دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
هناك اشتياق خاص بين فاطمة الزهراء ص وقمر بني هاشم ص
والسيدة الزهراء ص اختارت ذلك للوقت والملتقى عند نهر العلقمي
اول مرة راح يشوفني بعينه
فارس هاشمي وللماي شارينه
اجه بمهرة .. على الزهرة... صگار الميادين
مشتاگه..... أتلاگة.. .. وي حزام الحسين
@@@@@@@@@@@@
دخل وچفوفة طماعة ... بحر من زلم فزاعة
وسطهم وگف وتشوفة..سفينة ورايتة شراعة
ناس تموج فوگ البر..شي تركض وشي تعثر
وشي صاحو دخيل الله....واحد حاط بالعسكر
الشال هناك چفينه .. يعوفة وياخذ الزينه
يخم عالكلف والمهيوب..يسطرة وتنكسر عينه
احر من الشمس عباس نار اكبر
يشيل الماي بس الماي يتبخر
سكت كلشي...صفن كلشي...العين شحدها ترمش
حتى الماي.. صاح بهاي....لاح ايده وصرخ اشش
@@@@@@@@@@@@
ضهرت گبالة بعباتي انبهر ويبوس ادياتي
بچيت وگتلة ياعباس .... احبك ياعويناتي
چهبني كاضة ضلوعي وسجد من هيس دموعي
يبوس تراب رجل امه....وعلي تيهت موضوعي
ابد ماعاين اعلية تطشر مستحه ونية
هذا الزود ياعباس لهذيج المرا البدوية
على متونه جربتة وطاسته بكثرة
يرجف گام ويصب ماي للزهررة
كفو معدل...يل مهيل....يل معزب ال نهران
يماي اشهد .. يدمع الخد ... انه ام گمر عدنان
@@@@@@@@
وگف وبوگفته سملة. يفدوة تروحله النخلة
يحلو الگاع ياعباس. .جمال الله و بگاع الله
اخذت مراد من ابني ويعينه امسحت ردني
المطيب ضلوع حسين ... هم يگدر يطيبني
واجت الالاف تنتضرة وكف خلاني يم ضهرة
وصرخ گبل الهجوم بصوت هاي الصوله للزهرة
كتبت انه اعله ضهرة ياعلي وصال(وشسوة)
اعلة ذاك الصوب يشمر زلم الثگال
حمل حملة ..دخيل الله .. مثل حملة الكرار
وبس عباس... سميناه ... داحي باب الانهار
@@@@@@@@@@
غاد الجندي اليلوحة.. ميدري براسة وبروحه
راسة يطير وي الريح... بس الجثة مطروحة
الجندي الطاح احساسة...بحرارت جرحة مقياسة
يدور راسة مايلگاه. .وياخذ راس مو راسة
ابو چفية الخضرة ... وعلي سوالهم عبرة
نضرلي وگتله زينه امك.... يا تچاية الزهرة
رسم عل ارض باب باربع اضلاعة
ي أول زلمة يشلع باب وي گاعة
بيعد ايدي...يوليدي ... شوية طيها فرصة
اخوتك غاد ... ياعباس .. هم يردون حصة
@@@@@@@@@
بچيت وفيضت خدي. شفت عباس متعدي
يهز طول النخل ونشوف طاحو مدري چم جندي
علي وبصفة جبرائيل ..شافو عركة الكافيل
بل بدوي علي چن صاح ..كفو چفك يعباسيل
جاوب والگمر يضحك...علي انت الاول ابلا شك
ماصارت گبل بس بيك.......الله بنفسة ويمدحك
سورة واية الك يابوية لمچانك
من راد الله يحلف حلف بحصانك( العاديات ضبحا)
ضحك حيدر..يگله انسر...يبني ويبن ضهري
والفرسان ..كلها تروح...فدواتك يذخري
@@@@@@@@@@
ابو قسور العويدي
القصيدة التمثيلية
(عيشها ومثلها مثل ما تحس)
(تحصل هواي دموع. وهنيالة اليواسي)
السرور. والعيد الاعظم لكل الموالين
والمحبين جعلنا الله وأياكم. من المؤيدين الرافعين ايديهم بنداء
