قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 23:06

لطمية للعليلة عليها السلام ( المن گاعده )


المن گاعده وبيدچ عباتچ
ماترحين باچر وي خواتچ
تنوحين وتونين  ... بسچ لاتموتين
خلي النوح من تمشي امهاتچ
ماترحين باچر وي خواتچ


ضمي النوح وادموعچ للوداع
باچر مايضلن يمشن ابساع
يعوفنچ عليله ولازمه الگاع
وبضلوعچ يبات اصواب وجاع
والهم والحزن يترس حياتچ
ماترحين باچر وي خواتچ


باچر چم مصيبه بگلبچ تبات
باچر ماتضل اوياچ اخيات
شتگولين لو صارن بعيدات
حيل ايريد فرگاهن اونات
وانتي امدارگه وگرب مماتچ
ماترحين باچر وي خواتچ


انتي امداركه وروحچ عليله
وفرگاهن صعب مابيچ حيله
اهواي اهموم گدامچ طويله
الليله امساهره عيونچ الليله
بين حسين وعضيده شحلاتچ
ماترحين باچر وي خواتچ


بين اهل الشيم واهل والحميه
هاذه اخر سمر واخر مسيه
گال حسين كون يصح بديه
اشيلچ واخذچ للغاضريه
وانتي الغاليه وماكو بغلاتچ
ماترحين باچر وي خواتچ


مو بيده الامر من الله مكتوب
يمشي الكربله ويموت مصيوب
ينحز منحره ويتسلب الثوب
لبن ازياد زينب تگطع ادروب
ضلي ادعيلهم وابچي بصلاتچ
ماترحين باچر وي خواتچ


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:17

قصيده بوزن الفاىزي لفاطمه لعليله ع


من يوم عني حملو كاتلني الفراك
كالساعه اصيحن ياهلي وكليبي يشتاك


ماخذخواتي بهالضعن بس انه ضليت
اظلم ويوحش هالنزل كاتلني هالبيت
محد لمنهم ضل الي وبصوت ناديت
والدمع بعيوني ويهل يجويني حراك


اركض وره ضعون الاهل محد رجعلي
عافوني وحدي بمحنتي وشثكله حملي
ماريده عمري الي بقه وبعمري شلي
صارو بعيدين ومشو فوك على لنياك


كون امشي وياهم ردت ماصح بديه
عبد الله راح ويه لضعن عمتي ورقيه
ونوب كاتلني لحزن وكطعو بيه
يوميه اطلع ولعصر وافتر على راك


وبيوم عني حملو. خلصان هالحيل
وزود وناتي علي من يجبل الليل
كون لي اهله ترتحل وياهم يشيل
لحالي بجت كل لبشر وحتى لبلفلاك


راح العزيز عله لكلب راح وبعدراح
مليت من كثر البجي مليت لنياح
ناديت بس ردوعلي طيبولي لجراح
مر الاكل من سافرو هاليبست ارياك


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الجمعه2025/6/27
١محرم/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:16

نعي للعليله عليها السلام

#من_ديوان_ضمأ_الطف

ابوذيه ….

ابوي العافنـــي بـــداره وسافر
كلت ويه الضعن امشي وأسافر
وياهم لو رحت اصحي وأسافر
بشوفتهم ترد الروح اليه

•───✧◐◐✧───•

شد الضعن وانه اتركوني
وانظر وبس تدمع عيوني
اتوسلت بيهم ماخذوني

•───✧◐◐✧───•

سار الضعن واركض بهمه
صحت صوت تانيني يعمه
واخلافهــم راحــت اللمه

•───✧◐◐✧───•

لن صوت من ضعن النودهم
ضـــلي بـدارج هــا يبتهم
كلبي يحن ينشدني عنهم

•───✧◐◐✧───•

شيعود كعدتنه سويه
يادارنه الچانت زهيـه
بوجود اهلنه اهل الحميه

•───✧◐◐✧───•

دار الأهل ضلت حزينه
ومحد يدك باب ويجينه
موحشه الدار خلاف عينه

•───✧◐◐✧───•

راحو اهلنه ومايرجعون
هيهات ويانه يكعدون
وجنهم بسفرتهم يطولون

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:15

#من_ديوان_مسير_الفواطم_ج٥
قصيدة للعليله(شالو فرد شيله)
❥━──➸➽❥❂❥━──➸➽❥❂
وين اهل الشيم شالو فرد شيله
گلبي يريد شوفتهم شسويله
❥━──➸➽❥❂❥━──➸➽❥❂
وين اهل الشيم شو ما اجو ليه
ولاگالو بگت بالدار البنيه
عليله بدارنه تشبع مهظميه
بگيت لوحدي مهظومه ونحيله
❥━──➸➽❥❂❥━──➸➽❥❂
بگيت لوحدي ومحتاجه شوفتهم
ترد الروح الي لو اشوف جمعتهم
عله العتبة اكعدت وانتظر جيتهم
سهرانه الليالي ولا نمت ليله
❥━──➸➽❥❂❥━──➸➽❥❂
سهرانه الليالي وروحي مشتاگه
علي اعزيز ابوي ويصعب فراگه
يا نار المفارك حيل حراگه
عليه بالحلم ما مرو بليله
❥━──➸➽❥❂❥━──➸➽❥❂
علي حتى بحلم ما مرو ونشدو
وعن هظمي وعذابي ابد ما سألو
اندب وانتحب يالاهل بس ردو
ما ضل عندي واحد اگعد اشكيله
❥━──➸➽❥❂❥━──➸➽❥❂
محتاره انه وين اشتكي همي
راحو كل اخوتي والگمر عمي
ولا ظلت حبيبة بالنزل يمي
ابوي حسين ماخذ كل مداليله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم :🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:14

*مجلس نعي للعليله*
*من ديوان 📚 عبرات وأنين في رثاء الطاهرين الجزء الثاني*
❥━──➸➽❥❂❥━──➸➽❥❂
*صلى الله عليك يا سيدي ومولاي يا رسول الله و على الك المظلومين صلى على عليك يا مولاي وابن مولاي يا أبا عبد الله يا غريب يا مظلوم كربلاء يا مسلوب العمامة والرداء غريب ومن مثلك غريب سيدي ما خاب من تمسك بكم وأمن من لجاء إليكم يا ليتنا كنا معكم سادتي فنفوز والله فوزا عظيما.*

*القريض:🍃*
----------------
بعد  الاحبة ما  الديار  ديار
امست لديه فكيف تحلو الدارُ

ناشدتها لما مررت بها على
مغناهم و مدامعي  مدرارُ

يا دار أين يصحبنا شط النوى
قولي لنا هل من يقر قرارُ

أن الاحبة ان تسلني عنهم
فجميعهم أيدي سبا قد صارواُ

وكأنني بلسان حال الدار قد
أبدي الجواب وكله استعبارُ

اني بقيت من الكرام خلية
فعلى محاريب الصلاة غبارُ
*ابوذيه:🍃*
---------------
مريضه شلون اهيد الروح بعداك
يبويه نعاب گلبي بسبب بعداك
أحس الغدر من تروح بعداك
ويغدرونك يبين سيد البريه

