قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 00:14

موشح لأولاد مسلم عليهما السلام ( يازماني شبيك )


يازماني شبيك ... مهله انطيني
ليش كلساع بسهم ترميني


يازماني شبيك وشرايد بعد
لاولد خليت لاخال الولد
بالگلب چانون يلهب مابرد
نار ضلت بالگلب تچويني
يازماني شبيك ... مهله انطيني


نار الفراگ ومصايب كربله
تلهب بگلبي ورمتني امعلعله
ضيعت شجعان كلهم مرجله
اعزاز اخوتي افراگهم يعميني
يازماني شبيك ... مهله انطيني


اعزاز خمستهم ولاواحد يهون
من احشمهم گبل يتراكضون
ضاع طاهر هسه اريدنهم يجون
خلهم اينشفون دمعة عيني
يازماني شبيك ... مهله انطيني


خلهم يجبرون كسرات الدليل
ضاع طاهر وين ادوره الدنيه ليل
حشمت عباس ماگام الكفيل
وگال بطلي اعتاب دولبتيني
يازماني شبيك ... مهله انطيني


گال بطلي اعتاب واعتابچ شديد
يلچم الطبرات واصواب الوريد
اشلون ادور طاهر وماعندي ايد
كون سالم چا گمت تدريني
يازماني شبيك ... مهله انطيني


كون سالم مااضل اعله النهر
اگلب الكوفه واجيبلچ خبر
بالعمد راسي تهشم وانطبر
وعالشريعه امطرحه چفيني
يازماني شبيك ... مهله انطيني


ماتشوفين الچفوف امگطعه
لو عدل چا مانمت عالمشرعه
خويه الله وياچ روحي امودعه
اعتذر يم طاهر وعذريني
يازماني شبيك ... مهله انطيني



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 18:08

قصيده لأنصار الحسين
#من_ديوان_ضمأ_الطف

{{ سلام الله }}

سلام الله على انصارك يبو اليمه
سلام الله اعله كل واحد نزف دمه
سلام الله سلام الله

•───✧◐◐✧───•

ابدي منين بيهم لو ردت اذكر
مزاود بالعشك ياسيدي واكثر
عرفو بالحقيقه حسينهم اكبر
سلام الله على العاشك نقش اسمه
سلام الله على انصارك يبو اليمه
سلام الله سلام الله

•───✧◐◐✧───•

سلامي للانصار بكل زياره احجي
واحد واحد اذكر لو ردت ابدي
صرعى اذكرهم ودمعاتي ابخدي
سلام الله على الي اتغسل ابدمه
سلام الله على انصارك يبو اليمه
سلام الله سلام الله

•───✧◐◐✧───•

اسلم والسلام ترجعه انصارك
يمر بيهم كل واحد اجه وزارك
عابس وي زهير الوكف بكتارك
سلام الله اكول بعالي الهمه
سلام الله على انصارك يبو اليمه
سلام الله سلام الله

•───✧◐◐✧───•

نالو مرتبه الأنصار من عندك
فازو بالشهاده اندفنو بسدك
واحدهم شجاع ويوكف يسندك
سلام الله اعله كل واحد ذكر اسمه
سلام الله على انصارك يبو اليمه
سلام الله سلام الله

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 18:06

فزاعية خفيفه لأولاد مسلم
من ديوان #مواجع_الطف_جزء_الثالث


صبايه بهل العمر وتروح
ياذنب المسوينـــه

•───✧◐◐◐◐✧───•
الحارث ليش لاحكهم
ياذنب الصدر منهم
بسيف الغدر ذابحهم
عمرهم خلصت اسنينه

•───✧◐◐◐◐✧───•
بعمار الورد راحو
بعدهم كلشي ماشافو
بليل اظلم وسف ضاعو
وأمهم ضلت أحزينه

•───✧◐◐◐◐✧───•
حزينه وتجر حسرتها
أمهم طفت شمعتها
طايح سور حجرتها
گلبها زايد أونينه

•───✧◐◐◐◐✧───•
تون والروح تعبانه
عله الويلاد حزنانه
تصب دموع جريانه
عمرهم مامخلصينه

•───✧◐◐◐◐✧───•
صاحت يمه يولادي
ضعتو وين ياوادي
شوفو ابحالي اشسادي
خبرهم من وصل لينه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:58

نعي اولاد مسلم




طلعيت نص الليل وادعي
سالم ترد ويسيل دمعي
يالولد يبني احنيت ضلعي


طاهر ييمه ونور عيني
يازهرة ايامي وسنيني
وعليك ياهو اليدليني


مضيعه الولد والكلب ذايب
منين اجتني هالمصايب
راوتني هالدنيه العجايب


عميه عليك العين يمه
وبفركتك اشبع مهظمه
يالرحت كلب امك تألمه



انت واخيك وين غبتو
وبيا نويه اليوم صرتو
ياحيف عن عيني بعدتو



اهات اجر وحزني يزيد
كلساع اصفك ايد بالايد
ماتستمع وني يالبعيد



من هجمت الخيل على البيوت
فريتو والدلال مفتوت
امك تراهي بفكدك تموت



انه هايمه ودورت الخيام
والكلب من فراكم هاام
شلون التضيع. وليدها تناام




ام زينب السعداوي ناصريه

من كتاب ناعيات الطف

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:57

لسان حال السيده حميده مع السيده زينب تسأل عن اخوتها اولاد مسلم عليهم السلام




ها يزينب عمتي
والله ذابت مهجتي
وينهم عني اخوتي.  عمه زينب





انه ياعمه حميده الشفت الفراك
اول الونه ابوي ودمعي حراك
على مصابه انه احنن حن النياك
وكل مسه يمر على عيني لحضنه اشتاك
فاركت وجه الابو
واليوم المفارك منو
شمصعبه فراك الاخو.  عمه زينب





عندي اخوه اثنين هسه جانو وياي
وين غابو يالحنينه وين رجواي
منين اجت ليه المصيبه وهاي بلواي
همه شوفة والدي ونور دنياي
همه اعزاز الكلب
عليهم بنوح انتحب
خاف ضيعوه الدرب.  عمه زينب





من طلع للكوفه ابوي وودعانه
كال اخوتج عندج بنيتي امانه
الدهر مابينه رحم لا ما رعانه
يخليهم  بطف كربلا. كلهم حزانه
من الخيم تنهد عليج
لزمي اخوتج بين اديج
كال يابويه اوصيج.      عمه زينب





هجمت علينه العده واخواني طلعو
مدري يادرب الذي ياعمه اخذو
دورت وانده وانادي بس مسمعو
لايسمعوني ولا ياعمه رجعو
كلبي عليهم خلص
من الهظم والهم يبس
بنشغة الميت احس.   عمه زينب