يستاهل افرحلة بيوم خمي
على غيرة دفتشي الگاع. خمي
ابوي وعمي حيدر حتة خمي
علي الرجفة التجيني المغربية
يارب بحق علي وعلي وعلي
وعلي وعلي وعلي
وعلي وعلي وعلي
ثبتنا على ولاية علي علي علي
(( بس اني احسة عسل. لو انتو هم وياي))
من شحت عقول البشر للأخر
وادم ماتميز الماضي والحاضر
هذا بكيفة يفتي وذاك صاير شيخ
وهذا المنتچي اعله ابليس ويزاجر
عقول بثخن باب الشالها الكرار
يرادلها واحد نار مو فاتر
يرادلها فكرة تفوت للجينات
مو سهلة تغير فكرة الكافر
واجه سجيل ربك هاد بالعدلين
كسرهن نيه نية وسبگ لباچر
اجه النور اليعدل ميلت التاريخ
سواهم صراط وحبلت العاجر
ميزان ويعير فقط حچي النور
المضوية تدگ وتعثر الماذر
دحة علوم المسيح ودخل للتوراة
يلمفسر الكتاب بعلمك الباهر
للعقل الثخين المالة اي رداد
ربك شال نورة وحطة بالباقر
گلوب الوادم سبحة
يل باقرهن مثل الخيط
بسم الله الرحمن الرحيم
السلام على فحل الفحول، ابن عم الرسول، زوج البتول، أمير المؤمنين، يعسوب الدين، الأنزع البطين، الأورع المبين، الأشجع المقين، قائد الغر المحجلين، أفضل العابدين، أزهد الزاهدين، إمام المعصومين، إمام المتقين، قاتل الماكرين والناكثين والقاسطين والمارقين
الضارب بسيفين، الطاعن برمحين، مهاجر الهجرتين، مبايع البيعتين، فارس بدر وحنين، أتقى الأتقياء، سيد الأوصياء، عصمة الأولياء، العروة الوثقى، قائد البررة، فالق هامات الفجرة.
على حب بطل المشارق والمغارب
حيدرة، إيليا.. .. عبد الله، سبط الله، روح الله، صفوة الله، ولي الله، أسدُ الله الغالب.غالب كل غالب
علي بن أبي طالب. (عليه السلام)
الصلاة على محمد وال محمد
هوسة طويلة. للحسن صلوات الله عليه
الكرم من طرف ردنك گام يتغطة
ماخطة القلم چف الدسم خطة
تشمر حنطة بالمرواح وي الريح
وترجعلك تبوس بچفك الحنطة
الكرم لو زلمه چا كضيته بيدك هيچ
يغرگ مو بماي بگهوة وتغطة
هواي الطلعو وگالو نزاود بي
بس هذا الحچي من ساسه بي غلطة
چف معصوم ماينقاس وي الناس
فشلة الحسن وي الوادم نحطة
الحسن حتى الهوة مشبعه بمضيف الخير
على ريحة الزاد اچم سلف غطة
الحسن مو بس قضية اكل متوهمين
يوزع حسنات وبعد من شرطة
وشكو سيئه اضل جوة الفراش تنام
وملك اليسرة جزهن كلهن بشخطة
كرم ونشد عليه انهار ربك هاي
وتكلك يبلكي نصير من شطة
من يگول الله بالخير
بزرت ضهري ترد وياي
ابو قسور العويدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
يقول النبي ص. في لحظة ولادة الامام الحجة ص
انولد بناي ديني..... بيدة نبنة
وأنه وال هاشم ... بي ندبنة
الحسن لسه بچفوفة...بي ندة ابنة
عطس هيل وتطشر واهلية
مبارك عليكم ولادة رائحة النرجس❤️
هوسة غزل لعلي الاكبر ص
شعلمها الفراشة اطير وبلا صوت
لوما طايفة بمهدك
حطت عالورد وتگلة الله وياك
لگيت الاحله من عندك
لگيت تلاثة مو واحد حلاوت كون
انت ومهدك وخدك
عگدت شعرة برمشك
نذر الفراشة
هوسة للحسين ص.
