16065
O‘zbekiston Futbol Assotsiatsiyasi rasmiy kanali • Instagram.com/UzbekistanFA • YouTube.com/UzbekistanFA • Facebook.com/UzbekistanFA • Twitter.com/UzbekistanFA - www.ufa.uz
📋 O‘zbekiston U-17 terma jamoasi bugungi uchrashuvni ushbu tarkib bilan boshlaydi
💳 Uzcard | ⚡️ t.me/FAUzbekistan
1979-yilning 11-avgust sanasi. Butun oʻzbek futbol jamoatchiligi qalbi chuqur qaygʻuga botgan kun
Bundan 45 yil avval butun xalqning aza tutishiga sabab boʻlgan mashʼum hodisa Dneprodzerjinsk osmonida sodir boʻldi. Oʻshanda oʻzbek futboli iftixori sanalgan “Paxtakor” jamoasi aʼzolari samoda halokatga uchragan edi.
“Samoga sochilgan yulduzlar” nomi hech qachon unutilmaydi. Yildan yilga ularning siymolari yosh avlodga faxr tuygʻusi bilan koʻchib oʻtmoqda.
Idgay Tazetdinov
Vladimir Chumakov
Mansur Tolibjonov
Mixail An
Vladimir Fyodorov
Olim Ashirov
Ravil Agishev
Konstantin Bakanov
Yuriy Zagumennix
Aleksandr Korchyonov
Nikolay Kulikov
Vladimir Makarov
Sergey Pokatilov
Viktor Churkin
Sirojiddin Bozorov
Shuhrat Eshboʻtayev
Vladimir Sobirov
“Paxtakor-79” abadiy qalbimizda!
⚡️ t.me/FAUzbekistan
📸 “Paxtakor-79” jamoasini xotirlash tadbirlari Oʻzbekiston futbol assotsiatsiyasi sun’iy qoplamali maydonida davom ettirildi. Unda faxriylar oʻrtasida futbol musobaqalari boʻlib oʻtdi.
OʻFA, TFA va ShHT Xalq diplomatiya markazi tomonidan oʻtkazilgan musobaqada Oʻzbekiston, Qozogʻiston va Tojikiston futbol faxriylari ishtirok etdi.
💳 Uzcard |⚡️ t.me/FAUzbekistan
⚽️⚽️ Superligada 15-tur uchrashuvlari davom ettirildi. Bugungi bellashuvlardan so‘ng musobaqa jadvali yuqoridagi ko‘rinishda
💳 Uzcard |⚡️ t.me/FAUzbekistan
📋 Toshkent shahrida hududiy futbol akademiyalari va futbol maktablari direktorlari uchun navbatdagi semenar tashkil etildi
Seminarda bir qator muhim mavzular – futbol akademiyalari infratuzilmasi, futbol maktablaridagi sharoitlarni zarur standartlarga moslashtirish, Birinchi liga musobaqalaridagi ishtirok, futbolchilar uchun mashg‘ulotlar konsepsiyasi, 2024-2025-o‘quv yilidan boshlab umumta’lim maktablari hududida akademiyalar tashkil qilish hamda menejerlik salohiyati va boshqa muhim mavzular muhokama qilindi.
💳 Uzcard | ⚡️ t.me/FAUzbekistan
📹 O‘zbekiston futzal milliy terma jamoasi Portugaliyada ilk mashg‘ulotlarni o‘tkazdi
💳 Uzcard | ⚡️ t.me/FAUzbekistan
📸 “Paxtakor-79” xotira turniri taqdirlash marosimidan fotogalereya
⚡️ t.me/FAUzbekistan
📸 Bugun O‘zbekiston futbol assotsiatsiyasi maydonida “Paxtakor-79” xotira turniri o‘tkazildi
O‘FA va “Paxtakor” futbol klubi tomonidan tashkil etilgan musobaqada Respublikamizning barcha hududlaridan kelgan U-12 jamoalari ishtirok etdi.
Uchrashuvlar natijalariga ko‘ra g‘oliblik “Paxtakor” akademiyasi jamoasiga nasib etgan bo‘lsa, “Jizzax” va “Bunyodkor” jamoalari kumush va bronza medallari bilan taqdirlandi.
Tadbir yakunida o‘zbek futboli faxriylari tomonidan g‘olib va sovrindorlarga medallar hamda esdalik sovg‘alari topshirildi.
