1971
قناة للتوعيه والتثقيف الصحي والدوائي والمساعده https://tellonym.me/abbas.alazawi (من مجهول)
خوب التنمررررررر
لا السمين خلصان
ولا الضعيف خلصان
العالم تحشر خشمها بكلشي
ومرات اقرب الناس الك يتنمر
كلنا نعرف
اثر الضربه يروح
بس اثر الكلمة ميروح
سؤال واتمنى الي يعرف يشارك
لان احتمال حسوي استبيان ع هالموضوع
منو ماخذ مسمنات ؟
وشكد الفتره ؟
وشنو نوعها ؟ او اسمها ؟
واذكرولي اي تفاصيل ثانيه
@abbas_alazawi
تتذكرون هاي الخلطات ؟! 😂
ام خماس وهالسوالف
بعدكم تستخدمون هيج خلطات ؟
العلاج:
معالجة هاي الحالة
1. تخفيف الوزن وهو عامل جدا ضروري
2. اذا جانت الزوجه ترغب بالحمل فيوصفولها حبوب كلومفين Clomifene 50 mg المعروفه بأسم كلوميد
من خامس يوم الدورة
ووياه كلوكوفيج( مساعد السكر)
بقوة 500 ملغم كل 8 ساعات
.
اما اذا جانت ماترغب بالحمل فينطوها
حبوب ميدروكسي بروجستيرون اسيتيت بقوة 10 ملغم يوميا لاول عشرة ايام من الشهر .
واكو حالات ثانيه الها تحتاج تدخل جراحي
كل هاي ماتغنيكم عن مراجعة الطبيبه واستشارتها
يعني لاتاخذون علاج بكيفكم
الا بفحوصات ووصفة طبيبه ❤️
هاي الادويه المذكوره لاتصرف الا بوصفه طبيه لكن ذكرتها للتوضيح وممكن الطبيبه تصرف غير ادويه جداً عادي
@abbas_alazawi
متلازمة تكيس المبايض
......
تكيس المبايض
polycystic ovarian syndrome (PCOS)
طبعاً هو حالة مرضية شائعة تصير عند 2 الى 5 % من النساء
اثناء فترة النضج الجنسي
ونلاحظ بيها زيادة نسبية بالاستروجين والاندروجين هرمون الذكورة
وايضا بهرمون LH .
واكثر الاعمار ينتشر بيها هو بسن المراهقة بسبب الزيادة السريعة بالوزن ( يعني بعدكم كتاكيت)
للعلم
انو الاستروجين تصير بي زيادة بسبب السمنة
يتحول الاندروجين الي ينفرز من الرحم والغدة الكظرية الى estrone بال body fate .
والزيادة بالاستروجين تسبب تثبيط لهرمون FSH وزيادة في LH
يعني خربطة وعدم توازن
وهذني الهرمونين جدا مهمين بعملية انتاج البيوض الناضجه
وهذا عدم التوازن يسبب انتاج multiple cyst و زيادة بأنتاج الاندروجين .
كل عام وانتو بالف خير
صحه وسلامه
ويحفظلكم الاهل والاصدقاء
وياربي تحققون كلشي تتمنوه وبي خير الكم
وياربي يصير بلدنا افضل
بما انو ايام عيد
جلسة تنظيف للبشره ( اسبوعياً)
وخاصة جماعة الرؤوس السوداء
الي ماسووها
خلي يسووها اليوم
١. حمام بخاري ( يعني جدر شويه بي مي وتغلي ومن يطلع بخار تجيب خاولي وتخلي ع راسها وتحصر البخار بوجهها ) بس ديرو بالكم مرات البخار يحرك 😁
هنا حنفتح المسام
٢. استخدمي السناره الي تكون ع شكل دائره
تلكيها عند جماعة الكوزمتك
هاي تمرريها ع الرؤوس السوداء وتزيليها
٣. استخدمي الغسول الخاص بيج ونظفي كولشش
٤. قطعه ثلج تمرريها ع بشرتج
هنا حيسند المسام
وتكدرين تستخدمين تونر .