عمه خل نطلع ندور انه وياج
انتي روحي للمعاره وامشي حذاج
الخوف كاتلني عليهم فدوه انخاج
ادري مهظومه وحزينه وتعبيناج
ادري بمصابج كلف
حسينج النحره نزف
الكافلج كطعوله جف.    عمه زينب





خايفه يمر المسه والصبح يطلع
الحادي ينوي على الرحيل وكلبي يفجع
شلون اعوفنهم وامشي لداري ارجع
كلبي من غيابهم طك وتصدع
وين ادور ياكتر
خاف طاحو بالنهر
خاف ذابحهم شمر.   عمه زينب




ام زينب السعداوي


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:57

بحق اولاد السيده زينب ع
على طور مسلم الكعبي
ياعيوني الفاركوني




يالمشيتو     ومااجيتو
وين رحتو يابعد هاي العيون
آه يايمه
آه يايمه



جيتو بضعنه تزهون   ماحسبتكم ترحون
                  ولدي نسوني
يالرحتو هم تردون    ماضن عليه تعودون
                  وانه ولوني
رايح من ايدي وليدي زهره حياتي وعيدي
                 ماتفزعولي
وحدي وحدي            بدربي احدي
     راحو اعزاز الكلب يالاطياب
            آه يايمه    آه يايمه



لميت عيله حسين  امشي او ادوركم وين
            ضاعولي اطفال
جانو بكتري يكعدون  ومن الخوف بيه يلوذون
             واتغير الحال
وطلعت شوما خليت  عن ولدي ادور ملكيت
             مردو الدلال
عني راحو         خوفي ناحو
اضن تاهو من كثر دوج الخيول
          آه يايمه    آه يا يمه



ابجي بعبره وناديت  طاهر ييمه تانيت
                  والليل اجاني
لا طاهر ولا خيه     ضاع وصرت محنيه
                  ودولباني
يوليدي ارجع فدوه    دهري بلاني بلوه
                  بيكم دهاني
رحتو لا وين               يالعزيزين
     يمه ماكلتو تون اعلينه امنه
         آه يايمه       آه يايمه




دلالي يلهب كالنار     ابجي واهل الاعبار
                 يعزاز كلبي
فركاكم يهد الحيل   وذكراكم يمر بليل
               ويزبد نحبي
عميه عليكم العين   يالرحتو ماادري وين
             شو راح تعبي
تالي بالليل           ودربي طويل
الكيتهم فوك الثره والدمه يسيل
       آه يايمه      آه يايمه

ام زينب السعداوي



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:48

قصيدة بقفله هوسه لأولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

أولاد اثنين ضاعو مني اليوم
افزعلي يبعد اختك يـجيدوم

✧ــــــــــــــ ✦◈ ✦◈✦ ــــــــــــ✧

من ايدي اثنينهم ضاعو سوية
روحتــهـم بـعـد مـامنـهـا جيـة
عـگــبههم مادرو شـيصير بـيـة
{ عينوني.// عالراحو مني  }

✧ــــــــــــــ ✦◈ ✦◈✦ ــــــــــــ✧

عميت عيوني يوم الغربو عني
نـار فـراگهـم بالـگـلب جـوتنـي
درب بعـيد لزمـو وايسـو منـي
{ ويردوني // يبجون اعلية }

✧ــــــــــــــ ✦◈ ✦◈✦ ــــــــــــ✧

عفتـهم بالبــراري وانة مســبية
بســـاع الكوم عنهم حـملو بـية
عــالــــناگـة اون وحـيل مـابـية
{ مداليلي//  اصرخ من شاف }

✧ــــــــــــــ ✦◈ ✦◈✦ ــــــــــــ✧

عونة الشافكم يمة وگعد يمكم
تمنتيت الزمن يرجع وارافككم
بوسط الروح اضمكم ماأتيهكم
{ شدهوني//  هجمو والعسكر }

✧ــــــــــــــ ✦◈ ✦◈✦ ــــــــــــ✧

شدهني البين لمن طشر خواني
وخـــلاني سبية مظيعة عنواني
ومظـــيعة الــبزر والاخو خلانـي
   {خلوني //  شالو فد شيلة }

✧ــــــــــــــ ✦◈ ✦◈✦ ــــــــــــ✧

اناشــــد بالدروب الشافكـم عـونة
اكلهــــم شـفتو ابني حـالة شلونـة
اظن هسة الشمس هم غيرت لونة
    { ماجوني // من راحو مني }

✧ــــــــــــــ ✦◈ ✦◈✦ ــــــــــــ✧

يحداي القوافل اوكف شوية
نـــزلني ارد ادور عالكطع بية
من راحــو بعــد مامرو اعلية
{ مر بية.//  يالحلوة ارسومك }

✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:47

قصيدة لأولاد مسلم (طور يازهراء )

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

يعباس.          صــحت ياورادي
يعباس.          دور اعلى اولادي

✧ــــــــــــــ ✦◈ ✦◈✦ ــــــــــــ✧

الضاع ابنها شلون تغفة وتغمض العين
نهـــاري لـيل يصير خوية وأهمل العين
گلـــت خـــل اطلع وانخي الگلبة حنين
بلـــــكت يــــفزلي ويــــگلي لا تـدورين
تتعبين.          ردي ياضي عيني
تتعبين.           ردي وانتظريني

✧ــــــــــــــ ✦◈ ✦◈✦ ــــــــــــ✧

صـــوب درب المعركة لعباس اجيتة
گتلـــة كـــوم ويـاي خوية واندهيتة
ضـــاع مـــن أيدي الزغيـــر وتيهيتة
كــــون اريدك ساعة وتـــگلي لـگيتة
يمغوار.        شوف بية شسادي
يمغوار.         تهت وسط الوادي

✧ــــــــــــــ ✦◈ ✦◈✦ ــــــــــــ✧

من أيدي ضاعو هاليتامة من طحت يالغالي
كـــون مـــيتة ولاشفتهم راحو من گبالي
گعدو يخواني ندهتهم راح خدري العالي
شوفـــو حالي وانة ادور بالحرب يالوالي
يخوان        صيحت لحكوني
يخوان.      عالجرى عينوني

✧ــــــــــــــ ✦◈ ✦◈✦ ــــــــــــ✧

محلا خال الولد لمن يدگ صدرة بالعجل
لوسمع صوت العزيزة جنها فگدت للأمل
يفزع بفزعة هواشم هذا ابن خير العمل
وانة خال ابني ياوسفة راسة عنة منعزل
تكعدون.          لو صحت حسبالي
تكعدون.           مااضن يالغالي

