قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:58

قصيده لسيده الزهراء ايام محرم
تقرأ مربعه
ــــــــــــــــــــــــــــــــــــــــــ ـــــــــــ
المستهل 👇👇👇

عليمن گولي يالزهره / تنوحين
على العباس لو لحسين تبجين
ــــــــــــــــــــــــــــــــــــــــــ
عليمن گولـي وناتج طويله
على اولادج تواسين العقيله
تصعب حيــل وناتج ثكــيله
نـون ويـاج كلنه مـن تونين
ــــــــــــــــــــــــــــــــــــــــــ
لـو هل الشهر يــزداد همـج
عل مذبوح دمعاتـج او ونج
ومن سابع سمه تنزليـن لبنج
يمه حسين يوليدي تصيحين
ــــــــــــــــــــــــــــــــــــــــــ
يمه حسين ذبحوك الملاعين
مارحمو حرمكم ياظوه العين
وزينب حايره وتبجي النساوين
انهض يالحنين وقرة العيــــن
ــــــــــــــــــــــــــــــــــــــــــ
جاوين الكفل عباس راعـيها
يشوف اخته غريبه لايخليها
عتبي عليـك ياعباس واليها
اختك بالغرب بيــن الملاعين
ــــــــــــــــــــــــــــــــــــــــــ
شفته عل نهر طايـح العباس
أنهض گوم لعيالك ينـوماس
اختك شايطه وتلطم على الراس
أنهض گوم حرگوها الصواوين
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:57

فزاعيه اومربوعه لرضيع بدايتها
بوذيه عن لسان حال الحسين ع يخاطب زينب ع

ابوذيه 

تره  بالعين   ماضلت  وشاله
عبدالله  هدم حيلي   وشاله
اجه اكبال الخيم ينده وشاله
خلصو  كل هلج   يالهاشميه

.نزلت الفزاعيه

خلصوه كل هلج  هاليوم يم عون
لحكنه  البين حتى عله الزغيرون
........
مدري البين من عدنه شيريده
لحكنه عله الطفل كطعو وريده
ماكو  احباب   واديارج  بعيده
اليوم الحك الج دكي عله عيون
..........
خلصو كل هلج ماضلت احباب
ضليتي  يزينب بين   الاجناب
خلاج الدهر  وصوابج صواب
عزاز  الروح  عالغبره  يونون
...........
ماضل من هلج يم عون تذكار
ضل بس  العليل  وبيج محتار
يزينب يومنه عله خلك ماصار
بعد ساعات  لخيامج   يهدون
..........
يروح حسين وتشوفين الخيول
مكطوع  النحر وبصدري تجول
وراسي عالرمح يم عون مشيول
ماعدكم  ولي  وبيمن  تلوذون 
...........
حسبالي الطفل يبكه ويسليج
ويخفف  عليج  جروح اهاليج 
انشدنج يزينب جم جرح بيج
بعد ساعات  وبراسي يهوسون


✍ام زينب كربلاء غير مبري الذمه من يأخذ الكلام وينسبه كلام او يحذف الاسم القصيده من المآسي الزينبيه الجزء الثالث

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:32

ابوذيات تخص هلال محرم
ــــــــــــــــــــــــــــــــــــــــــ ـــــــــــ
الك مآتم بروحي دوم ينصاب
وسهم فرگاك بالدلال يـنصاب
المهدي ويانه كل عاشور ينصاب
جوادر للحزن والدمعه سجـيه
ــــــــــــــــــــــــــــــــــــــــــ ـــــــــــ
عسنك دوم لاهليت عاشـــــور
بيـك الوعه ولويـلاه عاشـــــور
اصعب يوم بيك يصير/ عاشر /عاشور
يروح حسين وتسحگه الاعوجيه
ــــــــــــــــــــــــــــــــــــــــــ ـــــــــــ
راح تروح كــــل اهلج هلالي
وتضل دمعة عيـــــونج هلالي
شفته ونخمش گلبـــي هلالي
بيك الضيـــم والهم والأذيــــه
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:30

قصيده لخروج الحسين من الديار
يودع قبر امه الزهراء 💔
تقرأ فزاعيه رباط هوسه
ــــــــــــــــــــــــــــــــــــــــــ ـــــــــــ
المستهل 👇👇👇

يم گبر الزجيه /جايــــب عيـاله
ابـو السجاد والعبـاس تجــــاله
ــــــــــــــــــــــــــــــــــــــــــ ـــــــــــ
رايـــــح للذبـح مامنــي رجـعه
ووليــــدج اجـــــه لگبرج يودعه
أنه المحتاج صوتج هسه اسمعه

(جيتج يايمه /تشوفيني)
ــــــــــــــــــــــــــــــــــــــــــ ـــــــــــ
تدرين اليـــفارگ امه يــتعب
حاله وغربته يايـــمه تــصعب
وحسين بغيابج هل تــــعذب

(مريوده /والأم المثلج)
ــــــــــــــــــــــــــــــــــــــــــ ـــــــــــ
وكفت اعله الكبر لوعات بيـه
وانه التعبان گلبي من الاذيـه
ماشي الكربله هاي المسيــــه

(وديار الطيـــــبه /مودعيها)
ــــــــــــــــــــــــــــــــــــــــــ ـــــــــــ
رايـح يالزجيه وفاطمه ضلت
حملت الضعـون وصـوتها علت
صاحت ياحسين وحيل صرخت

(ياصوت العليله/ ذوب دليلي)
ــــــــــــــــــــــــــــــــــــــــــ ـــــــــــ
عينج عالعليله يابعد عيــــني
تبجي حيل تعبانه وتأذينـــي
ونتي بالگبر ادري وتسمعيني

(الله وياج /يازهره الحنينه)
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:29

لطمية لوداع ام البنين واولادها سلام الله عليهم اجمعين ( يم البنين شلونچ )


من طبو يودعونچ ... يم البنين شلونچ
بحسين وصيتيهم ... للموت وديتهم
من هسه اگطعي ضنونچ ... يم البنين شلونچ


ايعينچ الله شگلتي
اربع زلم ودعتي
ومن شالو اتلوعتي
ومساهره ومانمتي
للصبح تبچي عيونچ ...يم البنين شلونچ