الحسين وأمه وردة يعني هو اجمل اسم
الناس خبصتنا اعلة يوسف والله عود احلة رسم
والله لمن خلق يوسف كل للحسين ابتسم
المبسم خالق يوسف...
الضلن ضلن للعباس
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
فك ريجه الفجر بفراگ...ودعني بگلب مفطور
بطول سكينة صار حسين...الحدبة تگصر المكسور
بدة يودع بنات الخير..بكصصهن حبهن ومقهور
طلب لمن تحصلن ماي... رشن گبري ماي گبور
@@@@@@@@
ابو قسور العويدي
خيالك بية عايش وين ماروح
وگمت ما انتبه لسوالف الناس
بعد زيدني حب خل احترگ بيك
بعد خليني اشهگك وي الانفاس
مرة بمدرسة ويشرح الاستاذ
وسألنه وگال احچولي اعله الاحساس
نسيت وما صحت استاذ استاذ
وحق امك صحت عباس عباس
والصف كله صار بشك
المعلم گالي شقصدك ؟؟؟
ياهو احسن من العباس
گول ابحضك ابختك
تخيل ان فاطمة العليلة ص عندما تقف بجانب العباس ص
فأنها تصل الى اطراف اصابعه
وهنا بدأت بحديثها معه فقالت
@@@@@@@@@@@@@@
كضَيتة ابهامه.. ......حبيتة گدامه
وطاحت دمعتة بگصتي
وانه امسحتها بوجنتي
بلكت اطيب بدمعتك من لاحت الهامة
@@@@@@@@@@@@
گابلت عمها وتكلة عمي بس باوعلي ضل
شوف وجهي وانت احكم. بلا استاهل زعل
انه بتكم لو غريبة لو گلبكم مني مل
كون ماتردوني اروحن يعني اموت من العلل
اذا رحتو اضل بلا عشيرة
ترة بالبيت محسوبة اسيرة
وغرف بيتي افرهن ديرة ديرة
فدوة درحموني...وياكم اخذوني
كسرتني دمعة مهجتي
وانه امسحتها بوجنتي
كلشي ارهم وياكم انه اعتبروني خدامة
@@@@@@@@@
هلي كلهم باوعولي واني باوعت اعله ادي
شبيهن ثبابي اگلهم همة محد كال شي
گلت خافن انه ميتة ؟؟! وهاي بچيتهم علي
وگمت اهز بخواني وصرخ گلبي عايش گلبي حي
گلت كلهن يريدن شيل هدمي
لان يدرن عليلة ومات جدمي
گلت هسة يصيحن عمي عمي
مايكسر بوني .... وبچفة ياخذني
ودموعي عبرت شيلي
وانه امسحتها بوجنتي
مايكدر يشم غير انه لعباس شمامة
@@@@@@@@@@
بيدي گمت امسح دمعهم وانه اگلهن سالمات
هذا ابوي وهذا عمي سملة گولن ياهو مات
واخ من گالولي بيهه وهنه كلهن صافنات
طلع هذا البچي اعلية وما اروح وي البنات
درت وجهي وريد اركض على البيت
شيشيل الجدام وعلي انشليت
اتوسل بيهن امشن مو توازيت
لضعون احبابي ...نگعت ترة ثيابي
ودموعي اخذت صحتي
وانه امسحتها بوجنتي
ومفرع وياي الهجر كاشف عن لثامه
@@@@@@@@@@@
عمي يا زين الهواشم واحنه نعشك زينك
دين اطلبك والله اطلبك هذا بيني وبينك
انت عين الزهرة فاطم وانه فاطم وينك
شلون بله نشوف دريك غير تاخذ عينك
دخذ عيني وغرفتي انه اطبها
على الحيطان اتلمس دريها
الماعدهن جفن تبچي بگلبها
فاطمة موصدفة...موتتها بالغرفة
ودموعي وصلت شفتي
وانه امسحتها بدمعتي
من هسة حضرت السهر لليل مانامه