✧ــــــــــــــ ✦◈ ✦◈✦ ــــــــــــ✧

هجمت علينة العساكر عگب عينك يالاخو
وفرو من الخيمة بزري مدري وين اتوجهو
ردت بـــس ســأاعة ادور بـني مية مارضو
بساع دنوها المحامل لليتامى وحملو
يرجعون.       حسبيت اعزازي
يرجعون.        لو بقو بالوادي

✧ــــــــــــــ ✦◈ ✦◈✦ ــــــــــــ✧

يما كلبي كــام ينزف يوم عنكم حملت
يمة طاهر يمة مطهر ياطريق اتوجهت
شلون حر الشمس يمة بالبراري اتحملت
ماكلت أمنة علينة ضنها. هسة دورت
تشبون          يمة نار افادي
تشبون.          لوذكرت اشسادي

✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:46

فزاعية لاولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

اولادي ضاعوياعلي
من هجمت الخيالة

✧ــــــــــــــ ✦◈ ✦◈✦ ــــــــــــ✧

خافو من النار ومشو
وبـــساع عني اتبعدو
لليــــل اتـــاني مااجو.
وعــــيني تصب همالة

✧ــــــــــــــ ✦◈ ✦◈✦ ــــــــــــ✧

مابطلت دمعي يصب
.عطاب صاير هالگلب
نيران بــخيامي تشب
وضاعو اولادي جمالة

✧ــــــــــــــ ✦◈ ✦◈✦ ــــــــــــ✧

جمالة لغربتي وضيعتي
ازغاري مـــاكو بخيمتي
فريـــت احــشم بخوتي
من هجــــمت الــــخيالة

✧ــــــــــــــ ✦◈ ✦◈✦ ــــــــــــ✧

يـــازمن رجـــع فرحتي
لابزري عندي ولااخوتي
اصـــفن واهــلن دمعتي
وگــــلبي الفـرح ماجالة

✧ــــــــــــــ ✦◈ ✦◈✦ ــــــــــــ✧

مانمــت ليـــلي يالولد
من رحتو ممرودة مرد
يازمــــن شتراوي بعد
خنــــت البطل وعيالة

✧ــــــــــــــ ✦◈ ✦◈✦ ــــــــــــ✧

خفتو من جموع العدة. 
واجساد اخوتي اممدة
گلبـــي بـــــعد شيهودة 
يالجــــنتو دوم گبــالي

✧ــــــــــــــ ✦◈ ✦◈✦ ــــــــــــ✧

وين اليـــدليني الدرب.  
واوصل لعد ريع الكلب
وفـــراككم كلبي يشب.
فـــريت افـــزع اخوالة

✧ــــــــــــــ ✦◈ ✦◈✦ ــــــــــــ✧

خال الولد دگعد ألي
.وبساع كلي ادللي
گوم وندور بالخلي.
مابقة بعيني اوشالة
✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:46

نواعي لاولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

المضيعة البزر تعرف احوالي
گبل هاليوم لوميتة اشوالي
أدور بالوجوه على جهالي

✧ــــــــــــــ ✦◈ ✦◈✦ ــــــــــــ✧

يمة البزر نارةمسعرة
تجوي بالجبد عبالي جمرة
من عندي راحو فرد مرة

✧ــــــــــــــ ✦◈ ✦◈✦ ــــــــــــ✧

التضيع اوحيد تصفك ايدين
وانة شحال گلبي مضيعة اثنين
وفوك الضيم فوك الگاع الحسين

✧ــــــــــــــ ✦◈ ✦◈✦ ــــــــــــ✧

أفزع بيمن يدور جهالي
ولاواحد گعد كلي تعالي
خوال البزر فوك الرمالي

✧ــــــــــــــ ✦◈ ✦◈✦ ــــــــــــ✧

ياقصتي الماكو مثلها
وزينب تناديني وشكلها
بطاهر ومطهر جملتها

✧ــــــــــــــ ✦◈ ✦◈✦ ــــــــــــ✧

مهي عايزة زينب مصايب
ومهدمة من النوايب
من كربلا هالراس شايب

✧ــــــــــــــ ✦◈ ✦◈✦ ــــــــــــ✧

نوب تصيح يالخوان كعدو
وويانة عالزغران دورو
ويانة للسبي گومو تحضرو

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:43

حديث استشهاد اولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

انا لله وانا اليه راجعون لاحول ولاقوة الا بالله العلي العظيم
لم يسلم احد من آل بيت محمد في واقعة الطف يوم العاشر من المحرم حيث لم يتركو لاطفل ولاصغير ولاكبير ولامرأة ولارجل دون قتل وتعذيب وتأسير فبعد ان اقتحم عسكر ابن زياد مخيمات الحسين ع. بعد مقتل الحسين حيث حرقو الخيام ونهبو النساء والاطفال وجعلو يرعبونهم بجميع الطرق وكانو يتعمدون دهس الاطفال بالخيول فكان هذا اشد الرعب لاطفال ال بيت الرسول لذلك فر العديد منهم في الصحراء خوفا من الاعداء
ومن جملة هذه الاطفال هم طفلين لمسلم ابن عقيل حيث في صباح يوم الحادي عشر عندما امروهم بالرحيل الى الكوفة لم يمهلوهم حتّى يعثرو على من ضاع يوم العاشر اما حال اولاد مسلم وكانت امهما رقية بنت علي الملقبة بام كلثوم الصغرى فقد ذهبا بعيدا في الصحراء ولم يقفا الا عند جمع من العساكر من اجناد عبيد الله ابن زياد لعنه الله فكان حظ،هذين الصغيرين ان تلتقيهم هذه القطع العسكرية فسألوهما من انتما وهم غلامان لايعرفان الكذب،قالا نحن محمد وابراهيم ابناء مسلم ابن عقيل فأخذوهما الى ابن زياد فامر جلاوزته بسجنهما ومن لذيذ الطعام يحرمهما ومن بارد الماء لايسقيهما فضيق الملعون عليهم السجن فعرف السجان بحسبهم ونسبهم فأنكب يقبل اقدامهم وقال لهم اذا جن الليل افتح لكما باب السجن وخذا اي طريق شئتما ولما ان جاء الليل اخرجهما وقال سيرا في الليل واكمنا في النهار حتّى يجعل الله لكما من امركما مخرجا
فهرب الغلامان ولما جن عليهما الليل انتهيا الى عجوز واقفة على باب دارها فوقفا وقالا لها انهما غريبان من عترة رسول الله ويريدان الاستضافة هذه الليلة فادخلتهم البيت وقدمت لهما الطعام والشراب وباتا راجين للسلامة وفي تلك الليل اقبل احد اقاربها وقد اجهده الطلب عليهم وقص على العجوز قصتهما وقال لها ان ابن زياد امر لمن يجدهما بالفا درهم فحذرته العجوز من العذاب ومن غضب الله ولكن لافائدة فحس الرجل من كلامها ان الغلامين في دارها فاخذ يفحص المكان فوجدهم نائمين فقال لهما من انتما قالا فلنا الامان ان قلنا قال نعم فقالا انا يتامى،مسلم ابن عقيل وعند الصباح امر غلاما له اسود ان ياخذهما الى شاطئ الفرات ويذبحهما ويأتيه براسيهما فلما اخذهم الغلام قالا له يااسود يااسود مااشبه سوادك بسواد بلال مؤذن رسول الله اتقتلنا ونحن عترة نبيك فرق قلبه لهما واعتذر منهما ورمى،بنفسه في الفرات فصاح به مولاه اعصيتني فأجابه انا في طاعتك مادمت لم تعصي الله فاذا عصيت الله فانا برئ منك فصاح الرجل على ابنه وقال له اضرب عنق هؤلاء الغلامين فلم يستطع الولد ذبحهما فقال الرجل انا اتولى،ذبحهم فقال له الغلامان ان كنت تريد المال فاذهب بنا الى السوق وبعنا وانتفع بثمننا فلم يرق قلبه لهما فطلبا منه ان يصليا ركعتين فقال لهما صليا ان نفعتكما الصلاة وبعد ان فرغا من صلاتهم رفعا ايديهم الى السماء وقالا يارب ياحي ياقيوم يااحكم الحاكمين احكم بيننا وبين هؤلاء الضالمين بالحق فقدم على،الاكبر وذبحه فتمرغ الاصغر بدمه رحم الله من نادى واصغيراه وايتيماااه فقال هكذا القى،رسول الله وانا مخضب بدم اخي ثم ضرب عنقه ورمى ببدنهما في الفرات كأني بلسان حال امهما يقول

