1971
قناة للتوعيه والتثقيف الصحي والدوائي والمساعده https://tellonym.me/abbas.alazawi (من مجهول)
اما بخصوص سؤال البنيه
اذا كان يأثر ع الحمل مستقبلاً
ف الدراسات الي عليه تكول
ما اله اي علاقة بالعقم والخصوبة
هي وظيفتها فقط افراز سائل و ترطيب الجهاز التناسلي
لكن إذا تحول هذا الكيس إلى التهاب
هنا تحتاج المريضه إلى احد هاي الاجراءات :
1. التصريف الجراحي
الطبيه تسوي فتحه صغيره بكيس غدة بارثولين، وبعدين تخلي انبوب صغير من المطاط بالفتحه حتى تخلي السائل يطلع .
احتمال الطبيبه تخلي الأنبوب بمكانه لمدة ممكن تكون 6 أسابيع،
وممكن تحتاج المريضه مسكنات الألم عن طريق الفم لعدة أيام .
2. التفريغ الجراحي
إذا تكررت الإصابة، الطبيبه راح تفتح فتحتين على جانبين شق التصريف حتى تسوي فتحة دائمة ويخلي السائل يطلع .
3. إزالة الغدة
الطبيبه تلجأ لهذا الخيار إذا ما تنجح كل العلاجات، ويكون تحت التخدير.
تشخيص كيس بارثولين
1. ياخذون عينة من الإفرازات المهبلية حتى يتأكدون من المريضه مامصابه بالأمراض المنقولة بالاتصال الجنسي.
2. او ياخذون خزعة لاستبعاد سرطان الفرج، وتزيد احتمالية ياخذون خزعة غدة بارثولين للنساء الي أعمارهن ما تقل عن 40 سنة.
أسباب كيس بارثولين
ممكن يكون سبب انسداد غدة بارثولين هو الإصابة بالآتي:
عدوى انتقلت من خلال بعض الأمراض الجنسية مثل: السيلان (Gonorrhea)، والكلاميديا (Chlamydia).
او العدوى البكتيريا، مثل: إي كولاي (E.coli).
واكو نسبة 2 من كل 10 نساء ممكن انه ينصابون بانسداد غدة بارثولين مرحلة عمرية معينه ، لكن أكثر الي يتعرضون الها
الي همه بعمر
، و تقل احتمالية الاصابه مع التقدم بالعمر.
بالصورة مكان غدة البارثولين ومأشر عليها
Bartholin Gland
العلاج
( طبعاً ما اعرف شنو الي ديتبعوه الاطباء )
لان على حد علمي لو ينطون ادوية كخط اول ويشوفون النتيجة
لو اذا حاده يسووله عملية
واكيد لازم الطبيب الاخصائي هو الي يشخص ويحدد الاجراء المناسب
عادة ينطون مراهم وكريمات تقلل الالم وتقلل التخثر
حتى اكو حبوب
بس ميصير تنأخذ بدون وصفة طبية
الأسباب
تتمدد الأوردة المحيطة بالشرج نتيجة التعرض للضغط، وبالنهايه راح تنتفخ أو تتورم.
يمكن أن تنشأ البواسير نتيجة لزيادة الضغط في المستقيم السفلي بسبب ما يلي:
• الإجهاد أثناء الخروج
• الجلوس لفترة طويلة ( بالتواليت خاصة التواليت الشرقي ) ( وسواق السيارات والدراجات)
• الإصابة بإسهال أو إمساك مزمن
• البدانة
• الحمل
• ممارسة الجماع الشرجي
• اتباع نظام غذائي منخفض الألياف
• رفع الأثقال بانتظام
البواسير
البواسير هي أوردة متورمة في الشرج والمستقيم السفلي، تشبه الدوالي الوريدية.
اذا صارت داخل المستقيم مثل ماموضح بالصوره (يسموها بواسير داخلية)
أو تحت الجلد حول الشرج مثل يسموها (بواسير خارجية).
