قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 10:21

ملاكاة للعباس طور الفواتح

#حصريا من الديوان 🔥🔥

#مواجع_الطف_الجزء_الخامس


تلوك اعليه املاكاة الفواتح
الصرخه تلوكله وكل النوايح
{ الضحه بروحه / ونيله }

•───✧◐◐✧───•

كومي وياي خلنلطم عراضات
لطمه معدله وياها هوسات
{ الشال الملعب / هوسيله }

•───✧◐◐✧───•

الملعب لاك لرجال الكلافات
ابو فاضل واخوته اهل المروات
{ الحومه بچفهم / شالوها }

•───✧◐◐✧───•

يحلاله اللطم عباس ابو الغيره
يستاهل عراضه بوسطة الديره
{ الكون يريده / ويبچي عليه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:20

فزاعيه لشجاعه العباس عليه السلام 🔥🤚#حماسيه


اشرد ياشمر عباس بالحومه
هذا ابن علي الشايعه اعلومه
ــــــــــــــــــــــــــــــــــــــــــــــــــ
اشرد ياشمر عباس اجه ليكم
هذا ابن السباع اليوم ينفيكم
الليله ابو الفضل طشر معانيكم

(ينفي الطف بكبره/هذا ابن الهيبه)
ــــــــــــــــــــــــــــــــــــــــــــــــــ
مصيبه من دخل عباس سواها
علاها الجثث اليوم علاها
ياروس العده بالسما خلاها

(بالحومه طشرها الروس)
ــــــــــــــــــــــــــــــــــــــــــــــــــ
صايل على العده عباس ياهيبه
لو طار العدو ابسيفه ويجيبه
هذا ابن اليهابه والنجيبه

(تربات القاده ابن البدويه)
ــــــــــــــــــــــــــــــــــــــــــــــــــ
هاي الربته حره وشريفه
لأجل حسين ربته العفيفه
لهذا اليوم جابته المنيفه

(جابته لهاي الليله)
ــــــــــــــــــــــــــــــــــــــــــــــــــ
البدويه ترا الربته معروفه
يهاي بالكرم يادوم موصوفه
خليتي الشهم ايضحي بجفوفه

(بجفوفه ضحه وليدج)
ــــــــــــــــــــــــــــــــــــــــــــــــــ
بقلم الشاعره والمصممه رتاج الحسينيه ✍️
لا أجيز حذف اسمي أو نسب القصيده ل اي احد

خصيمه ابا الفضل العباس 🤚🤚

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:20

ام جعفر:
فزاعيه سريعه حول ابا الفضل العباس.




الموت ماهمه الكفل.  بس همته المحزونه



طاح ويفكر بيهه
يخاف العده تاذيهه
من بعده توصل ليهه
ويدير لاخته عيونه



الموت ماهم كافلج
يخاف العده تدنه الج
وتشيل زينب محملج
ومايراضاش يدرونه


بجروحه ماهم الكفل
كل فكره ظل عله الحمل
ياهو اليشيله لو رحل
يخاف العده يشيلونه


صعبه عليه وثكيله
لو غير اديته اتشيله
ظعن العقيله اليله
غربه الذي يحدونه



الزينب يون وناته
وما فكر بطبراته
بس همته خياته
ون وتغير لونه


كله عله زينب نوحه
ويفدي لاخيته بروحه
عكبه تظل مجروحه
وتمشي بسبي الخاتونه

لخادمة الزهراء. العلويه ام جعفر
غير مبري الذمه من يحذف الاسمً وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:19

ام جعفر:
فزاعيه حول ابا الفضل العباس



صدك يا زين.  عم ابنك فكدناه

تخذنه وياك.  خن نتوداع وياه




صدك يحسين عم ابنك فكدته
وطايح عالشريعه وعيب جبته
تگلي اشلون بالله بيوم شفته
وسهم العين خويه وين صاباه



والله يعين حالك يا شفيه
وطايح جف عضيدك هل مسيه
يكون وياه تاخذنه المنيه
يهذه الدللانه وعيب ننساه


تخذنه وياك خلينه نشوفه
وندور الكفلنه وما نعوفه
انكله وين طاحن يا جفوفه
ومشتاكين كلش نكعد احذاه



انريد انجابله وبلكت يزتنه
ونكله الولي ابشيلت ظعنه
انجان يكول وتعذر حملنه
واحنه ابشاربك ونوب ننخاه


عم ابنك صدك مارد علينه
نظل ابلا محامي اشلون بينه
يكلهن راح كافلنه من ادينه
وظل فوك النهر مكطوعه يمناه



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:18

ام جعفر:
هوسات حول ابا الفضل العباس



گلبها اليوم اخوها وشاد احزامه
ويكطف روسهم بالسيف جدامه
كفو نعمين هذه الشايل الهامه

ومرفوعه//الهامه ابزوده



گالو كربله الطوفان طگاها
وكصر روسهه وطيح رواياها
اثاري كربله العباس جالاها

نازل بيهه/عباس وهد



نزل بيهه اخوها بأمر من عدهه
وروس اعداه سوه بالسيف جايبهه
هلا بخلفت علي بالزود حاصدهه


وجالاها//ابسيفه الكافل



مسرفن من نزل والضيج حل بيهه
مضهضب والعده بالموت كاضيهه
ياهو الغاثه وكل عطوه نافيهه

