السلام عليكم ورحمة الله وبركاته
للتواصل مع الشاعر عباس الفياض على صفحة الفيس الشاعر عباس الفياض حول الحن اوطلب القصائد
اجت ساعه الدفعه وساعه العصره
علي بجــم جرح راح يودع الزهره
كلما يسمع الباب... يحس اضلوعه تنصاب
علي بجــم جرح راح يودع الزهره
..................................١
الباب انــــــــدكت وحيدر سمع ليها
وعيـــــنه تـــــكول فاطم لاتفتحيها
مشــت ليها الزجيه ومن مشت ليها
كـــــل دكـــــات كلبه تصيح عوفيها
اشلـون يكلها عنده وصيه ميكلها
المصيـبه والدموع بروحه يحملها
صعب ليودع احباب... يحس اضلوعه تنصاب
علي بجــم جرح راح يودع الزهره
............................... ٢
يحاجــي الباب حسره بونته ودمعه
عينــــــــج عله لزهره بساعه الدفعه
لـــو دفعـــوج لتـــرجعين عل بضعه
ادفـــعي اجفـــوفهم ابغيره لو فزعه
ردي جفوفهم يالباب دفعيها
ولـتردين عالزهره وتعصريها
ويناشد الهوه الهاب... يحس اضلوعه تنصاب
علي بجــم جرح راح يودع الزهره
................................٣
يحس كلبه ندفع ظل كامش ضلوعه
يهـــد لـــو مـــــايهد والفزعه ممنوعه
علـــي بـموقف صعب وتخيل دموعه
عـــدوانه عالروحه اليـــــوم مجموعه
الله يعيــــــــــن حيدر ساعة العصره
حس كسر الضلع ظل كامش الظهره
يون والدمع سجاب... يحس اضلوعه تنصاب
علي بجــم جرح راح يودع الزهره
................................٤
علـــي بحالة احراج وكل شعر شيب
يسمــــع للــــزجيه اشـــــلون تتعذب
لخاض اشكد حروب وحيله مايتعب
يحــس ظهره نكسر رئساً علي حدب
حدب حيله كله وعاين الفقار
لاانتــــــــه ولااني يكله انصار
شعر حيدر علي شاب... يحس اضلوعه تنصاب
علي بجــم جرح راح يودع الزهره
................................٥
يعــــــــاين عل سمه ويناشده بحزنه
مــــو رمـــــــــضان لا ليلة قدر عدنه
جـــنت انـــــخاك يارب سوه تاخذنه
كبـــر بـــصف كــــــبر ياريت تجمعنه
سوه ريت المنيه وكون من انموت
تابــــوت الزجيه ابصفه الي تابوت
العمر من روحه جن غاب.... يحس اضلوعه تنصاب
ابعلي بجــم جرح راح يودع الزهره
................................٦
اشلــــــــون أكدر بجفي عود اغسلهه
صـــــــــدك هي الزجيه بجفن شايلهه
الاهــــــي شلون فركة فاطمه احملهه
البـــــــــــاب اكبال عيني يعيد مقتلهه
اشلون اتحمل الفركة هجر غالي
وظلــــت ذكريات امصابه كبالي
ودمها فوك العتاب... يحس اضلوعه تنصاب
علي بجــم جرح راح يودع الزهره
الشاعر
عباس الفياض
فرح يوميه ينعاد *وصلنه العلي السجاد
احتفلنه بوالده وعمه *هل يوم الفرح يمه
وصلنه العلي الســـجاد
**************
فــــــرح يوميه نلكي وينثر عطوره (1)
اسئــــــل للكلــب يقـــرالك اسروره
وصلـــنه الزينــــة العـــــباد والنوره
القصــــيده والشعــــر بالمولد يزوره
بسروره الشعر يقره*** بمشاعر لمن يذكره
الصور محلاهه من رسمه***هل يوم الفرح يمه
وصلنه العلي الســـجاد
**************
يامـــحله الفــرح يامحله هل ميلاد (2)
كـــرة عيــــن ابــو السجاد بالسجاد
بعيـــــون الحسين الأمل ظل يزداد
جـــزء من الامامه اليوم هل الاعياد
حسين شكبر عيده *شايل ابنه بيده
كل شويه يشتمه*هل يوم الفرح يمه
وصلنه العلي الســـجاد
**************
عنــــــوان العشـــك للعشـــك ودينه (3)
الك يــــحسين هـل ليلـــــــه تهانينه
علــــي السجـــاد قنــــديل ويضوينه
رابـــــع حجـــه مـــن الخالـــق علينه
نور من الامامه *شع باحله ابتسامة
بعيده الشيعه ملتمه *هل يوم الفرح يمه
وصلنه العلي الســـجاد
**************
نور من العـــبادة اليـوم ضـوه الكون (4)
صلـــي عل نبي من عين اليحسدون
تشـــابه مـن علـــي لاكل علي يلكون
عـــل جـــده طلـــع يفتر عليجوعون
متعلم عل احسان***ابد ميعوف جوعان
توزع جفوفه بالنعمه *هل يوم الفرح يمه
وصلنه العلي الســـجاد
****************
أجه بـــشهر الفرح والفرح ماينقاس (5)
من بعد الحســــين ومـــولد العباس
نصــــر من كربله والغيرة والنوماس
حته بمـــــــــولد عنـــوان للاحساس
وراثه موهوايه *زغير بجفه رايه
تحير الفكر يم عزمه*هل يوم الفرح يمه
وصلنه العلي الســـجاد
**************
ماختم فـــرح بعد الفـــــرح يكـــــثر (6)
بعد جــــــم يوم ونادي علـــي الاكبر
جم كوكب عليـنه بهل شـــهر ازهـــر
واخــر نـــور نـــور المهـــدي يتنـــور
انتظار الكلب ملهوف *نور القائم يشوف
حبيبي منقذ الامه *هل يوم الفرح يمه
وصلنه العلي الســـجاد
الشاعر
عباس الفياض
مولود الحسين (عليه السلام)
سمعو بهذا الإعلان *عيد اتلاثه شعبان
نور وضوه الاكوان * مــولد الحسين
عيد اتــلاثــه شعبان
************
خـل نبــــــدي الفرح خل نعلن الأشواك (1)
ابعـــد ياحـــــزن ويـاك دمعـــــي فراك
المــــــولود الحُسَيْن اي والكمر مشتاك
مثــــل غايب بعـــــيد ونطـرته العشاك