لان التونر قابض للمسام
وبالليل ترطيب
استخدمو
بيبانثين كريم للي بشرتهم جافه
و اكواسوفت للي بشرتهم دهنيه
بالصيدليات موجوده
او اي مرطب تشوفون مناسب لبشرتكم
عليكم السلام
شلون عرفتي التهابات فطريه ؟
حوصفلج الاعراض اذا نفسها
معناها التهابات فطريه مو بكتيريه
تصير افرازات بيضه ومرات خفيفه ومرات ثخينه وتشبه الجبن
وبيها ريحه
وحكه
واحمرار
اذا متزوجه بشرط بدون حمل او رضاعه :
تحاميل اسمها اسايجنال
مره وحده باليوم
او
كلوتريمازول تحاميل
وغسول خاص بالفطريات داخلي
وعصارة نستاكورت كريم مسح خارجي
واذا ممتزوجه :
غسول خارجي بيكاربونات الصوديوم
ونستاكورت كريم مسح خارجي
واكيد ماتغنيج عن زيارة الطبيبه
بالمناسبه
من كل هذا الكلام استنتج نصيحتين مهمات وضروريات كلشششششش
1. تبلغون اهاليكم واجدادكم يعني الكبار بالعمر ، كلش ينتبهون بالمشي اذا اكو مي بالكاع اخاف يزلك وخاصة بالحمام
او ينتبهون اذا ينزلون من الجربايه وهيج
لان هوايه حالات لكبار السن ( مجرد وكعه بسيطه صار كسر بعنق عظم الفخذ )
2. الشباب وخاصة البنات
لاتاخذون مسمنات او خلي اسميها بأسم اخطر ( المسممات )
ماكو شي بالعالم اسمه مسمن
اي اعلان ورفيو ع شي مسمن كله كذب
لان كلها خلطات بيوت وغير مصرح بيها ومليانه كورتيزون
الي هي فعلاً تسمن بس تسمينها مرعبل
كرش ولغد لان يسوي احتباس سوائل وعدا هاي هو سبب من اسباب هشاشة العظام وتبديل المفصل
هذا مفصل ورك
هاي الصوره قبل العمليه
طبعاً بالرنين يبين اكثر لان يصور من كل الجهات
دتشوفون رأس عظم الفخذ ؟ المدور
هذا اذا صار بي التهاب او تهشم تصير الام كلش قويه
او بعنق عظم الفخذ يصير كسر ف ايضاً لازم تبديل مفصل
هاي هنا شوفو المفصل بالجهه اليمنى عظم طاخ بعظم
فيصير الم حاد وميكدر المريض يمشي
هاي قبل العمليه
هسه لهنا افتهمنا شلون العمليه دتصير
وهاي عصارة جهد ودراسات
اكثر من 6 سنوات من الطبيب
و5 سنوات او اكثر من الصيدلاني
حتى ينطون علاج
……….
