2328
خادم اضل لحسين حد المنيه.... هيهات اعوفك يوم يبن الزجيه
🔥اصدار حصري وجديد لطميه للسبي من ديوان محزوز الوريد 👈 ٧ج خاص للسبي كتاب يخبل كلامه مفجع 🔥
يل حديت اضعون اهلنه... اشبيك ماتسمعني انوح
اريد ادور اجفوف اخوي... شلون اخليهن وروح
➖➖➖➖➖➖➖
يل حديت اضعون اهلنه... ريض اشويه الي
ارد امرن عالشريعه... ورد اعاتب كافلي
هو دك صدره اليه... وكال يختي ادللي
هسه اجفوفه رميه... والجسد كله جروح
➖➖➖➖➖➖
هسه اجفوفه رميه... مادره بيه رحت
اخلافه عالناكه الهزيله... بالحبال اجتفت
ارد اخبره ورد اكله... شلون عالشاطي نمت
ترضه الزينب يخوهه... وي غرب حرمه تروح
➖➖➖➖➖➖
انت بيدك طلعتني... وليه دكيت الصدر
بكربله وحدي عفتني.... ورافكت خولي وزجر
شتعتذر عباس مني... شنهي ياخويه العذر
صدك نايم عالشريعه... والدمه منك سفوح
➖➖➖➖➖➖➖
مرني يالحادي اعله اخويه... ارد اسمعه ونتي
هوه التكفلي ضعني.... وجاب بيده ناكتي
عافني حرمه وسبيه... وتجر ي عالخد دمعتي
شلون يرضاها اكله... اخته عل هزل تروح
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد لطميه للوداع تنقره بعدة اطوار حسب طور الملا (اوياكم بس سواد الليل) من ديوان محزوز الوريد 👈 ٦ج 🔥
اوياكم بس سواد الليل... هايحسين والينه
باجر بس حرم... خويه تخلينه
➖➖➖➖➖➖
اوياكم بس سواد الليل يبن امي
باجر بالخلي ومحد يضل يمي
تضل اعالترابه موذر ومدمي
تضل اعالوطيه... هايبوسكينه
➖➖➖➖➖➖
تضل اعالوطيه وغارك بدمك
وخيول الاعادي تهشم الصدرك
محتاره اضل شلون الم جسمك
اعضامك بالخلي... وصدرك مكسرينه
➖➖➖➖➖➖
اعضامك بالخلي تصير طشاره
خويه حسين كلي شنهي الجاره
اذا هجمت علينه خويه الغاره
نصيح بصوت... ماواحد يحامينه
➖➖➖➖➖➖➖
نصيح بصوت وانتم نومو عالتربان
تضل هاي الحراير بيد هالعدوان
لاوالي تضل يبن امي لاصيوان
تتمرجل علينه... كوم اعادينه
➖➖➖➖➖
تتمرجل علينه كوم هالارجاس
شنهي الراي كلي خويه ياعباس
ترضه اختك تضل مابين هاي الناس
وعدك وين يلي... ملتزم بينه
➖➖➖➖➖➖
وعدك وينه اليه هايخال ابني
ادخيل ادخيل خويه لاتودعني
اوداعك ياعزيز الروح يفجعني
فركاكم كلف... ياخوي ياذينه
اوياكم بس سواد الليل... هايحسين والينه
باجر بس حرم... خويه تخلينه
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار،حصري وجديد هوسات جنوبيه بنزلت المربوعه للاكبر عليه السلام من ديوان محزوز الوريد 👈 ٥ج 🔥
جابه حسين لخيامه وصاح بصوت يازينب
الحكيني يخيتي كلبي اصوب
افراك الولد يم عون شو يصعب
احس حيلي نهدم والدمع خويه صب
وصاح حسين.... يازينب تلكيني
احس يوم الولد... كئطع شرايني
(هد حيلي //ياخويه مصابه)
➖➖➖➖➖➖
الله يعين ابو السجاد من شاف الولد مطروح
نايم عالترابه الجسد كله اجروح
ون ونه على ابنه وزاد بيه النوح
ماضل حيل عده ولابقت بيه روح
شافه اعله الترابه... الله يعينه
مذبوح ويجر.... الولد بونينه
(نهد حيله//وحسين اعليه)
➖➖➖➖➖➖
شايل ياعلي الاكبر بهالليله
روح امه تون وضلت نحيله
دمع عيونهه اعالغالي اسيله
وفراكه كلف مابيها ياحيله
ليله تون لابنهه... وحيل مابيها
من رد الولد... مذبوح شو ليها
(المحزونه//ونت هاليوم)
➖➖➖➖➖➖
الله يعين كلب الوالده من شال ظنواها
شال اهلال عزها ونور عيناها
مهضومه تون الولد خلاها
ماوفه التعب لا جازه ارباها
ليله اعالولد.... صبحت محزونه
نام اعالترابه... وغمض عيونه
(وخلاها//محزونه تون)
➖➖➖➖➖➖
الله يعينهه ليله المهضومه
من ضاع الولد عنهه وضاعت ارسومه
يهد الحيل وتضل الروح مهدومه
يايوم الشباب شكد صعب يومه
يهد الحيل... فركاكم يشبان
سكنتو ابيوت ضلمه.... بغير بيبان
(اسكنتوها//وبيوت الضلمه)
➖➖➖➖➖➖
حك ام الولد من تهل دمع العين
شكد غالي الولد عالوالده تدرين
تطاول غيبته والغيبه عنهه اسنين
حكهه تضل حزينه اجر بالونين
حكج تونين... هايم الولد
اهلال عزج.شال.... مايرجع بعد
(وني اعليه //الشال وغرب)
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد لطميه للاكبر عليه السلام تنقره بعدة اطوار حسب طور المله(يحله النوح) من ديوان محزوز الوريد 👈 ٥ج 🔥
يحله النوح... للشالو شبابات
وبعمر الورد... سكنو مضلمات
➖➖➖➖➖➖
يحله النوح والطمه حداديه
للشال وسكن بتراب ووطيه
نحرمو من وكت شم العذبيه
وحك اليوم من نلطم الهامات
يحله النوح للشالو شبابات
➖➖➖➖➖➖
حك اليوم من نعلي الونه. للشايل شباب بعمره متهنه
احا ويلاه حك اليوم لو صحنه
ندك عا الراس... ونعلي الونات
يحله النوح للشالو شبابات
➖➖➖➖➖➖
ندك عالراس للنايم عل لترابه
شباب الشال يلجم ولله اصوابه
ناره بالكلب تسعر ولهابه
ماترجع بعد. وياه الكعدات
يحله النوح للشالو شبابات
➖➖➖➖➖➖➖
شباب الحملت لاوين منواها. مايرجع بعد لايرد ملكاها
شلون اوجوه حلوه الرمل ضماها
شيعوده بعد. يالغرب ومات
يحله النوح للشالو شبابات
➖➖➖➖➖➖
شيعوده بعد مايرد لدياره
دمع العين للشبان يجاره
ضلت بس صورهم وسفه تذكاره
ضلت بالكلب. تحرك الجمرات
يحله النوح للشالو شبابات