@@@@@@@@@
اعتبار بگلبي ياكل بلكي تسمع شعتبر
اعتبر زينب زغيرة بكدي كون بهل عمر
تبچي وتفرفح اجتك وانت بيدك هل امر
يعني معقولة يعمي تخلي زينب تنكسر
لو زينب مريضة تروح لو لا
لتلوموني من اصرخ اويلاه
احا يالحسين تعوفني احااا
فاطمة وتعرفني... والباب يكتلني
ودموعي تمطر يخوتي
وانه امسحتها بوجنتي
الماعدها ابو تموت بوكت من تذكر ايامه
@@@@@@@@@@
ابو قسور العويدي
ترة العدنا من ايديهم....سلام الله عليهم
اهل بيت ام حسن كل تشوفة يرد اليهم
@@@@@@@@@
الخدمة الي يمته افتهم معناها وتمعن زين
احسين ما محتاجلي انه الي محتاج حسين
الخدمة باب النة انفتح للي اجو متأخرين
المالحگو بالطف امس نصرتهم بدمع العين
( شىوط كربلائي)
اريد الطم ندم لحسين...للعطشان للضامي
احس بچفي صاير فاس..اهشم صدري وعظامي
يبلكي اتحول ايراهيم...خاطر اكسر اصنامي
وحقك ما ابدلك يوم
اضل بخدمتك لدوم
ماريدن عشيرة وگوم...
بس حبك صدگ يحسين...والباقي هوة بشبچة
هلك وسمع حچيهم...سلام الله عليهم
اهل بيت ام حسن كل التشوفة يرد اليهم
@@@@@@@@@
غيرني بيدك سيدي ماردت منك بس هاي
انت ابو الراي اتوسلك والشور شورك والراي
بذنوبي اشمرنك حجر سامحني اسف مولاي
بلكت اصير ادمي خاطر اجي بهيئت ماي
فشلتك يبو الزينات...متحملني من اسنين
جذاب انه چنت وياك... صاحب مو وجه وجهين
اجيتك تايب بدمعي... انه بشاربك يحسين
ابچي وحالي هذا وياك
مجدي وچفي عالشباك
وانت اهل الهلا والهاك
يل حنيت عالسلاب... حن بداعت رقية
هلك دوم انه اجيهم ....سلام الله عليهم
اهل بيت ام حسن كل التشوفه يرد اليهم
@@@@@@@@@@@
هاي الارض حتى السمة الكم خلقها القيوم
واحنه بشر عدكم نزل وانتم ملاليچ الگوم
اموالكم عند الخلق تجري ورزقكم محتوم
محد اله اعليكم فضل من ادم لحد اليوم
كلها الكم يا اهل البيت ..حي ميت ملك الكم
وضعتو قاعدة للناس ... يامحلة قواعدكم
اليزرع شجرة بالصحراء ..يتملكها من عدكم
واليحفر نهر للناس
يكتب عالجرف عباس
حتة يأمن من الساس
واليشرب لذيذ الماي ... خل يذكر عطاش حسين
يكرمونه بعطيهم ...سلام الله عليهم
اهل بيت ام حسن كل التشوفة يرد اليهم
@@@@@@@@@@
الله لمحبتكم خلق كلشي وصنع منه انواع
والحاجه من تصير الك تگدر تحركها بساع
الماي مهر لفاطمة وكتوله اجري وچن طاع
الشمس مالت حيدرة وحركها بيده من الگاع
حتة الريح مالتكم ...فضلكم جازي كل مچان
لو ما هو چا ماطار...ببساطة النبي سليمان
المسير سفينه نوح ... والمرسيها في كوفان
يونس بالبحر مبخوت
گتولة انتضر متموت
أتنفس انفاس الحوت
ماتهلك ييونس دوم.... لو تبقة بعد دهرين
سمع منهم حچيهم...سلام الله عليهم
اهل بيت ام حسن كل التشوفه يرد اليهم
@@@@@@@@@@
