4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
يا مهدي صاح بهالوضع ادركني
لمن وگع محسن امس ها يبني
وآنه صحتلك بالكسر وجروحي
و وگعت الباب بجمر موتني
من اجوا .. ما اگدر واندب علي
من اجوا .. هاي الوصيه امن الوصي
من اجوا .. ندبه الك يبني وهلي
يوليدي يا طلّاب شافي كسرتي
عصروني خلف الباب وآنه بغربتي
يوليدي يابو الثار صحت بدمعتي
يا مهدي ادركني
__
يا يمه ياليومج عذابي وغيبه
امن الندبه لليوم انفجع و امصيبه
ضلعي انكسر لضلعج امس بالعصره
ثارج على گلبي ويميني تجيبه
من وگع .. دمج نزف گلبي عمر
من وگع .. ابنج على تراب وجمر
من وگع .. ما تهده لجمات الكسر
معصوره خلف الباب مضروبه يمه
ضلعج تكسّر ليش يشكيلي دمه
مخلوسه خلف الباب يالزهره هظمه
يا مهدي ادركني
____
ليليه اشوفن رفستج يالزهره
واسمع نياحج والضلع و الكسره
وتلهبني نارج والجمر بضلوعي
وعيني اويه عينج من غربتي حمره
يا كوثري ... وبطولج اليجري دمه
يا كوثري .. ما كفت جروحي السمه
يا كوثري .. وطولج على تراب انرمه
يا يمه صحتي الغوث يا مهدي أبني
ويضربني ياهو الجان هذا الكسرني
هديتي يمه الحيل طولتي حزني
يا مهدي ادركني
___
ما طبگت عيوني وغفت مرتاحه
وحيدر اسمعنه يون ونياحة
من غسلج شاف الخدود الحمره
وضلعج صبح للمرتضى ذباحة
اطفه واشب ... ليليه يالزهره انكتل
اطفه واشب ... وگلبي جمر من الطفل
اطفه واشب ... وبعيني ممشاهه الهزل
يا يمه شفت حسين وكسرة دليله
وتشكيلج الحوراء باجر هزيله
راسه برمح مشيول يسبوله عيله
#محمد فرج الحريشاوي
سوره الكوثر غصب عصروها
وبالغدر بالباب من دفعوها
ــــــــــــــــــ
فاطمة نور الاله الما طفه
الله خالقها وي نور المصطفى
دافعت عن الولاية العارفة
وبظلم ام الحسن قتلوها
ــــــــــــــــــ
فاطمة اول شهيدة التنحسب
ظلوا أيتام بفگدها بلا ذنب
شلون روح الهادي طه و تنضرب
بالحقد فوگ الجفن سطروها
ــــــــــــــــــ
جان ابوها اعليها كل ساعة ويمر
يطرق الباب احترام الها وقدر
تنزل املاك السماء وتنتظر
من بعد أذن النبي يدخولها
ــــــــــــــــــ
فاطمة أعظم مرة بهاي الأرض
بقلب ابوها وحيدره هية النبض
سيد كل النسا وام الفرض
منزلتها من النبي يعرفوها
ــــــــــــــــــ
من قبل أدم لحد أخر زمن
الكواكب تحت رجليها انطون
اعظم من الكون كله ام الحسن
بكل وقاحة اهل الجهل نكروها
ــــــــــــــــــ
بضعة من سيد الرسل و الخاتمة
من أجل دين الله ماتت فاطمة
بت نبي وزوجة امير و عالمة
لهل السبب اهل الظلم عادوها
ــــــــــــــــــ
جذع باب الزهرة وثگيلة وزن
ولو هوت عالغبرة ترجهنها رجن
طبگت اعله ام الحسن طبگ الجفن
طاح محسن ميت وفجعوها
ــــــــــــــــــ
تمت ببركة مولاتي فاطمة
الشاعر زين العابدين الشمري
🔶بعد رجوع مولانا أمير المؤمنين
تكلمهُ السيده زينب عن حال و كيف دفنت امنا الزهراء ع🔶
ها بويه قلّبك طاوعِك تدفنْ الزّهرّه أبيدك
بهل سرعه تُرجع يا علي ؟ قلبي يگلَّي تريدك
دلالي بويه اندفنْ يمّها
ابنيّه و زغيّره و ماتت امّها
زينب انه …. زينب انه
1@
شصار وياك بويه بدفنة الزهره
شو خيط النهار اتأخر بفجره
چم عبرة اطلعت يا بوية چم عبره
منّ شفت الضلِع متهشم بكسره
رديت محنّي و تنتِحب و مكسوره احِس اضلوعك
و من غسلت امنّه اضّنْ الماي من ادموعك
فرگة الأم بويه اشعظمها
ابنيّه و زغيره و ماتت امّها
2@
يا حيد الزلم يا زلمه لي-يلوحك
من فرگة الزهره تنّزف اجروحك
رفعت اجنازة امّنه بدمعك و نوحك
صح راجع عدل بس شيعتْ روحك
ارواحنا طلعت علي وي روحك الملچومه
الأم اذا راحت يضلّ البيت وحْشه ارسومه
الفرحه بعد صعبه افتهمّها
ابنيّه و زغيره و ماتت امّها
زينب انه … زينب انه
3@
زينب بويه شحچي و جاوب اونيني
امن انهلّ التراب انهلّت السنيني
رشيت الگبر بدموع من عيني
و منّ عنّها مشيت اسمع تناديني
(الحال) لا ما ينوصف زينب شوصّف حالي
بچفوفي كملّت الگبر و كمت ادفن بدلالي
اليهضم بخدها ضلّ دمعها
ابنيّه و زغيره و ماتت امّها
4@
نومه اعلى الضهر صعبه بضلع مهشوم
كلّ هذا و گبُر بــي يستحال النوم
فاطم يا خلگ ميّته بقلب ملّچوم
لأن محسن أبنها بلا ذنب مَظلوم
البسمار نابت بالضِلِع و وليدها المحسن مات
ماتت و مكسوره قلب الما زعّلتـنّـا بكلمات
بكد الجره و اكبر هضُمُها
ابنيّه و زغيره و ماتت امّها
@5
يا موقف يبويه ايجرحك و مكسور
تشوف اجنازه امنّه و الگبُر محفور
لو لحضة رجوعَك منّ صفت بگبور
الجانت منها حتى الشمس تطلب نور
الجانت اذا تبدي بفرض نشتم عطرها الجنّه
راح اندفن ذاك الحضن بحب و حنان ايلمنّه
البـاب فرگـتها رسـمـها
ابنيّه و زغيره و ماتت امّها
@6
يا كسر الضِلع لا طـاب و اتجبّر
و احس هاي المشاهد بينّه تتكرر
اشوف احسين طايح و الشمُر يفتر
و من دوس الحوافر صدّره يتوذّر
نفس الكسر ما يتخِلف البسمار نَفس الحافِر
هل مرّه باب و يندفع و خيول تسحْك باچر