⚡️ t.me/FAUzbekistan
📋 Bilasiz, Islom Ismoilov murabbiyligidagi Oʻzbekiston U-16 terma jamoasi bir necha kunlardan soʻng Xitoydagi xalqaro oʻrtoqlik turnirida ishtirok etadi.
Oldinda turgan Osiyo kubogi saralash uchrashuvlariga tizimli tayyorgarlik koʻrish hamda terma jamoaga nomzod boʻlgan bir qator iqtidorli futbolchilarni sinovdan oʻtkazish maqsadida vakillarimiz Tojikistonda oʻtadigan CAFA U-17 musobaqasida ishtirok etishi rejalashtirilgan.
Musobaqa 17-24-avgust kunlari Dushanbeda oʻtkaziladi. Jamoamizni Anvar Rahimov boshchiligidagi murabbiylar shtabi tayyorlab boradi.
💳 Uzcard |⚡️ t.me/FAUzbekistan
📸 Oʻzbekiston U-16 terma jamoasining bugungi mashgʻulotlaridan fotogalereya
💳 Uzcard | ⚡️ t.me/FAUzbekistan
📋 O‘zbekiston U-17 terma jamoasi bugungi uchrashuvni ushbu tarkib bilan boshlaydi
Uchrashuvni ushbu link orqali jonli efirda tomosha qilishingiz mumkin:
📌 https://iraw.rcc.jp/live/391
💳 Uzcard | ⚡️ t.me/FAUzbekistan
📋 O‘zbekiston U-16 terma jamoasi Toshkent viloyatida joylashgan “Do‘stlik” milliy terma jamoalar markazida o‘quv-mashg‘ulot yig‘inlariga kirishdi.
Islom Ismoilov boshqaruvidagi jamoamiz 16-avgustdan boshlab Xitoydagi xalqaro oʻrtoqlik turnirida ishtirok etadi. O‘smirlarimiz Xitoy, Vyetnam va Yaponiya oʻsmirlar terma jamoasiga qarshi bahslarda maydonga tushishi rejalashtirilgan.
Yig‘inga jalb etilgan futbolchilar ro‘yxati bilan tanishing.
💳 Uzcard | ⚡️ t.me/FAUzbekistan
📍 FIFA Futzal Jahon chempionati timsoli e’lon qilindi!
Oʻzbekiston mezbonlik qiladigan Futzal boʻyicha Jahon chempionati rasmiy timsoli bilan tanishing – Xon ismli Turon yoʻlbarsi!
Kuch-qudrat va jasorat timsoli hisoblangan Turon yoʻlbarsi yurtimizda oʻtadigan mundialning rasmiy timsoli etib tanlandi.
O‘ziga xos mahorat bilan chaqqon harakat qilishi va uning yuqori tezligi mazkur timsolni futzal sport turi bilan bog’laydi.
Oʻrta Osiyoning yoʻqotilgan boyligi deya ta’riflanadigan Turon yo’lbarsini Jahon chempionati timsoli deya e’lon qilinishi butun dunyoni hayvonot dunyosini muhofaza qilishga yana bir bor undadi.
⚡️ t.me/FAUzbekistan
📋 Oʻzbekiston U-17 terma jamoasi xalqaro oʻrtoqlik turnirida ishtirok etish uchun Yaponiyaga yetib bordi. Asker Xalmuratov jamoasi Yaponiya U-17 terma jamoasi hamda mahalliy klublarning oʻsmirlar jamoalariga qarshi maydonga tushadi.
🗓 8-avgust
🇯🇵 Xirosima FA — Oʻzbekiston U-17 🇺🇿
🗓 10-avgust
🇯🇵 Sanfreche Xirosima U-18 — Oʻzbekiston U-17 🇺🇿
🗓 11-avgust
🇯🇵 Yaponiya U-17 — Oʻzbekiston U-17 🇺🇿
💳 Uzcard | ⚡️ t.me/FAUzbekistan
📍 Yurtimiz mezbonligidagi FIFA Futzal Jahon chempionatiga 38 kun qoldi. Ushbu nufuzli musobaqaga tayyorgarlik ishlari esa muhim va masʼuliyatli pallaga yetib keldi. Bugun Oʻzbekiston futbol assotsiatsiyasida OAV vakillari uchun brifing tashkil etildi. Unda Turizm va mahalliy tashkiliy qoʻmita tomonidan Mundial oldidan olib borilayotgan ishlar, yaqin rejalar va musobaqa oldi promo-tadbirlar yuzasidan maʼlumotlar taqdim etiladi.