المغزة من ذيج حرب سوة اشارة الكرار
عالگنطرة ليش الگمر بالگنطرة هواي اسرار
قصدة العبور اعله النهر موتايهة لا يختار
الزين يعبر يم علي والشين يعبر للنار
قاسمهن جنان ونار ..بيدك ياعلي التدبير
وبس الي يحبك غاد...احوالة تكون بخير
واليحب فاطمة ليخاف...تلگطهم كحب الطير
وبيوم الحشر حسبة
الله يباوع لگلبة
ويحشر وي اليحبة
الگضاها يحب جماد حجار...يحشر وي الحجارة
يبلكي بصف نبيهم...سلام الله عليهم
اهل بيت ام حسن كل النشوفة يرد اليهم
@@@@@@@@@@
ابو قسور العويدي
وضع يزيد الملعون احد جلاوزته في القصر ومهمته فقط الشماتة ببنات رسول الله فقالت لهم الحرة
تنشد عني گومك من يهالي
الشرف والزود كله من يهالي
انه العباس واحد من يهالي
ذاك الساحگ شوارب أمية
رسالة السم كتبها وراح احچيها
جماد يسولف وخل نسمع شبيها
يگول السم ذنوبي هواي موش خفاف
انه الكاتل بشر الالاف وي الالاف
الوادم وصفتني بأاسوء الاوصاف
برگبتي هواي ناس وانه فانيها
@@@@@@@@@
صفنت انه اعله حالي وگلت يامنكوب
يمته وحالي يعدل كافي افت گلوب
موكافي قتل چا يمته عود اتوب
مو باچر جهنم تحترگ بيها
@@@@@@@@
نويت التوبة لاكن ماعرف شحچي
شلت لله ادية وگمت بس ابچي
اللهي اغفرلي احلفنك وگمت اشچي
غير حالي يارب هاي سويها
@@@@@@@@
بقيت اتوسل انه الواحد القهار
يطهرني ورضيت اطهر انه بنار
وضليت شكثر لازم بالاستغفار
وجواب التوبة صدمة انصدم راعيها
@@@@@@@
الجواب يكول تطهيرك عجيب اليوم
مو بالنار. لا بالمرض لا. بهموم
تطهيرك تطب انته بچبد معصوم
بس هذا اليخلصك من مراسيها
@@@@@@@
بچيت وگتله اللهي اختار انت الباب
گال تروح لاهل البيت كلها اطياب
گال ابن الرضا محمد جواد الشاب
وشيگول الجواد موافق عليها
@@@@@@@
رحت لمحمد ابن الرضا وشفتة شراد
گال انه الاشربك رايد استشهاد
انه اوگفلك انت. وانه باب مراد
وهاي السالفة المحد مسويها
@@@@@@@@@
شربني وطاح مت عيني وبقة يرفس
احاچي. سيد ي. سيدي. ومامش حس
عليك امك الزهرة احچي كلمه وبس
وضل بالسطح وحدة يلووج تاليها
@@@@@@@@
يشيل برجلة فوگ وتنضرب بالگاع
وما صح بالخلگ واحد يجي فزاع
تعلعل بالرحيل ومو بساع بساع
بايع روحة لله. والله شاريها
@@@@@@@@
گبل لايطيح چان امدد وتعبان
وگتلة امرني اشوفك سيدي حيران
گال انه ادور ماي چي عطشان
النار بچبدي. شبت وبضواحيها
@@@@@@@@
ضل بالشمس طايح بالسطح ماگام
ثلث ايام يا هل خلگ ثلث ايام
محد فاگدة لحدما غفة وچن نام
شكثر نادة اعله ربعه وعد اساميها
@@@@@@@@@
ينادي ومثل جدة حسين صوته انهد
يصيح وصوته يطلع كوة وتمدد
يباوع يمنة يسرة وماكو اي احد
چمد شوفة وسكن وعيونه چافيها
@@@@@@@
ابو قسور العويدي
السيدة زينب ص تقول
ها يخوتي...