مشتاك بضحكتي *أعلنه فرحتي
وردد ويه صفكتي *مولود الحسين
عيد اتــلاثــه شعبان
************
عشكي ويه الحسين بكل وقت موجود (2)
واليـــوم اسمعــــت ميــلاده هل مولود
اعتنيـت وشوكي ماكدرت تحده حدود
رضـه أهل البيت جان الغاية والمقصود
تعنيت ويه روحي *متناسي جروحي
ماموجود نوحي * مولود الحسين
عيد اتــلاثــه شعبان
************
ابنـــــــــور الحُســـــين اشـــــويه نتامل (3)
قــارن بالاعيــاد وشــــــوف ياهو اجمل
سلســــلة الكســاء بـــــــهل فــرح تكمل
والله الكل فــــــــــرحنه اليـــــوم يتقبل
اجتي اليوم الاعياد * تهني والفرح زاد
تقره بصوت الانشاد *مولود الحسين
عيد اتــلاثــه شعبان
************
خلونــــــــــي علـــه هوني اليوم اشتمه (4)
عطـــــــر مـــــــولوده نازل للبشر رحمه
شكــــــراً ياالاهــــي الفضـــل هل نـعمه
فـــرح لـــو حــــزن كل اوقاتي بالخدمه
كلبي هواية مسرور * يشم بهايه العطور
مسك لو ريحة بخور * مولود الحسين
عيد اتــلاثــه شعبان
************
جبـــــيره والحســــن اي كلــش الفرحه (5)
نـــور جــــــــديد هل عله الخلك صبحه
يعجــــــز كـل شعـــــر هل مولد يشرحه
تـــره هـــاي القصيــده من الشرح نفحه
نظرتنه بعيده * ماتكفي القصيده
الفراح لازم نزيده* مولودالحسين
عيد اتــلاثــه شعبان
************
مانهــــي العشــــك ماينتـــــــــهي بحبه (6)
هـــوه غيــر الحسـين الريــتي ماكـــربه
ولامــــــره نخــــيت الغـــيره لـوجـــربه
يـــم شــــباجه متعـــــود انه الطلــــــبه
يم كبته ندائي*** استجابات الدعائي
يم جفه عطائي *** مولود الحسين
عيد اتــلاثــه شعبان
الشاعر
عباس الفياض
خصمك اتمنه يشوفك بنكسار * وجبت ايام السجن كلها انتصار
تفنن بشن الحرب * لحضه ماعشت برعب
جبت ايام اسجن كلها انتصار
********
عن جهادك كون نحجي مو فقط عن غــربتك(1)
جان خصمك كله يرجف من تــــــطول نظرتك
اتمنه مره يشوف حزنك عله خدودك دمعتك
بنظرتك بس الشجاعه وماتدنك هامتك
نضرتك هيهات ابد لامستحيل*** انه عزه وانته ياخصمي الذليل
هيبه شخصك من تطب * لحضه ماعشت برعب
جبت ايام السجن كلها انتصار
**********
خططو بالـسجن تُــقهر بعد ماتجزع تعود (2)
شافو بك ســــجن ثوره ثابت اباشـجع صـمود
خافو جفــــوفك تحــــارب كيدوهن بالــكيود
وجانت اسلاحك صلاتك والدعاء جيش وجنود
اتصالك مستمر ويه السماء*** بين قران ومناجات ودعاء
عشك ربك بالكلب***لحضه ماعشت برعب
جبت ايام السجن كلها انتصار
******
حرب نفسيه بــــدوهه والـسجن خلوه ظلام (3)
كالو بوحشة الـــغربه قــلق يــسهر ماينام
جنه سجنك صار جنه وعايـش باجمل غرام
صار انيسك في غربتك ربك الباري السلام
رادو يشوفوك تبجي من الحزن*** صبرك البجه حقدهم بالسجن
رغم ايامك غرب * لحضه ماعشت برعب
جبت ايام السجن كلها انتصار
************
ماتمر لحضه بسكوتك انته عايش في غياب (4)
وماتفكر ولو نــــــظره تــفتح بالسجن باب
شما تطول المده يمك مايـشوفوك بعذاب
سنينك تعدهن عباده وتشكر بهذا الحساب
الدنيا مامطيها نظره من الامل* اتاني رحمة ربك بوقت الجل
ساير باجمل درب * لحضه ماعشت برعب
جبت ايام السجن كلها انتصار
*******
علمو بخيبت فشـلهم علمو انته المنتصر( 5)
قررو سمك يغالي وخلـصت ايام الصـــبر
حَسبو لو متت ربحو ذكـــرك يدفنه الكبر
الـــف عام وانته خالد همه مالهم ذكـــر
صار ذكر مدرسه وعبره وفكر
قصه ماينساها خـلدها الدهر
سجنك نشوفه صعب * لحضه ماعشت برعب
جبت ايام السجن كلها انتصار
*************
مامتت نشتم حــياتك من طب المرقدك (6)
ولسه بجفوفك عطايه وتكــــرم لي ناشدك
كرم ربنه المايرده هيجي كمنه نشاهدك
اكصد الموسى بن جعفر مايخيب مكصدك
الصاح يالكاظم اجيتك من بعيد
ابشر وطـــلب تكله شما تـــريد
الحزن كله ينشطب *** لحضه ماعشت برعب
الشاعر
عباس الفياض
قصيدة بحق الزهراء (عليها السلام)
خادمة فاطمه وكل صوتي بجـي
انه فضه وسمعو مني هل حجي
جم حزن جم لوعه بيه… جروحه هوايه الزجيه
انه فظه سمعو مني هل حجي
*********
جم مصاب كبــال عينــي بواقعة ام الحسـن(1)
محسن وصطره وعصره وضلع مكسور ومحن
كل الم ينعد مصيبه و كلهـــن بـساعه اجـن
جيــت اودعــها وشفـته تجي ومحضـر الجفن
تون حسرات وضـلع دفعات بــاب
مومصيبه زهره عده اجم مصاب
ليه جتي اجم منيه… جروحه هواي الزجيه
*************
اكعدت يمه وعيني تجري ونوح كل حسراته هم(2)
فضه كالت هــذا دمعــي لاتظـني من الـــم
ابجي اني لهل بيت ابجي طبره وابجي سم
ابجي جسم حسين دامي وجم ضلع منه نهشم
اه فضه انتظري بعدي جم عزاء
راح سولفلـج بـدمعــات البكــاء
بالدموع تصد عليه… جروحه هواي الزجيه
********
اول مصيـــبه عليكم راح من بـعدي تـمر(3)
راس حيــدر ابو الحمله ينطـبر ليلة قـــدر
الحسن وسط الطش جبده راح ينسم شكثر