➖➖➖➖➖➖➖
لليله تون لابنهه بروح حزنانه
للاكبر تون والروح عدمانه
مايرجع بعد صاحت يملكانه
عاف امه تون. مابين شمات
يحله النوح للشالو شبابات
وبعمر الورد سكنو مضلمات
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد فزاعي جنوبي بقفلة الهوسه للرضيع عليه السلام (بالسهم ذبحوه) من ديوان محزوز الوريد 👈 ٦ج 🔥
بالسهم ذبحوه... وكطعو ركبته
اوليدي ازغيرون... اشاف بدنيته
➖➖➖➖➖➖
بالسهم ذبحوه وكطعو منحره
عمره ست اشهور نام اعالثره
والزغير اليوم ناره مسعره
اه واويلاه توجع قصته
(نيرانه//تسعر ماتبرد)
➖➖➖➖➖➖
اه واويلاه مصابه شكد صعب
ازغير بعده ونام ليش اعالترب
اه ييومه صاب من عدي الكلب
حيل لهابه وسريه جمرته
(يايومه//احا ياليرضع)
➖➖➖➖➖➖➖
ناره لهابه ولاتطفي بعد
اوليدي ازغيرون والكلب نمرد
نام عالغبره اليه ماكعد
عالترابه شلون ضلت جثته
(مدلولي//عالغبره موذر)
➖➖➖➖➖➖
عالترابه شلون عبدالله يون
روحي مالومه الكلب ضل بحزن
ايامه الحلوه يمدلولي جزن
مايرد لحضاني لترد ضحكته
(ايامه//ماترجع وترد)
➖➖➖➖➖➖
مايرد لحضاني لايرجع الي
نام عالغبره اليوم مدللي
والكلب مجروح بالهم ممتلي
مره ماتراد ولله فركته
(دلالي//مجروح وينزف)
➖➖➖➖➖➖
مره ماتراد والكلب نجرح
شلون مدلولي على الرمله انطرح
الركبه ترفه ويلي عبدالله نذبح
شلون اصد بعيوني لبني وذبحته
(كطعوها//والركبه الترفه)
(صوب دلالي//احا من يومه)
(سداها عيونه//نام وضل عالغبره)
(صورت مدلولي//ابالي شلون انساها)
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد نعي للقاسم عليه السلام من ديوان محزوز الوريد 👈٥ج 🔥
ابوذيه
من راح الولد ياناس.. مارد
وغيابه لعد الكلب... مارد
اعيش اخلاف عينه بعد... مارد ماريد
ريت الموت ماخذنه سويه
➖➖➖➖➖➖
يحله النوح والون للشبابات
عافو بيتهم سكنو مضلمات
للشبان صيحن وا وسفات
➖➖➖➖➖➖➖
واليوم دمع العين يجره
ازغير الولد ساكن الغبره
مره فركتك يالولد مره
➖➖➖➖➖➖
يمه يانبض روحي ودليلي
رحت وين يايمه احجيلي
سهرانه وون اعليك ليلي
➖➖➖➖➖➖
لغيابك اون ماضل بعد حيل
يمه وداعتك مانايمه الليل
ونه اعله ونه ودمعي يسيل
➖➖➖➖➖➖➖
ضيعته ياحلو المعاني
سهم الولد حار وجواني
حااااا منك يازماني
➖➖➖➖➖➖
اعزيز كلبي شال وبعد
من روحته للدار مارد
ماظن الولد وياي يكعد
➖➖➖➖➖➖
اي الوالده تفرح من ابنهه يمرها من يكعد ويسولف اوياها من يتفكدها شمحتاجه تحس تعبها ورباها ماضاع وتنظر الطوله مثل الهلال شلون اذا فكدت هذا الطول تفارك صدت عيونه شيصبرها الله يعين كل كلب ام فاقده
نعي على طور النمساوي
يمه محله كعدته
محله الولد محله كعدته
يمه طوله فكدته
بالتربان ياطوله فكدته
يمه تجوي فركته احا ييمه
ماتنحمل تجوي فركته
➖➖➖➖➖➖
يمه طوله وخياله
ضيعت الولد طوله وخياله
يمه ياحال حاله
كلبي يون ياحال حاله
يمه ولله حلاله
والنوح للفاكد حلاله
➖➖➖➖➖➖
يمه ضماه التراب
طول الولد ضماه التراب
يمه ينزف ولاطاب الولد يمه
وجرح الكلب ينزف ولاطاب
يمه للرايح اشباب
حيلي نهدم للرايح اشباب
➖➖➖➖➖➖
يمه امك عفتهه
يالولد ليش امك عفتهه
يمه اوودعتهه
اوداع المنيه ودعتهه
يمه كلش كضتهه صدك يمه
ياروحتك كلش كضتهه
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
لطميه بقفلة الهوسه للقاسم عليه السلام
افراكك يالولد....ماينحمل يومه
اعليك الروح يبني....اليوم مهدومه
➖➖➖➖➖➖➖
افراكك يالولد للروح كاضيهه
تون الربتك ليش اكطعت بيهه
هم ترجع بعد لو ما ترد ليهه
لهد حيلي// وفراكك يمه
➖➖➖➖➖➖
هد حيلي وكضاني وغير الواني
عزيز الروح شال اليوم خلاني
ياجسام يومك حيل جواني
حراكه// احامن نارك
➖➖➖➖➖➖
تكتل فركتك يالولد حراكه
هم ترجع بعد يمه ونتلاكه
هاي الروح يبني اعليك مشتاكه
ونتلاكه// هم ترجع ليه
➖➖➖➖➖➖➖
رد لمك يجاسم روحهه انحيله
شلون تشيل عنهه شلون هالشيله
الله يعين كلب الفاكده الليله
مهظومه// وتنوح الفكدك
➖➖➖➖➖➖➖➖
افراكك يالولد كلش كضه روحي
ياشمعت حياتي وبلسم اجروحي
مااكطع ونيني ولوعتي ونوحي
جسام اكعد// شوف احوالي
➖➖➖➖➖➖➖
مهظومه وون اعليك يوليدي
اكل للروح زيدي بالبجي زيدي
ريت اوياك كربت شو مواعيدي
بالحومه// ماشوفك نايم
وامه تنوح مخليهه// وجاسم شال الليله
ودع امه وعماته// طب للحومه جاسم
تمت ✍️ الشاعره والمله ام حسين العامري من ديوان زينب ولطفوف الجزء الثالث
غير مبري الذمه من يحذف الاسم اويغير كلمات القصيده وينسبهاله
اهدي ثوابها الى روح اخي/channel/+y-JH3S-fW8w4OWYy
😭شعر للقاسم عليه السلام ويصلح نعي كرناوي ايضا 😭
عن لسان حال رمله ام القاسم وهي تنعى ولدها وتقول
ربيت الولد وشكد تعبت اعليه
هم يكبر كلت ابني ويجازيني
يعوضني التعب وربات السنين
من اكبر گلت هو اليباريني
لاعوض شگاي ولا وفالي الدين
بساع بساع شال وغاب من عيني
ردته سور عالي وانتجي اعليه
ماحسبت لن يمشي ويخليني
گوم اگعد اليه احساب وياك
اطلبك دين يبني گوم وافيني
لاريدك تجيب ولااريدن مال
اريدك بس تضل وتضوي اسنيني