يا كربـله اليصعـب المّـها
ابنيّه و زغيره و ماتت امّها
خادم الزهراء الشاعر | مصطفى ثامر الحلفي
ثگيل -
من رسول الله ارثنة والمجالس نعمة الله
كلشي صله للمجالس حتى جبرائيل صله
وثبات وثبات الخدمة سرمد
صلوات صلوات على محمد
==============
شيعتاً نحنُ خُلقنا طاعتاً لالي محمد
لا ملاذاً في الحياة ليس فيها دمعة الخد
وهوى وهوى العشق يُردد
صلوات صلوات على محمد
=============
كلشي بلخدمة متاعاً ومتاع الخدمة كوكب
كوكب ايحرسه ابو فاضل والحنان اتحرسه زينب
ولهم ولهم القلب يشهد
صلوات صلوات على محمد
==============
فاطمة منها القبول ودفترا لخدمة ابديها
لازم الحب منها يبدي وكلنه نتوضى ابحجيها
فاطمة فاطمة ام محمد
صلوات صلوات على محمد
=============
وعلياً جوهر الحب هوه سلطان المشاعر
هوه كلمن يكتب اسمه صار بين الناس شاعر
لعلي لعلي صوتي مـُخلد
صلوات صلوات على محمد
=============
للحسين الدمعه تنزل وتنزل اوياها الاماني
والحسن عزب رحمتة عاجز ابوصفه لساني
عاشقاً عاشقاً لألي احمد
صلوات صلوات على محمد
==============
خادم اهل البيت/ منتظر التميمي
🔶بعد رجوع مولانا أمير المؤمنين
تكلمهُ السيده زينب عن حال و كيف دفنت امنا الزهراء ع🔶
ها بويه قلّبك طاوعِك تدفنْ الزّهرّه أبيدك
بهل سرعه تُرجع يا علي ؟ قلبي يگلَّي تريدك
دلالي بويه اندفنْ يمّها
ابنيّه و زغيّره و ماتت امّها
زينب انه …. زينب انه
1@
شصار وياك بويه بدفنة الزهره
شو خيط النهار اتأخر بفجره
چم عبرة اطلعت يا بوية چم عبره
منّ شفت الضلِع متهشم بكسره
رديت محنّي و تنتِحب و مكسوره احِس اضلوعك
و من غسلت امنّه اضّنْ الماي من ادموعك
فرگة الأم بويه اشعظمها
ابنيّه و زغيره و ماتت امّها
2@
يا حيد الزلم يا زلمه لي-يلوحك
من فرگة الزهره تنّزف اجروحك
رفعت اجنازة امّنه بدمعك و نوحك
صح راجع عدل بس شيعتْ روحك
ارواحنا طلعت علي وي روحك الملچومه
الأم اذا راحت يضلّ البيت وحْشه ارسومه
الفرحه بعد صعبه افتهمّها
ابنيّه و زغيره و ماتت امّها
زينب انه … زينب انه
3@
زينب بويه شحچي و جاوب اونيني
امن انهلّ التراب انهلّت السنيني
رشيت الگبر بدموع من عيني
و منّ عنّها مشيت اسمع تناديني
(الحال) لا ما ينوصف زينب شوصّف حالي
بچفوفي كملّت الگبر و كمت ادفن بدلالي
اليهضم بخدها ضلّ دمعها
ابنيّه و زغيره و ماتت امّها
4@
نومه اعلى الضهر صعبه بضلع مهشوم
كلّ هذا و گبُر بــي يستحال النوم
فاطم يا خلگ ميّته بقلب ملّچوم
لأن محسن أبنها بلا ذنب مَظلوم
البسمار نابت بالضِلِع و وليدها المحسن مات
ماتت و مكسوره قلب الما زعّلتـنّـا بكلمات
بكد الجره و اكبر هضُمُها
ابنيّه و زغيره و ماتت امّها
@5
يا موقف يبويه ايجرحك و مكسور
تشوف اجنازه امنّه و الگبُر محفور
لو لحضة رجوعَك منّ صفت بگبور
الجانت منها حتى الشمس تطلب نور
الجانت اذا تبدي بفرض نشتم عطرها الجنّه
راح اندفن ذاك الحضن بحب و حنان ايلمنّه
البـاب فرگـتها رسـمـها
ابنيّه و زغيره و ماتت امّها
@6
يا كسر الضِلع لا طـاب و اتجبّر
و احس هاي المشاهد بينّه تتكرر
اشوف احسين طايح و الشمُر يفتر
و من دوس الحوافر صدّره يتوذّر
نفس الكسر ما يتخِلف البسمار نَفس الحافِر
هل مرّه باب و يندفع و خيول تسحْك باچر
يا كربـله اليصعـب المّـها
ابنيّه و زغيره و ماتت امّها
خادم الزهراء الشاعر | مصطفى ثامر الحلفي
لا زلتُ ابجي وانتحب
غير المشه مني النبي
جا حگي من ابجي وانوح
و مشتاگه ضلت زينبي
ام وبنت مگابل لطم
وآنه ادري باجر تنسبي
بهذا العزه والوادم صياح
لمن گمت لجمتني الصفاح
عگازه بابي صار بوگفتي
اعليه انتجي وبروحي النياح
تواسيني ضنيت الاجوني
واعله الرسول يگابلوني
بس خيبت ضني العروبة
منهم لذت بس خوفوني
___
اين علي صاحوا الي
يبايعنه لا ندخل تره
جذوع النخل يم عتبتي
عافوهه يمي موجره
ما صارت ودارت تره
ازلام وتهد اعله اامره
بالحايط وباب الثجيله
بيهن لذت وآنه النحيله
الباب احترگ وبضهره آنه
خفت انعصر شيحمله ويله
گام ورفس بابي عليه
وادفع گمت بجفوف أديه
وبضهره هد ويعصرني جتال
ونار الگلب متوجره بيه
__
ضهره يسنده اعله الخشب
حدما سمع ضلعي يطگ
من رفسه بابي وگع
فوگي وجمر لن محترگ
وبصدري مسماره دخل
وبضلعي هو الينطبگ
ويرفسي حد وگعت جنيني
ميت وگع و اگبال عيني
وهم صدره مرضوض بوگعته
وفوگه طحت بدمعي و ونيني
وأمر على عبده وضربني
ومن ضربته للگاع ذبني
وآنه اشهگ اگباله يوادم
لاهو انگسر گلبه ورحمني
____
دفعه وضلع باب وحرگ
ومن بطني طايحلي أبن
وقنفذ اجه بسوطه علَي
وبحيله يضرب بالمتن
يا حرمه مثلي اتحملت
وآنه تره ام الحسن
واعله الوجه گام وسطرني
متلوعه الكافر تركني
بدمي صحت وين النشامه
من حشمت محد حشمني
گمت وطحت والناس والنار
محد فزع لا غربه لا جار
وحيدر طلع بجفوفه الحبال
هذا الجره من عنده ما صار
#محمد فرج الحريشاوي
ابيات نعي للسيده الزهراء عليها السلام
……………….