*نعي فائزي:🍃*
---------------------
يا بويه رايح وين وأنه ابگه مريضه
منهو الذي يوصلني الك يبين الوديعه

ليش انه من دون الخلگ ابگه بهالدار
وماخذ العيله وياك كلها زغار وكبار

ابگه بوحدي بالنزل والدمع يهمل
ضليت أناشد يالاهل والفرگه تكتل

يا دار انشدچ وين غابو عني الأحباب
ظليت اون بسكوت بس الدمع سچاب

انا لله وانا إليه راجعون وسيعلم الذين ظلموا آل بيت محمد إلى اي منقلب ينقلبون والعاقبة للمتقين اجركم الله يا شيعه في هذا المصاب العظيم وهوه مصاب مولاتنا فاطمه العليله (ع) بنت الإمام الحسين وهيه طفله مريضه عليله لم يأخذها الحسين معه عندما رحل إلى ارض كربلاء فحين الوداع لما نظرت إلى أهلها وقد ساروا عنها أخذت تزحف نحو ظعن اهلها وهي تنادي:أبه كيف تتركوني لوحدي؟ أبه خذوني معكم
رجع الإمام الحسين لها صبرها قال بنيه إذا وصلنا مكان الاستقرار ابعث إليك عمك العباس واخاك علي الأكبر يحملانك إلينا .قالت يا أبه ان نفسي تحدثني ان لا لقاء بعد هذا اليوم هذا اخر لقاء وجائت فاطمه على الهوادج تودع عماتها وأخواتها.
وبقيت فاطمه العليله تبكي ليلها ونهارها وبين ساعة واخرى تنظر الى تلك الدار الموحشه التي خلت من أهلها وتبكي وتنوح على فقد احبتها .
*نعي مجرد:🍃*
--------------------
مريضه وهلي كلهم جفوني
ويا  الضعن ما حملوني
وبدارهم وحدي اتركوني

خلوني عليله وگلبي محتار
واناشد عله أهلي الراح والمار
بلچن تجيني  منكم  اخبار

ظلت عيوني تربي  عالباب
بلچن يجيني  منكم  اجواب
وتردون اشوفنكم يالاحباب

يا هلي سفرتكم طويله
و نيت  و الونه  ثگيله
وهم العلي ما بيه حيله

هم  العلي  وجر  دليلي
عگب الاهل يا عيني سيلي
و فراگهم مرد  دليلي
تردون  لو  نگطع   الضنه

نعم يا مواليات يا معزيات الزهراء كلنه فاقدين احباب عزاز على گلبنه وما نحمل فرگاهم اذا فقدنه شخص واحد عزيز شيصير بحالنه چا  شلون حال هاي الطفله العليله المريضه الفقدت أهلها وظلت وحيده تناشد الدار وتريد الي يساعدها بالونه اليوم خلونه انوح وياها ونساعدها بالونه  تگول :
*نعي مجرد:*
يالفاگده  اهلچ وني  وياي
ونوحي وعينيني اعله مبچاي
راحو هلي و متيهه الراي

  و  نن و ياها  و  ساعدنها
شال الكربله المظلوم عنها
وطول الدهر ما يبطل حزنها

عذبت  حالي  آه   يالفراك
الدار وحشه والخلگ ضاك
وروحي لهلي كلساع تشتاك

*نعي الفراق:🍃*
--------------------
آه يبويه ... ليش عفتوني وحيده
آه يبويه ... فراك وجهك ما اريده
آه يبويه ... الك دمع العين ازيده
آه يبويه ... صارت ضعونك بعيده
آه يبويه ... ونتي عليكم بهيده
اه يبويه ... والضعن گاطع البيده
❥━──➸➽❥❂❥━──➸➽❥❂
*بقلم ✍🏻 خادمة أهل البيت*
*العلويه مريم النور*
*نسألكم الدعاء الفاتحه الى روح اختي وﻷمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:13

*قصيدة للعليله(مر الفراك)*
*من ديوان📚مسير الفواطم ج٥*
❥━──➸➽❥❂❥━──➸➽❥❂
گلبي مشتاك يبويه گلبي مشتاك
مر الفراك يبويه مر الفراك
يمته اشوفنك ترد/وين حچيك والوعد
مر الفراك يبويه مر الفراك
❥━──➸➽❥❂❥━──➸➽❥❂
وين حچيك والوعد يالواعدتني
لوحدي بالدار بويه شو عفتني
بين غمضة عين رحت وفارگتني
چن وداعك موت لمن ودعتني

تدري فراگك صعب /من رحت شاب الگلب
والنفس ضاك عليه والنفس ضاك
مر الفراك يبويه مر الفراك
❥━──➸➽❥❂❥━──➸➽❥❂
النفس ضايگ عليه وگوه اشمه
وداعت عيونك دنيتي بعيني ظلمه
عيوني من عگبك يوالي كون تعمه
على خدودي الدمع يجري ومن يلمه

ليش عفتوني اون/ذبل عيوني الحزن
والزمن باك ضحكتي والزمن باك
مر الفراك يبويه مر الفراك
❥━──➸➽❥❂❥━──➸➽❥❂
اخذ ضحكاتي الزمان وكل الاسنين
بحرگه ابچي وبچت وياي الحياطين
ليلي كله مساهره وما نامت العين
والله گلبي ينفطر لو صحت يحسين

لو صحت بويه انكسر/وگلبي احسه ينفطر
لازمه الراك عليله ولازمه الراك
مر الفراك يبويه مر الفراك
❥━──➸➽❥❂❥━──➸➽❥❂
لازمه الراك واتاني بعتبة الباب
بلكي ابوي يمر عليه ويا الاحباب
بعد ما اظنها ترد گعدت الغياب
من مشو عني حزينه والگلب ذاب

حزينه ودموعي تهل/ صعب يفراك الاهل
دمعي حراك عليهم دمعي حراك
مر الفراك يبويه مر الفراك
❥━──➸➽❥❂❥━──➸➽❥❂
دمعي حراك وچوه عيوني وعماني
لشوكت ابگه انه عالباب اتاني
فراگهم مر وكتلني ومنه اعاني
راحو اهلي وعني ضيعهم زماني

ضيعاهم هالزمان/ وبگه خلوان المكان
نار الاشوك جوتني نار الاشوك
مر الفراك يبويه مر الفراك
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:12

للحسين (ع


مهجور المضيف اليوم
والولي مضيعينه/

مهجور اليلفي الضيف
ياوسف خله ويا حيف
صار الوكت مثل السيف
وبفكده يذينه/

اذانه الوكت بزين
وبجه اعله الحنين العين
يا وسفه خذاك البين
يا فارس ميادينه /

يمعدل يبو الكلفات
والمطرود يمه يبات
بلتلهب شلت رايات
يمبجي اعادينه /

يمشيم يرفعة راس
بيك نباهي احنه الناس
يا ابو الغيره يانبراس
محتاجيك تدرينه /

هانت بيدك الصعبات
يابو الكرم وطيبات
يالمعروف بالزينات
مافرغت مواعينه/

*ناعيه الخيام*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:53

فزاعية للعليلة عليها السلام ( عندي عتب للحملوا )