Shuningdek, oʻyinlarga mezbonlik qiluvchi arenalar, zaxira maydonlari, mahalliy tashkiliy qoʻmita tarkibi, koʻngillilar dasturi, akkreditatsiyalash, media va marketing, biletlar savdosi, brending va butun Oʻzbekiston boʻylab oʻtkaziladigan “Trophy tour” haqida toʻxtalib oʻtildi.
Brifing yakunida jurnalistlar oʻzlarini qiziqtirgan savollarga javob oldilar.
⚡️ t.me/FAUzbekistan
#MatchDay Oʻyin kuni!
🏆 U-17 xalqaro oʻrtoqlik turniri
🇯🇵 Yaponiya 🆚 Oʻzbekiston 🇺🇿
🗓 10-avgust | 10:30
🏟 “Sanfrecce Village” stadioni. Xirosima
💳 Uzcard | ⚡️ t.me/FAUzbekistan
🏆 FIFA Futzal Jahon chempionati kubogi Andijonda!
10-avgust kuni Andijonda futzal bo‘yicha 2024-yilgi Jahon chempionatining bosh sovrini ishtirokidagi “Trophy Experience” tadbirlari boʻlib oʻtdi.
Andijon shahridagi Ekoparkda muxlislar Jahon chempionati kubogi va musobaqaning ramziy timsoli “Xon” bilan suratga tushish, shuningdek, FIFA va hamkorlar tomonidan taqdim etilgan sovgʻalarni qoʻlga kiritish imkoniyatiga ega boʻldilar.
Ertaga bosh sovrin Fargʻonaga “yoʻl oladi”. Uning yurtimiz boʻylab “sayohati” 24-avgustga qadar davom etadi ✈️🏆
⚡️ t.me/FAUzbekistan
📸 “Paxtakor-79” jamoasini xotirlash tadbirlari Oʻzbekiston futbol assotsiatsiyasi sun’iy qoplamali maydonida davom ettirildi. Unda faxriylar oʻrtasida futbol musobaqalari boʻlib oʻtdi.
OʻFA, TFA va ShHT Xalq diplomatiya markazi tomonidan oʻtkazilgan musobaqada Oʻzbekiston, Qozogʻiston va Tojikiston futbol faxriylari ishtirok etdi.
💳 Uzcard |⚡️ t.me/FAUzbekistan
📸 O‘zbekiston futzal milliy terma jamoasi Portugaliyada navbatdagi mashg‘ulotlarni o‘tkazdi
💳 Uzcard | ⚡️ t.me/FAUzbekistan
📍 Futzal boʻyicha Jahon chempionatiga oz qoldi. Musobaqa shukuhi esa allaqachon yurtimiz boʻylab kezib yuribdi. Bugun Andijonda Mundial bosh sovrini ishtirokida tadbirlar oʻtkaziladi. Dastlab “Universal” sport majmuasida bolalar uchun “Kids fest” boʻlib oʻtdi.
300 dan ortiq ishtirokchilarga maxsus sovgʻalar topshirildi.
💳 Uzcard |⚡️ t.me/FAUzbekistan
📹 Oʻzbekiston futzal milliy terma jamoasi Santarem shahriga yetib keldi.
Jamoamiz 11, 15-avgust kuni Angolaga, 16-avgust kuni esa Portugaliyaga qarshi oʻyin oʻtkazadi.
💳 Uzcard |⚡️ t.me/FAUzbekistan
📸 “Paxtakor-79” xotira turniri taqdirlash marosimidan fotogalereya
⚡️ t.me/FAUzbekistan
📋 OAV vakillari diqqatiga! FIFA Futzal Jahon chempionati uchun akkreditatsiyalash jarayoni 15-avgustga qadar davom etadi
Joriy yilning 14-sentyabr – 6-oktyabr kunlari FIFA Futzal Jahon chempionati bahslari yurtimizda o‘tkazilishidan xabaringiz bor. Mazkur musobaqani o‘z nashrlarida yoritish istagida bo‘lgan OAV vakillari uchun akkreditatsiyadan o‘tish jarayoni 15-avgustga qadar davom etadi.
OAV vakillari FIFA rasmiy saytining media bo‘limi – media.fifa.com da registratsiyadan o‘tishlari va ariza topshirishlari talab etiladi. Jahon chempionati uchun arizalarni tasdiqlash va akkreditatsiya taqdim etish FIFA media bo‘limi tomonidan amalga oshiriladi.