يومك يالولد هدملي يمه الحيل
كضالي الروح يومك يمه عاميني
يومك يالولد صوبني اصواب
بنص الكلب كطع شراييني
اضل ابجي وون اعليك للموت
يمه اوداعتك مابطل اونيني
يمه اوداعتك مابطل اونيني
تمت ✍️ الشاعره والمله ام حسين العامري
من ديوان زينب والطفوف 👇
الثالث عشر
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
خادم اضل لحسين ماامل هيهات
يبقى القلم منذور ويخط هالابيات
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
✅ مؤسسة بني هاشم { عليهم السلام } ✅
لدعم القنوات الحسينيه 🌸 مجاناََ 🌸
♦️ ملاحضة :
مدة نشر الدعم ساعتين وتحذف تلقائيا النشر مرتين باليوم ومن يحذف الدعم تحذف قناته من قبل بوت الدعم وغير مبرئ الذمه من يتلاعب بصلاحيات البوت المقرره
✍️ : قناة شاعر حسيني
🖌️ : قناة شاعره حسينيه
🗒️ : قصائد لمختلف الشعراء أو الشاعرات
💮 : قناة نشر ديني
========================
▸ 06k : المله ولشاعره ام نادين ال
▸ 06k : تعليم مقامات والاطوار الحسينية 🗒️
▸ 04k : الشاعره مريم العبوديه اسي
──────⊱⁜⊰──────
▸ 03k : الشاعره ام محمد تقي الموسوي 🖌
▸ 02k : الشاعره هاجر الزينبية 🖌
▸ 02k : قناة خادمة الزهراء عليها السلام 🗒️
──────⊱⁜⊰──────
▸ 02k : الشاعره ام محمد الكناني 🖌️
▸ 02k : ﷽خادمة الحسين عليه السلام
▸ 02k : الشاعرة زينب الفياض
──────⊱⁜⊰──────
▸ 01k : الشاعرة الحسن ام مهدي الفرطوسيه 🖌️
▸ 01k : قُنِآةّ آنِيَنِ آلَطِفُوٌفُ للًٍْقْصٓاْئدُٓ آلَمًنِبًريَةّ 🗒️
▸ 01k : قناة الشاعره ام حسين العامري 🖌
──────⊱⁜⊰──────
▸ 01k : خادمة اهل البيت ع ام صادق
▸ 01k : الشاعرة ام يحيى الخزعلي
▸ 01k : قناة الشاعره ام یاس الساع
──────⊱⁜⊰──────
▸ 01k : الشاعره أم أحمد المنصوريه 🖌
▸ 01k : خادمه الزهراء الملا أم حس
▸ 09h : الشاعره العلويه بتول الهاشمي 🖌️
──────⊱⁜⊰──────
▸ 09h : لعليَ خِادمة 🗒️
▸ 09h : أنين فاطمه🖌
▸ 07h : جروح وآهات وقلمي 🖌
──────⊱⁜⊰──────
▸ 07h : أنوار الزهراء عليها السلا
▸ 07h : مصائب المنتظر عجل الله فرجه 🗒️
▸ 06h : المأتم الخالده 📃
──────⊱⁜⊰──────
▸ 06h : الشاعرة نور الحسناوي ✍🏻
▸ 06h : الشاعرة والمله ام حسين السكينية 🖌️
▸ 05h : قــــــنـــــــٌآة وُلَآيـــــــّة عــــــــلَيـــــــّ 💮
──────⊱⁜⊰──────
▸ 04h : الشاعره أم أحمد المنصوريه
▸ 03h : الشاعرة ام علي الاسديه 🖌️
▸ 03h : الشاعره ام ابراهيم الحلفي 🖌️
──────⊱⁜⊰──────
▸ 03h : الشاعرة والملة العلوية ام
▸ 03h : الشاعر الحسيني حسن جاسم ا
▸ 03h : الشاعره رهف الكعبي 🖌
──────⊱⁜⊰──────
▸ 03h : قناة شاعرة أهل البيت بنت
▸ 03h : الشاعره ام يوسف 🖌️
▸ 02h : التائقون 💮
──────⊱⁜⊰──────
▸ 02h : الشاعره والمله ام امير 🖌️
▸ 02h : الشاعر جعفر الساعدي✍️
▸ 02h : قصائد الزنجيل الثلاثي 🗒️
──────⊱⁜⊰──────
▸ 02h : الشاعره والمله أم امير 🖌️
▸ 02h : الملا والشاعرة ام زينب الإنصاري.. 🖌️
▸ 02h : الرادود حسين القريشي 💮
──────⊱⁜⊰──────
▸ 02h : قناه ولایه علی امیرالمؤمن
▸ 01h : 🌿 زًينبــٰٰٰ๋ٖٖٖۧـــ۫📿ـ๋๋ـــــيآت🌿💮
▸ 01h : حقيبة🕋المؤمن 💮
──────⊱⁜⊰──────
▸ 01h : خادمة باب الأمير 🗒️
▸ 01h : شيعـَهِِ،،ِ؏ـلَي🤎🥹 💮
▸ 01h : قناة شاعرات رابطة ام الحسن 🗒️
──────⊱⁜⊰──────
▸ 01h : الكاتبة الحسينية العلوية
▸ 01h : الشاعرة زهراء العسكري🖌️
▸ 01h : رابطة آبا الفضل العباس 🗒️
──────⊱⁜⊰──────
▸ 01h : الرادود حسين القريشي 💮
▸ 01h : مَلحمة الطَف،الشاعرة ام ح
▸ 09h : 🌙قناةُ حقيبةُ المُؤمنْ🌙
──────⊱⁜⊰──────
▸ 09h : الشاعره ام ريحانه الفاطمي 🖌
▸ 08h : همــــــــس الملائـــــــ
▸ 04h : متى اللقاء يا ابتي 313 💮
──────⊱⁜⊰──────
▸ 03h : الشاعره ام نور الباقر المالكي🖌
▸ 03h : الشاعره زهراء الدراجي 🖌
▸ 03h : شاعرات اهل البيت عليهم ال
──────⊱⁜⊰──────
▸ 02h : ألشاعر طارق البستاني ✍️
▸ 02h : مقاطع حسينيه 💮
▸ 02h : عزيز الزهراء عليه السلام
──────⊱⁜⊰──────
▸ 01h : دُرتين 💮
▸ 01h : قـنـاة الـشـاعـرة نبـأ {الـمـشـترڪة} 🗒️
▸ 01h : قـنـاة الـشـاعـرة نبـأ {قصائد} 🖌️
──────⊱⁜⊰──────
▸ 01h : قصائد 🗒️
▸ : طـريـقُ عـلي 💮
هوسات طلب حاجه للعباس عليه السلام
اكصد يالتطيح بضيج اكصد باب ابو الغيره
كله ياشهم ياحيد احلفك بالعقيله الضلت بحيره
كله اهمومي كثرانه وصارت حيرتي اجبيره
ضاكت اهمومي عليه وجيت هذا اليوم
وانت الماترد خطار ياجيدوم
امشي اعليك خدر المشت وي الكوم ا
لو حلفته بخدر ام عون// الكافل مايتعذر
يكضيهه// كل شده الكافل
➖➖➖➖➖➖
احلفك بالعقيله والجره اعليهه
طلبتي اليوم ياعباس يمك ارد اخليهه
واهموم العلي بس يمك اشكيهه
عليه اهموم ياعباس كثرانه
من اهموم العليه حيل تعبانه
ياباب الكرم دكيت بيبانه
وبابك دكيته// اهلن يالبيك الغيره
➖➖➖➖➖➖
بخدر زينب اجيت اليوم احلفنك
وجعانه وريدن طيبتي منك
ماترد كاصد وحق الزهره اعرفنك
ياعباس اجيت اليوم عنايه