عندي عتب للحملوا
ماگالوا امشي اويانه



كلش طويل اعتابي
واليوم اريد احبابي
مابيه اشيل اثيابي
امن افراگهم تعبانه


تعبانه ضلت روحي
واشلون ابطل نوحي
صارن اهواي اجروحي
كلساع اون وجعانه



كلساع اون موجوعه
وامدوهنه ومفجوعه
اخبارهم ومگطوعه
واديارهم خلوانه


گطعوا عليه اخبارهم
ازغارهم واكبارهم
وحشه وحزينه اديارهم
بيهم گبل فرحانه


چانت زهيه امفتحه
واليوم وحشه ونايحه
وجوه النودهم رايحه
للوادم الخوانه


للوادم الغداره
شال السبط وانصاره
دمعي بحزن يتجاره
وعيني غدت ذبلانه


من الدمع من السهر
مابيهن عيوني نضر
احبابي صارلهم شهر
احسب واعد حيرانه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:52

قصيدة للعليلة نوحية

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

وراكم للضعن اركض،وراكم
وبيــدي الزم ذيال الخذاكم

✧ــــــــــــــ ✦◈ ✦◈✦ ــــــــــــ✧

صوب اضعونكم امشي واطــيحن
بويـــــة حســــين تـانيني اصيحن
دموعي من المرض سكتة يسيحن
اجــــر بـــالروح عـــفتوني شجاكم

✧ــــــــــــــ ✦◈ ✦◈✦ ــــــــــــ✧

كلـــت بلكت يحن گلبة ويصدلي
وامشـــي ويــاي يافـــاطم يگلي
ثـــارية عـــزلنــي وكـــلي ضــلي
كتــــلة دخـــيل حمــلني ويــاكم

✧ــــــــــــــ ✦◈ ✦◈✦ ــــــــــــ✧

تطـلع روحـي من يطلع ضعنكم
خلونــي ارد اموت اهـناك يمكم
انمــرد گلبي من اسـمعنة يگلكم
العليلــــة لاتـــــصعدوها ويــاكم

✧ــــــــــــــ ✦◈ ✦◈✦ ــــــــــــ✧

تـــــدرون الأبـــو عازة وتـجية
تردلـــي الــروح لوبـــاوع علية
شتحال اللي ابوها ابن الزجية
ويــخليها وعلــيها الهم ترراكم

✧ــــــــــــــ ✦◈ ✦◈✦ ــــــــــــ✧

تركتني بدار وحشة بلاية صوتك
راح الجـــان يــزهـــــيها بيـــوتك
عبــدالله وعلــي الاكبــر واخوتك
عمــامي وعزوتي وللطف خذاكم

✧ــــــــــــــ ✦◈ ✦◈✦ ــــــــــــ✧

عماتي وخواتي الجــانن كبالي
يباروني وعگبهم ياهظم حالي
وياحال التمريضة المالها والي
الجان بكل نفس تشتم هواكم

✧ــــــــــــــ ✦◈ ✦◈✦ ــــــــــــ✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:52

مربعة للمسير

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

شايـــل ويــن يامصباح البيوت
وتاركها المدينة وماشي للـموت

✧ــــــــــــــ ✦◈ ✦◈✦ ــــــــــــ✧

شديت المحامل لارض الـطفوف
وبتـك بالـدرب وعيـونها تشـوف
وزينــب عــالزلم لازمــها الخوف
وتــانوني العليلة صاحت بصوت

✧ــــــــــــــ ✦◈ ✦◈✦ ــــــــــــ✧

عفـت اديار جــدك رايح لويــن
وودعت الزجية خوية يحسين
وســديت المــنازل والدووايـن
وعگبـك مانطـبها ولحد يفـوت

✧ــــــــــــــ ✦◈ ✦◈✦ ــــــــــــ✧

يحـدون الضـعن خوّاانـي البــدور
وعباس اعلة راسي جفوفة اتدور
ريتــك لاتـجـي يااايـوم عـاشــور
وبيك اخواني تركض ركض عالموت

✧ــــــــــــــ ✦◈ ✦◈✦ ــــــــــــ✧

يالتحدي الضعن يالسايك النوك
معــدل والقيـادة بـأيـدك تــلـوك
سيفك عالخصر والـراية ليـفوك
شيـال الــكلافـة وليـها منعــوت

✧ــــــــــــــ ✦◈ ✦◈✦ ــــــــــــ✧

يزهر طولكم كدامي تمشون
ولتخافــين يالحرة تكولــون
دمعج لونـزل يتزلزل الكـون
تفداج الهواشم صاحو بصوت

((يضووها والضلمة السادة يضووها ))
✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:51

نعي للعليله
#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

يـــگولون آلبنيه بجآل آبوهآ
مـآيجيهآ هضـم ولآ يقهروهآ
وبسـ آنه آلوحيده آلترگتوهآ
رگضــت ورآهــم مـآ خذوهآ

✧ــــــــــــــ ✦◈ ✦◈✦ ــــــــــــ✧

يآهل عفتني ومـآ عفتـگم
  وشـلون  تغفه  عليلتــگم
شـلتو سـوه گلگم شـعدگم

✧ــــــــــــــ ✦◈ ✦◈✦ ــــــــــــ✧

حسـره بقت گعدتي ويآگم
رآحت مـحنتگم شـــجآگم
آفز آلفـــجر وآگعد  آنعآگم

✧ــــــــــــــ ✦◈ ✦◈✦ ــــــــــــ✧

يآلعفتــــو آلعليله ومـآتردون
تسـگت مـن بجيهآ عليگم شـلون
تتعمـهہ عيونهآ لو بعد تبطـون

✧ــــــــــــــ ✦◈ ✦◈✦ ــــــــــــ✧

صـوت آلهوه لو حرگ آلبآب
آطـفر طـفر وگليبي مـرتآب
حسـبآلي عليهہ ترد آلآحبآب

✧ــــــــــــــ ✦◈ ✦◈✦ ــــــــــــ✧

آثآري حلم ليه وتـــرجعون
بس مـآ گلتو يآبويه تطـولون
ولآ حتى بعليلتگم تنشـدون

✧ــــــــــــــ ✦◈ ✦◈✦ ــــــــــــ✧

ودولي طـآرش يطـمـني
وبيـــــآ مــــدينه يخبرني
ورآگمـ يبويهہ يشيل ضـعني

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله فيه يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:50

قصيدة للعليلة تخاطب الحسين

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

خليلــي قــميصك بــوية خـليه
من تشتاك روحي خل تشم بيه

✧ــــــــــــــ ✦◈ ✦◈✦ ــــــــــــ✧

أصبر الروح بهدومك واكلها
بالديـران دون حـسين شلها
تــدرون المريضة تريد اهلها
وبلــياكم نــزلكم مااضل بيه