اكو اسباب الاصابه بالبواسير، ولكن غالباً يكون السبب غير معروف.
هوايه هوااااايه منكم عدهم هالشي بس مامنتبهين ع نفسكم
وكل عائله لازم تلكون ع الاقل واحد منهم عنده هالشي
الي هو ( الوهواس والقلق بالامراض )
يعني
اي واحد منكم اذا صار عنده شويه حاله غريبه
راسا راح اخذ علاج
اذا شويه حكه
شويه اسهال
شويه الم بالبطن
راسا راح اشترى علاج
لا لا
بس بالحالات الطارئه نستخدم علاج ( يعني مثلا الم قوي خاصه الام البطن والكلى والاسنان )
اما الحالات البقيه
ننتظر كم يوم ونشوف تستمر الاعراض لو لا ؟
هنا يلا يحتاج تشخيص وعلاج
لان هوايه شغلات تصير بالجسم من الم او تحسس او غيرها
مرات من العوامل البيئيه الحراره والبروده والاتربه وغيرها
مرات من اكل معين
مرات من الملابس
او استخدام ماده معينه
ف هيج شغلات مو دائما تحتاج علاج الا اذا استمرت الحاله ( يعني ٤ - ٧ ايام ) بعدها يحتاج تشخيص .
والله عندي واحد من اقاربي
فد خواااااااف
اتخيلو خلص اسئله وخلصت الاعراض
كام يسأل ( اكولكم شو حواجبي توجعني ) كتله كافي 😡 لهنا وبس وين اكو الم بالحاجب 😒
كتله بطل وهواس هههههههه
......
هسه اني الحمدلله مرات فجأة احس بلاعيمي تأذيني
انتظر يومين وما اخلي ببالي يمه
واكول اذا ماراحت اخذ علاج
بالفعل انتظر يطلع مو التهاب وتروح كل الاعراض
يعني باختصار
انطو مجال لجسمكم ولجهازكم المناعي يشتغل
الاجسام المضاده المن نايمين وننطيهم راتب؟؟
خلوهم يشتغلون ويدافعون ويحللون راتبهم 😁
بس اهم نقطه لتخلون بالكم يم المرض
انسوووووو 🌸
تره نصف المرض حاله نفسيه
بالختام
اذا حاجبكم يوجعكم خلو خلطة كنزه 😒
❤️🌸
اكو منشور
المفروض انزله اخر يوم شهر رمضان
كاتبه وجاهز بس نسيت انزله 🥲
كل عام وانتو بالف خير حبايبي 🤍🫶
صحه وسلامه وتحقيق الاماني
ويوفقكم لكل شي حلوووو وبصالحكم
@abbas_alazawi
ذكروني العام اشتغلت بعمليه قبل الفطور بلشنا ووره الفطور بساعه يلا خلصنا
حتى هاي الحركه ماسويناها 😂
طيب بعد ما عرفنا أسباب الأمساك الحل شنو؟؟
انو نسوي عكسس هلاسباب👌
يعني،
- نعتمد على الأكل الصحي الخفيف ونتجنب الوجبات السريعة والمأكولات المحفوظة 🥫
- نركز على الأطعمة الغنية بالألياف مثل العيش الأسمر 🍪 والشوفان 🍘 والخضار الطازجه مثل الخيار 🥒 والجرجير 🌱 والخس والطماطم 🍅 والفاكهة الطازجه 🍓 والمجففة مثل التمر 🥔 والتين والعنب 🍇 والبرتقال 🍊 والبطيخ 🍉 والشمام والكيوي🥝 و.........