بشباكك اريدن اعكد الرايه
تقضي حاجتي يالبيك الاكفايه
يالبيك اكفايه// بزينب جينه انحلفك
تمت ✍️ الشاعره والمله ام حسين العامري
من ديوان زينب ولطفوف الجزء الخامس
غير مبري الذمه من يحذف الاسم اوالكلمات وينسبها له
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
لطميه للعباس عليه السلام بقفلة الهوسه
شال اليوم...شيال الكلافات
شال اوياه.. خدر الفاطميات
➖➖➖➖➖➖➖
شيال الحمل طاح وغفت عينه
طاح اعالنهر جف اليحامينه
نحشمن بعد لو عالو اعلينه
يحمينه// ياجف البعدك
➖➖➖➖➖➖
شيال الحمل ضل بالمسنايه
عالشاطي طريح ويمه الرايه
ياعباس شنهي نومتك هايه
مضيعينه// شيال الكلفه
➖➖➖➖➖➖➖
شلون تشيل ياعباس ياحيد
وانت التكضي كل كلفه يصنديد
لاعين البقت عدك ولاايد
ياهو اليكضيهه// الكلفه اخلافك
➖➖➖➖➖➖➖
ياعباس اكعد للحمل شيله
بسيفك كوم رجع عنه العيله
زينب رادتك وتحشم الليله
رد العياله// اكعد يل بيك انزامط
➖➖➖➖➖➖➖
عين الضيغمي بسهام صابوهه
وجفوفه بسهم ياحيف كطعوهه
والهامه بعمد نصين طبروهه
لاهامه// لاجف العده
➖➖➖➖➖➖➖
اكعد ياسبع موش الك هالنومه
سل سيفك يوالي ورجف الحومه
تزامط بيك زينب هايجيدومه
راس اختك شيله/_ اكعد يالهيبه
ياهو اليحمينه// نامت عين الكافل
تون ومهظومه// ام عون اعليك الليله
تمت ✍️ الشاعره والمله ام حسين العامري من ديوان زينب ولطفوف الجزء الخامس
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
💥هوسات حصريا للعباس عليه السلام 💥
من ديوان زينب والطفوف 👈 الجزء الثالث عشر
اريد احجي على العباس وانه اليوم ممنونه
نعمين وثلاث تنعام من البارعه عيونه
محلات الدرع والسيف لو شاله على متونه
سوه افنون بالميدان ما كدروا يكحمونه
هذا ا ربات حيدر يا لتعرفونه
وانه الممنونه// ارثيلك يا عباس ارثيلك
💥💥💥💥💥💥💥
يلي تريد تتعلم وفه الخوان
اخذ ادروس من الكافل الريسان
للخوه صدك عباس ضل عنوان
تعلم من اخو زينب روح ولاتضل حيران
من الضحه بجفينه//تعلم معنى الخوه
💥💥💥💥💥💥💥
اليوم ارد اهوس هوسه للعباس
اخو زينب كفو منه يشيل الراس
بالكلفه والغيره تعرفه الناس
للخوه والوفه بدمه ثبت ساس
تلوك الهوسه اعليه//الوفه حك الخوه
💥💥💥💥💥💥💥
الخوه العد عباس مثله مااجت خوه
ابوغيره وشهامه وصاحب النخوه
لاجل زينب وعين حسين شفتو بكربله اسوه
ضحى العين والجفين ويكول العمر فدوه
ولله ولله الاخو المايوكف لخوه ماتنحسب خوه
بس الكافل وافاها//الخوه و معنى الخوه
💥💥💥💥💥💥💥💥
واجب نرفع الرايات من ينجاب طاريه
هيبه والهيابه امفصله اعليه ولله ابنج يبدويه
يانبع المحنه وفارس وضرغام يالنوره يشع ضيه
يامية هله بعباس يالمتروس حنيه
ارفعي بيرغ العباس هوسيله يشيعيه
يستاهل ابو الغيره
((للعباس نهوس بيه//اليوم البيرغ يحله
تمت✍️ الشاعره والمله ام حسين العامري
من ديوان زينب والطفوف الجزء الثالث عشر
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
اكتبلك شعر ممنونه ياعباس
بخدمتكم اضل حد كطعت الانفاس
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
💥 لطميه للعباس عليه السلام من ديوان زينب والطفوف 👈الجزء السابع💥
شكال كلب ام الحزن
من طاح حامي اضعونهه
➖➖➖➖➖➖
زينب تون حزنانه
من كطعو ذرعانه
تون وعليه عميانه
اليوم العقيله شلونهه
➖➖➖➖➖➖
اليوم العقيله اتهل دمع
تون اعله جف المنكطع
ماتكدر تكوم وتكع
كلش تغير لونهه
مكطعينه// ياجف الهيبه.. هوسه
➖➖➖➖➖➖
كلش تغير حالهه
عالنهر ياكفالهه
اليوم الدمع يحلالهه
من دم تصب عيونهه
➖➖➖➖➖➖➖➖
ام الخدر حكهه تون
وتعلي اصوات الحزن
لاجف ولاعين البقن
راح العده يولونهه
المهيوبه// تشبع لوعات...هوسه
➖➖➖➖➖➖
اكعد يكافل محملي
اليوم تندب بت علي
عباس بعدك ياهو الي
ترضه اختك يهظمونهه
➖➖➖➖➖➖
اليوم زينب حشمت
عباس عينك غمضت
وياك هيبتنه مشت
اكعد وحامي اضعونهه
حاميهه// اكعد والزينب...هوسه
وين البيه غيره// اليوم ام عون تحشم
طاحن جفينه// شلون الكافل ضعني
تمت ✍️ الشاعره والمله ام حسين العامري
غير مبري الذمه من يحذف الاسم اويغير كلمات القصيده وينسبها له
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
🔥اصدار حصري وجديد ثكيله للعباس عليه السلام (ياكفيلي) من ديوان محزوز الوريد 👈 ٤ج خاص للعباس 🔥🔥
ياكفيلي... جيت احشم هالمسيه
ياكفيلي... دمعتي ضلت جريه
دمعت عيوني تلالي... كوم وكعدلي يوالي
ياكفيلي... فركتك تصعب عليه
➖➖➖➖➖➖
دمعت عيوني تلالي اليوم ضلت
روحي ياخويه حزينه وحيل ونت
طيحتك عالعلكميه الحيلي هدت
من شفت جفك تكطع... كلبي ياخويه تصدع
ياكفيلي... حشمت ماكمت ليه
➖➖➖➖➖➖
من شفت جفك وكع عالمشرعه
كلبي هالمنظر يخويه كطعه
اخلاف عينك ولله اضلن ضايعه
وين وعدك خويه الي... وانت كتلي ادللي
ياكفيلي.... راح اشوف اجم رزيه
➖➖➖➖➖➖
راح اشوف اجم مصيبه اخلاف عيناك
وانت منطيني وعد وين الوعد ذاك
شلون عالشاطي يخويه طايح الواك
بالسهم مصيوبه عينك... عالنهر طاحت يمينك
ياكفيلي... طاحت اجفوفك سويه
➖➖➖➖➖➖