للصبح عينچ تهمل
ياضيم گلبچ يحمل
فگد النشامه يبهذل
اظلم عليچ المنزل
مارجعوا يشوفونچ ... يم البنين شلونچ


من حملو مارجعو
صارو ابعاد وگطعو
بالكون اضنهم وگعو
صحتيهم ولاسمعو
ماضلو يسمعونچ ... يم البنين شلونچ


مادرو بيچ اتونين
يهل الحميه اتصيحين
للحومه روحي وتلگين
روس وضحايه وچفين
غسليهم يريدونچ ... يم البنين شلونچ


يردونچ تغسليهم
وبهدمچ تغطيهم
ويلاه ماشفتيهم
وشگد نشدتي اعليهم
والناس شيخبرونچ ... يم البنين شلونچ


محتاره شتگول الناس
والضعن مابي حراس
وحسين ميت وانداس
گطعو امتون العباس
للبطل ودي امتونچ ... يم البنين شلونچ


وديله چف وهامه
بلكت يطفي اخيامه
والدهر شد احزامه
وركز عليچ اسهامه
والبين دوم يخونچ ... يم البنين شلونچ


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:28

#محرم_الحرام_1448هـ
#حضور الزهراء للمجالس

أدور بالمجالس وأسجب العبره..
أنــــه أم الذبيح الهشمو صدره..

أدور بالمجالس روحي محنيه
وأصرخ للگضه وماضاك الميه
يهل مني الدمع للمشت مسبيه
مانوح أعله ضلعي ولامن السطره..

مانوح آعله ضلعي ولا عله جروحي
يبجيني النعه ويذكرلي مذبوحي
للعطشان ما يبطل أبد نوحي
وليوم الحشر دلالي بي كسره..

أون وأنتحب للرضو أضلوعه
وأضل طول الدهر بوليدي مفجوعه
شنسى يامصاب وشنسه يالوعه
من شفت الشمر كاعد يحز نحره..

ويحزني ما فتر للطاح بالحومة
عزيزي وسلوتي أمسلبيهن هدومه
نايم يالولد مو ألك هالنومة
طاح أبغربته ووسادته الغبره..

طايح عالترب محد أجه وشالك
مغسل بالدمه وأمكطعه أوصالك
راسك عالرمح والشاله چتالك
الحوافر داسته وطلعت كتر ظهره..
▬▬▬▬▬▬▬▬▬▬▬▬
✍🏻 بقلم آلّشآعرهً آلــــّعــلّويِـــه آلّمٌوسويِــــۿ


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:26

قصيده فزاعيه لامام العباس

☆☆☆¤☆☆☆
طب الحومه و الميدان》
ورايه ترف فوكه》

رفت بالسمه الرايه
وجته الخيل عنايه
 ظيغم بيه الكفايه ..
ياطوك الفخر طوكه》

صنديد ودخل ميدان
يحصد روس  هالفرسان
يمشيم يعالي الشأن.
يابو رايات معلوكه》

ترهب طبته الساحه
ماشافو ابد راحه .
ناحو منه نياحه .
والله وساكهم سوكه》

يامهيوب يمجنه
.يالمامش ابد منه
.خله صياحهم  حنه .
والاجساد مسحوكه.》

يافارس يرفعه راس.
تسر الروح يعباس .
دومك للاهل نبراس .
تطفي كلوب محروكه 》.


اختك تحلف براسك .
انت المنزعت طاسك .
عاشت يالاخو انفاسك .
افعالك موش مسبوكه》

وبسيفه المذهب 
صال وحله الملعب .
بضرب السيف مايتعب .
روس عداه مشروكه》

*ناعيه الخيام*
ام فاطمة الزهراء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:21

خطاب الحسين عندما عزم الخروج للعراق.
☆☆☆☆▪☆☆▪
اللهم صل على محمد وال محمد

روي أنه (الإمام الحسين عليه السلام) لما عزم على الخروج إلى العراق قام خطيبا، فقال: الحمد لله‏، ما شاء الله ولا قوة إلا بالله، وصلى الله على‏ رسوله وسلم، خط الموت على‏ ولد آدم مخط القلادة على‏ جيد الفتاة، وما أولهني إلى‏ أسلافي اشتياق يعقوب إلى‏ يوسف، وخير لي مصرع أنا لاقيه، كأني بأوصالي تقطعها ذئاب الفلوات بين النواويس وكربلاء، فيملأن مني أكراشا جوفا وأجربة سغبا، لا محيص عن يوم خط بالقلم، رضى الله رضانا أهل البيت، نصبر على‏ بلائه ويوفينا اجور الصابرين، لن تشذ عن رسول الله صلى الله عليه وآله لحمته، بل هي مجموعة له في حظيرة القدس، تقر بهم عينه، وينجز بهم وعده. من كان باذلا فينا مهجته، وموطنا على‏ لقاء الله. ساعد الله قلب زينب وهي تسمع هذا الخطاب الذي فيه نعه الحسين نفسه وصحابه . اي واه حسيناه واه مظلوماه
*نعي*
يحسين ياروح الزجيه.》
يالمنذبح بالغاضريه》 .
فوك الترب جثتك رميه》..

يابهجتي ويهلال العياد》
شخصك ضخر بضيج يراد 》
.بالك تروح اديار البعاد》

يامهجتي ودم بوريدي》
نور النزل وهلال عيدي 》
.ياماي وتبده من ايدي》

يابو الفخر ياعز الخوان 》
ياخيمتي وبضيج صيوان》
يعزوتي وريسان الحنان》

انته  الاخو وعنوان صيتي 》
  ياشمعه تضوي اكتار بيتي》
  فراكك بابطل كرب منيتي.》

انا من اكولن خويه ياخوي 》
.يصرخ دليلي احوي احوي .》
ياريحت امي وريحت ابوي》

يومك كرب حيف وحرامات》
انسه الجره يحسين هيهات》 .
.دكن عليك الهاشميات》

*ناعية الخيام*
ام فاطمة الزهراء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:33