وكت الذبح روحك شكالت
ومن عالفرات الرگبه مالت
ودمانكم بالماي سالت

✧ــــــــــــــ ✦◈ ✦◈✦ ــــــــــــ✧

زغران من السيف خفتو
من للذبح كدامة نمتو
ماحضرت امنة الساع كلتو

✧ــــــــــــــ ✦◈ ✦◈✦ ــــــــــــ✧

يشاطي المسيب اعتب عليك
شلون قبلت دمهم جرى بيك
بلية روس شمرو بس جثث بيك

✧ــــــــــــــ ✦◈ ✦◈✦ ــــــــــــ✧

كص الراس والجثة شمرها
وامكم ولاواحد خبرها
خلص عساها امكم عمرها

✧ــــــــــــــ ✦◈ ✦◈✦ ــــــــــــ✧

اشوف رسومكم عنت علية
جاوين صرتو بيانوية
وعلى،فرككم يمة شبدية

✧ــــــــــــــ ✦◈ ✦◈✦ ــــــــــــ✧

شسوي لدنيتي مني خذتكم
واثنينكم مارجعتكم
ماضل صبر واصبر بعدكم

✧ــــــــــــــ ✦◈ ✦◈✦ ــــــــــــ✧

من ذبحاكم صحتو يمة
عنكم بعيدة بديرة ضلمة
بس العطر يوصل واشمة

✧ــــــــــــــ ✦◈ ✦◈✦ ــــــــــــ✧

اشم بهدومكم لو جلجل الليل
اكابلهن واون وونتي حيل
وأنعي نعاوي تهدم الحيل

✧ــــــــــــــ ✦◈ ✦◈✦ ــــــــــــ✧

اكعد واعددبالنعاوي
عالفاركوني الكلب خاوي
وياهو الجرح كلبي يداوي

✧ــــــــــــــ ✦◈ ✦◈✦ ــــــــــــ✧

اسكت ياجرح وجروحي كثرة
ومن دونكم هالعيشة كشرة
حجيكم بقة بدلالي حسرة

✧ــــــــــــــ ✦◈ ✦◈✦ ــــــــــــ✧   


      خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:37

يسون اللطم انصار الحسين
ضحو روحهم لنصرة الدين

ضحو روحهم لبن الزجية
درع صارو لبو اليمة وأخية
للحك والعدل راحو فدائية
( ينصرونه بالطف حسين)

رفعو رايه الحك هوسو بيها
بيهم زامطت زينب اعاديها
كلبو كربله سافلها عاليها
( حزنانة اعليهم زينب)

عمار وحبيب وعابس وجون
ثلث تنعام منهم ما يقصرون
حك شيعة علي مأتم ينصبون
( يواسونه بيهم الحسين)

الا من ناصرا من صاح الحسين
علة صوت المناحة وصوت الونين
نفدي ارواحنه ونفديلك العين
( نوافيها الصحبه بدمنة)

صاحت صوت زينب لحكو اعليه
عد عيناج صاحو ها يحورية
شحدة اليوصل اخيامج يعلوية
( نكص راسه اليوصل حدها)

خادمة الحسين
الشاعرة هالي نور

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 12:43

لطمية لمسلم بن عقيل عليه السلام ( واحد من خوالك )


اليوم زينب ساعدنهه
من ابو طاهر خاب ضنهه
والٱه والونه ولنهه
تتعثر وصاحت لبنهه     
(شصاحت) ؟؟

( النزلة )

واحد من خوالك ... مات ياعون
احزامك گوم شده واگلب الكون
( الينگط غيره امضيعينه )


احزامك گوم شده اليوم مريود
وي عباس ثني براس الحدود
دوس اعله المنايه وگودهن گود
وهوس بالعلم گبل اليهوسون
( يوليدي احزن خالك هذا )


ذب اعمامتك وتنگب انگاب
شيل السيف بيدك واحصد ارگاب
مثل جدك علي وللثار طلاب
خلي اعداك من عندك يرجفون
( گلهم مانسكت عن ثاره )


گلهم ماسكتنه الثار بالثار
اريدنك تسوي اعداك طشار
تدري بيوم خالك يالولد حار
يوجع ماتشيله اضلوع ومتون
( وابن العم كاتلني اصوابه )


ابن عمي وكلف يومه عليه
مايدرون ابو اليمه واخيه
محد نگط لمسلم اميه
ضل اوحيد بيد المايرحمون
( ضل حاير مسلم بالكوفه )