- ناكل زلااااطه فى بداية الأكل 🥗🔄
- اذا نشرب عصاير نتاكد انو عصاير طبيعية 🍹 بكميات سكر قليلة , واذا ناكل الفاكهة نفسها يكون افضل ❤️
- ندخل الحمام 🚽 🚾 دايما في موعد ثابت كل يوم 🕒
- نشرب مي هواااااي جداااااااا كثيرااااااااا بين الفطور والسحور 🍶
- ناكل البان متخمرة فى السحور 🌃 مثل الزبادي والروبه 🥡
- مناخذ ملينات إلا في حالة الضرورة القصوى 💊❎
- نمارس رياضة بشكل يومي ولو في صورة المشي 🏃
اذا التزمنا بالنصايح الفوك ♥️
مراح نشتكي من الامساك لا في رمضان ولا بغير رمضان.. ان شاء الله 💫
بكل الاحوال لازم تراجعون طبيبه اخصائيه تسوي فحوصات كامله وهي تقرر شنو الاجراء اللازم
وبالنهاية لاتخافون 🤍
ما هو علاج كيس بارثولين؟
لازم تعرضون نفسكم ع طبيبة اخصائية
وهي تقرر شنو العلاج
عادة هي :
1. المضادات الحيوية
الطبيبه تنطي مضاد حيوي بحالة إصابة كيس غدة بارثولين بالالتهاب أو إذا بينت التحاليل أنه المريضه مصابة بعدوى منقولة جنسيًا.
2. حمام المقعد
في حال كان عمر المرأة أقل من 40 سنه
وما تسبب أي مضاعفات أو ألم
ف ممكن يساعد هذا العلاج أنه يختفي الكيس من وحده .
بهاي الحالة يتم فقط تغطية حوض الاستحمام بالمي بمقداريكفي لتغطية الفرج،
والجلوس برفق بداخله، ويُنصح بتكرارهذه العملية عدة مرات باليوم لمدة ثلاثة أو أربعة أيام.
أعراض كيس بارثولين
من تنسد الغدة تصير بعض الأعراض:
1. شعور بعدم الراحة أثناء المشي أو الجلوس.
2. ألم أثناء ممارسة العلاقة الحميمة.
3. نزيف بمنطقة المهبل.
3. الشعور بثقل أو تورم بأحد جوانب المهبل.
4. ارتفاع بدرجة الحرارة .
5. إفرازات مهبلية غزيرة.
غدة بارثولين تكون بين المهبل والفرج وبالتحديد في الجزء الخارجي من الأعضاء التناسلية الأنثوية.
وظيفة الغدة الأساسية
هي إنتاج سائل حتى يحافظ على رطوبة المهبل، وتقليل الاحتكاك أثناء ممارسة العلاقة الحميمية.
اكو نوعين من غدة بارثولين بيضوية الشكل، بحجم حبة البازلاء، لذا ممكن ماتنشاف بالعين المجردة.
كل غدة بيها قناة قطرها 5 مم تقريبًا،
ويكون الإفراز الناتج منها عبارة عن مادة سميكة ومخاطية.
بعض الحالات، ممكن يصير انسداد بفتحات القنوات الي ينتقل من خلالها السائل للمهبل، وبالتالي مايطلع ويرجع من جديد للغدة، والنتيجة هي تورم يكون غالباً حميد،
لذلك يسموها كيس بارثولين
(Bartholin`s cyst)
عليكم السلام
ولو الموضوع حساس
بس بالنهاية هو موضوع طبي وعلى طلبكم راح انزله
وهوايه اكو مايعرفون بي اصلاً
اكو وحده من الطرق العلاجية بدون عملية جراحية
بقاعدة الباسور يخلون قطعه مطاطية حتى بعد مايوصل دم للباسور وخلال كم يوم يموت ويوكع من وحده
واكيد الجراح هو الي يقرر تفيد لحالة المريض او لا
العلاجات المعروفة :
بروكتوجليفنول كريم
او بروكتو سينولون
او بروكتوهيل
نفس المواد هاي بس الشركات تختلف .