قصيده ثگيله الى ام البنين عليها السلام
عند خروج الحسين من المدينه
وايظآ تقرا بكل مناسبه حزن
ــــــــــــــــــــــــــــــــــــــــــ ـــــــــــ
المستهل 👇👇

يم البنين شلون حالج
راحو ولا واحد صفالج
كلهم عزيـزين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
شلون ودعتي فحـول الهاشميـه
عليهم تونين كل صبح ومسيــــه
هاجـرو عنــــج مشو للغاضريــه
ونتي همج عل حبيب ابن الزجيه

همه الميامين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
يوم شدوها الرحال وعينج تشوف
رجف گلبج بالخطر والحال مخطوف
فجأه حسيتي الحسين تحيطه الصفوف
وشفتي حال ابنه العليل شلون مجتوف

تبجيهم العين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
وبخيالج شفتي زينب من سبوها
عل نياگ العرجه گامو صعدوها
بالسياط الموجعه حيل اضربوها
وشتمــــو أمها الزجيه وي ابـوها

بـله شتگولين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
تالي عباس السهم طفاله عيـنه
لايـساره العنده لاظلـت يميـنه
تناطر الجيته بقت طفلـه حزينه
ولتمس گال العذر من ابو سكينه

وهل زاد الونين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
أنتي ردتي روحتج تحصل وياهم
والضعن سار ومشه وعينج وراهم
وهمه لفراگج تــرى زايـد بجاهـــم
انتي شمعتهم صدك ونتي ضواهم

ربيتي سنين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ
كون ريتج حاظره من ذبحو حسين
عل وجه مگلـوب ابنج يـم البنيـن
سمع زيــــنب حايره ودير بالعيـن
حاول يگوم اعله وجهه وطاح مرتين

ولدج سلاطين
وولهم حسين
يم البنين شلون حالج
ــــــــــــــــــــــــــــــــــــــــــ ـــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:32

عناية السيدة الزهراء(عليها السلام)
☆☆☆☆▪☆☆☆☆

اللهم صل على محمد وال محمد
إنّ حجّة الإسلام «الحاج ميرزا علي محدّث زاده» خطب يوماً على منبر مسجد صاحب الزمان (عجّل الله فرجه)، فقال:

في آخر يوم من ذي الحجّة، كان أحد الوعّاظ المشهورين في طهران متوجهاً إلى مجلسه الكبير ليُلقي أولى محاضراته في محرّم. وفي الطريق، استوقفته عجوز وقالت له: «يا سيّد، إنّي منذ هذه الليلة، ولمدّة عشرة ليالٍ، سأقيم مجلس عزاء في بيتي، فأرجو أن تحضر وتقرأ لنا تعزية».
أجابها الواعظ: «ليس عندي وقت». فقالت العجوز: «فلتأتِ بعد انتهاء مجالسك، ولو دقائق معدودة». فقبل على مضض.

وفي الليلة الأولى من محرّم، عندما عاد الواعظ من مجلسه الكبير، قصد بيت تلك العجوز، فوجد بيتاً صغيراً هيّأته للعزاء، وضعوا فيه بضع لبنات ليجعلوا منها منبراً، وجلست ثلاث أو أربع نساء ثكالى بالسواد. تحدّث الواعظ بإيجاز عن فضائل الإمام الحسين (عليه السلام)، وأشار إشارة سريعة إلى المصيبة، فانفجرن بالبكاء، وانتهى المجلس. واستمرّ هذا البرنامج ليالٍ متتابعة.

حتى إذا جاء الليلة الخامسة أو السادسة، قال الواعظ في نفسه: «هذه الليلة لن أذهب إلى بيت العجوز». وحين وصل منزله تناول عشاؤه ثم استراح، وما إن غفت عيناه حتى رأى في المنام السيّدة الزهراء (عليها السلام). فسلّم عليها، لكنّه فوجئ بأنّها تُعرض عنه. فاضطرب وقال: «سيّدتي، هل صدر منّي خطأ؟» فأجابته: «نعم، لماذا تركتِ العجوز تنتظرك ولم تذهب إليها؟»

فاستيقظ مذعوراً، وقام مسرعاً، وهرع نحو بيتها. فإذا بها واقفة عند الباب تنتظره، فلما رأته قالت: «لماذا تأخّرت؟» فدخل والدموع تملأ عينيه، وجلس على تلك اللبنات، وقرأ التعزية بحرارة تفوق الليالي السابقة، وأدرك في تلك الليلة أنّه حيثما يُقام عزاء الحسين (عليه السلام)، فإنّ أمّه الزهراء (عليها السلام) – صاحبة المصيبة – تُعطي لذلك المجلس عناية خاصة، وربما تحضر بنفسها.#اللهم صلي على محمد وال محمد وعجل فرجهم
*نعي*
احضر المجلس ونحب اعليك.》
.وبدموع عيني بلجي اداويك 》.
ونت حزن يمه اون ليك..》

انعه وون يماي عيني》
مصابك ييمه يبجيني 》
.ياهو علبك اليعازبني》

عمري خلص ياشمعة الدار》
وكلبي يحن ومشتعل نار 》.
وفكري يبعد الروح محتار》

يمه يمذبوح .》
لجلك ابد مابطل انوح 》
.ذابت ييمه بعدك الروح》

عذب دليلي يبني المصاب》
خلاني اون ودمع سجاب 》
. يلي توسدت يايمه التراب》

شبت بالقلب يايمه نيران 》
.ومن كد الهظم دلالي تعبان 》
.ودموعي تصب يوليدي غدران》

بكل مجلس اجي ونعاك يحسين》
يايمه عميت النظر والعين》
.ظليت جثه بالميادين.》

*ناعيه الخيام*
ام فاطمة الزهراء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:31

#ديوان_حزن_البتول
#الجزءالثاني

#الشاعرة #أم_علي_الحلفي

نعي لاولاد مسلم ( ع )

┈┉┅━━✦━━┉┉┈

صبيان... لاوين فريتو يصبيان
نيران... گلبي عليكم غادي نيران
حيران... چاوين ادور فكري حيران
وجعان... فگدت الاخو اودلالي وجعان
احزان... عوزي مصيبه او عوزي احزان