ضل حيران ماعنده الينصره
والعدوان كلهه اتريد نحره
واحد ياخذه واحد يجره
ذوله انذال وابن ازياد ملعون
( ماعنده امروه ولاشيمه )


ملعون ويگلهم فوگ صعدوه
اگطعوا منحره والراس جيبوه
لو يدرون اخوته القصر هجموه
ماينطون حگهم لو يموتون
( والحگ الهم مايطونه )


حگهم مايضعونه الشياهين
طلعوا للحرب واحد وسبعين
صاحوا مانعوف الثار والدين
وياهم حبيب وعابس وجون
( وحسين بمسلم يتباها )


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 10:04

*قصيده حماسيه لمسلم ع السلام*

خيل تردم خيل// من طباها
زلزله مسلم تره سواها
............
طوعه صاحت يالله حي المرجله

شبل حيدر سوه بيهم زلزله

يشبه .ال عمه الصميده اوياهله

افعال حيدر بالحرب رداها
.............
من نزل طاعونها وطب الشهم

والزلم من خوفها تردم ردم

هذا نسله امن الهواشم مايهم

بچفه نسوان الزلم سوواها
.............
طوعه شافت زوده گامت هلهلت

ياهله ابزود المراجل من حچت

هذا حيدر لوكفيل اخته شفت

چفه چف عباس من شالاها
.............
چفه چف عباس من طب ملعبه

نار بعيونه وشراره لاهبه

شاد چفيته اعله راسه وعصبه

امسرفن اردانه العده بچاها
............
صار جمله اعله العده ابسيفه الذبح

يشيل بيهم شيل يشمر عالسطح

بچه حته الليل واعيون الصبح

الغيره شايلها ابچتف محلاها
...............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبلاخص ابني الشاب محمد علاء تمت بتاريخ ٢٠٢٤/٥/٢٦


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

30 июня 2025 19:34

قصيدة مربعة لمسلم حال حميدة

من ديوان #العبرة_الفاطمية_جزء_الأول

{ مستهل القصيدة }

حميده راح ابوها ويلي اعليها
تدير العين للكوفه اعله واليها

✫───⊹⊰⊹───✫

ماعدها خبر وطروش تلفيها
تسأل علابو محد يحاجيها
رايح للقتال اوما رجع ليها
تتلفت بكت بلدار تاليها

✫───⊹⊰⊹───✫

حميده مادرت والوالي ماجاها
حست باليتم من عمها حاجاها
كابلها الحسين اويبجي وياها
بيدينه العزيز ويمسح اعليها

✫───⊹⊰⊹───✫

ناخذ ثار ابوج احسين كللها
والكوفه ابزلمها اليوم ازلزلها
للثارات احنه اول ننزلها
كعدي هنا يكللها ويحاچيها

✫───⊹⊰⊹───✫

ياسكنه يبويه سولفي اوياها
باجر كلجن انتن مثل بلواها
لاموبس حميده راح ضنواها
وعيالي يتامه اتصير تاليها

✫───⊹⊰⊹───✫

لزمت بلصبر لمن اجه الواعد
ماشافت ولي بلبيت ضل كاعد
واحد من بعد واحد اجه ايواعد
كلها اويه الحسين اتروح تاليها

✫───⊹⊰⊹───✫

بقلم الشاعرة ام تحسين البصرة
غير مبري الذمه اليحذف اسم الشاعرة وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 18:34

قصيدة ثكيله لأولاد مسلم ع

من ديوان #مواجع_الطف_الجزء_الثالث

{ قصيدة المستهل }

فريت السلف ماحصلتهم
حلوين المعاني ضيعتهم
أبراهيم وأخيه - ضاعو من أديه
فريت السلف ماحصلتهم

•───✧◐◐◐◐✧───•
كل يوم الصبح اكعد واتاني
ماواحد من اولادي اجاني
آآيفراكهم سلني وكضاني
كتلني فراكهم حيل
ابد مانايمه الليل
ليام الكبر ولدي ردتهم

•───✧◐◐◐◐✧───•
ضيعت العمر وأحله الليالي
بقيت اخلافهم مشدوه بالي
عيوني من الدمع ضلت تلالي
تصد عيني عله الباب
مــا اتحمل غيــاب
صحت بصوت مااحمل هجرهم

•───✧◐◐◐◐✧───•
لـو ونيت مــاينفع ونينـي
وتعمه خلافهم ياناس عيني
عليهم كل وكت زايد حنيني
احن ليام راحن
ويه اولادي ماتن
الدنيه بساع من ايدي خذتهم

•───✧◐◐◐◐✧───•
عين الما اشوف اولادي بيها
عساها بالعمه وزايد بچيها
ولا نور وضوه كون اليجيها
ذبلانه من الدموع
تذرف مثل الشموع
عميه تصير لوما شاهدتهم

•───✧◐◐◐◐✧───•
ضلت بس صورهم عالحياطين
شالو من وكت عـنـي العزيزين
ماخذهم زماني وين لاويـــن
شالو للمكابر
بقيت انه اكابر
المنيه بساع عن عيني لفتهم

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 18:08

لطمية للانصار ( خوش صحبه )


خوش صحبه ... صحبتك يبن الزچيه
خوش صحبه ... كلهم امروه وحميه
مايبيعون الضمير ... عابس وجون وزهير
    خوش صحبه ... خوش صحبه


گالو الموت شحلاته ابين اديك
خويه كل واحد يوصي الثاني بيك
خوش لمه التمو وداروا عليك
طلگوها ... وعافوا الدنيه ونسوها
طلگوها ... بحبك الجنه اشتروها
كلمن ينادي ويگول ... مانعوف ابن الرسول
      خوش صحبه ... خوش صحبه


مانعوف ابن النبي گالوا وحيد
حبه بالدلال يسري وبالوريد
والله عونه الطاح گدامه شهيد
هوه يامر ... واحنه گدامه نفوت
هوه يامر ... گبل ابو اليمه نموت
فدوه لحسين العمر ... يامر اعلينه امر
    خوش صحبه ... خوش صحبه


خل نموت وهاي غايتنه نصيح
گبل ابو السجاد بالمصرع نطيح
باچر الزهره تضمد كل جريح
ماخسرنه ... بالعكس فزنه وربحنه
ماخسرنه ... فدوه للمظلوم رحنه
نطي ابو السجاد كلمه ... دمنه مايغله اعله دمه
     خوش صحبه ... خوش صحبه


فدوه للمظلوم كل احنه نروح
مانخلي ام الخدز زينب تنوح
مو غصب للكون طبينه بطموح
ماتهمنه ... جيش وارماح وسيوف
ماتهمنه ... غير زينب مانشوف
حشمتنه وماگعدنه ... ولازم انفذ وعدنه
      خوش صحبه ... خوش صحبه