طاحت اجفوفك يخويه والعمد
والسهم كطع. يعباس الزند
رحت ماوفيت اليه هالوعد
عيونك اعلشط غفت... زينب اخلافك بجت
ياكفيلي.... جثتك ضلت رميه
➖➖➖➖➖➖➖
جثتك ضلت رميه اعالنهر
عفت زينب بالغرب تدري بخطر
اخلاف عينك ينسلب منهه الخدر
تدري ياعباس تدري... لو رحت ينسلب خدري
ياكفيلي.... كمت اصيح شلون بيه
➖➖➖➖➖➖➖
من المدنيه انت الجبتني هايوالي
وين وعدك خوي الي احجيلي يغالي
هسه عالشاطي رميه ااه يحالي
عفت زينب ياهو الهه... نومتك لا مو محلهه
ياكفيلي... نايم اعله العلكميه
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
سويتلكم ديوان نسائي متكامل وملحن بالكامل 🗒️😊 👇
/channel/+74N04SNGMV9iNzgy
💔فزاعي سريع بدايتها هوسه للحسين من ديوان الميدان الزينبي خاص بالفزاعي والهوسات 👈 ٣ج 💔
من ننصب عزه لحسين ام الحسن تحضر بيه
عونه تريد للعطشان تدور ناعيه تنعيه
تكول ابني على التربان ضل جسمه موذريه
(يازهراء كلنه نون اوياج)
(نزلت الفراعيه)
من ننصب عزه لحسين
تحضر فاطمه اويانه
➖➖➖➖➖➖
من ننصب عزه المضلوم
تبجي من كلب مالوم
عونه تريد هذا اليوم
للنايم. بميدان
من ننصب عزه لحسين
➖➖➖➖➖➖
تبجي وتهل دمع العين
تنوح اعله الشهيد حسين
عون. تريد. يمحبين
لتوسد. بتربانه
من ننصب عزه لحسين
➖➖➖➖➖➖
تبجي وتهل مدمعهه
يوم الولد يوجعهه
يوم حسين صدعهه
تون اعليه حزنانه
من ننصب عزه لحسين
➖➖➖➖➖➖
تحضر توكف اعالباب
تنطر جيت الاحباب
كلب ام الحسن منصاب
تريد اليوم عوانه
من ننصب عزه لحسين
➖➖➖➖➖➖
تون من كلب حزنان
عونه تريد للوليان
للضلو على التربان
حسين وجمع خوانه
من ننصب عزه لحسين
➖➖➖➖➖➖
تون والكلب مفجوع
للي كسروله ضلوع
من عده النحر مكطوع
مارحموه عدوانه
من ننصب عزه لحسين
(نعازيها//بحسين ويومه)
(ويانه//تحضر مالومه)
(انشد احزام اوياها//لحسين ويومه)
(تحضر مالومه //الزهره بنص الماتم)
تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد لطميه ثكيله للوداع (ليل الموداع صعب) من ديوان محزوز الوريد 👈 ٦ج 🔥
ليل الموداع صعب مابيه احمله
شلون افاركم يخوتي وبقه عدله
هاي هيه اوياكم... جن كرب ممشاكم
هايخويه... هايخويه
➖➖➖➖➖
اليوم وياكم يخوتي شلون الوداع
شلون اشوفنكم ضحايا موسده الكاع
اخلافكم هاي الفواطم تبقه اضياع
اوداعكم ولله صعب... ذاب من عدي الكلب
هايخويه... هايخويه
➖➖➖➖➖
اوداعكم ولله صعب يبن امي يحسين
حيل صعب اوداعكم هايالعزيزين
تودعوني وللمنيه جن مرحلين
اه يوني ولوعتي... شلون بيه يخوتي
هايخويه... هايخويه
➖➖➖➖➖➖
اه يوني ولوعتي هاي المسيه
يصعب اوداعك علي يبن الزجيه
اجسادكم باجر تضل بالغاضريه
شلون اصد اعليها... توذر موذريها
هايخويه... هايخويه
➖➖➖➖➖➖
شلون اصد اعليها تبقه اعالترابه
وشيبك الطاهر اشوفه بدم خضابه
جرحك بنص الكلب يدي اصوابه
اوداعكم كلش عماني... هدم حيلي والماني
هايخويه... هايخويه
➖➖➖➖➖➖
اوداعكم كلش عماني وكضه روحي
حسين خويه الهل مصيبه زاد نوحي
بعد ماتضمد ولاتشفى اجروحي
شلون افاركم يهلنه... يلي بيكم كل محنه
هايخويه... هايخويه
➖➖➖➖➖➖
شلون افاركم يخويه كلي شلون
اعزاز كلبي وهالمفارك علي ميهون
حسين خويه حسين اليه لاتودعون
بياكلب يحسين اودعك... باجر الضالم يذبحك
هايخويه... هايخويه
ليل الموداع صعب مابيه احمله
شلون افاركم يخوتي وبقه عدله
تمت ✍️الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد لطميه بقفلة الهوسه للاكبر عليه السلام (وين ارباي) من ديوان محزوز الوريد 👈 ٥ج 🔥
وين ارباي.يمه... وتعب السنين
تالي اعله الترب... ومغمض العين
➖➖➖➖➖➖
وين ارباي يبني والتعب ذاك
صعب فركاك يمه صعب فركاك
اخذني للكبر يايمه وياك
شايل من وكت... يالولد لاوين
(ماوفيته//ياتعب امك)
➖➖➖➖➖➖
شايل من وكت ورباي اريدنه
عفتني ياعلي بس اجذب الونه
رده ماالك راح اكطع الظنه
ضلت بالحزن روحي والونين
(دلالي//يون وتفطر)
➖➖➖➖➖➖
ضلت بالحزن امك يواليها
شايل يالولد وامك مخليها
هاي الوالده ياهو اليباريها
كلبهه ينوح ضل اعليك وحزين
(محزونه//اعليك الربت)
➖➖➖➖➖➖➖
كلبي ينوح ضل اعليك هاليوم
هدمت الحيل ضل الحيل مهدوم
وعيني يالولد ماضاكت النوم
وبنص الكلب ضلت نياشين
(هديته//حيل امك يمه)
➖➖➖➖➖➖
اطلبك بالتعب اكعد اوافيني
شلون تشيل يالغالي وتخليني
شلون يغيب طولك يمه من عيني
اليه احساب يمك وفي للدين
(تخليني//شلون وتمشي)
➖➖➖➖➖➖
اليه احساب يمك يالولد يبني
شايل وين يمه وهين تذبني
انه الوالده ورباك تعبني
بحالي مارحم يايمه البين
(من عيني//اخذاك بسرعه)
(وين الكاه//اوليدي الغرب)
(من ايدي//ضاع اوليدي)
(اذاني//يالاكبر يومك)
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد حديث مع نعي للرضيع عليه السلام من ديوان محزوز الوريد 👈 ٦ج 🔥
صلى الله عليك يا مولاي وابن مولاي يا ابا عبد الله يا من نحرك منحور وصدرك بحوافر الخيل مكسور وعيالك سبايا من بلد الى بلد تدور سيدي اعوذ بالله من عين لا تدمع وقلب لا يخشع واذن لا تسمع وصوت لا يرفع على مصابك يا ابا عبد الله تبقى صرختنا مدى الحياه