انه اختكم..
.انه امكم
وين صرتو....روحي يمكم
شو بطيتو
شو جفيتو
وحگ هذا الونه البگلبي احبكم
انه اختكم....والله اختكم
الى أمير المؤمنين وحبيب الموالين
حي الله ابو زينب
@@@@@@@@@@@@
مامعقولة دفنك صار بالگاع
گبرك بالسماء انحفر لحدة
حتى المثل ماچذب لمن گان
اليتمدد غطا كون اعلة كدة
غصبن عاليضدك ياعلي نگول
نذكرك حتلو ماعدنه شدة
ازدحامات الشدايد يمك الاف
و تحلهن كلهن انت برمشه وحدة
علي علي علي... كفو منك سالم
علي علي علي...تاج راس الوادم
علي علي علي..زلمت الله الغالب
علي علي علي...رفع راس ابو طالب
مددي مددي. علي علي...مددي مددي علي علي
حي الله ابو زينب
@@@@@@@@@@@
تشگ صدر الجبل وطلع الماي
وللمستقبل معزب الخطاطير
هنا قطارة حافر لليمرون
ونشوف هنا براثا وصخرة البير
حيدر ياسند كل گلب مسجون
يكض گلبك يهدة اوية العصافير
بگلب كل شيعي تلگ انخلق تنور
من اگولن ياعلي تهيج التنانير❤️
علي علي علي...حار حبك قاتل
علي علي علي..چملاهة ابو فاضل
علي علي علي...عينك انت وعينة
علي علي علي...حاطهن بحسينة
مددي مددي علي علي .......مددي مددي علي علي علي
حي الله ابو زينب
@@@@@@@@@@@
يدگت چف عچوز اعله التجاعيد
ال تنخة بصورتك فوگ الحياطين
ال تشوفك بالحلم وتفز صلاوات
وتگول اطاني بيدي اليوم ابو حسين
شيسكتها لو طشت الشوباش
وتسولف فطرة وتصفن النساوين
من طين البشر ماخضر بماي
بدخيلك يا علي ويخضر الطين💓
علي علي علي...طلع زرعك شوفة
علي علي علي...حلت هسة الكوفة
علي علي علي...راقعين الهامة
علي علي علي...جيش من لطامة
مددي مددي علي علي ....مددي مددي علي علي
حي الله ابو زينب
@@@@@@@@@@@
نضم اسمك حرز لو باجر نموت
وحشاك من الگطع مو من صفاتك
مر بينه عطر مابين اللحود
نخاف انام وحدنا وغلاتك💔
علي باچر. ورانه حساب وكتاب
وين نروح اذا مو جف نجاتك
يفض سوگ القيامه وأركض عليك
دخيل وچلَب بطارف عباتك❤️❤️
علي علي علي...ياخياط العايزة
علي علي علي...العاشگينك فايزة
علي علي علي..احنه كلنه نريدك
علي علي علي...ردنة بوسة ايدك
مددي مددي علي علي......مددي مددي علي علي
دخيل الله علي ودخيل عينك
@@@@@@@@@@@@
لوما نور شيباتك يبو حسين
چا نگضيها ظلمه الله ابدالك(اي والله)
الهوة هذا اليشمه ابنادم منين
من تنكث عباتك يم عيالك،❤️
الفجر من بسمتك مخلوق مولاي
طلع من سنك وضحكت جلالك❤️
الورد يوميه يفتح عينه ويگول
الله ياعلي يخبل جمالك❤️❤️
علي علي علي...يا ابو وجه الفلح
علي علي علي...يروحلك فدوة الصبح
علي علي علي..علي يانسمت برد
علي علي علي..غيم بس يمطر ورد
مددي مددي. علي علي....مددي مددي علي علي
حي الله ابو زينب
@@@@@@@@@@
انه المبيوع لأسمك گبل لاصير
وأجيت واسمك محلي الدللول
احبك حب عجيب وانت تدريه
مو بس اني حُبك دوخ عقوول
انه الصالبني حبك ليل ونهار