✧ــــــــــــــ ✦◈ ✦◈✦ ــــــــــــ✧

يبوية بداعتي خلولي واحد
لــوعبـدالله بي كـــلبي يهود
انــة ويــاه وسط الدار نكعد
ويــتسلة دلـــيلي من اناغيه

✧ــــــــــــــ ✦◈ ✦◈✦ ــــــــــــ✧

اثــاري الـيرحل ومامنة جية
ولاحــاسب تـــرى عندة بنية
من مرضي هدل هدم العلية
وكلب الفاگد اهلة الهضم غاطيه

✧ــــــــــــــ ✦◈ ✦◈✦ ــــــــــــ✧

عليلتكم مريضة وراسها شاب
من يوم المشيتو ساكنة الباب
احجي بالدمع وي الهوى الهاب
نظر عيـــني اكلة عافني شبيه

✧ــــــــــــــ ✦◈ ✦◈✦ ــــــــــــ✧

نذر انطي العمر لليوصل كتابي
الكتبتة بالدمع وترستة لحبابي
ويكللـــهم فگـدهم ذبل اشبابي
وديوانك وحش ماينــدخل ليه

✧ــــــــــــــ ✦◈ ✦◈✦ ــــــــــــ✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:50

لطمية لسان حال العليله وهي تخاطب ام البنين بعد رحيل والدها الأمام الحسين وعياله سلام الله عليهم اجمعين الى كربلاء (( بس انه وانتي ))


بس انه وانتي     بس انه وانتي
عافونه اهلنه وحملوا     بس انه وانتي
تهمل دمعتي     تهمل دمعتي
كلما اصد الدمعتچ     تهمل دمعتي


نفس الالم نفس الحزن     نفس المصيبه
حالچ وحالي اخلافهم     حال الغريبه
يوجع افراگ اصوابهم     ضايع طبيبه
وحسين ابوي الكربله     راح شيجيبه
لاگال بتي     لاگال بتي
لاگال عفت امي تون     لاگال بتي


ماگال عفت الغاليه     وعفت الحنينه
گلبچ مثل گلبي ثگل      نوحه اونينه
انتي حزينه اخلافهم     وانه حزينه
وي النسونه وحملوا     چا مامشينه
ريضولي صحتي     ريضولي صحتي
گبلچ صحت ماريضوا     ريضولي صحتي


ريضوا يهلنه انصيحهم     محد سمعنه
بطرگ المناحه الدارهم     نعتب رجعنه
واخلافهم ضيم وهضم     واكثر شبعنه
كلما يطول اغيابهم     يثگل وجعنه
حيل انهضمتي     حيل انهضمتي
هم مثلي من افراگهم     حيل انهضمتي


هم مثلي من افراگهم     مانمتي ليلچ
الگطعوا سبيلي بالوصل     گطعوا سبيلچ
اتمايلن واتضعضعن     حيلي وحيلچ
تشچين عندي امصيبتچ     وانه اشتچيلچ
يادار صرتي     يادار صرتي
حزنانه گلي الدارهم     يادار صرتي


حزنانه گلي الدارهم     واهلچ صفوا وين
حگي عليهم من اون     حگچ تونين
ويناطرنهم مادرن     كلهم مطاعين
مگطوع نحره امن القفا     واموذر حسين
وينادي يختي     وينادي يختي
مشبوحه عينه اعله الخيم     وينادي يختي



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:49

#محرم_الحرام_1447هـ
#عاشوراء_الحسين
#اللهم_عجل_لوليك_الفرج
#فزاعية جنوبية بقفلة الهوسات
#لسان حال مولاتي فاطمة العليله


ولج يادار وين أهلج مشو وين••
حمل بالضعينه وسافر حسين••
[رد ليها // بنتك يالوالي]

ولج يادار حاجيني أعله الأحباب
شالو كل هلي ودلالي منصاب
أخذ عمتي الحنينه والكمر غاب
[عتبي عليه // اليكطر غيره]

ترى فراكك يبوية يهدم الحيل
شحال الفاكده لو جلجل الليل
عليلة وزاد وني وحالي بالويل
[وتجويني //يانار الفركة]

على أعزاز الكلب عميانه العيون
شالو كل اهلنه ومايردون
بكاع الطف على الرمله يضلون
[عافونة //يادار أحبابج]

ليلي مساهره وأكضيها ونات
هيهات النساكم بوية هيهات
مو علة البقت بكليبي علات
[تبجيني //يادار حسين]

هلي وبفراككم عاشرت الجروح
بجه لحالي النزل يابوية وينوح
جرح اغيابكم ماضنتي يروح
[ماذيني //يفراك الراحو]

ــــــــــــــــــــــــــــــــــــــ
تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:12

⚫ نعي مع حديث مختصر لفاطمة العليلة

#جديدحصري💔😭

بعد ألم الفراق

• في اليوم الذي عاد فيه ركب الحسين
«عليه السلام» إلى أرض المدينة لا يوجد فيه إلا نساء ثكالا قد أهلكها السبي.. وخالي من الحُسين «ع» والأهل والعشيرة فقد بقيت لمدة شهور متتالية.. وهي تنظر أن تسمع بخبر عن أهلها يسر لها فؤادها وتتأمل عودتهم لديارهم سالمين..

• فكأني بها لما سمعت بقدوم الموكب وأخوتها وعشيرتها يحوطونه..
من كل جانب، قامت بتهيئة الدار تنتظر وأعدتها لأستقبال أبيها الحُسين «ع»

وكعدت تنعي ….

افرشت الدار عمه امتانينكم
علباب عينــي مناطرتــكم
شهرين ماجاني خبركم

•───✧◐◐✧───•

هذا المهد هل حظريته
والبيت عمه نضفيته
اتاني الولي يرجع لبيته

•───✧◐◐✧───•

هناااك وفاطمه سمعت دكت الباب وراحت بلهفه تفتحه لهلها وصاااااحت ….

كل الهله بأهلي المجبلين
عمتي الحنينه اوالدي حسين
والدار حيتكم يطيبين

•───✧◐◐✧───•

فتحت الباب وشافت عمتها ماعرفتها كلتلها منو انتي الجياتني
اني توقعت اهلي رود عليه وعمتي زينب تجيني انتي منو خبريني

جاوبتها العقيله تكلها ….

انه العقيله وهذا حالي
ضيم الدهر غير احوالي
رديتلچ من غير والي

•───✧◐◐✧───•

شحچي وسولف علجره وياي
من الدهر كثران بلواي
باامكبره خليت ولياي

•───✧◐◐✧───•

چنچ ماعرفتي يالعليله
اليفكد اخوان يروح حيله
واخلافهم روحه نحيله

•───✧◐◐✧───•

فاطمة تجاوب عمتها واللوعه بيها صاحت

شهرين وانه امتانيتكم
تجوني يعمه من سفركم
وابدال الحزن انصب فرحكم

•───✧◐◐✧───•

تكلها زينب ……

المن فرشتي الدار كلها
والدار شالو كل اهلها
وعمتچ اجت زايد حملها

•───✧◐◐✧───•

• وإذا بزينب الحزينة قد دخلت و جلست في وسط الدار وهي منكسرة باكية منادية بنية فاطمة عظم اللّٰه لك الأجر بأبيك الحُسين وعمك العباس وأخيك الأكبر وأبن عمك القاسم وأخيك الرضيع، وبدأت تعدد لها فلان وفلان...
• عند ذلك...صرخت فاطمة العليلة ونادت وآ حسيناه وآ مظلوماه....😭

صاحت فاطمه …..