من دونج الدار ضلمه اصبحت من دونج الدار
وبحالنه اشصار لمن مشيتي بحالنه اشصار
ومكدر اكدار علينه الحزن ومكدر اكدار
بضلوعي الاكصار يناره اسعرت بضلوعي الاكصار
.....................
بيت وبلياج ما ينسكن بيت وبلياج
جا وين نلكاج لمن نحن جا وين نلكاج
يمه الله وياج يأم الحسن يمه الله وياج
وشلون ننساج وابونه الينوح شلون ننساج
ومن دون عيناج شيسوه العمر من دون عيناج
……………….
وشلون يرتاح اليفارك أمه اشلون يرتاح
ويا يمه لو صاح امن يجاوبه يا يمه لو صاح
بيوم النعش راح راح الربه بيوم النعش راح
ويه الدمع طاح احس بالكلب ويه الدمع طاح
………………..
رحتي ومشت كل الأماني
ودهري بسهم فكدج رماني
وراح ابقى الج عالباب أتاني
بلكي والي يردج زماني
........................
اليفارك امه شلون ليله
يخلص ونار بنص دليله
يضل ويه وناته الطويله
حد ما يهد النوح حيله
........................
سأل الدمع دم اعله فركاج
ولو بالمنيه فدى ونفداج
وياريت كلنه انموت وياج
صعبه الحياة بدون عيناج
وكلشي صعب يمه بلياج
......................
وداعت الله يالحبيبه
وزينب عكب عينج غريبه
يمه ترا افراكج مصيبه
والصبر الها امنين اجيبه
شمدرينه بالفركه جريبه
ولكلوبه هجرج يصيبه
وخله الكلب يسعر لهيبه
وحك جرحج الايس طبيبه
عكبج مظلمه اصبحت طيبه
………………
خادم الزهراء ع علي عبود الغنامي
راح الحـيل ابحــيدر
واهوة الشايل خـيبر
.... يكسـر حـــيلة البـاب
وراحة اطگ ابراحـة
وتاكل چفة اصفاحة
.... گلبة الثانــي انصاب~~~~~~
شوكت حيدر يريد يگوم .. يدور عن چتف يفزع
من گد ما يجر حسرات .. روحة ابكل نفس تطلع
ومن گـــد ما يريد العون .. باصفاحة اديــه تطبع
وكثر ما يفــرك اچـفوفة .. لحـم چفــة بدة يوگع
راحـــت راحــة بالــة
وحــسراتة الچـتالــة
.... تفــزز ســـابع جــــار
كلمن قـــرت عـــينة
وحيدر فــزت عـينة
.... اتشـيط ابگلـبة النار~~~~~~
علـي وكلمن يريد ايگـوم .. يگوم ابياعلي يگدر
عجيبة اشلون ابو الحسنين .. رب الحيل يتعثر
حگـة الفاگـد الزهـــراء .. الجفن لو ينگلب أحمر
وعلي حگة لَوَّنّة ايموت .. چي فاگد قـرين الذر
الله الباگـــي ابراســــة
المقتـــرنة ابأنفــاســـة
.... شـــــايلـها ابتابـــوت
هــــوَّة الماتت روحـــة
شلون اتطيب اجروحة
.... حــتماً گلــبة ايمــوت~~~~
علـي المضروبة بي أمثال .... عــلي البلقـوة يتمثل
وأبد ماكو ابعظم صبرة .. الصبر وكت الجزع أجمل
(علة الزهرة الصبر مكروه) .. علي ماهو علي الأول
علي الطَّوّگ رگب باحديد وسف حيل الحديد افتل
صاحب أعظم سيرة
الليلة يعيش ابحيرة
.... ويفگد نورة النــــور
وأظلم يصبح بيتـــة
النسمة تخنگ ريتــة
.... شيجبرة المكـــسور~~~~
عجيبة الإسمة من ينجاب .. يجيب الحيل وي اسمة
مـــنو ايـگلة علــي وّياك ... اوعـلي معتاز هالكلمــــة
الفقـار الچـان بالكــلفات ... لو حَّــل الوغـى ايحشمة
علــي هسـة الفقار اوياه ... عليـه يتــــوچة ويلزمــة
اليتوچـــــة ابفقـارة
اشـــلون ايرد الدارة
.... وبعــازةت عَـــوَّان
الراح ايزت اجــنازة
ويدفن بيدة اعزازة
.... مدفـــون اودفـان~~~~
ترة حيدر دفن گلبين ... گلـبة اوزهـــرتة ابحـفـرة
علي دافن أعز الناس .. وّسَّـــــد باللّحــــد عمـــرة
أبد ما صارت ابإنسان .. بيــدة يحفـــر ابگــــــبرة
علي ظهرة صبح مكشوف ..من ودع علي الزهرة
حيدر وارى اضلوعة
الگبر ابتل بادموعــة
.... حگة اعيونة اتفيض
اتضيگ الدنية ابعينة
وحط باللحد اسنينة
.... والجـــنة التعويض~~~~
أحمد عباس الحساني
شهادة السيدة الزهراء
( ع )
لاستشهاد الصديقة فاطمة الزهراء عليها السلام
بياحال حمّاي الحمه
من يوم راحت فاطمه
★★★★★★
شيطفي گلبه المستعر.
غياب المحب شده وعسر
ظلمه الوكت صبح وعصر
جروحه تون من كل كتر.