ومكلوبه//بجفه الدنيه

گلبها وجالهه واليوصل يكتله
وخذه جرف الشريعه وياهو يوصله
انه الكفل  زينب يا نهر گله

خلاها//الرايه ابحدهم


انطيني الماي گله يا نهر تسرع
نزل جرفه ابو فاضل بل زلم يشلع
نزل شاطي الفرات مضهضب مفرع

المهظومه//عطشانه يگول



يدري اخته تريد الماي عطشانه
وهادود الوفي ومسرفن اردانه
يا جيش اليرده وكلها حيرانه

ومحتاره//اشلون اترده



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:18

رباطات حماسيه حول ابا الفضل العباس



فوك الشريعه. طايحات اجفوفه

وغصبن علينه رايحين انعوفه


وتكول زينب ضيعيت الهيبه

ويا طحيت العباس ثاري انهيبه


ملفوف العلم. والعين مرميه

ومن صار الضهر ماكال بل جيه


جاليش رايح. وانه روحي اتريده

وياهو اليدللني. واكومن بيده


وشال ازماط زينب.مايردلهه

وكافل عكب اخوها بعد ماعدهه


البيرغ طاح وعيونه سهم بيهه

ويا جرح ابو فاضل حيل كاضيهه


اجفوف الدللني. اليوم مكطوعه

والله يعين روحي. الضايكه الوعه


وهم تدرون. زينب فاكده الزين

وضل بلا اخو من عكبه الحسين


منين الحيل ياعياس اجيبنه

وكون احزام فكدك زين اشدنه


فص عيني طفه. والروح هداها

والعشره ابو فاضل ليش شالاها


اخوي الزين. هذه اليوم فكديته

وخال ابني الحنين يعود حاجيته


اشلون اتعوفني. يا طيب الخوه

بعد ياهو اليشيل الضعن ياهوه


لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له او ياخذ مستهل ويكمل فزاعي عليه ج



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:17

قصيدة لبيرغ العباس 🚩🏴

{{ البيرغ ياسبع }}

البيرغ ياسبع بچفوفي هزيتـه
چن غيم ومطر والظايع لكيته

•───✧◐❤️‍🔥◐✧───•

مجرب بيرغك ينعكد بالشده
وبي شـاره يرد العايل لحـده
تنطي مراد كلمن شايله بزنده
{{ البيرغ باأسمك بي هيبه }}

•───✧◐❤️‍🔥◐✧───•

البيرغ يابو فاضل يرفع الراس
ولو شلنا بدينه نصيح عباس
يالكلك بطوله وبيك نوماس
{{ والبيرغ يشهد بفعاله }}

•───✧◐❤️‍🔥◐✧───•

نرفع بيرغـه بسابـع سمواات
بالمجلس يرف ويكضي حاجات
البيرغ بس نعكده بي مرادات
{{ الرايه بچفكم هزوها }}

•───✧◐❤️‍🔥◐✧───•

يحل كل مشكله عباس بچفوفه
الرايـه لاتـظل بيديـك ملفوفـه
هزها وشوف بيها امراد معروفه
{{ بس انـخو يحلها بچفه }}

•───✧◐❤️‍🔥◐✧───•

محلولـه الشدايد والنعم منـه
ابو الغيره شهم بالحاجه اكلفنه
الشده ماتضل بحسين احلفنه
{{ بثواب حسين وينطينه }}

•───✧◐❤️‍🔥◐✧───•

ناخيتك واريد الحاجه مكضيه
يبو فاضل بجاه اختك العلويه
تنطي مراد كلمن دزلي اوصيه
{{ تدعيلي يم كافل زينب }}

•───✧◐❤️‍🔥◐✧───•

#جديد2023


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج واجداده

القصيده كتبتها لطلب حاجة صديقتي الشاعرة المخلصه ام علي رضا الشريفي الحسيني



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:16

قصيدة للعباس عليه السلام

حصريآ من

#مواجع_الطف_الجزء_الأول

(سلام الله )


سلام الله على الكافل ابو الغيره
سلام الله على شيخ العشـــيرة

•───✧◐◐✧───•

على العباس اريد ابدي سلامـي
ولحسين الشهيد المات ضامي
وي طير الحمام ابعث غرامـي

سلام الله اعله وكفاته الچبيره
سلام الله على شيخ العشـيره


•───✧◐◐✧───•

سلامي للوفه الخوه بااصلهــا
فده اعيونه ويكول الروح كلها
افـديها لخيتـي وكـل اهـلهــا