حسين اه لوعــة مصابه نحره يكطع الشمر
وانه مويمهم وعيشن هل جروح
بالكبر وابقه عليهــم بس انــوح
كل مصاب تشرحه اليه… جروحه هواي الزجيه
*******
تخيلت هاي المصايب ورسمت يمهن صور(4)
وجرح رابع ضفت ليهن عـنه ماعـندج خبـر
جيش الحسين وعضيده الغيره عباس الكمر
سهم راح يصيب عينه جفوفه يم ماي النهر
مقتل الحامي الضعن صعب شكثر
حسين عل العباس ظهــره ينكســر
تقره قصة الغاضريه… جروحه هواي الزجيه
**********
اه يافضــه بدمعـــتي لـــوعه تنزف بالكلب (5)
زينب الدللهه ابوهه تمشــي اسـيـر وتضرب
عكب اخوه ليكفل اخته تصير زينب بالغرب
واليتامه تصيح عمه وتبجي كلــه من الرعب
اه يازينب بعينـــج جــــم الــــم
فراك اخوتج والسبي وحرك الخيم
تكلي مهضومه وسبيه… جروحه هواي الزجيه
خادم الحسين
عباس الفياض
قصيدة بحق الامام الحسن (عليه السلام)
ليلة اوداع... ليلة اوداع وجت ساعة منيتي
وينه عباس... رايــد اقرها اله هايه وصيتي
خويـه عوف الطشت وانسه جبدتي
اكعـــد اسمـــع يبو الغيره اوصيتي
خـــويه خـــويه
********************
خـويه يمي اقترب يمي ارد حضنك يالكفيل
عليـك ابونه شيل راسك كافي دمعات تسيل
يانفــــــــس شريان كلبي شما اوصفلك قليل
اشكد تحب حسين احبك يشهد الرب الجليل
نفس الحسين... نفس الحسين المحبه من انظرك
نفس الحسين... نفس الحسين المشاعر من احضنك
دوم يمــــك انــــي اشبــــح نظرتي
اكعـــد اسمـــع يبو الغيره اوصيتي
خـــويه خـــويه
********************
يوم طبــــــرة رأس ابونه وتذكر الذاك العزاء
الــــــوالي وصاك بوصيه وانته عينك بالبكاء
كلك الحــــــــــره العقليه بغيرتك يابو الوفاء
وانه هل ليله منيتـــــي عليك اعيداً هل نداء
اه يعباس... لاتظن هل ليله بوداعي مصيبه
اه يعباس... باجــر الوعه الصدك يم الغريبه
عل الغــــريبه اليلــــه تنزف دمعتي
اكعـــد اسمـــع يبو الغيره اوصيتي
خـــويه خـــويه
********************
خــويه يمي احسين اكرب وكعد بصف الكمر
خلي نذكرها ثورتك ونحجي ونسـولف صور
عيــــن يــــم اجفوف اخيك عين تنظر للنحر
مقتــــلي بعشــره محرم مااحس سبعه صفر
ياسهم ذاك... اتلث شعب عنده ويطيح بجبدك انته
ياسهم ذاك... بعين عباس الكمر توكع نبلته
فــــدوه جبــد الحسن الكم يخوتي
اكعـــد اسمـــع يبو الغيره اوصيتي
خـــويه خـــويه
********************
اي يعبــــــاس البطوله وجفك اسلاح النضال
القاســـــم ابذمتك يخويه تعلمه فنون القتال
كون من يدخل الحومه صولتك عنده المثال
يعوف عرسه يضحي دمه منيتي وتصبح منال
زفه بيدك... زفه بيدك للمنــــيه وقوي عزمه
زفه بيدك... زفه بيدك خلي حنته تصير دمه
حسيــن بيدك لبسه خويه اعمامتي
اكعـــد اسمـــع يبو الغيره اوصيتي
خـــويه خـــويه
********************
هاي الانـــــفاس الاخيره واقترب مني الاجل
بكربله وذيـــــــج المصارع عيني وياكم تظل
اكبالي جم جثه اشاهد جــم نحر منها نفصل
وزينــــب بشــــده وحيــده ودعت كل الاهل
خلص عمري...خلص عمري وروحي وياكم تسافر
خلص عمري... انه بالقاسم وجودي بيوم عاشر
عل خيـــــــــام اهات تبقه حسرتي
اكعـــد اسمـــع يبو الغيره اوصيتي
خـــويه خـــويه
الشاعر
عباس الفياض
قصيدة بحق السيدة رقيه (عليها السلام)
حنيتك مشتاكه هواي...بكد ماعطشانين الماي
احجي بحسره ... وانطر نظره
بكد ماعطشانين الماي **********************
اشتـــــــاك وحســـراتي ادور بـس عليك (1)
وعيــــوني المايسكت ونهه تسولف بيك
يابـــويه الغربه متعبتني ابحزني ابجيك
وصــفناتي اشكد رسمت وجهك وتانيك
موبيدي هواي من اشتاك...طفله ومامتعلمه فراك
هم وعبره... وانطر نظره
بكد ماعطشانين الماي **********************
حـرك خيـام وغربه جروحي ودمع ايتام (2)
وتوجــــعني هـواي وتاذيـــني هل الالام
ضـيم المـامر عـــله عـــيوني حته احلام
صعبه هوايه من انصيراحنه اسره الشام
ماضلت يابويه متون....كل لحظه وبينه يضربون
حزني شكثره... وانطر نظره
بكد ماعطشانين الماي
**********************
وانـــه بــــــكل المـر عليـــه تـــهل العـين (3)
اصــرخ مـــشتاكه وماترجع بويه حسين
هضمـوني هــوايه وضربوني اكصد وين
ابجــــي وكلـــــسا واحـــد كـلي لاتبجين
يمنعوني من اصرخ بجروحي...وياذوني من اندب يانوحي
كلبي بصبره...وانطر نظره
بكد ماعطشانين الماي
**********************
طول الــدرب وراسك يمي ويمشي وياي(4)
كــــل مااشتـاك انظـــر راسك هل مبجاي
اذكر تركض من جنت ابجي وتسرع جاي
بويـــه شبـــيج ارقيـــه تــــكلي ياعيناي
تسعر بعيوني اجم اه... طولك ماكدر انساه
تاذي الذاكره... وانطر نظره
بكد ماعطشانين الماي **********************
طيفـك مــــــر عليه وجاني وطف النوح (5)
وكتلك بــويه هـوايه بكلبي هم وجروح
من جابــولي الطـشت وشفتك يامذبوح
قررت ويــاك امـشي وارحل اخذ الروح
