قناة للتوعيه والتثقيف الصحي والدوائي والمساعده https://tellonym.me/abbas.alazawi (من مجهول)
لان اني مو دكتوووووووور 😭
هواي احصل حسنات ورحم الله والديك صحيح وهذا الشي عندي كلش جبير 🤍
وكلش افرح بالناس الي تشوف نتيجة وره ما اساعدهم
بس القناة محد دينشرها
اني طماع بهالشي
اطمح تكون عدد جبير
لان بصراحة اكو معلومات متلكوها حتى بالنت
دا اتعب من اجيبها وافلترها من اطباء وصيادله وحتى اقره مرات مجلات ومواقع عالميه واترجمها حتى اطلع معلومه صحيحه
بس مدتصصعددددددددد 😡
باع التحفيز 😂
يلا عمي اجاوبج
الازيلاك اسد يفيد بالتقشير والتراكم الي يسد المسام ويسبب الجلد الباهت
يعني تقشيره ينطي نضاره للبشره
يكولون يفيد التصبغات بس مو بشكل اساسي
و ميصير بالصيف خاصة صيف العراق
لان يزيد الحساسية لأشعة الشمس
يعني لازم واقي شمس
هسه نجي عالهاليورونيك اسد
Hyaluronic acid serum
هو ناس عبالها منتج سحري
ويحل مشاكل البشره
ويرمم
اما هو عبارة عن مرطب فقط 😁
مرطب كلش حلو
يكل للمي ادخل جوه
بالمناسبه اذا نسبة الهاليورنيك اسد عالية التركيز تسبب اضرار بالبشره
هسه تكولون لعد شلون ديبيعوه وبراندات ؟
كلهم يدرون هو مرطب لا اكثر
بس هاي شغله تسويقية
يريدون يبيعون 😁
8. أبدا لا تكذب بخصوص العلاج
و انه طعمه طيب اذا كان طعمه مو طيب
تناقش ويه طفلك انه لازم تاخذ العلاج حتى تصير زين
واذا مايجي بالنقاش
اصفكه براشدي 😂🤣
٦. خلط الادويه مع العصير
بس رجاءاً لا تخلطوها بكميه جبيره من العصير او الحليب لان ممكن ما تضمن انه الطفل راح يشربها كلها
و لا ننسى انه بعض الادويه ما ممكن تنخلط باستشارة الطبيب
يعني دائماً اسألو يصير اخلطه او لا
وطبعاً اكو شرابات هي اصلاً مطعمه
ف ينجب ويشربها غصباً عنه 😑🙂
لا گلنا نهدء 🙂
٤. وحده من الطرق انه تخدرين البراعم الذوقيه للطفل
شلوون؟
تنطي قطعه ثلج و تخليها بحلكه و بالتالي تتخدر البراعم الذوقيه
( بس اكيد مو الاطفال الصغار كلش )
يعني الطفل الي يعرف يتعامل ويه الحامض حلو وهيج
ممكن تقلل من مراره العلاج
حتى لو مي بارد جدا بس شويه قبل العلاج ممكن يحسن الطعم
٢. اعبري اللسان
اللسان بي براعم التذوق وتكدرين تعبريها
مو توصلين الخاشوكه لو السرنجه الي تنطيها بي للبلعوم ويكره اليوم الي اجه بي
تكدرين تنطي العلاج عن طريق السرنجه الخاصة بالشراب
و منها توديها على الخد
و تدفعيها عالخد بالتالي ما راح يحس بالطعم
او يحس بنسبة بسيطة
لك هاي شنو
نسبه جبيره السناكل 😐
جايكم الدرب
يلا نشرح للامهات المثابرات
هلا بيج
يعني وحده من الشغلات الي بالفحص
لازم ماكو تكتلات او جغد او لون
وبما انو فاحصه فحص يم طبيبه
وكايله ماكو شي ف اوك
تريدين تفحصين اكثر
تسوين دوبلر
وحده من المشاكل الي تسوي الم
مو شرط ياساتر اكو شي
مرات تغييرات هرمونيه
مرات برولاكتين هرمون زايد
بس من رأيي والافضل سوي فحص متقدم
يعني دوبلر وفحص سريري و تشخصه طبيبه
الحليب معليه بالحديد
يفضل تشربين عصير طبيعي برتقال
او بعده اقراص فواره فيتامين سي
لان الفيتامين سي يساعد على امتصاص الحديد
مرحبا
شلونكم ان شاء الله بخير
لاحظت اكو شركات معينه
وعدها منتجات
مخلين مندوبين ع النت بشكل جبير
يبيعون وينطوهم نسبه عالبيع
وضخ اعلانات مموله
واكو بيهم بأسماء اطباء وهميين
للاسف اكو عالم تصدك بيهم
والمشكله المنتج مو غالي
60 الف وفوك
والمنتجات الي يحجون ويخبصون الدنيا بيها كله جذب بجذب
انتبهوو
لاتصيرون ضحيه لذوله الجشعين
يعلن ع شي غالي كلش وكله جذب وميشتغل
اكيد اكو كم شخص جربهم
الي مجرب وحده من هاي الشركات خلي يكلي تجربته
@abbas_alazawi
لحد الان من بين 131 وحده مصوته
اكو 16 وحده تدخن
خلي نشوف وين يوصل التصويت حتى ارتب شي على هالموضوع و انشره هاليومين