سلام الله بااسمه ماتظل حيره
سلام الله على شيخ العشـيـره

•───✧◐◐✧───•

اسلــم والسلام يـرد عـليـه
افدي الروح لچفوفه السخيه
وسلامي للحسين ابن الزچيه

سلام الله على حسين ونصيره
سلام الله على شيخ العشــيره

•───✧◐◐✧───•

اسلم عالكفيل او عالعقيله
واريد بجاهم همي يزيلـــه
بس لمصابهم دمعي اسيله

سلام الله على الراحت اسيره
سلام الله على شيخ العشيره

•───✧◐◐✧───•

مجرب يابو فاضل بالشدايد
ميرد الأجه ويم بابه كاصــد
ياخذ حاجته من چفوفه رايد

سلام الله على الحدد مصيره
سلام الله على شيخ العشيره

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

🚫لايجوز حذف براء الذمه من القصيدة

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:16

فزاعيه  او نزله  للانصار ع

الحومه اليوم  صارت ضغبره شبيها
أنصار  حسين  كالو   هدو  عليها
............
شبيها  اليوم  ياهالناس مرجونه
اليوم  الحر  نزلها  ولعبت فنونه
والميدان  لون احمر كلب  لونه
زعلانه  العقيله  وراد   يرضيها
..........
طب ليها الرياحي وصاح هذا انه
ذب حتى العمامه  ونزل   ميدانه
وصاح الروح دوم حسين رخصانه
هز كاع  المعاره  ونار شب بيها
.........
صار مسابك عله  الموت ينصاره 
والميدان  دخن  واشتعل   ناره
نزلو  فرد  نزله وصارت  الغاره
حزام  تحزمو  من طبو  عليها
........
هدو بالطفوف ورفعو الهامه
هدو وابن ضاهر ذب العمامه
صاح اليوم ساعتكم  يوهامه 
هاي  ارواحنه  لحسين نفديها
..........
اسباع  وخلو العدوان منكوبه
لن عابس نزلها وغدت مكلوبه
لاكه الكوم ملكه وشكك بثوبه
عابس وكفته   التاريخ  ارويها
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب المأسي الزينبيه الجزء الخامس عشر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:15

*حديث ونعي للإمام العباس (ع)*
*من ديوان📚 عبرات وأنين في رثاء قطيع الكفين الجزء٨ للشاعرة العلوية مريم النور*
❥━──➸➽❥❂❥━──➸➽❥❂
لما سقط الامام العباس على الأرض وفاضت روحه نادى الحسين (عليه السلام) يعز والله علي فراقك ثم بكى بكاء شديدا، فحمله على ظهر جواده، وأقبل به إلى الخيمة، وهو ويقول: ألان انكسر ظهري، وقلت حيلتي ويبكي و يكفكف دموعه بكمه، فلما رأوه مقبلا أتت إليه سكينة ولزمت عنان جواده وقالت : يا أبتاه ! هل لك علم بعمي العباس، فعندها بكى الحسين عليه السلام وقال : يا بنتاه ! إن عمك العباس قتل وبلغت روحه الجنان . واعباساه واعباساه واعباساه...
*نعي مجرد:🍃*
❥━──➸➽❥❂❥━──➸➽❥❂
يگلها يبويه طاح عمچ
راح اليزيح الحمل عنچ
وعليه كل دمعچ اونچ
❥━──➸➽❥❂❥━──➸➽❥❂
عليه كل دمعچ ودمعي
وني لعمچ بعد وانعي
من طاح چفه انكسر ضلعي
❥━──➸➽❥❂❥━──➸➽❥❂
انسكر ضلعي وعيني تجري
من شفت چفه انكسر ضهري
وسفه خذاك وخان دهري
❥━──➸➽❥❂❥━──➸➽❥❂
خويه خذاك الدهر مني
وعليك كل نوحي اوني
من شفت راسك خاب ضني
❥━──➸➽❥❂❥━──➸➽❥❂
ياخويه خابت كل ضنوني
وعليك اريد اعمي عيوني
ياريتها امگطعه امتوني
❥━──➸➽❥❂❥━──➸➽❥❂
*بقلم خادمة اهل البيت*
*الشاعره العلويه مريم النور*
*نسألكم الدعاء الفاتحه الى روح اختي وﻷمواتكم:*🍃


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:56

فزاعية لأولاد مسلم عليهما السلام ( اليوم طاهر بالسجن )


واليوم طاهر بالسجن
ياهو اليروح يجيبه


ياهو اليگوم ايدوره
ومطبور سبع الگنطره
ومذبوح شبل الطاهره
ومخضوب بالدم شيبه


مخضوب شيبه بالدمه
وامصيبته اتهز السمه
طاهر اجدامه امهشمه
وطول عله امه الغيبه


طالت عله امه غيبته
من دورت ماشافته
كل غالي راح وفگدته
ماعدهه والي وهيبه


ماعدهه والي ولاضخر
اتصيح يمه ياطهر
خالك اموذر عالنهر
وگلبي كثر تعذيبه


گلبي كثر دولابه
والسجن سدوا بابه
خالك چبير امصابه
وكلساع اشوف امصيبه


كلساع اشوفن فاجعه
ضليت بالطف ضايعه
خالك اچقوفه امگطعه
ماگام ليث النيبه


ماگام صگار الزلم
طاحن اچفوفه والعلم
شيصير گلبي الياالم
مكسور مابي طيبه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:55

لطمية لأولاد مسلم عليهم السلام ( بالظلمه تحبسونه )



طاهر ليش ... بالظلمه تحبسونه
ايريد يروح لمه وماتخلونه


فكوله السجن خلوه يرد لمه
مايكدر ينام يخاف بالظلمه
يبچي الليل كله ومحد يرحمه
من يبچي تضربونه ... طاهر ليش


طاهر ينضرب بالسوط من يبچي
وامه اعله المصايب ضلت اتوچي
امضيعه اوليدهه وشتگول وشتحچي
واخوها امگطعه متونه ... طاهر ليش


اخوها اعله الشريعه امكطعه اچتافه
حملي اتگول شيال الحمل عافه
طاهر ضاع مني ولاگعد شافه
اشلون يغمض عيونه ... طاهر ليش