واكو كريم قبل فترة جان طاش
والي هو عبارة عن مواد عشبية وامنه
وبصراحة اني اعرف اشخاص شويه شافو عليه فرق للي عدهم شي بسيط مو حاد
الي هو
( ركتو ستوب كريم)
اما الحبوب الي ينطوها لمرضى البواسير اسمها :
فليبوديا 600 مغ حب
او
دافلون 500مغ حب
ارجع واكول
ممنوع منعاً باتاً تاخذون دوه بدون متستشيرون طبيب اخصائي
المنشور فقط حتى تعرفون الطرق العلاجية
شلون نتجنب البواسير :
نمتنع عن الممارسات الخاطئة الي ذكرناها بالاسباب والاطباء يوصون بالتالي :
. عدم الجلوي لفترات طويلة
. الذهاب للحمام في حال شعوركم بحاجة للتبرز ، لان اذا اتأخرتو ممكن يصير امساك
. حافظوا دائماً على بطنكم تكون لينه
. اشربو مي بكميات كافية .
. تناولو الالياف والمكملات الغذائية
الأعراض
تعتمد علامات البواسير وأعراضها على نوعها
البواسير الخارجية :
• الحكة أو التهيج في منطقة الشرج
• الشعور بألم أو بعدم الراحة
• تورم حول فتحة الشرج
• نزف
البواسير الداخلية :
يمكن أن يتسبب الإجهاد أو التهيُّج عند إخراج البراز في:
• نزيف غير مؤلم أثناء الخروج. ممكن تلاحظون دم احمر فاتح
• ألم .
البواسير المخثورة :
هاي يسموها دمويه واعراضها :
• ألم قوي
• تورُّم
• التهاب
• كتلة صلبة بالقرب من الشرج
نصيحة للتغذيه بعد شهر رمضان ❤️
كلش مهم انو نرجع لنظامنا الغذائي العادي بس تدريجياً
ومانبالغ بالاكل بالكميه والنوعيه
يعني خلال أيام رمضان كلنه نتبع نظام غذائي يختلف بالتوقيت والنوعية عن ايامنا العاديه قبل شهر رمضان ، لمدة شهر كامل.
ومحتمل التغيير بالنظام الغذائي بعد شهر رمضان يسوي مشاكل بالمعدة وغيرها.
لذلك الاطباء ينصحون بالاستمرار باتباع النظام الصحي الغذائي الي جنه متبعينه خلال شهر رمضان،
ونرجع تدريجياً للنظام الغذائي العادي، يعني مانبالغ بالاكل بالكمية والنوعية
يعني
اول يوم العيد العاده المعروفه عدنه
بالريوك : كيمر عرب وكاهي 🤦🏽♂️ ومرات تصير سفره مال اكل مو ريوك تكول وليمه
بيض ومخلمه ومربى وجبن وكاهي وكيمر
باعتباره اول ريوك ومتحلفين 😂
بالغده : وباعتباره اول غده ( طلي كامل مشوي والتمن والمرك و الدجاج والسمج )
بالعشا : كذلك نفس الشي والدسومه
...
الحلويات: الكليجه والقطايف والكنافه والبقلاوه والزلابيه وزنود الست و و و و.
نوكع عليها والله شنو ( عييييييد وفاطرين ) 😂
هنا نكولكم لا ديرو بالكم لربما مجربين قبل شلون بعدها تتأذه معدتكم
والجهاز الهضمي ممتعود ع هيج اكل دسم شهر كامل
وديرو بالكم الي يريد يحافظ ع وزنه فاغلب الاطعمه يمكن تتحول دهون
لازم وجبات خفيفه اول شي ومي
وشويه شويه يلا تاكلون اكل دسم ❤️
smile is the best medicine😀
ابتسموا 😍😁
الابتسامة هي افضل دواء 🤍🌟
لاتنسون
كلت اريد اجوبة صريحه 😂
ولاتخافون متطلعلي اسماء الي يصوتون
Ⓜ️اربعة اسباب للصداع اثناء الصوم.
هوايه من الناس يعانون من الصداع أثناء وقت الصوم خلال شهر رمضان، وذلك نتيجة التوقف عن القيام بالعديد من العادات الغير صحية كالتدخين وإدمان المشروبات التي تحتوي على نسبة كبيرة من الكافيين.