لان اكو احصائيه ودراسة على هالموضوع حتى اخليكم تستفادون منها
لا صدك باعو
عن تجربة من شخص مقرب
الالتزام الغذائي واحد من اهم الاشياء الي تساعد ع نزول الوزن
الالتزام مو حرمان من كلشي
ولازم تسوي وجبات دايت وهيج
لا لا
اهم شي الامتناع عن المعجنات بكل اشكاله
الخبز ، الصمون وشكو شي يدخل بي طحين
ولاتكولولي شعير وطحين اسمر ومدري شنو
شكو عجين عوفو
شكو اكل بي سكريات ودهون هم عوفو
راح تلاحظون خلال فترة شهر انتو نازلين فد 1 -3 كيلو تقريباً طبيعياً
عدا هاي
القولون مالتكم يرتاح
شوفو هاي الصوره التحفيزيه ( خلي احجيلكم عن هذا الانجاز شويه ) تابعوووووو
Читать полностью…اسوووووووووووويهاااااااااااااا
مره ردت احذفها متنحذف
فرغتها للقناة مخليت ولا منشور بيها
وغيرت اسمها وصورتها ورابطها
وعلى غفلة تجيني هاي الطنه 🙂
القناة تفاعلها وعددها ميسوي واهس
مال احذفها 🙂
التونر Toner
هوايه بنات يستخدمون التونر علمود غلق المسام
اكو البعض علمود ازالة الميك اب
للأمانة التونر الي بالسوك هو عبارة عن كحول وعطور
وبعض المنتجات الكوريه يخلون بي مقشرات او فيتامين سي
لكن
سابقاً قبل سنين طويله كان الميك اب مو مثل هسه
يعني المكونات مالته جانت قاسيه عالبشره
فيستخدمون التونر حتى يشيلون بي الميك اب وينظفون بي البشره
ويعادل حموضة البشرة ويحافظ عليها حتى لاتلتهب
يعني التونر مايفيد كخطوة اساسيه بالعنايه بالبشره
يعني ماحاجه تصرفون فلوس عليه
وتكتفون ب makeup removal مزيل مكياج
9. استخدم البدائل
حاليا الكثير من البدائل موجوده مثل التحاميل و الجلاتين و الحبوب المضغ أو ممكن حتى حبوب عاديه ممكن تنخلط مع الطعام
7. برد الشراب
من يكون بارد يحس بلذعه البرد أكثر من طعم الشراب
بس مو تجمدووووووو
٥. باللعب
يلا نلعب لعبه الطبيب و المريض
و هو راح يحب هاي اللعبه
و شون الطبيب ينطي العلاج
و رأسا يأخذه
ولو جهالنا متمشي عليهم هالسوالف
بس يلا مشوها 😂
٣. خلي يبين انه هو المسيطر
وانطي خيارات
مثلا :
شوكت تحب تاخذ علاجك ؟
قبل الحمام لو بعد الحمام ؟
بيا طعم تحب علاجك ؟
بالملعقه الكبيره تريده لو بالسرنجه ؟
حسسي انه هو مسيطر و يملك الخيار
مو تعال الزمه فلان ويشبكه ويلزم حلكه وتنطي غصب عنه وتصير معركه
حتكرهييييي بأم العلاج بعد 🙂
9 طرق لإعطاء العلاج للأطفال العنيدين اللي ما يقبلون يأخذون العلاج :
١. اضحكي و انتي تنطين العلاج
ابدا لا تبينين ضايجه ومنزعجه منه
الأطفال يعرفون كلش زين
و يقرون لغة الجسد و الانفعالات
خليج دائما مبتسمة و انتي تنطين العلاج 😁
( لان بعض الامهات ينفعلن من يعاند وممكن تسب ابوه ) 😁
مراحب عيني
باعي اذا كسر وبمكانه ممتحرك ، ف التجبيس اوك يفيد
لان حيثبت الحركه لحدما يلحم
اما اذا كسر ومتحرك العظم من مكانه
ف التجبيس غلط
لازم العظم يرجع مكانه يلا يلحم
واحتمال توصل عمليه
لان اذا يلحم العظم ع غلط
حتصيرلج مشاكل هوايه
مبدأياً
دزيلي الاشعه عالمعرف
اشوفها اني واطباء الكسور والعظام
وان شاء الله خير
@abbas_alazawi
عليكم السلام
يلا يمعودين ولا يهمكم وراثي
هو بالنهايه مرض يغث وميطيب بسهوله للمراحل المتقدمه
التدخين واضراره على النساء تحديداً
طبعاً الاحصائيات مو مضبوطة
حسب ما بحثت
انه 29-31 % من الرجال مدخنين
يقابلها 3-4 % من النساء
اني اتوقع النسبه اكبر من هاي للنساء والتدخين بأنواعه ( جگاير - ڤيب - ارگيله )
بشكل عام التدخين اضرارة هوايه والكل تعرف بيها ع ( الرئة ، القلب ، الشرايين، الدم ، النشاط ، عالخصوبة ، وبقية الاعضاء )
لكن ليش خصصته للنساء
لأن اضراره اكثر مقارنة بالرجال
شلون ؟
الأشخاص الي يدخنون هم أكثر عرضة للإصابة بمشكلات صحية معينة والإصابة بأمراض معينة مقارنة باليدخنون. بعض المشكلات الصحية فورية ، بينما البعض الآخر بمرور الوقت.