┈┉┅━━✦━━┉┉┈

ماشين ... يانظر عيني وين ماشين
مطاعين ... كلها الاهل يمه مطاعين
مضيعين ... متو ييمه لو مضيعين
زينين ... عساكم ييمه كون زينين
العين ... بالروحه هايه خذتو العين

┈┉┅━━✦━━┉┉┈

حار ... وين انطي وجهي والوكت حار
صار ... بحوالكم ما ادري اصار
محتار ... المن اروح اوبيمن احتار
زغار ... عالخال انوحن لو عالزغار
طشار ... راح الشمل وصفينه طشار

┈┉┅━━✦━━┉┉┈

موجود ... تمنيت خالك يمه موجود
يعود ... عليكم يدور بيكم يعود
مفگود ... خيي الحنين اليوم مفگود
زنود ... بعينه سهم ماعنده زنود
مريود ... هيبه الاخو بالشده مريود

┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:30

#ديوان_حزن_البتول
#الجزءالثاني

#الشاعرة #أم_علي_الحلفي

قصيدة فزاعية لمسلم أبن عقيل (ع) ( مسلم ياسبع )

┈┉┅━━✦━━┉┉┈

مسلم ياسبع شرد الخياله
كلمن يوصله گربت اجاله

┈┉┅━━✦━━┉┉┈

ياهو اليوصله معروفه ضرباته
حيرهم ابو طاهر ابحملاته
ما همه اللعين او ذيچه قاداته

(( الكوفه الهيبه طب بيها ))

┈┉┅━━✦━━┉┉┈

طب الكوفه مسلم بيده بتاره
ملتمه الزلم بالهيبه محتاره
صاحب غيره عالحق ثابت اصراره

(( هز الطاغي اوزلزل بنيانه ))

┈┉┅━━✦━━┉┉┈

زلزل عرش عدوانه او طواغيها
المنيه ابسيفه ابو طاهر يلاويها
مـاجـت كـون كـوفـان بـاهليها

(( ابزوده العسكر  طشها اولماها ))

┈┉┅━━✦━━┉┉┈

طشها العسكر ابـزوده واخذ حيفه
وبـوجــه الاعـادي مـرتـفـع سـيـفـه
يصول ايجول بيهم يحچي ابكيفه


((  ابكيفه ايجول  تسولف افعاله ))


┈┉┅━━✦━━┉┉┈

افعاله تسولف وشعمل بيهم
بالكوفه وحيد اوظل يلاويهم
ياطارش الاهله يعتني ليهم

(( مسلم وحده بين الخياله ))

┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:28

#ديوان_حزن_البتول
#الجزءالثاني

#الشاعرة #أم_علي_الحلفي

نعي للعباس ( ع  )

┈┉┅━━✦━━┉┉┈

شلون الخبر ياخويه جاني
وجيتك يبوالغيره اتاني
ضيعك من ايدي زماني

┈┉┅━━✦━━┉┉┈

من يدي رحت يابعد العيون
عباس گلي بحالي اشلون
يامن جبتني بهاي الضعون

┈┉┅━━✦━━┉┉┈

بالضعن تحدي وعيني اعليك
واشلون بالله هنانه اخليك
والروح خويه معلگه بيك

┈┉┅━━✦━━┉┉┈

بيك امعلگه يابعد روحي
عباس يومك زاد نوحي
ياهو ليداويلي اجروحي

┈┉┅━━✦━━┉┉┈

ياهو ليداوي جرح الفراگ
ولشوفتك ياخويه اشتاگ
يومك صعب ما حمله حراگ

┈┉┅━━✦━━┉┉┈

ماينحمل يومك يا غالي
بعدك يروحي شوف حالي
والدمع بعيوني يلالي

┈┉┅━━✦━━┉┉┈

بعيوني طولك كون اظمه
فگدك يخويه امصيبه عظمه
بدونك يعمري الدنيه ظلمه

┈┉┅━━✦━━┉┉┈

الدنيه ظلمه ابغير ضيك
وشلون خليته اخيتك
امدلله انه تحت فييك

احااااه يومك چوه گلبي

┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:27

#ديوان_حزن_البتول
#الجزءالأول

#الشاعرة #أم_علي_الحلفي


فزاعية جنوبية رباط هوسة للعباس ( ع)( هز الگاع )


┈┉┅━━✦※✦※✦━━┉┉┈

هز الگاع لمن صال
شال الطف على امتونه


┈┉┅━━✦※✦※✦━━┉┉┈

شاله اوصول اعليهم
ناوي اليوم يمحيهم
لـجـهـنـم يـوديـهـم

(( معروف الهيبه بحملاته ))

┈┉┅━━✦※✦※✦━━┉┉┈

تعرف كلها حملاته
مثل حيدر ابهداته
توجع حيل ضرباته

(( السيف ابيده محلاته ))

┈┉┅━━✦※✦※✦━━┉┉┈

ابشمرت سيفه يگضيها
آميه وكل طواغيها
الحومه من دخل ليها

(( اعداهم بالطف لاواها ))

┈┉┅━━✦※✦※✦━━┉┉┈

بالطف لاوه عدوانه
طاحت منه ذرعانه
ماكو ابجوده واحسانه

(( الخوه ابروحه وفاها ))


┈┉┅━━✦※✦※✦━━┉┉┈

وفه الخـوه بعيونه
حيد وشهم يدرونه
بكل كلفـه يندبونه

(( عباس الشده يگضيها ))

┈┉┅━━✦※✦※✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزء الأول )


                   نـسـألـكـم الـدعـاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 June 2026 18:03

يا راحلين

ملا عباس عجيد العامري

1448 قصيده عجزنا عن وصفها.
سيدخلون العراق قريبآ 💔
شاركونا العزاء
😭😭😭

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:58

انه بعازتك عباس لاتمشي وتخليني
ماتدري بجفاك شلون والعدوان توليني

خويه بعازتك وام عون لاتمشي وتخليها
بعدك تدري شنهو يصير وين يصير تاليها
يلكافل ظعنها شلون عگبك ياهو يحميها
واذا عدك وصيه اليوم بيمن جا توصيها