شتحچين عمه وضحيلي
بحچيچ تره هديتي حيلي
وممرود ياعمــه دليلي

•───✧◐◐✧───•

رديتي عمه الضعن خالي
ومااجو وياچ الغوالي
وماضل بعد ياعمه والي


إلى أن قالت:
بنية لقد تركنا رقية في الشام وحيدة وهذا ثوبها.. فعظم اللّٰه لك الأجر....

تكلها ……..

اشتاكيت لختي الفاركتني
طالت الغيبه ومااجتني
كالت اردلچ واعدتني

•───✧◐◐✧───•

اكعد يعمه اوي الحنينات
ماينشبع من الخوات
خواتي ويلكلش عزيزات

•───✧◐◐✧───•

حن الكلب رايد رقيه
تمنيتها اتعود عليه
ونرجع سوه نكعد سويه

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:17

نعي مجاريد ويقرأ بأطوار اخرى
لسان حال مولاتي العليله
ــــــــــــــــــــــــــــــــــــــــــ ـــــــــــ
خذوني وياكم يالتحملون
بغيـابكم لعميــها لعيـون
ماصدگت عني ترحلون
ــــــــــــــــــــــــــــــــــــــــــ
يالرايح خليلي رقيه
اخيتي وتسليني شويه
وانته اعزلتني وهاي هيه
ــــــــــــــــــــــــــــــــــــــــــ
انطيني عبدلله اداريه
وحگك بالعين اخليه
اخيي وريحتك بيه
ــــــــــــــــــــــــــــــــــــــــــ
جنك نويت السفر ياوالدي
وجهزت عمي بالظعن يحدي
رايـح تودع دار جـــــــــدي
ــــــــــــــــــــــــــــــــــــــــــ
وگف الضعن گلبي وجعني
اشمن ريحتك لاتمشي عني
يابـويه ووداعك كتلني
ــــــــــــــــــــــــــــــــــــــــــ
عمه يـــــزينب ماتحاجينه
ليش حسين عني يدير عينه
اضن زعلان مني يالحنينه
ــــــــــــــــــــــــــــــــــــــــــ
لاتزعل يبويه الله وياك
بس لاتطول عني ارجاك
تراني عزيزتك ماأحمل جفاك
ــــــــــــــــــــــــــــــــــــــــــ
(لسان حال الحسين 😭)

هيجتي جروحي يالعليله
انه رايح والروحه طويله
فراگج تره مابي حيله
ــــــــــــــــــــــــــــــــــــــــــ
بطلي العتب ياروح الحسين
فراگج عليه صعب تدرين
دموعج غاليه لالاتصبين
ــــــــــــــــــــــــــــــــــــــــــ
بس نستقر عباس يلفيج
والحظني يبنيتي يجي بيج
وحيده فاطمه گوه اخليج
ــــــــــــــــــــــــــــــــــــــــــ
بالقلم المتواضع لخادمه الحبيب الملا ام سيف الدين غير مبري الذمه من يحذف الأسم وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:16

هوسات الفاطمه العليله ع


تهل ادموع ضلت تجري عيناك
مااكدر اعيشن وحدي وانساك
ولبيت ماينطب وينجهب بلياك

(والفركه تموت/ يابويه)

اظل بحركتي مهظومه ياناس
اتاني بغرفتي لحد اخرانفاس
مارد لعزيز وعمي عباس

(وخلوني ونطرهم/ تالي)


من حمل ضعنهم وانه بالباب
اعاين حملو ذولاك الاحباب
كلبي ملجم ومصوب اصواب

(وعافوني بالدار/بوحدي)

اعاين عالاهل كلهم مرحلين
اصدن لنزل وبدمعت العين
صحت ارجع لي يمسافرلحين

(وبعيده ودروبه/عليه )


ما واحد بقه بالدار وياي
يردفجتهم لي ويترسه عيناي
ويسولف سوالف يكعد حذاي

(ويصبركلبي/بوناته)


مشوعني لحبهم صاروابعيد
ضل كلبي يناطر رده ويريد
ولا يرضه ينام لليل ويهيد

(من يوم لراحو/مهظومه)


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ السبت2025/6/28
٢محرم/ سنة هجري ١٤٤٧نسالكم
الدعاءلي ولوالدي🙏🙏 اللهم عجل
لوليك الفرج 🙏🙏



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:15

نهاية عزاء حماسية سريعة

نهاية كل نص رباط على لحن داسته الخياله

#جديد_حصريآ 🔥🔥

اجينــه اليوم / وي الزهره لطامه
على المذبوح ابنها الرضو اعظامه

•───✧◐◐✧───•

انه وياچ خلي نسوي تعــزيّه
نتكابل سوه بلطمه حماسيه
نصيح احا ويه زينب العلويه
نواسي ام الحسن واندك عله الهامه

واندك عله الهامه / واندك عله الهامه
نواسي ام الحسن واندك عله الهامه

•───✧◐◐✧───•

لتفترين حيل اللطمه شديهــا
محلاته اللطم كله اعله اهاليها
وكلمن لاطمه الزهره تجازيهــا
شهرين العزه ويخلصن ايامــه
ويخلصن ايامه / ويخلصن ايامه
شهرين العزه ويخلصن ايامــه

•───✧◐◐✧───•

تخلص هلعزيه وانتي ماجوره
وفيتي بلطمتج هاي مشكوره
كل لطمه وعزيه هناك مذخوره
واسمچ ينكتب لحسين خدامـه

لحسين خدامه / لحسين خدامه
واسمچ ينكتب لحسين خدامــه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:15

*فزاعيه لفاطمه العليله(ع)*
*((من ديوان📚 عبرات وأنين الجزء الثاني))*
❥━──➸➽❥❂❥━──➸➽❥❂
ظلت وحيده بالنزل
بت حسين  حزنانه
❥━──➸➽❥❂❥━──➸➽❥❂
ظلت تدير عيونهه
بلكي الأهل يلفونهه
ويا النسه يجيبونهه
ومنها الروح خلصانه
❥━──➸➽❥❂❥━──➸➽❥❂
حزينه وتون بدارها
وخافن يجي خطارها
يسألون عن أخبارها
وبعدك وين منوانه
❥━──➸➽❥❂❥━──➸➽❥❂
ظلت تون و تنتحب
عگب الاهل حيلي تعب 
وهاليوم مدمعها يصب
واعله الاهل لهفانه
❥━──➸➽❥❂❥━──➸➽❥❂
تريد الاهل يمها تظل
وتصيح اه يابو الفضل
فراگ الاهل ماينحمل
ومنه الروح نحلانه
❥━──➸➽❥❂❥━──➸➽❥❂
بچاني افراگ اخوتي
وبيا بحال زينب عمتي
وهموم گلبي تجلي
لو شفته يمشي ويانه
❥━──➸➽❥❂❥━──➸➽❥❂
يعينچ الله عالجره
وحدچ بگيتي محيره
وشصار بيه وما درة
و تولته  عدوانه
❥━──➸➽❥❂❥━──➸➽❥❂
*بقلم🖊خادمة الحسين*
*العلويه مريم النور*
*نسألكم الدعاء الفاتحه الى روح اختي وﻷمواتكم:🍃*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:14