واركان حيله امهدمه
من يوم راحت فاطمه
★★★★★★
بعد الزچيه بياوضع
بالدنيا حيدر يقتنع
بليل الحزن ذايب شمع
بگلبه الف لوعه و صدع
أيامه صارت مظلمه
من يوم راحت فاطمه
★★★★★★
لومر على عيونه الصبح
يلگه الصبح ليل وجرح
ياطير مكسور الجنح
طير السعاده المنذبح
ماشالته ارض وسمه
من يوم راحت فاطمه
★★★★★★
ياحلم ضاع من اوله
وذاك الزمان اشبدله
الچانت شمل بيته وهله
وكل العمر چانت اله
ياحيف اصعب خاتمه
من يوم راحت فاطمه
★★★★★★
حال اليحب والله صعب
لورجع مفجوع الگلب
وعلمحب لو هل الترب
مهظوم رد يمشي الدرب
وبياسهم گلبه انرمه
من يوم راحت فاطمه
★★★★★★
كلما ذكر بيته احترگ
وعلى الظلع باب انطبگ
وعن فاطمة يوم افترگ
حاله ولامثل الخلگ
ايامه صعبه ومؤلمه
من يوم راحت فاطمه
★★★★★★
عايش على الدنيا رسم
وكلساع جرحه ينلچم
ياجبل ماشال الهدم
والحيل اصبح منهدم
وللموت ناره مضرمه
من يوم راحت فاطمه
الشاعر حسن لعيبي الحريشاوي
لاستشهاد فاطمة الزهراء عليها السلام ( وزن الفايزي)
بيها الزمن دار ياام الاطهار
بياحال تشكي للنبي وتخبره بالصار
★★★★★
بياحال دار المصطفى الما إلها كل لون
تشكي هظيمة فاطمه وضربات المتون
وتگول ياخير البشر. ياسلوة الكون
هانت العشره على الصحابه المايرحمون
عنها الفرح غاب يادار الاحباب
وظلوع بت خير البشر صَوَبَّها بسمار
★★★★★
ونتها ماخلصت أبد يادار الاحباب
من بعد ونت فاطمة عنها الابو غاب
قرآن صارت للحزن والبسمله الباب
ظلت عليله الزاچيه من ذاك المصاب
جور على عدوان جازوه الاحسان
حد جنة الله الواسعة من وصلت النار
★★★★★
من راح مايدري النبي لويدري من راح
تنهظم بعده فاطمة ولاساعه ترتاح
مابين مجرم طاغيه ومابين سفاح
علدار گوم أتوجهت بسيوف ورماح
كل مگصد الگوم ماخافي معلوم
من بيت ال المصطفى أيطفون الانوار
★★★★★
مضروبه بسياط المتن مكسورة الظلوع
يشهد ونين الماگضه وجمرات الدموع
وباب انطبگ فوگ الظلع بالحقد مدفوع
رادوا يظل بيت النبي كل وكته مفجوع
دمعتها بالعين تنظر لبوحسين
لوشهر سيفه ماتظل للباطل اثار
★★★★★
يلماتعداها الهظم سورة الإنسان
اياتها صارن دمع تترتل احزان
لدين الله هي القاعدة فاطمة واركان
شجرة اصول ومعرفه معروفه الاغصان
يا ام الاطياب ظلموها الاصحاب
للظالم بيوم الحشر ماتنفع اعذار
الشاعر حسن لعيبي الحريشاوي
لاستشهاد فاطمة الزهراء عليها السلام
(وزن نصاري)
وسيله لربنا والنعمه
ومحل قدسيته والرحمه
ينور وجوهر الكلمه
يزهراء
★★★★★
يا حجه البارئ وروح الاسرار
وريثة انبياء وبنت الاطهار
يم نورين تزهر منهم انوار
عكس ليش الدهر وياچ يندار
يغدرون وينكرونچ
چنهم مايعرفونچ
قصدوا مايرحمونچ
يزهراء
★★★★★
توشح بالسواد الكون حزنان
ومرتاب الاسلام اليوم حيران
ينور القابلوه العده بنيران
يم دارچ صدگ ملتمه عدوان
غصب بابچ يدفعونه
وضلع طاهر يكسرونه
وبيت الوصي يحرگونه
يزهراء
★★★★★
بمصاب الزهره صار الدين مفجوع
وحبل الفرح عن الدار مگطوع
بلوعتها وونين الليل مسموع
مكسورة الخاطر كسر الضلوع
الجفن ماعافته الدمعه
المن تشتكي البضعه
شكثر بالدنيا متلوعه
يزهراء
★★★★★
يخير على الارض يا حيف ما دام
شگد شافت ظلم من ناس ظلام
نعزي كل مراجعنا والاسلام
وأمام العصر ينحب طول الايام
عشتي دنيتچ غربه
والحسبه بالف حسبه
يا من حالتچ صعبه
يزهراء
★★★★★
بعين المرتضى ما توسع افلاك
تعزييه على فگد الزهره الاملاك
ولا چنه الوكت ذاك الوكت ذاك
على حيدر خيوط الغدر تنحاك
بعد الطاهر الزهره
الدنيا مظلمه وغبره
يصيح ولوعته بصدره
يزهراء
الشاعر حسن لعيبي الحريشاوي
لاستشهاد فاطمة الزهراء عليها السلام وزن الدارمي ٣ دگات
اذكر مصاب الصار بعد السقيفه
طفل وضلع مرضوض بأمر الخليفه
★★★★★
ماخَلَّفه المختار لا نصبه الرب
الأصبح خليفه وصار بالخلگ ينهب
بالغدر والموزين سيف المجرب
دز الكسر بالباب ضلع الشريفه
★★★★★
اتذكر يسامع زين واقره المصادر
جبر الخواطر صار كسر الخواطر
شذنب أم حسن بالباب توگف عساكر
بيسرته الظالم سوط بليمنه سيفه
★★★★★
ما رعوا منها الحال بس رووعوها
بغيض وشتم وصياح لمن لفوها
نحلتها دون أسباب من صادروها
حجتهم بهلحال چانت ضعيفه
★★★★★
دار الشرف والخير بيها الوكت دار
لا من قدر محفوظ لا ظلوا انصار
حيل ام حسن مهدوم بالضلع بسمار
عذب گلبها النوح واصبح حليفه
★★★★★
بعد النبي المختار ما ظلت شهور
يا لوعته الكرار من فارگ النور
بلصحره ما تنقاس لا ماي البحور
كل دمعه من العين خطت صحيفه
الشاعر حسن لعيبي الحريشاوي
ياام البنين
العظم بلواچ شِتوَّفي روحي شكثر ما ناحت
وطول الليل لو ابچي وعيني من البچي طاحت
مثل بلواچ يا بلوه مثلها بالخلک صارت
يم عباس يلعينچ نوم الصدگ ما نامت