مااحمل بعد فركاك ولدمعات تعميني

شلون اكدر على فركاك وانه البيدي ربيتك
كافل زينب من الظيم گبل اليوم سميتك
اجيت امشي بفخر وياك اوترد بيه ياريتك
صعبه تعوفني بهل حال ماترضاها حنيتك

ونار فراكك من اليوم خويه ضل تجويني

خويه بعازتك واليوم لو هجمو على خيمنه
وتدري بكوم اميه ارجاس ماضن تالي ترحمنه
ولو شافو يمينك طاح تفزع كلها تسلبنه
وترضه اختك بعد عينك راح ترافك الونه

ردتك بلشدايد عون بلكلفات تحميني

العازه للاخو بلظيج واختك هيج حيرتها
شلون تعيش بلحسرات كون تفارك اخوتها
ماترضه بهظمها شلون تتركها بمصيبتها
بعدك ماتفارك دوم زينب تجوي دمعتها

بهذا الحال اظل بجفاك والعدوان تسبيني

اعرفك يالاخو وفاي اندهك ساعت الشده
بس بعدك احير شلون هذا الجيش شيرده
وياظهري بعد عيناك كلي   وياهو اليسنده
اذا صاحوا وكع عباس صار عله ترب خده

وسهام الحقد ياخوي بعدك هيج ترميني

ابو سلام الجابري


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:37

قصیده ثگیله للولد {{علی الاکبر}}


هم تنام الیل عینچ یالفگدتیلچ ولد
شلون حالچ یاهوبعده آیا المضیعه نشد

واویلي وایلااااااا
واویلي وایلااااااا
ـــــــــــــ🏴🏴🏴ـــــــــــــ
شلون حالچ یالفگدتي الیل هم مرچ وسن
لو مثل حالي اخلص لیلي بالهم والحزن
انتي هم کبرتي مثلي وتالي اگبالي اندفن
الیله خل نبچي سویه ویعمن اعیوني عسن


واویلي وایلااااااا
واویلي وایلااااااا
ـــــــــــــ🏴🏴🏴ـــــــــــــ
خل اسولف حال گلبي وانتي وني للضنه
عادة المیت ابنهه اتشمه حیل وتحضنه
لاچن انه اولیدي وسفه الخیل صدره تطحنه
فوگ ذاک الذبح والحر تراب صایر مچفنه


واویلي وایلااااااا
واویلي وایلااااااا
ـــــــــــــ🏴🏴🏴ـــــــــــــ
یالفگدتي شحال گلبچ لو تمر لمة شباب
هم تطر گلبچ الحسره ویبدي ویاچ العتاب
هیه المضیعه ابنهه تعیش کلیوم ابمصاب
ذکري لیله و ذکري رمله وابچي الضیم الرباب

واویلي وایلااااااا
واویلي وایلااااااا
ـــــــــــــ🏴🏴🏴ـــــــــــــ
انه ام الولد انه ولوعتي اتفت الگلب
انه لیله الراح ابنهه وعافهه ابدیرة غرب
ماالومچ یالفگدتي اشما دمع عینچ یصب
هیه المضیعه ابنهه اعیونهه تربي الدرب

واویلي وایلااااااا
واویلي وایلااااااا
ـــــــــــــ🏴🏴🏴ـــــــــــــ
تمت بعون الله تعالی
کلمات یاسمین الشموسي
نسالکم الدعاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:31

قصيده للحبيب الحسين يودع قبر امه الزهراء قبل الخروج من المدينه😭
تقرأ مربعه و ثگيل
ــــــــــــــــــــــــــــــــــــــــــ ـــــــــــ
المستهل 👇👇👇

گعد يم گبر أمه ويهمل العيـــــن
ناداها برفيع الصوت انه حسين
ــــــــــــــــــــــــــــــــــــــــــ ـــــــــــ
أجيـتج للگبر عبراتـي أجريـها
سوالف بالگلب بس يمج أحجيها
عندج أشتگي لوعاتـي سمعيـها
محتاج الدعائج ليــــه تدعيــن
ــــــــــــــــــــــــــــــــــــــــــ ـــــــــــ
يايمه يـــزهره جيـتج اليـــــوم
جايب كل عيالي وجيت مهموم
رايــــح للغرب وگلبـي ملجـوم
بلكي نلتقي يـايــمه بعديــــن
ــــــــــــــــــــــــــــــــــــــــــ ـــــــــــ
جايبلج عيالي وجيـت ياأمـي
ماشي للأرض بيها سفك دمي
شسولفلج يزهره بحالي وبهمي
راح نــروح لديـار البعيــديــن
ــــــــــــــــــــــــــــــــــــــــــ ـــــــــــ
انه المشتاگلج يايمه حاجيـني
گعدت اعله الگبر تعبان عينيني
مشتاك الحنانج يـمه تـدريــني
راح أمشي بعيد وگلبي نصـين
ــــــــــــــــــــــــــــــــــــــــــ ـــــــــــ
لوداعج جبت زينب والعيـال
نودعج بالحزن والدمع همـال
باجر عل رماح الروس تنشال
الله وياج يمه كلنه ماشيــــن
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:30

قصيده لشهر محرم تقرأ بطور (آينبلة حرمله اشسويتي)
وتقرأ موشح ومربعه وفزاعي
ــــــــــــــــــــــــــــــــــــــــــ ـــــــــــ
المستهل 👇👇👇