اشلون يعوفني وينام مو طبعه
گطع حبل الكفاله الگال ماگطعه
صدع گلبي الولد من ضاع الف صدعه
ومدري اشلونه مالونه ... طاهر ليش


صار ابعيد عني ومادري بحاله
طلع مرعوب من هجمت الخياله
حيره اتحيرت بحسين واعياله
شفته اموذر بكونه ... طاهر ليش


بالميدان كل وذره بكتر شفته
اضل وياه مدري ارجع العايلته
گطعوا رگبته وداسوا بخاصرته
عدوانه شيطلبونه ... طاهر ليش


شتريد امن اخوي حسين عدوانه
مايرضون ادفنه وبات بمچانه
وطاهر ينرعب لو شاف سجانه
وكلساع ويرعبونه ... طاهر ليش



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:54

هوسات ندبة لأولاد مسلم عليهم السلام


الباب اولاد مسلم جيت عنايه
ادخيل ادخيل اصيحن واعگد الرايه
اعرفنهم نشامه وبيهم اكفايه
(( واليطلب منهم ينطونه ))


يگضون الحوائج مثل والدهم
يالرايد دوه تلگه الدوه عدهم
يرد فرحان متنومس الگاصدهم
(( والشده ابساع ايحلوها ))


يحلون الشدايد جربيناهم
ذوله اولاد مسلم موش تنساهم
اذا حملك تضعضع گوم وانخاهم
(( حملك بس ذوله يعدلونه ))


يعدلون الحمل لو مال عن متنك
بالكلفات محد يعتذر منك
ون الهم يشيعي واجهر بونك
(( صوتك من تبچي يسمعونه ))


اذكر يومهم وامصابهم وابچي
اشعندك من كلافه صيحهم واشچي
شگول اعله اليتامه احتار من احچي
(( حفاي وركضوا بالهيمه ))


ركضوا عالجمر حفاي مرعوبين
وامهم حايره بمصاب اخوها حسين
من حرگت گلبهه اتصيح رحتوا وين
(( بحسين ام طاهر مشدوهه ))



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:54

نعي  لاولاد  مسلم  ع عن لسان الوالده

الدهر  دومه  يهدمني  وانه ابني
اطالب بربه اوليدي   ولبني
كل غالي بكتر  امه   وانه  ابني
تفرهد  ياخلك من بين  اديه

ماطول اخونه موش موجود
صاحت  علينه الخلك فرهود
لزمو  الهيمه  المالهم  عود
..........
بينه الخلك فرهود  صاحت
مدري  ابناتك  وين راحت
وام  الولد  ونت   وناحت
........
الوالده    لوراح   ابنها
كولن شلون ايهيد ونها
ونات  المدلل   حننها
..........
يحني الظهر يايوم الاولاد
وكلب الفكدهم  بعد ماهاد
عونه  الولد يم عون ينراد
..........
لنها  تصيح  اتلاحكيني
ضيعت يازينب  جنيني
وياهو  العليهم  يدليني
..........

وين  التجي لوجلجل اليل
وشلون اطر الزلم  والخيل
مني ومنج   راكد  الحيل
..........
نحشم  بهلنه   مايكعدون
ضنهم  بنومتهم   يطولون
ضيم عله اختهم عيب يدرون
..........

نعي  لاولاد مسلم ع

ياولد جن حسك ندهني
اسمع مناده  يصيح يمي
يريتج  حضرتي اليوم يمي
.........
فزيت من نومي  نحيله
حتى الهدم  مابيه  اشيله
ونيت  والونه   ثجيله
..........
شيهود الكلب وتنام العيون
وكلب الحنينه ايهود شلون
ردو عله امكم موش تبطون
..........
امك كاعده وكل عين نامت
حزينه وروحه عالولد هامت
مفجوعه وتدك عالراس كامت
..........
عله دروبكم عيني ربيه
بكلي  الزمان ايحن عليه
طاهر يرد ويعود ليه
.........
تره الوالده ضلت بونها
لاهادت  ولا طبك جفنها
ماهي الحنينه تريد ابنها
.........
كاعده والعين تجري
وين الدهر وداك مدري
يريت الولي بالحال يدري
..........
ونيت ودموعي سجيبه
تدري بحال امك غريبه
طاهر عله امه من يجيبه
..........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء الخامس عشر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 00:16

فزاعيه او نزله للانصار ع

الحومه اليوم  صارت ضغبره شبيها
أنصار  حسين  كالو   هدو  عليها
............
شبيها اليوم ياهالناس مرجونه
اليوم الحر نزلها ولعبت فنونه
والميدان لون احمر كلب لونه
زعلانه العقيله وراد يرضيها
..........
طب ليها الرياحي وصاح هذا انه
ذب حتى العمامه ونزل ميدانه
وصاح الروح دوم حسين رخصانه
هز كاع المعاره ونار شب بيها
.........
صار مسابك عله الموت ينصاره
والميدان دخن واشتعل ناره
نزلو فرد نزله وصارت الغاره
حزام تحزمو من طبو عليها
........
هدو بالطفوف ورفعو الهامه
هدو وابن ضاهر ذب العمامه
صاح اليوم ساعتكم يوهامه
هاي ارواحنه لحسين نفديها
..........
اسباع وخلو العدوان منكوبه
لن عابس نزلها وغدت مكلوبه
لاكه الكوم ملكه وشكك بثوبه
عابس وكفته التاريخ ارويها
.........


