون
الطف سواد وليل منها اظلم الكون
أعيال بخيمهم نار المن يروحون
چم طفل فر مرعوب لاذ بعباته
★★★★★
كل دمعه تنزل نار تحرگ بالخدود
لا لكبر وجسام لاگمر موجود
ولاذاك ابوه حسين واصحابه الحيود
وياهم يريد الموت اغله أمنياته
★★★★★
حَزَّت بجلده أحبال ماخلت اچفوف
وگباله حرگ خيام ومخاطف سيوف
وبالهيمه عِلويَّات كاتلهن الخوف
ذكره التعذب الروح الساعة وفاته
الشاعر حسن لعيبي الحريشاوي
ماينساهن السجاد حتى ابنادم يذَكرَه
ايام الطفوف وياه نار وتلهب بصدره
★★★★★
لحظات الطفوف أثگال ينسه منها يالحضه
الفاگدله عشيره شلون يهَوَّد الجفن ويغمضه
چم حيد نذبح بالسيف وحافر بالصدر رضه
احزان الشافها السجاد
كل يوم اليمر تنعاد
يهل الدمع وكت الزاد
ويصد للماي يتذكر گلب عطشان للگطره
★★★★★
لفحات وسموم الطف شكثر مولاي خانگته
شينسه ياجسد مرضوض عشر خيول ساحگته
ينسه أعيال مرعوبين لوينسه هظم عمته
بحيره عمته ضلت
بلاوليان تتلفت
اعيال من الرعب فرت
اصعب موقف يشوفه هدم حيله و كسر ظهره
★★★★★
أبد ماترحل الذكره جرح چتال تبراله
حالت كل بدر مذبوح أويلي اسووت ابحاله
شحال الدنيا بعيونه الغريب وفارگ عياله
ولمن يفتح عيونه
مايلگه اليهمو نه
بحرگه يطبگ جفونه
واشد لوعات من فارگ عزيز الطاهره الزهره
★★★★★چ
أشد لوعات من فارگ اهله ابروح حيرانه
المدينه اظلمت كلها وحتى الشمس حزنانه
روحه من القهر ذابت غريبة حال خلصانه
بعد افراگ ابواليمه
النهار تساوه بالظلمه
يوم الغدرت الأمه
بسبط المصطفى المختار نبيهم خالفوا امره
★★★★★
بلوعة يوسف وبلواه وحزن يعگوب وآلامه
وصبر ايوب بالصعبات النوايب تِحدِي بأيامه
ياهو المثله بالوادم أبوه انذبح گدامه
وراح الاكبر وجاسم
بالحومه وگمر هاشم
بفعل كل غادر وظالم
راحوا كل هله الطيبيين يعني راحت العشره
=========================
الشاعر حسن لعيبي الحريشاوي
ليلة ٢٥ /محرم الحرام /١٤٤٧
هجري الإثنين 21 \7 \2025
ليلة استشهاد الإمام السجاد ع
#شوطي #جديد_محرم_الحرام_١٤٤٧هـ