من طبرة علي براسه لچبد الحسن من ذابت
حسين العلرمح راسه عليه سبعين الف دارت
وجسم طاهر على الغبره عليه خيل العده داست
عشيرة اتذَبَّحت وسفه بدور من الارض غابت
خيام الحرم محروگه اعيال وبالفله تاهت
وذيچ ام الخدر زينب سبيه على الهزل راحت
الشاعر حسن لعيبي الحريشاوي
رثاء فاطمة الزهراء عليها السلام وزن فايزي
رغم الدهر ما تنمحي ولا تنتهي هاي الرزيه
ظل منفطر گلب المحب والله صعب حال الزچيه
هذا الجره عليها وصفه بنت النبي سيد البريه
ما جف گبر خير البشر يوم ندفن تحت الوطيه
غربان اجت وتهجمت بالشر على حامل الحميه
كسروا ضلع للطاهره من خالفوا ذيچ الوصيه
زادوا على الزهره العلل بنت الرسول الهاشميه
ويلي على الحال الصعب ونتها كل صبح ومسيه
مالومه من كسر الضلع وماتنطفي نار السريه
والنار زادوها حطب اهل الطباع الجاهليه
هجموا الما بيهم رحم ولا غيره عدهم لا حميه
يا ذنب هذا السوته وبلشر لفوا اهل الرديه
مطلوبه حيف بياذنب ياثار عدهم ياقضيه
سلبوا ورثها بيا سبب هيهات موشيمه اعربيه
أعليهم فلا ترضى ابد ام الحسن حد المنيه
منعوا ورثها والسبب ما تنتفع بيه الرعيه
ظلمه وشمس ماتنجمع هيهات ماتلتم سويه
ومقصود حيدر بالحرب وحرب العلوم الفاطميه
وذريه ما تبقى العلي وماتضل للعتره بقيه
الشاعر حسن العيبي الحريشاوي
لاستشهاد فاطمة الزهراء عليها السلام
لفتلك ياعلي وحشه المسية
وحيلك منهدم. ونتك خفيه
وحدك ياعلي مهموم رديت
بحال المايسر كل حال ضليت
بجروح التطيح الگلب ونيت
اشتسوه الدار من بعد الزچيه
حياة بلاطعم من بعد الأحباب
احباب الماتجي ولاتوصل الباب
بدر أسماك عن هاي الأرض غاب
شوف اسوت اچفوف المنيه
چفوف اهل الغدر گصدت مكانك
گطعت للأسف. زهرة. زمانك
چم مره الزمن بالدنيا خانك
رزية عشت من بعد الرزيه
عادتها المنايا تخطف ابدور
على دار المجد من ضلت أدور
خذت جنة علي لتراب الگبور
صفت وسط الثرى أنوار الثريه
لازمها السهر عينك والدموع
من كل الجهات الكلب مفجوع
ياحبل الوصل للدوم مگطوع
ولدار الاهل مابعد جيه
الشاعر حسن لعيبي الحريشاوي
يا كربله سويتي بينه
خذتي الضعن وتطشرينه
بحر الضهر طاحو اخوتي
رحنه سبايه لمن مشينه
لمن طحت
أشكد صحت
حركو خيامي الحك علينه
بحر الضهر
سحكت مهر
هجمو علينه واشكد حجينه
خويه خويه خويه يحسين
_____
نطلع ركض بلغاضريه
ومدافع بخيل اعوجيه
اتغطي ادي جسمك يعاري
ما تنلم وماصح بديه
كلنه اجينه
نفزع بدينه
نغطي جسمك خويه بعبينه
بلركضه طحنه
بجسمك عثرنه
وهجمت يخويه الخيل علينه
خويه خويه خويه يحسين_
نطلع حركو خيمنه خيمه علخيمه
لخيل سحكت طفله ويتيمه
وانته طايح خويه علا وجهك
الله يعينك طرينه هيمه
لحكو هلي
اندب علي
حسين طايح برض الحومه
شفته جريح
عاري ويصيح
وابن طايح ماهي هدومه
خويه خويه خويه يحسين ع ركض بعيوني اسدهه لمن نظرتك
ياخويه راسك ماهو بركبتك
هونچ يناكه ابن امي هاذه
تبچي علا صدرك غير انه اخيتك
جابوها الي
لناكه هلي
بكل خطوه ناگه تميل بيه
ادور حرت
من انضرت
يا خويه راسك ينظر عليه
خويه خويه خويه يحسيناضريه
محمد عيسى المنصوري
جرها التراجي يابابا مني
ايدي علا كلبي وايد علا اذني
طفله زغيره وعموها عيني .. يا بابا حسين
رقيه بتك صعدت هزيله
ونضر لراسك ياهو ليشيله
يا بابا هاذه طكني علاحيله .. يا بابا حسين
يابويه الحك رقيتك شدوها بحبال
اخذني وياك عله رمح لو تاخذ الدلال
امشيها وحدي غربتك وياي بس خيال
بويه بويه بويه بويه
______
عمتي زينب تنضر اليه
دمعتها طاحت بويه عليه
غيرو اسمي صبحت لسبيه.. يا بابا حسين
عيني علا راسك بويه بحسرتي
من جتفوني طاحت دمعتي
بابا لحكلي اخذوني بهضمتي .. يا بابا حسين
يابويه لماعنده ابو كلي شلون ينام
ايسمونه اهل الخدر حركو علينه الخيام
يا وسفه يا بويه صفت يسمونه الايتام
بويه بويه بويه بويه يه
______بابا شلون اطلع وما استئذنك
اكعد بلخيمه انوحن بحزنك
مـا طلع الـه اخـذ اذنـك .. يا بابا حسين
طايح يبابا وبعدك عدنه
من السجاد ناخذ اذنه
بلهيمه من بعدك رحنه يا بابا حسين
طلعنه نركض ودرب كله شوك ونار
طفله زغيره شحتمل ورمل يجوي الزغار
نسوان تركض بل فله ولعدو علينه غار
بويه بويه بويه بويه يه بويه
______
عحركو خيمنه خيمه علا خيمه
وطلعنه نركض بنص الهيمه
نسوان وطفال يركضن بشيمه .. يا بابا حسين
شكد صحتك بس صوتي غدرني
مو بيدي بابا رمحك قهرني
طاحن دموعي لمن عبرني .. يا بابا حسين
يا بابا ما نمت من امس مرعبونه من الصار
ليحط خده عل رمل ما يكدر ورمل حار
يابويه كلي وش جره لخيام كلها نار
بويه بويه بويه بويه __
عمتي محمد عيسى المنصوري
جرح العقيلة ( صلوات الله عليها ) :
......