ام زينب كربلاء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 10:20

قصيدة جنوبيه للعباس واخوانه

من ديوان #مواجع_الطف_الجزء_الأول


بدايتها نعي { قفلتها هوسه }

هله باأولاد حيدر من يهدون
يشمرون الجثث وعليها يمشون
اعداهم من مشيهم هل يرجفون
ولو دخلو حرايب مايخافون

{ صاح العباس }

صاح العباس حيهم يالنشامه
هله بخواني يالبيهم شهامــه

•───✧◐◐✧───•

يعبدالله ويجعفر عون خواني
حزام نصير لحسين اعله عدواني
حلوه لو فزعنه ونسند الثاني
{ ومتهمنه جيوش / الفزاعه }

•───✧◐◐✧───•

متهمنه الجيوش وهجمت الخيل
همتكم يخوتي بشدت الحيل
نسوي ساحة الميدان چن ليل
{ والكوم من الطف / نفنيها }

•───✧◐◐✧───•

نفني الكوم كلها لخاطر حسين
همتكم يخوتي نضحي للدين
ليهمكم الجيش الفزع صوبين
{ نمشي اعله الحك / ميهمونه }

•───✧◐◐✧───•

يعرفونــه اسباع اولاد نشميــه
من الخوله وعمام النسل حربيه
الزود البينه لم الوفه النشمية
{ امنه ام عباس / انحييها }

•───✧◐◐✧───•

نحييها ونكلها نحقق امنيتچ
اولادچ اسباع وهاي تربيتچ
مانرجع بعد وأنفذ اوصيتچ
{ اركاب انكص / لجل حسينچ }

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:20

هوسات للانصار


اليوم حسين هوسه ايريد لنصاره
عافوا دارهم واتعنوا الداره
كلمن شال سيفه ولزم بتاره
( ازلام الماتوا عالحگ     يسوون الهوسه )


يسوون اللطم والنوح والهوسات
بالميدان ماتوا مو عله اوسادات
واحنه اليوم شنگلهم يالمحبات
( ومشكورين انگلهم     ماقصرتوا وي حسين )


مابيكم اقصور ولاعليكم زود
ثلث تنعام من عدكم زلم واحيود
ابد ماينحذف تاريخكم موجود
( اهلن يالبيكم     زينب تتباها )


هله ومية هله ومرحبه بطاريكم
ياشجعان زينب تفتخر بيكم
اگبال حسين ذبيتوا چفافيكم
( حسين يزامط بيكم      عفيه الوهامه )



وگف وگفه اعله حيله وزامط الكفار
موت العز شهامه ولاركوب العار
ثوره حسين عنده وصاح ياثوار
( حسين بيوم الحشم     طحتوا گدامه )


واحد يسبگ الثاني عله الميدان
وبيكم يانشامه اتنومس العطشان
جنتكم عدن والنار للعدوان
( امبارك والف امبارك      بالفردوس امهنايين )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:19

ام جعفر:
فزاعيه حول ابا الفضل العباس




ولو مال الحمل. جا ياهو اندهنه

ندهته وما كعد.  عباس المچنه




اكله اكعد يخويه وما يحاجيني
اريدك بالعجل انته التوديني
ليش اتنام عينك يا بعد عيني
وكلب اختك كضه بل اه والونه



اندهنه ويكلي حيل ما بيه
اجفوفي مكطعه والعين معميه
ولا اكدر اكوم وعتبج عليه
حملج بعد زينب ما اشيلنه



ما شيل الحمل جفين ماعدي
ونتي الوحدج يابت علي ردي
بس يمي يخويه رايدج ظلي
وصوتج ناعيه يم راسي اريدنه



بعد ياهو الاندهه وياخذ ظعوني
وبدروب وسبي عباس ودوني
عليك وداعتك ما سكتت عيوني
بسكوت الدمع ياخويه اجرنه



لو مال الحمل ويريد شياله
ومحتاره شيرد فزعت الخياله
وين الگه الحنين الطالعه ابجاله
نايم عالشريعه وايست منه


لخادمةً الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:19

ام جعفر:
ام جعفر:
فزاعيه حول ابا الفضل العباس




ويم شريعه.   زامط الخياله

عفيه ابن ابوي  الطالعه انه ابجاله




يم شريعه واكف عله احدوده
والرايه من ام الخدر معكوده
هذه ابن ابوها الطشراها بزوده
وحته النهر من شاهده حياله

حياله//الماي الكافل



زامطهم العباس ما يدنونه
وخالس زلمهم ونعم بعيونه
هذه ابن ابوي السامعين افنونه
مهيوب اخوي وصطرته جتاله

صطراته/اطگ وتعور



ونعم بيه وصطرته معروفه
الموت بيهن من يطك اجفوفه
كلمن وصل عباس طاح بخوفه
والسيف بيده ومحد اتدناله

ولحدوده//يموت اليوصل



محد كرب عباس من نزلاها
والحومه كالت ياسبع جالاها
مثل الغنم هيج الزلم سواها
وتخاف من يخطف عليهه خياله

من خياله//الشافه يموت



هد وزلمهم كام يحصد بيهه
ومثل الهوه عباس من طب ليهه
شايل الرايه بهيبته واليهه
وزماط زينب نچل العياله