*من ديوان 📚 مسير الفواطم لإرض المظالم الجزء الاول*
*نعي للعليلة عليها السلام*
❥━──➸➽❥❂❥━──➸➽❥❂
اريد اعزاز گلبي الدللوني
راحوا للمنيه و ماخذوني
لفراگهم لعمي عيوني
❥━──➸➽❥❂❥━──➸➽❥❂
لفراگهم لعميچ ياعين
موتي يروحي المن تونين
بالدمعه والحسره تظلين
❥━──➸➽❥❂❥━──➸➽❥❂
المن عايشه ياروحي موتي
الراحوا بعد ميسمعون صوتي
و لاطارش اجاني من اخوتي
❥━──➸➽❥❂❥━──➸➽❥❂
لاطارش اجاني من الاحباب
لا منهم خبر لادگوا الباب
والدمع على الخدين سچاب
❥━──➸➽❥❂❥━──➸➽❥❂
دمعي يظل يجري اعله خدي
عليله ولا خوان عندي
ظليت اون بالدار وحدي
❥━──➸➽❥❂❥━──➸➽❥❂
بالدار وحدي بگيت بالنوح
ابچي لحد ماتطلع الروح
وفراگ الاودهم زاد الجروح
❥━──➸➽❥❂❥━──➸➽❥❂
جروحي زادت عالاودهم
طيبين مااحمل فگدهم
ريت الزمن ليه يردهم
❥━──➸➽❥❂❥━──➸➽❥❂
ريت الزمان يعود بيهم
مشتاگة والله اسمع حچيهم
لو اگدر بروحي اشتريهم
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولإمواتكم:*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:13

ياعلي مدد يامهدي سند:
قصيده لفقد الاهل اهديها لمولاتي العليله ولسيدتي زينب عليها السلام
****


شگد تمنیت
لو یرد بیه الوگت لدیارنا
شگد تمنيت
.ترجع المه بنزلنه ودارنا.
اه یا ديران اهلنه
اه دور الدلال..
اه یاذولاك  اهلنه
کلهم  رویحت حلال..



من بعاود بیه فکری وصفن ابهلی الگضو.
تدمع عیونی علیهم  اخذو الراحه ومشو..
کل حلو ویاهم دفنه اهلي البعینی حلو.
چانت الدعوه مجابه من حلگهم لودعو .
ابد ماگطعو رحمهم ابد ماگطعو وصال
اه يا ذولاك اهلنه كلهم رويحت خلال . .

البخت من عدهم وبس چانت تشور هلی..
ولیغثهم حیل ینغث وبختهم یبتلی.
لو یحلفون ابهلهم کل مصیبه تنجلی ..
وترچف ایدینه البيهم يحلف وداعت علي..
گلوبهم مثل السواگی تبع اعذوبه وزلال..
اه یاذولاك اهلنه كلهم رويحت حلال .

چانت الکلمه چبیره تعنی ناموس وعرض ..
ولی مایحفظ چلمته یعنی ما صله فرض.
عدهم ارواح الاوادم اغله من مال الارض.
شگد چبیره اگلوب اهلنه فراكهم حيلي يرض.
ماترد وسفه اليالي صارت بعيده ومحال.
اه ياذولاك اهلنه كلهم رويجت حلال

راحت اسوالف لذيذه بعد ما منها تجي.
بعد الحنان  الي شالو من حياتي شرتجي..
من تضكني الدنيه بالهم جنت احن ليهم التجي ..
امشي وتعنه المكابر اچفی دمعاتی وجي .
الي جانو يمنه وسفه دروبهم صارت طوال ..
اه ياذولاك اهلنه كلهم رويحت حلال


عودي يادنيه بهلنه لو فرد ساعة زمن.
خلي نكعد مره يمهم نشبع الراحو حضن.
بقت بنفوس التحبهم لوعه مدفونه دفن.
جنه واحدنه حمامه فاكد العش والوطن .

اهلي یانسمات تحیی اهلی یاریح الشمال .
اه یآ ذولاك اهلنه كلهم رويحت حلال

ناعيه الخيام
ام فاطمة الوهراء ✍✍


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 22:11

*وصيه ام البنين للعباس*
____

ياعباس شد حيلك للحسين
حط بعداك يوليدي النياشين

ادري بيك ماضي مثل السهام
مغوار وسبع عينك فلاتنام
وبسوح الحرب هيهات تنظام
يانبض الكلب ياكحلة العين/


يامالك  اركاب  وفاني الجيوش
تحصد بزلم وبسيفك تحوش
ياندبت عمامك يابو مريوش
لك يوم الوغه تشهد ميادين/

مايحتاج اوصي راشد الراي
يماي العين يوليدي يرواي
سميتك كفيل وساكي الماي
ادري بيك جفك ماي المعين/


ياطود المفاخر والكرامات
ابي الظيم ماتركعله هيهات
تربيتي وعرفك بالمهمات
يا تعب المتن ياظيم السنين/

شايل راس امك وفتخر بيك
عالخوان مايحتاج اوصيك
بس ثوب الكرامه لايك عليك
يبو جف الذي يلاوي الملايين/

عباس انا سميتك يمهيوب
ادري بالحروب اتوكف الكلوب
تحصد بالعساكر مثل الهبوب
ركع روسهم ذوله الملاعيين/

*ناعيه الحيام*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:52

لطمية حال ام البنين عليها السلام بعد وداع الامام الحسين وعياله سلام الله عليهم ورحيلهم الى كربلاء (( ودعتني وحملت ))


ودعتني وحملت يوليدي
ردت اروح اوياك ماصح بيدي


ردت اروح اوياك لاچن مارحت
من وداعك گلبي يوجعني صحت
بالنزل ضليت انوح وفرفحت
ماگلت بسچ مناحه وهيدي
ودعتني وحملت يوليدي


بسچ اونين ومناحه ماگلت
بالنزل خليتني شحالي وشلت
مارحت وياك گوه اتحملت
حيل مابيه عفتني اوحيدي
ودعتني وحملت يوليدي


حيل مابيه عفتني بمنزلك
انتضر منك خبر واتاملك
فدوه فدوه الاربعه يروحون الك
كون تسلم ياهلالي وعيدي
ودعتني وحملت يوليدي