حسين. ياحسين. حسين. ياحسين
انا لله وانا اليه راجعون عظم الله اجورنا واجوركم بهذا المصاب الاليم مصاب الطفل الرضيع روحي له الفداء يقول لما قتله كل اصحاب الحسين واهل بيته واخذ العطش يشتد بالعيال والاطفال اتت مولاتنا زينب الى اخيها الحسين عليه السلام وهي حامل الطفل الرضيع بين يديها قالت له اخي يا حسين ان رضيعك قد جف صدر امه من اللبن ولسانه اصبح كالخشبه اليابسه وقلبه تفطر من شده الظما اذهب به الى القوم عسى وان يرق قلبهم لحاله وصغر سنه يقول اتى الحسين عليه السلام الى القوم وهو حامل الطفل بين يديه وقال لهم قتلت كل اهل بيتي وعمومتي واصحابي ما بقى سوى تلك الطفل الصغير لقد تيبس كبده من شده العطش خذو هالطفل واسقوه شربه من الماء يقول اشتد النزاع بين الاعداء قيل يقول اسقوه الذنب للكبار ما ذنب الصغار وقيل يقول اقطعوا راسه من الوريد الى الوريد اشتد النزاع بين القوم يقول صاح كبير القوم يا حرمله اقطع النزاع يقول حرمله لعنه الله فخذت انظر في اي مكان اسدد على تلك الطفل واذا بمنديل طار من رقبه الطفل واذا برقبته تلمع كبياض الثلج يقول اسددت عليها وصوبتها بالسيف فقطعت راسه ومن الوريد الى الوريد رحم الله من نادت واحسيناه.... وارضيعاه وامصيبتاه
يقول اخذ الحسين عليه السلام ووضع يداه تحت رقبه الطفل وامتلات بدمه ورمى به الى السماء قال يا رب اشهد عليهم بهذا ورجع الحسين بالطفل مذبوح وتلقته ابنته سكينه قالت له ابي هل سقيت اخي من الماء ظنت بان ابيها سقاها الطفل ورجع لهم بشربه من الماء قالت له ابي هل سقيت اخي وهل بقى لنا قليل من المال ارتوي به رد عليها الحسين قائلا
اخييج يبويه مارويته
مذبوح ليكم رجعيته
واويلاه
عبدالله ياسكنه افكديته
➖➖➖➖➖➖
سهم النوايب عاين اعليه
خلاه رميه وماد رجليه
اخييج نفس ماضل بعد بيه
يقول اتى الحسين عليه السلام وصاح بصوت حزين يا زينب يا ام الاحز ان يقول خرجت زينب واذا بالطفل ذبيح بين يدي الحسين قال لها اخيه زينب خذي رضيعي لقد قطع قلبي
نعي
يحسين كلي شلون اصد ليه
بياذنب هالكوم راميه
غطي الطفل يحسين غطيه
➖➖➖➖➖➖
اخذي الطفل يم عون عني
ماينحمل يومه وكتلني
زيد علي ياخويه وني
➖➖➖➖➖➖
بعيني يخويه شلون اشوفه
ازغيرون وترفرف اجفوفه
وبسهم الغدر ذبحو اطيوفه
➖➖➖➖➖➖
يم عون ماضلي بعد حيل
دم الطفل عالغبره اسيل
بعمر الورد للمكبره يشيل
➖➖➖➖➖➖
يقول لما سمعت امه الرباب وهي تنظر وتتامل برجوع ابنها وهو مرتوي من الماء لكن ارجعوا اليها مذبوح من الوريد الى الوريد لما نظرت له بهذا الحال صرخت ونادت
تكله
يمه. يمه ياااايمه. يااايمه
يالولد يالرباك حظني
هين يبعد امك تذبني
شايل وين يالمدلول عني
➖➖➖➖➖➖
ازغيرون ماشبعيت منك
شحلاتك ييمه ومحله اسمك
وشلون اندفن هاليوم رسمك
➖➖➖➖➖➖
يصعب افراكك يالزغيرون
تنام بلحد وتغمض العيون
بفراكك ييمه كلي شلون
➖➖➖➖➖➖
اريد الرفك يالولد وياك
ماريد العمر يمه بلياك
يلجم دليلي حيل فركاك
➖➖➖➖➖➖
منين اجتني الغاضريه
شفتك على الغبره رميه
تفاركنه ييمه وهاي هيه
➖➖➖➖➖➖
يالولد يالب الافاد
ماشوف طولك وي الولاد
يومك لعد الكلب مراد
احوووو صحت يالولد يبني
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥اصدار حصري وجديد لطميه للرضيع عليه السلام (اركض للمهد) من ديوان محزوز الوريد 👈 ٦ج 🔥
كمت افز بالليل وركض للمهد
تصورت مدلولي من نومه كعد
➖➖➖➖➖➖➖
كمت افز بالليل مشدوهت عكل
هدماني حيل يمصاب الطفل
شكد صعب نومه ابد ماينحمل
خمدت انفاسي عليه كلبي نمرد
كمت افز بالليل وركض للمهد
➖➖➖➖➖
خمدت انفاسي عليه دمعي جره
اليوم روحي الهل مصيبه مكدره
ابني ازغيرون نام اعالثره
للكلب حراك يايوم الولد
كمت افز بالليل وركض للمهد
➖➖➖➖➖➖
للكلب حراك ولله شيحمله
صوبتني اليوم نبلة حرمله
منين اجتني يامصايب كربله
بلا ولي ضليت لاخيمه وسند
كمت افز بالليل وركض للمهد
➖➖➖➖➖➖
والمهد خالي شلون انظر عليه
والولد مفكود طوله ماهو بيه
لايناغيلي ولااسمع بجيه
ريع دلالي مشه وعني بعد
كمت افز بالليل وركض للمهد
➖➖➖➖➖➖
ريع دلالي شيحمل فركته
ازغير المدلول كطعو ركبته
بالكلب تسعر يناره وجمرته
اشداد لاينفع الجرحه ولاضمد
كمت افز بالليل وركض للمهد
➖➖➖➖➖➖
اشداد لاينفع ولاينفع دوه
كلبي لفراكه عليه حيل انجوه
ريت موتتنه يعبدالله سوه
والفرح وياك يايمه نفكد
كمت افز بالليل وركض للمهد
تصورت مدلولي من نومه كعد
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
🔥لطميه ثكيله للقاسم ع من ديوان زينب والطفوف 👈 ٧ج 🔥
بالكلب تلهب جمرتك...يمه يمه
ماشفت يمه فرحتك..يمه يمه
➖➖➖➖➖➖
ماشفت عرس وفرح لامن تهنيت
صحت ريض يالولد شو ماتوانيت
نار بالدلال يمه اليوم خليت
بالكلب تجوي فركتك. يمه يمه
➖➖➖➖➖➖➖
بالكلب تجوي ونيرانك سريه
صحت يمه يالولد ريض اليه
ضيعت طولك يجاسم هالمسيه
شلون احمل غيبتك...يمه يمه
➖➖➖➖➖➖➖
شلون احمل غيبتك حراكه للروح