العياله//اتفر من عده



لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:18

ام جعفر:
ام جعفر:
فزاعيه او مربوعه حول ابا الفضل



عضيدك وين.  يا مهيوب حاجيني

وصوب العلكمي. بالله توديني




جاوين الكفيل وليش ماجبته
اظن فوك الشريعه الحيد ضيعته
مهظومه وتون اليوم حيل اخته
وتكول الكفلني لا يخليني



عضيدك طاح وسفه ومارجع لينه
مكسور الضهر من ردابو سكينه
وظل يم نهر عباس والينه
وانه عليه ابد مابطل ونيني



ليش وحيدتك رديت من عده
جاوين الكفلني وجايه بسده
اروح وياك صوبه وبلكت انرده
وخلافه بعد ياهو اليحاميني



يخط بجدامه اخوي وحالته حاله
وراجع عالخيم والخيل تبراله
وما جاب العلم مفكود شياله
ومن شفته يون كلش ياذيني



شفته مكدر وبس يجر وناته
مفرع رأسه خوي ويجري دمعاته
صاح بصوت طلعن كل اخياته
بعد شال الكفيل وشمعة اسنيني



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:17

📜 ابوذية وهوسات للعباس "عليه السلام"

ينار الهظم عالذرعان.....وجري
صب يانهر يم عباس.....وجري
اجرج ياالعقيله اليوم ....وجري
"عالعباس صاح حسين اخيه"
ـــــــــــــــــــــــــــــــــــــــ
وحگ چفك يخويه وضيعت الاولاد
يوميه ابدلـــيلي كــــــربله تــــنعاد
ماانسه الخيم گـــدامي حفنه ارماد
"هالموقف دووم ايبچينه"
ـــــــــــــــــــــــــــــــــــــــ
هالموقف اذكره وطاح دمعي ادموم
تضل صورت كفيلي بناظري لليوم
اركض للنهر وأركض على المظلوم
"عباس حسين امصوبينه"
ـــــــــــــــــــــــــــــــــــــــ
امصوب يا گلب شحچي ابهظم دنياي
روحي رادتك يالرحت صووب الماي
عطشانه وگلت صعبه اسولف هاي
"عن جف وماي امبدينه"
ـــــــــــــــــــــــــــــــــــــــ
روحي تروح خويه ابطاري الچفين
هدم حيــــلي عليه يوم رد حسين
عظيم اجرج يخويه طاحن الزندين

"هدم حيلي يكلي طاحت الرايه"
ـــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:17

قصيدة للعباس للحوائج

{ نزامط بيك }

انزامط بيك يالوكفاتك اهواي
يبو فاظل اجيت اليوم شچاي

•───✧◐✧───•

ازامط بيك وانت شايل الكلفه
اجيتك ياسبع متعني ابلهفه
والمعلول يم بابك يجي ويشفه
مترده الجايك / كصاده

•───✧◐✧───•

ياليث الحرب مترد التعناك
كل حاجه تحلها بزودك ويمناك
يمك جبنه كل حاجاتنه وجيناك
يم بابك جينه / عنايه

•───✧◐✧───•

ادري ماتقصر واعتنيتك جيت
ادك باب الكرم والعافيه طلبيت
كلت يمك اجي ولبابك تعنيت
ياباب الحاجه / ايسمونه

•───✧◐✧───•

ها يبن الأجواد الماترد طلاب
واليتعنه الك ياسيدي ماخاب
بكل شده نجيك ونوكف اعلباب
بس اندك بابك / تنطينه

•───✧◐✧───•

يالكلك كرم عزبت بچفوفك
كلمن معتني ماينسه معروفك
نرتاح بضريحك من نجي نطوفك
وممنونه / منك يالكافل

•───✧◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:16

قصيدة جنوبيه للعباس واخوانه

من ديوان #مواجع_الطف_الجزء_الأول


بدايتها نعي { قفلتها هوسه }

هله باأولاد حيدر من يهدون
يشمرون الجثث وعليها يمشون
اعداهم من مشيهم هل يرجفون
ولو دخلو حرايب مايخافون

{ صاح العباس }

صاح العباس حيهم يالنشامه
هله بخواني يالبيهم شهامــه

•───✧◐◐✧───•

يعبدالله ويجعفر عون خواني
حزام نصير لحسين اعله عدواني
حلوه لو فزعنه ونسند الثاني
{ ومتهمنه جيوش / الفزاعه }

•───✧◐◐✧───•

متهمنه الجيوش وهجمت الخيل
همتكم يخوتي بشدت الحيل
نسوي ساحة الميدان چن ليل
{ والكوم من الطف / نفنيها }

•───✧◐◐✧───•

نفني الكوم كلها لخاطر حسين
همتكم يخوتي نضحي للدين
ليهمكم الجيش الفزع صوبين
{ نمشي اعله الحك / ميهمونه }

•───✧◐◐✧───•

يعرفونــه اسباع اولاد نشميــه
من الخوله وعمام النسل حربيه
الزود البينه لم الوفه النشمية
{ امنه ام عباس / انحييها }

•───✧◐◐✧───•

نحييها ونكلها نحقق امنيتچ
اولادچ اسباع وهاي تربيتچ
مانرجع بعد وأنفذ اوصيتچ
{ اركاب انكص / لجل حسينچ }