تعطلت اشكثر يحسيـن
ونسينه المن طلعت انته
مچانك خالي بلـخـيمــة
ونحيب اطفالك ابسكتة
ترست ذاني اريد الـمـاي
وانـه الـمـاي ماشـفــتــه
اركضتلك شايلة ابروحي
وكلشي البلخيـم عـفتـة
عـفـت اطـفالك اتـنـوح
واجيت ال احلا مذبوح
اعمن ياعيوني - اعمن ياعيوني
==============
طـلـعـت وحـالتـي حـالــه
امنين افتر تصدلي اعيون
مـرتـين اصـعـدت عـل تـل
مرتــيــــــن ولا تــــــدرون
مـرة امـن اركـضتـك حـيل
ومـرة ابنـي ولا ادري عـون
سحگت ابني واجيتك شوگ
اخلـص روحـي كلـي شلـون
ترست اعيوني بجروح
واجيت ال احلا مذبوح
اعمن ياعيوني - اعمن ياعيوني
==============
سلبت راحـتـي الحومـة
ابكثر ماركضت اجدامـي
ادورك وانه ادري احسين
ما يــــدور الــــــدامـــي
جسمك وين افر عينــي
اشوفن وصله كدامـــي
من شفتك بديت اتلـوج
منــها وراحــت ايامـــي
عـفتهـا ابكــلبــك الروح
واجيت ال احلا مذبوح
اعمن ياعيوني - اعمن ياعيوني
=============
وصلت الشام الامـــفـاشــل
والتمـــــت علـــيـه النـــاس
متعودة اليـــحـاجــيــنــــي
مـاردن يــــــرد عــبـــــــاس
انـــــخامـــن يرد لحــلــــوگ
ياهو الانـخة بــي بـس راس
احشمك وانسى خويه انوب
يـذكرونـــي اخـــوج انــداس
چلبـــت عينــي بلــنــوح
واجيت ال احلا مذبوح
اعمن ياعيوني - اعمن ياعيوني
=============
خادم زينب / منتظر التميمي
شوط كربلائي
عدنا الي يموت نروح نعشه لحيدره نزَوره
بس ام الحسن يا ناس حيدر زاير الزهرة
ــــــــــــــــــ
من عادتنا وي المات نمشي نشيع بنعشه
عند المغتسل والناس كلها لاجلة متجمعه
وما ندفن بدينه انسان حدنا لقبره ونودعه
بس حيدر دفنها وناح
وظل اعله القبر ماراح
تبجيلة الأرض من صاح
قلبة من الوجع والاه جنة تفجر بصدرة
ــــــــــــــــــ
من بعد الحزن جم يوم عالحايط يظل صورة
شمعه و تنطفي من البيت لو ميت هدم سورة
بس الزهرة كل الكون اظلم ورتحل نوره
ظل مثل الرماد الكون
فگد ام الحسن ميهون
ماتت واليظل شلون
يصبر يا قلب مشتاگ بي غصة والف حسرة
ــــــــــــــــــ
تقديراً وره التابوت ودام تمشي متكلفة
وتودع الجنازة الناس حتى المحد يعرفة
بس الزهرة نص الليل بالسر تندفن وسفة
نعش ام الحسن من راح
لليل وماكو كل مصباح
لا خلف الجنازة صياح
تتشيع غريبة بليل هاي وصية الحرة
ــــــــــــــــــ
تاريخ اليموت يعود كل عام ويرد يومة
من ظمن الثوابت هاي كل احبابة ملمومة
موعد لاجلة داير حول بس الزهرة مظلومة
شما دارت سنة وتنعاد
موعدها عصف برماد
موعد يوم الاستشهاد
مو بس الگبر يا ناس منها تختفي الذكره
ــــــــــــــــــ
للگاضي العمر موجوع راحة الموت اله ورحمه
والعمره جبير ومات عايش بالعمر نعمه
بس اثمنطعش وتموت وعمر الورده تتسمه
قتلوها بغدر ظلام
ذبحوا سنة الاسلام
ولها جفت الاقلام
ونرفعت صحف والكون ما طايح عجب امره
ــــــــــــــــــ
للميت گبر معروف يندله اليجي زيارة
واسمه ينكتب فوگاه يصبح مرقده وداره
وبكاع النجف موجودضيف الحيدره وجارة
يم المرتضى ومدفون
وأهله من يجي يزورون
كبرة لاجلة من يبجون
گبر الزهرة ما معلوم يمن نسجب العبرة
ــــــــــــــــــ
من طاحت ورگته فلان صار جنازة عنوانة
بصحن المرتضى نوديه ونصلي اعله جثمانة
ونطوف الضريح يزور ونشيعة اعله بيبانة
ونصلي صلاة الموت
والوحشة على التابوت
ونودعه برفيع الصوت
مامر كل نعش بالكون يشبه فاطمة الحرة
ــــــــــــــــــ
كل شيعي امنيات يزور گبر ام الحسن قلبة
مشهد فاطمة الزهراء يم حيدر علي وقربة
يعني اربع مناير كون گبة مجاورة لگبة
رب العالمين وشاء
هذا مرقد الزهراء
يمها المحسن وأسماء
أدخل يالتزور تريد طفي بدمعك الجمرة
ــــــــــــــــــ
الليالي الفاطمية
الشاعر زين العابدين الشمري
لبو الأكبر داس كل شارب ثخين
وضلت أعلزماطهه أم البنين
أبكربله عباسهه سوه الثگال
المايلين أبخزرت الكافل يلين
ااااااااا
الزامطت ماردت أعلزماطهه
أبكربله العباس ذب رباطهه
ابو فاضل ابو فاضل
ااااااااااااااااااااااااااااااااااااااا
الزلم وي أخيولها جاباهه دگ
جن نبي سليمان يطلع مالحگ
سيف أبن كرارها اعليهم طلع
والهوه بميدانهه منه اختنگ
ااااااااا
هلا بشيخ المرجله ونبراسها
هلا بالجاب العنيده وداسها
ابو فاضل ابو فاضل
ااااااااااااااااااااااااااااااااااااااا
هاشمي ومن يزعل أيطر الفله
عمامته الخضرة قيامت كربله
لامته مثل الشمس لمن زعل
والشمس بس والده ترجع أله
ااااااااا
حمرة أبو فاضل دخيل أعيونه
شيخ كور صايته أعلمتونه
ابو فاضل ابو فاضل
ااااااااااااااااااااااااااااااااااااااا
كور الصوبين من طب نينوه
أمفحط السبعين شيال اللوه
كافل الحوراء جرد صارمه
ولمح فوگ ارگابهم مثل الهوه
ااااااااا
ابصايته كل الخيم حمايهه
زود حيدر والحرب گضايهه
ابو فاضل ابو فاضل
ااااااااااااااااااااااااااااااااااااااا
گوطرت مثل الغنم من خزرته
گمر هاشم عفية بطن النگلته
مو جديده اعللذي حيدر أبوه
يجيبها يگط بيها زلم الغثته
ااااااااا
النهروان التشهد وفرسانهه
شلون أبو فاضل سحگ شجعانهه
ابو فاضل ابو فاضل
ااااااااااااااااااااااااااااااااااااااا
رسول رياض
شور گعديه بلا انتقالات لمولاتنا الزهراء
لم يخلف احمدٌ غير ام حسن
ليش جا سود الليالي ستعجلن
اضرموا النار وسگط منها أبن
ما روعوها ومنعو لفگده تون
لم تزل عگب النبي نحيلة بدن
بيا ذنب أحمر غده بسطرة الجفن
بيا ذنب زينب تمر كل هالحزن
تشاهد جذوع الذي ترجن رجن
انطبگت اعله الزهره وثجيلة وزن
تنظره يعصرها الزنيم بحيله. 1
...............................................
زينب تشوف وتصد كل الجره
أم وابنها بلا حمى ومـتحيـره
يمها نار بكل مـكـان مـوجــره
وناس ما بيهم شهم وتـشاوره
تگله هذا الدار دار الطاهرة
هذا بيـت الـبي وحـي نازل ترى
يا صنم شنهي البدر وتحاصره
بالحشر ما تلگه باجر معذره.
وانت أبني حسين كاسر خاطره
بهجمتك دم دمعه گام يسيله. 2
....................................................