اما انتو يالشركات
تجون وتنطون دوه وبسعر غالي وتقشمرون ع الناس
ومندري يفيده لو ميفيده
شنو هاللعب ؟
والعالم هم البسيطه والي ع نيتها مصدكه
هوايه دا اسمع اكو شركات معينه
ما اريد اذكر اسماءها
مخلين هوااااااايه مندوبين ع النت
يروجون ع منتجاتهم
بكل مكان حتى بالتعليقات الكاهم
ويعلموهم ع انو موادهم طبيعيه 100% وتعالج اصعب الامراض
والاقوى من هاي كلها
يقنعون مندوبيهم ويعلموهم شلون يجذب الزبون ويوهمه انو اعراضك هاي تدل ع فلان مرض وفلان مرض
لان صارت عند اكثر من شخص نفس اعراضك وانطيناه هذا العلاج
وعلاجاتهم غاليه مو رخيصه
……
تابعو بقية الكلام
منو يعرف علاج هاي الحاله ؟! ☹️
الي يحب يرد
كون ردود معقوله بعيداً عن العاطفه ولا فشار ع الشخص المعني حتى انشرهن
يعني بس اريد اعرف
شلون تثقون بهيج خلطات وكريمات
ومبيعاتها عاليه انوب
لا اسم بي خير
لاتعبئه بيها خير
وشكد خربت وجوووووه
كووووووومه
جنت اشوف وجوههم مكسبه من وره الخلطات هاي
ولازالت اكو ناس مستمره عليها
هذا رابط القناة مالتنا
ياريت هم تشاركو لاصدقائكم واقاربكم
حتى ننزل المواضيع الجديده
اريد اسوي تبادل ويه قنوات عاليه
2k
فما فوق
ادخلولي @abbas_alazawi
هسه نحجي ع الاعراض
اهم الاعراض الي نلاحظها على مريض هاي الحالة هي
نمو الشعر بأماكن غير مرغوب بيها😔 مثلا الذقن
والسمنة
وظهور صفات الرجولة على المرأه مثلاً خشونة الصوت
وانقطاع الدوره الشهرية
ونزف رحمي
ومع ذلك احتمال تكون الدوره الشهريه عند بعضهم طبيعية
وتسبب العقم هم
وزيادة بالانسولين
وزيادة معدل خطورة الاصابة بسرطان الثدي والرحم بسبب الزيادة المنفردة بالاستروجين
وحب الشباب
وقلق واكتئاب
وصغر بحجم الثدي .
واحتمال متصير أي اعراض للمرض ويكتشف بالصدفة اثناء الفحص الروتيني للمريضة
ويجوز يصير اسقاط متكرر
او ارتفاع بضغط الدم او السكري وارتفاع بمستوى هرمون الحليب البرولاكتين .
ومن تسوون تحليل تلكون نسبة تركيز LH الى FSH هي اكبر من 2.5 :1 ونلاحظ الزيادة الواضحة بالاندروجين .
هلووووو شلونكم
ياربي بخير
بما انو عطله وماعندي شي
اليوم ححجيلكم ع ثاني موضوع ردتو مني
الي هو :
تكيس المبايض
الهستري ينأخذ :
عمر المريض
جنس المريض
وزنه
ضغط
سكر
حمل
رضاعه
امراض كبد او كلى
امراض وراثيه ومناعيه
شنو العلاجات الي ياخذها المريض
ما ادري اذا اكو شي بعد ناسي
حتى من ينصرف العلاج ميأثر ع حالته
وميتداخل ويه علاجاته
يجي واحد مثلاً يسأل
شنو الكورتيزون ؟ واذا هيج مضر ليش اخترعو وينطوه علاج ؟
الكورتيزون هو علاج ساحر ذو حدين
يعني يفيد بحالات معينه وصحيحه وبوقت معين واذا زادت المده ينقلب السحر على الساحر 🙄
الحالات الي ممكن ينطوها بي
الحساسيه ( الحكه وتحسس القصبات )
التهاب المفصل
بس بتشخيص دقيق وبمده وحالات معينه
وهاي بعد العمليه رجع المفصل طبيعي ويكدر المريض يمشي عليه ثاني يوم
طبعاً هذا مفصل ركبه
هلو گايز
شلونكم ان شاء الله بخير
خلي احجيلكم بواحد المواضيع الي اختاريتوها
والي هي شغلي الحالي ويه اطباء جراحة العظام وتبديل المفاصل
شنو الاسباب الي تستدعي تبديل مفصل ؟
1. تناول ادوية الكورتزون بكثره .