كون بس ترجع عدل يهلالي
فدوه فدوه ايروحلك كل غالي
صار حال الضيم بعدك حالي
غير حزني والعتب مابيدي
ودعتني وحملت يوليدي


للحزن ضليت واجهر بالعتاب
ياعزيز الروح ياسيد الشباب
خاف اخوتك طايحين اعله التراب
وعالشريعه اتصيح وين عضيدي
ودعتني وحملت يوليدي


چنك اشوفك عالنهر واگف تصيح
گوم ياعباس خويه ولاتطيح
اشلون يرتاح ويعن گلبي الجريح
كون ميته وتحضر امواعيدي
ودعتني وحملت يوليدي


الموت مر وارحم امن اغيابك
وين وداك الدهر ماجابك
تهمل عيوني وتصد البابك
يادموع العين اگولن زيدي
ودعتني وحملت يوليدي



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:52

قصة قصيدة

#الشاعرة_العلوية_فضيلة_الموسوي

عن حال مولاتنا العليلة سلام الله عليها وهي تخاطب اباها الحسين وتتوسل اليه ليترك لها اخاها عبدالله الرضيع تتسلى به


يالناوي عالروحة  ومحمل العيلة
خليلــي عبدالله    باللـيل اناغيلة

✧ــــــــــــــ ✦◈ ✦◈✦ ــــــــــــ✧

يابويه يالشايل واخواني ماخذهم
ومحضر الاضعان وعيوني تنظرهم
تاخــذ نظر عينــي شوفة محاملهم

متعودة روحي.    طـــفلك ألوليله

✧ــــــــــــــ ✦◈ ✦◈✦ ــــــــــــ✧

تــدريني مااكــدر ماشوف ضـحكاته
من گلبي صوته يزيل يابوية وجعاته
وتــرد عليــة الحيـــل يالغالي نظراته

يبقى يسليني     وهمومي اشكيله

✧ــــــــــــــ ✦◈ ✦◈✦ ــــــــــــ✧

گللهـــا يـــافاطم الزغــير مايصبر
من دون والــدته بلــياها مـايگدر
بس نوصل اهناكه يرجعلج الاكبر

گلبي تمردينه.    بعتبج يالعليلة

✧ــــــــــــــ ✦◈ ✦◈✦ ــــــــــــ✧

لزمــت بخوها وحيل بالركبة شمته
وگعدت وسط الضعون والدمع هلته
وكالــــت طلب يابوي ياريت نفذته

بيكم يذكرني     وعالفركه احجيله

✧ــــــــــــــ ✦◈ ✦◈✦ ــــــــــــ✧

من نومه فز الزغير ومفرفحه روحه
چنـــة يكل لحسين ويانه صعدوهه
مــــــتعود اعليهـــا لا لا تــــخلوهـه

فاطم عزيزتنه    متأذيه ونحيله

✧ــــــــــــــ ✦◈ ✦◈✦ ــــــــــــ✧

سار الضعن للموت وعيونها تباوع
ماجنها بيها الـروح حسيتها تنازع
مو بالجــسد يانـــاس دلالـها طالع

بالسفر وياهم.   يحرس مداليله

✧ــــــــــــــ ✦◈ ✦◈✦ ــــــــــــ✧


خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:51

نعي للعليله

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

هلـــي يـــاهلي يمـــته تـــردون
ضـلمــه نزولگم تعمـيلي آلعيون
گعدت بآبگم وآنخه آلي يمـرون

✧ــــــــــــــ ✦◈ ✦◈✦ ــــــــــــ✧

آريد آلي يــجي عنگم وآسـأله
وآگلـــه  فـــأرآگم  ربــآلي  عله
عجب ترضـون بتگم بآلمـــذله

✧ــــــــــــــ ✦◈ ✦◈✦ ــــــــــــ✧

يـــبويه حـــسـين يآمـن دللتــني
رضـتهآ مـروتگ تمـشـي وعفتني
مـريضـه مـآگلت يوم. آلي ترگتني

✧ــــــــــــــ ✦◈ ✦◈✦ ــــــــــــ✧

على آلحيطـآن آتوجه وآگومـن
ماضل حيل وعضامي يرجــفن
أصيحـن وينجــن يالماتنـشدن

✧ــــــــــــــ ✦◈ ✦◈✦ ــــــــــــ✧

اكضـــي اليــل كلـــه بالنــعاوي
على عزازي المشر دلالي خاوي
بيتـــك وحـــش يـالجان ضاوي

✧ــــــــــــــ ✦◈ ✦◈✦ ــــــــــــ✧

ديـــــرانكم جـــانت زهـــيه
وهسه صفت وحشه وخليه
وبــس الغـــراب يــــرد عليه

✧ــــــــــــــ ✦◈ ✦◈✦ ــــــــــــ✧

مريضــه وااريد اليكابلني
على حالي يحن ويناشدني
أبوي حسين جنه تبره مني

✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:51

قصيدة فزاعيه للعليله

#الشاعرة_العلوية_فضيلة_الموسوي

✧ــــــــــــــ ✦◈ ✦◈✦ ــــــــــــ✧

حكها تموت بت حسين. 
يـــــوم شـــــال والـــيها

✧ــــــــــــــ ✦◈ ✦◈✦ ــــــــــــ✧

عايفها زغيره شلون
متــغير وجـــها الون
عنها الكربلا يرحون. 
وبـــالديره مـــخليها

✧ــــــــــــــ ✦◈ ✦◈✦ ــــــــــــ✧

صاحت بويه تانيني
جا عدمن مخــليني
عجبه شلون ناسيني
والونــه أجــر بيــها

✧ــــــــــــــ ✦◈ ✦◈✦ ــــــــــــ✧

بذياله تجر ضلت.
بويه عضامي نهدت
علتي والمرض زادت
يوم السار حاديها

✧ــــــــــــــ ✦◈ ✦◈✦ ــــــــــــ✧

من انضركم تشيلون
.واللعيله سوه تحملون
  ولبنيتكم تخلون
. وهيه مرض كاضيها

✧ــــــــــــــ ✦◈ ✦◈✦ ــــــــــــ✧

كاممت توكف وتعثر.  
  لضعون الابو تنضر
صاحت صوت يمشكر
.   لبت حسين تانيهه

✧ــــــــــــــ ✦◈ ✦◈✦ ــــــــــــ✧

تره فرك الاهل يكتل
اه يحسين يمعدل
وسفه تعوفوني بالذل.
  بهالدنيا وبلاويها

✧ــــــــــــــ ✦◈ ✦◈✦ ــــــــــــ✧

وياكم ما خذيتوني
حملتو ونسيتوني
عليكم تعمه عيوني. 
وسفرتكم شتاليه

✧ــــــــــــــ ✦◈ ✦◈✦ ــــــــــــ✧

وبس واحد دخلولي
بس هل مرره سمعولي
لعبد الله درجعولي
جا روحي شيضل بيها

✧ــــــــــــــ ✦◈ ✦◈✦ ــــــــــــ✧

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:50

{قصيدة عن لسان العليلة }

#جديد_حصريآ🔥

#من_ديوان_أنتم_الوسيلة_الجزءالاول

✧ــــــــــــــ ✦◈ ✦◈✦ ــــــــــــ✧

اسأل باليـــمرون   باليرحون ويجون
ماشفتـو ضعن مر  بي شـبان يزهون

✧ــــــــــــــ ✦◈ ✦◈✦ ــــــــــــ✧


أطلع أنشد الناس محد شاف اهلي
دلالي أشتـــــعل  نار بالديران شلي
انطر هم يجوني ابوي حسين كلي
كلي يجيج عباس
والأكبـــر الفراس
بس ماكال يبطون   بس ماكال يبطون