بس وأن جان الجواب امن الصنم
عادي گلب حسين بالزهرة نهضم
اي وأن خــل يـنظر الــخد ألــطم
خل يباوع مـحـسـن بكـاروكه دم
الهد على الزهره فلا عنده رحم
روع اولاد الـنبي لـمــن هـجـم
خلـه امـهم يمـهـم تـلوج بألـم.
لا رجع من الأذى وخاف وندم
بحقده يوم الطف والمصاب نرسم
وجن شهم طايح واخت توميله. 3
.......................................................
من تطيح ام الحسن خلف الجذع
ولمن بمـحـسنها فـاطـم تنــفـجــع
ولمن يهد بالـحـطب ليها الـجمع
يعني ابنها بـكـربله بوسـط الفزع
فوگه خيل تهـوس تـهشم ضلع
ومن خيامه صوت الحگ تنسمع
وجم عقيلة بجمر باجر تلسع
وباجر احبال اليسر من تنطبع
بجف حراير والشتايم ترتفع
موت فاطم يعني ضاعت عيله. 4
......................
حسن يونس التميمي
عـلـى الـزهـراء. حيدر نزل دمعه
وام هل البيت . مامنهه ابد رجعه
يبجي بصوت . يـريدها تـسمـعه
بلاها الروح . مطفيه جن شمعه
عگبچ حيدر حيله انهدم
ومن الوحشه صدره انكتم
يشـوف بعـينه دم الضـلع
ومن الشماته حيل انهضم
حامي الجار ودمعه يسيل
حمل الغربة كلش ثگيل.. يا زهراء
شاله نعـشچ نص الليل
قالع خيبر صـار يميل.. يا زهراء
حيدر عگبچ ضل محتار
شاهد ضلعچ وباب ونار
وصية طه وحكم الصار
إي وا زهراء
.............................................
وراء الـبـاب.. جانت تريد حجاب
سيوف ونار.. خذو حگها اغصاب
قـالو بالدار.. وان على الاعتاب
عصروها منَ.. يسمونهم الاصحاب
بكل قوه عدهم عصروها ليش
مـريه وحـيده وعـليها جـيش
ماكفه بس دفعوها الزجيه
محسن ابنها هم مايعيش
ماتت عصره لا مو عليله
الباب حيل جذوعه ثگيله. يا زهراء
كسرو ضلعها امُنه البتول
مو گبل موته وصه الرسول. يا زهراء
بايديها صارت تشاكف نار
بصدر الزجيه ضل بسمار
وحـيدر بيه حـيل احتار
اي وا زهراء
.................................
أصـيـح بـصـوت. والـعـبـرة تـخـنـگني
عـلـى فـرگـاج. الـدمـعـه تحـرگـنـي
طـبـگـة هل باب. الـمـوت وارتـنـي
تراني بجفـاج. الـدنيـا ماتهمـني
جنت انا اريده بيدي يصير
محسن اشمه هو وصغير
ماجنت احسب هيج يموت
وانا بدموعي ابقى اسير
حسين وزينب ويلي صغار
بـاب امـهـم شـافـوها نـار . واويلاا
الـنار ويـاهم عـدها ثار
بالخيمه باجر ماكو نهار . واويلاا
حسين بغربه يبقى صريع
وعلى الوطيه دمه يضيع
وبجفه ذبحو ابنه الرضيع
اي وا زهراء
ــــــــــــــــــــــــــــــــــــــــــــ
مؤمل رضا
مني عليك السلام
يابنت خير الانام
★★★★★
الراضية المرضية
التقية النقية
بنت الحبيب المصطفى
الجوهرة القدسية
الصديقة الشهيدة
الفاضلة الزكية
نور ازاح الظلام
مني عليك السلام
يابنت خير الانام
★★★★★
الصديقة البتول
يابضعة الرسول
لرزئك العظيم
آهاتنا تطول
فلوعة المصاب
هيهات لاتزول
ياحجة الكرام
مني عليك السلام
يابنت خير الانام
الشاعر حسن لعيبي الحريشاوي
لاستشهاد فاطمة الزهراء عليها السلام
(وزن الحدي )
يامحنه أشد من هلزمن
بلدنيا شافتها ام حسن
يامحنه أشد من هلزمن
★★★★★
يوم الرزية ابلاحذر
عن النبي گالوا هجر
مو أول ايام الخطر
ولا آخر ايام المحن
يامحنه أشد من هلزمن
★★★★★
ياگلب طاهر ضيعوا
للهادي كل حق مارعوا
يوم السقيفه اتجمعوا
وتآمروا اهل الفتن
يامحنه أشد من هلزمن
★★★★★
وياهي أشد كل موزمه
من جفوا حماي الحمه
وسلبوا فدك من فاطمة
يمشون گالوا علسنن
يامحنه أشد من هلزمن
★★★★★
وياهو أشد كسر الضلع
لوجيش علشر منجمع
لوگلب ذايب منفجع
وأيام بالونه گضن
يامحنه أشد من هلزمن
★★★★★
ياصعب مامثله صعب
طاح الجنين من الضرب
وللدار طاغيهم يطب
ظالم صلف عابد وثن
يامحنه أشد من هلزمن
★★★★★
ياعلة اشد كل العلل
لمن لفه لأمها الأجل
لو يوم والدها رحل
الچانوا سند إلها او وطن
يامحنه أشد من هلزمن
★★★★★
اصعب وأشد وأكثر عسر
طلبت گبرها يندثر
ولاتحضر وجوه الغدر
النعش لوليل اندفن
يامحنه أشد من هلزمن
الشاعر حسن لعيبي الحريشاوي
على طور راعي الشدايد وينه لملا جليل الكربلائي ( وزن التجليبه)
الليله اصعب ليله
حيدر اتهَدَّم حيله
الليله اصعب ليله
★★★★★
چم كسره علي مكسور چم كسره
من شَيَّع الهادي أو وسده بگبره
رد مهظوم شاف الگوم تنتظره
ابحرگ الدار اجوه وضربوا الزهره
بالصبر حيدر ملزوم والجدم گوه يشيله
الليله أصعب ليله
★★★★★
يضمد ياجرح وجروحه ياذنه
العمر لاطال بعد اليوم يتمنه
ناره ماتهيد الفارگ الجنه
وين يروح وإلمن من مشت عنه
سكته الزچيه بلاصوت الچانت گبل تشكيله
الليله أصعب ليله
★★★★★
جافوها وبعد گبر النبي ماجف
طبع الذيب ظالم بيش يتوصف
منع عنها الورث مالحظه يتأسف
ابحكم الدين چنه من الزچيه اعرف
عن الورث بالقرآن مافاد من تحچيله
الليله أصعب ليله
★★★★★
عرفتهم اهل شر وصدگ ظنها
گلوب الماطفح بس الحقد منها
بضماير ماصفت مغشوش معدنها