شوفك مشتاكه وتانيت... اشبكت المنحر وأنه ابجيت
عمري بحسره ... وانطر نظره
بكد ماعطشانين الماي
الشاعر
عباس الفياض
عباس الفياض:
عباس الفياض:
جسد فاكله روح
دموعي تهل جــروح***جـسـد فاركـله روح
انه ام البنـــــــــــين*** انه ام البنــــــــــين
******
دمعه عــيوني محــنه وعاطفــــه (1)
جروحي ماتلكه المواجعه شفــــه
فراك احـــبه ولي فارك يعرفـــــه
وصــارت دموعي رياح بعاصفــــه
عيــــوني ما تـــــنام *عاشــــــرت الظلام
انه ام البنـــــــــــين* انه ام البنــــــــــين
******
اتفــــارك كل ولدهه تنصــــــــدع (2)
تبقه بس ترسم صورهم بالـــدمع
انه مو عل اربعه ابجي وانفجـع
انه اصــيح حسين هسه بيا وضع
ضحــــــية الـــــولد***اريــــداً بـــــس يـرد
انه ام البنـــــــــــين*** انه ام البنــــــــــين
******
دار الحـسين اعــتنيه الذكـــــــرته (3)
وكل مكان اوكف اشوفاً صــــورته
الكـــي بنته بابــه كــــعد تانــــــته
شابــــكه هدومه وتـــشم بـريحـته
تسئـــــــلني بـشجن*** خــــبر عنــدج اظن
انه ام البنـــــــــــين*** انه ام البنــــــــــين
******
هاد بشـــريني اظن عندج خبــــــر (4)
رد ابويه حسين لو عمي الكمـــــــر
والله ساعه فـراكم عند شــــــــــهر
ودمعتي بعيني مثل مجره المـــطر
متت وحشه وغــرب*** فـــــــرح راد الكلب
انه ام البنـــــــــــين*** انه ام البنــــــــــين
******
عشنه انه وفاطمه نفــــس جـــرح (5)
نبجي عالمظلوم كل ليل وصــــبح
ولوعــة الالام جـــرح وبي مــــلح
راحـــت الاحبـــاب كلـه تــنذبــــح
بعد لا مانــــــــشوف*** بقـو بارض الطفوف
انه ام البنـــــــــــين*** انه ام البنــــــــــين
******
حـيل اشكبه وتهل دمعة العـــــين (6)
بيه اشتم ريحة الغالي الحــــسين
ومن صدره اســـــــمع اهات ونين
طفلـه ماشبعت مـــوده ولاحــنين
حضن والد تــــــريد*** والوالي بـــــــــعيد
انه ام البنـــــــــــين*** انه ام البنــــــــــين
الشاعر
عباس الفياض
الكبرج اليوم اعتنيت * قبل ماوصل بجيت
حاشه مترديني اكيد* انه جايج من بعي
ياشريفه ياشريفه
كالو اكصد يم شريفه ويمه ليصيبك عجب (1)
راح بالباب انته تلــكي قطع مكتوبه ببذهب
نشكــر العلــويه والله جـــــف مــارد الطلب
وجم عليل شوفه يضـحك عكب مامر بتعب
لجان تعبان وينوح * جفهج انطه الروحه روح
ليزورج رد سعيد * انه جايج من بعيد
ياشريفه ياشريفه
************
ســــــولفولي اشكد معاجز الج هنه تسجلن (2)
مجربه وباليد تطي مثل مايطي الحــــــسن
جــفوفه توزع هدايه عافيـه وصــحة بــدن الزاير اليكصده يــــصرخ والنعم كلهن كضن
عافيه اشكد بالجفوف * لعمه زارج رد يشوف
الامل يمج رد جديد* انه جايج من بعيد
ياشريفه ياشريفه
************
لجـاهج العالي مقامه بشوك ملهوف اعتنيت (3)
جنه كبرج شفتـه جنـه ومثل ما كـــالو لكيت
ياشريفه بجاه شانج ادعيـــت بارينه ونخيت
كاعد باب الحواج واني للــــــتكظيه اجيت
جفج يوصل الدعاء * يجيب من يرجع عطاء
جفج يترسه المجيد * انه جايج من بعيد
ياشريفه ياشريفه
************
حته بزيارتـج شفــها المــعاجز تــنذكـــر (4)
ومرقدج مستشفى اصبح عالج الام شكثر
اعتقد كد المعاجز واحتمل هــذا الامـــر
الميت يزورونه كبــرج يعدل وتطي عمر
بجاهج انتي المكرمات * ربج يردله الحياة
بجاهج يرد الفقيد* انه جايج من بعيد
ياشريفه ياشريفه
************
دمعة العاشر بخــدج عشـــتي لوعة كربلــه (5)
ويه ضعن السبي مشيتي رحتي ويه العايله
ياشريفه الدمـع يمــج عطـــفج انه اتوســله
وادري كل حاجاتي يمج عندج اكــبر منزلـه
حاشه تنسين النــخاج*** ويرد مسرور الجاج
عطفج اليوم انه اريد *** انه جايج من بعيد
ياشريفه ياشريفه
الشاعر
عباس الفياض
تبجي الايتام فـــكدت الليلة وليها
تبجي الايتام بعد ياهو يحن عليها
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*********************
وكفت باب الصـــميده والدمـع ينزل مطر (1)
سئلت بحالة تعجب صــدك والـدنه نـطبر
بقـت مفجـوعه بوليـه منتــــــيقنة للـخبر
صدك حيدر مانشوفه وينحرم منه النظر
راعي الاســـــلام والله مانكدر نعوفه
راعي الاسلام خلي بس نظره نشوفه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
شلون لو رمضان يخلـــص وانته ياحيدر فقيد (2)
واحنه حسبنه نعيدك نلبــــس بجــــالك جديد
علي لتسافر يبـونه وعـــــــــنه لاترحل بـعـيـد
تدري بس انته النـــحبه وغير شخصك مانريد
كل الايام حزن راح تمر علينه
كل الايام نندبك حيـدر علينـه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
جفك اليمسح يتيمنه جفـــــك الوزع حنـان (3)
جرح راسك ريته بينه وعمـرك نشوفه بمان
بعد ياحضن اليلمنه عكب حضنك يا مكــان
بالم راح نعيش فكدك نبــــجي جرك بالاذان
علي الضرغام نفدي لمـــــــصابك عمرنه