يـله يـاشيعه استعدو للنحيـب
هذه شهر الفاجعه شهر الحبيب
ــــــــــــــــــــــــــــــــــــــــــ ـــــــــــ
هذه شهر حسين علو الــــبكاء
للذبيح المات عاري بكربــــــلاء
الشافو اعياله عگب مـوته عناء
ظل ينادي ياخلگ مامن مجيب
ــــــــــــــــــــــــــــــــــــــــــ ـــــــــــ
شهر زينب هذه للــون والطــــم
كون بالمجلس ندگ نكسر عظم
نذكر الأطفال والعيــــله بهظـم
بالمجالس كثرو صوت النحيـب
ــــــــــــــــــــــــــــــــــــــــــ ـــــــــــ
شهر عبــــاس الوفــــي لخـــــوانه
ظحـى بعيـــونه وشمر ذرعانــــه
گـــال اضحي الروح الك مولانــــه
كون اصير بدال جسمك هم سليب
ــــــــــــــــــــــــــــــــــــــــــ ـــــــــــ
شهر جسام وعلي الأكبر ســــوه
طفن شمعات الشباب امن الضوه
جــم گلب ام انفجــــع يـانيـــنوى
ليلى وي رمله بحزن كلش مريب
ــــــــــــــــــــــــــــــــــــــــــ ـــــــــــ
شهر عبدلله الرضيع المنجــــــرح
راد گطرة ماي بس رد منذبـــــح
يعين أمه الشافته بدمه سبــــــح
شلون ذبحو هالطفل والله عجيب
ــــــــــــــــــــــــــــــــــــــــــ ـــــــــــ
شهر فاطمة البتـــــول الحايــــره
نصبت عـــــزاها لبنها الصابــــره
تصيــــح وبـيا ذنب حــزو منحره
من القفا مذبوح ليش ابني غريب
ــــــــــــــــــــــــــــــــــــــــــ ـــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له أهدي ثواب هذه العمل الى مولاي صاحب الزمان

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:28

قصيده لمواساة السيده الزهراء

☆☆☆☆●☆☆☆☆
ع المظلوم يازهره  بواجينه 》
.تحضر كل عزه نلطم لابو سكينه》

تبجي المنذبح بدموع سجابه.
ويلي اعله الولي وياشدت مصابه
تبقه بكل كلب نيران لهابه.
ينار الذبيح التستعر بينه》

نواسي فاطمه بحسين هليله .
.ياهذا المصاب المالها حيله
.ياوسف انذبح خيال الكحيله.
ومصابه الولي بروح ياذينه》

نعازيه بلطمنه ونبجي مولانه.
.وبهظمه نون بكلوب  حيرانه .
مفرد ونوله وذبحوه عدوانه.
يامظلوم بس لجلك نواعينه 》

اه يحسين يالقصتك جرح دامي .
نظل نلطم على مصابك لطم حامي.. وكون بدالك انته سحكو عظامي
وبدال العقيله عداك تسبينه 》

ياعصره كلب كل مؤمن ونوحه
.والنصرة قضيتك مايعز روحه
. من ينعه  عليك بروح مجروحه.
وينادي على مصابك ياوالينه》

يناديلك يبو الاكبر يعينانه .
احضر بشدد مولاي ويانه 
يابسلم جرحنه وفزعة حمانه.
وكت اضيج بس انته تحامينه》

*ناعيه الخيام *
ام فاطمة الزهرغء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:26

ياعلي مدد يامهدي سند:
الرحيل لكربلاء
☆☆☆☆☆▪☆☆☆☆☆

شالت ضعون اهل المجد》
وحسين شد احزامه》..


عزم يروح الكربله .
وحمل وياه العايله .
ظلت دمعتي هامله .
والقلب ظل بوهامه》



اشلون بيه لو رحل .
وياه حمل الاهل
وظليت وحدي بنزل.
ولطم ودك عالهامه》


ياغيبته عن الوطن .
نيران بكليبي سرن
الضعون خافن مايجن
وتلومني الوامه 》

يامحنتي ما تنحمل .
وحدي اظل بلا امل
ودموعي لحبابي تهل
وجسمي نحيله عظامه》


ابجي وون  الحالتي
بدار غربه غربتي
  اذكر خواتي وخوتي .
وليل ابد مانامه 》



فكديتكم يهل الفخر
  يالجنتو للعايز ضخر
ذابت الروح من القهر
فاكد هله وعمامه》

كلنه نون وي فاطمه.
الظلت غريبه وهايمه .
ونريدهه اصير الحمله .
من العسر وسهامه》



*ناعية الخيام》

ام فاطمة الزهراء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

08 June 2026 09:25

المرأة العجوز و خدمة الإمام الحسين ( عليه السلام )

_ت

كان في مدينة أصفهان الإيرانية خطيب حسيني و هو من أهل المعرفة و العرفان و يُعرب باسم الشيخ حسام الأصفهاني .
يقول هذا الشيخ الخطيب العارف : في ليلة من الليالي رأيت سيدي و مولاي الإمام الحجة بن الحسن ( عليه السلام ) في منامي و قد سألته عن إشرافه و حضوره في مجالس جده الإمام الحسين ( عليه السلام ) فقال لي : أنا أشرف عليها كلها وهي تحت نظري وأحضرها جميعها لكن هنالك مجالساً خاصة اُحب الحضور إليها و منها مجلس عندكم في مدينتكم !!
فسألته : وأين يكون هذا المجلس حتى أتشرف بالحضور فيه !!؟
فقال ( عليه السلام ) : المجلس الفلاني ( بيت ) في الزُقاق الكذائي الذي تُشرف عليه الحاجة ( ... ) .
يقول الشيخ : وفي اليوم التالي ذهبت إلى الزقاق الذي أرشدي إليه سيدي ومولاي ( عجل الله فرجه الشريف ) وبينا أنا ماشياً تجاه البيت وإذا بإمرأة عجوز طاعنة في السن تخرج منه ! فسلمت عليها وردت السلام ، فقلت لها : هل هذا بيت الحاجة ( ... ) ؟؟ فقالت : أنا هي فلانة ، تفضل ، ماذا تريد ياشيخ !؟ فقلت لها : أنا الشيخ حسام الأصفهاني ، الخطيب .
فقالت : نعم أعرفك ، - وهو بالفعل معروف عند كل الأصفهانيين - .
فقلت لها : أتشرّف أن أقرأ في مجلسك عشرة محرم الحرام القادمة . فقالت للأسف ياشيخ فأنا كلمت خطيباً واتفقت معه .
يقول : فقلت لها : اذن هل بإمكاني أن أحضر المجلس مستمعاً !؟
فقالت : المجلس أعددته للنساء فقط . فطلبت منها الإذن في حضوري ومشاركتي مستمعاً خارج المجلس - أي خلف الباب - ؟؟ فوافقت .
يقول : وفعلاً في كل أيام عاشوراء كنت أقرأ ساعات متعددة في مجالس مختلفة إلا ساعة هذا المجلس ، فكنت أحضره مستمعاً خلف الباب وأحس بالإفاضات التوفيقات تنزل عليّ . وبعد أيام عاشوراء شكرت الحاجة لقبلولها حضوري مجلسها ، وقلت لها : أنا مستعد أن أتكفل بكامل مصاريف مجلسك هذا من الإطعام و اُجرة الخطيب و الإعلان و كل مايتعلق بمجلسك !
فبكت وقالت : ياشيخ لقد اجحفتني ! فأنت لاتريد الخير لي مع أنني قبلت حضورك للمجلس !
فقلت لها : وكيف ذلك !!!؟ - مستغرباً مستفهماً على رأسي علامات العجب ! -
فقالت : أنا أخدم في البيوت طيلة أيام السنة لأجمع المال فقط لخدمة سيدي ومولاي أبي عبدالله الحسين ( عليه السلام ) وأنت تريد تأخذ الثواب مني ! لا والله لاأتركه لغيري !
يقول الشيخ : عندها أدركت معنى كلام سيدي و مولاي الإمام الحجة بن الحسن ( عليه السلام ) اللهم لاتحرمنا بركات حضور أمامنا ونحن نعزي امه الزهراء عل  مصاب ولدها الذبيح اي واه اماماه