وهاي بعض النصائح الي تساعدكم على التخلص من الصداع أثناء الصوم وتستمتعون بصوم خالٍ من المشكلات الصحية الي تواجهكم
⏺➖النوم :
من أهم عناصر الاستمتاع بصوم صحي النوم، ويعتبر هو الوقت الوحيد الي يخلي الجسم مرتاح بي بشكل كامل، ومع تعدد المهام بشهر رمضان وضيق الوقت تقل ساعات النوم مع المهام المنزلية والعمل خارج المنزل مما يزيد من الشعور بالصداع نتيجة عدم الحصول على النوم بشكل كافي، لذلك لازم اكو نوم بشكل جيد ولمدة لا تقل عن 6 ساعات ولا تزيد عن 8 للاستمتاع بصوم صحي.
( 3 ارباع الشعب العراقي ديبقى كاعد لحد صلاة الفجر ) 😂
⏺➖السكر :
تناول الأغذية الي بيها نسبة كبيرة من السكر بشهر رمضان يتسبب بالإصابة بالصداع خلال فترات الصوم،
👈 لذلك احرصوا على تناول كميات متوازنة من الأغذية الي تحتوي على نسبة كبيرة من السكر للحفاظ على صحة جسمكم ولتجنب الشعور بالصداع أثناء الصوم.
⏺➖ المياه :
👈عدم الحصول على الكمية الي يحتاجها الجسم من المياه بين وجبتي الفطور والسحور يتسبب بالإصابة بالصداع أثناء فترة الصوم، لذلك احرصوا على تغذية جسمكم وترطيبه بالمياه والعصائر الطبيعية لتجنب الشعور بالصداع أثناء فترات الصوم.
⏺➖ الكافيين :
👈بالطبع التعود على تناول المشروبات التي تحتوي على نسبة كبيرة من الكافيين قد يتسبب في الإصابة بالصداع عند التوقف عن تناولها خلال فترة الصوم في شهر رمضان، ولتفادي الشعور بالصداع الناتج عن عدم تناول تلك المشروبات يمكنك التقليل من تناولها في الأيام الأولى من رمضان بين وجبتي الفطور والسحور للاستمتاع بصوم صحي وخالٍ من الشعور بالصداع.
.
ولأن حل أى مشكلة يتطلب معرفة أسبابها
فخلونا نعرف الاسباب ♥️
أسباب الامساك عموماً ,
و في شهر رمضان خصوصاً.
1 - الأكل غير الصحي المعتمد على الخبز الأبيض والمعجنات والوجبات السريعة والمعلبات ❎ 🍞 🥫 🍔
2 - الأعتماد على العصاير المصنعة اللى تلت أرباعها سكر والحلويات طبعا مننساها ❎🍩🍮
3 - إهمال ممارسة الرياضة وعدم الحركة ونظل مفرشين ب مكاننا اغلب الوقت😂 🛋
4 - كثر شرب الشاي والقهوة والمشروبات الغازية😐 ☕🥂
5 - التدخين بأنواعه 🙃 🚭
6 - أكل النشويات الغير صحية مثل المعجنات والرز الأبيض والمعكرونة البيضاء 🌭🍕🍝
7 - إهمال طبق السلطة الخضراء 🙄
وللاسف صار وجوده ع السفره مثل الديكور 😂 هو لازم نحطه بس محد يمد ايده وياكله 😐 يابه ليشش؟
يكلك صدك جذب؟ تريد تشبعني زلاااطه! 🥗🌮
8 - صرنا نتعاجز انو نتعب اسناننا باكل الفواكه 🍎🍌🥝 ونفضل نشربها عصير 🍹 وياريت طبيعي🧐💔
9 - تجاهل الرغبة فى دخول الحمام 🚽🚾
10 - الأعتماد على الملينات 💊 لغاية ما القولون يتعود عليها وميتحرك إلا بيها وهي نفسها بدال ما تعالج الأمساك تتسبب فيه 👌(حيل مهم هلسبب)