علي الضرغام ياملنه ويااملنه ويافخرنه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
علي ماجنه يتــــــامــه بجالك نعيش بدلال (4)
تكرم الجايع تشبـــــــعه قبل ميكول السؤال
اتعرفك جفوفك الفقيره ماترد جف لامحال
لوبقه بس قوت يومك تكرمه باجمل خصال
عين متنام تسهر تباري الايتامه
عين متنام تدعي للامه السلامه
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
ياعلي رد بــــــــــويه النه لاتودعنه بجروح(5)
عكب عيـــــنك هل يتامه ياعلي المن تروح
كاعده ابابك تــــــــتاني تلطم وتجي وتنوح
تدعي تنهض بالسلامة وعمرك يظل الها روح
جفك تريد يمســح يظل بيتمها
جفك تريد لأن بس جفك يلمها
صفنت وترسم بقت بالذكريات
ماتريد المرتضئ يودع الحيــاة
تبجي الايتام فكدت الليله وليه
*******************
الشاعر
عباس الفياض
مناجات رمضانية
ماجات الدمع وياك... ربي ارحمنـــي ياقيوم
الاهي اغفر اذنوبي... واني المتــــجه للصوم
يارحمن يامنان ياديان ياسبحان
************
الاهي الباري وفقـني... عبادات بشهر رمضان
مناجات وصلاة تسبيح... وابد مافارك القرآن
اريد الطاعه بيامي * الاهي اتقبل اصيامي
يارحمن يامنان ياديان ياسبحان
**************
الاهي بشهـــرك الغالي...وانــي المتجهلك بي
كل ذنب احتوه بعمري...الاهي مسحه لتخلي
بجه كل عمري ودموعه * دعاء وجفه مرفوعه
يارحمن يامنان ياديان ياسبحان
**************
بشهر رمضان وفقني... دعاء الافتتــــاح اقره
وكل ليلة اردد بي..اريد اخشعله وابجي وياه
الاهي الطاعه وفقني*** دعاء ودمعة ارزقني
يارحمن يامنان ياديان ياسبحان
الشاعر
عباس الفياض
هذا قميص حسين الاشرف
انا انشـــــــــــرناهُ في الطف
وكل عام من يمر عاشور... وسط السمه تلكاه منشور
انا انشـــــــــــرناهُ في الطف
ــــــــــــــــــــــــــــــــــــــــــــــــــ
نوره عن الامام الصادق ويُنــــــقل
قميص حسين يُـنشر لو محرم هل
ويكــــِـطر بعده اضن ولسا ماوشل
بدماء حسين مـو بالماي اجه مبلل
وحتـه قميصة يوضح غاية
اشكد اجروح حسين هواية
انشوفه ابصر الحب والنور... بكل سمه تلكاه منشور
انا انشـــــــــــرناهُ في الطف
ــــــــــــــــــــــــــــــــــــــــــــــــــ
ملائكة الســـمه بالسمه من تنشره
تذكر طـــف الحسين وكطِع نحره
وجيبه وتــــسلمه الفاطمه الزهره
وانته تخــــيل الزهراء من تنظره
رغـــــــــــم مبلل يكطر دمه
تشبكه الــــــزهراء وتشتمه
وتصرخ يوليدي المنحور... بكل السمه تلكاه منشور
انا انشـــــــــــرناهُ في الطف
ــــــــــــــــــــــــــــــــــــــــــــــــــ
عمه يعقوب من شاف القميص احمر
رغـــــــم يعلم بيوسف مالفاه كل شر
ورغــم دم الكذب بس افجعه المنظر
جــــــا فاطم اشلون الحال ابو الاكبر
هذا قميصه تشوفه شحالة
امـــــزك من دوس الخيالة
وتنشد جم ضلع المكسور.... بكل السمه تلكاه منشور
انا انشـــــــــــرناهُ في الطف
ــــــــــــــــــــــــــــــــــــــــــــــــــ
من تشبك قميصه والحــــزن يبدي
تجي وتنطي القميص ادور للمهدي
ينــــــــــظرله ويصيح الثار ياجدي
منــــــتظر الامر والفرج بس عندي
مـــــــحضر مهدينه البتاره
ماينــــسه الموعود والثاره
ومن يظهر ابن المنصور... بكل السمه تلكاه منشور
انا انشـــــــــــرناهُ في الطف
ــــــــــــــــــــــــــــــــــــــــــــــــــ
المهدي بشهر حــــــــزنه ليله مينامه
يذكر جـــــــــــرح كلبه وكثرت الامه
وقميصه يوضح اشكد جانت سهامه
وكـــــل الطف يشوفه المهدي كدامه
العايش طف ودمعـــة عاشر
كلــسا حس بضلوعة الحافر
وجم صورة بصفناته ادور... بكل السمه تلكاه منشور
انا انشـــــــــــرناهُ في الطف
خادم الحسين
عباس الفياض
اشكيلك جــور الايام.. واسمع معصومة
يــبويه اجبيره الآلام.. واسمع معصومة
ياامـل كلي انتـظره***بعيوني تجري العبره
كلش مهظومه
***************
بسم كل دمعه عله خدي راح اكتب هل رساله (1)
لغريب لفكده نبـــــــــــجي لبو فارك كل عياله
لوحشه غربه وســجن اظلم مادرينه شنو حاله
دلالي كل لحظه يحن
الحالك يبويه البسجن
الليل الظلم من يـــجن.. دمعي باقي عله اتصاله
توصلك بويه الحسرات.. اقراها بدمعي
ولمن تجيــك الحسابات.. اقرها بدمعي
وجروحي لمن تقره*** بعيوني تجري العبره
كلش مهضومه
***************
يالغبت غيبه طويله يمـــــته ترجع بالسلامة (2)
واكعد بظلك واشــــــوفك ترد ليه الابتسامه
خاف ماترجع يبويه واكعد ابجي ويه ليتامه
فراكك يجوي بكل عظم
معصــومه ظلت بالهضم
وجــهي انجرح من الطم.. بيه تلكي اجم علامة
طولت الغيبه واتناك.. ماترجع ليه
وشوكت يبـويه الكاك.. ماترجع ليه
مشتاقه اشوفك مره***بعيوني تجري العبره
كلش مهضومه
****************
بعيد عن عيوني رســــمك صوتك احفظته بحنيني (3)
منعوا عليه الـــــــــزياره رايــــــــــده اشيلك ونيني