بعض الآثار الصحية الضارة للتدخين والي تعتبر مهمة بشكل خاص للمرأة أن تكون على دراية بيها
الإنجاب
النساء المدخنات أكثر عرضة من النساء الي مايدخنن :
• تعاني فترات غير منتظمة أو مؤلمة.
• تصير عدها مستويات منخفضة من هرمون الاستروجين ،والي تسوي تقلبات مزاجية ، والتعب ، وجفاف المهبل.
• انقطاع الطمث ( الدورة الشهرية) في سن أصغر وتعاني من أعراض أسوأ.
• تواجه صعوبة في الحمل
……………..
مشاكل في الجهاز التنفسي
المدخنون أكثر عرضة من غير المدخنين للإصابة بمرض الانسداد الرئوي المزمن (COPD).
هذا المرض يجعل التنفس صعب ويزداد سوء بمرور الوقت.
لا يوجد علاج لمرض الانسداد الرئوي المزمن.
• النساء أكثر عرضة من الرجال للإصابة بمرض الانسداد الرئوي المزمن الحاد في الأعمار الأصغر.
• في كل عام ، تموت النساء من مرض الانسداد الرئوي المزمن أكثر من الرجال
بغض النظر عن امراض السرطان والقلب
…………….
اكو شي مهم للنساء
الي هو :
تواجه النساء المدخنات صعوبة بالحمل.
إذا صارت حامل، النيكوتين الناتج عن التدخين ممكن يضر بالطفل .
إذا تعرض الطفل للنيكوتين أثناء الحمل ، ممكن يأثر على نموه قبل الولادة وبعدها.
يمكن أن يسبب التدخين أثناء الحمل العديد من المشاكل للطفل ، بما في ذلك:
• ارتفاع خطر الولادة المبكرة.
• ارتفاع خطر الإصابة بعيوب خلقية خطيرة ، مثل الشفة الأرنبية أو الحنك المشقوق.
• انخفاض فرصة الحصول على وزن صحي عند الولادة (أكثر من 5.5 رطل).
• أقل عرضة لنمو الدماغ الطبيعي قبل الولادة وخلال الطفولة المبكرة.
• أكثر عرضة للوفاة من متلازمة موت الرضيع المفاجئ.
يقلل الإقلاع عن التدخين من مخاطر الإجهاض (فقدان الحمل) والحمل خارج الرحم (حالة خطيرة عندما ينغرس الجنين خارج الرحم)
يابه لايطير واهسكم
1-3 كيلو 😂
جنت منعس وكاتب كيلو
هو الكيلو منو يعترف بي هسه 😂
فرانك وينز
شاب بريطاني
وزنه ٢٣٠ كغم
استمر على وجبه واحده
لمدة ١٠ سنوات
ولم يخسر وزنه
بالمناسبه الي ع اليمين ماله دخل بالموضوع اصلاً 😑
عليكم السلام
لاتخافين بس الافضل ومن دون تردد
اكو مراكز حكومية لفحص الثدي
او تروحين طبيبة نسائية
روحي افحصي افضل
ونصيحه للكل
كل فتره تروحون تسوون فحص للامان
……
مرات مو شرط اكو شي يخوف
خربطة الهرمونات او البرولاكتين هرمون ( هرمون الحليب )
يكون صاعد ف ممكن يسوي هيج شي