من وره الصيوان نادت ياحبيب
ليش تنحب مو الزينب هالنحيب
هذا اخوي اتگول حيران وغريب
لايزينب ... لاتگولين انولينه
لايزينب ... غاليه ادموعچ علينه
جاهدوا ماقصروا ... والنشامه اتوذروا
     خوش صحبه ... خوش صحبه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 17:37

لِمن اراد ان يتعرف على معركة الطف الخالدة برواياتها الصحيحة والمعتبرة يشترك بقناة الشيخ الخطيب المحقق عقيل الحمداني

👇🏻👇🏻👇🏻👇🏻

/channel/Akeelalhamadany

/channel/Akeelalhamadany

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:58

هوسه اولاد مسلم





طلع طاهر واخيه من دنت هالخيل

وعليهم جلجلت دنياهم بهل الليل

واحدهم يويلي انهدم منه الحيل

احتارو وين يرحون وبده العويل

لمن صارو بأيد الحارث الملعون

يكلوله ابونه مسلم الميمون

وجدنه المرتضى الكرار ليث الكون

وعمنه حسين والعباس اليرهبون

كلهم بغضا بعمكم الا اليوم تنذبحون

طاهر كاله اذبحني كبل خيي الزغيرون

زينب بيه وصتني على اخيك دير العيون

(اليوم اولادك مسلم. بيد الظالم مذبوحين



ام زينب السعداوي. ناصريه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:57

فزاعية الى اولاد مسلم ابن عقيل ع
من ديوان #عتيق_الحسين_الجزء_الأول

خل نلطم يشيعه اليوم
مسلم ذبحوا اولاده


اثنين اولاد ذبحوله
لمسلم راحت افحوله
عدلي اللطمه والكوله
لطمي وعازي الساده


راحو وي ولد احسين
زينب تجري منهه العين
عليهم لطمي لتعبين
ماتو غدر كلعاده


همه صغار بس يسوون
يلوكلهم لطم المتون
مجلسهم تره مضمون
صح صغار بس قاده


والذباح ماهابوه
ماخافو ولا ترجوه
لحسين العمر رخصوه
عليهم وني بزياده


عليهم ونت الحره
بكلب ام الخدر كسره
كسرهم يامن يجبره
كلبهه اعلن احداده


تمت بقلم #مريم_الصدر
العمل مهداة إلى صاحب الزمان عج لا أجيز حذف الاسم 🚫

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:54

قصيدة ثگيلة لاولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

گومي يزينب ساعديني ضاعو من ايدي
گومـي يـزينـب بـالعـجل خـندور وليـدي

✧ــــــــــــــ ✦◈ ✦◈✦ ــــــــــــ✧

گومـي يخية استعجلي للحرب نتعنة
نوصل لعند الضيغمي وبحالي أخبرنة
وبـعبرة انخي وانتحب بلـجن يفزلنـة
ويگـــلي رجعـي للخيـم وانـة ادورنـة
وأحجيلة جا وين الخيم ويگلي بس هيدي

✧ــــــــــــــ ✦◈ ✦◈✦ ــــــــــــ✧

من حرگو علينة الخيم ماوجدت دربـي،
طلعو اطفالي من الرعب وانة انخمش گلبي
ضلـــيت ادور بالــفلة ومني اعتلة نحبي
ودعيـــت من گلبي بجمر ساعدني ياربي
رجعلي ولدي اللي،بوجههم جن وجه عيدي

✧ــــــــــــــ ✦◈ ✦◈✦ ــــــــــــ✧

تـــدرون كـلب الوالدة لو فارگت واحد
يبقى جرح ينزف دمة ومالحظة ايهود
وانــة شـفگدت بكربلا رب السما يشهد
اثنيـــن ضـــاعولي سوة بيمن بعد اركد
ناديت وبـــحرگة گلب احضرني ياجدي

✧ــــــــــــــ ✦◈ ✦◈✦ ــــــــــــ✧

لوجلجل اللــيل اذكرت گعدتهم الحلوة
طاهر ييمة من الشمس رجليك تتجوة
والزم اخــــيك بالدرب هالدنيا موحلوة
اخذتكم من ايدي،طبك يالجنتو الي زهوة
ياهو الــــيگلي بــــالجرة عليكم وباليسدي

✧ــــــــــــــ ✦◈ ✦◈✦ ــــــــــــ✧

وياهو اليدوركم الي واخواني عالرمضى
لويدري الحسين بفگدكم والله مايرضى
مايرضى،من عيني الدمع يجري ولو لحظة
ويگلي بشري يم طهر لساعة الملكة
ويجيبكم لية بعجل يافرحتي وعيدي

✧ــــــــــــــ ✦◈ ✦◈✦ ــــــــــــ✧

وسفة الزمن مني خذاكم مارحم حالي
انتو النظر وانتو الفرح يافرح دلالي
يمة العمر اسود صفة ومابعد يحلالي
يالرحتو مني من وكت ياسوري العالي
ماجنت احسب هالوكت ياخذكم من أيدي

✧ــــــــــــــ ✦◈ ✦◈✦ ــــــــــــ✧

       خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:48

قصيدة لأولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

تبجي بت علي تريد الزغيرون
يفــراك الولـد يعمـيهـا العيـون

✧ــــــــــــــ ✦◈ ✦◈✦ ــــــــــــ✧

تـــدرون الـــولد ســهمة بالــــفاد
من يـــطلع تـــعوذة بــرب العباد
وانة اولادي ضاعو وسط الوهاد
مــــاردو عـــلية 
اناطر كل مسية
بلكـــت لو فــرد ساعة ترجعون

✧ــــــــــــــ ✦◈ ✦◈✦ ــــــــــــ✧

كمت وسط الصحاري افتر واناشد
بــــلكت خـــبر عـــنهم كــــلبي رايد
صحــــت ويـــنك يـــحلال الشدايد
دحضرلي يبوية.
لاابني ولااخوية
عنــــــي بســتاع راحو مـايردون

✧ــــــــــــــ ✦◈ ✦◈✦ ــــــــــــ✧

صوب خواني وجهي ابساع درتة
يـــــاخال الــــبزر بــــــزري فگدتة
صحت وينك يمن جيت اعلئ بخته
دگــــعدلي يـــوراد
دورلي على الاولاد
خــــاف اولادي بالضلمة يخافون

✧ــــــــــــــ ✦◈ ✦◈✦ ــــــــــــ✧

سمعــيت الـــــتضيع الــبزر تالي
يفــــزعون الها اهـــلها والغوالي
يواســـوها بمـــحنة ودمع هالي
وأنة بــــالبـــراري     
حال الضيم حالي
لاعـــــــندي ولد لاأخــو لاعـون

✧ــــــــــــــ ✦◈ ✦◈✦ ــــــــــــ✧

ياطــــــاهر يايــــمة دربك منين
يمة افـــراك وجهك يعمي العين
بلكـــــــت لويفز ويدورك حسين
بلكــــت يفز لية.     
ابو اليمة الشفية
يگـــلي لجل عينج اگلب الكون

✧ــــــــــــــ ✦◈ ✦◈✦ ــــــــــــ✧

يحســــين الولــد هاليوم اريدة
عزاز الـــــروح نامو وسط بيدة
ياطاهـــر اخــــيك دلــــزم ايدة
گلبي نار تسعر.
ياطاهر يمطهر
اظنكم بأسمي يايمة تصيحون
✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:47

فزاعية لاولاد مسلم.