الك ارد احجي جــــــــروحي بالكت بحلمي تجيني
لجروح بس جـفك يلم
كل ليله انــطرك بالحلم
وبدمعي وجهك يرسم.. وصفنتك تسمع ونيني
حنيتك محتــــــاجه هواي.. تشبك دلالي
لشوفك اعطش مثل الماي.. تشبك دلالي
ارويني منك قطره***بعيوني تجري العبره
كلش مهضومه
****************
بقيت يم هجرك اعاني اشكد حزن واهات بيه (4)
اذكر بدمعي محرم والعلــــــــــــيله اتمر عليه
لن هم فكدت ابوه ويلي يــــــــــوم الغاضريه
تتشابه هـــــواي الصور
الفكدت ابو تضل بالقهر
يوميه منتــــــطره لخبر.. من صبح للمغربيه
لتناطــر وين الأخبار.. ماتسمع عنها
ماتدري شني الأعذار.. ماتسمع عنها
والبعد صار شكبره... بعيوني تجري العبره
كلش مهضومه
****************
جابت الاحلام رســــــمك عكب ماطالت المده(5)
شفتك مكيد يبـويه الكـــــيد بيدك لسه بعـده
وسجنك اظلم حيل كلش تلجم بغربته الوحده
شفتك وحيد بغربتك
وعليه تنظر دمعتك
تعنيت بويه الشبكتك.. حلمي فز والكيت فكده
حته الحلم المرني بطيف.. ماشابع منك
ليسير يمك بــــس ضيف.. ماشابع منك
مابقت بس لذكره ***بعيوني تجري العبره
كلش مهضومه
الشاعر
عباس الفياض
كل يوم اناظر نورك***مشتاكه عيني ازورك
روحي بخيال اطوفك*متمني اقبل اجفوفك
مشتاكه عيني ازورك
*************
مشتاكه اشوفك سيــدي والكلب لهفان (1)
مادري انته بياارض ماعــــندي عـنوان
ياالمنتظر يالقائم***اني بغرامك هايم
ارسم عشك بحروفك*متمني أقبل اجفوفك
مشتاكه عيني ازورك
*************
عاشرت أصحاب العشك والتحمل فراك (2)
صفــــنو بحالي تعجبو من عرفو اشتاك
ماشفته كالو نظره *كلت اعشكت عالفطره
الاخر نفس ماعوفك متمني اقبل اجفوفك
مشتاكه عيني ازورك
*************
اتعنه للسهله بعــــــشك وادخل مقامك (3)
ومن يقره دمعي زيارتك يسمع سلامك
وانتظر انه بشاره***بلكت تمر بزياره
عيد الفرح لو شوفك**متمني اقبل اجفوفك
مشتاكه عيني ازورك
*************
ارفع جــفوفي بكل فرض وأقره دعائي (4)
ياربي عجـــــــــــل بالفـــرج هذا ندائي
اسمك ورد بالساني***مائيست ومتاني
هيهات شوكي يعوفك***متمني اقبل اجفوفك
مشتاكه عيني ازورك
*************
شعبان من يمر فــــــرح جايب سعاده (5)
يتــــــــــــذكرك ياسيدي بنصه الولاده
بالكت يمر ميلادك***وياك نحي اعيادك
كلبي صبح ملهوفك***متمني أقبل اجفوفك
مشتاكه عيني ازورك
الشاعر
عباس الفياض
عيد الفرح بهاي الولاده * علي الكرار بشفافه السعاده
عايش اجمل احساس * شايل بيده عباس ******************
علي بـجفوفه شبـــله وعينه تتصور (1)
الكمر عباس يدري يشــبهه من يكبر
بطولات الشــجاعه بده يـــــــــتذكر
يدري بابو الغيـــــــــره كلهه تتــكرر
بصفناته رسم حيدرنه صوره * طب الكربله وعباس دوره
شبله بعزمه ينقاس * شايل بيده عباس
**************
علي ام البنين اكباله وتـــــــــــشوفه (2)
ميبوسه بوجنته يــــــبوسه بجفوفه
يكلهه ابنج كريم الكـــرم مـــوصوفه
يضحي جفوفه ذني وقصته معروفه
كريم الطف القبه الكرم والزود*** يضحي جفوفه ذني فدوه للجود جفوف الكرم تنباس*** شايل بيده عباس
************
يم عباس نضري وركــــــــزي ويايه (3)
عليمن شوفي عاين عــنده فد غايه
نظره السيفي ركز نـــــظره عل رايه
معناها يكـــــــلي الخـــــــدر بحمايه
بكماطه ويريد الرايه بيده * هذا ابنج فخر ينصر عضيده
اشيحمل غيره وحساس* شايل بيده عباس
**************
بطل من المــــــــهد وضحهه غاياته (4)
وباجر كربله تـــــــــــسولف بطولاته
نفس ضــرباتي بالفقار ضـــــــــرباته
ويحمل عــزمي غيره وزود حــملاته
ضمه المرتضى بلهفت غرامه * وعاينله الكمر باحلى ابتسامه
شبك حيل ابو النوماس* شايل بيده عباس
****************
بهـــل اثاء طبـت زينب وصـــاحت (5)
اشم ريحة الخوه من الكـمر فاحت
ركضت ليه وجتي ويـمه من راحت
عثرت بالــــدرب لاجنـــها ماطاحت
فزع من ايد ابوه عينه عليها * ومد جفه يريد اتمد اديها
زينب كل الانفاس * شايل بيده عباس
*****************
علي شاهد الـــموقف وابتسم ليها (6)
ونظر لم البنين ورد يــــــــحاجيها
كل انفاسه زينب هــــــــو يـحميها
ومن تعطش نهر بجـفوفه يرويهــا
حي الله شجاعة ابو فاضل*** الزينب والنعم من هسه كافل
يضحي جفوفه والراس*** شايل بيده عباس
*********
علي متسمر يشرح باابو الغيره اسرار (7)
لجن شوف الكمر والــموقف الي صار
من ايـد الصــــــميده الايـد زينب دار
لزم بجفــوفه جفــهه وعـــاين الكـرار
علي صاح وبعد شرد اني احاجيك** عمرك يوم والغيره بدت بيك وضعت الغيرتك ساس*** شايل بيده عباس
******************
زينب صاحت اهـلا ياكـــــفيلي اهـلن (8)
كل آلام عنــــــــــدي بــشوفتك راحن
لان ادري بجــــــــروحي وياك مايبقن
واشوف عيونك بنـــــــظراتي يتوضن
اخوي وكافلي وروحي ودليلي*** ومن شفتك كوه عباس حيلي
حصن يبعد الارجاس * شايل بيده عباس