2. الخلع الولادي لمفصل الورك ( وينترك لحد الكبر الى ان يتأذه رأس عظم الفخذ )
3. بعض الحوادث ( حوادث السيارات ، واذا كبار السن من اثر وگعه تصير وينكسر عنق عظم الفخذ )
4. التهاب المفصل
ولاحظت خلال هاي الفتره
اغلب الحالات الي ديجون تبديل مفصل من الاعمار الشابه ؟ هي بسبب ادوية الكورتزون ( ديكادرون امبول )
اكو بعضهم ماخذين كميات جبيره ف متهشم
او
الي يتناولون الادويه المسمنه بكثره
الدكسون والسلستون وبوما والصخامات مال تسمين الي كلها كورتزون 🙂
وهاي كارثه جبيره بالنسبه للاعمار الشابه 💔
………
زين شنو المواد المصنوعه منه ؟ وهل انو الجسم يتقبل هذا المفصل ؟ وشلون يتم تركيبه
المفصل مصنوع من مادة التيتانيوم وكوبلت كروم ( بالنسبه لشركتنا دا احجي ) شركة لنك الالمانيه الي هي وحده من البراندات العالميه
وهاي المواد يتقبلها الجسم وميصير صدأ وعمرها طويل
عدا هاي كله انو هي امنه لاستخدام الرنين والاشعه
لان اذا فرضاً ستانليس ستيل ( اذا المريض يسوي رنين ) ممكن يسويله كارثه ويخلع المفصل من اي مكان ☹️
ف المفصل الي مواده تكون مصنوعه من المواد الذكرتها تكون جداً امنه
وطبعاً تركيبه شلون ؟
هو يجي قطع ( تتركب القطع بعد ما الجراح يشوف شغله وماريد احجي تفاصيل العمليه 😁😂 ويوصل للقياس المناسب ) يركب قطعه قطعه حسب قياس المفصل لان تجي قياسات
وهسه حنززلكم صورة لاحد عمليات تبديل مفصل الورك
ومفصل الركبه
قبل وبعد الاستبدال
والله يبعدكم يارب
الي اريد اكوله
انو الشي الطبيعي كعلاج اي حاله
الطبيب يشخص حالة المريض
وينطي علاج حسب حالته
ولربما اكو اعراض مشابهه او مشتركه بس المرض يختلف
اوك حبسطها اكثر
يعني مثلا :
شخص عنده صخونه ونحول والم بالعضلات وعنده حرقه قويه بالادرار .
وشخص ثاني عنده صخونه ونحول والم بالعضلات وعنده كحه بصدره
وشخص ثالث عنده صخونه ونحول والم بالعضلات وعنده كحه بصدره وصداع قوي
هاي ال3 حالات
بيهم اعراض مشتركه
بس كل وحده تختلف عن الثانيه :
الطبيب يشخص بفحص سريري وياخذ تاريخه المرضي الhistory
ويسأل اذا عنده امراض مزمنه
واذا عنده حساسيه من علاج
ويشوف تحاليله
وبعدين يلا يكتب علاج
هنا يجي دور الصيدلاني
( الصيدلاني الحقيقي ) مو بياع ادويه
الصيدلاني الخبير الاول بالدواء
يجهز الادويه ويشوف اذا اكو تداخل دوائي بين واحد والثاني
لان الطبيب مو اكثر خبره من الصيدلاني بالتداخلات وهاي الامور
شنو يعني تداخل ؟
( يعني اذا اكو نوعين او اكثر من دوه يشربها المريض سوه )
ممكن واحد يلغي عمل الاخر واذا كان المريض محتاج الدواء وينلغي عمله ف هاي كارثه
او ممكن تتحول من ماده الى ماده اخرى ولربما التحول خطير
ويسأل ع جنس وعمر المريض
اذا العلاج يناسب عمره او لا
ويسأل اذا عنده امراض مزمنه وخاف العلاج يصعد الضغط او السكر
ويسأل ع قرحة المعده وحساسية الدوا
وينطي الجرع حسب الوزن
المواضيع الي دزيتوها ان شاء الله نحجي عنها كلها
حب الشباب
وتكيس المبايض
وتبديل المفاصل
بس قبل كلشي اجه ببالي موضوع وكلش طاش هالفتره
الي هو :
التسويق الهرمي او الشبكي
Network marketing
زين شنو علاقته بالادويه ؟
هسه تعرفون !