چم عيسى اعله عيسى بگلبي مكتول❤️
ردت بس سحگه منك والله مولاي
يهلبت وية جدمك گلبي منگول❤️
علي علي علي....التدوسة جدامك
علي علي علي...صار من خدامك
علي علي علي..بداعت البدوية
علي علي علي...طينه غيرة شوية
مددي مددي علي علي.....مددي مددي علي علي
حي ابو زينب ..حي الله ابو زينب
@@@@@@@@
ابو قسور العويدي
جرح الامير ص
@@@@@@@@@@@
مكسورين
مكسورين وكسرت بتك تمشي ويانه
مصدومين
بله تصدك لو گلك زينب دفانه
بس ماهلت من ترابك تعرف ليش؟؟؟؟
تگلي حسين انتضرو شوية بلكي يعيش
مكسورين....مكسورين
@@@@@@@@@@
هاشم شالوك بيا وسفه....وعگالك فوگ
التابوت
براسي ولا راسك يابوية..كون الطبرة براسي تفووت
چا زينب عدلة بتشييعك... والحنية تروح تموت
يمتة الله يريحني واخلص...يمته وأگطع هذا الصوت
لوميتين.
لوميتين احنا ولا انت تصير هنانه
محترگين
محترگين ودمعي يصب وماطفانا
حفاي السادة بتشييعك تعرف ليش؟؟؟
تگلي حسين انتضرو شويه بلكي يعيش
@@@@@@@@@@@
چان اليعطش يشرب منه... وللمحروگ يصير فياي
هو الكاتل زينب موقف....من كضيت ايدة وبهداي
گلي ادني ومن شاورني...بالگوة وسولف وياي
گدام حسين وچن گلي...گلي انطيني شويت ماي
عطشانين...
عطشانين وزينب من نومك تعبانه
محتاجين
محتاجين تفتح عينك يامولانا
بيش اشريك وترجع لية گلي بيش؟؟
تگلي حسين انتضرو شويه بلكي يعيش
@@@@@@@@@@
ملتمين اعليك ونايم... يم لحدك تسمع اهات
تلث مرات وماتت زينب... من شلناك تلث نگلات
حسين مروتك ابطو شويه...خل انده بلچن مامات😭😭
مانستعجل خافن نايم...بداعت زينب خل نبات
ملتمين...
ملتمين وزينب تنحب عل صابانة
مشتاكين...
مشتاكين وزينب تشتم طرف ردانه
رادت تسمع نبضت گلبة بس عگبيش
تكلي حسين انتضرو شويه بلكي يعيش
@@@@@@@@@@@
اطوني شويه ارد احچيلة...عندي حچايات تسمعون
طلبة اطلب منعدكم كلكم...وانه ام عون وأطلب عون
دفنوني ويا هسة احسلي...ومايحتاج انتو تحفرون؟؟؟
فتحولي جفانه ونتشابگ...حتى بسرعه امن دفنون
مدفونين....
مدفونين ثنين ونطلب بس عوانة
مطلوبين
مطلوبين وبس حطوني بنص چفانة
دفنوني احسن ما اتلاگة بطف وجيش
تكلي حسين انتضرو شويه بلكي يعيش
@@@@@@@@@@@
ابو قسور العويدي
دعة بدمعة فرحته....هاي يامه
گعد ورقية صارت.........هاي يمة
بذنها وضل يأذن ........هاييمة
انه ابن الزهرة وبنج يارقية
مبارك عليكم ولادة(( ام الحسين)) رقية صلوات الله عليهم اجمعين
الحسين ص. يسولف. لله. ويگول
يرب احتاج تچاية ... عل اكبار
علگ للطف اريدنه ...... علگ بر
وعلي منطيتني وليدي...علي اكبر
احس بروحي ثلث چفوف بية
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
((عندما حمل رسول الله الامام الحسين صلوات الله عليهم اجمعين
قال له وهو احضانه الشريفة
،❤️❤️❤️❤️❤️❤️❤️
حي الله اغات النفس..