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

عليك الزهرة ياسجان.
لاتـــــحبس مــــداليلي

✧ــــــــــــــ ✦◈ ✦◈✦ ــــــــــــ✧

لاتحبــــسهم بــضلمة
بكلبـــك خلي الرحمة
عليهم روحي متهدمة
وبايــــد يـاخلك حيلي

✧ــــــــــــــ ✦◈ ✦◈✦ ــــــــــــ✧

بـــياهيمة وارض نمتو.
اضـــنكم يــمة تيـــهتو
ليـــل وعــــلي دورتـــو
ياســـــاعة تــــرجعولي

✧ــــــــــــــ ✦◈ ✦◈✦ ــــــــــــ✧

فـــــراك البــــزر تعبني.
عمة عيني وهدم متني
عنــــكم مــــن يخبرني
وتبــــرد جــــمرة دليلي

✧ــــــــــــــ ✦◈ ✦◈✦ ــــــــــــ✧

يانــــــار البـــزر تسعر.
حدر الضـــلع تتـــوجر
صحت وينك يالمشكر
ماتـــــــگعد تشد حيلي

✧ــــــــــــــ ✦◈ ✦◈✦ ــــــــــــ✧

حيـــلي يالولي طايح.
ابو طـول الحلو رايح
سهمــي الونة والنايح.
عـــــالجـانو بــدر ليلي

✧ــــــــــــــ ✦◈ ✦◈✦ ــــــــــــ✧

ياســـــــجانهم فكـهم.
اولادي الـــنبي جدهم
غريب الكوفة والدهم
مسلم جتلة هد حيلي

✧ــــــــــــــ ✦◈ ✦◈✦ ــــــــــــ✧

بسجن اضلم يحطوكم
زغــــار ومـــايرحموكم
اولادي شـــيطـــلـبوكم
عليهــــم دمــعتي سيلي

✧ــــــــــــــ ✦◈ ✦◈✦ ــــــــــــ✧
خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:46

هوسات لاولاد مسلم

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

ترى نـــار البـــزر تجوي عنها لاتسألوني
وسط الهيمة من ضاعوصحت يايمة تانوني
اضمكم وسط دلالي عن الكوم تدروني
{وياكم راحت روحي/
يوم الضعتو بهالهيمة }

✧ــــــــــــــ ✦◈ ✦◈✦ ــــــــــــ✧

درت وجهي لبو اليمة ياخال الولد ناديت
عليك الزهرة دفزعلي ندور عالولد ياريت
بيكم دهري دولبني من بزري وهلي انحرميت
{بيوم الضاعو بزري /
            شعلو ناربدلالي }

✧ــــــــــــــ ✦◈ ✦◈✦ ــــــــــــ✧

وحكــــك يـــــالولد من رحت ليهسى
عيــــني بس تهل من اصبح وامسى
شنسى عــيونكم ضـــحكتكم شأنسى
{شلون انساك تصدك/
        وانت العايش بعيوني}

✧ــــــــــــــ ✦◈ ✦◈✦ ــــــــــــ✧

گــــلبي عالــــمشو نيــران تسعر بي
حلات ابنــــي الزغــير يمي واباري
مــــو يم الكفر كلـــساعة تضرب بي
{اسم الله عليكم يمة/
                     يمتة ترجعولي }

✧ــــــــــــــ ✦◈ ✦◈✦ ــــــــــــ✧

من شــــاف النذل جرسيفة يذبحهم
صرخ طاهر ومطهر بأسمي اسمعهم
سبية انة وحسافة محضرت يمهم
{الموت وياكم ردتة/
            كون يخلوني}
          
✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:45

#اولادمسلم


اغص بالماي عالراحو فرد روحه
وظلت للصبايا العين مشبوحه

...............

اغص بالماي يبني من اشربنه
وعگبك ماهنالي العيش واتهنه
الموت امنين لمك يمه اجيبنه
رگبتي بدال نحرك ريت مذبوحة

...................

انگطع نحري عساه وسالمه الرگبة
لاتصرخ اخيك ينخمش گلبه
من ذبحوك يمه ابديره الغربه
لهاته من الضمه والنوح مجروحه
...........
عطشانين والسجان مانعهم
لايسگي اليتامه ولايطلعهم
ابعصابه النذل عمداً يعصبهم
ومن السوط واحدهم گظت روحه
..........

بلاساية الطفل كل ساعة يتعاقب
اشعندك من خطر يوليدي وامراقب
بس ايتام من الضيم تتثاغب
ومقفوله السجون الباب شيلوحه

.............

شيلوح السراگي اوينهد المحبس
وسجانك خبيث ابوجهك امعبس
ابعذابك يالولد يوميه يتونس
ظهرك من سياط البالسجن خنفس
وادمومك عگب هالضيم مسفوحه

...................