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 09:15

فزاعيه مع هوسات للعباس(الطم عله الراس)
من ديوان مسير الفواطم ج٦
❥━──➸➽❥❂❥━──➸➽❥❂
اليوم محيره والطم عله الراس
نايم عالشريعه الگمر عباس
❥━──➸➽❥❂❥━──➸➽❥❂
نايم عالشريعه وعايف اخته
اخوي اليوم يا وسفه فگدته
اجيت مدوهنه يمه وندهته
(يا خويه اگعدلي وحاچيني)
❥━──➸➽❥❂❥━──➸➽❥❂
اگعد خويه عندي اعتاب وياك
تخلي اختك وحيده بولية اعداك
عطشانه وتون بعدك يتاماك
(اگعد يالكافل رويها)
❥━──➸➽❥❂❥━──➸➽❥❂
اگعد شوف اطفالك يجيدوم
محتاره وتندبك مو وكت نوم
كون الصوبك صاباني اليوم
(ياريت الصابك صاباني)
❥━──➸➽❥❂❥━──➸➽❥❂
ريت الصوبك صوب جبيني
وسهم الصاب عينك صاب عيني
ولاعشت الهظم وميسريني
(ما بين اعداكم محتاره)
❥━──➸➽❥❂❥━──➸➽❥❂
مابين الاعادي احتار وحدي
دمع عيني اكل عباس خدي
علئ امصابك اون وذاب چبدي
(وامهدم حيلي ودلالي)
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:56

لطمية لأولاد مسلم عليهم السلام على طور تخطت چم جسد ( اطفي المحترگ )


اطفي المحترگ لو ادور الضاع
نص اطفالكم ماتوا يالاسباع
احشمكم واريد الينهض ابساع
دمكم والجنايز تارسه الگاع
بالميدان كلهه ... امذبحه ونومه


كلهه امذبحه وكلهه مطاعين
وماكو اضلوع بصدور الشياهين
محد گال شمضيعه وتدورين
عفت النار تلهب بالصواوين
اصيح النار شبت ... من يطفيهه


بخيام الفواطم شبت النار
للهيمه طلعنه اكبار وازغار
مايدرون اخوتي شصار ماصار
دولبني وعماني اصوابهم حار
وطاهر راح مني ... وچمل اجروحي


طاهر راح مني وضيعيته
وماخليت واحد مانخيته
رحت لحسين وامگطع لگيته
وابو فاضل نساني ولانسيته
اشلون يعوفني ... واشلون ينساني


اشلون يعوفني ويعتذر مني
هوه الجابني وهوه الكفلني
هاك عيوني اگله وهاك متني
واگعد شوف چتالك شتمني
عدوانك سبوني ... وعالوا اعليه


سبوني الچانوا امن اسمك يخافون
اگعد ياكفيلي واگلب الكون
اشلون بهاي ترضه وتسكت اشلون
براس حسين عدوانك يهوسون
يعباس العمايم ... هوسوا بيهه



خصمك هوسوا بعمامة حسين
وگالوا بيش تحچين تزمطين
اهلچ عالثره اولدچ مساجين
اگعد يابطل واگلب الصوبين
وطاهر ياشفيه ... امن الحبس جيبه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:55

لطمية لأولاد مسلم عليهما السلام ( ضاعن وصلتين )


اليوم امن الگلب ... ضاعن وصلتين
وين انطي الوجه واموذر حسين


اثنين اوصال ضاعن من دليلي
وين انطي الوجه مهدوم حيلي
اخوي حسين مذبوح وكفيلي
وبالميدان ولياني مطاعين
اليوم امن الگلب ... ضاعن وصلتين


بالميدان ولياني ضحايه
اهمومي اهواي ويترسن عبايه
راحوا طاهر ومطهر سبايه
شمسوين بالظلمه مساجين
اليوم امن الگلب ... ضاعن وصلتين


شمسوين بالمحبس رموهم
عنهم مادره الريسان ابوهم
موش اسلام كفار الولوهم
مابيهم رحم كلهم ملاعين
اليوم امن الگلب ... ضاعن وصلتين


مابيهم رحم كفار كلهم
طاهر خل نرد لمنه يگلهم
ياعباس احشمك تفزع الهم
هاك اخذ الزند وعيوني الاثنين
اليوم امن الگلب ... ضاعن وصلتين


هاك اخذ الزند وعيوني ذني
ياعباس خويه ودور ابني
مصايب كربله اهواي وگضني
اون اخلافكم مابطل اونين
اليوم امن الگلب ... ضاعن وصلتين


اونن عالولد مدري عليكم
شتمني العدو وزلمطت بيكم
للميدان نص الليل اجيكم
محد گال شمضيعه وتدورين
اليوم امن الگلب ... ضاعن وصلتين


محد گال شتدورين يختي
نص الليل للحومه طلعتي
خله السوط نيشان برگبتي
وبضلوعي الدهر ناصب چوانين
اليوم امن الگلب ... ضاعن وصلتين



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:55

لطمية لأولاد مسلم عليهم السلام ( دنيه الليل )


دنيه الليل صارت ... وانتم ابعاد
چا ياهو اليدوركم يالاولاد


ادور وين وانشدمن عليكم
موذر خالكم مايدري بيكم
چا ليش العده امچتفين اديكم
ومن سوط النذل ماعدكم افاد
( لارحمه بگلبه ولاشيمه )


لاعنده رحم لاخاف ربه
يشيل السوط واليبچي يضربه
مصيبتكم تهد الحيل صعبه
ماضل حيل حيلي اخلافكم باد
( ماوچد ربي ولاشوفه )