يمه ضل كلبي يون مايكطع النوح
والكلب مصدوع يمه وكله اجروح
البين طفه شمعتك...يمه يمه
➖➖➖➖➖➖➖
البين طفه شمعتك وطفالي عيني
يمه لغيابك فلا يبطل ونيني
ياحياتي وزهرتي وشمعت اسنيني
ياحسافه ضيعيتك....يمه يمه
➖➖➖➖➖➖➖
ياحسافه ضيعيتك وين الاكيك
وين اشوفك وين ارد اسمع محاجيك
يمه لو تنباع يمه بعمري لشريك
اشبيدي يمه ماحويتك...يمه يمه
➖➖➖➖➖➖➖
اشبيدي يمه والزمن مارحم حالي
اخذ مني فرحتي وضم الغوالي
يمه ياجسام ياعزي ودلالي
من المنيه وين اظمك...يمه يمه
تمت ✍️ الشاعره والمله ام حسين العامري
من ديوان زينب ولطفوف الجزء السابع
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء
/channel/firyjgssMeropmm
لطميه جلوه لعرس القاسم عليه السلام
علكوله الشمع هاليوم اعلكوله
اشموع وياس للعريس طشوله
➖➖➖➖➖➖➖
حضرنه الصياني وجبنه الحنه
اشموع وياس للعريس حضرنه
نون ونصيح ياجاسم يالمجنه
هالعريس بالله اليوم هنوله
➖➖➖➖➖➖➖
حضرنه الصياني اليوم لعيونك
ياعريس يالمتوسد بكونك
بسيوف ونبل جاسم يزفونك
وي رمله بحزن هاليوم دبجوله
➖➖➖➖➖➖
نجلي اعروسته هاليوم بالدمعه
لجل ابن الحسن علكوهه للشمعه
هالعريس ولله فجعته فجعه
للمحروم ونو بحزن ونوله
➖➖➖➖➖➖
سوو حنت العريس سووهه
واشموع الفرح لعيونه شعلوهه
انطش جكليت لجله وامه هنوهه
وشوباش العرس للولد حضروله
➖➖➖➖➖
وي رمله نون اليوم للمحروم
ياصيوان عرسه محزن ومهدوم
كلب الوالده عالولد ضل مالوم
لازفت عرس لافرح سووله
➖➖➖➖➖➖
لازفت عرس لافرحو اخوانه
وثياب العرس صارله اجفانه
الله يعين كلبج هايحزنانه
كلبج مافرح لاسمع هلوله
نعازيهه// بالقاسم رمله
بالحومه// عريس ونايم
تمت ✍️ الشاعره والمله ام حسين العامري من ديوان زينب ولطفوف الجزء الثالث
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء/channel/+y-JH3S-fW8w4OWYy
🔥 لطميه ثكيله للقاسم ع من ديوان زينب والطفوف جزء 👈 ٢٠ ( عرس المنيه)🔥
عرس المنيه... عرس المنيه
ياعرس هذا بكربله عرس المنيه
بالغاضريه... بالغاضريه
جسام ضل اعله الثره بالغاضريه
💔💔💔💔💔💔💔💔
يا عرس هذا بكربله ياعرس الأحزان
شبل الحسن ضل عالثره موسد التربان
ما لابس ثياب العرس لابسها الاجفان
بدمعه جريه... بدمعه جريه
زفنه امه وعمته بدمعه جريه
💔💔💔💔💔💔💔💔
زفته امه وعمته لساحه الحومه
بيوم العرس اه يالولد تجري ادمومه
جسام من دم ركبته نكعت هدومه
ضل عالوطيه... ضل عالوطيه
للخيمه مارد الولد ضل عالوطيه
💔💔💔💔💔💔💔💔
للخيمه مارد الولد ضل ساكن اتراب
ياعرس هذا ياكدر يا عرس المصاب
نايم على الغبره ويون يالبعده اشباب
بهاي المسيه... بهاي المسيه
عرس الكدر والفاجعه بهاي المسيه
💔💔💔💔💔💔💔💔
عرس الكدر والفاجعه عرس المصيبه
ام الولد ضلت تهل دمعه سجيبه
والنار ضلت بالكلب تسعر لهيبه
ضلت سريه... ضلت سريه
نار المعرس بالكلب ضلت سريه
💔💔💔💔💔💔💔💔
نار المعرس بالكلب ما تطفي هيهات
ياعرس هذا بكربله عرس المناحات
ابن الحسن ضل عالثره اه او وسفات
اهل الحميه... اهل الحميه
كلهم على الغبره صفوا اهل الحميه
💔💔💔💔💔💔💔💔
ندري العرس لمت اهل وبيها الأفراح
ابن الحسن عرسه ذبح وأصوات الانياح
مافرحه ضلت بالكلب بس حزن وجراح
يالهاشميه... يالهاشميه
يعين كلبج عالجره يالهاشميه
تمت ✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له
/channel/firyjgssMeropmm
تسمع بكلبك لولا 😭
راح ابو فاضل 💔😔😔😔
هوسات للعباس عليهالسلام من ديوان زينب والطفوف 👈 الجزء السابع
كلام بدايه الهوسه
سمع العباس صوت الاطفال تنادي العطش العطش يا عماه العطش العطش يا عباساه اهتزت غيره العباس واخذ الرخصه من الحسين ونزل الى ساحه المعركه نزل وهو يرتجز ويقول
الهوسه
انا العباس انا المعروفه افعالي
لجيب الماي والله واسكي عيالي
وفنه اللي يصلني ويوكف كبالي
انا الرواي انه تناديلي اطفالي
هاليوم ارويها //اطفال ا لظلت تصرخ
➖➖➖➖➖➖➖
ارد اهوس هوسه للعباس اريدج تعدلي الميدان
هذا الضحه للخوه ضل تاج وصدك عنوان
هذا الظحه بالعينين للخوه فده الذرعان
هذا الشاع صيته ياعظيم الشان
وصلتنه اعلومه.//...امصيت يالعباس امصيت
__
واجب نرفع الرايات من ينجاب طاريه
هيبه والهيابه امفصله اعليه ولله ابنج يبدويه
يانبع المحنه وفارس وظرغام يالنوره يشع ظيه
ياميت هله بعباس يالمتروس حنيه
ارفعي بيرغ العباس هوسيله يشيعيه
للعباس نهوس بيه....اليوم البيرغ يحله
➖➖➖➖➖➖
شايل رايته العباس نزلها وزلزل الحومه
خله الزلم تترادم ونص الخيل مهزومه
ياهو اليوصله ياهو هذا ا ربات جيدومه
يا ليشبه علي الكرار وكل صولاته معلومه
زلزلهه الحومه// بيوم الكاف لصول
تمت ✍️ الشاعره والمله أم حسين العامري
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
ممنونه اكتبلك شعر ياعباس
خادمكم اضل حد كطعت الانفاس
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
نعي كرناوي للعباس عليه السلام
زينب ونت ونادت يعباس
حيل اختك صبح يا خويه نحيل
انكسر ظهري يخويه والحمل طاح
وحملي اليوم كلش اصبح ثكيل