******************
اي زينب افرحي وعيشي هل احساس (9)
بكفيلج افتــــخر ورفـــــع وياج الراس
انه ام البنين لجـــابت العبــــــــــــــاس
وبعد اتلاثه اجيب اعله الخيــم حراس
وياج الكمر ورايه بيده * عهد من هسه منطي للصميده
وسمعها علي النبراس* شايل بيده عباس
الشاعر
عباس الفياض
قبل المـــــدامع ماتــــهل العـــبره (1)
اترخص بهل تعــــــزيه من الزهره
ادري الطــــــم مايكفي لمن اقــره
والزهره مفجوعه هواي...تريد الذي يواسيهه
***************
يالكاظم الليله المصــــــايب يمك (2)
اصفن جرح من اوصل اني الهمك
عاشور كـــمت بهل الدموع اشتمك
جبيره شكثرها الآلام... المـــــن كمت تشكيهه
**************
لو يرجــع التاريخ يمـــــك لحضه (3)
اوصل السجــنك بالدموع اتوضه
جم منظر الحسرات راح اتحفظه
كيد وظلام واهات... سنين الصـــــبر كاظيهه
***************
قصتك اشلــــون الفاجعة تنسها (4)
ويلاه اصــــــرخ والــحزن ينعها
كل غربه لاكل الجـــــروح الكاها
بعيوني دمعات هواي... واجب عليك ابجيهه
***************
المسجون ينطـر اهله يمته تزوره (5)
العين التشـوف اعزاز اي مسروره
وانته بغربتـــــــك ماجتلك صوره
جم صورة عينك تشتاك... عيـنك تون عليهه
***************
تبجي المشاعر جم حزن يم عمرك (6)
تتأمل اشوفــــــــــك هلك تنتظرك
تاليها من سجــــــنك لفيت الكبرك
التاناك ترجع مولاي... شـــاف النـــعش تاليهه
***************
نعشك غريب ومو هلك لتشيـــــعه (7)
فوك الجسر والشيعه تجري الدمعة
مشتاكه شوفك مو نعش وتـــودعه
ويلاه اه يامسموم... ظلت تــــــــــــردد بيهه
الشاعر
عباس الفياض
عباس الفياض:
يايمه.. عمرج اكـــظيتي دمع
يايمه.. كله ايامـــج فــــجــع
يايمه.. رحتي مكسور الضلع
يايمه يايمه
*********
عمرج شــكده.. مو اجل بعــــــد.. والمـــنيه اخـــذت شبـابج (1)
والسبب عصره.. وضلعج وكسره.. جم جرح ينزف مصابج
اختنك عبــره.. يمه يزهره.. من تشوف عيونــــي بــابـــج
جم الم تحجي.. عيني لتبـــــجي.. هوايه وشكبره مصابج
بمصابج.. عصره بسمار وكـسر
بمصابج.. محسن وخد منـــسطر
بمصابج.. جم جرح وسط الـكبـر
يايمه يايمه
***************
كثرت اجروحي... فاركت روحي.. العمري اتمنه المنيه (2)
اصرخ بهــــمي..امي مو يمـــــي..ماتت الزهره الزجيه
زغيره والامـي .. بجت ايامــــــي.. اجبيره دمعاتي عليه
يمه مالومـــــــه ..والله مهضومه .. والحزن كل دمعه بيه
يازهراء..وارثه ادموع الحزن
يازهراء..ليلي ونـــهاري اون
يازهراء الشوفتج كلسا احـــن
يايمه يايمه
*****************
دنيه عشـــــــــتيه.. فرحه مابـــيه ..شكد بجت عل هادي عينج (3)
يــــــــــم اذكـــــر.. عينــج التسهر.. الليل كله اســــمع ونينج
وارثه دموعــــــج.. حزنج ونوحـــــج.. ابجي واذكـــر سنينج
عيوني ماغمضت ..شكد صور حفظت.. دمعج و نوحج حنينج
ايامي ..كل بس نوح وبـــــكاء
ايامي.. بكل وقت حزن وعزاء
ايامي.. من الضلع حـد كربلاء
يايمه يايمه
*********
كبرت سنيني ..بدمعي وونيني.. ابجي كل يوم المصيبه (4)
الزهره سموني.. بدمعة عيوني.. دمعي مثلج ظل نحيبه
ابليلة العاشـــــر.. والهجر باجر.. واني اذكرج يالحبيبه
حسين ودعته.. وصوتج اســـمعته.. شمي نحره يالغريبه
بالعاشر.. وحنه مر بينه الخطر
بالعاشر.. ارسم لبابج صـــــور
بالعاشــر.. جم ضلع يمه نكسر
يا يمه يايمه
انه مسبيه.. وجـــــم حزن بيه.. امصابج نذكره بــمشينه (5)
بالوعة العبره.. اذكــــر الســـطره.. عليـــج يزايد بجينه
من بواجيـــنه. مجلس اقرينه..الج يزهره الحــــــــــزينه
لماحضر طفيج.. يبجي ويذكرج.. يصيح يالزهره بونيـنه
ويانه.. مصابج بمشي الضعن
ويانه.. لوعتــج نــذكر محــن
ويانه.. يبجي ضلعج كل زمـن
يايمه يايمة
خادم الحسين
عباس الفياض
ودعتها الغاضريه... سافرت زينب سبيه
اجيت بزود عباس... مشيت بهظم الرجاس
*****************
قصة ادمــوعي طويلة مانشف مجره بحرها
ماكو جثه بيوم عاشر عيني ماشافت نحرها
حسيـــن لوعباس الأكبر كلها بدموع صورها
انه مجتوفه وسبيه وروحي ماعافت ذكرها
جم عزيز تذكره روحي...وابجي ماينكطع نوحي
اظل بهذا الاحساس... مشيت بهظم الرجاس
سافرت زينب سبيه
*****************
امزجت بين الصور كلها وقارنت طبتي وطلعت
بزود عباس ابو الغيره مدلله ومهيوبه طبتي
عله طول الدرب يمي يكلي يازينب عطشتي
اطلعت مسبيه وغريبه وابد ماوكفت دمعتي
اه يفراك ابو الغيره... خله حالي بالف حيره
وينك يبو النوماس... مشيت بهظم الرجاس
سافرت زينب سبيه
*****************
واني مابين الذكرته صافنه ومشبوحه عيني
جن يجي صياط عله متني زيد بدمعي ونيني
صحت وينك يابوفاضل يابعد عيني ويميني
ورمت امتوني يخويه وماكو واحد يحاميني
هذا حالي وهذا وضعي... ومانشف ياخويه دمعي
صعبه الدمعة تنقاس... مشيت بهظم الرجاس
سافرت زينب سبيه