نكسر ضلع الزچيه ومات محسنها
الهدم ركن من الدين يوم الحشر ياويله
الليله أصعب ليله
★★★★★
يودعها ويلاگي المرتضى الحسره
بسيف النايبه مطعون الف مره
ظلمه الدنيا صارت واصبحت مره
گبرها مادره المحفور لو گبره
يدفن سمه وسط الگاع وبيده التراب يهيله
الليله أصعب ليله
الشاعر حسن لعيبي الحريشاوي
نعي لسان حال الزهراء عليها السلام تخاطب ابيها رسول الله صلى الله عليه وآله وسلم (نصاري)
يبويه لوتشوف الگلب خلصان
الدنيا تحظرتلي جيوش ميدان
جاروا من ونيني شلون جيران
لعظم فگدك أون يافخر عدنان
بنيت اخلاف عينك بيت الاحزان
واشكيلك عذاب افلان وافلان
هذا الغصب حگي بدون. وجدان
وهذا اباب داري شعل نيران
وذاك الكسر ضلعي وعاف نيشان
ولاواحد رجع ويگول غلطان
حرگوا بيت كون البيت ينصان
وصحبان الامس هليوم عدوان
الشاعر حسن لعيبي الحريشاوي
لاستشهاد الزهراء عليها السلام
يا ويلهم ويل الينكرون
اصواب الزچيه من يكتبون
★★★★★
انكروا كسر الضلع بالباب
ولا محسن الموجود وأنصاب
أيحَسنون رادوا صورة أذياب
غِيِرَه وشرف عنهم يگولون
★★★★
حَسَّنَوا صورة صلف غَدَّار
لاحرگ بيت ولا وصل دار
بضلع ام حسن ما نبت بسمار
وبسوطه أبد ماضارب أمتون
★★★★★
قَدَّسَوا ناس المالهم ساس
بغضاً ابحيدر سَيَّد الناس
شلون الثرى بالنجم ينقاس
بالشر على الاطهار يسعون
★★★★★
ضَمَّوا حقيقه ذاك المصاب
محد ضربها ولا دفع باب
گالوا اجلها وماكو اسباب
واسباب يا منهن يضمون
★★★★★
چانت جريمه وبيها تصريح
الواضحها ما يحتاج توضيح
رادو مجد بيت النبي يطيح
هيهات خابوا ما يگدرون
الشاعر حسن العيبي الحريشاوي
لاستشهاد فاطمة الزهراء عليها السلام (وزن ميمر)
تعجز حروف الچلمات لو وَصفيَّت الزهره
★★★★★
هاي أم حسن وحسين شتوصفها
بس الله وآل المصطفى اليعرفها
كل المحن ماغيرت موقفها
صَغَّرَت شان الظِلَّام للغير صاروا عبره
★★★★★
اعقول الحكيمه تقتدي بحكمتها
كنز المعارف فاطمه وثروتها
يعتلي دين المصطفى غايتها
وتتبع الناس الكرار والظلم تدفع شره
★★★★★
مطلع مشارق فاطمه القدسيه
وروح المعاني التصنع الحريه
وخط الاسلام وجبهته الفكريه
عدوان ارعبها النور بنهج العلم ما تقره
★★★★★
مكسوره خاطر ابو الرايح منها
كسروا ضلعها واسقطوا محسنها
وجوه الشماته الگوم تجهل عنها
الدرب الظلام يريدون والنور يصبح عثره
★★★★★
راعي الغدر يتنعم ابونتها
ثارات عده يفرح بلوعتها
ايام صعبه من العمر گضتها
مفجوعه ضلت للموت أصواب الكسر شيجبره
الشاعر حسن لعيبي الحريشاوي
لاستشهاد فاطمة الزهراء عليها السلام (موشح)
مايله الدنيا ورِدِيَه اعمالها
وي الزچيه ماتِغَيَّر حالها
★★★★★
مايله الدنيا صفت وي ام حسن
ايامها بالونه والحسره گضن
اشافت من الدنيا بس لوعه ومحن
مر عليها الما يمر أبالها
★★★★★
مايله الدنيا ولا بيها رحم
يا گلبها الطَيَّب اشگد انهضم
حيلها من طبگت الباب انهدم
ساعه ماينوصف ظيم اهوالها
★★★★★
شلون دنيا الحاربتها من صدگ
بابها مدفوع تالي ومحترگ
السمه على الارض رادت تنطبگ
والارض چا زلزلت زلزالها
★★★★★
راح وكت الخير ظلت للحزن
بياوزن ينقاس همها وينوزن
بعام فگدت والد وفگدت ابن
كل عدو ظالم صلف يبرالها
★★★★★
من ضلع مكسور شَيَّبها الصبر
يا كسر ميطيب يوم وينجبر
ياذنب للزهره مجهولة گبر؟
والسمه ياگبر هذا الشالها
الشاعر حسن لعيبي الحريشاوي
في فضائل الزهراء عليها السلام
يبت خير اهل العزم
بيچ يلزهره اعتصم
يلزچيه يلزچيه
★★★★★
عن ابن عباس عن حيدر يگول
خبر عن الخالق ينقله الرسول
يقسم الله عبدي كل حاجه ينول
اليعتصم بالطاهره الزهره البتول
يدخل الجنة وضمن هاي القضية
اهناك ودها الناس تصبح فاطمية
الهلسبب جيت بحزم
بيچ يلزهرة اعتصم
يلژچيه يلزچيه
★★★★★
أمنياتي فاطمي للدوم اصير
خادمچ دون الخدم خادم زغير
خادمج بالناس مهيوب وامير
بيه غني حتى اليسمونه فقير
باب رحمه الطاهره الحره الزچيه
من الله ربچ دوم مرضيه ورضيه
فدوة اروح الهلاسم
بيچ يلزهرة اعتصم
يلزچيه يلزچيه
★★★★★
ما امل خدمتها ما اتعب محال
هذا حالي ومااريدن غيره حال
أرفع الراس بعزم مثل الجبال
بالحشر عندي جواب لكل سؤال
هناك لوصار الحساب على البرية
وين خدام الليالي الفاطمية
هناك افخر وابتسم
بيچ يلزهرة اعتصم
يلزچيه يلزچيه
★★★★★
فاطمي للموت ما ابطل الحداد
عن محبة وعن درايه واعتقاد
سر إلهي. فاطمة بين العباد
حگي احزن وارتدي ثوب السواد
درة التوحيد للهادي و بقية
نعم ماتنعد ولاتنحسب هية
بالعدد مثل النجم
بيچ يلزهرة اعتصم
يلزچيه يلزچيه
★★★★★
بفاطمه افخر وليهمني الزمان
بالحشر من لوعة المحشر ضمان
دفتري توقعه وتقدملي الامان
لاعذاب هناك لا نار. وهوان
فرض حبچ انزله رب البرية
درع من نار الجحيم هناك اليه
للابد بيچ التزم
بيچ يلزهره اعتصم
يلزچيه يلزچيه
الشاعر حسن لعيبي الحريشاوي