والحمل الثكيل يريد شيال
وانت اليوم عني اكفيت وتشيل
ما اني معلمه اعله الونه والاه
جنت مدلله بجالك يا الكفيل
مكسورت كلب بالحزن ظليت
بس دموع عيني ظلت تسيل
تمت✍️ الشاعره والمله ام حسين العامري
من ديوان زينب والطفوف الجزء السابع
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
💥لطميه بقفلة الهوسه للعباس
عليهالسلام💥
لما رجع الحسين عليه السلام من مصرع العباس رجع محني الضهر
تلكته زينب هنا زينب بياحال من شافت الحسين بهاي الحاله
اخي ياحسين اين حامل لواك اين كفيل خدري شجاوبهه الحسين شيرد عليهه كأني عن لسان حال الحسين شيكلهه
اللطميه
يخت عباس....شيال الحمل طاح
تعاي اليوم....خل نلطم على الراح
➖➖➖➖➖➖
يخت عباس طاح اليوم المجنه
على الكافل حملجن زيدي الونه
مايرجع بعد كطعي الامل منه
اعله الهامه// لطمي العباس
➖➖➖➖➖➖
على الكافل الطمي هنايالحزينه
على الشاطي كفيلج صوبو عينه
ضل اعله النهر متكطعه جفينه
اعله لشاطي// مطروح الحيد
➖➖➖➖➖➖
ضل اعله النهر والرايه ملفوفه
اخبرنج يزينب طاحت اجفوفه
خل نروح يم الضيغمي نشوفه
يم جفينه// والرايه تون
➖➖➖➖➖➖
خل نروح للعباس نتعنه
اكله وين خوتك ورد انشدنه
هاذي نومتك لو هم ترد النه
رد لينه// يالبيك انزامط
➖➖➖➖➖➖
شلون تنام وعضيدك بلايه معين
تدري بروحتك كسريت ظهر حسين
ضل مكسور كلبه وبس يجر اونين
حليته// وحزام الخوه
➖➖➖➖➖➖
وها يم عون الطمي وشدي احزام
على اللي عاف حمله وعالنهر نام
تهون اعليك زينب هايضرغام
تخليهه// محزونه ام عون
طايح شياله// البيرغ ون وتكدر
شال البيه هيبه// ام عون تون الليله
تمت ✍️ الشاعره والمله ام حسين العامري
من ديوان زينب ولطفوف الجزء الثالث
غير مبري الذمه من يحذف الاسم اويغير كلمات القصيده وينسبها له علما ان القصيده سجلت في دفتر الزهراء
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام ليصلكم كل جديد
👇👇👇
/channel/firyjgssMeropmm
💥لطميه بقفلة الهوسه للعباس عليه السلام 💥
حيد وبالحرايب. تشهد افنونه
يل مخوف الزلم. من خزرت عيونه
💥💥💥💥💥💥💥
حيد وبالحرايب من يصل يمه
ابن حيدر علي وام البنين امه
خيل وزلم فرت كلهه من اسمه
(يم سيفه//من يكدر يوصل)
💥💥💥💥💥💥
حيد وبالحرايب من يكف دونه
تتراجف صدك من خزرت عيونه
بطل عباس يل كلكم تعرفونه
(من عيونه//تتراجف كلهه)
💥💥💥💥💥💥💥
للميدان طب وشايل الرايه
هذا ابن الصميده البيه الكفايه
كال اليوم فنهه الوصلت اعدايه
(يم سيفي//ياراس اليوصل)
💥💥💥💥💥💥💥
طب المعركه عباس ابو الشاره
وبسيفه الزلم خلاها طشاره
صول عالاعادي وبيده بتاره
(يوصل ليه//ياهو اليكدر)
💥💥💥💥💥💥
طب شاطي الفرات وصاح هذا انه
شلون الماي عنه تلزمه اعدانه
ماخلي الحرم وسكينه عطشانه
(من يميني//والماي اتريده)
💥💥💥💥💥💥💥
ابن ام البنين اليوم حييله
شيلي رايته وهاليوم هوسيله
يستاهل عراضه من تسويله
(هوسي اعليه//ابن البدويه)
(جاب الماي بجفينه//الكافل صول عالشط)
تمت✍️ الشاعره والمله ام حسين العامري
من ديوان زينب والطفوف الجزء السادس عشر
غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له
اضغط على رابط قناة اليوتيوب ليصلكم كل جديد
👇👇👇
user-sw9pj5uh2n" rel="nofollow">https://www.youtube.com/@user-sw9pj5uh2n
اضغط على رابط قناة التلكرام اليصلكم كل جديد
👇👇👇
/channel/firyjgssMeropmm
🔥اصدار حصري وجديد لطميه ثكيله لشجاعة العباس عليه السلام (حي الله عباس)من ديوانمحزوزالوريد👈 ٤ج خاص للعباس ع 🔥
شال العلم والرايه..... واشرف على المسنايه
حي الله عباس
خلي الزلم طشاره...... من شن عليهم غاره
حي الله عباس
➖➖➖➖➖➖➖
شال العلم بيده ونزل... والكوم فرت منه
يوم ا لنزل للمعركه..... حيدر نزلها جنه
طشرها يا رؤوس الزلم..... صاح اليجيني فنه
خلاها رؤوس مطشره //حياه سبع الكنطره
حي الله عباس...... حي الله عباس
➖➖➖➖➖➖➖
خلاها رؤوس مطشره...... روجه غدت بالميدان
حي الله سبع الكنطره..... اربات داحي البيبان
دك رجله بالحومه وكعد..... ولطف شهدله بعنوان
يوم الهجم عا الحومه// خلى الزلم مهزومه
حي الله عباس.... حي الله عباس
➖➖➖➖➖➖➖
يوم الهجم عا الحومه..... وشال العلم بيمينه
والزلم كلها طشرت.... يوم الخزرها بعينه
عباس يا ابو المرجله ..... من يوصله يا وينه
بالزلم ظلت خوفه// ولسيف بين جفوفه
حي الله عباس...... حي الله عباس
➖➖➖➖➖➖➖
بالزلم ظلت خوفه..... ما حد كدر يدناله
حيد و نزل عا المشرعه..... والعلم بايده شاله
تشهدله ساحات الحرب.... من فرت الخياله
زلزال بالحومه نزل// حي الله جفين البطل
حي الله عباس...... حي الله عباس
➖➖➖➖➖➖➖➖
زلزال بالحومه ونزل..... ما كدروا يلاونه
عباس تعجب وكفته..... بالحرب حلوه فنونه
حي الله كفال الخدر.... هل ضيغمي يسمونه
عباس كله مروه// غيره وشهامه وخوه
حي الله عباس.... حي الله عباس
تمت ✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له
/channel/firyjgssMeropmm
♦️تم نشر قصائد منبريه هنا 👇
👉 /channel/sajad100w