لاعين البعد عندي ولاحيل
عليه التمن الهضمات والليل
اروحن وين واخواني مچاتيل
مفجوع الگلب لاعن ولاهاد
( چا گلبي يصير لياشوغه )


گلبي الياحزن يافاجعه يصير
فريتوا امن اديه فرت الطير
اعتب عالبطل ماعاتب الغير
اعتابي شفاد لاغزر ولافاد
( شو محد گام امن اعتابي )


محد گال بسچ لاتعتبين
نص الليل بالحومه شتدورين
مگطوع النحر وموذر حسين
اگبال المشرعه نايم الوراد
( واتعثر والطم عافوني )


اعثر بالجمر والطم عله الراس
وحسين انذبح وانطبر عباس
مايدرون بخيامي الشمر داس
وكلساع ويجينه الجيش هداد
( ماخلوا خيمه ولاوالي )


ماضلت زلم لاضلت اخيام
اشلون مسبيات انروح للشام
صحنه بصوت ماتگعد يضرغام
سيفك والچفوف اليوم تنراد
( واليوم اجفوفك ردناها )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 03:54

فزاعيه او مربوعه لاولاد مسلم ع

ضعيت الولد واهل الشيم نومه
الكافل عالنهر وحسين بالحومه
............
ضيعت الولد وينه اليدليني
نحيله والنوايب روحت عيني
يافركه الاهل بالكلب جاويني
اونن ياهلي ونت المهظومه
...........
اونن عالولد واروح خلصانه
والاولي تعنه وادور ويانه
مايدري الحنين بضيم بلوانه
اخته من مرار الضيم مهدومه
...........
هدمني الزمان وضيع اولادي
من هم العليه انمردت افادي
مايدري الحنين عله اخته اسادي
فر مني الولد والروح مندومه
.........
مندومه عله ابني الراح ماجاني
يايوم المدلل غير اللواني
انخه وحشمت كومو يخواني
اخاف اليل طاهر غير رسومه
..........
جاوين الولي وجاوين هداته
مايدري الحنين بضيم اخياته
موذر مادرن بيه المضيعاته
طاهر بالمسيب سالت دمومه

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء الثالث والعشرين

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 00:16

فزاعيه لاولاد ام البنين ع

حله الميدان بس الكم يخياله
وزينب زامطت بيكم يعياله
...................
اولاد ام البنين بيوم نزلوها
ماجت كربله وتروج خلوها
كيعان الحرب برؤس فرشوها

(اكبال الحد دكو ثايه )
............
فزعو وبفزعهم رجو الحومه
محد كرب الها اليوم ملزومه
بيها اسباع واتوسط الجديومه

( البيرغ بيده وهزاها)
..............
يكوم الكابلت ردت وحيرانه
من عباس طبها وحشم خوانه
وبرؤس الزلم يشمر بذرعانه

(لخيام اخته ايشمر بيها )
...............
صاح بعون وبجعفر ينشميه
هزو يخوتي ساحه الحربيه
الهذا اليوم ربتكم البدويه

(يعظاي بزود اتعنوها )

...........
خلوها ترج يعظاي خلوها
اختكم ياربات الزود شيموها
الحومه عالجفتاف اليوم شيلوها

( الطف رايدكم فزعوله)

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء الاول


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

02 июля 2025 00:15

لطمية لأولاد مسلم عليهم السلام ( اليوم دربي )


نص الليل طرت بت علي الميدان
وتصيح بضعيف الصوت يالعطشان
اگعد شوف حيلي امهدم ونحلان
طاهر ضاع مني ولزمته العدوان


     ( اللطمية )


اليوم دربي ... امن الهضم ماشوفه
ضاع طاهر وانلزم بالكوفه


من مرار البين ماشوف الدرب
حالي يامظلوم بغيابك صعب
ليش عالتربان نايم بالحرب
الموت والتربان لختك عوفه
اليوم دربي ... امن الهضم ماشوفه


كون اليه الموت وانته اتضل عدل
گوه اجيتك واسحل بهدمي سحل
اسمع اعتابي وعذابي ولاتمل
دولباني اصوابكم شيروفه
اليوم دربي ... امن الهضم ماشوفه


دولباني اصوابكم شلايمه
بالبراري والصحاري هايمه
طايحه بشده ومصيبه وموزمه
وروحي ترجف عالولد ملهوفه
اليوم دربي ... امن الهضم ماشوفه


روحي تتراجف واطيحن لو گمت
وانوليت اخلافكم واتشتمت
وين عباس الشفيه حشمت
والكفلني امگطعات اچفوفه
اليوم دربي ... امن الهضم ماشوفه


طاح عباس الكفلني عالنهر
مااشوفن وانعميت امن السهر
سوط عدوانك عله امتوني انكسر
بالحرم واعيالكم مكلوفه
اليوم دربي ... امن الهضم ماشوفه


كلفيتوني بحرمكم يخوتي
ولاگعد واحد ينشف دمعتي
ضيعت عزي ودلالي وهيبتي
باچر امشي اميسره ومچتوفه
اليوم دربي ... امن الهضم ماشوفه


مااضل باچر واروح ميسره
اشلون اعوفنكم جنايز عالثره
والسلاسل والحبال امحضره
مجلس الملعون ترضه انطوفه
اليوم دربي ... امن الهضم ماشوفه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