*نعي*
اريد اكظي حياتي بخدمة حسين./
ودك الصدر بيدي وتدمع العين/
ماوفييه مكطوع الوريدين/

لامه الزاجيه خدامه انا./
واليخدمه ميحس  بمهانا/
حزنها اعله الولدوالله سبانا/


تنعيله وتون دوم الزجيه./
تنادي وليدي من سوده عليه./
ذبحوه الكفر بالغاضريه/

ذبحوه وتسلب حتى الهدوم./
وظل انعي وون اعليه للدوم/
على عملت اولادي الحيل مهدوم/

محد عاني ومحد بجهة وياي./
ريت الله يساعدني اعله بلواي/
على الصايم الموت بحسرة الماي/


ظيم الشافه ابني شلون اوصفه/
جرح دلالي ابد مابطل نزفه/
عيني الفاركته شلون تغفه/


انا ام الولد وانا الحزينه/
عمت عيني على ابني مكطعينه/
ظلت ع الرمل جثته رهينه/


بخيله المابجت ويه ام الحسين/
وهلت عينها لمصيبة الزين/
الظل مفرود مابين الملاعين/

*ناعية الخيام*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 15:26

نموذج من كتاب مقتل بني هاشم
للتواصل عبر مكتبة النجف الأشرف سوق الحويش
07881183219

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:32

قصيده مهدات لمولاتي فاطمة العليله
☆☆☆☆☆●☆☆☆☆☆

ماترجع بعد للدار》
وتنشف دمع عيني 》.


دارك يلوي وحشه
ظلمه مفاركه الغبشه..
ماتعبكم الممشه
رد يازهروة اسنيني》.

اكابلها وتهل العين
ونشدهه على الغالين
تعبتوني يالماشين .
غركتوني بونيني 》


هم الكم بعد رده
مابيه الكلب شده
.عمري يا الاهل عده
وانا انطر حسيني 》

تعبني السهر والظيم ..
وروح  الهله تهيم
ياريت الهجر ميديم..
يهلي يلي ناسيني》



داري توحش عليه .
خافن مالكم اجيه
وتعذبوهه البنيه .
فركاكم يبجيني 》
 


يربات الكرم والخير
ترضون الدليل يحير
وجناب اعله اهلنه نصير.
والعدوان توليني .》

*ناعية الخيام*
ام فاطمة الزهراء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:31

#ديوان_حزن_البتول
#الجزءالثاني

#الشاعرة #أم_علي_الحلفي

قصيدة لاولاد مسلم ابن عقيل ( ع)( ادور اعليك )

┈┉┅━━✦━━┉┉┈

ادور اعليك يبني ارد احاچيك
چملت الجروح اوين الاگيك

من عندي الولد ضاع
ولا ادري ابيا گاع


چملت الجروح اوين الاگيك

┈┉┅━━✦━━┉┉┈

وين الگاك چملت الگلب آه
گبال العين يمشي وليدي محلاه
ما ادري الزمان الوين وداه

رحت مني يامدلول
وامك يبني شتگول

چملت الجروح اوين الاگيك

┈┉┅━━✦━━┉┉┈

شگولن يمه مامش منك اخبار
بالدلال تسعر چايده النار
ضعتو وين يمه وانتو ازغار

بعدكم والله صبيان
عليكم دمعي جريان

چملت الجروح اوين الاگيك

┈┉┅━━✦━━┉┉┈

جريان الدمع والفكر مشدوه
والصيوان يمه علينه حرگوه
خـالك عـالثره مـذبوح خلوه

حرت واجمع بالاطفال
يحملي ابثگل الجبال

چملت الجروح اوين الاگيك

┈┉┅━━✦━━┉┉┈

بيكم يمه احيرن مدري بحسين
دولبني الدهر ضيعت الاثنين
ما اندل دربكم رحتو لاوين

اديــرن الـمـن الـعـيـن
عليكم لو على حسين

چملت الجروح اوين الاگيك

┈┉┅━━✦━━┉┉┈

عليكم لو على الظلو مذابيح
فوك اجسادهم تتلاعب الريح
وينك يالولد امك تره تصيح

ارجع يمه ليه
وجهك عَن عليه

چملت الجروح اوين الاگيك

┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:31

#ديوان_حزن_البتول
#الجزءالثاني

#الشاعرة #أم_علي_الحلفي

قصيدة لمولاي العباس ( ع)( مرمي على الشاطي )

┈┉┅━━✦━━┉┉┈

مـرمي عـلى الشاطي بقه وبلا علم
غاب الگمر نوره طفه يااهل الشيم

┈┉┅━━✦━━┉┉┈

يااهل الشيم غاب الگمر عنه وبعد
مثله عضيدي وخوته متصح ابد
ياهو يحامي للخدر  ظهري يشد

طايح ياضنوة حيدره بعينه سهم

┈┉┅━━✦━━┉┉┈

بعينه سهم يم النهر طايح بطل
وبجربته لعند الخيم لا ما وصل
عن رجعته لم الحزن موته فصل

