Telegram-канал eeeeeeeeeeeee21k - دارميات حسينيه ومنوعة🌿: Unsorted

دارميات حسينيه ومنوعة🌿

27 October 2025 16:58

#ديوان_فاطمه_وابيها_وبعلها_وبنيها_ع
#الجزء_السادس_للدارميات_الحسينيه
ـــــــــــــــــــــ
#دارميات_حسينيه_للسيده_زينب_ع
لسان حال السيده زينب لما شاهد الامام الحسين ع وهوا وحيد بين الاعداء
في يوم عاشوراء

جـبـده ابسهم مـصـيـوب واذا صوابــــــه
من مـهره طـاح حسين فوگ الترابــــــــه
ـــــــــــــــــــــ
جبده ابسهم مصيوب ومن الظهر فـــات
مائدري ابو السجاد حي بعده لـــومـــات
ـــــــــــــــــــــ
جبده ابسهم مصيوب وبجبدتـي اسهـام
دكـــــتـــور اجيب امنين ويعالـج ايـمـام
ــــــــــــــــــــــــــــــ
عالتله صحت ابصوت تسمعني اريــــــدك
عاميني الدخـــــــــــــان اشرلي بيــــــــدك
ـــــــــــــــــــــ
عاميني الـــــدخــــان والعـطلانــــــــــــــي
اتعثرت بلاولاد مـــــــن جيتك انــــــــــــي
ــــــــــــــــــــــــــــــ
اتعثرت بــــلاولاد خـويــــه وعفتــــــــــها
خياله عشــــره ادوس فوگك شفتـــــــــها
ــــــــــــــــــــــــــــــ
آخ اوثـــلـــث تـــالاف آخ ابـــدلــــيـــلـــي
ابـلـيـل 11 مـاصليـت وگـفـه اعلى حيلي

صليتي الـــســـجـــاد گلي ابــطـفـــوفــج
گـعـده ابصلاة الليــل ماگـمـتي اشوفــج

جـــاوبتـــه ياهالناس والدمـــعه بالعيـــن
انهد حيلي يالسجاد من شفت الـحـسـيـن

الشمر اعلى صدر حسين يصرخ معوفـــه
الـــعـبــاس اجيبه امنين ونطي جفوفـــه

راســـه ابعمد مفظوخ وبــلايه ذرعـــان
مايدري ابـــو السجاد فـــزعتله نــسـوان
ـــــــــــــــــــــ
لتگلي الـمـيـمـون ماصح مثيلــــــــــــــــــه
ظل يفتر اعلى الحسين واليدنه ويلـــــــه
ـــــــــــــــــــــ
رد للخيم مهظوم يعلي ابصهيلــــــــــــــــه
يل بلخيم الحسين روح اعــتنيلـــــــــــــــه
ـــــــــــــــــــــ
طلعتله النسوان تبجي اعلى حالــــــــــــه
اتشوف السرج ميال وبلا خيالـــــــــــــــه
ـــــــــــــــــــــ
صاحله وين حسين شنهي الجرالــــــــــــه
ليش انته وحدك جاي ماجه العالــــــــــــه
ـــــــــــــــــــــ
صاحله حي لو ميت يوم التركتـــــــــــــــه
گلهن اجيت اهنا حته اخبر اختـــــــــــــــه
ـــــــــــــــــــــ
ماتدري ابو السجاد صوبو جبتـــــــــــــــه
خل تلحگ العدوان لتحز رگـبـــتـــــــــــــه
ـــــــــــــــــــــ
من سمعت النسوان ميمونه يصهــــــــــل
طلعت تدگ عـالـراس والمدمع ايـــهـــــل
ـــــــــــــــــــــ
صاح العليل ابصوت يابويه سمعـــــــــــو
ع الرمح راس حسين عدوانه رفعـــــــــو
ـــــــــــــــــــــ
بل خيمه متجمعين كلهم يتامــــــــــــــــــا
وسمعو علي السجاد من يصرخ احـــــــــا
ـــــــــــــــــــــ
صاح العليل ابصوت كلمن يشگلــــــــــــــه
شگ ويفر ادري الگوم راحت تكتلـــــــــــه
ـــــــــــــــــــــ
المسلم يتامه اثنين شردتهم امهـــــــــــــم
من حرگت النيران خيمـه التلمـــــــــــــــهم
ـــــــــــــــــــــ
كلمن طلع والـنــــار تاكل ذيالــــــــــــــــــه
وينك يبو الحسنين صاحو عيالـــــــــــــــه
ـــــــــــــــــــــ
اويه الفرو امن الخوف فرت رقيــــــــــــه
لاگاها ملگت شوم ابن الدعيــــــــــــــــــــه
ـــــــــــــــــــــ
كظهه وبذنه ايشوف لصفن تراجــــــــــي
جرهه وعليهه انوب شافته باجــــــــــــــي
ـــــــــــــــــــــ
اگلـتـلـه تبجي اشبيك جاما عفتهــــــــــن
ياخذهن السلاب لو ماخذتهـــــــــــــــــــن
ـــــــــــــــــ
لمن شفت الهلال صحت الهظيمـــــــــــــه
بيه ابگه بين الگوم وبلايه خيمــــــــــــــه
ـــــــــــــــ
مــامـشت لــرض الشام مـسبـيــه هــايــه
هيـه الامــيــره اتگول وحنــه الــسبــايــه
ــــــــــــــ
مـاطبـت الـديـوان طب فحل الــفحـــول
قـالـع ابـأيـده الباب وبــخيـبــر ايـصــول
ـــــــــــــ
زيـنب وحـيده اهـنـاك كل ضنـهـم الـنـاس
مـادرو يـمـهـه ايـبـات لـيـلـيـه عـبــــــاس
ـــــــــــــــــ
هنياله كل من زار گبرك كفيلــــــــــــــــــي
يمك ردت لحظات خل يندعيلــــــــــــــــي
ـــــــــــــــــــــ
گـلـولـي داحـي الـبـاب مولوده بــنـــــــتــه
ياخـــــــادم الزهراء شنهي الكتبتـــــــــــــه
ـــــــــــــــــ
عقلي انه حگه اليوم لو يبقه حيــــــــــران
المولوده زينب هاي بت سيد الاكـــــــوان
ــــــــــــــــ
بت حيدر الكرار وامهـا الــــــزجيـــــــــــــه
حفنت ثره انه شلون امــدح ثريــــــــــــــه
ــــــــــــ
ورده اهدي للعباس والزينب اليــــــــــوم
امن اذكرهم انه ارياح وتخف الهمــــــوم
ــــــــــــــ
يكفيني من انخاه ابأصعب ضروفــــــــي
ايجيب العقيله اوياه ويگلهه شوفــــــــي
ـــــــــــــ
#الشكرلله خادم الزهراء ع ملا علي
#نسالكم_الدعاء3✍🏆
🕊🎶🖤🎶🕊

🏆