*****************
هوايه اذتني العادي اشكف الصوط ويجيني
والايتـامه تلوذ بيه بخوفه تشبك كل حنيني
وجم رمح عيني تنظره وياه مايسكت ونيني
ساعة من سبي المواجع بكبر عمري وهم سنيني
اختنكت هوايه دمعتي ... اتسولف بحزني حسرتي
اجر بحسره الانفاس... مشيت بهظم الرجاس
سافرت زينب سبيه
*****************
زينـــب وتاريـــخ عمري كله لوعات ونوايب
ياسنــه المرت عليه وماشفت بيها المصايب
اصعب امصاب الجرحني تنظر الخدري الجانب
وسهم نظرات الشماته أشد من سهم الحرايب
اتاشر عليه العادي... وانه بنت النبي الهادي
تنظر دمعتي الناس... مشيت بهظم الرجاس
سافرت زينب سبيه
الشاعر
عباس الفياض
نزل تنصيب حيدر بالغدريه... بلاترشيح فايز ميه بالميه
رب العرش اصدر... يصير الوالي حيدر
بلا ترشيح فايز ميه بالميه
*****************
نــاده الـــــــنبي المختار كل البريه
رب الجــــلاله يـــريد حيدر وصيه
علي الغالي امير الكل يسمعوني... وتدرون بعلي اشكد كرة عيوني
جبرائيل بشر ... يصير الوالي حيدر
بلا ترشيح فايز ميه بالميه
*****************
كل شيعي ظل فرحان واليوم عيده
يــــبايع علــــــــي الكرار ويقبل يده
الــــف مبروك ياحيدر يوالينه
انته النعمه كلها النزلت علينه
ربنه العالي قرر ... يصير الوالي حيدر
بلا ترشيح فايز ميه بالميه
*****************
اليحـــب حيدر صاح يهتف شعاره
مــنصبك يابو حسين اجمل بشاره
يلحبك شفاعه ويغفر اذنوبي
علي ياحيدره بس انته محبوبي
كل الكون نور... يصير الوالي حيدر
بلا ترشيح فايز ميه بالميه
*****************
حـــيدر عشكنه وياك مالا نهاية
كلـــــما نصد عليك نلكه البداية
كل عاشك يصيح اسكت افكاري
حـــــبك مــــانعوفه يشهد الباري
حته العرش ازهر ... يصير الوالي حيدر
بلا ترشيح فايز ميه بالميه
الشاعر
عباس الفياض
عباس الفياض:
عباس الفياض:
الكه حضور ام حسين*** بكل مجلس ودمعة
وسئلت بضعة طها**** ام الكمر ويها
بكل مجلس ودمعة عين
****************
قاري بتعزيات الدمع تحضر الزهره هوايه
ما يخله مجلس منها ابد موجوده كل قرايه
بالي سؤال تعجبت واسئلت فكري ورايه
معقوله مجلس للسبط و ام الكمر ماجايه
تلطم الزهره عله الراس*** وماهيه عود ام عباس
بكل ولوعه تتعناها * ام الكمر ويها
بكل مجلس ودمعة عين
**************
جاني الجواب من الحزن وانه مخنوك بعبره
بلباب تكعد فاطمه كل مجلس من تحضره
وموجوده كل مجلس عزه ام البنين الحره
تكعد تون بالفاجعه بالباب يم الزهره
تكابله وتون بالروح*** وثنينهن حركه ونوح
الزهره ماتنسها * ام الكمر وياها
*************
مكابل الم كل فاجعه ودموعن راويها
واقعة عاشور الجرح يبجن مصايب بيها
كل وحده من تسمع نحر بالدمع يمغه عليها
الزهره تلطم عل ضلع وتلزم الحره اديها
تدري ضلع متشهم… وبروحها يظل يلجم
تبطل الطم ترجها… ام الكمر وياها
بكل مجلس ودمعة عين
****************
مجلس محرم تحضره تلطم وتبجي وتنعه
بس يوم واحد يختلف يكثر حزنها البضعه
بسبع محرم من يجي بلايه عزه منفجعه
وتصيح يم الاربعه جفوف الكمر متكطعه
وكلما تمر بقرايه *بجفوفه شد رايه
مصاب الكمر اذاها * ام الكمر وياها
بكل مجلس ودمعة عين
****************
ام البنين بكل عزه تحضر تهل مبجها
وبالعاشر المقتل بده وذكرت بشر من جاها
ينعه الحسين ومصرعه وبلغها عن ظنواها
صاحت حسين وفاطمه شبكت تبجي وياها
الزهره صاحت جفين*** والحره صاحت يحسين
بكل فاجعه مواسها * ام الكمر وياها
******************
يخلص المقتل والطم بس هن يبقن ييبجن
يروحن تشابه العزه من المشرعه يتوضن
يكرب الليل بطلعته وليلة دعش شيحسن
اثنين نفس الوقت زينب غريبة يصيحن
يتصورن حرك خيام*** وزينب تلم بالايتام
الزهره هل مبجاها ***ام الكمر وياها
بكل مجلس ودمعة عين
الشاعر
عباس الفياض
فرح فرح فرح ميـــلاده للحسن
****************
ابيــــت الانـــوار كمـــر هل ليله نزل
أجمل أخبــــار مبتسم وجــــه الأمل
رابـــــع أنـــوار انـولـــد نـــور اكتمل
يــــانبـــينـــه...كلـــنه اجــينه
الفرحه ويانه...الحسن مولانه
فرح فرح فرح ميـــلاده للحسن
****************
جـــف الاحســــان واكـف ابابه يدك
حتـــه رمضــان جايـب ويانه عشك
صـــاح الأذان هـــل فـــرح مايفترك
شوك حبنــــه... مـــن كلبـــــه
بالحسـن ناده... محله ميلاده
فرح فرح فرح ميــلاده للحسن
****************
ابهـــاي الافــراح حتـه جبريل ابتشر
والحســـن صـــاح انــولد بكـرم شهر
عطـــره قـــداح والكـــرم عنـده نهـر
كل قصـــــيدة... بيــها عيــده
عشـكي وياها... حبـي يقراها
فرح فرح فرح ميـــلاده للحسن
****************
فـــرحة أعيــاد يمنـه ممنوع الشجن
احـله ميـلاد هـذا مــــــولود الحسن
ناخــــــذ مـــراد والحـــوائج ينكظن
جفـــه يمــــنه... مـــاحــرمنه
كلشــي يطينه... جفنه مدينه
فرح فرح فرح ميــلاده للحسن
الشاعر
عباس الفياض