ظل گلبه حزنان وترس صدره آلم

┈┉┅━━✦━━┉┉┈

صدره انترس هم وگدر ياللوعته
نعمين من امه النجيبه الربته
يفديها روحه للاخوه رادته

عباس بالطف صولته شيخ الزلم

┈┉┅━━✦━━┉┉┈

بالطف رسمها صورته ظلت درس
لاجيال تاخذ موعظه اليوم وامس
نور الوفاء ابخوته تضوي شمس

ظل عبره للعنده درايه ويفتهم

┈┉┅━━✦━━┉┉┈

عبره يظل للراد شخصه يفهمه
روحه حنينه وبالولاء امحزمه
كل عمره للمظلوم حب ايقدمه

ياوسفه من كيد الاعادي ولا سلم

┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:29

#ديوان_حزن_البتول
#الجزءالثاني

#الشاعرة #أم_علي_الحلفي

فزاعية جنوبية رباط هوسة للعباس ( ع )( فر الكون )

┈┉┅━━✦━━┉┉┈

فـر الكون عـباس ولعب بيه
بميدان الشجاعه من يلاويه

┈┉┅━━✦━━┉┉┈

بميدان الشجاعه سوه عملات
معدل هذا گضاي الكلافات
علا رايته ونزلت الرايات

(( هز الحومه وترعب حملاته ))

┈┉┅━━✦━━┉┉┈

حملات ابو الغيره سوت افعال
كفو منها النجيبه ربت ابطال
طب المعركه اوخلاها زلزال

(( خيل اوعسكر حارت بي ))

┈┉┅━━✦━━┉┉┈

حارت خيلهم والعسكر احتار
طب الحومه خله الزلم طشار
الف نعمين من ابن يكرار

(( بالطف يگول العب جوله ))

┈┉┅━━✦━━┉┉┈

لعب جوله اوخلاهم مذابيح
الغوث الغوث كلها گامت اتصيح
الموت يهب عليهم هبت الريح

(( بالرووس الكافل حد سيفه ))

┈┉┅━━✦━━┉┉┈

حد السيف برگاب الملاعين
خلاها الزلم كلها مطاعين
دون حسين ينطي الايد والعين

(( عباس الخوه وفاها بروحه ))


┈┉┅━━✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالثاني )


                   نـسـألـكـم الـدعـاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

07 June 2026 13:27

#ديوان_حزن_البتول
#الجزءالأول

#الشاعرة #أم_علي_الحلفي

موشح للعباس ( ع )( زينب العباس اخوها )

┈┉┅━━✦※✦※✦━━┉┉┈

زينب العباس اخوها نادته

نام عالمشرعه وانه بعازته

┈┉┅━━✦※✦※✦━━┉┉┈

گوم ليه بعازتك يا شيمتي
لا تعوف ضعوني وحدي بغربتي
منته گتلي امشي وبحمايتي

والله حيرني دليلي ابونته

┈┉┅━━✦※✦※✦━━┉┉┈

بيك حيرني زماني مارحم
لا شربت الماي وبعينك سهم
وراسك بعامود ظالم ينهشم

للنهر متعني شايل جربته

┈┉┅━━✦※✦※✦━━┉┉┈

لا ترسها الجربه لا چبده ارتوه
همه يسگي اطفاله شيال اللوه
طاحن اچفوفه اخيي فد سوه

يرهب الخياله بصوته ومشيته

┈┉┅━━✦※✦※✦━━┉┉┈

بمشيته العباس چنه حيدره
حقهم يسموه سبع الگنطره
طبگ ميمنت الحرب عالميسره

الف حيهه طيبه امه الربته


┈┉┅━━✦※✦※✦━━┉┉┈

ربته بطيبه وخذت منه عهد
يصير لحسين الظهر نعمه السند
شراع وبوجه الكفر لمن تهد

تبقه عبره وتنذكر يا خوته

┈┉┅━━✦※✦※✦━━┉┉┈

تـمـت والـحـمـدلـلّـه خــ✍🏻ــادمـة أم أبـيـهـا الـشـاعـرة أم عــلــي الـحـلـفـي لا أجـيـز شـرعـاً حـذف الأسـم أو تـغـيـيـر الـكـلـمـات أهـدي عـمـلـي هـذا إلـى مولاي صاحب العصر والزمان ( عجل) وإلى أرواح الـمـؤمـنـيـن والـمـؤمـنـات ( القصيدة من ديوان حزن البتول الجزءالأول )


                   نـسـألـكـم الـدعـاء



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 June 2026 22:03

#جديد_2026

#متوفر_حاليآ
كتاب مقتل بني هاشم

👈🏻نصوص المقتل للشيخ عقيل الحمداني
👈🏻رثـاء النعي والقصائد للشاعرة ام علي الإماره

ملاحظة / المقتل خاص لبني هاشم فقط مميز لأول مره ينزل مقتل بهذه الطريقة والأختيار الجديد الذي ذُكر فيه شهداء الطف من بني هاشم من ال علي وال جعفر وال عقيل واولادهم مع ذكر اسماءهم الشريفة ومصارعهم مع نعي عنهم وقصائد تخصهم

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار

07881183219

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 June 2026 18:00

.هوسه جنوبيه لمصرع الحسين عليه السلام من دیوان( روح المجالس )

حوافرها حديد الخيل ضلت طابعه ابصدره

مشتبهه وحرت بحسين هذا الصدر لو ضهره

الخيل امنعمه اظلوعه چاگلبي شكثر صبره

من ياكتر اشيله ايطيح حسين اظلوعه متطشره

حرت جابيش المنه بگلبي داويه جمره

تعاي اوياي عينيني ييمه اهنانه يازهره

خل نتكابل انه اوياج عالوالي ونجر حسره

وگابليني// خل نشد اجروحه

حسين من ياكتر طلعت روحه
وكابليني

ريتني ابسيف العده مذبوحه
وكابليني

جثته ابحر الشمس مطروحه
وكابليني

الخيل امعاكب تسحك //وانه انضر ليها
ام حسين العسكري ناصريه من روح المجالس القادم الخاص بالهوسات العاشوريه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