💳 Uzcard | ⚡️ t.me/FAUzbekistan
📸 Oʻzbekiston U-16 terma jamoasining bugungi mashgʻulotlaridan fotogalereya
💳 Uzcard | ⚡️ t.me/FAUzbekistan
📋 Oʻzbekiston U-17 terma jamoasi Xirosima FA U-18 jamoasiga qarshi oʻyin oʻtkazdi. Oʻyin mezbonlarning 4:0 hisobidagi gʻalabasi bilan yakunlandi.
💳 Uzcard | ⚡️ t.me/FAUzbekistan
#MatchDay Oʻyin kuni!
🏆 U-18 xalqaro oʻrtoqlik turniri
🇯🇵 Xirosima FA 🆚 Oʻzbekiston 🇺🇿
🗓 8-avgust | 14:00
🏟 “Sanfrechche Village” stadioni. Xirosima
💳 Uzcard | ⚡️ t.me/FAUzbekistan
🇺🇿 Butun Oʻzbekiston boʻylab Futzal boʻyicha Jahon chempionatining bosh sovrini ishtirokida “Trophy Experience” tadbirlari boʻlib oʻtadi
Joriy yilning 10-24-avgust kunlari butun Oʻzbekiston boʻylab Futzal boʻyicha Jahon chempionati kubogi taqdimoti – “Trophy Experience” tadbiri boʻlib oʻtadi. Mamlakatimizning barcha hududlari boʻylab oʻtkaziladigan mazkur tadbirlar davomida ishqibozlar Jahon chempionatining bosh sovrini bilan suratga tushishlari, koʻngilochar dasturlarda ishtirok etishlari hamda hamkorlar tomonidan taqdim etiladigan esdalik sovgʻalarga ega boʻlishlari mumkin.
🏆 Jahon chempionati starti arafasida Mundial bosh sovrini Andijondan “yoʻlga chiqadi” va butun Respublika boʻylab “sayohat qiladi”.
📍 “Trophy tour” tadbirlarining rejasi va xaritasi (barcha hududlarda tadbirlarning boshlanish vaqti 19:00 etib belgilangan):
🗓 10-avgust – Andijon, Ekopark;
🗓 11-avgust – Fargʻona, EkoShahar;
🗓 12-avgust – Namangan, Afsonalar vodiysi bogʻi;
🗓 15-avgust – Nukus, Qoraqalpogʻiston Davlat sanʼat muzeyi yaqinidagi xiyobon;
🗓 16-avgust – Urganch, Amir Temur bogʻi;
🗓 17-avgust – Buxoro, Labi Hovuz;
🗓 18-avgust – Navoiy, Markaziy savdo majmuasi;
🗓 19-avgust – Qarshi, Qashqadaryo viloyati musiqali drama teatri;
🗓 20-avgust – Termiz, Alisher Navoiy maydoni;
🗓 21-avgust – Samarqand;
🗓 22-avgust – Jizzax, Oʻrda;
🗓 23-avgust – Guliston, Bilimdonlar maskani;
🗓 24-avgust – Toshkent, “Central Park”.
🎫 Shuni ham taʼkidlash joizki, Visa kartalari egalari uchun https://futsal2024.uz/ saytida uchrashuv chiptalarining sotuvi yoʻlga qoʻyilgan. 13-avgust kunidan boshlab esa barcha toʻlov usullari boʻyicha sotuvlar boshlanadi.
Tadbir Oʻzbekiston futbol assotsiatsiyasi va Turizm qoʻmitasi hamkorligida oʻtkazilmoqda.
⚡️ t.me/FAUzbekistan
📍 FIFA Futzal Jahon chempionati–2024 uchun volontyorlarni jalb etish dasturi yakunlandi
Joriy yilning 14 sentyabr – 6 oktyabr kunlari mamlakatimiz mezbonlik qiladigan futzal boʻyicha navbatdagi Jahon chempionati bahslarida ishlaydigan volontyorlar uchun ariza topshirish jarayoni yakunlandi. Taʼkidlash joiz, mazkur musobaqada ishlash uchun respublika boʻylab rekord darajada – 4500 nafar kishidan soʻrov kelib tushdi.
Hozirda ular bilan mazkur musobaqa boʻlib oʻtadigan shaharlar – Toshkent, Buxoro va Andijonda faoliyat koʻrsatadigan volontyorlar bilan suhbat jarayonlari boʻlib oʻtmoqda. Ular orasidan esa jami 600 nafari musobaqa uchun saralab olinadi.