✧ــــــــــــــ ✦◈ ✦◈✦ ــــــــــــ✧

يخلص كلبي بالنوح وارجع للمباني
مثل الطــير مذبوح ذابحني زماني
ماالـــكالي واحد يبشرني من اتاني
أرجع بـس حياطين
تبجي وياي لحسين
والديوان محزون والديوان محزون

✧ــــــــــــــ ✦◈ ✦◈✦ ــــــــــــ✧

شال وشال كلشي وراحت ذيج الايام
البيها جان يــكعد يمنه  علي وجسام
وعباس الصميدة الــبييه امعلگه الهام
عافوني بالديار
لاخــــوان لاجار
جايمته يعودون    جايمته يعودون

✧ــــــــــــــ ✦◈ ✦◈✦ ــــــــــــ✧

متمنية ولو يوم اصحــى وافتح العين
والگه بصفي كاعد ويسولفلي الحسين
يكلي بوية گــــــــعدي رديت الخواتين
مسحي دموع عينج
اهــــــلج جـــــــاينج
وكبالج يضحكون.    وكبالج يضحكون

✧ــــــــــــــ ✦◈ ✦◈✦ ــــــــــــ✧
تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:49

لطمية للعليلة عليها السلام ( هذا الواگف امنين )


بگلبي النار تسعر بيش اطفي النار
انشد عالنسوني ومالگيت اخبار
بيهم ذكراني من اجه الخطار
هاي الدار گال اوين راعي الدار


        ( النزلة )

اباب الدار ... هذا الواگف امنين
ذكرني بعمامي اوالدي حسين


خل ايروح لايوگف عله الباب
ذكرني بعمامي وكل الاحباب
يوجعني الگلب لو گلت غياب
لاحس لانفس بس الحياطين
( والدار امضيعه وحزنانه )


تون الدار ومضيعه زلمهه
چانت عاليه ويرف علمهه
هسه البين صوبهه وهدمهه
هدم دارنه وارواحنه البين
( والبين اسود ذني افعاله )


ٱحا يالبين والعمله العملهه
خله الدار ظلمه بغير اهلهه
روحي امهدمه وطاحت مثلهه
مدري اشعطلاهم صار شهرين
( وشعدهم ضلوا بالحومه )


مدري اشعطلاهم  بطوا كلش
بالدلال فرگاهم يفلش
وين الچان للخطار يفرش
ومن ابعيد يتلگه المجبلين
( وايعزب بيده الخطاره )


من ابعيد يستقبل اضيوفه
گلبي يريد ينطر وين اشوفه
هوه العافني وماردت اعوفه
الله اوياچ صاح ولاتزعلين
( ودعني الماريد اوداعه )


الله اوياچ گال وهاي هيه
المن ماخذچ للغاضريه
بيهه اسيوف وارماح ومنيه
وانتي امصاب واحد ماتحملين
( ياضيم اهناك تحملينه )


شتحملين بويه لو اخذتچ
خاف السوط يتلوه برگبتچ
اشبعي اوداع من عمچ وعمتچ
براض براض وني لاتموتين
( خليني امشي اوني ابهيده )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 17:49

#محرم_الحرام_1447هـ
#عاشوراء_الحسين
#اللهم_عجل_لوليك_الفرج
#لسان_حال مولاتي العليله
#نوحيه

يبوية وداعتك مابية فركاك ••
أروحن بالضعن خليني وياك••

يبوية وداعتك مهدود حيلي
أون مثل الطفل لو يجي ليلي
يا ريتك صدك تلفي وتجيلي
ميته بروحتك ما أكدر أنساك..

شيخلصه الليل وأنته بعيد عني
خلافك يالحنين يزيد وني
كلبي ينكسر لو رحت مني
عالدنيه العفه المابيها طرواك..

أدري بهل السفر ما ألك رجعه
وكسر أظلوعك النايم يسمعه
وملامح وجهك الحافر يضيعه
يذبحوك بحقد تتطشر أعضاك..

كل غايب يرد لهله ويشوفوه
وآنه غايبي من الماي حرموه
وبسهام ونبل ورماح ضربوه
عمت عين العطش يابوية أذاك..

عمت عين الوكت تبقى الحبيبة
الحره أم الخدر تصبح غريبة
بت حيدر علي وبنت النجيبه
تروح أميسره وبولية عداك..

ــــــــــــــــــــــــــــــــــــــ
تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 июня 2025 16:59

قصيدة ثقيله لفاطمة العليله

من ديوان العبرة الفاطمية جزء الاول

{ مستهل القصيدة }

اعتب علأهل ماينفع اعتاب
لا واحد يجيني اولا يدك باب
أهلي شالو بعيد
بقت بس المواعيد
لا واحد يجيني ولايدك باب

✫───⊹⊰⊹───✫

من يوم المشو ماردو احبابي
ماجاني خبر من اهلي واصحابي
وحيده وكاعده العصريه يم بابي
محد ينشد اعليه
ولا چن عدهم بنيه
هجروها المباني وزاد المصاب

✫───⊹⊰⊹───✫

عافوني وحيده وشالو بعيد
كلشي راح ضلت بس مواعيد
اه من الدهر من عندي شيريد
ماخذ مني أهلي
ظل الدمع يهلي
هم يرجع زماني ويه الأحباب

✫───⊹⊰⊹───✫

خلوني ومشو وانه عليلـــه
وابوي حسين اخذ وياه العيله
روحي من المرض صارت نحيله
اون ليلي ونهاري
وحشه اعليه داري
صفو كلهم هلي من البيت غياب

✫───⊹⊰⊹───✫

البيت ايريد ناسه الچانو ويانه
ويريد البنوه وامشيده اركانـه
كون العيله كلها اتصير جيرانه
كلهم شالو بعيد
البيت يريد ويريد
مترب هالنزل عاليه التراب

✫───⊹⊰⊹───✫

بيت الچان يزهي بالصناديد
صفه خالي ولا بي كل اجاويد
بس حيطان وانه حالي ميهيد
عشت بالدار وحدي
وابوي بدربه يحدي
وانه خلافهم بس دمعي سچاب

✫───⊹⊰⊹───✫

بقلم الشاعرة ام تحسين البصرة
غير مبري الذمة اليحذف اسم الشاعرة وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