وحي الله اغات الهوة
جيت بمحلها صدگ..جدك مريض وهوة
شو خل اشم منحرك...اللللله احلة دوة
غير اشيع من الشبگ..يا شبگتة الحلوة
تفتح گماطك عفي...ادريك تتگوة
ماعايزك بس اخو...تحتاجة للتچوة
باجر يجيك العلم...باجر تجي السلوة
ماخلق ربك ابد...مثل الگمر. خوة
متباركين. بولادة سيد الجمال
الامام الحسين ص
والاقمار المحمدية
❤️❤️❤️❤️❤️
جرح المحب للحبيب كسرة كبيرة جدا
ترجمها الامير ص. لمصاب فاطمة تفاحة الجنة.
عليج العشرة فاطم فدوة ردي
ابد موحلوة اعيش ابيت وحدي
يسهم العافية ..عليمن غافية
@@@@@@
ارد للبيت بس شلون يحباب
ادگ الباب. تتلگاني. بحجاب
شكد تعبان ارد بس حاسب حساب
بشوفتها التعب يختل ورة الباب
عدل ما ميت اني وعيني مفتوحة
اول بشر عايش. يلتقي بروحة
يغيمت بيتي .....يلوني ونيتي
@@@@@@@
چنت الها مثل ميل الثواني
بنص عيوني تكعد ومشي اني
اذا احس بالمرض بالغقلة اجاني
تجي تغطيني برداء اليماني
الردا. ما الة قيمة وهاي نعرفها
بس يصبح دوة لمن يمس چفها
غيرچ ما الي...دوة لكسرت علي
@@@@@@@@@@
ابد مادامن ايام المسرات
لازم علي يفرفح بيهن اهات
على بيتي صفن مو هجمه هجمات
المايگدرلي حط ابابي حطبات
احترگ باب الزچية وعصر عصروها
وعلي كسرت ضلعها الجار سمعوها
وتصيح وليدي... وگع من أيدي
@@@@@@@@@@
لهذا الصوت حيدر حيل عطشان
بس ردي عليه شلون ماچان
نيشان الدمع بل. لحية نيشان
الحنين يموت من تروحلة حنان
انه الماكسر ضهري السيف بالشدة
المحسن كسرني بطيحته لوحدة
انه النحرو وليدة... بسمارة بوريدة
@@@@@@@@@@@@@
اثار الدمة اعله عتبة مشبوگ
اركض بس عليمن گلبي محروگ
اشوف اولادي عل زهرة صفو طوگ
عل امهم طايحين بگلب مخنوگ
الحسن بعمامته يسد بالجرح دمه
و الحسين اليدني الماي. يم امه
يهز. بردانه.... عرف عطشانه
@@@@@@@@@@
يزهرة وجفني من بچاي حدب
اسد بذني لان صوت الضلع شب
الهوة تارس الدنيا بكل كتر هب
بس بريتچ معسر ولا طب
مثل صرچ السنون بشخص نايم
نفس الصوت اسمعه بضلع فاطم
يبعد دموعي.. فداج ضلوعي
@@@@@@@@@@@@
شگسملج دگليلي نفس لو حيل
حيدر ميت بدمه نهار وليل
شني بثمنطعش ويلاه بضهرج ميل
ماتت فاطمة ومطحونه طحن الهيل
انه الهاظمني بالمغتسل هل صورة
العين اليسرة من فاطمة مسطورة
ولامتشافية... العيون الطافية
@@@@@@@@@@
ابو قسور العويدي