Jahon chempionati davomida saralab olinadigan volontyorlar mahalliy tashkiliy qoʻmitaning barcha yoʻnalishlaridagi tayyorgarlik jarayonlarida va musobaqa davomida tashkiliy ishlarda, jumladan – nazorat, akkreditatsiya, media va teletranslyatsiya, keytering, IT, koʻngilochar dasturlar, marketing, doping-nazorat, rasmiylarga hamrohlik qilish, transport va logistika, chiptalar dasturi, musobaqalarni tashkil etish, futbol texnologiyalari, jamoalarga servis xizmatlarini taqdim etish, musobaqa oʻyinlari boʻlib oʻtadigan arenalarning tashkiliy masalalari, VIP mehmonlar hamda muxlislar bilan ishlash yoʻnalishlarida tashkilotchilarga koʻmaklashadilar.
“Bugunga kelib volontyorlar bilan ishlash departamenti bu boʻyicha salmoqli ishlarni amalga oshirdi. Aynan Oʻzbekistonda boʻlib oʻtadigan futzal boʻyicha Jahon chempionati sabab volontyorlar harakati nafaqat Oʻzbekistonda, balki butun Markaziy Osiyoda katta qiziqishlarga sabab boʻlmoqda. Futzal boʻyicha Jahon chempionati kabi katta tadbirlar esa volontyorlar bilan ishlashning yangicha standartlarini shakllantiradi”, — deydi Oʻzbekiston volontyorlar assosiatsiyasi rahbari Shirin Abidova
“Asosiy maqsadimiz – imkoniyati cheklangan insonlar ham ushbu katta tadbirimizning ajralmas qismi boʻlishlariga, foydali va muhim ish bilan shugʻullanishlariga sharoit yaratishdir. Shuningdek, muxlislar va chempionatning boshqa ishtirokchilariga nogironligi bor shaxslar bizning katta jamoamizning toʻlaqonli aʼzosi ekanligini koʻrsatishni ham maqsad qilganmiz”, — deydi tashkiliy qoʻmitaning volontyorlar bilan ishlash dasturi rahbari David Afanasiadi.
“Men oʻz faoliyatimni Oʻzbekiston futbol assosiatsiyasida volontyor sifatida boshlaganman. Bu imkoniyatdan maksimal foydalanishga harakat qildim va bugun Markaziy Osiyodagi eng yirik sport loyihalaridan birida faoliyat yuritmoqdaman”, — deydi FIFA Futsal World Cup Uzbekistan-2024 musobaqasi loyiha direktori Muhammad Sodiq Sodiq-Oxunov.
📋 OAV vakillari diqqatiga! FIFA Futzal Jahon chempionati uchun akkreditatsiyalash jarayoni 15-avgustga qadar davom etadi
Joriy yilning 14-sentyabr – 6-oktyabr kunlari FIFA Futzal Jahon chempionati bahslari yurtimizda o‘tkazilishidan xabaringiz bor. Mazkur musobaqani o‘z nashrlarida yoritish istagida bo‘lgan OAV vakillari uchun akkreditatsiyadan o‘tish jarayoni 15-avgustga qadar davom etadi.
OAV vakillari FIFA rasmiy saytining media bo‘limi – media.fifa.com da registratsiyadan o‘tishlari va ariza topshirishlari talab etiladi. Jahon chempionati uchun arizalarni tasdiqlash va akkreditatsiya taqdim etish FIFA media bo‘limi tomonidan amalga oshiriladi.
💳 Uzcard | ⚡️ t.me/FAUzbekistan
📋 Bugun OAV vakillari uchun brifing boʻlib oʻtadi
6-avgust kuni soat 11:00 da yurtimizda o‘tadigan FIFA Futzal Jahon chempionati oldidan tashkiliy qoʻmita tomonidan OAV vakillari uchun brifing tashkil etiladi. Unda Mundialga tayyorgarlik, olib borilayotgan ishlar, yaqin rejalar va musobaqa oldi promo-tadbirlarga oid barcha ma‘lumotlar taqdim etiladi.
Brifingda barcha turdagi OAV vakillari ishtirok etishlari mumkin.
🗓 6-avgust | 11:00
📍OʻFA anjumanlar zali
💳 Uzcard | ⚡️ t.me/FAUzbekistan