يهدى العمل لروح خادم الحسين السيد عبدالحسين الشرع


ام علي رضا الشريفي الحسيني


القصيدة سجلت في سجل الزهراء عليها السلام من يغيّر اسمي اويتلاعب بها اوينسبها له خصمه فاطمة الزهراء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:42

قصيده لأنصار الحسين ع

من #ديوان_ضمأ_الطف

[ انصار حسين ]

انصار حسين بيهم همه والزود
شجاعتهم خذوها من ابو الجود

•───✧◐◐✧───•

معروفين يالكلهم حميـه
ميهابـون لو جتهم منيــه
فدوها ارواحهم لبن الزجيه
{{ الكوم الهجمت يفنوها }}

•───✧◐◐✧───•

شجعان وكفو والنعم من عدهم
يالنصرو حسين وهاي همتهم
شالو راية الحق اعله يمنتهــم
{{ ساحات الملعب كلبوها }}

•───✧◐◐✧───•

وبسوح الحرايب هزمو العدوان
انصار ابو اليمه والنعم شجعان
تشكرهم الزهره وكل بني عدنان
{{ تشهد وكفتهم بالساحه }}

•───✧◐◐✧───•

تشهد بالحرايب وكفـت الأنصار
ويشهد عشك عابس ذاك المغوار
بجنونه العشك تحجي ازغار اكبار
{{ مجنون حسين يسمونـه }}

•───✧◐◐✧───•

والحر الرياحي ثبت افنـونـه
ناصر صار لحسين وكف دونه
نال المرتبـه ونـاصر يسمـونه
{{ كـلمـن ويـاهـم هنيالــه }}

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 15:37

#محرم_الحرام_1447هـ
#عاشوراء_الحسين
#اللهم_عجل_لوليك_الفرج

قصيدة للأب لسان حال السيدة حميدة تخاطب والدها مسلم أبن عقيل



خذني وياك يبويه خذني وياك ~
سلني فركاك يبويه سلني فركاك~

المات أبوها تندفن.. تعيش بالهم والحزن
خذني وياك يبويه خذني وياك••
ــــــــــــــــــــــــــــــــــــــــــــــــــــــــــــــ

بوية كلمن يمها أبوها وأنه أبوية مارجع
يمر عليه الليل ونة يكضي بالهم والدمع
غيبتك كسرتلي روحي ابد مايبره الوجع

شاب من عندي الجفن.. تعيش بالهم والحزن
خذني وياك يبوية خذني وياك••
ــــــــــــــــــــــــــــــــــــــــــــــــــــــــــــــ

مرت أعليه الليالي ماطبك جفني وغفه
جرح هجرانك يبويه بالكلب لا ماشفه
شلون بلله يصير حاله الشال محبوبه وجفه

عيوني بغيابك عمن.. تعيش بالهم والحزن
خذني وياك يبوية خذني وياك••
ــــــــــــــــــــــــــــــــــــــــــــــــــــــــــــــ

كلبي مايحمل هضيمه منين أجيبنه الصبر
روحي أصبرها بخيالك وأبقه أكلب بالصور
المات أبوها تعيش كسره خلافه شيفيد العمر

يل دفو حضنك وطن.. تعيش بالهم والحزن
خذني وياك يبوية خذني وياك••
ــــــــــــــــــــــــــــــــــــــــــــــــــــــــــــــ

ارجع وخليني اشوفك طاح حيلي بفركتك
بوية كلبي وياك أخذته يالطويلة رحلتك
اشأخرك يابوية عني هاي مو من عادتك

العالم ابدونك سجن.. تعيش بالهم والحزن
خذني وياك يبوية خذني وياك••

ــــــــــــــــــــــــــــــــــــــــــــــــــــــــــــــ

فراكك أيهيج دليلي وشيب ينبت بالكلب
شلون والمكسور كلبه وحده والعالم غرب
طاحت دموع المنيه وعل الوجن كامت تصب

لفني وياك أبجفن.. تعيش بالهم والحزن
خذني وياك يبوية خذني وياك••

ــــــــــــــــــــــــــــــــــــــــــــــــــــــــــــــ
تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

01 июля 2025 10:05

مربعه شجاعيه بقفلة الهوسه لمسلم ع (الگاع تميل)

الگاع اتميل //من يدبچ عليها
امصلصل بالحرب معروف بيها
..................
الگاع اتمیل من رجلین ابو طاهر
معروفه الشجاعه امصلصل وماهر
یمنه اویسره خله الروس وایشامر
بشمراته// چنه الکرار
.....................
هذا ابن الیثنی ابزود بالکلفه
یشبه داحي خيبر لو لعب چفه
محتار الوصف هاليوم شيوصفه

يثنيها //وابزوده الحومه
................
يتمرجل بسيفه شلون جيدومه
مسلم بالحرب صنديد من يومه
فارس بالشجاعه تعجب اعلومه
بصولاته //طر الفرسان

................
طر فرسانهم منهم اخذ حيفه
يتملعب عليهم صال وابكيفه
اسد معروف لوهد وحمل سيفه
بهداته //يشبه عباس
................
يشبه حيدره وعباس بفنونه
يالمعروف اصله وهم تعرفونه
يانسل الشجاعه ومايگحمونه

بيمينه// ذل الفرسان
.....................
ذل فرسانهم مسلم يبعد ايدي
گلهم انه مسلم والحرب عيدي
گضه الحومه ويصيح بهالرجس زيدي
اويفنيها //واجيوش العار

ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

30 июня 2025 19:35

قصيدة لمسلم ابن عقيل ع

من ديوان #مواجع_الطف_جزء_الثالث

{ الله يعين كلبچ }

الله يعين كلبچ ياحميده
فاركتي الأبو فركه بعيده

فراكه يهدم الحيل
دمعج عالأبو يسيل

الله يعين كلبچ ياحميده

•───✧◐◐✧───•

شكلتي من سمعتي مات الحنين
والميت بعد مايرجع سنيـن
لفراكه تضل بس تدمع العين

شحالچ من سمعتي
بموته شلون كلتي

يكتل يومه وابنيته تريده
الله يعين كلبچ ياحميده

•───✧◐◐✧───•

اضن كلتي اخذني وياك للموت
المن عايشه وكليبي مفتوت
يا سور وشهم ما شاله تابوت

بويه بكلبي ادفنك
كل مااحن اشمك

اخلافك يالولي اصبح ونيده
الله يعين كلبچ ياحميده

•───✧◐◐✧───•

من صغري انترس دلالي بجروح
ابوي العافني الكلالي ماروح
شايل بيت كلبي وكثر النوح

اون لليسوه الونين
اجرهن طول السنين

واضل امتانيه ياخذني بيده
الله يعين كلبچ ياحميده

•───✧◐◐✧───•

العيشني بحنانه نام بتراب
بعد ماينفع اوياه كل العتاب
والمن كاعده وعيني عله الباب

راح التارس البيت
مشه ولوحدي ضليت

روحي الفاكده صبحت عنيده
الله يعين كلبچ ياحميده

•───✧◐◐✧───•

حكها الروح لو كثرت بچاها
شال الچان يحميها وغطاها
ذبلت وردته ومحد سكاهـا

بصوته اروي روحي
وتتلايم جروحي

وافتح صفحه للغالي جديده
الله يعين كلبچ ياحميده

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

30 июня 2025 15:47

مراسيل الرحيل

مرتضى حرب

2025.1447

شارك المنشور تؤجر 💔